31.12.2011 နေ့ဖတ်ရန်သတင်းများ

by Myanmar Journal on Saturday, December 31, 2011 at 9:52am

 

 
အဂတိ လိုက်စားမှု တိုက်ဖျက်ရေး အတည်မပြုနိုင်သေး

ဝန်ကြီးချုပ် မန်မွန်ဟန်ဆင်းနဲ့ အဂတိ လိုက်စားမှု တိုက်ဖျက်ရေး လှုပ်ရှားသူ မစ္စတာ ဟာဇာရီ
အိန္ဒိယမှာ အငြင်းပွားစရာ ဖြစ်နေတဲ့ အဂတိ လိုက်စားမှု တိုက်ဖျက်ရေး ဥပဒေမူကြမ်းကို ပါလီမန်မှာ အတည်မပြုနိုင်ခဲ့ တာကြောင့် ဒီကိစ္စရဲ့ ရှေ့ အနာဂတ်ရေး မရေမရာ ဖြစ်နေပါတယ်။
အောက်လွှတ်တော်က အတည်ပြုလိုက်ပေမယ့် ဒီ ဥပဒေကို အထက်လွှတ်တော်မှာ ဆွေးနွေးတဲ့ အခါသန်းခေါင်ယံ အထိ အော်ဟစ် ငြင်းခုန် ကသောင်းကနင်း ဖြစ်ကာ အစည်းအဝေးကို ရပ်ဆိုင်း ထားခဲ့ရပါတယ်။

ဒီဥပဒေမူကြမ်းမှာ အဂတိ လိုက်စားမှုနဲ့ ပတ်သက်လို့ အစိုးရ အရာရှိတွေကို စုံစမ်း စစ်ဆေးရအောင် အာဏာ အပ်နှင်းထားမယ့် ခုံသမာဓိ အဖွဲ့ဖွဲ့ဖို့ အဆိုပြုထားတာ ဖြစ်ပေမယ့် အဂတိ လိုက်စားမှု တိုက်ဖျက်ရေး စည်းရုံး လှုပ်ရှားသူတွေကတော့ ဒီ ဥပဒေမူကြမ်းဟာ ထိထိရောက်ရောက် ဆောင်ရွက်သင့်တာတွေ မပါဘူးလို့ ဆိုပါတယ်။
အခုလို ဥပဒေမူကြမ်းကို အတည်မပြုနိုင်တာဟာ ဝန်ကြီးချုပ် Manmohan Singh နဲ့ ကွန်ဂရက် ဦးဆောင်တဲ့ အစိုးရ အဖွဲ့အတွက် အလားအလာ မကောင်းတဲ့ ဖြစ်ရပ်ဘဲလို့ လေ့လာ သုံးသပ် သူတွေက ပြောနေကြပါတယ်။

ကင်မ်ဂျုံအီး ဈာပန သိုက်မြိုက်စွာ ကျင်းပကာ့ထ် ကမ်းဘဲလ် တရုတ် ၊ ဂျပန်နဲ့ တောင်ကိုရီးယား သွားမယ်
အမေရိကန် အစိုးရ အဆင့်မြင့် ထိပ်တန်း အရာရှိ တယောက် ဖြစ်တဲ့ အရှေ့အာရှနဲ့ ပစ္စဖိတ်ရေးရာ လက်ထောက် နိုင်ငံခြားရေး ဝန်ကြီး Kurt Campbell ဟာ တရုတ် ၊ တောင်ကိုရီးယားနဲ့ ဂျပန်တို့ကို လာမယ့် သီတင်းပတ်မှာ သွားရောက်ပြီး မြောက်ကိုရီးယား ခေါင်းဆောင် Kim Jong-il သေဆုံးပြီး နောက်ပိုင်း ဖြစ်ပေါ် တိုးတက်မှုတွေနဲ့ ပတ်သက်လို့ ဆွေးနွေးလိမ့်မယ်လို့ အမေရိကန် ပြည်ထောင်စု နိုင်ငံခြားရေး ဝန်ကြီး ဌာနက ထုတ်ပြန်ခဲ့ ပါတယ်။
မြောက်ကိုရီးယားမှာ ပြီးခဲ့တဲ့ ကြာသပတေး နေ့တုန်းက ပြုံယမ်းမြို့တော်မှာ ဖခင်ဖြစ်သူရဲ့ ဈာပန အခမ်းအနားမှာ သားအငယ်ဆုံး ကင်မ်ဂျုံအန်းကို နိုင်ငံ့ခေါင်းဆောင် အဖြစ် သတ်မှတ် ကြေညာခဲ့တာ ဖြစ်ပါတယ်။
အခုလ အစောပိုင်းတုန်းက ကင်မဂျုံအီးလ် သေဆုံးပြီးတဲ့နောက် တရုတ်က အမေရိကန် ၊ တောင်ကိုရီးယား တို့နဲ့ အတူ ဒေသတွင်း နောက်ဆက်တွဲ ပြဿနာတွေ အပေါ် ဘယ်လို ကိုင်တွယ် ဖြေရှင်းကြမလဲ ဆိုတာကို ဆွေးနွေးခဲ့ပါတယ်။
ကိုရီးယား ကျွန်းဆွယ်မှာ ငြိမ်းချမ်းရေးနဲ့ တည်ငြိမ်မှု ရရှိရေးတို့ အတွက် အမေရိကန် ၊ တောင်ကိုရီးယား တို့နဲ့ နီးနီးကပ်ကပ် ဆက်သွယ် ဆောင်ရွက်သွားဖို့ စီစဉ်ခဲ့ပါတယ်လို့ တရုတ် အစိုးရက ထုတ်ဖော် ပြောကြားခဲ့ ပါတယ်။
မစ္စတာ ကမ်းဘဲလ်ရဲ့ ခရီးစဉ် အတွင်း မြန်မာနိုင်ငံနဲ့ ပတ်သက်လို့လည်း ထည့်သွင်း ဆွေးနွေးသွားမယ်လို့ သိရပါတယ်။

မီးဘေးသင့် ဒုက္ခသည် အကူအညီပေး
ဒီဇင်္ဘာလ ၂၉ ရက်နေ့ မနက် စောစောပိုင်း က ရန်ကုန် မင်္ဂလာ တောင်ညွန့်မြို့နယ် စက်ဆန်း ကူးတို့ဆိပ် အရပ်မှာ ကုန်လှောင် ဂိုဒေါင်တွေ ပေါက်ကွဲ မီးလောင်ရာက လူ ၁၇ ဦး အသက်ဆုံးရှုံးပြီး လူပေါင်း ၉ဝ ကျော် ဒဏ်ရာ ရခဲ့ကြပါတယ်။
အိမ်ထောင်စု ၂ဝဝ ကျော်လည်း အိုးမဲ့အိမ်မဲ့ ဖြစ်ကုန်ကြ ပါတယ်။ အဆိုပါ မီးဘေး ဒုက္ခသည်တွေ ကို နာရေးကူညီမှု အသင်းက ဉက္ကဌ ဦးကျော်သူ နဲ့ ဒေါ်ရွှေဇီးကွက် တို့က သွားရောက်တွေ့ဆုံပြီး လိုအပ်တဲ့ အကူအညီတွေ ပေးသလို အားပေးစကား လည်း ပြောတဲ့ အကြောင်း ဘီဘီစီ ကို ပြောပါတယ်။
မီးဘေးဒုက္ခသည်တွေ အနေနဲ့ နေစရာအိမ် မီးထဲပါသွား တဲ့ အတွက် စိတ်ပျက် အားငယ် မြှော်လင့်ချက် ကင်းမဲ့နေကြ သလို၊ ကြောက်လန့် တုံလှုပ်နေဆဲ ဖြစ်တဲ့အကြောင်း ဒေါ်ရွှေဇီးကွက် က ရှင်းပြပါတယ်။ ရှေ့ဆက် ဘာလုပ်ရမှန်းလည်း မသိနိုင်ဘဲ၊ ဖြစ်နေတာ တွေ့ခဲ့ရတာ ကိုလည်း ပြောပြပါတယ်။
မဟာဝိဇယယာမ ဘုန်းကြီးကျောင်းမှာ ခေတ္တ ခိုလှုံနေကြတဲ့ မီးဘေး ဒုက္ခသည်တွေဟာ မီးလောင်ဒဏ်ရာ ထက် ပေါက်ကွဲမှု ကြောင့် လွင့်စင် ကျလာတဲ့ အုတ်ခဲတွေ၊ ခဲလုံးတွေ ထိမှန်ရာက ဒဏ်ရာတွေ ရကြပုံ ကို ပြောပြ တဲ့ အကြောင်း ဒေါ်ရွှေဇီးကွက်က ဘီဘီစီ ကို တဆင့် ရှင်းပြပါတယ်။
ဆေးရုံ ကို ရောက်နေကြတဲ့ လူနာတွေကိုလည်း ကျပ်ငွေ တသောင်းဆီ ပေးခဲ့သလို၊ အဝတ်အစား ပါ ထောက်ပံ့ခဲ့ပုံ၊ လိုအပ်တဲ့ ဆေးဝါးပါ လှူမယ့် အကြောင်း ဆရာဝန် တွေကို ပြောပြခဲ့ပုံ လည်း သိရပါတယ်။
လောလောဆယ်၊ အတွင်းလူနာ ဂဝ အနက်၊ ၆၃ ဦး ကိုတွေ့ခဲ့ ရကြောင်း လည်း ဒေါ်ရွှေဇီးကွက်က ပြောပြပါတယ်။

