12.12.2011 နေ့ဖတ်ရန်သတင်းများ

by Myanmar Journal on Monday, December 12, 2011 at 8:18am

 

 
ဗြိတိသျှဝန်ကြီးအဖွဲ့တွင်း သဘောထားတင်းမာ
အကွဲအပြဲဖြစ်ရင်တော့ တိုင်းပြည် စီးပွားရေး ပျက်ဆီးတဲ့ကိန်း ဆိုက်သွားမယ်

သောကြာနေ့ ဥရောပသမဂ္ဂ ထပ်သီး အစည်းအဝေး ရလဒ်အပေါ် အလွန်တရာ စိတ်ပျက်မိကြောင်း ဗြိတိသျှ ဒုတိယ ဝန်ကြီးချုပ် Nick Clegg က ပြောကြား လိုက်ပါတယ်။
အဲဒီအစည်းအဝေးမှာ ဗြိတိသျှဝန်ကြီးချုပ် ဒေးဗစ် ကင်မရွန်းက ယူရိုကြွေးမြီ အကျပ် အတည်း ဖြေရှင်းရေး အားလုံးရဲ့ သဘောတူညီ ချက်ထဲမှာ မပါဝင်ဘဲ ပယ်ချခဲ့တာ ဖြစ်ပါတယ်။
ဒုဝန်ကြီးချုပ် မစ္စတာ Clegg က ယူကေဟာ အခုဆိုရင် စည်းခြားခံရပြီး၊ အထီးကျန် ဖြစ်တော့မယ့် အန္တရာယ်ရှိနေပြီ ဖြစ်တယ်လို့ သတိပေး ပြောကြားပါတယ်။

မစ္စတာကင်မရွန်းကတော့ အီးယူသဘောတူညီချက် အပြောင်းအလဲဟာ ဗြိတိန်အတွက် အကျိုးရှိမှာ မဟုတ်တဲ့အတွက် သူ့အနေနဲ့ လက်မှတ်ထိုးဖို့ ငြင်းဆန်ရတာ ဖြစ်ကြောင်း ပြောပါတယ်။
ဝန်ကြီးချုပ်နဲ့ ဒုဝန်ကြီးချုပ်အကြား အခုလို သဘောကွဲလွဲမှုတွေ ရှိနေပေမယ့်လည်း မစ္စတာ Clegg ကတော့ သူ့ရဲ့ လစ်ဘရယ်ဒီမိုကရက်ပါတီဟာ မစ္စတာ ကင်မရွန်းရဲ့ ကွန်ဆားဗေးတစ် နဲ့ အတူ ညွန့်ပေါင်းအစိုးရမှာ ဆက်ရှိနေမှာ ဖြစ်တယ်လို့ ပြောပါတယ်။
စီးပွားရေး မသေချာမှုတွေ ရှိနေတဲ့အခုလို အချိန် တိုင်းပြည်မှာ ညွန့်ပေါင်းအစိုးရတွင်း အကွဲအပြဲ ဖြစ်ရင် တိုင်းပြည် စီးပွားရေး ပျက်ဆီးမယ့် ကိန်းဆိုက်သွားလိမ့်မယ်လို့ သူက ပြောကြားသွားပါတယ်။

ဘင်္ဂလားက မြန်မာ မွတ်ဆလင်ဒုက္ခသည်တွေ မပြန်ချင်
ရှိတ်ဟာဆီနာရဲ့ မြန်မာနိုင်ငံ ခရီးစဉ်အတွင်း ဒုက္ခသည်တွေကို ပြန်ပို့ရေး သဘောတူခဲ့
ဘင်္ဂလားဒေ့ရှ် နိုင်ငံမှာ ရှိနေတဲ့ မြန်မာ မွတ်ဆလင်ဒုက္ခသည် စခန်းနှစ်ခုက ဒုက္ခသည် ၂၉၀၀၀ ကျော်ကို ပြန်ပို့ဖို့ သဘောတူညီမူ ရခဲ့ပေမယ့်လည်း၊ ဒုက္ခသည်တွေ ကတော့ သူတို့လိုလားနေတဲ့ တောင်းဆိုချက်တွေကို မရဘူးဆိုရင် မပြန် နိုင်ဘူးဆိုပြီး ပြောဆိုတယ်လို့ သိရပါတယ်။
ဘင်္ဂလားဒေ့ရ်ှဝန်ကြီးချုပ် ရှိတ်ဟာဆီနာရဲ့ မြန်မာနိုင်ငံ ခရီးစဉ်အတွင်းမှာ နာရာပါရာနဲ့ ကိုတို့ပလောင် ဆိုတဲ့ မြန်မာ မွတ်ဆလင် ဒုက္ခသည်စခန်းက ဒုက္ခသည်တွေကို မြန်မာနိုင်ငံ ပြန်ပို့ရေး သဘောတူညီမှု ရရှိခဲ့တာ ဖြစ်ပါတယ်။
ဒါပေမယ့်လည်း စခန်းထဲမှာ ရှိနေတဲ့ ဒုက္ခသည်တွေကတော့ သူတို့တောင်းဆိုထားတဲ့ တောင်းဆိုချက်တွေ မရရင် မြန်မာနိုင်ငံကို မပြန်ဖို့ ဆုံးဖြတ်ထားကြောင်း၊ ဒုက္ခသည် တဦးဖြစ်သူ ဦးမောင်သိန်းက ဘီဘီစီကို ပြောပါတယ်။
ဒုက္ခသည်တွေက အချက် ၂၀ လောက် တောင်းဆိုထားတာဖြစ်ပြီး၊ အခုချိန် အထိတော့ ဘင်္ဂလားဒေ့ရ်ှအစိုးရက တစုံတရာ အကြောင်းကြားတာမျိုး မရှိသေးသလို၊ ဖိအားပေး တာတွေ မရှိသေးဘူးလို့ ဒုက္ခသည်တွေက ပြောပါတယ်။
ရှိတ်ဟာဆီနာက မြန်မာနိုင်ငံက ဒုက္ခသည်တွေကြောင့် သဘာဝပတ်ဝန်းကျင် ပျက်ဆီး တာတွေ၊ လူမှုရေး မတည်ငြိမ်မှုတွေနဲ့ အတူ ဝန်ထုပ်ဝန်ပိုး ဖြစ်နေကြတဲ့ အတွက် ဒုက္ခသည်တွေကို အမြန်ဆုံး ပြန်ပို့လိုကြောင်း မြန်မာအစိုးရ တာဝန်ရှိသူတွေကို ပြောကြားခဲ့တယ်လို့ သိရပါတယ်။

အဖြူရောင် နှင်းထုကြားက ဆန္ဒပြသူများရုရှားက ဆန္ဒပြမှုကို အဖြူရောင် တော်လှန်ရေး လို့ တင်စားခေါ်ဝေါ်
ရုရှားမှာ ဝန်ကြီးချုပ် ဗလာဒီမာ ပူတင်ရဲ့ ပါတီက တရားဝင် အနိုင်ရခဲ့တဲ့ လွှတ်တော် ရွေးကောက်ပွဲတွေကို ပြန်လည် ကျင်းပေးဖို့ နိုင်ငံတလွှားမှာ သောင်းနဲ့ချီတဲ့လူတွေ ချီတက် ဆန္ဒပြခဲ့ ကြပြီး ရွေးကောက်ပွဲမှာ မဲမသမာမှုတွေ ရှိခဲ့တယ်လို့ သူတို့က ဆိုပါတယ်။
မော်စကိုမြို့က ဆန္ဒပြပွဲက အကြီးဆုံး ဖြစ်ပြီး လူ ငါးသောင်းလောက် ပါဝင်တာ တွေ့ရပါတယ်။
ရွေးကောက်ပွဲ ရလာဒ်ကို မကျေနပ်လို့ လမ်းပေါ်ထွက် ဆန္ဒပြကြတဲ့ အခြေအနေဟာ ဆိုဗီယက်ပြည်ထောင်စု ပြိုကွဲပြီးနောက်ပိုင်း အခုတကြိမ်ဟာ အများဆုံး လမ်းပေါ်ထွက် ဆန္ဒပြကြတာလို့ ဆိုနိုင်ပါတယ်။

