07.09.2012 နေ့ဖတ်ရန်သတင်းများ

by Myanmar Journal on Thursday, September 6, 2012 at 7:12pm ·

ရဲဘော်သုံးကျိပ်ဝင် ဗိုလ်ကျော်ဇော ကျန်းမာရေးဆိုးဝါး

အသက်အရွယ်ကြီးရင့်ပြီး ကျန်းမာရေးမကောင်းဖြစ်နေတဲ့ ရဲဘော်သုံးကျိပ်ဝင် ဗိုလ်မှူးချုပ်ဟောင်း ကျော်ဇောဟာ မြန်မာနိုင်ငံကို ပြန်ရဖို့ မျှော်လင့်နေတယ်လို့ မိသားစုဝင်တွေက ပြောပါတယ်။ သမ္မတဦးသိန်းစိန် အစိုးရလက်ထက်မှာ နိုင်ငံရေးအင်အားစုတွေ၊ တိုင်းရင်းသား လက်နက်ကိုင်တွေနဲ့ တွေ့ဆုံဆွေးနွေးတာတွေ ရှိခဲ့ပြီး - တချို့ ထင်ရှားတဲ့ ခေါင်းဆောင်တွေ မြန်မာနိုင်ငံကို ပြန်နေကြပေမဲ့လို့ အခုချိန်ထိတော့ - ဗိုလ်မှူးချုပ်ဟောင်း ကျော်ဇောကို အစိုးရဘက်က ကမ်းလှမ်းတာမျိုး မရှိသေးပါဘူး။

အပြည့်အစုံကိုတော့ ဆက်သွယ် မေးမြန်းထားတဲ့ မနန္ဒာချမ်း က တင်ပြပေးထားပါတယ်။

အသက် ၉၃ အရွယ်ရှိပြီဖြစ်တဲ့ ဗိုလ်မှူးချုပ်ဟောင်း ကျော်ဇောဟာ အဆုတ်ရောင်ဝေဒနာ ခံစားနေ ရတာကြောင့် တရုတ်နိုင်ငံ ကူမင်းမြို့ ဆေးရုံကြီးရဲ့ ICU အရေးပေါ်အခန်းမှာ ကုသမှု ခံယူနေရတာ ၁ လလောက်ရှိသွားပါပြီ။ အောက်ဆီဂျင်ပိုက်နဲ့ အသက်ရှုနေရတဲ့ ဗိုလ်မှူးချုပ်ဟောင်း ကျော်ဇောကို ဆရာဝန်တွေက ပိုက်ကနေတဆင့် အစာသွင်းပေးထားတဲ့ အကြောင်း အနီးကပ် ပြုစုပေးနေတဲ့ သမီးဖြစ်သူ ဒေါက်တာ ဒေါ်လှကျော်ဇောက ပြောပြပါတယ်။

“အစာ စားလိုက်လို့ရှိရင် အသက်ရှုလမ်းကြောင်းထဲ ရောက်ရောက်သွားတယ်လေ။ အသက် သိပ်ကြီးတော့ လည်ချောင်းကျဉ်းသလိုဖြစ်ပြီး၊ အဲ့ဒီကနေမှ ခဏ ခဏ အဆုတ်ရာင်တာ၊ ဒီ တခါရောင်တာ သိပ်ပြင်းထန်သွားတယ်လေ။ ကိုယ်ပူလည်း မကျဘူး။ အသက်ကယ်ခန်းထဲ သွင်းပြီးတော့ အသက်ကယ်ယူရတာ၊ အခုတော့ အပူလေး ဘာလေးကျလာပြီ။ နည်းနည်းလေးတော့ ငြိမ်လာပြီ။ ဒါပေမဲ့ ICU အသက်ကယ်ခန်း ထဲကတော့ အခုထိ မထွက်ရသေးဘူး။ အစာကို ပါးစပ် က ကျွေးလို့ရှိရင် သီးသီးပြီးတော့ လေပြွန်ချောင်းထဲပဲ ရောက်ရောက်သွားတော့ သူ့ကို ဆရာဝန်က လုံးဝ အစာ မကျွေးခိုင်းဘဲနဲ့ နှာခေါင်းကနေ အစာပြွန်သွင်းထားပြီးတော့ အစာအိမ်ထဲကို တိုက်ရိုက် ပြွန်နဲ့ပဲ ထည့်ပေးနေတယ်။ တစ်လကျော်လောက်ရှိပြီ။ ICU အသက်ကယ်ခန်းထဲ သွင်းရတာတောင် သြဂုတ်လ ၁၅ ရက်နေ့က စသွင်းလိုက်ရတာ။ ဒီတခါ တော်တော်ကြာတယ်။”

မြန်မာနိုင်ငံ လွတ်လပ်ရေးမရခင် ကိုလိုနီဆန့်ကျင်ရေးမှာ ဗိုလ်ချုပ်အောင်ဆန်းနဲ့အတူ လက်တွဲ တိုက်ပွဲဝင်ခဲ့တဲ့ ရဲဘော်သုံးကျိပ်ဝင် တဦးလည်းဖြစ်၊ ဗမာပြည်ကွန်မြူနစ်ပါတီ ရဲ့ ခေါင်းဆောင်ဟောင်း တဦးလည်းဖြစ်သူ ဗိုလ်မှူးချုပ်ဟောင်း ကျော်ဇောဟာ တရုတ်နိုင်ငံမှာ နိုင်ငံရေးအရ ခိုလှုံနေ ခဲ့တာ နှစ်ပေါင်း ၃၀ ကျော် ရှိသွားခဲ့ပါပြီ။

အသက်အရွယ်ကြီးရင့်ပြီး နေထိုင်မကောင်း ဖြစ်နေတဲ့ ဗိုလ်မှူးချုပ်ဟောင်း ကျော်ဇော အနေနဲ့ မြန်မာပြည် ပြန်ရဖို့ကို အမြဲ မျှော်လင့် နေတာဖြစ်တယ်လို့ သမီးဖြစ်သူက ပြောပြပါတယ်။

အခုလက်ရှိ မြန်မာနိုင်ငံ ပြုပြင်ပြောင်းလဲမှုတွေ လုပ်ဆောင်နေတဲ့ သမ္မတဦးသိန်းစိန် အစိုးရ လက်ထက်မှာ - ပြည်တွင်းမှာရှိတဲ့ နိုင်ငံရေး အင်အားစုတွေနဲ့ရော၊ တိုင်းရင်းသားလက်နက်ကိုင် အဖွဲ့တွေနဲ့ပါ ငြိမ်းချမ်းရေးရဖို့ တွေ့ဆုံ ဆွေးနွေးပြောဆိုတာတွေ၊ ထင်ရှားတဲ့ နိုင်ငံရေး အကျဉ်းသားတွေကို လွှတ်ပေးတာမျိုးတွေ၊ ပြည်ပအခြေစိုက် အဖွဲ့ တွေနဲ့ ဆွေးနွေးတာမျိုးတွေ၊ အခုနောက်ဆုံး အရင်စစ်အစိုးရလက်ထက်က အမည်မည်းစာရင်း အသွင်းခံထားရသူ တစ်ထောင်ကျော်ရဲ့ အမည်တွေကို ပြန်ဖျက်ပေး တာမျိုးတွေ ရှိခဲ့ပါတယ်။

ဒါပေမဲ့လည်း ဗမာပြည်ကွန်မြူနစ်ပါတီကိုတော့ အခုအချိန်ထိ တွေ့ဆုံဆွေးနွေးဖို့ ကမ်းလှမ်းတာမျိုး မရှိသေးပါဘူး။ ဒေါက်တာဒေါ်လှကျော်ဇော ကတော့ ဒီအခွင့်အရေးကို အမြဲ မျှော်လင့်နေပြီး မြန်မာနိုင်ငံကိုလည်း ပြန်ရဖို့ ဆန္ဒရှိတယ်လို့ အခုလို ဆက်ပြောပြပါတယ်။

