18.01.2012 နေ့ဖတ်ရန်သတင်းများ

by Myanmar Journal on Wednesday, January 18, 2012 at 4:17am

 

 
နောက်ထပ် ပြုပြင် ပြောင်းလဲမှုတွေကို စောင့်ကြည့်အုံးမယ်လို့ McConnell ပြော
 ပြောင်းလဲမှုတွေ စစ်မှန်တယ်လို့ McConnell ပြော

မြန်မာနိုင်ငံမှာ ရောက်ရှိနေတဲ့ အမေရိကန် အထက်လွှတ်တော်အမတ် Mitch McConnell က မြန်မာနိုင်ငံမှာ ဖြစ်ပေါ်ခဲ့ တဲ့ ပြောင်းလဲမှုတွေဟာ စစ်မှန်တဲ့ ပြုပြင် ပြောင်းလဲမှုတွေ ဖြစ်တယ်လို့ ထုတ်ဖေါ် ပြောကြားလိုက်ပါတယ်။

အင်္ဂါနေ့ မနက်က နေပြည်တော်မှာ သမ္မတ ဦးသိန်းစိန်နဲ့ တွေ့ဆုံ ဆွေးနွေးအပြီး ပြုလုပ်ခဲ့တဲ့ သတင်းစာ ရှင်းလင်းပွဲမှာ မစ္စတာ မက်ကောနယ်လ် က အခုလို ထုတ်ဖေါ် ပြောခဲ့ တာ ဖြစ်ပါတယ်။
၈၈ မျိုးဆက် ကျောင်းသား ခေါင်းဆောင်တွေ၊တိုင်းရင်းသား ခေါင်းဆောင်တွေ အပါအဝင် နာမည်ကျော် နိုင်ငံရေး အကျဉ်းသား အများအပြားကို မြန်မာအစိုးရက ပြီးခဲ့တဲ့ သောကြာ နေ့က ပြန်လွှတ်ပေးလိုက်တာနဲ့ ပတ်သက်လို့ အမေရိကန် အစိုးရအနေနဲ့ အပြုသဘော တုန့်ပြန်ခဲ့တယ်လို့လည်း သူက ပြောပါတယ်။
မစ္စတာ မက်ကောနယ်လ်ဟာ မြန်မာနိုင်ငံအပေါ် အမေရိကန် အစိုးရက စီးပွားရေး ဒဏ်ခတ် ပိတ်ဆို့မှုမှာ တက်တက်ကြွကြွ ထောက်ခံ အားပေးခဲ့သူ တဦး ဖြစ်ပါတယ်။
စီးပွားရေး ဒဏ်ခတ် ပိတ်ဆို့မှု ပြန်ရုတ်သိမ်းဖို့ ကိစ္စနဲ့ ပတ်သက်လို့ မြန်မာဘက်က လုပ်တဲ့ တခြား ပြုပြင် ပြောင်းလဲမှုတွေကို ကြည့်ပြီးမှ ဒဏ်ခတ် ပိတ်ဆို့မှုတွေ ပြန်ရုတ်သိမ်းရေးကို သူ့အနေနဲ့ ထောက်ခံ ပြောဆိုသွားမယ်လို့ မစ္စတာ မက်ကောနယ်လ် က ပြောပါတယ်။
ဒါ့အပြင် စီးပွားရေး ဒဏ်ခတ် ပိတ်ဆို့မှု ပြန်ရုတ်သိမ်းရေးမှာ ဒေါ်အောင်ဆန်းစုကြည်ရဲ့ သဘောထားကိုလည်း အထူး အလေးထား ထည့်သွင်း သုံးသပ်သွားမယ်လို့လည်း သူက ပြောသွားပါတယ်။

တရုတ်မြို့ပြ လူဦးရေ က ကျေးလက် လူဦးရေ ထက်ပိုများလာ
မြို့ပြ မှာလည်း နေစရာ အခက်တွေ အများအပြားရှိ
တရုတ်အစိုးရ ရဲ့ စာရင်းအင်းဌာနက ထုတ်ပြန်တဲ့ ကိန်းဂဏန်း အရ ဆိုရင် တရုတ်နိုင်ငံ မြို့နေ လူထုဟာ သန်းပေါင်း ၆၉၀ ရှိတယ်လို့ ဆိုပါတယ်။
ဒါဟာ တရုတ်နိုင်ငံ လူဦးရေ သန်းပေါင်း ၁၃၀၀ ရဲ့ ၅၁ ရာခိုင်နှုန်း ဖြစ်ပြီး ပထမဆုံး အကြိမ် အဖြစ် မြို့နေ လူဦးရေ က ကျေးလက် လူဦးရေ ထက် ပိုများလာတဲ့ အခြေ အနေ ဖြစ်ပါတယ်။
၂၀၁၁ ခုနှစ်အတွင်းမှာတင် လူပေါင်း ၂၁ သန်းက မြို့ပြတွေဆီကို ပြောင်းရွှေ့ အခြေချလာတယ် လို့ အဲဒီ စာရင်းမှာ ဖော်ပြ ပါတယ်။
သမိုင်းတလျှောက်လုံးမှာတော့ တရုတ်နိုင်ငံ က လူအများစုဟာ စိုက်ပျိုးမွေးမြူရေး ကိုပဲ ဦးစားပေး လုပ်ကိုင်ခဲ့ကြပြီး ကျေးလက် ဒေသ တွေမှာ သာ နေထိုင် ခဲ့ကြ တာပါ။
ဒါပေမယ့် တရုတ်နိုင်ငံရဲ့ စီးပွားရေးက အလျင်အမြန် ဖွံ့ဖြိုး လာသလို တရုတ်အစိုးရ ကလည်း ပြီးခဲ့တဲ့ နှစ်အနည်းငယ်အတွင်း တိုင်းပြည်ကို ခေတ်မီအောင် လုပ်တဲ့ အစီအစဉ် အရ မြို့ပြ ဖွံ့ဖြိုးမှု ကို အားပေး လုပ်ဆောင်ခဲ့ပါတယ်။
ဒါကြောင့် ပြီးခဲ့တဲ့နှစ် အနည်းငယ် အတွင်း လယ်ယာလုပ်ငန်း၊ မွေးမြူရေးလုပ်ငန်းတွေ လုပ်ကြတဲ့ ကျေးလက်က လူတွေဟာ မြို့ပြက စက်ရုံတွေ၊ နောက်ပြီး ပင်လယ် ဆိပ်ကမ်း တလျှောက် မြို့တွေ က စက်မှုဇုံတွေမှာ အလုပ်လုပ်ကြဖို့ ပြောင်းရွှေ့ လာခဲ့ ကြပါတယ်။
ဒါပေမယ့်လည်း အစိုးရရဲ့ အပြောင်းအရွှေ့ အစီအမံက ထင်သလောက်တော့ လွယ်ကူ ချောမွေ့ ခဲ့တာ မဟုတ်ပါဘူး။
ကျေးလက် က လူတွေဟာ မြို့ပြကို ရောက်တဲ့အခါ ခွဲခြား ဆက်ဆံမှုတွေ မကြာခဏ ခံကြရလေ့ ရှိပါတယ်။
အဲဒီထဲမှာ ဆေးရုံ တို့ ကျောင်းတို့ သွားဖို့ အခက်အခဲရှိတွေ၊ တားဆီးခံရတာတွေ ရှိပါတယ်။
တချို့မြို့တွေဆိုရင်လည်း လူဦးရေသိပ်ပြီး ထူထပ်လွန်းလာလို့ ဝင်လာတဲ့ လူ အရေအတွက် ကို လျှော့ချဖို့ ကြိုးစားနေကြပါတယ်။
ဒါပေမယ့် မြို့ပြ တိုးချဲ့ တည်ဆောက်မှုတွေ ကတော့ ရပ်တန့်သွားမှာ မဟုတ်ပဲ ဆက်လက် တိုးချဲ့ နေဆဲ တိုးချဲ့ဖို့ အစီအစဉ်တွေ ရှိနေဆဲ ဖြစ်ပါတယ်။
နောက်အနှစ် ၂၀ လောက်အတွင်း ဆိုရင် မြို့နေ လူထုဟာ တနိုင်ငံလုံး လူဦးရေ ရဲ့ သုံးပုံ နှစ်ပုံလောက်ထိ တိုးလာနိုင်တာမို့ အဲဒီအတွက် မြို့ပြ စီမံကိန်းချတဲ့ သူတွေ အနေနဲ့ တိုးလာတဲ့ လူတွေရဲ့ လိုအပ်ချက်တွေကို ဖြည့်ဆည်းနိုင်ဖို့ အတော်ကြိုးစားလုပ်ဆောင်ရမယ့် အနေအထားရှိနေတယ်လို့ ပညာရှင်တွေက ခန့်မှန်း သုံးသပ် နေကြ ပါတယ်။

