02.09.2012 နေ့ဖတ်ရန်သတင်းများ

by Myanmar Journal on Saturday, September 1, 2012 at 2:47pm ·

ပါတီညီလာခံအပြီး မဲဆွယ်စည်းရုံးပွဲများ Mitt Romney စတင်

အမေရိကန်ပြည်ထောင်စု Republican Party ရဲ့ သမ္မတလောင်း အဖြစ် Mitt Romney တရားဝင်ကြေညာခြင်းခံရပြီး နာရီပိုင်းအကြာမှာပဲ၊ သူဟာ Florida ပြည်နယ်ထဲကို မဲဆွယ်စည်းရုံးရေး ခရီးထွက်ခဲ့ပြီးတော့၊ ဆုတ်ယုတ်နေတဲ့ အမေရိကန်စီးပွားရေးကို ပြန်ပြီးဆယ်တင်ဖို့ သမ္မတ Barack Obama ရဲ့ ကြိုးပမ်းမှု တွေ မအောင်မမြင်

ကျဆုံးနေတယ်လို့ အသစ်တဖန်ထိုးနှက် တိုက်ခိုက်ဟောပြောနေပါတယ်။ လွန်ခဲ့တဲ့လေးနှစ်က သမ္မတ အိုဘားမား ကတိတွေပေးခဲ့တဲ့ လိုငွေပြနေတဲ့ အစိုးရရဲ့ အသုံးစားရိတ် လျှော့ချရေး အလုပ်အကိုင်အသစ်တွေ ဖန်တီးရေး စီးပွားရေး လုပ်ငန်းသစ်တွေ ဖေါ်ထုတ်ရေး ဆိုတာတွေဟာ၊ တစ်ခုမှ အကောင်အ ထည် ပေါ်မလာခဲ့ဘူးလို့၊ မဲဆွယ် လူထုစည်းဝေးပွဲတွေမှာ Mitt Romney က ပြောဆိုနေပါတယ်။

အခုအခါ ဟာရီကိန်းမုန်တိုင်း Isaac မုန်တိုင်းကျရောက်နေ လို့ လူငါးဦးသေဆုံးခဲ့ရပြီ ဖြစ်တဲ့ မက္ကဆီကို ပင်လယ်ကွေ့ ပြည်နယ် Louisiana ကို Mitt Romney သွားရောက်ဖို့ စီစဉ်ထားပါတယ်။ သမ္မတ အိုဘား မားကတော့ Louisiana ပြည်နယ်ကို လာမယ့် တနင်္လာနေ့မှာ သွားရောက်မှာ ဖြစ်ပါတယ်။ အင်္ဂါနေ့မှာ တော့ တာင် Carolina ပြည်နယ် Chorlete မြို့မှာ ကျင်းပမယ့် Democratic Party ညီလာခံမှာ၊ သမ္မတ အိုဘားမားကို လာမယ့် နိုဝင်ဘာလ သမ္မတရွေးကောက်ပွဲအတွက် သမ္မတလောင်း အဖြစ် တရားဝင် ကြေညာမှာ ဖြစ်ပါတယ်။

ဓနရှင်သူဋ္ဌေးကြီးတစ်ဦးဖြစ်တဲ့ Mitt Romney က၊ လူထုအပေါ် အခွန်အတုပ်တွေ လျှော့ကောက်ပြီး အစိုးရ အသုံးစားရိတ်ကိုလည်း လျှော့ချဖြတ်တောက်ရင်း၊ ဆုတ်ယုတ်နေတဲ့ အမေရိကန်စီးပွားရေးကို သူ့အနေနဲ့ ပြန်ပြီးဆယ်တင်ပေးမယ်လို့ မဲဆွယ်ကတိစကားပြောကြားနေပါတယ်။

သြဂက်စ်(၃၁)ရက်နေ့က Texas ပြည်နယ်ကို ရောက်ရှိနေတဲ့ သမ္မတ အိုဘားမားက၊ Mitt Romneyဟာ၊ ၁၉၃၀ ခုနှစ်တွေက အမေရိကန်ပြည်ထောင်စုမှာ စီးပွားပျက်ကပ်ကို ကျရောက်စေခဲ့တဲ့ မူဝါဒတွေဆီ ပြန်သွားနေတယ်လို့ ပြောဆိုလိုက်ပါတယ်။

MPU ကတ်များ စသုံးတော့မည်၊ Network ကို ဖိုင်ဘာလိုင်းဖြင့် ချိတ်မည်

တင်ဇာအောင် | စနေနေ့၊ စက်တင်ဘာလ ၀၁ ရက် ၂၀၁၂ ခုနှစ် ၁၃ နာရီ ၄၈ မိနစ်

ရန်ကုန် (မဇ္ဈိမ)။   ။ Myanmar Payment Union (MPU) ကတ်များကို စက်တင်္ဘာလ ၁၅ ရက်နေ့တွင် စတင် သုံးစွဲမည်ဖြစ်ပြီး ဘဏ်အချင်းချင်း ချိတ်ဆက်ထားသည့် Network (ကွန်ယက်)ကို ဖိုင်ဘာလိုင်းဖြင့် ချိတ်ဆက်မည်ဟု MPU စနစ်ကို အသုံးပြုမည့် ဘဏ်များက ဆိုသည်။

MPU စနစ်မှာ ATM စက်များတွင် ငွေထုတ်ရန်နှင့် ဈေးဝယ် စင်တာများတွင် အသုံးပြုနိုင်ရန် ဖြစ်သည်။ အသုံးပြုရာတွင် ဘဏ်အချင်းချင်း ချိတ်ဆက်မည့် စနစ် Network ပိုမိုကောင်းမွန်စေရန်အတွက် ဖိုင်ဘာလိုင်းဖြင့် သွားမည်ဖြစ်ကြောင်း ကမ္ဘောဇ ဘဏ်၏ International Banking Division မှ အထွေထွေ မန်နေဂျာ ဦးဇော်လင်းထွဋ် က ပြောသည်။

