22.09.2012 နေ့ဖတ်ရန်သတင်းများ

by Myanmar Journal on Friday, September 21, 2012 at 4:02pm ·

အက်ပဲလ် နောက်ဆုံးထုတ်iPhone 5 စတင် ရောင်းချ

 အမေရိကန် နည်းပညာ ကုမ္ပဏီဖြစ်တဲ့ အက်ပဲလ် ကနေ သူတို့ရဲ့ နောက်ဆုံးထုတ် စမာ့တ်ဖုန်း ဖြစ်တဲ့ iPhone 5 ကို သောကြာနေ့မှာ စတင် ရောင်းချနေပြီ ဖြစ်ပါတယ်။ ကမ္ဘာ့ အရှေ့ဖျား ဂျပန်နိုင်ငံ တိုကျိုက စလို့ အနောက်ဘက် နိုင်ငံတွေက လန်ဒန်မြို့ အထိ အက်ပဲလ် ဆိုင်တွေမှာ လူတွေဟာ ဒီဖုန်းသစ်ကို ဆိုင်ဖွင့် ဖွင့်ချင်း ဝယ်ယူ ရရှိနိုင်ဖို့ အတွက် တန်းစီ စောင့်ဆိုင်း နေခဲ့ကြ ပါတယ်။

အခု အသစ်ထွက်ရှိ လာတဲ့ iPhone 5 ဟာ အရင် အိုင်ဖုန်းတွေထက် မျက်နှာပြင် ပိုကြီး လာပြီး ထောင့်ဖြတ် အကျယ် ၄ လက္ခ ရှိပါတယ်။ အင်တာနက် ဆက်သွယ် ရာမှာ အလွန်မြန် တဲ့ ဖိုးဂျီ (4G) စနစ်ကို တပ်ဆင် အသုံးပြုထား ပါတယ်။

ဒီဖုန်းသစ်ကို သန်းနဲ့ချီပြီး ရောင်းရ လိမ့်မယ်လို့လည်း မျှော်လင့်ရပါတယ်။

ဒါပေမယ့်လို့ တချို့ ကတော့ iPhone 5 အပေါ် သိပ်ပြီး အားတက် သရော စိတ်ဝင်စားမှု မရှိလှတဲ့ သုံးသပ်မှုတွေ ရှိနေပြီး၊ ဖုန်းမှာ အသစ် ထည့်သွင်းထားတဲ့ မြေပုံ စနစ်နဲ့ ပတ်သက်ပြီး မှားယွင်းမှုတွေ ရှိနေတယ် ဆိုတဲ့ ဝေဖန်မှုတွေ လည်း ရှိနေပါတယ်။

မြန်မာ ၅ ဦး ဒီမိုကရေစီ ဆု အပ်နှင်း

ဝါရှင်တန်မှာ မြန်မာ နိုင်ငံက လူမှုရေးနဲ့ ဒီမိုကရေစီရေး လှုပ်ရှား တက်ကြွသူ ၅ ဦးကို NED အဖွဲ့က ဒီမိုကရေစီ ဆု ချီးမြှင့် ခဲ့ပါတယ်။

ဒီပွဲမှာ ၈၈ မျိုးဆက် ကျောင်းသား တွေ အားလုံး နိုင်ငံကူး လက်မှတ် မရလို့ မလာတဲ့ မင်းကိုနိုင်က လွဲပြီး ခွန်ထွန်းဦး၊ ကျော်သူ၊ ဒေါက်တာ စင်သီယာ မောင် နဲ့ ဦးအောင်ဒင် တို့ တက်ရောက် ဆုလက်ခံ ခဲ့ကြပါတယ်။

အတွက် နှစ်ရှည်လများ အနစ်နာခံ အကျဉ်းကျခံပြီး စိုက်လိုက်မတ်တတ် ဆောင်ရွက်လာတဲ့ ပြည်တွင်း ပြည်ပကအတိုက်အခံ ခေါင်းဆောင်များ၊ လူမှုရေး လှုပ်ရှားသူ များကို ချီးမြှင့်တာ ဖြစ်ပြီး အမေရိကန် ကွန်ဂရက် လွှတ်တော်မှာ ကျင်းပ ခဲ့ပါတယ်။

ဒီဆု ရခြင်းထက် မြန်မာ နိုင်ငံက စစ်ဘေးတွေ၊ ပညာရေး၊ ကျန်းမာရေး ၊ သဘာဝ ဘေးဒဏ်ခံ ပြည်သူတွေ အတွက် ပိုတိုး ရွက်ဆောင်သွားရမယ်လို့ ဆုရှင် နာရေး ကူညီမှု အသင်းက ဦးကျော်သူက ဘီဘီစီကို ပြောပါတယ်။

ရှမ်း တိုင်းရင်းသား များ ဒီမိုကရေစီ အဖွဲ့ ချုပ် ဥက္ကဋ္ဌ ခွန်ထွန်းဦး ကလဲ တိုင်းရင်းသား ဒေသ တွေမှာ စစ်မီးတွေ ရပ်စဲဖို့ အလေးပေး ပြောကြား ခဲ့ပါတယ်။

ဒီပွဲ တက်ရောက်လာတဲ့ ဒေါ်အောင်ဆန်းစုကြည် ကိုလဲ 'Goddess of Democracy 'ဒီမိုကရေစီ နတ်ဒေဝီ ဆုရုပ်တု အပ်နှင်း ခဲ့ကြပါတယ်။

ပါကစ္စတန်နဲ့ အခြားအစ္စလာမ် နိုင်ငံတွေမှာ ဆန္ဒပြ

အစ္စလာမ်ကို သရော်တဲ့ရုပ်ရှင်ကို ပါကစ္စတန်မှာ အကြမ်းဖက်ဆန္ဒပြ

ပါကစ္စတန်နိုင်ငံ မြောက်ပိုင်းမြို့တမြို့ဖြစ်တဲ့ ဘာရှားမှာ ရုပ်ရှင်ရုံ ၂ ရုံလောက် မီးရှို့ဖျက်ဆီးခံရပါတယ်။ ရဲကခြောက်လှန့်ပစ်ခတ်တဲ့အတွက် ပါကစ္စတန် ရုပ်မြင်သံကြားက ယာဉ်မောင်း တဦး သေဆုံးခဲ့ပြီး သတင်းထုတ်ပြန်နေတဲ့ အခြား ၇ ယောက် ဒါဏ်ရာ ရသွားပါတယ်။နောက်ပြီး လဟောနဲ့ ကရာချိမှာလည်း ဆန္ဒပြသူတွေနဲ့ ရဲတွေအကြား တိုက်ခိုက်မှုတွေရှိတယ်လို့ သိရပါတယ်။ ပြီးခဲ့တဲ့ အပတ်ကတည်းက ဒီရုပ်ရှင်ကို ဆန့်ကျင်တဲ့ ဆန္ဒပြပွဲတွေ ပါကစ္စတန်မှာ အေးအေးဆေးဆေး လုပ်ဆောင်ခဲ့ပေမယ့် မနေ့က ကြာသပတေးနေ့ကစလို့ အကြမ်းဖက် ဆန္ဒပြပွဲတွေ လုပ်ဆောင်နေခဲ့ကြလို့ အခုဆိုရင် အနည်းဆုံး လူ ၂ ဦး လောက် သေဆုံးခဲ့ပါတယ်။

