ဒါပေမယ့် လိုနေတုန်းပါပဲ

by Lwin Aung Soe on Friday, December 23, 2011 at 11:16am

စီးပွားရေးအတွက် တည်ဆဲဥပဒေတွေ လေ့လာဆန်းစစ်တဲ့ ကော်မရှင်ကို ကြိုဆိုပါတယ်။ ဒါပေမယ့် လိုနေတုန်းပါပဲ။

“ပြည်သူ့ လွှတ်တော် ဥပဒေရေးရာနှင့် အထူးကိစ္စရပ်များ လေ့လာဆန်းစစ် သုံးသပ်ရေး ကော်မရှင်က စီးပွားရေး ပြုပြင်ပြောင်းလဲမှုကို အကျိုးသက်ရောက်မှုရှိမည့် တည်ဆဲဥပဒေများအား လေ့လာသွားမည် ”

(ပြည်သူ့လွှတ်တော် ဥက္ကဋ္ဌ သူရဦးရွှေမန်း - ဒီဇင်ဘာလ ၉ ရက် ၂ဝ၁၁)

တည်ဆဲဥပဒေတွေဟာ လက်ရှိ ဖွဲ့စည်းပုံကိုရော၊ နိုင်ငံရေးဖြစ်စဉ် ဖော်ဆောင်မှုတွေကိုရော တကယ်ပဲ ပိတ်ဆို့တားဆီးထားနေပါတယ်။ ဘာကြောင့်လဲဆိုတော့ ခေတ်အဆက်ဆက် အာဏာရှင်ခေါင်းဆောင်တွေနဲ့ ကိုယ်ကျိုးကြည့် ခေါင်းဆောင်တွေက သူတို့ အာဏာတည်မြဲရေးနဲ့ ကိုယ်ကျိုးစီးပွား ဖြစ်ထွန်းနိုင်ရေးလောက်သာ မျက်ခုံးမွှေးတဆုံးကြည့်ပြီး ရေးဆွဲထားတာတွေ ရှိနေခဲ့လို့ ဖြစ်ပါတယ်။

ဒီမိုကရေစီကို ဖြစ်ထွန်းအောင် ဒါတွေကိုကျော်ပြီး ရှေ့တိုးဖို့ဆိုတာ သိပ်မဖြစ်နိုင်ပါဘူး။  ဒါကြောင့် တည်ဆဲဥပဒေတွေနဲ့ ပတ်သက်ပြီး ကော်မရှင်ဖွဲ့ လုပ်ဆောင်တာဟာ အလွန်အရေးပါတဲ့ အခန်းကဏ္ဍကို စတင်လိုက်ပြီလို့ ဆိုရမှာ ဖြစ်ပါတယ်။

ကော်မရှင်၏ တာဝန်တွေကတော့ တည်ဆဲဥပဒေတွေကို လေ့လာဆန်းစစ် သုံးသပ်ပြီး ပြင်ဆင်၊ ပယ်ဖျက်၊  အသစ်ပြဋ္ဌာန်းနိုင်တာတွေကို လွှတ်တော် ဥက္ကဋ္ဌမှတစ်ဆင့် လွှတ်တော်ကို တင်ပြဖို့ ရှိပါတယ်။ တကယ်လို့  အထူးကိစ္စတွေ ပေါ်ပေါက်လာရင် အဲဒီကိစ္စတွေကို ဥပဒေအမြင်နဲ့ယှဉ်ပြီး လေ့လာဆန်းစစ် သုံးသပ်ကာ အစီရင်ခံဖို့ ဆိုပါတယ်။

ကော်မရှင် ဖွဲ့စည်းထားပုံကို သိပ်ဘဝင်မကျလှဘူး။ ဖြစ်သင့်တာကတော့ တနိုင်ငံလုံးကို ကြေညာပြီး တကယ်ကို ကျွမ်းကျင်အောင် လေ့လာထားသူတွေကို ရွေးချယ်ခေါ်ယူဖို့ ဖြစ်ပါတယ်။ အခုပုံစံဟာ စိတ်ကြိုက်လူတွေ ခေါ်ထားသလို ဖြစ်နေတယ်။ ခေါ်ပြီးမှ အချိန်ပေး လေ့လာခိုင်းသလို ဖြစ်နေရင် မကောင်းပါဘူး။ ဒါဟာ အရင် တပါတီ မဆလ ခေါင်းဆောင် ဦးနေဝင်းရဲ့ “(အမိန့်ကို ကောင်းကောင်း နာခံတတ်တဲ့) လူကောင်းကိုရှာ၊ လူတော်ဖြစ်အောင် မွေး” ဆိုတဲ့ နည်းလမ်း ဖြစ်နေပါလိမ့်မယ်။ အခုလက်ရှိ အစိုးရ လုပ်ပုံကိုင်ပုံတွေဟာ ကောင်းတော့ကောင်းလာပြီ ဆိုပေမယ့် အရင်ခေတ်တွေရဲ့ လုပ်ပုံလုပ်နည်းတွေကို ရသလောက်တော့ လျှော့ပစ်လိုက်ဖို့၊ ခဝါချလိုက်နိုင်ဖို့ လိုပါတယ်။

