စေ့စပ်ဆွေးနွေးရေး ဆိုရာဝယ် (အပိုင်း - ၁)

ခင်မမမျိုး

နိဒါန်း
ကမ္ဘာ့နိုင်ငံရေး စင်မြင့်တွေမှာပဲဖြစ်ဖြစ်၊ ဒီမိုကရေစီအရေးနဲ့ ပဋိပက္ခဖြေရှင်းရေး လေ့လာသူ ပညာရှင်တွေရဲ့ ဆွေးနွေးပွဲတွေမှာပဲဖြစ်ဖြစ်၊ အရပ်သားတွေရဲ့ နိုင်ငံရေးဆွေးနွေးပွဲတွေမှာပဲ ဖြစ်ဖြစ်၊ စေ့စပ်ဆွေးနွေးရေး၊ ဒိုင်...ယာလော့ စတဲ့ စကားလုံးလေးတွေက ရေပန်းစားလှပါတယ်။ နိုင်ငံရေး ဖြစ်စဉ်တွေကို သေသေချာချာ လေ့လာသုံးသပ်ပြီးမှ ပြောဆိုဆွေးနွေးသူတွေ ရှိတတ်သလို၊ စကားလုံးကိုပဲ အဖန်တလဲလဲ ရွတ်ဆိုပြောနေတတ်တာတွေလဲ ရှိပါတယ်။ ဒီမိုကရေစီ အသွင်ကူးပြောင်းရေး၊ စေ့စပ်ဆွေးနွေးရေး စတာတွေကို ဖဲတချပ် မှောက်လိုက်၊ လှန်လိုက် လုပ်သလို အလွန် လွယ်ကူသယောင် ပြောဆိုမှုတွေလဲ ရှိတတ်ပါတယ်။ နိုင်ငံတနိုင်ငံမှာ ရွေးကောက်ပွဲ ဖြစ်လိုက်တာနဲ့ နေ့ချင်းညချင်း ဒီမိုကရေစီနိုင်ငံကြီး ဖြစ်သွားသယောင် ထင်နေသူတွေ ရှိသလို၊ ဒီမိုကရေစီ ခေါင်းဆောင်တယောက် လွတ်လာတာနဲ့ နေ့ချင်းညချင်း ဒီမိုကရေစီကြီး ရတော့မယောင် ထင်မှတ်နေသူတွေလဲ ရှိပြန်ပါတယ်။

လက်တွေ့မှာကျတော့ ဒီမိုကရေစီအသွင်ကူးပြောင်းမှုဆိုတာကလဲ ဖြစ်စဉ်တရပ်ပဲ ဖြစ်ပါတယ်။ ဒီမိုကရေစီစနစ် အမြစ်တွယ် ရှင်သန်ခိုင်မာမှု (Democratic Consolidation) ရှိစေဖို့အတွက် ကနဦးဒီမိုကရေစီ အသွင်ကူးပြောင်းမှု (Initial Democratization) (သို့မဟုတ်) Political Liberalization ဖြစ်စဉ်အဆင့်ဆင့်​ကို တည်ဆောက်အကောင်အထည် ဖော်ဆောင်မှုပဲ ဖြစ်ပါတယ်။ ဒီမိုကရေစီစနစ် အသွင်ကူးပြောင်းရေးကို ဖော်ဆောင်ပေးနိုင်မယ့် ပြည်သူ့အစိုးရတရပ်ဖြစ်ဖြစ်၊ စစ်မှန်စွာ အသွင်ကူးပြောင်းရေးကို လိုလားလာတဲ့ အာဏာရှင် အစိုးရဖြစ်ဖြစ် မပေါ်ပေါက်လာပဲ အသွင်ကူးပြောင်းမှု ဖြစ်စဉ် ရှိလာမှာ မဟုတ်ပါဘူး။