တမန်တော်မိုဟာမက်အတွက် Special Day of Love အထူးမေတ္တာပြသတဲ့နေ့ အဖြစ် ပါကစ္စတန်အစိုးရက ကြေငြာခဲ့ပါတယ်။ ဒါပေမယ့် လူအတော်များများက ဒါကို လမ်းပေါ်ထွက်ဖို့ တွန်းအားပေးတယ်လို ယူဆကြပုံ ရှိတယ်လို့ ဘီဘီစီသတင်းထောက် Aleem Maqbool က ပြောပါတယ်။ အဲဒါကြောင့် သောကြာနေ့ ဝတ်ပြုဆုတောင်းပွဲ ပြီးတာနဲ့ ဆန္ဒပြနေ့ကြပြီး တချို့နေရာတွေမှာ အတော်ပြင်းထန်နိုင်တယ်လို့ သိရပါတယ်။ ဒါပေမယ့် မြို့တော် Islamabad မှာတော့ အကြမ်းဖက် ဆန္ဒပြမှု မရှိပဲ ငြိမ်သက်နေပါတယ်။

အလားတူ ဆန္ဒပြပွဲတွေ တခြားနိုင်ငံတွေမှာလည်း ဖြစ်ပွားနေပါတယ်။ ဘင်္ဂလားဒေ့ရ်ှမှာဆိုရင် အမေရိကန် သမ္မတ အိုဘားမားရဲ့ အခေါင်းဆိုပြီး ရေးထားတဲ့ အမေရိကန် အလံပတ်ထားတဲ့ အခေါင်းတခုကို မီးရှို့ဖျက်ဆီးပြီး ဆန္ဒပြခဲ့ကြပါတယ်။ ထိုင်းနိုင်ငံ ဘန်ကောက် နဲ့ သီရိလင်္ကာ နိုင်ငံရဲ့ Colombo မြို့မှာလည်း ကြွေးကြော် ချီတက် ဆန္ဒပြခဲ့ကြပါတယ်။ အလားတူပဲ မလေးရှားနိုင်ငံ ကွာလာလမ်ပူမှာ ဆန္ဒပြသူ နှစ်ထောင်ကျော်ဟာ အမေရိကန် သံရုံးရှေ့မှာ ငြိမ်းချမ်းစွာ ဆန္ဒပြခဲ့ကြပါတယ်။ တချို့ကလည်း ဘာသာရေး စော်ကားတာဟာ လွတ်လပ်စွာပြောဆိုခွင့်မဟုတ်ဘူးဆိုတဲ့ ပိုစတာတွေကို ကိုင်ဆောင်ပြီး ဆန္ဒပြခဲ့ကြပါတယ်။ အကြမ်းဖက် ဆန္ဒပြမှုတွေကို ကာကွယ်ဖို့ အီဂျစ်နိုင်ငံကိုင်ရိုမြို့က အမေရိကန်သံရုံးရှိတဲ့ လမ်းတွေဖက်ကို အီဂျစ်လုံခြုံရေးတွေ တိုးမြှင့်ချထားပါတယ်။

စစ်ပွဲတွေရပ်ဆိုင်းရေး ငြိမ်းချမ်းရေးနေ့ ဆန္ဒပြပွဲ

ဆန္ဒပြသူ တထောင်လောက်ဟာ ဆူးလေဘုရား ကနေ အင်းလျားကန် အထိ ချီတက် ခဲ့ကြ ပါတယ်

သောကြာနေ့မှာ ကျရောက်တဲ့ နိုင်ငံတကာ ငြိမ်းချမ်းရေး နေ့မှာ စစ်ပွဲတွေ ရပ်ဆိုင်းပြီး ပြည်တွင်း ငြိမ်းချမ်းရေး ရရှိဖို့ မြန်မာနိုင်ငံ တလွှား နေရာ အနှံ့ ဆန္ဒပြ တောင်းဆို မှုတွေ ဖြစ်ပွားခဲ့ ပါတယ်။

ကချင် ငြိမ်းချမ်းရေး ကွန်ယက်၊ Generation Wave အဖွဲ့၊ ပန်းရဲ့လမ်းနဲ့ အဖွဲ့ အစည်း တချို့က ဆန္ဒပြသူ တထောင်လောက်ဟာ ဆူးလေ ဘုရား ကနေ အင်းလျားကန် အထိ ချီတက် ခဲ့ကြ ပါတယ်။

ဆန္ဒပြပွဲ ခေါင်းဆောင်သူ တွေကိုတော့ သူတို့ ဖြတ်သွားရာ မြို့နယ် ၁၀ ခု ကနေ အမှု ဆယ်မှု ဖွင့်ထား တယ်လို့၊ ရန်ကုန်တိုင်း ဒေသကြီး ရဲတပ်ဖွဲ့က ညနေပိုင်းမှာ ပြုလုပ်တဲ့ သတင်းစာ ရှင်းလင်းပွဲမှာ ပြောပါတယ်။

ခွင့်ပြုချက် မရဘဲ ဆန္ဒပြတဲ့ အတွက် ဖမ်းဆီး တရားစွဲမှာ ဖြစ်ကြောင်း၊ ခွင့်ပြုချက် တောင်းစဉ်က လူ ၂၀၀ ဆန္ဒ ပြမယ်လို့ ပြောခဲ့ပေမဲ့ တကယ်တန်း ဆန္ဒပြတော့ လူ ၁၀၀၀ ကျော် သွားတဲ့ အတွက်လည်း တရားစွဲမှာ ဖြစ်တယ်လို့ ရန်ကုန်တိုင်း ရဲမှူး ဦးမြင့်ထွေးက ပြောကြားပါတယ်။

ဒီပွဲကို ဦးဆောင် စီစဉ်သူတွေ ထဲက တယောက် ဖြစ်တဲ့ Generation Wave က ကိုမိုးသွေးကတော့ အခု ဆန္ဒပြ ချီတက်ပွဲ အတွက် ခွင့်ပြုချက် တင်ကြို တောင်းပေ မဲ့လည်း အကြောင်း အမျိုးမျိုး ပြပြီး ငြင်းပယ်ခဲ့တယ်လို့ ဘီဘီစီကို ပြောပါတယ်။