မြန်မာမှာ ရင်းနှီး ဖို့ စောင့်ကြည့် နေကြ
မြန်မာ နိုင်ငံမှာ ဖြစ်ပေါ် တိုးတက် နေတဲ့ နိုင်ငံရေး အခင်း အကျင်း အရ မကြာခင်မှာ ဒဏ်ခတ် ပိတ်ဆို့ ထားမှု တွေကို လျှော့ပေါ့ ပေးလိမ့်မယ် ဆိုတဲ့ မျှော်လင့်ချက်တွေ ရှိ နေကြချိန်မှာပဲ လာရောက် ရင်းနှီး မြှပ်နှံမှု တွေ ပြုလုပ်ဖို့ ပြည်ပ နိုင်ငံ တွေက စိတ်ဝင်စား နေကြတာ တွေ့ရ ပါတယ်။
တရုတ် နိုင်ငံမှာ လုပ်အားခ တွေ ဈေးတက် လာလို့ ဈေးပေါတဲ့ နေရာ တွေကို ရှာနေကြ
အရှေ့တောင် အာရှ ဒေသ နိုင်ငံတွေ ဘက်က မြန်မာ နိုင်ငံကို လာရောက် ရင်းနှီး မြှုပ်နှံဖို့ အသင့် ဖြစ်နေပေမဲ့ အနောက် နိုင်ငံတွေ ကတော့ စောင့်ကြည့် နေကြတုန်းပဲလို့ ဟောင်ကောင်မှာ အခြေ စိုက်ပြီး စီးပွားရေး ကုမ္ပဏီ များကို ရင်းနှီး မြှုပ်နှံမှု ဆိုင်ရာ အကြံပေး နေသူ ဦးသူရကို က ပြောပါတယ်။
ပိတ်ဆို့ အရေး ယူမှုတွေ မတိုင်ခင်က မြန်မာ နိုင်ငံမှာ အောင်မြင်တဲ့ ကုန်ထုတ် လုပ်ငန်း အခြေခံတွေ ရှိခဲ့ပြီး ဖြစ်လို့ အဲဒီ ကဏ္ဍမှာ ပြည်ပက လာရောက် ရင်းနှီး မြှုပ်နှံဖို့ စိတ်ဝင်စား နေကြတယ်လို့ ဦးသူရကိုက ပြောပါတယ်။
တရုတ်နဲ့ ဗီယက်နမ် တို့လို နိုင်ငံတွေမှာ လုပ်ခ တွေဈေးတက်လာတဲ့ အတွက် လူသား ရင်းမြစ် ပေါများတဲ့ မြန်မာ နိုင်ငံ ဘက်ကို လာရောက် လုပ်ငန်း လုပ်ကိုင် ကြဖို့ မျှော်လင့် နေကြတာ ဖြစ်ပါတယ်။
ဒါပေမဲ့ ပိတ်ဆို့ အရေးယူ ထားမှုတွေကို လျှော့ပေါ့ ပေးလိုက် ရင်တောင် အနောက် နိုင်ငံတွေ ဘက်က ချက်ချင်း လက်ငင်း ရင်းနှီး မြှုပ်နှံမှုတွေ ဝင်လာဖို့ ကတော့ သိပ်မလွယ်ဘူးလို့ ဦးသူရက သုံးသပ် ပါတယ်။
ပြည်ပ ရင်းနှီး မြှုပ်နှံ လိုသူတွေမှာ စိုးရိမ် နေကြတဲ့ အချက်တွေ ရှိနေပြီး ပြည်ပ ရင်းနှီးမှုတွေ လာရောက် စေချင်ရင် မြန်မာ နိုင်ငံ ဘက်ကလည်း လုပ်ဆောင်ရမယ့် အချက်တွေ ရှိနေတယ်လို့ သူက ဆိုပါတယ်။
မြန်မာ နိုင်ငံရဲ့ ဘဏ္ဍာရေး စနစ် ခိုင်မာလာပြီး တရားဥပဒေ စိုးမိုးမှု ရှိရေး၊ ဘဏ်တွေအပေါ် လူတွေ ယုံကြည်မှု ရှိလာအောင် ပြုလုပ်ရေး၊ တရားဥပဒေ စိုးမိုးမှု ရှိရေး၊ အခွန် စနစ် တိကျမှု ရှိရေးနဲ့ သွင်းကုန် ထုတ်ကုန် ဆိုင်ရာ စည်းကမ်းတွေ သေသေ ချာချာ ချမှတ်ရေးတို့ လုပ်ဆောင် ရလိမ့်မယ်လို့ ဦးသူရကိုက ပြောပါတယ်။

ငွေလဲနှုန်း တသမတ်တည်း ဖြစ်ရေး ဆွေးနွေးပြောဆို
 အခုနှစ်အတွင်း ကျပ်ငွေနဲ့ နိုင်ငံခြားငွေ လဲလှယ်နှုန်း တသမတ်တည်း သတ်မှတ်နိုင်ဖို့ မျှော်လင့်နေကြ
မြန်မာနိုင်ငံမှာ မြန်မာကျပ်ငွေနဲ့ နိုင်ငံခြား ငွေ လဲလှယ်မှုနှုန်း တသမတ်တည်း သတ်မှတ် ထားရှိရေး အတွက် ကမ္ဘာ့ဘဏ်၊ ADB အာရှ ဖွံ့ဖြိုးရေးဘဏ်နဲ့ IMF နိုင်ငံတကာ ငွေကြေး ရံပုံငွေ အဖွဲ့က တာဝန်ရှိ ပုဂ္ဂိုလ်တွေ မြန်မာနိုင်ငံမှာ ရောက်ရှိနေပြီး ဒီကနေ့ အင်္ဂါနေ့မှာ မြန်မာ စီးပွားရေး လုပ်ငန်းရှင်တွေနဲ့ တွေ့ဆုံ ဆွေးနွေးခဲ့ပါတယ်။
ငွေလဲလှယ်နှုန်း တသမတ်တည်း ထားရှိနိုင်ရေး အတွက် ကုန်သွယ်ဘက် နိုင်ငံတွေနဲ့ လဲလှယ်နှုန်းတွေကို ချိန်ထိုး ကြည့်ရမှာ ဖြစ်တယ်လို့ အဲဒီ ဆွေးနွေးပွဲ တက်ရောက်ခဲ့တဲ့ ကမ္ဘောဇဘဏ် ဒုတိယ ဥက္ကဌ ဦးသန်းလွင်က ဘီဘီစီကို ပြောပါတယ်။
ငွေကြေး ဈေးကွက်မှာ ဗဟိုဘဏ်က ဝင်ရောက် စွက်ဖက်နိုင်မယ့် ဥပဒေ ပြင်ဆင်ဖို့လည်း လိုအပ်တယ်လို့ ဆိုပါတယ်။
မြန်မာနိုင်ငံအပေါ် စီးပွားရေးအရ ဒဏ်ခတ်ပိတ်ဆို့ထားမှုတွေ လုံးလုံး မလွတ်သေးတာ ကြောင့် လောလောဆယ်မှာ ဒီအဖွဲ့အစည်းတွေအနေနဲ့ မြန်မာနိုင်ငံအပေါ် နည်းပညာ အရသာ အကူအညီ ပေးမှာ ဖြစ်ကြောင်း၊ ဒဏ်ခတ် ပိတ်ဆို့ထားမှုတွေ လွတ်သွားရင်တော့ ငွေကြေးအကူအညီ ပေးတာတွေ လုပ်နိုင်တော့မှာ ဖြစ်ကြောင်း ဦးသန်းလွင်က ပြောပါတယ်။
အခုနှစ်အတွင်းမှာ မြန်မာကျပ်ငွေနဲ့ နိုင်ငံခြားငွေ လဲလှယ်မှုနှုန်း တသမတ်တည်း သတ်မှတ် ထားရှိနိုင်ဖို့ မျှော်လင့်နေတယ်လို့လည်း ဆိုပါတယ်။

