03.01.2011 နေ့ဖတ်ရန်သတင်းများ

by Myanmar Journal on Tuesday, January 3, 2012 at 6:59am

 

 
နွားခိုးယူမှုက အစပြုပြီး လူမျိုးရေး အဓိကရုဏ်းဆီ ဦးတည်ခဲ့ 
ဆူဒန် တောင်ပိုင်းက လူမျိုးရေး အဓိကရုဏ်း

တောင်ပိုင်း ဆူဒန်နိုင်ငံမှာ တိုင်းရင်းသား မျိုးနွယ်နှစ်ခု ပဋိပက္ခ ဖြစ်ပွားနေခဲ့ကြရာမှာ ရှေ့ဆက်ပိုမို ကြီးထွားလာဖို့ အလားအလာ ရှိတဲ့ အတွက် အသက် အန္တရာယ်ကင်းအောင် ကိုယ်လွတ်ရုန်း ထွက်ပြေးကြဖို့ ကုလသမဂ္ဂက သတိပေးလိုက်ပါတယ်။
လောနူအာ မျိုးနွယ်စုတွေရဲ့ လတ်တလော တိုက်ခိုက်မှုတွေကြောင့် မာလီလူမျိုးတွေ သောင်းနဲ့ချီထွက်ပြေးခဲ့ကြပြီးလည်း ဖြစ်ပါတယ်။ ပီဘာ မြို့ရဲ့ အစိတ် အပိုင်းတော်တော်များများ ဟာ လည်း ဖျက်ဆီး ချေမှုန်းခံခဲ့ရပြီး ဆေးရုံတရုံလည်း မီးရှို့ဖျက်ဆီး ခံခဲ့ရပါတယ်။
ကုလသမဂ္ဂတပ်ဖွဲ့တဖွဲ့လည်း ပီဘာမြို့မှာ ရောက်ရှိနေပြီး တောင်ပိုင်း ဆူဒန်နိုင်ငံ တပ်ဖွဲ့နဲ့ အတူရှိနေပါတယ်။
တောင်ပိုင်း ဆူဒန် အစိုးရကလည်း ရဲနဲ့ စစ်တပ်တွေထပ်ပြီး ပို့ဆောင်နေပါတယ်။

ဓါတ်ဆီဈေး မြှင့်တင်ဓါတ်ဆီဈေး မြှင့်တင်
မြန်မာနိုင်ငံမှာ ၂ဝ၁၂ ခု နှစ်ဆန်း ၁ ရက်နေ့ မှာဘဲ အစိုးရ ဓါတ်ဆီဈေး နှုန်း ဟာ ကြိုတင် အသိ ပေးခြင်း မရှိဘဲ ရုတ်တရက် ဈေးတက်သွားပါတယ်။ ဓါတ်ဆီ တဂါလံ ကို ကျပ်ငွေ ၂၅ဝဝ ကနေ ၃၃၅ဝ ကျပ် အထိ တိုးမြင့် သွားတဲ့ အတွက် ၃ဝ ရာခိုင်နှုန်း ကျော် တက်သွားတါပါ။
ဈေးမတက်မီ လ ပိုင်းကတော့ ဓါတ်ဆီဈေး တက်မယ်ဆိုတဲ့ သတင်းတွေ ထွက်ပေါ် နေကြောင်း ရန်ကုန်မှ အငှားကား ပြေးဆွဲသူက ဘီဘီစီ ကို ပြောပြပါတယ်။ ပြင်ပ ပေါက်ဈေး အရတော့ ကျပ်ငွေ ၄၅ဝဝ ရှိကြောင်း သိရပါတယ်။
ဓါတ်ဆီဈေး တက်ပေမယ့် ဒီဇယ်ဆီ နဲ့ အောက်တိန်း ဈေးမတက်ဘူး လို့ သိရပါတယ်။ ပေးနေကျ ဓါတ်ဆီ ၂ ဂါလံ တော့ ရရှိဆဲ ဖြစ်ပါတယ်။ အခုလို ဓါတ်ဆီဈေး မြင့်တက်သွားတဲ့ အတွက် တိုင်ဆီ အငှား ကား မောင်းသူတွေ အနေနဲ့ ကားခ ပိုတောင်းရုံ ဘဲ ရှိတဲ့ အကြောင်း၊ မူလက ကျပ်ငွေ ၂ဝဝဝ တန် ခရီး ကို ၂၃ဝဝ၊ ၂၅ဝဝ၊ စသဖြင့် တောင်းခံရဘွယ် ရှိကြောင်း ဘီဘီစီ ကို ပြောပါတယ်။
ကုန်စည်သယ်ပို့ နေတဲ့ ကုန်တင်ကားတွေ အနေနဲ့ ဓါတ်ဆီဈေး တက်လာတါ နဲ့ အမျှ ကုန်သယ်ခ ပါ တက်လာဘွယ် ရှိနိုင်ပုံ၊ ကုန်ဈေးနှုန်း လည်း တက်လာနိုင်ခြေ ရှိပါတယ်။ အခုလို ဓါတ်ဆီဈေး တိုးမြှင့်ရ ခြင်း အကြောင်းရင်း က အာဆီယံ နိုင်ငံ တွေက ဈေးနှုန်းတွေ အတိုင်း ဖြစ်အောင် တက်လာတယ် ဆိုတဲ့ သတင်းတွေ ထွက်နေပုံ ကို တိုင်ဆီ မောင်းသူ က ဘီဘီစီ ကို ပြောပြ ပါတယ်။

ဆိုမားလီးယား သူပုန်တွေကို ဝိုင်းရံ တိုက်ခိုက်နေဆိုမားလီးယား သူပုန်တွေကို ဝိုင်းရံ တိုက်ခိုက်နေ
ဆိုမားလီးယားနိုင်ငံက အစ္စလာမ် သူပုန်အဖွဲ့ဟာ အဘက်ဘက်က ညှပ်ပူးညှပ်ပိတ် ဝိုင်းဝန်းတိုက်ခိုက်တာကို ခံနေရပါတယ်။
အီသီယိုပီးယား တပ်ဖွဲ့တွေက ဆိုမားလီးယား သူပုန်တို့ရဲ့ အဓိက ရိက္ခာလမ်းကြောင်းဖြစ်တဲ့ ရှားဘဲလ် မြစ်ကူးတံတားကို တိုက်ခိုက်သိမ်းပိုက်ဖို့ ကြိုးစားနေပါတယ်။
အဲဒီ ဒေသကို အီသီယိုပီးယား တပ်တွေက ထိန်းချုပ်သွားနိုင်ရင် အယလ်ရှားဘတ် သူပုန်တွေ အတွက် တောင်ပိုင်း ကစ်မာယိုး က အကူအညီတွေအားလုံး မရနိုင်တော့ဘဲ ဆက်သွယ်ရေး လမ်းကြောင်းပြတ်တောက်သွားမှာ ဖြစ်ပါတယ်။
တချိန်တည်းမှာပဲ အစိုးရ ထောက်ခံတဲ့ လက်နက်ကိုင် အဖွဲ့အစည်းတွေက ဆိုမားလီးယားတောင်ပိုင်းနဲ့ အလယ်ပိုင်းမှာရှိတဲ့ သူပုန်တပ်ဖွဲ့တွေကို တိုက်ခိုက်နေပါတယ်။
ဆိုမားလီးယား စစ်တပ်ဦးစီးချုပ်က အခုတိုက်ခိုက်မှုတွေဟာ စစ်မျက်နှာ ပေါင်းစုံကနေ တပြိုင်တည်း တိုက်ခိုက်နေတာဖြစ်ပြီး ဆိုမားလီးယားတနိုင်ငံလုံးလွတ်မြောက်ရေးကို ရည်ရွ်ာယ်ဆောင်ရွက်နေတာလို့ ဆိုပါတယ်။

