27.12.2011 နေ့ဖတ်ရန်သတင်းများ

by Myanmar Journal on Wednesday, December 28, 2011 at 6:39am

 

 
အမေရိကန် တပ်အကြီးအကဲ James Mattis 
ပါကစ္စတန် စစ်တပ်ကို ပိုယုံကြည်ဖို့နဲ့ ဆက်သွယ် ဆောင်ရွက်ဖို့ လို

ပြီးခဲ့တဲ့ လတုန်းက အမေရိကန်ရဲ့ လေကြောင်းက စစ်ဆင်မှုကြောင့် ပါကစ္စတန် စစ်သား ၂၄ယောက် သေဆုံးခဲ့ရတဲ့ ဖြစ်ရပ် အပေါ် ယူသင့်တဲ့ အဓိက သင်ခန်းစာ ကတော့ ပါကစ္စတန် စစ်တပ်ကို ပိုမို ယုံကြည်မှု ထားဖို့နဲ့ ပိုပြီး ဆက်သွယ် ဆောင်ရွက်ဖို့ လိုတာတွေ ပါဘဲလို့ အမေရိကန် ပင်မတပ် အကြီးအကဲက ပြောကြားလိုက်ပါတယ်။
အာဖဂန်နစ္စတန် နယ်စပ်နားမှာ ဖြစ်ပွားခဲ့တဲ့ အဲဒီ ဖြစ်ရပ်ကြောင့် အမေရိကန်နဲ့ ပါကစ္စတန်တို့ရဲ့ ဆက်ဆံရေး ဆိုးဆိုးရွားရွား တင်းမာခဲ့ပါတယ်။

ဒီတိုက်ခိုက်မှုနဲ့ ပတ်သက်လို့ စုံစမ်းစစ်ဆေးချက် ရလဒ်ကို ထုတ်ပြန်ရာမှာ ဗိုလ်ချုပ်ကြီး James Mattis က စစ်တပ်တွေ အားလုံးက နယ်စပ် နှစ်ဖက်စလုံးမှာ ချထားတဲ့ စစ်တပ် စခန်းတွေ အားလုံးကို ဖွင့်ချပြောဖို့ လိုတယ်လို့ တောင်းဆို လိုက် ပါတယ်။
အာဖဂန် နစ္စတန်က နေတိုးတပ်ဖွဲ့ အကြီးအကဲကိုလည်း နယ်စပ်က တပ်ဖွဲ့တွေနဲ့ နှစ်ဘက် အပြန်အလှန် ယုံကြည်မှု တည်ဆောက်ဖို့ သူက ညွှန်ကြားခဲ့ပါတယ်။

ဂျူး ဘုရားရှိခိုးကျောင်းမိန်းမ ယောင်္ကျား ခွဲခြားမှုဟာ ဘောင်မဝင်ဘူးလို့ အစ္စရေး ဝန်ကြီးတွေပြော
အမျိုးသားနဲ့ အမျိုးသမီး ခွဲခြားထားရမယ် ဆိုတဲ့ အယူအဆ အပေါ် စည်းရုံးလှုပ်ရှား မှုတွေ ပြင်းထန် လာနေရာမှာ အဲဒီအယူအဆ ကိုင်စွဲသူ ရာ ထောင်ချီ တဲ့ အစွန်းရောက် အော်သိုဒေါက်စ် ဂျူးတွေနဲ့ ရဲတွေကြား ဂျေရုဆလင်မြို့နားမှာ ရုန်းရင်းဆန်ခတ် ဖြစ်ခဲ့ပါတယ်။
လမ်းမကြီး တခုပေါ်မှာ မိန်းမနဲ့ ယောက်ျား ခွဲခြား ကန့်သတ်ထားတဲ့ ဆိုင်းဘုတ် တခုကို ရဲက ဖယ်ရှားပေးဖို့ လုပ်ဆောင်ခဲ့ရာက အဓိကရုဏ်းဖြစ်ပြီး ရဲအရာရှိ တယောက် ဒဏ်ရာ ရခဲ့တာ ဖြစ်ပါတယ်။
အစွန်းရောက် အော်သိုဒေါက်စ် ဂျူး ဘာသာဝင် အုပ်စုကြီးက ရဲတွေနောက်က လိုက်ပြီး ကျောက်တုံးတွေနဲ့ ပစ်ပေါက်ခဲ့ ကြပါတယ်။
လူမြင်ကွင်းနေရာတွေမှာ မိန်းမတွေကို ခွဲခြားထားဖို့ အစွန်းရောက် အော်သိုဒေါက်စ် ဂျူး ဘာသာဝင်တွေရဲ့ အခု သီတင်းပတ်တွေ အတွင်း ကြိုးပမ်းချက်ကို အစ္စရေး အာဏာပိုင်တွေက တုန့်ပြန် ဆောင်ရွက် ခဲ့ပြီးနောက် အကြမ်းဖက် တိုက်ခိုက်မှုတွေ ဖြစ်ခဲ့ပြီး အခုဖြစ်ရပ်က နောက်ဆုံး ဖြစ်ပါတယ်။
ဒီလို မိန်းမ ယောက်ျား ခွဲခြားမှုဟာ တရားဥပဒေနဲ့ ဘောင်မဝင်ဘူးလို့ အစ္စရေး ဝန်ကြီးတွေ ကလည်း ပြောနေကြပါတယ်။

ဟောမ်စ်မြို့က အခြေအနေဟော်မ်စ်မြို့က ပစ်ခတ်မှု အနည်းဆုံး လူ၁၈ယောက် သေဆုံး
ဆီးရီးယား နိုင်ငံမှာ အာရပ်အဖွဲ့ချုပ်ကို ကိုယ်စားပြုတဲ့ လေ့လာစောင့်ကြည့်ရေး အဖွဲ့ ရောက်ရှိလာပါပြီ။
အခုနှစ် အစောပိုင်း ကတည်းက စတင် ဖြစ်ပွားခဲ့တဲ့ အစိုးရ ဆန့်ကျင်ရေး ဆန္ဒပြမှုတွေ အတွင်း လုံခြုံရေး တပ်ရဲ့ နှိမ်နင်းမှုကြောင့် လူထောင်နဲ့ချီ သေဆုံးနေရာမှာ ဒီလို အကြမ်းဖက် နှိမ်နင်းမှုတွေ ရပ်သွားစေဖို့ ရည်ရွယ်ချက်နဲ့ အာရပ် အဖွဲ့ချုပ်က စုံစမ်း စစ်ဆေးရေးမှူး တွေကို စေလွှတ်လိုက်တာ ဖြစ်ပါတယ်။
အခုနောက်ဆုံး သတင်းတွေ အရ ဟော်မ်စ်မြို့မှာ ပစ်ခတ်မှုတွေကြောင့် အနည်းဆုံး လူ၁၈ယောက် သေဆုံးသွားတယ် သိရပါတယ်။
ဆီးရီးယား အစိုးရ အနေနဲ့ အဓိကရုန်းဖြစ်ရာ ဒေသတွေကနေ လက်နက်ကိုင် တပ်ဖွဲ့ အားလုံးကို ဆုတ်ခွာ ပေးဖို့ လိုအပ်တယ်လို့ သူတို့ မြင်တဲ့ အကြောင်း အာရပ်အဖွဲ့ချုပ် က ပြောပါတယ်။
အာရပ်အဖွဲ့ချုပ်က စစ်ဆေးရေးမှူးတွေ ဟော်မ်စ် မြို့ကို အမြန် အရောက်သွားဖို့ ပြင်သစ် နိုင်ငံခြားရေး ဝန်ကြီးဌာနက တိုက်တွန်းထား သလို ဆီးရီးယား အတိုက်အခံ အဖွဲ့တွေကလည်း တိုက်တွန်း နေပါတယ်။
ဆီးရီးယား အစိုးရကတော့ စစ်ဆေးရေးမှူးတွေ အနေနဲ့ သူတို့ သွားလိုရာ လွတ်လွတ် လပ်လပ် သွားလာနိုင်တယ်လို့ ဆိုပါတယ်။

