Friday, December 30, 2011

ကွန်တီနမ်တဲလ် ဖလော်ဆိုဖီ

by Zay Ya on Friday, December 30, 2011 at 9:59pm
ကွန်တီနမ်တဲလ်တို့ - ကလပ်စစ်ကယ်လ်တို့ - အနက်လစ်တစ်တို့ ဆိုတဲ့ စကားတွေ ဒဿနပညာရပ်မှာ မကြာခဏ ကြား ကြားနေရ တတ်ပါတယ်။ ဒီနေရာမှာ အနက်လစ်တစ် ( Analytic ) ဆိုတာကို ဒဿနပညာ လိုက်စားသူ တော်တော်များများ သိကြပေမယ့် နားစိမ်းနေသေးတဲ့ ဝေါဟာရကတော့ ကွန်တီနမ်တဲလ် ( Continental ) ဖြစ်ပါတယ်။

ညီတစ်ယောက်က မေးထားပြီးသားမို့ ပြန်ဖြေမယ် ကြိုးစားရင်း မဖြေဖြစ်ခဲ့တာ ကြာပါပြီ။ ရေးမယ်ဆိုပြီး ( ဖျောက်မရတဲ့ အကျင့်ဆိုးအတိုင်း ) တစ်ပိုင်းတစ်စ ထားထားခဲ့တဲ့ ရေးလက်စ စာဖိုင်တစ်ခု တော့ ရှိတယ်။  ဒါပေမယ့် ကိုယ့်ဘာသာကိုယ်ရေးပြီး  စိတ်တိုင်းမကျဘူးရယ်။ အခု ညီဖြစ်တဲ့သူ မေးထားတဲ့ အမေးအတွက် အထိုက်အလျောက် ကျေနပ်နိုင်မယ့်စာကို ရှာတွေ့တယ်။ ကျနော်ရေးထားတာ မပြည့်စုံလို့ ဆရာရေးထားတဲ့ အတိုင်းကိုပဲ ဟိုတစ်စ ဒီတစ်စ ပြန်ပြင်ပြီး တင်လိုက်ပါတယ်။


အောက်ကစာကို ဖတ်ကြည့်ရင် ကွန်တီနမ်တဲလ်ဒဿနပညာဟာ လက်ရှိဒဿနရေစီးကြောင်းမှာ အပုတ်ခတ်ခံနေရဆဲ ဒဿနပညာတစ်ရပ် ဆိုတာထက် သူ့သမိုင်းကြောင်းကို တွဲဖက် ပိုမြင်နိုင်မယ် ထင်ပါတယ်။ လွှမ်းမိုးကြီးစိုးဆဲ ဒဿနပညာကတော့ Analytical Philosophy ခွဲခြမ်းစိတ်ဖြာ ဒဿနပညာပါ။ ကျနော်ရှင်းတာထက် ဆရာမင်းခက်ရဲ ရှင်းတာက ပိုလင်းပါလိမ့်မယ်ဗျား။ သူရေးထားတဲ့ ဆောင်းပါးတွဲ ကို ရသလောက် ယူတင်လိုက်တာမို့ အပိုင်းလိုက် အချို့နေရာမှာ လိုနေပါလိမ့်မယ်။

တောင်းဆိုတဲ့ညီငယ်ကို တလေးတစားကျေးဇူးတင်ပါတယ်။
....................................................
ကွန်တီနမ်တဲလ်ဒဿနပညာဆိုတာဘာလဲ

ဒဿနပညာ အကြောင်း ပြောရင် ကျွန်တော်တို့ဟာ ဒဲရီဒါ၊ ဖူးကိုး၊ ဒီလူးစ် ဒါမှမဟုတ် ကန့်၊ ဟေဂယ်၊ နစ်ရှေး စသည်ဖြင့် ဒဿန ပညာရှင်ကို အခြေခံပြီး ပြောချင်ပြော ၊ဖြစ်တည်မှုဝါဒ၊ အာရုံအခြေပြုဝါဒ၊ အဆောက်အအုံဝါဒ၊ အဆောက်အအုံလွန်ဝါဒ စသဖြင့် အယူအဆတွေကို အခြေခံပြောတာ မျိုးများတယ်။ ဒဿနပညာ ဖွံ့ဖြိုးလာ၊ ရှင်သန် ကြီးထွားလာပုံ လမ်းကြောင်းကနေ ပြောဆိုတာမျိုး ရှားပါးတယ်။ ဒါကြောင့် ကျွန်တော်တို့ဆီမှာ ဒဿနပညာဟာ စာဖတ်သူတွေရဲ့ နေ့စဉ် လူမှုဘဝထဲကို ရောက်ခဲ့ပေမယ့် ကွန်တီနမ်တဲလ်ဒဿနပညာ Continental Philosophy ရယ်လို့ လမ်းကြောင်းတစ်ခုသက်သက်က ရောက်မလာခဲ့ဘူး။ ဒဿနပညာနဲ့ ရင်းနှီးကျွမ်းဝင်သူလူနည်းစုကသာ လေ့လာဖြစ်နေတာ တွေ့ရတယ်။ ကွန်တီနမ်တဲလ်ဒဿနပညာ ဆိုတာဘာလဲလို့ ခွဲပြောဖို့ဟာ ကြီးမားတဲ့အခက်အခဲတစ်ခုပါ။ မိတ်ဆက်သဘော ပြောရရင်တော့ ဒဿနပညာရပ်မှာ ဖွံဖြိုးပုံလမ်းကြောင်း နှစ်ခုရှိတယ်။ တစ်ခုက ခွဲခြမ်းစိတ်ဖြာဒဿနပညာ Analytical Philosophy ဖြစ်ပြီး ကျန်တစ်ခုကတော့ ကွန်တီနမ်တဲလ်ဒဿနပညာ ပဲ။ ကွန်တီနမ်တဲလ်ဒဿနပညာ ဆိုတာ ဒဿနပညာရပ်မှာ ပင်မရေစီးဒဿနတွေကနေ ဖယ်ခွာခဲ့တဲ့လမ်းကြောင်းကို ရေးဆွဲထားတာပါပဲ။ ပင်မရေစီး ခွဲခြမ်းစိတ်ဖြာ ဒဿနပညာကို ဆန့်ကျင်ရင်း ဒါမှမဟုတ် ၎င်းနဲ့မတူတဲ့ ဒဿနအမြင်တွေကို စုပေါင်းခေါ်ဝေါ်ထားတဲ့ လမ်းကြောင်းတစ်ခုပါပဲ။