အီရန် ဒုံးကျည် စမ်းသပ်မှုအီရန် ဒုံးကျည် စမ်းသပ်မှု အောင်မြင်
အီရန်နိုင်ငံက ဟော်မူးဇ် ရေလက်ကြားမှာ သူ့နိုင်ငံရဲ့ စစ်အင်အားကို ဖော်ထုတ်ပြသတဲ့ အနေနဲ့ ရေတပ် စစ်ရေး လေ့ကျင့်မှုပြုလုပ်နေရာမှာ နောက်ဆုံးနေ့မှာ တော့ မစ်ဇိုင်းဒုံးကျည်နှစ်လုံးကို အောင်အောင်မြင်မြင် စမ်းသပ် ပစ်ခတ်ပြခဲ့ပါတယ်။
အီရန်လုပ် သင်္ဘောဖျက် ဒုံးကျည်ဟာ ပစ်မှတ်ကို အတိအကျ ပစ်ခတ်နိုင်ခဲ့တယ်လို့ အီရန် ရေတပ် အရာရှိတယောက်က ပြောခဲ့ပါတယ်။
နောက်ထပ် ဒုံးကျည်တလုံးကလည်း အရင် ဒုံးကျည်ထက် ပိုပြီး အဆင့်မြှင့်တင် နိုင်ခဲ့တဲ့ ဒုံးကျည်တလုံးဖြစ်တယ်လို့ ဆိုပါတယ်။
ကမ္ဘာ့ ရေနံ အဓိက တင်ပို့ရာ ဒေသကို သူတို့ အနေနဲ့ ထိန်းချုပ်နိုင်စွမ်းရှိကြောင်း အီရန်အနေနဲ့ ပြသဖို့ ကြိုးစားတဲ့ လက္ခဏာ ဖြစ်တယ်လို့ ဘီဘီစီ တီဟရန် သတင်းထောက်က ပြောပါတယ်။
အီရန်နိုင်ငံရဲ့ ညူကလီးယား ရည်မှန်းချက်ကို တားမြစ်တဲ့ အနေနဲ့ အမေရိကန်နဲ့ အနောက်နိုင်ငံတွေက အီရန်ကို ပိတ်ဆို့အရေးယူထားပေမဲ့ အီရန်ဟာ ဒုံးကျည်ကို သူ့အင်အားနဲ့ သူတည်ဆောက်ထုတ်လုပ်နိုင်ကြောင်း အနောက်ကမ္ဘာကို ပြသပြောကြားချင်တာဖြစ်နိုင်တယ်လို့လည်း ဘီဘီစီ သတင်းထောက်က ဆိုပါတယ်။

ထောင်ဒဏ် လျော့ပေါ့မိန့် ကြေညာ
မြန်မာနိုင်ငံမှာ သေဒဏ်ကျခံနေရတဲ့ အကျဉ်းသားတွေကို ထောင်ဒဏ် တသက်ပြစ်ဒဏ်၊ နှစ် ၃၀ အထက် ထောင်ဒဏ်ကျခံရသူတွေကို ထောင်ဒဏ် နှစ် ၃၀၊ ထောင်ဒဏ် အနှစ် ၂၀ နဲ့ ၃၀ အကြား ကျခံရသူတွေကို ထောင်ဒဏ် ၂၀၊ ထောင်ဒဏ် အနှစ် ၂၀ အောက်တွေကို ထောင်ဒဏ် လေးပုံတစ်ပုံ လျော့ချပေးလိုက်ပါတယ်။
လက်ရှိ ထောင်ဒဏ် တသက် ကျခံနေရသူတွေကတော့ အခုအမိန့်အရ သက်သာခံစားခွင့် တစုံတရာမှ မရပါဘူး။
နိုင်ငံရေး အကျဉ်းသားနဲ့ ပတ်သက်တဲ့ မှတ်ချက် တစုံတရာ ဖော်ပြထားတာလည်း မတွေ့ရပါဘူး။
၆၄ နှစ်မြောက် လွတ်လပ်ရေးနေ့ အထိမ်းအမှတ်အဖြစ် အကျဉ်းသားတွေကို လျော့ရက်သတ်မှတ်ပေးတဲ့ အခုအမိန့်ကို သမ္မတဦးသိန်းစိန်က လက်မှတ်ရေးထိုးထားပြီး အစိုးရသတင်းဌာနတွေဖြစ်ကြတဲ့ မြန်မာ့အသံ မြန်မာ့ ရုပ်မြင်သံကြားတို့ကနေ ဒီနေ့ ဇန်နဝါရီလ ၂ ရက် တနင်းလာနေ့မှာ ကြေညာခဲ့တာဖြစ်ပါတယ်။
ရုပ်မြင်သံကြားနဲ့ ရေဒီယိုတွေမှာ လွတ်ငြိမ်းချမ်းသာခွင့် အမိန့်အဖြစ် သုံးနှုန်း ကြေညာခဲ့ပေမဲ့ အကျဉ်းထောင်ကနေ လွှတ်ပေးမယ့် အမိန့်မဟုတ်ဘဲ လျော့ရက်ပေးတဲ့ အမိန့်သာ ဖြစ်နေပါတယ်။
အမျိုးသား ဒီမိုကရေစီ အဖွဲ့ချုပ်ရဲ့ ခေါင်းဆောင် တစ်ဦးဖြစ်တဲ့ ဦးဝင်းတင်ကတော့ ဒီလုပ်ရပ်ဟာ သက်သက်ပြည်သူတွေကို နားလှည့် ပါးရိုက် တာသာ ဖြစ်တယ်လို့ ဝေဖန်ပါတယ်။
နိုင်ငံတကာ အသိုင်းအဝိုင်းနဲ့ အတိုက်အခံနိုင်ငံရေး အင်အားစုတွေက နိုင်ငံရေး အကျဉ်းသားတွေ လွှတ်ပေးဖို့ တောင်းဆိုကြပေမဲ့ မြန်မာအစိုးရက တော့ နိုင်ငံရေး အကျဉ်းသားဆိုတဲ့ အသုံးအနှုန်းကို လက်မခံပဲ တောက်လျောက်ငြင်းဆန်ခဲ့တာလည်း ဖြစ်ပါတယ်။
ဦးဝင်းတင်ကတော့ နိုင်ငံရေး အကျဉ်းသား မရှိဘူး၊ နိုင်ငံရေး အကျဉ်းသားကို နားမလည်ဘူးဆိုတဲ့ သဘောထားဟာ သိမ်ဖျင်းနုံချာပြီး ရှက်စရာကောင်းတဲ့ သဘောထား လို့လည်း ပြင်းပြင်းထန်ထန် ဝေဖန် ရှုတ်ချသွားပါတယ်။
နှစ်ရှည်ထောင်ဒဏ်ကျခံနေရတဲ့ နိုင်ငံရေး အကျဉ်းသား အသျှင် ဂမ္ဘီရရဲ့ မိခင် ဒေါ်ရေးကတော့ အခုအမိန့်ကို လွတ်ငြိမ်းချမ်းသာခွင့် အဖြစ် လက်မခံနိုင်ဘူးလို့ ဆိုပါတယ်။
နိုင်ငံရေး အကျဉ်းသားတွေကို ထောင်ဝင်စာ တွေ့နေရ သေးသမျှမှာ ဒီမိုကရေစီဆိုတာ ဂျာနယ်ထဲမှာပဲ ရနေတဲ့ အရာ ဖြစ်လိမ့်မယ်လို့လည်း သူက ဆိုပါတယ်။