မော်စကိုမြို့က သောင်းနဲ့ချီတဲ့ ဆန္ဒပြသူတွေက အာဏာပိုင်တွေဟာ မမှန်ကန်မှုတွေ လုပ်ခဲ့တယ်၊ ရာဇဝတ်မှု ကျူးလွန်သူတွေဖြစ်တယ်လို့ စွပ်စွဲကာ သူတို့ရဲ့ မဲတွေကိုလည်း ခိုးယူခဲ့တယ်လို့ ဆိုပါတယ်။
ဒါကြောင့် လက်ရှိ ပါလီမန် ရွေးကောက်ပွဲ အနိုင်ရ ယူနိုက်တက်ရုရှ ပါတီက ဝန်ကြီးချုပ် ဗလာဒီမီယာ ပူတင် နှုတ်ထွက်ပေးဖို့နဲ့ ပါလီမန် ရွေးကောက်ပွဲ ပြန်ကျင်းပဖို့ တောင်းဆို နေကြ ပါတယ်။
ပူတင် ပါတီ အနိုင်ရလို့ လူတွေ မကျေနပ်ဆန္ဒပြသူတွေထဲမှာ ကွန်မြူနစ်တွေ၊ အမျိုးသားရေး ပြင်းထန်သူတွေ၊ အနောက်အုပ်စုဘက် ယိမ်းတဲ့ လစ်ဘရယ်တွေ စသည်ဖြင့် အစုံအလင် ပါဝင်ပါတယ်။
အခုချိန်မှာတော့ သူတို့ဟာ တညီတညွတ်တည်း မစ္စတာ ပူတင်ကို မကျေမနပ် ဆန္ဒပြနေကြပါတယ်။
ရုရှားက တခြား မြို့ပေါင်း ၅၀ လောက်မှာလည်း အစိုးရ ဆန့်ကျင် ဆန္ဒပြပွဲတွေ ဖြစ်ခဲ့ပြီး မော်စကိုမြို့က လောက်တော့ မကြီးဘူးလို့ သိရပါတယ်။
ရုရှားမှာ ဆောင်းတွင်းရောက်လို့ နှင်းဖြူတွေ ကျနေတာကြောင့် တချို့ကလည်း ဒီဆန္ဒပြပွဲကို အဖြူရောင် တော်လှန်ရေးအဖြစ် တင်စား ခေါ်ဝေါ်ကြပါတယ်။
ဒါပေမယ့် အတိုက်အခံ အင်အားစု အတွင်းမှာလည်း ညီညွတ်မှု အားနည်းပြီး ဘယ်သူ ခေါင်းဆောင်တယ် ဆိုတာ ရှင်းရှင်းလင်းလင်း မရှိသေးဘူးလို့ မော်စကိုက ဘီဘီစီ သတင်းထောက် က ပြောပါတယ်။
တစ်ဘက်မှာလည်း မတ်လမှာ သမ္မတရွေးကောက်ပွဲဝင်ဖို့ ရှိတဲ့ မစ္စတာ ပူတင်ဘက်ကကတော့ သူ့ကို ထောက်ခံသူတွေ အများအပြား ရှိနေတယ်လို့ ဆိုနေပါတယ်။
အတိုက်အခံ ပါတီက လွှတ်တော်အမတ် အီလီရာ ပိုနိုမာရောဗ် က ဘီဘီစီ ကို ပြောပြရာမှာ ပြီးခဲ့တဲ့ နှစ်ပိုင်းတွေ အတွင်း ရုရှားပြည်သူတွေ အတွက် ရွေးစရာလမ်း သိတ်မရှိပေမယ့် သူတို့ရွေးချယ်မှုကို ဖယ်ရှားခံရတာကို လူထုက လုံးဝ မကြိုက်ပါဘူး ၊ နောက်တခုက လူထု ဆန္ဒမပါဘဲ မစ္စတာ ပူတင်နဲ့ မစ္စတာ မက်ဗီရေးဒက်ကို ရာထူးချင်း လဲလှယ်ဖို့ ဆုံးဖြတ်ခဲ့တဲ့ စက်တင်ဘာ ကစလို့ လူတွေ စပြီး မကျေနပ်ခဲ့တာပါလို့ ဆိုပါတယ်။
ဝန်ကြီးချုပ်ဟောင်း ကတ်ရင်နော့ဗ်လည်း ဆန္ဒပြမှုတွေမှာ ပါဝင်လူတွေဟာ သူတို့ကို ကျွဲနွားတွေလို ဆက်ဆံခံရတဲ့ အပေါ် အစိုးရကို စိတ်ကုန်နေကြပြီလို့ ဝန်ကြီးချုပ်ဟောင်း မီခေးလ် ကတ်စ်ရန်နော့ဗ်က ပြောပါတယ်။
ရုရှား နိုင်ငံရေးမှာ ၁၂နှစ်ကြာ လွှမ်းမိုးထားတဲ့ မစ္စတာ ပူတင်က လာမယ့် မတ်လမှာ ကျင်းပမယ့် သမ္မတ ရွေးကောက်ပွဲမှာ ပြန် ဝင်ပြိုင်ဖို့ ကြိုးစားနေတာ ဖြစ်ပါတယ်။

အမေရိကန် ဆန့်ကျင်ရေး ဆန္ဒပြပွဲတွေပါကစ္စတန်မှာ အစိုးရနဲ့ တာလီဘန် ငြိမ်းချမ်းရေး ဆွေးနွေးပြီ
ပါကစ္စတန်မှာ သူတို့အဖွဲ့ဟာ အစိုးရနဲ့ ငြိမ်းချမ်းရေး ဆွေးနွေးမှုတွေ လုပ်ဆောင်ခဲ့တယ်လို့ ပါကစ္စတန် တာလီဘန် အဖွဲ့ လက်ထောက် အကြီးအကဲ Maulvi Faqir Mohammad က ပြောပါတယ်။
ကနဦးပိုင်း မှာတော့ Bajaur လူမျိုးစု ဒေသကို အဓိကထား ဆွေးနွေးခဲ့ ကြပေမယ့် တကယ်လို့ အောင်မြင်ရင် တခြား ဒေသတွေနဲ့ ပတ်သက်ပြီး ဆက်လက် ပြောဆို သွားကြမယ်လို့ Maulvi Faqir Mohammad က ဆိုပါတယ်။
ပါကစ္စတန် အာဏာပိုင်တွေက အပစ်အခတ် ရပ်စဲ လိုပြီး ချစ်ကြည်ရေး အနေနဲ့ တာလီဘန် အကျဉ်းသား ၄၅ယောက်ကို ပြန်လွှတ်ပေးခဲ့တယ်လို့ သူက ပြောပါတယ်။
အစိုးရကတော့ ဒီကိစ္စနဲ့ ပတ်သက်လို့ တစုံတရာ ထုတ်ပြန် ပြောကြားတာ မရှိသေး ပေမယ့် တာလီဘန်နဲ့ ဆွေးနွေးမှုတွေဟာ အစိုးရ ပေါ်လစီရဲ့ တစိတ်တဒေသ ဖြစ်တယ်လို့ ဆိုပါတယ်။