စေ့စပ်ဆွေးနွေးရေး (Negotiation​) ဆိုတာကလဲ ဒီအတိုင်းပါပဲ။ ပဋိပက္ခတွေ ဖြေရှင်းဖို့အတွက် စေ့စပ်ဆွေးနွေးမှုကို နိုင်ငံရေးလက်နက်တခုအဖြစ် အသုံးပြုလေ့ရှိပါတယ်။ ဒီလို အသုံးပြုတဲ့အခါ စေ့စပ်ဆွေးနွေးမှုဖြစ်စဉ် အဆင့်ဆင့်ကို အကောင်အထည်ဖော်နိုင်ဖို့ လိုပါတယ်။ Track II, Track III Level ခေါင်းဆောင်တွေ ပေါ်ထွက်လာဖို့ လိုအပ်ပါတယ်။ စေ့စပ်ဆွေးနွေးပေး​ ပါလို့ တောင်းဆိုနေရုံ၊ လူသိရှင်ကြား စတိတ်မင့်တွေ ထုတ်ဝေ ဖြန့်ချိနေရုံနဲ့တော့ စေ့စပ်ဆွေးနွေးပွဲ ဖြစ်စဉ်ဆိုတာလဲ ရှိလာမှာ မဟုတ်ပါဘူး။

စေ့စပ်ဆွေးနွေးရေး (Negotiation​) ဆိုရာဝယ်

နိုင်ငံရေးအယူအဆကွဲပြားမှု၊ လူမျိုးရေး ကွဲပြားမှု၊ ဘာသာရေး အယူဝါဒ ကွဲပြားမှု စတာတွေကနေ ပဋိပက္ခတွေ ဖြစ်ပွားလာတဲ့အခါ တဘက်နဲ့တဘက် ရန်သူလို သဘောထားလာကြတဲ့ ပဋိပက္ခ ၀န်းကျင်အတွင်းမှာ တူညီတဲ့ ဘုံသဘောထားတွေ ရှာဖွေဖို့နဲ့ ကွဲပြားခြားနားမှုတွေအကြား ညှိနှိုင်းဆွေးနွေး အဖြေရှာဖို့ ဆိုတာ အလွန်ခဲယဉ်းတဲ့ ကိစ္စရပ်တွေ ဖြစ်ပါတယ်။ ဒါကြောင့်လဲ ဒီလို ခက်ခဲ နက်နဲတဲ့ ကိစ္စရပ်တွေကို လူအများ သိနားလည်လာနိုင်ဖို့အတွက် လက်တွေ့နယ်ပယ်ထဲက သံတမန်တွေနဲ့ ပညာရပ်နယ်ပယ်ထဲက နိုင်ငံရေးသိပ္ပံပညာရှင်တွေ၊ နိုင်ငံရေးတွေးခေါ် ပညာရှင်တွေက သုတေသန စာတမ်းတွေ၊ ကိုယ်တွေ့မှတ်တမ်း တွေကို ရေးသားဖော်ပြခဲ့ကြပါတယ်။