ဂျာနယ်ကျော် ဦးချစ်မောင် နှစ်တစ်ရာပြည့် အထိမ်းအမှတ်ပွဲ
2012-01-01
မြန်မာစာပေလောကမှာ ထင်ရှားတဲ့ ကွယ်လွန်သူ သတင်းစာဆရာ၊ စာရေးဆရာ ဂျာနယ်ကျော် ဦးချစ်မောင် နှစ်တရာပြည့် မွေးနေ့ အထိမ်းအမှတ်ပွဲတွေကို ရန်ကုန်မြို့ ကုန်သည်လမ်း၊ စာပေဗိမာန် အဆောက်အဦနဲ့ အမျိုးသားဒီမိုကရေစီ အဖွဲ့ချုပ် ခန်းမမှာ ဒီကနေ့ ကျင်းပခဲ့ပါတယ်။
စာပေဗိမာန်မှာ ကျင်းပတဲ့ပွဲကို ဂျာနယ်ကျော် ဦးချစ်မောင်နဲ့ ဂျာနယ်ကျော် ဒေါ်မမလေးတို့ရဲ့ မြေး၊ သီဟရတနာစာပေ ဦးသိန်းစိုးက ကြီးမှူး ကျင်းပတာဖြစ်ပါတယ်။ ဒီပွဲမှာ စာရေးဆရာ လယ်တွင်းသား စောချစ်၊ ဆရာဦးအံ့မောင်နဲ့ ဆရာမောင်ဝံသတို့က ဂျာနယ်ကျော်ဦးချစ်မောင်ရဲ့ အတုယူစရာ၊ စံနမူနာ ပြုစရာ ဂုဏ်အင်္ဂါတွေကို ပြောကြားခဲ့ကြပါတယ်။

ဗဟန်းမြို့နယ် ရွှေဂုံတိုင်လမ်း၊ အမျိုးသားဒီမိုကရေစီ အဖွဲ့ချုပ် ခန်းမမှာ ကျင်းပတဲ့ ပွဲမှာလည်း အဖွဲ့ချုပ် ဒုဥက္ကဋ္ဌ ဦးတင်ဦး၊ သတင်းစာဆရာကြီး ဦဝင်းတင်နဲ့ စာရေးဆရာ၊ ရုပ်ရှင်ဒါရိုက်တာ ဦးမိုးသူတို့က ဂျာနယ်ကျော်ဦးချစ်မောင် အကြောင်း အမှတ်တရ ဖြစ်ရပ်တွေကို ပြောကြားခဲ့ကြပါတယ်။

သာယာဝတီခရိုင် အုတ်ဖိုမြို့နယ်မှာ ၁၉၁၂ ခုနှစ်က မွေးဖွားခဲ့တဲ့ ဂျာနယ်ကျော် ဦးချစ်မောင်ဟာ လက်ပံတန်းမြို့ အထက်တန်းကျောင်းက ဆယ်တန်းအောင်ပြီး အနော်ရထာ သတင်းစာတိုက်မှာ ဝင်ရောက် လုပ်ကိုင်ခဲ့ပါတယ်။ အဲဒီနောက် မြန်မာ့အလင်း သတင်းစာတိုက်မှာ ညအယ်ဒီတာ လုပ်ကိုင်ရင်း အယ်ဒီတာချုပ် ဖြစ်လာသူပါ။ ၁၉၃၉ ခုနှစ်မှာ မြန်မာ့အလင်းက နှုတ်ထွက်ပြီး ‘ဂျာနယ်ကျော်’ အမည်နဲ့ ဂျာနယ်တစ်စောင် ထုတ်ဝေခဲ့ပါတယ်။

မြန်မာလူမျိုးတွေ မျိုးချစ်စိတ်ဓာတ် မွေးမြူရေးနဲ့ လွတ်လပ်ရေး ရရှိဖို့ ကြိုးပမ်းကြဖို့ ဆော်သြတဲ့စာတွေ၊ နယ်ချဲ့အစိုးရ အပေါ် ဝေဝဖန်တဲ့စာတွေ ရေးသားခဲ့ပါတယ်။ ဂျပန်ခေတ်အတွင်း လျှို့ဝှက် မြေအောက်လုပ်ငန်းတွေ လုပ်ကိုင်ခဲ့ပြီး၊ ဗိုလ်ချုပ်အောင်ဆန်း ခေါင်းဆောင်တဲ့ ဖ-ဆ-ပ-လ မှာ  ဗဟိုဦးစီး အဖွဲ့ဝင်၊  မြန်မာနိုင်ငံ စာရေးဆရာအသင်း ဥက္ကဋ္ဌ စတဲ့ တာဝန်တွေ ဆောင်ရွက်ခဲ့ပါတယ်။

ဂျာနယ်ကျော် ဦးချစ်မောင်ဟာ ၁၉၄၆ ခုနှစ်မှာ ကွယ်လွန်ခဲ့ပါတယ်။ သူ့အကြောင်းကို  ဇနီးဖြစ်သူ ဂျာနယ်ကျော်မမလေးက “သူလိုလူ” ဆိုတဲ့စာအုပ် ရေးသားခဲ့ရာမှာ အထူး လူကြိုက်များ ထင်ရှားခဲ့ပါတယ်။

ကြားဖြတ်ရွေးကောက်ပွဲအတွက် အမျိုးသားဒီမိုကရေစီ အဖွဲ့ချုပ် ပြင်ဆင်
2012-01-02
ဧပြီလ ၁ ရက်မှာ ကျင်းပမယ့် ကြားဖြတ် ရွေးကောက်ပွဲအတွက် ပြည်နယ်တိုင်း အသီးသီးက အမျိုးသားဒီမိုကရေစီ အဖွဲ့ချုပ် ကိုယ်စားလှယ်လောင်း အမည်စာရင်းတွေကို ပါတီ ဗဟို ရွေးကောက်ပွဲ အောင်နိုင်ရေးအဖွဲ့ဆီ ဒီလ ၁၁ ရက် နောက်ဆုံးထားပြီး ပေးပို့ဖို့ ဒီကနေ့ ကြေညာချက် ထုတ်ပြန်လိုက်ပါတယ်။
ကိုယ်စားလှယ်လောင်း ရွေးချယ်ရာမှာ အမျိုးသမီး၊ တိုင်းရင်းသားနဲ့ လူငယ်တွေကို ဦးစားပေး ရွေးချယ်သွားမယ်လို့ ပြန်ကြားရေးတာဝန်ခံ ဦးအုံးကြိုင်က အာရ်အက်ဖ်အေကို ပြောပါတယ်။

“အမျိုးသားဒီမိုကရေစီ အဖွဲ့ချုပ်၏ အကျိုး တခုတည်းကို မကြည့်ဘဲ နိုင်ငံနဲ့ ပြည်သူတစ်ရပ်လုံး၏ အကျိုးနှင့် ဒီမိုကရေစီရေးတို့ကို ရှေးရှုလျက် ရွေးကောက်ပွဲဝင်ခြင်း ဖြစ်ပါသည်။ ထို့ကြောင့် ရွေးကောက်ပွဲ အောင်နိုင်ရေးအတွက် လစ်လပ်လျက်ရှိသော မဲဆန္ဒနယ်မြေများအလိုက် သက်ဆိုင်ရာ ပြည်နယ်၊ တိုင်း၊ ခရိုင် နှင့် မြို့နယ်များမှ ကိုယ်စားလှယ်လောင်းများ လျာထားသည့်စာရင်း တစ်ဦးစီကို ဗဟိုအောင်နိုင်ရေးအဖွဲ့သို့ ၁၁ ရက်၊ ၁ လ၊ ၂ဝ၁၂ ခု ရက် ဗုဒ္ဓဟူးနေ့ညနေ ၄ နာရီ နောက်ဆုံးထား၍ အမျိုးသားဒီမိုကရေစီ အဖွဲ့ချုပ် ဌာနချုပ်သို့ ပေးပို့ကြရန် ဖြစ်ပါသည်”

ဒါ့အပြင် ကိုယ်စားလှယ်လောင်းများဟာ ဒီမိုကရေစီရေးကိုသစ္စာစောင့်သိသူ၊ ပညာအရည်အချင်းနဲ့ အလုပ်အကိုင်အတွေ့အကြုံ ရှိသူများလည်း ဖြစ်ရမယ်လို့ ကြေညာချက်မှာ ဖော်ပြထားပါတယ်။

