Friday, December 30, 2011

30.12.2011 နေ့ဖတ်ရန်သတင်းများ

by Myanmar Journal on Friday, December 30, 2011 at 6:14am
 
 
အာရိုယိုကို စစ်တပ် ဆေးရုံမှာ ထိမ်းသိမ်းထား
 ဖိလစ်ပိုင်း သမ္မတဟောင်းကို စွဲချက်ထပ်တိုး

ဖိလစ်ပိုင် သမ္မတဟောင်း ဂလိုရီယာ အာရိုယို ကို အဂတိ လိုက်စား မှုနဲ့ နောက်ထပ် စွဲချက် ထပ်တင် လိုက် ပါတယ်။
တရုတ် နိုင်ငံနဲ့ သဘောတူ ထားတဲ့ ဒေါ်လာ သန်း ၃၀၀ ကုန်ကျ မယ့် တယ်လီဖုန်း ဆက်သွယ်ရေး စံနစ် စီမံကိန်း မှာ သူ့ရဲ့ ခင်ပွန်း ဖြစ်သူ နဲ့ အခြား အဆင့်မြင့် အစိုးရ အရာရှိ နှစ်ဦးဟာ ကိုယ်ကျိုး အတွက် ငွေကြေး အလွဲ သုံးစား မှုတွေ လုပ်ခဲ့ တယ်လို့ စွပ်စွဲ ခံနေရ ပါတယ်။

မစ္စစ် အာရိုယို ကို ရွေးကောက်ပွဲ မဲလိမ်မှု စွပ်စွဲချက် တွေနဲ့ စစ်တပ် ဆေးရုံ တခုမှာ ထိမ်းသိမ်း ထားပြီး ဖြစ်ပါတယ်။
မစ္စစ် အာရိုယို ကတော့ သူ့အနေနဲ့ အမှားအယွင်း လုပ်ခဲ့တာ မရှိကြောင်းနဲ့ လက်ရှိ အစိုးရဟာ သူ့ကို နိုင်ငံရေး အရ အရေး ယူဖို့ ကြိုးစား နေတာ ဖြစ်ကြောင်း ပြောပါတယ်။

တရုတ် လူ့အခွင့်အရေး လှုပ်ရှားနှစ်ဦး ကိုရုံးတင်
 Nu Yulan ကို အမှုစစ်တဲ့ တရားရုံး ရှေ့မှာ သမီးဖြစ်သူ နဲ့ သတင်းထောက်တွေ အင်တာဗျူး
တရုတ် နိုင်ငံမှာ အရပ်ဖက် အခွင့် အရေး အတွက် လှုပ်ရှားသူ နှစ်ဦးကို ဘေကျင်းမြို့ တရားရုံး တခုမှာ ရုံးတင် စစ်ဆေး နေပြီး ဒါဟာ တရုတ် အစိုးရက သူတို့ကို ဆန့်ကျင် သူတွေ အပေါ် သည်းခံမှု ပိုနည်းပါး လာတာကို ပြသ နေကြောင်း ဒီလူ နှစ်ဦး အပေါ် ထောက်ခံ သူတွေက ပြောပါတယ်။
တရုတ် အစိုးရ ရဲ့ အိမ်ယာတွေ အဓမ္မ သိမ်းပိုက်ခြင်း ခံရသူ တွေကို ဥပဒေကြောင်း အရ အကူညီ ပေးခဲ့တဲ့ Nu Yulan နဲ့ သူ့ခင်ပွန်း ဖြစ်သူ Don Jiqin တို့ကို လိမ်လည်မှု နဲ့ မဟုတ်မတရား ပြောဆိုမှု တွေ အတွက် တရား စွဲဆို ထားတာ ဖြစ်ပါတယ်။
Nu Yulan ဟာ လွန်ခဲ့တဲ့ ဆယ်နှစ်လောက် တုန်းက သူ့ရဲ့ နေအိမ်ကို ဖျက်ပြီး အဲဒီ နေရာမှာ အိမ်ယာ သစ်တွေ တည်ဆောက်ဖို့ အစိုးရရဲ့အစီအစဉ်ကို ဆန့်ကျင် ခဲ့တာကြောင့် ထောင် နှစ်ကြိမ် ကျခဲ့ပြီး မစွမ်းမသန် ဖြစ်တဲ့ အထိ ရဲတွေရဲ့ ရိုက်နှက် ခြင်းကို ခံခဲ့ ရသူ ဖြစ်ပါတယ်။
အခုလ အစောပိုင်း တုန်းကလည်း အာဏာရ ကွန်မြူနစ် ပါတီ အပေါ် ဝေဘန် ခဲ့တဲ့ အခြားလူ နှစ်ဦးကို နိုင်ငံတော် ပြိုကွဲအောင် ကြံစည်မှု နဲ့ နှစ်ရှည် ထောင်ဒဏ်တွေ အပြစ်ပေး ခဲ့ပါတယ်။

ကင်ဂျုံအမ်းကို မြောက်ကိုရီးယား ခေါင်းဆောင် အဖြစ် ကြေညာ
 ကင်ဂျုံအမ်းက သူ့ဖခင်ရဲ့ ဈာပန ကို ဦးဆောင် ကျင်းပခဲ့
ကွယ်လွန်သူ မြောက် ကိုရီးယား ခေါင်းဆောင် ကင်ဂျုံအီးလ် ရဲ့ အငယ်ဆုံး သားဖြစ်သူ ကင်ဂျုံအမ်း ကို မြောက် ကိုရီးယား ရဲ့ ခေါင်းဆောင်သစ် အဖြစ် ပြုံယမ်း မြို့က လူထု ကြီးရဲ့ ရှေ့မှာ ကြေညာခဲ့ ပါတယ်။
ပါတီနဲ့ စစ်တပ် ထိပ်တန်း ခေါင်းဆောင်တွေ တက်ရောက်တဲ့ ကင်ဂျုံအီးလ် ရဲ့ဈာပန အခန်းအနားကို သားဖြစ်သူ ကင်ဂျုံအမ်း ကဦးဆောင် ကျင်းပ ခဲ့တာ ဖြစ်ပါတယ်။
ဒီ အခန်းအနား မှာ မြောက် ကိုရီးယား နိုင်ငံတော် သီချင်းကို တီးမှုတ် ပြီး ကွယ်လွန်သူ ကင်ဂျုံအီးလ် ကို ဦးညွှတ် ဂုဏ်ပြု ခဲ့ကြ သလို သူ့အတွက် ဂုဏ်ပြုလွှာ တွေကိုလည်း ဖတ်ကြား ခဲ့တဲ့အပြင် အမြောက်တွေ ပစ်ဖောက် ပြီးတော့လည်း ဂုဏ်ပြု ခဲ့ကြ ပါတယ်။
ဒီ အခန်းအနား မှာဘဲ ကင်ဂျုံအမ်း ကို နိုင်ငံ ခေါင်းဆောင် အဖြစ်ရော၊ စစ်တပ်နဲ့ အာဏာရ အလုပ်သမား ပါတီ ရဲ့ အကြီးအကဲ အဖြစ် ချီးကျူး ဂုဏ်ပြု ခဲ့ကြ ပါတယ်။
သူဟာ သူ့ဖခင် လိုဘဲ တူညီတဲ့ အမူအကျင့် နဲ့ အတွေးအခေါ် ရှိသူ တဦး ဖြစ်တယ်လို့ ဆိုပါတယ်။

