ဒေါက်တာနိုင်အောင်ရဲ့ မြန်မာပြည် ခရီး

မေသင်္ကြန်ဟိန်(မြစ်မခ)
စက်တင်ဘာ ၇၊ ရန်ကုန်မြို့။          

စက်တင်ဘာလ ၅ ရက်နေ့ နံနက် ၁၁ နာရီလောက်မှာ ကျမတို့ရဲ့ မြစ်မခ သတင်းထောက် ထွန်းနေအောင်က  ဖြုန်းကနဲ ရောက်လာပြီး ပြောတယ်။

`ဒေါက်တာနိုင်အောင်က စမ်းချောင်းက သူ့အမေအိမ်မှာ ခုရှိနေတယ်လို့ကြားတယ်အမ အဲဒါကျနော်သွားဗျူးမလို့`လို့ လာပြောတော့ ကျမက အမလည်း လိုက်မယ် ခဏ ဆိုပြီး လုပ်လက်စ အလုပ်တွေကို ခဏထားခဲ့ပြီး ဒေါက်တာနိုင်အောင်ရဲ့ မိခင်နေထိုင်ရာ စမ်းချောင်းမြို့နယ် ဆီကို ထွက်လာခဲ့ကြပါတယ်။

ကားပေါ်မှာ ထွန်းနေအောင်က သူ့မှာလည်း မေးချင်တဲ့မေးခွန်းရှိတယ်၊ အမမေးပြီးရင် သူမေးချင်တယ်လို့ပြောတယ်။ ကျမကလည်း ကောင်းတယ်မေးပါ၊ ဘာဖြစ်လို့မေးချင်တာလဲလို့ ထပ်မေးတော့သူက ဖြေတယ်။ မြောက်ပိုင်းကိစ္စနဲ့ပတ်သက်ပြီး သူ ဘယ်လိုဖြေမလဲ ဆိုတာ ကျနော်သိချင်တယ် လို့ပြောတယ်။

ဒေါက်တာ နိုင်အောင်ဆိုတာ ကျမတို့ မြန်မာပြည်က သိနေတာကတော့ ABSDF မြောက်ပိုင်းမှာ ၁၉၉၂ ခုနှစ်လောက်တုန်းက ကျောင်းသားတွေ အချင်းချင်းသတ်ခဲ့ရတဲ့ အဖွဲ့ရဲ့ တာဝန်ရှိသူတယောက်အနေနဲ့ ကြားခဲ့သိခဲ့ရတယ်။

သူ့ရဲ့ နိုင်ငံရေးသမိုင်းကြောင်းထက် ခုချိန်မှာ မြောက်ပိုင်းကိစ္စက အထူးသဖြင့် လူငယ်တွေပိုပြီး စိတ်ဝင်စားနေကြတယ်လို့
ကျမထင်တယ်။

မြစ်မခမက ကျမ၊ ထွန်းနေအောင်၊ မြတ်မိုးကျော်တို့သုံးယောက်သား တိုက်အောက်မှာ အခန်းနံပတ်မသိလို့ ဟိုဟိုဒီဒီရှာကြရပါတယ်။

ဟိုအခန်းဖြစ်မလား ဒီအခန်းဖြစ်မလား စမ်းတ၀ါးဝါးဖြစ်နေတဲ့ကျမတို့ ၃ယောက်နားကို အကျီာင်္အဖြူဝတ်ထားတဲ့ ဟန်းဖုန်းကိုင်ထားတဲ့ အမျိုးသားတဦးရောက်လာပြီး ဒေါက်တာနိုင်အောင်တို့ အခန်းကို ရှာနေတာလားလို့ လာမေးပါတယ်။

ကျမက ဟုတ်ပါတယ်လို့ ဖြေတော့၊သူကလည်း ခပ်တည်တည်နဲ့ ဘာကိစ္စလဲ ခင်ဗျာ့လို့ ဆက်မေးပါတယ်။ကျမဘ၀မှာ အဖေနိုင်ငံရေးသမားကို မကြာခဏလာခေါ်တတ်ကြတဲ့ သူတွေကို မြင်ဖူးတွေ့ဖူးထားခဲ့တော့ ဒီလူတွေက ဘယ်သူတွေလဲ ဆိုတာ ကျမ ရိပ်မိလိုက်ပါပြီ။

ကျမရဲ့ လိပ်စာကဒ်ကို ထုတ်ပေးလိုက်ပြီး ကျမက မြစ်မခမီဒီယာက သတင်းထောက်တွေဖြစ်ကြောင်း ပြောရပါတယ်။

သူကကျနော့်နောက်လိုက်ခဲ့ပါလို့ပြောပြီးတိုက်တတိုက်ရဲ့ လှေကားထစ်တွေဆီကိုဦးဆောင်ပြီး ခေါ်သွားပါတယ်။ လှေခါးထောင့် တထောင့်ရဲ့ အဆစ်ချိုးတခု၊ အခန်းရှေ့နားမှာ အသားလတ်လတ်၊ စာကြည့်မျက်မှန်ကို နဖူးပေါ်ပင့်တင်ထားတဲ့၊ အကျီာင်္အဖြူနဲ့ ယောပုဆိုးအပြာရောင် ၀တ်ထားတဲ့ အမျိုးသားတယောက်က လှေကားထိပ်ကနေ ကျမတို့ကို လှမ်းရင်း စီးကြည့်ပါတယ်။

 အဲဒီလူကတော့ ကျမတို့ တွေ့ဆုံခွင့်ရဖို့ ကြိုးစားနေတဲ့ ဒေါက်တာ နိုင်အောင်ပဲ ဖြစ်ပါတယ်။

ကျမက ဒေါက်တာ နိုင်အောင်ကို အပြင်မှာ တခါမှ မတွေ့ဖူးခဲ့ပါဘူး။ သူရန်ကုန်လေဆိပ်ရောက်တုန်းက ကျမသတင်းထောက်တွေ သွားခဲ့ကြတဲ့အတွက် ဓါတ်ပုံထဲမှာ ဗီဒီယိုထဲမှာပဲ တွေ့ခဲ့ဖူးတာပါ။ဒါပေမဲ့ သူ့ကို တွေ့တွေ့ခြင်း ဒီလူဟာ ဒေါက်တာနိုင်အောင် ပဲလို့ သိလိုက်ရပါတယ်။

သူက ကျမကိုတွေ့တွေ့ခြင်း အံ့သြသွားဟန်ရှိပါတယ်။ ထွက်သွားပါတယ်။ ပြီးမှ လာကြပါ၊အိမ်ထဲကိုဝင်ပါလို့ ပြောပြီး တံခါးဖွင့်ပေးပါတယ်။

ခုနတုန်းက ကျမတို့ကို လိုက်ပို့တဲ့ အက်စ်ဘီလား ၊ စစ်ထောက်လှမ်းရေး လား သေချာမသိတဲ့သူကတော့ ကျမတို့ကို ပို့ခဲ့ပြီး ပြန်ဆင်းသွားပါတယ်။

အိမ်ရှေ့ခန်းက  ဆိုဖာပေါ်မှာ ထိုင်ပါလို့ သူကပြောပါတယ်။ ကျမတို့ ၃ယောက်ထိုင်ကြတဲ့ ဆိုဖာခုံနဲ့မျက်နှာချင်းဆိုင်က ဆိုဖာပေါ်မှာတော့ ဖွင့်ထားတဲ့ လက်ပ်တော့တလုံးတင်ထားတာတွေ့ရပါတယ်။


ကျမတို့ ကိုယ့်ကိုယ်ကို မိတ်ဆက်ကြရင်း အင်တာဗျူးခွင့်တောင်းပါတယ်။ သူက ကျမကို ရော မြစ်မခ မီဒီယာကိုရော သိကြောင်း၊ facebook နဲ့ မြစ်မခ site က သတင်းတွေကို ပုံမှန်ဖတ်ဖြစ်ကြောင်း၊မိုးသီးဇွန်ရဲ့ခရီးစဉ်အကြောင်း ရေးတာလည်းဖတ်ရကြောင်း ပြောတယ်။

ကျမကလည်းအိမ်ရဲ့ ဧည့်ခန်းထဲကို မျက်စိဝှေ့ကြည့်မိရင်း အရုပ်တွေအများကြီးထည့်ထားတဲ့ မှန်ဘီရိုတွေကိုငေးကြည့်ရင်း ကျမတို့သိချင်တာလေးတွေ မေးဖို့လာခဲ့တာဖြစ်ကြောင်းပြောဖြစ်ပါတယ်။

သူက ကျမတို့ကို အင်တာဗျူးခွင့်ပေးပါတယ်၊ပြီးတော့ ဓါတ်ပုံရိုက်ခွင့်၊ ဗီဒီယိုရိုက်ပြီး မှတ်တမ်းတင်ခွင့် ပါ တောင်းတော့ လုပ်ပါဗျာလို့ ပြောတယ်။

ဆိုဖိုခုံပေးက စာပွဲခုံလေးမှာ အသံဖမ်းစစ်အမဲရောင်လေးကို ကျမလှမ်းတွေ့လိုက်တော့ အကို့အနေနဲ့လည်း ကျမတို့အမေးအဖြေလုပ်တာကို ပြန်ပြီး record ယူထားလို့ရပါတယ်၊ ယူပါလို့ ကျမ ပြောလိုက်မိတယ်။

သူက`ကျနော့်ကို အက်စ်ဘီက လာပေးသွားတာပါ၊ သုံးချင်တာရှိရင် သုံးလို့ရအောင်ဆိုပြီး ပေးသွားတာပါ၊ ကျနော် အဲလို မလုပ်ပါဘူးဗျာ`လို့ ရယ်ရင်း ပြောတယ်။ သူရယ်ပုံကိုတော့ဓါတ်ပုံထဲမှာ တွေ့ဖူးထားခဲ့ပါတယ်။အပြင်မှာ ရယ်တာကို သေချာကြည့်တော့မှာ ဓါတ်ပုံထဲမှာ ရယ်တာနဲ့တော့ မတူဘူးလို့မြင်မိတယ်။

ဒေါက်တာနိုင်အောင်က `ABSDF မြောက်ပိုင်း၌  ၁၉၉၁ ခုနှစ်နှင့် ၁၉၉၂ ခုနှစ်များ၌ ဖြစ်ပွားခဲ့သော ဖမ်းဆီးအရေးယူမှုများနှင့်  ပတ်သက်၍ ABSDFဥက္ကဋ္ဌဟောင်း  ဒေါက်တာနိုင်အောင်၏ရှင်းလင်းချက်`ဆိုတဲ့ခေါင်းစဉ်နဲ့စာရွက်တွေကိုဖတ်ဖူးလားဆိုပြီး ပေးပါတယ်။ စာတမ်းတစောင်လို့ စာအုပ်ချုပ်ထားတာ တွေ့ရတော့ ဒီကိစ္စကိုလည်း ထည့်မေးရမယ်လို့ခေါင်းထဲမှာ မှတ်ထားလိုက်မိတယ်။

ဒီစာတမ်းကိုတောက မဖတ်ဖူးပါဘူးလို့ ပြန်ဖြေတော့ ဖတ်ကြည့်ပါဦးလို့ ဆက်ပြောတယ်။ ကျမအနေနဲ့လည်း ဟုတ်ကဲ့ ဖတ်ကြည့်ပါမယ် ကျေးဇူးတင်ပါတယ်လို့ ပြောလိုက်တယ်၊ ပြီးတော့ ကျမလည်း ခေတ်သစ် ဟင်္သာကိုးသောင်းစာအုပ်ကို သတိရသွားပြီး ဖတ်ဖူးလားလို့ ပြန်မေးလိုက်ပါတယ်။

`ကျနော် ဖတ်တာ ၂ ခေါက်ရှိသွားပြီ`လို့ ပြောတယ်။ သူ့အဖြေကို ကြားပြီးမှ  ဒီအကြောင်းကလဲ မေးရမဲ့ ကိစ္စပဲလို့ပဲ ခေါင်းထဲ မှတ်လိုက်မိပြန်တယ်။

ကျမမှာတော့ မေးချင်တာတွေ၊ ခေါင်းထဲ မှတ်ထားတာတွေ၊ မိတ်ဆွေတွေက မေးပေးပါလို့ ပြောတဲ့ မေးခွန်းတွေနဲ့ဆို အချိန်ကို ချိန်ဆကြည့်မိပါတယ်။ ကျမ မေးချင်တာတွေရော ပြီးတော့ facebook ကနေ မေးပေးပါလို့ မှာလိုက်တဲ့ မိတ်ဆွေများရဲ့ မေးခွန်းတွေနဲ့ ရော ဆိုရင်တော့ တော်တော်များပါတယ်။

အင်တာဗျူးအတွက် အချိန်ဘယ်လောက်ပေးနိုင်မလဲလို့လည်းမေးမိတယ်။ ထမင်းစားချိန်ထိ ရပါတယ်လို့ ပြောတယ်။ တကယ်တော့ အဲဒီအချိန်မှာပဲ နာရီကို လှမ်းကြည့်လိုက်မိတော့နေ့လည် ၁၂နာရီ ထိုးပါတော့မယ်။

အင်တာဗျူးမစခင်မှ လုပ်တတ်တဲ့ကျမရဲ့ ထုံးစံအတိုင်း ကျမမေးတဲ့ မေးခွန်းတွေမှာမဖြေချင်တာရှိရင်လည်း ပြောဖို့ ကျမအနေနဲ့လည်း မေးစရာရှိတာကို ပွင့်ပွင့်လင်းလင်းပဲ မေးချင်တဲ့အကြောင်းနဲ့ ကျမသိချင်တာ ကတော့ခုလိုမြန်မာပြည် ပြန်လာတဲ့အကြောင်းကစပြီး  ABSDF မှာ တာဝန်ထမ်းစဉ်က မြောက်ပိုင်းမှာဖြစ်ပွားခဲ့တဲ့ ကျောင်းသားကိစ္စတွေ၊ ပြီးတော့ ABSDF နဲ့ ကွဲခဲ့တဲ့ကိစ္စတွေနဲ့ ရိုဟင်ဂျာကိစ္စတွေကိုလည်း မေးမယ်လို့ ပြောလိုက်ပါတယ်။

သူကလည်း မေးပါ၊ ကျနော်ကို ပွင့်ပွင့်လင်းလင်းပဲ မေးပါလို့ ပြောပါတယ်။

တကယ်လို့များဖြေရင်းနဲ့ ခဏ နားချင်တာမျိုးရှိရင်လည်း ပြောပါ၊ နောက်ဖြေရင်းနဲ့ off the record ဆိုတာမျိုး ရှိခဲ့ရင်လည်း ပြောပါလို့ ကျမပြောရင်း အင်တာဗျူးကို စတင်ဖို့ ကြိုးစားခဲ့ပါတယ်။

မေး။       ။အကိုတို့အခုလို black list ကနေပယ်ဖျက်ခံရပြီးတဲ့နောက် ဒီလိုမျိုး ပြည်တွင်းကို ပြန်ဝင်လာခွင့်ရတဲ့အပေါ်မှာ ဘယ်လိုမြင်ပါသလဲ။

ဖြေ။       ။ကျနော်တို့အမြင်ကတော့ပြီးခဲ့တဲ့ နှစ်ခေါက်ထိုင်းနယ်စပ်မှာတွေ့ဆုံမှုတွေကနေ တဆင့်တိုးတက်မှု
ပေါ့၊ခုလိုလာခွင့်ပြုတယ်ဆိုတဲ့အခါကျတော့နည်းနည်းတရားဝင်နည်းနည်းပိုဆန်လာတာပေါ့နော်။  နောက်တစ်ခုက ဒီအစိုးရကတာဝန်ရှိသူတွေနဲ့ တွေ့ရတယ်။ကျနော်တို့အရင်တင်ပြတာတွေကို တရားဝင်ပိုဖြစ်လာတယ်။ နောက်တစ်ခုက တကယ်လို့များသမ္မတနဲ့ တွေ့ခွင့်ရမယ်ဆိုရင် ကျွန်တော်တို့တင်ပြချက်များကို အဆင့်မြင့်မြင့်ပိုတင်ပြလာနိုင်မဲ့ဥစ္စာ အဲ့လိုပဲသဘောထား
ပါတယ်။ နောက်တစ်ခုက တိုက်တိုက်ဆိုင်ဆိုင်လို့ပဲပြောရမှာပေါ့ ကျနော်တို့ကအဲ့နေ့ ဗီဇာရတဲ့နေ့မှာပဲBlack list ကို   ပါယ်ဖျက်တယ်ဆိုတာ ထွက်လာတယ်။ ပြောချင်တာကတော့ ခရီးစဉ်ကိစ္စဆိုကြိုတင်  စီစဉ်ထားတဲ့ ကိစ္စပေါ့နော် ဒါပေမဲ့ အဲ့နေမှာပဲတိုက်တိုက်ဆိုင်ဆိုင် black list ကနေ ဒီလိုမျိုးထုတ်လိုက်တယ်ဆိုတဲ့အခါကျတော့ဒါတော့ ပိုသေချာမှုတစ်ခုပေါ့ ။

ဒါပေမဲ့ အရင်တုန်းကလည်း ကျနော်ပြောနေခဲ့တာကတော့ ဒီအဝေးရောက်ကဗမာတွေပြန်လာစေချင်တယ် ဆိုလို့ရှိရင်လည်း သိသာထင်သာတဲ့မြင်သာတဲ့ပေါ်လစီ၊မူဝါဒ ချမှတ်ပေးဖို့နဲ့ အားလုံးတွက်ကိုလွယ်ကူတဲ့ လုပ်ထုံးလုပ်နည်းတွေလုပ်ပေးရင်
ကောင်းတယ်လို့ ကျနော်တို့တွေ ပြာကြားဖူးထားတာရှိတယ်ဆိုတော့ အဲ့ဒါကိုလည်းဆောင်ရွက်ပေးသလားလို့ စိတ်ထဲမှာထင်တာပေါ့။  ဒါပေမဲ့ ပြောချင်တာက၀မ်းသာပါတယ် ။ဒါကတော့အစိုးရအနေနဲ့ နောက်ထပ်ခြေလှမ်းတစ်လှမ်းလှမ်းလိုက်တဲ့သဘောပေါ့ ဆိုတော့ ရင်ခွင်ကိုထပ်ဖွင့်တဲ့သဘောပေါ့ ကျနော်တို့ ကျေးဇူးတင်တယ်။

အဲလိုပြောပြီး ခဏနားတယ်၊ ဖြေပြီးပီအထင်နဲ့ နောက်မေးခွန်းစခါနီးမှာပဲ သူက ဆက်ဖြေပါတယ်။

 ဒါပေမဲ့တဖက်ပိုင်းမှာလည်း ကျနော်တို့ ပြောသလိုပဲ ဒီမိုကရေစီကိုပြောင်းလဲနေပြီဆိုတော့ ဒီမိုကရေစီရေးလုပ်ခဲ့တဲ့ လူတွေထောင်ထဲမှာဆက် မရှိသင့်ဘူးဗျာ။ ကျနော်တို့ရဲ့ ABSDF ရဲဘော်တွေလည်း ထောင်ထဲမှာ ရှိနေသေးတယ်။ တကယ်တော့ ဒီမိုကရေစီရေးလုပ်ခဲ့တဲ့လူတွေ ဒီအမည်မည်းစာရင်းထဲမှာဆက်မရှိသင့်ဘူး ဆိုတော့ဒီအစိုးရက တာဝန်ရှိတဲ့ပုဂ္ဂိုလ်များကလည်း ဒီကိစ္စကသူတို့ဆက်လက်ဆောင်ရွက်နေပါတယ်လို့ပြောတယ်ဆိုတော့ ၀မ်းသာရပါတယ် ဗျာ။

မေး။        ။ဟုတ်ကဲ့ပါရှင့် အခုဆိုလို့ရှိရင်  ABSDF ပေါ့နော် အဖွဲ့ဟောင်းတွေက ဒီနိုင်ငံရေးအကျဉ်းသား
အကျဉ်းသမားတွေအနေနဲ့ထောင်ထဲမှာရှိနေသေးတယ်လို့ ပြောတော့ သူတို့နဲ့ပတ်သက်ပြီးတော့ရော ဘာပြောချင်ပါသလဲ။

ဖြေ။        ။ရှိပါတယ် ကျနော်လည်း ထောင်ထဲမှာရှိနေတဲ့ ABSDF ရဲဘော်တွေရဲ့စာရင်းကို သက်ဆိုင်ရာတာဝန်ရှိတဲ့လူတွေ ကိုပေးဖို့ယူလာပါတယ်။ နောက်ပြီးဒီကျနော်တို့နိုင်ငံရေးအကျဉ်းသား စောင့်ရှောက်ရေးအဖွဲ့က ပေးပို့တဲ့ နောက်ဆုံးစာရင်းတွေလည်း ယူလာပါတယ်။ သက်ဆိုင်ရာလူကြီးတွေကိုပေးမှာပါ၊ခုချိန်ထိ  ABSDF ရဲဘော်တွေ ထောင်ထဲမှာ လေးဆယ်ကျော်လောက်ရှိသေးတယ်။ သူတို့တွေကိုလည်း လွှတ်ပေးသင့်နေပါပြီဗျာ။ ဒီမိုကရေစီရေးလုပ်ခဲ့တဲ့လူတွေ ဆက်မရှိသင့်ပါဘူး။

