07.02.2012 နေ့ဖတ်ရန်သတင်းများ

by Myanmar Journal on Saturday, January 7, 2012 at 6:02am

 

 
၈၈ မျိုးဆက်ကျောင်းသားတွေနဲ့ မစ္စတာဟိတ် တွေ့ဆုံ

ဗြိတိန် နိုင်ငံခြားရေး ဝန်ကြီး ဝီလျံဟိတ် ဟာ မြန်မာနိုင်ငံခရီးစဉ်အတွင်း ၈၈ မျိုးဆက် ကျောင်းသားများ အပါအဝင် တခြား တက်ကြွလှုပ်ရှားသူတွေနဲ့ပါ တွေ့ဆုံ ခဲ့ပါတယ်။
၈၈ မျိုးဆက် ကျောင်းသားများ အဖွဲ့က ကိုမြတ်သူ၊ ကိုမြတ်ကိုနဲ့ မဇင်မာအောင် စတဲ့ သုံးယောက်နဲ့ ကိုဇာဂနာ၊ ကိုမျိုး ရန်နောင်သိန်း၊ ကိုဖြိုးမင်းသိန်း တို့ကို အတူ တွေ့ဆုံခဲ့တာ ဖြစ်ပါ တယ်။

မြန်မာနိုင်ငံ ဒီမိုကရေစီရေး ပြုပြင်ပြောင်းလဲမှုမှာ စစ်တပ်က အရေးကြီးတဲ့ အခန်းကဏ္ဍမှာ ပါဝင်နေတာဖြစ်လို့ စစ်တပ်အနေနဲ့ စိတ်အားထက်သန်မှု ရှိအောင် စည်းရုံးနိုင်ခဲ့မယ် ဆိုရင်တော့ ပြုပြင်ပြောင်းလဲရေးအတွက် ပိုပြီး လွယ်ကူ ချောမွေ့မယ်လို့ ၈၈ မျိုးဆက် ကျောင်းသားတွေဘက်က ဆွေးနွေးခဲ့ကြောင်း ကိုမြတ်သူက ပြောပါတယ်။
မြန်မာနိုင်ငံရဲ့ အရေးကြီးတဲ့ ကိစ္စရပ်တွေကို မြန်မာနိုင်ငံ အမျိုးသားလုံခြုံရေးကောင်စီက အဓိက ဆုံးဖြတ်ချက် ချတာဖြစ်တယ်လို့လည်း သူကပြောပါတယ်။
ကချင်ပြည်နယ်မှာ တိုက်ပွဲတွေရပ်ဖို့ သမ္မတက စာထုတ်ခဲ့ပေမယ့် တကယ်တန်းမှာ တိုက်ပွဲ တွေ ဆက်ဖြစ်နေကြောင်း ကြားသိရတဲ့အတွက်၊ တပ်မတော်ဘက်က သဘောထားဟာ အလွန်တရာ အရေးကြီးကြောင်း ကိုမြတ်သူက ရှင်းပြပါတယ်။
မစ္စတာဟိတ်ဘက်ကတော့ မြန်မာနိုင်ငံနဲ့ ပတ်သက်ပြီး မူဝါဒတွေ ချမှတ်ဖို့အတွက် ပိုမို စုံလင်တဲ့ အမြင်တွေကို သိချင်လို့ လာရောက်ဆွေးနွေးတာ ဖြစ်ကြောင်း ပြောတယ်လို့ ဆိုပါတယ်။
မြန်မာနိုင်ငံအတွက် မူဝါဒချမှတ်ရာမှာလည်း အခုဆွေးနွေးချက်တွေက အများကြီး အထောက်အကူဖြစ်မှာ ဖြစ်ကြောင်း မစ္စတာ ဟိတ်က ပြန်လည်ပြောကြားခဲ့တယ်လို့ ကိုမြတ်သူက ပြောပါတယ်။

နိုင်ကျဉ်းတွေ အမြန်လွှတ်ဖို့ ဝီလီယံဟိတ်ပြော
မြန်မာ နိုင်ငံ ခရီးစဉ် အပြီး ဗြိတိသျှသံ ရုံးမှာ သတင်းစာ ရှင်းလင်းပွဲ လုပ်ရာမှာ နိုင်ငံခြားရေး ဝန်ကြီး ဝီလီယံဟိတ်က နိုင်ငံရေး အကျဉ်းသားတွေ ကိစ္စ၊ ကြားဖြတ် ရွေးကောက်ပွဲနဲ့ ကေအိုင်အေနဲ့ အစိုးရ တိုက်ပွဲ ကိစ္စတွေကို ပြောသွား ပါတယ်။
နိုင်ငံရေး အကျဉ်းသားတွေ ပြန်လွတ်မလာ သေးတာနဲ့ ပတ်သက်ပြီး နိုင်ငံရေး ယုံကြည် ချက်ကြောင့် အဖမ်းခံ ရတာမျိုးက ဒီမိုကရေစီလို့ ခေါ်တဲ့ နိုင်ငံတွေမှာ မရှိရဘူးလို့ ပြောပါတယ်။
နိုင်ငံရေးအကျဉ်းသားတွေ ထပ်လွတ်လာအောင် အစိုးရကို သူတိုက်တွန်းခဲ့တဲ့အကြောင်း လည်း ပြောသွားပါတယ်။
ဝန်ကြီးတွေနဲ့ တွေ့တဲ့အခါ သူတို့အားလုံးက နိုင်ငံရေး အကျဉ်းသားတွေ လွှတ်ပေးဖို့ အစီအစဉ် ရှိတယ်လို့ ပြောခဲ့ကြောင်း ဝီလီယံဟိတ်က ပြောပါတယ်။
မကြာခင်မှာ ကြားဖြတ် ရွေးကောက်ပွဲတွေ လုပ်တော့မှာမို့ ဒီရွေးကောက်ပွဲတွေဟာ သိက္ခာ ရှိတဲ့ လွတ်လပ် တရားမျှတတဲ့ ရွေးကောက်ပွဲတွေ ဖြစ်ဖို့ နောက် နိုင်ငံရေး ပါတီ အားလုံး ဝင်ပြိုင်နိုင်ဖို့ အရေးကြီးတယ်လို့ လည်း ပြောပါတယ်။ အင်အယ်ဒီ ရွေးကောက်ပွဲ ဝင်ဖို့ ဆုံးဖြတ်တာကိုလည်း ကြိုဆိုတဲ့ အကြောင်း ကမ္ဘာကလည်း ဒီရွေးကောက်ပွဲတွေကို စောင့်ကြည့်နေမှာ ဖြစ်တဲ့ အကြောင်း ပြောသွားပါတယ်။
တခါ နယ်စပ်ဒေသတွေက တိုက်ပွဲတွေနဲ့ပတ်သက်လို့လည်း ကေအိုင်အေနဲ့ အစိုးရ တိုက်ပွဲ ကြောင့် ဒုက္ခသည်ပေါင်း သောင်းချီပြီးတော့ အိုးအိမ်ပစ် ထွက်ပြေး နေရတာတွေ ရှိတဲ့ အတွက် ဒီလူတွေ အတွက် အကူအညီ အထောက်အပံ့တွေကို ကုလသမဂ္ဂကနေ သူတို့ သွားပို့ချင်တဲ့ နေရာတွေကို လွတ်လွတ်လပ်လပ် ပို့ပေးနိုင်အောင် ခွင့်ပြုဖို့ လိုတယ်လို့လည်း ပြောသွားပါတယ်။
နောက်တခါ တိုင်းရင်းသားတွေနဲ့ အဓိပ္ပါယ် ရှိတဲ့ တွေ့ဆုံ ဆွေးနွေးမှုတွေ လုပ်ဆောင်ဖို့ လိုတယ်လို့လည်း ပြောသွားပါတယ်။
