21.09.2012 နေ့ဖတ်ရန်သတင်းများ

by Myanmar Journal on Thursday, September 20, 2012 at 2:20pm ·

သမ္မတ အဖွဲ့နဲ့ ခွန်ထွန်းဦး လိုက်ပါ

ဒီမိုကရေစီ ဆု လက်ခံဖို့ အမေရိက ရောက်နေတဲ့ ရှမ်း နိုင်ငံရေး သမား ခွန်ထွန်းဦးကို သမ္မတ ရဲ့ ကုလ သမဂ္ဂ ကိုယ်စားလှယ် အဖွဲ့မှာ ထည့်ထားတယ်လို့ ရှမ်း တိုင်းရင်းသားများ ဒီမိုကရေစီ အဖွဲ့ချုပ် အတွင်းရေးမှူး စိုင်းညွန့်လွင်က ပြောပါတယ်။

အမေရိကကို မထွက်ခင် ကဘဲ သံတမန် နိုင်ငံကူး လက်မှတ် လုပ်ဖို့ နိုင်ငံခြားရေး ရုံးက ပြောလာလို့ လုပ်ခဲ့ရကြောင်း၊ ဝန်ကြီး ဦးအောင်မင်း ကလဲ အစီအစဉ်ကို ရေရေရာရာ မပြောတဲ့ အတွက် သေချာ မသိရဘဲ လိုက်ရတာလို့ သိရပါတယ်။

နာမည်ခံရုံ သက်သက် လိုက်ရဖို့ များပေမယ့် ဒီအချိန်မှာ သမ္မတ ဦးသိန်းစိန်ရဲ့ ပြုပြင်ရေး လမ်းကြောင်းကို ထောက်ခံရမယ်လို့ ယူဆလို့ လက်ခံလိုက်တယ် လို့ စိုင်းညွန့်လွင် က ဆိုပါတယ်။

SNLD ပါတီ ခေါင်းဆောင် ခွန်ထွန်းဦး ဟာ ၂ဝဝ၅ ခုနှစ်က နိုင်ငံတော် သစ္စာဖောက်မှုနဲ့ ထောင်ဒဏ် ၉၃ နှစ် ခန္တီး ထောင်မှာ ကျခံခဲ့ရပြီး ၂ဝ၁၂ ကမှ လွတ်ငြိမ်း ချမ်းသာခွင့်နဲ့ လွတ်မြောက် လာပါတယ်။ 

ပြင်သစ် သံရုံးတွေ လုံခြုံရေး တိုးမြှင့်

တမန်တော် မိုဟာမက်ကို လှောင်ပြောင်တဲ့ ကာတွန်းတွေ ပြင်သစ် ရယ်စရာ မဂ္ဂဇင်းက ဖော်ပြ လိုက်ပြီးနောက် တင်းမာ မှု တွေ ပေါ်လာမှာ စိုးလို့ ပြင်သစ် သံရုံး တွေနဲ့ တခြား အရေးပါတဲ့ နေရာတွေမှာ ပြင်သစ် အစိုးရက လုံခြုံရေး တွေ တိုးမြှင့် လိုက်ပါတယ်။

ဒီလထဲမှာ တမန်တော်ကို စော်ကားတဲ့ အမေရိကန် ရိုက် ရုပ်ရှင် ကားတကား အင်တာနက်မှာ ပြန့်သွားပြီးနောက် မွတ်ဆလင် ဘာသာဝင် တွေကို ထပ်ပြီး ရန်စသလို ဖြစ်မှာကို ပြင်သစ် အာဏာပိုင် တွေက စိုးရိမ် နေကြ ပါတယ်။

ဒီကာတွန်း တွေဟာ မွတ်ဆလင် ဘာသာဝင် တွေကို ထိပါး စော်ကား ရာ ကျပေမယ့် အကြမ်းဖက် မတုံ့ပြန် ကြဖို့ မွတ်ဆလင် ဘာသာရေး ခေါင်းဆောင် တွေနဲ့ အာရပ် ခေါင်းဆောင် တွေက ၄င်းတို့ ပြည်သူ တွေကို ပန်ကြား ထားပါတယ်။

အပတ်စဉ် ထုတ် ချာလီ ဟက်ဗဒို ပြင်သစ် ဟာသ စာစောင် က ကာတွန်း ဆရာ ကတော့ ဒီ ကာတွန်းတွေ အတွက် ခုခံ ပြောကြား လိုက်ပါတယ်။

ဒီ ကာတွန်း ဟာ အဓိကရုဏ်း ကို ဆွပေးဖို့ ရည်ရွယ် တာ မဟုတ်ဘူး လို့ လုဇ် ဆိုတဲ့ ကလောင် နာမည်ကို သာ သိရတဲ့ ကာတွန်း ဆရာက ဘီဘီစီ ကို ပြောပါတယ်။

အငြင်း ပွားစရာ ဖြစ်နေတဲ့ ရုပ်ရှင် ပြီးတော့ ပြင်သစ် နိုင်ငံရေး နဲ့ ပတ်ဝန်းကျင် အကြောင်း တွေ ရောယှက်ပြီး သတင်း တွေကို ထင်ဟပ်တဲ့ ကာတွန်း ဆွဲနေကျ အတိုင်း ဆွဲလိုက်တာပဲ လို့ သူက ဆိုပါတယ်။

ဒီ စာစောင်က အစ္စလာမ် ဘာသာ ကို ရည်ရွယ် တိုက်ခိုက်နေ တာ မဟုတ်ဘူး လို့လဲ ငြင်းဆို ပါတယ်။

ဒီ ကာတွန်းတွေ ပုံနှိပ် ဖြန့်ချိ လိုက်ပြီးနောက် မဂ္ဂဇင်း ရုံးခန်းနဲ့ ဝန်ထမ်း တွေကို ကာကွယ်မှု တွေ တိုးမြှင့် ထားရတယ် လို့ လုဇ်က ဆိုပါတယ်။

ပါကစ္စတန် နိုင်ငံမှာတော့ သောကြာ နေ့ကို အစိုးရ ရုံးပိတ်ရက် ကြေညာ ထားပြီး အစ္စလာမ် ဘာသာ ကို ထိပါးတဲ့ အမေရိကန် ရုပ်ရှင်ကား ကို ကန့်ကွက် ဆန္ဒပြ ဖို့ ခွင့်ပြု လိုက်ပါတယ်။

အမေရိကန် ရုပ်ရှင်ကား မှာ ပါဝင် ခဲ့တဲ့ သရုပ်ဆောင် တယောက် ကတော့ သူတို့ကို အီဂျစ် ရှေးဟောင်း ဇာတ်ကား ရိုက်မယ် ဆိုပြီး သရုပ်ဆောင် ခိုင်းပြီးနောက် ဇာတ်ညွှန်း ထဲ မပါတဲ့ အစ္စလာမ် ဆန့်ကျင်ရေး တွေ ထပ်ထည့်တယ် ဆိုပြီး ထုတ်လုပ်သူ ကို လိမ်လည်မှုနဲ့ ကယ်လီဖိုးနီးယား တရားရုံးမှာ တရားစွဲ ခဲ့ပါတယ်။ 

The Voice Weekly အမှုကို ကြားနာတော့မယ်

ရန်ကုန်အခြေစိုက် အပတ်စဉ်ထုတ် The Voice Weekly ဂျာနယ် ကို သတ္တုတွင်း ဝန်ကြီးဌာနက အသားရေ ဖျက်မှုနဲ့ တရား စွဲဆို ထားတာကို ဒဂုံမြို့နယ် တရားရုံးက လက်ခံ ကြားနာဖို့ ဒီကနေ့ အမိန့် ချမှတ် လိုက်ပါတယ်။