နိုင်ငံရေး အကျဉ်းသားများ ကွန်ယက်က ဗိုလ်တထောင် ဘုရားမှာ မနက်ပိုင်း ဆုတောင်းပွဲ လုပ်ခဲ့ သလို၊ ဗမာ နိုင်ငံလုံး ဆိုင်ရာ ကျောင်းသား သမဂ္ဂများ အဖွဲ့ချုပ် (ဗကသ) ကလည်း ဗိုလ်တထောင် ဘုရား မှာပဲ ညနေပိုင်းမှာ သီးသန့် ဆုတောင်းပွဲ ပြုလုပ်ခဲ့ ပါတယ်။ အလုံမြို့နယ် မှာလည်း ဆုတောင်းပွဲ တခု ပြုလုပ်ခဲ့ ပါတယ်။

ငြိမ်းချမ်းရေး ဆုတောင်းပွဲ တွေကို ပျဉ်းမနား၊ မိတ္ထိလာနဲ့ ပခုက္ကူမြို့တို့ မှာလည်း ပြုလုပ်ခဲ့ကြ တယ်လို့ သိရပါတယ်။

မြန်မာ သမ္မတက တရုတ် ဒုတိယ သမ္မတနဲ့ သွားတွေ့တာ ဘာထူးခြားလဲ

သမ္မတ ဦးသိန်းစိန်၊ တရုတ် ဒုသမ္မတနဲ့ လော နိုင်ငံ ဝန်ကြီးချုပ်တို့ ကုန်စည် ပြပွဲ ဖွင့်ပွဲ တက် ရောက်

တရုတ် နိုင်ငံကို ချစ်ကြည်ရေး ခရီးစဉ် အဖြစ် ရောက်ရှိ နေတဲ့ မြန်မာ သမ္မတ ဦးသိန်းစိန်ဟာ သောကြာနေ့က စတင် ဖွင့်လှစ်တဲ့ ၉ ကြိမ်မြောက် တရုတ် အာဆီယံ ကုန်စည် ပြပွဲကို တက်ရောက်ပြီး တရုတ် ဒုတိယ သမ္မတ ရှီကျင်ပင်း ကို သွားရောက် တွေ့ဆုံခဲ့ ပါတယ်။

ဒုတိယ သမ္မတ ရှီကျင်ပင်း ဖွင့်လှစ် ပေးခဲ့တဲ့ တရုတ် နိုင်ငံ တောင်ပိုင်း နန်နင် မြို့က ကုန်စည် ပြပွဲ ဖွင့်ပွဲ အခမ်းအနားကို မြန်မာနိုင်ငံ စီးပွားရေးနှင့် ကူးသန်း ရောင်းဝယ်ရေး ဝန်ကြီးဌာန ဝန်ကြီး ဦးဝင်းမြင့်က အခမ်းအနားမှူး အဖြစ် ဆောင်ရွက်ပြီး သမ္မတ ဦးသိန်းစိန်က အာဆီယံနိုင်ငံများ ကိုယ်စား အဖွင့်မိန့် ခွန်း ပြောခဲ့ ရာမှာ တရုတ်နဲ့ အာဆီယံ နိုင်ငံတွေရဲ့ ဆက်ဆံရေး အရေးကြီး ကြောင်း ပြောခဲ့ပါတယ်။

နယူးယောက်မြို့မှာ ကျင်းပမယ့် ကုလသမဂ္ဂ အထွေထွေ ညီလာခံ တက်ရောက်ဖို့ လာမယ့် သီတင်းပတ်ထဲမှာ အမေရိကန် ပြည်ထောင်စုကို မသွားရောက်ခင် သမ္မတ ဦးသိန်းစိန်က တရုတ်နိုင်ငံ ကို သွားရောက်တဲ့ ခရီးစဉ်ဟာ ထူးခြားတယ်လို့ အကဲခတ် တွေက သုံးသပ် ပါတယ်။

သြစတြေးလျ နိုင်ငံ ဆစ်ဒနီ တက္ကသိုလ်က China Studies Centre ရဲ့ ဒါရိုက်တာ ဒေါက်တာ ကယ်ရီ ဘရောင်း ကတော့ မြန်မာ နိုင်ငံရဲ့ အရေး ပါတဲ့ အိမ်နီးချင်း တရုတ် နိုင်ငံကို သမ္မတ ဦးသိန်းစိန် သွားရောက်တာဟာ တရုတ်နိုင်ငံရဲ့ ခေါင်းဆောင်သစ် တွေနဲ့ ကင်းကွာ သွားတာမျိုး မဖြစ်ချင်တာက အဓိက ဖြစ်တယ်လို့ ပြောပါတယ်။

မြန်မာ နိုင်ငံ မှာ ပြုပြင်ပြောင်းလဲ မှုတွေ မြန်မြန် ဆန်ဆန် ဖြစ်လာပြီး တခြား နိုင်ငံတွေနဲ့ပါ ကျယ်ကျယ် ပြန့်ပြန့် ဆက်ဆံရေး တိုးချဲ့လာ နေသလို အမေရိကန် ကလည်း မြန်မာ နိုင်ငံရဲ့ အရေးပါတဲ့ ဧရိယာတွေမှာ စတင် လှုပ်ရှား လာတဲ့ အတွက်တော့ တရုတ် ဘက်က အနည်းငယ် စိုးရိမ်နိုင်တယ်လို့ ဒေါက်တာ ဘရောင်းက ယူဆပါတယ်။

ဒါ့အပြင် သူက ဒေသတွင်း အရင်က ပါဝင် ပတ်သက်မှု မရှိတဲ့ နေရာတွေ အထူးသဖြင့် မြန်မာ နိုင်ငံလို တရုတ်ရဲ့ အိမ်နီးချင်း နိုင်ငံတွင်းမှာ အမေရိကန် သြဇာသက်ရောက် လာတာကို တရုတ် နိုင်ငံဘက်က စိုးရိမ်ပေမဲ့ ဒီအနေ အထားကို လက်မခံချင်လို့ မရဘူးလို့ ပြောပါတယ်။

မြန်မာနိုင်ငံ အနေနဲ့ တရုတ်နိုင်ငံဟာ အိမ်နီးချင်း ဈေးကွက် ကြီးလည်း ဖြစ်နေတဲ့ အတွက် အမြဲတန်း စီးပွားရေး အဆက် အသွယ် ရှိနေခဲ့ ပေမဲ့ ဒီဈေးကွက် တစ်ခုတည်း အပေါ် မီခို နေဖို့ မဖြစ်နိုင်ဘဲ ဈေးကွက် သစ်ရှာသင့်တယ်လို့ ဒေါက်တာ ကယ်ရီ ဘရောင်း က ပြောပါတယ်။