သတင်းထောက် တယောက်က အစိုးရသစ်ဟာ လမ်းကြောင်းမှန်ပေါ် လျှောက်နေတယ်လို့ ယူဆလားဆိုပြီး မေးရာမှာ ယူဆတဲ့ အကြောင်၊ သမ္မတ ဦးသိန်းစိန်နဲ့ စကား ပြောတဲ့အခါမှာ သူက ဒီမိုကရေစီ တိုးတက် ရရှိရေးအတွက် လုပ်ဆောင်ချက်တွဟာ နောက်ပြန်လှည့်လို့ မရတော့ဘူးလို့ ပြောတာကို သဘောကျကြောင်း၊ ဒါတွေကို သူတို့က အသိအမှတ် ပြုကြောင်း၊ လမ်းကြောင်းမှန်ပေါ် လျှောက်နေတယ်ဆိုယင် သင့်တော် မှန်ကန်တဲ့ နှုန်းနဲ့ လျှောက်ဖို့လည်း အရေးကြီးတဲ့ အကြောင်း ပြောသွားပါတယ်။

ခွန်ထွန်းဦး ကျန်းမာရေး အခြေအနေဆိုး
ထင်ရှားတဲ့ နိုင်ငံရေး အကျဉ်းသား တစ်ယောက် ဖြစ်တဲ့ ရှမ်းတိုင်းရင်းသား ခေါင်းဆောင် ခွန်ထွန်းဦး ကျန်းမာရေး မကောင်းဖြစ်နေပါတယ်။ တောင်ငူအကျဉ်း ထောင်မှာ ထောင်ဒဏ် နှစ်ရှည် အကျဉ်းချ ခံနေရတဲ့ ရှမ်းတိုင်းရင်းသားများ ဒီမိုကရေစီ အဖွဲ့ချုပ် (SNLD) ဥက္ကဋ္ဌ ခွန်ထွန်းဦးဟာ ပြီးခဲ့တဲ့ ၄ ရက်နေ့ညနေ တုန်းက သွေးပေါင်ချိန် ကျတာရယ်၊ ရာသီဥတု အပူဒဏ် မခံနိုင်တာရယ်ဖြစ်လို့ နှလုံးရောဂါ လက္ခဏာ လိုဖြစ်လို့ ထောင်အာဏာပိုင်တွေက အရေးပေါ်ဆေးရုံ တင်ပေးရပါတယ်။
မနေ့က မနက်ပိုင်းမှာ မိသားစုဝင်တွေ ထောင်ဝင်စာ သွားတွေ့တာ ခွန်ထွန်းဦးဟာ ဆေးရုံမှာ ဆေးသွင်းနေတုန်းမို့ ချက်ချင်းမတွေ့ရပဲ ညနေပိုင်း ဆေးသွင်းပြီးမှ တွေ့ရတာဖြစ်တယ်လို့ ပါတီပြောခွင့်ရသူ စိုင်းလိတ်က ခွန်ထွန်းဦး အခြေအနေကိုပြန်လည် ပြောပြပါတယ်။
ဒါပေမဲ့ အခုချိန်မှာ ခွန်ထွန်းဦးအခြေအနေ ပြန်ကောင်းလာပြီဖြစ်ပေမဲ့ အသက်ကြီးပြီဖြစ်လို့ အခြေအနေကို မျက်ခြေမပြတ် စောင့်ကြည့်ဖို့လိုတယ်ဆိုပြီး ဆရာဝန်ကပြောလို့ မိသားစုက စိတ်မချမ်းမသာဖြစ်နေကြတယ်လို့ စိုင်းလိတ်ကပြောပါတယ်။
ပြီးခဲ့တဲ့ ၃ ရက်နေ့ သမ္မတ ဦးသိန်းစိန်ရဲ့ ၆၄ နှစ်မြောက် လွတ်လပ်ရေးနေ့ အထိမ်းအမှတ် အဖြစ်နဲ့ပေးတဲ့ လွတ်ငြိမ်းချမ်းသာခွင့်ထဲမှာလဲ တိုင်းရင်းသား ခေါင်းဆောင်တွေ၊ ကျောင်းသား ခေါင်းဆောင်တွေ တစ်ယောက်မှပါမလာ ပြန်ပါဘူး။ အဲဒါ ခွန်ထွန်းဦးက သူ့အနေနဲ့ နောက်ထပ်လာမဲ့လွတ်ငြိမ်းချမ်းသာခွင့်အပေါ်မှာ လွတ်ဖို့မျှော်လင့်ချက် ထားပေမဲ့ ယုံကြည်မှုတော့မထားဘူးလို့ စိုင်းလိတ်က ပြန်ပြောပြပါတယ်။
ဦးခွန်ထွန်းဦးဟာတခြား ၈ ဦးတို့နဲ့အတူ ပြီးခဲ့တဲ့ ၂၀ဝ၅ ခုနှစ်က ပြည်ထောင်စုမှ ခွဲထွက်လိုမှုအပါအဝင် အခြားအမှုပေါင်းများစွာနဲ့ အရင်စစ်အစိုးရက စွပ်စွဲပြီးအခုလို နှစ်ရှည် ထောင်ဒဏ်တွေ ချခံ ကြရတာ ဖြစ်ပါတယ်။ ကျန်တခြားရှမ်းခေါင်းဆောင်တွေလဲ ကျန်းမာရေးမကောင်းကြဘူးလို့သိရပါတယ်။

ကျဆုံး မီးသတ်တပ်သား တွေ ကို ဂုဏ်ပြု
ဒီဇင်္ဘာလ ကုန်ပိုင်း ၂၉ ရက်နေ့ က မနက် လင်းအားကြီး ၂ နာရီ ခန့်မှာ ရန်ကုန်မြို့ မင်္ဂလာတောင်ညွန့် မြို့နယ်အတွင်းမှာ ဓါတုပစ္စည်း တွေ သိုလှောင်ထားတဲ့ ကုန်လှောင်ရုံ ဂိုဒေါင် တွေ မီးလောင် ပေါက်ကွဲမှု ဖြစ်တဲ့ အတွက် မီးသတ် တပ်ဖွဲ့ဝင် ငါးဦး မီးငြှိမ်းသတ်ယင်း အသက်ဆုံးရှုံး သွားပါတယ်။
အဆိုပါ မီးသတ်တပ်ဖွဲ့ဝင် ငါးဦး ကို အစိုးရ က ဂုဏ်ပြုဆု တွေ အပ်နှင်းရာမှာ မီးသတ်တပ်သားတွေ ထဲမှာ အမြင့်ဆုံး ဖြစ်တဲ့ ရဲသီဟ ဂုဏ်ထူးဆောင် ဘွဲ့တံဆိပ် ရရှိသူ တဦး နဲ့ ရဲသူရ ဆု ရသူ လေးဦး ကို အပ်နှင်းလိုက်တာပါ။
ဒါကြောင့်မို့ လွတ်လပ်ရေးနေ့ အမိန့်ထုတ်ပြန်တဲ့ အခါမှာ စွမ်းဆောင်မှု ဆိုင်ရာ အပ်နှင်းတဲ့ ဘွဲ့တံဆိပ်တွေ ဖြစ်ကြောင်း ရန်ကုန်တိုင်း ဒေသကြီး မီးသတ်ဦးစီးဌာန ညွှန်ကြားရေးမှူး ဦးသင်းဌေးရွှေ က ဘီဘီစီ ကို ပြောပြပါတယ်။
အသက်ဆုံးရှုံးသွားတဲ့ မီးသတ် တပ်သားတွေဟာ မီးကို ငြှိမ်းသတ်နေယင်း မှာဘဲ ပေါက်ကွဲမှု အရှိန်ကြောင့် လွင့်စင်သွားပြီး အသက်သေဆုံး ကြရတာပါ။