ကိုယ်စားလှယ်လောင်းတွေရဲ့ အမည်စာရင်းတွေကို ဗဟို အောင်နိုင်ရေးအဖွဲ့က အတည်ပြုမယ်လို့ ဆိုပါတယ်။
 ကြားဖြတ်ရွေးကောက်ပွဲအတွက် အောင်နိုင်ရေးအဖွဲ့ စာရင်းတွေကိုလည်း ဒီလ ၁၁ ရက် နောက်ဆုံးထား ပေးပို့ဖို့ ကြေညာချက်မှာ ဖော်ပြထားပါတယ်။

လွတ်လပ်ရေးအကြို လွတ်ငြိမ်းချမ်းသာခွင့် ထုတ်ပြန်
By မသိင်္ဂီထိုက်
အကျဉ်းသားတွေ လွတ်ငြိမ်းချမ်းသာခွင့်ကို ဒီကနေ့ ညနေ ၄ နာရီခွဲလောက်မှာ မြန်မာအစိုးရက ထုတ်ပြန် ကြေညာလိုက်ပါတယ်။ မြန်မာနိုင်ငံ အမျိုးသား လူ့အခွင့်အရေး ကော်မရှင်ကတော့ အခု လွတ်ငြိမ်းချမ်းသာခွင့် အပေါ် အပြည့်အ၀ အားရကျေနပ်မှု မဖြစ်ဘူးဆိုပြီး ပြောဆိုလိုက်ပါတယ်။ ယတိပြတ် လွှတ်ပေးလိုက်တာမျိုး မဟုတ်ဘဲ ထောင်ဒဏ်တွေကို အသီးသီး လျှော့ချပေးလိုက်တာ ဖြစ်လို့ ထောင်နဲ့ချီ ရှိနေတဲ့ နိုင်ငံရေး အကျဉ်းသားတွေ ဘယ်သူတွေ ပါလာမလဲ ဆိုတာ မသိရသေးပါဘူး။ လွတ်ငြိမ်းချမ်းသာခွင့်နဲ့ ပတ်သက်ပြီး နိုင်ငံရေး အကျဉ်းသား မိသားစုဝင်တွေနဲ့ နိုင်ငံရေးအကျဉ်းသား ကူညီစောင့်ရှောက်ရေး အဖွဲ့တွေကရော ဘယ်လို တုံ့ပြန်လိုက်သလဲ ဆိုတာကိုတော့ မသိင်္ဂီထိုက်က တင်ပြထားပါတယ်။

