တစ်ခါတုန်းကတက္ကသိုလ်မှာ
|
6:39 AM |
No မှတ်ချက် |
ရပ်နေတော့မှ ရွေ့ နေတာကိုပိုသိလာတယ်....
ဘ၀ဆိုတာ ဒီလိုပဲ့.....
ငါတို့လျှောက်ခဲ့ကြတဲ့လမ်းက ဒီလိုပဲ
ကြယ်တွေဆီကိုရောက်ရောက်၊သင်္ဘောပဲမှောက်မှောက်
လမ်းစပဲပျောက်ပျောက်
ကျောပိုးအိတ်တစ်လုံး၊လက်ဆွဲသေတ္တာတစ်လုံးနဲ့အဝေးပြေးကားကြီးပေါ်မှာပြေးလို့...
သူငယ်ချင်းများ၊ဘယ်တော့မှပြန်မတွေ့ရတော့မယ့်မျက်နှာတွေ.....
လူသံကြားတော့ လန့်ပျံရရှာတဲ့ကားမှတ်တိုင်နံဘေးကခိုအုပ်လို
တို့တွေတစ်ခါတည်း လန့်ပျံခဲ့ရတာ၊တစ်စစီပဲ
တို့တွေမလန့်ပဲလည်းပျံခဲ့ရတာပဲ
ပြန်မလာတော့မယ့်မြို့ဆီ၊စီးနေတဲ့ရေအလျဉ်ဆီ
ဘယ်ရောက်နေပြီလဲ။
ကျောင်းတုန်းကတင်ထားတဲ့ ရဲဆေးတွေ
တစ်ခွက်ပြီးတစ်ခွက်သောက်လို့ ကတ္တရာလမ်းမပေါ်မှောက်အိပ်သွားတဲ့အိပ်မက်တွေ
မြမြထိုက်တို့အဆောင်ကိုဖျော်ဖြေမယ့်ဂီတာဆရာတွေ
စာအုပ်ထုတ်မယ်တကဲကဲနဲ့ချစ်ဖို့ကောင်းတဲ့ဖြစ်ရပ်မှန်စာရေးဆရာတွေ
ဖဲသမားတွေ၊စုံတွဲတွေ၊ဟန်ဝင်းအောင်တွေ၊အောင်ကျော်မင်းတွေ
ဗိုကျော်နဲ့မဟုတ်တမ်းတရားတွေပြောပြီးအိပ်ပျော်သွားတဲ့ညတွေ
အခုတော့လောကတစ်ခုရဲ့အပြင်ဘက်မှာနဖူးတွေ့ ဒူးတွေ့ညတွေထဲ
တစ်ယောက်ချင်းရဲ့ကိုယ်ပိုင်အမှောင်နဲ့အိပ်ပျော်သွားကြတဲ့သူငယ်ချင်းတွေ......
ဒိုးလုံးသေတော့လည်းကြေကွဲခဲ့တာပဲ၊
မောင်ချောနွယ်တစ်နှစ်ပြည့်ဆိုတော့လည်းကဗျာဝင်ရွတ်လိုက်မှာပဲ
ချစ်ခန်းကြိုက်ခန်းမှာလည်း မှတ်စုစာအုပ်ငှားရာကအစရိုမီယိုနဲ့ဂျူးလိယက်အထိဖြစ်သွားကြတာပဲ
ဟိုနားဒီနားပျော်ပွဲစားတွေဆိုလည်းပျော်ချင်ယောင်ဆောင်ပြီးဓါတ်ပုံဝင်အရိုက်ခံလိုက်တာပဲ
ပညာပါရမီထဲကညွန့်၊ကျော်ဇင်ဦး၊နိုင်ထွေး
တရုတ်ကားပြီးချိန်လောက်ရောက်လာမယ့် ငါ့ကိုစောင့်လို့
ရွေးချယ်စရာလမ်းလည်းမရှိဘူး၊ဘယ်ဆိုင်ထိုင်ထိုင်ပလိန်းနဲ့လန်ဒန်
ယမ်ယမ်ချဉ်စပ်နဲ့နိုင်တီတူး
လူယုတ်မာလည်းမရှိဘူး၊အားလုံးကိုယ့်အကြောင်းနဲ့ကိုယ်
စင်ကြယ်ငြိမ်းပဲဖြစ်ဖြစ် အင်္ကျီဖြူပဲဖြစ်ဖြစ်ရွာထဲကဗီဒီယိုရုံကိုပြေးလို့
အချိန်စာရင်းမထွက်မချင်းတော့
ဘယ်အခြောက်ဆီမှာမှဒူးမထောက်တဲ့သူရဲကောင်းတွေ....
မေးခွန်းလွှာလည်းရောက်တဲ့နေ့တရားနဲ့ပဲဖြေရမှာပေါ့ကွာ။
အခုတော့လက်ခုပ်ပင်ကြီးလည်းအရက်နာကျကျန်ခဲ့မှာပေါ့
ငါတို့ကလည်းကျောင်းကြီးကိုမသယ်နိုင်
ကျောင်းကြီးကလည်း သူ့ကိုယ်ပေါ်က အလကားမျိုးဆက်ကိုယားလို့နဲ့တူပါရဲ့
လွင့်လာလိုက်ကြတာ၊စံပယ်တွေလည်းမဟုတ်ဘူး၊ကြယ်တွေလည်းမဟုတ်ဘူး
လူတွေလူကြီးဖြစ်လာပြီဆိုတဲ့လူငယ်တွေ
သတ်ပုတ်တဲ့ပတ်ဝန်းကျင်၊ရိုင်းတဲ့အယူအဆ
ပါးပါးလေးဆိုရင်အရည်ပျော်သွားနိုင်တဲ့ခေတ်ကြီးထဲကငါတို့သူငယ်ချင်းများ
ကိုယ့်ခြေထောက် ခြေတစ်လှမ်းလှမ်းတိုင်းကတိတစ်ခုထပ်ပျက်လို့
သတိတစ်ကြိမ်ရတိုင်း ဖုန်းနံပါတ်တစ်ခုထပ်မေ့လို့။
နိုင်ထွေးရေ(လူသက်ခိုင်ရေ......)
ဒီကဗျာကိုမင်းဖတ်နေမလား
ဇော်လင်းဦးရေ(လင်းဇော်ရဲရေ....၊မီမိုရေ..)
မင်းရော ဒီကဗျာကိုဖတ်ဖြစ်နေမလား
ကော့ဒွတ်ဖြစ်ဖြစ်၊လမိုင်းဘူတာဖြစ်ဖြစ် ဒီကဗျာကိုဖတ်နေကြမှာပဲ
ရခိုင်သူဖြစ်ဖြစ်၊ဘားအံသူဖြစ်ဖြစ် ဒီကဗျာကိုသတိရကြမှာပဲ
မော်လမြိုင်ကဖြစ်ဖြစ်၊၀ါးခယ်မကဖြစ်ဖြစ် ဒီကဗျာကိုတန်ဖိုးထားကြမှာပဲ....
တောင်ငူကဖြစ်ဖြစ်၊မောင်းမကန်ကဖြစ်ဖြစ် ငါ့ဆီအကြောင်းပြန်ပါ။ ။
နေ၀ိုင်ဝိုင်
(idea magazine,2006,Feb)
0 comments:
Post a Comment