မီးသတ် တပ်သားတွေ အနေနဲ့ အရင်ကလည်း အခုလို မီးလောင်မှုတွေ မှာ ရွပ်ရွပ်ချွံချွံ မီးငြှိမ်းသတ်မှု တွေ ရှိခဲ့ရာမှာ သံလျှင်ရေနံချက် စက်ရုံမီး၊ ဘုရင့်နောင် ဓါတ်ငွေ့ပေါက်ကွဲမှု၊ စတာတွေ ကို ဦးသင်းဌေးရွှေ က ဘီဘီစီ ကို ရှင်းပြပါတယ်။

အမေရိကန် စစ်သုံးစရိတ်
နိုင်ငံတော် ဘတ်ဂျက် ခြိုးခြံချွေတာရေး အစီအစဉ် အရ အမေရိကန် သမ္မတ အိုဘားမားက ကာကွယ်ရေး အသုံးစရိတ် ကို နောင်လာမယ့် ၁ဝ နှစ် အတွင်းမှာ ဘီလီယံ ဒေါ်လာ ၄၅ဝ လျှော့ချမယ့် အကြောင်း ကာကွယ်ရေး ဗျူဟာ အနေနဲ့ ထုတ်ဖေါ် ပြောလိုက်ပါပြီ။
အမေရိကန် တပ်အင်အား အနေနဲ့ အသုံးစရိတ် ချွေတာမှု ကြောင့် လျော့သွားနိုင်ဘွယ် ရှိပေမယ့် စစ်အင်အား အဆင့် ကို တော့ ထိန်းထားမှာဖြစ်ကြောင်း အိုဘားမား က ပြောပါတယ်။
ကာကွယ်ရေး ဝန်ကြီးဌာန ပင်တဂွန် ကတော့ အမေရိကန် တပ်အင်အား လျှော့ချရာမှာ စိုးရိမ်စရာ အချက်က တရုတ်ရဲ့ စစ်အင်အား ခိုင်မာလာမှု ကိုလည်း ဂရုပြုသင့်ကြောင်း ထောက်ပြကြပါတယ်။

နိင်ဂျီးရီးယား တိုက်ခိုက်မှု
နိုင်ဂျီးရီးယား နိုင်ငံ အရှေ့မြောက် အရပ်ရှိ ဂေါ်မ်ဘေ မြို့ရဲ့ ဘုရားရှိခိုးကျောင်းကို သေနတ်သမား တစု က တိုက်ခိုက်တဲ့ အတွက် လူ သုံးဦးသေဆုံးကြောင်း ရဲ က ပြောပါတယ်။
ညနေပိုင်းဝတ်ပြုချိန် မှာ တိုက်ခိုက်ခံရတဲ့ အခါမှာ သင်းအုပ်ဆရာ ရဲ့ ဇနီးဖြစ်သူ ပါဝင်ကြောင်း ကို သင်းအုပ်ဆရာ ကိုယ်တိုင် က ပြောပြပါတယ်။
ဒီပစ်ခတ်မှု မှာ ဘယ်သူ့လက်ချက် ဆိုတာ မသိရသေးပေမယ့် ခရစ်ယန် ဘုရားရှိခိုးကျောင်းတွေ ဟာ ဘိုကိုဟာရမ် လို့ ခေါ်တဲ့ အစ္စလမ်အုပ်စု ရဲ့ တိုက်ခိုက်မှု တွေကို ခံနေရတါပါ။
သူတို့က ခရစ်ယန်တွေကို ဒေသတွင်းက ထွက်သွားစေချင်တါပါ။ အဲဒီ အတွက် အစိုးရ က နိုင်ဂျီးရီးယား မြောက်ပိုင်း က ခရိုင် တချို့မှာ အရေးပေါ် အမိန့် ထုတ်ထားပါတယ်။

ဆီးရီးယား အသေခံဗုံးခွဲတိုက်ခိုက်မှု ထိခိုက်သေဆုံးသူများ
အကြမ်းဖက်သမားတွေရဲ့ လုပ်ရပ် ဖြစ်တယ်လို့ အစိုးရ ရုပ်သံကနေ စွပ်စွဲပြောကြားသွား
ဆီးရီးယားနိုင်ငံ မြို့တော် ဒမားစကက်မှာ အသေခံ ဗုံးခွဲသမားတဦးဟာ သူ့ကိုယ်သူ ဗုံးဖေါက်ခွဲပြီး တိုက်ခိုက်ခဲ့တဲ့ အတွက် ဒါဇင်နဲ့ ချီပြီး သေဆုံး ဒဏ်ရာ ရမှုတွေ ဖြစ်ပွားခဲ့တယ်လို့ နိုင်ငံပိုင် ရုပ်သံကနေ ပြသသွားပါတယ်။
ရဲကားတစီးရဲ့ မှန်မှာ သွေးတွေပေကျံနေတာကို ပြသသွားတာ ဖြစ်ပြီး အရပ်သားတွေလည်း သေဆုံးကုန်တယ်လို့ ပြောပါတယ်။
ဒါဟာ အကြမ်းဖက်သမားတွေရဲ့ လုပ်ရပ် ဖြစ်တယ်လို့ ရုပ်သံကနေ စွပ်စွဲပြောကြားသွား ပါတယ်။
တိုက်ခိုက်မှုဟာ အစိုးရဆန့်ကျင်ရေး ဆန္ဒပြမှုတွေ ဖြစ်ပွားတဲ့ မီဒန် ရပ်ကွက်မှာ ဖြစ်ပွားခဲ့ တာပါ။
အစိုးရဆန့်ကျင်ရေး တက်ကြွလှုပ်ရှားသူတွေကတော့ သူတို့အနေနဲ့ အခုလို တိုက်ခိုက်မှုကို လုပ်ဖို့ ဘာအကြောင်းမှ မရှိဘူးလို့ ဆိုပါတယ်။
အာရပ်နိုင်ငံများအဖွဲ့ချုပ်ရဲ့ လေ့လာစောင့်ကြည့်သူတွေက အခု သီတင်းပတ်အကုန်မှာ အစီရင်ခံစာ တစောင် ထုတ်ပြန်ဖို့ ပြင်ဆင်နေရာ၊ အစိုးရ ဆန့်ကျင်သူတွေကို သိက္ခာကျ အောင် အစိုးရက ဒီတိုက်ခိုက်မှုကို လုပ်တာ ဖြစ်တယ်လို့ တက်ကြွလှုပ်ရှားသူတွေက ပြောပါတယ်။
အာရပ်အဖွဲ့ချုပ် ဥက္ကဌကတော့ ဆီးရီးယားမှာ အကြမ်းဖက်မှုတွေ အဆုံးသတ်စေရေး အတွက် အစိုးရအနေနဲ့ ရိုးသားရမယ်၊ ထင်သာမြင်သာရှိရမယ်၊ နောက်ပြီး အများ ယုံကြည်မှုရှိအောင် လုပ်ရမယ်လို့ ပြောကြားခဲ့ပါတယ်။
အမေရိကန် အထူးကိုယ်စားလှယ် မြန်မာပြည်သွားမည်
By ဗွီအိုအေ (မြန်မာဌာန)
အမေရိကန်ပြည်ထောင်စုရဲ့ မြန်မာနိုင်ငံဆိုင်ရာ မူဝါဒ ညှိနှိုင်းရေးမှူး နဲ့ အထူးသံတမန် မစ္စတာ ဒဲရက်မစ်ချဲလ် ဟာ မြန်မာနိုင်ငံနဲ့ ထိုင်းနိုင်ငံ မြောက်ပိုင်းကို ဇန်န၀ါရီလ ၉ ရက်နေ့ကနေ ၁၃ ရက်နေ့အထိ သွားရောက်ပြီး ဒီခရီးစဉ်အတွင်း နေပြည်တော်နဲ့ ရန်ကုန်မြို့တွေကို သွားရောက်ဖို့ ရှိပါတယ်။ နိုင်ငံခြားရေးဝန်ကြီး ဟီလာရီကလင်တန်ရဲ့ ၂၀၁၁ ဒီဇင်ဘာလက မြန်မာနိုင်ငံကို သွားရောက်ခဲ့တဲ့ခရီးစဉ် နောက်ဆက်တွဲအဖြစ် မစ္စတာ မစ်ချဲလ်ဟာ မြန်မာနိုင်ငံ အစိုးရရုံးစိုက်ရာ နေပြည်တော်မှာ တာဝန်ရှိသူတွေနဲ့ တွေ့ဆုံမှာဖြစ်ပါတယ်။
