24.12.2011 နေ့ဖတ်ရန်သတင်းများ

by Myanmar Journal on Saturday, December 24, 2011 at 8:16am

 

 
ဟားမတ်စ် အဖွဲ့ ပါလက်စတိုင်း လွတ်မြောက်ရေး အဖွဲ့နဲ့ ပေါင်းပြီ

ဂါဇာဒေသကို အုပ်ချုပ်နေတဲ့ ပါလက်စတိုင်း စစ်သွေးကြွ ဟားမတ်စ် အဖွဲ့ဟာ ပါလက်စတိုင်း လွတ်မြောက်ရေး အဖွဲ့ PLO နဲ့ ပူးပေါင်းလိုက်ပါပြီ။
ဂျော်ဒန်မြစ် အနောက်ဖက် ကမ်းဒေသကို ထိန်းချုပ်ထားတဲ့ ပြိုင်ဖက် ဖာတာ အဖွဲ့ နဲ့ အတူ ပီအယ်အို အဖွဲ့ဝင် ဖြစ်ရေး အတွက် ဟားမတ်စ်က သဘောတူချက် ရခဲ့တာ ဖြစ်ပါတယ်။
ကိုင်ရိုမြို့မှာ သုံးရက်ကြာ ဆွေးနွေးခဲ့ပြီးတဲ့နောက် အခုလို သဘောတူညီချက် ရခဲ့တာ ဖြစ်ပြီး ဒါဟာ ပါလက်စတိုင်း ပြန်လည် ပေါင်းစည်းရေး အတွက် ရှေ့ပြေး အစီအစဉ် တခု ဖြစ်တယ်လို့ အရှေ့အလယ်ပိုင်း ဆိုင်ရာ ဘီဘီစီ သတင်းထောက် တယောက်က ပြောပါတယ်။

ဒါပေမယ့် အစ္စရေးနဲ့ ဆွေးနွေးဖို့ ဆန့်ကျင်တဲ့ ဟားမတ်ကို PLO အဖွဲ့ထဲ ဝင်ခွင့် ပေးလိုက်တာ ဟာ နှစ်နှစ်ဆယ်ကျော်ကြာ PLO အဖွဲ့က ကြိုးစားနေတဲ့ အရှေ့အလယ်ပိုင်း ငြိမ်းချမ်းရေး လုပ်ငန်းစဉ်မှာ အရမ်းကို ရှုတ်ထွေး စေလိမ့်မယ်လို့ သူက ဆိုပါတယ်။

Arab League အစည်းအဝေး ကျင်းပနေပုံဆီးရီးယားမှာ သေဆုံးသူ ငါးထောင်ကျော်ပြီ လို့ ခန့်မှန်း
မတ်လကတည်းက စတင်ဖြစ်ပွားနေတဲ့ ဆီးရီးယား နိုင်ငံက အစိုးရ ဆန့်ကျင်ရေး ဆန္ဒပြမှု တွေအတွင်း သေဆုံးသူ ငါးထောင်ကျော်သွားပြီလို့ အာရပ် အဖွဲ့ချုပ်ရဲ့ အကြို စုံစမ်း စစ်ဆေးရေး အဖွဲ့က ခန့်မှန်းထားပါတယ်။
ဆီးရီးယားမှာ အကြမ်းဖက် တိုက်ခိုက်မှုတွေ အဆုံးသတ်စေဖို့ ရည်ရွယ်ပြီး အာရပ် အဖွဲ့ချုပ်က အခုလို နိုင်ငံတွင်း ဝင်ရောက် ကြည့်ရှုစစ်ဆေးဖို့ ဆောင်ရွက်ခဲ့တာပါ။
ငြိမ်းချမ်းရေး အစီအစဉ် အရ လမ်းပေါ်က အစိုးရ တပ်ဖွဲ့တွေ ရုတ်သိမ်းဖို့ ၊ အကျဉ်းသားတွေ လွှတ်ပေးဖို့နဲ့ အတိုက်အခံနဲ့ တွေ့ဆုံ ဆွေးနွေးဖို့ အချက်တွေကို လိုက်နာ ဆောင်ရွက်ရဲ့လား ဆိုတာကို စစ်ဆေးရေးမှူးတွေက ဝင်ရောက် စစ်ဆေး နေတာလည်း ဖြစ်ပါတယ်။
ဆီးရီးယား အစိုးရ ကတော့ မငြိမ်မသက်မှုတွေ အတွင်း လုံခြုံရေး တပ်ဖွဲ့ဝင် ၂ဝဝဝကျော် သေဆုံးခဲ့တယ်လို့ ပြောနေသလို အဲဒီလုံခြုံရေး တပ်ဖွဲ့တွေက အရပ်သားတွေကို ပစ်မှတ်ထား တိုက်ခိုက်နေတယ်လို့ အတိုက်အခံတွေက ဆိုနေပါတယ်။

ဝရမ်း ထုတ်ခံထားရတဲ့ ဒုတိယ သမ္မတ Tariq al-Hashemiလူထု စိုးရိမ်အောင် အီရတ် ဝန်ကြီးချုပ် ဖန်တီးနေ
အီရတ်မှာ ရှီးယား အနွယ်ဝင် ဝန်ကြီးချုပ် နိုရီအယ် မလီခီက သူ့ကို ဖမ်းဝရမ်း ထုတ်လိုက်တာဟာ တိုင်းပြည်ကို ဒုက္ခရောက်အောင် ဖန်တီးလိုက်တာသာ ဖြစ်တယ်လို့ ဆွန်နီ အနွယ်ဝင် ဒုတိယ သမ္မတ တာရစ်အယ် ဟာရှီမီက ပြောပါတယ်။
မစ္စတာ မလီခီဟာ ဖက်က စတင် လုပ်ဆောင်မှုတွေဟာ ထိန်းရသိမ်းရခက်စေပြီး အဲဒီအတွက် အီရတ် ပြည်သူတွေကို စိုးရိမ် သောက ဖြစ်စေတယ်လို့ မစ္စတာ ဟာရှီမီက ဘီဘီစီ ကို ပြောပါတယ်။
အကြမ်းဖက်မှုနဲ့ ဆက်နွယ်နေတယ် ဆိုပြီး စွဲချက်တင် ဖမ်းဝရမ်း ထုတ်ခံထားတဲ့ မစ္စတာ ဟာရှီမီက နိုင်ငံမြောက်ပိုင်း က ကာ့ဒ် အာဏာပိုင်တွေရဲ့ အကာအကွယ် ပေးမှုနဲ့ အတူ အဲဒီ ဒေသတွင်းမှာ နေထိုင် နေတာ ဖြစ်ပါတယ်။
ဒီလို ဖမ်းဝရမ်း ထုတ်မှုကို တုန့်ပြန်တဲ့ အနေနဲ့ အယ် အီရတ်ကီယား ဆိုတဲ့ ဆွန်နီ နိုင်ငံရေး သမားတွေ ပါတဲ့ အဖွဲ့က မစ္စတာ မလီခီရဲ့ အစိုးရ အဖွဲ့ထဲက နှုတ်ထွက် ခဲ့ပါတယ်။