“ပြည်ထောင်စုသမ္မတ မြန်မာနိုင်ငံတော် နိုင်ငံတော်သမ္မတ ရုံးသည် အမိန့်အမှတ် (၁/၂၀၁၂) ကို ၁၃၇၃ ခုနှစ် ပြာသိုလဆန်း ၉ ရက်၊ ခရစ်နှစ် ၂၀၁၂ ခုနှစ် ဇန်ဝါရီလ ၂ ရက် ဒီကနေ့ ရက်စွဲဖြင့် ထုတ်ပြန်လိုက်ပါတယ်။ အဲဒီကြေညာချက် အပြည့်စုံမှာ လွတ်ငြိမ်းချမ်းသာခွင့်ပြုခြင်း၊ (၆၄) နှစ်မြောက် လွတ်လပ်ရေးနေ့ကို ဂုဏ်ပြုသောအားဖြင့် နိုင်ငံတော် တည်ငြိမ်အေးချမ်းရေးနှင့် တရားဥပဒေစိုးမိုးရေး၊ တိုင်းရင်းသား စည်းလုံးညီညွတ်ရေး တို့အတွက်လည်းကောင်း၊ လူသားချင်း စာနာထောက်ထားမှုကို အလေးပေးသောအားဖြင့်လည်းကောင်း၊ အကျဉ်းထောင်အသီးသီးမှ ပြစ်ဒဏ်ကျခံလျက်ရှိသော အကျဉ်းသားများကို နိုင်ငံတော်ဖွဲ့စည်းပုံ အခြေခံဥပဒေပုဒ်မ…..”
သမ္မတ ဦးသိန်းစိန် လက်မှတ်ရေးထိုး ထုတ်ပြန်လိုက်တဲ့ လွတ်ငြိမ်းချမ်းသာခွင့်ကို ကြေညာသွားတာ ဖြစ်ပါတယ်။
သေဒဏ် ကျခံနေရသူတွေကို ထောင်ဒဏ်တစ်သက်၊ ထောင်ဒဏ် နှစ် ၃၀ အထက် ကျခံနေရသူတွေကို နှစ် ၃၀၊ နှစ် ၃၀ ကနေ နှစ် ၂၀ အတွင်း ကျခံနေရသူတွေကို ထောင်ဒဏ် နှစ် ၂၀ နဲ့ ထောင်ဒဏ် နှစ် ၂၀ အောက် ကျခံနေရသူတွေကို ထောင်ဒဏ်ရဲ့ လေးပုံတစ်ပုံ လျှော့ပေါ့ပေးမယ့်အကြောင်း ဒီကနေ့ ညနေပိုင်းကပဲ သမ္မတ ဦးသိန်းစိန်က (၆၄) နှစ်မြောက် လွတ်လပ်ရေးနေ့ အကြိုအဖြစ် ဒီကနေ့ လက်မှတ် ရေးထိုး ထုတ်ပြန်လိုက်တာပါ။ ဒီအမိန့်ကြောင့် နှစ်ရှည် ထောင်ဒဏ်တွေ ကျခံနေရတဲ့ ၈၈ ကျောင်းသား ခေါင်းဆောင်တွေ လွတ်မလာနိုင်သလို ထောင်နဲ့ချီ ရှိနေတဲ့ နိုင်ငံရေး အကျဉ်းသားတွေထဲက ဆယ်ဂဏန်းလောက်ပဲ လွတ်လာနိုင်တယ်ဆိုပြီး ထိုင်းနိုင်ငံ အခြေစိုက် နိုင်ငံရေးအကျဉ်းသားများ ကူညီစောင့်ရှောက်ရေးအသင်း (AAPP) ရဲ့ အတွင်းရေးမှူး ကိုတိတ်နိုင်က ပြောပါတယ်။
“နိုင်ငံရေးအကျဉ်းသားက အကျဉ်းထောင်ထဲမှာ ၁,၅၀၀ ကျော်လောက်ပဲ ရှိတာပါ။ ဆိုတဲ့အခါကျတော့ ထောင်ဒဏ်တွေ လျှော့ပေါ့တယ်ဆိုတဲ့ဟာနဲ့ ပတ်သက်ပြီးတော့ အများဆုံး လွတ်လာနိုင်တာက ကျနော်တို့ အယောက် ၁၀၀ မပြည့်ပါဘူး။ အယောက် ၁၀၀ ပြည့်မှာမဟုတ်ပါဘူး။”
နိုင်ငံတော် တည်ငြိ်မ်ရေးနဲ့ အများပြည်သူ အေးချမ်းသာယာရေးကို ထိပါးခြင်းမရှိတဲ့ အကျဉ်းသားတွေကို လွတ်ငြိမ်းချမ်းသာခွင့်ပေးဖို့ မြန်မာနိုင်ငံ အမျိုးသား လူ့အခွင့်အရေး ကော်မရှင်က ပြီးခဲ့တဲ့နှစ် နိုဝင်ဘာလ ၁၂ ရက်နေ့က နိုင်ငံတော်သမ္မတထံကို တင်ပြခဲ့ပါတယ်။ ဒါပေမဲ့ အခုထွက်ပေါ်လာတဲ့ လွတ်ငြိမ်းချမ်းသာခွင့် အပေါ်မှာတော့ အားရကျေနပ်မှု အပြည့်အ၀ မရှိဘူးလို့ အမျိုးသား လူ့အခွင့်အရေး ကော်မရှင် ဥက္ကဋ္ဌ ဦးဝင်းမြက ပြောပါတယ်။
“အားလုံးကတော့ စောင့်မျှော်နေကြတာပေါ့နော်။ အပြည့်အ၀တော့ အားရကျေနပ်တယ်လို့တော့ ပြောလို့မရဘူးပေါ့။ ကျနော်တို့အနေနဲ့ကတော့ တင်ပြနိုင်ခွင့်ပဲရှိတာကိုး။ ဆုံးဖြတ်ပိုင်ခွင့်မှ မရှိဘဲ။ လျှော့ပေါ့တယ် ဆိုတဲ့အတွက်ကြောင့်မို့တော့ နည်းနည်း တိုးတက်မှုရှိတယ် ဆိုပေမဲ့ အားရစရာ ကောင်းလောက်အောင်တော့ မဟုတ်ဘူးပေါ့။ အဲဒီတော့ နောက်တစ်ခေါက်ကျမှပဲ အားလုံး လွတ်လာမလားလို့ပဲ ကျနော်တို့ မျှော်လင့်ရတာပေါ့။ အခု ကျနော်တို့ ကြားနေတဲ့သတင်းကတော့ နှစ်သုတ် ခွဲလွှတ်မယ်လို့ ဆိုပြီးတော့ သတင်းတွေက ကြားနေတယ်။ ဒါကြောင့်မိုလို့ နောက်တစ်ကြိမ်ဆိုတာပါ။ အခုဟာက လျှော့တာပဲ ပါပါတယ်။ လွှတ်တာ ပါမလာဘူးပေါ့နော်။ အဲဒီတော့ တနည်းအားဖြင့်ပြောရင် မျှော်လင့်တဲ့အတိုင်းတော့ ဖြစ်မလာဘူးပေါ့လေ။ ဒါကြောင့်မိုလို့ နောက်တစ်ကြိမ် ဆိုတာကို ပြောတာပါ။”
နိုင်ငံရေးအကျဉ်းသား မိသားစုဝင်တွေကတော့ လွတ်ငြိမ်းချမ်းသာခွင့်က ရှင်းရှင်းလင်းလင်း မရှိသေးတဲ့ အတွက် လွတ်လာမလား မလွတ်ဘူးလား မသေချာသေးဘူးလို့ ပြောဆိုကြပါတယ်။ တောင်ကြီး အကျဉ်းထောင်မှာ ကျခံနေရတဲ့ နိုင်ငံရေးအကျဉ်းသား ကိုဇော်သက်ထွေးရဲ့ ဇနီးဖြစ်သူကတော့ လွတ်ငြိမ်းချမ်းသာခွင့်နဲ့ ပတ်သက်ပြီး အခုလို ပြောပါတယ်။
“နှစ် ၂၀ အောက်ဆိုရင် လေးပုံတစ်ပုံတို့ ဘာတို့ အဲဒီလိုမျိုး ပြောတယ်။ လွတ်မယ်မလွတ်ဘူး ဆိုတာ သေချာမသိသေးဘူး။ လေးပုံတစ်ပုံ လျှော့ပေးမှာလား၊ လေးပုံတစ်ပုံ ကျခံရမှာလား ဆိုတာမသိဘူး။ ကျခံရမယ်ဆိုရင် သူနေထားတဲ့နှစ်ကို တွက်မယ်ဆိုရင်တော့ လေးပုံတစ်ပုံ ကျခံရမယ်ဆိုရင် လွတ်မယ်။ ကျန်တဲ့ပြစ်ဒဏ်ကို လုပ်မှာဆိုရင် မလွတ်ဘူး။ တစ်နှစ်ခွဲလောက် နေရဦးမယ်။ အဲဒါကို အစ်မ နားမလည်သေးဘူး။”
နိုင်ငံရေးအကျဉ်းသားများ ကူညီစောင့်ရှောက်ရေး အသင်းကတော့ အခု လွတ်ငြိမ်းချမ်းသာခွင့်က အစိုးရရဲ့ ခေါင်းဆောင်ပိုင်းတွေ နိုင်ငံတကာကိုပေးထားတဲ့ ကတိကို ဖောက်ဖျက်လိုက်တာ ဖြစ်တယ်လို့ပြောဆိုပါတယ်။
“လက်ရှိအစိုးရရဲ့ ခေါင်းဆောင်ပိုင်းတွေက ကတိတွေ အမျိုးမျိုး ပေးခဲ့တာတွေ ရှိပါတယ်။ လွှတ်ပေးမယ်။ ဟီလာရီကလင်တန် လာတုန်းကလည်း လွှတ်ပေးပါမယ် ဆိုတဲ့ဟာမျိုး။ အခုတော့ လွှတ်ပေးတာမျိုး မဟုတ်ဘဲ အကျဉ်းသား အားလုံးကို ထောင်ဒဏ်တွေ လျှော့ပေါ့တယ်ဆိုတဲ့ ကိစ္စမျိုးပေါ့။ ဆိုတဲ့အခါကျတော့ သူတို့ပြောနေတဲ့ ယုံကြည်ချက်အရပဲဖြစ်ဖြစ်၊ နိုင်ငံရေးကို စိတ်ဝင်စားပြီး ဆက်လုပ်မယ့်သူတွေကို ဦးစားပေးပြီး လွှတ်ပေးမယ်တို့ ပြောနေတာတွေက ဘာတစ်ခုမှ မဟုတ်ဘူး ဆိုတာကို ငြင်းလိုက်သလိုပါပဲ။”
နိုင်ငံရေးအကျဉ်းသားတွေကို သီးသန့် လွှတ်ပေးတာမျိုး မဟုတ်ဘဲ ထောင်ဒဏ် ကျခံနေရသူ အားလုံးကို ထောင်ဒဏ်တွေ လျှော့ချပေးလိုက်တဲ့အတွက် အစိုးရရဲ့ အခု လွတ်ငြိမ်းချမ်းသာခွင့်အရဆိုရင် ရာဇ၀တ် အကျဉ်းသားတွေ အများစု လွတ်မြောက်လာမှာ ဖြစ်တယ်လို့လည်း နိုင်ငံရေးအကျဉ်းသား မိသားစုဝင်တွေနဲ့ နိုင်ငံရေးအကျဉ်းသား ကူညီစောင့်ရှောက်သူတွေက ပြောဆိုကြပါတယ်။
မြန်မာနိုင်ငံ အမျိုးသားလူ့အခွင့်အရေး ကော်မရှင်က အင်းစိန်အကျဉ်းထောင်မှာ အကျဉ်းသားတွေ ထားနိုင်တာထက် များနေတဲ့အတွက် နေရာထိုင်ခင်း အဆင်မပြေမှုတွေကို အရေးယူ လုပ်ဆောင်ကြဖို့နဲ့ ၂၀၁၁ ခုနှစ် နိုဝင်ဘာလ ၁၂ ရက်နေ့က သမ္မတကို တင်ပြထားတဲ့ နိုင်ငံတော်ကို အနှောင့်အယှက် မပေးနိုင်တဲ့ အကျဉ်းသားတွေကို လွတ်ငြိမ်းချမ်းသာခွင့် ပေးဖို့ တင်ပြထားချက်ကို ၂၀၁၁ နှစ်ကုန်မှာ ထပ်ပြီး တောင်းဆိုတဲ့အကြောင်း သတင်းထုတ်ပြန်ပြီး ရက်ပိုင်းအတွင်း အစိုးရရဲ့ အခု လွတ်ငြိမ်းချမ်းသာခွင့် ထွက်ပေါ်လာတာ ဖြစ်ပါတယ်။ ဥပဒေကြောင်းအရ ဆိုရင်တော့ လွတ်ငြိမ်းချမ်းသာခွင့် ကြေညာပြီး ၂၄ နာရီအတွင်း လွတ်မြောက်ခွင့်ရှိတဲ့ အကျဉ်းသားတွေကို လွှတ်ပေးရမှာ ဖြစ်ပါတယ်။