သဲတူးစင် တွေနဲ့ သဲတွေ အမြောက်အများသယ်။စစ်တွေဆိပ်ကမ်း တည်ဆောက်မှု လူထုထိခိုက်
စစ်တွေမြို့မှာ ဆိပ်ကမ်းတည်ဆောက်နေတဲ့ အိန္ဒိယ ကုမ္ပဏီ အက်ဆာ ပိုင် ကားကြီး၊ကားငယ် စင်းရေ( ၁ဝဝ) နီးပါးဟာ သဲတွေကို စည်းကမ်းမဲ့ သယ်ယူမှု ပြုနေလို့ သဲမှုန်တွေ လွင့်ရာက စစ်တွေလူထု ကျန်းမာရေး ထိခိုက်နေကြပါတယ်။
သဲတွေကို ပင်လယ် ဆိပ်ကမ်းကနေ ညလုံးပေါက် သယ်ယူနေတဲ့ အတွက် ကားလမ်း တလျှောက်ရှိ အိမ်တွေ၊ မျက်စိဆေးရုံ အပါအဝင်၊ လူတွေပါ သဲမှုန်တွေကြောင့် ကျန်းမာရေး ထိခိုက်နေကြပါတယ်။
မြို့ခံလူထု က ဝိုင်းဝန်းကန့်ကွက် ရာမှာ ခေတ္တ ရပ်နားပေမယ့် ရက်ပိုင်းအတွင်း သဲတွေ လူးလာ ခေါက်ပြန် သယ်ယူမှု ပြုပါတယ်။
ပတ်ဝန်းကျင် ထိန်းသိမ်းမှု အရရော၊ ကျန်းမာရေး အရပါ ထိခိုက်မှု ရှိပါရက် နဲ့ ဘာကြောင့် ဆက်လက်လုပ်ကိုင်နေကြောင်း၊ ထိရောက်တဲ့ အရေးယူမှု မပြုတာနဲ့ ပတ်သက်ပြီး ရခိုင်ပြည်နယ် ပြည်သူ့လွှတ်တော် အမတ် ဦးအောင်မြကျော် ကို မေးကြည့်ရာမှာတော့ ပြည်နယ် အစိုးရမှာ တိကျ ပြတ်သားတဲ့ ဆုံးဖြတ်ချက် မချ နိုင်တာကြောင့် အခုလိုဖြစ်ရပုံ ဘီဘီစီ ကို ရှင်းပြပါတယ်။

မြန်မာနိုင်ငံ အနောက်ဘက်ခြမ်း က လှေစီးပြေး ဒုက္ခသည် တွေဘင်္ဂလားဒေ့ရှ် နယ်စပ် က လူမှောင်ခို တွေ
ဘင်္ဂလားဒေ့ရှ် ပြည်ထဲရေး ဝန်ကြီးဌာန က ဘင်္ဂလားဒေ့ရှ် က နေ မလေးရှား နဲ့ ထိုင်း ကို ပင်လယ် လမ်းကြောင်း က တဆင့် စက်လှေ တွေ နဲ့ လူမှောင်ခို တင်ပို့သူတွေ လို့ သံသယ ဖြစ်ခံထားရတဲ့ လူ ၃၆ ဦးကို ဖမ်းဆီးဖို့ တနင်္လာနေ့ က အမိန့် ထုတ်ပြန် လိုက်ပါတယ်။
အဲဒီ လူမှောင်ခိုကူးသူလို့ မသင်္ကာခံရတဲ့ လူ တွေ ဟာ မြန်မာ ဘင်္ဂလားဒေ့ရှ် နယ်စပ် ဘင်္ဂလား ဒေ့ရှ် နိုင်ငံ ဘက်ခြမ်း ကော့စ်ဘဇား ခရိုင် မှာ နေထိုင်သူတွေ ဖြစ်ပြီး အဲဒီလို လူမှောင်ခို တင်ပို့တဲ့ လုပ်ငန်းကို လုပ်ကိုင်နေတာ ၅ နှစ်ကနေ ၁၀ နှစ် ကာလ အတွင်း ရှိနေပြီ လို့လည်း ဘင်္ဂလားဒေ့ရှ် အစိုးရ အရာရှိတွေ က ပြောပါ တယ်။
ဘင်္ဂလားဒေ့ရှ် ထောက်လှမ်းရေးက သူတို့ အမည်စာရင်းတွေ ကို အစိုးရထံ တင်ပြအပြီးမှာ ခုလို ဖမ်းဆီးဖို့ အမိန့်ထွက်လာတာလည်း ဖြစ်ပါတယ်။
ပြီးခဲ့တဲ့ လတွေအတွင်း ဘင်္ဂလားဒေ့ရှ် က ထွက်ခွာလာတဲ့ လူမှောင်ခို တင်စက်လှေ တွေ ပင်လယ်ထဲမှာ တိမ်းမှောက်ခဲ့ပြီး လူအများအပြား သေဆုံးခဲ့ရတဲ့ နောက်ပိုင်း အခုလို လူ မှောင်ခို တင်ပို့ တဲ့ သူတွေ ကို ဖမ်းဆီးဖို့ ဘင်္ဂလားဒေ့ရှ် အစိုးရ ပိုင်း က ကြိုးပမ်းနေတာ ဖြစ်ပါတယ်။
ဒီလူမှောင်ခို စက်လှေ တွေ ထဲမှာ မြန်မာပြည် ဘက်က လူတွေ လည်း အမြဲလိုလို လိုက်ပါ တတ်ကြပြီး ပင်လယ် မှာ သေဘေး ကြုံတွေ့ ခဲ့ရတဲ့ အဖြစ်တွေ အများအပြား ဖြစ်ခဲ့ ပါတယ်။