လက်တွေ့နယ်ပယ် ထဲမှာ တာဝန်ထမ်းဆောင်ကြရမယ့်သူတွေကိုလဲ သင်တန်းတွေ အဆင့်ဆင့် ပေးပြီး လေ့ကျင့်ပေးခဲ့ကြ ပါတယ်။ စာတွေ့နဲ့ လက်တွေ့ မတူညီဖူးဆိုပေမယ့် လက်တွေ့တွေ များစွာကနေ ထုတ်နှုတ်ထားတဲ့ စာတွေ့သင်ခန်းစာတွေဟာ လက်တွေ့မှာ အထောက်အကူ ဖြစ်စေပါတယ်။ အတွေ့အကြုံက သင်ပေးသွားမှာ ဖြစ်တဲ့အတွက် စာတွေ့တွေ မလိုအပ်ဘူး၊ စနစ်တကျ သင်ကြားမှုတွေ မလိုဘူးလို့ တချို့က ဆိုတတ်ကြပါတယ်။ လက်ထဲကို သေနတ်တလက်ရောက်လာတဲ့အခါ ဟိုပစ်ဒီပစ် လုပ်ရင်း သေနတ်ကျည်ထွက်မှာကတော့ သေချာပါတယ်။ ဒါပေမယ့် principle​s of sustained fireကို နားလည်ထားရင်တော့ ပစ်မှတ်ကို ထိနိုင်ဖို့၊ risk နည်းဖို့ နေရာယူရတဲ့ position ကို အခြေအနေ၊ အချိန်အခါနဲ့အညီ အသုံးချနိုင်ပါတယ်။ အလုပ်တခု လုပ်တဲ့အခါမှာ သဘောတရားတွေကနေ ပြဌာန်းထားတဲ့ စီမံချက်တွေအတိုင်း ပြင်ဆင်အကောင်အထည်ဖော်တဲ့အခါ ပရမ်းပတာ တောင်ရောက်လိုက်၊ မြောက်ရောက်လိုက် လုပ်နေတာတွေအတွက် ပိုပြီး ရလဒ်ကောင်းလေးတွေ ရနိုင်ပါတယ်။ 'Fail to prepare, prepare to fail' ဆိုတဲ့ စကားတွေကို ပညာရှင်တွေက အကြောင်းမဲ့ ပြောဆိုထားခဲ့ကြတာတော့ မဟုတ်ပါ။

စေ့စပ်ဆွေးနွေးမှု အောင်မြင်ဖို့ဆိုတာကလဲ ဒီအတိုင်းပါပဲ။ ပြင်ဆင်မှုတွေ လိုအပ်ပါတယ်။ ဆွေးနွေးမှုရဲ့ ပန်းတိုင်၊ ရေရှည်ဦးတည်ချက်၊ ရေတို ရည်မှန်းချက် စတာတွေ ရှိဖို့ လိုပါတယ်။ Daniel Druckman ဆိုသူက စေ့စပ်ဆွေးနွေးရေးဆိုတာ ပြဿနာတခုကို အဖြေရှာခြင်း (သို့မဟုတ်) တဘက်နဲ့ တဘက် အကြားမှာ အပေးအယူပြုလုပ်ခြင်းလို့ အဓိပ္ပာယ်ဖွင့်ဆိုခဲ့ပါတယ်။ Rich​ ard Shell ဆိုသူကတော့ စေ့စပ်ဆွေးနွေးရေးဆိုတာ တဘက်ကနေ အခြားတဘက်ဆီက တစုံတရာကို လိုချင်လာတဲ့အခါ ပြုလုပ်ကြတဲ့ ဆက်ဆံရေးဖြစ်စဉ်တခုလို့ အဓိပ္ပာယ်ဖွင့်ဆိုခဲ့ပါတယ်။ Fred​ Ikle ဆိုသူကတော့ စေ့စပ်ဆွေးနွေးရေးဆိုတာ ပဋ္ဋိပက္ခတွေ ရှိနိုင်တဲ့ အကျိုးစီးပွားတွေအကြားက ဘုံအကျိုးစီးပွားကို ဖော်ထုတ်ဖို့ နည်းလမ်းတွေကို အဖြေရှာခြင်းလို့ အဓိပ္ပာယ်ဖွင့်ဆိုခဲ့ပါတယ်။