အထူးသံတမန် မစ္စတာ မစ်ချဲလ်ဟာ မြန်မာနိုင်ငံရဲ့ အပူပိုင်းဇုံဒေသက ဖွံ့ဖြိုးမှုလုပ်ငန်းတွေနဲ့အတူ အသေးစား ချေးငွေလုပ်ငန်းတွေကိုလည်း လေ့လာဖို့ ပုဂံမြို့ကိုလည်း သွားမှာဖြစ်ပါတယ်။ အထူး သံတမန်ဟာ ထိုင်းနိုင်ငံမြောက်ပိုင်းကို သွားရောက်ပြီး ဒေသခံတာဝန်ရှိသူတွေနဲ့အတူ နယ်စပ်ဒေသ ဒုက္ခသည်တွေကို အကူအညီ အထောက်အပံ့ပေးနေတဲ့ အဖွဲ့အစည်းတွေနဲ့လည်း တွေ့ဆုံဖို့ရှိပါတယ်။
အမေရိကန်ပြည်ထောင်စုရဲ့ မြန်မာနိုင်ငံနဲ့ ထိတွေ့ဆက်ဆံရေး မူဝါဒကို အကောင်အထည်ဖော်ဖို့ အထူးသံတမန် မစ္စတာ မစ်ချဲလ်ဟာ ဒီဇင်ဘာလ ပထမပတ်ကတည်းက နိုင်ငံခြားရေးဝန်ကြီး ဟီလာရီကလင်တန် မြန်မာပြည်ကို သွားရောက်တဲ့ခရီးစဉ်မှာရော၊ ဒီခရီးစဉ်မတိုင်ခင်ကပါ မြန်မာနိုင်ငံကို သွားရောက်ခဲ့ပါတယ်။ ဒီဇင်ဘာလ ၁၂ ရက်နေ့ကတော့ အိမ်နီးချင်း တရုတ်နိုင်ငံမှာ တရုတ်အာဏာပိုင်တွေနဲ့ တွေ့ဆုံပြီး မြန်မာနိုင်ငံ အခြေအနေတွေကို ဆွေးနွေးခဲ့ပါသေးတယ်။
တချိန်တည်းမှာပဲ လူမှောင်ခိုကုန်ကူးမှု နှိမ်နင်းရေးဆိုင်ရာ လုပ်ငန်းတွေကို အကဲဖြတ်လေ့လာဖို့အတွက် အမေရိကန်သံအမတ်ကြီး လူးဝစ်ဆီဒါဘက်ကာ ဟာ မြန်မာနိုင်ငံကို ဇန်န၀ါရီ ၉ ရက်ကနေ ၁၁ ရက်နေ့အထိ သွားရောက်ဖို့ရှိနေပါတယ်။ ဒီခရီးစဉ်အတွင်းမှာ သူဟာ လူမှောင်ခိုကူးမှု နှိမ်နင်းရေးအတွက် မြန်မာအစိုးရရဲ့ ကြိုးပမ်း ဆောင်ရွက်မှုတွေကို ပိုပြီး ထိရောက်အောင်မြင်စေမယ့် အခွင့်အလမ်းတွေကို လေ့လာဖို့နဲ့ လူမှောင်ခိုကူးမှု ပကတိ အခြေအနေတွေကို လေ့လာအကဲဖြတ်မှာလည်း ဖြစ်ပါတယ်။
ဒါ့အပြင် မစ္စတာ ဆီဒါဘက်ကာ ဟာ မြန်မာနိုင်ငံက အလုပ်သမားတွေရဲ့ အခြေအနေ တိုးတက်မှုကိုလည်း အစိုးရနဲ့ ဆွေးနွေးမှာဖြစ်ပြီး ရန်ကုန်မြို့မှာတော့ အစိုးရမဟုတ်တဲ့အဖွဲ့တွေ၊ နိုင်ငံတကာ အဖွဲ့အစည်းတွေနဲ့ အတူ အသစ်ဖွဲ့စည်းလိုက်တဲ့ အမျိုးသားလူ့အခွင့်အရေး ကော်မရှင်နဲ့လည်း တွေ့ဆုံမှာဖြစ်ပါတယ်။

အစိုးရရုံးရှေ့ စစ်တွေကျောင်းသားတွေ ဆန္ဒပြ
By ကိုရန်နိုင်
ရခိုင်ပြည်နယ် စစ်တွေမြို့မှာ တက္ကသိုလ်ကျောင်းသား ၄၀၀ ကျော်လောက် ဒီကနေ့ ဆန္ဒပြခဲ့ကြပါတယ်။ ကျောင်းကားခတွေ ဈေးတက်တာကို မကျေနပ်တဲ့အတွက် ဆန္ဒပြခဲ့တာဖြစ်ပြီး ကျောင်းသားတွေဟာ ဒီကနေ့ မနက်ပိုင်းကစပြီးတော့ စစ်တွေတက္ကသိုလ်ကနေ စတင်ချီတက်ပြီး မြို့တွင်းမှာ လှည့်လည်ဆန္ဒပြခဲ့ကြတာ ဖြစ်ပါတယ်။ အခုအခါမှာတော့ ရခိုင်ပြည်နယ် ၀န်ကြီးချုပ်ရုံး ရှေ့မှာ သူတို့ရဲ့ လိုလားချက်တွေကို ငြိမ်းချမ်းစွာ တောင်းဆိုနေကြပါတယ်။ ဒီအခြေအနေတွေနဲ့ ပတ်သက်ပြီး မျက်မြင်သက်သေ တစ်ဦးဖြစ်သူ ရခိုင်ပြည်နယ်၊ စစ်တွေမြို့နယ်က ပြည်သူ့လွှတ်တော် ကိုယ်စားလှယ် ဦးအောင်မြကျော်ကို ကိုရန်နိင်က ဆက်သွယ် မေးမြန်းထားပါတယ်။
ဒီနေ့ စစ်တွေမှာ ကျောင်းသားတွေ ဆန္ဒပြတယ်လို့ သိရပါတယ်။ အဲဒါနဲ့ ပတ်သက်ပြီးတော့ နည်းနည်း ပြောပြပေးပါ။ ဘယ်လိုဖြစ်တာလဲခင်ဗျ။ -
“ကျောင်းသားတွေ ဆန္ဒပြတာတော့ မြင်ပါတယ်။ အဓိက ကတော့ သူတို့ ဆန္ဒပြတယ် ဆိုတာက အဓိက နိုင်ငံရေးအကျဉ်းသားတွေ အတွက် ပြတာမျိုးတော့ မဟုတ်ပါဘူး။ ကျောင်းသားတွေရဲ့ သူတို့ရဲ့ ရပိုင်ခွင့်တွေကို သူတို့က ငြိမ်းချမ်းစွာနဲ့ တောင်းဆိုကြတာပါ။”
သူတို့က အဓိက ဘာကို တောင်းဆိုတာပါလဲ ခင်ဗျ။ -
“သူတို့ ကျောင်းသွားရတဲ့ ခပေါ့။ ကျောင်းကခ ဈေးနှုန်းတွေ တစ်ဆလောက် တက်သွားတော့ အဲဒီမှာ ပြဿနာ တက်ကြတာပါ။”
တစ်ဆလောက် တက်သွားတယ်ဆိုတော့ ဘယ်လောက်ကနေ ဘယ်လောက် တက်သွားတာလဲခင်ဗျ။ -
