မမွေးဖွားရ သေးတဲ့ သားကလေး ရဲ့အသံ

by Moenge Aung on Thursday, October 27, 2011 at 12:10am

The Voice Weekly
“အန်းဒါးဆင်းပုံပြင်များ” စာအုပ်နဲ့ အမျိုးသားစာပေ ဘာသာပြန် ဆုရရှိထားသူ နာမည်ကျော် ကဗျာဆရာ၊ အက်ဆေးရေးဆရာ အံ့မောင် ကိုယ်တိုင်ရေးနဲ့ ဘာသာပြန်ရောစွက်ထားတဲ့ အက်ဆေးတို ကလေးတွေကို စာအုပ်အဖြစ် စုစည်း ထုတ်ဝေ ထားတာ ဖြစ်ပါတယ်။ အောက်ခြေ မှတ်ချက်တွေ အရ ၁၉၉၃ ခုနှစ်လောက်ကနေ ၂ဝဝ၉ ခုနှစ် လောက်အထိ မဂ္ဂဇင်းနဲ့ စာစောင် တချို့မှာ ရေးခဲ့တာရော ဘယ်စာစောင်၊ မဂ္ဂဇင်းမှာမှ မပါသေးတဲ့ အက်ဆေး တချို့ကိုပါ စုစည်းထားပုံ ရပါတယ်။ ထူးခြားချက်က အက်ဆေး အများစုရဲ့ အင်္ဂလိပ်လို မူရင်းပါ တွဲဖက် ထည့်ပေး ထားတာပဲ ဖြစ်ပါတယ်။ မူရင်း အင်္ဂလိပ်လိုနဲ့ တွဲဖက် ဖတ်လိုတဲ့သူတွေ အတွက် မြန်မာလို ဘာသာပြန် အရေးအသားနဲ့ စကားလုံး ရွေးချယ် အသုံးပြုပုံကို လေ့လာ နိုင်ပါတယ်။ အံ့မောင်ရဲ့အင်္ဂလိပ်စာ အံမခန်း ကျွမ်းကျင်မှုနဲ့ မြန်မာစာ ကျေညက် ပိုင်နိုင်မှုကို တွေ့ရမှာပါ။
ဘာသာပြန်ကောင်း ရှားပါးနေတဲ့ ဒီဘက်ခေတ်မှာ အံ့မောင်ရဲ့ ရသပြွန်း ဘာသာပြန်တွေက မှီငြမ်း၊ ကိုးကား၊ဆီလျော်အောင် မြန်မာမှု ပြုတယ် ဆိုတဲ့ ခေါင်းစဉ်တွေအောက်မှာ လိုအပ်ချက် ရှိနေသေးတဲ့ ကိုယ့်အင်္ဂလိပ်စာကို ဖုံးဖိလိုသူတွေ တစ်ကြောင်းချင်းဖတ်၊ တစ်လုံးချင်း တိုက်ကြည့် သင့်လှပါတယ်။
ဘာသာပြန်တဲ့သူ ဆိုတာ ကိုယ်ပြန်တဲ့ စာပေ အမျိုးအစားကို လိုက်ပြီး မြန်မာစာကိုပါ ပိုင်နိုင် ကျွမ်းကျင်ဖို့ လိုကြောင်း အံ့မောင်ရဲ့ဘာသာပြန်အက်ဆေးတွေက အတိအလင်းပြ ဆိုနေပါတယ်။ မြန်မာစာ ဝေါဟာရ မကြွယ်ရင် အင်မတန် လေးသွား သမ္မာကျမ်းလာ အကြောင်းအရာ တချို့ကိုတောင် ပေါ့ပေါ့ပါးပါး သွက်သွက် လက်လက်လည်းရှိ မူရင်းအနက် အတိုင်းလည်း ခံစားလို့ရအောင် ပြန်ထားပုံက အင်မတန် ညက်ညက် ညောညော ရှိလှပါတယ်။ စကားလုံးတိုင်း၊ ဝေါဟာရတိုင်း၊ စာကြောင်းတိုင်းကို သေချာတိုက် ဖတ်ရင် ဒီအချက် ပေါ်လွင်ပါလိမ့်မယ်။ ဘာသာပြန်သူရဲ့ အမှာစာမှာလည်း အခု အက်ဆေးတွေကို ဘယ်လို ရည်ရွယ်ချက်နဲ့ ပြန်ဆိုရတဲ့ အကြောင်း အင်္ဂလိပ်-မြန်မာ နှစ်ဘာသာ တွဲလျက် ထုတ်ဝေ ရတဲ့အကြောင်း ရှင်းပြ ထားတာကိုကြည့်ပါ။ ဘာသာပြန် ပေးသောအခါ အဆိုအမိန့် တစ်မျိုးတည်း ဆိုလျှင် စာဖတ်သူကို တစ်ဖက်သတ် ဆွဲသွားသည်မျိုး ဖြစ်မှာစိုး၍ အဖက်ဖက် စုံနိုင်သမျှ စုံအောင် ပေးနိုင်ဖို့ ကြိုးစားရ ပြန်သည်။ ယဉ်ကျေးသူ၊ အဆင့်မြင့် သူတို့သည် တစ်ဖက်တည်းသာ နာမကြားဘဲ အဖက်ဖက်စုံအောင် နာကြားကြ စမြဲဖြစ်သည်။ ခေတ်၏ လူသားများသည် နားရွက်များများနှင့် နားထောင်၍ ဦးနှောက်များများနှင့် ချင့်ချိန် စဉ်းစားကာ နှလုံးသားကြီးကြီးနှင့် ဆုံးဖြတ် စဉ်းစား ကြဖို့ ရှိပါလေသည်။ ယခု စာအုပ်တွင် ပါရှိသော စာတမ်းငယ် တိုင်းကို မြန်မာနှင့် အင်္ဂလိပ် နှစ်ဘာသာဖြင့် တင်ဆက်ရန် ရည်ရွယ် ခဲ့ပါသည်။
မြန်မာလူငယ် လူလတ်တို့ ယင်းနှစ်ဘာသာလုံး ရင်းနှီး ကျွမ်းဝင် ပိုင်နိုင်စေလို၍ ဖြစ်ပါသည်။ ကျွန်တော်တို့က နိုင်ငံခြား ဘာသာ စကားများကို မကြောက်သောအခါ ယင်းတို့ကို နိုင်ပိုင် လာပါလိမ့်မည်။ စာလုံးရေ ၁၅ဝ ကျော်ခန့်နဲ့ အတော်ကလေးကို တိုတဲ့ “သတင်းရေးခြင်း” မှတ်ချက်တို ကလေး ကတော့ သတင်းရေးကြပုံ အနည်းငယ်ကို တင်ပြထားတယ် ဆိုပေမယ့် ဘယ်နေရာမှ ပြုတ်ကျ ကျန်ခဲ့တယ်မသိ၊ ဘယ်လို တင်ပြချက်ကိုမှ မတွေ့ရပါ။ အဲဒီ မှတ်ချက်တို ကလေးကို မိန့်ခွန်းနှစ်မျိုး အကြောင်းနဲ့သာ အဆုံးသတ် ထားပါတယ်။ ဒါပေမဲ့ စာရေးသူ ဆိုလိုတဲ့ သတင်းမှာ “ဘ” ငါးလုံးပဲရှိတဲ့ သတင်း ဖြစ်နေပြီး အမှန်တကယ် သတင်း အတတ်ပညာ အခြေခံမှာတော့“ဘ” ခြောက်လုံးကို အခြေခံ ရပါတယ်။ ဘာအကြာင်းကြောင့် မသိရပဲ ရှေ့ပိုင်း ဖော်ပြတဲ့ သုံးပုဒ်ကို မြန်မာလိုချည်း ဖော်ပြထားပြီး ကျန်အပုဒ်နှစ်ဆယ် ကိုတော့ အင်္ဂလိပ်လို မူရင်းနဲ့ တွဲဖော်ပြ ထားပါတယ်။ လက်ရှိ မြန်မာ့အရေးနဲ့ အဟပ်အညီဆုံးလို့ ဆိုရမယ့် အက်ဆေး ကတော့“အုံဖွနဲ့ဒီမိုကရေစီမရ” ဖြစ်ပါတယ်။