၁၉၅၀ နဲ့ ၆၀ ခုနှစ်များအထိ ဒဿနလောကမှာ အလွှမ်းမိုးဆုံးကတော့ အင်္ဂလိပ် အမေရိကန် ဒဿနတွေပါ။ အထူးသဖြင့် အင်္ဂလိပ်၊ အမေရိကန် ဒဿနတွေဟာ ခွဲခြမ်းစိတ်ဖြာ ဒဿနတွေပါပဲ။ သူတို့ရဲ့ လွှမ်းမိုးမှုကနေ ဖောက်ထွက်ပြောဆိုလာတဲ့ ဒဿနတွေဟာ ပြင်သစ်၊ ဂျာမန်တို့မှာ အများအပြားထွက်ပေါ်ခဲ့ပါလျက် မတွင်ကျယ်ဘဲ ဘေးဖယ်ခံနေရသလို ဖြစ်နေခဲ့တာ အမှန်ပါပဲ။ ကွန်တီနမ်တဲလ် ဒဿနပညာကို ပထဝီနယ်မြေ အရ ခွဲခြားတာတွေရှိပါတယ်။ ဒါကတော့ အင်္ဂလိပ်၊ အမေရိကန် ၊ဩစတြေးလျ မဟုတ်တဲ့ ဥရောပနိုင်ငံအတွင်းက ဒဿနပညာဟာ ကွန်တီနမ်တဲလ်ဒဿနပညာလို့ ဆိုနိုင်ပါတယ်။


ဒီခွဲခြားမှုမှာ ခြွင်းချက်တော့ရှိပါတယ်။ ခွဲခြမ်းစိတ်ဖြာ ဒဿနပညာကို စတင်ခဲ့သူဖရက် Frege နဲ့ ကားနက်ပ် Carnap တို့ဟာ ဥရောပ Continent ထဲကပါ။ ဒါပေမယ့် ခြွင်းချက်အားဖြင့် ကွန်တီနမ်တဲလ် ဒဿနပညာထဲမှာ သူတို့မပါဝင်ပါဘူး။
အမေရိကန်နဲ့ အင်္ဂလိပ်တို့ရဲ့ လွှမ်းမိုးကြီးစိုးမှု အောက်မှာ ကွန်တီနမ်တဲလ် ဒဿနပညာဟာ ဘေးဖယ်ထုတ်ခံ ဖြစ်ပါတယ်။ ဥပမာ ၁၉၆၀ခုနှစ်၊ ပြင်သစ်မှာ ကျင်းပတဲ့ ခွဲခြမ်းစိတ်ဖြာဒဿနညီလာခံ မှာ အောက်စဖို့ဒ် ဒဿနပညာရှင်ကြီးလည်းဖြစ်၊ အင်္ဂလိပ် ခွဲခြမ်းစိတ်ဖြာဒဿနပညာရှင် အထင်ကရပုဂ္ဂိုလ်ကြီးဖြစ်တဲ့ ဂီးလ်ဘတ်ရိုင်း G.Ryle က ကွန်တီနမ်တဲလ်ဒဿနပညာရှင် မာလိုပွန်တီရဲ့ အမေးကို ဖြေခဲ့တာ တစ်ခုရှိပါတယ်။ ဖီနိုမန်နိုလိုဂျစ် Phenomenologist မွန်တီက ညီလာခံမှာ (ဒီတွေးခေါ်မြော်မြင်မှု) ပရိုဂရမ်ကြီး အောက်မှာ ငါတို့ဟာအတူတူပဲမဟုတ်လားလို့ တရိုတသေ မေးခဲ့တယ်။ ဂီးလ်ဘတ်ရိုင်း ကတော့ ငါတော့အဲ့လိုမမျှော်လင့်ဘူးI hope not ရယ်လို့ ပြောခဲ့တယ်။ အဖြေက ကွန်တီနမ်တဲလ်ဒဿနပညာကို ဒဿနပညာ ခေါင်းစဉ်အောက်ကနေ ဘေးဖယ်ထုတ်လိုက်ရုံတင် မကဘူး။ အနာဂတ်အတွက်ပါ မဖြစ်နိုင်ဘူးလို့ ရည်စူးပြီး ထပ်မံ ကန့်သတ်ထားတဲ့ အဖြေပါပဲ။ ဒါတင်မကသေးဘူး။ ဥရောပ ဒဿနပညာရှင် နှစ်ဦးဖြစ်တဲ့ ဟေဂယ် နဲ့ ဟိုက်ဒေးဂါး ကလည်း ဒဿနပညာကနေ သွေဖည် ဖောက်ပြန်သူတွေ အဖြစ် မကြာခဏ ကိုးကားခံရတယ်။ ဟန့်ရေးဘတ်ခ်ျက သူ့ရဲ့စာအုပ် The Rise of Scientific Philosophy မှာ ဟိုက်ဒေးဂါးရဲ့ ဒဿနကို အဓိပ္ပါယ်မရှိ Meaningless လို့ ကိုးကားရေးသားတယ်။