အိုင်စီစီမှာ တရားစွဲ ခံနေရတဲ့ သမ္မတဟောင်း ဘတ်ဘိုဘတ်ဘိုကို ထောက်ခံတဲ့ သူတွေ ICC ရှေ့မှာ ဆန္ဒပြ
အိုင်ဗရီကိုးစ် သမ္မတဟောင်း လော့ရင့် ဘတ်ဘိုကို ထောက်ခံတဲ့ ရာထောင်ချီ သူတွေဟာ သည်ဟိတ်ခ်မြို့က အပြည်ပြည် ဆိုင်ရာ ရာဇဝတ် တရားရုံး ICC ရှေ့မှာ ဆန္ဒပြခဲ့ ကြပါတယ်။
'No Gbagbo, No Peace' ဘတ်ဘို မပါဘဲ ငြိမ်းချမ်းရေး မရနိုင်ဆိုတဲ့ စာတမ်းတွေ ပါတဲ့ တီရှပ်တွေကို ဝတ်ဆင်ထားတဲ့ ဆန္ဒပြသူ တွေဟာ ပြီးခဲ့တဲ့ လတုန်းကို သမ္မတဟောင်းကို ICC ကို လွှဲပေးခဲ့တဲ့ အပေါ် ပြစ်တင် ပြောဆိုခဲ့ ပါတယ်။
မစ္စတာ ဘတ်ဘိုဟာ ပြီးခဲ့တဲ့ နှစ် သမ္မတ ရွေးကောက်ပွဲ အပြီး ရာထူးက ဆင်းပေးဖို့ ငြင်းဆန်ခဲ့တဲ့ အတွက် အကြမ်းဖက် တိုက်ခိုက်မှုတွေ ဖြစ်ခဲ့တာနဲ့ ပတ်သက်လို့ သူ့ကို လူသားမျိုးနွယ် တရပ်လုံး အပေါ် ကျူးလွန်တဲ့ ရာဇဝတ်မှုနဲ့ တရားစွဲဆိုထားတာ ဖြစ်ပါတယ်။

ရာသီဥတု ညီလာခံမှာ တောင်အာဖရိက နိုင်ငံခြားရေး ဝန်ကြီး Maite Nkoana Mashabaneရာသီဥတု ညီလာခံ သဘောတူညီချက် လက်ခံဖို့ တိုက်တွန်း
တောင်အာဖရိက နိုင်ငံ ဒါဘန်မြို့မှာ ကျင်းပနေတဲ့ ကုလသမဂ္ဂရဲ့ ရာသီဥတု ပြောင်းလဲမှု ညီလာခံမှာ တက်ရောက်နေတဲ့ ကိုယ်စားလှယ်တွေ အနေနဲ့ သဘောတူညီမှု မရဘဲ ရက်ရှည်ကြာ ဆက်လက် ဆွေးနွေးနေမယ့် အစား လိုက်လျောမှုတွေ ပါဝင်တဲ့ သဘောတူညီချက်ကို လက်ခံကြဖို့ တိုက်တွန်းခံ နေရပါတယ်။
အခု ကမ်းလှမ်းထားတဲ့ သဘောတူညီချက်ဟာ ပြည့်စုံမှု မရှိပေမယ့် မျှတပြီး ကမ္ဘာကြီး ပူနွေးလာမှုကို ဘယ်လို တိုက်ဖျက်မလဲ ဆိုတဲ့ အပေါ် ယုံကြည်နိုင်ရလောက်တဲ့ အစီအစဉ်တွေ ပါဝင်ပါတယ်လို့ တောင်အာဖရိက နိုင်ငံခြားရေး ဝန်ကြီးက Maite Nkoana-Mashabane ပြောပါတယ်။
တကယ်တော့ ပြီးခဲ့တဲ့ သောကြာနေ့ အထိသာ ကျင်းပဖို့ စီစဉ်ထားတဲ့ ဒါဘန် ညီလာခံ အပေါ် အစောပိုင်းတုန်းက အကောင်းမြင်တာတွေ ရှိခဲ့ကြပေမယ့် အခုတော့ ပိုပြီး စိတ်မရှည်လာတော့တဲ့ အနေအထားတွေ ဖြစ်လာပြီး တချို့ နိုင်ငံက ကိုယ်စားလှယ် တွေဆိုရင် ပြန်သွားကြပြီလို့ သတင်းထောက် တွေက ပြောပါတယ်။

ကချင်မှာ တိုက်ပွဲအကြီးအကျယ် ဖြစ်နိုင်တယ်လို့ KIOပြော
မြန်မာ အစိုးရ တပ်တွေဘက်က အင်အား အလုံးအရင်းနဲ့ တိုးချဲ့ အားဖြည့် လာတာကြောင့် တိုက်ပွဲတွေ အကြီး အကျယ် ပြင်းထန် လာနိုင်တယ်လို့ ကချင် လွတ်လပ်ရေး အဖွဲ့ KIO က ပြောပါတယ်။
မြစ်ကြီးနားကို တပ်တွေ ပုံမှန် ရောက် လာ တာအပြင် ကြာသပတေးနေ့က နမ့်ခမ်းမြို့ကိုလည်း တပ်ရင်း ၈ ရင်း လောက်ဟာ ကားအစီး ၆၀ လောက်နဲ့ ရောက်လာ တယ်လို့ KIO ပြောခွင့်ရ ဦးလနန်းက ပြောပါတယ်။
ဒါကြောင့် လက်ရှိ မြန်မာအစိုးရတပ်တွေနဲ့ ကချင် လွတ်လပ်ရေး တပ်မတော် KIA တို့ကြား တိုက်ပွဲတွေ လနဲ့ချီ ဖြစ်နေ တာအပြင် နောက်ထပ် ပိုမို ပြင်းထန်လာစရာ ရှိတယ်လို့ သူက ဆိုပါတယ်။
နမ့်ခမ်းဘက်မှာရှိတဲ့ KIA ရဲ့ တပ်မဟာ ၃ နယ်မြေထဲမှာ ပိုမို ပြင်းထန် နိုင်တယ်လို့ ဦးလနန်းက ပြောပါတယ်။
ဒေသတွင်းမှာ ရှိတဲ့ ပြည်သူ့စစ် အဖွဲ့တွေကိုပါ အစိုးရတပ်ဘက်က စစ်ကူခေါ်တာတွေ ရှိတယ်ဆိုတဲ့ သတင်းတွေလည်း ထွက်နေပေမယ့် KIO ဘက်ကတော့ ဒါကို အတည် မပြုနိုင်ကြောင်း ပြောပါတယ်။
တိုက်ပွဲတွေကြောင့် စစ်ပြေး ဒုက္ခသည် တွေကတော့ ဆက်လက်ရှိနေပြီး လတ်တလောမှာ ၃၀၀၀၀ ကျော်လောက် ရှိတယ်လို့ ခန့်မှန်းကြပါတယ်။