ပထမ ၁၀၀ နဲ့ သွားနေတဲ့ဟာကို အခုက အသွား ၂၀၀၊ အပြန် ၂၀၀ ပေါ့။ အဲဒီလို ၂၀၀ တင်တောင်း လိုက်တော့ အဲဒီမှာ ကျောင်းသားတွေက ပြဿနာ တက်တာပါ။ ကျောင်းသားတွေက အကုန်လုံးက အများကြီး ဆင်းရဲနွမ်းပါးတဲ့ ကျနော်တို့ ရခိုင်ပြည်မှာ မိဘတွေက အရမ်းဆင်းရဲနွမ်းပါးတော့ ကျောင်းသားတွေက တစ်ရက်မှာ အသွား ၂၀၀၊ အပြန် ၂၀၀ ဆိုတော့ ၄၀၀ ဖြစ်သွားပြီ။ အဲဒါကို ကျောင်းသားတွေက ဆန္ဒပြတဲ့အဆင့်ထိကို ဖြစ်သွားတာပါ။”
အခုဆန္ဒပြတာ ကျောင်းသား ဘယ်လောက် ရှိပါသလဲခင်ဗျ။ -
“ရှိပါတယ်။ ထွက်လာကတည်းကဆိုရင်တော့ ၄၀၀ လောက် ရှိပါတယ်။ အစိုးရအဖွဲ့ ရုံးကို ရောက်လာတော့ ၂၀၀ လောက်တော့ ရောက်လာပါတယ်။ ကျောင်းကထွက်တုန်းကတော့ ၄၀၀ လောက် ထွက်လာကြတာပေါ့။ ကျောင်းနဲ့ အစိုးရရုံးက နည်းနည်းဝေးတော့ မလိုက်နိုင်တဲ့ကျောင်းသားတွေက ကျန်ခဲ့ပြီး အယောက် ၂၀၀ လောက်ကတော့ ပြည်နယ် အစိုးရရဲ့ ရုံးရှေ့မှာ ဒီနေ့ သူတို့ ထိုင်ပြီးတော့ ဆန္ဒပြနေကြပါတယ်။”
ပြည်နယ်အစိုးရရုံးရှေ့မှာ အခု ဆန္ဒပြနေတယ်ဆိုတော့ သူတို့ အဓိက တောင်းဆိုနေတာတွေက ဘာတွေပါလဲ။ -
“အဓိက တောင်းဆိုတာကတော့ ကားဖယ်ရီခ တစ်ဆလောက် မြင့်တက်သွားတဲ့ ဈေးနှုန်းကို လျှော့ချပေးပါ ဆိုပြီး ၁၀၀ နဲ့ပဲ နဂိုအတိုင်း ပြန်လုပ်ပေးပါဆိုတဲ့ အဲဒီ တောင်းဆိုချက်ပါပဲ။ ကျန်တဲ့ဟာတော့ မပါပါဘူး။ နိုင်ငံရေးပိုင်းနဲ့ ပတ်သက်တဲ့ဟာမျိုးကတော့ မပါပါဘူး။”
အာဏာပိုင်တွေဘက်က တုံ့ပြန်မှုကရော ဘယ်လိုရှိပါသလဲခင်ဗျ။ -
“အာဏာပိုင်တွေ ဘက်ကတော့ တုံ့ပြန်မှုကတော့ သူတို့က ဘာမှ ဟိုဟာဒီဟာ လုပ်တာမျိုး မရှိပါဘူး။ သူတို့က ဘေးကပဲ စောင့်ကြည့်ပေးနေတဲ့ သဘောလောက်ပဲ လုပ်ပေးပါတယ်။ ဘာမှ နှောက်ယှက်တာတွေ ဘာတွေတော့ မလုပ်ပါဘူး။”
လူစုခွဲတယ် ဆိုတာမျိုးလည်း ကြားလို့ပါ။ အဲဒါ ဟုတ်ပါသလား။ -
“လူစုခွဲတယ်ဆိုတာမျိုးကတော့ အဲဒီလောက်အထိတော့ မဟုတ်ပါဘူး။ အဲဒီကျောင်းရှေ့မှာ ကျောင်းဆရာကြီးနဲ့ ကျောင်းသားတွေနဲ့ ပြည်နယ်အစိုးရရုံးရှေ့မှာ စေ့စပ်ဆွေးနွေးပြီးတော့ ငြိမ်းငြိမ်းချမ်းချမ်းနဲ့ပဲ သူ့ဟာသူတော့ ဘယ်လို အဆင်ပြေသွားလဲတော့၊ နောက်ဆုံး အခြေအနေထိတော့ ကျနော်တို့ စုံစမ်းနေတုန်း ရှိသေးပါတယ်။ အခုတော့ အဲဒီနေရာမှာပဲ သူတို့က ထိုင်ပြီး ဆန္ဒပြနေတဲ့သဘောမျိုး ဖြစ်ပါတယ်။”
ဒါဆိုရင် ဖမ်းတာဆီးတာတော့ မရှိဘူးပေါ့။ -
“ဟုတ်ကဲ့။ ပြေလည်သွားမယ်လို့တော့ ထင်ပါတယ်။ အဲဒီ အတိုင်းအတာထိတော့ ပြေလည်သွားတယ်လို့ ယူဆရပါတယ်။”
ဦးအောင်မြကျော် ကျေးဇူးတင်ပါတယ်။
ဆန္ဒပြကျောင်းသားခေါင်းဆောင် ၄ ဦးနဲ့ ပြည်နယ်အစိုးရ အာဏာပိုင်တွေ အချိန်အတန်ကြာ ညှိနှိုင်းဆွေးနွေးခဲ့ကြပေမဲ့ နှစ်ဘက် ပြေလည်တဲ့အဖြေတော့ မထွက်ခဲ့ပါဘူး။ ဒါပေမဲ့ ညပိုင်း ၇ နာရီလောက်မှာတော့ ကျောင်းသားတွေက အစိုးရရုံးရှေ့ကနေ လူစုခွဲပေးခဲ့ကြတယ်လို့ သိရပါတယ်။

မြန်မာဖွံ့ဖြိုးရေးအကူအညီ ဒိန်းမတ် တိုးမြှင့်မည်
By မစုမြတ်မွန်
ဒိန်းမတ်နိုင်ငံက ဖွံ့ဖြိုးမှုဆိုင်ရာ ပူးပေါင်းဆောင်ရွက်ရေး ဝန်ကြီး ခရစ်ရှန်ဖရိစ်ဘက် (Christian Friis Bach) ဟာ မြန်မာနိုင်ငံမှာ ရောက်နေပါတယ်။ မြန်မာနိုင်ငံက ဖြစ်ပေါ် တိုးတက်မှုတွေကို ကြည့်ဖို့နဲ့ တိုင်းရင်းသား ဒေသတွေက အခြေအနေတွေကို လေ့လာမှာဖြစ်တယ်လို့ မြန်မာနိုင်ငံဆိုင်ရာ ဒိန်းမတ်သံအမတ်ကြီးက ပြောပါတယ်။ မြန်မာနိုင်ငံမှာ လူသားချင်းစာနာမှုဆိုင်ရာ အကူအညီတွေ လိုအပ်နေတဲ့အတွက် ဒိန်းမတ် နိုင်ငံက တိုးပြီး ပေးသွားဖို့ အစီအစဉ်ရှိနေတယ် ဆိုတဲ့အကြောင်း ဘန်ကောက်ရုံးက မစုမြတ်မွန်က တင်ပြထားပါတယ်။
ဒိန်းမတ်နိုင်ငံရဲ့ ဖွံ့ဖြိုးမှုဆိုင်ရာ ပူးပေါင်းဆောင်ရွက်ရေးဝန်ကြီး အဖြစ် မကြာခင်ကမှ တာဝန်ယူခဲ့တဲ့ မစ္စတာ ခရစ်ရှန်ဖရစ်ဘက် ဟာ မြန်မာနိုင်ငံက အခြေအနေတွေကို လေ့လာဖို့အတွက် မြန်မာနိုင်ငံမှာ ရောက်နေတာ ဖြစ်ပါတယ်။
