31.10.2011 နေ့ဖတ်ရန်သတင်းများ
by Myanmar Journal on Monday, October 31, 2011 at 7:28am
KNU နဲ့ အစိုးရအကြား ဆွေးနွေးဖို့ ကြိုးပမ်းနေ
KNU က ကိုယ်စားလှယ် စေလွှတ်ဖို့ အထိကို ဆွေးနွေးနေတာ ဖြစ်ကြောင်း သိရ
ကရင်အမျိုးသား အစည်းအရုံး KNU နဲ့ အစိုးရအကြား ငြိမ်းချမ်းရေး ဆွေးနွေးဖို့ ကြိုးပမ်းမှုတွေ ရှိနေတယ်ဆိုတဲ့ သတင်း တွေ ထွက်ရှိနေပါတယ်။
KNU ဘက်ကို မြန်မာ အစိုးရ ဘက်ကနေ စက်တင်ဘာလမှာ တကြိမ်၊ အောက်တိုဘာ လမှာ တကြိမ် လာဆက်သွယ်တာရှိတယ်လို့ သိရကြောင်း ဘီဘီစီ သတင်းထောက် ကိုအောင်ကျော်ဦးက ပြောပါတယ်။
ဒီအတွက် KNU ဗဟိုကော်မတီ အတွင်းမှာ ဆွေးနွေးမှုတွေ ရှိနေပြီး၊ KNU ကနေ ကိုယ်စားလှယ်အဖွဲ့ တဖွဲ့ စေလွှတ်ဖို့ အထိကို ဆွေးနွေးနေတာဖြစ်ကြောင်း သိရတယ်လို့ ဆိုပါတယ်။
အစိုးရနဲ့ ဆွေးနွေးတဲ့နေရာမှာ ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီ UNFC နဲ့ ပဲဆွေးနွေးမယ်ဆိုတဲ့ မူရှိပေမယ့်လည်း အစိုးရဘက်က တဖွဲ့ချင်း အနေနဲ့ပဲ ဆွေးနွေးချင်နေတာဖြစ်လို့ ပဏာမအနေနဲ့ တွေ့ဆုံဖို့ လုပ်နေတာ ဖြစ်နိုင်ကြောင်း ကိုအောင်ကျော်ဦး ပြောပါတယ်။
ငြိမ်းချမ်းရေးအတွက် နှစ်ဘက် ကြိုးစားနေတဲ့ အခြေအနေမျိုး ဖြစ်ပေမယ့်လည်း နှစ်ဘက် စလုံးက အခွင့်အရေးရရင် ရသလို တိုက်နေတာတွေ ရှိနေတယ်လို့ လည်း ကိုအောင်ကျော်ဦးက ပြောပါတယ်။
ဆန္ဒပြပြီး မငြိမ်မသက်မှုတွေ ဖြစ်ခဲ့တယ် ဆိုတာကို တော့ ရှင်ဝှါက မပြောပါ
တရုတ်နိုင်ငံ ဟီနန် ပြည်နယ်မှာ ရဲတဦးမောင်းလာတဲ့ ကားနဲ့တိုက်မိလို့ လူငါးဦး သေဆုံးသွားခဲ့ပြီးတဲ့နောက် အကြမ်းဖက် ကန့်ကွက်ဆန္ဒပြမှု တခု ဖြစ်ပွားခဲ့တယ်လို့ နိုင်ငံ အလယ်ပိုင်းက လာတဲ့ သတင်းတွေက ဆိုပါတယ်။
တရုတ်နိုင်ငံ တရားဝင် သတင်း အေဂျင်စီ ရှင်ဝှါကတော့ အရက်သောက်ထားပြီး အရှိန်ရနေတဲ့ ရဲတဦး ကားမောင်းလာရာမှာ ကားကို မထိန်းနိုင်ဖြစ်သွားခဲ့တာ ဖြစ်တယ်လို့ ပြောပါတယ်။
ဒါပေမယ့်လို့ ဆန္ဒပြပြီး မငြိမ်မသက်မှုတွေ ဖြစ်ခဲ့တယ်ဆိုတာကိုတော့ ရှင်ဝှါက ထုတ်ဖေါ် ပြောကြားခြင်း မရှိပါဘူး။
ကားတိုက်လို့ သေဆုံးသွားခဲ့ သူတွေရဲ့ အလောင်းကို ဖယ်ရှားဖို့ လုပ်နေတဲ့ ရဲတွေကို လူပေါင်းရာနဲ့ချီ စုဝေးရောက်လာပြီး တားဆီးခဲ့ကြတယ်လို့ မျက်မြင်တွေ့ရှိခဲ့သူတွေက ပြောပါတယ်။
