အဆုံးအဖြတ်ပေးတာက အကွက်ဘယ်လိုခင်းသလဲဆိုတာပဲ

By Rozoner King in Big Brothers & Sisters · 

[By Ko Zam]

နိဒါန်း။
          ၁၉၉၅ခုနှစ်မတိုင်မီအချိန်ကာလအထိ တရုတ်ခေါင်းဆောင်တစ်ချို.တစ်လေနဲ.တစ်ချို.သောပညာရှင်
တွေဟာ စိနခြိမ်းခြောက်မှုသီအိုရီနဲ.ပက်သက်လို.တွင်တွင်ခါခါကြီးငြင်းဆန်မှုတွေလုပ်ခဲ့ကြတယ်။ ပြည်သူ.နေ.စဉ်သတင်းစာ၊ စိန်ကွန်မြူနစ်ပါတီရဲ. တရားဝင်ထုတ်ပြန်တဲ့သတင်းစာတွေ၊ မှာစိန်ပြည်တော်ဟာ ဘယ်နိုင်ငံကိုမှခြိမ်းခြောက်အန္တရာယ်ပေးမှာမဟုတ်ဘူးဆိုတဲ့အကြောင်းကို ငြင်းဆန်ချေပထားတာတွေကို ၁၉၉၂ခုနှစ်အောက်တိုဘာလမှစပြီးရေးသားထုတ်ဝေခဲ့တယ်။ အဲဒီမတိုင်ခင်မှာ စီနီယာဘုရ်ှအစိုးရက ထိုင်ဝမ်ကို စစ်တိုက်လေယာဉ်(အက်ဖ်၁၆)အစင်းပေါင်း ၁၅၀ ရောင်းချဖို.ဆုံးဖြတ်ချက်ချခဲ့တယ်။ စိနပြ့ည်သူ.သတင်းစာကအဲဒီလုပ်ရပ်ကို ခုလိုထောက်ပြခဲ့တယ်။ အနောက်အုပ်စုတွေဟာ အာရှနိုင်ငံတွေမှာ သူတို.စစ်လက်နက်ရောင်းချခွင့်ရဖို.၊ရောင်းချတဲ့နေရာမှာ အလုပ်တွင်ကျယ်ဖို.အတွက် အာရှနိုင်ငံတွေရဲ.လုံခြုံရေးကို စိနပြည်တော်ဟာ ခြိမ်းခြောက်လာနိုင်တယ်။
ဒီအတွက် စစ်အင်အား တည်ဆောက်မှုတွေ တိုးမြင့်ဖို.လိုအပ်လာတယ်။ အဲသလိုစစ်အင်အားတည်ဆောက်
ဖို.အတွက် ခေတ်မီစစ်လက်နက်တွေကို အနောက်အုပ်စုနိုင်ငံကြီးကနေပဲ ၀ယ်ယူရရှိနိုင်တာဖြစ်တယ်။ ဒါ
ကြောင့် အမေရိကန်ဦးဆောင်တဲ့ အနောက်အုပ်စုတွေဟာ သူတို.တွေရဲ. လက်နက်ရောင်းချရေးလုပ်ငန်းကို တွင်ကျယ်ဖို.အတွက် စိနပြည်ကြီးလက်ညှိုးထိုးပြီး တစ်ချိန်ချိန်မှာ အင်အားနည်းတဲ့အာရှနိုင်ငံတွေကို ကျူးကျော်ရန်စလာနိုင်တယ်ဆိုတဲ့လံကြိုတ်တွေကို ဖန်တီးနေခြင်းသာဖြစ်တယ်လို. ထောက်ပြခဲ့တယ်။

စီနီယာဘုရ်ှကြီးတို.ထိုင်ဝမ်ကို စစ်တိုက်လေယာဉ်တွေကို ရောင်းချဖို.အတွက်ခိုင်လုံတဲ့အကြောင်းပြချက်ကို ပြဖို.လိုတဲ့အတွက်ကြောင့် စိနပြည်တော်ရဲ. ခြိမ်းခြောက်လာနိုင်မှုကို ပုံကြိးချဲ့ပြီး ထိုင်ဝမ်ကျွန်းကို စစ်လက်နက်ရောင်းချတာဟာ ထိုင်ဝမ်းကျွန်းရဲ.လုံခြုံရေးကို စာနာထောက်ထားသောအားဖြင့် ကူညီတာ ပါလို. သံကောင်းဟစ်ပြီး ပြည်မကြီးကိုအန္တရာယ်ကောင်ကြီးအဖြစ် မသိနားမလည်တဲ့ ကမ္ဘာသူ.ကမ္ဘာ.သားတွေကို အပင်းသွင်းအဆိပ်ခတ်ခြင်းသက်
သက်သာဖြစ်တယ်လို. ပြန်လှန်စွပ်စွဲရေးသားခဲ့တယ်။ ၁၉၉၃နဲ.၁၉၉၄ခုနှစ်ကြားမှာ ဒီလိုအပြန်အလှန်စွပ်စွဲမှုတွေဟာအတော်လေးကိုပြင်းထန်ခဲ့တယ်။ ၁၉၉၄ခုနှစ် နှစ်ကုန်ပိုင်းကာလအထိ ပြည်သူ.နေစဉ်သတင်းစာမှာ စိနပြည်တော်ဟာ မည်သည့်နိုင်ငံကိုမှ ဘယ်တော့မှ ခြိမ်းခြောက်ရန်စမည် မဟုတ်ဟုဆိုတာကိုအသားပေးတဲ့ ဝေဖန်ရေးဆောင်းပါး ငါးစောင်လောက်ကို ရေးသားပုံနှိပ်ခဲ့တယ်။ အဲဒီထဲမှာမှ ဆောင်းပါးတစ်စောင်သာလျှင် ပညာရှင်ဆန်တာပဲဖြစ်ပါတယ်။