စစ်အာဏာ မသိမ်းတော့ဘူးလို့ သူရရွှေမန်းပြော
ဒီမိုကရေစီကလွဲလို့ တခြားကျင့်သုံးစရာ စနစ် မရှိဘူးလို့ သူရဦးရွှေမန်းပြော
ပြည်သူ့လွှတ်တော် ဥက္ကဋ္ဌ သူရ ဦးရွှေမန်းက သူ့အမြင်အတွေ့အကြုံအရ မြန်မာနိုင်ငံမှာ နောက်ထပ် စစ်အာဏာသိမ်းတာ မဖြစ်နိုင် တော့ဘူးလို့ ထုတ်ဖေါ် ပြောကြားလိုက် ပါတယ်။
AFP ပြင်သစ်သတင်းဌာနနဲ့ တနင်္လာနေ့က တွေ့ဆုံမေးမြန်းခန်းမှာ သူရ ဦးရွှေမန်းက အခုလို ပြောကြားခဲ့တာပါ။
ဒီမိုကရေစီစနစ် ပြောင်းလာဖို့ ဘယ်လောက် ကြာမယ် မပြောနိုင်ပေမယ့် အစားထိုး ကျင့်သုံးစရာ တခြားစနစ် မရှိဘူးလို့ ဦးရွှေမန်းက ပြောပါတယ်။
စစ်အာဏာရှင်စနစ်ကို အသက်ပေး ဆန့်ကျင်မယ့် နိုင်ငံရေး လှုပ်ရှားသူတွေ အများအပြား ပြန်လွှတ်ပေးခဲ့တာကို ကြည့်ခြင်းအားဖြင့် မြန်မာနိုင်ငံမှာ စစ်အာဏာ ထပ်သိမ်းမယ့် အခြေအနေမျိုး မရှိဘူးလို့ ယူဆကြောင်း အကျဉ်းထောင်ကနေ မကြာသေးခင်က ပြန်လွတ်လာတဲ့ ဗိုလ်ကြီးဟောင်း နေမျိုးဇင်ကလည်း သုံးသပ် ပြောဆိုခဲ့ပြီး သူရ ဦးရွှေမန်းရဲ့ စကားကို ထောက်ခံသွားခဲ့ပါတယ်။
အခြေခံဥပဒေ ရေးဆွဲစဉ်က ကိုယ်ကျိုးစီးပွားနဲ့ လုံခြုံမှုအတွက်ထည့်သွင်းရေးဆွဲခဲ့ပေမယ့် အခြေခံ ဥပဒေကို ပြန်ပြင်နိုင်စွမ်း ရှိတယ်လို့ လည်း သူကယူဆပါတယ်။
ပွင့်လင်းလာတဲ့ မီဒီယာနဲ့ ခေတ်အနေအထားအရ တပ်မတော်ထဲမှာ ခေတ်ဟောင်း၊ စနစ်ဟောင်းကို လိုလားသူ နည်းလာတာမို့ ထပ်အာဏာသိမ်းဖို့ အခြေအနေ နည်းကြောင်း၊ ဒါပေမယ့်လည်း လုံခြုံရေး အကြောင်းပြပီး အကျိုးစီးပွား ရှာမှာမျိုး မဖြစ်ရအောင် ပြည်သူလူထုက ကာကွယ်သွားဖို့ လိုတယ်လို့ ကိုနေမျိုးဇင်က သတိပေး ပြောဆိုခဲ့ပါတယ်။
ဒီမိုကရေစီ ပြောင်းလဲရေးကို လက်မခံနိုင်တဲ့ စစ်တပ်တွင်းက အင်အားစုတချို့ အာဏာ ပြန်သိမ်းတာမျိုး ဖြစ်မလာဖို့ မျှော်လင့်တယ်လို့ မကြာသေးခင်ကပဲ ပြင်သစ် နိုင်ငံခြားရေး ဝန်ကြီးနဲ့ တွေ့ဆုံစဉ်မှာ ဒေါ်အောင်ဆန်းစုကြည်က ပြောကြားခဲ့ပါတယ်။

အီတလီဇိမ်ခံသင်္ဘောနစ်မြုပ်မှု ကယ်ဆယ်ရေးလုပ်ငန်းဆက်လက်လုပ်ဆောင်နေဆဲ
By ဗွီအိုအေ (မြန်မာဌာန)
အီတလီနိုင်ငံမြောက်ပိုင်းမှာပြီးခဲ့တဲ့သောကြာနေ့က တိမ်းမှောက်နစ်မြုပ်သွားခဲ့တဲ့ ဇိမ်ခံ သင်္ဘောကြီးထဲမှာ အသက်ရှင်ကျန် နေသူတွေရှိနေဦးမလားဆိုပြီး ကယ်ဆယ်ရေးအဖွဲ့တွေက ရှာဖွေနေကြတုန်းပါ။
ကျွန်းတခုနားကကျောက်ဆောင်တွေကို တိုက်မိပြီး သင်္ဘောကတိမ်းမှောက်နစ်မြုပ်ခဲ့တာပါ။ ဒီအဖြစ်အပျက်ကြောင့်လူ ၆ ဦးသေဆုံးပြီး ၂၉ ဦးပျောက်ဆုံးနေပါတယ်။ ပင်လယ်ရေကလည်း တက်လာတော့ သင်္ဘောထဲက လောင်စာဆီတွေ ယိုဖိတ်မှာကိုလည်း စိုးရိမ်လာရပါတယ်။
လောင်စာဆီတွေမယိုဖိတ်နိုင်အောင်ဖေါက်ခွဲတဲ့ဗုံးတွေကိုလည်း သင်္ဘောပျက်တဝိုက်မှာ ချထားပါတယ်။ သင်္ဘောထဲက လောင်စာဆီတွေကို ဖယ်ထုတ်ဖို့လုပ်ငန်းတွေက သတင်းပတ်တွေနဲ့ ချီပြီး ကြာလိမ့်မယ်လို့ ဒီလုပ်ငန်းကို ကျွမ်းကျင်တဲ့ ဒတ်ခ်ျ ကုမ္ပဏီတခုက ပြောပါတယ်။ သင်္ဘောထဲမှာ လောင်စာဆီတွေက ဂါလံ ၅၃၀,၀၀၀ လောက် ရှိနေတာပါ။
ကိုစတာ ကွန် ကိုးရီးယားသင်္ဘော အခုလို တိမ်းမှောက်ရတာဟာ သင်္ဘောမာလိန်မှူးရဲ့ မှားယွင်းမှု ကြောင့် သင်္ဘောပိုင်ရှင်နဲ့ သင်္ဘောလိုင်းကလူတွေက အပစ်တင်နေကြပါတယ်။ အခု အဲဒီသင်္ဘောရဲ့ မာလိမ်မှူးကို ဖမ်းဆီးထားပါတယ်။ ခရီးသည်တွေအားလုံးကို မကယ်တင်ရသေးခင်မှာ သင်္ဘောကို စွန့်ခွာထွက်ပြေးမှုအပါအဝင် အရေးယူမှုတွေကို ရင်ဆိုင်နေရပါတယ်။
တရားရုံးရှေ့နေတွေပြောကြတာကတော့ မာလိန်မှူးဟာသင်္ဘောကို ကျွန်းရဲ့ကမ်းခြေနား ကပ်လွန်းတဲ့ အထိ မောင်းနှင်ခဲ့တယ်လို့ ဆိုပါတယ်။ တိမ်းမှောက်နစ်မြုပ်ခဲ့တဲ့ ဇိမ်ခံသင်္ဘောကြီးမှာ ခရီးသည်ပေါင်း ၄,၀၀၀ ကျော် ပါပါတယ်။ တိမ်းမှောက် နစ်မြုပ်တဲ့အချိန်ဟာ သိပ်ပြီးတော့ တုန်လှုပ်ခြောက်ခြားဖို့ ကောင်းတဲ့အကြောင်း လွတ်မြောက်လာသူတွေက ရှင်းပြကြပါတယ်။
တချို့လူတွေက ရေခဲရေလိုအေးနေတဲ့ပင်လယ်ပြင်ထဲကို သင်္ဘောပေါ်ကနေခုန်ချပြီး ကမ်းခြေအထိရောက်အောင် ရေကူးပြေးခဲ့ကြရတဲ့အကြောင်း အဲဒီအချိန်မှာ ဘယ်အဖွဲ့အစည်းကမှ ကူညီကယ် တင်မှုတွေမရှိဘူးလို့လည်း ဆိုပါတယ်။