ကြားဖြတ်ရွေးကောက်ပွဲ ဧပြီ ၁ရက် နေ့လုပ်မည်
ကြားဖြတ် ရွေးကောက်ပွဲ တွေကို လာမဲ့ ဧပြီလ ၁ ရက်နေ့မှာ ကျင်းပ သွားမှာ ဖြစ်တယ်လို့ ရန်ကုန်တိုင်း ဒေသကြီး ရွေးကောက်ပွဲ ကော်မရှင် ဥက္ကဌ ဦးကိုကိုက ဘီဘီစီကို အတည်ပြု ပြောကြား လိုက်ပါတယ်။
ဒီနေ့ တနင်္လာနေ့ညမှာပဲ မြန်မာ့ ရုပ်မြင် သံကြားကတဆင့် ပြည်ထောင်စု ရွေးကောက်ပွဲ ကော်မရှင်ကလည်း တရားဝင် ကြေညာ သွားပါတယ်။
အခုလို ကြေညာခဲ့တဲ့ အချိန်ကနေ တလ အတွင်းမှာ ရွေးကောက်ပွဲ ကိုယ်စားလှယ်တွေရဲ့ အမည်စာရင်း အပြည့်အစုံကို ရွေးကောက်ပွဲ ကော်မရှင်ထံ တင်ပြရမှာလည်း ဖြစ်ပါတယ်။
၂၀၁၀ ခုနှစ် နိုဝင်္ဘာလမှာ ပြုလုပ်ကျင်းပခဲ့တဲ့ ရွေးကောက်ပွဲကို အမျိုးသားဒီမိုကရေစီ အဖွဲ့ချုပ်နဲ့ ပါတီ တချို့က ဆန့်ကျင် ကန့်ကွက် သပိတ်မှောက်ခဲ့ ကြပါတယ်။
အခုကြားဖြတ်ရွေးကောက်ပွဲမှာတော့ အမျိုးသားဒီမိုကရေစီ အဖွဲ့ချုပ်က ပါဝင်ယှဉ်ပြိုင်မှာ ဖြစ်ပါတယ်။
လက်ရှိလွှတ်တော် အသီးသီးမှာ ကြံ့ခိုင်ဖွံ့ဖြိုးရေးပါတီက အများစုနေရာတွေကို ရယူထားပြီး လာမယ့် ရွေးကောက်ပွဲမှာ အမျိုးသား ဒီမိုကရေစီ အဖွဲ့ချုပ်နဲ့ ကြံ့ခိုင်ရေး ပါတီတို့ဟာ အဓိက ပြိုင်ဘက်တွေ ဖြစ်လာကြမယ်လို့ အများက ခန့်မှန်းထားကြပါတယ်။

ဆီးရီးယားမှာ လုံခြုံရေး တပ်ဖွဲ့ကြောင့် လူ၎ဝ ထပ်သေ
ဆီးရီးယားမှာ ပြီးခဲ့တဲ့ ကြာသပတေးနေ့တုန်းက နောက်ထပ် အကြမ်းဖက် တိုက်ခိုက်မှုတွေ ဖြစ်ပွားခဲ့ပြီး လုံခြုံရေး တပ်ဖွဲ့ရဲ့ လက်ချက်ကြောင့် လူလေးဆယ် သေဆုံးခဲ့တယ်လို့ ဆီးရီးယား အရေး တက်ကြွ လှုပ်ရှားသူ တယောက်က ဆိုပါတယ်။
အာရပ် အဖွဲ့ချုပ်က လေ့လာ စုံစမ်းရေးမှူးတွေ လာရောက် စစ်ဆေးခါနီးမှာ လုံခြုံရေး တပ်ဖွဲ့တွေက ဆန္ဒပြ လူအုပ်ထဲကို သေနတ်နဲ့ ပစ်ခတ်ခဲ့တယ်လို့ ပြောပါတယ်။
နိုင်ငံ တောင်ပိုင်းက Deraa မြို့နဲ့ Damascus ဆင်ခြေဖုံးက Douma မြို့မှာ ပစ်ခတ်မှုတွေ ဖြစ်ခဲ့တာလို့ သတင်းရရှိပါတယ်။
Hama မြို့မှာတော့ လူတွေက မြို့လယ်က ရင်ပြင်မှာ သုံးရက်ကြာ စုဝေးကြဖို့ ကြိုးစား နေပေမယ့် လုံခြုံရေး တပ်ဖွဲ့တွေရဲ့ ရင်ဆိုင် ပစ်ခတ်မှုတွေ မျက်ရည်ယိုဗုံး သုံးပြီး ဖြိုခွင်းမှု တွေနဲ့ ကြုံနေရတယ်လို့ ဆီးရီးယား အရေး တက်ကြွ လှုပ်ရှားသူတွေက ပြောပါတယ်။
လူတွေက အသက်အန္တရာယ် စွန့်စားပြီး အကြမ်းဖက် နှိမ်နင်းခံနေရတာတွေကို ပြသဖို့ ကြိုးစားတဲ့ အနေနဲ့ အာရပ် အဖွဲ့ချုပ်က လေ့လာ စုံစမ်းရေးမှူးတွေ ဝင်ရောက် စစ်ဆေး ချိန်မှာ ကြိုးစားနေသလို တဖက်ကလည်း အကြမ်းဖက်မှုတွေ တိုးလာနေတယ်လို့ ဘီဘီစီ သတင်းထောက် တယောက်က ပြောပါတယ်။

