21.12.2011 နေ့ဖတ်ရန်သတင်းများ

by Myanmar Journal on Wednesday, December 21, 2011 at 5:08am

 

 
အတိုက်အခံ ခေါင်းဆောင် တီမိုရှင်းကိုး 
အီးယူ အဖွဲ့ဝင် ဖြစ်ရေး ယူကရိန်း အတိုက်အခံ လွှတ်ပေး

ယူကရိန်းမှာ အတိုက်အခံ ခေါင်းဆောင် Yulia Tymoshenko ကို ထောင်ချလိုက်တဲ့ ကိစ္စဟာ ယူကရိန်းကို ဥရောပ သမဂ္ဂ အဖွဲ့ဝင်ဖြစ်ဖို့ကို ပိုပြီး နှောက်နှေးသွားစေတယ်လို့ ဥရောပ သမဂ္ဂက သတိပေးလိုက်ပါတယ်။
ယူကရိန်းအား အဖွဲ့ဝင် ဖြစ်ရေးနဲ့ လွတ်လပ်စွာ ကုန်သွယ်ရေးတို့ အပါအဝင် အီးယူ အနေနဲ့ လက်မှတ်ထိုးချင် ပေမယ့် ဒါတွေ အားလုံးက နိုင်ငံရေး အခြေအနေပေါ် မူတည်နေတယ်လို့ ယူကရိန်းမှာ ရောက်နေတဲ့ ဥရောပ ကောင်စီ ဥက္ကဌ Herman Van Rompuy က ဆိုပါတယ်။

အီးယူအနေနဲ့ အစိုးရိမ်ဆုံး ကိစ္စက တရားစီရင်ရေးမှု နိုင်ငံရေး ဆက်နွယ်နေတဲ့ တီမိုရှင်းကိုးလို ကိစ္စမျိုး ဖြစ်တယ်လို့ သူက ပြောပါတယ်။

စားနပ်ရိက္ခာ အတွက် အစိုးရ ပိုတိုးထောက်ပံ့မယ်ရိက္ခာ စရိတ် တိုးပေးပေမယ့် အိန္ဒိယ လူထုဆီရောက်မှာလား
အိန္ဒိယမှာ လူဦးရေရဲ့ သုံးပုံနှစ်ပုံ နီးပါးအတွက် စားနပ်ရိက္ခာ ထောက်ပံ့မှု တိုးချဲ့ အစီအစဉ်ကို လွှတ်တော်က အတည်ပြုလိုက်ပါတယ်။
ဒီဆောင်ရွက်ချက်ကြောင့် အိန္ဒိယ အစိုးရရဲ့ စားနပ်ရိက္ခာ အသုံးစရိတ်ဟာ ဒေါ်လာ သန်းငါးထောင်ကျော် သွားလိမ့်မယ်လို့ ယူဆရပါတယ်။
လက်ရှိ စားနပ်ရိက္ခာ အစီအစဉ်မှာ အဂတိ လိုက်စားမှု ဆိုးဆိုးရွားရွား ရှိနေတယ် ဆိုတဲ့ စွပ်စွဲချက်တွေကြောင့် မျက်နှာပန်း မလှ ဖြစ်နေရတာပါ။
ဒါပေမယ့် ဒီအစီအစဉ်ကို ထောက်ခံသူတွေကတော့ အိန္ဒိယက ဆင်းရဲ ချမ်းသာ ကွာဟမှုကို ဖြည့်စွမ်းပေးနိုင်လိမ့်မယ်လို့ ဆိုပါတယ်။

အာဆက်ဒ်ကို ဆန့်ကျင် ဘက်ပြောင်းတဲ့ တပ်ဖွဲ့ဝင်တွေ ပစ်သတ်ခံရအာရပ်အဖွဲ့ချုပ် ဝင်စစ်ဆေးဖို့ ဆီးရီးယား ခွင့်ပြု
ဆီးရီးယား နိုင်ငံမှာ သမ္မတ ဘတ်ရှား အယ် အာဆက်ဒ်ကို ဆန့်ကျင်တဲ့ တော်လှန်ရေးမှာ ပူးပေါင်းဖို့ ကြိုးစားတဲ့ တပ်ဖွဲ့ဝင် ရဝ ကျော် ပစ်သတ်ခံရတယ် ဆိုတဲ့ သတင်းတွေ ရရှိပါတယ်။
အစ်ဒ် လစ်ဘ် ပြည်နယ်က စစ်အခြေစိုက် စခန်းကနေ ထွက်ပြေးဖို့ ကြိုးစားတုန်း သူတို့ကို စက်သေနတ်နဲ့ ပစ်သတ်ခံရတာလို့ ဆိုပါတယ်။
ဆန္ဒပြသူ အရပ်သား ငါးဆယ်လောက်လည်း အသတ်ခံရတယ်လို့ ဆီးရီးယား အရေး တက်ကြွ လှုပ်ရှားသူတွေက ပြောပါတယ်။
ဒီသတင်းတွေသာ အတည်ဖြစ်ရင် ပြီးခဲ့တဲ့ မတ်လကတည်းက စဖြစ်ခဲ့တဲ့ ဆူပူမှုတွေ အတွင်း ဒါဟာ အသေအပျောက် အများဆုံးနေ့ ဖြစ်ပါတယ်။
ဆီးရီးယား အစိုးရရဲ့ ဆန္ဒပြသူတွေ အပေါ် အကြမ်းဖက် နှိမ်နင်းနေမှုတွေနဲ့ ပတ်သက်လို့ ရုရှားက တင်ပြတဲ့ အဆိုပြုလွှာ မူကြမ်းကို ထောက်ခံမဲတွေနဲ့ အတည်ပြုခဲ့ ပြီးတဲ့နောက် ကုလသမဂ္ဂ အထွေထွေ ညီလာခံက အပြင်းအထန် ရှုတ်ချလိုက်ပါတယ်။
တခါ ဆီးရီးယားမှာ အစိုးရဆန့်ကျင်ရေး ဆန္ဒပြမှုတွေ အဆုံးသတ်သွားအောင် အစိုးရက အပြင်းအထန် နှိမ်နင်းနေမှုတွေကို ဝင်ရောက် ကြည့်ရှုလေ့လာ စစ်ဆေးဖို့ အာရပ်အဖွဲ့ချုပ်ရဲ့ ကြိုးပမ်းချက်ကို ဆီးရီးယား အစိုးရက ခွင့်ပြု လက်မှတ်ရေးထိုးခဲ့ပါတယ်။
လာမယ့် သုံးရက်အတွင်း ပထမဆုံး လေ့လာရေး အဖွဲ့ ဆီးရီးယား ကို သွားမယ်လို့ အာရပ် အဖွဲ့ချုပ် အကြီးအကဲက ပြောပါတယ်။
ဆီးရီးယားမှာ အကြမ်းဖက် နှိမ်နင်းမှုတွေ မရပ်သရွေ့ ဆီးရီးယား အပေါ် အရေးယူ ပိတ်ဆို့မှုတွေ ဖယ်ရှားပေးမှာ မဟုတ်သေးဘူးလို့လည်း ဆိုပါတယ်။
ဒီလက်မှတ်ရေးထိုးမှုကို ဆီးရီးယား အတိုက်အခံတွေက ပယ်ချလိုက်ပြီး ဒါဟာ ပရိယာယ် သက်သက်သာ ဖြစ်တယ်လို့ ပြောပါတယ်။