Roger Fisher နဲ့ William Ury တို့ကတော့ စေ့စပ်ဆွေးနွေးမှု လုပ်ရတဲ့ အကြောင်းရင်းက ဆွေးနွေးမှုကြောင့် ရလာမယ့် ရလဒ်တွေဟာ မဆွေးနွေးပဲ ရလာမယ့် ရလဒ်တွေထက် ပိုပြီး ကောင်းစေမယ်လို့ ယုံကြည်တဲ့အတွက် လုပ်ရတာ ဖြစ်တယ်လို့ ဆိုပါတယ်။ ဒီလို လုပ်ရမှာ အကြောင်း တစုံတရာကြောင့် စေ့စပ်ဆွေးနွေးမှု မအောင်မြင်ခဲ့ရင် (သို့မဟုတ်)ေ​စ့စပ်ဆွေးနွေးမှု ဖြစ်မလာနိုင်တော့ဘူး ဆိုရင် အကောင်းဆုံးဘာလုပ်နိုင်မလဲဆိုတဲ့ best alternative to a negotiated agreement (BATNA) ကိုလဲ နှစ်ဘက်ခေါင်းဆောင်တွေအနေနဲ့ စဉ်းစားထားဖို့ လိုကြောင်း ထောက်ပြပြောဆိုခဲ့ကြပါတယ်။

စေ့စပ်ဆွေးနွေးရေးနှင့် ချဉ်းကပ်နည်းလမ်း (Approach)

စေ့စပ်ဆွေးနွေးမှုတွေ အောင်မြင်စေဖို့အတွက် လိုအပ်တဲ့ အခြေခံအချက်တွေကိုလဲ ပညာရှင်များက ရေးသားဖော်ပြခဲ့ကြပါတယ်။ ပထမတချက်ကတော့ ချဉ်းကပ်နည်းလမ်း (approach) ပဲ​ ဖြစ်ပါတယ်။ စေ့စပ်ဆွေးနွေးရေးကို ဘယ်လိုနည်းလမ်း နဲ့ အကောင်အထည်ဖော်မလဲ ဆိုတာက အောင်မြင်မှုအတွက် အလွန်ပဲ အရေးကြီးပါတယ်။ များသောအားဖြင့် competitive bargaining နဲ့ collaborative problem solving တို့ကို အသုံးပြုလေ့ရှိပါတယ်။

Competitive bargaining ဆိုတာက တဘက်နဲ့ တဘက် အပြိုင်အဆိုင် အပေးအယူ ပြုလုပ်တာ ဖြစ်ပါတယ်။ Competitive bargaining သဘောတရားကို လွယ်လွယ်ကူကူ ရှင်းလင်းပြောပြ နိုင်ဖို့အတွက် Terrence Hopmann ဆိုသူက အောက်ပါပုံကို ရေးဆွဲခဲ့ပါတယ်။
ပုံ (၁)

ပုံ (၁) မှာ ဖော်ပြထားတဲ့ A အမှတ်ဟာ စေ့စပ်ဆွေးနွေးမှု လုပ်မယ့် ဘက်နှစ်ဘက်အနက် တဘက်အတွက် အကောင်းဆုံးအခြေအနေ ဖြစ်ပါတယ်။ B အမှတ်က အခြား ဘက် တဘက်အတွက် အကောင်းဆုံး အခြေအနေ ဖြစ်ပါတယ်။ မြားတွေ ပြောင်းပြန် ဖြစ်နေတာကို ကြည့်ခြင်းအားဖြင့် ဘက်နှစ်ဘက်စလုံးဟာ ကိုယ့်ဘက်က အကောင်းဆုံး အခြေအနေကို ရနိုင်ဖို့အတွက် ဆွဲယူကြိုးပမ်းကြပါတယ်။ ပုံမှာ ဖော်ပြထားတဲ့ A1 , B1 အမှတ်တွေကတော့ BATNAအခြေအနေေ​တွကို ကိုယ်စားပြုပါတယ်။ ဒီအခြေအနေ နှစ်ခုအကြားမှာ တဘက်နဲ့တဘက် အပေးအယူပြုလုပ်နိုင်မယ့် bargai​ning space ရှိပါတယ်။