ဆီးရီးယားနိုင်ငံ မြို့တော်မှာ ဗုံးပေါက်ကွဲ
ကနဦး စုံစမ်းချက်တွေအရ အဲလ်ခိုင်းဒါးအဖွဲ့ နဲ့ ပတ်သက်မှုရှိတယ်လို့ ဆီးရီးယားရုပ်သံကပြော
ဆီးရီးယားနိုင်ငံ မြို့တော် ဒမားစကက်က လုံခြုံရေးဌာနတွေကို ရည်ရွယ်ပြီး အသေခံ ဗုံးခွဲ တိုက်ခိုက်မှု ၂ ခု ဖြစ်ပွားခဲ့ တာကြောင့် လူပေါင်း ၃၀ ကျော် သေဆုံးသွားတယ်လို့ ဆီးရီးယား အရာရှိတွေက ပြောပါတယ်။
ပေါက်ကွဲမှုကြောင့် နိုင်ငံတော်လုံခြုံရေး ဌာနချုပ် က အပျက်အဆီးတွေကို ကယ်ဆယ်ရေးအဖွဲ့ တွေက ပိုက်စိပ်တိုက်ရှာဖွေ ရှင်းလင်းနေတာကို ဆီးရီးယား ရုပ်သံကနေ ပြသသွားပါတယ်။
အနီးအနားမှာ ရှိတဲ့ အဆောက်အဦးတခုလည်း ထိခိုက်မှုရှိတာကို တွေ့ရပြီး၊ ကနဦး စုံစမ်းချက်တွေ အရ ဒါဟာ အဲလ်ခိုင်းဒါးအဖွဲ့ ပါဝင် ပက်သက်မှုရှိတယ်လို့ ဆီးရီးယား ရုပ်သံက ကြောညာပါတယ်။
ဒါပေမယ်လို့ အဲဒီဒေသတွင်း ဘီဘီစီသတင်းထောက် ပြောတာကတော့ ဒီဖေါက်ခွဲမှုကို အစိုးရက စီစဉ်တာဆိုပြီး အစိုးရဆန့်ကျင်သူတွေက သံသယ ရှိလာလိမ့်မယ်လို့ ဆိုပါတယ်။
အာရပ်နိုင်ငံများအဖွဲ့ချုပ်ရဲ့ ငြိမ်းချမ်းရေး အစီအစဉ်ကို စောင့်ကြည့်ဖို့ အဖွဲ့ချုပ် ကိုယ်စားလှယ် အဖွဲ့ ဆီးရီးယားကို ဆိုက်ရောက်ပြီး နောက်တနေ့မှာ အခုလို ပေါက်ကွဲမှု ဖြစ်ပွားခဲ့တာပါ။
ဆီးရီးယားနိုင်ငံမှာ ဖြစ်ပွားနေတဲ့ နိုင်ငံရေး မတည်ငြိမ်မှုတွေဟာ ၉ လ ကြာမြင့်ခဲ့ပြီ ဖြစ်ပြီး၊ နိုင်ငံတလွှား သေဆုံးမှုတွေ အများအပြား ရှိခဲ့ပါတယ်။
ကုလသမဂ္ဂရဲ့ ခန့်မှန်းခြေ စာရင်းအရ အကြမ်းဖက်မှုတွေကြောင့် ဆီးရီးယားမှာ လူပေါင်း ၅၀၀၀ ကျော် သေဆုံးခဲ့ရပြီလို့ ဆိုပါတယ်။

တရုတ်နိုင်ငံရေးလှုပ်ရှားသူကို ထောင်ချတဲ့အပေါ် Amnesty ရှုတ်ချ
ကိုယ်ပိုင်အယူအဆကို ရေးတဲ့အပေါ် အပြစ်ပေး ခံ လိုက်ရတာဖြစ်ကြောင်း Amnesty ပြော
တရုတ်နိုင်ငံမှာ နိုင်ငံရေး တက်ကြွလှုပ်ရှား သူ ချန်ဝေကို နိုင်ငံတော် အာဏာကို ထိပါး တဲ့ သွေးထိုးလှုံ့ဆော်မှုနဲ့ အာဏာပိုင်တွေက ထောင်ဒဏ် ၉ နှစ် ချမှတ်လိုက်တဲ့အပေါ် နိုင်ငံ တကာ လူ့အခွင့်အရေးအဖွဲ့ ဖြစ်တဲ့ Amnesty International က ပြစ်တင် ရှုတ်ချ လိုက်ပါတယ်။
၁၉၈၉ ခုနှစ်တုန်းက တီယန်နန်မင် ရင်ပြင်မှာ ဒီမိုကရေစီရေး ဆန္ဒပြမှုတွေကို ဦးဆောင်ခဲ့သူ တဦးဖြစ်တဲ့ အသက် ၄၂ နှစ်အရွယ် မစ္စတာချန်ဟာ သူ့ရဲ့အယူအဆကို ငြိမ်းချမ်းစွာ ထုတ်ဖေါ် ရေးသားလိုက်တဲ့ အပေါ် အပြစ်ပေး ခံလိုက်ရတာ ဖြစ်တယ်လို့ Amnesty International က ပြောပါတယ်။
တရုတ်နိုင်ငံရဲ့ တပါတီစနစ်ကို ပြုပြင်ပြောင်းလဲဖို့နဲ့ လွတ်လပ်စွာ ထုတ်ဖေါ်ပြောဆိုခွင့်ရရေး အတွက် မစ္စတာချန်က အွန်လိုင်းမှာ ဆောင်ပါးတွေ ရေးသား ဖေါ်ပြခဲ့တာ ဖြစ်ပါတယ်။
အရှေ့အလယ်ပိုင်းမှာ လူထု လှုပ်ရှားမှုတွေ ဖြစ်ပွားပြီးနောက်ပိုင်း တရုတ်နိုင်ငံမှာ လူထု လှုပ်ရှားမှုတွေ ပေါ်ပေါက်လာရေး လှုံ့ဆော်မှုနဲ့ အစိုးရဆန့်ကျင်သူ ရာနဲ့ချီ ဖမ်းဆီးခံခဲ့ရတဲ့ အထဲမှာ ချန်ဝေ တယောက် အပါအဝင် ဖြစ်ပါတယ်။
စပယ်တော်လှန်ရေးလို့ အမည်တပ် ခေါ်ဝေါ်ကြတဲ့ အဲဒီလှုပ်ရှားမှုနဲ့ ပတ်သက်ပြီး ဖမ်းဆီးခံ နေရတဲ့ သူတွေထဲမှာ သူဟာ ပြစ်ဒဏ် အကြီးဆုံး ချမှတ်ခံရသူလည်း ဖြစ်ပါတယ်။
ချန်ဝေကတော့ အခြေခံဥပဒေပါအခွင့်အရေးအရ သူ့ရဲ့ ရေးသားချက်တွေဟာ ရေးခွင့်ရှိတဲ့ အကြောင်းအရာတွေသာ ဖြစ်တယ်လို့ဆိုပါတယ်။
တရားခွင်မှာ အမိန့်ဖတ်ကြားကြေငြာပြီးချိန်မှာ အာဏာရှင်စနစ်ကျဆုံးရမယ်၊ ဒီမိုကရေစီ အောင်မြင်ရမယ်လို့ ချန်ဝေက ကြွေးကြော်ခဲ့ကြောင်း သူ့ရဲ့ ရှေ့နေက သတင်းထောက်တွေကို ပြောကြားခဲ့ပါတယ်။

UNFC အခြေအနေကိုသာ အဓိက ဆွေးနွေးခဲ့ ကြောင်း ဦးခွန်ဥက္ကာပြော (ဓာတ်ပုံ PNLO)PNLO ဥက္ကဌ ဦးခွန်ဥက္ကာနဲ့ အစိုးရကိုယ်စားလှယ် တွေ့ဆုံ
ပအို့ဝ်ပြည်သူ့လွတ်မြောက်ရေးအဖွဲ့ PNLO ဥက္ကဌ ဗိုလ်မှူးကြီးခွန်ဥက္ကာနဲ့ ရထား ပို့ဆောင်ရေးဝန်ကြီး ဦးအောင်မင်း ဦးဆောင်တဲ့ ပြည်ထောင်စုငြိမ်းချမ်းရေး ဖော်ဆောင်ရေး အဖွဲ့တို့ ထိုင်းနိုင်ငံမှာ သောကြာနေ့က တွေ့ဆုံပြီး အပစ်အခတ် ရပ်စဲရေးအတွက် ဆွေးနွေးခဲ့ကြပါတယ်။
ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီ UNFC မှာလည်း အဖွဲ့ဝင် ဖြစ်တဲ့ ဦးခွန်ဥက္ကာက တခုလုံး အတိုင်း အတာနဲ့ UNFC အခြေအနေကိုသာ အဓိက ပြောဆိုဆွေးနွေးခဲ့ကြောင်း၊ PNLO တဖွဲ့ချင်း အနေနဲ့ ထူးထူးခြားခြား ဆွေးနွေးခဲ့တာ မဟုတ်ဘူးလို့ ပြောပါတယ်။
အစိုးရကိုယ်စားလှယ်အဖွဲ့နဲ့ UNFC အကြားမှာ ပြည်ထောင်စုက မခွဲထွက်ရေးဆိုတဲ့ အချက်ဟာ နှစ်ဘက်စလုံးက လက်ခံထားတဲ့ အချက်ဖြစ်တဲ့အတွက် အသေးစိတ် ဆက်ဆွေးနွေးဖို့ လိုအပ်ကြောင်း တင်ပြခဲ့တယ်လို့ သူကပြောပါတယ်။
ဒီအတွက် နိုင်ငံရေးအဆင့်ဆွေးနွေးဖို့လိုကြောင်း၊ ဒါမှသာ အပစ်အခတ်ရပ်စဲရေးဟာ လွယ်ကူသွားမယ်လို့ သူကပြောပါတယ်။ ဒါပေမယ့်လည်း တချို့ အသေးစိတ် အချက်တွေ မှာတော့ ကွဲလွဲမှုရှိတယ်လို့ ဆိုပါတယ်။
UNFC အနေနဲ့ တဖွဲ့ချင်း တွေ့ဆုံဆွေးနွေးတာကို လက်ခံထားပြီး သဘောတူချက် ယူတဲ့ အချိန်မှာတော့ အဖွဲ့ဝင်အားလုံး တပြိုင်တည်း ဆောင်ရွက်ဖို့ သဘောထား ရှိတယ်လို့ သူကပြောပါတယ်။