ရုပ်ရှင်ဗီဒီယို ဆင်ဆာ ကန့်သတ်ချက်တချို့ ပယ်ဖျက်လိုက်




ရုပ်ရှင် ဆင်ဆာဘုတ်အဖွဲ့ ဆက်ထားဖို့ လိုတယ်လို့ ဝန်ကြီး ဦးကျော်ဆန်းပြော
မြန်မာနိုင်ငံမှာ ရုပ်ရှင် ဗီဒီယို ဆင်ဆာနဲ့ ပတ်သက်တဲ့ ကန့်သတ်ချက်မူ ၁၀ချက် အနက် ၆ချက်ကို ပယ်ဖျက်ပြီး ၄ချက်ကိုပဲ ဆက်ထားရှိမယ်လို့ ပြန်ကြားရေး ဝန်ကြီး ဦးကျော်ဆန်းက ထုတ်ဖေါ် ပြောကြားလိုက် ပါတယ်။
ရုပ်ရှင် အနုပညာရှင်၊ အတတ်ပညာရှင်တွေနဲ့ ရန်ကုန်မြို့မှာ စနေနေ့က တွေ့ဆုံ ဆွေးနွေးခဲ့စဉ် ပြန်ကြားရေး ဝန်ကြီး ဦးကျော်ဆန်းက ရုပ်ရှင် ဗီဒီယို ဆင်ဆာမူတွေကို တဆင့်ချင်း လျှော့ပေး သွားမယ်လို့ ပြောသွားပါတယ်။
ဖြေလျှော့ပြီးမှ ပြန်တင်းရပါက မသင့်လျော်တဲ့ အတွက် အခုလို တဆင့်ချင်း ဖြေလျှော့သွားဖို့ စီစဉ်ရတာ ဖြစ်တယ်လို့ ဆိုပါတယ်။
မပယ်ဖျက်ပဲ ကျန်တဲ့ ဆင်ဆာ မူ ၄ချက်က နိုင်ငံရေး၊ ဘာသာရေး၊ တိုင်းရင်းသား စည်းလုံး ညီညွတ်ရေး၊ အမျိုးသား ယဉ်ကျေးမှုဆိုင်ရာ ဝတ်စားဆင်ယင်မှုတွေ ဖြစ်တယ်လို့ သိရ ပါတယ်။
ရုပ်ရှင် ဆင်ဆာဘုတ်အဖွဲ့ လုံးဝ မရှိသင့်တော့ပဲ လွတ်လွတ်လပ်လပ် ရိုက်ကူးထုတ်လုပ်ခွင့် ပြုပြီး ရုပ်ရှင်လောကသားတွေ၊ အနုပညာရှင်တွေနဲ့ ပြည်သူတွေက ကြည့်ရှု အကဲဖြတ် ထိန်းကျောင်းသွားမယ်လို့ တချို့က ပြောဆိုနေကြကြောင်း၊ ဒါပေမယ့် အဲဒီလို အလေ့အကျင့် ပြည့်ဝတဲ့ လူ့အဖွဲ့အစည်းမျိုး မြန်မာနိုင်ငံမှာ ဖွံ့ဖြိုးလာနိုင်ဖို့ အချိန်များစွာ လေ့ကျင့် တည်ဆောက်ရဦးမှာ ဖြစ်ကြောင်း ဝန်ကြီး ဦးကျော်ဆန်းက ပြောပါတယ်။
ဒါပေမယ့် ရုပ်ရှင်လောကသား အတော်များများအနေနဲ့ မြန်မာနိုင်ငံမှာ ဆင်ဆာဘုတ်အဖွဲ့ ဆက်ရှိသင့်တယ်လို့ ယူဆထားကြပြီး တင်းကျပ် ကန့်သတ်မှုတွေ များနေတဲ့ အတွက် လျှော့ပေးသင့်တယ်လို့ ယူဆနေကြကြောင်း အဲဒီတွေ့ဆုံ ဆွေးနွေးပွဲကို တက်ရောက်ခဲ့သူ တဦးဖြစ်တဲ့ ရုပ်ရှင် ဒါရိုက်တာ မလိခ စိုးထိုက်အောင် က ဘီဘီစီကို ပြောပါတယ်။
ရုပ်ရှင် အနုပညာသည်တွေအနေနဲ့ အနုပညာ ဖန်တီးရာမှာ တကယ့် ဖြစ်ရပ်မှန်တွေကို မြင်သာအောင် ရိုက်ပြခွင့် ရသင့်ကြောင်း၊ ဒါမှ တကယ် ဖြစ်နေတာကို လူထုရော အစိုးရပါ သိမြင်နိုင်ပြီး Clean Government သန့်ရှင်းသော အစိုးရဖြစ်အောင် ဆောင်ရွက်ရာမှာ အထောက်အကူ ပြုနိုင်မယ်လို့ ယူဆကြောင်း ဒါရိုက်တာ မလိခ စိုးထိုက်အောင်က ပြောပါတယ်။
တခါ ရှေးဟောင်း အမွေအနှစ် ရုပ်ရှင်ကားတွေ ရိုက်ကူးတဲ့အခါ အခွန်အတုတ် အများကြီး ပေးဆောင်နေရတာကို လျှော့ပေါ့ပေးသင့်ကြောင်းကို အဲဒီ ဆွေးနွေးပွဲမှာ သူတင်ပြခဲ့တယ် လို့လည်း ဒါရိုက်တာ မလိခ စိုးထိုက်အောင်က ပြောပါတယ်။

ပနားမား အာဏာရှင် နေရပ်ရင်းပြန်ပို့
By ဗွီအိုအေ (မြန်မာဌာန)

ပနားမား စစ်အာဏာရှင်ဟောင်း Manuel Noriega ကိုသယ်ဆောင်လာသည့် လေယာဉ်ကို ပြင်သစ်နိုင်ငံ ပဲရစ်မြို့အနီး Orly လေဆိပ်တွင် တွေ့ရပုံ။ (ဒီဇင်ဘာလ ၁၁၊ ၂၀၁၁)
၁၉၈၀ ပြည့်လွန်နှစ်တွေအတွင်းက ပနားမားနိုင်ငံက မူးယစ်ဆေးရာဇာဖြစ်သူ စစ်အာဏာရှင်ဟောင်း မန်နူရယ် နိုရီဂါ (Manuel Noriega) ဟာ ပြင်သစ်နိုင်ငံမှာ ထောင်ဒဏ်ကျနေရာက ဒီနေ့တနင်္ဂနွေနေ့မှာ သူ့ဇာတိ တိုင်းပြည်ကို ပြန်ပါလိမ့်မယ်။
နိုရီဂါ ဟာ မူးယစ်ဆေး မှောင်ခိုကုန်ကူးတာနဲ့၊ ငွေကြေး ခဝါချမှု စွဲချက်တွေနဲ့ အမေရိကန်ပြည်ထောင်စုနဲ့ ပြင်သစ်ထောင်တွေအတွင်း နှစ်ပေါင်း ၂၀ ကျော် ပြစ်ဒဏ်ကျခံခဲ့ရပါတယ်။ အခု ပြင်သစ်အကျဉ်းထောင်ကနေ ထွက်ခွာတော့မှာဖြစ်ပါတယ်။
နိုရီဂါဟာ သူ့ရဲ့စစ်အာဏာရှင် အုပ်ချုပ်မှုသက်တမ်းအောက်မှာ သူ့အပေါ် ဝေဖန်သူတွေကို သတ်ဖြတ်မှုအပါအဝင်၊ သူကျူးလွန်ခဲ့တဲ့ ပြစ်မှုတွေအတွက် ပနားမားနိုင်ငံကလည်း နှစ်ပေါင်း ၂၀ စီ သီးခြားထောင်ဒဏ် စီရင်ချက်တွေ ချမှတ်ထားခဲ့တာပါ။
အသက် ၇၇ နှစ်အရွယ်ရှိနေပြီဖြစ်တဲ့ ပနားမားခေါင်းဆောင်ဟောင်းကို အသက်အရွယ်အရ နေအိမ်အကျယ်ချုပ်နဲ့ နေခွင့်ပေးခဲ့တာပါ။ ဒီလိုနေခွင့်ရမရ ဆိုတာကိုတော့ ပနားမားအစိုးရကပဲ ဆုံးဖြတ်မှာဖြစ်ပါတယ်။ ဆန့်ကျင် ကန့်ကွက်သူတွေကတော့ သူ့ကို အကျဉ်းထောင်ထဲမှာပဲ ဆက်ထားဖို့ ပနားမားအစိုးရကို စုဝေး တောင်းဆိုခဲ့ကြပါတယ်။