ပညာရေး၊ ကျန်းမာရေးနဲ့ အသက်မွေးဝမ်းကျောင်းမှု ဆိုင်ရာမှာ ဒိန်းမတ်နိုင်ငံက အထောက်အပံ့ပေးနေတဲ့ လုပ်ငန်းတွေကို လေ့လာ သုံးသပ်ဖို့နဲ့ မြန်မာနိုင်ငံရဲ့ အခြေအနေကို အကဲဖြတ်ဖို့အတွက် ဝန်ကြီး ဘက် မြန်မာနိုင်ငံကိုသွားတာ ဖြစ်တယ်လို့ မြန်မာ၊ ထိုင်းနဲ့ ကမ္ဘောဒီးယားဆိုင်ရာ ဒိန်းမတ် သံအမတ်ကြီး မီခေလ်း ဟစ်မစ်တစ် ဗင်တာ (Mikael Hemniti Winther) က ဗွီအိုအေ မြန်မာပိုင်းကို ပြောပါတယ်။ ဝန်ကြီးရဲ့ ခရီးစဉ်မှာ အစိုးရ တာဝန်ရှိသူတွေအပြင် အမျိုးသားဒီမိုကရေစီအဖွဲ့ချုပ် ခေါင်းဆောင် ဒေါ်အောင်ဆန်းစုကြည် နဲ့လည်း တွေ့ဆုံမှာဖြစ်တာမို့ ဘယ်လို ကိစ္စတွေကို အဓိကထား ဆွေးနွေးမှာပါလဲဆိုတော့ -
“လက်ရှိမြန်မာနိုင်ငံမှာ နိုင်ငံရေး၊ စီးပွားရေးအရ ဖြစ်နေတဲ့ အခြေအနေတွေကို ကိုယ်တိုင် မြင်နိုင် သုံးသပ်နိုင်ဖို့ကို အစိုးရရော အတိုက်အခံ အပါအဝင် မိတ်ဆွေ အဖွဲ့အစည်းတွေနဲ့ အဓိကထား ဆွေးနွေးမှာဖြစ်ပါတယ်။ လူ့အခွင့်အရေး အခြေအနေ၊ နိုင်ငံရေး အကျဉ်းသားကိစ္စ၊ တိုင်းရင်းသား ဒေသတွေမှာ ဖြစ်နေတဲ့ အခြေအနေတွေအပြင်၊ ဖွံ့ဖြိုးမှုဆိုင်ရာ ပူးပေါင်းဆောင်ရွက်နေတဲ့ ကိစ္စတွေအကြောင်းကို ဝန်ကြီး မစ္စတာဖရစ်ဘက် ဆွေးနွေးသွားမှာ ဖြစ်ပါတယ်။” - လို့ ဒိန်းမတ် သံအမတ်ကြီးက ပြောခဲ့တာပါ။
မြန်မာနိုင်ငံမှာ စတင်နေတဲ့ အပြောင်းအလဲတွေဟာ အားတက်စရာ ဖြစ်ပါတယ်လို့ ဗြိတိန်၊ အမေရိကန်စတဲ့ နိုင်ငံတွေက ပြောနေချိန်မှာ ဒိန်းမတ်နိုင်ငံအနေနဲ့ရော ဘယ်လို သုံးသပ်ပါသလဲလို့ မြန်မာနိုင်ငံဆိုင်ရာ ဒိန်းမတ်သံအမတ်ကြီး မီခေလ်း ဟစ်မစ်တစ် ဗင်တာ ကို မေးကြည့်ပါတယ်။
“ကျနော်တို့ရဲ့ EU မိတ်ဘက်နိုင်ငံတွေနဲ့အတူ ဒိန်းမတ်နိုင်ငံက မြန်မာနိုင်ငံမှာ ဖြစ်နေတဲ့ အခြေအနေတွေကို အနီးကပ် စောင့်ကြည့် လေ့လာနေပါတယ်။ ဒိန်းမတ်နိုင်ငံဘက်က မြင်ရတာကတော့ ကောင်းတဲ့ ပြောင်းလဲမှုတွေ ဖြစ်နေပါတယ်။ ကျနော်တို့ ထုတ်ပြန်ထားတဲ့ ကြေညာချက်ထဲကအတိုင်း မြန်မာနိုင်ငံမှာ လိုအပ်နေတဲ့ ဖွံ့ဖြိုးတိုးတက်ရေးဆိုင်ရာ ပူပေါင်းဆောင်ရွက်တဲ့ အကူအညီတွေကို ဒိန်းမတ်နိုင်ငံက ၂၀၁၂ ခုနှစ်ကစပြီး တိုးပေးသွားမှာ ဖြစ်ပါတယ်။” - လို့ မြန်မာ၊ ထိုင်း၊ ကမ္ဘောဒီးယားဆိုင်ရာ ဒိန်းမတ် သံအမတ်ကြီးက ပြောပါတယ်။
မြန်မာနိုင်ငံမှာ ကျန်းမာရေး၊ ပညာရေးနဲ့ အသက်မွေးဝမ်းကျောင်းမှု ဆိုင်ရာ အထောက်အပံ့တွေကို ပြည်တွင်းနဲ့ နိုင်ငံတကာက အစိုးရမဟုတ်တဲ့ အဖွဲ့တွေကတဆင့် ဒိန်းမတ်နိုင်ငံက ထောက်ပံ့ကူညီနေတဲ့ နိုင်ငံတစ်ခုဖြစ်ပါတယ်။ အခုဖွံ့ဖြိုးမှုဆိုင်ရာ ဝန်ကြီးရဲ့ ၄ ရက်ကြာ မြန်မာနိုင်ငံ ခရီးစဉ်အတွင်းမှာလည်း နောက်ထပ် ထောက်ပံ့မှုတွေ ပေးသွားရေးကို အကဲဖြတ်သွားမှာ ဖြစ်ပါတယ်။ အခြေခံပညာရေးကဏ္ဍ အရည်အသွေးမှီ တိုးတက်ဖို့ အရေးတကြီး လိုအပ်နေတဲ့အတွက် ထောက်ပံ့ငွေ ဒေါ်လာ ၄ သန်းခွဲ ကနဦးပေးဖို့ UNCIEF ဌာနေကိုယ်စားလှယ်နဲ့ ဒီကနေ့ပဲ သဘောတူ လက်မှတ်ထိုးခဲ့ပါတယ်။ အခုလို ဒိန်းမတ်နိုင်ငံက ထောက်ပံ့နေတဲ့ ထောက်ပံ့ကြေးတွေ တကယ် လိုအပ်နေတဲ့သူတွေ လက်ထဲ တကယ်ရောက်အောင် ဘယ်လို စီစဉ်မှုတွေ လုပ်ထားပါသလဲဆိုတဲ့ အမေးကို  သံအမတ်ကြီး မီခေလ်း ဟစ်မစ်တစ် ဗင်တာ က အခုလို ဖြေပါတယ်။
“ဖွံ့ဖြိုးမှုဆိုင်ရာ ပူးပေါင်းဆောင်ရွက်တဲ့ အကူအညီတွေ ကျနော်တို့ပေးနေတဲ့ နိုင်ငံတိုင်းမှာ ထောက်ပံ့ငွေတွေ အလွဲသုံးစားမဖြစ်အောင် လုပ်ထားပါတယ်။ စာရင်းအင်းတွေ ပြုစုထားသလို သုံးစွဲတဲ့ ဘဏ်စာရင်းတွေ ကိုလည်း စာရင်းစစ်ပါတယ်။ ကျနော်တို့နဲ့ တိုက်ရိုက် လက်တွဲလုပ်နေတဲ့ နိုင်ငံတကာ အဖွဲ့အစည်းတွေဖြစ်တဲ့ ကုလသမဂ္ဂအဖွဲ့တွေ၊ နိုင်ငံတကာ NGO တွေတင် မကဘဲ အစိုးရအဖွဲ့တွေနဲ့ တိုက်ရိုက်လုပ်နေတဲ့ အကူအညီပေးရေး လုပ်ငန်းတိုင်းမှာ ပေးနေတဲ့ ထောက်ပံ့ရေး အကူအညီတွေ အလွဲသုံးစား မဖြစ်အောင်တင် မဟုတ်ပါဘူး၊ တကယ်ပေးချင်တဲ့သူတွေဆီ ရောက်နိုင်ဖို့ အကာအကွယ်တွေ လုပ်ထားပါတယ်။” - လို့ ပြောသွားတာဖြစ်ပါတယ်။