“ကျမတို့ကတော့ အဲ့ဒီအခွင့်အရေးကို အမြဲတမ်း ရဖို့ မျှော်လင့်တာပဲ။ ကျမတို့က အစကတည်း က ပြောပြီးသား။ ကျမတို့အနေနဲ့ လွတ်လွတ် လပ်လပ်နဲ့ လှုပ်ရှားနိုင်မယ်။ ကျမတို့ယုံကြည်ချက်ကို လည်း လွတ်လွတ်လပ်လပ် ယုံကြည်ခွင့်ရှိတယ်။

ကျမတို့ ယုံကြည်ချက်အတိုင်း လွတ်လွတ် လပ်လပ် ပြောဆိုခွင့်ရှိတယ်။ စည်းရုံးခွင့်ရှိတယ်။ လှုပ်ရှားခွင့်ရှိတယ်ဆိုရင် ကျမတို့က အချိန်မရွေး ပြန်မှာပဲ။ ကျမတို့ကတော့ ကိုယ့်တိုင်းပြည် ကိုယ် ပြန်ချင်တာပေါ့။ ပြန်ချင်တာပေါ့။ ဖေဖေ (ဗိုလ်မှူးချုပ်ကျော်ဇော) လည်း ပြန်ချင် တာပေါ့။ ဒါပေမဲ့ ပြန်လို့မှ မရတာ။”

၁၉၄၁ ခုနှစ်မှာ ရဲဘော်သုံးကျိပ်ဝင်တဦးဖြစ်လာခဲ့တဲ့ ဗိုလ်မှူးချုပ်ဟောင်း ကျော်ဇော ဟာ ဗမာ့ လွတ်လပ်ရေးတပ်မတော် ဘီအိုင်အေ မှာရော - ဗမာ့ကာကွယ်ရေးတပ်မတော် ဘီဒီအေမှာပါ တာဝန်ထမ်းဆောင်ခဲ့ပြီး - အင်္ဂလိပ်နယ်ချဲ့ကို တိုက်ထုတ်ခဲ့သူတဦးဖြစ်ပါတယ်။ ၁၉၄၅ ခုနှစ်ကလည်း လွတ်လပ်ရေးဖခင် ဗိုလ်ချုပ်အောင်ဆန်းနဲ့အတူ သီရိလင်္ကာနိုင်ငံကို သွားရောက်ခဲ့ဖူးပြီး - ၁၉၄၅ ခုနှစ် နှစ်ကုန်ပိုင်းမှာ ဒုဗိုလ်မှူးကြီးအဖြစ် တာဝန်ထမ်းဆောင်ခဲ့တာပါ။

နောက်ပိုင်းမှာလည်း မြန်မာ့တပ်မတော်ထဲမှာ တောင်ပိုင်းတိုင်း တိုင်းမှူးအဖြစ်နဲ့ရော၊ မြောက်ပိုင်းတိုင်း တိုင်းမှူးအဖြစ်နဲ့ပါ တာဝန်ယူခဲ့ပါသေးတယ်။ ၁၉၅၄ ခုနှစ်မှာတော့ မြန်မာနိုင်ငံကို ကျူးကျော် ၀င်ရောက်လာတဲ့ တရုတ်ဖြူ ကူမင်တန်တပ်တွေနဲ့ ၁၉၅၅ ခုနှစ်မှာ တရုတ်ဖြူတပ်တွေကို - ကိုယ်တိုင် ဦးဆောင်ပြီးတော့ တိုက်ထုတ်ခဲ့သူ တဦးအဖြစ်လည်း ထင်ရှားခဲ့သူ ဖြစ်ပါတယ်။

ဖွဲ့စည်းပုံခုံရုံး ဥက္ကဌနဲ့အဖွဲ့ဝင်များ နုတ်ထွက်

အငြင်းပွားဖွယ်ရာဖြစ်နေတဲ့ နိုင်ငံတော် ဖွဲ့စည်းပုံဆိုင်ရာခုံရုံးရဲ့ ဥက္ကဌနဲ့ ခုံရုံးအဖွဲ့ဝင်တွေကို တာဝန်တွေကနေ နူတ်ထွက်ခွင့်ပြုတယ်လို့ သမ္မတ ဦးသိန်းစိန်ရဲ့အမိန့်နဲ့ အခုညမှာပဲ သမ္မတရုံးကနေ ထုတ်ပြန်ကြေညာသွားပါတယ်။ ဖွဲ့စည်းပုံခုံရုံးဥက္ကဌနဲ့ ခုံရုံးအဖွဲ့ဝင်တွေကို ရာထူးကနေ ဖယ်ရှားဖို့ လွှတ်တော် နှစ်ရပ်ကနေ ဆုံးဖြတ်လိုက်တဲ့ ဒီကနေ့မှာပဲ အချိန်မဆိုင်းဘဲ သမ္မတရဲ့ ခွင့်ပြုမိန့် ကြေညာချက် ဒီညပိုင်းမှာ ထွက်လာတာဖြစ်ပါတယ်။ ဒီအကြောင်းကို ကိုသားညွန့်ဦးက တင်ပြပေးထားပါတယ်။

ဖွဲ့စည်းပုံဆိုင်ရာခုံရုံး တာဝန်ရှိသူတွေကို ရာထူးကနေ အနားပေး ဖယ်ရှားဖို့ဆိုတဲ့ အဆိုကို လွှတ်တော်တွင်း သတ်မှတ်ထားတဲ့ မဲအရေအတွက် သုံးပုံနှစ်ပုံ ထောက်ခံမှုရပြီး ဆုံးဖြတ်လိုက်ပြီး၊ ညပိုင်းမှာပဲ ခုံရုံး တာဝန်ရှိသူအားလုံးကို ရာထူးကနေ အနားပေးလိုက်ပြီလို့ သမ္မတ ဦးသိန်းစိန် အမိန့်ထွက်လာတာပါ။ ခုံရုံးတာဝန်ရှိသူတွေက နုတ်ထွက်ခွင့်တင်တာကြောင့် သမတက ခွင့်ပြုလိုက်တာဖြစ်တယ်လို့ နိုင်ငံတော်သမ္မတရုံး ညွန်ကြားရေးမှုး ဦးဇော်ဌေးက ဗွီအိုအေကို ပြောပါတယ်။

“နူတ်ထွက်ခွင့်ပြုလိုက်တာပါ။ နူတ်ထွက်ခွင့်တင်လို့ နူတ်ထွက်ခွင့်ပြုလိုက်တာပါ။ နေရာလစ်လပ် သွားတော့ ပြန်ပြီးတော့ ရွေးချယ်တင်မြှောက်ရမှာပေါ့။ ဟုတ်ကဲ့။ ပြည်သူ့လွှတ်တော်က သုံးယောက်၊ အမျိုးသားလွှတ်တော်က သုံးယောက်။ သမ္မတက သုံးယောက်၊ ကိုးယောက် ရွေးချယ် တင်မြှောက်ရမှာပါ။”

လွှတ်တော် ကော်မတီတွေနဲ့ ကော်မရှင်တွေဟာ ပြည်ထောင်စုအဆင့်မဟုတ်ဘူးလို့ ဖွဲ့စည်ုးံ့ အခြေခံ ဥပဒေဆိုင်ရာ ခုံရုံးက ဆုံးဖြတ်လိုက်ပြီးနောက်၊ ဒါဟာ တည်ဆဲဥပဒေတွေနဲ့ ကိုက်ညီမှု ရှိမရှိ စုံစမ်းဖို့ လွှတ်တော်ကနေ လွှတ်တော်ရဲ့ စုံစမ်းရေးကော်မရှင်တရပ် ဖွဲ့ခဲ့ပါတယ်။