 ဂျပန် ရင်းနှီးမြှုပ်နှံမှု နဲ့ ပတ်သက်၍
ဂျပန်နိုင်ငံ က ဖွံ့ဖြိုးရေးဆိုင်ရာ အကူအညီ တွေ နဲ့ စီးပွားရေး အရ ရင်းနှီးမြှုပ်နှံမှု တွေကို မြန်မာနိုင်ငံ မှာ မဝေးတဲ့ကာလ အတွင်း တွေ့လာ ရတော့ မှာပါ။
မြန်မာနိုင်ငံ အစိုးရ အနေနဲ့ ဒေါ်အောင်ဆန်း စုကြည် ကို နိုင်ငံရဲ့ နိုင်ငံရေး ဖြစ်စဉ်မှာ ပါဝင် ခွင့်ပြုတာ အပါအဝင် ဒီမိုကရေစီရေး နဲ့ အမျိုးသား ပြန်လည် သင့်မြတ်ရေး ကိစ္စ တွေ စတင် လုပ်ဆောင် လာတာကြောင့် ဂျပန် အစိုးရ အနေနဲ့ စီးပွားရေး အရ ပူးပေါင်း ဆောင်ရွက်ဖို့ ဆုံးဖြတ်ခဲ့တာ ဖြစ်ကြောင်း ဂျပန် နိုင်ငံခြားရေး ဝန်ကြီး ကိုအီချီရို ဂမ်ဘာ က မြန်မာ သမ္မတ နဲ့ ဒေါ်အောင်ဆန်း စုကြည် တို့ ကို တနင်္လာနေ့ က သီးခြားစီ တွေ့ဆုံ အပြီး သတင်းထောက် တွေနဲ့ တွေ့ဆုံရာမှာ ပြောကြား ခဲ့ ပါတယ်။
၂ နိုင်ငံကြား စီးပွားရေး ပူးပေါင်းဆောင်ရွက်မှု ကိစ္စနဲ့ ပတ်သက်လို့ ဂျပန် နိုင်ငံခြားရေး ဝန်ကြီး က စီးပွားရေး အရ ပူးပေါင်းဆောင်ရွက်မှု လုပ်တဲ့ နေရာမှာ မြန်မာပြည် လူထုရဲ့ အခြေခံလူနေမှု ဘဝ တိုးတက် ဖို့ အတွက် အဓိကအာရုံထားပြီး လုပ်ဆောင်သွား မှာ ဖြစ်တဲ့ အတွက် ဆင်းရဲမှု ပပျောက်ရေး၊ ကျန်းမာရေး၊ ပညာရေး၊ စိုက်ပျိုးရေး စတဲ့ ကဏ္ဍ တွေကို ဦးစားပေး လုပ်ဆောင် သွားမယ် လို့ ဒေါ်အောင်ဆန်းစုကြည် နဲ့ အတူ သတင်းထောက်တွေ နဲ့ တွေ့တဲ့ အဲဒီ သတင်းစာရှင်းလင်း ပွဲမှာ ပြောကြား သွားပါတယ်။
မြန်မာနိုင်ငံ က သီလဝါဆိပ်ကမ်း စီမံကိန်း ကို မြန်မာသမ္မတ က လည်း ဂျပန် နိုင်ငံ ကို ရင်းနှီးမြှုပ်နှံ လုပ်ကိုင်စေလိုတဲ့ ဆန္ဒ ရှိနေတဲ့ အပေါ် သူတို့ရဲ့ စီးပွားရေး စီမံကိန်း ဆန်းစစ် လေ့လာမှု တွေ လုပ်တဲ့ နေရာမှာ ထည့်သွင်း လုပ်ကိုင်သွား မယ့် အကြောင်း လည်း သူ က ပြော ပါတယ်။
ဒေါ်အောင်ဆန်းစုကြည် က မြန်မာနိုင်ငံ စီးပွားရေး ဖွံ့ဖြိုးမှု နဲ့ ပတ်သက်လို့ ဂျပန် နိုင်ငံခြားရေး ဝန်ကြီး ကို သူ ပြောခဲ့တာတွေ ကို ပြောကြားရာမှာ ပြည်တွင်း ငြိမ်းချမ်းရေး နဲ့ တိုင်းရင်းသား ဒေသ တွေ ပါ ဖွံ့ဖြိုးတိုးတက်ရေး က နိုင်ငံ ဖွံ့ဖြိုးရေး အတွက် အရေးကြီး လှကြောင်း ထောက်ပြ ခဲ့ပါတယ်။
ဂျပန် နိုင်ငံခြားရေး ဝန်ကြီး မစ္စတာ ဂမ်ဘာ က လည်း ဒေါ်အောင်ဆန်းစုကြည် က သူတို့ ကို တိုင်းရင်းသား တွေ ရဲ့ အရေးကိစ္စ ကို ထောက်ပြခဲ့ကြောင်း နဲ့ သူတို့ အနေ နဲ့ ကလည်း လူတဦး ချင်းစီ ရဲ့ လုံခြုံရေး က ဖွံ့ဖြိုးရေး အတွက်အရေးပါပုံ ကို လက်ခံတဲ့ အမြင်ရှိတာ မို့ အဲဒီ ထောက်ပြ ပြောဆိုမှု အပေါ် အလေးထား ဆောင်ရွက် သွားမယ့် အကြောင်း ပြောဆို သွား ပါတယ်။
ဂျပန်နိုင်ငံ အနေနဲ့ မြန်မာနိုင်ငံမှာ ရင်းနှီးမြှုပ်နှံမှု ကိစ္စ အတွက် သူတို့ရဲ့ စက်မှု နဲ့ ကုန်သွယ်ရေး ဝန်ကြီး ကို လာမယ့် လ အတွင်း မြန်မာနိုင်ငံ ကို စေလွှတ် လိမ့်မယ်လို့ လည်း ခန့်မှန်း နေကြပါတယ်။

ဂျပန် လက်နက် မတင်ပို့ရေး မူကို ပြင်မယ်
ဂျပန်နိုင်ငံဟာ ပြည်ပကို လက်နက် မတင်ပို့ဖို့ အတွက် သူ့တနိုင်ငံထဲ ဆုံးဖြတ် ထားခဲ့
ဂျပန် အစိုးရ က ပြည်ပကို လက်နက် တင်ပို့ ရောင်းချမှု တဖက်သတ် ရပ်ဆိုင်း ထားတာ ကို လျှော့ပေါ့ ပြင်ဆင်ဖို့ စဉ်းစား နေတယ် လို့ ဆိုပါတယ်။
ဒီလို လျှော့ပေါ့ လိုက်မယ် ဆိုရင် ဂျပန်ဟာ အခြား နိုင်ငံ တွေနဲ့ လက်နက် တီထွင် ထုတ်လုပ်ရေး လုပ်ငန်း တွေမှာ ပူးပေါင်း ဆောင်ရွက် နိုင်မှာ ဖြစ်ပြီး လူသားချင်း စာနာ ဆောင်ရွက်တဲ့ လုပ်ငန်း တွေမှာလည်း စစ်လက်နက် ပစ္စည်းတွေ ထောက်ပံ့ ပေးနိုင် လိမ့်မယ်လို့ အစိုးရ ဝန်ကြီး အဖွဲ့ အတွင်း ဝန်ချုပ် Osamu Fujimura က ပြော ပါတယ်။
ဒါပေမယ့် နိုင်ငံတကာ ပဋိပက္ခ တွေကို မီးလောင်ရာ လေပင့် သလို မဖြစ် စေဖို့ အတွက် လက်နက် တင်ပို့ ရောင်းချ မှုကိုတော့ အနီးကပ် စောင့်ကြည့် သွားမှာ ဖြစ်တယ်လို့ သူက ဆိုပါတယ်။
လတ်တလောမှာ ဂျပန်နိုင်ငံဟာ အမေရိကန် ပြည်ထောင်စု က လွဲရင် တခြား နိုင်ငံ အားလုံးကို လက်နက် တင်ပို့ ရောင်းချမှု မလုပ်ဖို့ တဖက်သတ် ဆုံးဖြတ် ထားတာ ဖြစ်ပါတယ်။

အမျိုးသား လူ့အခွင့်အရေး ကော်မရှင် အင်းစိန်ထောင် လေ့လာ
မြန်မာ နိုင်ငံ အမျိုးသား လူ့ အခွင့် အရေး ကော်မရှင် ဥက္ကဌ ဦးဝင်းမရ ခေါင်းဆောင် တဲ့ ၈ ဦးပါ လူ့ အခွင့်အရေး ဆိုင်ရာ အဖွဲ့ တခုဟာ ဒီကနေ့မှာ အင်းစိန် အကျဉ်း ထောင် ကို သွားရောက် ပြီး အခြေ အနေ ကို လေ့လာ ခဲ့ကြ ပါတယ်။
မြန်မာ အစိုးရက တရားဝင် ဖွဲ့စည်း ပေးထားတဲ့ အမျိုးသား လူ့ အခွင့်အရေး ကော်မရှင် ဟာ အကျဉ်းထောင် တွေကို ခုတကြိမ် မှာ ပထမဆုံး သွားရောက် လေ့လာ ခဲ့တာ ဖြစ်ပါတယ်။
ထောင်ထဲမှာ အကျဉ်းသား တချို့နဲ့ တွေ့ဆုံခွင့် ရခဲ့ပြီး အခြေအနေ တွေကို လည်း အတော် များများ သိခွင့် ရခဲ့ တယ်လို့ ဦးဝင်းမရ ကဘီဘီစီကို ပြောပေမယ့် ရက်အနည်းငယ် ကြာနိုင်တဲ့ သူတို့ရဲ့ လေ့လာမှုတွေ မပြီးသေးခင် အသေးစိတ်ကို ထုတ်ဖော် ပြောဆိုဖို့ မရှိ ကြောင်းလည်း ပြောပါတယ်။
မြန်မာ နိုင်ငံက အကျဉ်းထောင် တွေမှာ အကျဉ်းသား တွေကို လုံလောက်တဲ့ စားနပ် ရိက္ခာနဲ့ ကျန်းမာရေး စောင့်ရှောက်မှု မပေးတာ အပါအဝင် လူ့အခွင့်အရေး ချိုးဖောက်မှု တွေလည်း ဆိုးဆိုး ရွားရွား ရှိနေကြောင်း နိုင်ငံရေး အကျဉ်းသား အခွင့်အရေး လှုပ်ရှားသူ တွေက ပြောပါတယ်။