လူအုပ်ကြီးက အလောင်းတင်ကားတွေနဲ့ ရဲကားကို ရိုက်ခွဲပြီး ပက်လက်လှန်ခဲ့ ကြတယ်လို့ ဆိုပါတယ်။
မြန်မာ နိုင်ငံက ၂၀၁၄ မှာ အာဆီယံ ဥက္ကဌ နေရာ မှာ တာဝန် ထမ်းဆောင်ရေးနဲ့ ပတ်သက်ပြီး မြန်မာ နိုင်ငံ ကို ရောက်ရှိ နေတဲ့ အင်ဒိုနီးရှား နိုင်ငံ ခြားရေး ဝန်ကြီး မာတီ နာတာလေဂါဝါ ဟာ စနေနေ့က မြန်မာ အစိုးရ ခေါင်း ဆောင်တွေနဲ့ တွေ့ဆုံ ခဲ့ပါတယ်။
သူဟာ သမ္မတ ဦးသိန်းစိန် နဲ့ နေပြည်တော်မှာ တွေ့ဆုံ အပြီး ရန်ကုန်မြို့ ကို ပြန်လာပြီး မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည် နဲ့လဲ တွေ့ဆုံ ခဲ့ပါတယ်။
အင်ဒိုနီးရှား နိုင်ငံ ကတော့ လက်ရှိ ၁၀ နိုင်ငံ ပါဝင် တဲ့ အာဆီယံ အဖွဲ့ရဲ့ အလှည့်ကျ ဥက္ကဌ ဖြစ်ပါတယ်။ လာမဲ့ ၂၀၁၄ ခုနှစ်မှာ အာဆီယံ ဥက္ကဌ နေရာကို လောနိုင်ငံက အလှည့်ကျ ထမ်းဆောင် ရမှာ ဖြစ်ပေမယ့် မြန်မာ နိုင်ငံက တာဝန်ယူဖို့ ကမ်းလှမ်း ထားတာ ဖြစ်ပါတယ်။ ပြီးခဲ့တဲ့ ၂၀၀၆ ခုနှစ်က မြန်မာ နိုင်ငံ ဥက္ကဌ လုပ်ရမှာ ဖြစ်ပေမယ့် အဆင်သင့် မဖြစ်သေးဘူးဆိုပြီး မလုပ်ဖြစ် ခဲ့တာပါ။
အခုတော့ မြန်မာ နိုင်ငံမှာ နိုင်ငံရေး အခြေအနေ ပြောင်းလဲ မှုတွေ တွေ့လာ နေရသလို အစိုးရက လဲ အတိုက်အခံ တွေ နဲ့ ဆက်ဆံ မှုတွေ ရှိလာတာကို တွေ့ရပါတယ်။
တောင် ဆူဒန် သမ္မတ နိုင်ငံ က ရေနံ သယံဇာတ ကြွယ်ဝတဲ့ ယူနတီ ပြည်နယ် ထဲက မြို့တမြို့ ကိုတော့ သူပုန် တွေက တိုက်ခိုက် ခဲ့တဲ့ အတွက် လူပေါင်း ၇၅ ဦးထက် မနည်း သေဆုံး သွားပါတယ်။
ဒီတိုက်ခိုက် မှုဟာ ပြီးခဲ့တဲ့ ဇူလိုင် လ က လွတ်လပ် ရေး ရပြီး နောက်ပိုင်း မှာ အဆိုး ဝါးဆုံး တိုက်ခိုက် ခံရ မှုလဲ ဖြစ်ပါတယ်။ စစ်တပ် ဘက်က ပြောရေး ဆိုခွင့် ရသူကတော့ ဒီသေဆုံး ခဲ့ရသူ တွေထဲမှာ အရပ်သား ၁၅ ဦးလဲ ပါဝင် တယ်လို့ ဘီဘီစီကို ပြောပါတယ်။
တောင်ဆူဒန် လွတ်မြောက်ရေး တပ်လို့ ခေါ်တဲ့ သူပုန်တွေ ဘက်ကတော့ မာယွန်ဆိုတဲ့ မြို့ကို ထိန်းချုပ် ထားလိုက် နိုင်ပြီလို့ ဆိုနေပေမယ့် အတည်ပြု လို့တော့ မရပါဘူး။
အရင် သူပုန် တဖြစ်လဲ တောင်ဆူဒန် အစိုးရ အဖွဲ့ဟာ သူပုန် အဖွဲ့ တချို့နဲ့ သဘော တူညီ မှုတွေ ရခဲ့ ပြီးဖြစ် ပေမယ့် တချို့ အဖွဲ့တွေက တော့ သူတို့ကို ဆန့်ကျင် နေကြဆဲ ပဲဖြစ် ပါတယ်။ အဲဒီ အဖွဲ့တွေက သူတို့ တွေဟာ အကျင့် ပျက်မှု နဲ့ ဖွံ့ဖြိုးမှု နည်းပါး နေတာ တွေ ကို ဆန့်ကျင် တိုက်ခိုက် နေကြတာ လို့ ဆိုပါတယ်။