တောင်တရုတ်ပင်လယ်အငြင်းပွားမှု ထိပ်တိုက်ရင်ဆိုင်မှုမဖြစ်နိုင်
By ဗွီအိုအေ (မြန်မာဌာန)
ပစိဖိတ်ဒေသအတွင်း တရုတ်နိုင်ငံနဲ့ ပင်လယ်ပိုက်နက်အငြင်းပွားနေကြတဲ့ အမေရိကန်ရဲ့မဟာမိတ်နိုင်ငံတွေကို ဆက်လက်ပြီးတော့ ပံ့ပိုးသွားမှာဖြစ်တယ်လို့ ထိပ်တန်း အမေရိကန်အထက်လွှတ်တော်အမတ်တွေက ပြောဆိုလိုက်ပါတယ်။
အထက်လွှတ်တော်အမတ် ဂျွန်မက်ကိန်း (John McCain)နဲ့ ဂျိုးဇက်လီဘာမင် (Joseph Lieberman )တို့ဟာ ဖိလစ်ပိုင်နိုင်ငံ၊ မနီလာမြို့ကို ၃ ရက်ကြာခရီးရောက်ရှိနေစဉ် ဒီကနေ့မှာ အခုလို မှတ်ချက်ပြုလိုက်ကြတာပါ။ ဂျွန်မက်ကိန်းနဲ့ လီဘာမဲန်တို့အပါအဝင် အထက်လွှတ်တော် အမတ် ၄ ဦးဟာ ပင်လယ်ရေကြောင်း လုံခြုံရေးနဲ့ပတ်သက်ပြီး ဖိလစ်ပိုင်တာဝန်ရှိသူတွေနဲ့ ဆွေးနွေးနေကြတာဖြစ်ပါတယ်။
အမေရိကန်ပြည်ထောင်စုအနေနဲ့ တရုတ်နိုင်ငံနဲ့ ဘယ်လို ထိပ်တိုက်ရင်ဆိုင်မှုမျိုးကိုမှ မလိုလားကြောင်း ဂျွန်မက်ကိန်းက ပြောပေမယ့်လို့ အထူးသဖြင့် ဖိလစ်ပိုင်အနောက်ဘက် ပင်လယ်တွင်း တောင်တရုတ်ပင်လယ်တွင်းက မဟာမိတ်တွေနဲ့ဆက်ဆံရေးခိုင်မာကြောင်း အာမခံပေးဖို့က အရေးကြီးတယ်လို့ ဆိုပါတယ်။
အမေရိကန်ပြည်ထောင်စုအနေနဲ့ ဖိလစ်ပိုင်အပါအဝင် အာဆီယံနိုင်ငံတွေရဲ့ လွတ်လပ်စွာ ရေကြောင်းသွားလာခွင့်အခြေခံမူကို အကာအကွယ်ပေးဖို့ လိုအပ်တယ်လို့လည်း ပြောပါတယ်။
အထက်လွှတ်တော်အမတ် ဂျိုး လီဘာမဲန်ကတော့ အငြင်းပွားနေတဲ့ရေကြောင်းလမ်းဟာ ဒေသတွင်းအတွက်သာမကဘဲ ကမ္ဘာ့စီးပွားရေးအတွက်ပါ အချက်အခြာကျတယ်လို့ ပြောဆိုလိုက်ပါတယ်ရှင်။

