သမီး ကျောင်းတက်ချင်တယ် ဖေဖေ . . .

D.မင်း၊ ဇင်သီဟန် ရေးသားသည်။

''သမီးလေး ကျောင်းအပ်ချင်လို့ပါ...
ဒါပေမဲ့ဗျာ...''
    ငါးနှစ်အရွယ် သမီးငယ်ရဲ့ လက်ကိုဆွဲရင်း ကျောင်းဝင်းထဲကထွက်လာသည့် ကိုဟန်ဝင်း(နာမည် လွှဲ)အသံက တုန်ယင်နေသည်။
    ''ကျွန်တော်က ဆင်းရဲပေမယ့် ကိုယ့်သားသမီး ကို ပညာတတ်ကြီးတစ်ယောက်ဖြစ်စေချင်တယ်။ ဒါပေမဲ့ ကျောင်းဝင်ကြေးက မတက်နိုင်ဘူးလေ''ဟု သူ၏စကား ကို ဆက်လိုက်သည်။
    ကျောင်းဝင်းထဲ တဖွဲဖွဲဝင်ရောက်လာသော မိဘနှင့် ကလေးငယ်များကိုကြည့်ရင်း ကိုဟန်ဝင်းရင်ထဲ ဆို့နင့်နေသည်။


    ''ကျွန်တော်က စပယ်ယာလိုက်တယ်။ ကား မထွက်တဲ့ရက်ဆိုရင်ပိုက်ဆံမရဘူး။ ရတဲ့နေ့ကလဲ မိသားစု လောက်ရုံပဲ။ ဒါကြောင့် မိန်းမက အပိုဝင်ငွေလေးရ အောင် အရပ်ထဲအ၀တ်လိုက်လျှော်တယ်။ ခုလို မိုးရာ သီဆိုတော့ ကျောင်းအပ်ရမယ့်အချိန်၊ အိမ်ပြင်ရမယ့် အချိန် ဆုံကျနေတော့ ကျောင်းအပ်ဖို့ပိုခက်သွားတာပေါ့'' ဟု သူက ရှင်းပြသည်။
    ''ဒီကျောင်းက အောင်ချက်ကောင်းတယ်။ စည်းကမ်းရှိတယ်ဆိုပြီး မိဘတိုင်းက သူတို့ရဲ့သားသမီး တိုင်းကို တက်စေချင်ကြတယ်။ ဒါကြောင့်လဲ ဒီကျောင်း ကို လာအပ်တာပါ။ ဒါပေမဲ့ သူတို့လို ကျွန်တော်က ငွေကြေးမတတ်နိုင်ဘူးလေ''ဟု ကျောင်းအပ်ကောင် တာတွင် စုဝေးနေသောမိဘနှင့် ကျောင်းတက်ရတော့ မည့်ကလေးငယ်များကို လှမ်းကြည့်ရင်း ဆို့နင့်စွာဖြင့် ပြောလိုက်သည်။
တွေ့နေကျမြင်ကွင်း
     ယင်းသည် မကြာသေးမီက ရန်ကုန်တိုင်း ဒေသကြီးအတွင်းရှိ ကျောင်းတစ်ကျောင်းတွင် ဖြစ်ပွားခဲ့ သော ဖြစ်စဉ်တစ်ခုဖြစ်သည်။ ယခုလို ကျောင်းအပ်ရာသီ တွင် အဆိုပါကျောင်းအပါအ၀င် ကျောင်းအချို့တွင် တွေ့မြင်နေကျမြင်ကွင်းများဖြစ်သည်။
    မြန်မာနိုင်ငံတွင် အမျိုးသားပညာရည်မြင့်မား ရေးအတွက်  နှစ် ၃၀စီမံကိန်းကို ချမှတ်အကောင်အ ထည်ဖော်နေသည်။ ယင်းတွင် မသင်မနေရပညာရေး စနစ် အခမဲ့ပညာရေးစနစ်လည်း ပါဝင်နေပေသည်။ သို့ ရာတွင် အဆိုပါစနစ်များကို လက်တွေ့ကျကျ ချဉ်းကပ် ကြည့်ရာတွင် အထက်ပါသရုပ်သကန်မျိုးကို တွေ့မြင် နေရဆဲဖြစ်သည်။
    မြန်မာနိုင်ငံတွင် အခြေခံပညာကျောင်းပေါင်း ၄၀၉၀၀ကျော်ဖွင့်ခဲ့ပြီး ဆရာ၊ ဆရာမဦးရေ ၂၇၄၀၀၀၊ ကျောင်းသား၊ ကျောင်းသူ  ၈ဒသမ၀၅သန်းကျော်ရှိသည်။ ကျောင်းသားရာခိုင်နှုန်း ၇၀သည် ကျေးလက်ဒေသတွင် ရှိသည်။ မသင်မနေရပညာရေးစနစ်ကို ဖော်ဆောင်နေ ပြီး အခမဲ့ပညာသင်ကြားရေးစနစ်ကို ချမှတ်ထားသည်။ မူလတန်းအဆင့် အသားတင်ကျောင်းနေနှုန်း  ၉၈ဒသမ ၃၇ရာခိုင်နှုန်း ရှိသည်။
အခမဲ့ပညာရေးစနစ်
ဘာကြောင့် စင်းလုံးမချောသေးလဲ