လွှတ်တော်ဥက္ကဌတွေ ဒေါ်စုနဲ့တွေ့ဆုံ
ပြည်သူ့လွှတ်တော် ဥက္ကဌ ဦးရွှေမန်းနဲ့ အမျိုးသား လွှတ်တော် ဥက္ကဌ ဦးခင်အောင်မြင့် တို့က သတင်း သမားတွေနဲ့ တွေ့ဆုံပြီး သတင်းစာ ရှင်းလင်းပွဲ လုပ်ခဲ့ကြပါတယ်။
ဒီနေ့ ဒေါ်စုနဲ့တွေ့ဆုံကြတဲ့ အကြောင်းက ဘာလဲဆိုတာကို သတင်းသမားတယောက်က ဦးရွှေမန်းကို မေးတော့သူကဒေါ်စုကြည်က ကျနော်နဲ့ တွေ့ချင်တယ်လို့ စာရေးပြီး ပြောတယ်။ ပြည်သူ့လွှတ်တော်နဲ့ ပတ်သက်တာတွေ မေးသွားတယ်လို့ ဦးရွှေမန်းက ဖြေသွားပါတယ်။
အမျိုးသားလွှတ်တော် ဥက္ကဌ ဦးခင်အောင်မြင့် ကို သတင်းထောက်က မေးမြန်းတဲ့အခါ ဒီနေ့ နိုင်ငံတော်မှာ တွေ့ဆုံရေးက အဓိကကျပြီး ဒေါ်အောင်ဆန်းစုကြည်ပါတော့ ပိုအားရှိတာပေါ့ လို့ ပြောသွားပါတယ်။
အခုလို သူတို့ ဖြေကြားသွားတဲ့ မေးခွန်းတွေရှိသလို သူတို့ ဖြေကြား မသွားတဲ့ မေးခွန်းတွေကလည်း စိတ်ဝင်စားဖွယ် ဖြစ်ပါတယ်။
သတင်းထောက်တယောက်က နိုင်ငံရေး အကျဉ်းသားတွေကို လွတ်လပ်ရေးနေ့ ပြည်ထောင်စုနေ့တွေမှာ လွှတ်မယ်လို့ ပြည်ထောင်စု ငြိမ်းချမ်းရေး အဖွဲ့ခေါင်းဆောင် ရထားဝန်ကြီး ဦးအောင်မင်း ပြောကြားတာနဲ့ ပတ်သက်ပြီး အတည်ပြုမေးမြန်းတဲ့အခါ သူရဦးရွှေမန်းက မှန်မမှန် ဖြေမသွားပါဘူး။ စောင့်ကြည့်ကြပေါ့လို့ပဲ ပြောပါတယ်။
ကြားဖြတ်ရွေးကောက်ပွဲ ဘယ်တော့ကျင်းပမလဲ ဆိုတဲ့ မေးခွန်းကို ဦးရွှေမန်းကိုရော ဦးခင်အောင်မြင့်ကိုပါ သတင်းထောက်တွေက မေးကြပါတယ်။ ဒီမေးခွန်းကိုလည်း နှစ်ယောက်စလုံးက မဖြေကြပါဘူး။ ဒါဟာ ရွေးကောက်ပွဲ ကော်မရှင် ဥက္ကဌနဲ့ပဲ ဆိုင်တယ်လို့ ဖြေကြပါတယ်။
ရွေးကောက်ပွဲ ကော်မရှင် ဥက္ကဌ ဦးတင်အေးကို ဒေါ်အောင်ဆန်းစုကြည်က မေးမြန်းတဲ့အခါမှာလည်း ဦးတင်အေးက ကြားဖြတ်ရွေးကောက်ပွဲ ကျင်းပမယ့် ရက်ကို ဖြေကြားမသွားဘူးလို့ သတင်းထောက်တယောက်က ပြန်ပြောပြပါတယ်။
ဒေါ်အောင်ဆန်းစုကြည်ဟာ ဥပဒေအရ ပြည်သူ့လွှတ်တော် အမတ်ဖြစ်နိုင်တဲ့ အရည်အချင်းနဲ့ ကိုက်ညီပါသလားလို့ သတင်းထောက် တယောက် က ဦးရွှေမန်းကို မေးရာမှာတော့လောလောဆယ်တော့ ကိုက်ညီတယ်လို့ တွေ့ရပါတယ်လို့ ဦးရွှေမန်းက ဖြေသွားပါတယ်။
ဒေါ်စုနဲ့ လွှတ်တော်ဥက္ကဌတွေတွေ့ရာမှာ မိသားစုပုံစံရင်းရင်းနှီးနှီးနှုတ်ဆက်ကြတယ်လို့ တက်ရောက်တဲ့ သတင်းထောက်တဦးကဘီဘီစီကိုပြောပြပါတယ်။

