အဝေးရောက် နှင်းတစ်စက်......

• ကွန်ဆူးမား က December 12, 2011 နေ့တွင် 8:54pm အချိန်မှာ ပိုစ်တင်ခဲ့သည်။

                        
နှင်းတွေလဲ ကျနေတယ်၊ အခဲလိုက်၊ အဆုပ်လိုက်....   ဒီအချိန်   မြန်မာပြည်မှာလဲ အေးနေရောပေါ့......... လားရှိုးနဲ့ ကိုရီယားသိပ်မကွာဘူးလို့ ထင်ရတယ်.. နှင်းတွေနဲ့ အတူ လကလဲ သာလိုက်တာ.. လှလိုက်တဲ့ညလေး. နှင်းတွေကိုကြည့်ရင်းနဲ့ ချစ်ဇနီးနဲ့ သမီးလေးမျက်နှာကို မြင်လာတယ်၊ တိတ်ဆိတ်နေတဲ့ ညရဲ့ အသံကို နားစွင့်တော့လဲ ချစ်ဇနီးရဲ့ တမ်းတသံတွေနဲ့ သမီးလေးရဲ့ ပေပေဆိုတဲ့
မပီကလာ ခေါ်သံလေးကို ကြားရတယ်၊ အားအင် အသစ်တွေကို နှလုံးသားထဲကို စီးဝင်စေတယ်လေ.....
သမီးလေးတောင် ကျွန်တော့်ကိုခေါ်တတ်နေပြီ... သူ လူ့လောကထဲ မရောက် ခင်ကတည်းက ကျွန်တော် မြန်မာပြည်ကနေ စွန့်ခွါခဲ့ရတာ  ဘ၀ရှေ့ရေးအတွက်လေ..  အခု
သမီးလေးကအခါလည်လို့ လမ်းတောင် လျှောက်တတ်နေပြီ... သမီးပါးနုနုလေးကိုတော့ စိတ်ကူးတွေထဲမှာ မွှေးကြူမိခဲ့တာ  အကြိမ်ကြိမ်ပါပဲ....... ဒါပေမဲ့ မွှေးမြနေတယ်။
                         သတိရ တမ်းတရတဲ့  ညရယ် အေးလိုက်တာ၊  လှလဲ လှလိုက်တာ....   နောက် လွမ်းလဲ လွမ်းလိုက်တာ..... ဒီအချိန်
သမီးလေးကို ထွေးပွေ့ရင်း ချစ်ဇနီးအိပ်လို့မှ ပျော်ရဲ့လားလို့......  ချစ်ဇနီးကို နှစ်ခြိုက်စွာ အိပ်ပျော်နေစေချင်လိုက်တာ.....  အလွမ်းတွေနဲ့
အိပ်မပျော်ရင် ကျန်းမာရေးထိခိုက်နေမယ်လေ... ကျွန်တော် အလုပ်လုပ်ရင်း ဘ၀ကို ခြောက်သွေ့နေတယ်လို့ ခံစားမိပေမဲ့   အလုပ်တစ်
ဘက်နဲ့ကျွန်တော့်ကိုယ်စားသမီးလေးကို ဂရုစိုက်ရင်း၊ ကျွန်တော့်ကို လွမ်းရင်း စိတ်တွေပူရင်း  ချစ်ဇနီး ဘယ်လောက် ပင်ပန်းနေပြီလဲလို့
တွေးမိတော့လဲ.......
                        သတိရလွန်းလို့ ဖုန်းဆက်မလို့ ဖုန်းလေးကို ကိုင်ကြည့်နေရင်းက  ခလုပ်လေးတွေကို မနှိပ်ဖြစ်ခဲ့ဘူး... ကောင်းမွန်စွာ
အိပ်စက်နေစေချင်တယ် ချစ်သူရေ.... ဒါမှ ကိုယ့် ကိုယ်စား သမီးလေးကို ပြည့်စုံနွေးထွေးတဲ့ အကြင်နာတွေနဲ့ စောင့်ရှောက်နိုင်မှာလေ...
တွေးရင်း မှုတ်ထုတ်လိုက်တဲ့ လေပူကတော့ ၀န်းကျင်ကို ဆန့်ကျင်ပြီး  နှာခေါင်း ၀လောင်တဲ့ အထိအတွေ့ကို ခံစားစေခဲ့တယ်.. ရင်ထဲမှာ
ပူလောင်နေတယ်... အင်း.......လွမ်းဆွတ်ခြင်း မီးခဲလေး အရှိန်တက်နေလို့ဖြစ်မှာပါ.......။
                       တိုင်းတစ်ပါးမှာ အလုပ်လုပ်နေရတဲ့ဘ၀ကို ကိုယ်တိုင်ရောက်ရှိနေသူတွေသာ ခံစားနားလည်နိုင်တာပါ...ဆုံတွေ့နိုင်ဖို့နဲ့
မျက်နှာလေးတွေ မြင်တွေ့ခွင့်အတွက်ကတော့ အွန်လိုင်းက  VZO လေးကိုပဲ  အားပြုနေရတယ်.....  ချစ်ဇနီးရဲ့ အလုပ်ချိန်နဲ့  ကျွန်တော့်
အလုပ်ချိန်ကို တွက်၊ ပြီးရင် သမီးလေး နိုးနေတဲ့ အချိန် အွန်လိုင်းကနေ သမီးလေးနားမလည်တဲ့ တီတီတာတာ စကားတွေကိုပြော..တစ်
ယောက်ထဲ သဘောတွေကျနေရတာလဲ ပင်ပန်းသမျှ ပြေပျောက်စေတာပါပဲ.....သမီးလေး ရယ်နေပြုံးနေရင်တော့... ထမင်းစားဖို့တောင်
မေ့လျော့သွားအောင် ၀မ်းသာခဲ့ရတယ်...... ချစ်ဇနီးက ဖေဖေကြီးကို အာပွားပေးလိုက်သမီးဆိုတော့... ပါးစပ်ကို လက်ဝါးလေးနဲ့ တေ့ပြီး