ဒီအခြေအနေမှာ နှစ်ဘက်စလုံးဟာ တဘက်နဲ့ တဘက် စကားစစ်ထိုးရင်း ကိုယ်လိုချင်တဲ့ အကောင်းဆုံးအခြေအနေကို အနီးစပ်ဆုံး ရအောင် လုပ်ကြမှာ ဖြစ်ပါတယ်။ ဒီလိုလုပ်ကြရာမှာ
(က) ကနဦးအနေနဲ့ ကိုယ့်ဘက်က တောင်းဆိုချက်တွေကို အပြန်အလှန် တောင်းဆိုကြမှာ ဖြစ်ပါတယ်။
(ခ) ဘယ်အခြေအနေအထိ နောက်ဆုံးထားပြီး လျှော့ပေးမယ်ဆိုတာကို နှစ်ဘက်စလုံးက ကိုယ်စီ လျှို့ဝှက် စဉ်းစားသတ်မှတ်ချက်တွေ ရှိလာပါတယ်။
(ဂ) တဘက်နဲ့ တဘက် တောင်းဆိုချက်တွေဆီက တင်းမာမှုတွေ လျော့လာအောင် အပြန်အလှန် ဖိအားပေးမှုတွေ၊ ဆွဲဆောင်မှုတွေ ပြုလုပ်လာပါတယ်။
(ဃ) တဘက်နဲ့တဘက် အလျှော့ပေးမှုလေးတွေ ပြုလုပ်နိုင်ဖို့အထိ နီးစပ်မှု ရှိလာပါတယ်။
(င) အပြန်အလှန် အလျှော့ပေးမှုတွေ ရှိလာပါတယ်။
(စ) မူလ တောင်းဆိုထားမှု အခြေအနေနှစ်ခုအကြားက အဖြစ်နိုင်ဆုံး အခြေအနေတခုမှာ သဘောတူညီချက် ရလာပါတယ်။ (သို့မဟုတ်)ဆက်လက်အလျှော့ပေးမှု မလုပ်နိုင်ကြတော့ပဲ စေ့စပ်ဆွေးနွေးမှု ပျက်သွားပါတယ်။

ပုံမှာ ဖော်ပြထားတာက နှစ်ဘက်အကြားက အပေးအယူလုပ်မှုသဏ္ဍာန်ဖြစ်ပေမယ့် ​multi-party negotiations တွေအတွက်လဲ ဖြည့်စွက် အသုံးပြုနိုင်ပါတယ်။

နောက်ထပ် နည်းလမ်းတခုကတော့ collaborative​ problem solving နည်းလမ်း ဖြစ်ပါတယ်။ ပြဿနာဖြေရှင်းမှုမှာကျတော့ တဘက်နဲ့ တဘက် အပြိုင်အဆိုင် အပေးအယူ၊ အလျှော့အတင်း လုပ်ဖို့ မဟုတ်ပဲ ပြဿနာတခုကို စုပေါင်းအဖြေရှာခြင်း ဖြစ်တဲ့အတွက် competitive bargaining နည်းလမ်းနဲ့ ကွဲပြားပါတယ်။

Susan Collin Marks ဆိုသူက ဒီနည်းလမ်းကို လူအများနားလည်စေနိုင်ဖို့ ရှင်းလင်းတဲ့ ပုံတပုံ ရေးဆွဲ ဖော်ပြထားခဲ့ပါတယ်။
ပုံ (၂)
ဒီနည်းလမ်းအရ ဘက်နှစ်ဘက်စလုံးက ပါဝင်သူများဟာ ပြဿနာတရပ်ကို အားလုံးရဲ့ ဘုံပြဿနာအဖြစ် သတ်မှတ်ပြီး ရင်ဆိုင်ဖြေရှင်းကြဖို့ ကြိုးပမ်းတာ ဖြစ်ပါတယ်။ ဒီလို ကြိုးပမ်းဆောင်ရွက်တဲ့ စေ့စပ်ညှိနှိုင်းဆွေးနွေးမှုမှာ​ကျတော့ တဘက်နဲ့ တဘက်အကြားမှာဖြစ်တဲ့ ပဋ္ဋိပက္ခတွေကို ဖြေရှင်းတာ မဟုတ်ပဲ ဖြစ်နေတဲ့ ပြဿနာတွေကို စုပေါင်းဖြေရှင်း အဖြေရှာဖို့ ဆွေးနွေးညှိနှိုင်းကြတာ ဖြစ်ပါတယ်။