ဒိန်းမတ်အစိုးရဟာ ရှမ်းပြည်နယ်ဘက်မှာလည်း ပညာရေး၊ ကျန်မာရေး ဆိုင်ရာ အကူအညီတွေအပြင် အသေးစား ငွေချေးလုပ်ငန်းတွေကို ဒေသခံ NGO အဖွဲ့တွေနဲ့ တွဲပြီး အကူအညီပေးနေတဲ့အတွက် ဖွံ့ဖြိုးမှုဆိုင်ရာ ပူးပေါင်းဆောင်ရွက်ရေးဝန်ကြီး မစ္စတာ ခရစ်ရှန်ဖရစ်ဘက် ဟာ ရှမ်းပြည်နယ်ဘက်ကို သွားဖို့လည်း အစီအစဉ်ရှိတယ်လို့ ပြောပါတယ်။ မြန်မာနိုင်ငံမှာ လူသားချင်း စာနာမှုဆိုင်ရာ အထောက်အပံ့တွေအတွက် ဒိန်းမတ်နိုင်ငံရဲ့ နှစ်စဉ် ထောက်ပံ့ကူညီမှုဟာ အမေရိကန်ဒေါ်လာ ၁၂ သန်းကျော် ရှိပါတယ်။

နိုင်/ကျဉ်းတွေလွှတ်မှ EU ဒဏ်ခတ်မှု ရုပ်မည်
By မစုမြတ်မွန်
ဗြိတိန်နိုင်ငံခြားရေးဝန်ကြီး ၀ီလျံဟိတ်ဂ် နဲ့ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်တို့ ဒေါ်အောင်ဆန်းစုကြည် နေအိမ်မှာ သတင်းထောက်များနှင့် တွေ့ဆုံနေစဉ်။ (ဇန်န၀ါရီလ ၆၊ ၂၀၁၂)
မြန်မာနိုင်ငံမှာ နိုင်ငံရေးအကျဉ်းသားတွေ ရှိနေသေးသရွေ့ EU ရဲ့ ဒဏ်ခတ်မှုတွေ ပြောင်းလဲမှာ မဟုတ်ဘူးလို့ ဗြိတိန် နိုင်ငံခြားရေးဝန်ကြီး ၀ီလျံဟိတ်ဂ် (William Hague) က ပြောလိုက်ပါတယ်။ မြန်မာနိုင်ငံမှာ ပြောင်းလဲမှုအရှိန်ကို မြင်နေရပေမဲ့ လုပ်စရာတွေ အများကြီး ကျန်နေသေးတဲ့အတွက် မြန်မာအစိုးရအပေါ် ပေးထားတဲ့ ဖိအားတွေကို အစောတလျင် လျှော့ပေါ့ မပေးသင့်ဘူးလို့ ဒီနေ့မနက် ဒေါ်အောင်ဆန်းစုကြည်နဲ့ တွေ့ဆုံအပြီးမှာ ဗြိတိန် နိုင်ငံခြားရေးဝန်ကြီးက ပြောခဲ့တာဖြစ်ပါတယ်။ ဒေါ်အောင်ဆန်းစုကြည်ကလည်း မကြာခင်ကျင်းပမယ့် ကြားဖြတ်ရွေးကောက်ပွဲမှာ NLD ပါတီ အပြတ်အသတ် အနိုင်ရဖို့ မျှော်လင့်ပါတယ်လို့ ပြောခဲ့တဲ့အကြောင်း ဘန်ကောက်ရုံးက မစုမြတ်မွန်က တင်ပြထားပါတယ်။
မြန်မာအစိုးရဘက်က လုပ်နေတဲ့ အပြောင်းအလဲတွေကို အားပေးဖို့ မြန်မာနိုင်ငံကို ရောက်လာကြတဲ့ အဆင့်မြင့် သံတမန်တွေထဲမှာ ဗြိတိန် နိုင်ငံခြားရေးဝန်ကြီး ၀ီလျံဟိတ်ဂ် ဟာ နှစ်သစ်မှာ ပထမဆုံး ရောက်လာခဲ့သူ ဖြစ်ပါတယ်။ သူဟာ ဒီကနေ့ မနက်ပိုင်းမှာ အမျိုးသားဒီမိုကရေစီ အဖွဲ့ချုပ်ခေါင်းဆောင် ဒေါ်အောင်ဆန်းစုကြည်နဲ့ တွေ့ဆုံခဲ့ပြီး သတင်းထောက်တွေကို မြန်မာနိုင်ငံမှာ လုပ်ဖို့လိုနေသေးတဲ့ ပြုပြင်ပြောင်းလဲမှုတွေ အများကြီး ကျန်သေးတယ်လို့ ပြောခဲ့ပါတယ်။ သမ္မတဦးသိန်းစိန်ရဲ့ ဆောင်ရွက်မှုတွေကို ဗြိတိန်နိုင်ငံက ထောက်ခံအားပေးပေမဲ့ နိုင်ငံရေး အကျဉ်းသားတွေ လွှတ်ပေးရေး အပါအဝင် လုပ်စရာတွေ အများကြီး လိုနေသေးတယ်လို့ ဝန်ကြီး မစ္စတာဟိတ်ဂ် က အခုလို ပြောပါတယ်။
“ကိုယ့်ရဲ့  နိုင်ငံရေး ယုံကြည်ချက်ကြောင့် ထောင်ချခံထားရတဲ့သူတွေ ရှိနေသရွှေ့ ဒီနိုင်ငံဟာ လွတ်လပ်ပြီး၊ ဒီမိုကရေစီ ကျင့်သုံးနေပြီလို့ ပြောဖို့ မဖြစ်နိုင်ပါဘူး။ မြန်မာအစိုးရအပေါ် EU ဥရောပသမဂ္ဂက ချမှတ်ထားတဲ့ ဒဏ်ခတ်အရေးယူမှုတွေ ပြင်ဆင်ဖို့ဆိုရင်တော့ ဒီလို ထောင်ချခံထားရသူတွေ ပြန်လွတ်လာရေးဟာ အင်မတန်ကို အခရာကျပါတယ်။” - လို့ ဗြိတိန် နိုင်ငံခြားရေးဝန်ကြီး ၀ီလျံဟိဂ်က ပြောသွားတာ ဖြစ်ပါတယ်။