မြန်မာအစိုးရနဲ့ ဝအဖွဲ့ သဘောတူညီချက်ရ
မြန်မာ အစိုးရနဲ့ နောက်ထပ် ဆွေးနွေးဖို့ ရှိသေးတယ်လို့ UWSA ကဆို
ဦးအောင်သောင်း ဦးဆောင်တဲ့ ပြည်ထောင်စု အဆင့် ငြိမ်းချမ်းရေး ဖော်ဆောင်ရေး အဖွဲ့နဲ့ UWSA ဝပြည် သွေးစည်း ညီညွတ်ရေး အဖွဲ့ တို့ ပန်ဆန်းမှာ ရှိတဲ့ UWSA ဌာနချုပ် မှာ တွေ့ဆုံ ဆွေးနွေးပြီး အချက် ၆ ချက် ပါတဲ့ သဘော တူညီချက် တရပ်ကို လက်မှတ် ရေးထိုး ခဲ့ပါတယ်။
ပညာရေး၊ ကျန်းမာရေး၊ ဒေသ ဖွံ့ဖြိုးရေး အပြင် လွှတ်တော် အဆင့်ဆင့် ဆီကို ဝကိုယ်စားလှယ်တွေ ပေးပို့ရေး အတွက် ဆက်လက်ဆွေးနွေးဖို့အတွက် သဘောတူညီခဲ့ကြတာဖြစ်ကြောင်း UWSA ဗဟိုကော်မီတီဝင်တဦးဖြစ်တဲ့ ဦးအောင်မြင့်ကဆိုပါတယ်။
နောက်ထပ် ဆွေးနွေး ရမယ့် ရက်ကိုတော့ မသတ်မှတ် ရသေးဘူးလို့ ဆိုပါတယ်။
ကျောင်းဆရာ ဆရာမတွေ၊ ကျန်းမာရေး ဝန်ထမ်းတွေနဲ့ အစိုးရ မဟုတ်တဲ့ အန်ဂျီအို အရပ်ဖက် အကူညီ ပေးရေး အဖွဲ့အစည်း ဝန်ထမ်းတွေ ဝဒေသ ထဲကို ပြန်လည် စေလွှတ် ပေးဖို့ အတွက် စောစောက သဘော တူညီချက် ရှိခဲ့တဲ့ အတိုင်း အခုအခါ အဲဒီ ဝန်ထမ်းတွေ ပြန်လာ ကြပြီလို့ ဦးအောင်မြင့်က ပြောပါတယ်။
ဒါ့အပြင် WFP ကမ္ဘာ့ စားနပ် ရိက္ခာ အဖွဲ့က ဝန်ထမ်း တွေလည်း ပြန်ရောက် လာပြီး ရုံးပြန်ဖွင့် နိုင်ပြီလို့ ဆိုပါတယ်။
မြန်မာ အစိုးရ ကိုယ်စားလှယ် တွေဟာ မိုင်းလား အဖွဲ့နဲ့လည်း အင်္ဂါနေ့မှာ သဘောတူ စာချုပ် တခု လက်မှတ် ရေးထိုး ခဲ့ပေမယ့် အသေးစိတ် ကိုတော့ မသိရ ပါဘူး။
မြန်မာ အစိုးရသစ် အနေနဲ့ တနိုင်ငံလုံး အတိုင်းအတာနဲ့ ငြိမ်းချမ်းရေး ရအောင် ဆောင်ရွက် နေတယ်လို့ UWSA အဖွဲ့က ယုံကြည်ကြောင်း ဦးအောင်မြင့်က ဆိုခဲ့ ပါတယ်။

စောင့်ကြည့် လေ့လာရေး အဖွဲ့ ဆီးရီးယားကို ရောက်လာ
စောင့်ကြည့် လေ့လာသူတွေ မရောက်လာခင် တင့်ကားတွေ မြို့ပြင် ထွက်သွားတာ လို့ဆို
ဆီးရီးယား မှာ အစိုးရ ဆန့်ကျင် သူတွေကို အကြမ်းဖက် နှိမ်နှင်းမှုတွေ မလုပ်ဖို့ အစိုးရရဲ့ ကတိပေးချက် အတိုင်း လိုက်နာ ဆောင်ရွက်ခြင်း ရှိမရှိ စောင့်ကြည့် လေ့လာဖို့ အတွက် အာရပ် အဖွဲ့ချုပ် က ကိုယ်စားလှယ် အဖွဲ့ဟာ Homs မြို့ကို ရောက်ရှိ လာ ပါတယ်။
အစိုးရ တင့်ကား တွေဟာ အရပ်အဖွဲ့ချုပ် က စောင့်ကြည့် လေ့လာ သူတွေ ရောက်မလာခင် လေးမှာဘဲ မြို့ထဲကနေ ဆုတ်ခွာ သွားကြတာ ဖြစ်တယ်လို့ ဆန္ဒပြ သူတွေက ပြောပါတယ်။
အာရပ် အဖွဲ့ချုပ်က စောင့်ကြည့် လေ့လာ သူတွေ ရောက်လာလို့ အစိုးရ တင့်ကား တွေဟာ အဓိက လမ်းမကြီး တွေပေါ် ကနေ ဆုတ်ခွာ သွားခဲ့ ပေမယ့် မြို့ရဲ့ အနီး အနား မှာဘဲ ရှိနေ တယ်လို့ မြို့ခံ တဦးက ပြောပါတယ်။
Homs မြို့ဟာ အစိုးရ ဆန့်ကျင်ရေး လှုပ်ရှားမှု တွေရဲ့ ဗဟိုချက် နေရာ တခု ဖြစ်လာ နေပါတယ်။
မကြာသေးခင် လတွေ အတွင်း အကြမ်းဖက် မှုတွေလည်း အကြီးအကျယ် ကြုံခဲ့ ရတဲ့ နေရာ ဖြစ်ပြီး တနင်္လာနေ့ တနေ့ထဲ မှာတွင် အဲဒီမှာ လူ ၃၀ လောက် သေဆုံး သွားခဲ့ ပါတယ်။
ဒါပေမယ့် အစိုးရကို ဆန့်ကျင် ရှုတ်ချ နေတဲ့ ဆန္ဒပြ သူတွေ မြို့ထဲမှာ ထောင်နဲ့ချီ ရှိနေ ဆဲဘဲလို့ ဆန္ဒပြ သူတွေက ဆိုပါတယ်။

ဆန္ဒပြသူတွေ ဦးတည်ရာမဲ့နေတယ်လို့ ပူတင်ကဆို
မစ္စတာပူတင်ဟာ မတ်လ သမ္မတ ရွေးကောက်ပွဲမှာ ယှဉ်ပြိုင်မှာ ဖြစ်ပါတယ်
ရုရှ နိုင်ငံ မှာ လာမယ့် မတ်လ အတွင်း ကျင်းပဖို့ ရှိတဲ့ သမ္မတ ရွေးကောက်ပွဲ မှာ ဝင်ရောက် ယှဉ်ပြိုင် ဖို့ ပြင်ဆင် နေတဲ့ လက်ရှိ ဝန်ကြီးချုပ် ဗလာဒီမျာ ပူတင်က အတိုက်အခံ လှုပ်ရှား မှုတွေဟာ ဦးတည်ချက် မရှိ ခေါင်းဆောင် မရှိတဲ့ ဆောင်ရွက်ချက် တွေသာ ဖြစ်တယ် လို့ ပြောလိုက် ပါတယ်။
စနေနေ့ တုန်းက မော်စကို မြို့မှာ လူစု လူဝေးနဲ့ ဆန္ဒပြ မှုတွေ ဖြစ်ခဲ့ ပြီးတဲ့ နောက်ပိုင်း သူက ခုလို ပထမဆုံး ပြောခဲ့ တာပါ။
ဆန္ဒပြ သူတွေဟာ ခုလ စောစော ပိုင်းမှာ ကျင်းပ ခဲ့တဲ့ ပါလီမန် ရွေးကောက်ပွဲ ကို တရားမဝင် ဖြစ်အောင် ကြိုးပမ်း နေကြ တာသာ ဖြစ်တယ် လို့လည်း သူက ထိုးနှက် ပြောကြား ခဲ့ ပါတယ်။
မစ္စတာ ပူတင်ဟာ လာမယ့် သမ္မတ ရွေးကောက်ပွဲ မှာ ရှေ့က ပြေးနေ ပေမယ့် သူ့ကို စိန်ခေါ် ယှဉ်ပြိုင် ကြမယ့် သူတွေ လည်း အတော် များများ ရှိနေ ပါတယ်။