ကော်မရှင် အဖွဲ့ဝင်တွေဟာ လွှတ်တော်နဲ့ တိုက်ရိုက် ပတ်သက်တဲ့အတွက်
(၁) ဥပဒေရေးရာ အထူးသဖြင့် နိုင်ငံဖွဲ့စည်းပုံ အခြေခံဥပဒေဆိုင်ရာ ဘာသာရပ်မှာ လေ့လာ တတ်မြောက်ခဲ့သူတွေ၊
(၂) ပကတိဖြစ်ရပ်မှန်တွေအပေါ်မှာ အမှန်အတိုင်း ရှုမြင်သုံးသပ်ပြီး ပိုမို ကောင်းမွန်အောင် စွမ်းဆောင်နိုင်သူတွေ၊
(၃) မြန်မာနိုင်ငံရဲ့ အနည်းဆုံး ရှေ့လာမယ့် ရာစုနှစ်အထိ ပြည်သူတွေအကျိုးစီးပွားကို မျှော်ကိုးသုံးသပ်နိုင်သူတွေ ပါလာရင် ပြီးတာပါပဲ။ မပါသေးရင်လည်း ထပ်ဖြည့်နေရမှာ ဖြစ်ပါတယ်။

ဒီကော်မရှင်ကို ဖွဲ့စည်းရာမှာ နောက်ထပ်အားနည်းချက်တခုကတော့ “စီးပွားရေး ပြုပြင်ပြောင်းလဲမှုအပေါ် အကျိုးသက်ရောက်စေမှု” ကိုသာ ဦးတည်ထားနေတာ ဖြစ်ပြီး “နိုင်ငံရေး ပြုပြင်ပြောင်းလဲမှုအပေါ် အကျိုးသက်ရောက်စေမှု” က မပါဘဲ ဖြစ်နေတာ တွေ့ရပါတယ်။

နိုင်ငံတခုကို စီးပွားရေးကဏ္ဍတခုတည်းနဲ့ တည်ဆောက်လို့ မရပါဘူး။ နိုင်ငံရေးစနစ် ဆိုတာရှိမှ လိုက်ဖက်ညီတဲ့ စီးပွားရေးစနစ် ဆိုတာ ရှိလာရပါတယ်။ ဒီလိုပဲ ကာကွယ်စောင့်ရှောက်နိုင်တဲ့ စနစ်လည်း ရှိလာရပါတယ်။ လက်ရှိတည်ဆဲဥပဒေတွေမှာ ဒီမိုကရေစီအတွက် အဟန့်အတားဖြစ်နေတဲ့ တည်ဆဲဥပဒေတွေဟာ နိုင်ငံရေးကဏ္ဍမှာ အများဆုံး၊ အဟန့်တားဆုံး ဖြစ်ဖို့ ရှိနိုင်ပါတယ်။ နိုင်ငံရေးကဏ္ဍမှာ ဒီမိုကရေစီနဲ့ မလိုက်ဖက်တဲ့ တည်ဆဲဥပဒေတွေ ရှိနေသလို စီးပွားရေးကဏ္ဍမှာလည်း ရှိပါတယ်။ လူမှုရေး၊ ပညာရေး၊ ကျန်းမာရေး စတဲ့ လက်ရှိအစိုးရ သတ်မှတ်ထားတဲ့ ဝန်ကြီးဌာန အားလုံးအပြင် မီဒီယာ၊ နိုင်ငံတကာ အကူအညီ၊ အစိုးရ မဟုတ်တဲ့ အဖွဲ့အစည်း (NGO) ကဏ္ဍတွေမှာလည်း ဒီမိုကရေစီနဲ့ အံမဝင်တဲ့ တည်ဆဲဥပဒေတွေ ရှိနေပါတယ်။

လယ်တကွက်မှာ ပျိုးနုတ်တဲ့အခါ၊ ကောက်စိုက်တဲ့အခါ ရှိသမျှလူတွေ ဖြန့်ပြီး တညီတညာ တပြိုင်တည်း လုပ်ရသလို ဥပမာမျိုးကို စဉ်းစားသင့်ပါတယ်။ ဘော်လုံးနည်းစနစ်တွေ နားမလည်ခင် ကလေးဘဝတုန်းက ဘော်လုံးကန်ကြတဲ့အခါ ဘော်လုံးနောက်ကို တစုတပြုံကြီး လိုက်ပြီး လုကန်နေကြတာဟာ ဘော်လုံး ကန်တာသာ ရှိပြီး အနှစ်သာရ မရှိလှပါဘူး။

ဒါကြောင့် နိုင်ငံအတွက် အဓိကကျတဲ့ အခန်းကဏ္ဍတွေကို ဒီမိုကရေစီပုံစံအတိုင်း တိုးတက်အောင် လုပ်ယူရာမှာ ကဏ္ဍတခုချင်းကို အသားပေးလုပ်ဆောင်တာထက် ကဏ္ဍအားလုံးကို ခြုံငုံပြီး တပြေးညီ တလှမ်းချင်း မြန်မြန်လုပ်သွားတာက ပိုမိုထိရောက်နိုင်မယ်လို့ ယူဆပါတယ်။ အရည်အချင်းရှိသူမှန်သမျှ အားလုံးကို ပါဝင်ဖြည့်ဆည်းစေပြီး အင်အားကောင်းကောင်းနဲ့ အရှိန်မြှင့် လုပ်ဆောင်ဖို့ လိုအပ်ပါလိမ့်မယ်။ မြန်မာနိုင်ငံသား လူတော်လူကောင်းတွေ အများကြီး ရှိပါတယ်။  

လွင်အောင်စိုး
၂၃-၁၂-၂ဝ၁၁