ပျော်ရွှင်မှုနှင့်ဆက်စပ်နေသောအချက်များ

by Cloud Cuckoo Land on Tuesday, September 18, 2012 at 11:19pm 

လူတွေဟာ ဘ၀ကို ပျော်ပျော်ရွှင်ရွှင် နဲ့ ဖြတ်သန်းလိုကြတယ်။ ဒါပေမဲ့ လူတိုင်း ဘ၀မှာ ပျော်ရွှင်မှုမရကြ ပါဘူး။ ပျော်ရွှင်မှု ဆိုတာကလည်း မှန်ကန်တဲ့ ပျော်ရွှင်မှုဖြစ် ဖို့ အရေးကြီးပြန်တယ်။ ပျော်ရွှင်မှုနဲ့ ပတ် သက်ပြီး လေ့လာသုံးသပ်ချက်တွေထဲက အောက်မှာ ဖော်ပြထားတဲ့အချက် ဆယ် ချက်က အရေးပါ အရာရောက်တယ်လို့ ဆိုပါတယ်။

အဲဒီအချက်(၁၀)ချက်က

(၁) ချမ်းသာကြွယ်ဝခြင်း

(၂) လိုအင်ဆန်္ဒ

(၃) အသိဉဏ်ပညာ

(၄) မျိုးရိုးဗီဇ

(၅) လှပနှစ်လိုဖွယ်ရှိခြင်း

(၆) မိတ်ဆွေအပေါင်းအသင်းဖြစ်မှု

(၇) လက်ထပ်ထိမ်းမြားခြင်း

(၈) ယုံကြည်ကိုးကွယ်မှုဘာသာ တရား

(၉) သနားကြင်နာမှု

(၁၀) အသက်အရွယ်တို့ဖြစ်ကြ ပါတယ်။

ချမ်းသာကြွယ်ဝမှုဆိုတာက ပျော်ရွှင် မှုရဲ့ အဆင့်တစ်ခုကို ၀ယ်ယူနိုင်တဲ့ အရာ ဖြစ်တယ်။ စားဖို့ အစားအစာ၊ ၀တ်ဖို့ အ၀တ်အထည်၊ နေထိုင်ဖို့ အိုးအိမ်ဆိုတာ တွေကို ၀င်ငွေရှိမှပဲြ ဖည့်ဆည်းနိုင်မှာ ဖြစ် ပါတယ်။ ဘယ်အချိန်မှာပဲဖြစ်ဖြစ်၊ ဘယ် နေရာမှာပဲဖြစ်ဖြစ် အဲဒီအချက်ကို ရှာဖွေ တွေ့ရှိနိုင်မှာဖြစ်ပါတယ်။ ငွေကြေးနဲ့ ပျော်ရွှင်မှုရဲ့ ကြားမှာလည်း ရှုပ်ထွေးတဲ့ ဆက်သွယ်မှုတော့ ရှိနေပြန်တယ်။ အခြေခံ လိုအပ်ချက်တွေကို ငွေကြေးနဲ့ ဖြည့်ဆည်းနိုင်တယ်။ တိုးတက်မြင့်မားမှု ကို လှမ်းကိုင်နိုင်ဖို့ကလည်း ငွေကြေးက အထောက်အကူဖြစ်တယ်။ မိတ်ဆွေ သူငယ်ချင်းတွေနဲ့ ဒီ့ပြင်လူတွေကို အကူ အညီပေးဖို့ကိုလည်း ငွေကြေးက စွမ်း ဆောင်နိုင်တယ်။ ငွေကြေးချမ်းသာကြွယ်ဝ မှုက အများအားဖြင့် ပျော်ရွှင်မှုကို ရယူနိုင် တဲ့ အရာဖြစ်ပါတယ်။

စမ်းသပ်လေ့လာတွေ့ရှိချက်တွေက လိုအင်ဆန်္ဒကလည်း ပျော်ရွှင်မှုကို ဖြည့် ဆည်းပေးနိုင်တဲ့ အရာတစ်ခုဖြစ်တယ် ဆိုတာတွေ့ရတယ်။ အာသီသပြင်းပြတယ် ဆိုတာက ငွေကြေးတစ်ခုတည်းမဟုတ်ပါဘူး။ မိတ်ဆွေတွေအတွက် အာသီသပြင်းပြတဲ့ လိုအင်ဆန်္ဒတွေက ပျော်ရွှင်မှုကို ဆောင် ကျဉ်းပေးနိုင်ပါတယ်။ မြန်မာစကားပုံ တစ်ခုရှိပါတယ်။ “ရလေလိုလေအိုတစေ်္ဆ” တဲ့၊ အဲဒါက အာသီသပြင်းပြမှုလိုအင်ဆန်္ဒ ကို ဖော်ညွှန်းတာပဲဖြစ်တယ်။ လိုအင်ဆန်္ဒ ပြင်းပြသူတွေဟာ အဲဒီလိုအင်ဆန်္ဒကို ဖြည့် ဆည်းပေးနိုင်ဖို့ ကြိုးစားရင်း ပျော်ရွှင်နေ တတ်ကြပါတယ်။