အဲဒီ့ ကော်မရှင်က ခုံရုံးဥက္ကဌနဲ့ အဖွဲ့ဝင်တွေ အနေနဲ့ ကော်မရှင်ရှေ့မှောက် လာရောက် အစစ်ဆေးခံ ရှင်းလင်းဖို့ ၃ သုံးကြိ်မ်တိတိ အသိပေး အကြောင်းကြားခဲ့ပေမယ့် လာရောက်ဖြေရှင်းမှုမရှိတာကြောင့်၊ ကော်မရှင်အနေနဲ့ သူတို့ရထားတဲ့ အချက်အလက်တွေနဲ့ပဲ အစီရင်ခံစာရေးပြီး လွှတ်တော်အတွင်း ဒီကနေ့ တင်ပြခဲ့တယ်လို့ သီပေါမြို့နယ် ပြည်သူ့လွှတ်တော်ကိုယ်စားလှယ် ဦးရဲထွန်းက ပြောပါတယ်။

“အဲ့ဒီ့အစီရင်ခံစာကတော့ စုံစမ်းစစ်ဆေးရေးအဖွဲ့ခေါ်တာကို ခုံရုံးက မလာတဲ့အတွက်ကြောင့်မို့လို့ သူတို့မျက်ကွယ်မှာပဲ အစီရင်ခံစာကို ရေးပြီးတော့ လွှတ်တော်ကို တင်ပြတာပေါ့။ တင်ပြတဲ့အခါမှာ ကျနော်တို့ လွှတ်တော်ကိုယ်စားလှယ်များက အပြန်အလှန်ဆွေးနွေးတာ မလုပ်တော့ဘဲနဲ့ ကျနော်တို့ မဲဆန္ဒရယူတာပေါ့။ မဲဆန္ဒရယူတဲ့အခါမှာလည်း နဂိုက လက်မှတ်ထိုးပြီးတော့ တောင်းဆိုထားတဲ့ မဲဆန္ဒလက်မှတ် ၃၀၇မဲ ရှိတယ်။ နောက်ခွင့်တင်လို့ မတက်တဲ့သူတွေလည်းရှိတယ်။

တပ်မတော်သားကိုယ်စားလှယ်တွေကတော့ အရင်ဆန္ဒပြုတုန်းကလည်း မပါတဲ့အတွက် သူတို့ကို ဖယ်လိုက်ရင်တောင်မှ ၃၀၇ ကျနော်တို့ ဥက္ကဌ နူတ်လိုက်လို့ရှိရင် ၃၀၆မဲပေါ့။ ၃၀၆မဲရှိတဲ့ အတွက်ကြောင့် လိုအပ်တဲ့ ၂၈၆မဲကျော်တဲ့အတွက် သုံးပုံနှစ်ပုံကျော်တဲ့အတွက် အဲ့ဒီ့စုံစမ်းစစ်ဆေးရေး အစီရင်ခံစာဟာ အတည်ဖြစ်တယ်ဆိုပြီးတော့ ခုံရုံးကို အပြစ်ရှိကြောင်း ဆုံးဖြတ်လိုက်တယ်။”

အလားတူလိုပဲ ဖွဲ့စည်းပုံခုံရုံးပြဿနာကို အမျိုးသားလွှတ်တော်ထဲမှာလည်း ဒီနေ့ ဆွေးနွေး မဲခွဲ ဆုံးဖြတ်ခဲ့တယ်လို့ ရန်ကုန်တိုင်း အမျိုးသားလွှတ်တော်အမတ် ဦးဖုန်းမြင့်အောင်က ပြောပါတယ်။

“ဦးဇော်မြင့်ဖေက စွတ်စွဲချက်နှစ်ခု တင်ပြပါတယ်။ သူက ဖွဲ့စည်းပုံအခြေခံဥပဒေကို မလိုက်နာတာ။ ဖွဲ့စည်းပုံအခြေခံဥပဒေကို ဖောက်ဖျက်တာပေါ့နော်။ စွတ်စွဲချက် ဖွဲ့စည်းပုံအခြေခံဥပဒေ အချက်နှစ်ချက်နဲ့ ညီတဲ့အတွက် ခုံရုံးအဖွဲ့ကို စွတ်စွဲပြစ်တင်ပါတယ်ဆိုပြီး သူက အဆိုတင်ပါတယ်။ ဒီအဆိုကို တပ်မတော်သားကိုယ်စားလှယ် ခြောက်ယောက်နဲ့ ကျနော်တို့အရပ်ဖက်က လွှတ်တော်ကိုယ်စားလှယ် ဆယ်ယောက် စုစုပေါင်း ၁၆ယောက် ဆွေးနွေးပြီးတော့ ဆုံးဖြတ်တာပါ။ ကျနော်တို့ ဒီစွတ်စွဲပြစ်တင်တာ အဆိုအောင်မြင်တယ်ဆိုရင်သူက ထွက်ရတာပါ။

လုပ်ထုံးအရတော့ လွှတ်တော်နှစ်ရပ်စလုံးက အခု ဆုံးဖြတ်ချက်ကို ပြည်ထောင်စု လွှတ်တော်ဥက္ကဌ အနေနဲ့ နိုင်ငံတော်သမ္မတထံကို တရားဝင် အသိပေး အကြောင်းကြားရမှာဖြစ်ပေမယ့်၊ နေ့တွင်းချင်းမှာပဲ ခုံရုံးအဖွဲ့ဝင်တွေရဲ့ နုတ်ထွက်လွှာကို လက်ခံပြီးတော့ နုတ်ထွက်ခွင့်ပေးလိုက်တယ်ဆိုပြီး သမ္မတဦးသိန်းစိန်က ကြေညာသွားတာပါ။

လွှတ်တော်နဲ့ ခုံရုံးအကြား လအတန်ကြာ တင်းမာမှုကိစ္စဟာ လွှတ်တော်နဲ့ အစိုးရအကြား အာဏာပြိုင်မှုဖြစ်တယ်လို့လည်း အတော်များများက တွက်ဆကြသလို၊ အချို့ကတော့ ဒါဟာ ဖွဲ့စည်းပုံဆိုင်ရာ အကြပ်အတည်းဖြစ်တယ်လို့ ယူဆကြပါတယ်။

လွှတ်တော်ဖက်က ကော်မတီတွေက ခေါ်ယူကြားနာစစ်ဆေးတာမျိုး အစိုးရအဖွဲ့ဖက်က မလုပ်လိုတာ ကြောင့်၊ လွှတ်တော်ကော်မတီတွေဟာ ပြည်ထောင်စုအဆင့်မဟုတ်ဘူးဆိုပြီး အစိုးရဖက်က စွဲဆိုခဲ့တာလို့ ဆိုကြပါတယ်။ ခုံရုံးနဲ့ လွှတ်တော်အကြား တင်းမာမှုဖြစ်လာတော့ ဒီကိစ္စနဲ့ ဆက်နွယ်လို့ ဖွဲ့စည်းပုံပြင်ဖို့ သမ္မတဖက်က အဆိုပြုခဲ့ပါတယ်။

ဒါပေမယ့် အရင် စစ်အစိုးရလက်ထက်က ပြဌာန်းခဲ့တဲ့ တည်ဆဲဥပဒေအရ လွှတ်တော်ကော်မတီနဲ့ ကော်မရှင်တွေဟာ ပြည်ထောင်စုအဆင့်ဖြစ်တာမို့လို့ ဖွဲ့စည်းပုံပြင်စရာမလိုဘူးလို့ လွှတ်တော် အမတ်တွေဘက်ကလည်း ယူဆပါတယ်။