“MPU စသုံးမယ်ဆိုရင် MPU Data Center Network (အချက်အလက်ဌာန ကွန်ယက်)ကို ဖိုင်ဘာလိုင်းနဲ့ ချိတ်ဆက်မှာပါ။ ဘဏ်တွေက သွားတဲ့ MPU တွေမှာတော့ ဖိုင်ဘာလိုင်းကို မချိတ်သေးပါဘူး။ National Switch နဲ့ ချိတ်တဲ့ လိုင်းတွေကိုတာ့ ဖိုင်ဘာနဲ့ ချိတ်မှာပါ” ဟု ဆိုသည်။

ဘဏ်များကလည်း Network ချိတ်ဆက်ရန်အတွက် Connection (ချိတ်ဆက်မှု) အဆင်ပြေဆုံး လိုင်းနှင့်သာ ချိတ်ဆက်လိုပြီး ဖိုင်ဘာလိုင်းများကို အားလုံး ထောက်ပံ့ပေး နိုင်မည်ဆိုပါက ဘဏ်များ၏ စက်များတွင်လည်း ဖိုင်ဘာကွန်ယက်ကို ချိတ်ဆက်သွား လိုကြောင်း ပြောဆိုသည်။

MPU စနစ် အသုံးပြုရန် ဘဏ် ၁၆ ခု ရှိသော်လည်း စက်တင်္ဘာ ၁၅ ရက်နေ့တွင် အဆင့်သင့် ဖြစ်ပြီးဖြစ်သော ဘဏ် ရှစ်ခုသာ စတင် သုံးနိုင်မည်ဖြစ်သည်ဟု သိရသည်။ လက်ရှိ MPU စနစ်တွင် ပါဝင်သော ဘဏ်များက ဈေးဝယ်စင်တာများ၊ စားသောက် ဆိုင်များ၊ ဖက်ရှင်ဆိုင်များ စသည်တို့တွင် စက်ထားနိုင်ရန်အတွက် ဆိုင်များနှင့် ညှိနှိုင်းနေကြောင်း သိရသည်။

“ဘယ်နေရာတွေမှာ ထားဖြစ်မလဲ သိပ်တော့ မသေချာသေးဘူး။ ဆိုင်တွေကလည်း လက်ခံမှ ထားလို့ရမှာ။ ပြီးတော့ ဆိုင်တွေအနေနဲ့လည်း ဒီစက်ကို သုံးရင် ၁ ရာခိုင်နှုန်း ပြန်ပေးရမှာ ဆိုတော့ ဆိုင်တွေအနေနဲ့ များတယ်ထင်ပြီး သဘောမတူချင်ဘူး ဆိုတာမျိုးတွေလည်း ရှိပါတယ်။ ဒါတွေကို ညှိနှိုင်းနေပါတယ်” ဟု CB Bank မှ မန်းနေးဂျင်း ဒါရိုက်တာ ဦးဖေမြင့်က ပြောသည်။

MPU ကတ် အသုံးပြုနိုင်ရန် အတွက် ဈေးဝယ်စင်တာများတွင် POS စက်များ ထားရှိပါက ဆိုင်များမှ MPU သို့ ရောင်းရငွေ၏ ၁ ရာခိုင်နှုန်း ပြန်ပေးရမည်ဖြစ်ပြီး အားလုံး အဆင်ပြေသည့် နှုန်းထား ဖြစ်အောင် ပြန်ညှိနှိုင်းသွားရန်ရှိကြောင်း ဦးဇော်လင်းထွဋ် က ပြောသည်။

လက်ရှိ ATM ကတ် ကိုင်ဆောင်ထားသူများ အနေဖြင့် MPU ကတ် ထွက်လာပါက ယင်းကတ်ကို သုံးနိုင်ရန် ပြန်လည် လဲလှယ်ရမည်ဖြစ်သည်။ လဲလှယ်ပေးခြင်းမှာ အခမဲ့ လဲလှယ်ပေးသော ဘဏ်များ ရှိသကဲ့သို့ အခငွေကြေး တစုံတရာယူ၍ လဲလှယ်ပေးခြင်းလည်း ရှိမည်ဟု သိရသည်။

Network ကျခြင်းကြောင့် ATM အသုံးပြုသည်များ အနေဖြင့် လက်ရှိတွင် စက်အသုံးပြုမရ ဖြစ်ပေါ်ခြင်းများ ရှိနေပြီး နယ်မြို့များတွင် စက်ကို တနေကုန် သုံးမရဘဲ ဖြစ်နေတတ်သည်။

“ကျနော်တို့ အခု သုံးထားတာက ip star လိုင်းကို သုံးထားတာပါ။ ဒါကြောင့် မိုးတွင်းမှာ ပိုပြီးတော့ လိုင်းမကောင်းတာဖြစ်တတ်ပါတယ်။ မိုးအုံ့တော့ iP star လိုင်းကိုက မကောင်းတာ။ MPU လာရင်လည်း လိုင်းကောင်းတာ၊ မကောင်းတာ နဲ့ ပတ်သက်ပြီး ပြဿနာအချို့တော့ ရှိနိုင်ပါတယ်။ ဘဏ်တွေကလည်း လိုင်းအကောင်းဆုံး support လုပ်နိုင်မယ့် လိုင်းကိုပဲ တပ်ချင်ပါတယ်။ ဆက်သွယ်ရေးကလည်း အကောင်းဆုံး ဖြစ်အောင်တော့ လုပ်ပေးနေပါတယ်။ stableဖြစ်အောင် ပံ့ပိုးပေးနိုင်တဲ့ လိုင်းဆိုရင် အကောင်းဆုံးပါပဲ” ဟု ကမ္ဘောဇဘဏ်မှ ဦးဇော်လင်းထွဋ် က ပြောဆိုသည်။