ငြိမ်းချမ်းရေး ဆန္ဒပြသူတွေကို အရေးယူမည်

အပြည်ပြည်ဆိုင်ရာ ငြိမ်းချမ်းရေးနေ့အထိမ်းအမှတ် ချီတက်ဆန္ဒပြပွဲတရပ်ကို ရန်ကုန်မြို့မှာ တတ်ကြွလှုပ်ရှားသူတွေ စုဝေးပြုလုပ်ခဲ့ကြပါတယ်။ ရန်ကုန်တိုင်းရဲမှုးကတော့ ခွင့်ပြုချက်မရပဲ ဆန္ဒပြတာကြောင့် ဦးဆောင်စီစဉ်သူတွေကို တရားစွဲဆိုသွားမယ်လို့ ပြောပါတယ်။ ဆန္ဒပြပွဲ စတင်ချိန် မြို့တွင်းမှာ လူ သုံးရာ ၀န်းကျင်ပဲ ရှိပေမယ့်၊ နောက်ပိုင်း ဒေသခံပြည်သူတွေပါ ပူးပေါင်း ပါဝင်လာတာကြောင့် ဆန္ဒပြသူ ထောင်ဂဏန်းအထိရှိလာပါတယ်။

ဆန္ဒပြမှုကိုတော့ ကချင်နက်ဝပ်၊ ပန်းရဲ့လမ်း၊ Generation Wave စတဲ့ အဖွဲ့အစည်းတွေ စုစည်း ပြုလုပ်ခဲ့ကြတာလို့သိရပါတယ်။ ဆန္ဒပြသူတွေဟာ ရန်ကုန်မြို့တ၀ှမ်း ချီတက်လှည့်လည်ပြီး၊ ညနေပိုင်း ၄ နာရီလောက်မှာ ပြည်လမ်း အင်းလျားကန်ဘောင်နား ငြိမ်းချမ်းရေးကျောက်တိုင် စိုက်ထူခဲ့ကြပါတယ်။ ဒီနောက် ငြိမ်းငြိမ်းချမ်းချမ်းပဲ လူစုခွဲခဲ့ကြတာပါ။ နောက်ဆုံးအခြေအနေနဲ့ ပတ်သက်လို့တော့ ရန်ကုန်မြို့က ဗွီအိုအေသတင်းထောက် ကိုသူရစိုးကို ကိုသားညွန့်ဦးက ဆက်သွယ်မေးမြန်းထားပါတယ်။

ကိုသားညွန့်ဦး။     ။ ရန်ကုန်မြို့မှာ အပြည်ပြည်ဆိုင်ရာ ငြိမ်းချမ်းရေးနေ့ ချီတက် ဆန္ဒပြခဲ့တဲ့ ပွဲမှာ ခေါင်းဆောင်တဲ့သူ တချို့ကို ဖမ်းဆီးတယ်လို့ ကြားရပါတယ်။ အခြေအနေ ဘာများ ကြားမိပါသလဲ။

ကိုသူရစိုး။     ။ ဟုတ်ကဲ့။ ဆန္ဒထုတ်ဖော်ပွဲပြီးတော့ ညနေ ခြောက်နာရီလောက်မှာ ကျနော်တို့လည်း ကြားလို့ ခေါင်းဆောင်တယောက်ဖြစ်တဲ့ ကိုမိုးသွေးကို ဖုန်းဆက်ပြီး မေးမြန်းကြည့်တဲ့အခါ သူ့ကို ထောက်လှမ်းရေးအဖွဲ့က လက်ကို လာဆွဲအခါမှာ သူက ဒီလိုမလုပ်ပါနဲ့ပေါ့။ အေးအေးချမ်းချမ်း လုပ်ပါလို့ ပြောပြီးတော့ ကားနဲ့ သူတို့ ထွက်ပြေးသွားတယ်ပေါ့။ သူတို့နောက်က တောက်လျောက် လိုက်နေတယ်ပေါ့။

ကိုသားညွန့်ဦး။     ။ ဖမ်းတာဆီးတာရော ကြားမိသလားခင်ဗျ။

ကိုသူရစိုး။     ။ အဲ့ဒီ့နောက်ပိုင်း ဖုန်းဆက်လို့မရတော့ဘူး။ သူတို့ဖုန်းတွေက ပိတ်ထားတယ်လို့ပြောတယ်ခင်ဗျ။ သူတို့ထဲမှာ ခေါင်းဆောင်တယောက်ဖြစ်တဲ့ ကိုနေမျိုးဇင်ကို ကျနော်ဆက်တယ်။ ပြီးခဲ့တဲ့ ၇နာရီလောက်က ဆက်တဲ့အခါ ကိုနေမျိုးဇင်က သူ့ဆီတော့ ဘာမှ မလာသေးဘူးပေါ့။ သူလည်း လာဖမ်းလို့ရှိရင် အဆင်သင့် ပြင်ထားတယ်လို့ ပြောပါတယ်။

ကိုသားညွန့်ဦး။     ။ ဆန္ဒပြပွဲနဲ့ပတ်သက်ပြီးတော့ သတင်းစာရှင်းလင်းပွဲလုပ်တယ်လို့ ကြားပါတယ်ခင်ဗျ။ ဘယ်မှာလုပ်တာလဲ။ ဘယ်သူပြောလဲ။

ကိုသူရစိုး။     ။ ငြိမ်းချမ်းရေးကျောက်တိုင် စိုက်နေတဲ့အချိန်မှာပဲ ၄နာရီခွဲလောက်မှာပဲ ရန်ကုန်တိုင်း လွှတ်တော်ရုံးမှာ ရဲမှုးကြီး မြင့်ထွေးခေါင်းဆောင်ပြီးတော့ သတင်းစာရှင်းလင်းပွဲ လုပ်ပါတယ်ခင်ဗျ။ သတင်းစာရှင်းလင်းပွဲမှာ ရဲမှုးကြီး မြင့်ထွေးပြောတာက ဆန္ဒပြတဲ့သူတွေကို ပုဒ်မ ၁၈နဲ့ မြို့နယ် ၁၀ မြို့နယ်ကို တရားစွဲဆိုမယ်ပြောပါတယ်ခင်ဗျ။  နောက်သူရှင်းပြတာကတော့ အနိမ့်ဆုံး ထောင်ဒဏ် တနှစ်နဲ့ ငွေဒဏ် သုံးသောင်းချခံရနိုင်တယ်လို့ ပြောပါတယ်ခင်ဗျ။

ကိုသားညွန့်ဦး။     ။ ဆန္ဒပြပွဲထဲမှာရော ဆန္ဒပြမှုတွေဖြစ်တဲ့အခါမှာရော လုံခြုံရေးတာဝန်ရှိသူတွေနဲ့ ထိပ်တိုက်ရင်ဆိုင်မှု တွေဖြစ်ခဲ့သလား။