ဒေသတွင်းနိုင်ငံတွေ တည်ငြိမ်မှ မဲခေါင်တလျှောက် ဘေးကင်းမည်
By မသိင်္ဂီထိုက်
မဲခေါင်မြစ်ကြောင်း ကုန်သွယ်ကူးသန်းရေး လုံခြုံ ဘေးကင်းဖို့အတွက် မြန်မာ၊ တရုတ် လာအိုနဲ့ ထိုင်းနိုင်ငံတို့ ပူးပေါင်း တာဝန်ယူလိုက်တယ် ဆိုပေမဲ့ မဲခေါင်မြစ်ကြောင်း အမှန်တကယ် လုံခြုံရေး ရှိဖို့အတွက်က သက်ဆိုင်ရာ နိုင်ငံတစ်နိုင်ငံချင်းစီရဲ့ ဒေသတွင်း တည်ငြိမ် အေးချမ်းမှုအပေါ်မှာ အဓိက တည်နေတာ ဖြစ်တယ်ဆိုပြီး သုံးသပ်သူတွေ ရှိပါတယ်။ ဒီလို လေးနိုင်ငံ ပူးပေါင်း တာဝန်ယူလိုက်တဲ့အတွက် အရင်ကထက် စာရင်တော့ ပိုပြီး ဘေးကင်းလုံခြုံမှု ရှိလာနိုင်တယ်ဆိုပြီး ဒေသခံတွေက မျှော်လင့်နေ ကြပါတယ်။ မနေ့ စနေနေ့က စတင်လိုက်တဲ့ မဲခေါင်မြစ်ကြောင်း လုံခြုံရေး လေးနိုင်ငံ ပူးပေါင်းမှုအစီအစဉ်နဲ့ ပတ်သက်ပြီး ဒေသခံတွေ၊ ဒေသဆိုင်ရာ ကျွမ်းကျင်သူတွေရဲ့ အမြင်တွေကို မသိင်္ဂီထိုက်က စုစည်းထားပါတယ်။
ဒီဇင်ဘာ ၁၀ ရက်နေ့ စနေနေ့က စတင်လိုက်တဲ့ ဒီ ပူးတွဲ လုံခြုံရေးကြောင့် အတိုင်းအတာ တစ်ခုအထိ မဲခေါင်မြစ်ကြောင်းတလျှောက် လုံခြုံမှုရှိလာမယ်ဆိုပေမဲ့ မြစ်ကြောင်းတလျှောက် နိုင်ငံတွေရဲ့ နိုင်ငံရေး တည်ငြိမ်မှုအပေါ်မှာ အဓိက မူတည်နေတယ်ဆိုပြီး ရှမ်းသံတော်ဆင့် သတင်းဌာနရဲ့ အယ်ဒီတာ ဦခွန်ဆိုင်းက အခုလို ပြောပါတယ်။
“ဒီ လေးနိုင်ငံ ပူးပေါင်းမှုဟာ တရားဥပဒေစိုးမိုးမှုကို အလေးထားပြီးတော့လုပ်တယ်လို့ ကျနော် မြင်ပါတယ်။ ဒီ တရားဥပဒေစိုးမိုးမှုကို လုပ်တဲ့အခါကျလို့ရှိရင် အရေးကြီးဆုံးက နိုင်ငံတစ်နိုင်ငံရဲ့ နိုင်ငံရေးတည်ငြိမ်မှုအပေါ်မှာ မူတည်တယ်လို့ ကျနော် ထင်တယ်။ တရုတ် ရော၊ လာအိုရော၊ ထိုင်းပါ ဒီပြဿနာ သိပ်မရှိပေမဲ့ ကျနော်တို့ မြန်မာပြည်ဘက်မှာတော့ ဒီပြဿနာဟာ အခုထိ ရှိနေသေးတယ်။”
ပြီးခဲ့တဲ့ အောက်တိုဘာ လဆန်းက ရွှေတြိဂံဒေသမှာ တရုတ် ကုန်တင်သင်္ဘော ၂ စီးက တရုတ်သင်္ဘောသား ၁၃ ဦး အသတ်ခံရအပြီး သီတင်းနှစ်ပတ်အကြာမှာ အခုလို လေးနိုင်ငံ ပူးပေါင်း ကင်းလှည့်စောင့်ကြပ်မှု အစီအစဉ် သဘောတူညီခဲ့ကြတာလို့လည်း တရုတ်အစိုးရ သတင်းဌာနက ဆိုပါတယ်။ ဦးခွန်ဆိုင်းကတော့ မဲခေါင် မြစ်ကြောင်းတလျှောက် မြန်မာနိုင်ငံဘက်က လက်နက်ကိုင် ဆက်ကြေးကောက်ခံမှုတွေ ရှိနေတယ် ဆိုတဲ့အကြောင်း အခုလို ပြောပါတယ်။
“၂၀၀၇ ခုနှစ်ကတည်းကနေ အဲဒီဘက်ပိုင်းမှာ လှုပ်ရှားနေတာကတော့ စိုင်းနော်ခမ်း ဦးဆောင်တဲ့ အဖွဲ့ကတော့ လူမိုက်ဂိုဏ်းလို့ ပြောလို့ရတာပေါ့။ မိုက်ကြေးခွဲတာပေါ့။ ဖြတ်သွားဖြတ်လာလုပ်နေတဲ့ ယာဉ်တို့၊ ကုန်တို့ အားလုံးကို သူတို့ကို အခွန်ပေးရမယ်။ အခွန်မပေးလို့ရှိရင် သူတို့က ဒုက္ခပေးမယ်ပေါ့ဗျာ။ အဲဒီလိုမျိုး လုပ်လာခဲ့တယ်ဗျ။”
လေးနိုင်ငံပူးပေါင်းပြီး ပထမဆုံးအကြိမ် မဲခေါင် မြစ်ကြောင်း ကင်းလှည့်မှုကို တရုတ်နိုင်ငံ ယူနန်ပြည်နယ် ဂွမ်းလီ ဆိပ်ကမ်းကနေ စတင်လိုက်ပါတယ်။ ယူနန်ပြည်နယ် ဂွမ်းလီ ဆိပ်ကမ်းကနေ ထိုင်း၊ မြန်မာ၊ လာအို နယ်စပ် ရွှေတြိဂံဒေသကို ခုတ်မောင်းလာတဲ့ တရုတ် ကုန်တင်သင်္ဘော ၁၀ စီးကို လုံခြုံရေး ကင်းလှည့် ရေယာဉ် ၅ စီး လိုက်ပါလာခဲ့ပါပြီ။
အခုလို မဲခေါင်မြစ်ကြောင်း ကုန်သွယ်ရေး လုံခြုံရေးအတွက် လေးနိုင်ငံ ပူးပေါင်းပြီး လုံခြုံရေးပေးမယ့် အစီအစဉ်ကို ရွှေတြိဂံဒေသခံတွေက ကြိုဆိုကြပါတယ်။
“ဘာပဲဖြစ်ဖြစ် သင်္ဘောသားဆိုတာကတော့ဗျာ ရှင်းရှင်းပြောရရင် နောက်ကမိသားစုကို စွန့်ခွာပြီးတော့ သွားကြရတာ။ ဘာပဲဖြစ်ဖြစ် သူတို့အတွက် ဘ၀အာမခံချက် ဆိုတာ ရေထဲမှာပဲရှိတယ်။ သူတို့သွားတဲ့ အချိန်မှာ နောက်ကမိသားစုက မျှော်နေကြတာ။ တော်ကြာ ဘာဖြစ်လို့၊ ဟိုက ဓားပြတိုက် ရန်ဖြစ်လို့၊ ပြန်ပေးဆွဲလို့၊ တော်ကြာ သင်္ဘောမြှုပ်လို့ ကိုယ့်အိမ်ကလူ ပါလားမသိ မပါလားမသိ။ ဒါကတော့ ဘာပဲဖြစ်ဖြစ် ကိုယ့်လူမျိုးရယ် ကိုယ့်နိုင်ငံရယ်လို့ မခွဲခြားဘဲ တကမ္ဘာလုံး အတိုင်းအတာကနေ ဒုက္ခရောက်တဲ့သူ၊ အခက်အခဲရှိတဲ့သူ၊ မရှိဆင်းရဲ နွမ်းပါးတဲ့သူ အားလုံး ၀ိုင်းဝန်းကူညီ စောင့်ရှောက်တာကတော့ ဒါ ကောင်းတဲ့အလုပ်ပဲ။”
မဲခေါင်မြစ်ကြောင်း တလျှောက် ကုန်သွယ်သင်္ဘော ရာနဲ့ချီပြီး ကူးသန်းသွားလာနေတာ ဖြစ်ပြီး အများစုက တရုတ် ကုန်တင်သင်္ဘောတွေ ဖြစ်ပါတယ်။ ရေကြောင်း သွားလာ ကုန်သွယ်မှု တွင်ကျယ်လာသလိုပဲ လက်နက်ကိုင် လူဆိုးဂိုဏ်းတွေရဲ့ ဆက်ကြေးကောက်ခံမှု၊ လုယက်မှုတွေလည်း မြင့်မားလာပါတယ်။ အခု မြန်မာ၊ ထိုင်း လာအိုနဲ့ တရုတ် လေးနိုင်ငံပူးပေါင်းပြီး မဲခေါင် မြစ်ကြောင်း လုံခြုံရေး ပူးတွဲ လုပ်ဆောင်လာတဲ့ အပေါ်မှာတော့ ဒေသတွင်း တရားဥပဒေစိုးမိုးမှု ပိုပြီး ရှိလာမယ် ကုန်တင်သင်္ဘောတွေနဲ့ သင်္ဘောသားတွေ အရင်ကထက် ပိုပြီး အသက်အိုးအိမ် စည်းစိမ် လုံခြုံ ဘေးကင်းလာမယ်လို့လည်း ဒေသခံတွေက ပြောဆိုနေကြပါတယ်။