အမေရိကန်ဒဏ်ခတ်မှုရုပ်သိမ်းရေး ဒေါ်စုအမြင် အရေးပါ
By ကိုသားညွန့်ဦး

အမေရိကန်ပြည်ထောင်စုအနေနဲ့ မြန်မာနိုင်ငံအပေါ် အရေးယူဒဏ်ခတ်မှုတွေရုပ်သိမ်းဖို့ ဆုံးဖြတ်တဲ့နေရာမှာ ဒေါ်အောင်ဆန်းစုကြည်ရဲ့အမြင်အယူအဆကို အဓိကအလေးပေး စဉ်းစားမှာဖြစ်တယ်လို့ မြန်မာနိုင်ငံ၊ နေပြည်တော်ကိုရောက်နေတဲ့ အမေရိကန်အထက်လွှတ်တော်အမတ် မစ် မက်ကောနယ်က ပြောလိုက်ပါတယ်။ မြန်မာနိုင်ငံမှာ သူမြင်တွေ့ရတဲ့ အပြောင်းအလဲတွေဟာ စစ်မှန်မှုရှိတယ်လို့လည်း မစ္စတာမက်ကောနယ်က ဒီနေ့ နေပြည်တော်သတင်းစာရှင်းလင်းပွဲမှာ ပြောဆိုပါတယ်။ အကြောင်းစုံကို ကိုသားညွန့်ဦးက ပြောပါလိမ့်မယ်။
အမေရိကန်အထက်လွှတ်တော်ရဲ့ ရီပတ်ဘလီကင်ခေါင်းဆောင် အထက်လွှတ်တော်အမတ် Mitch Mcconnell ရဲ့ ဒီနေ့ နေပြည်တော်သတင်းစာရှင်းလင်းပွဲမှာတော့ သတင်းထောက်တွေက အမေရိကန်ပြည်ထောင်စုရဲ့ အရေးယူဒဏ်ခတ်မှုရုပ်သိမ်း မသိမ်း အခြေအနေတွေကို အဓိကထား မေးမြန်းကြပါတယ်။ အခုလို ဒဏ်ခတ်မှုတွေ ရုပ်သိမ်းဖို့ကိစ္စမှာ သူအပါအဝင် အမေရိကန်အစိုးရ အနေနဲ့ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ရဲ့ အမြင်ကို အဓိကထား စဉ်းစားမှာ ဖြစ်တယ်လို့ မစ္စတာ မက်ကောနယ်က ပြောသွားပါတယ်။
“အမေရိကန်ပြည်ထောင်စုအနေနဲ့ မြန်မာပြည်အပေါ် အရေးယူဒဏ်ခတ်မှုရုပ်သိမ်းဖို့ ဆုံးဖြတ်တဲ့ နေရာမှာ  အခုလက်ရှိ ပြုပြင်ပြောင်းလဲမှုတွေအပေါ် ဒေါ်အောင်ဆန်းစုကြည်အနေနဲ့ ဘယ်လို ထင်မြင်ယူဆသလဲဆိုတာက အတော်လေး သြဇာလွှမ်းမိုးမှုရှိပါလိမ့်မယ်” 
လက်ရှိ မြန်မာနိုင်ငံတွင်း ပြုပြင်ပြောင်းလဲမှုတွေကို ကြည့်ရင် စစ်မှန်တဲ့ဆောင်ရွက်မှုတွေလို့ မြင်တဲ့အကြောင်း အမေရိကန်အထက်လွှတ်တော်အမတ် မစ် မက်ကောနယ်က ပြောပါတယ်။ ဒီထက်လည်း ပိုပြီးအရှိန်အဟုန် ကောင်းကောင်းနဲ့ ဆောင်ရွက်ဖို့ တိုက်တွန်းပါတယ်။ အခုလက်ရှိ ကချင် ကရင် တိုင်းရင်းသားလက်နက်ကိုင်တွေနဲ့ တွေ့ဆုံညှိနှိုင်းမှုတွေကို ထောက်ပြပြီး ဒဏ်ခတ်မှု ပြန်လည်ရုပ်သိမ်းရေး ဆုံးဖြတ်ရာမှာ ဒီတိုင်းရင်းသားတွေနဲ့ ဆက်ဆံရေးပိုင်းကိုလည်း ထည့်သွင်း စဉ်းစားမှာဖြစ်တယ်လို့ မစ္စတာ မက်ကောနယ်က ပြောပါတယ်။
“တိုင်းရင်းသားအင်အားစုအားလုံးနဲ့ ဆက်ဆံရေးပိုင်းမှာ နောက်ထပ်တိုးတက်ဖြစ်ထွန်းမှုတွေကို ကျနော်တို့ စောင့်ကြည့်အကဲခတ်သွားပါမယ်။ ဒါဟာ အရေးယူဒဏ်ခတ်မှုရုပ်သိမ်းဖို့ စဉ်းစားချက်ထဲမှာ ထည့်သွင်းစဉ်းစားမှာဖြစ်ပါတယ်” 
မစ္စတာမက်ကောနယ်ဟာ ဒီကနေ့ မနက်ပိုင်းမှာပဲ နေပြည်တော်မှာ နိုင်ငံတော်သမ္မတဦးသိန်းစိန် ဦးဆောင်တဲ့ အစိုးရအဖွဲ့တွေနဲ့ တွေ့ဆုံခဲ့တာပါ။ အစိုးရသစ်ရဲ့ လက်ရှိ အပြောင်းအလဲတွေ ဖော်ဆောင်တဲ့နေရာမှာ လူအပြောင်းအလဲထက် မူဝါဒ အပြောင်းအလဲဟာ အရေးကြီးတယ်လို့ မစ္စတာမက်ကောနယ်က မြင်ပါတယ်။
“တကယ်အရေးကြီးတာက လူပုဂ္ဂိုလ်ကိစ္စမဟုတ်ပါဘူး၊ မူဝါဒ ဘယ်လို ချမှတ်ကျင့်သုံးတယ်ဆိုတာပါ။ ဒီလူတွေနဲ့ မတူတော့တဲ့ မူဝါဒတွေကို ပြောင်းလဲကျင့်သုံးနိုင်ပါတယ်။ အခု အစိုးရသစ်ထဲမှာ ဒီလူဟောင်းတွေပဲ ပြန်ပါလာတာဖြစ်ဖြစ်၊ အစိုးရဟောင်းပဲဖြစ်ဖြစ် အဓိကအချက်ကတော့ မူဝါဒ ပြောင်းလဲဖို့ပါပဲ” 
သူ့အနေနဲ့ အမေရိကန်ပြည်ထောင်စုကို ပြန်ရောက်ရှိတဲ့ အခါမှာ အခြား အမေရိကန်လွှတ်တော် အမတ်တွေကို မြန်မာနိုင်ငံရဲ့ လက်ရှိ ပွင့်လင်းမြင်သာတဲ့ ပြုပြင်ပြောင်းလဲမှုအခြေအနေတွေကို ဆွေးနွေး ပြောဆိုသွားမယ်လို့လည်း ဆိုပါတယ်။
မစ္စတာမက်ကောနယ်ဟာ မနေ့တုန်းက မြန်မာ့ဒီမိုကရေစီဒေါ်အောင်ဆန်းစုကြည်နဲ့ ရန်ကုန်မှာ တွေ့ဆုံခဲ့ပါတယ်။ မြန်မာနိုင်ငံအပြောင်းအလဲဟာ လမ်းမှန်ပေါ် ဦးတည်နေပြီလို့ ဒေါ်အောင်ဆန်းစုကြည်နဲ့ တွေ့ဆုံအပြီး ပြောခဲ့ပါတယ်။ ဒါပေမယ့် ပိတ်ဆို့မှုတွေ ရုပ်သိမ်းရေးဟာ မြန်မာအစိုးရဖက်က လုပ်ရပ် တချက်ချင်းအပေါ်မှာ တည်လိမ့်မယ်လို့လည်း ပြောခဲ့ပါတယ်။
အထက်လွှတ်တော်အမတ် Mitch Mcconnell ဟာ အမေရိကန်အထက်လွှတ်တော်မှာ ရီပတ်ဘလီကဲန်ပါတီရဲ့ ခေါင်းဆောင်တဦးဖြစ်သလို မြန်မာဒီမိုကရေစီရေးအတွက် တက်တက်ကြွကြွ အမြဲတမ်းဆောင်ရွက်နေတဲ့ လွှတ်တော်အမတ်တဦးလည်းဖြစ်ပါတယ်။
၂ဝဝ၃ ခုနှစ်ကတည်းကလည်း နှစ်စဉ်လိုလို မြန်မာနိုင်ငံနဲ့ပတ်သက်လို့ အမေရိကန်ပြည်ထောင်စုရဲ့ အရေးယူဒဏ်ခတ်မှုတွေကို သက်တမ်းတိုးဖို့ ဦးဆောင် ထောက်ခံ တင်ပြခဲ့သူဖြစ်ပါတယ်။ အမေရိကန်ပြည်ထောင်စုရဲ့ အရေးယူဒဏ်ခတ်မှုတွေကို ရုပ်သိမ်းဖို့ဆို လွှတ်တော်နှစ်ရပ်ကနေ ပြန်လည်ဆုံးဖြတ်ရမှာဖြစ်တာမို့ အခု အထက်လွှတ်တော်အမတ် Mitch Mcconnell ရဲ့ သဘောထားဟာ မြန်မာအပေါ် အမေရိကန်ဒဏ်ခတ်မှုတွေ ရုပ်သိမ်းဖို့ အရေးပါမှုရှိတယ်လို့ ပြောရမှာပါ။ မစ္စတာမက်ကောနယ်ဟာ အခု ဗုဒ္ဒဟူးနေ့မှာတော့ မြန်မာနိုင်ငံကနေ ပြန်လည်ထွက်ခွာမှာဖြစ်ပါတယ်။