လူအခွင့်အရေး အဖွဲ့ ရုံးခန်းတွေကို လုံခြုံရေး တပ်ဖွဲ့ စီးနင်း
အီဂျစ်မှာ ဒီမိုကရေစီရေး လှုပ်ရှားသူ တော်တော်များများနဲ့ လူ့အခွင့်အရေး လှုပ်ရှားတဲ့ အဖွဲ့တွေရဲ့ ရုံးခန်းတွေကို လုံခြုံရေး တပ်ဖွဲ့တွေက ဝင်ရောက် စီးနင်းခဲ့တဲ့ အတွက် အမေရိကန် ပြည်ထောင်စုက ပြင်းပြင်းထန်ထန် ဝေဖန် ပြောကြားလိုက်ပါတယ်။
ဝင်ရောက် စီးနင်းခံရတဲ့ အထဲမှာ အမေရိကန် အခြေစိုက် အဖွဲ့နှစ်ခုဖြစ်တဲ့ National Democratic Institute နဲ့ International Republican Institute တို့ ပါဝင်ပါတယ်။
အဖွဲ့အစည်းတွေက ဝန်ထမ်းတွေကို စိတ် အနှောက်အယှက်ပေးတာ ရပ်ဖို့ အီဂျစ် အစိုးရကို အမေရိကန်က ပန်ကြားလိုက်ပြီး သိမ်းဆည်းသွားတဲ့ ပစ္စည်းတွေ အားလုံးကို ပြန်ပေးဖို့ တောင်းဆို လိုက်ပါတယ်။
လတ်တလော အီဂျစ်က အစိုးရ ဆန့်ကျင်ရေး ဆန္ဒပြမှုတွေမှာ ပြည်ပ အစိုးရတွေရဲ့ ပါဝင် ပတ်သက်မှုတွေ ရှိနေတယ်လို့ လက်ရှိ အစိုးရ က ပြစ်တင် ပြောကြားနေတာ ဖြစ်ပါတယ်။

ကြက်တုပ်ကွေး ဗိုင်းရပ်စ် စမ်းသပ်မှု WHO သတိပေး
တုပ်ကွေးရောဂါနဲ့ ပတ်သက်ပြီး သုတေသန လုပ်ငန်းတွေ ဆောင်ရွက်နေတဲ့ သိပ္ပံပညာရှင်တွေက ဒီရောဂါ ပိုးကို ပိုပြီး အလွယ်တကူ ကူးစက် ပြန့်ပွားအောင် ဘယ်လို လုပ်လို့ ရတယ်ဆိုတဲ့ နည်းကို သူတို့တွေ့ရှိထား ပြီလို့ ပြီးခဲ့တဲ့ သီတင်းပတ်တုန်းက ထုတ်ပြန် ကြေညာလိုက်ပြီးတဲ့နောက် အမေရိကန် အစိုးရက ဒီရှာဖွေ တွေ့ရှိချက်တွေကို မသမာတဲ့ လူတွေလက်ထဲ ရောက်မသွားအောင် အသေးစိတ် မထုတ်ပြန်ပါနဲ့ဆိုပြီး မေတ္တာရပ်ခံခဲ့ပါတယ်။
ကြက်ငှက် တုပ်ကွေးရောဂါဟာ တုပ်ကွေး ရောဂါတွေထဲမှာ ပြင်းထန်ပြီး အန္တရယ် အရှိဆုံးရောဂါတမျိုးဖြစ်ပါတယ်။
ကူးစက်ခံရသူ ဆယ်ဦးမှာ ၆ ဦးလောက်သေဆုံးတတ်ပါတယ်။
ဒါပေမယ့် ဒီရောဂါပိုးဟာ လက်ရှိ ပုံစံအတိုင်း ဆိုရင် လူအချင်းချင်းကြားမှာ မကူးစက်နိုင်တာကြောင့် ကပ်ရောဂါတခု အနေနဲ့တော့ ဖြစ်မလာနိုင်ပါဘူး။
အခုလို သိပ္ပံပညာရှင်တွေက ရောဂါလွယ်လွယ်နဲ့ ကူးစက်စေတတ်တဲ့ H5N1 ဗိုင်းရပ်စ်မျိုးကွဲ တခုကို ရှာတွေ့ပြီလို့ ကြေညာလိုက်တဲ့ အခါမှာ သာမန်အား ဖြင့် စမ်းသပ် တွေ့ရှိမှု အသစ်တွေကို ကြိုဆိုလေ့ရှိတဲ့ WHO ကမ္ဘာ့ ကျန်းမာရေးအဖွဲ့တောင် အထိတ် တလန့် ဖြစ်သွားပါတယ်။
အများပြည်သူ ကျန်းမာရေးအတွက် လိုအပ်တဲ့ ကာကွယ် ဆောင်ရွက်မှုတွေ မလုပ်ဘဲ H5N1 ရဲ့ပိုပြီးအန္တရာယ်ရှိတဲ့ ဗိုင်းရပ်စ် မျိုးကွဲတွေကို မဆောင်ရွက်သင့်ဘူးလို့ WHO ပြော ပါတယ်။
ဒါ့အပြင် ဗိုင်းရပ်စ်ပိုးတွေ စမ်းသပ်မှုနဲ့ သတင်းဖလှယ်မှုတွေနဲ့ ပတ်သက်ပြီး စည်းမျဉ်သစ်တွေ ထပ်ထုတ်ဖို့ လိုတယ်လို့လည်း WHO ကဆိုပါတယ်။
အခုနှစ် စောစောပိုင်းတုန်း ကလည်း WHO ကမ္ဘာ့ ကျန်းမာရေး အဖွဲ့ဝင် နိုင်ငံ ၁၉၄ နိုင်ငံကြားမှာ ကပ်ရောဂါ ကာကွယ် တိုက်ဖျက်ရေးဆိုင်ရာ သဘောတူညီချက်တွေကို လက်မှတ် ရေးထိုးခဲ့ကြပါတယ်။
ခုနောက်ဆုံး WHO ကထွက်လာတဲ့ ကြေညာချက်ကို ကြည့်မယ်ဆိုရင်တော့ ကြက်ငှက်တုပ်ကွေး ရောဂါပိုးသစ်တွေကို စမ်းသပ်နေတဲ့ သိပ္ပံ ပညာရှင်အဖွဲ့ အနေနဲ့ အဲဒီ စည်းကမ်းချက်တွေကို WHO က ဖြစ်စေချင်တဲ့ပုံစံအတိုင်း လိုက်နာခြင်း မရှိဘူးလို့ ရှုမြင်ရကြောင်း ဘီဘီစီသတင်းထောက် က ပြောပါတယ်။

Maiduguri မြို့မှာ ပေါက်ကွဲမှု ဖြစ်ပြန်ပြီ
နိုင်ဂျီးရီးယာ နိုင်ငံ မြောက်ပိုင်း မိုင်ဒူဂရီမြို့က ဈေးတခုမှာ ပေါက်ကွဲမှု ဖြစ်ခဲ့လို့ လူလေးယောက် သေဆုံးပြီး ထိခိုက် ဒဏ်ရာ ရမှုတွေ ရှိခဲ့ပါတယ်။
စစ်တပ် ပြောခွင့်ရ ဗိုလ်ချုပ်ကြီး အိုင်ဆာ ကတော့ ဒီပေါက်ကွဲမှုဟာ ဆိုးရွားတဲ့ တိုက်ခိုက်မှု တခု ဖြစ်ပြီး အစ္စလာမ် ဝါဒီ အဖွဲ့ ဘိုခို ဟာရမ်ရဲ့ လက်ချက် ဖြစ်တယ်လို့ ဆိုပါတယ်။
ပြီးခဲ့တဲ့ ခရစ်စမတ် နေ့တုန်းက အနည်းဆုံး လူ၄၂ယောက် သေဆုံးခဲ့ရတဲ့ အဘူဂျာမြို့က ခရစ်ယာန် ဘုရားရှိခိုးကျောင်း ဗုံးပေါက်ကွဲမှု အပါအဝင် တိုက်ခိုက်မှု အတော်များများဟာ သူတို့လက်ချက် ဖြစ်တယ်လို့ အဲဒီ အဖွဲ့က ဝန်ခံခဲ့တာ ဖြစ်ပါတယ်။