ဆီးရီးယားမှာ ဆန္ဒပြမှုတွေ ဆက်ရှိနေဆီးရီးယား စောင့်ကြည့်ရေး အဖွဲ့တွေ သုံးမြို့ဆီ ထပ်သွား
ဆီးရီးယား နိုင်ငံမှာ အစိုးရက ဆန္ဒပြ မှုတွေ ကို နှိမ်နှင်း ခဲ့စဉ် အတွင်း အဆိုးဆုံး အကြမ်းဖက် မှုတွေ ဖြစ်ပွား ခဲ့တဲ့ မြို့ကြီး သုံးခုမှာ အာရပ် အဖွဲ့ချုပ် က လေ့လာ စောင့်ကြည့် သူတွေ ရောက်ရှိ နေကြ ပါပြီ။
Derra, Hama နဲ့ Idlib မြို့တွေမှာ ဆီးရီးယား အစိုးရ အနေနဲ့ အကြမ်းဖက် မှုတွေ ကို ဆက်ပြီး လုပ်နေခြင်း ရှိမရှိ သိရအောင် စောင့်ကြည့် လေ့လာရေး အဖွဲ့ တွေဟာ ဆယ်ယောက် တအုပ်စု စီ ခွဲပြီး သုံးရက်မြောက် နေ့အဖြစ် အခြေ အနေကို လေ့လာ နေတာ ဖြစ်ပါတယ်။
အဲဒီထဲက Homs မြို့ရဲ့ မြောက်ပိုင်းမှာ ရှိတဲ့ Hama မြို့မှာ လွန်ခဲ့တဲ့ နှစ်ရက်လုံး ဆန္ဒပြသူ တွေက မြို့လည်ကောင် မှာ လူစုဖို့ ကြိုးစား ခဲ့ကြပြီး လုံခြုံရေး တပ်ဖွဲ့ တွေက မျက်ရည်ယို ဗုံး အပြင် ကျည်ဆံ အစစ် တွေနဲ့ ပစ်ခတ် နှိမ်နှင်း တာကို ခံခဲ့ ရပါတယ်။
အဲဒီ နေရာရဲ့ အနောက် မြောက်ပိုင်း မှာတော့ Idlib ဆိုတဲ့ တူရကီ နယ်စပ်မှာ ရှိတဲ့ မြို့ကို စောင့်ကြည့် လေ့လာ သူတွေ ရောက်နေ ကြပြီး အဲဒီ မှာလည်း အကြမ်းဖက် မှုနဲ့ သေဆုံး မှုတွေ ဖြစ်နေ တယ်လို့ သတင်းတွေ ထွက်နေ ပါတယ်။
တောင်ဖက် မှာတော့ မတ်လ တုန်းက ပြန်လည် တိုက်ခိုက် မှုတွေ ဖြစ်ခဲ့ပြီး အစိုးရက ခြေမှုန်းဖို့ ကြိုးစား ခဲ့တဲ့ ကြားက ဆက်လက် လှုပ်ရှား မှုတွေ ရှိနေတဲ့ Deraa မြို့ဆီကို စောင့်ကြည့် လေ့လာသူ တွေ ရောက်ရှိ နေပါတယ်။
အင်္ဂါနေ့ တုန်းက အဲဒီ နေရာမှာ အစိုးရ ယာဉ်တန်းကို သူပုန်တွေ က ပစ်ခတ် ခဲ့လို့ စစ်သား လေးဦး သေဆုံး ခဲ့ ပါတယ်။
ဆီးရီးယားမှာ အစိုးရကို ဆန္ဒ ပြသူ တွေအပြင်၊ အစိုးရ တပ်ကနေ ဘက်ပြောင်း လာသူ တွေနဲ့ အရပ်သား တွေ ပူးပေါင်း ထားတဲ့ သူပုန်တွေ ရဲ့ လက်နက်ကိုင် လှုပ်ရှား မှုတွေ လည်း ဆက်ပြီး ရှိနေတယ် ဆိုတာကို ဒီအဖြစ် အပျက်က ညွှန်ပြ နေပါတယ်။
အစိုးရ ဆန့်ကျင် သူတွေ ကတော့ စောင့်ကြည့် လေ့လာ သူတွေဟာ သူတို့ အမြင်အရ တကယ် ဖြစ်ပျက် နေတာတွေ ရပ်ဆိုင်း သွားအောင် လုံလောက်တဲ့ ဆောင်ရွက် မှုမျိုး မရှိ ဘူးလို့ ဝေဖန် နေကြ ပါတယ်။
အာရပ် အဖွဲ့ချုပ်က စောင့်ကြည့် လေ့လာ သူတွေဟာ အကြမ်းဖက် မှုတွေ ရပ်ဆိုင်း သွားအောင် တွန်းတွန်း တိုက်တိုက် ဆောင်ရွက်ခြင်း မရှိသလို ဆီးရီးယား အစိုးရကို ပြောရဲ ဆိုရဲလည်း မရှိကြ ဘူးလို့ ဆန္ဒပြ သူတွေနဲ့ အစိုးရ ဆန့်ကျင်ရေး လှုပ်ရှား သူတွေက ဝေဘန် နေကြ ပါတယ်။

ကင်ဂျုံအီးလ် ဈာပနဓာတ်ပုံ Photoshop နဲ့ ပြုပြင်ထား
By ဗွီအိုအေ(မြန်မာဌာန)
မြောက်ကိုရီးယားက တရားဝင်ထုတ်ပြန်တဲ့ ကွယ်လွန်သူ မြောက်ကိုရီးယားခေါင်းဆောင် ကင်မ်ဂျုံအီးလ်ရဲ့ ဈာပန ပို့ဆောင်တဲ့ အခမ်းအနားဓာတ်ပုံဟာ Digital နည်းပညာနဲ့ ပြုပြင်ထားတယ်လို့ ကျွမ်းကျင်သူတွေက အဆုံးအဖြတ်ပေးတာကြောင့် New York Times သတင်းစာက အဲဒီပုံကို ဖယ်ရှားလိုက်ပါတယ်။
အဲဒီအသုဘပို့တဲ့ ဓာတ်ပုံကို KCNA နိုင်ငံပိုင်သတင်းက ရိုက်ကူးခဲ့တာဖြစ်ပြီး ဥရောပသတင်းအေဂျင်စီက ဖြန့်ဝေတာဖြစ် တယ်လို့ New York Times သတင်းကဆိုပါတယ်။ ညီညီညာညာ တန်းစီရပ်နေကြပြီး ငိုကြွေးနေတဲ့ လူထုရဲ့နောက်မှာ လူ ၆ ယောက်က သပ်သပ်စီ တယောက်တမျိုးရပ်နေတဲ့ပုံကို Photoshop software သုံးပြီး ဖျက်ပစ်ထားတာတွေ့ရ တယ်လို့ ကျွမ်းကျင်သူတွေရဲ့ အပြောကိုကိုးကားပြီး New York Times ကဖော်ပြလိုက်တာပါ။
KCNA က အဲဒီပုံကိုရိုက်တဲ့အချိန်မှာ ဂျပန် ကျိုဒိုသတင်းအေဂျင်စီကလည်း တပြိုင်တည်းရိုက်ခဲ့ရာမှာ KCNA က ဖျက်ပစ် လိုက်တဲ့ လူ ၆ ယောက်ပုံကို တွေ့ကြရတယ်လို့ Dartmouth College က ကျွမ်းကျင်သူတွေက  ဆန်းစစ်တွေ့ရှိရတာ ဖြစ် ပါတယ်။ စီစီရီရီ စည်းကမ်းတကျရပ်နေကြတဲ့ ပြည်သူတွေနောက်မှာ မညီမညာရပ်နေကြတဲ့ ၆ ယောက် ကို ဆင်ဆာဖြတ် လိုက်တာဖြစ်ပုံရတယ်လို့ ဆိုပါတယ်။