အန်အယ်လ်ဒီ တရားဝင် မှတ်ပုံတင်
 အန်အယ်လ်ဒီ ခေါင်းဆောင်တွေ ဖြစ်ကြတဲ့ ဦးတင်ဦးနဲ့ ဒေါ်အောင်ဆန်း စုကြည်တို့ အဖွဲ့ သောကြာနေ့က နေပြည်တော်ကို သွားရောက် ပြီး အန်အယ်လ်ဒီ ပါတီ ကို တရားဝင် နိုင်ငံရေး ပါတီ အဖြစ် တင်ခဲ့ကြ ပါတယ်။
သွားရောက်ခဲ့ကြသူတွေ ထဲမှာ ခေါင်းဆောင် နှစ်ယောက်နဲ့ အတူ ပါတီ ပြောရေး ဆိုခွင့် ရှိသူ ဦးဉာဏ်ဝင်း၊ ဒေါ်အောင်ဆန်း စုကြည်ရဲ့ လုံခြုံရေး အရာရှိ နဲ့ ကိုယ်ရေး အရာရှိတွေ ဖြစ်ကြတဲ့ ဦးခွန်သာမြင့်နဲ့ ဒေါက်တာ ဒေါ်တင်မာအောင် တို့ ပါဝင်ပါတယ်။
သူတို့ အဖွဲ့ဟာ မှတ်ပုံတင် ဖို့ သွားရောက် ရင်းနဲ့ ရွေးကောက်ပွဲ ကော်မရှင် ပြည်သူ့ လွှတ်တော် ဥက္ကဌ သူရ ဦးရွှေမန်း၊ အမျိုးသား လွှတ်တော် ဥက္ကဌ ဦးခင် အောင်မြင့်၊ ရွေးကောက်ပွဲ ကော်မရှင် ဥက္ကဌ ဦးတင်အေးတို့နဲ့ တွေ့ဆုံခဲ့ ပါတယ်။
အဲဒီ နောက် ဦးတင်ဦးနဲ့ ဦးဉာဏ်ဝင်တို့ နှစ်ယောက်က ပျဉ်းမနားနဲ့ မန္တလေးတိုင်းက အန်အယ်လ်ဒီ အဖွဲ့ဝင်တွေ၊ လူငယ် ကွန်ယက် တွေနဲ့ သွားရောက် တွေ့ဆုံခဲ့ပြီး ဒေါ်အောင်ဆန်း စုကြည်၊ သူ့ရဲ့ လုံခြုံရေး နဲ့ ကိုယ်ရေး အရာရှိ နှစ်ယောက် အဖွဲ့က လွှတ်တော် ဥက္ကဌ နှစ်ယောက်နဲ့ သီးခြားစီ တွေ့ဆုံ ခဲ့တယ်လို့ ဦးဉာဏ်ဝင်းက ပြောပါတယ်။
ဒေါ်အောင်ဆန်း စုကြည်က လွှတ်တော် ဥက္ကဌတွေ အပြင် အစိုးရ အဖွဲ့ဝင် ဝန်ကြီးတွေ ဖြစ်ကြတဲ့ ဦးစိုးသိန်း၊ ဦးအောင်ကြည်၊ ဗိုလ်ချုပ်သိန်းဌေး တို့နဲ့ တွေ့ဆုံပြီး နေ့လည်စာ စားခဲ့တယ်လို့လည်း သူက ပြောပါတယ်။
ဆွေးနွေးခဲ့တဲ့ အကြောင်းများ
ရွေးကောက်ပွဲ ကော်မရှင် ဥက္ကဌ နဲ့ အဖွဲ့အားလုံးကို တွေ့ခဲ့ရပြီး အန်အယ်လ်ဒီက အခုလို လာရောက် မှတ်ပုံတင်တဲ့ အတွက် ကြိုဆိုကြောင်း ပြောတယ်လို့ ဆွေးနွေးရာမှာ ကိုယ်တိုင် ပါဝင်ခဲ့သူ ဦးတင်ဦးက ပြောပါတယ်။
ကော်မရှင်နဲ့ ဆိုင်တဲ့ လုပ်ငန်း ဆောင်ရွက်မှုတွေ အကြောင်း၊ လိုအပ်ရင် သူတို့ကို ဆက်သွယ် ဆောင်ရွက် နိုင်တဲ့ အကြောင်း ဦးတင်အေးက ပြောခဲ့တယ်လို့ ဦးတင်ဦး က ပြောပါတယ်။
ရွေးကောက်ပွဲ ဘယ်တော့ ကျင်းပမယ် ဆိုတာ ကိုတော့ မပြောနိုင် သေးဘူးလို့ ဦးတင်အေးက ပြောကြောင်းလည်း ဦးတင်ဦးက ပြန်ပြော ပါတယ်။
အန်အယ်လ်ဒီ မှတ်ပုံတင်တဲ့ ကိစ္စကို ကန့်ကွက် လိုသူတွေ ကန့်ကွက်ဖို့ စနေနေ့မှာ သတင်းစာ တွေထဲ ထုတ်ပြန် ကြေညာပြီး နှစ်ပတ်နဲ့ တစ်လ အတွင်းမှာ မှတ်ပုံ တင်ရေး ကိစ္စ ပြီးဆုံး မယ်လို့ ဦးတင်ဦးကပြောပါတယ်။
ဒေါ်အောင်ဆန်း စုကြည်က ရွေးကောက်ပွဲကို ဆင်းရဲတဲ့ ဒေသ ဖြစ်တဲ့ ကော့မှူး မြို့နယ် ဘက်ကနေ ဝင် အရွေးခံလိုတဲ့ ဆန္ဒရှိတယ်လို့ သိရပေမဲ့ ဆုံးဖြတ်ချက်တော့ မချသေးဘူး၊ သူကိုယ်တိုင် ကတော့ ရွေးကောက်ပွဲ အောင်မြင်ရေး အတွက် အတတ်နိုင်ဆုံး ပံ့ပိုး ပေးမှာသာ ဖြစ်ပြီး ဝင်အရွေးခံမှာ မဟုတ်ဘူးလို့ ဦးတင်ဦးက ပြော ပါတယ်။
လွှတ်တော်ထဲကို အန်အယ်လ်ဒီ ရောက်တဲ့ အခါ အများ ပြည်သူနဲ့ ဆိုင်တဲ့ ကိစ္စတွေကို ဆောင်ရွက် နိုင်လိမ့်မယ်လို့ မျှော်လင့် ကြောင်းလည်း ဦးတင်ဦးက ပြော ပါတယ်။