မြန်မာ့ စီးပွားရေး ဦးပိုင် လီမီတက်က လုပ်ခွင့် ရထားတဲ့ မုံရွာ ကြေးနီ စီမံကိန်းက အစု ရှယ်ယာ ရောင်းချမှုနဲ့ ပတ်သက်ပြီး ငွေရေး ကြေးရေး ကိစ္စတွေမှာ သတ္တုတွင်း ဝန်ကြီးဌာနရဲ့ မရိုးသားမှု ရှိခဲ့တယ် ဆိုပြီး ပြည်ထောင်စု စာရင်းစစ်ချုပ်ရုံးရဲ့ အစီရင်ခံစာကို ကိုးကားပြီး မတ်လ ၁၂ ရက်ထုတ် The Voice Weekly ဂျာနယ်မှာ သတင်း တစ်ပုဒ် ဖော်ပြခဲ့တာ ဖြစ်ပါတယ်။

အဲ့ဒီအချက်အလက်က မှန်ကန်မှု မရှိဘဲ ရေးသားတာ ဖြစ်တယ်ဆိုပြီး သတ္တုတွင်း ဝန်ကြီးဌာနက The Voice Weekly ဂျာနယ်ကို အသားရေဖျက်မှုနဲ့ ဒဂုံမြို့နယ် တရားရုံးမှာ စွဲဆိုထားပါတယ်။

အဲဒီ စွဲဆိုချက်ကို လက်ခံကြားနာဖို့ တရားရုံးက အမိန့်ချ လိုက်တာ ဖြစ်ပါတယ်။

အခု ဆုံးဖြတ်ချက်ကြောင့် ဥပဒေအတိုင်း ဆက်လက် ရင်ဆိုင် ရမှာ ဖြစ်ပေမယ့် ဒီဖြစ်ရပ်ဟာ နိုင်ငံရေး အသွင် ကူးပြောင်းမှုရဲ့ ရိုက်ခတ်မှု တခု ဖြစ်တယ်လို့ The Voice Weekly ဂျာနယ် ရဲ့ အယ်ဒီတာချုပ် ဦးကျော်မင်းဆွေက ပြောပါတယ်။

အမှု စတင် စစ်ဆေးမဲ့ ရက်ကိုတော့ နောက်လ ၅ ရက်နေ့မှာ စတင်ကြားနာဖို့ အတွက် ချိန်းဆို ထားပါတယ်။

စတင် တရားစွဲခဲ့ တုန်းက သတ္တုတွင်း ဝန်ကြီး ဌာနရဲ့ ဝန်ကြီး ဦးသိန်းထိုက် ကတော့ အခု ပြည်ထောင်စု စာရင်းစစ်ချုပ် တာဝန်ကို ပေးအပ် ခံထားရပြီ ဖြစ်ပါတယ်။

ဂျကာတာ မြို့တော်ဝန် ရွေးကောက်ပွဲ မဲ ရေတွက်

အခု ရလဒ်က ၂၀၁၄ ရွေးကောက်ပွဲ အတွက် သဘောထား ပြသမှု ဖြစ်နိုင်

အင်ဒို နီးရှား နိုင်ငံ မှာ ဂျကာတာ မြို့တော်ဝန် အသစ် ရွေးကောက်ပွဲ အတွက် မဲတွေ စတင် ရေတွက် နေပြီ ဖြစ်ပါတယ်။

ဒါဟာ လာမယ့် ၂၀၁၄ ခုနှစ်မှာ ကျင်းပမယ့် နိုင်ငံ တဝန်း ရွေးကောက်ပွဲတွေ မတိုင်ခင် အရေးကြီးတဲ့ သဘောထား ဖော်ပြချက် တစ်ရပ် ဖြစ်တယ်လို့ ရှုမြင်ကြ ပါတယ်။

ဒီမြို့တော်ဝန် ရွေးကောက်ပွဲမှာ မဲပေးကြဖို့ အင်ဒိုနီးရှား နိုင်ငံသား ၇ သန်း နီးပါး စာရင်း ပေးသွင်း ခဲ့ကြ ပါတယ်။

အာဏာရ အစိုးရရဲ့ ဒီမိုကရက်တစ် ပါတီ ရဲ့ ထောက်ခံမှု ပေးထားတဲ့ လက်ရှိ မြို့တော်ဝန် ဖော်ဇီ ဘိုဝို Fauzi Bowo နဲ့ အတိုက်အခံ ပါတီ တွေက ထောက်ခံတဲ့ အလယ်ပိုင်း ဂျာဗားကျွန်းရဲ့ မြို့တော် ဆိုလို Solo မြို့တော်ဝန် ဂျိုကို ဝီဒိုဒို Joko Widodo တို့ ယှဉ်ပြိုင် ကြတာ ဖြစ်ပါတယ်။

မြို့တော်ဝန် ရွေးကောက်ပွဲ မဲထည့်ကြတဲ့ နေ့မှာ ဂျကာတာ မြို့တော် တခွင်က အစိုးရ ရုံးတွေနဲ့ ဈေးဆိုင် အတော် များများကို ပိတ်ထား ခဲ့ကြ ပါတယ်။

အိန္ဒိယမှာ နိုင်ငံခြားကုမ္ပဏီတွေကို ဆန္ဒပြ

အိန္ဒိယ လက်လီ ကုန်စည် လုပ်ငန်း ပြုပြင် ပြောင်းလဲရေးတွေ လုပ်ဖို့ ကွန်ဂရက် ပါတီ ဦးဆောင်တဲ့ အစိုးရက မနှစ်က အဆိုပြု တင်ပြခဲ့ပေမယ့် ဆန့်ကျင် ကန့်ကွက်မှု တွေကြောင့် ပြန်ရုတ်သိမ်းခဲ့ ရပါတယ်။အခုတခါ အစိုးရက နိုင်ငံ့ စီးပွားရေး စနစ် ပြန်နလံထူလာစေဖို့ ဆိုပြီး မလုပ်မဖြစ် လိုအပ်တဲ့ ဆောင်ရွက်ချက်တွေ အဖြစ် ပြီးခဲ့တဲ့ သီတင်းပတ်က ဒီအဆိုပြုချက်တွေကို ထုတ်ဖေါ် ကြေညာလိုက်တာပါ။

ဒီအဆိုပြုချက်တွေအရ Walmart တို့၊ Tesco တို့လို နိုင်ငံခြား ကုန်တိုက်ကြီးတွေ အနေနဲ့ အိန္ဒိယနိုင်ငံမှာ လက်လီ လုပ်ငန်းတွေရဲ့ အစုရှယ်ယာ ၅၁ ရာခိုင်နှုန်း ထည့်ဝင်ခွင့် ရကြမှာ ဖြစ်ပါတယ်။လောလောဆယ် အိန္ဒိယနိုင်ငံမှာ နိုင်ငံခြား ကုန်စည် ကုမ္ပဏီကြီးတွေ ရှိနေပေမယ့် လက်လီ လုပ်ငန်းရှင်တွေကိုပဲ ရောင်းချခွင့်ပေးထားတာ ဖြစ်ပြီး အခု ဒီ အဆိုပြုချက်တွေအရ နိုင်ငံခြား ကုမ္ပဏီတွေ အနေနဲ့ ဝယ်ယူ စားသုံးသူတွေကို တိုက်ရိုက် ရောင်းချခွင့်ရသွားမှာ ဖြစ်ပါတယ်။