          ၁၉၉၆ခုနှစ်မှာ ဒီလိုစွပ်စွဲခံရမှုကိုပြန်လည်ခွန်းတုံချေပတာတွေဟာ ပြန်လည်ပြင်းထန်လို.လာတယ်။ ပြင်းထန်ပေမှာပေါ့။ ၁၉၉၆ခုနှစ်ဟာ ထိုင်ဝမ်ရေလက်ကြားအရေးအခင်းဖြစ်တဲ့ကာလဖြစ်နေတာကိုး။ ထိုင်ဝမ်ရေလက်ကြားမှာ အမေရိကန်လေယာဉ်တင်စစ်သဘောင်္အုပ်စုနှစ်ခုနဲ. စိနပြည်သူ. လွတ်မြောက်ရေးတပ်မတော်တို. ထိပ်တိုက်တေ့ဆိုင်ပြီး အခြေအနေတွေတင်းမာနေခဲ့တဲ့အချိန်ကာလပေါ့။ အဲသလိုဖြစ်နေတဲ့အချိန်ကာလမှာ စိနတို.ခြိမ်းခြောက်မှုသီအိုရီကို တည့်တိုးချေပဝေဖန်ထားတဲ့ ဆောင်းပါးပေါင်း ၁၂ စောင်လောက်ကိုရေးသားပုံ နှိပ်ခဲ့တဲ့အပြင် စိနတွေဟာ ဘယ်နိုင်ငံကိုမှ ကျူးကျော်ရန်စမှာမဟုတ်ဘူးဆိုတဲ့အကြောင်းကို ရေးသားရှင်းလင်း
ထားတဲ့သတင်းအစီရင်ခံစာပေါင်း ၅၆ခုကိုလည်းရေးသားထုတ်ဝေခဲ့သေးတယ်။ ပြောရမယ်ဆိုရင် ပညာရပ်
ဆိုင်ရာဆောင်းပါးတွေလည်း အတော်ကြီးကိုပါဝင်လာတယ်။ ပညာရှင်ဆန်ဆန်ပီသစွာပြန်လည်ချေပထားတဲ့
ဆောင်းပါးက ရှစ်စောင်အထိဖြစ်လာတယ်။ ဒါပေမဲ့ ၁၉၉၆နှောင်းပိုင်းမှာတော့ အဲသလို စိနခြိမ်းခြောက်မှုသီအိုရီကို ပြန်လည်ချေပရေးသားထုတ်ဝေမှုတွေဟာ ကျဆင်းလာတယ်။ အဲသလို စိနခြိမ်းခြောက်မှုသီအိုရီကို မဟုတ်ဘူး၊ မဖြစ်နိုင်ဘူးလို. တုံပြန်ချေပရေးသားမှုတွေအားလုံးကို ခြုံကြည့်လိုက်ရင် အုပ်စုသုံးခုခွဲထားနိုင်တယ်။

၁/ တရားဝင် official ထုတ်ဝေရေးသားမှုတွေ
၂/ ပညာရပ်ဆိုင်ရာရှုထောင့်ကနေရေးသားတင်ပြမှုတွေScholarly
၃/ စိနပြည်သူတွေရဲ.အရိုးခံလွတ်လပ်စွာရေးသားတင်ပြမှုတွေ Societal

အဲသလိုခွဲထားနိုင်တယ်။ တရားဝင်ရေးသားတင်ပြမှုတွေဆိုတာကတော့ရှင်းပါတယ်။ စိနအစိုးရပိုင်သတင်းမီဒီ
ယာကနေတစ်ဆင့် စိနခေါင်းဆောင်တြွေေ့ပာကြားချက်တွေ၊မိန်.ခွန်းတွေ၊ ပြောရေးဆိုခွင့်ရှိတဲ့သံကြီးတမန်ကြီး
တွေရဲ. စကားတွေ၊ မူဝါဒကြေညာထုတ်ပြန်ချက်တွေဟာ official အပိုင်းတွေပါ။

          ပညာရပ်ဆိုင်ရာရှုထောင့်ကနေရေးသားတင်ပြမှုတွေဆိုတာကတော့ပြည်မကြီးပေါက်၊ပြည်မအခြေစိုက်
နိုင်ငံတကာဆက်ဆံေ၇းပညာရှင်တွေရေးသားတင်ပြမှုတွေကိုဆိုလိုပါတယ်။ စိနပြည်သူတွေရဲ.အရိုးခံလွတ်လပ်
စွာရေးသားတင်ပြမှုတွေဆိုတာကတော့ သဘောထားဆန္ဒမဲကောက်ယူမှုတွေ၊ အရောင်းအကောင်းဆုံးစာအုပ်
တွေ၊ အင်တာနက်စာမျက်နှာပေါ်က အက်ဆေးတို.၊မှတ်ချက်ပြုတာတွေတို.ပဲဖြစ်ပါတယ်။ လမ်းပေါ်ကပြည်သူ
တွေရဲ.အမြင်တွေ၊ အတွေးတွေ၊ခံယူချက်တွေကိုဆိုလိုတာပါ။

၁၊၁။ တရားဝင်တုံပြန်ရေးသားတင်ပြမှုများ ( The Official Chinese Response)