ဆီးရီးယားမှာ အထွေထွေသပိတ် စတင်
By ဗွီအိုအေ (မြန်မာဌာန)
ဆီးရီးယားနိုင်ငံမှာ ပြည်သူတွေရဲ့ အာခံမှုနဲ့ အစိုးရကိုဖြုတ်ချဖို့ ရည်ရွယ်ပြီး အထွေထွေသပိတ်ကြီးကို တနင်္ဂနွေနေ့က စတင်ပါတယ်။ ဆီးရီးယားနိုင်ငံ တောင်ပိုင်းမှာ စစ်တပ်ဘက်က လက်နက်ချလာသူတွေနဲ့ အစိုးရကို သစ္စာခံပြီး တင့်ကားတွေပါဝင်တဲ့ တပ်ဖွဲ့တွေအကြား တနင်္ဂနွေနေ့က တိုက်ပွဲတွေ အကြီးအကျယ် ဖြစ်ပွားနေပြီး နိုင်ငံတလွှား တိုက်ခိုက်မှုတွေကြောင့် လူပေါင်း ၂၀ လောက်ထိ သေဆုံးသွားရပါတယ်။
နိုင်ငံတောင်ပိုင်းက Busra al-Harir မြို့ထဲကို ဆီးရီးယားအစိုးရရဲ့ အမှတ် (၁၂) သံချပ်ကာတပ်ရင်းက ညဘက်မှာ ဝင်မွှေသွားတယ်လို့ မြို့သူမြို့သားတွေနဲ့ တက်ကြွလှုပ်ရှားသူတွေက ပြောပါတယ်။ တိုက်ပွဲတွေအတွင်း စစ်ကားနှစ်စီး မီးရှို့ခံရတယ်လို့ ဗြိတိန်နိုင်ငံအခြေစိုက် လူ့အခွင့်အရေးဆိုင်ရာ ဆီးရီးယားနွယ်ဖွား စောင့်ကြည့်ရေးအဖွဲ့က ပြောပါတယ်။ အဲဒီလို တိုက်ခိုက်မှုမျိုးတွေက နိုင်ငံတောင်ပိုင်း တခြားနေရာ တော်တော်များများမှာလည်း ဖြစ်ပွားခဲ့တယ်လို့ သူတို့က ဆိုပါတယ်။
စစ်တပ်ဘက်က လက်နက်ချလာသူတွေက အဲဒီ ဒေသတဝိုက်မှာ ပုန်းအောင်းနေပြီး အစိုးရရဲ့ ထောက်ပို့လိုင်းတွေကို တိုက်ခိုက်နေတာမို့လို့ အစိုးရရဲ့ ထိုးစစ်နဲ့ ရင်ဆိုင်ရတာ ဖြစ်တယ်လို့ ဒေသခံတွေကို ကိုးကားပြီး ရိုက်တာသတင်းမှာ ဖော်ပြထားပါတယ်။ နိုင်ငံမြောက်ပိုင်းက Kfar Takharim မှာ ဖြစ်ပွားတဲ့ အစိုးရတပ်တွေနဲ့ ဘက်ပြောင်းသူတွေအကြား တိုက်ပွဲတွေကြောင့်တော့ အရပ်သား နှစ်ဦးသေဆုံးခဲ့ရပြီး စစ်တပ်က သယ်ပို့ကားနှစ်စင်း မီးရှို့ခံခဲ့ရပါတယ်။
ဒေသတလွှားနိုင်ငံတွေကတော့ တနင်္ဂနွေနေ့မှာစတင်တဲ့ အတိုက်အခံတို့ရဲ့ သပိတ်ပွဲကို စောင့်ကြည့်နေ ကြပါတယ်။ လုံခြုံရေးတပ်ဖွဲ့တွေက ဈေးဆိုင်တွေကို အဓမ္မဖွင့်ခိုင်းပြီး မြို့တော်တော်များများမှာလည်း ဖမ်းဆီးတာတွေ လုပ်ပါတယ်။
ဒမက်စကက်စ်မြို့တော်မှာတော့ စီးပွားရေးလုပ်ငန်း အများစု သာမန်အတိုင်း လည်ပတ်နေတာ တွေ့ရပါတယ်။ တောင်ပိုင်းက ဒါရာ မြို့မှာတော့ သမ္မတ ဘက်ရှာအယ်လ်အာဆဒ် (Bashar al-Assad) ကို သစ္စာခံတဲ့ ပြည်သူ့စစ်တွေက သပိတ်ပွဲကို ဖျက်ပစ်ခဲ့ပါတယ်။