ကင်မ်ဂျုံအီး ငယ်စဉ်က မိသားစုနဲ့ အတူငြိမ်းချမ်းတည်ငြိမ်စွာ အာဏာလွှဲပြောင်းဖို့ လို
မြောက်ကိုးရီးယား ခေါင်းဆောင် Kim Jong Il သေဆုံးခဲ့ပြီးတဲ့နောက် အရှေ့အာရှ က မိတ်ဆွေနိုင်ငံ တွေနဲ့ အရေးပေါ် တိုင်ပင်ဆွေးနွေး နေတယ်လို့ အမေရိကန် က ပြောပါတယ်။
သမ္မတ အိုဘားမားက တောင်ကိုးရီးယား သမ္မတ Lee Myung-bak နဲ့ ဖုန်းပေါ်ကတဆင့် ဆွေးနွေး နေချိန်မှာ အမေရိကန် နိုင်ငံခြားရေး ဝန်ကြီး ဟီလာရီ ကလင်တန် ကလည်း ဂျပန် နိုင်ငံခြားရေး ဝန်ကြီး Koichiro Gemba နဲ့ ဝါရှင်တန်မြို့မှာ တွေ့ဆုံ နေပါတယ်။
အဲဒီနောက် မြောက်ကိုးရီးယားမှာ ငြိမ်းချမ်း တည်ငြိမ်တဲ့ အာဏာ လွှဲပြောင်းမှုတွေ လိုတယ်လို့ ထုတ်ဖော် ပြောကြားခဲ့ကြပါတယ်။
မြောက်ကိုးရီးယားရဲ့ နျူကလီးယား အစီအစဉ် အပေါ် နိုင်ငံတကာက စိုးရိမ်နေတာကြောင့် မြောက်ကိုးရီးယားရဲ့ ခြိမ်းခြောက်တဲ့ ရန်က ကာကွယ်ဖို့ တောင်ကိုးရီးယားမှာ အမေရိကန် တပ်ဖွဲ့ နှစ်သောင်း ရှစ်ထောင်လောက် ချထားတာ ဖြစ်ပါတယ်။

ကျောက်မီးသွေးသုံး ဓာတ်အားထုတ် စီမံကိန်းက ထွက်လာနိုင်တဲ့ ပြာမှုန် ပမာဏ
ဒီကျောက်မီးသွေး ဓာတ်အားပေး စက်ရုံကနေ ပြာတန်ချိန် တသောင်း နှစ်စဉ်ထွက်မှာဖြစ်
ထားဝယ် အထူးစီးပွားရေးဇုန် စီမံကိန်းမှာ လျှပ်စစ်ဓာတ်အား မီဂါဝပ် ၄၀၀၀ ထုတ်လုပ်မယ့် ကျောက်မီးသွေးသုံး ဓာတ် အားပေးစက်ရုံ ပါဝင်မှာ ဖြစ်တဲ့ အတွက် အဲဒီဒေသမှာ သဘာဝပတ်ဝန်းကျင် ကို ထိခိုက်နိုင်ကြောင်း လေ့လာသူတွေက ပြောပါတယ်။
ဒီဓာတ်အားပေး စက်ရုံကနေ နှစ်စဉ် ကျောက်မီးသွေး လောင်ကျွမ်းလို့ ဖြစ်လာတဲ့ ပြာ တွေ တန်ချိန် တသောင်း လောက် ထွက်လာ နိုင်တဲ့ အတွက် သဘာဝ ပတ်ဝန်းကျင် ကို ကြီးကြီးမားမား သက်ရောက်မှု ရှိနိုင်ကြောင်း ဒီစီမံကိန်းအကြောင်း လေ့လာ သုတေသန ပြုနေတဲ့ Another Develpoment for Burma အဖွဲ့က သုတေသီ စောဖရန်ကီ က ပြောပါတယ်။
ဒီပြာတွေဟာ မိုးရွာတဲ့အခါ မြစ်ချောင်းတွေထဲ စီးပါသွားပြီး မြစ်ချောင်းထဲက ငါးတွေ အပါ အဝင် ရေသတ္တဝါတွေကိုလည်း ထိခိုက်နိုင်ကြောင်း သူက ပြောပါတယ်။
လောင်စာ အဖြစ်သုံးတဲ့ ကျောက်မီးသွေးကနေ ဆာဖာဒိုင်အောင်ဆိုဒ်၊ ကာဘွန်မိုနော့ဆိုဒ် ဓာတ်ငွေ့တွေထွက်လာမှာ ဖြစ်ပြီး အဲဒီဓာတ်ငွေ့တွေဟာ ကမ္ဘာကြီးကို ပူနွေး စေမှာ ဖြစ် ကြောင်းလည်း သူကပြောပါ တယ်။
ထိုင်းနိုင်ငံက မက်တာပို့ စက်မှုဇုန် နေရာတဝိုက်က စိုက်ခင်းတွေမှာဆိုရင် စိုက်ပျိုးသီးနှံ တွေဟာ ခြောက်သွေ့သွားတာကို လေ့လာတွေ့ရှိရတယ်လို့ ဆိုပါတယ်။
စက်မှုဇုန်တွေ လုပ်ဆောင်မယ့် သူတွေအနေနဲ့ သဘာဝပတ်ဝန်းကျင်နဲ့ လူမှုရေး ထိခိုက်မှု ရှိမရှိကို အရင် ဆန်းစစ်ဖို့ လိုတယ်လို့ ကိုစောဖရန်ကီက ပြောပါတယ်။
ထားဝယ်စီမံကိန်း ကို လုပ်ဆောင်နေတဲ့ ကုမ္ပဏီ တွေက ထိုင်းနိုင်ငံက TEAM လို့ခေါ်တဲ့ အဖွဲ့ကို ဒီစီမံကိန်းနဲ့ပတ်သက်ပြီး သဘာဝပတ်ဝန်းကျင် လေ့လာဆန်းစစ်ရေး လုပ်ဖို့စီစဉ် မယ် လို့ ကြားသိထား ကြပေမယ့် အခုအချိန် ထိ ဒေသခံတွေနဲ့ တွေ့ဆုံ မေးမြန်းတာ မြန်မာပြည် ဆိုင်ရာ သဘာဝပတ်ဝန်းကျင် ထိန်းသိမ်းရေးဆိုင်ရာ အဖွဲ့တွေ ကို ဖိတ်ခေါ်ဆွေးနွေးတာ စတာတွေ လုပ်တာမျိုး မကြားရသေး ကြောင်းလည်း သူ က ပြောပါတယ်။

ကိုဇာဂနာနဲ့ ဘီဘီစီ တွေ့ဆုံမေးမြန်းခန်း
မြန်မာနိုင်ငံမှာ မှတ်တမ်းရုပ်ရှင် ရိုက်ကူးရေး ဆိုင်ရာ လေ့လာဖို့ ပထမဆုံး အကြိမ် အနေနဲ့ ပြည်ပ ခရီးထွက်လာတဲ့ နာမည်ကျော် အနုပညာရှင် လူရွှင်တော် ကိုဇာဂနာ ခေါ် ကိုသူရ ဟာ ဘန်ကောက် ဘီဘီစီ မြန်မာဌာန ရုံးခန်း မှာ သီးသန့် တွေ့ဆုံမေးမြန်း ခွင့်ပြုခဲ့ပါတယ်။
ကိုဇာဂနာ က ပြည်ပ အတွေ့အကြုံ ကို ဦးစွာ ပြောပြ ရာမှာ ဘန်ကောက် နိုင်ငံတကာ လေဆိပ် ကြီးမား ခမ်းနားပုံ နဲ့ ဘန်ကောက်မြို့ ရဲ့ တိုက်တာ အဆောက်အအုံ၊ လမ်း တံတား တွေ တွေ့ရတဲ့ အခါမှာ အံ့သြ မှုနဲ့ အတူ ထိုင်းနိုင်ငံရဲ့ တိုးတက်မှု နဲ့ မြန်မာနိုင်ငံ ကို နှိုင်းယှဉ်မိပြီး ရင်ခုန် ပျော်ရွှင် ရမယ့်အစား အိမ်နီးချင်း နိုင်ငံ ဖြစ်ရက်နဲ့ ဘာဖြစ်လို့ ဒီလောက် ကွာခြား သွားရတါပါလဲ လို့ စဉ်းစား မိရင်း စိတ်မကောင်း ဖြစ်မိပုံ ဘီဘီစီ ကို ပြောပြပါတယ်။
ထိုင်းနိုင်ငံလို မြန်မာနိုင်ငံ တိုးတက်အောင် နှစ်ကာလ ဘယ်ရွေ့ ဘယ်မျှ အချိန်ယူရမှာ လည်း ဆိုတဲ့ အချက်လည်း စိတ်ထဲ ပေါ်ပေါက်ပုံ ရှင်းပြပါတယ်။
ထူးခြားတဲ့ အချက်အနေနဲ့တော့ မျက်နှာ အသွင်အပြင် ကွာခြားတဲ့ နေရာမှာ မြန်မာလူမျိုးတွေ ဖြစ်ပေမယ့် မြန်မာနိုင်ငံ မှ မြန်မာတွေနဲ့ မတူတာက ကြောင့်ကျစိတ်၊ ပူပင်မှု၊ မိမိ ကိုယ်ကို ယုံကြည်မှု နဲ့ လွတ်လပ်ပေါ့ပါး နေတာ တွေ့ခဲ့ရလို့ ပြည်တွင်းက မြန်မာ လူငယ်တွေကို လည်း အခုလို ဖြစ်စေလိုကြောင်း ကိုဇာဂနာ က ပြောပြပါတယ်။
ပြည်ပ ထွက်လာတဲ့ ရည်ရွယ်ချက်က ရုပ်ရှင်ပွဲတော် ကျင်းပရေး အစီအစဉ် နဲ့ ကမ္ဘောဒီးယား မှာ မှတ်တမ်းတင် ရုပ်ရှင် သင်ကြားတဲ့ ကျောင်း မှ နည်းပညာ တွေ ရယူရေး ပါဝင်ပုံ ရှင်းပြပါတယ်။