ဘာရိန်း အစိုးရ နှုတ်ထွက်ပေးဖို့ ဆန္ဒပြ တောင်းဆိုပြန်ပြီ
ဘာရိန်း နိုင်ငံမှာ လုံခြုံရေး တပ်ဖွဲ့ရဲ့ နှိပ်စက် ညှင်းပမ်းမှုတွေနဲ့ တခြား လူ့အခွင့်အရေး ချိုးဖောက်မှုတွေကို အရေးယူဖို့ ပျက်ကွက်ခဲ့တဲ့ အတွက် အစိုးရ အနေနဲ့ နှုတ်ထွက်ပေးဖို့ ရာထောင်ချီတဲ့ သူတွေ ချီတက် ဆန္ဒပြခဲ့ ကြပါတယ်။
နိုင်ငံမြောက်ပိုင်းက ရှီးယား မွတ်ဆလင် အများစု နေထိုင်ရာ ခရိုင် တခုမှာ ဆန္ဒပြ လူအုပ်တွေကို ဖြိုခွဲဖို့ ရဲတွေက မျက်ရည်ယိုဗုံး သုံးခဲ့တယ်လို့ သတင်းတွေက ဆိုပါတယ်။
လက်ရှိ အုပ်ချုပ်နေတဲ့ ဆွန်နီ မွတ်ဆလင် ခေါင်းဆောင် တွေ ကို အမေရိကန် အစိုးရက ကျောထောက် နောက်ခံ ပေးထားတဲ့ အတွက် ဆန္ဒပြ လူအုပ်ကြီးက အမေရိကန် အလံတွေ ကိုမီးရှို့ခဲ့ပြီး အမေရိကန် အစိုးရကို ဆန့်ကျင်တဲ့ ကြွေးကြော်သံတွေ လည်း ဟစ်ကြွေး နေတာကို ရုပ်မြင်သံကြား သတင်းတွေမှာ တွေ့ရပါတယ်။
ဆန္ဒပြသမားတွေ အပေါ် လုံခြုံရေး တပ်ဖွဲ့က လူ့အခွင့်အရေး ချိုးဖောက်မှုတွေ ရှိခဲ့ပြီး ဖမ်းဆီး ထိန်းသိမ်း ထားသူတွေကို အပေါ် အင်အား အလွန်အကျွံသုံး ခဲ့တယ်လို့ ပြီးခဲ့တဲ့ လတုန်းက ဘာရိန်း အထူး စုံစမ်းရေး ကော်မရှင်က စွပ်စွဲ ပြောကြားခဲ့ပါတယ်။

ဆန္ဒပြနေသူ တွေကို ရပ်တန့် သွားအောင် လုံခြုံရေးတပ်ဖွဲ့ တွေက ပစ်ခတ်
ဆီးရီးယား နိုင်ငံမှာ အကြမ်းဖက်မှုတွေ ရှိမရှိ စောင့်ကြည့် လေ့လာနေတဲ့ အာရပ် အဖွဲ့ချုပ်က ကိုယ်စားလှယ်တွေ ရှေ့မှောက်မှာ ဆန္ဒပြနေသူ တွေကို ရပ်တန့် သွားအောင် လုံခြုံရေးတပ်ဖွဲ့ တွေက ပစ်ခတ်ခဲ့ကြတယ်လို့ အတိုက်အခံ တက်ကြွ လှုပ်ရှားသူတွေက ပြောပါတယ်။
ဆန္ဒပြမှုတွေ အဓိက ဖြစ်ပွားရာ ဟာမာ့ ၊ ဒရားနဲ့ ဟုမ်းစ်မြို့တွေမှာ လူ၃၅ ယောက် သေဆုံးခဲ့တယ်လို့ ဆန္ဒပြသူတွေကပြောပါတယ်။
ဒမားစကပ်စ်မြို့ ဆင်ခြေဖုံး အရပ်မှာရှိတဲ့ ဗလီတွေကနေ ထွက်လာတဲ့ ထောင်သောင်းချီတဲ့ ဆန္ဒပြသမားတွေနဲ့ လုံခြုံရေး တပ်ဖွဲ့တွေ ရုန်းရင်းဆန်ခတ် ဖြစ်ပွားခဲ့တယ်လို့ မျက်မြင် သက်သေတွေက ပြောပါတယ်။
ဆန္ဒပြမှုတွေကို နှိမ်နင်းရာမှာ အစိုးရဟာ သံမှိုဗုံးတွေ အသုံးပြုခဲ့တယ်လို့ အတိုက်အခံအဖွဲ့တခုက ဆိုပါတယ်။
ဆီးရီးယားနိုင်ငံမှာ အစိုးရ နိုင်ငံခြား သတင်းထောက်တွေကို ဝင်ရောက် သတင်းယူခွင့် မပေးတာကြောင့် အတိုက်အခံ တက်ကြွ လှုပ်ရှားသူတွေရဲ့ ပြောကြားချက်တွေနဲ့ ပတ်သက်လို့ သီးခြား အတည်ပြုချက် ရယူနိုင်ဖို့ မလွယ်ကူပါဘူး။

မြောက်ကိုရီးယား ခေါင်းဆောင်သစ် မူဝါဒမပြောင်း
By ဗွီအိုအေ (မြန်မာဌာန)

မြောက်ကိုရီးယားခေါင်းဆောင်သစ် ကင်မ်ဂျုံအွန်းအကြောင်းကို ဘေဂျင်းမြို့ သတင်းစာတစ်စောင်တွင် အသားပေး ဖော်ပြထားပုံများ။ (ဒီဇင်ဘာလ ၃၀၊ ၂၀၁၁)
ခေါင်းဆောင်သစ်အဖြစ် တက်လာတဲ့ ကင်ဂျုံအွန်းလက်ထက်မှာ မူဝါဒရေးရာ အပြောင်းအလဲတွေ ရှိမှာမဟုတ်ဘူးလို့ ပြိုင်ဘက် တောင်ကိုရီးယားနဲ့ နိုင်ငံတကာ အသိုင်းအ၀ိုင်းကို မြောက်ကိုရီးယားက သတိပေးလိုက်ပါတယ်။ တိုင်းပြည်မှာ နှစ်ရှည်လများ အုပ်ချုပ်ခဲ့တဲ့ ကင်ဂျုံအီလ် ဒီလထဲမှာ ကွယ်လွန်ခဲ့ပြီးတဲ့အတွက် ၀မ်းနည်းခြင်း အထိမ်းအမှတ် အခမ်းအနားတွေ ကျင်းပခဲ့တာ အဆုံးသတ်ပြီး နောက်တနေ့မှာပဲ သြဇာကြီးမားလှတဲ့ မြောက်ကိုရီးယား အမျိုးသားကာကွယ်ရေး ကော်မရှင်က ပြောဆိုလိုက်တာပါ။
တောင်ကိုရီးယားက ရုပ်သေးတွေ အပါအ၀င် ကမ္ဘာပေါ်က နိုင်ငံရေးသမား အရူးတွေလို့ သုံးနှုန်းပြီး ဒီလူတွေအနေနဲ့ အပြောင်းအလဲတွေကို မျှော်လင့်နေလို့ မရဘူးဆိုပြီး အမျိုးသားကာကွယ်ရေး ကော်မရှင်ရဲ့ ကြေညာချက်ကို နိုင်ငံပိုင် ကိုရီးယား ဗဟိုသတင်းအေဂျင်စီက ဖော်ပြလိုက်တာ ဖြစ်ပါတယ်။ ဖခင်ရဲ့အရိုက်အရာ ဆက်ခံခဲ့တဲ့ သားဖြစ်သူ ရဲဘော်ကင်ဂျုံအွန်းကို မဟာခေါင်းဆောင်ကြီးတစ်ဦးအဖြစ် မြောက်ကိုရီးယားက သူ့နောက်မှာ မားမားမတ်မတ် ရပ်တည်နေတယ်လို့လည်း ပြောလိုက်တာပါ။
မြောက်ကိုရီးယားအပေါ် တင်းမာတဲ့ သဘောထားရှိသူ တောင်ကိုရီးယား သမ္မတ လီမြောင်ဘက် (Lee Myung-bak) နဲ့လည်း အပေးအယူ လုပ်မှာမဟုတ်ဘဲ ခေါင်းဆောင်သစ်အတွက် လူထုနဲ့ စစ်တပ်က ရပ်တည်သွားမှာ ဖြစ်တယ်လို့လည်း ကြေညာချက်က ဖော်ပြပါတယ်။
တောင်ကိုရီးယား ပြန်လည်ပေါင်းစည်းရေး ၀န်ကြီးဌာန ပြောခွင့်ရသူ ချိုဘိုဆွန် (Choi Boh-seon) ကတော့ မြောက်ကိုရီးယား ခေါင်းဆောင် ကွယ်လွန်ခဲ့တဲ့နောက် ကိုရီးယားကျွန်းဆွယ်မှာ ပြောင်းလဲနိုင်တဲ့ အလားအလာတွေ ကြီးထွားလာနေတဲ့အကြောင်း ပြောဆိုလိုက်တာပါ။ ပေါင်းစည်းရေး ၀န်ကြီးဌာန အနေနဲ့ အပြောင်းအလဲတွေအပေါ် အနီးကပ် စောင့်ကြည့်ပြီး တောင်ကိုရီးယား အစိုးရရဲ့ မူဝါဒတွေနဲ့အညီ လိုအပ်သလို တုံ့ပြန် ဆောင်ရွက်သွားမယ်လို့လည်း ပြောဆိုခဲ့တာ ဖြစ်ပါတယ်။