လှည်းတန်း ခုံးကျော်တံတား ၂၀၁၃ သင်္ကြန် မတိုင်မီ ပြီးမည်မှန်း

ရတနာဦး | စနေနေ့၊ စက်တင်ဘာလ ၀၁ ရက် ၂၀၁၂ ခုနှစ် ၁၅ နာရီ ၂၂ မိနစ်

ရန်ကုန် (မဇ္ဈိမ)။   ။ ရန်ကုန်မြို့ရှိ လမ်းမကြီး ငါးလမ်း ဆုံရာ ကမာရွတ်မြို့နယ်ရှိ လှည်းတန်းလမ်းဆုံတွင် ကားလမ်း ခုံးကျော်တံတားတစင်း တည်ဆောက်လျက်ရှိရာ ၂၀၁၃ ခုနှစ်၊ ဧပြီလ သင်္ကြန်မတိုင်ခင် ပြီးစီးမည်ဟု မြို့တော် စည်ပင်သာယာရေး ကော်မတီမှ တာဝန်ရှိသူ တဦးက ပြောသည်။

လေးလအတွင်း အပြီးဆောက်လုပ်ရန် ရည်ရွယ်ထားသော ထိုခုံးကျော်တံတားကို ယခုနှစ် ဖေဖော်ဝါရီလ ၁၁ ရက်နေ့က ပန္နတ်ချကာ ဧပြီလမှ စတင်ဆောက်လုပ်ခဲ့ခြင်း ဖြစ်သည်။

“လှည်းတန်း ခုံးကျော် တံတားကို အမြန်ဆုံးပြီးအောင် ဆောင်ရွက်နေပါတယ်။ နေ့ဆိုင်းအပြင် ညဆိုင်းပါ ခွဲပြီး လုပ်နေပါတယ်။ ပထမတုန်းကတော့ လေးလနဲ့ အပြီးဆောက်နိုင်မယ်လို့ ခန့်မှန်းထားပေမယ့် ခုံးကျော်တံတားဆောက်ဖို့ လမ်းချဲ့ နေရတဲ့အတွက် ၂၀၁၃ ခုနှစ်၊ နှစ်ဆန်းပိုင်းတော့ ပြီးနိုင်မယ်လို့ မှန်းထားပါတယ်” ဟု စည်ပင်သာယာရေးကော်မတီ လမ်းတံတားဌာနမှူး ဦးစည်သူလွင် က ဆိုသည်။

ထို့ပြင် ရေမြောင်း သစ်များတူးဖော်ရခြင်း၊ မြေအောက်ရှိ လျှပ်စစ် ဓါတ်အားလိုင်းနှင့် တယ်လီဖုန်းလိုင်းများ ဆက်သွယ် ပြောင်းရွှေ့ရခြင်း စသည်တို့ကိုကြောင့်လည်း ကြန့်ကြာသွားရသည်ဟု ၎င်းက ဆိုသည်။

ရွှေတောင်ကုမ္ပဏီမှ တာဝန်ယူတည်ဆောက်လျက်ရှိသည့် အဆိုပါ ခုံးကျော်တံတားကို စည်ပင်နှင့် တိုင်းအစိုးရအဖွဲ့တို့က လုပ်ငန်းကြီးကြပ် ဆောင်ရွက်လျက်ရှိသည်။

လက်ရှိတွင် ဘိုးတိုင်တူးခြင်း လုပ်ဆောင်လျက်ရှိပြီး ယင်းလုပ်ငန်းစဉ်များ ပြီးစီးမှသာ တံတား သံဘောင် ယက်မများ တင်သည့် လုပ်ငန်းရပ်များ ဆက်လုပ်နိုင်မည်ဟု ဦးစည်သူလွင်က ဆိုသည်။

လှည်းတန်းကားလမ်း ခုံးကျော်တံတားကို သံမဏိ ယက်မ နှင့်သံကူကွန်ကရစ်တံတားအဖြစ် တည်ဆောက်မည်ဖြစ်ပြီး အရှည် ၂,၄၆၆ ပေ၊ ယာဉ်သွားလမ်း အကျယ် ၄၄ ပေ ၈ လက်မ၊ လူသွားလမ်း အကျယ် တဖက်လျှင် ၄ ပေစီ ရှိမည် ဖြစ်သည်။

ရန်ကုန်မြို့တွင်း ယာဉ်ကြောပိတ်ဆို့မှုများ ပြေလည်စေရန်အတွက် မြို့တွင်းကားလမ်း ပိတ်ဆို့မှု အများဆုံးနေရာများဖြစ်သော လမ်းဆုံမီးပွိုင့်နေရာများတွင် ခုံးကျော်တံတားများ ဆောက်လုပ်မှုကို လှည်းတန်း၊ ရွှေဂုံတိုင် အစရှိသည့် လမ်းမ ငါးလမ်း ဆုံရာ နေရာများနှင့် မရမ်းကုန်းမြို့နယ် ဘုရင့်နောင်လမ်းဆုံတို့တွင် ကားလမ်း ခုံးကျော်တံတားများ တည်ဆောက်မည် ဖြစ်သည်။