မေး။        ။ဟုတ်ကဲ့ပါရှင့်။ အကိုတို့အနေနဲ့ကော မြန်မာပြည်ကို ပြန်ဝင်သင့်မသင့်ဆိုတာကို ကြိုစဉ်းစားခဲ့ရာမှာ  ပြည်ပမှာရှိတဲ့ ဒီမိုကရေစီအင်အားစုတွေနဲ့ရော တိုင်ပင်ညှိုနှိုင်းခဲ့တာတွေ ရှိပါသလားရှင့်။

ဖြေ။        ။ကျနော်တို့ ဒီ(၁၉၉၆)လောက်ကတည်းက ကျနော်တို့နယ်စပ်မှာအခြေစိုက်တဲ့ အင်အားစုတွေ အားလုံးနောက် အထဲထဲမှာရှိတဲ့ ဒီမိုကရေစီအင်အားစုတွေအားလုံးပါပါတယ်။ အားလုံးတောက်လျှောက်တောင်းဆိုခဲ့တာကတော့ တွေ့ဆုံဆွေးနွေးအဖြေရှာရေးပေါ့နော်။ ဆိုတော့ ဒီနှစ်နှစ်စပိုင်းလောက်ကတည်းကစပြီး ကျနော်တို့ဒီမိုကရေစီအင်အားစုတွေကိုတိုင်းရင်းသားတွေနဲ့ တိုင်းရင်းသားတွေနဲ့ ငြိမ်းချမ်းရေးကိစ္စတွေဆောင်ရွက်နေတဲ့ အဖွဲ့တွေကစပြီးတွေ့လာတယ်ဆိုတော့အဲ့တွေ့လာမှုပေါ်မှာ တွေ့ဆုံဆွေးနွေးရေးအတွက်ကြောင့် လမ်းစ စပြီးရှိလာတယ်လို့မြင်မိပါတယ်။ တကယ်တော့ ပြဿနာတွေကို ရန်ဖြစ်ပြီးတော့ပြောနေတာတွေထက် လက်တွေ့ရင်ဆိုင်ပြီးတော့ မျက်နှာချင်းဆိုင်ပြီးတော့ ပြောဆိုဖြေရှင်းပြီးညှိနှိုင်းကြတာတော့ တိုင်းပြည်အတွက်အကောင်းဆုံးလို့  ကျနော်တို့ ယူစကြပါတယ်။

အဲ့အပေါ်မှာကျနော်တို့ကလည်း ဒီလိုမျိုးဖိတ်ကြားတဲ့အပေါ်မှာကျနော်တို့ လက်ခံတာရှိတယ်။ ဒါပေမဲ့ကျနော်တို့အခုလာတဲ့ကိစ္စမှာ တစ်သီးပုဂ္ဂလလိုဖြစ်တဲ့အတွက် တစ်သီးပုဂ္ဂလအနေနဲ့ပဲလာပါတယ် ။

ခဏနားပြီး ဆက်ပြောပါတယ်။သူဖြေနေတာကို ကြည့်ရတာက နာမကျန်းတဲ့သူ တယောက်နဲ့ တူနေတယ်လို့ ကျမ ထင်မိတယ်။ ဘာကြောင့်လဲ ဆိုတောတော့ကျမ မသိဘူး။ သူကတော့ ဆက်ဖြေနေတုန်းပါပဲ။

ဒါပေမဲ့အဖွဲ့အစည်းတွေရဲ့အမြင်၊ သဘော၊ မူ ဘောင်ထဲကနေပဲ ဆွေးနွေးသွားမှာပါ၊ နောက်တစ်ခုက လာမဲ့အချိန်ကျတော့လည်း တိုင်ပင်ရတာတွေရှိတာပေါ့။ ဒီ ကျနော်တို့လှုပ်ရှားမှုထဲမှာတော့ အခုလိုမျိုးဖြစ်စဉ်တွေပေါ်မှာ တစ်စုံတစ်ရာခြေလှမ်းတွေလှမ်းလာပြီ အလင်းရောင်တွေလှမ်းမြင်နေရပြီဆိုပေမဲ့လို့ အားမရသေးတာမပြည့်စုံသေးတာတွေလည်း ရှိပါတယ်။ ကျနော်တို့အားလုံးထဲမှာ သူသူကိုယ်ကိုယ် ရှိတာပဲ ဆိုတော့ ဒီခရီးစဉ်ကိစ္စကိုလည်း သဘောတူနိုင် လားမတူနိုင်လားဆိုတဲ့ကိစ္စတွေလည်းရှိနိုင်ပါတယ်။

ဒါပေမဲ့ကျနော်တို့အားလုံး ကျနော်နဲ့သက်ဆိုင်တဲ့အဖွဲ့အစည်းတွေအားလုံးကတော့ ကျနော်တို့ကိုအကြံပေးတာကတော့ ဒီလိုမျိုး
အခြေအနေမှာ ထပ်ပြီးတော့တင်ပြကြည့်သင့်တယ်။  ဒီတင်ပြမှုပေါ်မှာ တုံ့ပြန်မှုဟာ ဘယ်လိုဖြစ်
မလဲဆိုတာကို အားလုံးကနေပြီးတော့မှ တိုင်ပင်ပြီးမှ ဆုံးဖြတ်သွားကြပါမယ်။အဲလောက်ပဲ ပြောနိုင်ပါသေးတယ်။

မေး။       ။ အကိုတို့အခုလိုဝင်လာမယ်ဆိုတဲ့အပေါ်မှာကော လေဆိပ်မှာဖမ်းပြီးတော့ပေါ့နော် ဖမ်းဆီးလိုက်မှာမျိုး အဲ့လိုစိတ်ပူတာမျိုးကောရှိခဲ့ပါသလားရှင့်။

ဖြေ။        ။ကျနော့်စိတ်ထဲမှာ အမှန်အတိုင်းပြောရင်တော့ အဲ့ဒါသိပ်မရှိဘူး ။ ဟိုတစ်နေ့နေ့တချိန်ချိန်ပေါ့ဗျာ
ကျွန်တော်တို့အားလုံးက ဒီမှာအပြီးပြန်လာလို့ရလို့ ပြန်လာလို့ရှိရင်လည်း တစ်နေ့နေ့တချိန်ချိန်ဒီလိုမျိုးကြုံရင် ကြုံမယ်
ဆိုတာလည်း ရင်ဆိုင်ထားပြီးသားပါ။ အခုတစ်ခေါက်လာတဲ့အချိန်မှာပြောမယ်ဆိုရင်တော့ ကျနော်မှာ အဲ့လိုစိတ်ထဲမှာလည်းမထင်ထား သလို ထင်စရာအကြောင်းလည်းမရှိဘူးလို့ပြောရမှာပေါ့နော်။  ဒါကတော့ အတင်းသက်သက်မဲ့ ယုံကြည်မှုပေးတာတော့မဟုတ်ပါဘူး။       ဟို ကျွန်တော်တို့လူကြီးလူကောင်းဆန်ဆန်အလုပ်လုပ်ကြတာပဲဆိုတော့ ကျနော် အဲ့သဘောကိုပဲဖြစ်ပါတယ်။

ဒါပေမဲ့စိတ်လှုပ်ရှားတယ်ဆိုတာကတော့ ခုနပြောသလိုပေါ့တစ်သက်လုံးပြန်နင်းခွင့်မရတဲ့  ဒီအမိမြေကိုပြန်နင်းခွင့်ရတဲ့ စိတ်လှုပ်ရှားမှုကတစ်ပိုင်းရှိသလိုတစ်ဖက်မှာလည်း ကျွန်တော်တို့ပြောပြောနေတဲ့ မြောက်ပိုင်းကိစ္စပေါ့ ဒီကိစ္စတွေနဲ့ပတ်သက်လို့လည်း
ဖြစ်တဲ့အခါကျတော့ အော်ဒါကတော့အခက်အခဲလေးတွေပေါ့ စိန်ခေါ်မှုလေးတွေလည်းရင်ဆိုင်ရမယ်ဆိုတဲ့အပေါ်မှာတော့ စိတ်လှုပ်ရှားမှုတော့ရှိတာပေါ့။

မေး။      ။ဟုတ်ကဲ့ပါရှင့်ရန်ကုန် လေဆိပ်မှာအကို့ကိုသတင်းထောက်တွေက၀ိုင်းပြီးတော့မေးကြတယ်၊မေးတဲ့ထဲမှာလည်း မြောက်ပိုင်း ကိစ္စတွေလည်းပါတယ်ဆိုတော့လေ။ အဲ့လိုအခြေအနေမျိုးနဲ့ ခုလိုမျိုး တွေ့လိမ့်မယ်လို့ မျှော်လင့်ထားခဲ့သလား၊ အဲဒီအတွကရော၊ ပြင်ဆင်ခဲ့တာမျိုးရော ရှိပါသလားရှင့်။

(ရုတ်တရက် သူမျက်နှာပျက်သွားသလိုပဲလို့ ထင်လိုက်မိတယ်- သူကတော့ မျက်နှာသိပ်ပျက်ပုံမရဘဲ အေးအေးဆေးဆေးပဲ ဆက်ဖြေခဲ့တယ်)

ဖြေ။        ။ကျနော်နဂိုကတည်းက ပြောထားတော့ လေဆိပ်မှာသတင်းစာရှင်းလင်းပွဲလုပ်မယ်လို့ပြောထားတော့
တစ်စုံတစ်ရာတော့ မေးလာကြမှာပဲလို့ တွေးထားပါတယ်။  မြောက်ပိုင်းကိစ္စလည်း ပါမယ်လို့ မျှော်လင့်ထားပြီးသားပါ။ ဒါပေမဲ့ ရည်ရွှန်းပတ်ရွှန်းနဲ့ပြောရရင်တော့တစ်သက်နဲ့တစ်ကိုယ် ဒီလောက်များတဲ့ ကင်မရာနဲ့တော့အရိုက်မခံဘူးဘူးပေါ့လေ။
ဆိုတော့အဲ့တာ လေးတွေ့တဲ့အခါကတော့ နည်းနည်းတော့…အော်..ဒီမှာမီဒီယာလွတ်လပ်ခွင့်များတော်တော်လေး ရနေပြီးလားပေါ့လေ ။

မေး ။        ။ဟုတ်ကဲ့ အကို ဒါကို မီဒီယာလွတ်လပ်ခွင့်ရနေပြီလို့မြင်တာလားရှင့်။ မီဒီယာတွေရဲ့လက်ရှိအနေအထားကို ဘယ်လိုမြင်ပါသလဲ အကို့အမြင်ကို သိချင်တာပါ။

ဖြေ။       ။အခုဟာကမီဒီယာတွေကိုကိုယ့်ကိုယ်ကိုSelfCensorshipလိုအခြေအနေမျိုးဖြစ်အောင်ဖန်တီးနေတယ်လို့ ကျနော် ထင်တယ်။  ပြောချင်တာကဗျာ မီဒီယာတွေက ကိုယ်ထင်တဲ့ယုံကြည်တဲ့အတိုင်း တာဝန်ယူမှုရှိရှိနဲ့ မျှမျှတတဖြစ်တဲ့ သတင်းတင်ပြမှုမျိုး လုပ်တဲ့အချိန်မှာဒီသတင်း ရေးရင်တော့ငါတို့ပြဿနာတက်မှာပဲဆိုတဲ့ဟာမျိုးတွေကသိစိတ်နဲ့မသိစိတ်  ဖြစ်နေတဲ့ဟာမျိုးတင်မကဘူး။   နောက်တစ်ခုကတစ်ခုခုဖြစ်တိုင်းတရားစွဲမယ်ဆိုတဲ့အလေ့အကျင်လေးဖြစ်တာလည်းမကောင်းဘူးပေါ့။ဆိုတော့ဒါကတော့ နှစ်ဦးနှစ်ဖက်ပေါ့ဗျာ မီဒီယာတွေကလည်းခုနကပြောတဲ့ ဒီ မျှတတဲ့၊ မှန်ကန်တဲ့၊ ဘက်မလိုက်တဲ့ သတင်းမျိုးတွေလည်းရေးနိုင်အောင်  ကြိုးစားရမှာမျိုး
နောက်ပြီးတော့မှ ဒီအစွန်းရောက်တဲ့ကိစ္စမျိုး၊ လှုံဆော်တဲ့ အစွန်းရောက်လှုံဆော်တဲ့ကိစ္စမျိုး မဖြစ်အောင်သတိထားရမှာမျိုးတွေ၊ အစိုးရပိုင်းကတာဝန်ရှိတဲ့လူတွေကလည်းဒါကိုမီဒီယာမှာတစ်ခုခုပြောလိုက်တိုင်းငါတို့ကိုအပြစ်တင်နေတာမျိုးအတွေးမျိုးကိုထားခဲ့ဖို့လည်းလိုပြီ ထင်တယ်။

မေး။  ။ဟုတ်ကဲ့ပါရှင့်၊အကိုတို့လို ပြည်ပကအင်အားစုတွေ ပြန်လာမယ်ဆိုတော့ကျမတို့အနေနဲ့လည်း မြန်မာပြည်ဖွံ့ဖြိုးတိုးတက်ရေး အတွက် စိတ်လှုပ်ရှားမိပါတယ်။  အကို့မှာလည်း ကျမတို့မြန်မာပြည်မှာ ဘယ်လို ဆောင်ရွက်ချက်တွေနဲ့ ရှေ့ဆက်သွားမယ် ဆိုတဲ့ စိတ်ကူး Planမျိုး ရှိပါသလဲရှင့်။

ဖြေ။       ။ဟို ကြီးကြီးကျယ်ကျယ်ပြောရရင်တော့ဟိုဗမာပြည်အတွက်ပဲ၊ ဒီမိုကရေစီရေးအတွက်ပဲ ကျနော်တို့ဦးတည်ပြီး လုပ်နေတာပဲလို့ပြောချင်ပါတယ်။ ဒီနေ့ပြန်လာတာလည်း ကျနော်တို့နိုင်စွမ်းသလောက်ပေါ့လေ ကျနော်တို့ဦးနှောက်ညဏ်မှီသလောက် တင်ပြကြိုးစားကြည့်မယ်လို့ စီစဉ်ထားတာပဲ။ အဓိကက ကျနော်တို့ စဉ်းစားနေတဲ့ တင်ပြနေတဲ့ ကိစ္စက အခုမှလည်းမဟုတ်ပါဘူး ၀န်ကြီးဦးအောင်မင်းနဲ့တွေ့တော့လည်း ဒါပဲတောက်လျှောက်တင်ပြပါတယ်။ အဓိက မြင်တာကဘာလည်းဆိုတော့ ဒီ(၂၀၁၅)ရွေးကောက်ပွဲလုိ့ကျွန်တော်တို့ပြောကြပြီးတော့ အဲ့ကာလဖြတ်ကြရမယ်ဆိုတဲ့အချိန်ကိုလည်းရောက်ကြမှာပဲ အဲ့ကိစ္စတွေ အားလုံးကိုပါဝင်ပတ်သက်နေတဲ့လူတွေအားလုံးက ပြည်သူပြည်သားတွေအားလုံးကော နိုင်ငံရေးအဖွဲ့အစည်းတွေအားလုံးကော ကျောလုံ ရင်လုံ ပေါ့နော် နောက်ပြီးငြိမ်ငြိမ်းချမ်းချမ်း ယုံယုံကြည်ကြည်နဲ့လက်တွဲသွားနိုင်အောင် (၂၀၁၅)မတိုင်ခင်မှာ ဒီတွေ့ဆုံဆွေးနွေးပွဲ တစ်ခုဖြစ်သင့်တယ်လို့ ရိုးရိုးသားသားပဲယုံကြည်ပါတယ်။

အဲလိုဖြေပြီး ကျမကို တချက်လှမ်းကြည့်ပါတယ်။ ပြီးတော့ဆက်ဖြေပါတယ်။

အဲ့တွေ့ဆုံဆွေးနွေးပွဲကလည်း လာမဲ့(၁၅)နှစ် နှစ်(၂၀)လောက်ကို ကျနော်တို့တိုင်းပြည်ကိုဘယ်လို တည်ဆောက်ကြမလဲဆိုတဲ့ အမြင်မူသဘောထားတွေ ကျနော်တို့ထဲမှာကြားသွားတယ်ဆိုလို့ရှိရင် တစ်ယောက်နဲ့တစ်ယောက်ယုံကြည်မှုတွေ
ရသွားတယ်ဆိုရင် အဲ့(၂၀၁၅)အလွန်ကို ၊ နောက်ထပ်ပိုပြည့်စုံလာမဲ့အသွင်ကူးပြောင်းစ ကာလတစ်ခု
ကို ကျနော်တို့အားလုံး ကြည်ကြည်နူးနူးပျော်ပျော်ရွှင်ရွှင်စည်းစည်းလုံးလုံးနဲ့ ဖြတ်နိုင်မယ်လို့ ယူဆတယ်။ ဆိုတော့ အဲ့အတွက်ကို အဲ့ဆွေးနွေးပွဲကအရေးကြီးတယ်အစိုးရကလည်းပြောထားတာကတတိယအဆင့်မှာလွှတ်တော်ရှေ့နေပြည်တော်မှာလုပ်မဲ့ အစည်းအဝေးရှိတယ် အစည်းအဝေးပုံစံနဲ့အစည်းအဝေးလုပ်မဲ့ဥစ္စာလေးတွေ ထပ်ပြီးတင်ပြတာပေါ့ အစိုးရကလည်း ဒါမျိုး စဉ်းစားထားပြီးသား ရှိတဲ့အခါ ပိုပြီးတော့လိုင်းတဲ့သွားတာပေါ့နော် ဒါပေမဲ့ကျွန်တော်တို့ ထပ်ပြီးတင်ပြတာက ဘာလည်းဆိုတော့ နေပြည်တော်မှာ ခုနစ်ရက် ဆယ်ရက်လုပ်မဲ့ ကိစ္စတစ်ခုတည်းနဲ့တော့ ကိစ္စပေါင်းစုံတစ်ခါတည်းရှင်းလို့ရမှာမဟုတ်ဘူး ဆယ့်ငါးနှစ်နှစ်နှစ်ဆယ်ကို တစ်ခါတည်းအပြီးဖြတ်လို့ရမှာမဟုတ်ဘူး ဒါကြောင့်မို့လို့ ကျွန်တော်တို့ပြောနေတာကတော့ အခုတည်းကနေပြီး ကဏ္ဍအလိုက်ပေါ့ပါဝင်သင့်ပါဝင်ထိုက်တဲ့လူတွေအားလုံးက ကဏ္ဍအလိုက်ကိုကြိုတင်ပြီးတော့ဆွေးနွေးထားသင့်တယ် ဥပမာဆိုပါတော့  တိုင်းရင်းသားတွေရဲ့အခွင့်အရေးပြဿနာ တန်းတူရည်တူနဲ့ကိုယ်ပိုင်ပြဌာန်းမှုကို ပြောမယ်ဆိုရင်တော့ အာဏာခွဲဝေမှုပဲ အာဏာခွဲဝေမှုကို ဘယ်လောက်ထိပေးနိုင်မလဲ ဆိုတာကို အဲ့နေပြည်တော်အစည်းအဝေးမှာပါတဲ့လူတွေက ဒီဟာလေးနဲ့ပတ်သက်တဲ့ဆွေးနွေးပွဲလေးလုပ်သွား
ကြမယ် အမြင်သဘောလေးတွေစုသွားကြမယ်။