မီဒီယာဥပဒေဟာ သတင်းလွတ်လပ်ခွင့်ကို အကာအကွယ်ပေးဖို့လိုအပ်
By ဒေါ်မေငြိမ်း
အသစ်ပြဌာန်းဖို့ရှိနေတဲ့ မီဒီယာဥပဒေကြမ်းမှာ သတင်းသမားတွေရဲ့ လုံခြုံရေး သတင်းလွတ်လပ်ခွင့်ကို အဓိကထား ထည့်သွင်းဖို့ လိုတယ်ဆိုပြီး ဥပဒေပြု လွှတ်တော်အမတ်တွေနဲ့ သတင်းစာဆရာတွေက ပြောဆိုကြပါတယ်။ သတင်းလွတ်လပ်ခွင့် နိမ့်ကျတဲ့ နိုင်ငံအဖြစ် သတ်မှတ်ခံထားရပြီး သတင်းရယူမှုကြောင့် သတင်းထောက်တွေ ထောင်ချခံထားနေရတဲ့ မြန်မာနိုင်ငံမှာ မီဒီယာဥပဒေက သတင်းထောက်တွေကို တကယ်ပဲ အကာအကွယ် ပေးနိုင်မလား၊ ဒါမှမဟုတ် အရင်ကထက်ပိုပြီး တင်းကျပ်လာလေမလား ဆိုတဲ့ မေးခွန်းတွေလည်း စာပေနယ်ပယ် အသိုင်းအ၀ိုင်းမှာ ထွက်ပေါ်နေပါတယ်။ ဒီအကြောင်း ဒေါ်မေငြိမ်းက တင်ပြထားပါတယ်။
ဆယ်စုနှစ်တွေနဲ့ချီ သတင်းလွတ်လပ်ခွင့် ပိတ်ပင် ကန့်သတ်ခံနေရဆဲဖြစ်တဲ့ မြန်မာနိုင်ငံမှာ မီဒီယာဥပဒေ ပြဌာန်းဖို့ ပြန်ကြားရေး ၀န်ကြီးဌာနက လွှတ်တော်မှာ တင်ပြဖို့ပြင်ဆင်နေတဲ့ တချိန်တည်းမှာပဲ လွှတ်တော် အမတ်တွေကလည်း ဥပဒေကြမ်းမှာ ဘာတွေ ပါရှိသင့်တယ်ဆိုတာကို သတင်းမီဒီယာ အသိုင်းအ၀ိုင်းက ပုဂ္ဂိုလ်တွေနဲ့ ဆွေးနွေးနေကြပါပြီ။
ဥပဒေကြမ်းကို အတည်ပြုပေးရမယ့် လွှတ်တော်အမတ် တချို့ကတော့ မီဒီယာဥပဒေ မပြဌာန်းခင်မှာ အရင်ကရှိနေတဲ့ ၁၉၆၂ ခုနှစ် ပုံနှိပ်ထုတ်ဝေသူများ ဥပဒေ၊ အီလက်ထရောနစ် ဆက်သွယ်ရေးဥပဒေ၊ အသရေဖျက်မှုဆိုင်ရာ ဥပဒေ စတဲ့ ပြဌာန်းချက်တွေကို ဖျက်သိမ်းဖို့ လိုတယ်လို့ ပြောဆိုကြပါတယ်။ မီဒီယာဥပဒေကြမ်းဟာ နိုင်ငံတကာ လူ့အခွင့်အရေး ကြေညာစာတမ်းပါအချက်တွေနဲ့ ညီညွတ်ဖို့လိုမယ်လို့ သင်္ကန်းကျွန်းမြို့နယ် ပြည်သူ့လွှတ်တော် ကိုယ်စားလှယ် ဦးသိန်းညွှန့်က ပြောပါတယ်။
“လွှတ်တော်မှာ သတင်းမီဒီယာ လွတ်လပ်ခွင့်ကို ၂၁ ရာစုနဲ့ကိုက်ညီအောင် ပြန်လည် ပြုပြင်ရေးဆွဲဖို့၊ အထူးသဖြင့် လူ့အခွင့်အရေး ကြေညာစာတမ်းတွေမှာ ပါတဲ့အချက်တွေနဲ့အညီ ပြန်လည် ဆွေးနွေးဖို့ ကျနော် လွှတ်တော်မှာ တင်ပြခဲ့တာရှိပါတယ်။ အဲဒီအထဲမှာ ကျနော် အပိုင်းနှစ်ပိုင်း ခွဲကြည့်တယ်။ မီဒီယာ လွတ်လပ်ခွင့်ကို ပေးတော့မယ်ဆိုရင် မီဒီယာတွေကို ဖိနှိပ်ထားတဲ့ ဥပဒေတွေကို အရင် ပယ်ဖျက်၊ ပြင်ဆင်၊ အသစ်ရေးဆွဲဖို့လိုပါတယ်။”
ဖဆပလခေတ်၊ ဆိုရှယ်လစ်ခေတ်နဲ့ တပ်မတော် အစိုးရခေတ်တွေကို ဖြတ်သန်းလာခဲ့တဲ့ စာရေးဆရာကြီး မြောင်းမြ ဗဆွေကတော့ ဒီမိုကရေစီ အစိုးရတရပ် အုပ်ချုပ်တဲ့နိုင်ငံတစ်နိုင်မှာ မီဒီယာလွတ်လပ်ခွင့် ရှိဖို့က အရေးပါတဲ့နည်းတူ သတင်းသမားတွေဘက်ကလည်း တာဝန်ယူမှု၊ တာဝန်ခံမှုတွေ ရှိဖို့ အရေးကြီးတယ်လို့ သူက ရှုမြင်ပါတယ်။
“ဒီမိုကရေစီအစိုးရလက်ထက် ခေတ်ကျလို့ရှိရင်လည်း စတုတ္ထမဏ္ဍိုင်ကိုတော့ ဦးစားပေးရမှာပဲ။ ဒါ စည်းတော့ စောင့်ရမှာပေါ့။ စာနယ်ဇင်းကလည်း စည်းစောင့်ရမယ်။ ဒီမိုကရေစီကို အလွဲသုံးစားလုပ်ပြီးတော့ ထင်ရာဆိုင်းရေးမယ် ဆိုရင်တော့ ပြဿနာတွေ အများကြီး ပေါ်လာနိုင်တယ်။”
ထွက်ပေါ်လာမယ့် မီဒီယာဥပဒေဟာ မီဒီယာလွတ်လပ်ခွင့်ကို ထိန်းချုပ်လိုက်မယ့်ဥပဒေမျိုး ထပ်ပြီးမဖြစ်ဖို့ လိုတယ်လို့ သုံးသပ်သူတွေလည်း ရှိပါတယ်။ အစိုးရသစ် ပြောင်းလာတဲ့အချိန်မှာပဲ သတင်းမီဒီယာနဲ့ ပတ်သက်ပြီး အရင်ကရှိခဲ့တဲ့ စာပေစိစစ်ရေးဘက်က ဖြေလျှော့ပေးမှု တချို့ ရှိခဲ့ပါတယ်။ ဂျာနယ်တွေ ထုတ်ပြီးမှ စာပေစိစစ်ရေးကို တင်ရတာမျိုးလို ဖြေလျှော့မှု တချို့ ရှိလာပေမဲ့ သတင်းအားလုံးကိုတော့ စာပေစိစစ်ရေးက တစ်နည်းတဖုံနဲ့ ဆင်ဆာ တည်းဖြတ်နေဆဲ ဖြစ်ပါတယ်။ အမျိုးသားဒီမိုကရေစီအဖွဲ့ချုပ် ပြန်ကြားရေးတာဝန်ခံ ဦးအုန်းကြိုင်ကတော့ လာမယ့် မီဒီယာဥပဒေကြမ်းဟာ သတင်းလွတ်လပ်ခွင့်ကို အာမခံဖို့လိုမယ်လို့ ပြောပါတယ်။
“မီဒီယာဥပဒေ ဆိုတာဟာ သတင်းစာ၊ စာနယ်ဇင်းလုပ်ငန်းတွေ၊ စာနယ်ဇင်းသမားတွေ လွတ်လွတ်လပ်လပ် ပြည်သူလူထုရဲ့ဆန္ဒအတိုင်း သတင်းမှန်တွေကို မြန်မြန်ဆန်ဆန်နဲ့ ထုတ်နိုင်ဖို့၊ အဲဒီလိုဖြစ်မယ်ဆိုရင်တော့ အလွန်ကို အကျိုးရှိမယ်လို့ ကျနော် တစ်ယောက်တည်းအနေနဲ့ မြင်တယ်။”
မီဒီယာဥပဒေမှာ ဘယ်အချက်အလက်တွေ ပါဝင်သင့်တယ် ဆိုတာကိုတော့ သတင်းစာနယ်ဇင်းသမားတွေနဲ့ ဥပဒေပြု လွှတ်တော်အမတ်တွေ ဆွေးနွေးခဲ့ကြပါတယ်။ သတင်းလွတ်လပ်ခွင့်အတွက် ဘာတွေ ထည့်သွင်း ပြင်ဆင်သင့်တယ် ဆိုတာကို လွှတ်တော်အမတ် ဦးသိန်းညွှန့်က အခုလို ပြောပါတယ်။
“မီဒီယာဥပဒေဟာ စတုတ္ထမဏ္ဍိုင် မီဒီယာသမားတွေ လုပ်ရဲကိုင်ရဲ၊ ရေးရဲဆိုရဲ၊ ပြောရဲသတင်းယူရဲအောင် အကာအကွယ်ပေးဖို့ လိုပါတယ်။” 
လတ်တလောမှာတော့ မြန်မာနိုင်ငံဟာ သတင်းလွတ်လပ်ခွင့် မရှိတဲ့ နိုင်ငံတစ်ခုအဖြစ် သတ်မှတ်ခံနေရဆဲပါ။ သတင်းရယူတဲ့အတွက် သတင်းထောက်တွေ ထောင်ချခံနေရဆဲ ဖြစ်ပြီး သတင်းလွတ်လပ်ခွင့်ကို ကန့်သတ်တဲ့ ဥပဒေတွေလည်း ရှိနေဆဲဖြစ်ပါတယ်။ ပြည်တွင်း စာပေ အနုပညာ ထုတ်ဝေမှုမှန်သမျှကို စာပေစိစစ်ရေးနဲ့ မှတ်ပုံတင်ဌာနက ဆင်ဆာ တည်းဖြတ်နေဆဲလည်း ဖြစ်ပါတယ်။ ဒါကြောင့် ပြည်တွင်း သတင်းသမားတွေကတော့ အသစ်ပြဌာန်းမယ့် ဥပဒေက သတင်းလွတ်လပ်ခွင့်နဲ့ သတင်းသမားတွေရဲ့ လုံခြုံရေးကို အာမခံချက်ရှိတဲ့ ဥပဒေတရပ် ပေါ်ပေါက်လာဖို့အရေး ဆန္ဒရှိနေကြတာ ဖြစ်ပါတယ်။