ဘုရင့်နောင် ခုံးကျော်တံတား တည်ဆောက်မှုကို FMI ကုမ္ပဏီအား လည်းကောင်း၊ ရွှေဂုံတိုင် ခုံးကျော်တံတားတည်ဆောက်မှုကို Capital Development ကုမ္ပဏီအား လည်းကောင်း လုပ်ကိုင်ခွင့်ပြုထားသည်။

ဘုရင့်နောင်၌ ခုံးကျော်တံတားအား ဇွန်လဆန်းပိုင်းက ပန္နတ်ချခဲ့ပြီး လက်ရှိတွင် အကြိုအင်ဂျင်နီယာလုပ်ငန်းများဆောင်ရွက်လျက် ရှိသည်။ ရွှေဂုံတိုင် ကားလမ်း ခုံးကျော်တံတားအတွက် Capital Development ကုမ္ပဏီက သြဂုတ်လ ၁၀ နှင့် ၁၁ ရက်နေ့တို့တွင် မြေ စမ်းသပ်တိုင်းတာခြင်း လုပ်ငန်းများ စတင်ဆောင်ရွက်ခဲ့သည်။

ရင်းနှီးမြှုပ်နှံလိုသော်လည်း ဥပဒေသစ် ဒိန်းမတ် ဘဝင်မကျသေး

နေလင်းအောင် | စနေနေ့၊ စက်တင်ဘာလ ၀၁ ရက် ၂၀၁၂ ခုနှစ် ၁၄ နာရီ ၂၃ မိနစ်

ရန်ကုန် (မဇ္ဈိမ)။            ။ ဒိန်းမတ်နိုင်ငံမှ စီးပွားရေးလုပ်ငန်းရှင်များက မြန်မာနိုင်ငံတွင် လာရောက် ရင်းနှီးမြှုပ်နှံရန် စိတ်ဝင်တစား ရှိလှသော်လည်း ရေးဆွဲနေသည့် နိုင်ငံခြား ရင်းနှီးမြှုပ်နှံမှု ဥပဒေသစ်အပေါ် အားမလိုအားမရဖြစ်နေသေးကြောင်း ထိုင်းနိုင်ငံဆိုင်ရာ ဒိန်းမတ် သံအမတ်ကြီး Mr. Mikael Hemniti Winther က ပြောဆိုလိုက်သည်။

သြဂုတ်လ ၃၀ ရက်နေ့က ပြုလုပ်သည့် ဒိန်းမတ်နှင့် မြန်မာ လုပ်ငန်းရှင်များ ဆွေးနွေးပွဲတွင် ထိုသို့ ပြောဆိုလိုက်ခြင်းဖြစ်သည်။

“မြန်မာနိုင်ငံရဲ့ နိုင်ငံခြား ရင်းနှီးမြှုပ်နှံမှု ဥပဒေကို မျှော်လင့်ချက် ထားထားပေမယ့် လက်ရှိ ကြားနေရတာတွေကို သိပ်မကြိုက်ဘူး။ ဒီဥပဒေက မြန်မာနိုင်ငံက လူတွေအတွက် အကျိုးရှိသလို နိုင်ငံခြားသား ရင်းနှီးမြှုပ်နှံသူတွေ အကျိုးရှိအောင် စိတ်ဝင်စားမှုရှိစေတဲ့ ဥပဒေမျိုး ဖြစ်သင့်တယ်” ဟု သံအမတ်ကြီးက ဆိုသည်။

ရန်ကုန်မြို့ ကုန်သည်များနှင့် စက်မှုလက်မှု လုပ်ငန်းရှင်များ အသင်း UNFCCI ရုံးတွင် ပြုလုပ်ခဲ့သည့် နှစ်နိုင်ငံ လုပ်ငန်းရှင်များ ဆွေးနွေးပွဲသို့ ဒိန်းမက်နိုင်ငံမှ Mr. Mikael Hemniti Winther ဦးဆောင်၍ Pandora Production Co., Ltd, Mascot, Rohde Nielsen, Maersk Line စသည့် ဒိန်းမတ် ကုမ္ပဏီ ငါးခု တက်ရောက်ခဲ့ပြီး မြန်မာ လုပ်ငန်းရှင်များနှင့် စီးပွားရေး ပူးပေါင်း ဆောင်ရွက်မှုများ ပြုလုပ်ရန် ဆွေးနွေးခဲ့ကြသည်။

မြန်မာနိုင်ငံ၏ စီးပွားရေး ဖွံ့ဖြိုးမှုအလားအလာမှာ အလွန်ကောင်းမွန်သော အခြေအနေတွင်ရှိကာ တချိန်တည်းတွင် အခြေခံအဆောက်အအုံများ၊ သက်ဆိုင်ရာ ကဏ္ဍအလိုက် ဥပဒေများ တိကျခိုင်မာစွာရှိသင့်ပြီး နိုင်ငံခြားရင်းနှီးမြှုပ်နှံမှု ဥပဒေတွင်လည်း ဒိန်းမတ်နိုင်ငံအတွက်သာမကဘဲ အခြားနိုင်ငံခြားသားတွေအတွက် လုပ်ကိုင်နိုင်သော အခြေအနေတွေ ဖန်တီးပေးသင့်ကြောင်း Mr. Mikael က ဆိုသည်။

“အခုလာတဲ့ စီးပွားရေးလုပ်ငန်းရှင်တွေက ပို့ဆောင်ရေး၊ ဆက်သွယ်ရေး၊ အစားအသောက် လုပ်ငန်းနဲ့ ဘိလပ်မြေကုမ္ပဏီနဲ့ သင်္ဘောကုမ္ပဏီတွေ ပါတယ်” ဟု သံအမတ်ကြီးက ပြောသည်။