အဲ့လိုစုသွားခြင်းအားဖြင့် သူတို့နဲ ကျနော်တို့ကြားမှာ ကျနော်တို့အချင်းချင်းကြားထဲမှာ ယုံကြည်မှုတွေပိုများလာမယ် တစ်ယောက်နဲ့
တစ်ယောက် စကားပိုပြောဖြစ်လာမယ် တစ်ယောက်အကြောင်းတစ်ယောက်ပိုနားလည်လာမယ် ကျွန်တော်တို့ စုပေါင်းတိုင်ပင်ပြီးရတဲ့အဖြေလေးတွေရှိလာမယ်။နေပြည်တော်မှာလုပ်တဲ့အချိန်ကျတော့အချိန်မကုန်ဘူးပေါ့ အဲ့လိုစဉ်းစားမယ်ဆိုရင် ကျွန်တော်တို့က တိုင်းရင်းသားကဏ္ဍတွေစဉ်းစားရမှာ ရှိတယ်၊ စီးပွားရေးနဲ့ ဘဏ္ဍာရေး ကဏ္ဍတွေစဉ်းစားရမှာရှိတယ် လူမှုရေးကဏ္ဍတွေ စဉ်းစားရမှာရှိမယ် ကျန်းမာရေးပညာရေး ကဏ္ဍတွေစဉ်းစားရမှာရှိမယ် ကာကွယ်ရေးနဲ့လုံခြုံရေးစဉ်းစားရမှာတွေရှိမယ်
နောက်ပြီး နိုင်ငံရေးစနစ်ပုံစံတွေစဉ်းစားရမှာရှိတယ်ဆိုတဲ့အခါကျတော့ အဲ့ဒီဟာလေးတွေကို ကျွန်တော်တို့ လုပ်ချင်ပါတယ်။ ဒါလေးတွေလည်းလုပ်ရင်ကောင်းပါတယ်။အားလုံးဝိုင်းလုပ်ကြရအောင်ပေါ့ ဒီလိုလုပ်တယ်ဆိုရင်လည်း ကျွန်တော်တို့ တင်ပြချင်တာကတော့ အစိုးရကပဲ ကမကထလုပ်ပြီး လုပ်တယ်ဆိုတာထက် အစိုးရကလည်းဦးဆောင်ပါတယ်။

ဒါပေမဲ့ဒီထဲမှာပါနေတဲ့အဖွဲ့အစည်းတွေကလည်း ငါတို့ကိုယ်တိုင်ဝိုင်းလုပ်ပြီး ထိုင်ဆုံးဖြတ်ပြီး လုပ်တယ်ဆိုတာလေးဖြစ်တယ်ဆိုလို့ရှိရင်တော့
ပိုကောင်းမယ်လို့ထင်ပါတယ်။ ဒါလေးကိုကျွန်တော်တို့အဓိကတင်ပြတယ် နောက်တစ်ခုကကျွန်တော်တို့ ဒီ အထဲထဲမှာရှိနေတဲ့ အဖွဲ့အစည်းတွေ နိုင်ငံရေးအဖွဲ့အစည်းတွေ နောက်လူထုအခြေပြုအဖွဲ့အစည်းတွေရဲ့ ဒီအမြင်သဘောထားတွေကို ပြုပြင်ပြောင်းလဲရေးမှာ ဘာတွေလုပ်ဖို့လိုတယ်ဆိုတဲ့အမြင်သဘောထားလေးကို ကျွန်တော်တို့လေ့လာသင့်တယ် နောက်တကယ်လို့များကျွန်တော်တို့
တစ်နေ့နေ့တစ်ချိန်ချိန် တိုင်းပြည်ကိုအပြီးပြန်လာခွင်ရတဲ့အချိန်မျိုးမှာ ကျွန်တော်တို့ကိုယ်တိုင်ဘယ်အခန်းကဏ္ဍတွေကနေ ဘယ်အလုပ်တွေကိုကျွန်တော်တို့လုပ်လို့ရမယ်ဆိုတာလေ့လာချင်တယ်အဲဒီစိတ်လေးနဲ့ပဲကျနော်တို့ တစ်နိုင်တစ်ပိုင်လုပ်တာပါ။

ဒေါက်တာ နိုင်အောင်တော့ မသိဘူး၊ ကျမကတော့ နားထောင်ရတာနဲ့တင် တော်တော်မောသွားပါတယ်။
အဲဒါကြောင့် အကို ရေသောက်ပါဦး ခဏနားပါဦးလို့ ပြောမိတော့ ရပါတယ်၊ မေးစရာရှိတာသာ မေးပါ၊ ကျနော်ရေမသောက်ချင်ပါဘူးလို့ပြောတယ်။

အကို မသောက်ချင်ပေမဲ့ ကျမ ရေသောက်ချင်ပါတယ် လို့ပြောတော့ ဟာ ဆော်ရီးပါဗျာ လို့ပြောပြီး အိမ်ထဲကို ရေခွက် ၃ ခွက် ယူလာပေးဖို့ လှမ်းပြောပြီး သူကိုယ်တိုင်ကလည်း ထိုင်နေရာကနေ ထသွားပါတယ်။


စက်တင်ဘာ ၈၊ ရန်ကုန်မြို့။



အဲဒီနောက်မှာတော့ ဒေါက်တာနိုင်အောင်ကလည်း သတင်းမီဒီယာလုပ်ငန်းတွေ ခုလို ဖြစ်လာတဲ့အပေါ်မှာ အားရမိကြောင်း၊ မီဒီယာပွင့်လင်းမှု မရှိစဉ်တုန်း ခိုးကြောင်ခိုးဝှက်အလုပ်လုပ်ရတဲ့ အခြေအနေတုန်းကလည်း မီဒီယာကတော့ အမြဲကြိုးစားခဲ့တာတွေ့ရကြောင်း ပြောရင်း အင်တာဗျူးကို ပြန်စကြပါတယ်။

“ကျနော်တို့ အပြင်မှာ နေတဲ့ အဖွဲ့အစည်းတွေ အများစု ခံယူထားတာက ပြည်သူ့အသံက အဓိက၊ အထူးသဖြင့် ပြည်တွင်းမှာရှိနေတဲ့ နိုင်ငံရေးအဖွဲ့အစည်းတွေရဲ့ အသံနဲ့ပြည်သူ့အသံက အဓိက လို့ ခံယူပြီး ကျနော်တို့က ၀န်းရံပံ့ပိုးပေးဖို့လောက် တောက်လျှောက်စဉ်းစားနေခဲ့တာပါ“လို့ ပြောရင်း ပြည်ပက အဖွဲ့အစည်းတွေအနေနဲ့ ပြည်တွင်းက အခြေအနေတွေကိုစောင့်ကြည့်ပြီး ၀န်းရံကူညီဖို့ ရှိကြောင်း ပြောပါတယ်။

ဒေါက်တာနိုင်အောင်က အစိုးရရဲ့ ဖိတ်ခေါ်မှုကြောင့်ရောက်ရှိလာပြီး မြန်မာနိုင်ငံဒီမိုကရေစီရေး အတွက်သာ ဆောင်ရွက်သွားမည်ဖြစ်ကြောင်း၊ ယခုလို ပြန်လာခွင့်ရတဲ့အခြေအနေပေါ်မှာမူတည်ပြီး ပြည်ပရောက်ရှိနေကြတဲ့ မြန်မာဒီမိုကရေစီအင်အားစုတွေ အနေနဲ့စဉ်စားသွားမှာဖြစ်ကြောင်း ပြောပါတယ်။

“ကျနော်တို့ အားလုံး လုံလုံခြုံခြုံနဲ့ဒီမိုကရေစီ လွတ်လပ်ခွင့်အတိုင်း နေခွင့်ရတယ်၊ လုပ်ခွင့်ရတယ်ဆိုရင် အပြီးပြန်လာမယ့်လူတွေ လည်းရှိနိုင်သလို အလည်ပြန်လာမယ့် လူတွေလည်း ရှိပါတယ်`“

ပြည်ပက အင်အားစုတွေအများစုကတော့ လက်ရှိ ၂၀၁၀ ရွေးကောက်ပွဲနဲ့တက်လာခဲ့တဲ့ အစိုးရအပေါ်မှာ ယုံကြည်စိတ်ချမှု နည်းခဲ့ပါတယ်။ ဒေါ်အောင်ဆန်းစုကြည်ကို နေအိမ်အကျယ်ချုပ်ဘ၀ကနေလွှတ်ပေးလိုက်ပြီးနောက်၊ ကိုမင်းကိုနိုင်အပါအ၀င် ၈၈ခေါင်းဆောင်တွေကို ပြန်လွှတ်ပေးခဲ့ခြင်းအပြင်မီဒီယာလွတ်လပ်ခွင့်အချို့ပေးလိုက်ခြင်းစတာတွေကြောင့် မြန်မာပြည်   ပြောင်းလဲချင်လာပြီလို့တွက်ဆကြသူတွေလည်း ရှိခဲ့ပါတယ်။ အဲဒါကြောင့် ဒေါက်တာနိုင်အောင်ရဲ့ အမြင်ကိုလည်း သိချင်ိလို့ မေးခဲ့ပါတယ်။

မေး။       ။ ဟုတ်ကဲ့ပါ။အကို့အနေနဲ့ရော မြန်မာနိုင်ငံက တကယ်ပြောင်းလဲနေပြီလို့စိတ်ထဲကနေ လုံးဝကို ယုံကြည်စိတ်ချလို့ရနိုင်တဲ့အနေအထားတစ်ခု ရောက်ပြီလားရှင့်။

ဖြေ။       ။ ကျနော် မြင်တာကတော့ ပြောင်းလဲနေတဲ့ အစတွေ ခြေလှမ်းတွေ မြင်နေရပြီလို့ ပြောချင်ပါတယ်။နောက်တစ်ခုက အပြောင်းအလဲဆိုတာကလည်း ကျနော်တို့တင်ပြနေတဲ့ အခုပုံစံက ပြီးပြည့်စုံပြီးကောင်းမွန်တယ်ဆိုတာမျိုးကို နတ်ရေကန်ထဲ ပစ်ချသလို ချက်ချင်းတော့ ဘယ်ရနိုင်ပါ့မလဲ။ သို့ပေမဲ့ အဲလိုမျိုး လုပ်တဲ့အခါ အစိုးရကလည်း ထင်သာမြင်သာရှိတဲ့ဟာတွေ လုပ်ဖို့လိုတယ်။နောက် ကျန်နေတဲ့ ကိစ္စတွေလည်း ရှိတယ်။ ပြောချင်တာက ဘာလဲဆိုတော့ အခုလောလောဆယ် လုပ်နေတဲ့ ကိစ္စတွေမှာ ကဏ္ဍပေါင်းစုံကို ဖြည့်စွက်ပြီးတော့ မဟာဗျူဟာကျကျ ဖြစ်နိုင်တဲ့ အနေအထားမျိုးတော့ မရေးဘူး။နောက် တစ်ဖက်မှာတော့ အပြောင်းအလဲကဦးဆောင်တဲ့အပိုင်းမှာတော့ ဖြစ်နေပြီ၊အခုပြောင်းလဲနေတဲ့ ပေါ်လစီတွေအားလုံးက အောက်ခြေကို   ရောက်မလာသေးဘူး။နောက်ပြီးတော့ အခုအပြောင်းအလဲတွေမှာ ပေါ်လစီတွေ ဖြစ်လာပြီဆိုရင် ဒီပေါ်လစီကို အကောင်အထည်ဖော်မယ့် အထူးသဖြင့် အစိုးရနဲ့ ပတ်သက်တဲ့ ယန္တရားပိုင်းတွေက လုပ်ဟန်တွေပါ ပြောင်းဖို့လိုလာတယ်။
အခုတော့ အဲလိုဟာမျိုးတွေကို မတွေ့ရသေးဘူး၊အခု မီဒီယာလွတ်လပ်ခွင့်တွေရှိလာတယ်၊ ကျွန်တော်တို့ ပြန်လာလို့ရတယ်၊ လွှတ်တော်ဆိုတာလည်း ရှိနေပြီ၊ နိုင်ငံတကာနဲ့ ထိတွေ့ဆက်ဆံမှုတွေလည်း ရှိနေပြီ။အရင်တုန်းကလိုမျိုး တဖက်နဲ့ တစ်ဖက်   အပြန်အလှန် တိုက်ခိုက်ပြောဆိုနေရတာမျိုးတွေကနေ တစ်ဖက်နဲ့တစ်ဖက် စကားပြောဆိုမှုတွေ ရှိလာပြီ။

မေး။ ။ဒါကတော့ အစိုးရရဲ့ ပြောင်းလဲခြင်းအစပေါ့နော်၊  ပြည်သူလူထုရဲ့အနေအထားကိုရော ဘယ်လိုမြင်သလဲရှင့်၊ ပြောင်းနေတာမျိုးတွေ သတိပြုမိတာတွေရှိပါသလား။

ဖြေ။ ။ကျနော်ကတော့ ပြည်သူလူထုရဲ့ ဘဝက လက်တွေ့ကျကျ မပြောင်းသေးဘူးလို့ ထင်တယ်။ အဲလိုဟာမှာလည်း အစိုးရကို အပြစ်တင်နေတာထက် တကယ်တမ်းမှာ နေ့ချင်းညချင်း ဖြစ်လာမယ့် ကိစ္စမဟုတ်ဘူး၊ ဆိုတော့ ဒါတွေအားလုံးကို လက်တွဲလုပ်ကြရမယ်၊အဲဒီလက်တွဲလုပ် ခွင့်တွေရလာပြီ၊ ပေးလာပြီဆိုရင် ပိုပြီးကောင်းလာအောင်  ပြည့်စုံလာအောင်အင်တိုက်အားတိုက် ကျနော်တို့ အင်တိုက်အားတိုက် အတူတူ ကြိုးစားရပါမယ်။

မေး။       ။ အကိုကလည်း အစိုးရပိုင်းမှာ ခုလို အပြောင်းအလဲတွေ စပြောင်းနေပြီလို့ ပြောတော့လေ ခုလိုပြောင်းလဲလာတာ ဘာကြောင့်ပါလဲ။

ဒေါက်တာနိုင်အောင်က တချက် စဉ်းစားသလို လုပ်ပြီး ဒူးကိုပိုက်ထားတဲ့ လက်ကို ရုတ်လိုက်ရင်း ပြန်ဖြေပါတယ်။

ဖြေ။       ။ နှစ်ပိုင်းရှိတယ်၊ ၈၈ ကနေစပြီးတော့ တောက်လျှောက်တောင်းဆိုနေတဲ့ ပြည်သူတွေရဲ့ လိုလားမှု၊ နိုင်ငံရေးအဖွဲအစည်းတွေရဲ့ ကျားကုတ်ကျားခဲနဲ့ ကြိုးစားမှုတွေကြောင့် ပါပါတယ်။ နိုင်ငံတကာက ပံ့ပိုးမှုနဲ့ အစိုးရကိုယ်တိုင်ကလည်း အပြောင်းအလဲကို လုပ်ဖို့အချိန်ရောက်ပြီ၊ ဒီမိုကရေစီကသာလျှင် အဖြေဖြစ်တယ်၊ နောက်ပြီးတော့ ဒီလိုအင်အားစုတွေနဲ့ရန်ဘက်အနေနဲ့ ဆက်ဆံတာထက် လွယ်လွယ်ကူကူနဲ့ပေါင်းသင်းချင်တယ်ဆိုတဲ့ သူတို့ရဲ့ ခံယူချက် ပြောင်းလာတာ အားလုံးတိုက်ဆိုင်ပြီးတော့ ဖြစ်လာတာပါ။ ကျနော်ကတော့ အဲလိုပဲ မြင်ပါတယ်။

မေး။       ။ ဟုတ်ကဲ့ပါ၊ အကိုတို့လို ပြည်ပက ဒီမိုကရေစီအင်အားစုတွေနဲ့ ကိုမိုးသီးဇွန်တို့အဖွဲ့အပါအ၀င် အဖွဲ့အစည်းတွေအဖွဲ့တွေကလည်း မြန်မာပြည်အတွက်ကို ပြည်ပကနေ အစိုးရကို တောင်းဆိုတာမျိုးတွေရှိခဲ့တယ်လို့ သိရပါတယ်။အဲဒါတွေပေါင်းပြီး ခုလို အရွေ့တွေဖြစ်လာတယ်ပေါ့နော်၊ အဲဒီထဲကတော့ ဘယ်လိုကိစ္စမျိုးတွေကတော့ အကိုတို့ရဲ့ တောင်းဆိုမှုကြောင့် ထိထိရောက်ရောက်ဖြစ်ရတယ်လို့ ပြောနိုင်တာမျိုးတွေနဲ့ ဘယ်ဟာတွေက ထိရောက်သလဲ၊ ပြီးတော့ ထိရောက်မှုရှိမရှိတွေကို အကို့အနေနဲ့ သုံးသပ်မိတာမျိုးတွေ ရှိပါသလား။ ဘယ်လိုပြန်ပြီးတော့ သုံးသပ်သလဲဆိုတာ သိချင်ပါတယ်။

ဖြေ။       ။ဥပမာဆိုပေါ့ “အခုနိုင်ငံရေးအကျဉ်းသားလွတ်မြောက်မှုပေါ့နော်၊ ကျနော်တို့အနေနဲ့ နိုင်ငံတကာအင်အားစုအားလုံး၊ အစိုးရအပါအဝင်က မြန်မာပြည်နဲ့ ပတ်သက်လို့ရှိရင် ဒါက ပထမဦးဆုံးပြောရမယ့်အချက်၊ တိုင်းတာလို့ရမယ့် အချက်ဖြစ်တယ်ဆိုတာကို ကျနော်တို့ အနေနဲ့ ပြောဆိုချင်ပါတယ်။  ဒီတော့ အကုန်လုံး မလွတ်သေးပေမဲ့လို့ အရေးကြီးတဲ့ခေါင်းဆောင်တွေ  လွတ်မြောက်လာတဲ့ ကိစ္စ္စပေါ့၊ ဒါကလည်း တဆက်တည်းမှာ ပြောချင်တာက အစိုးရကိုရော၊ အခုလိုကူညီပေးတဲ့ မိသားစုတွေကိုရော ကျေးဇူးတင်ပါတယ်။အခုက တိုင်းရင်းသားတွေနဲ့ ပတ်သက်တဲ့ ကိစ္စပေါ့နော်၊အပြစ်အခတ် ရပ်စဲဖို့၊တွေ့ဆုံဆွေးနွေးဖို့၊ ဒါကလည်း ကျနော်တို့ ကြိုဆိုပါတယ်၊ နောက်တစ်ခုက ကျနောတို့လည်း အပစ်အခတ် ရပ်ဆဲရေးနဲ့ တွေ့ဆုံဆွေးနွေးဖို့ တိုက်တွန်းခဲ့ပါတယ်၊ အခုနောက်ပိုင်းမှာတော့ အပြည့်စုံအကောင်းဆုံး မဟုတ်သေးပေမဲ့လို့ ဒီဖြစ်စဉ်လေးကတော့ စနေပြီပေါ့နော်၊ နောက်ပြီးတော့ နိုင်ငံရေးအရ တွေ့ဆုံဆွေးနွေးအဖြေရှာဖို့လည်း လုပ်နေပြီပေါ့နော်။အဲတော့ အစိုးရရဲ့ ငြိမ်းချမ်းရေး အဖြေရှာတဲ့အထဲမှာ ပါတယ်လို့သိရတယ်။အဲဒါလေးကလည်း ကောင်းပါတယ်၊ ဖြစ်လာမယ်လို့လည်း မျှော်လင့်ပါတယ်၊ ဒီလိုမျိုး ဟာတွေ ဖြစ်ဖို့ကို ကျနော်တို့ ၂၄ နှစ်လုံးလုံး အစိုးရကို ဖိအားပေးဖို့ကိစ္စတွေ၊ နိုင်ငံတကာကို ဖိအားပေးဖို့ကိစ္စတွေ ရှိလာတာ ကောင်းပါတယ်၊ နောက်တစ်ခုက ကျနော်တို့ လူထုအခြေပြုအဖွဲ့အစည်းတွေပေါ့နော်၊ ၁၉၉၉ ခုနှစ်လောက်ကတည်းကစပြီးတော့ အတွင်းအပြင် လူထုအခြေပြုအဖွဲ့အစည်းတွေ ဖြစ်လာဖို့ ကျနော်တို့ နိုင်သမျှနည်းနဲ့ ကြိုးစားခဲ့ရတာတွေ ရှိတယ်၊ မြန်မာမီဒီယာအပါအဝင် လူထုအခြေပြုအဖွဲ့အစည်းတွေကလည်း အခုဆိုရင် အလုပ်သမားတွေ၊ လယ်သမားတွေအတွက် ပုဂ္ဂိုလ်ရေးတွေ တိုက်ပွဲဝင်ကြတယ်၊ ကျောင်းသားတွေကလည်း သမဂ္ဂအဖွဲ့ဆောင်ပြီးလှုပ်ရှားနေကြတယ်ဆိုတော့ အခုဆိုရင် ဒီလိုဟာမျိုးလေးတွေက ဖြစ်လာတယ်ဆိုတဲ့ အပေါ်မှာလည်း ကျနော်တို့ မြင်ရတာ ဝမ်းသာတယ်၊ ကျနောတို့လည်း ဆက်ပြီးတော့ ကြိုးစားမယ်၊ ကျနော်တို့ ပြောချင်တာက အသွင်ကူးပြောင်းရေးကာလမှာပဲ ဖြစ်ဖြစ် ပြီးခဲ့တဲ့ တိုက်ပွဲကာလထဲမှာပဲ ဖြစ်ဖြစ်ကျနော်တို့ ကိုယ်တိုင်က မလိုချင်ဘဲနဲ့ ကျနော်တို့ကိုယ်တိုင်က ဇွဲနဲ့ မကြိုးစားဘဲနဲ့ ဘယ်ဟာကမှ အလကားရလာမှာမဟုတ်ဘူး၊ အဲဒီစိတ်နဲ့ပဲ ကျနော်တို့ ဆက်ကြိုးစားကြအောင်ပါလို့ကျနော် ပြောချင်ပါတယ်။