အခုတော့ သမ္မတရုံး ကြေညာချက်ထွက်လာတာကြောင့် ခုံရုံးကိစ္စနဲ့ပတ်သက်လို့ အငြင်းပွားမှုဟာ ပြီးဆုံးသွားပြီလို့ ပြောနိုင်ပါတယ်။ ဒါပေမယ့် အခု ခုံရုံးအဖွဲ့ဝင်သစ်တွေကို ရွေးချယ်ရဦးမှာဖြစ်ပြီး၊ အဓိက အငြင်းပွားမှုအကြောင်းရင်းဖြစ်တဲ့ လွှတ်တော်ကော်မတီတွေဟာ ပြည်ထောင်စုအဆင့် ဟုတ်မဟုတ်ဆိုတာကတော့ ယတိပြတ် အဖြေမရှိသေးဘူး။

ရင်းနှီးမြုပ်နှံမှုဥပဒေကြမ်း ဆွေးနွေးညှိုနှိုင်းကြဆဲ

မြန်မာနိုင်ငံမှာ မကြာခင် ပြဌာန်းဖို့ရှိနေတဲ့ နိုင်ငံခြားရင်းနှီးမြှုပ်နှံမှုဥပဒေဆိုင်ရာ ဥပဒေ တရပ် ပြင်ဆင် ရေးဆွဲနေတာမှာ အရင်ကနဲ့မတူတဲ့ ပွင့်လင်းမြင်သာတဲ့ ဆွေးနွေး အကြံပြုမှုတွေနဲ့ သတင်းမီဒီယာတွေမှာ ထုတ်ပြန် ပြောဆိုတာတွေ ရှိခဲ့တဲ့အတွက် သင့်လျော်တဲ့ ဥပဒေ တရပ် ဖြစ်လာနိုင်တယ်လို့ စီးပွားရေး ပညာရှင်တချို့က သုံးသပ်ပါတယ်။ လက်ရှိ ပြောင်းလဲလာတဲ့ အခြေအနေနဲ့ကိုက်ညီတဲ့ ဥပဒေ တရပ်ဖြစ်ဖို့မှာ ဘယ်လို အချက်တွေကို အဓိက ထည့်သွင်းသင့်ပါသလဲ။ ဆက်သွယ် စုံစမ်းထားတဲ့ မခင်ဖြူထွေးက တင်ပြထားပါတယ်။

ဒီ စက်တင်ဘာလ ထဲမှာ ထွက်ပေါ်လာဖို့ရှိနေတဲ့ မြန်မာနိုင်ငံရဲ့ ရင်းနှီးမြှုပ်နှံမှုဆိုင်ရာ ဥပဒေဟာ မြန်မာနိုင်ငံသား စီးပွားရေး လုပ်ငန်းရှင်တွေနဲ့ ပြည်သူလူထု အများစုကို အကျိုးပြုနိုင်မယ့် ဥပဒေတရပ် ဖြစ်လာမှာပါလား။

ဒီဥပဒေမူကြမ်း ရေးဆွဲနေတဲ့နေရာမှာ တတ်ကျွမ်း နားလည်သူတွေ ဘယ်လောက်ထိ ထဲထဲဝင်ဝင် ပါဝင်နိုင်ခဲ့ပြီး ပွင့်လင်းမြင်သာမှု ဘယ်လောက်ထိ ရှိနိုင်မလဲ ဆိုတဲ့ အပေါ်မှာတော့ စီးပွားရေး ပညာရှင် ဦးဇော်ဦးက အခုလို သုံးသပ်ပါတယ်။

“အခုဒီကိစ္စမှာ ကျနော်တို့လည်း တော်တော်ကြီးကို ထဲထဲဝင်ဝင် ဆွေးနွေးခွင့် ရတာပေါ့နော်။ ကျယ်ကျယ်ပြန့်ပြန့် ဆွေးနွေးလာနိုင်တဲ့ အနေအထား ဖြစ်တာပေါ့။ အချို့သော ဥပဒေဆိုင်ရာ အချက်အလက်တွေ နောက်ဆုံး အခုပြောင်းလဲနေတဲ့ အခြေအနေတွေပေါ်မှာ တော်တော်လေးကို ကျနော်တို့က ဒေါင့်ပေါင်းစုံကနေပြီးတော့ ကြည့်ပြီးတော့ ၀ိုင်းဝန်းဆွေးနွေး ဆုံးဖြတ်တော့မှပဲ အရေးကြီးတဲ့ ဥပဒေမျိုးဟာ ပိုပြီးတော့ ကောင်းတဲ့ ဥပဒေတွေ ဖြစ်လာနိုင်တာပေါ့လေ။

ဒီလိုဥပဒေမျိုးကျတော့ ဒါ မြန်ဖို့ထက် ပိုပြီး ကောင်းဖို့လိုတယ်ဆိုတဲ့ အခြေအနေ ရောက်လာတဲ့ အခါကျတော့လည်း အခုဆိုရင် လွှတ်တော်ထဲမှာလည်း ဒါနဲ့ပတ်သက်ပြီး အတော်ကြီးကို ဆွေးနွေးနေကြတယ်။ မီဒီယာပေါ်ကလည်း ဒါကို တော်တော် ဆွေးနွေးနေကြတယ်။ အဲ့ ကျနော်တို့ကလည်း တက်နိုင်တဲ့ဘက်က ၀ိုင်းဝန်းအကြံပြု ဆွေးနွေးနေတယ်ဆိုတော့ ဒါ တော်တော်ကို ကောင်းမွန်တဲ့ ရလာဒ်တခုပေါ့နော်။ ဒီဥပဒေတခုကို အကြောင်းပြုပြီးတော့ လူအများပါဝင်ဆွေးနွေးခွင့်ရတဲ့ ဥပဒေပြုတဲ့ Process တခုဖြစ်လာတာတော့ ကျနော် အင်မတန်မှ အားရကျေနပ်မိပါတယ်။”

အခုလို အားရစရာကောင်းတဲ့ ဥပဒေကောင်းတခု ဖြစ်လာနိုင်တယ်လို့ ဆိုပေမဲ့လည်း တချို့အပိုင်းတွေမှာ အခုထက်ပိုပြီး ကောင်းအောင် လုပ်နိုင်ပေမဲ့ အားနည်းချက်တချို့ ရှိနေတယ်လို့လည်း ဦးဇော်ဦးက ထောက်ပြပါတယ်။ ဘယ်လို အားနည်းချက်မျိုးပါလဲ။

“ Technology Transfer ပိုင်း။ ကျနော်တို့ ဒီနည်းပညာ ကို ကျနော်တို့အပေါ် ပိုပြီးတော့ ကျနော်တို့ရဲ့ အလုပ်သမားတွေရဲ့ ကျွမ်းကျင်မူကို မြှင့်လာအောင် ကူညီပေးတဲ့ အစီအစဉ်မျိုး၊ ကူညီပေးတဲ့အပိုင်းတွေကို ဘယ်လိုမက်လုံးပေးပြီး ကူမှာလဲဆိုတဲ့ အနေအထားမှာ ကျနော်တို့မှာ တိတိကျကျပြဌာန်းထားခြင်း မရှိပါဘူး။

အဲ့တော့ ကျနော်တို့က ဘယ်လိုပြောထားလဲဆိုတော့ ကန့်သတ်ချက်တွေနဲ့ပဲ ဥပဒေနဲ့ကိုင်ထားတယ်ဆိုတဲ့ သဘောပေါ့နော်။ အခုခေတ်က ဈေးကွက်စီးပွားရေးမှာ ဥပဒေနဲ့ ကိုင်တယ်ဆိုတဲ့ အချက်က ဥပဒေရဲ့ အကောင်အထည်ဖော်မူအပိုင်းက အားကောင်းရင်တော့ အရေးမကြီးပေမယ့်လည်း ဥပဒေရဲ့ လိုက်နာနိုင်တဲ့ အချက်တွေက အားနည်းနေပြန်တယ် ဆိုလည်း ဥပဒေကို ချိုးဖောက်တဲ့ပုံစံတွေ ဖြစ်သွားနိုင်တဲ့ အနေအထားတွေလည်း ရှိပါတယ်။