အစိုးရရဲ့ စီးပွားရေး ပြုပြင်ပြောင်းလဲရေး အဆိုပြုချက်တွေကို ဆန့်ကျင်ကန့်ကွက်တဲ့အနေနဲ့ မဟာမိတ် အစိုးရ အဖွဲ့ထဲမှာ ပါတဲ့ အဓိက အတိုက်အခံ အတိုက်အခံ ပါတီဖြစ်တဲ့ Trinamool Congress ပါတီက အစိုးရ အဖွဲ့ထဲကနေ နှုတ်ထွက်မယ်လို့ ပြောပါတယ်။ မနက်ဖြန်ကျရင် သူတို့ ပါတီရဲ့ ဝန်ကြီး ၆ဦး ရာထူးကနေ နှုတ်ထွက်ဖို့ စီစဉ်ထားပါတယ်။ဈေးချိုချိုနဲ့ ရောင်းနိုင်တဲ့ နိုင်ငံခြား ကုမ္ပဏီကြီးတွေဆီကနေပဲ ဝယ်ယူ စားသုံးသူကြတော့မှာမို့ အသေးစား ကုန်စည် လုပ်ငန်းတွေ၊ လမ်းဘေး ဈေးသည်တွေ စီးပွားပျက် အလုပ်လက်မဲ့ ဖြစ်ကုန်ကြတော့မယ်ဆိုပြီး မြို့ကြီးအတော်များများမှာ တရက်ကြာ ဆန္ဒပြဖို့ စီစဉ်ခဲ့တာပါ။

ကာလကတ္တားနဲ့ မြို့ကြီးအတော်များများမှာ ဆန္ဒပြမှုတွေကြောင့် လမ်းတွေပိတ်၊ ဈေးဆိုင်တွေ ပိတ်ခဲ့ကြရပါတယ်။ဒေလီမြို့နဲ့ တခြား မြို့အတော်များများမှာတော့ ဆန္ဒပြမှုတွေ အကြီးအကျယ် လုပ်ဖို့ စီစဉ်ထားခဲ့ပေမယ့် ဆန္ဒပြမှုတွေ သိပ်မတွေ့ရပဲ ပုံမှန်အတိုင်း တွေ့ရပါတယ်။အခုလို မျှော်လင့်ထားသလောက် ဆန္ဒပြမှုတွေ သိပ်မရှိတာကြောင့် အစိုးရအနေနဲ့ သူတို့ရဲ့ အဆိုပြု ချက်တွေကို အကောင်အထည် ဖေါ် ဆောင်ရွက်နိုင်မယ့် ပုံမျိုးရှိနေတယ်လို့ ဒေလီမြို့မှာ ရှိတဲ့ ဘီဘီစီ သတင်းထောက် Andrew North က ပြောပါတယ်။

အီးယူရဲ့ လက်နက် ပိတ်ပင်မှု ပယ်ဖျက်ဖို့ တရုတ် တောင်းဆို

တရုတ် ဝန်ကြီးချုပ်နဲ့ အီးယူ ခေါင်းဆောင်များ

တရုတ် ဝန်ကြီးချုပ် ၀မ်ကျားဘောင်က ဥရောပ သမဂ္ဂ က တရုတ် နိုင်ငံ အပေါ် လက်နက် တင်ပို့ ရောင်းချမှု ပိတ်ပင် ထားတာကို ပယ်ဖျက် ပေးဖို့ အခု နောက်ဆုံး ကျင်းပတဲ့ ဥရောပ သမဂ္ဂ ထိပ်သီး ဆွေးနွေးပွဲမှာ တောင်းဆိုလိုက် ပါတယ်။

၁၉၈၉ ခုနှစ်က တီယန်နန်မင် ရင်ပြင်မှာ ဒီမို ကရေစီရေး တောင်းဆို ဆန္ဒပြမှု တွေကို တရုတ် အစိုးရက အကြမ်းနည်းနဲ့ နှိမ်နင်းခဲ့ ပြီးတဲ့နောက်မှာ တရုတ် နိုင်ငံကို လက်နက် တင်ပို့မှု မပြုဖို့ အီးယူ ဥရောပ သမဂ္ဂက ပိတ်ပင် ထားခဲ့ တာပါ။

ဒါ့အပြင် မစ္စတာ ဝမ်ကျားဘောင်က တရုတ် ကုန် ပစ္စည်းတွေ အပေါ် ဥရောပ သမဂ္ဂရဲ့ စည်းကြပ်ခွန် တွေကို ဖယ်ရှား ပေးဖို့လည်း မေတ္တာ ရပ်ခံခဲ့ ပါတယ်။

ဥရောပ သမဂ္ဂဟာ တရုတ် နိုင်ငံရဲ့ အကြီးဆုံး ပို့ကုန် ဈေးကွက် ဖြစ်ပြီး ဥရောပ သမဂ္ဂကလည်း တရုတ် နိုင်ငံကို ကုန်ပစ္စည်း တင်ပို့မှုမှာ ဒုတိယ အများဆုံး ဖြစ်ပါတယ်။

မစ္စတာ ဝမ်ကျားဘောင် ရာထူးကနေ ဆင်းပေးမယ့် တရုတ် အစိုးရ အပြောင်း အလဲနဲ့ ပတ်သက်လို့ ဥရောပ သမဂ္ဂက စိတ်ဝင် တစား ရှိကြသလို စိုးရိမ်မှု တွေလည်း ရှိနေတယ်လို့ ဥရောပက ဘီဘီစီ သတင်းထောက်က ပြော ပါတယ်။

မြန်မာနဲ့ထိုင်း စီးပွားရေး ပူးပေါင်းဆောင်ရွက်ဖို့ သဘောတူ

၂ နာရီကြာ ဆွေးနွေးပြီး နှစ်နိုင်ငံ သေဘာတူ စာချုပ် ၃ ခုကို လက်မှတ် ရေးထိုး နိုင်ခဲ့ပါတယ်

ထိုင်းနိုင်ငံကို ၃ ရက်ကြာ အလည်အပတ် ရောက်ရှိနေတဲ့ မြန်မာ သမ္မတ ဦးသိန်းစိန်နဲ့ ထိုင်းဝန်ကြီးချုပ် ယင့်လတ်ခ် ရှင်နဝပ်တို့ ဒီကနေ့ မနက်ပိုင်းက တွေ့ဆုံ ဆွေးနွေးခဲ့ ပါတယ်။

ခေါင်းဆောင်နှစ်ဦး ၂ နာရီကြာ ဆွေးနွေးခဲ့ အပြီး နှစ်နိုင်ငံ သဘောတူ စာချုပ် ၃ ခုကို လက်မှတ်ရေးထိုး နိုင်ခဲ့ပါတယ်။

ထားဝယ် ရေနက်ဆိပ်ကမ်းနဲ့ စက်မှုဇုန် ဖွံ့ဖြိုးရေး အတွက် နှစ်နိုင်ငံ ပူးပေါင်း ဆောင်ရွက်ရေး၊ နောက် စွမ်းအင် ဆိုင်ရာ ပူးပေါင်း ဆောင်ရွက်ရေး ဆွေးနွေးမှုတွေ ပြုလုပ်ရေး အပါအဝင် ထိုင်းနိုင်ငံ ကနေ အကူအညီ ပေးမယ့် တခြားလုပ်ငန်းတွေ အတွက် နားလည်မှု စာချွန်လွှာတွေမှာ လက်မှတ် ရေးထိုးခဲ့ကြတာ ဖြစ်ပါတယ်။