ထိုင်းနိုင်ငံ မြို့တော် ဘန်ကောက်မှာတော့ ရေကြီးနေတာ သတင်းတစ်ပတ်လောက်ရှိ နေပြီး တနင်္ဂနွေနေ့ ဒီရေတက်ချိန်မှာ ရေထပ်တက်မလား စိုးရိမ်နေကြပါတယ်။
ထိုင်းဝန်ကြီးချုပ် ယင့်လတ် ရှင်နာဝပ်ကတော့ ရေတွေ မကြာခင် ပြန်ကျတော့မယ်လို့ ဆိုပါ တယ်။
ဘန်ကောက်ကို ဖြတ်စီးတဲ့ ကျောက်ဖုရား မြစ်ရေတွေလည်း စနေနေ့တုန်းကတော့ သဲအိတ်တွေ တမံတွေကို ကျော်နိုင်တယ်လို့ ထင်ခဲ့ကြပေမယ့် ရေက ကျော်မလာဘူးလို့ သိရပါတယ်။ မြို့လယ်ကောင်ကိုလည်း ရေမဝင်သေးပါဘူး။ ရေတက်လာရင်လည်း ရေတားနိုင်ဖို့ သဲအိတ်တွေနဲ့ အကာအကွယ် လုပ်ထားပါတယ်။
ဒါပေမယ့် ပင်လယ်ဒီရေတက်ချိန်မှာ ရေတက်လာမလားဆိုပြီး လူတွေက စိုးရိမ်နေကြ ပါတယ်။
မြို့ရဲ့ မြောက်ဘက်ပိုင်းနေ လူတွေကတော့ ရင်ခေါင်းလောက် ရှိတဲ့ ရေတွေထဲကို ဖြတ်ရင်း အခုချိန်ထိ အိမ်ထောင်ပရိဘောဂတွေ၊ တီဗီစက်တွေ၊ ခွေးတွေ ကြောင်တွေကအစ သယ်ယူပြီး မြေမြင့်ရောတွေကို ပြောင်းရွေ့နေကျဆဲ ဖြစ်ပါတယ်။
ရေမတက်သေးတဲ့နေရာကလူတွေလည်း စိုးရိမ်မှုတွေနဲ့ ပြောင်းရွှေ့နေကြပါတယ်။
တချို့ မပြောင်းပဲ နေကြသူတွေကလည်း ရသမျှရိက္ခာတွေကို စုဆောင်းနေကြပါတယ်။ ရေသန့်ပူးကအစ ကြက်ဥဘဲဥအဆုံး စုဆောင်းနေကြပါတယ်။
ပစ္စည်းဝယ်ဖို့ ငွေပြတ်နေကြသူတွေလည်း ရှိပါတယ်။ ဘာဖြစ်လို့လဲဆိုတော့ ရေကြီးမှုကြောင့် ထိုင်းနိုင်ငံတွင်းက ဘဏ်ခွဲတွေ စုစုပေါင်း လေးရာ နီးပါးလောက် ပိတ်ထားရပါတယ်။
ရေဘေးအတွက် အစိုးရက အကူအညီပေးနေသလို နိုင်ငံတကာဘက်က ကူညီနေမှုမှာ အမေရိကန်လည်း ပါဝင်ပြီး အမေရိကန် စစ်သားတွေဟာ ရိက္ခာတွေ ဝေပေးနေသလို ရေကြီးမှု အဆိုးဆုံးဖြစ်တဲ့ နေရာတွေကိုလည်း အမေရိကန် ရဟတ်ယာဉ်တွေက သွားရောက် လေ့လာနေပါတယ်။
အနောက်အုပ်စု အင်အားကြီး နိုင်ငံတွေ အနေနဲ့ ဆီးရီယား ပြည်တွင်းရေးကို ဝင်ရောက် မစွက် ဖက်ဖို့ ဆီးရီးယား သမ္မတ ဘာရှား အဲလ် အာဆတ်က သတိပေး ပြောကြားလိုက် ပါတယ်။
အနောက် နိုင်ငံတွေကြောင့် အရှေ့အလယ်ပိုင်း ဒေသ တခုလုံး မီးလောင်ပြာကျသွားနိုင် တယ်လို့ သမ္မတအာဆတ်က ပြောပါတယ်။