Kurt Campbell အရှေ့အာရှခရီးစဉ်အတွင်း မြန်မာ့အရေးဆွေးနွေးမည်
By ဒေါ်ခင်မျိုးသက်
မြန်မာနိုင်ငံရဲ့ နောက်ဆုံးဖြစ်ထွန်းမှုတွေအပါအဝင် အာရှ-ပစိဖိတ်ဒေသတွင်း ကိစ္စရပ်တွေကို ဆွေးနွေးဖို့ အမေရိကန်လက်ထောက် နိုင်ငံခြားရေးဝန်ကြီး Kurt Campbell ဟာ တရုတ်၊ တောင်ကိုရီးယားနဲ့ ဂျပန်နိုင်ငံတွေကို ရှေ့သီတင်းပတ်ထဲ သွားရောက်မှာ ဖြစ်ပါတယ်။
ဒါဟာ မြန်မာနိုင်ငံဆိုင်ရာ အမေရိကန်အထူးကိုယ်စားလှယ် Darek Mitchell ဒီ အာရှ ၃ နိုင်ငံကို သွားရောက်ပြီး မြန်မာ့အရေး ပူးပေါင်းဆောင်ရွက်မှုတွေ ရနိုင်ဖို့ ကြိုးစားတဲ့ခရီးစဉ်အပြီး တလမပြည့်ခင် အမေရိကန်ထိပ်တန်းအရာရှိတဦး သွားရောက်တာဖြစ်ပါတယ်။ အပြည့်အစုံကို ဒေါ်ခင်မျိုးသက်က တင်ပြပေးထားပါတယ်။
အမေရိကန် နိုင်ငံခြားရေးဝန်ကြီးဌာနရဲ့ အရှေ့အာရှနဲ့ ပစိဖိတ်ရေးရာ လက်ထောက်နိုင်ငံခြားရေး ဝန်ကြီး မစ္စတာ Kert Campbell ဟာ ရှေ့တပတ်ကြာသာပတေးနေ့မှာ သူ့ရဲ့ အာရှ ၃ နိုင်ငံခရီးစဉ်ကို စတင်မယ်လို့ အမေရိကန် နိုင်ငံခြားရေးဌာန ပြောခွင့်ရ ဒါရာပါရာဒီဆို (Darragh Paradiso) က ဗွီအိုအေကို ပြောပါတယ်။
“အမေရိကန်နိုင်ငံခြားရေးဝန်ကြီးဌာန အရှေ့အာရှနဲ့ ပစိဖိတ်ရေးရာဝန်ကြီး Kurt Campbell ဟာ တရုတ်၊ တောင်ကိုရီးယားနဲ့ ဂျပန်နိုင်ငံတွေကို ၂၀၁၂ ခုနှစ်၊ ဇန်နဝါရီလ ၃ ရက်နေ့ကနေ ၇ ရက် နေ့တွေမှာ သွားဖို့ရှိပါတယ်။ အဲဒီနိုင်ငံတွေက အကြီးတန်းအရာရှိတွေနဲ့ မြန်မာနဲ့မြောက်ကိုရီးယားဆိုင်ရာ နောက်ဆုံးပြောင်းလဲ တိုးတက်မှုတွေအပါအဝင် ဒေသတွင်းနဲ့ နိုင်ငံတကာ ကိစ္စရပ်တွေကို ဆွေးနွေးမှာဖြစ်ပါတယ်”
မြန်မာ့နိုင်ငံရေးမှာ တိုးတက်ပြောင်းလဲမှုတွေရှိလာအောင် ဒေသတွင်း မဟာမိတ်နိုင်ငံတွေရဲ့ ပူးပေါင်း ဆောင်ရွက်မှုတွေရဖို့အတွက် မြန်မာနိုင်ငံဆိုင်ရာ အမေရိကန်အထူးကိုယ်စားလှယ် ဒဲရက် မစ်ချဲလ်ဟာ ဒီဇင်ဘာလ ၈ ရက်ကနေ ၁၃ ရက်အထိ တောင်ကိုရီးယား၊ တရုတ်နဲ့ ဂျပန်နိုင်ငံတွေကို သွားရောက်ခဲ့ပါတယ်။ အာရှ ၃ နိုင်ငံက အစိုးရပိုင်း တာဝန်ရှိသူတွေကို အမေရိကန်အစိုးရရဲ့ မြန်မာနိုင်ငံဆိုင်ရာ မူဝါဒကိုရော၊ အမေရိကန်နိုင်ငံခြားရေးဝန်ကြီး ဟီလာရီကလင်တန်ရဲ့ မြန်မာနိုင်ငံခရီးစဉ်တွေကိုပါ ရှင်းပြခဲ့ပြီး ဒေသတွင်းနိုင်ငံတွေရဲ့ သဘောထားကို တီးခေါက်ခဲ့တာပါ။
မစ္စတာမစ်ချဲလ်ဟာ တောင်ကိုရီးယားနဲ့ ဂျပန်နိုင်ငံတွေမှာ မြန်မာ့အရေး လှုပ်ရှားသူတွေနဲ့ပါ တွေ့ဆုံခဲ့ပါတယ်။ တရုတ်နိုင်ငံခရီးစဉ်အပြီးမှာတော့ မြန်မာနဲ့တရုတ် ၂ နိုင်ငံကြားဆက်ဆံရေးဟာ အမေရိကန်နိုင်ငံကြောင့် ပြဿနာမဖြစ်စေချင်ကြောင်း ပြောကြားခဲ့ပါတယ်။ အခု နောက်ထပ်တလ မပြည့်ခင်မှာပဲ မစ္စတာ ကတ်၊ ကမ့်ဘဲလ်ကလည်း ဒီဒေသတွင်း မဟာမိတ်နိုင်ငံကြီး ၃ နိုင်ငံကို ထပ်မံပြီး သွားရောက်တာဖြစ်ပါတယ်။
“ဒီနိုင်ငံ ၃ နိုင်ငံကို ဒဲရက် မစ်ချဲလ်သွားတုန်းက မြန်မာနိုင်ငံကို အမေရိကန် နိုင်ငံခြားရေးဝန်ကြီး ကလင်တန် သွားခဲ့တဲ့ခရီးစဉ်အပါအဝင် မြန်မာနိုင်ငံဆိုင်ရာ အမေရိကန်ရဲ့ မူဝါဒတွေနဲ့ပတ်သက်ပြီး ပြောကြားခဲ့တာဖြစ်ပါတယ်။ ကတ်၊ ကမ့်ဘဲလ်သွားတဲ့အခါမှာတော့ ဒီအကြောင်းအရာ တချို့ပါ ပါဝင်မှာဖြစ်သလို သူက အရှေ့အာရှနဲ့ ပစိဖိတ်ဒေသကြီးတခုလုံးအတွက် အမေရိကန်ရဲ့ မူဝါဒရေးရာဆိုင်ရာ တာဝန်ရှိသူမို့ မြန်မာကိစ္စအပြင် ဒီနိုင်ငံတွေနဲ့ အမေရိကန် ၂ နိုင်ငံဆက်ဆံရေး ဒေသတွင်း နိုင်ငံတကာနဲ့ ပူးပေါင်းဆောင်ရွက်ရေးကိစ္စတွေပါ ဆွေးနွေးမှာပါ”
မစ္စတာကမ့်ဘဲလ်ဟာ မြန်မာနိုင်ငံဆိုင်ရာ အမေရိကန်အထူးကိုယ်စားလှယ် ဒဲရက်မစ်ချဲလ်နဲ့ ဒီမိုကရေစီ၊ လူ့အခွင့်အရေးနဲ့ အမေရိကန်အလုပ်သမားရေးရာ လက်ထောက်နိုင်ငံခြားရေးဝန်ကြီး မိုက်ကယ်လ်ပို့စ်နာတို့နဲ့အတူ ဒီဇင်ဘာလဆန်းက နိုင်ငံခြားရေးဝန်ကြီးကလင်တန်ရဲ့ မြန်မာနိုင်ငံတွင်း ပြောင်းလဲတိုးတက်မှုတွေ အကဲခတ်ဖို့ သွားရောက်တဲ့ခရီးစဉ်မှာ အတူလိုက်ပါသွားခဲ့တာပါ။
မြန်မာနိုင်ငံအတွင်းမှာ ဒီမိုကရေစီရေးပြောင်းလဲမှုတွေ ဆက်ပြီးလုပ်ဆောင်နေမယ် ဆိုရင် အမေရိကန်နိုင်ငံက မိတ်ဆွေကောင်းအဖြစ်နဲ့ လက်တွဲသွားမယ့်အပြင် ပံ့ပိုးကူညီမှုတွေ တိုးပြီးပေးသွားဖို့ရှိတယ်လို့ ဝန်ကြီးကလင်တန်ရဲ့ခရီးစဉ်အပြီး အမေရိကန်အစိုးရက ပြောကြားခဲ့ပါတယ်။