ထားဝယ်ရေနက် ဆိပ်ကမ်း ပူးတွဲ ဆောင်ရွက်ရေး အတွက် ဝန်ကြီးအဆင့် ပူးတွဲ ကော်မတီ ဖွဲ့ပြီး သြဂုတ်လမှာ စတင် ဆွေးနွေးဖို့ ရှိတယ်လို့လည်း ဝန်ကြီးချုပ် ယင့်လတ်က ပြောပါတယ်။

နယ်စပ်ဒေသ စီးပွားရေး ဖွံ့ဖြိုးရေး အတွက် တရားဝင် နယ်စပ်ဂိတ် ဖွင့်ဖို့ ကိုလည်း ခေါင်းဆောင်နှစ်ဦး ဆွေးနွေး သဘောတူခဲ့ကြပါတယ်။

ချင်းမိုင်ခရိုင် ခယူပါဝေါ့ နယ်စပ်ဂိတ်၊ မဲဟောင်ဆောင်ခရိုင် ဝေ့တွန့်နွန့် နယ်စပ်ဂိတ်၊ ကန်ချနာ့ဘူရီခရိုင် ဘန့်နမ့်ဖုရောန့် နယ်စပ်ဂိတ်တို့ ဖြစ်ကြပြီး ရတ်ချဘူရီခရိုင် တကိုးဘွန်း နယ်စပ်မှာ လည်း ယာယီ နယ်စပ်ဂိတ် ဖွင့်ဖို့ ထိုင်းဘက်က ပြင်ဆင် နေတယ်လို့ ထိုင်းဝန်ကြီးချုပ်က ပြောပါတယ်။

မြန်မာနိုင်ငံက ဆန်စပါး ဖွံ့ဖြိုးတိုးတက်ရေးကို ထိုင်းဘက်က ကူညီ ဆောင်ရွက် ဖို့ရှိတဲ့ အကြောင်းနဲ့ ထိုင်းနိုင်ငံမှာ အလုပ်လုပ် နေတဲ့ မြန်မာ အလုပ်သမားတွေကို ထိုင်းနိုင်ငံ ဥပဒေ အတိုင်း အခွင့်အရေးတွေ ရရှိအောင် စောင့်ရှောက်မယ်လို့ ဝန်ကြီးချုပ် ယင့်လတ်ခ်က သမ္မတဦးသိန်းစိန်ကို ကတိပေးခဲ့ပါတယ်။

မနက်ဖြန်မှာတော့ သမ္မတဦးသိန်းစိန်ဟာ မြန်မာနိုင်ငံကို ပြန်လည် ရောက်ရှိမှာ ဖြစ်ပါတယ်။

မြန်မာသမ္မတကို အမေရိကန် အရေးယူမှု လျှော့ပေး

အမေရိကန်မှာ စီးပွား လုပ်ကိုင်ခွင့်နဲ့ ပစ္စည်း ဥစ္စာ ပိုင်ဆိုင်ခွင့် တားမြစ်ချက်ကို ရုပ်သိမ်းပေးခဲ့

မြန်မာ နိုင်ငံရဲ့ အဓိက အတိုက်အခံ ခေါင်းဆောင် ဒေါ်အောင်ဆန်း စုကြည် အမေရိကန် ပြည်ထောင်စုကို ရောက်ရှိ နေချိန်မှာ သမ္မတ ဦးသိန်းစိန် အပေါ် ချမှတ်ထားတဲ့ ပိတ်ဆို့ အရေးယူမှု တွေကို အမေရိကန် အစိုးရက ဖယ်ရှား ပေးလိုက် ပါတယ်။

သမ္မတ ဦးသိန်းစိန် အပေါ် ဒဏ်ခတ် ပိတ်ဆို့ထားခဲ့တဲ့ အမေရိကန်မှာ စီးပွား လုပ်ကိုင်ခွင့်နဲ့ ပစ္စည်း ဥစ္စာ ပိုင်ဆိုင်ခွင့် တားမြစ်ချက် တွေကို အမေရိကန် ဘဏ္ဍာရေး ဌာနက ရုပ်သိမ်း လိုက်တာ ဖြစ်ပါတယ်။

သမ္မတ ဦးသိန်းစိန်ဟာ ကုလသမဂ္ဂ အထွေထွေ ညီလာခံကို တက်ရောက်ဖို့ လာမယ့် သီတင်းပတ်မှာ အမေရိကန်ကို ရောက်မှာ ဖြစ်ပါတယ်။

မြန်မာ နိုင်ငံရဲ့ ဒီမိုကရေစီ ပြုပြင် ပြောင်းလဲရေးမှာ အမေရိကန်က ဆက်လက် ပံ့ပိုး ကူညီသွားမယ် ဆိုတာ ဗုဒ္ဓဟူး နေ့က အိမ်ဖြူတော်မှာ ဒေါ်အောင်ဆန်း စုကြည်နဲ့ သမ္မတ အိုဘားမား တွေ့ဆုံ ဆွေးနွေး ခဲ့စဉ် သမ္မတ အိုဘားမားက အခိုင် အမာ ပြောခဲ့ပါတယ်။

အဲဒီလို မတွေ့ဆုံခင် ဒေါ်အောင်ဆန်း စုကြည်ဟာ အမေရိကန် လွှတ်တော်က အပ်နှင်းတဲ့ အမြင့်ဆုံး ဂုဏ်ထူးဆောင် ရွှေတံဆိပ် ဆုကို လက်ခံ ရယူခဲ့ပါတယ်။

စစ်အစိုးရ အုပ်ချုပ်မှု အောက်မှာ ဆယ်စုနှစ် အတော်ကြာအောင် အမှောင်လွှမ်း နေခဲ့ ရတဲ့ အချိန်တွေမှာ မြန်မာ နိုင်ငံ အရေးကို ထောက်ခံ ခဲ့ကြတဲ့ အမေရိကန် ပြည်သူ တွေကို ကျေးဇူး တင်ကြောင်း နဲ့ ငြိမ်းချမ်း သာယာပြီး အခြေခံ လူ့ အခွင့် အရေးတွေကို အကာအကွယ် ပေးတဲ့ နိုင်ငံ ဖြစ်အောင် ရှေ့ဆက် ရေးမှာ မိတ်ဆွေတွေက ဆက်ပြီး ပံ့ပိုး ပေးမယ် ဆိုတာ သူ အခိုင်အမာ ယုံကြည်ကြောင်း ဒေါ်အောင်ဆန်း စုကြည်က ပြောပါတယ်။

သမ္မတ ဦးသိန်းစိန်ရဲ့ ပြုပြင် ပြောင်းလဲရေး လုပ်ဆောင်မှုတွေ ကနေ မြန်မာ နိုင်ငံမှာ အခြေ အနေတွေ ပြောင်းလဲမှု ဖြစ်လာကြောင်း ဒေါ်အောင်ဆန်း စုကြည်က ပြောခဲ့ ပါတယ်။

ထိုင်းနိုင်ငံ ချင်းမိုင်မြို့က မြန်မာ နိုင်ငံ တိုင်းရင်းသားများ ပွင့်လင်း တက္ကသိုလ် က ပါမောက္ခ ဆရာ ကမ္ဘောဇ ဝင်းကတော့ ဒေါ်အောင်ဆန်း စုကြည်ဟာ ထိုင်းနိုင်ငံ ခရီးစဉ် တုန်းက ပြည်သူလူထု အတွက် အထူး သဖြင့် တိုင်းရင်းသား တွေ ဘက်က ရပ်တည်ပြီး အမှန် အတိုင်း ပြောခဲ့တယ်၊ ဒါပေမဲ့ အခု အမေရိကန် ပြည်ထောင်စုကို ရောက်ရှိစဉ် ပြောတဲ့ စကား တွေကတော့ အစိုးရနဲ့ သဟ ဇာတ ဖြစ်အောင် ပြောနေတာလို့ ဝေဖန် ထောက်ပြ ပါတယ်။