ကိုသူရစိုး။     ။ တာမွေအဝိုင်းနားမှာတော့  အဲ့ဒီ့က မြို့နယ်မှုးက ထွက်တားတာပေါ့။ ထွက်တားတဲ့ အခါကျတော့ ဆန္ဒပြခေါင်းဆောင်တယောက်ကတော့ ရှင်းပြတာပေါ့။  သူတို့ ခွင့်ပြုချက် တောင်းတယ်။ မရတဲ့အခါ တိုက်ပွဲတွေဖြစ်နေတဲ့ အပေါ် လျစ်လျူရှု မနေနိုင်တဲ့ အတွက် သူတို့ကို ဆက်ပြီး သွားခွင့်ပြုပါပေါ့။ ဥပဒေကြောင်းအရ အရေးယူမယ်ဆိုလည်း ယူပါ ဆိုပြီး သူတို့ကပြောတယ်ခင်ဗျ။ အဲ့ဒီ့အခါ မြို့နယ်မှုးက ခွင့်ပြုလိုက်ပါတယ်။

နောက်ဒီနေ့ညနေ ကန်ဘောင်ပေါ်မှာ ကချင်ပြည်နယ်ကလာတဲ့ ဒုက္ခသည်အမျိုးသမီးတွေက ငြိမ်းချမ်းရေးအတွက် ရည်ရွယ်တယ်ဆိုပြီး နှင်းဆီပန်းဖြူတွေကို လုံခြုံရေး တပ်ဖွဲ့တွေကို ပေးတယ်ခင်ဗျ။ တော်တော်များများကတော့ ယူကြပါတယ်ခင်ဗျ။

ကိုသားညွန့်ဦး။     ။ ဆန္ဒပြစဉ် ကာလတလျောက်လုံး ကိုသူရစိုးလည်း သတင်းယူနေတယ်ဆိုတော့ ဆန္ဒပြသူတွေရဲ့ သဘောထားကရော ဘယ်လိုရှိပါသလဲခင်ဗျ။

ကိုသူရစိုး။     ။ ဆန္ဒပြသူတွေကို မေးကြည့်တဲ့အခါ သူတို့က ကချင်ငြိမ်းချမ်းရေးအတွက် လမ်းလျောက်ကြတာပါ စစ်ပွဲတွေ ရှိနေသရွေ့ ဒီတိုင်းပြည်ဟာ ငြိမ်းချမ်းမှာ မဟုတ်ဘူး ဒါကြောင့် အားလုံးပေါင်းပြီး ငြိမ်းချမ်းရေး ရအောင် ဆောင်ရွက်ကြတာပါလို့ ရှင်းပြပါတယ်။

စစ်ပွဲတွေဖြစ်နေတဲ့အတွက် ပညာရေးတွေရော စီးပွားရေးတွေရော အကုန်ရပ်တန့်ထားရပါတယ်။ ဒီဟာတွေကို ရပ်တန့်မယ်ဆိုတဲ့ ဟာမျိုးကိုတော့ ဘယ်သူမှ ရပ်တန့်တောင် မလုပ်နိုင်ပါဘူး။

အဲ့ဒီ့အတွက် ငြိမ်းချမ်းစွာ ဆန္ဒပြမူကို လမ်းပိတ်မယ်ဆိုတာမျိုး အနှောင့်အယှက်ဖြစ်မယ်ဆိုတဲ့ အကြောင်းပြချက်မျိုးနဲ့တော့ တားမြစ်ပါတယ်။ အဲ့လိုပြောတဲ့အတွက် ဆန္ဒပြသူတွေအနေနဲ့ မနာခံနိုင်ဘူး ဒါကြောင့် ဆက်ပြီး လမ်းလျောက်ကြတာဖြစ်ကြောင်း နဲ့ ပြည်သူတွေဟာ ငြိမ်းချမ်းရေးကို ဘယ်လောက် လိုလားတောင့်တနေတယ်ဆိုတာ ဒီငြိမ်းချမ်းရေးလမ်းလျောက်ပွဲကို ကြည့်ခြင်းအားဖြင့် သက်ဆိုင်ရာ အာဏာပိုင်တွေ အစိုးရပိုင်းတွေ သိနိုင်ပါတယ် ပြည်သူတွေဟာ အတားအဆီး အနှောင့်အယှက်အမျိုးမျိုး ကြားထဲကကို အရဲစွန့်ပြီး လုပ်ကြတာပါလို့ ဆန္ဒပြသူတွေက ပြောကြပါတယ်။

ဆန္ဒပြသူအများစုဟာ ကချင်ပြည်နယ်မှာ ဖြစ်နေတဲ့ တတိုင်းပြည်လုံးမှာဖြစ်နေတဲ့ စစ်ပွဲတွေ ရပ်စေချင်တယ်ခင်ဗျ။ ပြည်ထောင်စုတိုင်းရင်းသားအချင်းချင်း ဖြစ်နေတယ်။ ကလေးငယ်တွေနဲ့ အမျိုးသမီးတွေလည်း တော်တော်ဒုက္ခရောက်နေတယ်ဆိုတဲ့အခါကျတော့ ဒါကို သူတို့ ရပ်စေချင်တယ်။ သူတို့က ဆန္ဒထုတ်ဖော်တဲ့သဘောပါ။ အားလုံးက တသဘောထားတည်းပါပဲ။

ကိုသားညွန့်ဦး။     ။ ကိုသူရစိုး ကျေးဇူးတင်ပါတယ်။

ရန်ကုန် အခြေစိုက် ဗွီအိုအေသတင်းထောက် ကိုသူရစိုးကို ကိုသားညွန့်ဦးက ဆက်သွယ်မေးမြန်းခဲ့တာဖြစ်ပါတယ်။

အမေရိကန်နဲ့ လွတ်လပ်စွာရေးသား ဖော်ပြခွင့်

လွန်ခဲ့တဲ့ တနှစ်ကတည်းက လော့စ်အိန်ဂျလိစ်မြို့မှာ ရိုက်ကူးခဲ့ပြီး အင်တာနက်မှာ ပျံ့နှံ့နေတဲ့ Innocent Of Muslim လို့ အမည်ပေးထားတဲ့ ဗွီဒီယိုဇာတ်လမ်းတခုကြောင့် တိုင်းပြည်တချို့မှာ ကန့်ကွက် ဆန္ဒပြ မှုတွေ၊ အကြမ်းဖက်မှုတွေ စတဲ့ နောက်ဆက်တွဲ ပြဿနာတွေ ပေါ်ပေါက်ခဲ့ရပါတယ်။

ရိုက်ကူးသူဟာ အီဂျစ်ကနေ အမေရိကန်မှာ လာရောက် အခြေချနေထိုင်သူ နီကိုလာ၊ ဘာစ်လီ၊ နီကိုလာ ဆိုသူက ဘဏ်စာရင်း လိမ်လည်မှုနဲ့ အဖမ်းခံခဲ့ရသူဖြစ်ပြီး လောလောဆယ် ခံဝန်ချက် နဲ့ နေ နေရသူဖြစ်ပါ တယ်။ ဒါပေမဲ့ သူ့ကို ခံဝန်ချက် ချိုးဖောက်မှု ရှိမရှိသာ ခေါ်ယူစစ်ဆေးနိုင်ခဲ့ပေမဲ့ လွတ်လပ်စွာ ပြောဆိုရေး သားပိုင်ခွင့်ဆိုတဲ့ အမေရိကန် ပြည်ထောင်စုရဲ့ အခြေခံဥပဒေပါ အခွင့်အရေး အရ ဗွီဒီယိုရိုက်ကူးတာကိုတော့ ပြစ်မှုကျူးလွန်တယ်လို့ ပြောလို့မရကြောင်း- ဒီတပတ်ရဲ့ အမေရိကန်နိုင်ငံရေးမှာ ဦးသန်းလွင်ထွန်းက မခင်ဖြူထွေးနဲ့အတူ သုံးသပ် တင်ပြထားပါတယ်။