ဗြိတိသျှ သတင်းစာ တစောင်ကို ပြောကြားရာ မှာ သမ္မတ အာဆတ်က အနောက်နိုင်ငံတွေရဲ့ ဝင်ရောက် စွက်ဖက်မှုဟာ အာဖဂန်မှာလိုမျိုး နောက်ထပ် ပဋိပက္ခ တခုကို ထပ်ဖြစ်စေနိုင် တယ်လို့ ပြောပါတယ်။
အစိုးရ ဆန့်ကျင် ဆန္ဒပြသူတွေက ဆီးရီးယားအပေါ် လေယာဉ် မပျံသန်းရဇုန် သတ်မှတ်ဖို့ တောင်းဆိုမှုတွေ ထွက်လာပြီးနောက် သမ္မတက အခုလို ပြောကြားခဲ့တာ ဖြစ်ပါတယ်။
ပြုပြင်ပြောင်းလဲမှုတွေကြောင့် ဆန္ဒပြမှုတွေဟာ သူ့အစိုးရကို ထောက်ခံတဲ့ အသွင် ပြောင်းလဲ လာပြီ ဖြစ်တယ်လို့လည်း သူကပြောပါတယ်။
အာဖဂန် နစ္စတန် နိုင်ငံက ကာဘူး မြို့တော် မှာ တော့ အသေခံ ကားဗုံးခွဲ တိုက်ခိုက်မှု တခု ကြောင့် နေတိုး ဦးဆောင် တဲ့ နိုင်ငံ တကာ တပ်ဖွဲ့ အိုင်ဆက်ဖ် ရဲ့ တပ်ဖွဲ့ဝင် ၁၃ ဦး သေဆုံး သွား ခဲ့ရ ပါတယ်။
အိုင်ဆက်ဖ် က ဒီ သေဆုံး ခဲ့ရသူ တွေထဲမှာ အရပ်သား ၈ ဦးနဲ့ စစ်သည် ၅ ဦး ပါဝင်တယ်လို့ ဆိုပါတယ်။ အဲဒီ သေဆုံး ခဲ့ရသူ တွေထဲက အများစု ဟာ အမေရိကန် တွေ ဖြစ်တယ်လို့ လဲ သိရပါတယ်။
ကာဘူး မြို့တော်ရဲ့ မြို့စွန်မှာ အခုလို နေတိုးရဲ့ ဘတ်စ် ကားကို အသေခံ တိုက်ခိုက် ခဲ့ရာမှာ အာဖဂန် ရဲတပ်ဖွဲ့ ဝင် တဦးနဲ့ အရပ်သား ၃ ဦးလဲ အသက် ဆုံးရှုံး ခဲ့ရ ပါတယ်။
တာလီဘန် တွေက ဒီတိုက်ခိုက် မှုကို သူတို့ လုပ်ခဲ့တာ ဖြစ်တယ်လို့ ဆိုပါတယ်။ အမေရိကန် တာဝန်ရှိသူတွေ ကတော့ ဒီကိစ္စ အတွက် တာဝန် ရှိသူတွေကို လိုက်လံ ခြေမှုန်း သွားမယ်လို့ ဆိုပါတယ်။
လုပ်ငန်းတွေဆောင်ရွက်ရာမှာ စုံမခုန်ဘူး၊ ရပ်လည်းမနေဘူးလို့ ဦးအောင်ကြည်ပြော
မြန်မာ့ ဒီမိုကရေစီရေး ခေါင်းဆောင် ဒေါ်အောင်ဆန်း စုကြည်နဲ့ ပြည်ထောင်စု ဝန်ကြီး ဦးအောင်ကြည်တို့ ဟာ တနင်္ဂနွေ နေ့ နေ့လယ်က စတုတ္တ အကြိမ်မြောက် တွေ့ဆုံ ဆွေးနွေးခဲ့ ကြပါတယ်။
ရန်ကုန်မြို့ စိမ်းလဲ့ကန်သာ ဧည့်ဂေဟာမှာ ပြုလုပ်ခဲ့တဲ့ ဒီတွေ့ဆုံဆွေးနွေးပွဲမှာ လွတ်လပ်စွာ ကူးသန်းရောင်းဝယ်ခွင့်နဲ့ ငွေကြေးလည်ပတ် စီးဆင်းမှုဆိုင်ရာ စီးပွားရေးကိစ္စ၊ ပြည်တွင်း ငြိမ်းချမ်းမှု ထာဝရ ဖြစ်ထွန်းရေးနဲ့ လွတ်ငြိမ်း ချမ်းသာခွင့် ဆိုင်ရာ ကိစ္စရပ်တွေကို ဆွေးနွေးခဲ့ တယ်လို့ ဆွေးနွေးပွဲ အပြီး သတင်း ထုတ်ပြန်ပါတယ်။