ဒေါက်တာနိုင်အောင် ဖြေသွားတဲ့အဖြေကလည်း တော်တော်ရှည်ပါတယ်၊ ဒါပေမဲ့ သူ့အမြင်ပွင့်ပွင့်လင်းလင်းသိရဖို့ ကျမအနေနဲ့ ဆက်မေးဖို့ စဉ်းစားပါတယ်။ ကိုယ့်လေသံကိုလည်း သတိထားရင်း ဆက်မေးပါတယ်၊(လေသံကို သတိထားရတယ်ဆိုတာက တခါတရံမှာ ကိုယ်က အပြုသဘောဆောင်တဲ့မေးခွန်းမျိုးမေးပေမဲ့ ကိုယ့်ရဲ့ လေသံကြောင့် အမေးခံရတဲ့သူက တွန်းတဲ့မေးခွန်းလို့ ထင်ပြီး ဘုဖြေတာမျိုးတွေလည်း ရှိတတ်ပါတယ်- အထူးသဖြင့် သတိပြုရမဲ့ မေးခွန်းမေးတိုင်း အမေးတွေကို တလုံးချင်းစီနဲ့ အေးအေးဆေးဆေး ဖြေးဖြေးခြင်း ပြောတတ်အောင်လည်း ကျမ အမြဲသတိထားနေခဲ့ပါတယ်)

မေး။       ။ ကျမအနေနဲ့ ပွင့်ပွင့်လင်းလင်းမေးချင်တယ် အကို။  အခုလက်ရှိပြည်တွင်းက ဒီမိုကရေစီ အင်အားစုနဲ့ ပြည်ပမှာ ရှိနေတဲ့ ဒီမိုကရေစီ အင်အားစုတွေမှာ ကြားမှာ အမြင်လွဲနေတာလေးတွေ ရှိနေတော တွေ့ရပါတယ်။ ဥပမာအားဖြင့် ပြည်တွင်းမှာ လုပ်နေတဲ့ လူတွေကျတော့ ငါတို့ ဘဝကို ရင်းပြီးတော့ ထောင်ကျခံပြီးတော့ လုပ်နေကြတယ်၊ ပြည်ပကလူတွေကတော့ အပြင်မှာ အေးအေးဆေးဆေးနေရင်း အော်နေကြတာ ဆိုတာမျိုး အမြင်တွေ၊ပြီးတော့ ခုလို ပွင့်လင်းစ အခြေအနေမျိုးရောက်မှာ ပြည်တွင်းကို ၀င်လာပြီး နေရာယူဖို့ လုပ်နေတယ် ဆိုတာမျိုးတွေ ရှိနေတော့လေ။ ဒါ့အပြင် တစ်ယောက်နဲ့တစ်ယောက် ယုံကြည်မှု ပျက်ပြားစေနိုင်တဲ့ အသုံးအနှုန်းလေးတွေနဲ့  facebook လို လူမှုကွန်ယက်တွေမှာလည်း ပြောဆိုနေတာလေးတွေက်ိုလည်း တွေ့နေရတော့လေ။  အဲဒီအပေါ်မှာ ဘယ်လိုမြင်လဲပြီးတော့ ဘယ်လိုသဘောထားပါသလဲ။

ဖြေ။       ။ဒီမေးခွန်း ကောင်းပါတယ်၊ ကျနော်တို့ အနေနဲ့ ပြောမယ်ဆိုရင် နိုင်ငံတကာ လေ့လာတဲ့အခါမှာ နိုင်ငံက ပြန်ပွင့်သွားပြီးတော့ အဲလိုမျိုးဖြစ်သွားတဲ့ အချိန်မှာ ကျနော်တို့လို ပြည်ပရောက်နေတဲ့ နိုင်ငံရေးအင်အားစုတွေက ပြန်လာတဲ့အချိန်မှာ အတွင်းအပြင် ဝိရောဓိဖြစ်တာတွေ၊ ပဋိပက္ခဖြစ်တာတွေ၊ အမြဲတမ်း ကြုံရမှာပါ၊ ဘာဖြစ်လို့လဲဆိုတော့ ခံစားချက်က နှစ်ဖက်စလုံးမှာ တစ်ယောက်တစ်မျိုးစီ ရှိကြပါတယ်၊ ဒါပေမဲ့ ကျနော့်အနေနဲ့ပြောချင်တာက ပြည်ပမှာရောက်နေတဲ့ လူတွေ၊ ပြန်လာမဲ့ သူတွေက ကျနော်တို့က ပိုပြီးတော့ စိတ်ရှည်ရမယ်၊ ပိုပြီးတော့ သည်းခံရမယ်၊ ပြီးတော့ ဒီထဲမှာရှိနေတဲ့ ခေါင်းဆောင်တွေ၊ အဖွဲ့အစည်းတွေက တောက်လျောက်ခေါင်းဆောင်ခဲ့တာတွေအတွက် သူတို့တွေအလုပ်ဆက်လုပ်နိုင်အောင် ကျနော်တို့က ဝိုင်းရံ အသိအမှတ်ပြုပံ့ပိုးကူညီသွားရမယ်၊ ကျနော်တို့ကို နားလည်လက်ခံနိုင်တဲ့ ပုံစံမျိုးဘက်ထဲမှာ ကျနော်တို့ သူတို့ရဲ့ လက်ကမ်းမှုကို သိရမယ်၊ ပူးပေါင်းရှာဖွေမှုကို လုပ်သင့်တယ်လို့ ကျနော်တို့ ထင်ပါတယ်၊ နောက် ဒီအခွင့်အလန်းချင်း ကွာခြားသွားမှုအပေါ်မှာ ကိုယ့်ဘက်က ရှိတဲ့ ကောင်းချက်တွေရှိတာကို ကျနော်တို့က သူတစ်ပါးအတွက်ကို ခြိမ်းခြောက်တယ်ဆိုတာမျိုးမဖြစ်အောင် ကျနော်တို့ ကြိုးစားသင့်တယ်လို့ကျနော်တို့ထင်ပါတယ်။

ပြီးတော့ သူက ကျမကို တချက်ကြည့်ပြီး ခပ်အေးအေးပဲ ဆက်ပြောတယ်။


 “ဒါကိုလည်း ကျနော်တို့က လေးလေးစားစား တန်ဖိုးထားသင့်တယ်လို့ ထင်ပါတယ်၊ ငါတို့က တိုက်လိုက်ရလို့ ခေါင်းဆောင်ဖြစ်တယ်ဆိုတာ တိုက်ပွဲအတွက်ပဲ ဖြစ်ပါတယ်၊ ဒါပေမဲ့ အဲဒီပြန်လည်တည်ထောင်ရေးကို စဉ်းစားမယ်ဆိုရင် ကျနော်တို့ ပြောပြောနေကျ အသွင်ကူးပြောင်းရေးဆိုတဲ့ စကားမျိုးနဲ့ ပြောမယ်ဆိုရင် တိုက်ပွဲရဲ့ခေါင်းဆောင်တွေက တစ်ချိန်ချိန်မှာ တိုင်းပြည်ကို ဦးဆောင်နိုင်တဲ့ ခေါင်းဆောင်တွေဖြစ်အောင် အသွင်ပြောင်းကြဖို့လိုတယ်၊ ငါတိုက်လို့ကတော့ ငါဝန်ကြီးချုပ်ဖြစ်ရမယ်၊၊ သမ္မတလုပ်မယ်ဆိုတဲ့ ဖြစ်ချင်လိုမှုရှိတဲ့ အထဲမှာ ကိုယ်ရော ဝန်ကြီးချုပ်လုပ်နိုင်လား၊ ကိုယ်ရော သမ္မတလုပ်နိုင်လားဆိုတာကို စဉ်းစားဖို့လိုတယ်၊ နောက်တစ်ခုက ကျနော်တို့လုပ်တာ တိုင်းပြည်အတွက် လုပ်တာဆိုရင် တိုက်ပွဲဖြစ်တာက တစ်ကဏ္ဍ၊ တိုင်းပြည်အလုပ်ချုပ်တာက တစ်ကဏ္ဍ၊ အဲတော့ ကျနော်တို့နယ်စပ်မှာ နိုင်ငံရေးလုပ်တဲ့ ၂၄ နှစ်လုံး တိုက်ပွဲထဲမှာပဲ ရှိနေတဲ့လူတွေကို အပထား၊ ကျနော်တို့တိုင်းပြည်အပြင်မှာရောက်နေတဲ့ ပညာရှင်တွေ တိုင်းပြည်ကို ပြန်လာလုပ်ဖို့၊ သူတို့က အုပ်ချုပ်တဲ့နေရာတွေ၊ ဦးဆောင်တဲ့ နေရာတွေမှာ သူတို့နဲ့သင့်တော်တယ်ထင်ရင် ကျနော်တို့ နေရာပေးရမယ်ထင်ပါတယ်၊ နောက်တစ်ခုက ကျနော်တို့ အဲလိုမျိုးလုပ်နေတဲ့ လူတွေက မြင့်မြတ်တဲ့ စိတ်မျိုးထားသင့်တယ်လို့ အဲလိုမျိုး မြင်ပါတယ်။

မေး။       ။ ဟုတ်ကဲ့ ကျေးဇူးတင်ပါတယ်။ အကို့အနေနဲ့ရော မြန်မာနိုင်ငံကို ပြန်လာပြီးတော့ ပါတီ တည်ထောင်ဖို့တွေဘာတွေရော ရှိပါသလား။

ဖြေ။       ။ ကျနော့်အနေနဲ့အမှန်အတိုင်းပြောရရင်တော့ ရေရှည် နိုင်ငံရေးလုပ်မယ်ဆိုရင်တော့    ခုလို အသွင်ကူးပြောင်းရေးကာလတွေမှာ လုပ်စရာရှိတဲ့ ကိစ္စတွေ ကျနော်စဉ်းစားထားတာ ရှိတယ်ပေါ့နော်၊ အထူးသဖြင့်တော့ လူထုစွမ်းအား မြင့်လာဖို့ ကိစ္စတွေ၊ နောက်ပြီးတော့ အခြေခံအဖွဲ့အစည်းတွေ အားကောင်းဖို့ကိစ္စတွေ၊နောက်ပြီးတော့ ဒီလိုအပြောင်းအလဲဖြစ်စဉ်တွေထဲမှာ အခုဗျာ လူကြီးတွေက ဆွေးနွေးလာတဲ့ တစ်ချိန်တည်းမှာပဲ လူကြီးတွေပဲ ဆွေးနွေးနေကြတာပဲ မဟုတ်ဘဲနဲ့လူထုကပါ သူတို့ရဲ့ ဆန္ဒတွေ၊ သဘောတွေပါတဲ့ ကိစ္စတွေ တစ်ခုခုလုပ်သင့်ပါတယ်။ အဲလို ကျနော်မြင်တယ်။ ကျနော် က ပါတီတစ်ခုတည်းမှာ သွားလုပ်ဖြစ်မယ်ဆိုရင်တော့ ပါတီကိုလည်း ထိခိုက်နိုင်တယ်၊ နောက်တစ်ခုက အမြင်လည်းစောင်းနိုင်တယ်ဆိုတဲ့ ကိစ္စမျိုး ရှိမယ်ဆိုရင်၊ အဲဒီအခြေအနေမျိုး ရှိနိုင်မယ်ဆိုရင်တော့ ကျနော် ဘယ်ပါတီထဲမှ မဝင်ပါဘူး။

ဆက်လျက်ဖော်ပြပေးပါမည်။



စက်တင်ဘာ ၉၊ ရန်ကုန်မြို့။

ဒေါက်တာနိုင်အောင်ဆိုတာ ABSDF မှာ ခေတ်ကောင်းချိန် ရှိခဲ့တယ်၊ တချိန်တုန်းက နိုင်အောင်က ဒီရုပ်မဟုတ်ဘူးလို့ ပြောတဲ့အသံကို ခုနောက်ပိုင်းမှာ ကျမ ကြားလာရပါတယ်။သူအရင်တုန်းက ဘယ်လိုရပ်ရုပ်မျိုးရှိခဲ့သလို၊ ကိုယ့်ကိုယ်ကို ယုံကြည်ချက်အပြည့်ရှိတဲ့ လူငယ်တယောက်၊ ဒီမိုကရေစီ တိုက်ပွဲဝင်နေတဲ့ လူငယ်တယောက်… အဲဒီလို ကျမတို့ မြန်မာပြည်က လူတွေ ပုံဖော်ကြည့်ခဲ့ဖူးပါတယ်။
အခု ကျမရှေ့ကတွေ့နေရတဲ့ ဒေါက်တာ နိုင်အောင်ကတော့ ကျမတို့ ထင်ထားသလို သူ့မျက်လုံးတွေက တောက်ပ မနေပါဘူး။ အပြုံးတွေကလည်း မလန်းဆန်းပါဘူး။ ကျမ မေးခွန်းတွေကိုလည်း သတိထားပြီး ဖြေနေရတယ်လို့ ကျမ ထင်မိတယ်။ ပြီးတော့သူ့ကြည့်ရတာက တခုခုကို အားတင်းနေရသလိုပဲ မြင်ရပါတယ်။

ကျမ နောက်ထပ်မေးခွန်းတခုကို ဆက်မေးလိုက်ပါတယ်။

မေး။ ။မြန်မာပြည်မှာက အကိုလုပ်ချင်တာတွေနဲ့ပတ်သက်ပြီးတော့ အစိုးရအနေနဲ့ရော လက်ခံနိုင်မှု ရှိနိုင်သလား၊ အခြားသူတွေ ကလည်း အကိုတို့ကို စောင့်ကြည့်သုံးသပ်နေသလိုပဲ လက်ရှိအစိုးရအဖွဲ့အနေနဲ့ စောင့်ကြည့်မဲ့ အနေအထားရှိနေတော့လေ၊ အဲဒီကိစ္စတွေကိုရော ဘယ်လိုစဉ်းစားထားခဲ့သလဲ။

ဖြေ။ ။ဟို ဒါကတော့ကျနော် မြန်မာပြည်အတွက် လုပ်ပေးချင်တာကို ကျနော့ဘက်က အမြင်နဲ့ပြောတာပါ။ ဒါပေမဲ့ ဟို… ဘယ်လိုပြောမလဲ။ ပြောရမဲ့ ကိစ္စ ဆိုရင်တော့ ကျနော်ပြောရမယ်။ မနေ့ပဲလေ ဟိုအချိုက စစ်အစိုးရကို မယုံဘူးပေါ့ဗျာ။ စစ်အစိုးရကလည်း အမြဲတမ်းအသုံးချတယ်။ ဒီဘက်ခေတ်မှာ ကံကောင်းတာတွေတော့ရှိတယ်လို့ ကျနော်တို့ အတွေ့အကြုံအရပေါ့ဗျာ။ စကားမပြောခင်မှာ ကိုယ်ပြောမဲ့ဟာကို ဘာလဲဆိုတာ ပြောလိုက်တယ်။ စကားပြောပြီးတဲ့အချိန်မှာ ကိုယ်ပြောလိုက်တဲ့ဟာက ဘာရည်ရွယ်ချက်ဖြစ်တယ်ဆိုတာကို ပြောပြလိုက်တယ်။ ပြောရမယ်ဆိုရင် ဒါတွေကို အများပြည်သူကို အသိပေးလိုက်တဲ့အတွက် ဒီဟာအပေါ်မှာ တခုခုများအသုံးချချင်တယ်ဆိုရင် လုပ်လို့မရတော့ဘူး။ ကိုယ်ကတော့ ကိုယ့်အဖွဲ့အစည်းကို ကိုယ်စားပြုတယ်ပြောပေမဲ့ တိုင်းပြည်အကြောင်းကို ပြောမယ်ဆိုရင်တော့ ပြည်သူတွေ  သိသင့်တယ်၊တကယ်လို့ကျနော်တို့ ကျနော်တို့က တမျိုးကြီး လုပ်နေတယ်ဆိုရင် ပြည်သူတွေ ဝေဖန်မယ်။ ပြည်သူတွေရဲ့ အသံတွေလည်း ကျနောတို့ ပြန်ကြားဖို့လိုတယ်။ အဲလိုဟာမျိုးမှာလည်း မီဒီယာတွေရှိလာတာကောင်းတယ်။

မေး။ အခုအကိုတို့လာမယ်ဆိုတော့ မန္တလေးမှာ ရှိနေတဲ့မြောက်ပိုင်းမှာ အသတ်ခံလိုက်ရတဲ့ ကျောင်းသားတွေအတွက် သူတို့မိသားစုတွေ လာတယ်၊ သတင်းစာရှင်းလင်းပွဲတွေ လုပ်ကြတယ်။ အဲဒါတွေနဲ့ပတ်သက်ပြီးတော့ကော အကို့အနေနဲ့ဘယ်လိုရင်ဆိုင်မယ်လို့ စိတ်ကူးထားပါသလဲ။

ဖြေ။ သတင်းစာရှုင်းလင်းပွဲ လုပ်တာတို့ အဲဒါတွေကတော့ သူတို့ရဲ့ အခွင့်အရေးပါ၊ ကျနော်ပြန်လာတဲ့အချိန်မှာ သူတို့ပြောသင့်ပြောထိုက်တာကို ပြောကြ၊ လုပ်ကြတာပါ။ အဲဒီပေါ်မှာ သူတို့သတင်းစာရှင်းလင်းပွဲတွေ လုပ်တဲ့အပေါ်မှာတော့ ကျနော် ဘာမှ ပြောစရာမရှိသလို၊ ဆန့်ကျင်စရာလည်း မရှိပါဘူး။ သို့ပေမဲ့ မြောက်ပိုင်းအကြောင်းနဲ့ပတ်သက်ပြီးတော့ ကျနော့်မှာလည်း ရှင်းပြခွင့်ရှိပါတယ်။

မေး။ ။ဟုတ်ကဲ့ သူတိုနဲ့ အကိုတို့ချင်းတွေ့ဖို့ပြောတာကိုလား။ တွေနဲ့ တွေ့ဆုံပြီး ရှင်းလင်းပွဲလုပ်ဖို့လားရှင့်။ ရှင်းပြခွင့်လည်းရှိတယ်ဆိုတော့ ဘယ်လိုပုံဆန်မျိုးနဲ့ရှင်းမယ်လို့ စိတ်ကူးထားတာပါလဲ၊ သတင်းစာရှင်းလင်းပွဲလုပ်ဖို့ အစီစဉ်ရှိတာမျိုးလားရှင့်။

ဖြေ။ ။ ကျနော်လာခါနီးမှာ ကျနော်က ABSDF မဟုတ်တော့ဘူးလေ။ လာခါနီးမှာ ABSDF ကို ကျနော်မေးပါတယ်။ ဒါ့မတိုင်ခင်မှာပဲ မတ်လကတည်းက ကျနော်ကကြေငြာချက် ထုတ်ပြီးသွားပါပြီ။ ကျနော့်လက်ထပ်မှာ ဖြစ်ပွားခဲ့တာဆိုပေမဲ့ လက်ရှိ အချိန်မှာ ကျနော်က ABSDF အဖွဲ့ရဲ့ တာဝန်ရှိသူ မဟုတ်တော့ပါဘူး။ အဲဒါကြောင့် ABSDF နဲ့ ကျနော်တို့ သဘောတူထားတဲ့ အကြောင်းရှိတယ်။ ဒီကိစ္စကို ဘယ်လိုဖြစ်တယ်၊ ဘယ်လိုထင်တယ် ဆိုတဲ့ အထင်အမြင်တွေ အကြောင်းတွေကို ကျနော့်တို့အနေနဲ့ ပြောနေမဲ့အစား၊ လက်တွေ့ ဖြစ်ရပ်မှန်ကို ဖော်ထုတ်သင့်တယ်။ အဖြစ်မှန်ကို ဖော်ထုတ်ဖို့ အခြေအနေအချိန်အခါက ယနေ့အချိန်မှာ မရောက်သေးဘူးလို့ ကျနော်ထင်ပါတယ်။ အဲဒါက ဘယ်လိုအချိန်အခါဖြစ်သင့်သလဲဆိုရင် တရားမျှတတဲ့ တရားစီရင်မှု  ဖြစ်တဲ့အချိန်၊ ထင်သာမြင်သာ ရှိတဲ့အချိန်၊ ပါဝင်ပတ်သက်တဲ့သူတွေ သက်သေခံသင့်တဲ့သူတွေအားလုံး အပြည့်အ၀ ပါဝင်နိုင်တဲ့အချိန်မျိုးမှာဖြစ်သင့်တယ်၊ အခုအကြောင်းနဲ့ ပတ်သက်ပြီးတော့ သက်သေခံနိုင်မဲ့ လူတွေ အပြည့်အစုံရှိတဲ့အချိန်မှာ မျိုးမှာ ဖော်ထုတ်သင့်တယ်။