ဖိလစ်ပိုင်မှာ မုန်တိုင်းကြောင့်သေဆုံးသူတွေကို သင်္ဂြိုဟ်
ဆွေမျိုးတွေကတော့ အစုလိုက် အပြုံလိုက် သင်္ဂြိုဟ်တာကို သဘောမတူကြပါ
ဖိလစ်ပိုင်နိုင်ငံတောင်ပိုင်းကို တနင်္ဂနွေနေ့က တိုက်ခတ်ခဲ့တဲ့ မုန်တိုင်းနဲ့အတူ ရေကြီးမှု တွေ ကြောင့် သေဆုံးသွားခဲ့ရသူတွေကို ဒေသတချို့ မှာ အာဏာပိုင်တွေက စတင် မြေမြှုပ် သင်္ဂြိုဟ် နေပြီ ဖြစ်ပါတယ်။
မုန်တိုင်းကြောင့် လူပေါင်း ၁၀၀၀ နီးပါး လောက် သေဆုံးခဲ့ရတယ်လို့ သိရပါတယ်။
အာဏာပိုင်တွေဟာ သေဆုံးသွားသူတွေ ဘယ်သူ ဘယ်ဝါ ဖြစ်တယ်ဆိုတာကို ခွဲခြားမနေတော့ဘဲ ကွန်ကရစ် တွင်းကြီးတွေထဲမှာ ထည့်ပြီး မြှုပ်ပစ်လိုက်ကြတာ ဖြစ်ပါတယ်။
မင်ဒန်နာအိုကျွန်းပေါ်က အိုင်လီဂန် မြို့မှာလည်း အခုလို ကျွင်းတခုတူးပြီး၊ သင်္ဂြိုဟ်ခဲ့ ပါတယ်။
သေဆုံးသွားခဲ့သူတွေရဲ့ ဆွေမျိုးတွေကတော့ အခုလို အစုလိုက် အပြုံလိုက် သင်္ဂြိုဟ်တာကို သဘောမတူကြပါဘူး။
သမ္မတ ဘန်နီနို အာကွီနိုဟာ မုန်တိုင်းဒဏ်ခံရတဲ့နေရာတွေကို သွားရောက်ခဲ့ပြီး၊ အသက် မသေပဲ ကျန်ရစ်သူတွေကို အားပေးစကားပြောခဲ့ပါတယ်။

မြောက်ကိုးရီးယားအတွက် သုံးနိုင်ငံဆွေးနွေး
တရုတ်သမ္မတဟူချင်တောင်၊ မြောက်ကိုရီးယား သံရုံးသွားပြီး၊ ကင်မ်ဂျုံအီးလ်ကို ဂါဝရပြုခဲ့
မြောက်ကိုရီးယား ခေါင်းဆောင် ကင်မ်ဂျုံအီးလ် ကွယ်လွန်သွားခဲ့ပြီးနောက် ဖြစ်လာနိုင်ခြေရှိတဲ့ အကျိုးဆက်တွေအပေါ် ဘယ်လို ကိုယ်တွယ်မလဲ ဆိုတာနဲ့ ပတ်သက် ပြီး တရုတ်နိုင်ငံဟာ အမေရိကန် ပြည်ထောင်စု၊ တောင်ကိုရီးယား နိုင်ငံတို့နဲ့ တိုင်ပင်ဆွေးနွေးခဲ့ပါတယ်။
ကင်မ်ဂျုံအီးလ် မရှိတော့တဲ့နောက် မြောက်ကိုရီးယားမှာ အာဏာအပြောင်းအလဲနဲ့ ပတ်သက်ပြီး ဒေသတွင်း စိုးရိမ်းမှုတွေ ကြီးမား နေချိန်လည်း ဖြစ်ပါတယ်။
ကိုရီးယားကျွန်းဆွယ် တည်ငြိမ်မှုနဲ့ ငြိမ်းချမ်းရေးအတွက် လိုအပ်ချက်တွေအပေါ် တရုတ်၊ အမေရိကန်နဲ့ တောင်ကိုရီးယားတို့က အနီးကပ် ဆက်ဆံရေး ဆက်လက် ထားရှိကြမယ်လို့ သဘောတူခဲ့ကြပါတယ်။
တရုတ်သမ္မတ ဟူချင်တောင်ဟာ မြောက်ကိုရီးယား သံရုံးကိုသွားရောက်ပြီး၊ ကင်မ်ဂျုံအီးလ် ကို ဂါဝရပြုခဲ့ပါတယ်။
တောင်ကိုးရီးယားဘက်ကလည်း မြောက်ကိုရီးယား ပြည်သူတွေ အတွက် ဝမ်းနည်းကြောင်း သဝဏ်လွှာ ပေးပို့ခဲ့ပါတယ်။ တောင်ကိုရီးယားဘက်က တရားဝင် ကိုယ်စားလှယ်အဖွဲ့ စေလွှတ်မှာ မဟုတ်ပေမယ့် မြောက်ကိုရီးယားနဲ့ အဆက်အသွယ်ရှိတဲ့ ထင်ရှားတဲ့ ပုဂ္ဂိုလ်တွေ ကိုတော့ စေလွှတ်ဖို့ ရှိပါတယ်။
မြောက်ကိုးရီးယားကို တည်တောင်သူ ကင်မ်အီဆွန်း ၁၉၉၄ ခုနှစ်မှာ ကွယ်လွန်သွား တုန်းက တော့ တောင်ကိုးရီးယားအနေနဲ့ ဘာမှ မတုံ့ပြန်တဲ့အတွက် တောင်နဲ့မြောက် ဆက်ဆံရေး ထိခိုက်ခဲ့ဖူးပါတယ်။
ဒီတကြိမ်မှာတော့ တောင်ကိုရီးယားက တရက်ကြာ ဝမ်းနည်းခြင်း အထိမ်းအမှတ်နေ့အဖြစ် သတ်မှတ်ခဲ့ပါတယ်။