‘The West Wing’ ဇာတ်လမ်းတွဲဟာ ဒီမိုကရေစီ လမ်းညွှန်လား

မဇ္ဈိမသတင်းဌာန | သောကြာနေ့၊ စက်တင်ဘာလ ၂၁ ရက် ၂၀၁၂ ခုနှစ် ၁၇ နာရီ ၃၅ မိနစ်

အမေရိကန် ရုပ်မြင်သံကြား ဇာတ်လမ်းတွဲ ‘The West Wing’ ကို ကြည့်ရှု၍ မြန်မာ စစ်ဗိုလ်ချုပ်ဟောင်း တချို့သည် ဒီိမိုကရေစီစနစ်တွင် မည်ကဲ့သို့ အုပ်ချုပ်ရမည် ဆိုသည်နှင့် ပတ်သတ်သော အတွေးအမြင် ရရှိခဲ့သည်ဟုပြည်သူ့လွှတ်တော် ဥက္ကဋ္ဌ သူရဦးရွှေမန်းက အမေရိကန် နိုင်ငံခြားရေး ဝန်ကြီး ဟီလာရီ ကလင်တန် အား ပြောခဲ့ကြောင်း သိရသည်။ 

ဒီဇင်ဘာလ အတွင်း ကလင်တန်၏ သမိုင်းဝင် မြန်မာပြည် ခရီးစဉ်အတွင်းတွင် ဦးရွှေမန်း က သူ့အား ပြောခဲ့ပုံကို ကလင်တန်က ပြန်လည် ပြောပြခဲ့ခြင်း ဖြစ်သည်။ 

“ဒီမိုကရက်တစ် ကွန်ဂရက် လွှတ်တော်တခု ဖြစ်လာအောင် ဘယ်လိုလုပ်ရမယ် ဆိုတာကို သူတို့ လေ့လာနေတဲ့ နေရာမှာ ကျေးဇူးပြုပြီးတော့ ကူညီစေချင်ပါတယ်လို့ သူက ကျမကို ပြောပါတယ်။ သူတို့ အနေနဲ့ The West Wing ဇာတ်လမ်းတွဲကို ကြည့်ပြီးတော့ ကြိုးစား လေ့လာ သင်ယူနေရကြောင်း သူက ကျမကို ဆက်ပြောခဲ့ပါတယ်” ဟု ကလင်တန် ကပြောဆိုခဲ့ခြင်း ဖြစ်သည်။ 

ကလင်တန်၏ ထိုမှတ်ချက်ကြောင့် ပရိသတ်အချို့ ယဉ်ကျေးစွာ ပွဲကျရယ်မောခဲ့ကြသည်။ ထို ဇာတ်လမ်းတွဲမှာ အလုပ်ဖြစ်စေမည့် နည်းပရိယာရယ်များ၊ ညှိနှိုင်းခြင်း အနုပညာနှင့် သမ္မတအဆင့် နိုင်ငံရေးတို့အား အထူးပြု ဇာတ်လမ်းဆင်ထားခြင်း ဖြစ်သည်။ ဗွီဒီယို အဖြစ်ဖြင့်လည်း ရရှိနိုင်သော ထိုဇာတ်လမ်းတွဲသည် ရုပ်မြင်သံကြား တွင် ထိုဇာတ်လမ်းတွဲ ထုတ်လွှင့်ခြင်းပြီးဆုံးသည့်နှစ် ၂၀၀၆ ခုနှစ် မတိုင်မီတွင်ပင် ဆုပေါင်းများစွာ ရရှိခဲ့သည်။ ၂၀၀၆ ခုနှစ်သည် မြန်မာနိုင်ငံတွင်မူ စစ်အစိုးရ အုပ်ချုပ်နေဆဲ ဖြစ်သည်။ 

ကချင်ပြည်နယ် ထိုးစစ်များ ရပ်ဆိုင်းရန် ငြိမ်းချမ်းရေးနေ့မှာ KNU တောင်းဆို

ဖနိဒါ | သောကြာနေ့၊ စက်တင်ဘာလ ၂၁ ရက် ၂၀၁၂ ခုနှစ် ၁၇ နာရီ ၂၁ မိနစ်

ချင်းမိုင်(မဇ္စျိမ)။   ။ ရေရှည်တည်တံ့ ခိုင်မြဲသည့် အပစ်အခတ် ရပ်စဲရေးအတွက် ပထမဆုံး ခြေလှမ်းတခုအနေဖြင့် ကချင်ပြည်နယ်တွင် အစိုးရ၏ စစ်ဆင်ရေးများအား ချက်ချင်း ရပ်ဆိုင်းရန် ကရင်အမျိုးသားအစည်းအရုံး KNU က စက်တင်ဘာလ ၂၁ ရက်နေ့တွင် ကျရောက်သော ၁၁ ကြိမ်မြောက် အပြည်ပြည်ဆိုင်ရာ ငြိမ်းချမ်းရေးနေ့တွင်တောင်းဆိုလိုက်သည်။  

အစိုးရ၏ ငြိမ်းချမ်းရေး ဖော်ဆောင်ရေး လုပ်ငန်းကော်မတီနှင့် ကချင်လွတ်လပ်ရေးအဖွဲ့ KIO တို့ ယခုနှစ်အတွင်း အပစ်အခတ် ရပ်ဆိုင်းရန် တောင်းဆိုကြောင်း KNU အထွေထွေ အတွင်းရေးမှူး နော်စီဖိုးရာစိန် က ပြောသည်။ 

“ကျမတို့မြန်မာနိုင်ငံမှာ ဖြစ်စေချင်တာကတော့ ကချင်ပြည်နယ်မှာ အပစ်အခတ် ရပ်စဲဖို့ ကျမတို့ တောင်းဆိုထားတယ်။ ဒါက ပထမအဆင့်ပေါ့။ ဒီနေ့မှာ ငြိမ်းချမ်ရေးနေ့ ဖြစ်တဲ့အတွက် မြန်မာတနိုင်ငံလုံး ငြိမ်းချမ်းရေးဖြစ်ပေါ်ဖို့ ခုလမ်းစနေပြီ ဖြစ်တဲ့အတွက် စစ်မှန်တဲ့ ငြိမ်းချမ်းရေးကို တကယ်သွားရမယ်လို့ ကျမတို့ မျှော်လင့်နေတယ်” ဟု မဇ္ဈိမကို ပြောသည်။ 