ခဏနားပြီး သူက ဆက်ပြောပါတယ်။

သူတို့ပြောဆို ဆောင်ရွက်ခဲ့တာတွေ သူတို့ စစ်ဆေးခံခဲ့ရတာတွေ ဒီလိုလုပ်ခဲ့တာတွေ မှန်သလား မှားသလား ဆိုတာဖော်ထုတ်သင့်တယ်။ အဲဒီပေါ်မှာ တွေ့ရှိလာတဲ့အပေါ်မှာ တွေ့ရှိလာတဲ့အတိုင်းပဲ ဆက်လျက်အရေးယူ ဆောင်ရွက်သင့်တယ်။ နောက်တပြိုင်တည်းမှာပြောချင်တာကတော့ ကျနော်တို့လည်း နောက်ပိုင်းမှာ တဖြည်းဖြည်းနဲ့ သိလာတဲ့ လူ့အခွင့်ရေးချိုးဖောက်ခံရတဲ့ ဟာတွေလည်း ပြောစရာရှိပါတယ်။ လူ့အခွင့်ရေးချိုးဖောက်ခံရတာတွေ အတွက်လည်း ကျနော်တို့ စိတ်မကောင်းဘူး၊နောက် ဘယ်သူပဲဖြစ်ဖြစ် မှန်သည် မှားသည်ထက် မှားမှားမှန်မှန်လူ့အခွင့်အရေးကို ချိုးဖောက်ခံရတာ မကောင်းပါဘူး။ နောက် ကိုယ့်ရဲဘော်တွေလည်း အဲလိုမျိုး လူ့အခွင့်ရေးချိုးဖောက်ခံရတာတွေလည်း ရှိခဲ့ပါတယ်။ နောက်တခုက  ကျနော် မြောက်ပိုင်းသွားတုန်းက ညှိုတော့လည်း ကျနော် ပြောပါတယ်။ ကျနော်တို့ အမြင်မတူတာနဲ့ စစ်မြေပြင်မှာ တယောက်နဲ့တယောက်နဲ့ လက်နက်ကိုင် တိုက်နေတာ တပိုင်း၊ အမြင်မတူတာနဲ့ တယောက်နဲ့တယောက် သတ်ရမယ်ဆိုတာကကို ကျနော်တို့အနေနဲ့ ကျနော်တို့အဖွဲ့အစည်းအနေနဲ့လည်း လက်ခံဖို့ ခက်ပါတယ်။ လူ့အခွင့်အရေးကို ယုံကြည်နားလည်လာတဲ့အခါမှာ လူတွေရဲ့ အသက်ရှင်သန်နိုင်ခွင့်ကို ကျနော်တို့ တန်ဖိုးထားပါတယ်။ ကျနော်တို့ အဖွဲ့အစည်းထဲမှာ ABSDF ထဲမှာ တရားဥပဒေစိုးမိုးရေးတွေ လုပ်လာတဲ့ အချိန်မှာ ကျနောတို့ အဖွဲ့အစည်းကိုထဲမှာ သေဒဏ်ဆိုတာကို ကျနော်တို့ ခွင့်မပြုခဲ့ပါဘူး။

မေး။ ဖြစ်ခဲ့စဉ်တုန်းကရောရှင့်...။

ဖြေ။ လွန်ခဲ့တဲ့ နှစ် ၂၀တုန်းကလည်း ကျနော်ပြောခဲ့ပါတယ်။ ကျနော်တို့ မြန်မာပြည် ပြန်တဲ့အချိန် ဒီကိစ္စကို ရှင်းရမှာပဲ၊ အနည်းဆုံးတော့ မိသားစုတွေနဲ့ ရှင်းရမယ်။ကျနော်တို့လည်း မိသားစု ရှိတာပဲ သူတို့တွေမှာလည်း မိသားစု ရှိတာပါပဲ။ မိသားစုတွေကတော့ သိချင်မှာပဲ။ အဲဒီစေတနာနဲ့ အဲဒီတာဝန်ယူမှု အဲဒီအချိန်ကတည်းက ကျနော်တို့မှာ ရှိပါတယ်။ နောက်အတိုက်အခံတွေကိုရော မပြောဘူးလားဆိုတဲ့ ယဉ်ကျေးမှုကိုလည်း ကျနော် သဘောကျပါတယ်။ ကျနော်တို့ကိုယ်တိုင်ကလည်း တာဝန်ယူမှု တာဝန်ခံမှုကို သဘောကျပါတယ်။နောက်တပြိုင်နက်တည်းမှာပဲ ကျနော်ပြောချင်တာက ကျနေုာ်တို့ ကိစ္စအပါဝင်ဖော်ထုတ်တာတွေရှိသလို၊ ပြီးခဲ့တဲ့ လွန်ခဲ့တဲ့ နှစ်တွေတုန်းကလည်း အခြား လူ့အခွင့်အရေးချိုးဖောက်ခံရမှုတွေကို ဖော်ထုတ်ကြရင်ကောင်းပါတယ်။  အဲလိုဖြစ်လာမယ်ဆိုလို့ရှိရင် တရားမျှတတဲ့ တရားစီရင်မှုလည်း ဖြစ်လာတယ်ဆိုလို့ရှိရင် ။အဲလို ဆိုရင် ပိုပြီး လူ့အဖွဲ့အစည်းယဉ်ကျေးမှုကို ထပ်ပြီးတော့ မြှင့်တင်နိုင်မယ်လို့ ကျနော်ထင်ပါတယ်။

မေး။ ၂၀၁၂ ဖေဖော်ဝါရီလကစပြီး မြောက်ပိုင်းကိစ္စတွေက လူမူကွန်ကယ်တွေမှာ ကျယ်ကျယ်ပြန့်ပြန့်ဖြစ်လာတယ်။ အမှန်အတိုင်းပြောရရင် ကျမလည်း အဲဒီအချိန်ကျမှ ဒီကိစ္စတွေကို သိရပြီး စိတ်မကောင်းဖြစ်ရတယ်။ အဲဒီအချိန်ပြီးတော့ ကိုမောင်မောင်ရေးတဲ့ ခေတ်သစ်ဟင်္သာကိုးသောင်း စာအုပ်ကလည်း ထွက်လာတယ်ပေါ့။ ၁၉၉၂ ခုနှစ်လောက်တုန်းက ဖြစ်ခဲ့တဲ့ကိစ္စက ခုချိန်ကြမှ ကျယ်ပြန့်လာတဲ့ အပေါ်မှာရော အကို့အနေနဲ့ ဘယ်လိုအမြင်ရှိပါသလဲ။

ဖြေ။ တစ်ဖက်က ရဲဘော်တွေပြောခဲ့သလိုပေါ့ဗျာ၊ နှစ် ၂၀ ပြည့်တဲ့အချိန်မို့လို့ပြောနိုင်သလို၊နောက်လူတွေ ပြောနေသလို ထင်သာမြင်သာ လူ့အဖွဲ့အစည်းဆိုတာလည်း ဖြစ်လာလို့နေမှာပေါ့၊ တိုက်ဆိုင်မှုက အဲဒီချိန်မှာပဲ…။ ကျနော်တို့က အစိုးရနဲ့ ငြိမ်းချမ်းရေးအစီစဉ်တွေ လုပ်နေတဲ့ အချိန်ကျမှ ဖြစ်နေတာကိုတော့ တိုက်ဆိုင်မှုအဖြစ်သတိထားမိတယ်။ ကျနော်တို့ အခုလို စကားပြောနေတဲ့ အချိန်မျိုးမှာ ဒီလူတွေကတော့ ဘယ်လိုလူမျိုးတွေ ဖြစ်ပါတယ် ဆိုတဲ့ ဟာမျိုးလည်း ပြည်သူတွေကို တင်ပြလိုက်တာ လုပ်လိုက်တာ ဖြစ်သလို၊ တဖက်မှာလည်း ကျနော်တို့ကို မကြိုက်တာမျိုးလည်း ဖြစ်နိုင်တာပေါ့ သေချာတော့ကျနော်မသိပါဘူး။
မေး။ အဲဒီကိစ္စနဲ့ပတ်သက်ပြီး တခုလောက်ထပ်မေးချင်ပါသေးတယ်။ အခုနေ မြောက်ပိုင်းကိစ္စကို ဖြေရှင်းဖို့ အချိန်မကျသေးဘူးလို့ အကိုပြောတဲ့အခါမှာ အကိုက ပြောတယ် တရားမျှတတဲ့စီရင်မှုလို့ အကိုပြောခဲ့တယ်နော်၊ အဲဒါကို ပိုနားလည်အောင် သေချာရှင်းပြပေးလို့ရမလား။

ဖြေ။  ဟုတ်ကဲ့၊ ဥပမာပေါ့ဗျာ လောလောဆယ် ကျနော်တို့နဲ့အနီးစပ်ဆုံး ကိုဖြိုးဝေအောင်အမှုပေါ့။ သူက မဟုတ်ပါဘူးလို့လည်း အကြိမ်ကြိမ်ပြောတယ်။ နောက်ဆုံးကြတော့ အတင်းဝန်ခံခိုင်းတယ်၊ နောက်ဆုံးကျတော့ ပြန်လွှတ်ပေးရတယ်ပေါ့။ ဥပမာပြောရတာက ဒီလိုတရားစီရင်ရေးမျိုးပေါ့၊ နောက်ဥပမာပြောရရင် ကချင်ဘက်မှာ ဆိုရင် ဦးပန်ရှောင်ကိစ္စ၊ နောက် ကျနော်တို့ နယ်စပ်မှာ ပြောပြောနေတဲ့ သန်လျှင်ဗုံးခွဲမှုနဲ့ပတ်သက်တဲ့ ကိုသန်းဇော်ကိစ္စ ထင်ပါတယ်။ အပြင်မှာ ရောက်နေတဲ့ လုပ်တဲ့ သူကလုပ်ပါတယ်လို့ ပြောနေတာကို တကယ်မလုပ်တဲ့ သူက ထောင်အကြာကြီးကျခံရတယ်ဆိုတော့ ပြီးခဲ့တဲ့ တရားစီရင်မှုက တရားသူကြီးက ဆုံးဖြတ်နေတာမှ မဟုတ်တာချည်းနော် အထက်က ကျလာတဲ့ အမိန့်နဲ့ပဲ ဆုံးဖြတ်နေတာဆိုတော့ အခု အချိန်မှာလည်း ရှိနေသေးလားလို့ မေးရင် ရှိတယ်။ အဲလိုမျိုးအချိန်မျိုးမှာတော့ ဘယ်လိုမှ မျှတတဲ့ ကိစ္စ မပေါ်နိုင်ဘူးလို့ ထင်တယ်။ ဒီအချိန်ကတော့ အဲလို အခြေအနေမရောက်သေးဘူးလို့ ကျနော်တို့ထင်ပါတယ်။

မေး။ ဟုတ်ကဲ့ပါ၊ အခုလည်း ပြောင်းလဲမှုတွေ လုပ်နေတာမြင်ရတာမျိုးတွေလည်းရှိတော့ လက်ရှိအခြေအနေအရ တရားဥပဒေစိုးမိုးလာတဲ့အချိန်မဟုတ်ဘူးလို့ အကို ဘာကြောင့်ပြောနိုင်တာလဲရှင့်။

ဖြေ။အပြောင်းအလဲတွေမှာ သေသေချာချာမြင်နေရတာကတော့ ဥပဒေပြုမှု အပိုင်းနဲ့အစိုးရပိုင်းပေါ့၊ တရားစီရင်ရေးက ပြုပြင်ပြောင်းလဲမှုတွေထဲမှာ ဘာမှ သိသိသာသာ ပြောင်းလဲလာမျိုးတွေ ရှိလာတာ မတွေ့ရသေးပါဘူး။လွှတ်တော်ထဲမှာ တရားစီရင်ရေးအတွက် ကောင်းအောင်ပြုလုပ်တဲ့ အဆိုပြုချက်တွေကို တင်သွင်းနေတာတွေ ကြားရတယ်၊ဒါပေမဲ့ အဲဒါတွေကို ငြင်းပါယ်ခံနေရတယ်ဆိုတော့ မျှတတဲ့ တရားစီရင်ရေးဖြစ်အောင် လွှတ်တော်ကရော၊ အစိုးရကရော မကြိုးစားနိုင်သေးတဲ့ အခြေအနေတခုပဲ ရောက်နေပါသေးတယ်။

မေး။ မြောက်ပိုင်းကိစ္စနဲ့ပတ်သက်ပြီးတော့ကိုမောင်မောင်ရေးထားတဲ့ ခေတ်သစ်ဟသာင်္ကိုးသောင်း စာအုပ်ကို အကိုဖတ်ပြီးပြီဆိုတော့လေ၊ အဲဒါတွေက အမှန်လားရှင့်။

ဖြေ။ ကျနော်ပြောချင်တာကလေ ဒီစာအုပ်အကြောင်းပြောရမယ်ဆိုရင် ABSDF ရဲ့ နောက်ခံအခြေအနေလေးကို နည်းနည်းသိဖို့လိုမယ်။ ကျနော်တို့ ၈၈ တုန်းက တောထဲကို သွားကြတယ်ဆိုတာက အားလုံးကနေပြီးတော့မှ အဖွဲ့အစည်းတခုတည်းကနေပြီးတော့မှ အားလုံးတောထဲကို သွားကြတာ မဟုတ်ဘူး။ အဖွဲ့စည်းတခုတည်းက မဟုတ်တော့ တယောက်နဲ့တယောက်နဲ့မြင်ဖူးကြတဲ့ သူတွေ မဟုတ်ဘူး။ အရင်ကလို ကွန်မြူနစ်ပါတီတောခိုသလိုမျိုး မဟုတ်ဘူး၊ ကိုယ့်သပိတ်စခန်းအသီးသီးကနေ နီးစပ်ရာတိုင်းရင်းသား နယ်မြေတွေကို သွားကြတယ်၊ အဲဒီမှာ စခန်းတွေဖွဲ့ကြတယ်၊ အဖွဲ့အစည်းတွေ ထောင်ကြတယ်။အဲဒီလူတွေအားလုံးကို စုပြီးတော့ ABSDF ကို ဖွဲ့ရတာ။ပြောချင်တာက တယောက်နဲ့တယောက်နဲ့မြင်ဖူးကြတဲ့ သူတွေ မဟုတ်ဘူး။ဒါကတချက်ပေါ့ နောက်တချက်က နယ်မြေအသီးသီးက ကျောင်းသားတွေက အဖွဲ့စည်းတခုတည်းဖွဲ့ကြမယ်ဆိုတဲ့အခါ absdf စတင်ဖွဲ့စည်းတဲ့ ညီလာခံလေး လုပ်တယ်။ ကျနော်တုိ့ရဲဘော်တွေက ရခိုင်ဘက်လည်း ရောက်တယ်၊ အိန္ဒိယဘက်လည်း ရောက်သွားတယ်၊  ကချင်ဘက်လည်း ရောက်သွားတယ်။


ဆက်လျက်ဖော်ပြပေးပါမည်

စက်တင်ဘာ  ၁၀၊ ရန်ကုန်မြို့။

facebook နဲ့ Blog တွေကနေ  မြောက်ပိုင်းက အရိုးတွန်သံများကို ဖတ်ရတုန်းက   စို့စို့နင်နင်ကြီးဖြစ်ပြီး ၀မ်းနည်းနာကျင်နေခဲ့တာက ၃ ရက်မကဘူး။

ကျမရဲ့ မောင်၊ ကျမရဲ့ အမ၊ ကျမရဲ့ နှမ ဘယ်သူမှ မပါဘဲနဲ့ ကျမ ခံစားခဲ့ရတယ်၊ ဘာကြောင့်လဲလို့မေးရင်တော့ ကျမမှာ ဒီနေ့ထက်ထိ ဖြေစရာ စကားမရှိပါဘူး။

ဒါ့အပြင် ခုလို ရန်ကုန်ပြန်လာနိုင်တဲ့အချိန်မှာ တောခိုသွားတဲ့ သား၊ ဘယ်တော့ပြန်လာမယ်မှန်းမသိတဲ့ မိခင်တွေရဲ့ ခံစားချက်နဲ့ ပြောဆိုသံတွေကို ကျမ မကြားရက်ခဲ့ဘူး။ ပြီးတော့ သားပျောက်ရှာတဲ့ မိခင်အိုတွေအကြောင်း ရေးတာတွေ့ရင်လည်း
ကျမ မဖတ်ရဲတော့ဘူး။အဲဒီလို အသတ်ခံခဲ့ရတဲ့ လူငယ်တွေရဲ့ မိဘ၊သားချင်း ခံစားချက်ကို ကျမ နားလည်စာနာမိခဲ့တယ်။

ABSDF ရဲ့ သမိုင်းကြောင်းမှာတော့ အမည်းစက်ကြီး စွန်းပြီးသွားပြီ ဆိုတာကိုလည်း နားလည်လိုက်မိတယ်။ အဲဒီအမည်းစက်ကြီးက တကယ်ဖြစ်ခဲ့တာလား၊ အမှန်လား။ ဘာကြောင့်ဖြစ်ခဲ့ရတာလဲ ဆိုတာတွေကိုလည်း ကျမ သိချင်ပါတယ်။ ပြီးတော့ သေဆုံးသွားခဲရတဲ့ သူတွေအတွက်လည်း မိသားစုဝင်တွေ တနှုံနှုံနဲ့ ခံစားနေရတာတွေကို  ကျေနပ်သွားတာမျိုး ဖြစ်သွားစေချင်တယ်။

ဒါတွေကြောင့် ဒီအချိန်မှာ ကျမဟာ ဒေါက်တာနိုင်အောင်ကို အင်တာဗျူးခဲ့တာပါ။ ကိုမိုးသီးဇွန်ကိုလည်း အင်တာဗျူးချင်ခဲ့တာပါ။

မေး။ မြောက်ပိုင်းကိစ္စနဲ့ပတ်သက်ပြီးတော့ကိုမောင်မောင်ရေးထားတဲ့ ခေတ်သစ်ဟသာင်္ကိုးသောင်း စာအုပ်ကို အကိုဖတ်ပြီးပြီဆိုတော့လေ၊ အဲဒါတွေက အမှန်လားရှင့်။

ဖြေ။ ကျနော်ပြောချင်တာကလေ ဒီစာအုပ်အကြောင်းပြောရမယ်ဆိုရင် ABSDF ရဲ့ နောက်ခံအခြေအနေလေးကို နည်းနည်းသိဖို့လိုမယ်။ ကျနော်တို့ ၈၈ တုန်းက တောထဲကို သွားကြတယ်ဆိုတာက အားလုံးကနေပြီးတော့မှ အဖွဲ့အစည်းတခုတည်းကနေပြီးတော့မှ အားလုံးတောထဲကို သွားကြတာ မဟုတ်ဘူး။ အဖွဲ့စည်းတခုတည်းက မဟုတ်တော့ တယောက်နဲ့တယောက်နဲ့မြင်ဖူးကြတဲ့ သူတွေ မဟုတ်ဘူး။ အရင်ကလို ကွန်မြူနစ်ပါတီတောခိုသလိုမျိုး မဟုတ်ဘူး၊ ကိုယ့်သပိတ်စခန်းအသီးသီးကနေ နီးစပ်ရာတိုင်းရင်းသား နယ်မြေတွေကို သွားကြတယ်၊ အဲဒီမှာ စခန်းတွေဖွဲ့ကြတယ်၊ အဖွဲ့အစည်းတွေ ထောင်ကြတယ်။အဲဒီလူတွေအားလုံးကို စုပြီးတော့ ABSDF ကို ဖွဲ့ရတာ။ပြောချင်တာက တယောက်နဲ့တယောက်နဲ့မြင်ဖူးကြတဲ့ သူတွေ မဟုတ်ဘူး။ဒါကတချက်ပေါ့ နောက်တချက်က နယ်မြေအသီးသီးက ကျောင်းသားတွေက အဖွဲ့စည်းတခုတည်းဖွဲ့ကြမယ်ဆိုတဲ့အခါ absdf စတင်ဖွဲ့စည်းတဲ့ ညီလာခံလေး လုပ်တယ်။ ကျနော်တုိ့ရဲဘော်တွေက ရခိုင်ဘက်လည်း ရောက်တယ်၊ အိန္ဒိယဘက်လည်း ရောက်သွားတယ်၊  ကချင်ဘက်လည်း ရောက်သွားတယ်။ ရှမ်းဘက်လည်း ရောက်သွားတယ်၊ ထိုင်းဘက်မှာဆိုရင် ကရင်နီဒေသ အဲလို အကုန်နေရာခွဲပြီး ရောက်သွားကြတာ၊ ကျနော်တို့ ညီလာခံလုပ်တဲ့ နေရာမှာ ကျနော်တို့စုစည်းနိုင်တာက ထိုင်းဘက်ခြမ်းကများတယ်။ အဲလို ကျနော်တို့အဖွဲ့စည်းအခြေအနေအရ လက်လှမ်းမမီတဲ့အပေါ်မှာ စခန်းတွေက ကို်ယ့်ကိုယ်ပိုင်ပြဋ္ဌာန်းခွင့်။ ကိုယ့်အုပ်ချုပ်မှုနဲ့ သွားကြတာ။ ကျနော်တို့ ဗဟိုက တခုလုံးရဲ့ တခုလုံးရဲ့ စုစည်းတဲ့ မူ၊ပေါ်လစီ ကိစ္စတွေကိုပဲ ကျနော်တို့က တာဝန်ယူ ဆုံးဖြတ်နိုင်တဲ့ အနေအထားမျိုးပါ။ ပြောချင်တာကတော့ စီမံခန့်ခွန့်မှုနဲ့ အုပ်ချုပ်ရေး အာဏာ ကျနော်တို့မှာ မရှိဘူး။ နောက်တခုက…။