ကချင်ဒေသ စစ်ပြေးဒုက္ခသည် ပိုများလာ
By မသင်းသီရိ
လက်နက်ကိုင်ပဋိပက္ခတွေကနေ ထွက်ပြေးနေရတဲ့ ဒုက္ခသဘ်တွေကို ကုလသမဂ္ဂက ၀င်ရောက်ကူညီဖို့ ကြိုးစားနေချိန်မှာပဲ ကချင်ဒုက္ခသည် အရေအတွက်ဟာ တနေ့တခြား ပိုတိုးလာနေပြီး လိုအပ်ချက်တွေလည်း ပိုများလာနေပါတယ်။ တိုက်ပွဲတွေ ရပ်ဆိုင်းဖို့ မြန်မာအစိုးရနဲ့ ကချင်လက်နက်ကိုင်အဖွဲ့တွေအကြား ငြိမ်းချမ်းရေး ဆွေးနွေးမှုတွေ မအောင်မြင်သေးတာနဲ့အမျှ ဒုက္ခသည်ပြဿနာဟာလည်း ပိုပြီးတော့ ကြီးထွားလာနေတာ ဖြစ်ပါတယ်။ ဒီအခြေအနေတွေကိုတော့ မသင်းသီရိက တင်ပြထားပါတယ်။
ကချင်ပြည်နယ်ထဲက ဗန်းမော်ခရိုင်တွင်းမှာ ဒီရက်ပိုင်း ပိုပြီးပြင်းထန်လာတဲ့ တိုက်ပွဲတွေကြောင့် ထွက်ပြေးနေကြရတဲ့ဒုက္ခသည်တွေဟာ တရုတ်-မြန်မာ နယ်စပ်ဘက်တွေမှာ ပိုပြီးတိုးလာနေတယ်လို့ ကချင်ဒုက္ခသည် ကူညီရေးအဖွဲ့တွေက ပြောပါတယ်။ ကချင်ပြည်နယ်တွင်းမှာ ခုချိန်ထိ ပြေလည်မှု မရသေးတာကြောင့်ရော၊ တိုက်ပွဲတွေဟာ ၇ လနီးပါး ကြာနေပြီမို့ နေရပ်စွန့်ခွာထွက်ပြေးရတဲ့ ဒုက္ခသည်တွေဟာ တစထက်တစ ပိုများလာနေတယ်လို့ ကချင်လူမှုရေးအဖွဲ့က မမိုင်းဂျာက ပြောပါတယ်။
“မိုင်ဂျာယန်ဘက်မှာကတော့ ထွက်ပြေးလာတာကတော့ လွင်ကျယ်နဲ့ မိုးမောက်မြို့နယ်ဘက်က ရွာသားတွေ၊ ပြီးရင် လိုင်ဇာနဲ့ မိုင်ဂျာယန်ကြားမှာရှိတဲ့ ဂေါင်လီချိုင့်ဝှမ်းလို့ခေါ်တဲ့ အဲဒီဒေသဘက်က အခုတိုက်ပွဲ ဖြစ်နေတယ်။ အဲဒီဘက်က ဒုက္ခသည်တွေပေါ့၊ ရွာသွားတွေ။ နောက်ပြီးတော့ ရွှေလီမြို့နဲ့ နည်းနည်း မျက်နှာချင်းဆိုင်လိုဖြစ်တဲ့နေရာ နွန်တောင်း လို့ခေါ်တယ်။ တရုတ်ပြည်ဘက်ခြမ်းကပေါ့နော်။ အဲဒီဘက်ကိုလည်း နေ့တိုင်းလိုပဲ ထွက်ပြေးလာတာတွေ ရှိတာက ဗန်းမော်-နမ့်ခမ်း ကားလမ်းကြား ဘယ်ညာမှာရှိတဲ့ ရွာတွေထဲက ရွာသားတွေ။”
မြန်မာအစိုးရတပ်တွေနဲ့ ကချင်လွတ်လပ်ရေးတပ် KIO တို့ကြားမှာဖြစ်နေတဲ့ လက်နက်ကိုင် ပဋိပက္ခတွေကြောင့် နေရပ်ဒေသကို ထွက်ပြေးတိန်းရှောင် နေရတဲ့ ကချင်စစ်ပြေးဒုက္ခသည်တွေကို အကူအညီပေးနိုင်ဖို့အတွက် ကုလသမဂ္ဂရဲ့ မြန်မာနိုင်ငံဆိုင်ရာ အထူးကိုယ်စားလှယ် ဗီဂျေးနမ်ဘီးယားက လုပ်ဆောင်နေတယ်လို့ ကုလသမဂ္ဂက ပြီးခဲ့တဲ့ရက်အနည်းငယ်ကပဲ ပြောပါတယ်။ အလားတူ မြန်မာနိုင်ငံထဲက လူမှုရေးအဖွဲ့တွေကလည်း ကချင်ဒုက္ခသည်တွေကို ကူညီပေးနေတာ ရှိပေမဲ့ အစိုးရဘက်က ကူညီသူတွေအတွက် နယ်မြေသတ်မှတ်ချက် ရှိတာကြောင့် ဘယ်အဖွဲ့အစည်းရဲ့ အကူအညီမျိုးမှ သူတို့ဘက်မှာ မရသေးဘူးလို့လည်း ပြောပါတယ်။
“အခုထက်ထိတော့ မရှိသေးဘူး။ ပေးမယ်ဆိုတာမျိုးတော့ ကြားထားတယ်။ ဒါပေမဲ့ အခုထက်ထိတော့ မရောက်သေးဘူး။ အစိုးရဘက်က ခွင့်ပြုမပြုပေါ့နော် အဲဒီဟာပဲ အဓိကဖြစ်မယ်ထင်တယ်။ ကျမတို့ဆီမှာလည်း အခု လောလောဆယ် တကယ်ပဲ အစားအသောက် အခက်အခဲ၊ နေရာထိုင်ခင်း အခက်အခဲ ပြဿနာတွေ၊ ဆောင်းတွင်းလည်း ဖြစ်တဲ့အတွက်ကြောင့်မိုလို့ စောင်ကအစ အဲဒီဟာတွေ အများကြီး အခက်အခဲဖြစ်နေတယ်။”
အခုလို ဒုက္ခသည်တွေ ပိုတိုးလာတဲ့ အကြောင်းရင်းကတော့ ဒီရက်ပိုင်းတွေမှာ တိုက်ပွဲတွေ ပိုပြီး ပြင်းထန်လာနေတာကြောင့် ဖြစ်တယ်လို့ KIA အဖွဲ့က ဒုတိယစစ်ဦးစီးချုပ် ဗိုလ်မှူးချုပ် ဂွမ်မော်က ပြောပါတယ်။
“အဓိကကတော့ တပ်မဟာ (၃) တပ်ရင်း (၁၂)၊ တပ်ရင်း (၂၇)၊ တပ်ရင်း (၁၅) နဲ့ တပ်မဟာ (၅)တွေက တပ်ရင်း (၃) ဌာနချုပ်တွေမှာ တိုက်ပွဲတွေ ပြင်းထန်ပါတယ်။ အဲဒီတော့ ဒီ နှစ်ရက်သုံးရက်ကြားထဲမှာပဲ အစိုးရစစ်တပ်တွေက အင်အားတိုးလာတယ်။ ကလေးမှာရှိတဲ့ စကခ (၁၀) တပ်က တက်လာတယ်။ တပ်မဟာ (၉၉) ကလည်း နည်းနည်း လှုပ်လှုပ်ရှားရှား ဖြစ်နေတယ်။ တပ်တွေ ဖြည့်လာရင်တော့ တိုက်ပွဲတွေက ပိုပြီးများလာမှာပဲ။ အဲဒီတော့ သူတို့က ဘာရည်ရွယ်ချက်နဲ့ တပ်မတွေ စကခ တွေကို ထပ်ပြီးတော့ ဘာလို့ပို့နေလဲတော့ ကျနော်တို့လည်း မသိဘူး။ ဒါပေမဲ့ တပ်တွေတိုးလာရင်တော့ တိုက်ပွဲတွေက ပိုများလာဖို့ရှိပါတယ်။”
နယ်ခြားစောင့်တပ် အသွင်ကူးပြောင်းဖို့ လက်မခံတဲ့ ကချင်အပါအ၀င် တခြား တိုင်းရင်းသား လက်နက်ကိုင် ၅ ဖွဲ့နဲ့ အစိုးရက ငြိမ်းချမ်းရေး အဆိုပြုချက်သစ်တရပ်ကို ကမ်းလှမ်းခဲ့ပြီးတဲ့နောက် ပြီးခဲ့တဲ့လပိုင်းမှာကိုပဲ ကချင်လွတ်လပ်ရေးတပ်ဖွဲ့ KIO နဲ့ မြန်မာအစိုးရ အဆင့်မြင့် ကိုယ်စားလှယ်တွေ တရုတ်နိုင်ငံ ရွှေလီဘက်မှာ အပစ်အခတ် ရပ်စဲရေးအတွက် ဆွေးနွေးတာရှိပေမဲ့ ညှိနှိုင်းချက်တွေ မအောင်မြင်ခဲ့ပါဘူး။ ဒါဟာ မြန်မာအစိုးရဘက်က အပစ်အခတ် ရပ်စဲရေးနဲ့ပတ်သက်လို့ ပွင့်လင်းမြင်သာမှု မရှိတာကြောင့် ဖြစ်တယ်လို့ ဗိုလ်မှူးချုပ် ဂွမ်မော်က သုံးသပ်ပါတယ်။
“ဘာဖြစ်လို့လဲဆိုတော့ တနိုင်ငံလုံးသိအောင် ပွင့်လင်းမြင်သာတဲ့ တရားဝင်လမ်းကြောင်းကနေ ဆက်သွယ်တာမျိုး သိပ်မရှိပါဘူး။ အဲဒီတော့ ကျနော်တို့က တရားဝင်ဖြစ်တဲ့လမ်းကြောင်းတွေ ဖြစ်စေချင်တယ်။ အဲဒီတော့ ဘယ်လိုဆွေးနွေးကြသလဲ ဆိုတာတွေလည်း ပြည်သူလူထုတွေကို သေချာပြောဖို့ လိုအပ်တယ်လို့ ထင်တယ်။ ကျနော်တို့ကတော့ ပွင့်လင်းမြင်သာမှုကို လိုချင်ပါတယ်။ နောက်ဆုံး ကျနော်တို့ ဦးအောင်မင်းတို့နဲ့ တွေ့တဲ့အချိန်မှာတောင်မှာ ဦးအောင်မင်းက ကျနော်တို့ကို တရားဝင် နိုင်ငံတော်ကနေ သူတို့ နှုတ်နဲ့လာတယ်၊ ဒါ ကျနော်တို့ အသိအမှတ်ပြုတယ်။ ဒါပေမဲ့ ဦးအောင်မင်းက သူ့ရဲ့မှတ်စုစာရွက်ထဲမှာ ရေးထားတဲ့စာရွက်တစ်ရွက်ကို ဆုပ်ဖြဲပြီးတော့ ပေးထားခဲ့တဲ့အဆင့်ပဲ ဖြစ်နေတယ်လေ။ အဲဒီတော့ ကျနော်တို့က ဒါကို တရားဝင်ဖြစ်တယ်လို့ ပြောရမှာ တော်တော်ကို ခက်ပါတယ်။”
ကချင် KIA ဒုတိယစစ်ဦးစီးချုပ် ဗိုလ်မှူးချုပ် ဂွမ်မော် ပြောခဲ့တာဖြစ်ပါတယ်။ ဒါပေမဲ့ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်ကတော့ မြန်မာနိုင်ငံမှာ ငြိမ်းချမ်းရေးရဖို့အတွက် အခွင့်အလမ်းတွေ ပွင့်နေတာကြောင့် ငြိမ်းချမ်းပြီး လူ့အခွင့်အရေးပြည့်ဝတဲ့ ဒီမိုကရေစီနိုင်ငံကိုရောက်အောင် ၀ိုင်းဝန်း ဆောင်ရွက်ကြဖို့အတွက် ဒီဇင်ဘာလ ၁၀ ရက်နေ့က ပြောခဲ့တဲ့ သူ့ရဲ့မိန့်ခွန်းထဲမှာ တိုက်တွန်းထားပါတယ်။