လွှတ်တော်အမတ်တွေကို ဝေဖန်ပိုင်ခွင့်ရှိသင့်
By မစုမြတ်မွန်
လွှတ်တော်ကိုယ်စားလှယ်တွေကို ကိုယ်ဖြစ်စေချင်တဲ့ပုံစံဖြစ်အောင် ထိန်းကျောင်းပေးဖို့က ပြည်သူတွေရဲ့တာဝန်ဖြစ်တယ်လို့ ဒီကနေ့ ဒေါ်အောင်ဆန်းစုကြည်က ပြောလိုက်ပါတယ်။ ကိုယ်ကမဲပေးထားမှ ဒီကိုယ်စားလှယ်ကို ဝေဖန်ပိုင်ခွင့်ရှိမယ်လို့လည်း ရန်ကုန်တိုင်း မင်္ဂလာတောင်ညွန့်မြို့နယ် NLD ရုံးဖွင့်ပွဲမှာ ဒေါ်အောင်ဆန်းစုကြည်က ပြောခဲ့တာဖြစ်ပါတယ်။ ဒီအကြောင်း အပြည့်အစုံကို ဘန်ကောက်ရုံးက မစုမြတ်မွန်က ဆက်ပြောပြပါမယ်။
ဧပြီလ ၁ ရက်နေ့မှာ ကျင်းပမဲ့ ကြားဖြတ်ရွေးကောက်ပွဲအတွက် ကိုယ်စားလှယ် လစ်လပ်နေတဲ့ထဲမှာ တနေရာပါဝင်တဲ့ မင်္ဂလာတောင်ညွန့်မြို့နယ်၊ ပါတီရုံးခန်းကို ဒီကနေ့ ပြန်လည်ဖွင့်လှစ်ခဲ့တာ ဖြစ်ပါတယ်။ လစ်လပ်နေရာ ၄၈ နေရာလုံးမှာ ပါဝင်အရွေးခံဖို့ ပြင်ဆင်နေတဲ့ NLD ပါတီက ကိုယ်စားလှယ်လောင်းတွေကို ရွေးချယ်တာနဲ့ ပတ်သက်လို့ကို ဖွင့်ပွဲ မိန့်ခွန်းတွေမှာ ခေါင်းဆောင်တွေ ဖြစ်ကြတဲ့ ဦးတင်ဦးရော ဒေါ်အောင်ဆန်းစုကြည်ပါ အသားပေးပြောသွားကြပါတယ်။
သမိုင်းစာမျက်နှာသစ်ဖွင့်နေတဲ့ NLD က ပြည်သူအားလုံးရဲ့ ကျန်းမာရေး၊ ပညာရေး၊ လူမှုရေး စီးပွားရေး ကိစ္စတွေလုပ်တဲ့နေရာမှာ ဒေါ်အောင်ဆန်းစုကြည်ကို ပညာပိုင်း၊ အတွေ့အကြုံပိုင်း အနီးကပ်ကူညီနိုင်မယ့် အမျိုးသမီး၊ လူငယ် တိုင်းရင်းသားတွေကို အဓိကထား ရွေးချယ်နေတာ ဖြစ်တယ်လို့ ဦးတင်ဦးက ပြောခဲ့ပါတယ်။
ဒေါ်အောင်ဆန်းစုကြည်ကလည်း ရုန်းကန်နေကြရတဲ့ ပြည်သူတွေရဲ့ ဒုက္ခကို နည်းအောင်လုပ်နိုင်မဲ့ သူကို ရွေးမယ်လို့ ခုလို ပြောပါတယ်။
“ကျမတို့ရဲ့ပြည်သူအများစုဟာ ဆင်းရဲတဲ့အမှုနဲ့ ရုန်းကန်နေရတယ်ဆိုတာကို ကျမတို့ နားလည်ပါတယ်။ ဒီလိုရုန်းကန်နေတဲ့နေရာမှာ ပြည်သူတွေရဲ့ စိတ်ဆန္ဒတွေကို နားလည်စာနာပြီးတော့ ပြည်သူတွေရဲ့ဒုက္ခတွေကို တတ်နိုင်သလောက် ကျဆင်းသွားအောင်လို့ လုပ်ပေးနိုင်မယ့် ကိုယ်စားလှယ်တွေ ကျမတို့ရွေးမှာပါ”
ရွေးကောက်ပွဲအတွက် မင်္ဂလာတောင်ညွန့်မြို့နယ်က အရွေးခံဖို့အတွက် HIV AIDS ဝေဒနာရှင်တွေကို ဦးဆောင် ပြုစုစောင့်ရှောက်ပေးနေတဲ့ NLD ပါတီဝင် မဖြူဖြူသင်းကို ဘာကြောင့် ရွေးရသလဲ ဆိုတာကိုလည်း ဒေါ်အောင်ဆန်းစုကြည်က ရှင်းပြသွားပါတယ်။ ပြည်သူ့ကိုယ်စားပြု ကိုယ်စားလှယ်တွေအနေနဲ့ ကိုယ်ဖြစ်စေချင်တဲ့ ပုံစံဖြစ်လာအောင်က ပြည်သူတွေမှာပဲ တာဝန်ရှိတယ်ဆိုတာကိုလဲ သူက မိန့်ခွန်းထဲမှာ အဓိက ပြောပြခဲ့ပါတယ်။
“ကိုယ်ဖြစ်စေချင်တဲ့ကိုယ်စားလှယ်မျိုးဖြစ်အောင် ပြည်သူတွေကလည်း ဝိုင်းပြီးတော့လုပ်ပေးရမယ်။ ကိုယ်လိုချင်တဲ့ပုံစံဖြစ်အောင်လို့ ပြည်သူတွေကလည်း ဝိုင်းပြီးတော့ ထိန်းသွားရမယ်။ ဒါ- ဒီမိုကရေစီရဲ့ အရေးအကြီးဆုံးအချက်တခုပဲ။ ဘာဖြစ်လို့ ကျမတို့ ဒီမိုကရေစီ၊ ဒီမိုကရေစီလို့ ပြောနေသလဲ- ဘာဖြစ်လို့လဲဆိုတော့ နောက်ဆုံးတော့ ကိုယ့်ကံကြမ္မာ၊ ကိုယ့်တိုင်းပြည်ရဲ့ကံကြမ္မာကို ဆုံးဖြတ်ဖို့ဟာပြည်သူတွေရဲ့လက်ထဲမှာပဲ ရှိနေတယ်။ အဲဒါကြောင့်မို့လို့ ကျမတို့က ဒီမိုကရေစီစနစ်ကို လိုလားတာပါ”
မဲဆန္ဒပေးတယ်ဆိုတာဟာ ပြည်သူတွေရဲ့ တာဝန်တခု ဖြစ်တာမို့ မဲစာရင်းထဲမှာ ကိုယ့်နာမည် ပါ မပါ သိအောင်လုပ်ဖို့ အရေးကြီးပါတယ်လို့လည်း ဒေါ်အောင်ဆန်းစုကြည်က ပြောပါတယ်။ လူတိုင်းမှာ မဲပေးပိုင်ခွင့်ရှိတာမှန်ပေမယ့် မဲပေးနိုင်အောင် ကိုယ်တိုင်လုပ်စရာတွေ လိုတဲ့အတွက် ဒီကိစ္စတွေကို NLD က အသိပညာပေးတာတွေ လုပ်ဖို့လည်း ရှိပါတယ်လို့ ဆိုပါတယ်။ ပြည်သူတွေဘာကြောင့် မဲပေးသင့်တယ်ဆိုတာနဲ့ ပတ်သက်လို့လည်း-
“ကိုယ်မဲထည့်ပေးလိုက်တဲ့ကိုယ်စားလှယ်က သူ့တာဝန် ကျေပွန်လား၊ မကျေပွန်လားဆိုတာကို ကိုယ်ကနေစပြီးတော့ ဝေဖန်ပိုင်ခွင့်ရှိသွားတယ်။ ကိုယ်ကလည်း မဲမထည့်ဘူး၊ ဂရုမစိုက်ဘူး၊ ငါနဲ့မဆိုင်ဘူး-ဒီရွေးကောက်ပွဲဆိုပြီးတော့- နောက်တော့မှ ဒီကိုယ်စားလှယ်ဘာမှမလုပ်ဘူးလို့ ပြောလို့ရှိရင်တော့ ဒါဟာ တာဝန်မဲ့တဲ့စိတ်ထားမျိုးဖြစ်ရာကျတယ်”
ရန်ကုန်တိုင်း မင်္ဂလာတောင်ညွန့်မြို့နယ် NLD ရုံး ဖွင့်ပွဲမှာ ဒေါ်အောင်ဆန်းစုကြည် ဒီကနေ့ ပြောကြားသွားတာဖြစ်ပါတယ်။ ဒီရုံးဟာ ပြည်ထောင်စု ရွေးကောက်ပွဲမှာ ပြန်လည် မှတ်ပုံတင်ခဲ့ပြီးနောက် NLD ပါတီက ရန်ကုန်မှာ ဒုတိယမြောက် ဖွင့်တဲ့ ရုံးဖြစ်ပါတယ်။ ပြီးခဲ့တဲ့ သီတင်းပတ်တုန်းကလည်း ဗဟန်းမြို့နယ် စည်းရုံးရေး ကော်မတီရုံးကို ဖွင့်ခဲ့ပါတယ်ရှင်။
လေးလပတ် အစည်းအဝေး စတင်ကျင်းပ
ရန်ပိုင် on January 16, 2012
မြန်မာတပ်မတော် တပ်မှူးများညီလာခံ (လေးလပတ်အစည်းအဝေး) ကို ယနေ့နံနက် ၈ နာရီက နေပြည်တော်၌ စတင်ကျင်းပကြောင်း နေပြည်တော် စစ်ဘက်ဆိုင်ရာအသိုင်းအ၀န်းမှ သိရသည်။