သူက အသက်ရှုလိုက်သလို ခဏနားပြီးမှ ဆက်ပြောပါတယ်။

မြောက်ပိုင်းတို့ အနောက်ပိုင်းတို့လို အကြမ်းဖက်မှုလိုဟာမျိုးမှာ ဆက်သွယ်မှု အခက်အခဲရှိတယ်။မြောက်ပိုင်း ကိစ္စဖြစ်တဲ့ ၁၉၉၁ ခုနှစ် ကုန်ခါနီးလောက်မှာ တတိယအကြိမ်ညီလာခံဖြစ်ပါတယ်။ အဲဒီအချိန်တုန်းက ကိုမိုးသီးကတော့ လက်ရှိ ဗဟိုကော်မတီဥက္ကဋ္ဌပေါ့။ အဲဒါက ညီလာခံသက်တမ်းကုန်တဲ့နှစ် ကျနော်တို့တွေ စပြီးတော့ နောက်ညီလာခံသက်တမ်းပေါ့အစည်းဝေးပေါ့။ ABSDF နှစ်ဖွဲ့ကွဲတဲ့ အစည်းဝေးမှာ ကျနော်က ဖျားလုံစခန်းကတက်တဲ့ ညီလာခံ ကိုယ်စားလှယ်ပဲ ရှိပါသေးတယ်။ ညီလာခံထဲက တရက်မှာ ကိုမိုးသီးရှင်းပြတာ ရှိတယ်။ မြောက်ပိုင်းမှာတော့ အဲလိုမျိုးတွေ ဖြစ်နေတယ် သူလျှိုကိစ္စနဲ့ပတ်သက်လို့ မဟာမိတ်ဆီကနေ ကြေးနန်းနဲ့ သိရတာဖြစ်တယ်လို့ ညီလာခံမှ ပြောတယ်။နောက် အဲဒီအချိန်ထဲမှာပဲ တချို့ လွတ်သွားတာလား ဘာလား မသိဘူး။အထဲမှာတော့ န၀တ ခေတ်ပေါ့၊ သတင်းစာရှင်းလင်းပွဲ လုပ်တာ ရှိတယ်။အဲဒီ သတင်းစာရှင်းလင်းပွဲ လေဒီယိုကနေ လာတာရှိတယ်၊ အဲဒါကြားရတာ ရှိတယ်။ အဲလိုအချိန်မှာလည်း ကျနော်တို့က ကွဲမလိုဖြစ်နေတဲ့ အချိန်လည်း ဖြစ်နေတော့ ဘာမှ အဲဒီကိစ္စကို သေသေချာချာပြောဖြစ်ကြတဲ့ ကိစ္စလည်း မဟုတ်ဘူးပေါ့။နောက် ဘယ်လောက် အတိုင်းအတာလည်း ကျနော် မသိဘူး။ အဲဒါနဲ့ပဲ ကွဲသွားတယ် ဆိုပါတော့ဗျာ။

နောက် ကျနော်တို့ရဲ့ ခေတ်အဆက်ဆက်မှာရော ရှေ့ပိုင်းမှာရော နောက်ပိုင်းမှာရော ထောက်လှမ်းရေးရဲ့ သတင်းပေး ရှိတယ်ဆိုတာ ကျနော်အမြဲ ယုံပါတယ်။ ဒါက အခုဖြစ်တဲ့ သူတွေ ဟုတ်တယ် မဟုတ်တယ်ဆိုတာကို ကျနော် ပြောတာ မဟုတ်ဘူးနော်။ သူတို့လည်း အဲလို အလုပ်လုပ်ပါတယ်။ အဲဒါတော့ ကျနော် သေချာသိပါတယ်။

မေး။ ။ ဟုတ်ကဲ့ အဲလိုဆိုရင် ကျမ တခုတော့ မေးချင်တယ်။ ပြီးခဲ့တဲ့ 7 Days ဂျာနယ်မှာပေါ့နော် ကိုဘိုဘိုရဲ့ အမေက ရှင်းထားတာပါ။ သူ့သားဟာ အဲဒီအရွယ်တုန်းက ၁၄ နှစ်ပဲ ရှိသေးတယ်။ အဲဒီ ၁၄ နှစ်အရွယ်ဟာ ထောက်လှမ်းရေး ဖြစ်နိုင်ပါ့မလား  ဆိုတာရယ်၊ပြီးတော့ ကျောင်းသား ၃၀၀ ကျော်မှာ ၁၅၀ လောက်ကို ထောက်လှမ်းရေးလို့ ပြောပြီးတော့ စွတ်စွဲတယ်ဆိုတော့လေ။ အဲဒီလို စွတ်စွဲခံရတဲ့ လူငယ်တွေထဲမှာ ၁၄ နှစ်သားတွေ၊ ၁၅ နှစ်သားတွေ ပါနေတယ်ဆိုတော့အဲဒီအရွယ်တွေက ထောက်လှမ်းရေးက ဆိုတာ ပြီးတော့ ဗိုလ်ဆိုပြီး စွတ်စွဲကြတာတွေကလည်း တွေးကြည့် တော့ အဲလို အခြေအနေမျိုးထိ ဘာကြောင့်ဒီလိုဖြစ်သွားရတာပါလဲ။

ဖြေ။ ။အဲဒါကို ပွင့်ပွင့်လင်းလင်းပြောမယ်ဆိုရင်တော့  ကျနော်တို့ မသိဘူးလို့ပဲ ပြောရမှာပါပဲ။ မသိဘူးလို့ပြောရင် ကျနော်က တာဝန်ရှိရဲ့သားနဲ့ အတင်းမသိဘူးလို့ ပြောတယ်လို့ဖြစ်မှာပေါ့။ အဲဒါကြောင့် ကျနော်အမြဲပြောတာက ဒီကိစ္စကို အဖြစ်မှန်ပေါ်ပေါက်အောင် ပွင့်လင်းထင်သာတဲ့ တရားစီရင်ရေးဖြစ်တဲ့အချိန်မှာ လွတ်လပ်တဲ့ ကော်မရှင်တခုဖွဲ့ပြီး ဖော်ထုတ်သင့်တယ်။

ကျနော်တို့ မြောက်ပိုင်းမှာ သတ်ခဲ့တာတွေကို ကြားရတာကလည်း ဘန်ကောက်မှာ ရှိတဲ့ Nation သတင်းစာမှာ ပါမှ ကျနော်တို့ သိရတာပါ။ အဲလိုသိလာတော့ ကျနော်တို့က ဒါတော့ မဖြစ်ဘူး ဆိုပြီး ကျနော်တို့ဘက် ခြမ်းကိုလည်း ရိုက်ခတ်မှုတွေ ရှိလာတယ်လေ၊ နိုင်ငံတကာကလည်း ပြောလာတာတွေ ရှိတယ်။ လူ့အခွင့်အရေးလုပ်နေတဲ့ အဖွဲ့အစည်း ကျောင်းသားတွေ လူ့အခွင့်ရေးချိုးဖောက်သလား လို့ ပြောလာတာတွေ ရှိတယ်။ ကျနော်တို့ တောင်ပိုင်းက ပြောမယ်ဆိုရင်တော့ ကျနော်တို့တာဝန်ယူ ဆုံးဖြတ် တဲ့ကိစ္စတွေ မဟုတ်ဘဲနဲ့ တဖွဲ့လုံးအနေနဲ့ ခံရတဲ့ကိစ္စတွေဖြစ်နေတော့ ကျနော်တို့ တိုင်ပင်ကြတယ်။

ဘာအကောင်းဆုံးလုပ်နိုင်မလဲပေါ့၊ ကျနော်တို့ သွားစစ်လည်း ဘာမှ အမှန်ကို သိနိုင်မယ် မဟုတ်ဘူးဆိုတာကို ကျနော်တို့က တွက်ပြီးသားပဲ။

ဒေါက်တာနိုင်အောင်ရဲ့ အသံတွေက မြန်လာတယ်။ ပြီးတော့ ဆက်ပြောနေတယ်။

 ကျနော်တို့မှာ ဘာအာဏာမှ မရှိဘူး ဆိုတာလည်း သိပြီးသားပါ၊နောက်သွားလို့ရှိရင်လည်း မြောက်ပိုင်းက လူတွေကို မယုံဘူးဆိုတဲ့ အခြေအနေအောက်ထဲမှာ ကျနော်တယောက်တည်းသွားရမဲ့ အခြေအနေမျိုးဖြစ်လာတဲ့အတွက်  ဖြစ်နေတယ်။ အဲလို အခြေအနေမှာ ကျနော်လည်း ဘာမှ မလုပ်နိုင်ဘူးဆိုတော့ ကျနော်တို့ ဘာလုပ်နိုင်မလဲ ဆိုတာကို စဉ်းစားတယ်။

ကျန်နေတဲ့ သူတွေ ထပ်အသတ်မခံရဖို့နဲ့ အဲလူတွေ လွတ်မြောက်အောင်လုပ်ဖို့ ဆိုတဲ့ ဆုံးဖြတ်ချက်တခုကိုပဲ ကျနော်တို့ဖြစ်အောင်လုပ်မယ်ဆိုတဲ့ ဆုံးဖြတ်ချက်နဲ့ ကျနော်တို့သွားတယ်။ မသွားခင်မှာလည်း ကျနော်တို့ နိုင်ငံတကာ ကြက်ခြေနီအဖွဲ့ကို ဆက်သွယ်တယ်။ နောက် နိုင်ငံတကာ သံရုံးတွေကို အကူညီတောင်းတယ်။ တကယ်လို့ အဲဒီလူတွေကို မင်းတို့ သူတို့မိဘတွေလက်ထဲကို ပြန်ပို့ပေးနိုင်သလား။ပြန်ပို့ပေးနိုင်တယ်ဆိုရင် ငါတို့သွားဆွေးနွေးတော့မလို့။ သူတို့ကလည်း ဒါ စစ်သုံပန်းဆိုရင်တော့ရတယ်ပေါ့ဗျာ။ သူလျှိုဆိုရင်တော့…တကယ်တော့ တရုတ်ပြည်ကြီးကို ဖြတ်ပြီး တော့သွားရမဲ့ ကိစ္စမှာ အိမ်ရှင်နိုင်ငံရဲ့ ခွင့်ပြုချက် မပါဘဲနဲ့တော့သွားလို့မရဘူးပေါ့။ အဲဒါဆိုရင်တော့ ကျနော်တို့ နည်း ကျနော်တို့ ဟန်နဲ့ လုပ်ရတော့မယ်ဆိုပြီးတော့ ကျနော်တို့အနေနဲ့ဦးတည်ကြိုးပမ်းတာကတော့ အဲဒါပါပဲ။

နောက်အချို့ဟာတွေကို သိနိုင်အောင် သူတို့လည်း ပြောချင်တာ ပြောလို့ရအောင် မေးတာရှိတယ်။သူတို့လည်း မပြောကြဘူးလေ။ သူတို့မေးနိုင်အောင် လုပ်ပေးတယ်၊ ပြီးတော့ မဟာမိတ်တွေရှေ့မှာ မေတ္တာရပ်ခံတာကတော့ သံခြေကျဉ်းတွေပေါ့ဗျာ၊ ကျနော်တို့ရဲဘော်တွေလည်းထောင်ထဲမှာ သံခြေကျင်းနဲ့ နေရတာရှိတယ်။ သူတို့လည်း မယုံကြတော့ဘူးဆိုရင်လည်း ပြန်ပါစေပေါ့၊ လွှတ်လိုက်ပေါ့။အဲလိုမျိုးကြီး မထားပါနဲ့ပေါ့၊ ရဲဘော်တွေ ကျွေးသလောက်တော့ ကျွေးပါပေါ့ရဲဘော်တွေ ခံစားခွင့်ရတဲ့ ကျန်းမာရေး ကုသခွင့်လောက်တော့ပေးပါပေါ့၊ အဲဒါမျိုးပေါ့လေ။

ပြောရင်းနဲ့ လေသံပျော့သွားပြီး ခဏနားတယ်။ပြီးမှ ကျမမေးခွန်းစမေးဖြစ်ပါတယ်။

မေး။ အကိုတို့အနေနဲ့လည်း ဒီကိစ္စနဲ့ပတ်သက်ပြီး အမှန်ဖြစ်စေချင်တယ်ပေါ့လေ၊ ကျမတို့ပြည်သူတွေအနေနဲ့လည်း ABSDF ရဲ့ သမိုင်းကြောင်းမှာ ဒီဟာကြီးက အမည်းစက်ကြီး ဖြစ်နေတော့လေ၊ ပြည်သူတွေအနေနဲ့ ခုထက်ပိုပြီး ရှင်းရှင်းလင်းလင်း ဖြစ်အောင် ထောက်လှမ်းရေးတွေနဲ့လည်း ခုလို စုံစမ်းဖော်ထုတ်လို့ရနိုင်တဲ့ အနေအထားတခုရော ဖြစ်လာနိုင်ပါသလားရှင်။

ဖြေ။ ကျနော်မြောက်ပိုင်းခေါင်းဆောင်တွေအားလုံးကိုလည်း တင်ပြပါတယ်။တော်လှန်ရေးအတွေ့အကြုံအရ  အရမ်းကြီးမရှိသေးပေမဲ့လို့ ကျနော် ဖတ်ဖူး၊လေ့လာဖူးတာတွေ ကြားဖူးတာတွေ မဟာမိတ်တွေ ပြောပြတာတွေ ရှိခဲ့ဖူးတာကိုး။ ဒါက ဒီလောက်အများကြီးတော့ မဖြစ်နိုင်ဘူးထင်ပါတယ်။မြောက်ပိုင်းသွားတုန်းကလည်း ကျနော်ပြောတယ်၊ ဒီကိစ္စက တနေ့နေ့တချိန်ချိန်ကျရင်တော့ ရှင်းရမှာ။

မေး။ ။ဟုတ်ကဲ့၊ ရှင်းသင့်တာပေါ့။

ဖြေ။ ရှင်းရမှာ ဆိုတာကလည်း ဗျာ ဥပမာ ကျနော်က ဒီလူကို ဒီလိုမြင်တယ်လို့ စွတ်စွဲတယ်။ အဲလို စွတ်စွဲတာကို တဖက်က ပြန်လှန်မေးဖို့ လူက ဘယ်မှာလဲ ဆိုတော့ မန္တလေးမှာပဲ ရှိတယ်။နောက် အစိုးရဘက်က ထောက်လှမ်းရေး တာဝန်ရှိတဲ့ သူကို ကျနော် ဘယ်လိုသွားမေးမလဲ။ ဆိုတော့ ကျနော်ပြောချင်တာက ဒါကြောင့်မို့ ဒီလို စွတ်စွဲထားတာတွေက မှန်တယ် မမှန်ဘူး၊ စဉ်းစားတဲ့အခါမှာ ဘယ်လိုအကြောင်းမျိုးကြောင့်ပဲဖြစ်ဖြစ် ကျနော်တို့ နောက်ပိုင်းမှာ သိလာတာပဲ။ လူ့အခွင့်ရေးချိုးဖောက်ခံရပြီး စစ်တာတွေ ရှိတယ်။
ဒါတော့ မှားတယ်။ နောက်တခုက သေဒဏ်ပေးတဲ့အထိ မဖြစ်သင့်ဘူး။ ဒီနေ့ထိ သူတို့ရှိနေရင်တော့ ဖြေလို့ရတာပေါ့ဗျာ။ မှားသွားပြီးမှ ဆိုတော့ စိတ်မကောင်းစရာတွေဖြစ်တော့တာပေါ့။ နောက် ABSDF တခုလုံးပေါ့ဗျာတောထဲမှာ ABSDF ကတိုက်ပွဲဝင်ပြီး သေခဲ့တာတွေ အနစ်နာခံပြီး လုပ်ခဲ့တဲ့ ABSDF ရဲ့ သမိုင်းတွေကို ဒီအမည်းစက်ကြီး အမှားတခုလို ဖြစ်သွားတယ်ပဲ ထားဦးတော့နော်။  ဒါကြီးနဲ့တော့နော်…နော် ချေဖျက်လိုက်တာမျိုးတော့ မဖြစ်စေချင်ပါဘူး။

မေး။ ။ကျမတို့ မီဒီယာအနေနဲ့ကတော့ ဒါကို ပြည်သူကလည်း တကယ်သိချင်တယ်။ နောက် သေဆုံးသွားတဲ့ သူတွေရဲ့ မိသားစုဝင်တွေကလည်း သူတို့လည်း ခံစားရတာအပြင် တခုခုပေါ့နော်၊ သူတို့လည်း သူတို့သားသမီးတွေကို ဆုံးရှုံးသွားခဲ့ရတဲ့ အတွက် တခုခုပြန်လုပ်ပေးတာမျိုးနဲ့ ကျေနပ်ချင်တာပေါ့လေ။

ဖြေ။ ။ဒါပေါ့။ဒါပေါ့။ ကျနော်လည်း ကြုံတုန်းမှာ ပြောချင်တာက ဘာလဲ ဆိုတော့ ကျနော်နဲ့ အရင်တုန်းက ထောက်လှမ်းရေးတွေကိုပေါ့လေ သူတို့လည်း သားသမီးချင်း စာနာတဲ့ စိတ်နဲ့ ၀င်ကူညီပေးစေချင်ပါတယ်။ မဟုတ်ဘဲနဲ့ စွတ်စွဲခံရတယ်ဆိုတာကလည်း မကောင်းဘူး။အဖွဲ့အစည်းကလည်း ဒါမျိုးတွေဖြစ်သွားတဲ့အခါကျတော့ မှားသွားတယ်ဆိုလို့ရှိရင်လည်း သူတို့လည်း တာဝန်ယူရမှာပဲ။ ကျနော်တို့ ဗဟိုအနေနဲ့ ပြောမယ်ဆိုရင် မဟုတ်သော်ငြားလည်း တာဝန်ယူရမှာပဲ တောင်းပန်ရမှာပဲ။ ဒီမှာ တဆက်တည်းပြောချင်တာကတော့ ထောက်လှမ်းရေးအနေနဲ့လည်း ဒါကိုဝိုင်းကူပြီးတော့ ဖြေရှင်းပေးကြပါ။

မေး။ ။ ဘယ်လိုကြောင့် ABSDF အဖွဲ့ နှစ်ဖွဲ့ ကွဲသွားကြတာလဲရှင့်၊ အကိုပြောခဲ့တဲ့ထဲမှာလည်း ပါတော့လေ အဲဒီပြသနာဖြစ်တဲ့ အချိန်မှာ ကွဲတယ်ဆိုတာမျိုး ကြားတော့လေ။

ဖြေ။ အဖွဲ့ ၂ ဖွဲ့က ဘာကြောင့်ကွဲသွားကြသလဲ ဆိုရင်တော့ ဦးဆောင်မှု ပြသနာပေါ့ဗျာ။ ဦးဆောင်မှု ပြသနာကို ရှင်းရမယ်ဆိုရင်တော့ ကျနော်တို့ကြားထဲမှာ ဒီမိုကရေစီကျင့်သုံးမှုနဲ့ပတ်သက်ရင် အမြင်မတူဘူး။ အမြင်မတူဘူးဆိုတာက အဲဒီအချိန်တုန်းက ကျနော်တို့က ရွေးကောက်ပွဲ ပုံစံနဲ့ ဒါကို လုပ်ချင်တယ်ပေါ့။တဖက်က ကိုမိုးသီးတို့ကလည်း တော်လှန်ရေးကာလမှာ ဒါမျိုး မလုပ်သင့်ဘူးပေါ့။ မှန်တာမှားတာတွေလည်း အဲဒီမှာ ညှိုလို့မရတာပေါ့။ အဲဒီအချိန်တုန်းက စိတ်ထဲမှာ ရှိနေတဲ့ နောက်ခံသံသယတွေကလည်း ဘာလည်း ဆိုတော့ တော်လှန်ရေးကို ပြတ်ပြတ်သားသား ဆင်နွဲရမယ်။ ဒီလူတွေက တော်လှန်ရေးကို ပြတ်ပြတ်သားသားဆင်နွဲမှာ မဟုတ်ဘူး၊ အတွေးအခေါ်သမားတွေဆိုတဲ့ သံသယလေးတွေလည်း ၀င်လာတာမျိုး ရှိတယ်။ ဒါပေမဲ့ ဒီနေ့လို ၂၄ နှစ်လောက်နေလာပြီးတဲ့ အခါကျတော့ ဒါတွေကလည်း ဘာမှ မဟုတ်ဘူးပေါ့။ အဲဒီလို စွတ်စွဲကြတဲ့  သူတွေကလည်း ဒီလိုပဲ တောထဲမှာ ဆက်နေပြီး ဒီလိုပဲ နေလာကြတော့ စိတ်ထဲမှာ သံသယရှင်းသွားတာပေါ့ဗျာ။ အဲဒီအချိန်တုန်းကတော့ အဲဒီအချိန်တုန်းကတော့ အတွေ့အကြုံ နုနယ်ကြတဲ့ အချိန်၊ လူတွေကလည်း မာန်တက်ကြတဲ့အချိန်၊ အပြိုင်အဆိုင်ကလည်း ကြီးတဲ့အချိန်မှာ ကျနော်တို့ စိတ်နုနုနဲ့ မဖြစ်သင့်တာတွေဖြစ်ကြတာပါပဲ။