ဒီလိုမျိုး အမေရိကန်နဲ့ မြောက်အမေရိကတိုက် ဒဿနပညာတွေ လွှမ်းမိုးပြီး ဥရောပဒဿနကို ဘေးဖယ်ထုတ်လာတာဟာ ဒုတိယကမ္ဘာစစ်ကနေ စတင်လာတာပါ။ ပြီးတော့ ၁၉၆၀ ခုနှစ်တိုင်အောင်ပါပဲ။ ဒီကြားထဲမှာ ထင်ပေါ်ခဲ့တဲ့ ဥရောပ ဒဿနပညာရှင်ရယ်လို့ အဲလ်ဘတ်ကမူး နဲ့ ယန်းပေါလ်ဆတ် တို့နှစ်ဦးသာလျှင် ရှိပါတယ်။ သူတို့နှစ်ဦးဟာ ဖြစ်တည်မှုဝါဒီတွေ Existentialist အဖြစ် ထင်ရှားလာရတာကလည်း သူတို့ရဲ့ ကျော်ကြားတဲ့ ဝတ္ထုတွေကြောင့်သာ ဖြစ်ပါတယ်။ ဒါကိုပဲ အင်္ဂလိပ် ကိုယ်ကျင့်တရား ဒဿနပညာရှင် အေ၊ဂျေ၊အေရာ က ဆာ့တ်ရဲ့ လွတ်လပ်မှုအမြင်ဟာ အကြွင်းမဲ့ဆန်ပြီး ကိုယ်လုပ်ချင်ရာ လုပ်နိုင်တယ် ဆိုတဲ့ အမြင်မျိုး သက်ရောက်တယ် လို့ဆိုပါတယ်။ ကမူး နဲ့ ဆာ့တ်တို့ရဲ့ ဒဿနပညာကို အင်္ဂလိပ်၊ အမေရိကန် တက္ကသိုလ်မှာ သင်ကြားတယ်။ ကျောင်းသားတွေရဲ့ တောင်းဆိုမှုကြောင့်သာ သင်ကြားတာဖြစ်ပါတယ်။ ဒဿနပညာအရတော့ ဒီကာလမှာ လေးစားမှုမရခဲ့ဘူး။ အင်္ဂလိပ် အမေရိကန်တို့ရဲ့ ကွန်တီနမ်တဲလ် ဒဿနပညာအပေါ် မလေးစားမှုဟာ ယက်ဒဲရီဒါ Derrida ပြဿနာမှာ သိသာတယ်။ အင်္ဂလိပ် အမေရိကန်တွေရဲ့ ခွဲခြမ်းစိတ်ဖြာ ဒဿနပညာဟာ ကွန်တီနမ်တဲလ်ဒဿနနဲ့ အတော်ကလေး ကွဲပြားခြားနားနေတာကြောင့်လည်း ပါပါတယ်။ ပြီးတော့ ခွဲခြမ်းစိတ်ဖြာဒဿန ဆိုတာက လွှမ်းမိုးကြီးစိုးဆဲဒဿနပညာဖြစ်နေလို့။