အင်ဒိုနီးရှား နိုင်ငံခြားရေး ၀န်ကြီး မြန်မာပြည်သွားမည်
By မစုမြတ်မွန်
အင်ဒိုနီးရှားနိုင်ငံခြားရေးဝန်ကြီး မာတီနာတာလီဂါဝါဟာ မနက်ဖြန် ဗုဒ္ဓဟူးနေ့မှာ အမျိုးသားဒီမိုကရေစီ အဖွဲ့ချုပ် ခေါင်းဆောင် ဒေါ်အောင်ဆန်းစုကြည်နဲ့ တွေ့ဆုံဖို့ရှိနေပါတယ်။ အင်ဒိုနီးရှားနဲ့ မြန်မာကိစ္စကြား ပူးတွဲကော်မရှင်စည်းဝေးပွဲတခု လာတက်မယ့် တရက်ခရီးစဉ်မှာ ဒေါ်အောင်ဆန်းစုကြည်နဲ့တွေ့ဆုံမှာ ဖြစ်ပါတယ်။ တွေ့တဲ့အခါ  ၂၀၁၄ မှာ မြန်မာနိုင်ငံ အာဆီယံ အလှည့်ကျဥက္ကဋ္ဌ တာဝန်ယူရေးကိစ္စနဲ့ ပတ်သက်ပြီး ဆွေးနွေးလိမ့်မယ်လို့လည်း မျှော်လင့်ရပါတယ်။ အပြည့်အစုံကို ဘန်ကောက်ရုံးက မစုမြတ်မွန်က တင်ပြပေးထားပါတယ်။
ဒီရက်ပိုင်းတွေအတွင်း မြန်မာနိုင်ငံကို နိုင်ငံခြားရေးဝန်ကြီးတွေ တယောက်ပြီးတယောက်လာနေကြတဲ့ထဲမှာ Indonesia နိုင်ငံခြားရေးဝန်ကြီး မာတီနာတာလီဂါဝါ (Marty Natalegawa) မြန်မာနိုင်ငံကိုလာမှာ ဖြစ်ပါတယ်။ နက်ဖြန် ရန်ကုန်ကိုရောက်လာမယ့် နိုင်ငံခြားရေးဝန်ကြီးရဲ့ ခရီးစဉ်အကြောင်း ပြောခွင့်ရသူ Michael Tene က ခုလိုပြောပြပါတယ်။
၂ နိုင်ငံကြားကိစ္စတွေကို ဆွေးနွေးမဲ့ ပူးတွဲကော်မရှင်စည်းဝေးပွဲအတွက် ရန်ကုန်ကိုပဲသွားမှာဖြစ်တယ် ဆိုတာကို နိုင်ငံခြားရေးဝန်ကြီး ပြောခွင့်ရသူက ပြောသွားတာဖြစ်ပါတယ်။ ဒီတခါ သူ့ရဲ့ မြန်မာနိုင်ငံ ခရီးစဉ်ဟာ အာဆီယံအလှည့်ဥက္ကဋ္ဌတယောက်အနေနဲ့ထက် အင်ဒိုနီးရှား နိုင်ငံခြားရေးဝန်ကြီးအဖြစ် သွားတာဖြစ်ပြီး မြန်မာနဲ့ အင်ဒိုနီးရှားနိုင်ငံကြား နိုင်ငံရေး၊ စီးပွားရေး၊ လူမှုရေး၊ ယဉ်ကျေးမှုဖလှယ်ရေး ကိစ္စတွေကို ဆွေးနွေးကြမှာ ဖြစ်တယ်လို့ နိုင်ငံခြားရေးရုံးကလည်း ပြောပါတယ်။
နေ့ချင်းပြန် ခရီးစဉ်အတွင်းမှာ အင်ဒိုနီးရှားနိုင်ငံခြားရေးဝန်ကြီးဟာ အမျိုးသား ဒီမိုကရေစီအဖွဲ့ချုပ် ခေါင်းဆောင် ဒေါ်အောင်ဆန်းစုကြည်နဲ့ နေ့လည်ပိုင်းမှာ တွေ့ဆုံမှာဖြစ်ပြီး အဲဒီနောက်မှာ သတင်းစာ ရှင်းလင်းပွဲလုပ်ဖို့ စီစဉ်ထားပါတယ်။ အင်ဒိုနီးရှားနိုင်ငံခြားရေးဝန်ကြီးနဲ့ ဒေါ်အောင်ဆန်းစုကြည်တို့ တွေ့ကြတဲ့အခါမှာတော့ အာဆီယံကိစ္စတွေကို အဓိကထား ဆွေးနွေးကြလိမ့်မယ်လို့ မြန်မာနဲ့ အာဆီယံ သတင်းတွေကို သုံးသပ်ရေးသားနေတဲ့ The Nation သတင်းစာတိုက်က သတင်းစာဆရာ Kavi Chongkittavorn က ခန့်မှန်းပါတယ်။
အာဆီယံ အလှည့်ကျဥက္ကဋ္ဌတာဝန်ပြီးဆုံးတော့မယ့် Mr. Marty အနေနဲ့ မြန်မာနိုင်ငံကို ၂၀၁၄ ခုနှစ် အတွက် အာဆီယံဥက္ကဋ္ဌ တာဝန် ဘာကြောင့် ပေးဖို့ ဆုံးဖြတ်သလဲဆိုတာကို ဒေါ်အောင်ဆန်းစုကြည်ကို ရှင်းပြမယ်လို့ ထင်ပါတယ်တဲ့။ ဒေါ်အောင်ဆန်းစုကြည်ဘက်ကလည်း အာဆီယံရဲ့ နောက်ခြေလှမ်းတွေက ဘာလဲဆိုတာကို သိချင်ပါလိမ့်မယ်တဲ့ အဓိကကတော့ အာဆီယံအနေနဲ့ ဒေါ်အောင်ဆန်းစုကြည်နဲ့ နီးစပ်မှု ရှိအောင်လုပ်ချင်တယ်လို့ သတင်းစာဆရာ ကာဝီက မြင်ပါတယ်။ ဒါဆိုရင် ဘာကြောင့် အခုမှ နီးစပ်အောင် လုပ်ချင်ရတာပါလဲ။
ဒေါ်အောင်ဆန်းစုကြည်အနေနဲ့က သူ့ပါတီကို ပြန်ပြီး မှတ်ပုံတင်တယ်၊ သူကိုယ်တိုင်လည်း ရွေးကောက်ပွဲ ဝင်ဖို့ ပြင်နေတယ်။ ဒီလို အဓိက နိုင်ငံရေးလုပ်ငန်းစဉ်ထဲမှာ ဒေါ်အောင်ဆန်းစုကြည် ပြန်ဝင်လာတဲ့ အခါကျတော့ အာဆီယံဘက်က သူနဲ့ ဆွေးနွေးမှုတွေ လုပ်လာဖို့ အရေးကြီးတယ်လို့ ပြောသွားတာပါ။ အရင်က အာဆီယံအဖွဲ့ဟာ မြန်မာနိုင်ငံရေး အတိုက်အခံတွေနဲ့ အထူးသဖြင့် ဒေါ်အောင်ဆန်းစုကြည်နဲ့ ဆက်ဆံ ဆွေးနွေးတာမျိုး သိပ်မရှိခဲ့ပါဘူးတဲ့။ ဒါကြောင့် ခုလိုဒီမိုကရေစီခေါင်းဆောင်နဲ့ တွေ့ဆုံပြီး ဆွေးနွေးတာက မြန်မာနိုင်ငံက ဒီမိုကရေစီရေး ဆောင်ရွက်မှုတွေကို အားဖြည့်ရာရောက်တယ်လို့ မြန်မာနဲ့ အာဆီယံသတင်းတွေကို တောက်လျှောက်ရေးနေတဲ့ The Nation သတင်းစာဆရာ ကာဝီ ချုံ ကစ်တဗွန် (Kavi Chongkittavorn) က သုံးသပ်ပါတယ်။
အင်ဒိုနီးရှားနိုင်ငံခြားရေးဝန်ကြီး မာတီနာတာလီဂါဝါဟာ အောက်တိုဘာလကုန်ပိုင်းတုန်းကလည်း မြန်မာနိုင်ငံကို ၃ ရက်ခရီးသွားခဲ့ပါတယ်။ အဲဒီခရီးတုန်းကတော့ မြန်မာနိုင်ငံအနေနဲ့ ၂၀၁၄ ခုနှစ် အတွက် အာဆီယံ အလှည့်ကျဥက္ကဋ္ဌတာဝန်ယူဖို့ သင့်မသင့်ဆိုတာကို သွားရောက် လေ့လာခဲ့တာပါ။ မြန်မာနိုင်ငံမှာ နောက်ပြန်လှည့်မှာ မဟုတ်တဲ့ ပြုပြင်ပြောင်းလဲမှုတွေကို လုပ်နေပြီလို့ အင်ဒိုနီးရှား နိုင်ငံခြားရေးဝန်ကြီးက အဲဒီခရီးစဉ်အတွင်းမှာ ပြောကြားခဲ့ပါတယ်။ ဒေါ်အောင်ဆန်းစုကြည်နဲ့ အမျိုးသားဒီမိုကရေစီအဖွဲ့ချုပ်က ရွေးကောက်ပွဲတွေကို ဝင်သွားမယ် ဆိုတဲ့ ဆုံးဖြတ်ချက်ထွက်ပေါ်ပြီး နောက်မှာလည်း မြန်မာနိုင်ငံက ဒီမိုကရေစီရေးလုပ်ငန်းစဉ်တွေအပေါ်မှာ သူ့အနေနဲ့ အင်မတန် အကောင်းမြင်တယ်လို့ ဝန်ကြီး မာတီ နာတာလီဂါဝါက ပြောကြားခဲ့ပါတယ်။
သူ့ရဲ့ အခုမြန်မာနိုင်ငံခရီးစဉ်အတွင်းမှာ မြန်မာနဲ့ အင်ဒိုနီးရှားကြားမှာ အပြန်အလှန် ပူးပေါင်းဆောင်ရွက်မှု တိုးတက်ရေး၊ အထူးသဖြင့် ရင်းနှီးမြှုပ်နှံမှုနဲ့ ကုန်သွယ်ရေးဆိုင်ရာ ကိစ္စတွေဆွေးနွေးဖို့ရှိတယ်လို့ အင်ဒိုနီးရှားနိုင်ငံခြားရေးဝန်ကြီးက အစောပိုင်းက ပြောထားပါတယ်ရှင်။