ခါဂျစ်စတန်မှာအမေရိကန်စစ်စခန်း ဆက်ထားတော့မည်မဟုတ်
By ဗွီအိုအေ (မြန်မာဌာန)
ဗဟိုအာရှဒေသက ခါဂျစ်စတန်နိုင်ငံရဲ့ Manas မြို့က အရပ်ဘက်သုံးလေဆိပ်အနီးမှာ အမေရိကန်ရဲ့ စစ်စခန်းကို ဆက်ပြီးထားရှိဖို့ဟာ အန္တရာယ်ကြီးမားနေတယ်လို့ ခါဂျစ်စတန်သမ္မတ Almazbek Atambayev က အမေရိကန်လက်ထောက်နိုင်ငံခြားရေးဝန်ကြီး Robert Blake ကို Bishkek မြို့မှာ ဒီကနေ့ ပြောလိုက်ပါတယ်။
စစ်စခန်းမြေငှားခအဖြစ် အမေရိကန်ဆီက နှစ်စဉ်ရရှိနေတဲ့ အမေရိကန်ဒေါ်လာ သန်း ၁၅၀ ဟာ အရက်ဘက်လေယာဉ်ကွင်းကို စစ်ရေးအတွက် အသုံးချခံနေရမှုနဲ့ နှိုင်းယှဉ်လိုက်ရင် ဘာမှ ထိုက်တန်မှု မရှိဘူးလို့ ခါဂျစ်စတန်သမ္မတ Almazbek Atambayev က သတင်းထောက်တွေကို ပြောပြသွားပါတယ်။
အာဖဂန်နစ္စတန်က စစ်ပွဲအတွက် အမေရိကန်ကန်ရဲ့ စစ်ရေးထောက်ပံ့မှုတွေကို ဒီ ခါဂျစ်စတန်နိုင်ငံ၊ မာနက်စ်မြို့က အမေရိကန်စစ်စခန်းကနေ အရပ်ဘက်လေဆိပ်ကို အသုံးပြုပြီး လုပ်ကိုင်ဆောင်ရွက် နေခဲ့တာပါ။
အီရတ်၊  အာဖဂန်နစ္စတန်က အမေရိကန်နဲ့ စစ်ဆင်တိုက်ခိုက်မှုတွေနဲ့ အီရန်၊ အမေရိကန်ဆက်ဆံရေး ယိုယွင်းလာမှုတွေအပြင် ခါဂျစ်စတန်နိုင်ငံဟာ အမေရိကန်နဲ့ မပြေလည်တဲ့နိုင်ငံတွေကို စစ်ဆင် တိုက်ခိုက်ရာမှာ အသုံးပြုတဲ့မြေအဖြစ် အဖြစ်မခံတော့ဘူးလို့လည်း သမ္မတ Almazbek Atambayev က ပြီးခဲ့တဲ့ နိုဝင်ဘာလက ပြောဆိုခဲ့ပါတယ်။ ဒီနှစ်အတွက် ဒီစစ်စခန်းငှားရမ်းတဲ့ သက်တမ်းစေ့ရင် ထပ်ပြီး ငှားရမ်းတဲ့သက်တမ်းကို မတိုးတော့ဘူးလို့လည်း မစ္စတာ Almazbek Atambayev က ဆိုခဲ့ပါတယ်။
ခါဂျစ်စတန်မှာ ရုရှားရဲ့ စစ်စခန်းတခုလည်း ရှိနေတာကြောင့် ဒီသတင်းဟာ ရုရှားအတွက်တော့ သတင်းကောင်းတခုပဲလို့ လေ့လာသူတွေက ပြောကြပါတယ်။

တရုတ်အလုပ်သမား ဆန္ဒပြမှု စက်ရုံပိုင်ရှင် လိုက်လျော
By ဗွီအိုအေ (မြန်မာဌာန)
တရုတ်နိုင်ငံအရှေ့ပိုင်းက လျှပ်စစ်ပစ္စည်းထုတ်လုပ်တဲ့ ကုမ္ပဏီတစ်ခုမှာ ဆန္ဒပြနေကြတဲ့ ထောင်နဲ့ချီတဲ့ အလုပ်သမားတွေဟာ ကုမ္ပဏီအရာရှိတွေက သူတို့ရဲ့ နှစ်ကုန်ဆုကြေးငွေ (ဘွန်းနက်စ်) တိုးပေးဖို့ သဘောတူ လိုက်ပြီးတဲ့နောက်မှာတော့ သုံးရက်ကြာ ဆန္ဒပြပွဲတွေကို ဒီကနေ့ အဆုံးသတ်လိုက်ပါတယ်။
နန်ကျင်းမြို့မှာရှိတဲ့ တောင်ကိုရီးယားပိုင် LG Display ကုမ္ပဏီက အလုပ်သမား ၈ ထောင်လောက်ဟာ ပြီးခဲ့တဲ့ တနင်္လာနေ့က စပြီး အလုပ်မဆင်းဘဲ ဆန္ဒပြခဲ့ကြတာပါ။ တောင်ကိုရီးယား အလုပ်သမားတွေဟာ တရုတ် အလုပ်သမားတွေထက်  ဆုကြေးငွေ ၆ ဆ ပိုပြီး ရနေတဲ့အတွက် သူတို့က မကျေမနပ် ဖြစ်ခဲ့ကြတာပါ။
ဒါပေမဲ့ တာဝန်ရှိသူတွေက ဒီ တရုတ် အလုပ်သမားတွေရဲ့နှစ်လစာ လစာအထိ ဆုကြေးငွေကို နှစ်ဆတိုးပေးမယ်လို့ ပြောဆိုခဲ့ပြီးတဲ့နောက် အလုပ်သမားတွေ ပြန်အလုပ်ဆင်းဖို့ သဘောတူခဲ့ကြတယ်လို့ တာဝန်ရှိသူတွေက ပြောပါတယ်။ တရုတ်အလုပ်သမားတွေဟာ လစဉ် ပျမ်းမျှ လစာ ဒေါ်လာ ၂၂၀ လောက် ရကြပါတယ်။
တချိန်တည်းမှာပဲ တရုတ်နိုင်ငံ တောင်ပိုင်းမြို့ ဂွမ်ဂျူး (Guangzhou) က စက်ရုံတစ်ခုမှာလည်း အလားတူ နှစ်ကုန် ဆုကြေးငွေ လျှော့ချမှုကို ကန့်ကွက်တဲ့ အလုပ်သမားတွေရဲ့ ဆန္ဒပြမှုတွေ ဒီကနေ့ဖြစ်ခဲ့တယ်လို့ အမေရိကန်အခြေစိုက် လူ့အခွင့်အရေးအဖွဲ့တစ်ခုက ပြောပါတယ်။ ဂျပန် ကုမ္ပဏီ Ahresty Corp ရဲ့ ကားပစ္စည်းစက်ရုံက အလုပ်သမားတွေ အင်္ဂါနေ့က အလုပ်မဆင်းဘဲ ဆန္ဒပြခဲ့ကြတယ်လို့ တရုတ်အလုပ်သမား စောင့်ကြည့်ရေးအဖွဲ့က ပြောပါတယ်။

ဓါတုပစ္စည်းအန္တရာယ် သတိမမူမိ၍ မီးသတ်တပ်ဖွဲ့ဝင်များ ကျဆုံးရ
ကျော်ခ | ကြာသပတေးနေ့၊ ဒီဇင်ဘာလ ၂၉ ရက် ၂၀၁၁ ခုနှစ် ၁၉ နာရီ ၄၉ မိနစ်
ချင်းမိုင် (မဇ္ဈိမ) ။        ။ ရန်ကုန်တိုင်း အရှေ့ပိုင်းခရိုင် မင်္ဂလာတောင်ညွှန့်မြို့နယ်၌ လူ ၂၀ ကျော် သေဆုံးခဲ့သော
နိုင်ငံပိုင် ဓါတုပစ္စည်း သိုလှောင်ရုံ မီးလောင်ပေါက်ကွဲမှုတွင် ဂိုဒေါင်အတွင်းရှိ ဓါတု ပစ္စည်းများ၏ အန္တရာယ်ကို သတိမမူမိသဖြင့် မီးသတ်တပ်ဖွဲ့ဝင် ၅ ဦး ကျဆုံးခဲ့ရသည်ဟု သက်ဆိုင်ရာ ဌာနများကပြောသည်။