အဲ့ဒီ့တော့ ဥပဒေက ကန့်သက်ထားတယ်၊ ကာကွယ်ထားတယ်၊ ချုပ်ကိုင်ထားတယ် ဆိုတာထက် ဥပဒေက ဘယ်ဟာကို အကူအညီပေးနိုင်တယ်။ ဘယ်ကိစ္စတော့ဖြင့် ပိုပြီးတော့ တွန်းအားပေးနိုင်တယ်။ ကူညီပေးနိုင်တယ်။ ပံ့ပိုးပေးနိုင်တယ်။ Facilitation  အနေအထားမျိုး ဖြစ်အောင် စဉ်းစားပြီးတော့ ဆွဲမယ်ဆိုရင် အခုခေတ် အခု အခါနဲ့ယှဉ်ရင် ပိုပြီးတော့ အံကိုက်ဖြစ်လိမ့်မယ်လို့ ကျနော်ထင်ပါတယ်။”

စီးပွားရေး ပညာရှင် ဦးဇော်ဦး ဖြစ်ပါတယ်။ အခု နိုင်ငံခြား ရင်းနှီးမြှုပ်နှံမှုဆိုင်ရာ ဥပဒေတရပ် ရေးဆွဲနေတဲ့နေရာမှာ ကမ္ဘာ့ဘဏ် နဲ့ နိုင်ငံတကာ ငွေကြေးရန်ပုံငွေ အဖွဲ့တို့လို နိုင်ငံတကာ ဘဏ္ဍာရေးဆိုင်ရာ အဖွဲ့အစည်းတွေကလည်း ဒီဥပဒေမူကြမ်း ရေးဆွဲရာမှာ အကြံဉာဏ် ပေးခဲ့တာတွေ ရှိခဲ့တယ်လို့လည်း ဦးဇော်ဦးက ပြောပါတယ်။

အခုလို နိုင်ငံတကာက အကြံပေးမှုတွေနဲ့၊ စီးပွားရေးနဲ့ ဥပဒေပိုင်းဆိုင်ရာ တတ်သိပညာရှင်တွေပါ ပါဝင် ဆွေးနွေးပြီးတော့ ရေးဆွဲနေတဲ့ ဥပဒေတရပ်ဖြစ်လို့ နိုင်ငံသားအများစုအတွက် အကျိုးရှိနိုင်တယ်လို့ သုံးသပ် ပြောဆိုနေကြတဲ့ ဒီ ရင်းနှီးမြှုပ်နှံမှုဆိုင်ရာ ဥပဒေတရပ်ကိုတော့ မကြာခင် ရက်ပိုင်းတွေအတွင်းမှာ တရားဝင် ပြဌာန်းနိုင်ဖွယ် ရှိပါတယ်။

ပထမအဆင့် ပါလီမန် လွှတ်တော်မှာ ဆွေးနွေး အတည်ပြုရမှာဖြစ်ပြီး အဲဒီနောက် သမ္မတက လက်မှတ်ထိုး အတည်ပြုရင်တော့ ဒီဥပဒေ တရားဝင် ဖြစ်လာမှာဖြစ်ပါတယ်။

ဒီမိုကရက်တစ်ညီလာခံအတွင်း အိုဘားမားကို သမ္မတလောင်း အဆိုပြု

ဗုဒ္ဓဟူးနေ့ညပိုင်း အမေရိကန်နိုင်ငံ တနိုင်လုံးကို ထုတ်လွှင့်ပြသတဲ့ ဒီမိုကရက်ပါတီရဲ့ ပြည်လုံးကျွတ် ညီလာခံကြီးမှာ သမ္မတဟောင်း ဘီလ်ကလင်တန်က လက်ရှိသမ္မတ ဘားရက် အိုဘားမားကို လာမယ့် နိုဝင်ဘာလမှာ ကျင်းပမယ့် သမ္မတရွေးကောက်ပွဲမှာ ဒီမိုကရက်တစ်ပါတီဘက်က ကိုယ်စားပြုယှဉ်ပြိုင်မယ့် သမ္မတလောင်းအဖြစ် တရားဝင်အဆို တင်သွင်းလိုက်ပါတယ်။

မြောက်ကယ်ရိုလိုင်းနားပြည်နယ် ရှားလော့ခ်မှာ ကျင်းပနေတဲ့ ဒီမိုကရက်ပါတီရဲ့ ပြည်လုံးကျွတ် ညီလာခံကြီးမှာ မိန့်ခွန်း ပြောကြားရင်း မစ္စတာ ဘီလ်ကလင်တန်က ရီပတ်ပလစ်ကင်ပါတီဘက်က ပြောဆိုနေတဲ့ စကားတွေဟာ အိမ်မက်ကမ္ဘာဆန်လွန်းတယ်လို့ ဝေဖန်ပြစ်တင် လိုက်ပါတယ်။

ပြီးခဲ့တဲ့ သီတင်းပတ် ဖလော်ရီဒါပြည်နယ်မှာ ကျင်းပခဲ့တဲ့ ရီပတ်ပလင်ကန်ပါတီရဲ့ ပြည်လုံးကျွတ် ညီလာခံမှာ သမ္မတအိုဘားမား စတင် သမ္မတအဖြစ် တာဝန်ယူခဲ့တဲ့ ၂၀၀၉ခုနှစ်ကစလို့ ဒီနေ့အချိန်မှာ အဆိုးဆုံးဖြစ်နေတယ်ဆိုတဲ့ အချက်ကို အလေးထားပြီးတော့ ပြောဆိုခဲ့ကြပါတယ်။ ဒီလိုပြောဆိုချက်တွေကို သမ္မတဟောင်း မစ္စတာ ကလင်တန်က သဘောမတူပါဘူး။

မစ္စတာကလင်တန်ဟာ အမေရိကန်နိုင်ငံသားကြားမှာ ပေါ်လွင်ထင်ရှားဆဲ ပုဂ္ဂိုလ်ဖြစ်ပါတယ်။ သူ-နှစ်ကြိမ် ဆက်တိုက် တာဝန်ယူခဲ့တဲ့ ၁၉၉၀ခုနှစ်တွေအတွင်း အမေရိကန်နိုင်ငံ စီးပွားရေးကောင်းမွန်ခဲ့တာကို အမေရိကန်နိုင်ငံသားတွေက အမှတ်ရနေဆဲဖြစ်ပါတယ်။ မစ္စတာကလင်တန်ရဲ့ မိန့်ခွန်းပြီးဆုံးချိန်မှာတော့ မစ္စတာ ဘားရက်အိုးဘားမားဟာ မိန့်ခွန်းပြောတဲ့ စင်မြင့်ပေါ်ကို တက်လာခဲ့ပါတယ်။

NCGUB ၀န်ကြီးချုပ်နဲ့ တွေ့ဆုံ မေးမြန်းခန်း

အမေရိကန်မှာ လက်ရှိအာဏာရ ဒီမိုကရက်တစ်ပါတီနဲ့ သမ္မတ အိုဘာမားက မြန်မာနိုင်ငံအပေါ်မှာ လက်တွေ့ကျ ဆက်ဆံရေး မူဝါဒနဲ့ ချဉ်းကပ်ခဲ့ပါတယ်။ မြန်မာအစိုးရဘက်က ပြုပြင်ပြောင်းလဲရေး အခြေအနေ တိုးတက်ရင် တိုးတက်သလို ပိတ်ဆို့ဒဏ်ခတ်မူတွေကိုလည်း အကန့်အသတ်နဲ့ တစ်ခုချင်း လျော့ချပေးခဲ့ပါတယ်။ ဒီလိုသမ္မတအိုဘားမားရဲ့ လက်တွေ့ကျကျ ဆက်ဆံရေးမူဝါဒနဲ့ ပတ်သက်လို့ ပြည်ထောင်စု မြန်မာနိုင်ငံ ညွန့်ပေါင်းအစိုးရအဖွဲ့ NCGUB ရဲ့ ၀န်ကြီးချုပ် ဒေါက်တာစိန်ဝင်းကို ဗွီအိုအေ မြန်မာသတင်းဌာန ဌာနမှူး ဦးသန်းလွင်ထွန်းက တွေ့ဆုံမေးမြန်းထားပါတယ်။