မြန်မာအစိုးရနှင့် တိုင်းရင်းသား လက်နက်ကိုင်အဖွဲ့များအကြား နိုင်ငံရေး ပြဿနာများကို နိုင်ငံရေးနည်းလမ်းဖြင့်ဖြေရှင်း၍ စစ်မှန်သည့် ငြိမ်းချမ်းရေး ဖြစ်ပေါ်စေရန် မျှော်လင့်ကြောင်း ပြောဆိုသွားသည်။  

KIO အပါအဝင် တိုင်းရင်းသား ၁၂ ဖွဲ့ဖြင့် ဖွဲ့စည်းထားသော ညီညွတ်သော တိုင်းရင်းသားလူမျိုးများကောင်စီ UNFC အဖွဲ့ဝင် KNU မှာ အစိုးရနှင့် အပစ်အခတ် ရပ်စဲရေးကို ဇန်နဝါရီလ ၁၂ ရက်နေ့က သဘောတူညီခဲ့ပြီး ဖြစ်သည်။  

တိုင်းရင်းသားနှင့် နိုင်ငံရေး အင်အားစု အားလုံး ပါဝင်နိုင်သည့် “သုံးပွင့်ဆိုင်” ကိုလည်း ဆက်လက် မြှုပ်နှံယုံကြည်ဆဲဖြစ်ကြောင်း KNU က ထပ်မံပြောဆိုလိုက်သည်။ သို့အားဖြင့် တိုင်းပြည်တွင်း စစ်မှန်သော ငြိမ်းချမ်းရေးနှင့် ဒီမိုကရေစီအတွက် တည်ငြိမ်သော အခြေခံတခု ပေးစွမ်းနိုင်သည့် အားလုံးသဘောတူညီချက်များ ရရှိရန် အာမခံနိုင်မည် ဖြစ်သည်ဟု သောကြာနေ့ထုတ် ကြေညာချက်က ထပ်လောင်းပြောဆိုထားသည်။ 

KNU နှင့် အစိုးရ ငြိမ်းချမ်းရေးအဖွဲ့တို့ နှစ်ဖက် စစ်တပ်ပိုင်းဆိုင်ရာ လိုက်နာသင့်သော ကျင့်ဝတ်များ ဆွေးနွေးသည့် ဒုတိယ မူကြမ်းအား စက်တင်ဘာလဆန်းပိုင်းက သဘောတူညီထားပြီး လမကုန်မီ နှစ်ဖက် ထပ်မံတွေ့ဆုံမည်ဖြစ်ကြောင်း သိရသည်။  

အလားတူ ကချင်၊ ရှမ်း၊ ကရင် စသည့် ဒေသများတွင် တိုက်ပွဲများ၊ တင်းမာမှုများ ဆက်လက် ဖြစ်ပွားနေသဖြင့် လက်ရှိ အစိုးရနှင့် တိုင်းရင်းသား အင်အားစုများအကြား အပြန်အလှန်ယုံကြည်မှု တည်ဆောက်နေသည့်အဆင့်မှနောက်ကြောင်း ပြန်လှည့်သွားနိုင်ကြောင်း ထိုင်းနိုင်ငံအခြေစိုက် အမျိုးသမီးများ အဖွဲ့ချုပ် (မြန်မာနိုင်ငံ) WLB က ငြိမ်းချမ်းရေးနေ့ ကြေညာချက် ထုတ်ပြန်လိုက်သည်။   

မြန်မာပြည်သူများအတွက် တရားမျှတပြီး ရေရှည် တည်တံ့ခိုင်မြဲသည့် ငြိမ်းချမ်းရေး ဖော်ဆောင်ရေးနှင့် အလှမ်းဝေးသွားမည့် အနေအထားသို့ ပြန်လည် ရောက်ရှိသွားမည်ကို အထူးစိုးရိမ်ကြောင်း ကြေညာချက်က ဆိုသည်။  

သမ္မတရုံးဝန်ကြီး ဦးအောင်မင်း ဦးဆောင်သော ငြိမ်းချမ်းရေးဖော်ဆောင်ရေး ကော်မတီအနေဖြင့် တတိုင်းပြည်လုံး အတိုင်းအတာ အပစ်အခတ် ရပ်စဲရေးနှင့် အနှစ်သာရ ပြည့်ဝသော ငြိမ်းချမ်းရေးပေါ်ထွန်းရေးကို အရှိန်မြင့် လုပ်ဆောင်ရမည့် အချိန်ရောက်နေပြီ ဖြစ်ကြောင်းနှင့် ထိုမှ နိုင်ငံရေးဖြစ်ပေါ်တိုးတက်ပြောင်းလဲမှု အဆင့်သို့လျှောက်လှမ်းနိုင်မည်ဟု WLB က တိုက်တွန်းထားသည်။  

ပြည်တွင်းစစ်များ ရပ်စဲရေးအတွက် နေပြည်တော်သို့ ငြိမ်းချမ်းရေး ဆန္ဒဖော်ထုတ် လိုသူများကို အာဏာပိုင်များက တားဆီးလိုက်ပြီး ရန်ကုန်မြို့တွင် ငြိမ်းချမ်းရေး ကွန်ယက် အဖွဲ့များနှင့် ပြည်သူအများအပြား စီတန်းလှည့်လည်မှုလည်း အာဏာပိုင်များ၏ တားမြစ်ခြင်း ခံရသည်။

ထိုင်းကို အနိုင်ယူပြီး ဗိုလ်လုပွဲ တက်တဲ့ မြန်မာအမျိုးသမီးအသင်း

လင်းကိုကိုထက် | သောကြာနေ့၊ စက်တင်ဘာလ ၂၁ ရက် ၂၀၁၂ ခုနှစ် ၁၂ နာရီ ၅၁ မိနစ်

ရန်ကုန် (မဇ္ဈိမ)။  ။ အာဆီယံ ချန်ပီယံရှစ် ဘောလုံးပြိုင်ပွဲကို ဝင်ရောက် ယှဉ်ပြိုင်နေတဲ့ မြန်မာ့ လက်ရွေးစင် အမျိုးသမီးအသင်းကတော့ ဆီမီးဖိုင်နယ်မှာ ထိုင်းအသင်းကို ၁-၀ ဂိုးနဲ့ အနိုင်ယူပြီး အိမ်ရှင် ဗီယက်နမ်အသင်းနဲ့ ချန်ပီယံလုဖို့ ဗိုလ်လုပွဲကို တက်သွားပါပြီ။