          စိနခြိ်မ်းခြောက်မှုသီအိုရီကိုငြင်းဆန်တာတွေ၊တုံပြန်မှုတွေကို စိနခေါင်းဆောင်တွေ၊ ဒါမှစိနအစိုးရအဖွဲ.ရဲ
ပြောေ၇းဆိုခွင့်ရှိသူများတွေဟာ နိုင်ငံတော်ပိုင် ၀ါဒဖြန်.ချီရေးယန္တရားတွေကိုအသုံြး့ပုပြီး ရှင်းလင်းလေ့ရှိပါတယ်
စိနပြည်တော်ဟာ လွတ်လပ်ပြီးအမှီကင်းတဲ့ ငြိမ်းချမ်းတဲ့နိုင်ငံခြားရေးမူဝါဒကိုသာကျင့်သုံးသွားမယ်ဆိုတာကို
ထပ်ခါတလဲလဲ ပြောကြားမှုတွေ၊ ထုတ်ပြန်ကြေညာတွေလုပ်ဆောင်ပြီး စိနခြိမ်းခြောက်မှုသီအိုရီကြီးကို ပုံမှန်
အလုပ်လိုသဘောထားပြီး ဆောင်ရွက်လာခဲ့တယ်။ ၁၉၉၆ခုနှစ်မတိုင်ခင်အထိတော့ စိနခေါင်းဆောင်ပိုင်းတွေမှာ အဲသလိုလူသိရှင်ကြား ငြင်းဆိုတာတွေကုို မတွေ.ရသလောက်ပဲ။ဒါပေသိ ထိုင်ဝမ်ရေလက်ကြားအရေးအခင်ကာလကနေစလို. နောက်ပိုင်းကာလအထိတောက်လျှောက်မှာတော့ စိနခေါင်းဆောင်တွေဟာ နိုင်ငံရပ်ခြားခရီးစဉ်တိုင်းမှာပဲဖြစ်ဖြစ် နိုင်ငံခြားခေါင်းဆောင်တွေကို ပြည်တွင်းမှာလက်ခံတွေ.ဆုံမှုတွေပဲဖြစ်ဖြစ်၊ နိုင်ငံရပ်ခြားသတင်းထောက်တွေ၊ နဲ. လက်ခံတွေဆုံမှုမှာပဲ ဖြစ်ဖြစ် အခါအခွင့်သင့်တိုင်း စိနပြည်တော်ဟာ ငြိမ်းချမ်းမှုကိုလိုလားကြောင်း၊ တည်ငြိမ်မှုကိုသာ နှစ်သက်ကြောင်း၊ စိနပြည်တော်ဟာ ဘယ်နိုင်ငံကိုမှ ရန်စခြိမ်းခြောက်မှုတွေ
ကိုဘယ်တော့မှ လုပ်မှာမဟုတ်ဘူးဆိုတာကို အမြဲလိုလိုထည့်သွင်းပြောကြားလာပါတော့တယ်။ သာဓကပြရရင်၁၉၉၇ခုနှစ်၊ မတ်လလောက်မှ သမ္မတကြီးကျန်ဇီမင်းဟာ အင်တာဗျူးတစ်ခုမှာ ခုလိုလပြောကြားခဲ့ပါတယ်။

          /အနောက်အုပ်စုနိုင်ငံကြီးတစ်ချို.ဟာ ကျွန်တော်တို.ပြည်မကြီးရဲ.စီးပွားရေးကောင်းမွန်လာမှုတွေ၊
စည်ပင်ဝပြောလာတာတွေကိုရည်ရွယ်ချက်ရှိရှိပုံကြီးချဲ.ပြီး အန္တရာယ်အဖြစ်ပုံဖော်နေကြတယ်။ တကယ်တော့ဒါဟာ အခြေအမြစ်လုံးဝမရှိတဲ့စွပ်စွဲချက်တွေပဲဗျာ။ ပြည်မကြီးမှာ လတ်တလောလုပ်နေတဲ့ပြုပြင်ပြောင်းလဲမှုတွေ၊ တံခါးတွေဖွင့်ပေးလိုက်တာတွေ၊ ခေတ်မီရေးအတွက် အားထုတ်ကြိုးပမ်းမှုတွေကိုအရာထင်ဖို.ဆိုရင် နိုင်ငံတကာရပ်ဝန်းမှာ တည်ငြိမ်ဖို.၊ ငြိမ်းချမ်းဖို.လုံးဝ လိုအပ်တယ်ဗျာ။ ကျွန်တော်တို.ပြည်မကြီးဟာ တကယ့်ကိုခိုင်မာတောင့်တင်းတဲ့ နိုင်ငံကြီး ဖြစ်လာတယ်ပဲထားအုံးတော့၊ တစ်ရံတစ်ဆစ်လောက်မှ ဘယ်နိုင်ငံ့ကိုမှ ကျုပ်တို.ခြိမ်းခြောက်တာတို.၊ ဖိအားပေးတာတို. လုံးဝလုပ်မှာမဟုတ်လေဘူး/

          ၁၉၉၇ခုနှစ်ဒီဇင်ဘာလပိုင်းမှာလည်းပဲ ၀န်ကြီးချု့ပ်လီဖုန်က အင်တာဗျူးတစ်ခုမှာဒီလိုပြောခဲ့ပါတယ်။

/ ကျွန်တော်တို.စိနပြည်သူပြည်သားတွေရဲ. ရုပ်ပိုင်းဘ၀၊စိတ်ပိုင်းဘ၀ချမ်းသာကြွယ်ဝဖို.အတွက် ဆိုရင်
တည်ငြိမ်တဲ့ပြည်တွင်းနိုင်ငံရေးရာသီဥတုရှိဖို.လိုအပ်သလို တစ်ဖက်ကလည်း ငြိမ်းချမ်းတည်ငြိမ်တဲ့နိုင်ငံတကာ ရပ်ဝန်းလိုအပ်တယ်ဆိုတာကို ကျွန်တော်တို. ကောင်းစွာသဘော ပေါက်နားလည်ထားပါတယ်။ အထူးသဖြင့်ကျွန်တော်တို.အိမ်နီးချင်းနိုင်ငံတွေပေါ့ဗျာ။ စိနပြည်သူတွေဟာ ငြိ်မ်းချမ်းရေးကိုအင်မတန်တန်ဖိုးထားတဲ့ပြည်သူတွေပါဗျာ။ ကျွန်တော်တို. ဗိုလ်ကျစိုးမိုးတာကို လုံးဝဆန်.ကျင်သလို ကျွန်တော်တို.ဆိုရှယ်လစ်စိနနိုင်ငံတော်ဟာလည်းအဲသလိုဗိုလ်ကျစိုးမိုးမှုမျိုးကိုလည်း ဘယ်တော့မှလည်း လုပ်ဖို.ကြံရွယ်ထားချက်လုံးဝမရှိဘူးဆိုတာယုံစေ
ချင်တယ်။ ဒါဟာ ကမ္ဘာနိုင်ငံအသီးသီးကို ကျွန်တော်တို.စိနအစိုးရအနေနဲ.ပေးနိုင်တဲ့ကတိဆိုလည်းဟုတ်တယ်။
စိနနိုင်ငံဟာ ဘယ်နိုင်ငံ ဘယ်ဒေသကိုမှ ခြိမ်းခြောက်ရန်စတာမျိုး တစ်ရံတစ်ဆစ်မှ လုပ်မှာလည်းမဟုတ်ဘူး။
အချို.သောလူတွေဟာ ရည်ရွယ်ချက်ရှိရှီိနဲ.စိနနိုင်ငံဟာ ကမ္ဘာငြိမ်းချမ်းရေးအတွက် ခြိမ်းခြောက်မှုအဖြစ်ပုံသွင်း
နေကြတယ်။ သူတို.တွေကို ကျွန်တော်ပြောချင်တာက ကျွန်တော်တို.ရဲ.စစ်တပ်နဲ.စစ်အင်အားတည်ဆောက်မှု
ဟာ မိမိကိုယ်ကိုကာကွယ်ဖို.သက်သက်ပဲဆိုတာကိုပါ။ ကျွန်တော်တို.ဘက်ကနေ ဘယ်တော့မှစစ်ပွဲကိုစတင်
မှာလည်းမဟုတ်ဘူးဆိုတာ သိစေချင်ပါတယ်/