ဗိုလ်အောင်ကျော်နေ့ ရန်ကုန်မှာ ကျင်းပ
ဒီဇင်ဘာလ ၂၀ ရက်နေ့ဟာ ကိုလိုနီ အစိုးရကို အသက် ပေးပြီး ဆန့်ကျင် ခဲ့တဲ့ ကျောင်းသား ခေါင်းဆောင် ဗိုလ်အောင်ကျော် ကို ဂုဏ်ပြု ထားတဲ့ အထိမ်း အမှတ်နေ့ ဖြစ် ပါတယ်။
အခန်း အနားကို ခွပ်ဒေါင်း အလံတွေ လွှင့် ထူ ပြီး ကျင်းပ ခဲ့ကြ
အခု နှစ်မှာ ကျရောက်တဲ့ ၇၃ ကြိမ်မြောက် ဗိုလ်အောင်ကျော်နေ့ အခမ်း အနားကို ရန်ကုန်မြို့ သမိုင်း မြို့မ ပရိယတ္တိ စာသင် တိုက်မှာ အင်္ဂါ နေ့က ကျင်းပခဲ့ ပါတယ်။
အဲဒီ အထိမ်း အမှတ်ပွဲကို ယခင် ခေတ် အဆက်ဆက်က ကျောင်းသား ခေါင်းဆောင် တွေ၊ အခုခေတ် လူငယ် ကျောင်းသား ခေါင်းဆောင် တွေ၊ နိုင်ငံရေး သမား တွေ အပြင် စာရေး ဆရာကြီး ဒဂုန် တာရာ၊ စာရေး ဆရာမကြီး ဒေါ်ခင်ဆွေဦး၊ ဆရာ မောင်ဝံသ စတဲ့ စာပေ အနုပညာ သမားတွေ အပါအဝင် အလွှာ ပေါင်းစုံ ပါဝင် ခဲ့ကြ ပါတယ်။
ဗိုလ်အောင်ကျော်ရဲ့ မိသားစုဝင် တစ်ယောက် ကလည်း အမှတ် တရ စကား ပြောခဲ့တယ်လို့ ဗိုလ်အောင်ကျော်နေ့ အခမ်း အနား တက်ရောက်ခဲ့သူ ဗမာ နိုင်ငံလုံး ဆိုင်ရာ ကျောင်းသား သမဂ္ဂများ အဖွဲ့ချုပ် အဖွဲ့ဝင် တစ်ယောက် ဖြစ်တဲ့ ကိုလင်းထက်နိုင်က ပြောပါတယ်။
ခွပ်ဒေါင်း တံဆိပ် ကျောင်းသား အလံ ကို နံရံမှာ ချိတ်ဆွဲပြီး နှစ်ပေါင်း များစွာ အတွင်း ပထမဆုံး အကြိမ် ကျင်းပ နိုင်ခဲ့ တဲ့ အခု အခမ်း အနားမှာ ကျောင်းသား လှုပ်ရှားမှု သမိုင်းနဲ့ အစဉ် အလာ ကြီးမားပုံ တွေကို ကျောင်းသား သမဂ္ဂ ခေါင်းဆောင် ဟောင်းတွေက ပြန်ပြောင်း ပြောခဲ့ကြ တယ်လို့လည်း သူက ဆက်ပြော ပါတယ်။
၁၉၆၂ ခုနှစ်က ကျောင်းသား သမဂ္ဂ ခေါင်းဆောင် တစ်ယောက် ဖြစ်တဲ့ ဦးလှရွှေက တော့ အခု အခမ်း အနား ကျင်းပ နိုင်ခဲ့တာ အပေါ် ဝမ်းသာ ပီတိ ဖြစ်ရတဲ့ အကြောင်း ထုတ်ဖော် ပြောခဲ့ တယ်လို့ ဆိုပါတယ်။
အခု အခမ်း အနားကို အနှောင့် အယှက် မရှိ ကျင်းပခွင့် ရတယ် ဆိုတာဟာ ဆုံးရှုံး သွားခဲ့တဲ့ အခွင့် အရေး တွေထဲက တစိတ် တပိုင်းကို ရတာသာ ဖြစ်ပြီး ကျောင်းသား ထု အတွင်း မှာရော ပြည်သူ လူထု အတွင်း မှာပါ ကျောင်းသား ထု တစ်ရပ်လုံး လွတ်လွတ် လပ်လပ် လှုပ်ရှားရင်း ပြည်သူ့ အကျိုး တိုင်ပြည်အကျိုး လုပ်ဆောင် နိုင်ခွင့် ရမှသာ အခွင့် အရေး အပြည့် အဝ ရတယ်လို့ ပြောနိုင်မှာ ဖြစ်ကြောင်း ဗကသ ကျောင်းသား အဖွဲ့ဝင် ကိုလင်းထက်နိုင်က ပြောပါတယ်။
သူတို့ အနေနဲ့ ကတော့ ဗမာ နိုင်ငံလုံး ဆိုင်ရာ ကျောင်းသား သမဂ္ဂ အဖွဲ့ကြီး တစ်နိုင်ငံ လုံးမှာ တရားဝင် လွတ်လွတ် လပ်လပ် လှုပ်ရှား ဆောင်ရွက် နိုင်ခွင့် ရတဲ့ အထိ ကြိုးပမ်း လုပ်ဆောင် သွားမယ်လို့ ကိုလင်းထက်နိုင်က ပြောပါတယ်။

နိုင်ငံရေးအဆင့်ဆွေးနွေးဖို့ KIO ကို အစိုးရကမ်းလှမ်း
နိုင်ဝင်ဘာ ၂၉ ရက်နေ့မှာလည်း နှစ်ဘက် ကိုယ်စားလှယ်တွေ ရွှေလီမှာ တွေ့ဆုံ
ကချင်လွတ်လပ်ရေးအဖွဲ့ KIO နဲ့ နိုင်ငံရေး အဆင့် ဆွေးနွေးမှုတွေ ပြုလုပ်ဖို့ အစိုးရ ဘက်က ပြီးခဲ့တဲ့ ၁၈ ရက်နေ့မှာ KIO ကို ကမ်းလှမ်းထားပြီ ဖြစ်ပါတယ်။
KIO နဲ့ ဆွေးနွေးဖို့ အတွက် အစိုးရဘက်က ဦးအောင်သောင်း ဦးဆောင်ပြီး၊ ဒုတိယ အဖွဲ့ခေါင်းဆောင် နှစ်ဦးအနေနဲ့ ဦးအောင်မင်းနဲ့ ဦးသိန်းဇော်တို့ပါဝင်တဲ့ ၁၁ ဦး ပါ ကိုယ်စားလှယ် အဖွဲ့ကို ဖွဲ့ထားတာ ဖြစ်ကြောင်း သမ္မတရုံးကနေ စာထုတ်ပြန်ခဲ့တာ ဖြစ်ပါတယ်။
ဒီကိစ္စနဲ့ပတ်သက်ပြီး၊ KIO ကနေ အကြောင်းပြန်ပေးဖို့ ကမ်းလှမ်းထားကြောင်း KIA ကချင်လွတ်လပ်ရေးတပ်မတော် ဒုတိယ စစ်ဦးစီးချုပ် ဗိုလ်မှူးချုပ် ဂွန်မော်က ပြောပါတယ်။
KIO ဘက်ကတော့ လောလောဆယ် ဗဟိုကော်မတီ အစည်းအဝေးလုပ်နေပြီး၊ ဒီရက်ပိုင်း အတွင်း အပြီးသတ်ဆွေးနွေးမှာ ဖြစ်တယ်လို့ ပြောပါတယ်။
လောလောဆယ်မှာတော့ နိုင်ငံရေးအရ ဆွေးနွေးမယ့် အကြောင်းအရာတွေနဲ့ ပတ်သက်ပြီး၊ ဆုံးဖြတ်ချ မချရသေးဘူးလို့လည်း သူကပြောပါတယ်။
ကချင် ဒေသတွင်းမှာ လက်ရှိအခြေအနေကတော့ တိုက်ပွဲငယ်လေးတွေ နေ့တိုင်းဖြစ်နေဆဲ ဖြစ်ပါတယ်။
မကြာသေးခင်က သမ္မတဦးသိန်းစိန်ကနေ ကချင်ပြည်နယ် ထိုးစစ်တွေကို ရပ်ဆိုင်းဖို့ အစိုးရ စစ်တပ်ကို ညွှန်ကြားထားပြီးနောက်ပိုင်း တိုက်ပွဲတွေနည်းသွားပေမယ့် တိုက်ပွဲ ပုံသဏ္ဍန် ကတော့ သိပ်ပြောင်းလဲမှု မရှိသေးဘူးလို့လည်း ဗိုလ်မှူးချုပ် ဂွန်မော်က ပြောပါတယ်။