အီရန် ပဲ့ထိန်းဒုံး စမ်းသပ်ပစ်လွှတ်
By ဗွီအိုအေ (မြန်မာဌာန)
အီရန်နိုင်ငံက ခရုစ်မစ်ဇိုင်း (cruise missle) ပဲ့ထိန်းဒုံးလက်နက်တစ်ခုကို ဒီကနေ့ အောင်မြင်စွာ စမ်းသပ် ပစ်လွှတ်နိုင်ခဲ့တယ်လို့ ပြောဆိုလိုက်ပါတယ်။ ဒါဟာ အီရန် နျူကလီးယား အစီအစဉ် ဖြစ်ထွန်းမှုအသစ်တစ်ခု ဖြစ်သလို ဒုံးလက်နက်တစ်ခု စမ်းသပ် ပစ်လွှတ်ပြီးတစ်ရက်အကြာမှာ နောက်ထပ် ပဲ့ထိန်း ဒုံးလက်နက်ကို အခုလို စမ်းသပ်လိုက်တာ ဖြစ်ပါတယ်။
ဒီကနေ့ ရေတပ်စစ်ရေးလေ့ကျင့်မှုအတွင်း စမ်းသပ်လိုက်တဲ့ ခရုစ်မစ်ဇိုင်းဟာ မြေပြင်ကနေ ပင်လယ်ပြင်ထဲကို ပစ်လွှတ်တဲ့ ပဲ့ထိန်း ဒုံးလက်နက် ဖြစ်ပါတယ်။ မဟာဗျူဟာကျတဲ့ ဟောမုဇ် ရေလက်ကြားအနီး တနင်္ဂနွေနေ့ တုန်းကတော့ မြေပြင်ကနေ ဝေဟင်ပစ် တာလတ်ဒုံးလက်နက်ကို စမ်းသပ် ပစ်လွှတ်ခဲ့ပါသေးတယ်။
အီရန် နျူကလီးယား ဓါတ်ပေါင်းဖိုတွေမှာ အသုံးပြုမယ့် နျူကလီးယား လောင်စာချောင်းတွေကိုလည်း အောင်မြင်စွာ ထုတ်လုပ် စမ်းသပ်နိုင်ခဲ့တယ်လို့လည်း တနင်္ဂနွေနေ့က ပြောဆိုလိုက်ပါတယ်။ အဲဒီ နျူကလီးယား လောင်စာချောင်းမှာ သဘာဝ ယူရေနီယမ်တွေ ပါဝင်ပြီး အီရန်နိုင်ငံမှာ ထုတ်လုပ်တာ ဖြစ်တာကြောင့် တီဟီရန်မြို့မှာရှိတဲ့ သုတေသန နျူကလီးယား ဓါတ်ပေါင်းဖိုမှာ အသုံးပြုမှာဖြစ်တယ်လို့ ပြောဆိုပါတယ်။
ကယ်လီဖိုးနီးယားပြည်နယ် ဆန်ဖရန်စစ္စကို တက္ကသိုလ်ရဲ့ အရှေ့အလယ်ပိုင်းဒေသ ရေးရာ အကဲခတ်ပုဂ္ဂိုလ် စတီဖင်(န်)ဇွန်း(စ်) (Stephen Zunes) ကတော့ အီရန်နိုင်ငံဟာ နျူကလီးယားလက်နက် ထုတ်လုပ်နိုင်ဖို့ အလှမ်းဝေးသေးတာကြောင့် လုံခြုံရေးအတွက် အန္တရာယ်မပေးနိုင်ဘူးလို့ ပြောပါတယ်။ ဒါပေမဲ့ အမေရိကန်ပြည်ထောင်စုနဲ့ အီးယူ ဥရောပသမဂ္ဂတို့ကတော့ အီရန် နျူကလီးယား အစီအစဉ်ကနေ လက်နက်ထုတ်လုပ်ဖို့ လျှို့ဝှက် ကြိုးပမ်းနေတယ်လို့ ပြောဆိုနေကြပါတယ်။

အာရပ်အကဲခတ်အဖွဲ့ ဆီးရီးယားကထွက်ခွာဖို့ အကြံပေးအဖွဲ့ တောင်းဆို
By ဗွီအိုအေ (မြန်မာဌာန)
ဆီးရီးယားနိုင်ငံထဲမှာ ရောက်နေတဲ့ အာရပ်နိုင်ငံများအဖွဲ့ချုပ်ရဲ့ စောင့်ကြည့် လေ့လာရေးအဖွဲ့ကို ချက်ချင်းပြန်လာဖို့ အာရပ်အဖွဲ့ချုပ် အကြံပေးအဖွဲ့က တောင်းဆိုလိုက်ပါတယ်။ ဆီးရီးယားနိုင်ငံအတွင်းမှာ အစိုးရတပ်ဖွဲ့တွေက အရပ်သူ အရပ်သားတွေကို သတ်ဖြတ်နေတာနဲ့ပတ်သက်ပြီး အဖွဲ့ချုပ်ရဲ့ စောင့်ကြည့် လေ့လာရေးအဖွဲ့က ကြိုတင်ကာကွယ်မှုတွေ မလုပ်ပေးနိုင်တာကြောင့် ပြန်လာဖို့ အခုလို တိုက်တွန်းတာလို့ ဆိုပါတယ်။
ဆီးရီးယားသမ္မတ ဘက်ရှာအယ်လ်အာဆဒ်ကို သစ္စာခံတဲ့ တပ်ဖွဲ့တွေရဲ့လက်ချက်ကြောင့် စနေနေ့တုန်းက လူ ၉ ဦးထက်မနည်း သေဆုံးခဲ့တယ်လို့ ဆီးရီးယားအရေး တက်ကြွ လှုပ်ရှားသူတွေက ပြောပါတယ်။ စနေနေ့တုန်းကပဲ ဆီးရီးယားနိုင်ငံက အကြီးဆုံး အတိုက်အခံအုပ်စုကြီး နှစ်ခုက သမ္မတ အာဆဒ်အစိုးရ ကျဆုံးပြီး ဆီးရီးယားမှာ ဒီမိုကရေစီထွန်းကားအောင် လုပ်ကြမယ်လို့ လက်မှတ်ရေးထိုးခဲ့ကြပါတယ်။
တနင်္ဂနွေနေ့တုန်းကတော့ အာရပ်လွှတ်တော်ရဲ့ သဘာပတိ အလီ အယ်လ် စလင်း အယ်လ် ဒီးဘတ်စ်က ဆီးရီးယားနိုင်ငံမှာ အကြမ်းဖက်မှုတွေ ဆက်ဖြစ်နေပြီး ကလေးငယ်တွေအပါအ၀င် တော်တော်များများ အကြမ်းဖက်မှုတွေရဲ့ဒဏ်ကို ခံနေရတယ်လို့ ပြောပါတယ်။ သေဆုံးမှုတွေဆက်ပြီး ဖြစ်ပွားနေလို့ ဆီးရီးယားကိုစေလွှတ်ထားတဲ့ လေ့လာစောင့်ကြည့်ရေးအဖွဲ့ကို ချက်ချင်းပြန်ခေါ်သင့်တယ်လို့လည်း အာရပ်လွှတ်တော် သဘာပတိက ပြောပါတယ်။ အဲဒီအဖွဲ့ကို ဆီးရီးယားမှာဖြစ်ပွားနေတဲ့ အစိုးရဘက်က နှိမ်နင်းမှုတွေနဲ့ပတ်သက်ပြီး စောင့်ကြည့်လေ့လာဖို့ အာရပ်အဖွဲ့ချုပ်က စေလွှတ်ထားတာပါ။
ပြီးခဲ့တဲ့နှစ် မတ်လကတည်းက စတင်ခဲ့တဲ့ ဆီးရီးယား အစိုးရဆန့်ကျင်ရေး ဒီမိုကရေစီလှုပ်ရှားမှုတွေအတွင်း အစိုးရဘက်က ချေမှုန်းမှုတွေကြောင့် သေဆုံးခဲ့ရသူပေါင်း ၅,၀၀၀ ကျော်ပြီလို့ ကုလသမဂ္ဂက ခန့်မှန်း ထားပါတယ်။ ဆီးရီးယားအစိုးရကတော့ လက်နက်ကိုင် အကြမ်းဖက်သမားတွေက ဆူပူအုံကြွမှုဖြစ်အောင် လုပ်နေတာလို့ ဆိုပါတယ်။
အာရပ်နိုင်ငံများအဖွဲ့ချုပ်က နောက်ထပ် လေ့လာရေးအဖွဲ့တစ်ခုကို အခုတစ်ပတ်ထဲမှာ ဆီးရီးယားကို ထပ်ပြီး လွှတ်ဖို့ စီစဉ်ထားတာပါ။ ဆီးရီးယားအစိုးရရဲ့ လုပ်ရပ်တွေကြောင့် နိုင်ငံတကာကလည်း ဖိအားတွေ တိုးပြီးပေးနေပါတယ်။