သမ္မတရွေးကောက်ပွဲ တရားမျှတဖို့ ရုရှားဝန်ကြီးချုပ် တိုက်တွန်း
By ဗွီအိုအေ(မြန်မာဌာန)
ရုရှားနိုင်ငံမှာ မတ်လကျရင်ကျင်းပမယ့် သမ္မတရွေးကောက်ပွဲတွေကို လုံးဝ ပွင့်လင်းမြင်သာတဲ့ ရွေးကောက်ပွဲတွေ ဖြစ်စေချင်တယ်လို့ ရုရှားဝန်ကြီးချုပ် ဗလာဒီမီယာ ပူတင် (Vladimir Putin) က ပြောလိုက်ပါတယ်။
မစ္စတာပူတင်က ဒီကနေ့မှာ သူ့ကိုထောက်ခံသူတွေနဲ့တွေ့ဆုံပြီး ရွေးကောက်ပွဲတွေ မျှမျှတတဖြစ်အောင် ဘယ်လိုလုပ်သင့်တယ်ဆိုတာ အကြံဉာဏ်တွေပေးကြဖို့ တောင်းခံခဲ့ပါတယ်။
ဒီဇင်ဘာလ ၄ ရက်နေ့ကကျင်းပခဲ့တဲ့ လွှတ်တော်ရွေးကောက်ပွဲတွေမှာ မဲမသမာမှုတွေရှိခဲ့တယ်ဆိုပြီး လွန်ခဲ့တဲ့ အနှစ်နှစ်ဆယ် ဆိုဗီယက်ပြည်ထောင်စု ပြိုကွဲပြီးကတည်းကဆိုရင် အကြီးမားဆုံး ဆန္ဒပြပွဲတွေဖြစ်ခဲ့ပါတယ်။
ဒီဇင်ဘာလ ၂၄ ရက်နေ့က ရေခဲအောင်အေးလှတဲ့အပူချိန်အောက်မှာ လူ ၁၀၀,၀၀၀ ကျော် မော်စကိုမြို့တော်မှာ စုဝေးဆန္ဒပြခဲ့ကြတယ်လို့ စီစဉ်သူတွေကပြောပြီး အဲဒီအရေအတွက်ဟာ ဒီလအစောပိုင်းက အလားတူဆန္ဒပြပွဲထက် ပိုကြီးတယ်လို့ ဆိုပါတယ်။ ရုရှားရဲတပ်ဖွဲ့ကတော့ ဆန္ဒပြသူ ၂၈,၀၀၀ လောက်ပဲ ရှိမယ်လို့ ခန့်မှန်းခဲ့ပါတယ်။
မစ္စတာပူတင်ရဲ့ ညီညွတ်သော ရုရှားပါတီဟာ မဲမသမာမှုတွေလုပ်ပြီး ဒီလ လွှတ်တော်ရွေးကောက်ပွဲကို မဲအနည်းငယ်အသာနဲ့ တရားမ၀င် အနိုင်ရခဲ့တယ်လို့ လှုပ်ရှားသူတွေကပြောပါတယ်။