ဆွေးနွေးပွဲအပြီး သတင်းစာရှင်းလင်းပွဲမှာ NLD အမျိုးသား ဒီမိုကရေစီအဖွဲ့ချုပ် အနေနဲ့ မှတ်ပုံပြန်တင်မယ့် အခြေအနေ ရှိပါသလားဆိုတဲ့ သတင်းထောက် တဦးရဲ့ အမေးကိုတော့ ဒေါ်အောင်ဆန်းစုကြည်က မှတ်ပုံတင်ခြင်းဆိုင်ရာ ဥပဒေ ပြောင်းလဲမှု အတည်ဖြစ်လာတဲ့ အချိန်မှာ ဒီကိစ္စကို NLD က အစည်းအဝေးထိုင် ဆုံးဖြတ်မှာ ဖြစ်တယ်လို့ ပြောပါတယ်။
တခါ အစိုးရအနေနဲ့ နိုင်ငံရေး အကျဉ်းသားတွေ ထပ်လွှတ်ပေးဖို့ အစီအစဉ် ရှိမရှိ ဆိုတဲ့ သတင်းထောက် တဦးရဲ့ အမေးကို ပြည်ထောင်စုဝန်ကြီး ဦးအောင်ကြည်က အစိုးရ အနေနဲ့ လုပ်ငန်းတွေ ဆောင်ရွက်ရာမှာ စုံလည်း မခုန်ဘူး၊ ရပ်လည်း မနေဘူး၊ တလှမ်းချင်း ဆောင်ရွက်နေတယ်ဆိုပြီး တုံ့ပြန် ပြောဆိုသွားပါတယ်။
အရင် ဆွေးနွေးပွဲတွေတုန်းကလည်း ဆွေးနွေးတဲ့ ကိစ္စရပ်တွေလောက်သာ နှစ်ဖက် ထုတ်ဖေါ် ပြောဆို ခဲ့သလို အခု ဒီဆွေးနွေးပွဲနဲ့ ပတ်သက်လို့လဲ ဘာမှ အသေးစိတ် ထုတ်ဖေါ် ပြောဆို သွားခြင်း မရှိပါဘူး။
အစိုးရဘက်က တလှမ်းချင်း လှမ်းပြီး လုပ်ငန်းတွေ ဆောင်ရွက်နေပါတယ်လို့ သတင်းစာ ရှင်းလင်းပွဲမှာ ဦးအောင်ကြည်က ပြောသွားသလို ဒေါ်အောင်ဆန်းစုကြည်တို့ NLD ဖက်ကို ကြည့်မယ်ဆိုရင်လည်း ပါတီ မှတ်ပုံတင်ရေး မတင်ရေး စဉ်းစားမှုတွေ ရှိနေတဲ့အတွက် NLD အနေနဲ့ ပြုပြင် ပြောင်းလဲရေး အတွက် ခြေလှမ်းတွေ စလှမ်းနေပြီလို့ ယူဆရကြောင်း ဗဟု ဖွံ့ဖြိုး တိုးတက်ရေး အဖွဲ့က ဦးအောင်သူငြိမ်းက သုံးသပ်ပါတယ်။
ရေဘေးဒဏ် ကာကွယ်နိုင်မယ့်အရေး ထိုင်းဝန်ကြီးချုပ် အကောင်းမြင်
By ဗွီအိုအေ (မြန်မာဌာန)
Bangkok residents wade through deep floodwaters in Bangkok, Thailand, Sunday, Oct. 30, 2011. Thailand's prime minister is expressing optimism that Thailand's worst flooding in a half-century will mostly spare Bangkok. (AP Photo/Sakchai Lalit)
ထိုင်းနိုင်ငံမှာ ဖြစ်ပွားနေတဲ့ ပြီးခဲ့တဲ့ ဆယ်စုနှစ်တွေအတွင်း အဆိုးရွားဆုံး ရေလွှမ်းမိုးမှုကြောင့် ဘန်ကောက်မြို့တော်အနေနဲ့ နောက်ထပ် ဘယ်လို ပျက်စီးဆုံးရှုံးမှုကိုမဆို ကာကွယ်တားဆီးနိုင်လိမ့်မယ်လို့ ထိုင်းဝန်ကြီးချုပ် ယင်းလပ် ရှင်နာဝပ်က ဒီကနေ့ အကောင်းမြင် ပြောဆိုလိုက်ပါတယ်။ ဒီကနေ့ ဘန်ကောက်မြို့ တော်က ရေမြောင်းတချို့ ရေပြည့်ရေလျှံ ဖြစ်နေချိန်မှာပဲ ၀န်ကြီးချုပ်ယင်းလပ်က ဒီအရေးမှာ ထိုင်းနိုင်ငံသားတွေအနေနဲ့ အစိုးရရဲ့ ကိုင်တွင်ဖြေရှင်းနိုင်မှု အရည်အချင်းအပေါ် ယုံကြည်မှုရှိကြဖို့ ပြောဆိုလိုက်ပါတယ်။