မီးသတ်တပ်ဖွဲ့ဝင်များမှာ လောင်ကျွမ်းမှု အရှိန်မြင့်နေသည့်မီးကို အမြန်ငြိမ်းစေလိုဇောဖြင့် ငြှိမ်းသတ်နေကြစဉ် ဂိုဒေါင်အတွင်းရှိ မီးကူးလောင်နေသည့် ဓါတုပစ္စည်းများမှ ပေါက်ကွဲကာ အရပ်သား ၁၇ ဦးနှင့်အတူ မီးသတ် တပ်ဖွဲ့ဝင် ၅ ဦးပါ သေဆုံးခဲ့ရဟု ရန်ကုန်တိုင်း ဗဟိုမီးသတ်ဌာန အရာရှိတဦးက မဇ္ဈိမကို ပြောသည်။

“မီးလောင်တယ်ဆိုတော့ဗျာ အခြားဘက်တွေကို မကူးအောင်ဆိုပြီး မီးကိုပဲ အဓိကထားပြီး ငြိမ်းသတ်နေတဲ့ အချိန်မှာပဲ ဒီဓါတုပစ္စည်းတွေက ထပေါက်ကွဲတော့ အဲဒီမှာ ထိကုန်တာ။ ဒါတွေ ရှိနေတယ်ဆိုတာကို ကျုပ်တို့က မသိဘူး။ ဂိုဒေါင်စောင့်တွေကတော့ တချို့က ပစ္စည်းသယ်နေတုန်းမှာ ထိကုန်တာ” ဟု ပြောသည်။

ဓါတု ပစ္စည်းများ၏ အန္တရာယ်ကို သတိမမူမိသဖြင့် မီးသတ်တပ်ဖွဲ့ဝင် ၅ ဦးကျဆုံး (ဓါတ်ပုံ မဇ္ဈိမ)
သေဆုံးသွားသည့် မီးသတ်တပ်ဖွဲ့များမှာ မင်္ဂလာတောင်ညွှန့်မီးသတ်ဌာနမှ ၄ ဦးနှင့် ရန်ကုန်တိုင်း ဗဟိုမီးသတ် ဌာနချုပ်မှ ၁ ဦးတို့ ဖြစ်ကြောင်းသိရပြီး ကြာသာပတေးနေ့ ညနေပိုင်းတွင်ပင် ရေဝေး သုဿန်၌ အခမ်းအနားဖြင့် မီးသဂြုင်္ိဟ်ပေးခဲ့သည်။

ကြာသာပတေးနေ့ ညနေ ၅ နာရီအထိ နောက်ဆုံး စုံစမ်းသိရှိမှုအရ ပေါက်ကွဲမှုကြောင့် ဒဏ်ရာရရှိသည့် မီးသတ် တပ်ဖွဲ့ ၃၁ ဦး၊ အရန်မီးသတ် ၆ ဦးနှင့် အရပ်သား ၅၄ ဦး ပါဝင်သည့် စုစုပေါင်း ၉၁ ဦးကိုလည်း ရန်ကုန်ပြည်သူ့
ဆေးရုံကြီးတွင် ဆေးကုသမှုခံယူ နေရကြောင်း သိရသည်။ အခင်းဖြစ်ပွားချိန်တွင် မီးငြှိမ်းသတ်ရန် ရောက်ရှိလာ သည့် မီးသတ်ကား ၅၇ စီးအနက်မှ ၈ စီးမှာလည်း ပေါက်ကွဲမှုကြောင့် ပျက်စီးခဲ့ရသည်ဟု ဆိုသည်။

အဆိုပါ မီးလောင်ပေါက်ကွဲမှုကြောင့် စီးပွားကူးသန်းဝန်ကြီးဌာနက ပိုင်ဆိုင်သည်ဆိုသော ဂိုဒေါင် ၁၆ လုံး ပျက်စီး ခဲ့သည်။ ထိုအထဲမှ ဂိုဒေါင်တခုတွင် သင်္ဘောဆေးနှင့် အမိုးနီးယား၊ ဆာလ်ဖြူရစ်အက်ဆစ်နှင့် ယမ်းစိမ်းတို့ ပါဝင်
သော ဓါတုပစ္စည်းများ သိုလှောင်ထားခြင်းသည် ပေါက်ကွဲမှုဖြစ်ရခြင်း၏ အကြောင်းရင်းဟု နယ်မြေခံ ရဲအရာရှိများ က ယူဆနေကြသည်။

“သိုလှောင်ထားတဲ့ တချို့ဟာတွေက ရေပတ်ရင်တောင် ဓါတ်ပြုပြီးတော့ ဝုန်းကနဲ ထလောင်တာတွေ ရှိတယ်ဗျာ။ ကျနော်တို့ကတော့ အဲလို ယူဆထားတာပဲ။ ဓါတုတွေထားတဲ့ ဂိုဒေါင်ကတော့ တခုပဲဗျ။ သူက ပေါက်ကွဲမှုက များတဲ့အခါကျတော့ ဘေးက ဂိုဒေါင်တွေ၊ အိမ်တွေကို ထိသွားတဲ့သဘောပါ” ဟု အခင်းဖြစ်ပွားရာကို သွားရောက် စစ်ဆေးခဲ့သည့် မင်္ဂလာတောင်ညွှန့်မြို့နယ် ရဲအရာရှိတဦးက မဇ္ဈိမကို ပြောသည်။

အခင်းဖြစ်ပွားရာနေရာများမှ သိမ်းဆည်းခဲ့သည့် ဓာတုပစ္စည်းလောင်ကျွမ်းမှုမှ အကြွင်းအကျန်များကို လူအများ အား ထိခိုက်စေမည့် အန္တရာယ်ပေးနိုင်မှု ရှိမရှိ ဓါတ်ခွဲ စမ်းသပ်မှု ပြုလုပ်သွားမည်ဟု သူက ဆက်ပြောသည်။

အစိုးရအနေနှင့် ပေါက်ကွဲမှုဖြစ်စေနိုင်သည့် ဓါတုပစ္စည်းများကို လူနေထူထပ်သည့် မြို့တွင်းနေရာများ၌ သိုလှောင်ခြင်းကို လူအများက ပြစ်တင်ပြောဆိုနေကြသလို ပေါက်ကွဲမှုများကို ကြိုတင်ရှောင်ရှားနိုင်ရန် စံနစ်တကျ
လေ့ကျင့်ပေးထားခြင်းမရှိဟုဆိုကာ မြန်မာနိုင်ငံ မီးသတ်ဦးစီးဌာနကိုလည်း အလားတူပြောဆိုမှုများ ရှိနေသည်။

ပေါက်ကွဲမှုကတဆင့် ကူးတို့ဆိပ်ရပ်ကွက်အတွင်းရှိ နေအိမ်များသို့ ကူးစက်လောင်ကျွမ်းခဲ့သဖြင့် အိမ်ထောင်စု
ပေါင်း ၁၄ဝ ကျော်မှ လူဦးရေ ၁ ထောင်ခန့်မှာ အိုးအိမ်မဲ့ဖြစ်ကာ မီးဘေးဒုက္ခအဖြစ်နှင့် အမှတ် ၂ဝ၊ ၂၄ မူလတန်း
ကျောင်းများနှင့် တာမွေမြို့နယ် ပုသိမ်ညွှန့်ရပ်ကွက်ရှိ မဟာဝိဇယရာမ ကျောင်းတိုက်တို့တွင် ခိုလှုံနေကြကြောင်း ကယ်ဆယ်ရေးလုပ်ငန်းတွင် တာဝန်ယူနေသည့် မင်္ဂလာတောင်ညွှန့်မြို့နယ် ဒုရဲမှုး ဦးမျိုးမြင့်ကြိုင်က ပြောသည်။