ဘယ်လိုပဲဖြစ်ဖြစ် ပဋ္ဋိပက္ခတွေ ဖြစ်လာတဲ့အခါ ပါဝင်တဲ့ ဘက်တွေအားလုံးက အကြောင်းအရာတွေကို reframing ပြ​န်လုပ်တတ်ဖို့ အလွန်အရေးကြီးပါတယ်။ ဘယ်သူကမှ compromise မလုပ်နိုင်​တော့တဲ့ အခြေအနေကျရင်တော့ deadlock ဖြစ်​ ပါတယ်။ Reframing ဆိုတာက ဒီလို deadlock ကို ဘယ်လို ဖြေရှင်းမလဲ ဆိုပြီး အကြောင်းအရာတွေကို အမြင်သစ်၊ ရှုထောင့်သစ်တွေကနေ ပြန်လည်ရှုမြင်နိုင်ရန် ကြိုးပမ်းအားထုတ်ခြင်း ဖြစ်ပါတယ်။

ပဋိပက္ခတွေ ဖြေရှင်းထဲအခါမှာ ဖြစ်ရတဲ့ အခြေခံ အကြောင်းရင်းတွေထဲက လိုအပ်ချက် (needs) တွေနဲ့ အကျိုးစီးပွား (interests) တွေကို ဖော်ထုတ်ပြီး ပဋိပက္ခမဟုတ်တဲ့ တခြား ဘယ်လိုနည်းနဲ့ ဒါတွေကို ဖြေရှင်းနိုင်မလဲဆိုတာကို ရှုထောင့်သစ်တွေကနေ သုံးသပ်တာ ဖြစ်ပါတယ်။ ဥပမာ- ငါးတကောင်ကို ကလေးနှစ်ယောက်က လုနေတဲ့အခါ တယောက်ကို တပိုင်းစီ ရမှ ကျေနပ်မှာလား၊ တယောက်က လေးပုံ-သုံးပုံရပြီး၊ နောက်တယောက်က လေးပုံ-တပုံဆိုရင်ရော အနည်းငယ်ပဲ ရတဲ့ဘက်က ကျေနပ်ပြီး ယူသွားမလား၊ တယောက်က ငါးတကောင်လုံး ယူပြီး၊ နောက်တယောက်က တခြားစားစရာ တခုခု ရသွားရင်ရော ကျေနပ်နိုင်မလား စတာတွေ ဖြစ်ပါတယ်။