မီဒီယာဥပဒေအတွက် လွှတ်တော်ကော်မတီ မီဒီယာသမားတွေနဲ့ဆွေးနွေး
By မသင်းသီရိ
ပြည်သူ့လွှတ်တော် အားကစား၊ ယဉ်ကျေးမှုနဲ့ ပြည်သူ့ဆက်ဆံရေးရာ ကော်မတီ ဥက္ကဋ္ဌဟာ လွတ်လပ်တဲ့ မီဒီယာအဖွဲ့တွေနဲ့ တွေ့ဆုံပြီး အသစ်ပြဌာန်းလာမယ့် မီဒီယာဥပဒေနဲ့ ပတ်သက်လို့ ဆွေးနွေး တိုင်ပင် ခဲ့ကြပါတယ်။ ပြန်ကြားရေးဌာနက ရေးဆွဲနေတဲ့ မီဒီယာ ဥပဒေသစ်ကို လွှတ်တော်တွင်း တင်ပြလာတဲ့အခါ အဲဒီရေးရာကော်မတီက သုံးသပ် ဆွေးနွေးနိုင်ဖို့အတွက် အခုလို လွတ်လပ်တဲ့ သတင်းမီဒီယာသမားတွေနဲ့ ကြိုတင် တွေ့ဆုံခဲ့တာဖြစ်ပါတယ်။ ဒီဆွေးနွေးပွဲအကြောင်း အပြည့်အစုံကိုတော့ မသင်းသီရိက တင်ပြထားပါတယ်။
ပြည်သူ့လွှတ်တော် အားကစား ယဉ်ကျေးမှုနဲ့ ပြည်သူ့ဆက်ဆံဖွံ့ဖြိုးမှု တိုးတက်ရေးရာကော်မတီ ဥက္ကဋ္ဌ သူရဦးအေးမြင့်နဲ့အဖွဲ့ဟာ သတင်းမီဒီယာ လုပ်ငန်းတွေမှာ အလုပ်လုပ်နေကြသူတွေနဲ့ ဒီကနေ့ ဒီဇင်ဘာလ ၂၃ ရက် သောကြာနေ့က ရန်ကုန် (၈) မိုင်မှာရှိတဲ့ ရန်ကုန်ဟော်တယ်မှာ တွေ့ဆုံခဲ့ကြတာပါ။
အဓိကတော့  ပြန်ကြားရေးဝန်ကြီးဌာနက ရေးဆွဲနေတဲ့ မီဒီယာဥပဒေကို လွှတ်တော်မှာ တင်ပြလာတဲ့အခါ သုံးသပ်နိုင်ဖို့အတွက် ရေးရာကော်မတီဟာ လက်ရှိလုပ်ငန်းတွင်းကသူတွေနဲ့ ကြိုတင်တွေ့ဆုံပြီး အချက်အလက် စုဆောင်းတာလည်း ဖြစ်ပါတယ်။
မြန်မာနိုင်ငံမှာ အသစ်ပြဌာန်းဖို့ ရေးဆွဲနေတဲ့ မီဒီယာဥပဒေထဲမှ ဘယ်လိုအချက်တွေ ပါဝင်မယ်ဆိုတာ သတင်းမီဒီယာသမားတွေ မသိရပေမဲ့ ဒီဥပဒေတွေထဲမှာ စာနယ်ဇင်းသမားတွေအတွက် အချုပ်အနှောင်နဲ့  အကန့်အသတ်တွေ ပါလာမှာစိုးတဲ့အတွက် ဒီဆွေးနွေးပွဲအတွင်းမှာ သတင်းနဲ့ စာနယ်ဇင်းဆိုင်ရာ လွတ်လပ်ခွင့်ဆိုင်ရာ ကိစ္စတွေအတွက် ဆွေးနွေးခဲ့ကြတယ်လို့ ပြည်သူ့ခေတ်ဂျာနယ် အယ်ဒီတာချုပ် ဦးဖေမြင့်က ပြောပါတယ်။
“စာနယ်ဇင်းများကို လွတ်လပ်စွာ ရေးသားဖို့ ဖွဲ့စည်းအုပ်ချုပ်ပုံ အခြေခံဥပဒေမှာ လွတ်လပ်စွာ ရေးသား ပြောဆိုခွင့် ဆိုတာကို ပြဌာန်းပေးထားတဲ့နောက်မှာ ဆင်ဆာပေါ့နော်။ ကြိုတင်ပြီး စိစစ်ဖြတ်တောက်တဲ့ အစိတ်အပိုင်းတွေ မရှိသင့်တော့ဘူးဆိုတဲ့ အကြောင်းကို တော်တော်များများက အလေးအနက် ပြောကြတယ်ဗျာ။ ဥပဒေသစ် ဖြစ်မလာသေးခင် စပ်ကြားမှာလည်း အရင်တုန်းက ကျနော်တို့ ချုပ်ချယ် ကန့်သတ်ရာရောက်တဲ့ ဥပဒေမျိုးတွေ၊ ပြီးတော့ စာနယ်ဇင်းသမားတွေကို တရားစွဲ အရေးယူလေ့ရှိတဲ့ ဥပဒေမျိုးတွေဟာ အခုချိန်မှာ ကျင့်သုံးနေတဲ့ မူဝါဒတွေနဲ့ မညီညွတ်တော့ဘူးဆိုရင် အဲဒါတွေကို ပြင်ဆင်ဖို့ ဖျက်သိမ်းဖို့ အတွက်ကို အဲဒါတွေကို အရင် ကြည့်ရှုသင့်တယ်ဆိုတာမျိုး ပြောတာရှိတယ်ခင်ဗျ။ ဥပမာဆိုရင် အီလက်ထရောနစ် ဥပဒေပေါ့ဗျာ။ အီလက်ထရောနစ် ဥပဒေနဲ့ ပတ်သက်ပြီး ပြောကြဆိုကြတာ ရှိပါတယ်။ ဒီဥပဒေက သိပ်ပြီးတော့ ပြင်းထန်နေတယ်၊ စာနယ်ဇင်းသမားတွေအတွက် တော်တော်ကြီးမားတဲ့ ခြိမ်းခြောက်မှု ဖြစ်နေတယ်ဆိုတဲ့ အနေအထားကိုလည်း ဆွေးနွေးကြတာရှိပါတယ်။”
သတင်းနဲ့ စာနယ်ဇင်းလွတ်လပ်ခွင့် အပေါ် ထိန်းချုပ်ကန့်သတ်မှု ကြီးခဲ့တဲ့ မြန်မာနိုင်ငံအတွက် စာနယ်ဇင်း လွတ်လပ်ခွင့် ရဖို့ဆိုတာက  နိုင်ငံရေး ပြောင်းလဲတိုးတက်လာမှုအပေါ်မှား အများကြီး အခြေခံတယ်လို့ ဦးဖေမြင့်က သုံးသပ်ပါတယ်။
“လွတ်လပ်စွာရေးသားခွင့်ကတော့ ကျနော်တို့ စဉ်းစားလို့ ရသလောက်ကတော့ ကျနော်တို့ နိုင်ငံရေး အခြေအနေ ဘယ်လောက် တိုးတက်ပြောင်းလဲလာသလဲ အပေါ်မှာပဲ မူတည်လိမ့်မယ်လို့ ကျနော် ထင်ပါတယ်။ နိုင်ငံရေး အခြေအနေ သိပ်ပြီးတော့ တိုးတက် ပြောင်းလဲလာလို့ရှိရင် ထုတ်ဖော်ရေးသားခွင့်တို့၊ ပြောဆိုခွင့်တို့ ပြည်သူ့အခွင့်အရေးတွေပေါ့နော် အဲဒါတွေလည်း တိုးတက်လာလိမ့်မယ်လို့ မြင်တယ်ခင်ဗျ။ ကျနော်တို့ တစ်ဦးတည်းတော့ သီးခြား၊ လွတ်လပ်စွာရေးသားခွင့်တွေ ကျနော်တို့ချည်းပဲ ရသွားတယ်၊ ကျန်တဲ့ဟာတွေက မရသေးတဲ့အနေအထားမျိုးတော့လည်း ဖြစ်မယ်လို့ မထင်ဘူး။ အားလုံးဟာ တတွဲတည်းပဲ သွားလိမ့်မယ်လို့ ထင်တယ်။”
ပြည်သူ့လွှတ်တော် အားကစား၊ ယဉ်ကျေးမှုနဲ့ ပြည်သူ့ဆက်ဆံရေးရာ ကော်မတီဟာ အခုလို စာနယ်ဇင်းသမားတွေအပြင် ကော်မတီအောက်မှာ ရှိတဲ့ ရုပ်ရှင်၊ သဘင်၊ အားကစား စတဲ့ကဏ္ဍတွေက သူတွေနဲ့လည်း ဆွေးနွေးပါတယ်။
အဲဒီမှာလည်း လက်ရှိ ရုပ်ရှင်လုပ်ငန်းတွေထဲ ကြုံနေရတဲ့ ပြဿနာတွေ၊ ဒီလုပ်ငန်းသမားတွေ ဖြစ်စေချင်တဲ့ ရုပ်ရှင်မူဝါဒတွေနဲ့ ပတ်သက်လို့ ရုပ်ရှင်သရုပ်ဆောင် ဇင်ဝိုင်းက တင်ပြဆွေးနွေးခဲ့ပါတယ်။ တကယ်တော့ မီဒီယာဥပဒေသစ်ကို ရေးဆွဲနေတဲ့ ပြန်ကြားရေးဝန်ကြီး ဌာနဟာ မီဒီယာလုပ်ငန်းခွင်ထဲက လက်ရှိ အလုပ်လုပ်ကိုင်နေကြတဲ့ သူတွေရဲ့ ဆန္ဒနဲ့ သဘောထားတွေ၊ လိုအပ်ချက်တွေကို နားထောင်တာမရှိတာမို့ အများပြည်သူအကျိုးရှိမယ့် ဥပဒေတစ်ရပ် ဖြစ်ပါ့မလားလို့ သံသယရှိကြတယ်လို့လည်း ဆိုပါတယ်။
“ခုနက ကျနော်တို့ အလုပ်ရုံဆွေးနွေးပွဲလုပ်ပြီး တရားဝင် တင်သွင်းလိုက်တဲ့ ဆင်ဆာမူဝါဒများ လျှော့ပေါ့ပေးရေးအတွက် မြန်မာ့ ရုပ်ရှင်အဖွဲ့အစည်းက လူထုလူတန်းစားတွေကို ပြန်ကြားရေးဝန်ကြီးကနေ တွေ့ဆုံညှိနှိုင်းပွဲ ဆိုတာ လုပ်ပါတယ်။ သို့သော် စာသားရှင် ကျနော့်ကိုရော၊ ဒီစာသားကို ၀ိုင်းဝန်း ပြုစုကြတဲ့ ပုဂ္ဂိုလ်များရော၊ ကျနော်တို့ ၀ိုင်းဝန်းလက်မှတ်ထိုးကြတဲ့ အတော်များများကိုတော့ လုံးဝ ဖိတ်ကြားခြင်း မရှိပါဘူး။ မီဒီယာဥပဒေ တစ်ခုတည်း ဆိုတာကတော့ ဘယ်လို ပေါ်ထွက်လာမလဲ ဆိုတာကိုတော့ ထွက်လာတဲ့အခါမှသာလျင် ကျနော်တို့ သိနိုင်မှာပါ။ ဘာဖြစ်လို့လဲဆိုတော့ ခုချိန်ထိ ပြန်ကြားရေး ၀န်ကြီးဌာနက ရေးဆွဲနေတယ်ဆိုတဲ့ မီဒီယာဥပဒေကို ကျနော်တို့ အောက်ခြေလူတန်းစားများ ထားလို့ ပြည်သူ့လွှတ်တော်က ဥပဒေပြုအာဏာကို ယူထားတဲ့ ပြည်သူ့လွှတ်တော်ကိုယ်စားလှယ်များလည်း သူတို့လည်း ဘာမှန်းမသိကြသေးပါဘူး။”
ရုပ်ရှင်သရုပ်ဆောင် ဇင်ဝိုင်း ဖြစ်ပါတယ်။ ဒီဆွေးနွေးပွဲကို ပြည်သူ့လွှတ်တော် အားကစား ယဉ်ကျေးမှုနဲ့ ပြည်သူ့ဆက်ဆံရေးရာ ကော်မတီ ဥက္ကဋ္ဌ အပါအ၀င် အဖွဲ့ဝင် ၈ ဦးနဲ့အတူ စာပေစာနယ်ဇင်း၊ ရုပ်ရှင်၊ သဘင် အားကစား စတဲ့လုပ်ငန်းတွေက လူပေါင်း ၅၀ နီးပါး တက်ရောက်ပြီး  ၅ နာရီကျော်ကြာ သုံးသပ် ဆွေးနွေးခဲ့ကြတာ ဖြစ်ပါတယ်။