ကာကွယ်ရေး ဦးစီးချုပ် ဗိုလ်ချုပ်ကြီး မင်းအောင်လှိုင် (ဓာတ်ပုံ - Getty Images)
စစ်ရေးဆိုင်ရာ ဆုံးဖြတ်ချက်များ မည်သို့ချမှတ်သည်ကို မသိရသေးသော်လည်း လက်ရှိ ကချင်လွတ်လပ်ရေးတပ်မတော်(KIA) နှင့် ဖြစ်ပွားနေသော တိုက်ပွဲများ၊ ကရင်အမျိုးသားအစည်းအရုံး (KNU) နှင့် ပဏာမ ငြိမ်းချမ်းရေးဆွေး နွေးပွဲပြီးနောက် ကရင်ပြည်နယ် အတွင်းချထားသည့် နှစ်ဘက်တပ်များ အခြေအနေကို ဆွေးနွေးနိုင်ကြောင်း စစ်ဘက်ဆိုင်ရာ အသိုင်းအ၀န်းနှင့် နီးစပ်သူတဦးက ဆိုသည်။
အဆိုပါ အစည်းအဝေး မစတင်မီ ပြီးခဲ့သည့် ဇန်နဝါရီလ ၁၃ ရက်နေ့က  စစ်ဘက်ဆိုင်ရာ အရာရှိကြီး ၁၄ ဦးကို  ရာထူးအပြောင်းအရွှေ့များ ပြုလုပ်ခဲ့ကြောင်း သိရှိရသည်။
တပ်မတော် ဆေးတက္ကသိုလ်ကျောင်းအုပ် ဗိုလ်ချုပ် ကိုကိုနိုင်ကို အနောက်ပိုင်းတိုင်း စစ်ဌာနချုပ် တိုင်းမှူး၊ ယခင် တိုင်းမှူး ဗိုလ်ချုပ် ထွန်းနေလင်းကို နိုင်ငံခြားရေးဝန်ကြီး ဌာန၊ တပ်မ (၁၀၁) တပ်မမှူး ဗိုလ်ချုပ် မင်းနိုင်ကို တွဲဖက်စစ်ထောက်ချုပ်၊ စကခ  (၁၈)  တပ်မမှူး ဗိုလ်ချုပ် အောင်ရဲဝင်းကို လက်ထောက် တပ်မတော် စစ်ဖက်ရေးရာ လုံခြုံရေးအရာရှိချုပ်၊ စစ်တက္ကသိုလ် ကျောင်းအုပ်ကြီး ဗိုလ်ချုပ် တင်ဆွေဝင်းကို တပ်မတော် မှတ်တမ်းရုံးအရာရှိချုပ် တာဝန်များသို့ ပြောင်းရွေ့ တာဝန်ပေးထားကြောင်း အဆိုပါ နီးစပ်သူက ဆိုသည်။
“အဲဒီတိုင်းမှူးအသစ်၊ ဌာနမှူးအသစ်တွေကို လက်ရှိ တိုးပေးလိုက်တဲ့ရာထူးတွေနဲ့ အစည်းအဝေး တက်ခိုင်းထားတယ်” ဟု ၎င်းက ပြောသည်။
လစ်လပ်နေသည့် နေရာများအတွက်မူ နိုင်ငံတော်ကာကွယ်ရေးတက္ကသိုလ် ကျောင်းဆင်းများနှင့် အစားထိုးမည်ဖြစ်ကြောင်း ဆက်လက်ပြောသည်။
လက်ရှိအခြေအနေတွင် အစိုးရတပ်သည် KIA တပ်များကို တပ်မ (၈၈)၊ (၄၄) နှင့် (၆၆) အပါအ၀င် စစ်ဆင်ရေးကွပ်ကဲမှု စစ်ဌာနချုပ် စကခ (၁၀) စသည့် တပ်မများအပြင် ဒေသတွင်းရှိ မြောက်ပိုင်းတိုင်း စစ်ဌာနချုပ်မှ တပ်များဖြင့် အလုံးအရင်း ထိုးစစ်ဆင်လျက်ရှိသည်။
မကြာသေးမီတွင် သမ္မတ ဦးသိန်းစိန်က ရှေ့တန်းစစ်မျက်နှာတွင် ရှိနေသည့် တပ်များအား အပစ်အခတ် ရပ်စဲရန် ညွန်ကြားချက်များ ထုတ်ပြန်ခဲ့သော်လည်း ကာကွယ်ရေးဦးစီးချုပ် ဗိုလ်ချုပ်ကြီး မင်းအောင်လှိုင်၏ လက်အောက်ခံ စစ်တပ်များမှာ ဆက်လက် ထိုးစစ်ဆင်လျက်ရှိသည်။
၇ လကြာမြင့်ပြီဖြစ်သည့် ကချင်ပြည်နယ် တိုက်ပွဲများတွင် အစိုးရစစ်တပ်ဘက်မှ အကျအဆုံးများစွာရှိခဲ့ပြီး ချေမှုန်းရေး စခန်းသိမ်းတိုက်ပွဲများ ပြုလုပ်နိုင်ခြင်းမရှိသေးကြောင်း၊ KIA စခန်းတချို့ ကျဆုံးရသည်မှာလည်း  လက်နက်ကြီးများဖြင့် ပစ်ခတ်မှုကြောင့်သာ ဖြစ်ကြောင်း စစ်ရေးလေ့လာသူများက သုံးသပ်သည်။

အတိုက်အခံတချို့ ဦးသိန်းစိန်ကို ကျေးဇူးတင် အိတ်ဖွင့်စာ ပို့
ဘစောတင် on January 16, 2012 5:01
ထိုင်းနိုင်ငံအခြေစိုက် အတိုက်အခံအဖွဲ့တချို့က မြန်မာသံရုံးသို့ သွားရောက်၍ နိုင်ငံရေးအကျဉ်းသားများ လွှတ်ပေးမှုအတွက် ကျေးဇူးတင်ကြောင်း သမ္မတ ဦးသိန်းစိန်ထံအိတ်ဖွင့်ပေးစာ သွားရောက်ပေးပို့ကြကြောင်း သတင်းရရှိသည်။