မီးဘေးဒုက္ခသည်များအတွက် အစားအစာ၊ အဝတ်အထည်၊ သောက်ရေနှင့် ဆေးများ ကူညီရန်အတွက် အမျိုးသား ဒီမိုကရေစီ အဖွဲ့ချုပ် ဗဟိုအမျိုးသမီးသမီးအဖွဲ့များအပါအဝင်၊ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးအသင်းတို့နှင့် လူမှုကူညီရေးအဖွဲ့များ၊ ပုဂ္ဂလိက စီးပွားရေး လုပ်ငန်းရှင်များက သွားရောက် ကူညီပေးမှုများ လုပ်ဆောင်နေကြ သည်။

မုတ္တမ သဘာဝဓါတ်ငွေ့ဝယ်ခွင့် ထိုင်းကုမ္ပဏီ PTTEP ထပ်ရ
ကိုဝိုင်း | ကြာသပတေးနေ့၊ ဒီဇင်ဘာလ ၂၉ ရက် ၂၀၁၁ ခုနှစ် ၂၀ နာရီ ၅၈ မိနစ်
 ချင်းမိုင် (မဇ္ဈိမ) ။        ။ နေပြည်တော်၌ ဒီဇင်ဘာ ၂၀ တွင် ပဏာမ ဆွေးနွေးခဲ့သည့် မုတ္တမပင်လယ်မှ ထပ်မံ
တွေ့ရှိသော သဘာဝဓာတ်ငွေ့များကို ဝယ်ယူတင်သွင်းရန် ထိုင်းနိုင်ငံက မြန်မာနှင့် လာမည့်နှစ်ဆန်းတွင် စာချုပ်မည်ဖြစ်ကြောင်း ထိုင်းနိုင်ငံခြားရေးဝန်ကြီး ဆူရာဖုံ တိုဝိကျတ်ချိုင်းကွန် က ပြောသည်။

မုတ္တမပင်လယ်ကွေ့ရှိ လုပ်ကွက် M3 မှ ထွက်သည့် သဘာဝဓာတ်ငွေ့ ဝယ်ယူတင်သွင်းရန် ၂ဝ၁၂ ခု ဇန်နဝါရီ ၅-၆ ရက်တွင် စာချုပ်မည်ဟု ထိုင်းနိုင်ငံခြားရေးဝန်ကြီးက ပြောလိုက်ခြင်းဖြစ်သည်။

“မြန်မာစွမ်းအင်ဝန်ကြီးဌာနက ပြီးခဲ့တဲ့ အပတ်က ဖုန်းနဲ့ အကြောင်းကြားလာတယ်။ ထိုင်း စွမ်းအင်ကုမ္ပဏီ PTTEP က လက်မှတ်ထိုးရမှာပါ” ဟု မစ္စတာဆူရာဖုံ ပြောကြားကြောင်း အင်္ဂါနေ့ထုတ် The Nation က ဖော်ပြသည်။

နေပြည်တော်၌ ကျင်းပခဲ့သော မဲခေါင်မြစ်ဝှမ်းနိုင်ငံများ လေးကြိမ်မြောက် အစည်းအဝေးရက် အတွင်း ဒီဇင်ဘာ ၂ဝ ရက်က မြန်မာနိုင်ငံခြားရေးဝန်ကြီး ဦးဝဏ္ဏမောင်လွင်၊ စွမ်းအင်ဝန်ကြီး ဦးသန်းဌေးတို့နှင့် ထိုင်းနိုင်ငံခြားရေး ဝန်ကြီး၊ ထိုင်းစွမ်းအင်ဝန်ကြီး ဖီချိုင်း နာရစ်ဖထာဖန်တို့ တွေ့ဆုံဆွေးနွေးခဲ့ခြင်းဖြစ်သည်။

ထို့ပြင် PTTEP က ဧရာဝတီမြစ်ကြောင်းတလျှောက် ကုန်းတွင်း ရေနံနှင့် သဘာဝဓာတ်ငွေ့ လုပ်ကွက်သစ် ၁၈ ကွက်မှ နှစ်ကွက်ကိုလည်း ရှာဖွေရေးလုပ်ကိုင်ခွင့် ရရှိကြောင်း ဝန်ကြီး ဦးသန်းဌေး က အတည်ပြုခဲ့သည်ဟု ထိုင်းစွမ်းအင်ဝန်ကြီးက တရုတ်နိုင်ငံ ဆင်ဟွာသတင်းဌာနကို ဗုဒ္ဓဟူးနေ့ က ထုတ်ဖော်ပြောဆိုသည်။

မြန်မာကမ်းလွန်ရေနံလုပ်ကွက်အမှတ် M-3 တွင် သဘာဝဓာတ်ငွေ့ရှာဖွေရန် စမ်းအင်ဝန်ကြီးဌာန မြန်မာ့ရေနံနှင့် သဘာဝလုပ်ငန်းနှင့် ထိုင်းနိုင်ငံ စွမ်းအင်ကုမ္ပဏီ PTTEP တို့ ၂ဝဝ၄ ခု သြဂုတ်လ တွင် လက်မှတ်ထိုးခဲ့သည်။

ယင်းလုပ်ကွက်အတွင်း ရှာဖွေရေးတွင်းအမှတ် အောင်သိင်္ခ-၂ မှ သဘာဝဓာတ်ငွေ့ တနေ့လျင် ကုဗပေ ၂၅.၈ သန်းနှင့် ရေနံစိမ်း ၁၅၄ စည် ထွက်မည်ဖြစ်ကြောင်း ၂ဝ၁၁ မေလက တရားဝင် ထုတ်ပြန်ခဲ့သည်။

အောင်သိင်္ခ-၂ မှ ထွက်ရှိသည့် သဘာဝဓာတ်ငွေ့များကို ခန့်မှန်းခြေ အမေရိကန်ဒေါ်လာ ၅၈ ဘီလျံ ကုန်ကျခံ တည်ဆောက်မည့် ထားဝယ်ဖွံ့ဖြိုးရေးစီမံကိန်းပါ ထားဝယ်-ကန်ချနဘူရီ အဝေးပြေးလမ်း တလျှောက် ပိုက်လိုင်း များဖြင့် ထိုင်းနိုင်သို့ တင်သွင်းဖွယ်ရှိသည်။

ထိုင်းစွမ်းအင်ကုမ္ပဏီ PTTEP က မုတ္တမပင်လယ်ထဲတွင် ရတနာနှင့် ရဲတံခွန် စီမံကိန်းများမှ သဘာဝဓာတ်ငွေ့ တင်သွင်းနေသည်မှာ ၁ဝ နှစ်ကျော်ပြီ ဖြစ်သည်။ ထို့ပြင် လုပ်ကွက်အမှတ် M-9၊ M-11၊ M-7 တို့တွင်လည်း ရှာဖွေရေးလုပ်ငန်းများ ဆောင်ရွက်နေသည်မှာ ၈ နှစ်ခန့် ရှိပြီဖြစ် ကြောင်း ထုတ်ပြန်ထားသည်။

တပတ်အတွင်း လှုပ်လှုပ်ရှားရှား ဘောလုံးသတင်း
 ချမ်းအေး, ဆောင်းဦးလင်း on December 29,