NLD ခွပ်ဒေါင်းတံဆိပ် မှတ်ပုံတင် ကန့်ကွက်ခံရ
By မစုမြတ်မွန်
မြန်မာနိုင်ငံမှာ ကျင်းပမယ့် ရွေးကောက်ပွဲတွေမှာ ပါဝင်ယှဉ်ပြိုင်နိုင်ဖို့ အမျိုးသား ဒီမိုကရေစီအဖွဲ့ချုပ် (NLD) ပါတီက ပြည်ထောင်စု ရွေးကောက်ပွဲ ကော်မရှင်မှာ မှတ်ပုံတင်ထားချိန်မှာ NLD ပါတီက အသုံးပြုတဲ့ အမှတ်တံဆိပ် ခွပ်ဒေါင်းဟာ သူတို့ပါတီက တံဆိပ်နဲ့ ဆင်တူနေတယ်ဆိုပြီး ၈၈ မျိုးဆက် ကျောင်းသား လူငယ်များ (ပြည်ထောင်စုမြန်မာနိုင်ငံ) ပါတီက ကန့်ကွက်လိုက်ပါတယ်။ NLD ကတော့ ရွေးကောက်ပွဲ အတွက် ကိုယ်စားလှယ် စာရင်းပေးရမယ့်ရက် မတိုင်ခင် မှတ်ပုံတင်ခွင့် ကျမယ်လို့ မျှော်လင့်နေသလို ပါတီအနေနဲ့ ရွေးကောက်ပွဲအတွက် လုပ်စရာရှိတာတွေ ဆက်လုပ်သွားမှာဖြစ်တယ်လို့ ပါတီပြောရေးဆိုခွင့် ရှိသူက ပြောခဲ့တဲ့အကြောင်း ဘန်ကောက်ရုံးကနေ ဆက်သွယ်မေးမြန်းထားတဲ့ မစုမြတ်မွန်က တင်ပြထားပါတယ်။
NLD ပါတီက ၁၉၈၈ ခုနှစ်မှာ ပါတီ စတင်ထူထောင်ပြီး ပထမတစ်ကြိမ် မှတ်ပုံတင်ကတည်းက အလံမှာ အသုံးပြုခဲ့တဲ့ ခွပ်ဒေါင်းပုံကို အခုတခါ ထပ်ပြီး ပါတီမှတ်ပုံတင်တဲ့အခါမှာ ပါတီအမှတ်တံဆိပ်နဲ့ ပါတီသင်္ကေတအဖြစ် ထည့်သွင်းထားတာကို ၈၈ မျိုးဆက် ကျောင်းသားလူငယ်များ (ပြည်ထောင်စု မြန်မာနိုင်ငံ) ပါတီက ရွေးကောက်ပွဲ ကော်မရှင်မှာ ကန့်ကွက်လိုက်တာဖြစ်ပါတယ်။ မဲဆန္ဒရှင်တွေ ထင်ယောင်ထင်မှား ဖြစ်မှာစိုးတဲ့အတွက်လို့ အဲဒီပါတီ ဒုတိယဥက္ကဋ္ဌ ကိုသန်းဦးက ဆိုပါတယ်။
“ကျနော်တို့ပါတီရဲ့ အလံနဲ့သင်္ကေတက ခွပ်ဒေါင်းတံဆိပ်ကို သုံးထားတယ်။ အခုလည်းပဲ NLD ပါတီက တင်တဲ့ဟာက ခွပ်ဒေါင်းတံဆိပ် ဖြစ်နေတယ်ဗျ။ အဲဒါကြောင့် မဲဆန္ဒရှင် ပြည်သူတွေကနေပြီးတော့မှ ထင်ယောင်ထင်မှား ဖြစ်လာနိုင်တယ်ပေါ့လေဗျာ။ ပြီးတော့ NLD ကို ပေးတဲ့မဲတွေက ကျနော်တို့ပါတီကို ရောက်လာနိုင်သလိုပဲ ကျနော်တို့ပါတီကို ပေးမယ့်မဲတွေကလည်း NLD ကို ရောက်သွားနိုင်တယ်ပေါ့။ အဲဒါကြောင့် လွတ်လပ်တဲ့ တရားမျှတတဲ့ ရွေးကောက်ပွဲက ဖြစ်မလာနိုင်ဘူးပေါ့ဗျာ။ ပြီးတော့ ပြည်သူတွေကလည်း ကိုယ်ပေးချင်တဲ့ပါတီကို တိုက်ရိုက်ပေးခွင့် မရနိုင်ဘူးပေါ့။ အဲဒါကြောင့် ကျနော်တို့က ကန့်ကွက်တာပါ။”
တကယ်တော့ NLD က သူ့အလံမှာပါတဲ့ ခွပ်ဒေါင်းပုံကို သုံးတာက လွန်ခဲ့တဲ့ ၂၃ နှစ်ကတည်းက သုံးနေတာပဲ မဟုတ်ဘူးလားရှင့်။
“မှန်ပါတယ်ခင်ဗျ။ နောက်ပိုင်းမှာတော့ ၂၀၀၈ ဖွဲ့စည်းပုံကလည်း အသစ်ပြောင်းသွားတယ်။ နောက်ပြီးတော့ မှတ်ပုံတင်တာတွေလည်း အသစ်ပြောင်းသွားတဲ့အခါမှာ ပြန်ပြီး မှတ်ပုံတင်တဲ့အခါမှာကျတော့ ကျနော်တို့ ပါတီက register ကို စောစောစီးစီး ရထားတယ်ပေါ့ဗျာ။ နောက်ပိုင်းကျမှ ပြန်ပြီးတော့တင်ရတဲ့ ပါတီ ဖြစ်တဲ့အတွက်ကြောင့် သူက ဒီဟာတွေကို စဉ်းစားပြီးမှ လုပ်ရမယ့်အနေအထား ရှိပါတယ်ခင်ဗျ။”
NLD ဘက်ကတော့ အခုလို တခြားပါတီက ကန့်ကွက်နေတာကို တရားဝင် မသိရသေးဘူးလို့ ပြောခွင့်ရသူ ဦးဉာဏ်ဝင်းက ပြောပါတယ်။
“တရားဝင်တော့ မသိဘူး။ ကြားတော့ တံဆိပ်ကို ကန့်ကွက်တယ်ဆိုလား၊ ဒါပေမဲ့ ဒါက အရေးမကြီးပါဘူး။ ကျနော်တို့ တံဆိပ်ကလည်း ဘာမှတူတာလည်း မဟုတ်ပါဘူး။ ဘယ်လို အကြောင်းပြချက်နဲ့ ကန့်ကွက်သလဲတော့ ကျနော်လည်း မသိဘူး။”
တကယ်တော့ ၈၈ မျိုးဆက် ကျောင်းသားလူငယ်များ (ပြည်ထောင်စုမြန်မာနိုင်ငံ) ပါတီက ၂၀၁၀ ရွေးကောက်ပွဲအတွက် မှတ်ပုံတင်တုန်းက သူတို့ပါတီက ခွပ်ဒေါင်းတံဆိပ်ကို သုံးခဲ့လို့ ဒါဟာ ကျောင်းသားလှုပ်ရှားမှုသမိုင်း အစဉ်အလာကို ထိခိုက်စေတယ်လို့ ဆိုပြီး မြန်မာနိုင်ငံလုံးဆိုင်ရာ ကျောင်းသားသမဂ္ဂများ အဖွဲ့ချုပ်ကရော လက်ရှိ အကျဉ်းကျနေဆဲဖြစ်တဲ့ ကိုမင်းကိုနိုင်၊ ကိုကိုကြီးတို့ ကိုယ်စားပြုတဲ့ ၈၈ မျိုးဆက်ကျောင်းသားအဖွဲ့ကရော ကန့်ကွက်ခဲ့ကြပါတယ်။ NLD ပါတီကတော့ ကိုသန်းဦးတို့၊ ကိုအေးလွင်တို့ ပါတီက ကန့်ကွက်နေပေမဲ့ ပါတီမှတ်ပုံတင်ထားတာ အချိန်မှီကျမယ်လို့ မျှော်လင့်ပါတယ်။ ဇန်နဝါရီက ၁၆ ရက်နေ့ကနေ ၃၁ ရက်နေ့ကြားမှာ ရွေးကောက်ပွဲဝင်မယ့် ကိုယ်စားလှယ်တွေ စာရင်းပေးရတော့မှာမို့ အဆိုပြုချင်သူတွေရှိရင် သိနိုင်အောင် ဒီနေ့ပဲ NLD တာဝန်ရှိသူတွေ စည်းဝေးခဲ့ကြပါတယ်။
“သက်ဆိုင်ရာတိုင်း၊ သက်ဆိုင်ရာမြို့နယ်က သူတို့ အဆိုပြုချင်တာရှိရင် တင်နိုင်အောင်ဆိုပြီး ကျနော်တို့ ဒီနေ့ပဲ စာထုတ်ပြီးတော့ မေးပါမယ်။”
ဘယ် ကိုယ်စားလှယ်လောင်းတွေက ဘယ်မြို့နယ်မှာ ကိုယ်စားပြုပြီးတော့ ၀င်အရွေးခံမယ်ဆိုတာကို ဘယ်တော့လောက် ဆုံးဖြတ်ပါမလဲ။
“ကျနော် ပြောနိုင်တာကတော့ အဲဒီ ၀င်မယ့်ပုဂ္ဂိုလ်တွေကို ဆုံးဖြတ်ဖို့က ကျနော်တို့ ဒီလ ၁၆ ရက်နေ့ မတိုင်ခင်ပေါ့ဗျာ။ အဲဒီလောက်ကျမှ ဆုံးဖြတ်နိုင်မယ်။ ကျနော်တို့ ပြည်နယ်တိုင်းတွေရဲ့ မြို့နယ်တွေရဲ့ ဆန္ဒကိုလည်း တောင်းထားတယ်။ အဲဒီတော့ ဆုံးဖြတ်တာက အဲဒီရက်လောက်ကျမှ ဆုံးဖြတ်နိုင်မယ်။”
ရွေးကောက်ပွဲဝင်မယ့် မြို့နယ်တွေမှာ ရွေးကောက်ပွဲ အောင်နိုင်ရေး အဖွဲ့တွေ ဆက်ပြီး ဖွဲ့သွားဖို့ကိုလည်း NLD က စီစဉ်နေပါတယ်။ လောလောဆယ်မှာတော့ ပါတီဝင်သစ် မှတ်ပုံတင်တဲ့ ကိစ္စတွေကြောင့် လမ်းပေါ်ထွက် စည်းရုံးမဲဆွယ်မှုတွေ မလုပ်နိုင်သေးဘူးလို့ ပြောခွင့်ရသူ ဦးဉာဏ်ဝင်းက ပြောပါတယ်။
“အမှန်အတိုင်းပဲ ပြောပါမယ်။ မလုပ်နိုင်သေးဘူး။ ကျနော်တို့ ဒီမှာ ပါတီမှတ်ပုံတင်ကျရင် လုပ်ရမယ့် ပါတီဝင်လျှောက်လွှာ ကိစ္စတို့၊ အောင်နိုင်ရေး မြို့နယ်အဆင်အထိ ကိစ္စတို့ လုပ်ငန်းတွေကလေ အပြင်ထွက် မလုပ်နိုင်သေးဘူး။ ဒီမှာပဲ ညှိနှိုင်းပြီး လုပ်နေရတာတွေက သိပ်များတယ်။ အလုပ် သိပ်များနေပါတယ်။”
NLD က ရွေးကောက်ပွဲတွေ ဝင်မယ်လို့ တရားဝင် ကြေညာခဲ့ပြီးတဲ့နောက် ခေါင်းဆောင်တွေဖြစ်ကြတဲ့ ဦးတင်ဦးနဲ့ ဒေါ်အောင်ဆန်းစုကြည်တို့ ကိုယ်တိုင် ဒီဇင်ဘာလ ၂၃ ရက်နေ့က နေပြည်တော်သွားပြီး ပြည်ထောင်စု ရွေးကောက်ပွဲ ကော်မရှင်ဆီမှာ မှတ်ပုံတင်ခဲ့တာဖြစ်ပါတယ်။ ကြားဖြတ် ရွေးကောက်ပွဲတွေကို ဒီနှစ် ဧပြီလ ၁ ရက်နေ့မှာ ကျင်းပမယ်လို့ ပြီးခဲ့တဲ့ရက်ပိုင်းကပဲ အစိုးရက ကြေညာထားပါတယ်။ ကြားဖြတ် ရွေးကောက်ပွဲအတွက် ပြည်သူ့လွှတ်တော်မှာ နေရာ ၄၀၊ အမျိုးသားလွှတ်တော်မှာ ၆ နေရာနဲ့ တိုင်းဒေသကြီး လွှတ်တော်မှာ ၂ နေရာ စုစုပေါင်း မဲဆန္ဒနယ် ၄၈ နေရာ လစ်လပ်ပါတယ်။