ဒီပွဲမှာ မြန်မာအမျိုးသမီးအသင်းက ဂိုးအဖြစ် မေခင်ယမင်း၊ နောက်တန်း ကစားသမားတွေ အဖြစ် မြင့်မြင့်အေး၊ ခင်သန်းဝေ၊ မိုးမိုးဝါ၊ ဖူးပွင့်ခိုင်၊ အလယ်တန်းမှာတော့ သန်းသန်းထွေး၊ ခင်မာလာထွန်းနဲ့ ရှေ့တန်းကစားသမားတွေအဖြစ် စန်းစန်းမော်၊ မေသူကျော်၊ ရီရီဦးနဲ့ နီလာမြင့်တို့ကို ပွဲထွက်ကစားစေခဲ့ပါတယ်။

ဒါဟာ စင်္ကာပူအသင်းကို ဂိုးပြတ်အနိုင်ယူခဲ့တဲ့ ဂျပန်နည်းပြ ကုမာဒါရဲ့ကစားပုံပဲဖြစ်ပြီး ဒဏ်ရာက ပြန်လည်သက်သာလာတဲ့ ခင်မာလာထွန်းကြောင့် မြန်မာ ကွင်းလယ်ဟာ ပိုပြီး အားရှိလာပါတယ်။

မြန်မာအသင်းအနေနဲ့ ပထမပိုင်းတလျှောက်လုံး ထိုင်းအသင်းကို ဖိအားပေး ကစားသွားခဲ့ပေမယ့် ဂိုးရဖို့ အခွင့်ကောင်းတွေကိုတော့ အသုံးချနိုင်ခြင်း မရှိခဲ့ပါဘူး။

နည်းပြ ကုမာဒါရဲ့ပွဲထွက်ကစားပုံဟာ တိုက်စစ်ကို ဦးစားပေးလိမ့်မယ်လို့ ထင်ရပေမယ့်လည်း တိုက်စစ်ဆင်မှုထက်နောက်တန်းကစားပုံကို ပိုမိုအာရုံစိုက်ခဲ့ပြီး ထိုင်းအသင်းရဲ့ ပြန်လှန်ထိုးဖောက်မှုတွေကို ကာကွယ်နိုင်ခဲ့ပါတယ်။

ဒုတိယပိုင်းမှာတော့ ထိုင်းအသင်းက ကစားကွက် ပိုကောင်းလာခဲ့ပြီး မြန်မာ အသင်းကတော့ တန်ပြန်တိုက်စစ်နဲ့ ကစားရတဲ့အနေအထားကို ရောက်ရှိသွားခဲ့ပါတယ်။

ထိုင်းအသင်းက မြန်မာအသင်းဘက်ကို ဖိအားပေး ကစားမှုတွေ ပြုလုပ်နိုင်ခဲ့ပေမယ့်လည်း တကယ်တမ်း ဂိုးရသွားတာက မြန်မာအသင်းပဲ ဖြစ်ခဲ့ပြီး ပွဲချိန် ၆၇ မိနစ်မှာ မြင့်မြင့်အေး ထိုးပေးတဲ့ ညာတောင်ပံက ဖြတ်တင်ဘောကို ကွင်းလယ် တိုက်စစ်ကစားသမား စန်းစန်းမော် က ခေါင်းတိုက် သွင်းယူခဲ့တာပါ။

နောက်ခံ ကစားသမား တယောက်အနေနဲ့ကာလအတန်ကြာ ပွဲထွက်ကစားခဲ့တဲ့ စန်းစန်းမော် ဟာ နည်းပြသစ် ကုမာဒါလက်ထက်မှာမှ ကွင်းလယ်တိုက်စစ်နေရာက ဝင်ရောက် ကစားခဲ့ရတာဖြစ်ပြီး အဲဒီနေရာနဲ့ အံဝင်အောင် ကစားနိုင်ခဲ့သလို ချန်ပီယံရှစ် ပြိုင်ပွဲတလျှောက်လုံးမှာ ၆ ဂိုးအထိ သွင်းယူထားနိုင်ခဲ့ပြီပဲ ဖြစ်ပါတယ်။

နောက်ပိုင်းမိနစ်တွေမှာတော့ ထိုင်းအသင်းက ဂိုးရဖို့ကြိုးစားပေမယ့်လည်း မြန်မာအသင်းရဲ့ ပိတ်ဆို့ ကစားမှုကောင်းမွန်ခဲ့တာကြောင့် ပွဲအပြီးမှာ မြန်မာအသင်းက ၁-၀ ဂိုးနဲ့ အနိုင်ရပြီး ဗိုလ်လုပွဲကို တက်ရောက်သွားနိုင်ခဲ့တာပဲ ဖြစ်ပါတယ်။

အခြား ဆီမီးဖိုင်နယ် ပွဲစဉ်တပွဲဖြစ်တဲ့ အိမ်ရှင်ဗီယက်နမ်နဲ့ လာအိုအသင်းတို့ရဲ့ ပွဲမှာတော့ ဗီယက်နမ်က လာအိုကို ၇-၀ ဂိုးနဲ့ ဂိုးပြတ် အနိုင်ယူနိုင်ခဲ့ပါတယ်။

ဒါကြောင့်ပဲ မြန်မာအသင်းအနေနဲ့ ဗိုလ်လုပွဲမှာ အုပ်စုအဆင့်တုန်းက စိတ်မကျေစရာ ပြဿနာတွေနဲ့ ရှုံးနိမ့်ခဲ့ရတဲ့ အိမ်ရှင်ဗီယက်နမ်အသင်းကို ပြန်လည် ရင်ဆိုင်ရမှာပဲ ဖြစ်ပါတယ်။

“ဗိုလ်လုပွဲစဉ်မှာ ဗီယက်နမ်က အိမ်ရှင်အခွင့်အရေး ရှိနေတယ်ဆိုပေမယ့်လည်း ကျနော်တို့အနေနဲ့ ဒီ့ထက်ပိုကောင်းတဲ့ ခြေစွမ်းနဲ့ ယှဉ်ပြိုင်သွားမှာပါ။ ကျနော်တို့ ချန်ပီယံဖြစ်မယ်လို့ ယုံကြည်ပါတယ်” ဟု ပွဲအပြီးမှာမြန်မာအသင်းရဲ့နည်းပြ ကုမာဒါက ပြောဆိုသွားခဲ့သည်။

မြန်မာ့ လက်ရွေးစင် အမျိုးသမီး အသင်းဟာ အာဆီယံ ချန်ပီယံရှစ် သမိုင်းတလျှောက်မှာ ချန်ပီယံဆု နှစ်ကြိမ်နဲ့ ဒုတိယဆု တကြိမ် ရရှိထားတဲ့ အသင်းဖြစ်ပြီး အအောင်မြင်ဆုံး အသင်းတသင်းအဖြစ် ရပ်တည်လျက်ရှိပါတယ်။

ဗီယက်နမ်အသင်းနဲ့ မြန်မာအသင်းတို့ဟာ စက်တင်ဘာ ၂၂ ရက်နေ့ မြန်မာစံတော်ချိန် ညနေ ၆း၀၀ နာရီမှာ ဗိုလ်လုပွဲကို ယှဉ်ပြိုင်ကစားကြမှာ ဖြစ်ပါတယ်။