တပတ်အတွင်း ပြစ်ဒဏ် ၂ ကြိမ်ချမှတ်ခံရတဲ့ ဆွာရက်စ်
လီဗာပူးလ် တိုက်စစ်မှုး ဆွာရက်စ်ဟာ ဖူလ်ဟမ်နဲ့ပွဲမှာ ပရိသတ်ကို လက်ခလယ် ထောင်ပြခဲ့မှုကြောင့် ၁ ပွဲပယ်နဲ့ ဒဏ်ငွေ ပေါင်၂ သောင်း ဆောင်ရတော့မှာဖြစ်ပါတယ်။ အခုပြစ်ဒဏ်ကြောင့် လာမယ့် ၃၀ ရက်နေ့ညမှာ ကန်မယ့် နယူးကာနယ်နဲ့ပွဲကို လွဲချော်တော့မှာဖြစ်ပါတယ်။
အရင်တပတ်ကမှ မန်ယူကစားသမား အီဗရာကို လူမျိုးရေးခွဲခြားတယ်ဆိုတဲ့ စွပ်စွဲချက်နဲ့ ၈ ပွဲပယ်နဲ့ ဒဏ်ငွေ ပေါင် ၄ သောင်း ချခံထားရသောကြောင့် ယခုဖြစ်ရပ်နဲ့ပါဆိုရင် တပတ်အတွင်း ၂ ကြိမ် ပြစ်ဒဏ်ပေးခံရတဲ့ ကစားသမား ဖြစ်လာပါတယ်။ လူမျိုးရေးခွဲခြားတယ်ဆိုတဲ့ စွဲချက်ကတော့ အယူခံဝင်ခွင့်ရှိသေးတာကြောင့် အယူခံနိုင်ရင်တော့ ပွဲပယ်ပြစ်ဒဏ်လျော့မှာ ဖြစ်ပြီး ရှုံးခဲ့ရင်တော့ ပယ်ခံရမယ့် ပွဲအရေအတွက် ထပ်တိုးမှာ ဖြစ်ပါတယ်။
၂၀၁၁ ကို ဂိုးတွေနဲ့ နှုတ်ဆက်ချင်တဲ့ ဘာဘာတော့ဗ်
နောက်ဆုံး ၄ ပွဲမှာ ၅ ဂိုးသွင်းပြီး ဂိုးမြူးနေတဲ့ ဘာဘာတော့ဗ်ကို  သူရဲ့ကလပ်ဟောင်း လေဗာကူဆင်က ပြန်လည်ခေါ်ယူဖို့ စိတ်ဝင်စားနေပါတယ်။ အခုရာသီမှာ ရွန်နီ၊ ချီချာရီတို၊ ဝဲလ်ဘက်တို့ ခြေစွမ်းပြနေတာကြောင့် ပြောင်းရွှေ့ကြေး ပေါင်သန်း ၃၀ နဲ့ စပါးအသင်းကနေ မန်ယူကို ပြောင်းရွှေ့ခဲ့တဲ့ ဘာဘာတော့ဗ်ဟာ အရန်ခုံ မှာထိုင်နေရပေမယ့် ၂၀၁၁ ကုန်ခါနီးမှာရလာတဲ့ အခွင့်အရေးကို အမိအရအသုံးချနေပြီး နောက်ဆုံး ၀ီဂန်နဲ့  ပွဲစဉ်မှာ ဟက်ထရစ် သွင်းယူနိင်ခဲ့ပါတယ်။ လောလောဆယ် စာချုပ်သက်တမ်းတိုးဖို့ မရေမရာဖြစ်နေပေမယ့် ဖာဂူဆန်ဟာ ဘာဘာတောဗ့်ကို အသင်းမှာ ဆက်ထိန်းထားဖို့များနေသလို ဘာဘာတောဗ့်ကလည်း မန်ယူမှာ ပျော်ရွှင်နေတယ်လို့ ပြောထားပါတယ်။
ဇန်န၀ါရီ အပြောင်းအရွှေ့မှာ ငွေကိုရေလို သုံးဦးမယ့် မန်စီးတီး
ပရီးမီးယားလိဂ်မှာ ခြေစွာနေတဲ့ မန်စီးတီးအသင်းဟာ အသင်းကြီးတွေအကုန် မျက်စိကျနေတဲ့ ဘယ်လ်ဂျီယံ ကွင်းလယ်လူ အီဒန်ဟာဇက်ကို ခေါ်ယူချင်တယ်လို့ ဆိုပါတယ်။ ဟာဇက်ဟာ ပြင်သစ်ကလပ် လိုင်လီမှာ ခြေစွမ်းပြနေပြီး သူ့ရဲ့အေးဂျင့်ကတော့ လာမယ့်ဇန်န၀ါရီလမှာ မန်စီးတီးအသင်းက ပေါင်သန်း ၃၀ နဲ့ ကမ်းလှမ်းဖို့ မျှော်လင့်နေကြောင်း ပြောဆိုသွားပါတယ်။ ဆက်လက်ပြီး ဟာဇက်ရဲ့ အနာဂတ်ဟာ ဥရောပ ကလပ်အသင်းကြီးတွေဖြစ်တဲ့  ရီးရဲလ်၊ ဘာစီလိုနာ၊ ချယ်ဆီး၊ အေစီမီလန် တို့လို အသင်းတွေမှာသာ ကစားဖို့ ဖြစ်နိုင်ကြောင်း ပြောဆိုသွားပါတယ်။
ကြိုက်တဲ့ကစားသမားကို လက်ညှိုးထိုးပြီး ဝယ်နိုင်နေတဲ့ မန်စီးတီးသူဌေးတွေကြောင့် ဟာဇက်ဟာ လာမယ့် ဇန်နဝါရီကစပြီး ပရီးမီးယားလိဂ်တိုက်ပွဲကို ပါဝင်ဆင်နွှဲတော့မလားဆိုတာ စိတ်ဝင်စားဖို့ ကောင်းနေပါတယ်။
PSG နဲ့ စာချုပ်ချုပ်ဖို့ နီးစပ်နေတဲ့ အန်ဆယ် လော့တီ
ချယ်လ်ဆီးနည်းပြဟောင်း အန်ဆယ်လော့တီဟာ ပြင်သစ်လိဂ်မှာ ပထမနေရာက ဦးဆောင်နေတဲ့ PSG အသင်းနဲ့ စာချုပ်ချုပ်ဖို့ နီးစပ်နေပြီလို့ ပြင်သစ်သတင်းစာများမှာ ဖော်ပြပါတယ်။
၂၀၁၁ မှာ ကာတာနိုင်ငံ ရင်းနှီးမြှုပ်နှံရေးအဖွဲ့က PSG အသင်းရဲ့ ရှယ်ယာ ၇၀ ရာခိုင်နှုန်းကို ဝယ်ယူခဲ့ပြီးနောက် ပြင်သစ်နိုင်ငံမှာ အချမ်းသာဆုံးကလပ် ဖြစ်လာတာပါ။ လူအင်အား ဖြည့်တင်းမှုတွေ လုပ်ခဲ့ပြီးတဲ့နောက် အခု နည်းပြအသစ်တယောက်ကိုပါ ခေါ်ယူဖို့ကြိုးစားနေတာ ဖြစ်ပါတယ်။
ပြင်သစ်မှလာတဲ့ သတင်းများအရ အန်ဆယ်လော့တီဟာ ပြီးခဲ့တဲ့ ရက်ပိုင်းမှာ PSG အသင်းမှ တာဝန်ရှိသူများနဲ့ ညှိနှိုင်းပြီးတဲ့နောက် တနှစ်ကို ဒေါ်လာ ၉ သန်းနဲ့ စာချုပ်ချုပ်ဆိုဖို့ နီးစပ်နေပြီလို့ ဆိုပါတယ်။ စာချုပ်သက်တမ်းကတော့ ၂ နှစ်ခွဲဖြစ်ပြီး တရားဝင် သတင်းထုတ်ပြန်မှုကိုတော့ မကြာခင် PSG အသင်းက ကြေညာသွားမယ်လို့ သိရပါတယ်။ အန်ဆယ်လော့တီသာ PSG မှာ နည်းပြဖြစ်သွားပြီဆိုရင် သူ့ရဲ့တပည့်ဟောင်းတွေ ဖြစ်တဲ့ ဒေးဗစ်ဘက်ခမ်း၊ ကာကာနဲ့ မာလူဒါတို့ကို ခေါ်ယူသွားဖို့ နီးစပ်နေပါတယ်။