ခုချိန်မှာတော့ ဒေါက်တာ နိုင်အောင်က အသက် ၅၀  ရှိပြီလို့ သိရပါတယ်။ အသက် ၅၀ အရွယ်နဲ့ ပြန်သုံးသပ်ကြည့်ရင်တော့ စိတ်နုနုနဲ့ မဖြစ်သင့်တာဖြစ်ကြတယ်လို့မြင်ကြောင်း ပြောဆိုတာပါ။

“ကျနော် ဒီဘ၀ထဲမှာ ခံယူမှု ၂ ခုပေါ့။ တခုက ဘာလဲ ဆိုတော့ ကျနော်တို့ တကယ်လွတ်မြောက်ချင်တယ်ဆိုလို့ရှိရင် ကိုယ့်ကိုယ်တိုင်က တရားမျှတမှုဆိုတာ ဘာလဲဆိုတာ သိရမယ်၊ တခြားလူတွေရဲ့ မတရားမမျှတမှု အဲဒီအတွက်လည်း တိုက်ပွဲ ၀င်နိုင်ရမယ်။ သူတို့အတွက် တိုက်ပွဲဝင်ပေးနိုင်မှ သူတို့အတွက် ပြောဆိုပေးနိုင်မှ ကိုယ့်ရဲ့ တရားမျှတမှုဆိုတာရှိတယ်၊ အဲဒါတွေကို ခံယူနိုင်မှ ကျနော်တို့ လွတ်မြောက်နိုင်မယ်လို့  ခံယူတယ်`“

အသက် ၅၀ အရွယ်ရဲ့ ခံယူချက်ကို ပြောပါတယ်။ အဲဒီနောက်မှာတော့ ခဏ နားပြီး အင်တာဗျူးကို ပြန်စဖြစ်ပါတယ်။

ဆက်လျက်ဖော်ပြပေးပါမည်။

စက်တင်ဘာ ၁၁၊ ရန်ကုန်မြို့။

ဒေါက်တာနိုင်အောင်အကြောင်းကို ကျမ ကောင်းကောင်းရေးနိုင်ဖို့ဆိုရင် သူ့ရဲ့ နောက်ခံအကြောင်းအရာတွေကို သိထားဖို့ လိုတယ်ဆိုတာ ကျမ သိပါတယ်။

ဒါပေမဲ့ သူ့အကြောင်းကို ကျမက စုံစမ်းတော့ ဒေါက်တာနိုင်အောင်ဟာဆရာဝန်တယောက်ဖြစ်တယ်၊မန္တလေးသားဖြစ်တယ်။ ABSDFရဲ့ ခေါင်းဆောင်  တယောက်ဖြစ်ခဲ့တယ်။ ပြီးတော့လက်ရှိ မြန်မာနိုင်ငံဒီမိုကရက်တစ်အင်အားစုရဲ့ Secretary General တာဝန်ယူထားတယ်ဆိုတာလောက်ပဲ သိရတယ်။

ဒါလောက်သိတာတောင်မှ   facebook သုံးစွဲရင်းနဲ့ နိုင်ငံခြားမှာနေတဲ့ သူတွေကို မေးရင်းမြန်းရင်း သိရတာပါ။ နိုင်ငံခြားမှာ နေတဲ့ သူတွေဆိုတာလည်း ကျမနဲ့ငယ်ပေါင်းကြီးဖော်တွေ မဟုတ်ပေမဲ့ facebook မှာ သူ့စာကိုယ့်စာဖတ်ရင်းနဲ့ ခင်မင်သွားကြတဲ့ သူတွေဖြစ်တယ်။ သူတို့လည်း သူတို့သိရသလောက်ပဲ ပြောပေးကြပါတယ်။

ဒေါက်တာနိုင်အောင်အကြောင်း၊ မိုးသီးဇွန်အကြောင်း စာအုပ်ရေးလည်း ကျမ မဖတ်ခဲ့ဖူးတော့ သိလည်းမသိခဲ့ပါဘူး။ သူ့အကြောင်း မသိ၊ သူ့ကို မတွေ့ဖူး၊ မမြင်ဖူးဘဲနဲ့ ကျမတော့ အင်တာဗျူးလုပ်ခဲ့ပါပြီ။

မေးခွန်းအချို့ကို ကြိုတင်ပြင်ဆင်ထားခဲ့ပေမဲ့ မေးခွန်းအများစုကို ဒေါက်တာနိုင်အောင်ရဲ့ အဖြေကိုစောင့်နားထောင်ပြီး မေးခဲ့တာပါ။

မေးရင်းနဲ့လည်း  အားမလိုအားမရတဲ့စိတ်ဖြစ်ရသလို ။ ကျမက ဒီလူအကြောင်းကို ခုမြင်သလောက်ပဲ သိလို့ မမေးဖူးဆိုရင် သူ့အကြာင်းကို ကောင်းကောင်းသိမှ မေးမယ်လို့ ဆုံးဖြတ်ရင် မှန်ရဲ့လားဆိုတာတွေးပြီးတော့ ကိုယ့်ကိုယ်ကို အားပေးတဲ့စိတ်နဲ့နောက်မေးခွန်းတွေကို ဆက်မေးဖြစ်ခဲ့တယ်။

 နိုင်ငံရေးလုပ်စားတယ်ဆိုတဲ့ကိစ္စနဲ့ပတ်သက်ပြီး မေးမြန်းရာမှ ဒေါက်တာအောင်နိုင်က ခုလို ဖြေပါတယ်။
ဖြေ။ ။ နိုင်ငံရေးလုပ်စားတယ် နိုင်ငံရေးလုပ်စားတယ်ဆိုတာလေးကို ကျနော်က ရှင်းပြချင်ပါတယ်။ ကျနော်တို့ တောထဲမှာ ၂၄ နှစလုံးနေထိုင်ခဲ့တဲ့ အပေါ်မှာ ကျနော်တို့ သူများထောက်ပံ့တာနဲ့ပဲ ရပ်တည်ခဲ့ရတာဖြစ်ပါတယ်။ ဒီနေ့ထိလည်း ကျနော့်ရဲ့ ဆရာဝန်အတတ်ပညာနဲ့ ကိုယ်ပိုင် ၀င်ငွေကို ရှာပြီးတော့ ရပ်တည်တာ  မဟုတ်ပါဘူး။ ဒီနိုင်ငံရေးလုပ်တဲ့ အခါမှာ အသက်မွေးဝမ်းကျောင်းအနေနဲ့ သမ္မတ၊  ၀န်ကြီးတွေ၊ထိုက်သင့်တဲ့ လစာနဲ့ ခံစားခွင့်ရှိသလို နိုင်ငံရေးလုပ်တဲ့သူတွေကလည်း ဒီအလုပ်ကို အချိန်ပြည့်လုပ်နိုင်အောင်အတွက် သူ့မှာ ထိုက်သင့်တဲ့ ၀င်ငွေလေး ရှိဖို့ လိုအပ်ပါတယ်။ ထိုက်သင့်တဲ့ ၀င်ငွေရှိသင့်တယ်လို့ ကျနော်ထင်ပါတယ်။ ကျနော်က ကိုယ်ပိုင်ဝင်ငွေရဖို့အတွက် အခြားအလုပ်တခုခု လုပ်နေရမယ်ဆိုရင် ဒီထဲမှာ အချိန်ပြည့်လုပ်နိုင်တဲ့ အခြေအနေ ဘယ်ရှိပါတော့မလဲ။ ဒီအလုပ်ကိုလည်း အသက်မွေးဝမ်းကျောင်းအလုပ်တခုအနေနဲ့ ကျင့်သုံးသင့်ပါတယ်လို့ ကျနော်ထင်ပါတယ်။

ဒေါက်တာနိုင်အောင်က ခပ်ဖြေးဖြေးဖြေပြီးတော့ ဘယ် ဒူးကို ညာလက်နဲ့ပြန်ပိုက်ပါတယ်။

မေး။ ခုချိန်ထိတော့ပေါ့နော် မြန်မာနိုင်ငံမှာလည်း ပါတီနိုင်ငံရေးလုပ်နေကြတဲ့ အပေါ်မှာလည်း ပါတီ တော်တော်များများကတော့ ကိုယ့်မိသားစုပိုက်ဆံထဲကပဲ လုပ်ကြတာများတယ်ပေါ့၊့ ကိုယ့်ထမင်းကိုယ်စားပြီးတော့ပါတီ ရုံးသွားကြ လုပ်ကြရတာပေါ့လေ၊ လမ်းစရိတ်တွေ ပါတီကိစ္စ စည်းရုံးရေးကိစ္စတွေတောင်မှ ကိုယ့်ပိုက်ဆံနဲ့  ကိုယ်လုပ်ကြတာပေါ့လေ၊ မိသားစု ပိုက်ဆံကိုပဲ သုံးပြီး လုပ်ကြတာပေါ့လေ၊ မြန်မာပြည်မှာတော့ ဒီယဉ်ကျေးမှုကတော့ မရှိသေးဘူးပေါ့ အလှမ်းဝေးနေသေးတယ်လို့ မြင်တာပေါ့လေ၊ အကို့အမြင်နဲ့ရော ဒါကို နိုင်ငံရေးလုပ်စားတယ်၊ နိုင်ငံရေး ပွဲစားလို့ လူမှုကွန်ယက်တွေ facebook တွေမှာ သုံးကြတာတွေ့ရတော့လေ၊။

ဖြေ။ ။ facebook ကတော့ ခွင့်လွှတ်လိုက်ပေါ့ဗျာ။ ပြောချင်သလို ပြောလို့ရတယ် ဟစ်တိုင်ကြီး ဖြစ်နေတယ်ဆိုတော့လေ။ ဒါပေမဲ့ နိုင်ငံရေးလုပ်တယ်ဆိုတဲ့အခါမှာ တယောက်နဲ့တယောက်ယုံကြည်မှုတွေ ရှိလာအောင်ဆိုတဲ့ ကိစ္စမျိုးပေါ်မှာ ကျနော်တို့ လုပ်နေတဲ့ နိုင်ငံရေးတန်ဖိုးထားမှုမှာ ကိုယ့်အိတ်ကိုယ်စိုက်လုပ်တယ်ဆိုတဲ့ တန်ဖိုးထားမှု ရှိနိုင်ပါတယ်။ ဒါလည်း ကောင်းပါတယ်။ ဖြစ်နိုင်သမျှ ဘာမှ မယူဘဲနဲ့ လုပ်နိုင်ရင်ကောင်းတာပေါ့။ ဒါပေမဲ့ ရေရှည်အချိန်တခုခုမှာ ကျနော်တို့ လက်တွေ့စဉ်းစားကြည့်ကြစို့၊ သမ္မတဦးသိန်းစိန်က သိပ်ချမ်းသာလွန်းနေရင်တော့ မပြောတတ်ဘူး။ အလုပ်တခုလုပ်ဖို့ ထမင်းစားဖို့တော့ လိုတာကို။ အဲဒီလိုမျိုးမှာ တနေ့နေ့တချိန်ချိန်မှာတော့ နိုင်ငံရေးအလုပ်ကို ကျွမ်းကျွမ်းကျင်ကျင် လုပ်နိုင်တဲ့ သူတွေ ဖွဲ့စည်းပြီးလုပ်လာတဲ့ အပေါ်မှာ ဒီအပျော်တမ်းသဘောမျိုး လုပ်တဲ့ အဆင့်တွေကနေပြီးတော့မှ တကယ်ကို လုပ်နိုင်တဲ့ အချိန်ထိ ကြိုးစားသွားသင့်တယ်၊ ဒီလို လုပ်နိုင်ဖို့ အရည်အချင်းရှိတဲ့ သူတွေကိုလည်း ယုံယုံကြည်ကြည်နဲ့ နောက်ကျောလုံလုံနဲ့ လုပ်နိုင်အောင်လည်း အခွင့်အရေးတွေ အခွင့်အလန်းတွေ ဖန်တီး ပေးသင့်တယ်လို့ ထင်ပါတယ်။အဲဒါကိုလည်း ကျနော်တို့ လူ့အဖွဲ့အစည်းက နားလည်ပေးသင့်တယ်လို့ ထင်တယ်။အရေးကြီးတာက ဘာလဲဆိုတော့ အဲလိုမျိုး အများသူငှာနဲ့ ဆိုင်တဲ့ အလုပ်တွေကို လုပ်နေတဲ့ သူတွေ ကိုယ်ပိုင်ဝင်ငွေနဲ့ လုပ်နေတာ မဟုတ်တဲ့ သူတွေက ကိုယ့်ရဲ့ ပိုင်ဆိုင်မှုကို ရှင်းရှင်းလင်းလင်းကြေငြာသင့်တယ်။ ရှင်းရှင်းလင်းလင်းပြောထားသင့်တယ်လို့ ကျနော် မြင်ပါတယ်။

မေး။ ။၁၉၉၂ ခုနှစ်တုန်းက ABSDF အဖွဲ့ကနေ ရိုဟင်ဂျာနဲ့ပတ်သက်တဲ့ စာတမ်းတစောင်ထုတ်ပြန်ခဲ့တယ်လို့ ကျမရဲ့ facebook က မိတ်ဆွေတယောက်က ပြောပါတယ်။ အဲဒါ ဟုတ်ပါသလားရှင်။

သူ ခဏတော့စဉ်စားနေသလို ရှိတယ်။ပြီးမှ ဆက်ဖြေပါတယ်။

ဖြေ။       ။အဲဒါက တကယ်တော့ ကျနော်တို့ ထုတ်ပြန်တာ မဟုတ်ဘူး။ အဲဒီအချိန်တုန်းကလည်း ရိုဟင်ဂျာဆိုတဲ့ ကိစ္စတွေ စဖြစ်လာတော့ ကျနော်တို့ ကျောင်းသားတွေက မိဘအိမ်တွေကနေ လာခဲ့တဲ့သူတွေဖြစ်တော့ သမိုင်းကြောင်းတွေကို ပြန်လေ့လာကြရတာတွေ ရှိတယ်။  ရိုဟင်ဂျာဆိုတဲ့ ကိစ္စကို ကျနော်က ဘာမှန်းမသိလို့ကျနော်တို့ရဲ့ သုတေသနအဖွဲ့ကို ရိုဟင်ဂျာဆိုတာကို ဘာလဲ ဆိုတာကို လက်လှမ်းမှီသလောက် ရှာဖွေစုဆောင်းပေးပါလို့ ပြောတဲ့အခါမှာ သုတေသနဋ္ဌာနက ဗဟိုကော်မတီတွေကို စာအုပ်လေး တအုပ်ထုတ်ပေးတယ်။ ဗဟိုကော်မတီဝင်တွေ ဖတ်ဖို့ ပေးတဲ့သဘောပါ။အဲဒါက အကြောင်းအမျိုးမျိုးနဲ့ အပြင်ရောက်သွားပြီးတော့  ကျနော်တို့က ရိုဟင်ဂျာကို ထောက်ခံသလား၊ ရိုဟင်ဂျာကို အသိအမှတ်ပြုပါသလားဆိုတာမျိုးဖြစ်သွားတာပါ။

မေး။လက်ရှိအခြေအနေအရရော အကိုရဲ့ ရိုဟင်ဂျာနဲ့ပတ်သက်တဲ့ သဘောထားအမြင် ဘယ်လိုရှိပါသလဲရှင့်။

ဖြေ။ ။အခု ရိုဟင်ဂျာလို့ အမည်သုံးပြီး ပြောနေတဲ့ လူတွေပေါ့နော်၊ လူတိုင်းမှာ နိုင်ငံသားဖြစ်ပိုင်ခွင့်၊ နိုင်ငံတခုပေါ် နေထိုင်ခွင့်ဆိုတာ ရှိကိုရှိတယ်။ ဆိုတော့…ကျနော်တို့ တိုင်းပြည်ထဲမှာ သူတို့က တကယ်ပဲ မိဘတွေကမွေးလာလို့ပဲဖြစ်ဖြစ်၊ နေရာတနေရာကနေ ရွေ့ပြောင်းလာလို့ပဲ ဖြစ်ဖြစ်၊ ကျနော်တို့ နိုင်ငံသားဖြစ်တယ်ဆိုလို့ရှိရင် သူတို့မှာ နိုင်ငံသားအခွင့်အရေးအပြည့်အ၀ ရရှိသင့်တယ်လို့ ကျနော်တို့ယူဆပါတယ်။ အဲလို နိုင်ငံသားဖြစ်ထားတဲ့ မှတ်ပုံတင်ကို ဘယ်လိုရသလဲလို့ စိစစ်တာက တပိုင်း။နောက်တခု ကျနော်တို့ နိုင်ငံသားဖြစ်မှု ဥပဒေကလည်း လွှတ်တော်မှာ ပြောဆိုနေကြသလို ခေတ်နဲ့ မညီတော့ပါဘူး။ ဒါတွေကို ပြန်ပြီးတော့ ပြင်ရမယ်ဆိုတာကလည်း တပိုင်း၊ နောက်တခုက ကျန်နေသေးတဲ့ သူပေါ့၊ အဲဒါမဟုတ်တဲ့ သူတွေလည်း တပိုင်းရှိနိုင်တယ်ဆိုရင်လည်း အဲဒီလူတွေအားလုံးကိုလည်း ကျနော်တို့ ဟိုဘက်ကမ်းက ဘင်္ဂလားဒေရှ့် နိုင်ငံကလည်း လက်မခံဘူးဆိုရင် ကျနော်တို့ သူတို့ကို ပင်လယ်ထဲ မောင်းချလို့မရဘူး။ ကျနော်တို့ သူတို့ကို လူသားချင်းစာနာတဲ့ အနေနဲ့ ကျနော်တို့ သူတို့ကို ကျနော်တို့ နိုင်ငံက လူ့အဖွဲ့အစည်းက စောင့်ရှောက်ဖို့ တာဝန်ရှိတယ်။ သူတို့တွေ နိုင်ငံတခုခုမှာသွားရောက်အခြေချနေထိုင်အောင်လို့ ကျနော်တို့ နေရာကနေ ခွင့်ပြုပေးသင့်တယ်၊ အဲဒါကိုလည်း နိုင်ငံတကာက တာဝန်ယူသင့်တယ်။ မြန်မာပြည် တနိုင်ငံတည်း တာဝန်မယူသင့်ဘူး။

အဲဒီလို အခြေအနေမှာ မြန်မာနိုင်ငံကလည်း ကိုယ်နိုင်သလောက်ခွဲတမ်းလေး ယူရင်လည်း ကမ္ဘာအလည်မှာ ပိုပြီး လေးစားစရာဖြစ်လာမယ်။ဒါကတော့ ကိုယ့်နိုင်ငံက နိုင်မှပါ။ နောက်တခုက နိုင်ငံရေး ကိစ္စပေါ့ ကျနော်မြင်တာက ဘာရှိသလဲ ဆိုရင် ကျနော်တို့ ပြန်လည်သင့်မြတ်နိုင်အောင် ကြိုးပမ်းနိုင်သလောက် ဆက်ကြိုးပမ်းကြမယ်လို့ ဆိုပေမဲ့ လို့ အခုလောလောဆယ်ဖြစ်နေတဲ့ အရှိန်အဟုန်ကြီးက သိပ်ကြီးနေတဲ့ အပေါ်မှာ ကျနော်က ဘာအကြံပြုချင်လည်း ဆိုတော့ ဒီလူတွေကို ရခိုင်ပြည်နယ်တခုတည်းမှာပဲ မထားဘဲနဲ့တခြားပြည်နယ်တွေမှာလည်း အခြေချနေထိုင်ခွင့်ပြုသင့်တယ်လို့ ထင်တယ်။အဲလိုဆိုရင် ရခိုင်တိုင်းရင်းသားတွေ စိုးရိမ်နေတဲ့ သံသယတွေနဲ့ စိုးရိမ်ပူပင်မှုတွေ လျော့သွားနိုင်မယ်လို့ ထင်တယ်။ နောက်နိုင်ငံရေးပြသနာ တခု ရှင်းရမှာက ဘာလဲ ဆိုတော့ဒီရိုဟင်ဂျာဆိုတဲ့ သူတွေပေါ့နော် သူတို့က ကျနော်တို့ရဲ့ တိုင်းရင်းသားတွေလို ရခိုင်၊ ကချင်၊ကရင်တို့လို ဌာနေ တိုင်းရင်းသား အခွင့်အရေး မရှိဘူး လို့ ကျနော်ထင်တယ်။ဒါလောလောဆယ် ကျနော် ထင်ထားတာနော်။