ဒါပေမဲ့ ဒေါ်အောင်ဆန်း စုကြည်ရဲ့ အခု ခရီးစဉ်က အမေရိကန်နဲ့ မြန်မာ ဆက်ဆံရေး အတွက် အကျိုးရှိတယ်လို့ သူက သုံးသပ်ပါတယ်။

မြန်မာ အဓိကရုဏ်းပုံများ ဝဘ်ဆိုက်တင်၍ အိန္ဒိယ ကျောင်းဆရာတဦး ဖမ်းဆီးခံရ

မဇ္ဈိမသတင်းဌာန | ကြာသပတေးနေ့၊ စက်တင်ဘာလ ၂၀ ရက် ၂၀၁၂ ခုနှစ် ၂၀ နာရီ ၅၅ မိနစ်

နယူးဒေလီ (မဇ္ဈိမ) ။       ။ အိန္ဒိယ အရှေ့မြောက် ပြည်နယ်သားများအပေါ် အကြမ်းဖက် တိုက်ခိုက်မှုများ ဖြစ်ပေါ်လာစေရန် လံှု့ဆော်မှု ဖြစ်စေခဲ့သည့် “၂ဝ၁၂ မြန်မာပြည် အဓိကရုဏ်း ရင်ဖိုဖွယ် ပုံများ” Burma Riots Thrilling Pictures 2012 အား အင်တာနက် ဝဘ်ဆိုက်တခုပေါ် လုပ်ကြံဖန်တီး၍ တင်ခဲ့သည် ဟူသော စွပ်စွဲချက်ဖြင့် အိန္ဒိယနိုင်ငံ၊ မုံဘိုင်းအခြေစိုက် ကျောင်းဆရာ တဦးအား အိန္ဒိယ သတင်းဆက်သွယ်ရေးဆိုင်ရာ ရဲတပ်ဖွဲ့က ဖမ်းဆီးလိုက်သည်။

“ကျောင်းဆရာ ရှရစ် အာမဒ် ဘရှီး ဆီဒီကီ Sharif Ahmed Bashir Siddiqui ဟာ သူ့အိမ်က ကွန်ပျူတာကနေ ဒါတွေ ကို အင်တာနက်ပေါ် တင်နေတာ ဖြစ်တယ်” ဟု ဒု-ရဲမင်းကြီး ဆန်ဂျေး ရှင်ဒေး Sanjay Shinde အား ကိုးကား၍ ပီတီအိုင် သတင်းတရပ်တွင် ဖော်ပြထားသည်။

မြန်မာနိုင်ငံ(ရခိုင်ပြည်နယ်)အတွင်း အကြမ်းဖက်မှုများကို လီဆည် ပြုပြင်ထားသည့် အဆိုပါ ဗီဒီယိုများကို ကျောင်းဆရာ က သြဂုတ်လ အတွင်းက အင်တာနက်ပေါ်သို့ လွှင့်တင်ခဲ့ခြင်းဖြစ်သည်ဟု ရဲအရာရှိက ဆိုသည်။ အဆိုပါ ဗီဒီယိုများမှာနောက်ပိုင်းတွင် မိုဘိုင်းဖုန်းများသို့ ပျံ့နှံ့သွားကာ ပူနေးမြို့နှင့် အခြား ဒေသများရှိ အိန္ဒိယ အရှေ့မြောက် ပြည်နယ်သားကျောင်းသားများအပေါ် အကြမ်းဖက်တိုက်ခိုက်မှုများ ဖြစ်ပေါ်လာစေသည့် အကြောင်းရင်း ဖြစ်သည်ဟုလည်း ဆိုသည်။

သိပံ္ပဘွဲ့ရ ကျောင်းဆရာမှာ မုံဘိုင်းမြို့အတွင်း ပုန်းအောင်းနေထိုင်ရာမှ ဗုဒ္ဓဟူးနေ့ ညနေပိုင်းကမှ သတင်းဆက်သွယ်ရေး ဆိုင်ရာ ရဲတပ်ဖွဲ့က ဖမ်းဆီးရမိခဲ့ခြင်းဖြစ်သည်။

အဆိုပါ လုပ်ကြံဗီဒီယိုများ ဆက်လက်မပြန့်ပွားစေရန် အိန္ဒိယ အစိုးရက အင်တာနက်စာမျက်နှာ ၂၄၅ ခုကို သြဂုတ်လ ၂၂ ရက်နေ့မတိုင်မီကတည်းက ပိတ်ပင်ခဲ့ရသည်။

အိန္ဒိယ အရှေ့မြောက်ပိုင်းရှိ အာသံပြည်နယ်နှင့် မြန်မာနိုင်ငံ ရခိုင်ပြည်နယ်တွင် ဖြစ်ပွားခဲ့သည့် ဒေသခံ တိုင်းရင်းသား များနှင့် မူဆလင် ဘာသာဝင်များအကြား အကြမ်းဖက်မှုများနှင့် တင်းမာနေမှု သတင်းများလည်း ထိုအတောအတွင်း ပျံ့နှံ့ခဲ့သည်။

အာသံပြည်နယ်တွင် ဒေသခံ ဘိုဒို တိုင်းရင်းသားများနှင့် ဘင်္ဂလားဒေ့ရ်ှနိုင်ငံမှ ဝင်ရောက်လာသည်ဆိုသော မွတ်ဆလင် များအကြား အကြမ်းဖက်မှုများ ဇူလိုင်လကတည်းက စတင်ဖြစ်ပွားခဲ့သည်။ သြဂုတ်လဆန်းပိုင်းတွင် သတ်ဖြတ်မှုများနှင့် မီးရှိုမှုများ ပြင်းထန် သည်းသန်လာခဲ့ကာ အနည်းဆုံး လူ ၁ဝဝ ခန့် သေဆုံးခဲ့ရပြီး လူဦးရေ လေးသိန်းခန့်မှာ အိုးအိမ်မဲ့ဖြစ်ခဲ့ရသည်။ 

သြဂုတ်လ ၁၁ ရက်နေ့က မုံဘိုင်းမြို့ကြီးရှိ မူဆလင်များ သောင်းနှင့်ချီ၍ ငြိမ်းချမ်းစွာ ဆန္ဒပြကြစဉ် မသမာသူတစုက ဝင်ရောက်အကြမ်းဖက်၍ ရဲတပ်ဖွဲ့ဝင် နှစ်ဦး သေဆုံးခဲ့ရပြီး သတင်းမီဒီယာသမားများလည်း ရိုက်နှက်ခံခဲ့ရသည်။

၎င်းနောက်တွင် အရှေ့မြောက်ပိုင်းရှိ ပြည်နယ်သားများအပေါ် အကြမ်းဖက် တိုက်ခိုက်မည် ဟူသည့် ခြောက်ခြားဖွယ် ခြိမ်းခြောက်မှုများ ကောလာဟလအဖြစ် ဖေ့စ်ဘွတ်နှင့် မိုဘိုင်း မက်ဆေ့ခ်ျများမှတဆင့် ပျံ့နှံ့လာခဲ့သည်။