ရာသီဥတုပြောင်းလဲမှု တားဆီးမယ့် သဘောတူညီချက်သစ်ရရှိ
By ဗွီအိုအေ (မြန်မာဌာန)
ကျိုတိုသဘောတူညီချက် သက်တမ်းတိုးဖို့ ကုလသမဂ္ဂ ရာသီဥတုဆိုင်ရာညီလာခံတွင်း ၀န်ကြီးများ သဘောတူညီမှု ရယူခဲ့ကြစဉ်။ (ဒါဘန်မြို့၊ ဒီဇင်ဘာလ ၁၁၊ ၂၀၁၁)
ကမ္ဘာ့ ဥတုရာသီပြောင်းလဲနေမှု အရှိန်လျော့သွားစေမယ့် တိုင်းပြည်တိုင်း မဖြစ်မနေ လိုက်နာရမယ့် သဘောတူညီချက်တစ်ခုကို စေ့စပ် ညှိနှိုင်းကြဖို့ ကုလသမဂ္ဂ ဥတုရာသီဆိုင်ရာ ညီလာခံကို တက်နေကြတဲ့ နိုင်ငံပေါင်း ၁၉၄ နိုင်ငံက ကိုယ်စားလှယ်တွေက သဘောတူလိုက်ကြပါတယ်။
စက်မှုလုပ်ငန်းတွေ လုပ်ဆောင်နေကြတဲ့ တိုင်းပြည်တွေအနေနဲ့ ၁၉၉၂ ခုနှစ်မှာ သဘောတူညီမှု ရခဲ့တဲ့ ကျိုတို သဘောတူညီချက် ၂၀၁၂ ခုနှစ်မှာ သက်တမ်း ကုန်ဆုံးပြီးနောက်မှာ အနည်းဆုံး နောက်ထပ် ၅ နှစ်လောက် အဲဒီ ကျိုတို သဘောတူညီချက်အတိုင်း လိုက်နာကြဖို့ ဒီကနေ့ သဘောတူလိုက်ကြတာပါ။ အဲဒီ ကျိုတို သဘောတူညီချက်ကို လက်မှတ်ထိုးထားတဲ့ တိုင်းပြည်တွေအနေနဲ့ ဖန်လုံအိမ်ဓါတ်ငွေ့ ယိုစိမ့်မှုလျော့ကျရေး အတွက် ယာထားချက် ပြည့်မီအောင် လိုက်နာ ဆောင်ရွက်ကြရမှာ ဖြစ်ပါတယ်။ ဒါပေမဲ့ ရုရှား၊ ဂျပန်နဲ့ ကနေဒါတို့ကတော့ အဲဒီ ကျိုတိုသဘောတူညီချက် သက်တမ်းတိုးမယ့်ကိစ္စကို သဘောမတူဘူးလို့ ဆိုပါတယ်။
တောင်အာဖရိကနိုင်ငံ ဒါဘန်မြို့မှာ သီတင်း နှစ်ပတ်ကြာကျင်းပနေတဲ့ အဲဒီ ဥတုရာသီ ပြောင်းလဲမှုဆိုင်ရာ ညီလာခံ တရားဝင်ပိတ်ပြီး နှစ်ရက်အကြာမှာ ဒီသဘောတူညီချက်ကို ရလိုက်နိုင်ကြတာ ဖြစ်ပါတယ်။
သဘာဝပတ်ဝန်းကျင် ညစ်ညမ်းမှုအများဆုံး ဖြစ်ပေါ်နေတဲ့ တိုင်းပြည်တွေက အဲဒီသဘောတူညီချက်ကို လက်မှတ်ထိုးမှသာ အမေရိကန်ပြည်ထောင်အနေနဲ့လည်း မလိုက်နာ မနေရဆိုတဲ့ အဲဒီသဘောတူညီချက်ကို လက်မှတ်ထိုးမယ်လို့ ဆိုပါတယ်။ စက်မှုဖွံ့ဖြိုးတဲ့ နိုင်ငံတွေက သူတို့ လိုက်နာရမယ့် သဘောတူညီချက်တွေကို မလုပ်ဆောင်ပေမဲ့လည်း သူတို့မှာ သဘာဝပတ်ဝန်းကျင် ထိခိုက်မှုကို လျော့ပါးစေမယ့် ကိုယ်ပိုင် အစီအစဉ်တွေ ချမှတ်လုပ်ဆောင်နေပြီး ဖြစ်တယ်လို့ တရုတ်နဲ့ အိန္ဒိယနိုင်ငံတို့က ပြောပါတယ်။
ကမ္ဘာ့ လူဦးရေအများဆုံး နိုင်ငံနှစ်နိုင်ငံဖြစ်ကြတဲ့ တရုတ်၊ အိန္ဒိယနဲ့ အမေရိကန်ပြည်ထောင်စု ကတော့ ကျိုတို သဘောတူညီချက်အတိုင်း လိုက်နာဖို့မလိုတဲ့ တိုင်းပြည်တွေ ဖြစ်ပါတယ်။