အစိုးရနဲ့ KNU တို့ တရားဝင် ပထမဆုံး တွေ့မည်
ကရင် အမျိုးသား အစည်းအရုံး (KNU) နဲ့ မြန်မာအစိုးရရဲ့ ငြိမ်းချမ်းရေး ဖော် ဆောင်ရေး အဖွဲ့ဟာ လာမယ့် နှစ်ဆန်း ဇန်နဝါရီလ လယ်မှာ ကရင်ပြည်နယ်၊ ဘားအံမြို့မှာ တွေ့ဆုံ ပြီးတော့ နှစ်ဖက် ကြား အပစ် အခတ် ရပ်စဲရေး အတွက် ဆွေးနွေး တော့မှာ ဖြစ်ပါတယ်။
ဒီတကြိမ် တွေ့ဆုံ ဆွေးနွေးမယ့် ကိစ္စဟာ မြန်မာနိုင်ငံမှာ အစိုးရသစ် တက်လာပြီးနောက် ပထမဆုံးအကြိမ် တရားဝင် တွေ့ဆုံ ဆွေးနွေးကြမှာ ဖြစ်ပါတယ်။
နိုဝင်ဘာ လကုန်ပိုင်းတုန်းက ထိုင်းနိုင်ငံ ချင်းရိုင် ခရိုင်မှာ နှစ်ဘက် ဆွေးနွေးတာတွေ ရှိပေမယ့် အလွတ်သဘော ဆွေးနွေးမှုသာ ဖြစ်တယ်လို့ KNU ဘက်က ပြောပါတယ်။
''ဇန်နဝါရီလ ဒုတိယ အပတ်မှာ ဝန်ကြီး ဦးအောင်မင်း ကမ်းလှမ်းထားသလိုပဲ၊ ဘားအံမြို့ မှာတွေ့ဖို့အတွက် ကျွန်တော်တို့ဆုံးဖြတ်ထားပါတယ်'' လို့ KNU ငြိမ်းချမ်းရေး ဖေါ်ဆောင်ရေးအဖွဲ့ရဲ့ အတွင်းရေးမှူး ဖဒို စော ဒေးဗစ် ထော က ဘီဘီစီကို ပြောပါတယ်။
''ထာဝရ ငြိမ်းချမ်းရေးကို ရှေ့ရှုပြီး သွားရမယ့် ကိစ္စဖြစ်တဲ့ အတွက်ကြောင့် နှစ်ဦးနှစ်ဖက် ပိုပြီးတော့ ခိုင်ခိုင်မာမာနဲ့ ရှေ့ကို သွားနိုင်ဖို့အတွက် ဆွေးနွေးဖို့ ကျွန်တော်တို့မှာ အဲဒီသဘောထားတွေရှိပါတယ်'' လို့ ဖဒို စော ဒေး ဗစ်ထောက ပြောပါတယ်။
မြန်မာအစိုးရဘက်က တွေ့မယ့်အဖွဲ့ကို ရထားပို့ဆောင်ရေး ပြည်ထောင်စုဝန်ကြီး ဦးအောင်မင်းက ဦးဆောင်မှာ ဖြစ်ပါတယ်။
KNU ဘက်ကတော့ KNU ငြိမ်းချမ်းရေး ဖေါ်ဆောင်ရေး အဖွဲ့နဲ့အတူ KNU တပ်မဟာတွေနဲ့ ခရိုင်ခေါင်းဆောင်တွေ လိုက်ပါသွားကြမယ်လို့ ပြောပါတယ်။ ဒါပေမဲ့ ဆွေးနွေးမယ့် အသေးစိတ် အချက်အလက် တွေကိုတော့ ထုတ်ဖော်ပြောတာ မရှိသေးပါဘူး။
ဇန်နဝါရီလ ဘားအံ ဆွေးနွေးပွဲကို မသွားခင်မှာ KNU နဲ့ မြန်မာ အစိုးရ ငြိမ်းချမ်းရေး ဖော်ဆောင်ရေး အဖွဲ့တွေဟာ အခုရက်ပိုင်း မှာလည်း ထိုင်းမြန်မာနယ်စပ်မှာ အကြို ညှိနှိုင်း ဆွေးနွေးမှု တွေလုပ်ဖို့ အလွတ်သဘော ထပ်မံ တွေ့ဆုံဖို့ ရှိသေးတယ်လို့ KNU ထိပ်ပိုင်း ခေါင်းဆောင် တဦးက ပြောပါတယ်။
အခြား သတင်းတရပ်မှာတော့ ချင်းအမျိုးသားတပ်ဦး (CNF) ကလည်း ပြည်နယ်အဆင့် ငြိမ်းချမ်းရေး ဖော်ဆောင်မှုအဖွဲ့နဲ့ ဇန်နဝါရီလ ၅ ရက် နဲ့ ၆ ရက်နေ့တွေမှာ တွေ့ဆုံသွားဖို့ ရှိတယ်လို့ CNF ရဲ့ အရေးပေါ် အစည်းအဝေးတစ်ခုကနေ ဆုံးဖြတ်ချက် ချခဲ့ပါတယ်။

GMS ထိပ်သီးအစည်းအဝေးအလွန် အခွင့်အလန်းများ ပွင့်လင်းလာဖို့ မျှော်လင့်
မစုမြတ်မွန် on Tuesday, December 20,
မဟာမဲခေါင်ဒေသခွဲ နိုင်ငံခေါင်းဆောင်တွေတက်ရောက်တဲ့ GMS ထိပ်သီးစည်းအဝေးမှာ ဆင်းရဲမွဲတေမှု ကျဆင်းရေးပါဝင်တဲ့ ၁၀ နှစ် စီမံကိန်းကို သဘောတူခဲ့ကြပါတယ်။ မြန်မာ၊ ထိုင်း၊ ဗီယက်နမ်၊ ကမ်မ္ဘောဒီးယား၊ လာအိုနဲ့ တရုတ်နိုင်ငံတွေကြား စီးပွားရေးပူးပေါင်းဆောင်ရွက်ရေးအစီအစဉ်နဲ့ လုပ်တဲ့ GMS ထိပ်သီးစည်းဝေးပွဲမှာ စီးပွားရေးဖိုရမ်ဥက္ကဋ္ဌ ရာထူးကိုလည်း မြန်မာနိုင်ငံ ကုန်သည်များနဲ့ စက်မှုလက်မှုလုပ်ငန်းရှင်များ အသင်းချုပ်က လွှဲပြောင်းတာဝန်ယူခဲ့ပါတယ်။ ဒီအတွက် မြန်မာနိုင်ငံအပေါ် ဘယ်လိုအကျိုးရှိစေသလဲ စိန်ခေါ်မှုတွေ ရှိမလဲဆိုတာကို ဘန်ကောက်ရုံးက မစုမြတ်မွန်က တင်ပြထားပါတယ်။
မဟာမဲခေါင်ဒေသခွဲနိုင်ငံတွေကြား စီးပွားရေးတိုးတက်အောင် တွန်းအားပေးဆောင်ရွက်ရေး၊ ဖွံ့ဖြိုးတိုးတက်ရေးလုပ်ငန်းတွေ မြှင့်တင်ရေးနဲ့ ဆင်းရဲမွဲတေမှု ကျဆင်းရေးလုပ်ငန်းတွေ တိုးမြှင့်လုပ်ဆောင်ရေး စတဲ့ ၁၀ နှစ်စီမံကိန်းကို ၆ နိုင်ငံပါဝင်တဲ့ GMS မဟာမဲခေါင်ဒေသခွဲ ထိပ်သီး စည်းဝေးပွဲမှာ သဘောတူခဲ့ကြပါတယ်။ နေပြည်တော် Convention စင်တာမှာ ဒီကနေ့ လုပ်ခဲ့တဲ့ ၄ ကြိမ်မြောက် GMS ထိပ်သီးစည်းဝေးပွဲမှာ အဖွဲ့ရဲ့အောင်မြင်မှုတွေကိုပြောခဲ့ကြသလို လယ်ယာစိုက်ပျိုးရေးကဏ္ဍ တိုးတက်ရေး၊ အစားအသောက်လုံခြုံစိတ်ချမှုရှိရေးနဲ့ ဖူလုံရေးအပြင် ခရီးသွားလုပ်ငန်းက ဝင်ငွေကျယ်ကျယ်ပြန့်ပြန့်ရနိုင်အောင် နိုင်ငံစုံပါဝင်တဲ့ ခရီးသွားအစီအစဉ်တွေဖန်တီးရေးတွေအတွက် မဟာဗျူဟာ ချကြဖို့ကိုလည်း GMS ခေါင်းဆောင်တွေ သဘောတူခဲ့ကြပါတယ်။
GMS ထိပ်သီးစည်းဝေးပွဲမှာ စီးပွားရေးဖိုရမ် ဥက္ကဋ္ဌရာထူးကိုလည်း မြန်မာနိုင်ငံ ကုန်သည်များနဲ့ စက်မှုလက်မှုလုပ်ငန်းရှင်များ အသင်းချုပ်က လွှဲပြောင်းတာဝန်ယူခဲ့ပါတယ်။ စီးပွားရေး၊ ကုန်သွယ်ရေးနဲ့ ခရီးသွားလုပ်ငန်းပူးပေါင်းဆောင်ရွက်မှုကို အဓိကအသားပေးတဲ့ GMS အဖွဲ့ဝင် နိုင်ငံတခုအနေနဲ့ စီးပွားရေး Forum ဥက္ကဋ္ဌတာဝန်ယူရတဲ့အတွက် အခွင့်အလမ်းတွေပိုရလာနိုင်တယ်လို့ မြန်မာနိုင်ငံ ခရီးသွားလုပ်ငန်းရှင်များ အသင်း ဒုတိယ ဥက္ကဋ္ဌ ကိုသက်လွင်ထွန်းက တွက်ပါတယ်။

