အခွင့်အလမ်းချင်း နှိုင်းရအားသာချက်

 (The Voive Weekly) Written by Aung Htut

နိုင်ငံတည်ဆောက်ရေးအတွက် နိုင်ငံ တစ်နိုင်ငံတွင် လုံလောက်စွာ ရှိနေရန် လိုအပ်သော အရင်းအမြစ်တစ်ခုမှာ နိုင်ငံတည်ဆောက်ရေး ဘာသာရပ်များကို အခြေခံကျကျ သဘောပေါက် နားလည်သည့် လူသားအရင်းအမြစ်များ ဖြစ်ပါသည်။ ဤကိစ္စသည် နိုင်ငံ၏ ပညာရေးစနစ်နှင့် သက်ဆိုင်ပြီး အချိန်ယူ၍ တည်ဆောက်ယူရမည့် အရင်းအမြစ်ကိစ္စ ဖြစ်သော်လည်း လွှတ်တော်ပေါ်တွင် ယခင်အစိုးရ ပညာရေးဝန်ကြီးက ပညာရေးစနစ် ပြုပြင်ရန် မလိုပါ ဟူသောသဘော ဖြေဆိုခဲ့ရာ ပြုပြင်ပြောင်းလဲမှုများ လမ်းပိတ်သလို ဖြစ်သွားခဲ့ပါသည်။
(လွှတ်တော်ပေါ်တွင် ကြားနာမှုများအတွက် မပြင်ဆင်ရသေးမီတွင် မေးခွန်း တက်လာခဲ့ခြင်းဖြစ်ရာ နိုင်ငံအတွက် အသက်တမျှ အရေးကြီးသောကိစ္စမှာ မေးတစ်ခွန်း ဖြေတစ်ခွန်းဖြင့် လမ်းပိတ်သွားခဲ့ခြင်း ဖြစ်ပေသည်။)

အကျိုးဆက်မှာ မီဒီယာများ ပေါ်တွင်လည်းကောင်း၊ လွှတ်တော်များ ပေါ်တွင်လည်းကောင်း ငြင်းခုံရန် မလိုသည့် အယူအဆမှား အချို့ မြင်တွေ့နေရခြင်း ဖြစ်ပေသည်။ မြင်သာထင်သာသော ဥပမာအချို့ကို ပြရလျှင် မြန်မာနိုင်ငံမှ ကားထုတ်လုပ်မှု လုပ်ငန်းများကို အကာအကွယ်ပေးရန် မော်တော်ယာဉ် တင်သွင်းခွင့်ကို ပိတ်ပင်ထားသင့်သည်ဆိုသော အယူအဆမျိုး၊ ကျပ်ငွေနှင့် အမေရိကန်ဒေါ်လာကို ခွဲခြားစဉ်းစားသော ကိစ္စမျိုး၊ ပို့ကုန်ကို မတိုးချဲ့ဘဲ သွင်းကုန်ကို ပိတ်ပင်ရန် ကြိုးစားသော အယူအဆမျိုး စသည့် အခြေခံဝါဒီဆန်သော အယူအဆများ မြင်တွေ့လာရခြင်း ဖြစ်ပေသည်။

နိုင်ငံတစ်ခု၏ နိုင်ငံတကာ ကုန်သွယ်မှုများ ဒေသတွင်း ချိတ်ဆက်မှု (Regionalization) ၊ ကမ္ဘာနှင့်ချိတ်ဆက်မှု (Globalization) အကြီးအကျယ် ထွန်းကားလာသော ယနေ့အချိန်တွင် အထူးတလည် စဉ်းစားရန် လိုအပ်လာခဲ့သော အခြေခံသီအိုရီ နှစ်ရပ်မှာ COMPARATIVE ADVANTAGE ခေါ် အရင်းအမြစ်ချင်း နှိုင်းရအားသာချက်နှင့် COMPETITIVE ADVANTAGE ခေါ် အခွင့်အလမ်းချင်း နှိုင်းရအားသာချက် နှစ်မျိုးဖြစ်သည်။

COMPARATIVE ခေါ် အရင်းအမြစ်ချင်း နှိုင်းရအားသာချက်နှင့် ပတ်သက်၍ ယခင်အပတ်က ဆောင်းပါးတစ်ပုဒ် ဖော်ပြခဲ့သောကြောင့် ဤနေရာတွင် အသေးစိတ် ရှင်းလင်းတင်ပြခြင်း မပြုတော့ပါ။ မြင်သာထင်သာသော ဥပမာကို ပြောရလျှင် စင်ကာပူနိုင်ငံတွင် မွေးရာပါ ပေးထားချက် မြေအလုံအလောက် မရှိသောကြောင့် စိုက်ပျိုးမြေ အလုံအလောက် ရှိသော မြန်မာနိုင်ငံက ဆန်စပါး ထုတ်လုပ်မှုနှင့် ပတ်သက်လျှင် COMPARATIVE ADVANTAGE ရှိနေသည် ဆိုသောသဘောမျိုး ဖြစ်သည်။ အလားတူပင် လူဦးရေ သန်း ၆၀ ကျော်ရှိသော ထိုင်းနိုင်ငံနှင့် မြန်မာနိုင်ငံသည် ဆန်စပါး ထုတ်လုပ်ရန် မွေးရာပါပေးထားချက် တူသော်လည်း တည်ဆောက်ယူရမည့် အရင်းအမြစ်များ တည်ဆောက်မထားသော မြန်မာနိုင်ငံသည် ထိုင်းနိုင်ငံနှင့် ယှဉ်လျှင် COMPARATIVE ADVANTAGE မရှိတော့သည့် သဘောမျိုးကို ဆိုလိုပါသည်။