ချက်သမ္မတဟောင်းဈာပန ကမ္ဘာ့ခေါင်းဆောင်တွေတက်
By ဗွီအိုအေ (မြန်မာဌာန)
အမေရိကန်နိုင်ငံခြားရေးဝန်ကြီးဟောင်း Madeleine Albright (၀ဲ)၊ အမေရိကန်သမ္မတဟောင်း Bill Clinton (လယ်) နဲ့ အမေရိကန်နိုင်ငံခြားရေးဝန်ကြီး Hillary Clinton (ယာ) တို့ ချက်သမ္မတဟောင်း မစ္စတာဟာဗဲလ်အတွက် ဈာပနအခမ်းအနား တက်ရောက်နေစဉ်။ (ဒီဇင်ဘာလ ၂၃၊ ၂၀၁၁)
ကွယ်လွန်သူ ချက်သမ္မတဟောင်း ဗားဆလပ်ဟာဗဲလ် (Vaclav Havel) အတွက် ပရာ့ခ်မြို့တော်မှာ ပြုလုပ်တဲ့ နိုင်ငံတော်ဈာပနကို ကမ္ဘာ့ခေါင်းဆောင်တွေနဲ့ ပြည်သူတွေက ဂါရ၀ပြုတက်ရောက်ကြပါတယ်။ အသက် ၇၅ နှစ်အရွယ် ချက်ခေါင်းဆောင်ဟောင်းဟာ အိပ်ပျော်နေချိန် အသက်ရှူလမ်းကြောင်း ယိုယွင်းပြီး တနင်္ဂနွေနေ့က ကွယ်လွန်သွားခဲ့တာဖြစ်ပါတယ်။
ပြဇာတ်ရေးဆရာတစ်ဦးဖြစ်တဲ့ မစ္စတာ ဟာဗဲလ်ဟာ သူ့နိုင်ငံရဲ့ ပထမဆုံးသော ဒီမိုကရေစီနည်းနဲ့ ရွေးကောက်ခံသမ္မတ ဖြစ်ခဲ့သူပါ။ မစ္စတာဟာဗဲလ် အတွက် ပရာ့ခ်ရဲတိုက်မှာ ပြုလုပ်မယ့် ၀တ်ပြုဆုတောင်းပွဲကို တက်ရောက်ကြမယ့်သူတွေထဲမှာ အမေရိကန်နိုင်ငံခြားရေးဝန်ကြီး ဟီလာရီကလင်တန် (Hillary Clinton) နဲ့ ခင်ပွန်းသည် သမ္မတဟောင်း ဘေလ် ကလင်တန် (Bill Clinton)၊ ဂျာမဏီဝန်ကြီးချုပ် အဲန်ဂလာ မာခဲလ် (Angela Merkel)၊ အစ္စရေးလ် သမ္မတ ရှီမွန် ပဲရက်(စ်) (Shimon Peres) နဲ့ ပြင်သစ်သမ္မတ နီကိုးလတ်စ် ဆာကိုဇီ (Nicolas Sarkozy) တို့လည်း ပါဝင်ပါလိ့မ်မယ်။
ပြီးခဲ့တဲ့ ၃ ရက်အတွင်း ပရာ့ခ်မြို့တော် ဘုရားကျောင်းတစ်ခုမှာ ခေါင်းသွင်း ပြသထားတဲ့ သမ္မတဟောင်းရဲ့ ရုပ်ကလပ်ကို ချက်ပြည်သူ ထောင်ပေါင်းများစွာတို့ တန်းစီပြီး ဂါရ၀ပြုခဲ့ကြပါတယ်။ ၁၉၈၉ ခုနှစ်မှာ ရာထူးလက်ခံခဲ့တဲ့ မစ္စတာ ဟာဗဲလ်ဟာ ချက်ကိုစလိုဗားကီးယားမှာ ဈေးကွက်စီးပွားရေးနဲ့ ဒီမိုကရေစီကို ကြီးကြပ်ဖော်ဆောင်ပြီး ချက်နဲ့ စလိုဗားကီးယား နှစ်နိုင်ငံ ခွဲခြမ်းမှုကိုလည်း ငြိမ်းချမ်းစွာ ဆောင်ကျဉ်းနိုင်ခဲ့သူ ဖြစ်ပါတယ်။ စလိုဗားကီးယားနိုင်ငံ ကလည်း မစ္စတာဟာဗဲလ်ကို ဂုဏ်ပြုသောအားဖြင့် သောကြာနေ့ကို တနိုင်ငံလုံး ၀မ်းနည်းမှု အထိမ်းအမှတ်နေ့အဖြစ် သတ်မှတ်ထားပါတယ်။