ဦးသန်းလွင်ထွန်း။   ။အမေရိကန်မှာ လက်ရှိလုပ်နေတဲ့ ဒီမိုကရက်တစ်ပါတီရဲ့ ပါတီညီလာခံမှာ မြန်မာနိုင်ငံရဲ့ ပြုပြင်ပြောင်းလဲမူတွေနဲ့ပတ်သက်ပြီးတော့ တော်တော်လေးကို သူတို့ ချီးမွမ်းခန်းတွေ ဖွင့်သွားပါတယ်။ ပါတီရဲ့ လက်ရှိသမ္မတ အိုဘားမားရဲ့ လက်တွေ့ကျ ဆက်ဆံရေးမူဝါဒ ရဲ့ ချဉ်းကပ်ပုံ မှန်ကန်မူ ပုံစံမျိုးလေးတွေကိုလည်း သူတို့တွေ ဂုဏ်မြှောက်ပြောဆိုနေတာတွေရှိတယ်။ ပါတီအနေနဲ့ ပါတီရဲ့ ကြေညာချက်တွေမှာပေါ့နော်။

ဒါတွေနဲ့ပတ်သက်ပြီးတော့ သမ္မတအိုဘားမားရဲ့ မြန်မာနိုင်ငံအပေါ် လက်တွေ့ကျ ချဉ်းကပ် လုပ်ဆောင်မူ မူဝါဒမှာ ပြည်ပရောက် ဒီနိုင်ငံရေးအဖွဲ့အစည်းတွေရဲ့ အခန်းကဏ္ဍက ဘယ်လောက်အထိ ရှိခဲ့သလဲ ဆိုတာလေး ရှင်းပြပေးပါလား။

ဝန်ကြီးချုပ်ဒေါက်တာစိန်ဝင်း။   ။ ကျနော်တို့ကတော့ သမ္မတအိုဘားမားရဲ့ ချဉ်းကပ်မူကို ကြိုဆိုပါတယ်။ ဒီပြည်ပရောက် ဆိုတာတော့ ကျနော်တို့အဖွဲ့အစည်း အနေနဲ့ပဲ ကျနော် ပြောဖို့ပေါ့နော်။ ဒါက ဘာလဲဆိုတော့ အရင်ကတည်းက  ကျနော်တို့အနေနဲ့ Sanctions တွေ ခေါ်ထားတယ်။ ဝေဖန်မူတွေ လုပ်တယ်။ တချိန်တည်းမှာပဲ ကျနော်တို့ အမေရိကန်အစိုးရကို တိုက်တွန်းပါတယ်။ ဒါ သက်သေတွေလည်း ရှိပါတယ်။

တိုက်တွန်းတယ်ဆိုတာ သူတို့နဲ့ စကားပြောပါ။ Engagement ကို လုပ်ပါ။ သူတို့နဲ့ စကားမပြောပဲ မနေပါနဲ့။ စကားပြော။ ကျနော်တို့ တိုက်တွန်းတယ်။ နောက်ပြီး အဲ့ဒီ့အချိန်တုန်းက Republican အစိုးရ ပေါ့နော်။ဆိုတော့ Democrat ရော Republican ရောက အထူးသဖြင့် Congress မှာ Bipartite ထောက်ခံမူကို ကျနော်တို့ ရခဲ့ပါတယ်။

ဦးသန်းလွင်ထွန်း။   ။ ပြီးခဲ့တဲ့ နှစ်၂၀ကျော် ကာလအတွင်းမှာ ဆရာတို့အနေနဲ့က ဒီ အထူးသဖြင့် အစောပိုင်း ကာလတွေမှာ မြန်မာနိုင်ငံအပေါ် ပိတ်ဆို့အရေးယူမူ၊ အထီးကျန် ဒဏ်ခတ်ထားမူ၊ အဲ့ဒီ့အနေအထားကနေ လက်တွေ့ကျ ဆက်ဆံတဲ့အခြေအနေ အထိ တဖြေးဖြေး ရွေ့လျော လာအောင် လုပ်တယ်ဆိုတဲ့ နေရာမှာ ဒါက ဆရာတို့ရဲ့ ချဉ်းကပ်မူတွေ ဆရာတို့ရဲ့ တိုက်တွန်းမူတွေက တော်တော်လေး အရေးပါ အရာရောက်ခဲ့တယ်လို့ ဆိုချင်တာလား။

ဝန်ကြီးချုပ် ဒေါက်တာစိန်ဝင်း။   ။ ဟုတ်ကဲ့။ ဟုတ်ကဲ့။ ကျနော်တို့ရဲ့ ချဉ်းကပ်မူက အရေးပါ အရာ ရောက်တယ်။ တွန်းအားပေးတယ်ပေါ့ဗျာ။ ဒီလိုတော့ ကျနော် ဆိုနိုင်ပါတယ်။

ဦးသန်းလွင်ထွန်း။   ။ အဲ့တော့ ကျနော်ထပ်ဆင့်ပြီး မေးချင်တာကတော့ ဒီလိုပြည်တွင်းမှာ အခုမြင်နေရတဲ့ ရုတ်တရက်ကြီး အရှိန်အဟုန်နဲ့ ထပြီး ဖြစ်လာခဲ့တဲ့ ပြုပြင်ပြောင်းလဲမူတွေပေါ့လေ။ အဲ့တာတွေက အခု ဆရာပြောသလို အပြင်ဘက်က ဒီ-တွန်းအားပေးမူတွေရဲ့ အကြောင်းကြောင့်လား။

ဒါမှမဟုတ်လို့ ရှိရင် အစိုးရကိုယ်တိုင်ကိုက သူတို့ပုံဖော်ခဲ့သလို လမ်းပြမြေပုံ-ခုနှစ်ချက်လိုပေါ့နော်။

တဆင့်ချင်း လုပ်ဆောင်သွားတဲ့ ရည်ရွယ်ချက် ရှိရှိနဲ့ တဖြေးဖြေးချင်း ပြောင်းလာနေတဲ့ အခြေအနေကြောင့်လား။ ဒါမှမဟုတ်လို့ရှိရင် မကြာသေးခင် အချိန်ကာလအထိ အကျဉ်းထောင်တွေထဲမှာ ဒါမှမဟုတ်လို့ရှိရင် အချုပ်အနှောင်ခံနေရတဲ့ ပြောရေးဆိုခွင့် မရှိခဲ့တဲ့ ပြည်တွင်းနိုင်ငံရေး လူပ်ရှားမူတွေ၊ အဖွဲ့အစည်းတွေ၊ ပုဂ္ဂိုလ်တွေရဲ့ အခန်းကဏ္ဍတွေကြောင့်လား။ ဘယ်လိုမျိုးတွေကြောင့်ပါလဲ။

ဝန်ကြီးချုပ် ဒေါက်တာစိန်ဝင်း။   ။ ကျနော်ကိုယ်ပိုင်အမြင်အရဆို သုံးခုစလုံး ပါတယ်ဗျ။ ဘာကြောင့်လဲ ဆိုတော့ အားလုံးပြောတဲ့အတိုင်းပဲ သူတို့ ဒီ န၀တ၊ နအဖ ပြောင်းတဲ့အချိန်မှာ လမ်းပြမြေပုံတော့ မဟုတ်ဘူးပေါ့ဗျာ။ National Convention ဆိုတာကို ပြောသွားတယ် နော်။