 ၁၉၉၉ခုနှစ်မှာလည်း စိန၀န်ကြီးချုပ်တစ်ယောက်အမေရိကန်ပြည်ထောင်စု နယူးယောက်မြို.မှာမိန်.ခွန်းပြော
ကြားတဲနေရာမှာ စိနပြည်ကို ခြိမ်းခြောက်မှုအနေနဲ.ရှုမြင်မယ့်အစား စိနပြည်တွင်းမှာရှိတဲ့ကြီးမားများပြားလှတဲ့
စားသုံးသူတွေကိုကြည့်ပြီး အနောက်အုပ်စုနိုင်ငံတွေအနေနဲ. သူတို.တွေရဲ.ကုန်စည်နဲ.အရင်းအနှီးတွေကိုပြည်မ
မှာ လာရောက်ရင်းနှီးမြုပ်နှံစေလိုကြောင်း ၊အဆွေတော်တို.နိုင်ငံကြီးအတွက် ပြည်မကြီးဟာ အလွန်တရာမှကြီး
မားကျယ်ပြောလှတဲ့ဈေးကွက်ကြီးဖြစ်ကြောင်း စသည်ဖြင့် အမေရိကန်ပြ့ည်ထောင်စုဟာ စိနပြည်အတွက်
ပါတနာကောင်းဖြစ်သင့်ပါကြောင်း စသည်ဖြင့် ထည့်သွင်းပြောကြားခဲ့ပါတယ်။

          စိနခေါင်းဆောင်တွေနဲ.သံတမန်တွေဟာ သူတို.တွေရဲ.ရပ်တည်ချက်တွေ၊ငြင်းဆိုချက်တွေကို အင်တာဗျူးတွေ၊မိန်.ခွန်းတွေမှာမကပါဘူး။ နိုင်ငံတော်ပိုင် ပြည်သူ.နေ.စဉ်သတင်းစာ၊ လွတ်မြောက်ရေး
တပ်မတော်နေ.စဉ်သတင်းစာ၊ ဆင်ဟွာသတင်းအေဂျင်စီတွေကို အသုံးပြုပြီး စိနပြည်အင်အားကြီးထွားလာတာ
ကိုပူပန်ကြောင့်ကြမထားဖို. ၊ စိနပြည်သူ.သမ္မတအစိုးရရဲ.ရပ်တည်ချက်ကို ထပ်ခါတလဲလဲ ၀ါဒဖြန်.ချီပေးလေ့ရှိ
ပါတယ်။ အဲသလို ရပ်တည်ချက်တွေ၊သဘောထားတွေကိုထင်ဟပ်တင်ပြနေတဲ့ဆောင်းပါးအများစု၊တွေ၊အာ
ဘော်တွေများမှာ တုံပြန်ရေးသားတင်ပြလေ့ရှိတာက စိနခြိမ်းခြောက်မှုသီအိုရီဟာအခြေအမြစ်မရှိဘူး၊ ဒါဟာ
စိနဆန်.ကျင်ရေးအနောက်အင်အားစုရဲ.လံကြုတ်ဖန်တီးချက်တွေ၊အပင်းသွင်းတာပဲလို.ဖော်ပြကြတာကိုများပါတယ်။ဒါအပြင် စိနပြည်တော်ရဲ.အစိုးရမင်းရဲ.ရပ်တည်ချက်တွေကိုဒီလိုအမြဲတမ်းဖော်ပြလေ့ရှိပါတယ်။

၁/ စိနနိုင်ငံတော်သည် ငြိမ်းချမ်းရေးကိုချစ်မြတ်နိုးသောနိုင်ငံဖြစ်သည်။စီးပွားရေးဖွံ.ဖြိုးတိုးတက်ရေးအတွက်ငြိမ်း
ချမ်းတည်ငြိ်မ်သောနိုင်ငံတကာအသိုင်းအ၀ိုင်းလွန်စွာမှလိုအပ်ကြောင်းကိုလည်းယုံကြသည်။

၂/ စိနနိုင်ငံတော်သည် ဗိုလ်ကျစိုးမိုးသောနိုင်ငံမဟုတ်ပါ။ မည်သည့်အခါမှလည်း ဒေသအတွင်း၌ဗိုလ်ကျစိုးမိုး
သောနိုင်ငံတော်အဖြစ်ကိုဦးတည်သွားမည်မဟုတ်ပေ။

၃ / စိနနိုင်ငံတော်၏တပ်မတော်သည် မိမိနိုင်ငံတော်၏လုံခြုံရေုးကိုထိန်းသိမ်းကာကွယ်သွားရန်အတွက်သာဖြစ်
သည်။ မည်သည့်အိမ်နီးချင်းနိုင်ငံကိုမှ ကျူးကျော်ရန်စသိမ်းပိုက်မည်မဟုတ်ပေ။