ဒါကြောင့်လဲ ပဋိပက္ခဖြစ်ပြီး deadlock ဖြစ်နေ​တဲ့ နိုင်ငံတွေမှာ conflicting parties တွေထဲမှာ မပါဝင်သူတွေက ဘယ်ဘက်မှ မပါတော့ပဲ နိုင်ငံရဲ့ အခြေခံ လိုအပ်ချက်တွေထဲက လူမှုရေး၊ ကျန်းမာရေး၊ ပညာရေး လိုအပ်ချက်တွေကို ဖြည့်ဆည်းတာတွေ၊ civil society ကို အားကောင်းအောင် ချဲ့ထွင်တာတွေ လုပ်လာကြတာတွေ ရှိပါတယ်။ အချို့ကလဲ ဒါတွေကိုပဲ အချိန်ကုန်ခံပြီး ငြင်းခုန်နေကြပြန်တတ်ပါတယ်။ ပဋိပက္ခတွေ ပြီးဆုံးမှ ဒါတွေ လုပ်ရမယ်ဆိုတာတွေကလဲ အဓိပ္ပာယ် မရှိလှပါ။ ကျွမ်းနေတဲ့ မီးလုံးကို လဲဖို့ ကြိုးစားသူတွေ ရှိနေချိန်မှာ ဖယောင်းတိုင်ထွန်းပြီး အလင်းပြပေးသူတွေလဲ ရှိဖို့ လိုအပ်ပါတယ်။ မီးလုံးလဲသူတွေနဲ့ ဖယောင်းတိုင်ထွန်းသူတွေအားလုံး အချင်းချင်း ငြင်းခုန်ရင်းအချိန်ကုန်နေစရာလဲ​ မလိုအပ်ပါ။ တိုင်းပြည်နဲ့ ပြည်သူလူထုရဲ့ Needs နဲ့Interes​ ts တွေကို ဖြည့်ဆည်းဖို့ ကြိုးပမ်းကြသူအချင်းချင်းမှာ ရေတိုရည်မှန်းချက်တွေကိုပဲ အကောင်အထည်ဖော်သည်ဖြစ်စေ၊ ရေရှည်ပန်းတိုင်ကိုပဲ အရောက်သွားသည် ဖြစ်စေ ဘယ်သူမှ မမှားပါ။ ဘယ်သူကမှလဲ ဘယ်သူထက်မှ ပိုပြီး မြင့်မြတ်သည်၊ ယုတ်ညံ့သည် မရှိပါ။ Deadlock အခြေအနေမှာRef​raming လုပ်တဲ့ သဏ္ဍာန်တွေကတော့ အမျိုးမျိုး ကွဲပြားနေမှာပဲဖြစ်ပါတယ်။

စေ့စပ်ဆွေးနွေးမှုနဲ့ ပတ်သက်ပြီး နောက်ထပ် ချဉ်းကပ်တဲ့ နည်းလမ်းတခုကတော့ Conflict Resolution Style Matrix ကို အသုံးပြုခြင်း ဖြစ်ပါတယ်။ ၁၉၆၀ ပြည့်နှစ်ကာလတွေမှာ Robert Blake နဲ့ Jane Mouton တို့က ပဋိပက္ခဖြေရှင်းခြင်းနဲ့ စေ့စပ်ဆွေးနွေးမှုတွေမှာ အသုံးပြုရတဲ့ စတိုင်လေးမျိုးကို ဖော်ထုတ်ခဲ့ပါတယ်။ ဒီစတိုင်လေးမျိုးကို forcing, problem solving, smoothing, withdrawal ဆိုပြီး အမည်ပေးခဲ့ကြပါတယ်။ (၁၉၇၀) ကာလေ​ တွရောက်တော့Kenneth Thomas နဲ့ Ralph Kilmann တို့က စတိုင်တွေကို ထပ်မံမွမ်းမံပြီး competing, collaborating, accommodating, avoiding, compromising ဆိုတဲ့ စတိုင် ငါးမျိုးကို ဖော်ထုတ်ခဲ့ပါတယ်။
  ပုံ (၃)

ပုံမှာ ဖော်ပြထားချက်တွေအရ အလျားလိုက်မျဉ်းက ပူးပေါင်းဆောင်ရွက်မှု (coopera​tiveness) ကို ကိုယ်စားပြုပါတယ်။ ဒေါင်လိုက်မျဉ်းကတော့ assertive​nessကို ကိုယ်စားပြုပါတယ်။ assertivenes​s ကော၊ cooperativeness ကော နည်းနေတဲ့အခါ စေ့စပ်ဆွေးနွေးမှု စတိုင်က တဘက်နဲ့ တဘက် ရှောင်ခြင်း(avoiding) ဖြစ်ပါတယ်။ assertiveness က မြင့်ပြီး၊ cooperativeness က အားနည်းနေရင်တော့ ပြိုင်ဆိုင်မှု (Competing) စတိုင် ဖြစ်လာပါတယ်။cooperativeness က မြင့်ပြီး၊ assertiveness က နည်းနေရင်တော့ accommodating စတိုင်ဖြစ်ပြီး၊ နှစ်ခုလုံး အသင့်အတင့်ဆိုရင်တော့ compromis​eလုပ်ကြပါတယ်။ နှစ်မျိုးစလုံး မြင့်မှသာ ပူးပေါင်းဆောင်ရွက်မှု (collabo​rating) စတိုင်ကို ကျင့်သုံးလာကြတာပါ။