ဆွေးနွေးပွဲ တက်ရောက်ခဲ့သည့် မြန်မာလုပ်ငန်းရှင်တဦးကလည်း မြန်မာနိုင်ငံတွင် ဘဏ်လုပ်ငန်းနှင့် အခြား အခြေခံ အဆောက်အဦပိုင်းတို့တွင် အားနည်းနေသေးကြောင်း ပြောဆိုသည်။

“ဒိန်းမတ်နိုင်ငံဆိုလည်း ဖွံ့ဖြိုးပြီးသား တိုင်းပြည်ဖြစ်တဲ့အတွက် နည်းပညာနဲ့ ရင်းနှီးမြှုပ်နှံမှုတွေက ကိုယ့်နိုင်ငံအတွက် အကျိုးရှိမှာပါ။  မြန်မာနိုင်ငံအနေနဲ့က နိုင်ငံတကာနဲ့ ဆက်သွယ်ဆောင်ရွက်တဲ့နေရာမှာ ဘဏ်လုပ်ငန်းပိုင်းကတော့ အားနည်းနေသေးတယ်။ အခြေခံအဆောက်အအုံပိုင်းတွေ ပြင်ဆင်ထားဖို့လိုအပ်တယ်” ဟု ပြည်တွင်းလုပ်ငန်းရှင် ဦးမြအေး က ပြောသည်။

အစိုးရသစ်လက်ထက်တွင် မြန်မာနိုင်ငံ၏ တိုးတက်ပြောင်းလဲမှုသည် အံ့သြဖွယ်ရာ တိုးတက်လာပြီး ယင်းအခြေအနေတွင် ဒိန်းမတ်နိုင်ငံမှ လုပ်ငန်းရှင်များက မြန်မာနိုင်ငံတွင် ရင်းနှီးမြှုပ်နှံမှုများ ပို၍ ပြုလုပ်လိုကြောင်း မြန်မာနိုင်ငံတွင် သစ်လုပ်ငန်းဆောင်ရွက်နေသူ ဒိန်းမတ်နိုင်ငံမှ Sanfock Wood Industries Limited ပိုင်ရှင် Mrs.Helle Albertsen Baoh က ပြောသည်။

လက်ရှိအချိန်တွင် မြန်မာနိုင်ငံ၌ သတ္တုတွင်းလုပ်ငန်း၊ သစ်လုပ်ငန်းနှင့် အခြားလုပ်ငန်း အချို့တွင် ရင်းနှီးမြှုပ်နှံမှုများပြုလုပ်လျက်ရှိသည့် ဒိန်းမတ်နိုင်ငံမှ စီးပွားရေး လုပ်ငန်းရှင်များသည် လွန်ခဲ့သော ဖေဖေါ်ဝါရီလအတွင်းလည်းမြန်မာနိုင်ငံသို့ လာရောက်၍ အစိုးရ တာဝန်ရှိသူများနှင့် တွေ့ဆုံဆွေးနွေးမှုများ ပြုလုပ်ခဲ့သေးသည်။

ကမ္ဘာ့စားနပ်ရိက္ခာဈေးနှုန်း အဆမတန် မြင့်မားနေ

အမေရိကန်ပြည်ထောင်စုနဲ့ အရှေ့ဥရောပဒေသတွေမှာ မိုးခေါင်မှူဖြစ်ပွားခဲ့တဲ့အတွက် ကမ္ဘာ့စားနပ်ရိက္ခာ ဈေးနူန်းတွေ သိသိသာသာ တက်သွားခဲ့တယ်လို့ ကမ္ဘာ့ဘဏ်က ပြောကြားပါတယ်။ ပြီးခဲ့တဲ့ ဇူလိုင်လမှာ ဈေးနူန်းတွေ ၁၀ရာခိုင်နူန်းတက်သွားပြီးတော့ ပြောင်းဖူးနဲ့ ပဲပုတ်ဈေးတွေဟာ ခေါင်ခိုက်ကုန်တယ်လို့ နိုင်ငံတကာငွေချေးရေး အေဂျင်စီက ပြောပါတယ်။

နွေရာသီရဲ့ ပြင်းထန်တဲ့ အပူဒဏ်အောက်မှာ အမေရိကန်နဲ့ ဥရောပ အရှေ့ပိုင်းက ကောက်ပဲသီးနှံတွေ ခြောက်သယောင်း ကုန် ပါတယ်။ ကမ္ဘာ့စားနပ်ရိက္ခာဈေးနူန်း အားလုံးအနေနဲ့ ခြုံပြီးတော့ ယမန်နှစ် ဒီလပိုင်းတွေထက် ခြောက်ရာခိုင်နူန်းလောက် တက်သွားခဲ့တယ်လို့ ကမ္ဘာ့ဘဏ်က ပြောပါတယ်။

ဇွန်လနဲ့ ဇူလိုင်လတွေမှာ ပြောင်းဖူုးနဲ့ ဂျုံဈေးတွေဟာ ၂၅ ရာခိုင်နူန်းတက်သွားပြီးတော့ ပဲပုတ်ဈေးက ၁၇ ရာခိုင်နူန်း တက်သွားခဲ့ပါတယ်။ ဆန်ဟာလည်း ၄ရာခိုင်နူန်း တက်သွားခဲ့ပါတယ်။ စားနပ်ရိက္ခာဈေးတွေ တက်သွားတဲ့ အတွက် အထူးသဖြင့် အာရှနဲ့ အာဖရိကက ပြည်သူတွေက သန်းနဲ့ချီပြီး ကျမ်းမာရေးနဲ့ အထွေထွေ ပြသနာတွေ ရင်ဆိုင်ကြရလိမ့်မယ်လို့  ကမ္ဘာ့ဘဏ်ဥက္ကဌ Jim Yong Kim က ပြောကြားလိုက်ပါတယ်။ ။