 ၄ / စိနနိုင်ငံတော်သည် မည်သည့်အခါမှ နူကလီယာလက်နက်ကင်းမဲ့သောတိုင်းပြည်ကို နူကလီယာလက်နက်
ဖြင့် တိုက်ခိုက်ခြင်းလုံးဝပြုလုပ်မည်မဟုတ်ပေ။နိုင်ငံရပ်ခြားတိုင်းပြည်များတွင် မည်သည့်စစ်အခြေစိုက်စခန်းကိုမှ
ုတည်ဆောက်တပ်စွဲမည်မဟုတ်ပါ

ဟူ၏။

ဒါအပြင် သူတို.လုပ်လေ့လုပ်ထရှိတဲ့နောက်ထပ် မဟာဗျူဟာတစ်ရပ်က စိနပြည်တော်နဲ.မိတ်ဖက်နိုင်ငံက ခေါင်း
ဆောင်တွေ၊ ပညာရှင်တွေ၊သံတမန်ကြီးတွေက စိနပြည်ဘက်ကို ခုခံချေပပေးတာတွေကို သေသေသပ်သပ်
တင်ပြထုတ်လွှင့်တာပဲ။ စိနခြိ်မ်းခြောက်မှုသီအိုရီနဲ.ပက်သက်လို.တရားဝင်ထုတ်ပြန်ချေပထားတာတွေအများစု
ကတော့ ပြန်လည်ခွန်းတုံပြန်တာတွေ၊ခုခံကာကွယ်တာတွေကပဲများပါတယ်။ အသေးစိတ်ပြီး တိကျခိုင်မာတဲ့
သီအိုရီပိုင်းဆိုင်ရာ လေ့လာဆန်းစစ်တင်ပြချက်မှာတော့ အလွန်တရာအားနည်းလှပါတယ်။လုံးဝကင်းမဲ့တယ်လို
တောင် ပြောလို.ရပါတယ်။

          စိနအစိုးရဟာ အင်အားကြီးထွားလာတဲ့စိနပြည်အပေါ်မှာစီုးရိမ်မကင်းဖြစ်မှုတွေကို သက်သာလျော့ပါး
စေဖို.အတွက် တိကျခိုင်မာတဲ့ လုပ်ငန်းစဉ်တွေကို လုပ်ဆောင်ခဲ့ပါသေးတယ်။ပထမအနေနဲ.က ၁၉၉၅၊၁၉၉၈နဲ.
၂၀၀၀ပြည့်နှစ်တွေမှာ ကာကွယ်ရေးစက္ကူဖြူစာတမ်းကိုထုတ်ပြန်ကြေညာပါတယ်။ စိနပြည်ဟာ ရှေးအစဉ်အ
လာလိုပဲ အိမ်နီးချင်းနိုင်ငံကောင်းပီသတဲ့နိုင်ငံခြားရေးမူဝါဒကို ဆက်လက်ကျင့်သုံးသွားမယ်။ ဆက်ပြီးအမျိုးသား
လုံခြုံရေးမူဝါဒဟာ မိမိကိုယ်ကိုကာကွယ်ဖို.အတွက်သာဖြစ်တယ်၊စိနပြည်သူ.လွတ်မြောက်ရေးတပ်မတော်
အရွယ်အစားကိုရော စစ်အသုံးစရိတ်ကိုပါ လျော့ချသုံးစွဲသွားမယ်ဆိုတဲ့ကြောင်းကို ထုတ်ပြန်ကြေညာခဲ့တယ်။
ဒုတိယမြောက်လုပ်ဆောင်မှုအနေနဲ. ၁၉၉၇ခုနှစ်မှာ သက်ဆိုင်ရာနယ်ပယ်အသီးသီးတွေမှာ တော်ပေ့တတ်ပေ့
ဖြစ်တဲ့ပညာရှင်ပေါင်းတစ်ရာကျေုာ်ကိုစုစည်းပြီး Comprehensive National Power Research Group
ကိုတည်ထောင်ဖွဲ.စည်းပြီး ၁၉၈၈နဲ.၁၉၉၈ကြားဆယ်နှစ်တာကာလကိုTime Frame သတ်မှတ်ပြီး အမေရိကန်
ပြည်ထောင်စု၊ဗြိတိန်၊ပြင်သစ်၊ ဂျာမန်၊ရုရှား၊ ဂျပန်နဲ.စိနနိုင်ငံကြားမှာရှိတဲ့ ဘက်စုံအမျိုးသားရေးအင်အားစုတွေ
Comprehensive National power (CNP)ကို နှိုင်းယှဉ်သုံးသပ်အစီရင်ခံစာတင်သွင်းစေတယ်။အဲဒီအဖွဲ.က ၂၀၀၀ပြည့်နှစ် သြဂုတ်လမှာပဲအစီရင်ခံစာတင်သွင်းထုတ်ပြန်နိုင်ခဲ့တယ်။ အဲဒီအစီ့ရင်ခံစာမှာ စိနပြည်ဟာ
ကမ္ဘာနိုင်ငံမှာ နံပါတ် ၇ ချိတ်တယ်။ အမေရိကန်ပြည်ထောင်စုနဲ.အမျိုးသားရေးစွမ်းအားချင်းနှိုင်းယှဉ်လိုက်တဲ့
အခါမှာ လေးပုံတစ်ပုံလောက်ပဲရှိတယ်။ ဂျပန်၇ဲ. ထက်ဝက်အောက်နည်းနည်းလျော.တယ်။ ရုရှားနိုင်ငံရဲ.သုံးပုံ
နှစ်ပုံလောက်ပဲရှိတယ်။ ရုရှားနိုင်ငံဟာ ကမ္ဘာမှာ နံပါတ် ခြောက်အဆင့်ကိုချိတ်ပါတယ်။ တတိယလုပ်ဆောင်မှု
ကတော့ စိနနိုင်ငံတော်ရဲ. တရားဝင်မီဒီယာတွေမှာ မဟာ့မဟာစိန ( Greater China) ဆိုတဲ့အသုံးကို သတိ
ဂရုဓမ္မထားပြီး ရှောင်သုံးတယ်။ မဟာ့မဟာစိနဆိုတာက ပြည်မကြီးအပါအ၀င်၊ဟောင်ကောင်၊မကာအို၊ထိုင်ဝမ်
အပါအ၀င် အရှေ.တောင်အာရှနိုင်ငံအသီးသီးမှာရှိတဲ့စိနနွယ်ဖွားတွေကိုပါဆိုလိုပါတယ်။