COMPETITIVE ADVANTAGE ဆိုသည်မှာ အခွင့်အလမ်းများကိုပါ ထည့်သွင်း စဉ်းစားထားသော နှိုင်းယှဉ်ချက် ဖြစ်သည်။ ဗီယက်နမ် နိုင်ငံနှင့် မြန်မာနိုင်ငံသည် ဆန်စပါး ထုတ်လုပ်မှုနှင့် ပတ်သက်လျှင် COMPARATIVE ADVANTAGE တူညီသော်လည်း ရခိုင်ကမ်းလွန် ပင်လယ်ပြင်တွင် ထွက်ရှိသော သဘာဝဓာတ်ငွေ့များကြောင့် မြန်မာနိုင်ငံက ရခိုင်ပြည်နယ် လယ်မြေအချို့ကို ဆန်စပါး တိုးချဲ့ထုတ်လုပ်ခြင်း မပြုတော့ဘဲ ရေထဲမှ တက်လာသော သဘာဝ ဓာတ်ငွေ့ပိုက်လိုင်း အဆုံးနေရာရှိ လယ်မြေများကို 3 in 1 Value added စက်မှုလုပ်ငန်းများ ထူထောင်ရန် ဆုံးဖြတ်ခြင်းမျိုးကို ဆိုလိုပါသည်။ သဘာဝဓာတ်ငွေ့များကို 3 in 1 စီမံကိန်းဖြင့် အဆင့်မြင့် စက်မှုထုတ်ကုန်များ ထုတ်လုပ်ရောင်းချခြင်းမှ ရရှိမည့် အခွင့်အလမ်းမှာ ကြီးမားလွန်းသောကြောင့် ထိုနေရာတွင် ဗီယက်နမ်ကဲ့သို့ပင် နှိုင်းရအားသာချက်ရှိသော ဆန်စပါးကို မထုတ်လုပ်တော့ရန် ဆုံးဖြတ်ခြင်းမျိုးသည် COMPETITIVE ADVANTAGE ကြောင့် ဖြစ်သည်။

မြန်မာနိုင်ငံတွင် ကားထုတ်လုပ်ရန် စဉ်းစားခြင်းသည် (ကိုယ်ပိုင်တံဆိပ် ဖြစ်ခဲ့လျှင်) အဆင်အခြင် နည်းလွန်းရာ ကျပါသည်။ ဂျပန်နိုင်ငံက တင်သွင်းလျှင် ဒေါ်လာ ၁၀၀၀ သာ ကျသင့်သော LITEACE ကားတစ်စီးကို မြန်မာနိုင်ငံတွင် ထုတ်လုပ်ပြီး ကျပ်သိန်း ၁၀၀ ကျော်ဖြင့် ရောင်းချသည့် ကိစ္စမျိုးမှာ နိုင်ငံ၏ COMPETATIVE ADVANTAGE ကို ကောင်းစွာ သဘောမပေါက်ရာ ကျပေသည်။ (မြန်မာနိုင်ငံတွင် မည်သို့ ထုတ်လုပ်သည်ကို လူတိုင်း သိပါသည်။)

ဤနေရာတွင် မလိုအပ်ဘဲ အငြင်းပွားနေသော ကိစ္စတစ်ရပ်မှာလည်း အခြေခံကျကျ လွဲနေပါသေးသည်။ ဂျပန်ကကား ဒေါ်လာ ၁၀၀၀ သည် ဒေါ်လာဖြစ်၍ မြန်မာနိုင်ငံက ထုတ်လုပ်သောကားသည် ကျပ်သိန်း ၁၀၀ ဖြစ်သည်ဆိုသော အယူအဆမျိုး ဖြစ်သည်။ စီးပွားရေး သဘောတွင် ကျပ်ငွေ ၁၀၀၀ သည် ဒေါ်လာ တစ်ဒေါ်လာနှင့် ဖလှယ်၍ ရနေသမျှ ဤနှစ်ခု အတူတူသာ ဖြစ်ပြီး ကျပ်ငွေ/ ဒေါ်လာငွေ စသည်တို့မှာ ကုန်ဖလှယ်သော မီဒီယံများသာ ဖြစ်ပေသည်။ ကျပ်သိန်း ၁၀၀ သည် ဒေါ်လာ ၁၀,၀၀၀ ဖြစ်သောကြောင့် ဂျပန်နိုင်ငံက ကားတစ်စီး မသွင်းဘဲ မြန်မာနိုင်ငံတွင် ဒေါ်လာ ၁၀,၀၀၀ တန်ကား ထုတ်လုပ်ခြင်းသည် Opportunity Cost ခေါ် ရင်းနှီးမြှုပ်နှံမှု အခွင့်အလမ်း ဒေါ်လာ ၉၀၀၀ ပျောက်ဆုံးသွားခြင်း ဖြစ်ရာ ဤကိစ္စမျိုးမှာ သီအိုရီသဘောအရ မစဉ်းစားကောင်းသော အရာ ဖြစ်ပေသည်။