ကိန်းဘရစ်ခ်ျ တက္ကသိုလ် ၁၉၉၂ ခုနှစ် ကာလအထိ ကွန်တီနမ်တဲလ်ဒဿနပညာအပေါ် မလေးစားမှုက ကြွင်းကျန်နေသေးတာပါ။ ယက်ဒဲရီဒါဆိုတာက ဒီကွန်ဆာရပ်ရှင်းဒဿန နည်းပရိယာယ်ကို တည်ထောင်ခဲ့သူ။ ပြင်သစ်မှာ ဩဇာကြီးမားသလို သူ့ရဲ့ဒဿနဟာ ၁၉၇၀ခုနှစ်များမှာ အမေရိကမှာ ပျံ့နှံ့ထွန်းကားခဲ့တယ်။ ယေးတက္ကသိုလ် ပညာရှင်တွေဟာ ဒဲရီဒါရဲ့ လွှမ်းမိုးခံခဲ့ရတယ်။ ဒါကိုတောင်မှ ကိန်းဘရစ်ခ်ျဟာ ဒဲရီဒါကို ဂုဏ်ထူးဆောင် ပါရဂူဘွဲ့အပ်နှင်းဖို့ အဆိုပြုချက်ကို အပြင်းအထန်ကန့်ကွက်မှုတွေရှိနေခဲ့သေးတယ်။
ရိုင်းကသူ့ရဲ့In Mind (၁၉၃၀) မှာ ဟိုက်ဒေးဂါးကို ဝေဖန်တယ်။ ပြီးတော့ ဒီစာအုပ်ပါ အမြင်ကို အောက်စဖို့ဒ်မှာ တစ်လျောက်လုံး ပို့ချတော့တာပဲ။ ဒဿပညာရှင် ဒန်းမတ်တ်ကလည်း ဟူဇယ်လ်၊ ဟိုက်ဒေးဂါးတို့လို ကွန်တီနမ်တဲလ်ပညာရှင်တွေရဲ့ အရေးအသားနဲ့ ပတ်သက်ပြီး ”သူတို့ရဲ့အသိပညာ မဖြစ်စလောက်လေးကို ပုံနှိပ်ထိန်းသိမ်း စောင့်ရှောက်ထားတာဟာ အတော်ကလေး သနားဖို့ကောင်းတယ်” လို့ဝေဖန်ရှုတ်ချတယ်။ အေ၊ဂျေ၊အေရာက သူ့ရဲ့ကိုယ်တိုင်ရေးအထ္ထုပ္ပတ္တိမှာ မာလိုပွန်တီ နဲ့ နေခဲ့ပြီး ဆွေးနွေးခဲ့ရတဲ့ဖြစ်စဉ်ကို ရေးထားတာက သူတို့နှစ်ဦးဟာ သူတို့ရဲ့ဒဿနမှာ ဘယ်တော့မှ အခြေခံအုတ်မြစ် ဘာတူနေမလဲ ဆိုတာကို ရှာဖွေလို့မရနိုင်ခဲ့ဘူးတဲ့။

ဒါဟာ တကယ်တော့ အေရာ နဲ့ ပွန်တီတို့ရဲ့ ကွာခြားချက်ဘက်မကဘူး။ ခွဲခြမ်းစိတ်ဖြာဒဿန နဲ့ ကွန်တီနမ်တဲလ်ဒဿနပညာတို့ရဲ့ ကွဲပြားခြားနားချက်လည်း ဖြစ်တယ်။ ခွဲခြမ်းစိတ်ဖြာဒဿနမှာ ကြည်လင်ရှင်းလင်းမှု၊ ဓမ္မဓိဋ္ဌာန်ကျမှု၊ စနစ်ကျမှုဆိုတာကို အခြေခံအုတ်မြစ်အဖြစ် တွေ့နိုင်တယ်။ ကွန်တီနမ်တဲလ် ဒဿနပညာမှာတော့ စာနာမှု၊ အနက်ပြန်ဖွင့်ဆိုမှု၊ ပုဂ္ဂလဓိဋ္ဌာန်ဆိုတဲ့ အရာတွေကို အခြေခံအုတ်မြစ် အဖြစ်ထားတယ်။ ယက်ဒဲရီဒါဆိုရင် ခွဲခြမ်းစိတ်ဖြာ အခြေခံအနောက်တိုင်း ဒဿနတစ်ခုလုံးကို ဆန့်ကျင်ဖို့ ကြိုးစားတာပါပဲ။ ပို့စ်ကိုလိုနီယယ်ဝါဒီ Post-colonialist တွေကဆိုရင် အနောက်တိုင်း ခွဲခြမ်းစိတ်ဖြာဒဿနကို ဆန့်ကျင်တာနဲ့ ပတ်သက်လို့ လက်ခံကြတယ်။ အထူးသဖြင့် ဒဲရီဒါကိုပဲ။ သူတို့က အနောက်တိုင်း ဒဿနပညာဟာ ကိုလိုနီစနစ် သူတို့ကိုယ် သူတို့မှန်ကန်ကြောင်း ထင်လာဖို့နဲ့ ကိုလိုနီစနစ် အင်အားကြီးမားလာဖို့ အထောက်အကူပြုတယ် လို့ ယုံကြည်တယ်။ ယခု ကွန်တီနမ်တဲလ်ဒဿနပညာဟာ လွှမ်းမိုးကြီးစိုးဆဲ ဒဿနပညာကနေ ဖောက်ထွက်ဆန့်ကျင်ထားတဲ့ဒဿနပါ။ အသေအချာပြော ရရင်တော့ သူ့နည်းသူ့ဟန်နဲ့ ဖောက်ထွက်ထားကြတာ လို့ဆိုနိုင်တယ်။