“ကိုယ့်နိုင်ငံအနေနဲ့တော့ ဒါ အများကြီး opportunity ရတာပေါ့လေ၊ အထူးသဖြင့်တော့ investment နဲ့ပတ်သက်တဲ့ opportunity တွေပေါ့။ ကျနော်တို့နိုင်ငံမှာ အဓိကလိုအပ်နေတဲ့ အခန်းတွေ အများကြီးလိုနေတယ်။ နောက် infrastructure တွေ၊ develop ဖြစ်ဖို့လိုနေတယ်။ အဲဒါတွေကို အကုန်လုံးလုပ်ဖို့အတွက်ကော ဖွင့်ပေးလိုက်တယ်။ နောက် tourist တွေလည်း ပိုမို လွယ်ကူစွာလာနိုင်မယ်။ အရေးကြီးတဲ့ ဗီဇာတွေလည်း နောက်ပိုင်းကျရင်ဖွင့်ပေးတဲ့အခါမှာ မြန်မာနိုင်ငံအနေနဲ့ ပိုပြီးတော့ ၂၀၁၂ beyond ဆိုရင် ဒါဟာ GMS နိုင်ငံတွေ၊ ASEAN နိုင်ငံတွေမှာ ဗီဇာတခုတည်း သွားတော့မယ်လေ။ အဲဒါမျိုးတွေအတွက် အများကြီး အခွင့်အလမ်းသာတာပေါ့”
ဒီနေ့ပြီးသွားတဲ့ GMS ထိပ်သီးစည်းဝေးပွဲမှာလည်း အဖွဲ့ဝ်နိုင်ငံတွေကြား သဘာဝအရင်းအမြစ်တွေကို ရေရှည်ထိန်းသိမ်းထားနိုင်မယ့် ခရီးသွားလုပ်ငန်းအတွက် မဟာဗျူဟာချရေးကိုလည်း သဘောတူခဲ့ကြပါတယ်။ လက်တွေ့လုပ်တဲ့အခါမှာ ဘယ်လိုမျိုး စိန်ခေါ်မှုတွေရှိနိုင်ပါသလဲ။
“အခုလို tourist တွေဖွင့်ပေးလိုက်လို့ ပြုံလာခဲ့မယ်ဆိုရင် ကျနော်တို့က သဘာဝအရင်းအမြစ်တွေ၊ ဥပမာ beach တွေမှာဆို ပျက်စီးမယ်၊ tourist တွေလာတဲ့အတွက်ကြောင့် အမှိုက်သရိုက်တွေ၊ waste တွေ၊ ပလပ်စတစ်တွေ၊ ဒါတွေဟာ အင်းလေးကန်လိုနေရာမျိုးမှာဆို တော်တော်ကို ပျက်စီးနေပြီ။ ဒါ Eco diversity ပေါ့။ climate change ဖြစ်စေတဲ့အကြောင်းအရင်းတွေ၊ ဒါတွေအားလုံးမဖြစ်ရအောင်ဆိုပြီးတော့ sustainable tourism ဆိုပြီးတော့ အဓိက subject တခု လုပ်တာပေါ့။ ခြုံငုံပြောရရင်တော့ Green Trurism လို့လည်း နောက်ပိုင်း ပြောလို့ရတာပေါ့။ ဒီ environment တခုလုံးကို တိုးတက်ပြောင်းလဲအောင် အသိပညာပေးရမယ်။ အဲဒီအခါမှာအောက်ခြေက Grass root level တွေကနေပြီး အပေါ်က authority တွေအထိ ပေးရမှာပေါ့နော်”
ခရီးသွားလုပ်ငန်းရှင်များအသင်း ဒုတိယ ဥက္ကဋ္ဌ ကိုသက်လွင်ထွန်းပြောသွားတာဖြစ်ပါတယ်၊ ၆ နိုင်ငံ ပါဝင်တဲ့ အဖွဲ့ဝင်နိုင်ငံတွေကြား ဒေသတွင်း ပူးပေါင်းဆောင်ရွက်ရေး လုပ်တဲ့အခါမှာ အရင်းအမြစ်တွေကို အကျိုးရှိရှိ အသုံးချရေး၊ ဖွံ့ဖြိုးတိုးတက်ရေး ဆောင်ရွက်တဲ့အခါမှာ သဘာဝ ပတ်ဝန်းကျင်ကို ထိခိုက်မှု နည်းနိုင်သမျှနည်းအောင် လုပ်ကြဖို့ကိုလည်း မဟာမဲခေါင်ဒေသခွဲ နိုင်ငံ့ခေါင်းဆောင်တွေက ကြေညာခဲ့ကြပါတယ်။ GMS ထိပ်သီး စည်းဝေးပွဲကို ထိုင်းဝန်းကြီးချုပ် Yinluck Shinawat, Vietnam ဝန်ကြီးချုပ် ငုယင်တန်ဒေါင်း၊ Laos ဝန်ကြီးချုပ် သွန်ဆင်သမာဗွန်၊ Cambodia ဝန်ကြီးချုပ် Hun Sen နဲ့ တရုတ်နိုင်ငံတော်ကောင်စီဝင် ဒိုင်ဘင်ဂေါ်တို့ တက်ရောက်ခဲ့ကြပါတယ်။ တနင်္လာနေ့ကတော့ သမ္မတ ဦးသိန်းစိန်ဟာ Cambodia ဝန်ကြီးချုပ်နဲ့ တရုတ်နိုင်ငံတော်ကော်စီဝင်တို့ကို သီးခြား တွေ့ဆုံ ဆွေးနွေးခဲ့ပါတယ်။ အာရှဖွံ့ဖြိုးမှုဘဏ်ရဲ့ ထောက်ပံ့မှုနဲ့ ၆ နိုင်ငံပါဝင်တဲ့ မဟာမဲခေါင်ဒေသခွဲ အစီအစဉ်ကို ၁၉၉၂ ခုနှစ်ကနေ စတင်ခဲ့တာဖြစ်ပြီး ထိပ်သီးစည်းဝေးပွဲကို ၃ နှစ်တကြိမ် ကျင်းပတာဖြစ်ပါတယ်ရှင်။