ကင်မ်ဂျုံအီလ်အတွက် တောင်ကိုရီးယားကြေညာချက် မြောက်ပိုင်းမကျေနပ်
By ဗွီအိုအေ (မြန်မာဌာန)
ကွယ်လွန်သူ ခေါင်းဆောင် ကင်မ်ဂျုံအီလ်ကို အရိုအသေပေးဖို့ Pyongyang မြို့က အလုပ်သမားပါတီ ထူထောင်ခြင်း အထိန်းအမှတ် ကျောက်တိုင်ရှေ့မှာ လာရောက်စုဝေးနေကြတဲ့ မြောက်ကိုရီးယား ပြည်သူများ။ (ဒီဇင်ဘာလ ၂၃၊ ၂၀၁၁)
မြောက်ကိုရီးယား ခေါင်းဆောင် ကင်မ်ဂျုံအီလ် သေဆုံးခဲ့တဲ့အတွက် လူထုအပေါ် စာနာကြောင်း ဒါပေမဲ့လည်း ဈာပနကို ကိုယ်စားလှယ် စေလွှတ်မှာ မဟုတ်ဘူးလို့ တောင်ကိုရီးယားက ဆုံးဖြတ်လိုက်တဲ့ တုံ့ပြန်ပုံတွေဟာ သည်းခံနိုင်စရာ မရှိဘူးလို့ မြောက်ကိုရီးယားက ပြောလိုက်ပါတယ်။ ဒီဆုံးဖြတ်ချက်ကြောင့် နှစ်ဘက်အကြား ဆက်ဆံရေးအပေါ် ကြီးကြီးမားမား သက်ရောက်မှုတွေ ရှိမယ်လို့ သတိပေးထားတဲ့ ကြေညာချက်တစ်စောင်ကို အစိုးရပိုင် အင်တာနက်ဝက်ဘ် စာမျက်နှာပေါ်မှာ ဖော်ပြလိုက်တာပါ။
ဝမ်းနည်းကြောင်း ပြသလိုကြတဲ့ တောင်ကိုရီးယား ကိုယ်စားလှယ်တွေကို ၀င်ခွင့်ပေးဖို့ နယ်စပ်တွေကို ဖွင့်လှစ်ပေးထားမယ် လို့လည်း မြောက်ကိုရီးယားက ပြောဆိုထားတာ ဖြစ်ပါတယ်။ တောင်ကိုရီးယားကတော့ ကွယ်လွန်သူ သမ္မတဟောင်း ကင်မ်ဒေးဂျုံနဲ့ ဟွန်ဒေးကုမ္ပဏီ ဥက္ကဋ္ဌ ချွန်မွန်ဟွန်း တို့ပါဝင်တဲ့ အဖွဲ့နှစ်ဖွဲ့ကိုပဲ သွားခွင့်ပေးထားတာပါ။ မြောက်ကိုရီးယားကတော့ ကွယ်လွန်သူ ကင်မ်ဂျုံအီလ် နေရာမှာ သားဖြစ်သူ ကင်မ်ဂျုံအွန်းက ဆက်ခံပြီး တိုင်းပြည်တော်လှန်ရေးနဲ့ လူထုကို ဦးဆောင်မှုပေးမယ့်သူအဖြစ် ခေတ်သစ်တခေတ် စတင်ပြီ ဖြစ်တဲ့အကြောင်း မနေ့တုန်းကပဲ ကြေညာသွားပါတယ်။
တနင်္လာနေ့မှာပဲ သေဆုံးကြောင်း ကြေညာခဲ့တဲ့ ကင်မ်ဂျုံအီလ် ရဲ့နေရာမှာ အရိုက်အရာ ဆက်ခံခဲ့တဲ့ ခေါင်းဆောင်သစ် ကင်မ်ဂျုံအွန်း အနေနဲ့ ဖခင်ဖြစ်သူရဲ့ သင်ကြားမှုတွေနဲ့အတူ ကိုယ့်ကိုယ်ကို အားကိုးတဲ့ လမ်းကြောင်းသစ်ကို လျှောက်လှမ်းဖို့ လိုတယ်လို့လည်း မြောက်ကိုရီးယားပိုင် Rodong Sinmun သတင်းစာ အယ်ဒီတာ့ အာဘော်မှာ ဖော်ပြခဲ့တာပါ။ မြောက်ကိုရီးယား လူထုအနေနဲ့ လူငယ်ခေါင်းဆောင်သစ် နောက်ကွယ်မှာ မားမားမတ်မတ် ရပ်ဖို့နဲ့ ခေါင်းဆောင်မှုအပေါ် သစ္စာရှိဖို့အတွက်လည်း သတင်းစာက တိုက်တွန်းခဲ့တာ ဖြစ်ပါတယ်။

တသက်တကျွန်းကျသူ ကိုသက်နွယ် ကျန်းမာရေး ဆိုးဝါး
By ဧရာဝတီ on December 23
 အင်းစိန်ထောင်တွင် တသက်တကျွန်းကျနေသော ကိုသက်နွယ် (ခ) ကိုငြိမ်းလူသည် သတိလစ်မေ့မျောသွားသည့်အတွက် ဒီဇင်ဘာလ ၂၁ ရက်နေ့တွင် အင်းစိန်ပြည်သူ့ဆေးရုံကြီးသို့ ပို့ဆောင်ထားရကြောင်း နိုင်ငံရေးအကျဉ်းသားများ ကူညီစောင့်ရှောက်ရေးအသင်း (AAPP) က သတင်းထုတ်ပြန်ထားသည်။ ၂၀၀၂ ခုနှစ်တွင် လက်နက်များဖွက်ထားသည်ဟု စွပ်စွဲခံရကာ ထောင်ချခံရသော ကိုသက်နွယ်သည် စစ်ကြောရေးတွင် နှိပ်စက်ခံရမှုကြောင့် အာရုံကြောများ ထိခိုက်ပြီး စိတ်ရောဂါအထူးကုဆေးရုံသို့ ၂ ကြိမ်တက်ခဲ့ရသည်။ ကိုသက်နွယ်သည် ပြီးခဲ့သည့် ဒီဇင်ဘာ ၈ ရက်နေ့ကလည်း အဆုပ် ရေဝင်ခြင်း၊ အသည်းရောင်ခြင်းတို့ကြောင့် အင်းစိန်ဆေးရုံသို့ တက်ခဲ့ရသေးသည်။ ကိုသက်နွယ်အား အမြန်ဆုံး လွှတ်ပေးရန် AAPP က တောင်းဆိုထားသည်။

ရှေ့နေ ၃၂ ဦး လိုင်စင်ပြန်ရရေး ALRC အိတ်ဖွင့်ပေးစာပို့
ဧရာဝတီ on December 23,
မြန်မာနိုင်ငံတွင် နိုင်ငံရေးအမှုနှင့် လယ်မြေ အသိမ်းခံရသော လယ်သမားများကို ကူညီမှုများကြောင့် ရှေ့နေလိုင်စင် ရုပ်သိမ်းခံထားရသူ ရှေ့နေ ၂၃ ဦးနှင့် ပတ်သက်၍ လိုင်စင် ပြန်လည်ရရှိရန်အတွက် မြန်မာနိုင်ငံ ပြည်ထောင်စု တရားသူကြီးချုပ် ဦးထွန်းထွန်းဦးထံ လိပ်မူ၍ အိတ်ဖွင့်ပေး စာတစောင်ကို Asian Leagal Resource Centre (ALRC) က ယနေ့ ပေးပို့ထားကြောင်း အာရှလူ့အခွင့်အရေးကောင်စီက သတင်းထုတ်ပြန်ထားသည်။

လှည်းတန်းဗုံး တရားခံမိရန် ၅ သိန်း ဆုငွေထုတ်
ဧရာဝတီ on December 23
 ရန်ကုန်မြို့လှည်းတန်းလမ်းဆုံ အများသုံး အိမ်သာ၌ ဗုဒ္ဓဟူးနေ့က ဗုံးကွဲမှုနှင့် ပတ်သက်ပြီး သက်ဆိုင်ရာက တရားခံတဦးကို ဖမ်းမိရန် ကျပ် ၅ သိန်း ဆုငွေ ထုတ်ထားသည်။ ဖောက်ခွဲရေးအဖွဲ့ထဲတွင် ပါဝင်သော လူ ၃ ဦးကို ဖမ်းမိထားပြီး အဓိက တရားခံ အသက်၂၃ နှစ် အရွယ် အမျိုးသားတဦးကို ဖမ်းမိရန် ကျန်သေးကြောင်း၊ ဓာတ်ပုံကိုလည်း ရရှိထားကြောင်း၊ ၎င်းကို ဖမ်းမိရန် သတင်းပေးပါက ကျပ် ၅ သိန်း ပေးမည်ဟု ယမန်နေ့က ထုတ်ပြန်ထားကြောင်း ရန်ကုန်တိုင်း မှုခင်းဖော်ထုတ်ရေးဌာနမှ တာဝန်ရှိရဲအရာရှိ တဦးက ပြောသည်။ ဗုံးကွဲမှုကြောင့် အမျိုးသမီး တဦး သေဆုံး၍ တဦး ဒဏ်ရာရရှိခဲ့သည်။

နိုင်ငံခြားငွေဖြင့် ပေးရသည့်ဝင်ငွေခွန် ကင်းလွတ်
ပြည်ပနေနိုင်ငံသားများ နိုင်ငံခြားငွေဖြင့် ပေးဆောင် ရသည့် ၀င်ငွေခွန်ကို အစိုးရက၂၀၁၂ ခု ဇန်န၀ါရီ ၁ ရက်မှ စတင်၍ ကင်းလွတ် ခွင့် ပြုလိုက်သည်။ နိုင်ငံခြားငွေဖြင့်ရရှိသည့် လစာ ခေါင်းစဉ် အောက်ရှိ ၀င်ငွေ စုစုပေါင်း အပေါ် ရရှိသည့် နိုင်ငံခြားငွေ အမျိုးအစား ဖြင့် ပေးဆောင်စေသည့် ၀င်ငွေခွန်ကို ကင်းလွတ်ခွင့် ပြုလိုက်ကြောင်း ယနေ့ထုတ် အစိုးရသတင်းစာများ၌ ဖော်ပြထားသည်။