အသိဉဏ်ပညာကလည်း ပျော်ရွှင်မှု နဲ့ဆက်စပ်နေပြန်တယ်။ လိမ္မာပါးနပ်တဲ့ သူတွေဟာ ပိုပြီးတော့ ပျော်ရွှင်မှုရှိတာကို တွေ့ရတယ်လို့ဆိုတယ်။ အသိဉဏ်ပညာ ရှိတဲ့ သူတွေအနေနဲ့ မြင့်မားတဲ့ မျှော်လင့် ချက်တွေကို ထားရှိတတ်ပြီး မြင့်မားတဲ့ ဘ၀အခြေအနေကို ရောက်အောင်ကြံစည် တတ်ကြတယ်။ လူမှုရေးနဲ့သက်ဆိုင်တဲ့ အသိဉဏ်ပညာက ပျော်ရွှင်မှုအတွက် စစ်မှန်တဲ့ သော့ချက်တစ်ခုဖြစ်ပါတယ်။

တချို့သော သူတွေက ပျော်ရွှင်စွာနဲ့ မွေးဖွားလာကြတယ်။ တချို့သူတွေကြ တော့လည်း ပျော်ရွှင်မှုကင်းမဲ့ပြီး မွေးဖွား လာကြတယ်။ မျိုးရိုးဗီဇနဲ့ပတ်သက်တဲ့ ပညာရှင်အတော်များများက ဘ၀နေထိုင် မှုရဲ့ ထက်ဝက်က မျိုးရိုးဗီဇနဲ့သက်ဆိုင်မှု ရှိတယ်လို့ ယုံကြည်ကြတယ်။ ပျော်ရွှင်မှု နဲ့ပတ်သက်ရင်လည်း မျိုးရိုးဗီဇက ကျယ် ပြန့်စွာ ပြဋ္ဌာန်းထားတယ်လို့ဆိုပါတယ်။ ရိုးရိုးရှင်းရှင်းဆိုရရင်တော့ ပျော်ပျော်နေ တတ်တဲ့ သဘာဝရှိသူတွေဟာ ပျော်ရွှင်ကြ ရတာပါပဲ။

လှပတဲ့ ရုပ်အဆင်းအင်္ဂါပိုင်ဆိုင် ထားသူ၊ နှစ်လိုဖွယ်ရှိတဲ့သူ၊ ကြည့်ပျော် ရှုပျော်ရှိတဲ့သူတွေဟာ ပိုမိုပြီးပျော်ရွှင်မှု ရှိတာကို လေ့လာတွေ့ရှိရပြန်တယ်။ ရုပ် အဆင်းအင်္ဂါရပ်အနေနဲ့ ဆွဲဆောင်မှုရှိတဲ့ သူတွေက ပျော်ရွှင်မှုရှိတတ်ကြတယ်တဲ့။ လှပခြင်းဆိုတာက ဘ၀ရဲ့ အရည်အချင်း တစ်ခုပါပဲ၊ ဆွဲဆောင်မှုရှိတဲ့ မျက်နှာပြင်က မြင့်မားတဲ့ အချိုးအစားကိုက်ညီမှုဖြစ် တယ်။ အဲဒီတော့ ကိုယ့်ကိုယ်ကိုယ် ကြည့် ကောင်းအောင် ၀တ်စားနေထိုင်သင့်တယ်။

မိတ်ဆွေအပေါင်းအသင်းဖြစ်မှုက လည်း ပျော်ရွှင်မှုအတွက် အရေးပါတဲ့ အချက်တစ်ခုပါပဲ။ တချို့ တချို့သော ဆင်းရဲနွမ်းပါးသူတွေအနေနဲ့ ပျော်ရွှင်မှု ရှိတာကို တွေ့ရတယ်။ အကြောင်းရင်း ကတော့ အချင်းချင်း ရိုင်းပင်းကူညီပြီး မိတ်ဆွေဖြစ်နေကြတဲ့ အတွက်ပါ။ အဖွဲ့ အစည်း အသင်းအပင်းတွေထဲမှာ ပါဝင် ဆောင်ရွက်ပြီး မိတ်ဆွေအပေါင်းအသင်း တိုးပွားလာနိုင်ပါတယ်။ ““ကိုင်း ကျွန်းမှီ၊ ကွန်းကိုင်းမှီ””နေထိုင်ဆက်ဆံကြပြီး ပျော် ရွှင်မှုကို တည်ဆောက်နိုင်တယ်။

