"အလုပ် ပြောင်းတာလား၊ အလုပ်ရှင် ပြောင်းတာလား "
Cloud Cuckoo Land created the doc:
အလုပ် လုပ်ကြတဲ့လူ အများစု ဟာ အလုပ်တစ်ခုကနေ နောက်တစ်ခု ကို အကြောင်းပြချက် အမျိုးမျိုးနဲ့ ပြောင်းလေ့ရှိကြပါတယ်။ အလုပ် ပြောင်းသွားတယ်လို့ လွယ်လွယ်ကူကူ ပြော ကြပေမဲ့ တကယ်တမ်း စဉ်းစား ကြည့်ရင် အလုပ်ပြောင်းသွားတာ မဟုတ်ဘဲ ကုမ္ပဏီအသစ်ကို ပြောင်း တာက ပိုများပါတယ်။ အလုပ်ပြောင်း တယ်ဆိုတာ ကျောင်းဆရာလုပ်နေ ရင်းက နေ ဆောက်လုပ်ရေး ပြောင်း လုပ်တာမျိုး (Career Change)ကို ဆိုလိုပါတယ်။ကုမ္ပဏီပြောင်းတယ်ဆို တာကတော့ ဒီရုံးကိုမကြိုက်လို့၊ ဒါမှ မဟုတ် ပိုကောင်းတဲ့ ခံစားခွင့်တွေရလို့ နောက်ရုံးတစ်ခုကို ပြောင်းတာဖြစ်ပြီး လုပ်ရတဲ့ လုပ်ငန်းသဘာဝက ခပ်ဆင် ဆင်တူတာမျိုးပါ။ ကုမ္ပဏီပြောင်း တယ်ဆိုတာ တစ်နည်းအားဖြင့်တော့ အလုပ်ရှင်ပြောင်းတာပါပဲ။ ဒီနေရာမှာ အလုပ်ရှင်ဆိုတာ ကိုယ့်အထက်အရာ ရှိ၊ ဌာနမှူးတို့ကနေ ဒါရိုက်တာ၊ မန်နေဂျင်းဒါရိုက်တာ၊ ပိုင်ရှင်အထိကို ခြုံငုံခေါ်ဆိုလိုခြင်းဖြစ်ပါတယ်
(၁) ခေါင်းဆောင်မှု ညံ့ဖျင်းသော အလုပ်ရှင်
အပြောင်းအရွှေ့ လုပ်ကြရတဲ့ လူအများစုဟာ ကိုယ့်ကိုတိုက်ရိုက် အုပ်ချုပ်တဲ့ အရာရှိ (Immediate Supervisor)ရဲ့ အရည်အသွေး ညံ့ဖျင်းမှုကြောင့်နဲ့ ကုမ္ပဏီထိပ်ပိုင်း ခေါင်းဆောင် တွေရဲ့ ပေါ်လစီတွေ ကြောင့်ပဲဖြစ်ပါတယ်။ အဲဒီပုဂ္ဂိုလ်တွေ ဟာ ခေါင်းဆောင်ကောင်းတွေမှာ ရှိသင့်တဲ့ အရည်အသွေးတွေ မရှိဘဲ လက်အောက်ငယ်သားကို ဖိခိုင်းပြီး အထက်အရာရှိ ရှေ့မှာ အလုပ်ကြိုးစားသူသဖွယ် ဟန်ဆောင်တတ်သူတွေ၊ ကိုယ့်ဝန်ထမ်းရဲ့ စွမ်းဆောင်မှုကို အသိအမှတ်မပြုတတ်သူတွေ၊ တိကျ မှန်ကန်တဲ့ ဆုံးဖြတ်ချက်မျိုးချနိုင်စွမ်း မရှိသူတွေဖြစ် တတ်ပါတယ်။ အလုပ်ရှင်၊ အလုပ်သမား အပြန်အလှန်ထား ရှိသင့်တဲ့ လေးစားယုံကြည်မှုတွေကို လည်း ဥပေက္ခာပြုတတ်ကြပါတယ်။ ဒီလူတွေရဲ့ လက်အောက်မှာလုပ်ရတဲ့ အခါ နေ့စဉ်ဆိုသလို စိတ်အနှောင့် အယှက်ဖြစ်ရတာကြောင့် ကုမ္ပဏီ အသစ်ကိုပြောင်းဖို့ ဖြစ်လာတတ် ပါတယ်။
(၂) အပြစ်ရှာတတ်သော အလုပ်ရှင်
ပြီးရမယ့် အလုပ်တွေ အချိန်မီ ပြီးစီးအောင် ကြိုးပမ်းနေတုန်းမှာပဲ ဝေဖန် အပြစ် ရှာတတ်တဲ့ အလုပ်ရှင် တွေကြောင့်လည်း အပြောင်းအရွှေ့ လုပ်ဖို့ တွန်းအားတွေ ဖြစ်ပေါ်လာ တတ်ပါ တယ်။ တချို့အလုပ်ရှင်တွေက ဝန်ထမ်းတွေရဲ့ စွမ်းဆောင်ရည်ကို နောက်ဆုံး ထွက်လာတဲ့ ရလဒ်နဲ့ တိုင်းတာလေ့ရှိပေမဲ့ တချို့ကတော့ နေ့စဉ်ဆိုသလို ဝင်ရောက်ဆူပူနေ တတ်တာ ကြောင့် အလုပ်ခွင်မှာ စိတ် မသက်မသာ ဖြစ်ကြရပါတယ်။