``ပွါး´´ .....လို့ လုပ်တတ်တယ်..... ကြည်နူးလိုက်ရတာလဲ ဘယ်အရာနဲ့မှ မလဲနိုင်အောင်ပါပဲ။

                        လုပ်ငန်းခွင် အခက်အခဲတွေကိုသာမက ကြိုက်တတ်တဲ့ ကော်ဖီနဲ့ အပိုကုန်ကျ စရိတ်အားလုံးကို လျော့ချခဲ့ရတယ်.....
သမီးလေး အနာဂတ်အတွက်ပေါ့.... လိုအပ်သလောက် အဟာရနဲ့ စိတ်ကူးယဉ် ပီတိတွေကလဲ ကျန်းမာရွှင်လန်းစေပါတယ်.... ချစ်ဇနီးကို
အားလဲနာမိတယ်........ ပြီးတော့ သနားလဲ သနားမိတယ်....... သူလဲ လွမ်းနေမှာလေ....... တစ်ခါတစ်ရံ ကိုယ်တိုင်ရော သမီးလေးပါနေ
ထိုင်မကောင်း ဖြစ်တဲ့အချိန် ဘယ်လောက်များ အားငယ်နေလိမ့်မလဲလို့....... ချစ်သူရေ ခဏလေး သီးခံပေးပါကွာ....။
                        အေးမြတဲ့ နှင်းတွေအောက်မှာ လရောင်လေးရဲ့ သယ်ဆောင်ရာအတိုင်း လိုက်ပါခဲ့တော့လဲ.........  မခွဲခွာခင်အချိန်က
ကျေနပ်နှစ်သက်ခဲ့တဲ့.... အတိတ်ရဲ့ ညလေးတွေကို ပြန်ရောက်သွားတယ်....... ဒီလိုအေးစက် ညတွေမှာ......... ချစ်ဇနီးကို နွေးထွေးစွာ
ပွေ့ဖက်ရင်း အသက်ရှူသံမျှင်းမျှင်းလေးတွေကိုလဲ နားထောင်ရင်း ..... ပျော်ရွှင်ကျေနပ်ခဲ့တယ်လေ..  တကယ်ကိုလှပခဲ့တာပါ..... အခု
ဆိုရင်တော့  မြတ်နိုးရတဲ့ အသက်ရှူသံလေးနဲ့အတူ..... နူးညံ့အိစက်နေတဲ့ သမီးလေးရဲ့ အသက်ရှူသံလေးကိုလဲ ကြားရတော့မယ်......
ရောထွေးသွားမှာတော့ မဟုတ်ပါဘူး........။
                        မနက်မိုးလင်းရင် နေမင်းကြီးကို ကြည့်ပြီး မင်္ဂလာပါလို့..... နှုတ်ဆက်နိုင်မဲ့ အချိန်တွေရယ်..... နောက်  အနွေးထည်
ကိုယ်စီဝတ်ပြီး........ ချစ်ဇနီးနဲ့ အတူ သမီးလေးရဲ့ လက်ကိုဆွဲပြီးတော့လဲ နှင်းကျတဲ့ နံနက်ခင်းမှာ လမ်းလျှောက်ရတဲ့ ဘ၀လေးရယ်....