၁၉၉၀ ရွေးကောက်ပွဲ ပြီးတဲ့အခါမှာ ရွေးကောက်ပွဲရလာဒ်အတိုင်း အကောင်အထည်ဖော်မယ့်အစား  National Convention အမျိုးသားညီလာခံဆို လမ်းပြောင်းလိုက်တယ်။ တချိန်တည်းမှာပဲ နောက်တခါ လမ်းပြမြေပုံဆိုတာ ပေါ်လာတယ်။ အဲ့တော့ ဒီ နအဖမှာလည်း ဒီလမ်းကြောင်းကိုတော့ သူတို့စဉ်းစားတဲ့ စဉ်းစားချက် ရှိနိုင်တာပေါ့ဗျာနော်။

တဖက်ကလည်း ဒီစဉ်းစားချက်ကို တွန်းအားပေးနိုင်တာက ပြည်တွင်းမှာရှိတဲ့ အခုနပြောသလို အကျဉ်းထောင်ထဲ ရောက်နေတဲ့သူတွေ ဒီလမ်းမပေါ်မှာ ဆန္ဒပြတဲ့သူတွေ အထူးသဖြင့် ဒီရွှေဝါရောင်ကိစ္စတွေ ပေါ်လာတယ်။ နာဂစ်ကိစ္စတွေ ပေါ်လာတယ်။

ဒီကိစ္စတွေ ပေါ်လာတဲ့အခါမှာ ကျနော်တို့အမြင်အရဆိုရင် ဒီအတိုင်းကြီး ဆက်သွားဖို့ဆိုတာတော့ မဖြစ်တော့ဘူး။ သူတို့ အင်္ဂလိပ်လိုပြောရင်တော့ Lost and Legitimacy ပေ့ါဗျာ။ ဘာပဲပြောပြော အဲ့တော့ အချက်က သုံးချက်စလုံး ပါပါတယ်။ ကျနော့်အမြင်က။

ဦးသန်းလွင်ထွန်း။   ။ ဟုတ်ကဲ့။ အဲ့တော့ မြန်မာနိုင်ငံထဲမှာ အခုမြင်နေရတဲ့ ပြုပြင်ပြောင်းလဲမူတွေက အများစိုးရိမ်နေသလိုပေါ့နော်။ ပြောင်းပြန် နောက်ကြောင်းပြန်သွားမယ့် အနေအထားမျိုးတွေရော ရှိနေသေးလား။

ဝန်ကြီးချုပ် ဒေါက်တာစိန်ဝင်း။   ။ အဲ့တာကတော့ ရှိတယ်ဗျ။ ရှိပြီး အဲ့တာကိုလည်း အထူးသဖြင့် လူတွေက စိုးရိမ်တယ်။ ဒီအကြောင်းကြောင့်လည်း ကျနော်တို့ President အိုဘားမားကို ပြောချင်ပါတယ်။ ကျေးဇူးတင်ပါတယ်။ ဒါတွေလုပ်တာ။ ဒါပေမယ့်လို့ ပွဲမပြီးသေးဘူးလို့။

မြန်မာလို ခေါ်ရင်တော့ ပွဲမပြီးသေးဘူးပေါ့ဗျာ။ ဒီမိုကရေစီအပြောင်းအလဲကို ကျနော်တို့ မရောက်သေးဘူး။ အဲ့တာကြောင့်မို့လို့ အမေရိကန်အစိုးရရဲ့  မြန်မာပေါ်မယ် ထားတဲ့ ကန့်သက်ချက်တွေ အကုန်လုံးကိုတော့ မရုပ်သိမ်းပါနဲ့ဦးလို့ ကျနော် ပြောချင်တယ်။

ဦးသန်းလွင်ထွန်း။   ။ အဲ့တာဆိုရင် ပြည်တွင်းမှာရှိတဲ့ သမ္မတဦးသိန်းစိန်ကိုရော ဘယ်လိုပြောချင်လဲ။

ဝန်ကြီးချုပ် ဒေါက်တာစိန်ဝင်း။   ။ သမ္မတဦးသိန်းစိန်က သူ လုပ်တယ်လို့ ကျနော်မြင်တယ်။ ဒါပေမယ့်လို့ ကျနော်တို့ ပြောပြောနေတဲ့ Anti-reformist တွေက ရှိသေးတယ်ဗျ။ ဥပမာ ကချင်ပြည်မှာ တိုက်ပွဲတွေဖြစ်နေတယ်။ သမ္မတဦးသိန်းစိန်က ဒါကို တနည်းနည်းနဲ့ ရပ်ဖို့ ပြောတာ ကျနော်တို့ ခဏခဏ ကြားရပါတယ်။ တခါ မကပါဘူး။ ဒါပေမယ့်လို့ ဗမာ့တပ်မတော်ဟာ အကြီးအကျယ်ကို ထိုးစစ်တွေ ဆင်နေတယ်။ ဒါက မဟုတ်တော့ဘူးလေ။ ဒီလိုဟာမျိုးတွေ ပေါ်လာတယ်။

နောက်တခါ ဒီမိုကရေစီဆိုရင် အခြေခံဥပဒေက ဒီမိုကရေစီနဲ့ လိုက်လျောညီထွေတဲ့ အခြေခံဥပဒေ ဖြစ်ရမှာပေါ့။ တပ်မတော်ကို Commander in Chief ပေါ့နော် တပ်မတော်ဗိုလ်ချုပ်ကို အင်မတန်ကြီးမားတဲ့ အာဏာပေးထားမျိုးလည်း မပေးထားသင့်ဘူး။

ဦးသန်းလွင်ထွန်း။   ။ အဲ့ဒီ့ပြောင်းလဲမူကို ဦးတည်နေတယ်လို့ရော မမြင်ဘူးလား။ဝန်ကြီးချုပ် ဒေါက်တာစိန်ဝင်း။   ။ ဦးတည်နိုင်ပါတယ်။ ဒါပေမယ့် အဲ့တာကို lift ပေါ့ဗျာ။ မဖျက်ပဲနဲ့ဆိုရင် ခုနပြောသလို ပြန်သွားနိုင်တယ်။ ပြန်သွားနိုင်တဲ့ စိုးရိမ်ချက်က ရှိနေတယ်။ ပြန်ပြီးတော့ in reversible မဟုတ်ပဲ reversible ပြန်ပြီး သွားနိုင်တဲ့အတွက် ကျနော်တို့က President အိုဘားမားကိုပြောတာပါ။

ဦးသန်းလွင်ထွန်း။   ။ ကျေးဇူးတင်ပါတယ်ခင်ဗျ။

VOA ဌာနမှူးဦးသန်းလွင်ထွန်းက ၀န်ကြီးချုပ် ဒေါက်တာစိန်ဝင်းကို တွေ့ဆုံမေးမြန်းခဲ့တာပါ။

ပြည်ထောင်စု မြန်မာနိုင်ငံ အမျိုးသားညွန့်ပေါင်းအစိုးရအဖွဲ့ NCGUBကို ဖျက်သိမ်းမလား။မြန်မာနိုင်ငံကိုပဲ ပြန်လည်သွားရောက်ပြီး မြန်မာ့နိုင်ငံရေး ဆက်လက် ဆောင်ရွက်ကြမလား ဆိုတာကိုတော့ NUGUB ဝန်ကြီးဒေါက်တာစိန်ဝင်းနဲ့ တွေ့ဆုံမေးမြန်းခန်းကို နောက်တပတ် ထုတ်လွှင့်မယ် VOA TV မဂ္ဂဇင်းအစီအစဉ်နဲ့ မြန်မာ့ဒီမိုကရေစီရေးရာ ဆွေးနွေးခန်းတွေမှာ နားဆင်နိုင်ကြပါတယ်။