    ဘာကြောင့် အခမဲ့ပညာသင်ကြားရေးစနစ် စင်းလုံးမချောရသနည်း။ ဘာကြောင့် ကျောင်းဝင်ခွင့် တွေ ပေးနေရသည်။ ယင်းကို ပြည်သူ့ရေးရာမူဝါဒဘာသာရပ်ကို လေ့လာခဲ့သူတစ်ဦးက ယင်းဖြစ်စဉ်ကို ယခုလိုရှုမြင်ပြသည်။
ပလေယာလေးယောက်

    ''အဓိကPlayer ကတော့ (၁) အစိုးရ၊ (၂) ၀န်ထမ်း၊ (၃) အင်န်ဂျီအို၊ (၄) မိဘ ဆိုပြီး ခွဲထုတ်ပြောနိုင် တယ်။
    အစိုးရက ပညာရေးဘတ်ဂျက်ကို အလုံ အလောက် ချမပေးနိုင်ဘူး။ ဒါကြောင့်လဲ ပညာရေး ၀န်ထမ်းတွေမှာ လစာမလုံလောက်ဘူး။ ကျောင်းပစ္စည်း တွေ မပြည့်စုံဘူး။ အစိုးရဘက်ကအားနည်းရင် နိုင်ငံ တကာမှာ အင်န်ဂျီအိုတွေက တစ်ဖက်က အားဖြည့်ပြီး ၀န်ထမ်းတယ်။ ဒီမှာ အင်န်ဂျီအိုတွေ များများစားစား မပေါ်သေးဘူး။ ခုလို လစ်ဟာနေတဲ့ကွက်လပ်ကို ၀င် မဖြည့်နိုင်ဘူး။ နောက်ဆုံးက မိဘပေါ့။ မိဘက ဆင်းရဲ တယ်။ စားဝတ်နေရေးမဖူလုံတော့ သားသမီးပညာရေး ကို မတတ်နိုင်ဘူး''ဟု ယင်းအမြင်ကို ချပြသည်။
    မြန်မာနိုင်ငံသည် ပညာရေးကဏ္ဍတွင် နိုင်ငံ ၏ ဂျီဒီပီလေးရာခိုင်နှုန်းကိုသာ ဖြည့်ဆည်းပေးနိုင်သည်။
    ''တိုးတက်တဲ့နိုင်ငံတွေကိုကြည့်ရင် ပညာရေး ကို အလေးပေးတယ်။ အစိုးရကလဲ ဘတ်ဂျက်တွေကို တခြားကဏ္ဍတွေထက်ပိုချပေးကြတယ်''ဟု ယင်းက ဆက်ပြောသည်။
ဘတ်ဂျက်