အစိုးရ တာဝန်ရှိသူများနှင့် ရဲဌာနမှ ထို ကောလာဟလများနှင့်ပတ်သက်၍ စိုးရိမ်ကြောင့်လန့်ခြင်း မရှိရန် ကတိကဝတ် များ ပြုထားသော်လည်း မုံဘိုင်း၊ ဘန်ဂလို၊ ပူနေး၊ ချန်နိုင်း စသည့် ပြည်မကြီးရှိ မြို့များတွင် အရှေ့မြောက်ပြည်နယ်များမှ လာရောက် အလုပ်လုပ်ကိုင်နေသူများနှင့် ကျောင်းသူ ကျောင်းသားများမှာ ၎င်းတို့နေရပ်သို့ သောင်းနှင့်ချီ၍ ပြန်လည် ထွက်ခွါသွားခဲ့မှုများ ဖြစ်ပွားခဲ့ရသည်။

အိန္ဒိယ ပြည်ထဲရေးဌာနက ပိတ်ပင်လိုက်မှုကြောင့် အဆိုပါ Burma Riots Thrilling Pictures 2012 အား အင်တာနက်ပေါ်တွင် ကြည့်ရှု၍ မရတော့ပေ။

ဆက်ကြေးများကြောင့် နယ်စပ်ကုန်သွယ်ရေး ထိခိုက်နေဟု အိန္ဒိယကုန်သည် ပြော

နေမျိုး | ကြာသပတေးနေ့၊ စက်တင်ဘာလ ၂၀ ရက် ၂၀၁၂ ခုနှစ် ၁၉ နာရီ ၀၆ မိနစ်

နယူးဒေလီ (မဇ္ဈိမ) ။       ။ မြန်မာ-အိန္ဒိယ နယ်စပ်တွင် အိန္ဒိယခွဲထွက်ရေး လက်နက်ကိုင်အဖွဲ့များ၏ ဆက်ကြေးကောက်ခံမှုများကြောင့် အိန္ဒိယ ကုန်စည်များ ဈေးနှုန်းမြှင့်တက်ကာ နယ်စပ် ကုန်သွယ်ရေး၌ တွင်တွင်ကျယ်ကျယ် ကုန်သွယ်နိုင်ခြင်း မရှိကြောင်း သိရသည်။

ကုန်ပစ္စည်း အမျိုးအစားပေါ်မူတည်ပြီး ဆက်ကြေးနှုန်းထား အနိမ့်၊ အမြင့်ရှိသလို မလိုလားအပ်သည့် ကုန်ကျစရိတ်များ လည်း ရှိနေသည့်အတွက် နှစ်နိုင်ငံ နယ်စပ်ကုန်သွယ်ရေးတွင် အိန္ဒိယ ကုန်စည်များ ဈေးကွက်မထိုးဖောက်နိုင်ကြောင်း နယ်စပ်ကုန်သည်များ အသင်းဝင် ကုန်သည်ကြီးတဦး က ပြောသည်။  

“ကိုယ့်အိမ်က ကိုယ့်မြေကြီးသယ်လည်း နယ်စပ်မှာ ဆက်ကြေးပေးရမှာပဲ။ အခွန်ကတော့ သတ်မှတ်ထားတယ်။ စောင်၊ ဘက်ထရီ အမျိုးမျိုးရှိတယ်။ ကားသမားတွေဆီကလည်း တနှစ်တခါ ထပ်ကောက်သေးတယ်။ ဒါလည်း ကုန်သည်တွေပဲပေးရတာပဲ။ ဆက်ကြေးကောက်တဲ့ (သူပုန်) အဖွဲ့က ၁၁ ဖွဲ့လောက် ရှိတယ်။ တရားဝင် ကုန်ပဲဖြစ်ဖြစ်၊ တရားမဝင် ကုန်ပဲဖြစ်ဖြစ် ကောက်ကြတာပဲ” ဟု အမည်မဖော်လိုသည့် အိန္ဒိယကုန်သည်ကြီး တဦးက ဆိုသည်။

ကုန်သည်များသည် ဆက်ကြေးအမျိုးမျိုးအား တရားမဝင် လက်နက်ကိုင် အဖွဲ့များသို့ တိုက်ရိုက် ပေးဆောင်နေရသည့် အပြင် ဌာနဆိုင်ရာများသို့ အခွန်အဖြစ်လည်း တိုက်ရိုက် သော်လည်းကောင်း၊ သွယ်ဝိုက်၍ သော်လည်းကောင်းပေးဆောင်နေရကြောင်း ၎င်းက ဆက်ပြောသည်။

“ကောက်နေတဲ့ ပုံစံအားလုံးဟာ မိုးရေးက ကုန်သည်ပဲ ခံရတာ။ နံပါတ်တစ်က မိုးရေး ဆိုင်သမားဆီက တိုက်ရိုက်ကောက်တယ်။ ပစ္စည်းတထုပ် ဝင်လာရင် ဘယ်လောက်ဆိုပြီး သူတို့(သူပုန်)က ကောက်တယ်။ အဲလိုကောက်ပြီးတဲ့ အပြင်ကို တနှစ်တခါဆိုရင် ဘယ်လောက်ပေး ဆိုတာ ပါသေးတယ်။ ကုန်သည်များအသင်း Chamber ကလည်း ဒီကုန်သည်တွေဆီကပဲ ပြန်ကောက်တယ်။ Direct tax (တိုက်ရိုက် အခွန်)ပေါ့။ နောက်တခါ Indirect tax (သွယ်ဝိုက် အခွန်) ဆိုတာ ရှိသေးတယ်။ သူပုန်က Custom (အကောက်ခွန်)ကို တောင်းလိုက်တယ်။ ဥပမာ ပိုက်ဆံ ရူပီး ငါးသိန်းပေး ဆိုတော့ custom က ကုန်သည်ဆီက ပြန်ကောက်တယ်။ ရဲတို့၊ သစ်တောတို့ ဆီကလည်း ကောက်တယ်။ ဒီ (သူပုန်ကို)ပေးရတဲ့ ဌာနအားလုံးကလည်း ကုန်သည်ဆီကပဲ ပြန်ကောက်တယ်” ဟု ရှင်းပြသည်။

ဤသို့ဖြင့် မဏိပူရပြည်နယ် မြို့တော် အင်ဖာမှ စီးဆင်းလာသော အိန္ဒိယကုန်ပစ္စည်းများမှာ မြန်မာနယ်စပ် အရောက် တွင် ဈေးနှုန်းများ တက်ကုန်ကြရသည်ဟု ဆိုသည်။

လက်ရှိ နှစ်နိုင်ငံ နယ်စပ်ကုန်သွယ်ရေးတွင် ပစ္စည်းအမျိုးအမည် ၄ဝ သာ ခွင့်ပြုထား၍ ထိုထက်ပို၍ တိုးမြှင့်ခွင့်ပြုသင့်ကြောင်း အိန္ဒိယ-မြန်မာ နယ်စပ် ကုန်သည်ကြီးများသမဂ္ဂမှ ဇွန်လ နှောင်းပိုင်းကတည်းက တောင်းဆိုထားသည်။

နှိုင်းယှဉ်ခြင်းအားဖြင့် တရုတ်-မြန်မာ နယ်စပ်ကုန်သွယ်ရေးတွင် ကုန်ပစ္စည်းအမျိုးအမည် ၁၁,၆၉၂ မျိုး၊ တိုင်း-မြန်မာ နယ်စပ်ကုန်သွယ်ရေးတွင် ၃,၆၉၉ မျိုးနှင့် ဘင်္ဂလားဒေ့ရှ်-မြန်မာ နယ်စပ် ကုန်သွယ်ရေးတွင် ၆၃ မျိုး လွတ်လပ်စွာ ဖလှယ်နိုင်နေကြသည်။