အင်္ဂလ်ိပ် ခွဲခြမ်းစိတ်ဖြာ ဒဿနပညာရှင်နဲ့ ကွန်တီနမ်တဲလ် ဒဿနပညာရှင် နောက်တစ်ဦးတို့ရဲ့ ဆုံတွေ့မှုကလည်း စိတ်ဝင်စားစရာကောင်းတယ်။ ဂေအရာ နဲ့ ဘတိုင်းယီ Glorge.Bataille တို့ရဲ့ဆုံတွေ့မှုပါ။ ဘတိုင်းလီဆိုတာ ဖူးကိုး ၊ဒဲရီဒါနဲ့ ဘာ့သ်တို့အပေါ် လွှမ်းမိုးနိုင်စွမ်းရှိသူ၊ အဆောက်အအုံလွန်ဝါဒ အခြေခံ အဆောက်အအုံအုတ်မြစ် ဝါဒီ ထဲက တစ်ဦးဖြစ်ပါတယ်။ ပြင်သစ်ရဲ့ အကျော်ကြားဆုံးနဲ့ ဩဇာအကြီးမားဆုံး ပညာရပ်ဂျာနယ် Critique ကိုတည်ထောင်သူ၊ ဒီပညာရပ်ဂျာနယ် ကနေ ဘလွန်ရှို၊ ဘာ့သ်၊ ဖူးဂိုး ၊ဒဲရီဒါတို့ကို ထည့်ပြီး ပိုမို ကျယ်ပြန့်လာအောင် မိတ်ဆက်ပေးခဲ့သူပါပဲ။


၁၉၅၁ ခုနှစ်၊ ပဲရစ်မြို့ အရက်ဘားဆိုင်တစ်ခုမှာ အေရာ နဲ့ ဘတိုင်းလီတို့ ဆုံတွေ့ခဲ့တယ်။ မာလိုပွန်တီလည်း ပါတယ်။ အေရာ နဲ့ ဘတိုင်းလီတို့ရဲ့ ဆွေးနွေးမှုဟာ မနက်သုံးနာရီထိ တိုင်အောင်ရောက်တယ် လို့ဆိုပါတယ်။ သူတို့ဆွေးနွေးနေတဲ့ အကြောင်းအရာက ”နေဟာ လူသားရဲ့ တည်ရှိမှုမတိုင်ခင်မှာကတည်းက ရှိခဲ့သလား” ဆိုတာပါပဲ။ အေရာကတော့ နေဟာ လူသား မတည်ရှိခင် ကတည်းက တည်ရှိခဲ့တယ် ဆိုတာ ဘာမျှ သံသယဖြစ်စရာမလိုဘူး တည်ရှိခဲ့တယ်လို့ ယူတယ်။ ဘတိုင်းလီကတော့ အထက်ပါ အဆိုတစ်ခုလုံးဟာ အဓိပ္ပာယ်မရှိဘူးလို့ တွေးပါတယ်။ အေရာ လို ခွဲခြမ်းစိတ်ဖြာဒဿနပညာရှင် ၊ကမ္ဘာလောကကြီး အပေါ် သိပ္ပံနည်းကျ ရှုမြင်လိုသူကတော့ နေလို ရုပ်ပိုင်းဆိုင်ရာ အရာဝတ္ထုဟာ လူသားရဲ့ ဆင့်ကဲဖြစ်စဉ်ပြောင်းလဲမှုထက် အလျင်ကျပြီး တည်ရှိခဲ့တယ်ဆိုတာ အတော်လေး အဓိပ္ပာယ်ရှိတဲ့ အတွေးလို့ဆိုနိုင်ပါတယ်။ ဘတိုင်းလီကျတော့ အသွင်လောကပညာ Phenomenology ရှုထောင့်ကနေ ဦးစားပေးစဉ်းစားမှာပါ။ သူက ရုပ်ပိုင်းဆိုင်ရာ ဝတ္ထုပစ္စည်းရဲ့ တည်ရှိမှုကို လူသားရဲ့ ပုဂ္ဂလိက အာရုံသိမှုအတွင်းကနေ သာလျှင် သူတည်ရှိနေကြောင်း သိရမှာဖြစ်တယ်။ ပြင်ပလောကထဲက အရာဝတ္ထုရှိနေမှုဟာ လူသားရဲ့ အာရုံသိမှုကြောင့်သာလျှင် သိနေရတာ။ ဒါကြောင့် ဘတိုင်းလီ အတွက် နေဟာ လူုသားထက် အရင်ဖြစ်တည်နေတယ် ဆိုတဲ့အဆိုဟာ လုံးဝ အဓိပ္ပာယ်မရှိဘူး ဖြစ်နေမယ်။ အေရာ နဲ့ ဘတိုင်းလီတို့ရဲ့ ကွဲပြားခြားနားချက်ဟာ ခွဲခြမ်းစိတ်ဖြာဒဿနနဲ့ ကွန်တီနမ်တဲလ် ဒဿနပညာတို့ရဲ့ ကွဲပြားချက်လည်းပဲ ဖြစ်ပါတယ်။