လက်ထက်ထိမ်းမြားမှုကလည်း ပျော် ရွှင်မှုနဲ့ဆက်သွယ်နေတဲ့ အချက်တစ်ခုပါပဲ။ လေ့လာတွေ့ရှိချက်တွေက အိမ်ထောင် သည်တွေဟာ လူပျိုအပျိုတွေထက် ပိုပြီး တော့ အသက်ရှည်ကြတယ်တဲ့။ သေသေ ချာချာ စဉ်းစားကြည့်ရင် တစ်ကိုယ်တည်း အထီးကျန်သူတွေအနေနဲ့ အနည်းနဲ့ အများ ဆိုသလို ပျော်ရွှင်မှုဆိတ်သုဉ်းနေ တာပါပဲ။

ယုံကြည်မှု၊ ကိုးကွယ်မှု ဘာသာ တရားကလည်း စိတ်ချမ်းမြေ့မှု၊ ပျော်ရွှင်မှု ကိုဖြစ်စေနိုင်တဲ့ အရာလို့ လေ့လာသိရှိရ ပြန်တယ်။ ဘာသာတရားမရှိတဲ့ သူတွေ အနေနဲ့ ““အကွပ်မဲ့ကြမ်း ပရမ်းပတာ””ဆို သလိုဖြစ်တတ်ပြီး အများအားဖြင့် စိတ် မချမ်းမြေ့မှုတွေကို ကြုံတွေ့ရကာ ပျော်ရွှင် မှုနည်းပါးကြတာကို တွေ့ရှိရတယ်။ ဘာသာတရားအနေနဲ့ လူမှုရေးအရအပြန် အလှန်ဆက်သွယ်မှုရှိခြင်း၊ အထောက် အပံ့ဖြစ်စေခြင်းတို့ကို တည်ရှိစေပါတယ်။ စိတ်ကျေနပ်မှုကိုလည်း ဘာသာတရား ယုံကြည်မှုကနေဖြစ်ပေါ်စေပါတယ်။

လေ့လာမှုများစွာတွေထဲက တွေ့ရှိရ တဲ့ အချက်တစ်ခုကတော့ ပျော်ရွှင်မှုနဲ့ ပရဟိတ၀ါဒ ဆက်စပ်နေတာပါပဲ။ ပရ ဟိတ ၀ါဒဆိုတာက ကိုယ့်အကျိုးထက် သူများအကျိုးကို ဦးစားပေးလုပ်ကိုင် ဆောင်ရွက်တာပါ။ အဲဒါကလည်း သနား ကြင်နာမှုကနေ မြစ်ဖျားခံလာတာဖြစ် ပါတယ်။ ““အများအကျိုးဆောင် ကိုယ့် အကျိုးအောင်””ဆိုသလို တခြားသူတွေကို ကူညီ လုပ်ကိုင်ပေးခြင်းအားဖြင့် ကိုယ့်ရဲ့ ပျော်ရွှင်မှုကိုလည်း ဖြစ်ပေါ်လာစေ ပါတယ်။

အသက်အရွယ် ကြီးပြင်းလာတာဟာ ဆိုးရွားတဲ့ အချက်မဟုတ်ပါဘူး။ အသက် အရွယ်ကြီးရင့်လာလေလေ၊ အတွေ့အကြုံ များလေလေ အတွေ့အကြုံထဲကနေ သင်ခန်းစာယူလာတတ်ပြီး ဆင်ခြင်တုံ တရားကို ပွားများစေပါတယ်။ အသက် အရွယ်ကြီးရင့်လာသူ အများစုဟာ အကောင်းမြင်စိတ်ပိုများလာတယ်လို့ လေ့လာ တွေ့ရှိရပါတယ်။ အကောင်းမြင် စိတ်များပြားလာတာဟာ ပျော်ရွှင်မှုရဲ့ လမ်းစပါပဲ။ ပန်းတိုင်အစစ်အမှန်ကိုလည်း တွေ့မြင်လာတတ်ကြတယ်။ အမှန် တကယ် နားလည်ရုံမကဘဲ ဖြစ်နိုင်ခြေ ရှိတာတွေကို မှန်းဆတတ်လာပါတယ်။ အသက်အရွယ်ကြီးရင့်လာချိန်မှာ ရရှိတဲ့ ပျော်ရွှင်ချမ်းမြေ့မှုက ပိုပြီးတော့ တည်မြဲ တာကိုလည်း တွေ့ရတယ်။

အထက်က ဖော်ပြခဲ့တာတွေက တော့ ပျော်ရွှင်မှုနဲ့ပတ်သက်တဲ့ နှီးနွှယ် ဆက်စပ်မှုတွေပါ။ မြန်မာစကားပုံရှိ ပါတယ်။ ““ပျော်ပျော်နေသေခဲ””တဲ့၊ စစ်မှန် တဲ့ ပျော်ရွှင်မှုနဲ့ ဆုံတွေ့ကြရပြီး စိတ်ချမ်း သာ ကိုယ်ကျန်းမာရှိနိုင်ကြပါစေ။ 

written by သူရထိုက်

အခွင့်အလမ်း