 ရခိုင်ပြည်နယ် စုံစမ်းစစ်ဆေးရေးခရီးစဉ်

ကနေ့ မနက် က စပြီး ရခိုင် ပဋိပက္ခ ဖြစ်ပွားခဲ့တဲ့ နေရာတွေ ကို စုံစမ်းရေး အဖွဲ့ ပထမဆုံး အကြိမ် သွားတဲ့ အခါ နေရာ နှံ့အောင်ကြည့်ပြီး မေးသင့်တဲ့ မေးခွန်းတွေ မေးမယ့် အကြောင်း စာရေးဆရာ၊ သတင်းစာ ဆရာ မောင်ဝံသ က ဘီဘီစီ ကို ပြောပါတယ်။

ခရီးစဉ် အတွင်း တွေ့ခဲ့တဲ့ အတွေ့အကြုံ၊ ထင်မြင်ချက်၊ အကြောင်းအရာ အထွေထွေ ကို မှတ်တမ်း တင်လာယင်း နောက်ပိုင်းမှာ သုံးသပ်ချက်၊ ထောက်ခံချက် ပေးရာမှာ အသုံးပြုမယ့် အကြောင်းတွေ ရှင်းပြပါတယ်။

ခရီးသွားရာမှာလည်း တွေ့ဆုံ မေးမြန်းတဲ့ သူတွေ ကို ရွေးချယ်ရာမှာ အဖွဲ့အစည်း၊ လူပုဂ္ဂိုလ် ဆိုတာထက် ပြီးခဲ့တဲ့ အကြမ်းဖက်မှု တွေနဲ့ ပတ်သက်လို့ အမှန်တကယ် သိရှိ ပြောနိုင်သူ ကို ရှာဖွေပြီး မေးမယ့် အကြောင်း၊ လုပ်ငန်းကော်မတီ ဖွဲ့ပြီးလည်း သက်ဆိုင်ရာ ကော်မတီ က စုစည်းမယ့် အကြောင်း၊ ဖြေကြားတဲ့ သူတွေ ကိုလည်း ရဲရဲဝံ့ဝံ့ ဖြေနိုင်အောင် အကျိုးအကြောင်း ရှင်းပြယင်း၊ လွတ်လပ်တဲ့ ကော်မရှင် အနေနဲ့ ဘယ်သူ့ကိုမှ တိုင်မှာ မဟုတ်သလို ဖြေသူတွေ ရဲ့ နောက်ဆက်တွဲ အန္တရာယ် ပါ မရှိစေရေး အတွက် အာမခံချက် ပေးမယ့် အကြောင်း တွေ ဆရာ မောင်ဝံသ က ဘီဘီစီ ကို ပြောပါတယ်။

နောက်ဆက်တွဲ အနေနဲ့ လည်း၊ သုတေသန အဖွဲ့တွေ သင်တန်း ပေးထားသလို၊ အတွေ့အကြုံ ရှိပြီး အဖွဲ့ဝင် ငါးဆယ် ဟာ ရခိုင်ပြည်နယ်ဖက် ကွင်းဆင်း လေ့လာယင်း၊ စုံစမ်းရေး ကော်မရှင် ရဲ့ လေ့လာ တွေ့ရှိချက်တွေ နဲ့ ပါ၊ ပေါင်းစပ် ပြီး သုံးသပ်ချက်တွေ၊ ထောက်ခံတင်ပြချက်တွေ ဆက်လက် ဆောင်ရွက်မယ့် အကြောင်း တွေ ကို ဆရာ မောင်ဝံသ က ဘီဘီစီ ကို ရှင်းပြပါတယ်။

 အိုဘားမား ပါတီ မိန့်ခွန်းပေးဖို့ ပြင်

အမေရိကန် သမ္မတ အိုဘားမား ဒုတိယ သက်တမ်း အတွက် မြောက် ကယ်ရိုလိုင်းနား ပြည်နယ် မှာ ကျင်းပတဲ့ ဒီမိုကရက် ပါတီ ညီလာခံမှာ မိန့်ခွန်း ပေးဖို့ ပြင်ဆင် နေပြီ ဖြစ်ပါတယ်။

ပါတီ သမ္မတလောင်း အဖြစ် ကြေညာ တာကို မစ္စတာ အိုဘားမား တရားဝင် လက်ခံမှာ ဖြစ်ပြီး ပြန်အရွေးခံဖို့ မဲဆွယ်မှာ ဖြစ်ပါတယ်။

အမေရိကန် စီးပွားရေး နဲ့ပတ်သက်ပြီး ရှင်းရှင်းလင်းလင်း ပြောဖို့ ရှိတယ်လို့ သူ့ အကြံပေး ပုဂ္ဂိုလ်တွေ က ဆိုပါတယ်။

ဒီမိန့်ခွန်းကို သန်းနဲ့ချီတဲ့ အမေရိကန် ပြည်သူတွေ ရုပ်သံက စောင့်ကြည့် ကြဖို့ ရှိပါတယ်။

ဗုဒ္ဓဟူး နေ့က လဲ အမေရိကန် သမ္မတဟောင်း ဘီလ် ကလင်တန်က မစ္စတာ အိုဘားမား အတွက် အောင်မြင်မှုတွေနဲ့ တာဝန်ခံ စရာတွေကို ခွဲဝေယူမှာ ဖြစ်တယ်လို့ လှိုက်လှိုက်လှဲလှဲ ထောက်ခံ ပေးခဲ့ပါတယ်။

 ကြွေးမြီ အကျပ်အတည်းကို ဥရောပဗဟိုဘဏ် ဖြေရှင်းမယ်

ဥရောပ စီးပွားရေးဟာ တဖြည်းဖြည်းခြင်း နဲ့သာ ပြန်ပြီး နလန်ထူလာမယ်လို့ ဥရောပ ဗဟိုဘဏ် ဥက္ကဌ မာရီရိုဒရာဂီ က ပြော

ယူရိုဇုန်ထဲက ကြွေးမြီ အကျပ်အတည်း ကြီးမားလှတဲ့ နိုင်ငံတွေရဲ့ အစိုးရ ဘွန်းစာချုပ်တွေကို ဝယ်ယူမှာနဲ့ ပတ်သက်ပြီး ဥရောပ ဗဟိုဘဏ် ကနေ အသေးစိတ် အစီအစဉ် တွေကို ကြေညာ လိုက်ပါပြီ။

အစိုးရတွေရဲ့ ရေတို ကြွေးမြီ တွေကို အခုလို ဝယ်ယူခြင်း အားဖြင့် စပိန်နဲ့ အီတလီ တို့လို နိုင်ငံတွေမှာ ငွေချေးယူတဲ့ ကုန်ကျ စားရိတ် လျော့ကျ သွားမယ်လို့ ဥရောပ ဗဟိုဘဏ်က မျှော်လင့် နေပါတယ်။

ဥရောပ ဗဟိုဘဏ် ဥက္ကဌ မာရီရို ဒရာဂီ က ဥရောပ စီးပွားရေးဟာ တဖြည်းဖြည်းခြင်း နဲ့သာ ပြန်ပြီး နလန်ထူလာမယ်လို့ သူမျှော်လင့် ကြောင်း ပြောကြားပါတယ်။

ဒါပေမယ်လို့ ယူရိုငွေကြေး သုံးစွဲနေမှုဟာ နောက်ပြန်လှည့် မှာ မဟုတ်ဘူးလို့ သူက အလေးအနက် ပြောကြားပါတယ်။

ဥရောပ ဗဟိုဘဏ် အနေနဲ့ ထိခိုက် ဆုံးရှုံးမှုတွေ မဖြစ်ရအောင် အပြည့်အဝ အကာအကွယ် ပေးနိုင်ဖို့ကို အသေအချာ လုပ်ဆောင် သွားမှာ ဖြစ်တယ်လို့ သူက ပြောပါတယ်။

ကြာသပတေးနေ့ အစောပိုင်းမှာ စပိန်အစိုးရဟာ ယူရို ၃.၅ ဘီလျံ တန်ဖိုးရှိတဲ့ ဘွန်းစာချုပ်တွေကို အရင်ဈေးထက် လျော့ပြီး ရောင်းချနိုင်ခဲ့ပါတယ်။