၁၊၂။  စိနပြည်သူတွေရဲ.အရိုးခံလွတ်လပ်စွာရေးသားတင်ပြမှုများ(The Views of the Chinese Populace)

တရားဝင်ထုတ်ပြန်ကြေညာတာတွေ(အစိုးရအဖွဲ.အစည်းကထုတ်ပြန်ကြေညာတွေ)နဲ.မတူကြွဲ့ပားတာကစိနပြည်သူတွေရဲအမြင်တွေပဲဖြစ်ပါတယ်။အဲဒီအမြင်တွေဟာ တကယ့်တော့ ပြ့င်းထန်ကြမ်းရှတဲ့အမျိုးသားရေ
စိတ်ဓာတ်အပေါ်မှာအခြေတည်တာကများပါတယ်။စိတ်ခံစားမှုအဟုန်ကြီးမားစွာတုံပြန်ရေးသားတာတွေကများပါတယ်။စိနပြည်သူလူထုကြားမှာအမျိုးသားရေးစိတ်ဓာတ်ဒီရေလှိုင်းလုံးဟာ စိနလူငယ်ပညာတတ်အသိုင်းအ၀ိုင်း
ကနေပဲ လျှံထွက်လာတာပဲဖြစ်ပါတယ်။ အထူးသဖြင့် စိနပြည်အပေါ်မှာမှားယွင်းစွာရှုမြင်နေကြတဲ့ကမ္ဘာ.အမြင်၊
တွေ၊ အထူးသဖြင့် အနောက်အုပ်စုနိုင်ငံကြီးတွေ၇ဲ.အမြင်တွေကို ပြောင်းလဲပစ်ဖို.အတွက် ခေတ်ပညာတတ်စိန
လူငယ်တွေဟာ ပြင်းပြင်းထန်ထန် နိုးထလာကြပါတယ်။ ၁၉၉၆ခုနှစ်မေလပိုင်းမှာ China Can Say No ဆိုတဲ့
စာအုပ်တစ်အုပ်ပေါ်ထွက်လာပါတယ်။ချက်ချင်းဆိုသလို အရောင်းရအကောင်းဆုံးစာအုပ်စာရင်းဝင်သွားပါတယ်
ဒီစာအုပ်ပညာတတ်လူငယ်တွေကသာရေးသားတင်ပြထားတာဖြစ်ပြီး တင်ပြထားတဲ့အကြောင်းအရာကတော့
စိနပြည်အပေါ်မှာထားရှိနေတဲ့အမေရိကန်ပြည်ထောင်စုရဲ.နိုင်ငံခြားရေးမူဝါဒကိုပြင်းပြင်းထန်ထန်ဝေဖန်ထောက်
ပြထားတာဖြစ်ပါတယ်။ အမေရိကန်လူထုမီဒီယာတွေကိုလည်း ၀ါရှင်တန်အနေနဲ.ပီကျင်းအပေါ်မှာ policy of
Containment ကျင့်သုံးလာအောင် ပွဲစားဆန်ဆန် ခလောက်ဆန်တာကိုလည်း ရှုတ်ချထားပါသေးတယ်။ ဒါအ
အပြင် စာရေးသူတွေဟာ သူတို.ရဲ.ကိုယ်တွေ.အတွေ.အကြုံတွေကို ဖော်ထုတ်တင်ပြခဲ့ပါတယ်။ တစ်ခြားတော့
မဟုတ်ပါဘူး။ အမေရိကန်လိုလားသူက နေ အမေရိကန်ဆန်.ကျင်သူဖြစ်သွားရတဲ့အကြောင်းရင်းကို ထဲထဲဝင်
ဝင်ရှင်းပြဖောက်သည်ချထားပါတယ်။ အဲသလို ပရိုယူအက်စ်ကနေ အန်တီယူအက်စ်ဖြစ်သွားရတဲ့အဓိကလက်
သည်က ပီကျင်းအပေါ်မှာထားရှိကျင့်သုံးနေတဲ့ဝါရှင်တန် ပေါ်လစီသောက်တလွဲတွေကြောင့်ပါတဲ့။ ဒီစာအုပ့်နဲ.
အမေရိကန်ဆန်.ကျင်ရေးလှိုင်းလုံးက ကမ္ဘာတ၀န်းလုံးကို အံအားသင့်စေခဲ့တာကတော့အမှန်ပါပဲ။ဒါအြ့ပင် ပြည်
တွင်းပြည်ပမှာရှိတဲ့စိနပြည်သူတွေရဲ. စိတ်ဝင်စားမှုကို ရရှိခဲ့တယ်။ ဒါပေမဲ့ ဒီစာအုပ်ဟာ ယေဘုယျဆန်လွန်း
တယ်။ ဆန္ဒကတိစွဲတွေများလွန်းတယ်။ကျိုးကြောင်းဆီလျော်မှုမှာလည်း မခိုင်လုံပါဘူး။ တော်တော်များများ
ထောက်ပြ(အဲဒီစာအုပ်နဲ.ပက်သက်လို.)တဲ့နေရာမှာတူညီတဲ့အချက်ကတော့ ဒီစာအုပ်ဟာ စိနပြည်သူတွေ
ကို ကိုယ်စားမပြုဘူးဆိုတာပါပဲ။ ဘယ်လိုပဲဖြစ်ဖြစ် အနောက်နိုင်ငံက စောင့်ကြည့်လေ့လာသူအများစုကတော့
ဒီစာအုပ်ထဲမှာပါဝင်လှုပ်ရှားအသက်ဝင်နေတဲ့ အမေရိကန်ဆန.်ကျင်ရေးစိတ်ဓာတ်ပြင်းထန်လွန်းမှုကို အတော်
လေးကို တုန်လှုပ်သွားကြပါတယ်။ ဒါအပြင်တော်တော်များများက ဒီစာအုပ်ရဲ.နောက်ကွယ်မှာ စိနအစိုးရကကြိုး
ကိုင်မှုရှိနိုင်တယ်လို. သံသယ၀င်ကြတာပါပဲ။ သို.ပေမဲ့ ဟောင်ကောင်အခြေစိုက် Asiaweek စာစောင်ကတော့
အတော်လေးကို မျှမျှတတဖြစ်အောင် ဖော်ပြခဲ့ပါတယ်။စိနလူငယ်အားလုံးက အစွန်းရောက်တရားသေသမား
တွေတော့မဟုတ်ကြပါဘူး။ ဒါပေသိ လွန်ခဲ့တဲ့နှစ် (၁၉၉၅ခုနှစ်)တစ်လျှောက်လုံးကောက်ယူရရှိတဲ့သဘောထား
စစ်တမ်းတွှေရဆိုရင်တော့ စိနပြည်အပေါ်မှာထားရှိတဲ့စ၀ါရှင်တန်ရဲ.သဘောထားတွေကို စိနလူငယ်အများစု
က သိပ်ပြ၊ီးနှစ်ခြိုက်ဟန်မရှိကြဘူးဆိုတာပါပဲ။ ‘ဒါကြောင့် ဒီစာအုပ်( China can say No)ဟာစိနပြည်သူတွေရဲ.
ခံစားမှု၊ခံယူချက်အတော်အတန်ကို ထင်ဟပ်နေတယ်လို.ပြောရ့င်လည်းမမှားတန်ကောင်းပါဘူး …လို.ဖော်ပြရေ
သားခဲ့ပါတယ်။