    ''အခမဲ့ပညာရေးစနစ်ကို အကောင်အထည် ဖော်ရာမှာ တစ်အချက်အနေနဲ့လိုအပ်တာက လုံလောက် ပြီး ထိရောက်တဲ့ပညာရေးအသုံးစရိတ်ငွေတွေကို တရား ၀င် ချထားပေးဖို့၊ နှစ်အချက်က ခွင့်ပြုလိုက်တဲ့ငွေကြေး ပမာဏကို သက်ဆိုင်ရာခေါင်းစဉ်အလိုက် အလေအလွင့် မရှိဘဲ သုံးစွဲနိုင်ဖို့၊ အဲဒီမှာ မသမာမှုတွေ၊ အလွဲသုံးစားပြု မှုတွေ၊ လာဘ်ပေးလာဘ်ယူမှုတွေမရှိရအောင်လဲ လုပ် ဆောင်ရမှာပါ။ ချပေးလိုက်တဲ့ဘတ်ဂျက်က သက်ဆိုင် ရာ လက်ခံမယ့်ကလေးတွေလက်ထဲကို သက်ဆိုင်ရာ ခေါင်းစဉ်အလိုက် အပြည့်ရောက်သွားဖို့ပေါ့''ဟု ပညာရေး အတိုင်ပင်ခံဒေါက်တာစိုးဝင်းဦးက မှတ်ချက်ပေးသည်။
ဘ၀တူတွေ