ကွန်တီနမ်တဲလ်ဒဿနပညာကို စဉ်းစား တွေးခေါ်မှု နည်းလမ်းဘောင် methodological နဲ့ ပထဝီအနေအထား geographical ဆိုပြီး နှစ်မျိုး ခွဲခြားနိုင်တယ် ဆိုတာ တွေ့ပြီးပါပြီ။ ကွန်တီနမ်တဲလ် ဒဿနပညာလို့ စတင်အမည်တပ် ထွက်ပေါ်လာပုံကိုတော့ သိနိုင်ဖို့ မလွယ်ဘူး။ ခန့်မှန်းခြေအရ ဒီပညာရပ် နာမည်ဟာ ၁၉၇၀ ခုနှစ်များမှာ ပေါ်ပေါက်လာတယ် လို့တော့ အဆိုရှိတယ်။ ပထမ ခန့်မှန်းချက် တစ်ခုအရ သူ့ရဲ့ ပညာရပ်ဆိုင်ရာ အခြေအနေနဲ့ ပေါ်ပေါက်လာတယ် လို့တော့ မှတ်ယူနိုင်ပါတယ်။ သဘောကတော့ ဒဿန ပညာရှင်တွေနဲ့ ဒဿနပညာရပ် ဌာနက သူတို့ရဲ့ သုတေသနအတွက် ဖွဲ့စည်းမယ်၊ သင်ကြားမယ်၊ ပြီးရင် သူတို့နဲ့ ဆက်နွယ်နေတဲ့ အသိပညာဆိုင်ရာတွေကို ဖော်ထုတ်တင်ပြရင်း ကနေ ကွန်တီနမ်တဲလ် ဒဿနပညာရယ်လို့ ပေါ်ပေါက်လာမယ်။ ဒီအသိအရ ကွန်တီနမ်တဲလ် ဒဿနပညာရဲ့ အရင်းအမြစ်ဟာ ဒဿနပညာကို ပရောဖက်ရှင်နယ် အမှု ပြုရင်းကနေ စတင်ထွက်ပေါ်လာတဲ့ အမည်နာမလို ဖြစ်နိုင်ပါတယ်။ ၁၉၇၀ ခုနှစ် အထိ ဘွဲ့ယူနဲ့ ဘွဲ့လွန် ကျောင်းသား သင်ရိုးတွေမှာ ကွန်တီနမ်တဲလ် ဒဿနပညာ ဆိုတာ မပေါ်ပေါက်ခဲ့သေးဘူး။ ဒါနဲ့ ပတ်သက်ပြီး ပညာရပ် သမိုင်းကြောင်း တချို့ကို ပြန်ကြည့်နိုင်တယ်။


၁၉၇၀ ခုနှစ်တွေကို ဒဿနပညာအတွက် အပြန်အလှန် နားလည်မှုများတဲ့ နှစ်လို့ ခေါ်နိုင်တယ်။ ဥရောပ ဒဿန ပညာရှင်တွေ အကြောင်း ရေးသားဖော်ပြချက်တွေမှာရော၊ ဥရောပ ဒဿနပညာရှင်တွေရဲ့ ဖော်ပြချက်တွေမှာပါ အပြောင်းအလဲတွေ ရှိလာတယ်။ ဥရောပ ဒဿနပညာ အကြောင်းကိုရေးသားတဲ့ စာအုပ်တွေမှာ သူတို့ရဲ့ အတွေးအခေါ်တွေကို ‘ခွဲခြမ်းစိတ်ဖြာမှု သဘော’ ရှိတယ်လို့ ကြိုးစားပြီး ရှင်းလာကြတယ်။ ဖင်ဒလေးက ဟေဂယ်လ် အကြောင်း မိတ်ဆက်တဲ့အခါမှာ ခွဲခြမ်းစိတ်ဖြာ ဒဿနကို ကြိုက်တဲ့ ပရိသတ်အတွက် ရည်ရွယ်ရှင်းလင်းတာမျိုး လုပ်တယ်။ ဒါကြောင့် သူကိုယ်တိုင်လည်း လျစ်လျူရှုတာမျိုး၊ ဘေးဖယ်ထုတ်ခံရတာမျိုး မရှိတော့ဘူးပေါ့။ အာသာဒန်တိုက နစ်ရှေးကို ခွဲခြမ်းစိတ်ဖြာ ဒဿန ပညာရှင် အဖြစ် ဖော်ပြတယ်။ ဒီမတိုင်ခင်ကလည်း နစ်ရှေးကို ဘယ်သူမှ ပြန်မကိုင်တွယ်ရဲခင်မှာ ဝေါ်လ်တာကော့ဖ်မန်း က နစ်ရှေးအပေါ် မြင်ထားတဲ့ နာဇီဝါဒီ ဆိုတဲ့ အမြင်ကို ပယ်ဖျက်ပြပြီး ဒဿန ပညာရှင် တစ်ဦးလို ပြန်မြင်လာစေခဲ့တယ်။ ဒီလို လေးစားဖွယ် ပညာရှင်တွေ ရေးတဲ့ ဥရောပ ဒဿန ပညာရှင်တွေ အကြောင်း စာအုပ်တွေ အပြင် ဩဇာကြီးမားတဲ့ စာအုပ်တိုက်တွေကပါ (ဥရောပ) ကော့တီနမ့် ဒဿနပညာရှင်များ ဖြစ်တဲ့ ဟိုက်ဒေးဂါး၊ ရှိုပင်ဟောင်ဝါ၊ ဟူဇယ်၊ အသွင်လောက ပညာတွေ အပေါ် ရေးသားတဲ့ စာအုပ်တွေကို ထုတ်ဝေလာတယ်။ အင်္ဂလိပ်၊ အမေရိကန်ရဲ့ ခွဲခြမ်း စိတ်ဖြာ ဒဿန အတွက် ဖခင်ကြီး ဖြစ်တဲ့ ဥရောပ ဒဿန ပညာရှင်( ကွန်တီနမ်တဲလ် ဒဿန ပညာရပ်ထဲမှာ မပါတော့တဲ့ ) ဖရက် Frege နဲ့ ဟိုက်ဒေးဂါး ရဲ့ ဆက်သွယ်ချက်တွေကို ပြန်ရှာဖွေ၊ ဆက်စပ်ပြတာတွေလည်း လုပ်လာတယ်။ ဘွဲ့ယူကျောင်းသားတွေလည်း Ph.D အတွက် ကွန်တီနမ်တဲလ် ဒဿန ပညာရပ် အကြောင်း ဒီမှာတင် ရေးသားတင်သွင်း လာတဲ့ အစအန တွေ တွေ့ လာကြရတယ်။