၂ဝ၁၁ ခုနှစ် ဧပြီမှ ဒီဇင်္ဘာလအတွင်းတွင် မြန်မာမှ အိန္ဒိယသို့ နယ်စပ်မှတဆင့် ဒေါ်လာ ၅ ဒဿမ ၉၈၉ သန်း တင်ပို့ခဲ့ ကာ အိန္ဒိယမှ မြန်မာသို့ ဒေါ်လာ ၄ ဒဿမ ၁၄၁ သန်းဖိုး တင်သွင်းခဲ့သဖြင့် နယ်စပ်ကုန်သွယ်မှု ပမာဏမှာ ဒေါ်လာ ၁ဝ ဒဿမ ၁၃ဝ သန်းဖိုး ရှိခဲ့သည်။ ထိုစဉ်တွင် တရုတ်-မြန်မာ နယ်စပ်ကုန်သွယ်မှု ပမာဏမှာ ဒေါ်လာ ၂၁၈၃ ဒဿမ ၂၈၇ သန်း ရှိခဲ့ပြီး ထိုင်း-မြန်မာ နယ်စပ်တွင် ဒေါ်လာ ၂၂၈ ဒဿမ ၆ဝဝ သန်း ကုန်သွယ်ခဲ့ကာ ဘင်္ဂလားဒေ့ရ်ှနယ်စပ်တွင်ဒေါ်လာ ၁၇ ဒဿမ ၃၄၂ သန်းဖိုး အသီးသီး ကုန်သွယ်နိုင်ခဲ့ကြသည်။

အိန္ဒိယ-မြန်မာ နယ်စပ် ကုန်သွယ်ရေး ဖြစ်ထွန်းအောင်မြင်ရေးအတွက် နှစ်ဘက်လုံးတွင် အားနည်းချက်များ ရှိနေပြီး တရုတ်ကုန်စည်များ ဈေးကွက်တွင် အထူးအောင်မြင်နေကြောင်းနှင့် ကန့်သတ်ကုန်စည်များ စာရင်း လျှော့ချရန် လိုကြောင်း အိန္ဒိယ ကုန်သည်ကြီးက ဆိုသည်။

“မြန်မာဘက်ကလည်း တချို့ကုန်တွေကို တရားဝင် လက်မခံဘူး။ ပစ္စည်းမှန်သမျှ စက်ဘီးတို့၊ ဆေးပစ္စည်း ဘာညာ အားလုံးကို ဖွင့်ပေးလိုက်၊ အကုန်လုံး တရားဝင် အခွန်ကောက်ပြီး ဖွင့်ပေးလိုက်။ အိန္ဒိယဘက်ကတော့ သူပုန်ပြဿနာပြေလည်သွားရင်ကို ပြီးပါတယ်။ မြန်မာဘက်က သူတို့ပို့တဲ့ ပစ္စည်းကို တဖက်သတ် တရားဝင်လို့ သတ်မှတ်ထားတယ်။မြန်မာအစိုးရက အကုန်လုံး အခွန်ကောက်ပြီးသား။ ဘယ်ယူသွားသွား ရသွားပြီ။ ၉ဝ ရာခိုင်နှုန်းက တရုတ်ပစ္စည်းတွေ ဝင်နေတယ်” ဟု မဇ္မျိမကို ပြောသည်။

ဖူးပွင့်စ မြန်မာ့ ဒီမိုကရေစီ ရောင်နီသန်းချိန်တွင် နှစ်နိုင်ငံ စီးပွားရေး ပူးပေါင်းဆောင်ရွက်ရန် ဗျူဟာများ အိန္ဒိယမှ ကြိုတင်ချမှတ်နိုင်ရေး စက်တင်ဘာလ ၁၇ ရက်နေ့က နယူးဒေလီမြို့တွင် ဆွေးနွေးခဲ့ကြရာ အငြိမ်းစား ဒု-ဗိုလ်ချုပ်ကြီး Lt Gen. (retd) J.R. Mukherjee  က နှစ်နိုင်ငံ နယ်စပ်ကုန်သွယ်ရေး တွင် တရားမဝင် အခွန်များနှင့် ပါတ်သက်ပြီး ကိုင်တွယ်ရန် တိုက်တွန်းကြောင်း The Telegraph သတင်းစာတွင်လည်း ဖော်ပြပါရှိသည်။

“မြန်မာနဲ့ ကုန်သွယ်ရာမှာ စဉ်းစားရမယ့် တခုက အရှေ့မြောက် စစ်သွေးကြွများရဲ့ တရားမဝင် အခွန်ကောက်ခံမှုပဲဖြစ်ပါတယ်။ ကုန်တင်ယာဉ် တစီးဟာ မိုးရေးကနေ မြန်မာပြည်ကို တကြိမ် ဖြတ်သန်း ဝင်ရောက်တိုင်းပေးရတဲ့ ဆက်ကြေးနှုန်းထားပါ။ ဆိုတော့ ကုန်ပစ္စည်းတွေ သယ်ဆောင်ဖို့ ၁ သိန်း။ အဲတော့ ကုန်ပစ္စည်းတန်ဖိုးဟာ နှစ်ဆမြှင့်တက်သွားတာပေါ၊။ ဒီတော့ တရားဝင် ကုန်သွယ်မှုထက် တရားမဝင် ကုန်သွယ်မှုက ကျော်တက်သွားတာပေါ့” ဟု ထောက်ပြ ပြောဆိုသွားသည်။

အဆင်းရဲဆုံးနိုင်ငံများစာရင်းဝင် မြန်မာနိုင်ငံအနေဖြင့် အိန္ဒိယနိုင်ငံမှ ၂ဝ၁ဝ က ကြေညာခဲ့သော အထူး အကောက်ခွန် ခံစားခွင့်တွင် အကြုံးဝင်သည်။ ၂ဝဝ၉ တွင် လက်မှတ်ရေးထိုးထားသော အိန္ဒိယ-အာဆီယံ လွတ်လပ်စွာ ကုန်သွယ်ရေး သဘောတူ စာချုပ်အရလည်း ခံစားခွင့်ရှိမည် ဖြစ်သည်။

မဏိပူရပြည်နယ်ရှိ မိုးရေး-တမူး နှင့် မီဇိုရမ်ပြည်နယ်ရှိ ဇိုးကထား-ရိဖ် တို့တွင် နယ်စပ်ကုန်သွယ်ရေး စီးဆင်းနေပြီး အဓိက လမ်းကြောင်းဖြစ်သည့် မိုးရေး-တမူးကို ဖြတ်သန်းကာ အရှေ့တောင်အာရှ နိုင်ငံများသို့ ဆိုက်ရောက်မည့် အိန္ဒိယ-မြန်မာ-ထိုင်း အဝေးပြေးလမ်းမကြီးကို လေးလမ်းသွားအဖြစ် စတင်တိုးချဲ့လျက်ရှိနေပြီ ဖြစ်သည်။

ဖက်စပ် ရင်းနှီးမြှုပ်နှံမှုများ ပြုလုပ်နိုင်ရန် အတွက် မြန်မာ စီးပွားရေး လုပ်ငန်းရှင်များနှင့် အိန္ဒိယ အရှေ့မြောက်ပြည်နယ် များမှ ကုမ္ပဏီ ၂၈ ခုတို့ သြဂုတ်လ ၃ဝ ရက်နေ့က ရန်ကုန်မြို့တွင် တွေ့ဆုံခဲ့ကြပြီး သြဂုတ်လ ၂၆ ရက်နေ့မှ ၃၁ ရက်နေ့အတွင်းကလည်း အိန္ဒိယနိုင်ငံ မိုရေးမြို့နှင့် မြန်မာနိုင်ငံ မန္တလေး၊ မုံရွာ၊ နေပြည်တော်နှင့် ရန်ကုန်မြို့တို့တွင် အသီးသီး တွေ့ဆုံခဲ့ကြသည်။