ထာင်အသီးသီးရှိ နိုင်ငံရေး အကျဉ်းသားများ စာရင်း နိုင်ငံရေးအကျဉ်းသားဟောင်းများ ထုတ်ပြန်

ရန်ကုန်၊ ဇန်န၀ါရီ ၂၊ ၂၀၁၂
တာရာဝေယံ
နိုင်ငံရေးအကျဉ်းသားဟောင်းများမှ ၃၁၊ ၁၂၊ ၂ဝ၁၁ နေ့ကအထိ စုဆောင်းရရှိထားတဲ့ အချက်အလက်များအရ နိုင်ငံရေးအကျဉ်းသားများစာရင်းကို ပြုစုထားပြီးဖြစ်ကြောင်း သိရပါတယ်။
မြန်မာနိုင်ငံ ဒေသအသီးသီးမှာရှိတဲ့ အကျဉ်းထောင် (၄၂) ထောင်အနက် ထောင်ပေါင်း (၃ဝ) က နိုင်ငံရေးအကျဉ်းသားများ (၆၀၂) ယောက် စာရင်းကိုပြုစုပြီးတာဖြစ်ကြောင်း၊ ကျန်တဲ့ အကျဉ်းထောင် (၁၂) ထောင်မှ နိုင်ငံရေးအကျဉ်းသားများစာရင်းကိုလည်း ဆက်လက်စုစည်းနေပြီး မကြာခင် ရက်ပိုင်းအတွင်းပြုစုပြီးစီးမှာဖြစ်ကြောင်း သိရပါတယ်။
ဖော်ပြပါစာရင်းပြုစုရာမှာ အကျဉ်းထောင်အသီးသီးမှ လွတ်မြောက်လာသော နိုင်ငံရေး အကျဉ်းသားများ၊ နိုင်ငံရေး အကျဉ်းသားမိသားစုများ၊ အမျိုးသားဒီမိုကရေစီအဖွဲ့ချုပ် လူမှုထောက်ကူအဖွဲ့မှ စာရင်းများ၊ နိုင်ငံရေးအကျဉ်းသားများ ကူညီစောင့်ရှောက်ရေးအဖွဲ့ (AAPP) မှစာရင်း များကိုတိုက်ဆိုင်စစ်ဆေးကာ အတည်ပြုထားသည့် စာရင်းများဖြစ်ကြောင်း သိရပါတယ်။