၁၉၈၀ ခုနှစ်များကတော့ ဒဿန ပညာရပ် လမ်းကြောင်း အတွက် ကြီးမားတဲ့ အပြောင်းအလဲ တော်တော်များများ ဖြစ်ခဲ့တယ်။ ယန်းပေါဆတ် ကွယ်လွန်တယ်။ စစ်ပြီးခေတ်မှာ ကွန်တီနမ်တဲလ် ဒဿန ပညာရှင်တွေထဲမှာ ယန်းပေါဆာ့တ်က အကျော်ကြားဆုံးပဲ။ ချားစ်ဒီဂေါ ကတောင်မှ “ဆာ့တ်ဟာ ပြင်သစ်ပြည်ပဲ” လို့ ကိုးကားခဲ့ရသူပါပဲ။ ဒါပေမယ့် သူသေပြီးတာနဲ့ သူ့ရဲ့ ဂုဏ်သတင်းဟာ ချက်ချင်းဆိုသလို လျော့သွားတယ်။ မင်းဆင့်ဒေကွန်း ထုတ်တဲ့ ၁၉၈၀ ထုတ် ပြင်သစ်ဒဿန ပညာရှင်များ စာအုပ်မှာ ဆာ့တ်ဟာ အခန်း ( ၁ ) ခန်းတောင်မှ နေရာမရဘူး။ ဒီလို မရတဲ့ အကြောင်းက ဆာ့တ်ဟာ ဖြစ်တည်မှု ဒဿန နဲ့ တစ်ခုတည်းလိုလို ဖြစ်နေလို့။ ဖြစ်တည်မှု ဒဿန လို့ ဆိုတာနဲ့ အခြားသော ဖြစ်တည်မှု ဝါဒီတွေထက် ဆာ့တ်ကိုသာ ပြေးမြင်တတ်ကြတာပါ။ ဆာ့တ်ကွယ်လွန်တော့ ဖြစ်တည်မှု ဝါဒ ကွယ်လွန်သလို ဖြစ်လာတယ်။ ဖြစ်တည်မှု ဝါဒ ပြီးတော့ ဘာလာမလဲ ပေါ့။ ဆာ့တ် ရှိစဉ်ကတည်းက ပေါ်ပေါက်နေတဲ့ အဆောက်အအုံ ဝါဒဟာ ပိုပြီး ကြီးစိုးလာတယ်။ ဆာ့တ် သက်ရှိထင်ရှား ရှိစဉ်ကတည်းက အဆောက်အအုံဝါဒီ လေးဗီးစထရိုး Levistrauss နဲ့ ဆာ့တ်တို့ အပြန်အလှန် ငြင်းခုံခဲ့ကြတာ။ ခုတော့ ဆာ့တ်ကွယ်လွန်ပြီး မကြာခင်မှာပဲ အဆောက်အအုံ ဝါဒဟာ ကမ္ဘာကြီးကို ပြောင်းလဲ ပစ်ဖို့ရာ တွေးခေါ်ပုံ လမ်းကြောင်းသစ် ဖြစ်ကြောင်း ထုတ်ဖော်ကြေညာခံလာရတယ်။ နောက်တော့ အဆောက်အအုံ ဝါဒနဲ့ အတူ လေးဗီးစထရိုး၊ ရိုလွန်ဘာ့သ်၊ အာတုဆေ စတဲ့ နာမည်အသစ်တွေကို ကြားလာရတယ်။ ပြီးတော့ အဆောက်အအုံ ဝါဒီတွေကပဲ အဆောက်အအုံဝါဒ ကနေ ခွဲထွက်ပြီး အဆောက်အအုံ လွန် ဝါဒသစ် ဖြစ်လာတယ်။ ဘာ့သ်၊ ဖူးကိုး၊ ဒဲရီဒါ တို့ ထင်ရှားတယ်။ ဒဲရီဒါရဲ့ ဒီကွန်စထရပ်ရှင်း Deconstruction ဟာ အမေရိကန်မှာ ဖြစ်ထွန်းတယ် ဆိုပေမယ့် ကိန်းဘရစ်ခ်ျ ပါရဂူဘွဲ့ အပ်နှင်းမှုမှာ ဒဲရီဒါ ရှုတ်ချ ခံရတာဟာ ၈၀ နဲ့ ၉၀ ခုနှစ်များ အထိ အင်္ဂလိပ်နဲ့ အမေရိကန် တက္ကသိုလ်တွေမှာ ကွန်ဆာဗေးတစ် ဒဿနပညာရှင် အုပ်စုတွေက မနည်း ရှိနေသေးတယ်ဆိုတာ သိသာတယ်။