အမေရိကန်နဲ့ တရုတ် ပစိဖိတ်မှာ ပြိုင်စရာမလို

တောင် ပစိဖိတ်ဒေသမှာ တရုတ် နိုင်ငံအနေနဲ့ မျှတမှု ပွင်းလင်း မြင်သာမှု ရှိတဲ့ နည်းလမ်းတွေနဲ့ ကျင့်သုံး ဆောင်ရွက်ပါလို့ အမေရိကန် နိုင်ငံခြားရေးဝန်ကြီး ဟီလာရီကလင်တန် က ပြောကြားလိုက်ပါတယ်။ Cook Island ကျွန်းနိုင်ငံမှာ ကျင်းပတဲ့ အဖွဲ့ဝင်နိုင်ငံ ၁၆ ခုပါ ပစိဖိတ်ကျွန်းနိုင်ငံများ ညီလာခံမှာ အမေရိကန် နိုင်ငံခြားရေး ဝန်ကြီးက ခုလို ပြောကြားခဲ့တာဖြစ်ပါတယ်။

ရှေရှည်ခံတဲ့ ဖွံ့ဖြိုးတိုးတက်ရေး လုပ်ငန်းတွေ၊ ရာသီဥတု ပြောင်းလဲမှုနဲ့ ရေကြောင်းဆိုင်ရာ အကာအကွယ် ပေးရေး စတဲ့ ကဏ္ဍတွေ အတွက် အမေရိကန်ပြည်ထောင်စုက ဒေါ်လာ ၃၂ သန်း အကုန်အကျခံပြုလုပ်မယ့် အစီအစဉ်သစ်တွေကိုလည်း ဝန်ကြီး ကလင်တန် ကြေညာသွားပါတယ်။

တောင် ပစိဖိတ်ဒေသမှာ အမေရိကန်နဲ့ တရုတ်နိုင်ငံတို့ ပြိုင်ဆိုင်နေကြတယ် ဆိုတဲ့ အမြင်တွေအပေါ် ဒီဒေသဟာ နှစ်နိုင်ငံ စလုံးအတွက် နေရာအလုံအလောက် ရှိပါတယ်လို့ ပြောကြားပြီး ဒီကိစ္စကို သိပ်ပြီး အရေးမကြီးတဲ့ သဘောမျိုးလုပ်ခဲ့ပါတယ်။ ဒါပေမဲ့ တရုတ်နိုင်ငံ အနေနဲ့ ဖွံ့ဖြိုးတိုးတက်ရေး လုပ်ငန်းတွေကို ဒေသတွင်းမှာ မျှမျှတတ လုပ်ဖို့ သူက တိုက်တွန်းသွားပါတယ်။

သဘာဝ သယံဇာတတွေကို အမြတ်ထုတ်နေတဲ့ တရုတ်နိုင်ငံရဲ့ နိုင်ငံခြား ရင်းနှီးမြှုပ်နှံမှုတွေက ဒေသခံနိုင်ငံ ပြည်သူတွေကို ထိခိုက်စေတယ်လို့ တချို့သူတွေက သုံးသပ်နေကြတာ ဖြစ်ပါတယ်။

Cook Island ကျွန်းနိုင်ငံကနေ အမေရိကန် နိုင်ငံခြားရေးဝန်ကြီးဟာ အင်ဒိုနီးရှား၊ တရုတ်၊ ဘရူနိုင်း၊ အရှေ့တီမောနဲ့ ရုရှား နိုင်ငံတွေဆီကို ခရီးဆက်မှာဖြစ်ပါတယ်။

ရခိုင်ဒေသတချို့ ကမ္ဘာလှည့်ခရီးသည် မသွားရ

မြန်မာနိုင်ငံမှာ မကြာခင်က အကြမ်းဖက် အဓိကရုဏ်းတွေ ဖြစ်ခဲ့တဲ့ ရခိုင်ပြည်နယ်ထဲက နေရာတချို့နဲ့ ရှမ်းပြည် အရှေ့ပိုင်းဘက်ကို နိုင်ငံခြား ခရီးသည်တွေ သွားရောက်ခွင့်ကို ဟိုတယ်နဲ့ ခရီးသွားဝန်ကြီးဌာနက ယာယီ ပိတ်ပင်ထားပါတယ်။

ဝန်ကြီးဌာနကနေ ဟိုတယ်နဲ့ ခရီးသွား ကုမ္ပဏီတွေ ဆီကို ပေးပိုတဲ့ အကြောင်းကြားစာ ထဲမှာ လောလောဆယ် နယ်မြေဒေသ အခြေအနေအရ ရခိုင်ပြည်နယ် ထဲက ရှေးဟောင်း စေတီပုထိုးတွေ တည်ရှိရာ ဝေသာလီ၊ မဟာမုနိ အပါအဝင် မြောက်ဦးမြို့နဲ့ စစ်တွေမြို့၊ ရှမ်းပြည်နယ် မိုင်းလားမြို့တွေဆီကို သွားရောက်ခွင့် မပြုဘူးလို့ ဖော်ပြထားပါတယ်။ ပြန်လည် ခွင့်ပြုတဲ့ အခါမှာ ထပ်ပြီး အကြောင်းကြားမယ် လို့လည်း ရေးထားပါတယ်။