ODA မပေးခင် လူ့အခွင့်ရေး ဆွေးနွေးဖို့ တိုက်တွန်း
2011-12-22
မြန်မာနိုင်ငံကို ဂျပန်နိုင်ငံက အကူညီမပေးခင်မှာ လူ့အခွင့်ရေးကိစ္စတွေ ဆွေးနွေးဖို့ အပြည်ပြည်ဆိုင်ရာ လွတ်ငြိမ်းချမ်းသာခွင့် A.I အဖွဲ့ (ဂျပန်ဌာနခွဲ)က ဂျပန်နိုင်ငံခြားရေးဝန်ကြီးကို တိုက်တွန်း လိုက်ပါတယ်။
ဒီဇင်ဘာ ၂၅ ရက်မှာ မြန်မာနိုင်ငံကို သွားရောက် လည်ပတ်မယ့် ခရီးစဉ် မစတင်ခင်မှာ AI က ဂျပန်နိုင်ငံခြားရေးဝန်ကြီး (ကိုအိ ချိရို့ ဂမ်းဘာ)ထံ အိတ်ဖွင့်ပေးစာ တစ်စောင် ဒီကနေ့ နေ့စွဲနဲ့ ပေးပို့ရာမှာ အခုလို တောင်းဆိုလိုက်တာပါ။ယုံကြည်ချက်ကြောင့် အကျဉ်းကျနေသူတွေ အားလုံးကို ခြွင်းချက်မရှိ ပြန်လွှတ်ပေးဖို့၊ မြန်မာနိုင်ငံမှာ ပြစ်မှု တစ်စုံတစ်ရာ ကြောင့်သာ အကျဉ်းကျနေသူ ရှိတယ်လို့ မြန်မာအစိုးရက ပြောထားတာကြောင့် နိုင်ငံရေး အကျဉ်းသားတွေကို နိုင်ငံတကာ စံချိန်စံနှုန်းတွေနဲ့အညီ လူသိထင်ရှား တရားစီရင်ခွင့် ပြန်ပေးဖို့၊ အကျဉ်းထောင်အတွင်း နိုင်ငံရေး အကျဉ်းသားတွေကို လူမဆန်စွာ ညှဉ်းပန်း နှိပ်စက်နေတာတွေ ရပ်ပေးဖို့၊ တိုင်းရင်းသားတွေအပေါ် စစ်ပွဲဆင်နွှဲနေတာတွေ ရပ်ပစ်ဖို့နဲ့ မြန်မာနိုင်ငံကို ODA ပြန်ပေးရေးကိစ္စမှာ လူ့အခွင့်အရေးနဲ့ လွတ်လပ်မှုရှိမှသာ ဂျပန်နိုင်ငံက အခြားနိုင်ငံတစ်ခုကို ODA ပေးမယ်ဆိုတဲ့ မူဝါဒကို ထည့်သွင်းစဉ်းစားဖို့ ဆိုတဲ့ အချက်ငါးချက် စာထဲမှာ ပါတယ်လို့ A.I (ဂျပန်ဌာနခွဲ)က (မစ္စ ဆုဂိ ယာမ)က အာရ်အက်ဖ်အေကို ပြောပါတယ်။မြန်မာအစိုးရက အခုအချိန်ထိ ပြန်လွှတ်ပေးတဲ့ နိုင်ငံရေးအကျဉ်းသား ၂၀၀ ကျော် ၃၀၀ ဝန်းကျင်သာ ရှိတဲ့အတွက် နောက်ထပ် ကျန်နေသေးတဲ့ နိုင်ငံရေး အကျဉ်းသားတွေကို ပြန်လွှတ်ပေးဖို့ လိုတာကြောင့် အခုလို အိတ်ဖွင့်ပေးစာ ရေးသားရကြောင်း A.I (ဂျပန်ဌာနခွဲ)က ပြောပါတယ်။

ကားဈေးကွက်လှုပ်၍ ဒေါ်လာဈေးတက်
ဧရာဝတီ on December 23
အစိုးရက တရုတ်နိုင်ငံထုတ် Cherry QQ အမျိုးအစား ကားသစ် အစီးရေ ၁၀၀၀ တင်သွင်းလိုက်ပြီး ၀ယ်ယူသူများကို အမေရိကန် ဒေါ်လာဖြင့် တိုက်ရိုက် ပြန်လည်ရောင်းချမှုကြောင့်ဒေါ်လာဈေး တက်သွားကြောင်း သတင်းရရှိသည်။
ကားပြပွဲတခုတွင် တွေ့ရသော Cherry QQ ကားတစင်း
အမေရိကန်ဒေါ်လာသည် ဒီဇင်ဘာလဆန်းပိုင်းက တဒေါ်လာ ၇၇၅ ကျပ် ရှိရာမှ ယမန်နေ့ကအထိ ကျပ် ၈၀၀ ကျော် ဈေးနှုန်းသို့ ရောက်ရှိနေသည်ဟု ပြည်တွင်း စီးပွားရေး သတင်း အယ်ဒီတာ တဦးက ပြောသည်။
စက်မှုဝန်ကြီးဌာနမှတင်သွင်းသော Cherry QQ ကားများကို အခွန်အပါအ၀င် တစီးလျှင် ဒေါ်လာ ၁၀၀၀၀ နီးပါးနှုန်းဖြင့်ပြန်လည်  ရောင်းချခြင်းဖြစ်သောကြောင့် ဒေါ်လာဈေးကွက်၌ ၀ယ်လိုအားများလာ၍ ဈေး တက်သွားခြင်း ဖြစ်သည်ဟုလည်း ဆိုသည်။
“ဒေါ်လာတက်တာက အခု ဒီကား သွင်းတာနဲ့လည်း ဆိုင်ပါတယ်၊ ကားတစီးကို ဒေါ်လာ ၅၈၀၀ ဆိုတဲ့ ၀ယ်အားက မသေးဘူး၊ ပြီး ခဲ့တဲ့ တပတ်လောက်က စပြီး သိသိသာသာ ဒေါ်လာတက်လာတယ်”ဟု စီးပွားရေး သတင်း အယ်ဒီတာက ပြောသည်။
ယင်းကား အစီး ၁၀၀၀ ၀ယ်ရန်အတွက် ဆိုလျှင် ဈေးကွက်၌ အမေရိကန်ဒေါ်လာ ၁၀ သန်းနီးပါး ၀ယ်လိုအားဖြစ်လာပြီး ဒေါ်လာ တန်ဖိုး ပိုမိုမြင့်တက်နိုင်သည်ဟုလည်း ဆိုသည်။
တရားမ၀င် နိုင်ငံခြားငွေကြေး ရောင်းဝယ်သူတဦးကလည်း“တရုတ်ချယ်ရီ ကားဝယ်ဖို့ ဒေါ်လာတွေ လိုက်ဝယ်ကြတယ်။ ကားတစီး အတွက် အမေရိကန်ဒေါ်လာ ၁၀၀၀၀ နီးပါးလောက် လိုတယ်။ အစီး ၁၀၀၀ ကို လူတွေကကြိတ်ကြိတ်တိုး လျှောက်လွှာတင် ၀ယ် နေကြတယ်။ အဲဒါကြောင့် ဈေးကွက်မှာ ဒေါ်လာတန်ဖိုး တက်နေတယ်”ဟု ပြောသည်။
Cherry QQ တရုတ်ကားသစ်များကို ဒေါ်လာ ၅၈၀၀ ဖြင့်ရောင်းချပြီး အခွန်အဖြစ် ယာဉ်မှတ်ပုံတင်ကြေး ၄၁၀၈ ဒေါ်လာ၊ အကောက်ခွန်နှင့် ကုန်သွယ်လုပ်ငန်းခွန် ကျပ် ၂၈ သိန်း ကောက်ခံသဖြင့် ကားတစီးလျှင် စုစုပေါင်း မြန်မာငွေတန်ဖိုး ကျပ် သိန်း ၁၁၀ နီးပါး ကျသင့်သည်ဟု သိရသည်။ ယခုအခါ ကားသစ်အားလုံး ရောင်းချပြီးစီးသွားပြီဖြစ်သည်ဟု စက်မှုဝန်ကြီးဌာနက လည်း သတင်း ထုတ်ပြန်ထားသည်။