၂ဝ၁၁-၂ဝ၁၂ ဘဏ္ဍာနှစ်အတွင်း အိန္ဒိယ-မြန်မာ ကုန်သွယ်မှုပမာဏမှာ ဒေါ်လာသန်း ၁,၈ဝဝ ရှိခဲ့ပြီး ပဲအမျိုးမျိုး၊ သစ်၊ သံနှင့်သံထည်၊ အသေးစား စက်ပစ္စည်း ကိရိယာနှင့် ဆေးဝါး စသည်တို့ ဖြစ်သည်။ ၂ဝ၁၅ တွင် နှစ်နိုင်ငံကုန်သွယ်မှုနှစ်ဆ တိုးမြှင့်ရန် နှစ်နိုင်ငံ ရည်မှန်းထားကြသည်။

ရန်ကုန်နှင့် အင်းလေးဒေသတွင် ဟိုတယ်ဇုန်များ ထပ်မံဖော်ထုတ်မည်

တင်ဇာအောင် | ကြာသပတေးနေ့၊ စက်တင်ဘာလ ၂၀ ရက် ၂၀၁၂ ခုနှစ် ၁၈ နာရီ ၁၈ မိနစ်

ရန်ကုန် (မဇ္ဈိမ) ။       ။ လာမည့် ဘဏ္ဍာနှစ်အတွင်း ပိုမိုဝင်ရောက်လာမည့် နိုင်ငံခြားသား ခရီးသည်များကို ကျေပွန်စွာ ဧည့်ခံနိုင်ရန် မျှော်မှန်း၍ ရန်ကုန်နှင့် ရှမ်းပြည်နယ် အင်းလေး ဒေသတို့ တွင် ဟိုတယ်ဇုန်များ ထပ်မံဖော်ထုတ်သွား မည် ဖြစ်ကြောင်း ဟိုတယ်နှင့်ခရီးသွားညွှန်ကြားမှု ဦးစီးဌာနက ဆိုသည်။

ရန်ကုန်တိုင်းအတွင်းတွင် လှည်းကူးမြို့နယ်၊ ရန်ကုန်-နေပြည်တော် အမြန်လမ်းမကြီးပေါ်ရှိ မြေဧက ၈ဝဝ နှင့် ရှမ်းပြည်နယ်၊ ညောင်ရွှေမြို့နယ် အင်းလေးကန်ဒေသရှိ အင်ကြင်းကုန်းရှိ ၆၂၂ ဧက အကျယ်တွင် ဆောင်ရွက်သွားရန် လျာထားကြောင်း ညွှန်ကြားရေးမှူးချုပ် ဦးအောင်ဇော်ဝင်း က ပြောသည်။ 

“ဟိုတယ်ဇုန် ဖော်ထုတ်ရာမှာ နိုင်ငံခြားရင်းနှီးမြှုပ်နှံမှုတွေလည်း လက်ခံသွားမှာပါ။ အင်းလေး ဟိုတယ်ဇုန်မှာ ရှမ်းပြည်နယ် အစိုးရက သုံးမျိုးလောက်တော့ ရည်ရွယ်တယ်။ တမျိုးက ဒေသခံတွေဘက်က ဆောက်နိုင်လောက်တဲ့ အတိုင်းအတာ ဒေသပုံစံနဲ့ ကိုက်ညီတဲ့ပုံမျိုးတွေ၊ နောက်တမျိုးက ပြည်တွင်းစီးပွားရေး လုပ်ငန်းရှင်တွေ ဆောက်လုပ် မယ့် ကြယ်နှစ်ပွင့်၊ ကြယ်သုံးပွင့် အဆင့်ရှိ ဟိုတယ်တွေပါ။ နောက်တမျိုးကတော့ နိုင်ငံခြား ရင်းနှီးမြှပ်နှံမှု ရှိတဲ့ ဟိုတယ် အကြီးတွေလည်း ရှိသင့်တယ်” ဟု ၎င်းက ဆိုသည်။

ရန်ကုန်တိုင်းတွင် ဖော်ထုတ်မည့် ဇုန်အတွက် တိုင်းဒေသကြီးအစိုးရအဖွဲ့၏ သဘောတူညီချက် ရရှိပြီးဖြစ်ကာ ပြည်တွင်း ရင်းနှီးမြှပ်နှံမှုသာမက၊ နိုင်ငံခြား ရင်းနှီးမြှပ်နှံမှုများလည်း လိုအပ်မည်ဖြစ်ကြောင်း ဟိုတယ်လုပ်ငန်းရှင်များအသင်း (ရန်ကုန်ဇုန်) အတွင်းရေးမှူး ဦးသီဟအောင် က ပြောသည်။

“ဟိုတယ်ဇုန်က ရန်ကုန်နဲ့ ပဲခူးကြားမှာ ဖြစ်တဲ့အတွက် ဟံသာဝတီ အပြည်ပြည်ဆိုင်ရာ လေဆိပ်နဲ့လည်း နီးတယ်။ ဟိုတယ်ဇုန်မှာ နိုင်ငံခြားရင်းနှီးမြှပ်နှံမှုနဲ့ဆိုရင် အရင်းနှီးများများနဲ့ မြန်မြန် လုပ်နိုင်မယ့်သူတွေ ရှိရင်လည်း လုပ်နိုင်မှာပါ။ အလတ်စားတွေကတော့ ချက်ချင်းကြီး မလုပ်နိုင်လောက်ဘူး ထင်တယ်။ ၂ဝ၁၃ လောက်မှာ ချက်ချင်း အကောင် အထည် ဖော်မဖော် ဆိုတာတော့ ပြောဖို့ခက်ပါတယ်” ဟု ဆိုသည်။

ရန်ကုန်ဇုန်အတွက် တိုင်းဒေသကြီးအစိုးရအဖွဲ့ ခွင့်ပြုချက်ကျပြီးနောက် သမ္မတ ရုံးသို့ တင်ထားဆဲ ဖြစ်ကြောင်း ဦးသီဟအောင် က ပြောဆိုပြီး နိုင်ငံခြားသား ဧည့်သည် ဝင်ရောက်လာနိုင်မှုနှင့် ပတ်သက်၍လည်း “ဝန်ကြီး မှန်းထားတာက အခုနှစ်အတွက် နိုင်ငံခြားသား ဧည့်သည် ဝင်ရောက်မှုက ခြောက်သိန်းဖြစ်တယ်။ အခု(စက်တင်ဘာလ) ထိကို ငါးသိန်းခွဲ ရှိပြီ။ လျာထားချက်ထက် ပိုနိုင်တယ်လို့ ထင်တယ်” ဟု ပြောသည်။

မြန်မာ တိုးတက်ပြောင်းလဲဖို့ အမေရိကန်ကူမည်

မြန်မာနိုင်ငံမှာ စတင်ဖြစ်ပေါ်နေတဲ့ တိုးတက်မှုတွေကို အကူအညီပေးနိုင်ဖို့အတွက် အမေရိကန်ပြည်ထောင်စုအနေနဲ့ မြန်မာအစိုးရနဲ့ရော ပြည်သူတွေနဲ့ပါရပ်တည်ပြီးတော့ ဆက်လက်လုပ်ဆောင်သွားမယ်လို့ အမေရိကန်နိုင်ငံခြားရေးဝန်ကြီး ဟီလာရီကလင်တန်က ပြောကြားလိုက်ပါတယ်။