အများကြိုက်၊ ပေါ်ပြူလာ ဖြစ်စေမယ့် စကားလုံး တွေရဲ့အန္တရာယ် ဘယ်လောက်ကြီးသလဲ ဆိုတာရယ်၊ အစစ အရာရာ အက်ချလောင်း ဆိုပြီး အစစ အဆင်ပြေေ ချာမွေ့နေမယ်လို့ မျှော်လင့်လို့ မရတဲ့ ဒီမိုကရေစီ သဘောသဘာဝရယ်ကို မျက်မှောက် တောင်အာဖရိက အခြေအနေကို ထင်ဟပ် ပြထားတာ ဖြစ်ပါတယ်။ ဖတ်ကြည့်ပြီး ဆင်ခြင် သင်ခန်းစာ ယူကြည့် သင့်လှပါတယ်။ “ပညာခေတ်ကြီး ရောက်ချိန် နီးပါပြီ”၊ “တရားရုံးမှာ တရားရှိရဲ့လား”၊ “ရန်သူနှင့် မိတ်ဖြစ်ခြင်း”၊ “အိုဘားမားရဲ့ အောင်ပွဲခံစကား”၊ “ကျန်းသစ္စာ ကျိန်ဆိုပွဲ မိန့်ခွန်း”၊“ကိုင်ရို မိန့်ခွန်း” စတဲ့ အက်ဆေးတွေလည်း ခေါင်းစဉ်နဲ့ အကြောင်းအရာ နှစ်မျိုးစလုံး မမွေးဖွားရသေးတဲ့ သားကလေးရဲ့အသံ (အင်္ဂလိပ်-မြန်မာနှစ်ဘာသာ)အံ့မောင်၊ (စာမူခွင့်ပြုချက်အမှတ်-၃၁ဝ၁ဝ၆၁ဝ၁ဝ)စာက မူရင်းအနက်ရော ဆင့်ပွားအနက်ပါပေးနိုင်တဲ့ အက်ဆေးတွေပါ။
နောက်ထပ် ထူးခြားချက်ကတော့ စာအုပ်နောက်ဆုံးပိုင်း နှစ်ပုဒ် ဖြစ်တဲ့ “ခရစ်တော်ဖွားမြင်ရာ ဟေမန္တ” နဲ့  ၂ဝ၁ဝ ပြည့်နှစ် ဇန်နဝါရီလ ရက်စွဲတပ် သမ္မာကျမ်းစာပါ “သံလွင်ပင်အောက်မှမေတ္တာစကား” ဘာသာပြန် နှစ်ပုဒ်ပဲ ဖြစ်ပါတယ်။ စွယ်စုံ ကျမ်းလာ ယေရှု ဖွားမြင်ပုံအကြောင်း ဘယ်လို ရည်ရွယ်ချက်နဲ့ ဘာသာပြန်ထားတယ် မသိပေမယ့် နောက်တစ်ပုဒ် ကတော့ လူသားအချင်းချင်း မေတ္တာထားဖို့၊ ယုတ်စွအဆုံး ကိုယ့်အပေါ် နှိပ်စက်ကလူ ပြုသူကိုတောင် တစ်ဖက်သတ် မေတ္တာထားဖို့၊ သည်းခံဖို့၊ လိုက်လျောဖို့ အဓိက ပြောထားတယ်လို့ ယူဆရပါတယ်။ အပြန်အလှန် မေတ္တာရှေ့ထား မဆုံးဖြတ်ကြတဲ့အတွက် လိပ်ခဲတည်းလည်း ဖြစ်နေတဲ့ အခြေအနေမှာ ရှိနေသူတွေ သတိထားသင့်တဲ့ အချက်ပါ။ ဒေါင်းစာပေ တိုက်ထုတ် စာအုပ်များ ထုံးစံ မျက်နှာဖုံး ဒီဇိုင်း ဆွဲဆောင်မှု နည်းတာ၊ အတွင်းစာမျက်နှာ အပြင်အဆင် လေးတာ၊ စာအုပ်ချုပ်ပုံ မသပ်ရပ်တာ လေးတွေက လွဲရင် ၂၅ဝဝ ကျပ်ဆိုတာ နည်းတယ်လို့လည်း ပြောမရ၊များတယ် လို့လည်း မဆိုနိုင်တဲ့ ဈေးနှုန်းပါ။ စီစဉ်ထုတ်ဝေသူ ဒေါင်းစာပေနဲ့ ဘာသာပြန်သူ အံ့မောင်တို့ရဲ့ စေတနာ ကိုတော့ အထူး အသိအမှတ် ပြုရမှာပါ။

အံ့မောင်