စနေနေ့က ဘန်ကောက်ရဲ့ မြောက်ဘက်ရပ်ကွက်တွေနဲ့ ပတ်ဝန်းကျင်ကျေးလက်ဒေသတွေ သုံးပုံတစ်ပုံဟာ ရေအောက်မှာ နစ်မြှုပ်နေကြပါတယ်။ ထိုင်းပင်လယ်ကွေ့က ရေလှိုင်းကြီးတွေက ဘန်ကောက်မြို့ထဲက ကျောက်ဖယားမြစ်ထဲကို ရေတွေအလုံးအရင်းနဲ့ ရိုက်တင်နေတာကြောင့် ကျောက်ဖယားမြစ်ကမ်းဒေသ တ၀ိုက်မှာ တနင်္လာနေ့အထိ ရေတွေတင်နေဦးမှာ ဖြစ်ပါတယ်။
ဘန်ကောက်မြို့လယ်က အဆောက်အဦးတွေမှာတော့ သဲအိတ်တွေ ပတ်ပတ်လည်ကာရံထားကြပေမဲ့ ဘန်ကောက်ရဲ့ အထင်ကရ ဘုရင့်နန်းတော်တ၀ိုက်နဲ့ ကမ္ဘာလှည့်ခရီးသည်တွေ လည်ပတ်ရာနေရာတွေမှာ လျှံတက်လာတဲ့ ကျောက်ဖယားမြစ်ရေတွေ ရောက်ရှိနေပါပြီ။
ဘန်ကောက်မြို့သူမြို့သားတွေ ထောင်သောင်းချီပြီး ရရာ ယာဉ်၊ ရထား၊ ကားတွေနဲ့ မြို့ကြီးကို စွန့်ခွာပြီး မြေမြင့်ပိုင်း မြို့တောင်ဘက်ကို ရှေ့ရှုသွားနေကြတာမှာ ၀ါးဖေါင်တွေပါဖွဲ့ပြီး ခရီးနှင်နေကြတာကို တွေ့နေကြရပါတယ်။ နှစ်ငါးဆယ်အတွင်း အဆိုးရွားဆုံး ရေလွှမ်းမိုးမှုဟာ ထိုင်းနိုင်ငံမှာ ပြီးခဲတဲ့ ဇူလိုင်လက စတင်ဖြစ်ပေါ်လာခဲ့ပြီး တရားဝင်ထုတ်ပြန်ချက်တွေအရ ခုချိန်ထိ ရေလွှမ်းမိုးမှုကြောင့် သေဆုံးသူ ၃၈၀ ကျော် ရှိခဲ့ပါပြီ။
NLD မှတ်ပုံတင်နိုင်ဖွယ်ကိစ္စ တုံ့ပြန်ချက်များ
By မသိင်္ဂီထိုက်
NLD ပါတီ ပြန်လည် မှတ်ပုံတင်ခဲ့မယ်ဆိုရင် နိုင်ငံရေးအရ ပိုပြီး လုပ်ဆောင်လာနိုင် လိမ့်မယ်လို့ ယူဆနေကြသလို တဘက်ကလည်း ဒီအချိန်မှာ ပြန်ပြီး မှတ်ပုံတင်လိုက်ရင် မြန်မာ့ဒီမိုကရေစီပန်းတိုင်က ပိုပြီးများ ဝေးကွာသွားလေမလား ဆိုပြီး စိုးရိမ်မှုတချို့ ရှိနေကြပါတယ်။ ဒေါ်အောင်ဆန်းစုကြည်ကတော့ လွှတ်တော်က ပြင်ဆင်လိုက်တဲ့ ပါတီမှတ်ပုံတင် ဥပဒေ ထွက်လာရင် ပါတီ မှတ်ပုံတင်မယ် မတင်ဘူးဆိုတာကို ယတိပြတ် ဆုံးဖြတ်မယ်ဆိုပြီး အောက်တိုဘာလ ၃၀ ရက်နေ့က ပြောဆိုလိုက်တာပါ။ ဒီအပေါ်မှာ မြန်မာ့နိုင်ငံရေး အသိုင်းအ၀ိုင်းရဲ့ သဘောထား အမြင်က ဘယ်လိုရှိသလဲ ဆိုတာကိုတော့ မသိင်္ဂီထိုက်က ဆက်သွယ် မေးမြန်းထားပါတယ်။