ရခိုင်ပြည်နယ်မှာ သွေးထွက်သံယို အဓိကရုန်းတွေ ဖြစ်ပေါ်ခဲ့ပြီးတဲ့နောက်မှာ ခုလို ကြေညာချက် ထွက်ပေါ်လာခဲ့တာပါ။ ရှမ်းပြည် အရှေ့ပိုင်းမှာ တည်ရှိတဲ့ မိုင်းလားမြို့ကတော့ Casino လောင်းကစားဝိုင်းတွေကြောင့် တရုတ်နိုင်ငံဘက်က လာရောက် လောင်းကစားကြ သူတွေနဲ့ စည်ကားတဲ့မြို့ ဖြစ်ပါတယ်။

 မက္ကဆီကို သမ္မတသစ်ကို ကန့်ကွက်

မသန့်ရှင်း မလွတ်လပ်လို့ ရလဒ်ကို လက်မခံနိုင်

မက္ကဆီကို ရွေးကောက်ပွဲမှာ ရှုံးနိမ့်သွားတဲ့ သမ္မတ လောင်း Andres Manuel Lopez Obrador က ဇူလိုင်လ မဲအနိုင်စာရင်း တရားရုံး ဆုံးဖြတ်ချက်ကို လက်မခံ နိုင်ဘူးလို့ ဆိုပါတယ်။

ဗဟို လက်ယာ ဝါဒီ Enrique Pena Nieto သမ္မတ အရွေးခံရကြောင်း ပြည်ထောင်စု ရွေးကောက်ပွဲ ခုံရုံးက တရားဝင် ကြေညာလိုက်ပြီးနောက် ဒီလို တုံ့ပြန် လိုက်တာ ဖြစ်ပါတယ်။

ရွေးကောက်ပွဲ မဲအရောင်းအဝယ် တွေ ရှိတယ် ဆိုတဲ့ စွပ်စွဲ မှုတွေ ကြောင့် မဲရလဒ်ကို ပယ်ဖျက် ပေးဖို့ မစ္စတာ Lopez Obrador ရဲ့ တောင်းဆိုချက်ကို ပယ်ချ လိုက်တာလဲ ဖြစ်ပါတယ်။

ဒီလို အခြေအနေမှာ လူထု မနာခံမှု အားကို သုံးသင့် တဲ့အတွက် မက္ကဆီကို မြို့တော်မှာ စက်တင်ဘာ ၉ ရက်မှာ လူထု ဆန္ဒပြပွဲကြီး ဆင်နွှဲဖို့ မစ္စတာ Lopez Obrador က ဆော်သြ ခဲ့ပါတယ်။

 ဆီးရီးယားသူပုန်တွေကို အစိုးရတပ်တွေ ပြန်တွန်းလှန်

အစိုးရ ဘက်ကနေ စစ်လေယာဉ်တွေ ပိုသုံး လာတဲ့ အပေါ် သူပုန်တွေက တန်ပြန် တိုက်ခိုက် နေတာ ဖြစ်ပါတယ်

ဆီးရီးယားနိုင်ငံ အလက်ပိုမြို့ အနီးက လေတပ် ကောလိပ်ကျောင်း တခုရှိရာ လေတပ် စခန်းကို သူပုန်တွေက အကြီးအကျယ် တိုက်ခိုက်မှုတွေ ပြုလုပ်ခဲ့ရာ၊ အခုတော့ သမ္မတ အာဆတ် သစ္စာခံ တပ်ဖွဲ့တွေဟာ သူပုန်တွေကို ပြန်ပြီး တွန်းလှန် တိုက်ခိုက် နိုင်ခဲ့ပြီ ဖြစ်တယ်လို့ ဆီးရီးယား အစိုးရက ပြောပါတယ်။

အထူး စစ်ဆင်ရေး တခုကို ဆင်နွှဲရာနေတဲ့ ရဲစွမ်း သတ္တိနဲ့ ပြည့်စုံတဲ့ တပ်ဖွဲ့တွေကနေ လေတပ် စခန်းကို တိုက်ခိုက် နေတဲ့ ကြေးစား အကြမ်းဖက် သမားတွေကို ပြန်လည် တွန်လှန်ခဲ့ပြီ ဖြစ်တယ်လို့ နိုင်ငံပိုင် ရုပ်မြင်သံကြား ကနေ ကြေညာသွား ပါတယ်။

အစိုးရ ဘက်ကနေ ရဟတ်ယာဉ်တွေ စစ်လေယာဉ်တွေ ပိုမို အသုံးပြုပြီး သူပုန် တွေကို တိုက်ခိုက်လာ နေတာကို တန်ပြန် တိုက်ခိုက်တဲ့ အနေနဲ့ သူပုန်တွေက မကြာသေးခင် ရက်ပိုင်းတွေ အတွင်း တိုက်ခိုက်မှု အတော်များများ ပြုလုပ်ခဲ့ရာ အဲဒီ ရမ်းစ်မ် အလ် အဘု(တ်) လေတပ်စခန်း ကိုလည်း ဝင်တိုက်ခဲ့တာ ဖြစ်ပါတယ်။

ဆီးရီးယား ငြိမ်းချမ်းရေး အတွက် ကုလသမဂ္ဂက အသစ် ခန့်အပ်လိုက်တဲ့ နိုင်ငံတကာ အထူးကိုယ်စားလှယ် လက်ခ်ဒါ ဘရာဟိမီ ဟာ ဒီကနေ့ သူ့ ရာထူး နေရာကို လက်ခံယူပြီး၊ ဆီးရီးယားနဲ့ သံတမန်ရေး ပြန်လည် တည်ဆောက်ဖို့ ကြိုးပမ်းမှာ ဖြစ်ပါတယ်။