နိုင်ငံရေးဆွေးနွေးဖို့ အစိုးရက KIO ထံ အကြောင်းကြား
ကိုမိုးဇော် on Tuesday, December 20,
ပြည်ထောင်စုအဆင့်နဲ့ နိုင်ငံရေးဆွေးနွေးပွဲတွေ စတင်နိုင်ဖို့အတွက် ကချင်လွတ်လပ်ရေးအဖွဲ့ KIO ဗဟို ကော်မတီက ကိုယ်စားလှယ်အဖွဲ့ ဖွဲ့စည်းဖို့ ပြင်ဆင်နေပါတယ်။ ဒီလို ဖွဲ့စည်းဖို့ ပြင်ဆင်တာကတော့ နိုင်ငံရေးဆွေးနွေးဖို့ အတွက် မြန်မာအစိုးရဘက်ကနေ ဦးအောင်သောင်း ခေါင်းဆောင်တဲ့ ငြိမ်းချမ်းရေးအဖွဲ့ကို ဖွဲ့စည်းပြီးကြောင်း တရားဝင် အကြောင်းကြားလာတာကြောင့် ဖြစ်ပါတယ်။ KIO နဲ့ မြန်မာအစိုးရအကြား ငြိမ်းချမ်းရေးဆွေးနွေးပွဲတွေ မကြာခင် စတင်နိုင်မယ့် အလားအလာရှိနေပေမဲ့လည်း ကချင်ပြည်နယ်အတွင်းမှာ တိုက်ပွဲတွေကတော့ ဆက်ဖြစ်နေပြီး စစ်ပြေး ဒုက္ခသည်တွေ သေဆုံးနေရတာတွေလည်း ရှိနေပါတယ်။ ကချင်ပြည်နယ်အတွင်းက နောက်ဆုံးအခြေအနေတွေကို ထိုင်း အခြေစိုက်သတင်းထောက် ကိုမိုးဇော်က တင်ပြထားပါတယ်။
ကချင်ပြည်နယ်အတွင်းမှာ စစ်ပွဲတွေ ရပ်ပြီး ငြိမ်းချမ်းရေးတည်ဆောက်နိုင်ဖို့အတွက် ခြေလှမ်းသစ် တရပ်အဖြစ်နဲ့ နိုင်ငံရေးဆွေးနွေးပွဲတွေ စတင်နိုင်ဖို့ အစိုးရနဲ့ ကချင်လွတ်လပ်ရေးအဖွဲ့ KIO ကြားမှာ စတင် ပြင်ဆင်လာနေပြီ ဖြစ်ပါတယ်။ ဒီရက်ပိုင်းတွေအတွင်းမှာ KIO က မြန်မာအစိုးရဲ့ ပြည်ထောင်စုအဆင့် ကိုယ်စားလှယ်တွေနဲ့ နိုင်ငံရေး ဆွေးနွေးပွဲတွေ စတင်နိုင်ဖို့ ဗဟိုကော်မတီအစည်းအဝေးကျင်းပပြီး ကိုယ်စားလှယ်အဖွဲ့ တဖွဲ့ ဖွဲ့စည်းဖို့ ပြင်ဆင်နေပြီဖြစ်ပါတယ်။ ဒီလို နှစ်ဘက်ကိုယ်စားလှယ်တွေအကြား နိုင်ငံရေးဆွေးနွေးဖို့ ပြင်ဆင်နေတဲ့ အခြေအနေကို KIO ရဲ့ ပြောရေးဆိုခွင့်ရှိသူ ဦးလနန်က အခုလို ပြောပါတယ်။
“ပြည်ထောင်စုအဆင့်၊ နိုင်ငံရေးဆွေးနွေးမှု ပြုလုပ်ဖို့အတွက် သူတို့ကနေပြီးတော့ ကော်မတီတရပ်ဖွဲ့စည်းတဲ့အကြောင်းပေါ့နော်။ သူတို့ အဖွဲ့ထဲမှာ ဦးအောင်သောင်းက ခေါင်းဆောင်ပါတယ်။ အဲဒီစာကို သူတို့ သမ္မတရုံးကနေပြီးတော့ ထုတ်ပြန်ပေးတာရှိတယ်။ အဲဒီစာကို တရားဝင်အနေနဲ့ ကျနော်တို့ဘက်ကို ပေးပို့တာပါ။ ကျနော်တို့ဘက်ကလည်း KIO ဗဟို ကိုယ်စားလှယ်အဖွဲ့၊ ဖွဲ့စည်းပြီးတော့ သူတို့ကို အကြောင်းပြန်ကြားရမယ်။ ကိုယ်စားလှယ်အဖွဲ့ကို အတည်ပြုဖို့ကတော့ ၂ ရက်လောက်တော့ အချိန်ယူရအုံးမယ်”
KIO ဘက်က ကိုယ်စားလှယ်အဖွဲ့ ဖွဲ့စည်းပြီးကြောင်း အကြောင်းပြန်ပြီးတဲ့နောက်မှာတော့ နှစ်ဘက် ကိုယ်စားလှယ်တွေ တွေ့ဆုံပြီး နိုင်ငံရေးဆွေးနွေးပွဲတွေ စတင်ဖို့ ရက်သတ်မှတ်ကြမှာဖြစ်တယ်လို့ ဦးလနန်က ပြောပါတယ်။ မြန်မာအစိုးရဘက်က ဖွဲ့စည်းထားတဲ့ ပြည်ထောင်စုအဆင့် ငြိမ်းချမ်းရေး ကိုယ်စားလှယ်အဖွဲ့ကို ပြည်သူ့လွှတ်တော်ကိုယ်စားလှယ်ဦးအောင်သောင်း၊ မီးရထားဝန်ကြီး ဦးအောင်မင်းနဲ့ တိုင်းရင်းသားရေးရာနှင့် ပြည်တွင်းငြိမ်းချမ်းရေး ဖော်ဆောင်မှု ကော်မတီ ဥက္ကဋ္ဌ  ဦးသိန်းဇော်တို့ဦးဆောင်ပြီး စုစုပေါင်း ၁၁ ဦးနဲ့ ဖွဲ့စည်းထားတာဖြစ်ပါတယ်။
မြန်မာအစိုးရနဲ့ KIO အဖွဲ့ဟာ ငြိမ်းချမ်းရေးတည်ဆောက်နိုင်ဖို့အတွက်  နိုဝင်ဘာလ ၂၉ ရက်နေ့က နောက်ဆုံးတွေ့ဆုံခဲ့တာဖြစ်ပါတယ်။ ဒီဆွေးနွေးပွဲမှာ မြန်မာအစိုးရဘက်က အပစ်အခတ်ရပ်စဲရေးကို အဓိက ဆွေးနွေးခဲ့ပြီး KIO ဘက် နိုင်ငံရေးဆွေးနွေးဖို့ကို အလေးထား ပြောဆိုခဲ့တာကြောင့် သဘောတူညီချက် မရခဲ့ကြပါဘူး။
ဒီဇင်ဘာလ ၁၀ ရက်နေ့က သမ္မတဦးသိန်းစိန်က ကချင်ပြည်နယ်အတွင်း ထိုးစစ်ဆင်တာတွေ ရပ်ဆိုင်းဖို့ ညွှန်ကြားကြောင်း သတင်းတွေ ထွက်ပေါ်လာအပြီးမှာတော့ တိုက်ပွဲကြီးတွေ မဖြစ်တော့ပေမဲ့ တိုက်ပွဲငယ်တွေဟာ ဆက်ဖြစ်နေကြောင်း ဦးလနန်က ပြောပါတယ်။
ကချင်ပြည်နယ်အတွင် လတ်တလောအခြေအနေကိုတော့ ဦးလနန်က အခုလို ပြောပါတယ်။
“သူတို့တပ်တွေကို တိုးတာတွေကတော့ ထင်သာမြင်သာအောင်တော့ သူတို့က မလုပ်ဘူးခင်ဗျ။ ဒါပေမယ့် ညဘက်တွေကျရင် သူတို့က မော်တော်ယာဉ်တန်းတွေနဲ့ သူတို့ရဲ့ရှေ့တန်းစခန်းတွေကို လူအင်အားထပ်ဖြည့်တာမျိုး၊ လက်နက်ခဲယမ်းမီးကျောက်တွေကို ထပ်ပို့တာမျိုး၊ ရိက္ခာပို့ပေးတာမျိုးတွေကတော့ နေ့စဉ်နဲ့အမျှ လုပ်နေကြတယ်ခင်ဗျ။ ညကျမှ သူတို့က လှုပ်ရှားတာမျိုးရှိတယ်။ သူတို့ရဲ့တပ်တွေ ဆုတ်သွားတာတော့ အခုထိ ဘာမှမတွေ့ရသေးဘူး။ နဂိုရ်ရှိရင်းစွဲ ရှေ့တန်းစစ်မျက်နှာမှာတော့ တပ်အင်အားတွေက အလုံးအရင်းရှိနေတယ်။ သူတို့ရဲ့လှုပ်ရှားမှု ငြိမ်နေတဲ့သဘောပဲလို့ တွေ့ရတယ်ခင်ဗျ။ ဒါပေမယ့်လို့ တပ်တွေရုပ်သွားတာမျိုးတော့ မရှိသေးပါဘူး။ အဲဒါကြောင့်မို့လို့ ဒီတိုက်ပွဲတွေကတော့ အခုက ပြင်းပြင်းထန်ထန်မဖြစ်ဘူး ဆိုပေမယ့် ပြင်းပြင်းထန်ထန်ပြန်ပြီးဖြစ်လာဖို့ကလည်း အလားအလာ အများကြီး ရှိပါတယ်။”
ဒီနေ့ထုတ်မြန်မာအလင်းသတင်းစာမှာတော့ ၁၈ရက်နေ့က မိုးကောင်းမြို့နယ်အတွင်း ရထားသံလမ်း ၅ နေရာကို ဗုံးခွဲတိုက်ခိုက်ထား ကြောင်းနဲ့ ပေါက်ကွဲရာအနီးမှာ ကချင်လွတ်လပ်ရေးတပ်မတော် KIA ယူနီဖောင်းဝတ် အလောင်း၂ လောင်းတွေ့ရကြောင်း ဖော်ပြထားပါတယ်။
ဒီအဖြစ်အပျက်နဲ့ပတ်သက်ပြီး KIA က စုံစမ်းစစ်ဆေးနေဆဲဖြစ်ကြောင်း ဦးလနန်က ပြောဆိုပြီး အစိုးရတပ်တွေ ကချင်ပြည်နယ်အတွင်း မီးရထားနဲ့ ၀င်ရောက်လာတာတွေ ရှိနေမယ်ဆိုရင် ဒီလို တိုက်ခိုက်တာမျိုးတွေကိုတော့ ဆက်ရှိနေမှာဖြစ်တယ်လို့ ပြောပါတယ်။
KIA နဲ့ မြန်မာအစိုးရတပ်တွေအကြားမှာ တိုက်ပွဲတွေဖြစ်ပွားနေတာဟာ ၆ လကျော် ကြာမြင့်လာပြီ ဖြစ်ပါတယ်။ ဒီတိုက်ပွဲတွေကြောင့် ကချင်ဒုက္ခသည် အနည်းဆုံး ၃၀, ၀၀၀ ကျော်ဟာ မြစ်ကြီးနား၊ ၀ိုင်းမော်၊ ဗန်းမော် စတဲ့ မြို့တွေနဲ့ တရုတ်-မြန်မာနယ်စပ်ဒေသတွေကို ထွက်ပြေးနေကြရပါတယ်။
တရုတ်-မြန်မာနယ်စပ် မိုးမောက်မြို့နယ်အတွင်းက မိုင်ဂျာယန်ဒေသဘက်မှာ ဒီလအတွင်း သေဆုံးသူ ဒုက္ခသည် အနည်းဆုံး ၅ ယောက် ရှိတယ်လို့ ဒုက္ခသည်အရေး ကူညီဆောင်ရွက်ပေးနေသူ တယောက်က ပြောပါတယ်။
“ဒုက္ခသည်တွေရဲ့ ကျန်းမာရေးအခြေအနေပိုဆိုးလာတယ်။ မနေ့ကလည်းတယောက်၊ အခုပဲ အသုဘ သွားချတယ်။ ကလေးမွေးပြီးတော့ အမေလည်းဆုံး၊ ကလေးလည်းဆုံး ဒီလထဲမှာချည့် ၅ ယောက် ရှိနေပြီ”
တရုတ်-မြန်မာနယ်စပ်ဒေသက ဒုက္ခသည်စခန်းတွေမှာ အဓိကအားဖြင့် ကလေးနဲ့ အမျိုးသမီးတွေ မကျန်းမမာဖြစ်နေကြပြီး သူတို့တွေဟာ စိတ်ဖိစီးမှုများတာ၊ အာဟာရ ပြည့်ဝအောင် မစားရတာနဲ့ ကျန်းမာရေးစောင့်ရှောက်မှု မလုံလောက်တာတွေကြောင့် ဖြစ်တယ်လို့ သူက သုံးသပ်ပါတယ်။
ပြီးခဲ့တဲ့ အပတ်အတွင်းကတော့ ကုလသမဂ္ဂက  KIO အခြေစိုက်ရာ လိုင်ဇာမြို့က ဒုက္ခသည်တွေကို ထောက်ပံ့ကူညီတာတွေ စတင် လုပ်ဆောင်နေပြီဖြစ်ပါတယ်။ ဒါပေမဲ့ မိုင်ဂျာယန်ဒေသဘက်တော့ ပြင်ပက ကူညီထောက်ပံ့တာတွေ မရရှိသေးတာကြောင့် ဒုက္ခသည်တွေဟာ စားနပ်ရိက္ခာနဲ့ ဆေးဝါးအခက်အခဲတွေ ရင်ဆိုင်နေတယ်လို့ ဒုက္ခသည်အရေး ကူညီသူတွေက ပြောပါတယ်။