အဲဒါကျနော်တို့နဲ့အတူတူ ဘာလဲ ဆိုတော့ ရခိုင်ဆိုတဲ့ လူမျိုးတွေ၊ ကချင်ဆိုတဲ့ လူမျိုးတွေလိုပဲ အရင်ကတည်းက အခြေချနေထိုင်လာတဲ့ သမိုင်းရှိတယ်ဆိုရင်တော့ တန်းတူအခွင့်အရေးရသင့်တယ်။
အဲလိုမဟုတ်ဘဲ နောက်မှ ရောက်လာတဲ့သူမျိုးတွေ ဆိုရင်တော့ ဌာနေ နိုင်ငံသားအခွင့်အရေး မရဘူး။ ကချင်၊ မွန်၊ရခိုင်၊ ရှမ်းတွေလို ပြည်နယ်တောင်းခွင့်မရှိဘူး။ နောက်တခုက နိုင်ငံတခုခုမှာ မူလနိုင်ငံသားရှိပြီးသားတွေက နောက်နိုင်ငံတခုမှာ ပြည်နယ်တောင်းခွင့်မရှိဘူး။ ဥပမာ ကျနော်တို့ နိုင်ငံမှာ ရှိတဲ့ တရုတ်လူမျိုးတွေပေါ့ဗျာ။ သူတို့မှာ ဟိုဘက်မှာ တရုတ်ပြည်ရှိနေတာပဲ ကျနော်တို့ နိုင်ငံမှာ ဘယ်လောက်များများရှိရှိ တရုတ်ပြည်နယ်တော့ တောင်းလို့မရဘူး။ အဲဒီသဘောလေးတွေကို နားလည်ဖြေရှင်းဖို့ လိုမယ်လို့ ထင်တယ်။  နောက်တခုက လူမျိုးတမျိုးပေါ့ဗျာ၊ လူစုတစုပေါ့ဗျာ။ သူ့ဟာသူ ဘယ်လို အခေါ်ခံချင်တဲ့ကိစ္စက သူတို့ကိစ္စလို့ ကျနော်ထင်တယ်။

ဒါကတော့ကျနော်တို့ လူ့အဖွဲ့အစည်းက ဘယ်လောက်ယဉ်ကျေးသလဲဆိုတာပေါ်မှာ မူတည်တာပဲ။ ရိုဟင်ဂျာခေါ်သင့်မသင့်တို့ ဆိုတာတွေကတော့ နိုင်ငံရေးပြသနာအနေနဲ့ စဉ်းစားရမယ်ထင်တယ်။ ကျနော်နားလည်ခဲ့သော သမိုင်းအရ ဆိုရင်တော့ သူတို့မှာ ပြည်နယ်တောင်းဆိုနိုင်သော အခွင့်အရေး မရှိဘူး အဲဒါနဲ့ လူသားတယောက်ချင်း ရသင့်ရထိုက်တဲ့ အခွင့်အရေးနဲ့ မရောသင့်ဘူးလို့ ကျနော် ထင်ပါတယ်။


ဒေါက်တာနိုင်အောင်က အဖြေတွေအများကြီး ပြောသွားပေမဲ့ ကျမစိတ်ထဲ မရှင်းလှပါဘူး။ နားလည် မလည်သလိုပါပဲ၊အဲဒါနဲ့ သေချာအောင်ထပ်မေးဖို့ စဉ်းစားခဲ့ပါတယ်။

မေး။ နည်းနည်းလေးပိုရှင်းအောင် သိချင်လို့ပါ၊အခု အကိုပြောနေတာက နိုင်ငံသားအခွင့်အရေးကို ပြောတာလား၊ တိုင်းရင်းသားအခွင့်အရေးကို ပြောတာပါလားရှင့်။

ဖြေ။ ။ကျနော်တို့ဒီမှာ စကားလုံးအရ လွဲနေကြတာတွေ ရှိတယ်၊ အင်္ဂလိပ်လိုနဲ့ မြန်မာလို့နဲ့ ဘာသာပြန်ကြတဲ့ အခါမှာ စကားလုံးအရ အခေါ်ဝေါ်မှာ လွဲနေတာလေးတွေ ရှိတယ်။ ကျနော်တို့က ethnic လို့ပြောရင် တိုင်းရင်းသားလို့ ဘာသာပြန်ကြတယ်။ နိုင်ငံတကာ အသိုင်းအ၀ိုင်းမှာ ethnic လို့ ပြောရင် မြန်မာပြည်မှာ ရှိနေတဲ့ ဗမာ- တရုတ်လည်း ethnic ပဲ။ ဗမာ-အိန္ဒိယလူမျိုးလည်း ethnic ပဲ။  ရခိုင်လည်း ethnic ပဲ။ နောက်ရခိုင်၊ ကချင် ဒါမျိုးကြတော့ လူနည်းစု လူမျိုးစု အခွင့်အရေးလို့ ခေါ်တယ်၊ အဲဒါကြောင့် လည်း လူနည်းစု အခွင့်အရေးအရ ပြည်နယ်ပေးရတယ်။ ဌာနေ တိုင်းရင်းသား အခွင့်အရေးပေါ့။ ethnic ဆိုတာကို ကျနော်တို့က တိုင်းရင်းသားလို့ ယူဆပြီး ပြောလိုက်တဲ့အခါမှာ ကျနော်တို့ ပြောလိုက်တဲ့ တိုင်းရင်းသားကို အင်္ဂလိပ်လို ဘာသာပြန်လိုက်ရင်လည်း ethnicဖြစ်သွားတယ်။ အဲတော့ ရိုဟင်ဂျာကို တိုင်းရင်းသားလို့ အသိအမှတ်မပြုနိုင်ဘူးလို့ ကျနော်တို့ ပြောနေတာက ဌာနေ တိုင်းရင်းသားတွေလို အသိအမှတ်မပြုဘူးလို့ ပြောနေကြတာ။ အင်္ဂလိပ်လို ethnic လို့ ပြောလိုက်တဲ့အခါကျတော့ ဟာ ဗမာ- တရုတ်လည်း ethnicပဲ အဲလို ဝေါဟာရပေါ်မှာ ပြဿနာတက်နေကြတယ်လို့ ကျနော်မြင်ပါတယ်။

မေး။ ။ ကျမလည်း ရိုဟင်ဂျာလို့ ပြောနေတဲ့ သူတွေနဲ့ တွေ့ဖူး အင်တာဗျူးထားတယ်ရှင့် သူတို့တွေကတော့ မြန်မာပြည်မှာ နေထိုင်တဲ့အတွက် မှတ်ပုံတင်ကစ နိုင်ငံသားအခွင့်အရေး ရကြတယ်ရှင့်။ မြန်မာပြည်မှာ လုပ်ငန်း  ကုမဏ်ီထောင်ပြီး အလုပ်လုပ်နေတဲ့ သူတွေနဲ့ နောက်ဆုံး လွှတ်တော်ထဲထိတောင် ၀င်ရောက်ခွင့်ရနေကြတာပါပဲ။ နိုင်ငံတကာမှာ သူတို့မရဘူးလို့ ပြောနေတာက တခြားတိုင်းရင်းသားတွေလို နေရာမရဘူး။ ပြည်နယ်မရှိဘူး။ ဘူးသီးတောင်မောင်းထောက သူတို့ရဲ့ နယ်မြေပါပေါ့။ အဲဒီနေရာကို ပြည်နယ်တခုအနေနဲ့ ရပိုင်ခွင့်ရှိတယ်လို့ ပြောနေကြတာ တွေ့ရတယ်ရှင့်။ဘာကြောင့်လဲ ဆိုတော့ အဲဒီဒေသမှာ နေတဲ့ လူဦးရေရဲ့ ၉၀%လောက်က သူတို့တွေပါလို့  ပြောတယ်။ သူတို့ကတော့ ဒါ ငါတုိ့ ရသင့်တာလို့ စွဲနေတာပေါ့။နောက်သူတို့မှာ ဧည့်နိုင်ငံသားအဖြစ်နဲ့ နေနရတယ်သူတွေလည်း ရှိတယ်ပေါ့။ ဒါပေမဲ့ ရန်ကုန်မှာ အခြေကျနေကြတဲ့ သူတွေလည်း ရှိနေတာ ကျမတို့ တွေ့ရတာပဲ၊ စီးပွားရေးလုပ်ကိုင်နေတဲ့ သူတွေနဲ့ မိသားစု ဆွေမျိုးသားချင်းတွေထဲမှာ ဆရာဝန်တွေတောင်ပါနေသေးတာပါပဲ။ နိုင်ငံသားအခွင့်အရေးမရဘူးလို့ သူတို့ပြောနေတာကို ကြားရတော့ ဘာကို ရည်ညွှန်းသလဲပေါ့။ သူတို့က ကချင်ဆိုရင် ကချင်ပြည်နယ်ရှိတယ်၊ ရှမ်းဆိုရင် ရှမ်းပြည်နယ်ရှိတယ်၊ စစ်တပ်ရှိတယ်ပေါ့၊အဲလိုပြောတော့ သူတို့က အဲလို ပြည်နယ်လိုချင်တဲ့ အနေအထားမျိုးဖြစ်နေတယ်။ ပြီးတော့ သူတို့က နိုင်ငံတကာမှာလည်း ဒါကိုပဲ သူတို့အခွင့်အရေး မရှိတဲ့အကြောင်း၊ ချိုးဖောက်ခံရတဲ့ အကြောင်း ပြောနေတာ၊ ရေးနေတာတွေ တွေ့ရတော့လေ။ ကျမအမြင်မှာတော့ ဘာဖြစ်လို့ အဲလိုပြောနေကြသလဲပေါ့။ ပြီးတော့အကို့အမြင်ပေါ့လေ၊ ဘယ်လိုအမြင်မျိုးနဲ့ သုံးသပ်မလဲ ဆိုတာလေး သိချင်ပါတယ်။

ဖြေ။ ဌာနေတိုင်းရင်းသား အခွင့်အရေးလို့ ပြောမယ်ဆိုရင် ဘယ်အချိန်က ဘယ်လိုအခြေချနေထိုင်လာခဲ့သလဲ ဆိုတဲ့ပေါ်မှာ မူတည်ပါတယ်။ အဲဒီသမိုင်းကိုတော့ သေချာဖော်ထုတ်သင့်တယ်။ သူ့ဘက် ကိုယ့်ဘက်ရော အခြားလေ့လာထားတဲ့သူတွေရော ပညာရှင်တွေ အများကြီး ရှိပါတယ်။ ကျနော်လည်း တတ်နိုင်သမျှ ဖတ်ပါတယ်။  သမိုင်းကို အမှန်ဖော်ထုတ်မဲ့ကိစ္စ တကြိမ်တခါတည်းနဲ့ ပြီးအောင်တော့လုပ်လိုက်သင့်တယ်။ အများသူငှာအငြင်းပွားပြီးတော့ သူမှန်နိုး၊ ငါမှန်နိုးနဲ့ ပြောနေတဲ့ကိစ္စဖြစ်တဲ့အတွက် အဖြေမှန်တခုကို ဖော်ထုတ်သင့်တယ်လို့ ကျနော်မြင်ပါတယ်။

နောက်တခုက လက်တွေ့မှာ ကျနော်တို့ နားလည်ထားတဲ့ နိုင်ငံရေး ခံယူချက်တခုနဲ့ ကျနော်ပြောချင်တယ်။ ကျနော်တို့ တိုင်းရင်သားတွေ ဌာနေတွေ ပြောနေတဲ့ ဥစ္စာက နဂိုမူလ ဖြစ်တည် တည်ရှိမှုကို ပြောတယ်လို့မြင်ရမှာဖြစ်တယ်။ ပြောချင်တာက ဘာလဲဆိုတော့ ၁၈၈၅ခု  အင်္ဂလိပ်သိမ်းပြီးတော့မှ မြန်မာပြည် မြေပုံကြီးက ဒီအတိုင်း ထွက်လာတာ။ နဂိုတည်းက သူ့ထီးသူ့နန်းနဲ့ သူ့ဟာသူ နေခဲ့ကြတဲ့ သူတွေပဲလေ။ အဲလိုရှိနေတာကို ၁၉၄၈ လွတ်လပ်ရေး ရဖို့တောင်းတဲ့အချိန်ကြမှ ဒီမြေပုံကြီးအတိုင်း ဆက်နေကြတဲ့ အခါမှာအားလုံးက သူကြီးတွေပဲပေါ့ဗျာ။ အဲလိုဖြစ်အောင်ညှိုခဲ့ကြတဲ့ ပင်လုံ။နောက်နဂိုမူလပိုင်ရှင်တွေအနေနဲ့ တိုင်းပြည်ကြီးကို ငါတို့တွေ ပါဝင်ပြီးတော့ လုပ်ခဲ့ကြတယ်ဆိုတဲ့ သဘောတူညီမှုနဲ့လုပ်ခဲ့ကြတဲ့ကိစ္စ၊ အဲဒီလိုမျိုးမှာ အခုပြောနေတဲ့ ရိုဟင်ဂျာလို့ ပြောတဲ့သူတွေ ရှိခဲ့တယ်ဆိုရင်လည်း ခုချိန်ထိတော့ ကျနော်တော့ မဖတ်မိသေးဘူး။ အဲလိုမျိုးရှိတယ်လို့လည်း ကျနော် မမြင်ဘူးပါဘူး။ တကယ်လို့ရှိတယ်ဆိုရင်တော့ သူတို့လည်း ပါသင့်ပါတယ်။

အဲဒါတော့ သေသေချာချာ ကျေကျေလည်လည် ဖြစ်အောင် ရှင်းသင့်တယ်။ နောက်တခုက  ရိုဟင်ဂျာတွေကို ကျနော် နားလည်စေချင်တာက ကိုယ့်ရွာမှာ ကိုယ့်လူများရင် ကိုယ့်လူ သူကြီးဖြစ်မှာပဲ၊ ဒါဒီမိုကရေစီပဲ ။ ဆိုတော့ အခြေခံကျတာက ဒီဘက်မှာ ဒီမိုကရေစီနဲ့ လူ့အခွင့်ရေးကို ပြည့်ပြည့်၀၀ ခံစားနေရသလားဆိုတာက ပိုအခြေခံကျပါတယ်။အခုလည်း ကျနော်နားလည်သလောက်ဆိုရင် အဲဒီကနေ တက်တဲ့ လွှတ်တော်ကိုယ်စားလှယ်တွေတောင် ရှိတာပဲ။ သူတို့ရဲ့ အရေးကို သူတို့ ပြောဆိုပိုင်ခွင့်ရှိတာပါပဲ။ ရွာမှာဆို၇င်လည်း အုပ်ချုပ်ရေးမှူးတွေ ဘာတွေက ဒီလူမျိုးတွေလို့ပဲ ကျနော်နားလည်ထားပါတယ်။ ကိုယ်စားပြုမှုဆိုတာရှိလာရင်၊ တာဝန်ယူမှု တာဝန်ခံမှု ဆိုတာ ရှိလာမှာပဲ။

နောက်တခုမှ ကျနော်အားလုံးကိုတင်ပြချင်တာက ပြည်နယ်ရှိမှ စစ်တပ်ရှိမှ စစ်တပ်နဲ့တည့်မှ ကိုယ့်ကိုယ်ကို ကာကွယ်ရမယ်လို့ မထင်စေချင်ပါဘူး။ ကျနော်တို့ကို ကာကွယ်နိုင်တာက ကျနော်တို့ပဲ ဖြစ်တယ်ဆိုတာကို ယုံကြည်စေချင်ပါတယ်။ အခုလည်း အဲဒီအတွက်ပဲ ကျနော်တို့ ကြိုးစားနေကြတာပါ။ ကျနော်တို့သာလျှင်ဆုံးဖြတ်မှာဖြစ်တယ်၊ ကျနော်တို့သာလျှင် အနာဂတ်ကံကြမ္မာကိုယုံကြည်ပြီးတော့ နိုင်ငံတော်ကို တည်ဆောက်တာပဲ ရမယ်။ ဖွဲ့စည်းပုံအခြေခံဥပဒေထဲမှာ ကျနော်တို့ကို အကာကွယ်ပေးထားတဲ့ ဥပဒေတွေကို ဖျက်လိုဖျက်ဆီးမလုပ်တာတွေ ပါရမယ်၊ ပြဌာန်းထားရမယ်၊ နိုင်ငံတော်အတွက်လိုအပ်ချက်နဲ့ တည်ဆောက်ထားတဲက အဖွဲ့အစည်းတွေက ပြည်သူလူုထုကို အလုပ်အကြွေးပြုရမယ်။ပြည်သူရဲ့ အာဏာအောက်က ဆင်းသက်လာတဲ့ အုပ်ချုပ်မှုကနေပြီးတော့မှ ကျနော်တို့ကို ကာကွယ်စောင့်ရှောက်ပေးတာမျိုးပဲဖြစ်ရမယ်။ကျနော်တု့ကို နှိပ်စက်တာမျိုး မဖြစ်ရဘူး။ တပ်မတော်ဆိုလို့ရှိရင် ပြည်သူအားလုံးအတွက် ဘက်မလိုက်ဘဲနဲ့ အားလုံးကိုကာကွယ်မှု လုံခြုံမှု ပေးနိုင်တဲ့ ဟာဖြစ်ရမယ်၊ ပြည်သူ့ရဲ ဆိုရင်လည်း ဒီအတိုင်းပဲ အစိုးရဆိုရင်လည်း ဒီအတိုင်းပဲ ဆိုတဲ့ ဟာမျိုးဖြစ်အောင် ကျနော်တို့ ပြောင်းယူကြရမယ်။ အဲဒါကသာလျှင် ကျနော်တို့အတွက် အကောင်းဆုံး သားစဉ်မြေးဆက်ကာကွယ်နိုင်တဲ့ နည်းပါ ဆိုတာကို ကျနော်တင်ပြချင်ပါတယ်။

 လက်ရှိအနေအထားမှာတော့ ဒေါက်တာနိုင်အောင်က မြန်မာပြည်ကို ပြန်လာရင်းနဲ့ အလုံးစုံပါဝင်သော တွေ့ဆုံဆွေးနွေးရေးတရပ်ကို အောင်မြင်အောင် ကြိုးစားသွားမယ်လို့ ပြောဆိုခဲ့ပါတယ်။

ဒေါ်က်တာနိုင်အောင်တို့ ကိုမိုးသီးဇွန်တို့ မြန်မာပြည်ကို ရောက်ရှိနေတယ်ဆိုတာကို ကြားသိရတဲ့ မြောက်ပိုင်းမှာ အသတ်ခံခဲ့ရတဲ့ ကျောင်းသားတွေရဲ့ မိဘဆွေမျိုးတွေနဲ့ ခုချိန်ထိ သေသလား၊ ဘယ်ရောက်နေသလဲဆိုတာကို မသိရဘဲ ပျောက်ဆုံးနေကြတဲ့ ကျောင်းသားတွေရဲ့ ဆွေမျိုးတွေကလည်း သူတို့ကို တွေ့ခွင့်မေးမြန်းခွင့်ရချင်နေကြတယ်လို့ ကြားရ သိရပါတယ်။

 လက်ရှိမြန်မာပြည်အရေးမှာ ငြိမ်းချမ်းရေးကြောင့်ပဲဖြစ်ဖြစ်၊ တွေ့ဆုံဆွေးနွေးရေး ခေါင်းစဉ်နှင့်ပဲဖြစ်ဖြစ် ပြန်လာကြတာကိုလည်း ကြိုဆိုပါသည်။ မြန်မာပြည်အတွက် ပေးလာမည့်အကူအညီများကိုလည်း ကြိုဆိုပါသည်။သို့သော်လည်း သူတို့ရှင်းလင်းရမည့် ကိစ္စများကိုတော့ ရိုးရိုးသားသား ရှင်းလင်းကြစေလိုပါသည်။


မိတ်ဆွေများကို လေးစားခင်မင်လျက်ပါ။

မေသင်္ကြန်ဟိန်(မြစ်မခ)

Posted 7 hours ago by May Thingyan Hein- မေသင်္ကြန်ဟိန်