          ၁၉၉၆ခုနစ်မှာပဲ တောက်လျှောက်ဆိုသလို Why China Says No , China Can Still Say No , China
Can Not only Say No ဆိုတဲ့စာအုပ်တွေကို ထုတ်ဝေလာပါတယ်။ ဒီစာအုပ်တွေဟာ အနည်းနဲအ.များဆိုသလို
ဝါရှင်တန်ရဲ.စိနပေါ်လစီကိုပြင်းပြင်းထန်ထန်တိုက်ခိုက်ရေးသားထားတာချည်းပါပဲ။ထူးတာကတော့ အမေရိကန်
ပြည်ထောင်စုဆန်.ကျင်ဖို.အတွက် စိနအစိုးရကို လေးလေးနက်နက်တိုက်တွန်းရေးသားတင်ပြထားတာတွေပါ။
ဒါအပြင် အဲဒီစာရေးသူတွေဟာ အမေရိကန်ဆန်.ကျင်ရေးအသင်းအဖွဲ.တွေကိုဖွှဲ.စည်းလာကြပါတယ်။ ၁၉၉၆
ခုနှစ်ဒီဇင်ဘာလမှာထုတ်ဝေလိုက်တဲ့ Behind the Demonisation of China ဆိုတဲ့စာအုပ်စိနအမျိုးသားရေး
စိတ်ဓာတ်ဒီရေလှိုင်းလုံးကို အထွတ်အထိပ်ရောက်အောင်လှုံဆော်နိုင်ခဲ့ပါတယ်။ ဒီစာအုပ့်ကထူးခြားပါတယ်။
အမေရိကန်မီဒီယာတွေကိုပြင်းပြင်းထန်ထန်ဝေဖန်ရှုတ်ချထားပါတယ်။ အမေရိကန်အကယ်ဒမီနယ်ပယ်မှာပဲဖြစ်
ဖြစ်၊ လူထုဆက်ဆံရေးမီဒီယာမှာပဲ အဲဒီအမေရိကန်လူထုဆက်ဆံရေးမီဒီယာတွေဟာ စိနပြည်တော်ရဲ.ပုံရိပ်ကို
ပုံပျက်အောင်ပုံဖျက်ပစ်ကြတယ်။ အမေရိကန်ပြည်သူလူထုအမြင်မှာလည်း စိနပြည်ဟာ ရက်စက်ကြမ်းကြုတ်
တဲ့ပုံရိပ်ဖြစ်အောင်အဲဒီမီဒီယာတွေကပဲ ဖျက်လိုဖျက်ဆီးလုပ်နေကြတယ်လို. စွပ်စွဲရေးသားတင်ပြထားတယ်။

          ဒီစာအုပ်တွေဟာ တကယ်လိုများ ခေတ်ပညာတတ်စိနလူငယ်တွေရဲ.ခံစားမှုကိုအတော်အတန်ကိုကိုယ်
စားပြုတယ်ဆိုရင် ၁၉၉၉ခုနှစ်မှာရေးသားထုတ်ဝေတဲ့ China’s Future in the Shadow of Globalisation ဆိုတဲ့စာအုပ်ဟာ စိနခေတ်ပညာတတ်လူငယ်တွေအကြားမှာ သဘောထားပြောင်းလဲစပြုနေပြီလို.သတ်မှတ်
လို.ရနိုင်ပါတယ်။ လူငယ်စာရေးဆ၇ာလေးဦးပူးပေါင်းရေးသားထားတာလည်းဖြစ်ပါတယ်။ ဒီစာအုပ်မှာ စိန
နိုင်ငံခြားရေးမူဝါဒမှာ စိနအမျိုးသားရေးစိတ်ဓာတ်ကို အရေးပါအရာရောက်တဲ့အခန်းကဏ္ဍနဲ.ပေါင်းကူးထားဖို.
အကြံပြုတိုက်တွန်းထားတာကိုတွေ.ရပါလိမ့်မယ်။