နိုင်ငံတကာ သံတမန် ဆက်ဆံရေးမှာ ကျွမ်းကျင်သူ ဝါရင့် ပုဂ္ဂိုလ်တဦး ဖြစ်တဲ့ မစ္စတာ ဘရာဟိမီဟာက သူ့မှာ အလှည့်အပြောင်း လုပ်နိုင်တဲ့ မျက်လည့် ပညာ မရှိပါဘူးလို့ ပြောကြားလိုက်ပြီး၊ လေ့လာ စောင့်ကြည့်သူတွေ အနေနဲ့ ဆီးရီးယား ငြိမ်းချမ်းရေးအတွက် တိုးတက်မှု အနည်းငယ်သာ တွေ့ရဖို့ ရှိတယ်လို့ ဆိုပါတယ်။

ကျောင်းသားခေါင်းဆောင် မိုးသီးဇွန် ပြည်တော်ပြန်ပြီ

၁၉၈၈ လူထုအုံကြွမှုမှာ ရှေ့တန်းကနေ ဦးဆောင်ပါဝင် ခဲ့တဲ့ အထင်ကရ ကျောင်းသား ခေါင်းဆောင်ဟောင်း တဦးဖြစ်သူ ကိုမိုးသီးဇွန်ဟာ မြန်မာနိုင်ငံကို စနေနေ့မှာ ပြန်တော်ပြန် သွားပြီ ဖြစ်ပါတယ်။

သူနဲ့ အတူ တခြား ထင်ရှားတဲ့ ကျောင်းသား ခေါင်းဆောင်ဟောင်း ကိုထွန်းအောင်ကျော် အပါအဝင် ပြည်ပရောက် နိုင်ငံရေး လှုပ်ရှားသူ ၅ ဦးတို့လည်း ပြန်တော်ပြန်ထဲမှာ ပါဝင်ပါတယ်။

နိုင်ငံရေး ပြဿနာတွေ အခြေခံကျကျ ပြုပြင်ပြောင်းလဲမှုတွေ လုပ်နိုင်ဖို့၊ ပြည်တွင်း ငြိမ်းချမ်းရေး ကိစ္စတွေကို ဆောင်ရွက်ပေးနိုင်ဖို့၊ အမျိုးသား ပြန်လည် သင့်မြတ် ရေး လုပ်ငန်းစဉ်တွေ အတွက် ကြိုးပမ်း ဆောင်ရွက် ချင်လို့ မြန်မာပြည်ကို ပြန်လာခဲ့တာ ဖြစ်တယ်လို့ ကိုမိုးသီးဇွန်က ဘီဘီစီကို ပြောပါတယ်။

 သူက ဆက်ပြောရာမှာ အစိုးရက တာဝန်ရှိသူ ဝန်ကြီးတွေ၊ ဒီမိုကရေစီ အင်အားစုတွေနဲ့ တွေ့ဆုံမှာ ဖြစ်ပြီး၊ မတွေ့ရတာ ၂၄ နှစ်ရှိပြီ ဖြစ်တဲ့ ဒေါ်အောင်ဆန်းစုကြည်ကိုလည်း တွေ့ချင် တယ်လို့ ဆိုပါတယ်။

နောက်ပြီး ဒီမိုကရေစီရေး ကြိုးပမ်းလုပ်ဆောင်နေတဲ့ အပြောင်းအလဲတွေမှာ ပူးပေါင်း ပါဝင်ပြီး၊ အကူအညီ ပေးနိုင်ဖို့ အတွက် အဓိက လုပ်ဆောင် သွားမယ်လို့ ပြောပါတယ်။ မြန်မာ့ နိုင်ငံ ရေး လှုပ်ရှားမှုထဲမှာ သူ့အနေနဲ့ တတ်နိုင်သမျှ ပူးပေါင်း ပါဝင် ဆောင်ရွက် ပေးချင်တယ် လို့လည်း သူက ပြောပါတယ်။

ကိုမိုးသီးဇွန်ဟာ ၁၉၈၈ ခုနှစ် ကျောင်းသားတွေ ဦးဆောင်တဲ့ လူထု အုံကြွမှုကို ခေါင်းဆောင်ခဲ့သူ တဦး ဖြစ်ပြီး၊ အဲဒီနောက် လူ့ဘောင်သစ် ဒီမိုကရက်တစ် ပါတီကို တည်ထောင်ခဲ့သူလည်း ဖြစ်ပါတယ်။

တောခိုခဲ့ပြီးနောက် မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ် တပ်ဦး ABSDF ဥက္ကဌလည်း ဖြစ်ခဲ့သူ ကိုမိုးသီးဇွန်ကို အရင် မြန်မာစစ် အစိုးရက မျက်ကွယ် သေဒဏ် စီရင်ချက် ချထား တာ ဖြစ်ပါတယ်။

သူ့အပေါ် မျက်ကွယ် သေဒဏ် စီရင်ချက် ချထားတဲ့ ကိစ္စကိုလည်း သမ္မတ ဦးသိန်းစိန်း အစိုးရ အဖွဲ့ တာဝန် ရှိသူတွေနဲ့ ဆွေးနွေး သွားမယ် လို့ပြောပါတယ်။

ရန်ကုန် လေဆိပ် အရောက်မှာတော့ သူ့ကို ထောက်ခံတဲ့ နိုင်ငံရေး လှုပ်ရှားသူ ရာဂဏန်းလောက် လာရောက် ကြိုဆို နှုတ်ဆက် ခဲ့ကြပါတယ်။

သောကြာနေ့ ကလည်း နောက်ထပ် ABSDF ဥက္ကဌဟောင်း တဦးဖြစ်သူ ဒေါက်တာနိုင်အောင် ဟာ တခြား ခေါင်းဆောင်တွေနဲ့ အတူ မြန်မာပြည်ကို ပြန်သွားခဲ့ကြပါတယ်။