လူ့အခွင့်အရေးကော်မရှင် ထုတ်ပြန်ချက် မမှန်ကန်ဟု ဦးဝင်းတင်ဝေဖန်
By မသင်းသီရိ
အင်းစိန်အကျဉ်းထောင်ကို သွားရောက်လေ့လာခဲ့တဲ့ မြန်မာနိုင်ငံ လူ့အခွင့်အရေးကော်မရှင်ဟာ ထောင်အာဏာပိုင်တွေ လိမ်ညာတာကို ခံခဲ့ရတာလို့ နိုင်ငံရေး နှစ်ရှည်အကျဉ်းသားဟောင်း သတင်းစာဆရာကြီး ဦးဝင်းတင်က ပြောပါတယ်။ မြန်မာနိုင်ငံ လူ့အခွင့်အရေး ကော်မရှင်ဟာ အင်းစိန်ထောင်နဲ့အတူ လှေလှော်အင်း ရဲဘက်စခန်းတွေကို သွားလေ့လာအပြီး ထုတ်ပြန်လိုက်တဲ့ စာနဲ့ပတ်သက်လို့ ဦးဝင်းတင်က အခုလို တုံ့ပြန် ပြောဆိုလိုက်တာလည်း ဖြစ်ပါတယ်။ ဒီအခြေအနေ အပြည့်စုံကိုတော့ မသင်းသီရိက တင်ပြထားပါတယ်။
ဒီဇင်ဘာလ ၃၀ ရက် နေ့စွဲနဲ့ မြန်မာနိုင်ငံ လူ့အခွင့်အရေး ကော်မရှင်က အင်းစိန်ထောင်နဲ့ လှေလှော်အင်း ရဲဘက်စခန်းတွေအကြောင်း သတင်းထုတ်ပြန်တာကို အစိုးရသတင်းစာတွေမှာရော မြန်မာ့ရုပ်မြင်သံကြား တွေမှာပါ ပြသခဲ့တာပါ။
အချက် ၈ ချက်နဲ့ ဖော်ပြထားတဲ့ ဒီထုတ်ပြန်ချက်ထဲမှာ အင်းစိန်ထောင်ထဲနဲ့ လှေလှော်အင်း ရဲဘက်စခန်းတွေက အကျဉ်းသားတွေကို အကျဉ်းထောင်လက်စွဲနဲ့အညီ အကျဉ်းသားတွေကို ပြုစုစောင့်ရှောက်သလို ကုလမဂ္ဂရဲ့ အနိမ့်ဆုံးစံနှုန်းတွေနဲ့ အခြေခံထား လုပ်ပေးနေတယ်လို့ ထောင်အာဏာပိုင်တွေက လူ့အခွင့်အရေးကော်မရှင်အဖွဲ့ကို ရှင်းပြခဲ့တယ်လို့ ဖော်ပြထားပါတယ်။ အင်းစိန်ထောင်မှာ အနှစ် ၂၀ နီးပါး အကျဉ်းကျခဲ့တဲ့ နိုင်ငံရေးအကျဉ်းသားဟောင်း သတင်းစာဆရာကြီး ဦးဝင်းတင်ကတော့  ထောင်အာဏာပိုင်တွေဟာ ထောင်ကိုလာကြတဲ့ ဘယ်အဖွဲ့အစည်းနဲ့ ဘယ်ဧည့်သည်ကိုမဆို အမှန်အတိုင်း ရှင်းလင်းပြတာ မရှိတာမို့ အခု လူ့အခွင့်အရေး အဖွဲ့ဟာလည်း ထောင်အာဏာပိုင်တွေရဲ့ လိမ်ညာမှုကို ခံလိုက်ရတာ ဖြစ်တယ်လို့ သုံးသပ်ပါတယ်။
“ထောင်အာဏာပိုင်တွေ ဆိုတာက အဲဒီလို အထက်ကလူတွေ လာတယ်။ ပြင်ပကလူတွေ လာတဲ့အခါမှာ ဘယ်တော့မှ အမှန်မပြောဘူးခင်ဗျ။ လိမ်လွှတ်မယ်၊ တမျိုး ပြောင်းပြောမယ်။ ဒါပဲဗျ။ အဲဒီတော့ ဒီလူ့အခွင့်အရေး ကော်မရှင်ဟာ ထောင်အာဏာပိုင်တွေရဲ့ နောက်ဆုံး အလိမ်ခံရတဲ့ လူတွေအနေနဲ့ပဲ ဖြစ်တယ်လို့ပဲ ကျနော် ပြောချင်ပါတယ်။”
ဒါ့အပြင် အကျဉ်းထောင်နဲ့ ရဲဘက်စခန်းတွေတွင်း ကျန်းမာရေး စောင့်ရှောက်မှု၊ အနားယူမှု၊ အစားအစာနဲ့ ဘာသာစကားလို သင်တန်းတွေအပြင် ကွန်ပျူတာသင်တန်း၊ ကျောင်းပညာရေး၊ ဘာသာရေး ကိစ္စတွေကအစ လုပ်ပေးနေတာတွေကို သူတို့ တွေ့ခဲ့ရတယ်လို့ မြန်မာနိုင်ငံ လူ့အခွင့်အရေး ကော်မရှင်က ရေးထားပါတယ်။ ဦးဝင်းတင်ကတော့ သူရဲ့ နှစ်ရှည်ထောင်တွင်း အတွေ့အကြုံတွေအရရော လက်ရှိနိုင်ငံရေး အကျဉ်းသားတွေ အတွက်ရော အနုတ်လက္ခဏာ ပြတဲ့ ကျန်းမာရေး စောင့်ရှောက်မှုတွေသာ ဖြစ်တယ်လို့ ဆိုပါတယ်။
“ပထမဦးဆုံး လိုအပ်ချက်က လူတွေရဲ့ စားရေးသောက်ရေး၊ နေရေးထိုင်ရေး၊ စိတ်ကျန်းမာရေး၊ လူကျန်းမာရေး။ အဲဒါတွေက လိုတာဗျ။ အဲဒါတွေအတွက် ဘာတစ်ခုမှ ပြည့်စုံအောင် လုပ်ပေးတာမရှိဘူး။ ကျနော် ရှိတဲ့အချိန်ရော၊ အခုချိန်ရော ဘာမှထူးမှာမဟုတ်ဘူး။ ဥပမာဗျာ ကျနော့်အတွေ့အကြုံ ပြောရရင် ကျနော် အူအတက်ပေါက်လို့ အူခေါက်ပြီးတော့ အမျိုးမျိုး ဒုက္ခတွေနဲ့ မခံစားနိုင်လောက်အောင်ကို ဒုက္ခသုက္ခ ရောက်နေတယ်။ အဲဒီလိုဖြစ်တဲ့ အနေအထားမျိုးမှာတောင်မှ ခွဲစိပ်မပေးဘူး။ အဲဒါ ဘယ်လောက်ကြာလဲ ဆိုတော့ ၅ နှစ်ကြာတယ်ဗျ။ အဲဒီလိုဟာမျိုး အလားတူပဲ ဆိုပါတော့ဗျာ ကျနော့်ကို ထောက်လှမ်းရေးက ရိုက်တာနှက်တာနဲ့ ကျနော် သွားတွေ ပြုတ်ကုန်တယ်ဗျာ။ ကျနော် သွားတွေ မရှိဘူး။ အထက်သွားတွေ တစ်ချောင်းမှမရှိဘူး။ အဲဒါကို ကျနော့်ကို သွားစိုက်မပေးဘူးဗျ။ သွားစိုက်ပေးဖို့လည်း မကြိုးစားဘူး။ ကျန်းမာရေး စောင့်ရှောက်တယ်ဆိုတာ ဘယ်တော့မှ မလုံလောက်ဘူး။ ဘယ်တော့မှ မပြည့်စုံဘူး။”
စစ်ခွေးတိုက်နဲ့ ပတ်သက်လို့ ရေးသားထားတာလည်း တွေ့ရပါတယ်။ မကြာသေးခင်ကာလတွေက အစာငတ်ခံ ဆန္ဒပြသူတွေကို စစ်ခွေးတိုက်တွေမှာ ထားတယ်လို့ တိုင်တာရှိပေမဲ့ သူတို့အဖွဲ့ ထောင်ထဲမှာတွေ့ပြီး မေးမြန်းခဲ့တော့ ဒါဟာ သတင်းမှား ဖြစ်တယ်လို့လည်း ရှင်းလင်းထားပါတယ်။ ဒီစစ်ခွေးတိုက်နဲ့ပတ်သက်လို့ ဦးဝင်းတင်က သူ့အတွေ့အကြုံကို ရှင်းပြရာမှာတော့ -
“သမံတလင်းပေါ်မှာ အိပ်ရတယ်။ ဖျာတောင်မပေးဘူး။ စစ်ခွေးတိုက်တွေမှာ ကျနော်တို့ အိမ်သာဆိုတဲ့ ဟာတွေက ကျနော်တို့မှာ သေးအိုးရော ချေးအိုးရောက အငွေ့တွေ ပြန်ထွက်ပြီးတော့ နေတဲ့ဟာ။ ကျနော် ကြုံခဲ့တယ်။ ဒီ ခွေးတိုက်ဆိုတဲ့ဟာက တမင်ကို ငြင်းပမ်းဖို့ကို ပြစ်ဒဏ်မှာ အမြင့်ဆုံးထားတဲ့တိုက်။ ဘာဖြစ်လို့လဲဆိုတော့ ကျနော် ခွေးတိုက်မှာ အကြာကြီး နေခဲ့ဖူးတဲ့သူအနေနဲ့ သက်သေခံနိုင်ပါတယ်။”
မြန်မာနိုင်ငံ လူ့အခွင့်အရေးကော်ရှင်ရဲ့ ထုတ်ပြန်စာထဲမှာ အင်းစိန်ထောင်တွင်းမှာ ရှိနေတဲ့နေရာထက် လက်ရှိ အကျဉ်းသား ဦးရေကများနေတာ တွေ့ရတယ်လို့ ရေးသားထားသလို ဘာသာရေးဆိုင်ရာ သင်တန်းတွေနဲ့ စခန်းတွေကို ပိုဖွင့်ပေးဖို့အပြင် လွတ်ငြိမ်းချမ်းသာခွင့်တွေ ပေးလာဖို့ကိုလည်း မျှော်လင့်ကြောင်း ရေးထားတာတွေ့ရပါတယ်။
“ကျနော် ထောင်ထဲမှာ အနှစ် ၂၀ နေခဲ့တဲ့သူ။ နောက်ပြီးတော့ ထောင်ထဲမှာ နေရာစခန်းပေါင်းများစွာ၊ ဆေးရုံပေါင်းများစွာကို ကျနော် နေခဲ့ဖူးတဲ့သူ တစ်ယောက်အနေနဲ့ သူတို့ပြောတာတွေ တစ်ခုမှ မယုံဘူး။ ကျနော် မယုံဘူး ဆိုခြင်းဟာ ကျနော့်ကို သက်သေခံမယ့် ကျနော့်လိုပဲ မယုံဘူးဆိုတဲ့သူတွေ အများကြီး ရှိလိမ့်မယ်လို့ ကျနော် ပြောချင်ပါတယ်။ ကျနော် ခုမှပြောတာ မဟုတ်ပါဘူး။ ကော်မရှင်ဟာ အမြဲတမ်း အစိုးရနဲ့ အပြန်အလှန်လုပ်ပြီးတော့ လုပ်နေတဲ့သူတွေလို့ပဲ ကျနော် သဘောထားတယ်။ အစိုးရနဲ့ သံတူကြောင်းကွဲတွေ ပြောနေတာပဲ။”
နှစ်ရှည်နိုင်ငံရေး အကျဉ်းသားဟောင်းတစ်ဦးလည်းဖြစ်၊ ထောင်တွင်း အတွေ့အကြုံတွေကို “နင်လားဟဲ့ လူ့ငရဲ” ဆိုတဲ့ စာအုပ်တစ်အုပ်ကိုလည်း ရေးသားခဲ့တဲ့ သတင်းစာဆရာကြီး ဦးဝင်းတင် ပြောသွားတာ ဖြစ်ပါတယ်။
မြန်မာနိုင်ငံ လူ့အခွင်အရေးကော်မရှင် ဥက္ကဋ္ဌနဲ့အဖွဲ့ဝင် ၇ ဦးတို့ဟာ ဒီဇင်ဘာလ ၂၇ ရက်နေ့က အင်းစိန်ထောင်နဲ့ ၂၈ ရက်နေ့မှာ လှေလှော်အင်း ရဲဘက်စခန်းတွေကို သွားပြီး လူ့အခွင့်အရေး အခြေအနေတွေကို လေ့လာခဲ့တာနဲ့အတူ အစောပိုင်းမှာလည်းး မြစ်ကြီးနားထောင်တွေကို သူတို့အဖွဲ့ လေ့လာတာတွေ လုပ်ခဲ့ပြီးတဲ့နောက် အခုလို အကျဉ်းထောင်နဲ့ ပတ်သက်ပြီး သတင်းထုတ်ပြန်ခဲ့တာ ဖြစ်ပါတယ်။