အိတ်ဖွင့်ပေးစာကို မြန်မာသံရုံးမှ ဗိုလ်မှူး နိုင်ထွန်း လက်ခံယူနေစဉ် (ဓာတ်ပုံ - ဘစောတင် / ဧရာဝတီ)
ယနေ့နံနက်ပိုင်းတွင် အဖွဲ့တချို့မှ တာဝန်ခံများ၊ တသီးပုဂ္ဂလ မြန်မာနိုင်ငံသားများက ဘန်ကောက်ရှိ မြန်မာသံရုံးသို့ သွားရောက်၍ နိုင်ငံရေးအကျဉ်းသားများကို လွှတ်ပေးခြင်း၊ အပြုသဘောဆောင်သော လုပ်ရပ်များကို လူထုခေါင်းဆောင် ဒေါ်အောင်ဆန်းစုကြည်နှင့် လက်တွဲကာ လုပ်ဆောင်နေခြင်းများကြောင့် သမ္မတ ဦးသိန်းစိန်ကို ကျေးဇူးတင်ကြောင်း ရေးထားသည့် အိတ်ဖွင့်ပေးစာကို ပေးအပ်ရာ သံရုံးအဖွဲ့ဝင် ဗိုလ်မှူး နိုင်ထွန်းက လက်ခံရယူသည်။
ရခိုင်ဒီမိုကရေစီအဖွဲ့ချုပ် (ပြည်ပ) မှ ဒုဥက္ကဋ္ဌ ကိုစန်းလွင်က “လက်ရှိအချိန်မှာ မြန်မာအစိုးရက ကောင်းတာတွေ လုပ်နေတာကို ကျနော်တို့က ကောင်းရင်ကောင်းတယ်လို့ ပြောရမယ်။ လွန်ခဲ့တဲ့ နှစ်များစွာအတွင်းမှာ ဒီသံရုံးရှေ့မှာ တိုင်းပြည်အတွက် အပြောင်းအလဲတွေ လုပ်ပေးဖို့၊ နိုင်ငံရေးအကျဉ်းသားတွေ လွှတ်ပေးဖို့ အကြိမ်ကြိမ် ကျနော်တို့ တောင်းဆိုခဲ့ဖူးကြတယ်။ အဲဒါတွေဟာ ခုအချိန်မှာ တကယ်ဖြစ်လာခဲ့တယ်” ဟု ပြောသည်။
ပေးပို့သည့် အိတ်ဖွင့်စာထဲတွင် ယခင်အစိုးရ လက်ထက်များမှ ယခု ၁၈ ကြိမ်မြောက်အထိ ရှိခဲ့သော လွတ်ငြိမ်းချမ်းသာခွင့်များတွင် သမ္မတ ဦးသိန်းစိန်လက်ထက် စတုတ္ထ အကြိမ်မြောက် လွတ်ငြိမ်းချမ်းသာခွင့်သည် ကျွန်ုပ်တို့ မြန်မာပြည်သူ ပြည်သားများနှင့်တကွ တကမ္ဘာလုံးမှ လူအပေါင်းအတွက် အထူးဝမ်းသာ ပီတီဖြစ်ရကြောင်း စသည်ဖြင့် ဖော်ပြထားသည်။
အိတ်ဖွင့်ပေးစာ လာရောက်ပေးသူများသည် ယခင်က သံရုံးရှေ့တွင် စစ်အစိုးရဆန့်ကျင်ရေး ဆန္ဒပြပွဲပေါင်း များစွာကို ဦးဆောင်ကျင်းပခဲ့ကြသော်လည်း ယနေ့တွင်မူ သမ္မတဦးသိန်းစိန်နှင့် ဒေါ်အောင်ဆန်းစုကြည် ကျန်းမာစေရန်၊ မြန်မာပြည်သူများ ငြိမ်းချမ်းစေရန်နှင့် မြန်မာနိုင်ငံ သာယာဝပြောစေရန် ကြွေးကြော်ခဲ့ကြသည်။
ပြည်ပရောက် အမျိုးသား ကျောင်းသားများအဖွဲ့ – မြန်မာနိုင်ငံ (ONSOB) မှ အထွေထွေ အတွင်းရေးမှူး ကိုသန်းဖေက “ကျနော်တို့ တိုင်းပြည်မှာ နှစ်ပေါင်း ၅၀ ကျော် ၆၀ လောက် အချင်းချင်း ရန်ဖြစ်ကြ၊ အငြိုးအတေးတွေ ထားကြရင်း ပြဿနာသံသရာထဲ တ၀ဲလည်လည်ဖြစ်နေတာ ကြာပြီ။ တိုင်းပြည်လည်း နာလှပါပြီ။ အခုအချိန်ကစပြီး အပြုသဘောဆောင်တဲ့ အလုပ်တွေကို ဒီထက် ပိုမိုလုပ်ကိုင်ကြခြင်းဖြင့် တိုင်းသူပြည်သားတွေ အကျိုးကို ပိုမို သယ်ပိုးရမယ့် အချိန်ဖြစ်ပါတယ်” ဟု ပြောသည်။

ဒေါ်အောင်ဆန်းစုကြည်နှင့် ၈၈ ကျောင်းသားခေါင်းဆောင်တချို့ အလွတ်သဘောတွေ့
ဒေါ်အောင်ဆန်းစုကြည်နှင့် ၈၈ မျိုးဆက်ကျောင်းသား ခေါင်းဆောင် ကိုပြုံးချို၊ ကိုမြအေးတို့ ယနေ့ နံနက်ပိုင်းက မင်္ဂလာတောင်ညွန့်မြို့နယ် အမျိုးသားဒီမိုကရေစီအဖွဲ့ချုပ် (NLD) ရုံးဖွင့်ပွဲတွင် တွေဆုံကြောင်း သတင်းရသည်။ ထိုသို့ အလွတ်သဘော တွေ့ဆုံရာတွင် ဒေါ်အောင်ဆန်းစုကြည်က နိုင်ငံရေးလုပ်ငန်းစဉ်များ၌ ပူးပေါင်းဆောင်ရွက်ရန် ပြောဆိုကြပြီး ကိုပြုံးချိုနှင့် ကိုမြအေးတို့ကလည်း ဒေါ်အောင်ဆန်းစုကြည်ကို ၀န်းရံမည်ဟု ပြောဆိုသည်ဟု အဆိုပါအခမ်းအနား သွားရောက်ခဲ့သူတဦးကေ ပြောသည်။

တမူး NLD ရုံးခွဲဖွင့်၊ နယ်စပ်ဂိတ် ယာယီပိတ်
အိန္ဒိယ-မြန်မာနယ်စပ် တမူးမြို့ NLD ရုံးခွဲကို ယနေ့ ဖွင့်လှစ်လိုက်ပြီဟု သတင်းရရှိသည်။ ရုံးဖွင့်ပွဲအခမ်းအနားပြုလုပ်စဉ် မြန်မာအာဏာပိုင်တို့က နယ်စပ်ဖြတ်ကျော်ဂိတ်ကို  ယာယီ ပိတ်ထားသည်ဟု ဒေသခံများက ဆိုသည်။ အိန္ဒိယတွင် နေထိုင်သော နိုင်ငံရေးတက်ကြွသူများ လာရောက်မည်စိုး၍ ပိတ်ထားခြင်းဖြစ်နိုင်သည်ဟု ဒေသခံတို့က ယူဆနေကြသည်။