          စိနခြိမ်းခြောက်မှုသီအီုရီကြောင့် မျှော်လင့်မထားတဲ့အကျုိးဆက်က စိနပြည်သူတွေဟာ စိနအစိုးရ
ရဲ. နိုင်ငံခြားရေးမူဝါဒ အထူးသဖြင့်တော့ ၀ါရှင်တန်ဆိုင်ရာ ပီကျင်းအစိုးရ၇ဲ. နိုင်ငံခြားရေးမူဝါဒကို သိပ်အားမရ
ကြတာပဲ။အားမလိုအားမရဖြစ်မှုတွေကတိုးပွားလာတယ်။ တစ်ပါတီအာဏာရှင်အစိုးရဖြစ်လင့်ကစား ပီကျင်း
အစိုးရဟာ စိနပြည်သူလူထုရဲ.ဖိအားပေးမှုအတော်အတန်ကို ရင်ဆိုင်ကြရပါတယ်။ စိနပြည်သူလူထုဟာ
ပီကျင်းအနေနဲ.၀ါရှင်တန်ကိုဆက်ဆံတဲ့အခါမှာ ခပ်မာမာခပ်တင်းတင်းဆက်ဆံစေချင်ကြပါတယ်။အဲဒီစိပြည်သူ
ရဲ.အသံတွေ၊တောင်းဆိုမှုတွေ၊ဖိအားပေးမှုတွေကို များသောအားဖြင့် အင်တာနက်စာမျက်နှာပေါ်မှာသာတွေ.ရ
တာပါ။ အဲဒီစာမျက်နှာမှာ အဓိကရေးသားတင်ပြကြတာက ပီကျင်းအနေနဲ. နိုင်ငံခြားရေးမူဝါဒကိုပြန်လည်သုံး
သပ်ဖို.လိုအပ်လာပြီ၊ ဒါအပြင် အခြားအော်တာနေတစ်မဟာဗျူဟာတွေကိုလည်း စဉ်းစားဖို.လိုအပ်လာပြီလို.
တောင်ရေးသားအကြံပြုလာတာတွေကိုတွေ.ရတယ်.။အချို.ဝေဖန်သူများကဘယ်လောက်အထိတောင် စိန
အစိုးရကို ဝေဖန်ပြစ်တင်သလဲဆိုရင် စိနအစိုးရဟာ မှားယွင်းစွပ်စွဲချက်တွေကိုပြန်လည်ဖြေ၇ှင်း၊ရှင်းလင်း
တဲ့နေရာမှာ သိပ်ကိုပျော့လွန်းတယ်။ မပြတ်သားဘူး။ အမှန်တော့ ဒီထက်မတောင် စွပ်စွဲချက်တွေအားလုံး
ခပ်ပြတ်ပြတ်။ ခပ်တင်းတင်း ငြင်းဆိုပယ်ချသင့်တယ်လို.တောင်ပြောယူရတဲ့အထိပါပဲ။ အမည်မဖော်လိုသူ
တစ်ဦး၇ဲ.ဝေဖန်ချက်တစ်ခုမှာ စိနအစိုးရ ခုဆို၇င် လက်ယာဘက်ယိမ်းသယိမ်းလာပြီ။ ပရိုယူအက်စ်မူဝါဒ
လမ်းကြောင်းကိုတောင် ချဉ်းနင်းဝင်ရောက်စပြုနေပြီ။ ဒါအပြင် အမေရိကန်ပြည်ထောင်စုနဲ.ဆက်ဆံရေး
ခိုင်မာတည်ငြိမ်ဖို.အတွက် ကိုးရီးယာကျွန်းဆွယ်၊တောင်တရုတ်ပင်လယ်နဲ.ထိုင်ဝမ်ရေလက်ကြားမှာရှိတဲ့
စိနပြည်တော်ရဲ.အမျိုးသားမဟာဗျူဟာအကျိုးစီးပွားကိုတောင် စတေးပစ်နေပြီလို.တောင် ပြင်းပြင်းထန်ထန်
ဝေဖန်ထောက်ပြခဲ့တယ်။ ၂၀၀၁ခုနှစ်မှာ ဖြစ်ခဲ့တဲ့ သူလျှိုလေယာဉ်အရေးအခင်းမှာလည်း ပြည်တွင်းမှာရှိတဲ့
အမျိုးသားရေးဝါဒီအချို. စိနအစိုးရရဲ.ကိုင်တွယ်မှုဟာ သူရဲဘောင်ကြောင်လွန်းတယ်အဆင့်ကိုတောင်ရောက်
နေပြီလို.တောင် သရော်ခဲ့ရတဲ့အထိဖြစ်ခဲ့ပါတယ်။ စိနပြည်မှာ အမျိုးသားရေးစိတ်ဓာတ်ပြင်းထန်လွန်းခြင်းဟာ
ရှည်လျားတဲ့သမိုင်းကြောင်းအရဖြစ်သလို ၊စိနခြိမ်းခြောက်မှုသီအိုရီကြောင့်လည်း (an unintended consequence of the China threat allegation)ဖြစ်နိုင်ပါတယ်။ Ezra Vogal ဆိုတဲ့ စိနရေးရာကျွမ်းကျင်သူ
တစ်ဦးပြောခဲ့တာကလည်း မှတ်သားစ၇ာပါပဲ။မူရင်းအတိုင်းဖော်ပြလိုက်ပါတယ်။

/ Many Chinese, even with increasing access to outside information, are becoming more
Anti –American. They admire the openness of America, the opportunities it provides to
Learn and to make money, but they are patriotic and are increasingly convinced that the
United States is trying to contain China…They ask me why US officials and members of
Congress  are so anti-Chinese .They find it hard to believe that the pinpointed target
Bombing of the part of their Yugoslav Embassy with the most sophisticated electronic
Equipment was an accident .Why are so many US spy planes flying so near to China?
…Why is the United States so suspicious of Chinese –Americans? Why do so many in
Congress want to keep us from holding the Olympics? Don’t they see that if we hold
The games it will strengthen our desire for positive international cooperation?

(Ezra F.Vogel, Courting the People of China, The Washington Post,14 May 2001)
ဆက်လက်ဖော်ပြပါမည်

ရိုသေစွာဖြင့်
ကိုဇန်
http://www.danwei.org/nationalism/godfathers_of_todays_angry_you.php