လူ့အခွင့်အရေး ကော်မရှင် အကြုံပြုချက် ၃ ချက် ထုတ်ပြန်
အစိုးရ လူ့အခွင့်အရေးကော်မရှင်က အင်းစိန်ထောင်နှင့် လှေလှော်အင်းရဲဘက်စခန်းတို့သို့ ဒီဇင်ဘာ ၂၇ နှင့် ၂၈ ရက်နေ့က သွားရောက်ခြင်းနှင့် ပတ်သက်၍ အကြုံပြုချက် ၃ ချက် ထုတ်ပြန်လိုက်သည်။ အင်းစိန်ထောင်တွင်းရှိ အကျဉ်းသားအရေအတွက်ကို လျှော့ချရန်၊ တရားစခန်းများ ဖွင့်လှစ်ခွင့်ပေးရန်နှင့် ဘာသာဝင်မျိုးစုံအတွက် ဘာသာရေးအစီအစဉ်များကို ဆောင်ရွက်ပေးရန်တို့ ဖြစ်သည်။ မကြာသေးမီက အစာငတ်ခံ ဆန္ဒပြခဲ့သော အကျဉ်းသားများကို သောက်ရေမပေးဆိုသည်မှာ မဟုတ်မှန်ကြောင်း၊ ခွေးတိုက်၌ ထားသည်ဆိုခြင်းမှာ မဟုတ်မှန်ကြောင်းတို့ကိုလည်း ကော်မရှင်၏ ထုတ်ပြန်ချက်တွင် ဖော်ပြထားသည်။