အကြမ်းဖက်သမားတွေကို လက်နက်ပေးသူ ဆီးရီးယားအစိုးရ သေဒဏ်ချမည်
ဗွီအိုအေ (မြန်မာဌာန) on Tuesday, December 20,
ဆီးရီးယားနိုင်ငံမှာ အကြမ်းဖက်သမားတွေကို လက်နက်တွေ ပေးအပ်တဲ့သူ ဘယ်သူ့ကိုမဆို သေဒဏ် အပြစ်ပေးမယ့် ဥပဒေသစ်တရပ်ကို သမ္မတ Bashar al-Assad က ထုတ်ပြန်လိုက်တဲ့အကြောင်း နိုင်ငံပိုင် သတင်းတွေက ကြေညာပါတယ်။
အစိုးရ ဆန့်ကျင်သူတွေအပေါ် နှိမ်နင်းနေတာတွေ အဆုံးသတ်စေဖို့ ရည်ရွယ်ထားတဲ့ ငြိမ်းချမ်းရေး အစီအစဉ် တရပ်ကို လိုက်နာမှု ရှိမရှိ လေ့လာစောင့်ကြည့်သူတွေကို လက်ခံသွားမယ်လို့ သဘောတူခဲ့အပြီး နောက်တရက် ဖြစ်တဲ့ ဒီကနေ့မှာပဲ အစိုးရရဲ့ ကြေညာချက် ထွက်ပေါ်လာတာပါ။