အမျိုးသားဒီမိုကရေစီအဖွဲ့ချုပ် NLD ပါတီရဲ့ အထွေထွေ အတွင်းရေးမှူး ဒေါ်အောင်ဆန်းစုကြည်က ပါတီမှတ်ပုံတင်ရေး မတင်ရေးက အသစ်ပေါ်ထွက်လာမယ့် ပါတီမှတ်ပုံတင်ခြင်း ဥပဒေပေါ်မှာ မူတည်တယ်လို့ ပြည်ထောင်စုဝန်ကြီး ဦးအောင်ကြည်နဲ့ တနင်္ဂနွေနေ့မှာ တွေ့ဆုံအပြီးမှာ ပြောဆိုလိုက်ပါတယ်။
ပြည်သူ့လွှတ်တော် ကိုယ်စားပြုကော်မတီ (CRPP) ကတော့ NLD အနေနဲ့ နိုင်ငံရေး ပါတီအဖြစ် တရားဝင် ပြန်ပြီး မှတ်ပုံတင်ခဲ့မယ်ဆိုရင် နိုင်ငံရေးလှုပ်ရှားမှုတွေကို ပိုပြီး ကျယ်ကျယ်ပြန့်ပြန့် လုပ်ဆောင်လာနိုင် လိမ့်မယ်လို့ ယူဆပါတယ်။ ဒေါ်အောင်ဆန်းစုကြည်နဲ့ အစိုးရ တွေ့ဆုံဆွေးနွေးမှုကနေ နိုင်ငံရေး အကျဉ်းသား လွတ်ငြိမ်းချမ်းသာခွင့်လိုမျိုး၊ ပါတီ တရားဝင်မှတ်ပုံတင်ရေးလို ကိစ္စမျိုးတွေ ပြောဆို ဆွေးနွေးမှုတွေက မှန်ကန်တဲ့ နိုင်ငံရေး အလှည့်အပြောင်းတစ်ခု ဖြစ်လာလိမ့်မယ်လို့လည်း ယူဆတဲ့အကြောင်း CRPP ရဲ့ အတွင်းရေးမှူး ဦးအေးသာအောင်က ပြောပါတယ်။
“မှတ်ပုံတင်ခြင်းအားဖြင့် ပါတီရဲ့လုပ်ငန်းတွေ၊ စည်းရုံးရေးလုပ်ငန်းတွေ ဒီထက်ပိုပြီး ကျယ်ကျယ်ပြန့်ပြန့် လုပ်နိုင်မယ်လို့တော့ NLD ရဲ့ ခေါင်းဆောင်ပိုင်းတွေက ပြောတာတွေလည်း ကြားဖူးပါတယ်။ ဒီအပေါ်မှာတော့ ကျနော်တို့ကလည်း ဒီလို အပေးအယူလုပ်တယ်။ တဘက်နဲ့တဘက် အပြန်အလှန် ယုံကြည်မှုတွေ ရှိလာတယ်ဆိုရင် ပါတီမှတ်ပုံတင်တာကတော့ ကောင်းမယ်လို့ ထင်ပါတယ်။ ဒါကို ကျနော်တို့ အခုလာမယ့် လဆန်းမှာ ပြုလုပ်မယ့် အစည်းအဝေးမှာ ဒါတွေကိုလည်းပဲ ဆွေးနွေးသွားဖို့ရှိပါတယ်။ NLD က အကြောင်းအမျိုးမျိုးကြောင့် မှတ်ပုံတင်တာတွေ လုပ်လာမယ်၊ တရားဝင်ပါတီအဖြစ် ရပ်တည်လာမယ် ဆိုရင်တော့ ကျနော်တို့ ပြန်လည် သုံးသပ်တဲ့လုပ်ငန်းတွေကိုလည်း CRPP မှာလည်း လုပ်ဖို့ရှိပါတယ်။”
အမျိုးသားဒီမိုကရေစီအဖွဲ့ချုပ် NLD အနေနဲ့ တရားဝင်ပါတီအဖြစ် ပြန်လည် မှတ်ပုံတင်ဖို့အတွက် ပါတီခေါင်းဆောင်ပိုင်းက ဆုံးဖြတ်မယ်ဆိုရင် ပြည်ပအခြေစိုက် အမျိုးသားဒီမိုကရေစီအဖွဲ့ချုပ် လွတ်မြောက်နယ်မြေ (NLD-LA) အနေနဲ့ ကန့်ကွက်စရာ မရှိဘူးလို့ NLD-LA ရဲ့ ဥက္ကဋ္ဌ စစ်ကိုင်းတိုင်း ယင်းမာပင်မြို့နယ် မဲဆန္ဒနယ်အမှတ် (၁) ပြည်သူ့ကိုယ်စားလှယ် ဦးဘိုသောင်းက ပြောပါတယ်။