မနက်စာတွေကို စားပွဲမှာ အသင့်ထိုင်စောင့်နေတဲ့ ချစ်ဇနီးနဲ့ သမီးလေးအတွက် ကိုယ်တိုင် ပြင်ဆင်ပေးနိုင်ခြင်းဆိုတဲ့ အခွင့်အရေးတွေကို
လိုချင်လှပါတယ်........။ အေးမြတဲ့ ဆောင်းမနက်မှာ ပြုံးရွှင်နေမဲ့ ချစ်ဇနီးနဲ့ သမီးရဲ့ အပြုံးလေးတွေက ဘယ်လောက်များ လှလိုက်မလဲလို့
မျက်စိစုံမှိတ်ရင်း စိတ်ကူးလေးနဲ့ ကြည့်နေမိတယ်၊ တကယ်ကို လှလိုက်တာဗျာ.....
                         စိတ်ကူးတွေ ဆန္ဒတွေ တစ်ထပ်ထဲ ကျနိုင်ဖို့အတွက်...... တစ်ယောက်ထဲ ထိုင်ရင်း အိပ်မက် မက်နေလို့တော့ အဆင်
မပြေနိုင်သေးပါဘူး...... မနက် စောစော အလုပ်ထလုပ်နိုင်ဖို့ အရေးကြီးတယ်လေ...... ဒါတကယ့်လက်တွေ့ဘ၀ပါပဲ...... ကျွန်တော်ကြိုး
စားရမယ်....... အချိန်ပိုကြေးလေးအတွက် အားထည့်နိုင်ဖို့ အိပ်တော့မယ်လို့ ဆုံးဖြတ်လိုက်တယ်...... ဖုန်းလေးကိုတော့ လက်ထဲမှာကိုင်
ထားဆဲပါပဲ...... ချစ်ဇနီးအသံလေးကို နားထောင်ရင်း အိပ်စက်ချင်လို့ပါ..... ဒါပေမဲ့........ လှပတဲ့  အနာဂတ် တစ်ခုကိုတော့   စိတ်ကူးနဲ့
တည်ဆောက်လို့ မရနိုင်လို့...... လက်တွေ့ကျကျ အိပ်စက်ဖို့ ခက်တဲ့ ညမှာ ....... ဇွတ်မှိတ်အိပ်စက်ရမှာပေါ့...... ဒါမှလဲ ချစ်ဇနီးနဲ့သမီးအ
တွက် ထာဝရအေးမြတဲ့ နှင်းစက်လေး ဖြစ်နိုင်မှာလေ...... အခုတော့  ကျွန်တော်က အေးစက်တဲ့  ဆောင်းညမှာ  အိပ်စက်ဖို့ခက်နေတဲ့....
အဝေးရောက် နှင်းတစ်စက်ဖြစ်နေခဲ့ရတယ်...... ဖုန်းလေးရေ မင်းလဲ အိပ်တော့နော် ကိုယ်လဲ အိပ်တော့မယ်ကွာ....

                        သမီးလေးရေ ဖေဖေ အိပ်တော့မယ်နော်....... သမီးလေး ပျော်ရွှင်ချမ်းမြေ့နေပါစေ...နော်.... ချစ်ဇနီးရေ..... အပ်မက်
လှလှ မက်ပါစေ.....  အင်း.......  ကိုယ်လဲ အရမ်းလွမ်းတယ်ကွာ.......