မကြာခင်ကလုပ်ခဲ့တဲ့ လွတ်ငြိမ်းချမ်းသာခွင့်မှာ နိုင်ငံရေးအကျဉ်းသားတွေ ဆယ် ဂဏန်းပဲ ပါတဲ့အပေါ် ပြည်သူအများရဲ့ စိတ်ပျက်သံတွေကို ကြားနေရတဲ့အတွက် ဒီကိစ္စကို အစိုးရဘက်က ပိုပြီး စိတ်အား ထက်ထက်သန်သန်နဲ့ လုပ်ဖို့လိုတယ်ဆိုတာ ရှင်းပါတယ်လို့လည်း သတင်းစာရှင်းလင်းပွဲမှာ ပြောသွားပါတယ်။ မြန်မာနိုင်ငံကို ကြာသပတေးနေ့ကစပြီး ၂ ရက်ကြာ ခရီးစဉ်နဲ့ ရောက်ရှိနေတဲ့ ဝန်ကြီး မစ္စတာဂိတ်ဂ် ဟာ နေပြည်တော်မှာ မနေ့က သမ္မတဦးသိန်းစိန်၊ နိုင်ငံခြားရေးဝန်ကြီး ဦးဝဏ္ဏမောင်လွင်၊ ပြည်သူ့လွှတ်တော် ဥက္ကဋ္ဌ ဦးရွှေမန်းတို့နဲ့ သီးခြားစီ တွေ့ဆုံ ဆွေးနွေးခဲ့ပါတယ်။ အဲဒီလို ဆွေးနွေးမှုတွေမှာလည်း နိုင်ငံရေး အကျဉ်းသားတွေ အားလုံးကို ပြန်လွှတ်ပေးရေး၊ ဧပြီလမှာကျင်းပမယ့် ကြားဖြတ် ရွေးကောက်ပွဲတွေမှာ  နိုင်ငံတကာ လက်ခံနိုင်လောက်တဲ့ လွတ်လပ် မျှတမှုရှိရေးနဲ့ တိုင်းရင်းသား ဒေသတွေမှာ ခံစားနေကြရတဲ့ ဆင်းရဲဒုက္ခတွေ အမှန်တကယ် ကင်းဝေးသွားအောင် ဆောင်ရွက်ရေးတွေကို ဗြိတိန်အစိုးရက မြင်ချင်တယ် ဆိုတာကို ရှင်းရှင်းလင်းလင်း အသိပေးခဲ့တယ်လို့ ဗြိတိန်နိုင်ငံခြားရေး ဝန်ကြီးက ပြောခဲ့ပါတယ်။
ရန်ကုန်မှာ ဒေါ်အောင်ဆန်းစုကြည်၊ အမျိုးသား ဒီမိုကရေစီအဖွဲ့ချုပ် ဗဟိုအလုပ်အမှုဆောင်တွေနဲ့ တွေ့ဆုံအပြီးမှာလည်း လက်ရှိမြန်မာနိုင်ငံရဲ့ အခြေအနေကို မစ္စတာဂိတ်ဂ်က ခုလို ပြောပါတယ်။
“ပြုပြင်ပြောင်းလဲရေး အရှိန်ရနေတာကတော့ သေချာတယ်လို့ ကျနော် ထင်ပါတယ်။ အစိုးရ အဖွဲ့ဝင်တွေ ကြားထဲမှာတင် မြင်နေရတာ မဟုတ်ပါဘူး။ မြန်မာပြည်သူတွေမှာလည်း အပြောင်းအလဲတွေ ဖြစ်လာမယ် ဆိုတဲ့ မျှော်မှန်းချက်တွေ ရှိလာတာကို တွေ့ရပါတယ်။” - လို့ ပြောသွားတာ ဖြစ်ပါတယ်။
ဒီသတင်းစာရှင်းလင်းပွဲ တလျှောက်လုံးမှာ ဗြိတိန် နိုင်ငံခြားရေးဝန်ကြီးက မြန်မာနိုင်ငံမှာ ပြုပြင် ပြောင်းလဲမှုတွေ၊ နောက်ထပ် တိုးတက်မှုတွေ အများကြီး လိုနေသေးတယ် ဆိုတာကိုတော့ ထပ်တလဲလဲ ပြောသွားတာကို တွေ့ရပါတယ်။ ပူးတွဲသတင်းစာရှင်းပွဲမှာ ဒေါ်အောင်ဆန်းစုကြည်ကလည်း သူတို့ရဲ့ မျှော်လင့်ချက်တွေ၊ ခံစားချက်တွေကို ဗြိတိန် နိုင်ငံခြားရေး ဝန်ကြီးဟာ ထပ်တူထပ်မျှ ပြောကြားသွား ခဲ့တယ်လို့ ပြောပါတယ်။
“နိုင်ငံရေး အကျဉ်းသားတွေ အားလုံးကို ပြန်လွှတ်ပေးသင့်ပါတယ်။ မြန်မာပြည်မှာ တိုင်းရင်းသား ပဋိပက္ခတွေအားလုံး အဆုံးသတ်သွားဖို့ အားထုတ် ဆောင်ရွက်သင့်ပါတယ်။ ကြားဖြတ်ရွေးကောက်ပွဲ တွေကိုလည်း လွတ်လပ် မျှတမှု ရှိစေချင်ပါတယ်။ ဒီရွေးကောက်ပွဲတွေမှာ NLD ကောင်းကောင်းကြီး အနိုင်ရတာကို မြင်ချင်ပါတယ်။” - လို့ ဒေါ်အောင်ဆန်းစုကြည်က ပြောသွားခဲ့ပါတယ်။
မြန်မာနိုင်ငံမှာ သမ္မတ ဦးသိန်းစိန် အစိုးရ တက်လာခဲ့ပြီးနောက်မှာ လုပ်လာတဲ့ ပြောင်းလဲမှုတွေကို အသိအမှတ်ပြုတဲ့အနေနဲ့ အရင်က မြန်မာအစိုးရနဲ့ အဆက်အဆံမလုပ်ခဲ့တဲ့ ဗြိတိန်၊ အမေရိကန် စတဲ့အနောက်နိုင်ငံတွေက ထိတွေ့ဆက်ဆံမှုတွေ လုပ်လာတာကို တွေ့ရပါတယ်။ ရန်ကုန်မှာ ကိုယ်စားလှယ်ရုံးခွဲ တစ်ခုထားမယ်ဆိုတာကိုလည်း မစ္စတာ ဟိတ်ဂ် မြန်မာနိုင်ငံ ရောက်နေချိန်မှာ EU က ကြေညာခဲ့ပါတယ်။ ဒီလို မြန်မာအစိုးရနဲ့ ထိတွေ့ဆက်ဆံမှု လုပ်တဲ့နေရာမှာ သတိထားသင့်တာနဲ့ ပတ်သက်လို့လည်း မစ္စတာ ဟိတ်ဂ်က -
“ပြုပြင်ပြောင်းလဲမှုတွေ လုပ်ပြီးသွားပါပြီလို့ ယူဆလိုက်မှာကို သတိထားသင့်ပါတယ်။ တကယ်တော့ လုပ်နေတဲ့ ပြောင်းလဲမှုတွေဟာ လမ်းတဝက်မှာပဲ ရှိနေသေးတယ် ဆိုတာကို မေ့နေကြမှာကို သတိထား သင့်ပါတယ်။ အစိုးရအပေါ် EU ဥရောပသမဂ္ဂက ချမှတ်ထားတဲ့ အရေးယူ ဒဏ်ခတ်မှုတွေ၊ EU ရဲ့ ကန့်သတ်ထားမှုတွေအပေါ်မှာ ဆုံးဖြတ်ချက် တစ်ခုခုမချခင်မှာ နောက်ထပ် ပြောင်းလဲမှုတွေကို ထပ်ပြီး မြင်ချင်ပါတယ်။ အခုချိန်ထိလုပ်နေတဲ့ အပြောင်းအလဲတွေက မလုံလောက်သေးပါဘူး။ နိုင်ငံရေး အကျဉ်းသားတွေ ရှိနေပါသေးတယ်။ ကျနော်တို့အနေနဲ့ အစိုးရအပေါ် ပေးထားတဲ့ဖိအားကို အစောတလျင် လျှော့ပေါ့မပေးဖို့ အရေးကြီးပါတယ်။” - လို့ ဗြိတိန် နိုင်ငံခြားရေးဝန်ကြီး ၀ီလျံဟိတ်ဂ်က ပြောသွားတာ ဖြစ်ပါတယ်။ ဝန်ကြီးဟာ တိုင်းရင်းသား ခေါင်းဆောင် တချို့ အပြင် နိုင်ငံရေး အကျဉ်းသားတချို့ကိုလည်း တွေ့ဆုံခဲ့ပါတယ်။