    ''ကျွန်တော်တို့ရပ်ကွက်ထဲမှာ ကျွန်တော့်လို ဘ၀တူမိဘတွေ အများကြီးပါ။ သူတို့လဲ ကျွန်တော့်လို ပါပဲ။ သူတို့ရဲ့သားသမီးတွေကို ကျောင်းထားချင်ကြမှာ ပဲ။ ဒီကျောင်းတွေမှာတက်မရရင် အခမဲ့သင်တဲ့ကျောင်း တွေဆီ ထားရမှာပဲ''ဟု ကိုဟန်ဝင်းက အခြားနည်းလမ်း တစ်ခုကို ချပြသည်။
    ''အခမဲ့ပညာရေးဆိုတာ ကျောင်းနဲ့ပတ်သက် ပြီး ကျောင်းဝင်ကြေးတို့၊ မိဘဆရာအသင်းကြေးတို့၊ ကျောင်းလခတို့၊ ပညာသင်ကြားဖို့လိုအပ်တဲ့ပစ္စည်းပစ္စယ တို့ စတဲ့ ကျောင်းသားဘက်ကပေးရမယ့် ကုန်ကျစရိတ် တွေ အကုန်လုံး လုံးဝပေးစရာမလို''ဟု ဒေါက်တာစိုး ၀င်းဦးက ဆိုသည်။
    ပညာရေးစီမံကိန်းနှင့် လေ့ကျင့်ရေးဦးစီးဌာန မှ ညွှန်ကြားရေးမှူးချုပ်ဦးဘိုဝင်းက ''ဒီနှစ်မှာ မူလတန်း ကို မသင်မနေရပညာရေးအဖြစ် လုပ်ဆောင်နေပါပြီ။ မူလတန်းကလေးတွေအနေနဲ့ ကျောင်းဝင်ကြေး၊ မိဘ ဆရာအသင်းကြေး၊ ဗှူကြေးတွေ ပေးစရာမလိုပါဘူး။ ပုံမှန်အတိုင်းကတော့ ဒီအတွက်တွေကို ကောက်ခံပါ တယ်။ ကျန်တဲ့ အလယ်တန်း၊ အထက်တန်းကျောင်းသား တွေမှာလဲ လုံးဝမတတ်နိုင်ခဲ့ဘူးဆိုရင်တော့ ဒီကြေးတွေ ကောက်ခံမှာမဟုတ်ပါဘူး''ဟု ရှင်းပြသည်။
    အခမဲ့မူလတန်းပညာရေးစနစ် စီမံဆောင် ရွက်သဖြင့် မူလတန်းအဆင့် ကျောင်းသား၊ ကျောင်းသူ ၅ဒသမ၅သန်းကျော်အကျိုးခံစားနေရသည်ဟု ပညာရေး ၀န်ကြီးဌာနမှထုတ်ပြန်သောကိန်းဂဏန်းများအရ သိရ သည်။
အစိုးရသစ်က လုပ်ပေးနိုင်မယ်
    မကြာသေးမီက ကျင်ပပြီးစီးခဲ့သော လွှတ် တော်တွင်လည်း ပညာရေးကဏ္ဍကို ထည့်သွင်းဆွေးနွေး ခဲ့ကြသည်။
    ''အခုဆို လွှတ်တော်မှာလဲ ပြောဆိုခဲ့ကြတာ တွေ့ရတယ်။ မူလတန်းကိုပဲ အခမဲ့ပညာရေးလုပ်ပေး နိုင်ဦးမယ်။ အလယ်တန်းဆိုတာ ဝေးပါသေးတယ်လို့ ပြောပါတယ်။ ဒါတော့မှန်ပါတယ်။ အခြေခံပညာအဆင့် အထိ မသင်မနေရအခမဲ့ပညာရေးစနစ်ကို နိုင်ငံတော်က လုပ်ပေးနိုင်ရင်တော့ ရေရှည်မှာ အကောင်းဆုံးပေါ့။ ဘတ်ဂျက်ဆိုတာ နေရာတိုင်းမှာ မျှဝေသုံးစွဲရပေမယ့် ပညာရေးအသုံးစရိတ်တွေကို အစိုးရအသစ်က လုပ်ပေး နိုင်မယ်လို့ မျှော်လင့်ပါတယ်''ဟု ဒေါက်တာစိုးဝင်းဦးက ပြောသည်။
    ''ကျောင်းသူ၊ ကျောင်းသားတွေ၊ မိဘတွေရဲ့ စိတ်ထဲမှာ အစိုးရပြောင်းပြီဆိုရင် မျှော်လင့်ကြမှာပါပဲ။ ဘာတွေပိုသက်သာသွားမလဲ။ ဘာတွေဖြစ်လာနိုင်မလဲ ဆိုပြီး မျှော်လင့်ကြမှာပဲ။ ဒီမိုကရေစီအစိုးရဆိုတာ အရင် အစိုးရတွေနဲ့မတူဘူးဆိုတာ သိချင်နေကြပါတယ်။ မိဘ တွေဆိုရင် ဒီလိုကျောင်းဖွင့်ချိန်နီးရင် ပိုဆိုးတယ်။ ပိုပြီး မျှော်လင့်ကြပါတယ်။ အစိုးရသစ်ရဲ့ပွဲဦးထွက်မှာပဲ အား လုံးရဲ့ရင်ထဲမှာ စိတ်ချမ်းသာစရာတွေ၊ အဆင်ပြေမှုတွေ၊ သောကကြောင့်ကြဗျာပါဒဝေးမှုတွေ ဘယ်လောက်ရှိ မလဲဆိုတာ ကျောင်းဖွင့်ချိန်လေးကိုချိန်ထိုးပြီး မျှော်လင့် နေကြမှာပါ''ဟု ယင်းကဆက်ပြောသည်။
သမီးကျောင်းတက်ချင်တယ် ဖေဖေ
    ကျောင်းဝင်းမှထွက်လိုက်သည်နှင့် မိုးတွေ က တဖွဲဖွဲရွာနေသည်။ မိုးဖွဲများက ကိုဟန်ဝင်းရင်ထဲက အပူမီးကို ကူပြီး ငြှိမ်းသတ်မပေးနိုင်။
    သူ့ရဲ့လက်ကိုလှမ်းဆွဲလိုက်သော သမီးငယ် ရဲ့ စကားသံကြောင့် ကိုဟန်ဝင်းခြေလှမ်းများ ပေတစ်ရာ လမ်းမပေါ်တွင် တုံ့ဆိုင်းသွားလေတော့သည်။
     ''သမီးကျောင်းတက်ချင်တယ် ဖေဖေ''

Cloud Cuckoo Land