စာရေးသူအနေဖြင့် စီးပွားရေးနှင့် ပတ်သက်၍ ရယ်ဒီကယ် အယူအဆ ရှိနေသူများကို အပြစ်တင်နေခြင်း မဟုတ်ပါ။ ဤအယူအဆမျိုး ရှိခဲ့လျှင် နောက်တစ်ဆင့် ထပ်၍ အမှားကျူးလွန်မိရာ ရောက်မည်စိုး၍ ကျယ်ကျယ်ပြန့်ပြန့် သဘောပေါက်နိုင်စေရန် ရှင်းလင်းပြီး လက်တွေ့နှင့် နီးစပ်သော ဥပမာပေး၍ ရေးသားဖော်ပြရခြင်း ဖြစ်ပါသည်။

နိုင်ငံသားတိုင်းကို အလုပ်လုပ်ခွင့် ပေး၍ ဆင်းရဲမှု လျှော့ချရေးမှာ ပြည်ထောင်စု အစိုးရသစ်၏ မူဝါဒ ဖြစ်ပေသည်။ ဆင်းရဲမှုဆိုသည်ကို အတိအကျ အဓိပ္ပာယ်ဖွင့်ရလျှင် လူတစ်ဦးချင်း ဝင်ငွေနည်းခြင်း ဖြစ်ပါသည်။ လူတစ်ဦးချင်း ဝင်ငွေနည်းခြင်းမှာ GDP နည်းသောကြောင့် ဖြစ်ပါသည်။ GDP သေးငယ်လွန်း၍ GDP ကို လူဦးရေနှင့် စားလိုက်သောအခါ လူတစ်ဦးချင်းဝင်ငွေလည်း နည်းပါးသွားခြင်း ဖြစ်သည်။ ဤကိစ္စကို ဆေးကုရာတွင် GDP ကြီးအောင် မပြုလုပ်ဘဲ နေ၍မရပါ။ GDP ကြီးအောင် ပြုလုပ်မည် ဆိုလျှင် နိုင်ငံရှိ လူဦးရေသန်း ၅၀ - ၆၀ အတွက် ရည်ရွယ်ထုတ်လုပ် ရောင်းချခြင်း သက်သက်ဖြင့် မရပါ။ ထိုအခါ ပို့ကုန်မြှင့်တင်ရေးကို မဖြစ်မနေ ပြုလုပ်ရန် လိုအပ်သွားပြီ ဖြစ်ပေသည်။ ပို့ကုန်မြှင့်တင်ရေးအတွက် နိုင်ငံသားတိုင်းကို အလုပ်လုပ်ခွင့် ပေးရာတွင် အရင်းအမြစ်ချင်း နှိုင်းရအားသာချက် (COMPARATIVE ADVANTAGE) ရှိသော လုပ်ငန်းများကို ဦးစားပေး တိုးချဲ့ရမည် ဖြစ်သကဲ့သို့ ယှဉ်ပြိုင်နိုင်စွမ်း အလို့ငှာ COMPETATIVE ADVANTAGE ရှိသော လုပ်ငန်းများ ထူထောင်ရန် လိုအပ်ပါသည်။ AFTA ခေါ် အာဆီယံ လွတ်လပ်သော ကုန်သွယ်မှု ရှိနေသောကြောင့် အာဆီယံ ဈေးကွက်ကိုပါ လွတ်လပ်စွာ ရောင်းချရန် ရည်ရွယ်၍ ကိုရီးယားနိုင်ငံမှ ဟွန်ဒေး ကော်ပိုရေးရှင်းနှင့် ဖက်စပ်ကားစက်ရုံ တည်ထောင်သည်ဆိုသည့် စဉ်းစားချက်မျိုးမှာ အဓိပ္ပာယ် ရှိပါသည်။ အဓိက နားလည်ထားရန် လိုအပ်သည့်အချက်မှာ ဘောဂဗေဒနှင့် နိုင်ငံရေးဘောဂဗေဒ နယ်ပယ်တွင် သုံးနှုန်းသည့် Opportunity Cost ခေါ် လက်လွတ်သွားနိုင်သည့် အခွင့်အလမ်းများကိုပါ ထည့်သွင်း စဉ်းစားထားသည့် COMPETATIVE ADVANTAGE ခေါ် အခွင့်အလမ်းချင်း နှိုင်းရတန်ဖိုးများ၏ သီအိုရီသဘော ဖြစ်ပါသည်။

( The Voice Weekly)

Pe Thet