နိုင်ငံရေးအကျဉ်းသားများ ငွေကြေးထောက်ပံ့မှု လိုအပ်
By မစုမြတ်မွန်
မြန်မာအစိုးရရဲ့ လွတ်ငြိမ်းချမ်းသာခွင့်နဲ့ အောက်တိုဘာလတုန်းက ပြန်လွတ်လာခဲ့တဲ့ ကိုယ်တိုင် နိုင်ငံရေး အကျဉ်းသား ဖြစ်ခဲ့သူ နံမည်ကျော် လူရွှင်တော် ကိုဇာဂနာဟာ ပထမဆုံးအကြိမ် ပြည်ပခရီးစဉ်အဖြစ်နဲ့ ထိုင်းနိုင်ငံနဲ့ ကမ္ဘောဒီးယား နိုင်ငံတွေကို ဒီဇင်ဘာလ ၁၆ ရက်ကနေ ၂၁ ရက်နေ့အထိ သွားရောက်ခဲ့ပါတယ်။ သူ ဘန်ကောက်မှာ ရောက်နေစဉ်မှာ ဗွီအိုအေ ၀ိုင်းတော်သူ မစုမြတ်မွန်က သွားရောက် တွေ့ဆုံ မေးမြန်းခဲ့ရာမှာ မြန်မာနိုင်ငံမှာ နိုင်ငံရေးအကျဉ်းသားတွေအတွက် စိတ်ပိုင်းဆိုင်ရာနဲ့ ငွေကြေးဆိုင်ရာ အထောက်အကူတွေ လိုအပ်နေတဲ့အကြောင်း သူ့ရဲ့ စိုးရိမ်မကင်း ဖြစ်မှုတွေကို ထုတ်ဖော်ပြောကြားခဲ့ပါတယ်။
မစုမြတ်မွန်။ ။ ကိုဇာဂနာ ထောင်ထဲက ထွက်လာပြီးတဲ့အခါမှာ နိုင်ငံရေးအကျဉ်းသားတွေနဲ့ ပတ်သက်ပြီး တော်တော်လေး ကူညီစောင့်ရှောက်မှုတွေ ပြန်ပြီးတော့ လုပ်ပေးတာ သိရပါတယ်။ ဆိုတဲ့အခါကျတော့ ဒီ ထောင်ထဲမှာရှိနေတဲ့ အကျဉ်းသားတွေ အနေနဲ့ အပြင်မှာရှိတဲ့သူတွေရဲ့ အကူအညီ ဘယ်လောက် အတိုင်းအတာအထိ လိုနေတဲ့အတွက်ကြောင့် ကိုယ်က လုပ်ပေးရတယ်လို့ ပြောနိုင်ပါလဲရှင့်။ -
ကိုဇာဂနာ။  ။ “ဘယ်လောက် အတိုင်းအတာ လိုလဲဆိုတော့ ၁၀၀ % လိုတယ်ဗျ။ ဒီအကြောင်း ပြောရမယ်ဆိုရင်တော့ ကျနော် စိတ်လည်း မကောင်းဘူးခင်ဗျ။ စိတ်လည်း မကောင်းဘူး ဆိုတာက ကျနော် ကိုယ်တိုင်ပင် အဲဒီဝေဒနာ ခံစားခဲ့ရတယ်။ ထောင်ထဲမှာ နိုင်ငံရေးအကျဉ်းသားတွေကို ပံ့ပိုးတယ်၊ ဘယ်နိုင်ငံက ဘယ်သူတွေက ပံ့ပိုးတယ်။ ဘယ်သူတွေက ပေးတယ်၊ ဘယ်သူတွေကနေပြီးတော့ ထောင်ထဲမှာ ရှိနေတဲ့ နိုင်ငံရေး အကျဉ်းသားတွေအတွက် ဘယ်လောက် ပေးလိုက်တယ်။ အဲဒါက အမြဲကြားနေရတယ်။ ကျနော် ထောင်ကလွတ်လာတဲ့အထိ ဘယ်သူ့ဆီကမှ မရခဲ့ဖူးဘူး။ ငါးခြောက် တစ်ဖက်တောင် မစားခဲ့ရဘူး။ ကျနော်တို့နဲ့နေတဲ့သူတွေလည်း ဘယ်သူမှ မရခဲ့ကြရှာပါဘူး။
“ဥပမာ၊ ယုတ်စွအဆုံး ကျနော် စိတ်အရမ်းမကောင်းတာ တစ်ခုရှိတယ်။ ကျနော့်သူငယ်ချင်း လှမျိုးနောင်၊ အခုတော့ မန္တလေးထောင် ရောက်သွားပါပြီ။ မြစ်ကြီးနားမှာ အတူနေခဲ့တယ်။ မျက်လုံးတစ်လုံး ဆုံးသွားတယ်။ ထောင်ထဲမှာ မျက်လုံးတစ်လုံး ဆုံးသွားတယ်ဆိုတာက တကယ်ပြောတာ၊ ထောင်ထဲက ရိုက်လို့နှက်လို့ ဆုံးတာမဟုတ်ပါဘူး။ နဂိုရှိတဲ့ ရောဂါကြောင့် ဆုံးတာ။ သို့သော် တကယ်လို့များ သူဟာ proper treatment သင့်လျော်တဲ့ ဆေးဝါးကုသမှု တစ်ခုခု ရလိုက်တယ်ဆိုရင် အဲဒီလောက် မြန်မြန် မဆုံးရှုံးဘူးပေါ့။ အခုဆိုရင် မျက်လုံးတစ်လုံး ဆုံးရှုံးရုံတင်မကဘူး။ နောက် မျက်လုံးတစ်လုံးကပါ ဆုံးရှုံးတော့မယ်၊ သုံးပုံတစ်ပုံလောက် ဖြစ်လာပြီဆိုတော့ စာတောင် မဖတ်နိုင်တော့ဘူး ဖြစ်လာတယ်။ ဆိုတော့ ဒီလူတစ်ယောက်မှာ အရေးပေါ် ဆေးကုသဖို့အတွက် အစိုးရမှာ တာဝန်ရှိတယ်ဆိုတာ မှန်ပါတယ်။ သူတို့ ဖမ်းထားတာကိုး။ သို့သော် အဲဒီဟာကို ဆေးကုဖို့အတွက် moral encouragement စိတ်ပိုင်းဆိုင်ရာ အားပေးမှုတွေလည်း လိုတယ်။ financial encouragement ငွေကြေးအရ ပံ့ပိုးကူညီမှုလည်း လိုတယ်။ သူ့မှာက မရှိဘူး။ စီးပွားရေးအရ မပြေလည်ဘူး။ ပိုက်ဆံလေး သုံးသိန်းလောက် ရှိရင်ကို မျက်လုံးကို လေဆာနဲ့ပစ်လို့ ရရဲ့သားနဲ့ အဲဒီ ပိုက်ဆံလေး သုံးသိန်းလောက် မရှိတဲ့အတွက် သူ့ရဲ့ မျက်လုံး နောက်တစ်လုံးဟာ သုံးပုံတစ်ပုံ ဆုံးရှုံးလာရပြီ။ ဘယ်သူကူမှာလဲ။ နိုင်ငံရေးအကျဉ်းသားတွေကို ကူညီပါတယ် ကူညီပါတယ်လို့ ပြောပြီးတော့ လှမျိုးနောင်ရဲ့ မျက်လုံး တဖြည်းဖြည်းချင်း ဆုံးရှုံးနေတာကို Retinal Detachment လို့ ပြောတာပဲ။ ကျနော်တို့ ဒီအတိုင်း ထိုင်ကြည့်နေခဲ့ရတယ်။ ကျနော့် သူငယ်ချင်းကို ဒီလိုလူ အခန်းချင်း ကပ်နေတဲ့သူတောင် ကျနော် မကူနိုင်တော့ဘူး။ သူ စိတ် ဘယ်လောက် ထိခိုက်ထားမလဲ။ ငါတို့ကတော့ တိုင်းပြည်အတွက်လို့ ပြောတယ်၊ လုပ်လိုက်ရတာ တိုင်းပြည်အတွက်လို့လည်း ပြောတယ်။ ငါတို့ကို ဘယ်သူကမှလည်း လုပ်မပေးပါလား။ ပေးနေတာကတော့ အကြီးအကျယ်ပဲ။ ဘယ်သူကပေးတယ်၊ ဘယ်လောက်ပေးလိုက်ပြန်ပြီ ဆိုတာက အကြီးအကျယ်ပဲ။ ဘယ်သူ ပေးလို့မှမရတာ အမှန်ပဲ။