အန်ဆယ်လော့တီဟာ ချယ်လ်ဆီးအသင်းနဲ့ ၂၀၀၉ မှ ၂၀၁၁ အထိလက်တွဲခဲ့ပြီး ကွန်မြူနတီဒိုင်း (၂၀၀၉)၊  ပရီးမီးယားလိဂ်ချန်ပီယံ (၂၀၁၀)၊ အက်ဖ်အေဖလား (၂၀၁၀) စတဲ့အောင်မြင်မှုများကို ရယူပေးနိုင်ခဲ့သူဖြစ်ပါတယ်။
ချယ်လ်ဆီးမတိုင်ခင် အေစီမီလန်အသင်းမှာ ၈ နှစ် နည်းပြလုပ်ခဲ့ပြီး ချန်ပီယံလိဂ် ဖလား ၂ ခု အပြင် တခြားဆုပေါင်း များစွာကို ဆောင်ကြဉ်းပေးနိုင်ခဲ့တဲ့ နည်းပြကောင်းတယောက်ပါ။ PSG အသင်းဟာ ဥရောပမှာ စိန်ခေါ်ဖို့ ရည်ရွက်ချက်ကြီးကြီးနဲ့ အန်ဆယ်လော့တီကို ခေါ်ယူခဲ့တယ်လို ယူဆရမှာပါ။
လျှော့တွက်လို့မရတော့တဲ့ တော့တင်ဟမ်
အင်္ဂလိပ်နည်းပြ ဟယ်ရီရက်နပ်ရဲ့ လက်အောက်မှာ တော့တင်ဟမ်ဟာ ပရီးမီးယားလိဂ်ရဲ့ တောင့်တင်းတဲ့ အသင်းတသင်း ဖြစ်လာလို့ နေပါပြီ။ ပြီးခဲ့တဲ့ ၂၀၁၀-၁၁ ရာသီမှာ အဆင့် ၅ ရခဲ့ပြီး အခုလောလောဆယ်မှာတော့ ဇယားထိပ်က မန်စီးတီးနဲ့ မန်ယူတို့အောက် တပွဲလျော့ကန်ပြီး ၇ မှတ်အကွာမှာ အဆင့် ၃ အဖြစ် ရပ်တည်လျက်ရှိပါတယ်။ တကယ်လို့သာ လက်ကျန်ပွဲကို အနိုင်ရခဲ့ရင် တော့တင်ဟမ်ဟာ မန်စီးတီး၊ မန်ယူတို့နဲ့ ၄ မှတ်သာကွာတော့မှာ ဖြစ်ပါတယ်။
တော့တင်ဟမ်ရဲ့ အောက်မှာတော့ နာမည်ကြီးအသင်းများဖြစ်တဲ့ ချယ်လ်ဆီး၊ အာဆင်နယ်နဲ့ လီဗာပူးလ်တို့ဟာ အဆင့် ၄၊ ၅၊ ၆ စသည်ဖြင့် ကိုယ်စီရပ်တည်လျက်ရှိပါတယ်။
တော့တင်ဟမ်အသင်းရဲ့ နည်းပြဖြစ်သူ ဟယ်ရီရက်နပ်ဟာ မန်ယူနည်းပြ ဖာဂူဆန်နဲ့ အလွန်ရင်းနှီးသူဖြစ်ပြီး ဘောလုံးသမားများကို ကိုင်တွယ်အုပ်ချုပ်ရာမှာ လိမ္မာပါးနပ်သူလို့ နာမည်ကြီးသူဖြစ်ပါတယ်။ သူဟာအမြဲတမ်း မိမိအသင်းကို နှိမ့်ချပြောဆိုလေ့ရှိပြီး လက်ရှိထက် အောင်မြင်အောင်ကြိုးစားဖို့ ဘောလုံးသမားများကို တွန်းအားပေးနိုင်တဲ့သူပါ။
ပြီးခဲ့တဲ့ ပရီးမီးယားလိဂ်ပွဲစဉ်မှာ နော်ဝစ်ခ်ျ အသင်းကို ၂-၀ နဲ့ အနိုင်ရခဲ့ပြီးတဲ့နောက် “ဟုတ်ပါတယ်၊ ဒီနေ့ကျနော်တို့ ရလဒ်ကောင်းပါတယ်။ ဒါပေမယ့် ဒီလိုဖြစ်ဖို့ဆိုတာကလည်း မလွယ်ကူလှပါဘူး။ လီဗာပူးလ် အသင်းကိုပဲကြည့်ပါ။ အန်းဖီးလ်ဒ်မှာ ဘလက်ဘန်းလိုအသင်းကို သရေကျမယ်လို့ ဘယ်သူကထင်ထားမှာလဲ။ ကျနော်တို့ကတော့ တဖက်အသင်းကို အာရုံမစိုက်ပါဘူး။ အနိုင်ရဖို့သာ ကြိုးစားပါတယ်။ ဒီနှစ်ချန်ပီယံဖြစ်နိုင်တာကတော့ အခု လောလောဆယ် အခြေအနေအရဆိုရင် မန်ယူနဲ့ မန်စီးတီးပေါ့” လို့ ဟယ်ရီရက်နပ်က ပြောသွားပါတယ်။

မိုင်းလား အဖွဲ့နှင့် အစိုးရ ငြိမ်းချမ်းရေး သဘောတူ
By featured, ရန်ပိုင် on December 29, 2011 3:10 pm in သတင်း / no comments,  Hits: 2,198
အစိုးရနှင့် မိုင်းလား အခြေစိုက် အမျိုးသား ဒီမိုကရေစီ မဟာမိတ် တပ်မတော် (NDAA) အဖွဲ့တို့ ပြီးခဲ့သည့် အင်္ဂါနေ့က ရှမ်းပြည် အရှေ့ပိုင်း ကျိုင်းတုံမြို့တွင် ပြည်ထောင်စုအဆင့် ငြိမ်းချမ်းရေး သဘောတူညီချက် လက်မှတ်ရေးထိုးသည်။

ရှမ်းပြည် ငြိမ်းချမ်းရေး ဖော်ဆောင်ရေး အဖွဲ့နှင့် မိုင်းလား အထူးဒေသ(၄) ငြိမ်းချမ်းရေး ဖော်ဆောင်ရေး အဖွဲ့တို့ စက်တင်ဘာလ အတွင်းက ပဏမ ငြိမ်းချမ်းရေး သဘောတူညီချက်ကို လက်မှတ် ရေးထိုးကြစဉ် (ဓာတ်ပုံ - မြန်မာ့အလင်း)
အစိုးရ၏ ပြည်ထောင်စု အဆင့်ငြိမ်းချမ်းရေး ဆွေးနွေးရေးအဖွဲ့ ခေါင်းဆောင် ဦးအောင်သောင်း၊ ဦးသိန်းဇော် နှင့် NDAA အဖွဲ့ ခေါင်း ဆောင် ဦးစိုင်းလင်း၊ ဦးစံပေတို့က အဆိုပါ သဘောတူညီချက်ကို လက်မှတ်ရေးထိုးခြင်းဖြစ်သည်။

အချက် ၆ ချက်ပါ ယင်းသဘောတူညီချက်တွင် မိုင်းလား အထူးဒေသ(၄) NDAA အနေဖြင့် နိုင်ငံတော်မှ ခွဲထွက်ခြင်း၊ သွေးကွဲခြင်း များကို လုံးဝပြုလုပ်မည် မဟုတ်ကြောင်း၊ နိုင်ငံတော်၏ ကာကွယ်ရေးအင်အားစုများနှင် ပူးပေါင်းဆောင်ရွက်ရေး၊ မိုင်းလားဒေသရှိ
ပြည်သူ့ ကိုယ်စားလှယ်များ နိုင်ငံတော်၏ လွှတ်တော်အဆင့်ဆင့်တွင် ပါဝင်ရေးတို့လည်း ပါရှိသည်။

0 comments:

Post a Comment

စာမရေးဖြစ်တော့တာကြောင့် ကျနော်ကြိုက်ပြီး ဖတ်စေချင်တဲ့ စာလေးတွေကို တင်ထားပါတယ်ဗျာ

Followers

Total Pageviews

အမှာပါးစရာများရှိနေရင်

Pop up my Cbox

Blog Archive

အက်ဒမင်

အခြားကဏ္ဍများကို လေ့လာရန်

ရှာဖွေလေ တွေ့ရှိလေ

စာပေမြတ်နိုးသူများ

free counters
Related Posts Plugin for WordPress, Blogger...