(၃) ဝန်ထမ်းကို အယုံအကြည် နည်းသော အလုပ်ရှင်
နောက်ထပ် စိတ်ပျက်စရာ ကောင်းတဲ့ အလုပ်ရှင် တစ်မျိုးကတော့ ကိုယ့်ဝန်ထမ်းတွေ အကောင်းဆုံး လုပ်ပေးနေတယ်ဆိုတာကို အယုံ အကြည်နည်းတဲ့ အလုပ်ရှင်မျိုးပါ။ အကျိုးဆက် အနေနဲ့ လုပ်ငန်းခွင်မှာ ယုံကြည်မှု လျော့ပါးလာပြီး စွမ်းဆောင် ရည်တွေ ကျဆင်းလာတတ်ပါတယ်။ စကားပြောကြတဲ့အခါမှာလည်း ဆိုလို ရင်းကို နားထောင်ဖို့ထက် အခြား ဘာ ရည်ရွယ်ချက်တွေ (Hidden Agendas)ပါနေလဲလို့ အကဲခတ်ရင်း နားလည်မှုလွဲသထက် လွဲလာတတ် ပါတယ်။ မခံနိုင်ကြတော့တဲ့ အဆုံးမှာ တော့ အလုပ်ရှင်က ဝန်ထမ်းကို အလုပ်ထုတ်ရင် ထုတ်၊ မဟုတ်ရင်လည်း ဝန်ထမ်းက အပြောင်းအရွှေ့ လုပ်ဖို့ စဉ်းစားရပါတော့တယ်။
(၄) ကတိမတည်နိုင်သော အလုပ်ရှင်
တချို့ အလုပ်ရှင်တွေက ဝန်ထမ်းတွေကို ခံစားခွင့်တွေ၊ ဆုကြေးတွေနဲ့ အားကြိုးမာန်တက် အလုပ် လုပ်အောင် ဆွဲဆောင်လေ့ရှိ ကြပါတယ်။ တကယ်တမ်း လိုချင်တဲ့ ရလဒ်ဖြစ်လာတဲ့ အခါ ကတိပေးထားတဲ့ ခံစားခွင့်တွေပေးဖို့ လက်တွန့်နေ တတ်ကြပါတယ်။ ကုမ္ပဏီအရှုံးပြနေလို့၊ ဒေါ်လာဈေးကစားလို့ အစရှိတဲ့ ဆင်ခြေတွေနဲ့ ဝန်ထမ်းတွေရဲ့မျှော်လင့် ချက်တွေကို ဥပေက္ခာပြုတတ်ကြ ပါတယ်။ တစ်ခါတစ်ရံဆိုရင် သည်းခံ ကြပေမဲ့ အမြဲတမ်းလိုလို ကတိပျက် လာတဲ့အခါတော့ ဝန်ထမ်းတွေလည်း စိတ်ပျက်ကြရပါတယ်။ ဒါကြောင့် ဝန်ထမ်းတစ် ယောက် ကိုယ့်ကုမ္ပဏီကို စွန့်ခွာသွားတာ ဘာကြောင့်လဲဆိုတာ သိသင့်ပါတယ်။
Human Resources ဌာနကို စနစ် တကျ ထည့်သွင်းဖွဲ့စည်းထားတဲ့ ကုမ္ပဏီတွေမှာဆိုရင်တော့ Exit Interview လို့ခေါ်တဲ့ အလုပ်ထွက်တဲ့အခါ ဘာကြောင့်ထွက်ပါတယ်၊ ဘာ တွေ တော့ဖြင့် ပြောင်းလဲသင့်ပါတယ် စတဲ့အကြောင်းတွေကို ရှင်းပြအကြံ ပေးရတဲ့ အင်တာဗျူး ရှိကြပါတယ်။
အတိုင်းအတာတစ်ခုအထိ အကျိုးရှိပေမဲ့ ဘာကြောင့် ဒီကုမ္ပဏီက ထွက်တယ် ဆိုတာကိုတော့ အမှန် အတိုင်းပြောခဲကြပါတယ်။ တစ်ခါတစ်ရံတော့ ကိုယ်ရေးကိုယ်တာ အကြောင်းပြချက်နဲ့ ထွက်ကြရပေမဲ့ အလုပ်ရှင်ကို မကြိုက်လို့၊ အလုပ်ရှင်နဲ့ အဆင်မပြေလို့ ထွက်ကြရတဲ့လူတွေလည်း မနည်းပါဘူး။ ဒါကြောင့် ကုမ္ပဏီက ထွက်တဲ့ လူတိုင်းဟာ သူတို့ကိုယ်ပိုင်အကြောင်း ပြချက်ကြောင့်ချည်းပဲ မဟုတ်ဘဲ အုပ်ချုပ်သူတစ် ယောက် အနေနဲ့ရော တာဝန်ကျေရဲ့လား၊ ပေးထားတဲ့ ကတိတွေ တည်ရဲ့လား၊ အားကိုးလောက်တဲ့ အလုပ်ရှင်ဟုတ်ရဲ့လား ဆိုတာတွေဟာလည်း အချိန်ပြည့်ပြန် ဆန့်စစ်နေရမယ့် အချက်တွေဖြစ်ကြောင်း တင်ပြလိုက်ရပါတယ်။
အေးချမ်း(သံလွင်)
0 comments:
Post a Comment