“နောက်ထပ် ကျနော် ထပ်ပြောမယ်။ ဒါ တရားဝင် တကမ္ဘာလုံးကို ပြောလို့ရတဲ့စကားဖြစ်တဲ့အတွက် ကျနော် ပြောချင်သေးတယ်။ ဘုန်းကြီးတွေကို ထောက်ပံ့တယ်လို့ ပြောတယ်။ ဘုန်းကြီးတွေကို ထောင်ထဲမှာ ထောက်ပံ့လို့ဆိုပြီး ဆုတွေလည်း ပေးလိုက်ကြတာ ဟိုးအမေရိကားကနေ နည်းတာမဟုတ်ဘူး။ ကျနော်တို့နဲ့ အတူတူနေတဲ့ ဘုန်းကြီးလေးပါး ရှိတယ်။ နံမည်တပ် ကျနော် ပြောလို့ရတယ်။ တနေ့က ဒေါ်အောင်ဆန်းစုကြည်က အညတရ သူရဲကောင်းဆု ပေးလိုက်တဲ့ ဘုန်းကြီး ဦးဉာဏ ကျနော်နဲ့အတူတူ ရှိတယ်။ ဘုန်းကြီး ဦးဓမ္မသာမိ၊ ကျနော်နဲ့အတူတူ မြစ်ကြီးနားထောင်မှာ နေခဲ့တယ်။ ဘုန်းကြီး ဦးဂန္ဒသာရ မန္တလေးက ဘုန်းကြီး ကျနော်တို့နဲ့အတူတူ နေခဲ့တယ်။ အဲဒီ ဘုန်းကြီးလေးပါးလုံး ဘာမှမရဘူး။ ကျနော်ပြောတာ ရှင်းရှင်းလေးနော်။ ဟုတ်တယ်မဟုတ်ဘူးဆိုတာ ဘုန်းကြီးတွေ ရှိတယ်။ ကျနော်နဲ့အတူတူ သုံးနှစ်ခွဲလုံးလုံး နေခဲ့တာ။ အဲဒီတော့ ကျနော်တို့ စိတ်ထဲမကောင်းဘူးခင်ဗျ။ အပြင်က ပြောလိုက်ရင်တော့ ဂုဏ်တွေယူပြီးတော့ အကြီးအကျယ်ပေးတယ်။ ဘယ်လိုပေးတယ်ချည်း ပြောတယ်။ ပြောပြီးတော့ နံမည်တွေ ယူနေကြတယ်။ တကယ့်တကယ် ထောင်ထဲကကောင်တွေက ဘာမှမရတော့ နေ့တိုင်း ဒီအသံကြားနေရလေ စိတ်တိုလေပဲ။ ကြာရင် အဲဒီထောင်ထဲကလူတွေ လွတ်လာရင် သတ်ချင်စိတ်တောင် ပေါက်လာလိမ့်မယ်။ ဆိုတော့ ဘာမှလည်းမပေးဘဲနဲ့ ပေးတယ်ပြောနေတာ။ ဒီကိစ္စရဲ့ နမူနာတစ်ခုဆို ကျနော် ပြောပြမယ်။
“ကျနော် ဒီလာခါနီးလေးမှာပဲ စင်ကာပူက လမ်းပြကြယ်အဖွဲ့ ရန်ကုန်ကို ရောက်လာတယ်။ သူတို့တွေက အကျဉ်းသား ၄၀ ကို လတိုင်း သူတို့ တာဝန်ယူ ထောက်ပံ့နေပါတယ်တဲ့။ ၁,၇၀၀ ပို့ပေးပါတယ်တဲ့။ သူတို့ပို့ပေးတဲ့စာရင်းထဲမှာ ပါတဲ့ မျိုးအောင်နိုင်။ သူ့မိန်းမ ကျနော့်အိမ်မှာ။ သူတို့ရောက်တဲ့အချိန်မှာ ရှိနေတယ်။ ဟောဒီမှာ ကိုမျိုးအောင်နိုင်ကို ထောင်ဝင်စာသွားတွေ့မယ်။ ကျနော်လည်း ခရီးသွားမှာမိုလို့ မျိုးအောင်နိုင်ဆီသွားမယ့် သူ့မိန်းမ မနေခြည်ကို ပစ္စည်းတွေ ထည့်ပေးနေတယ်။ စာအုပ်တွေ ထည့်ပေးတာ။ အဲဒီ မနေခြည်က ကျမ တပြားမှ မရပါဘူးတဲ့။ သူတို့က ကျနော်တို့ပေးနေတာ ၁၃ လရှိပြီတဲ့။ ဟုတ်ကဲ့… ကျမ တပြားမှမရပါဘူးတဲ့။ ဒါတော့ သူလည်း မလိမ်ဘူး။ ဒီကလူတွေ မရတာကလည်း မရဘူးပဲ ပြောရမှာပေါ့။ အဲဒါတွေ ကျနော် ပြောတာ။ ပေးတဲ့သူတွေကလည်း ပေးတယ်။ မရတဲ့သူကလည်း မရဘူးဆိုတော့ ကြားထဲမှာ တစ်ခုခုတော့ လွဲနေပြီလို့ ကျနော် ထင်တယ်။ အဲဒီခံစားချက်ကြောင့် ကျနော် ထောင်ထဲက ထွက်ထွက်ချင်းမှာ ကျနော့် သူငယ်ချင်းတွေကို ကျနော် ပြန်ပို့ချင်တယ်။ အဲဒီတော့ ကျနော် ဘယ်သူ့ဆီက ပိုက်ဆံမှမတောင်းဘူး။ ဘယ်သူ့ကိုမှ ကျနော် အလှူမခံဘူး။ သို့သော် နံပါတ်တစ်။ ကျနော့် သူငယ်ချင်းတွေဖြစ်တဲ့ ရုပ်ရှင်နဲ့ ဂီတနယ်ကလူတွေပေးတာ ကျနော် ယူတယ်။ ဆိုပါတော့ ထွန်းအိန္ဒြာဗို ပေးတယ်၊ ဝေဠုကျော်ပေးတယ်၊ ဇင်ဝိုင်းပေးတယ်။ မင်းမော်ကွန်း ပေးတယ်။ ကျနော် ယူတယ်လေ။ သူတို့ဆီကို ကျနော် အားမနာ လျှာမကျိုး ကျနော် တောင်းလို့ရတယ်။ ကျနော်နဲ့ နီးစပ်တဲ့သူငယ်ချင်းတွေကို ကဲ ပေးပါဦး တစ်သိန်းလောက်၊ ပေးပါဦး သုံးသိန်းလောက် လိုက်တောင်းတယ်။ ကျနော် မျက်နှာ အောက်ကျခံပြီး တောင်းရပါတယ်။ ဒီလိုပဲ နိုင်ငံခြားရောက်နေတဲ့ ကျနော် သူငယ်ချင်းတွေ တချို့က ပိုက်ဆံစုပြီး သူတို့အတွက် အမေရိကားရောက်နေတဲ့ သူတွေဆီက နှစ်ဆယ်မျိုး သုံးဆယ်မျိုး စုလိုက်တယ်။ ငါးယောက်လောက် စုလိုက်ရင်လည်း ဒါက ၁၅၀ လောက် ဖြစ်သွားတာ။ အဲဒီသူငယ်ချင်းတွေက ၀ိုင်းစုပြီးပေးတဲ့ပိုက်ဆံလေးတွေနဲ့ပဲ ကျနော် ရအောင်ပို့တယ်။ သို့သော် ကျနော် ဒီထက် ပို့ချင်ပါတယ်။ အခု ကျနော် ထောင်ပေါင်း ၄၂ ထောင် ရှိတဲ့အထဲမှာ ၂ ထောင်ကလွဲရင် ထောင် ၄၀ ကို ကျနော် ပို့ပြီးသွားပါပြီ။ ထောင် ၄၀ မှာ နှစ်ခါပြန်ကြော့တဲ့ထောင်တွေ၊ ဥပမာ တောင်ငူဆို နှစ်ခါပြန်သွားပြီ။ လွိုင်ကော်ဆို နှစ်ခါ ပြန်သွားပြီ။ ဘူးသီးတောင်၊ မောင်တော ဆို နှစ်ခါပြန်သွားပြီ စသည်ဖြင့်ပေါ့။ မြစ်ကြီးနားဆို နှစ်ခါ ပြန်သွား ဖြစ်သွားပြီ။ အဲဒီလို ပို့တဲ့အခါမှာ အကျဉ်းသားတစ်ယောက်ကို ငွေတစ်သောင်း အနည်းဆုံး ပို့နိုင်ပါတယ်။ နောက်ပြီးတော့ အင်္ကျီပို့နိုင်တယ်။ စာအုပ်တွေ ကျနော် ပို့နိုင်တယ်။