ဥရောပ ကွန်တီနမ်က ဒဿနပညာရှင်တွေ ဘေးဖယ်ထုတ်ခံရတာ ၊ တန်ဖိုးထား မခံခဲ့ရတာကို စပြီး နယ်နိမိတ် ဆွဲမယ်ဆိုရင် ကန့် Kant က နေ စရမှာပဲ။ ဒီတော့ ပညာရပ် ဝေါဟာရကနေ ကြည့်မယ်ဆိုရင် ကွန်တီနမ်တဲလ် ဒဿနပညာ ဆိုတာ အစဉ်အလာ ဒဿနပညာရဲ့ ပင်မ ရေစီးကြောင်း နဲ့ ခွဲခြမ်း စိတ်ဖြာ ဒဿန ပညာကို ဆန့်ကျင်ရင်း ထွက်လာတာ ဖြစ်တယ်။ တစ်နည်းအားဖြင့် ‘ဘေးဖယ်ထုတ်ခံ ဒဿန ပညာ’ လို့တောင်မှ ဆိုနိုင်ပါတယ်။


ကန့်ရဲ့ ၁၇၈၀ ထုတ် ကျမ်းတွေကနေ နယ်နိမိတ် ပြန်ဆွဲကြည့်ရင် ကွန်တီနမ်တဲလ် ဒဿန ပညာရဲ့ သက်တမ်းဟာ နှစ် ၂၀၀ ကျော် ရှိပြီ။ ယေဘုယျ ခြုံပြီး အကျဉ်းချုံး ပြောရရင် ကွန်တီနမ်တဲလ် ဒဿန ပညာထဲမှာ -
  • ဂျာမန် စိတ်ကူးစံ ဝါဒနဲ့ ရိုမန်တစ် ဝါဒ၊ ပြီးတော့ သူတို့ရဲ့ အဆက်၊ ( ဖစ်ရ်၊ ရှဲလင်း၊ ဟေဂယ်၊ ရှလဂျဲယ်နဲ့ နိုဗလီ၊ ရှလေယာမတ်ရှာ၊ ရှိုပင်ဟောင်ဝါ )
  • မတ္တာဖစ်ဇစ် Metaphysics ( တက္ကိကဗေဒ ) ကို ဝေဖန်သူများ၊ သံသယ ဝါဒီများ ( ဖွားဘတ်ခ်ျ၊ မာ့က်စ် ၊ နစ်ရှေး၊ ဖရွိုက်၊ ဘာ့ဂ်ဆင် Bergson )
  • ဂျာမန် အခြေပြု အသွင်လောက ပညာ၊ ဖြစ်တည်မှုဝါဒ ဒဿန
  • ပြင်သစ်အသွင်လောက ပညာ၊ ဟေဂယ်ဝါဒ နဲ့ ဟေဂယ် ဆန့်ကျင်မှု ဝါဒ ( ကိုယဲဗ့်၊ ဆာ့တ်၊ မာလိုပွန်တီ၊ လေးဗီး၊ ဘတိုင်းလီ၊ ဒီဗူးဗွား)
  • ဖွင့်ဆိုရှင်းလင်း သိပ္ပံ ( ဒီသေး၊ ဂဒမာ၊ ရီကော )
  • အနောက်တိုင်း မာ့က်စ် ဝါဒနဲ့ ဖရင့်ဖု ဂိုဏ်း ( လူးကပ်စ်၊ ဘင်ဂျမင်း၊ ဟော့ကိုင်းမား၊ အဒေါနို၊ မားကျူ၊ ဟားဘားမတ် )
  • ပြင်သစ် အဆောက်အအုံ ဝါဒ ( လေးဗီးစထရိုး၊ လာကွန်၊ အာတုဆေ )
  • အဆောက်အအုံ လွန် ဝါဒ နဲ့ ပို့စ်မော်ဒန် ဝါဒ ( ဖူးကိုး၊ ဒဲရီဒါ၊ ဒီလူးစ် ၊ လီယိုတာ၊ ဘိုးဒရီးလျ )
  • ဣတ္ထိယဝါဒ ( အီရီဂါရေး၊ ယူလီယာ ခရစ္စတိုဗာ )
......................
ဟိုးတုန်းက စာပါ။
စာအသစ် ရေးချင်စိတ် မရှိလို့ဗျ။
.......................

0 comments:

Post a Comment

စာမရေးဖြစ်တော့တာကြောင့် ကျနော်ကြိုက်ပြီး ဖတ်စေချင်တဲ့ စာလေးတွေကို တင်ထားပါတယ်ဗျာ

Followers

Total Pageviews

အမှာပါးစရာများရှိနေရင်

Pop up my Cbox

Blog Archive

အက်ဒမင်

အခြားကဏ္ဍများကို လေ့လာရန်

ရှာဖွေလေ တွေ့ရှိလေ

စာပေမြတ်နိုးသူများ

free counters
Related Posts Plugin for WordPress, Blogger...