စေ့စပ်ဆွေးနွေးမှုတွေမှာ collab​orating စတိုင် ကျင့်သုံးမှုဟာ ပြဿနာဖြေရှင်းတဲ့နည်းလမ်းကို အသုံးပြုမှုနဲ့ ဆင်တူပါတယ်။ တဘက်နဲ့ တဘက်အကြားက တင်းမာမှုတွေ၊ အကျိုးစီးပွားတွေကို ထည့်သွင်းစဉ်းစားချက် မရှိပဲ ပြဿနာတခုကို ဘယ်လို ဖြေရှင်းကြမလဲဆိုတာကို နှစ်ဘက်စလုံးက စဉ်းစားကြတာဖြစ်ပါတယ်။ Competin​g စတိုင်ကျင့်သုံးမှုကတော့ hard​ bargaining နည်းလမ်း ကျင့်သုံးမှုပါပဲ။ နှစ်ဘက်စလုံးက အပေးအယူ၊ အလျှော့အတင်း ပြုလုပ်လိုခြင်း မရှိကြပါဘူး။ accommodating စတိုင်ကတော့ Competing စတိုင်နဲ့ ဆန့်ကျင်ဘက်ပါ။ ကိုယ့်ဘက်က အကျိုးစီးပွားကို ထည့်သွင်းစဉ်းစားမှုထက် အခြားတဘက်ရဲ့ လိုလားချက်တွေကို ဦးစားပေးခြင်း ဖြစ်ပါတယ်။

avoiding စတိုင်ကတော့ စေ့စပ်ဆွေးနွေးမှုကို တတ်နိုင်သမျှ ရှောင်ကြဉ်ခြင်း ဖြစ်ပါတယ်။ ဘယ်လို ပဋိပက္ခမှာပဲဖြစ်ဖြစ် တဘက်က ဒီလို ရှောင်ကြဉ်တဲ့ နည်းလမ်းကို သုံးလာပြီဆိုရင် တခြားတဘက်က ဘယ်လောက်ပဲ စေ့စပ်ဆွေးနွေးမှု လုပ်ချင်ချင် အောင်မြင်မှာ မဟုတ်ပါဘူး။ လက်ခုပ်ဆိုတာ နှစ်ဘက်တီးမှ မြည်ပါတယ်။ Compromising စတိုင်​ကတော့ နှစ်ဘက်စလုံးက အပေးအယူ၊ အလျှော့အတင်း ပြုလုပ်ကြတာ ဖြစ်ပါတယ်။ ပဋိပက္ခကြီးရင် ကြီးသလောက် ဒီစတိုင်ကို အောင်မြင်စွာ အသုံးပြုနိုင်ဖို့ကလဲ ခဲယဉ်းလှပါတယ်။ ဘယ်လိုပဲဖြစ်ဖြစ် ဒီ စတိုင် ငါးမျိုးလုံးဟာ ပဋိပက္ခဖြေရှင်းရေးနဲ့ စေ့စပ်ဆွေးနွေးမှုတွေမှာ အခြေအနေနဲ့ အချိန်အခါပေါ်မူတည်ပြီး အသုံးဝင်မှုတွေ ရှိပါတယ်။

(ဆက်လက်ဖော်ပြပါမည်)

ခင်မမမျိုး