ထိုင်း နယ်စပ် မှောင်ခိုလုပ်ငန်း ဆက်လက်ကြီးထွား
ပြည်တော်မြင့် on December 30,
 ထိုင်း-မြန်မာ နယ်စပ် မဲဆောက်-မြ၀တီ တံတား ပြန်ဖွင့်သည်မှာ တလနီးပါးကြာမြင့်ချိန် အထိ ရေထွက်ကုန်ပစ္စည်း တမျိုးသာ သွင်းကုန်ထုတ်ကုန် လိုင်စင်ရရှိပြီး တရားမ၀င်ကုန်သွယ်မှုဖြင့်လည်း ဆက်လက်လုပ်ကိုင် နေကြကြောင်း မြန်မာ ကုန်သည်များက ပြောသည်။

မဲဆောက်ရှိ ပွဲရုံတခုတွင် နမူနာပြသထားသည့် မြန်မာပုစွန်များ (ဓာတ်ပုံ - ဧရာဝတီ)
မြန်မာနိုင်ငံ မြ၀တီမြို့မှတဆင့် ထိုင်းနိုင်ငံ မဲဆောက်မြို့ ဘက်သို့ ငါး၊ ပုစွန် ၊ ကဏန်း စသည့် မြန်မာ ရေထွက်ပစ္စည်းများ တင်ပို့ရာတွင် တရားဝင်နှင့် တရားမ၀င်သည့် နည်းလမ်း နှစ်မျိုးစလုံး ကုန်သွယ်မှု ပြုနေကြရသည်ဟု မြန်မာ ရေချိုပုစွန်ထုပ် ကုန်သည် တဦးက ပြောဆိုသည်။
“ဒီလဆန်း ၅ ရက်နေ့ မြန်မာဘက်က တံတားပြန်ဖွင့်ပြီးတာနဲ့ မကြာဘူး ငါး၊ ပုစွန်၊ ကဏန်းတွေကို ချစ်ကြည်ရေးတံတားပေါ်ကနေ ထိုင်းဘက်ကို ပို့တယ်၊ ဒါပေမယ့် ကုန်သည်တွေကတော့ အကျိုးအမြတ်ပိုရတဲ့ တရားမ၀င်နည်းနဲ့ တွဲပြီးလုပ်နေကြရ တယ်၊ တရားဝင်ကြီးပဲ ဆိုရင်တော့ အကျိုးအမြတ်က နည်းတယ်၊ ရထားတဲ့ လုပ်ငန်းလိုင်စဉ်လေးအတွက် ထိန်းပြီးလုပ်နေ ရတယ်”ဟု ၎င်းက ဆိုသည်။

မြန်မာရေထွက် ပစ္စည်းများ ထိုင်းနယ်စပ်သို့ တရားဝင် တင်ပို့သူများမှာ နယ်စပ်ကုန်သွယ်ရေးဇုန်မှ တဆင့် အခွန်ဆောင်၍ ပို့ကြရကြောင်း၊ တချို့မှာ ရန်ကုန်တွင်အခွန်ပေးဆောင်ပြီး ရန်ကုန်မှတဆင့် မြ၀တီ သို့ မျှောစာများဖြင့်သယ်၍ တင်ပို့သည်
များလည်းရှိကြောင်း၊ တရားမ၀င် တင်ပို့သူများမှာ အခွန်ဆောင်စရာမလိုသည့်အတွက် အကျိုးအမြတ်ပိုမိုရရှိခြင်း ဖြစ်ကြောင်း သိရသည်။
မြန်မာ ပုစွန်ပို့ကုန် လုပ်ငန်းပိုင်ရှင် ကိုအောင်က ပုစွန်ထုပ်ဆိုက်ကြီး ၃-၄ အမျိုးအစားကို ထိုင်း နိုင်ငံသို့ တင်ပို့ပါက ယခင်က တကီလိုလျှင် အမေရိကန်ဒေါ်လာ ၁၀.၄၅၅ ဒေါ်လာ သတ်မှတ်နှုန်းနှင့် စီးပွားရေးနှင့် ကူးသန်း ရောင်းဝယ်ရေး ၀န်ကြီးဌာန သို့ အခွန် ပေးဆောင်ရသည်ဟု ပြောပြသည်။