“အဖွဲ့ချုပ်ဗဟိုကနေ ဆုံးဖြတ်ဆောင်ရွက်တာကို ကျနော်တို့ကတော့ လိုက်နာဆောင်ရွက်မှာ ဖြစ်တယ်လေ။ ကျနော်တို့မြင်တာကတော့ နိုင်ငံရေးပါတီရယ်လို့ဖြစ်လာရင်တော့ နိုင်ငံရေးလုပ်ငန်းတွေ ဆောင်ရွက်ဖို့၊ နိုင်ငံရေးအာဏာ ရယူဖို့၊ နိုင်ငံရေးအာဏာ ရယူမှ ကိုယ်လိုချင်တဲ့လူထုအတွက် ဒီမိုကရေစီနဲ့ လူ့အခွင့်အရေးကို ကျနော်တို့က ဆောင်ကြဉ်းနိုင်မှာ ဖြစ်တာကိုး။ အထဲက ခေါင်းဆောင်မှုဖြစ်တဲ့ ဗဟိုအလုပ်မှုဆောင်အဖွဲ့ ရှိတယ်၊ ဗဟိုအလုပ်မှုဆောင် ကော်မတီဝင်တွေ ရှိတယ်။ မြို့နယ်အသီးသီးက ခေါင်းဆောင်တွေ ရှိတယ်။ အဲဒီလို အားလုံးရဲ့ သဘောတူဆန္ဒနဲ့အညီ ဆုံးဖြတ်ဆောင်ရွက်ကြလိမ့်မယ်လို့ ကျနော်တို့ အလေးအနက် ယုံကြည်တဲ့အတွက် တရားဝင် နိုင်ငံရေးပါတီအဖြစ် မှတ်ပုံတယ်မယ်ဆိုတဲ့ ကိစ္စကိုတော့ ကျနော်တို့အနေနဲ့ ကန့်ကွက်စရာမရှိဘူးလို့ ကျနော် ပြောချင်ပါတယ်။
“အဲဒီတော့ ကျနော်တို့က NLD လွတ်မြောက်နယ်မြေသည် ကျနော်တို့ ရှိနေခြင်းက အကျိုးရှိမလား၊ အကျိုးယုတ်စေနိုင်မလား။ အကျိုးယုတ်စေနိုင်မယ်ဆိုရင်တော့ ကျနော်တို့က အားလုံးရဲ့ ညှိနှိုင်းဆောင်ရွက်မှုနဲ့ NLD-LA ရှိသင့်မသင့်၊ ဆက်ပြီး ဆောင်ရွက်သင့်မသင့် ကျနော်တို့ ၀ိုင်းဝန်းဆုံးဖြတ်သွားကြရမှာ ဖြစ်တယ်လေ။ သို့သော်လည်း ကျနော်တို့ကတော့ NLD-LA က ယခင်ကလည်း မိခင် NLD ဆောင်ရွက်နိုင်တဲ့ ကိစ္စပေါ့။ ဥပမာ - ဒီဘက်မှာ တိုင်းရင်းသား လက်နက်ကိုင်အဖွဲ့တွေနဲ့ ကျနော်တို့က နီးနီးကပ်ကပ် ပူးပေါင်းဆောင်ရွက်နိုင်တယ်။ ကျနော်တို့နဲ့ သူတို့ကြားမှာ နားလည်မှုတွေ တည်ဆောက်နိုင်တယ်။ အလုပ်တွေ အတူတူလုပ်နိုင်တယ်။ ဒီဟာတွေအတွက်တော့ ကျနော်တို့က NLD-LA က ရှိဖို့လိုအပ်တယ်ဆိုရင်တော့ ဆက်ရှိနေဦးမှာပဲ။”
NLD အနေနဲ့ ပါတီ မှတ်ပုံတင်ရေး မတင်ရေး ဆုံးဖြတ်တာမှာ လက်ရှိ နိုင်ငံရေး အကျဉ်းသားအရေး၊ တိုင်းရင်းသားအရေးနဲ့ စစ်မှန်တဲ့ တွေ့ဆုံဆွေးနွေးရေး ကိစ္စတွေကို ထည့်သွင်း စဉ်းစားဖို့တော့ လိုတယ်လို့ ထိုင်းနိုင်ငံအခြေစိုက် မြန်မာနိုင်ငံ ဒီမိုကရက်တစ် တပ်ပေါင်းစု (FDB) ရဲ့ အထွေထွေ အတွင်းရေးမှူးချုပ် ဒေါက်တာ နိုင်အောင်က ပြောဆိုပါတယ်။
“ကျနော်တို့အားလုံး တိုင်းပြည်ကို ပြန်လည်ကောင်းအောင် လုပ်စေချင်တယ်ဆိုရင်တော့ အခြေခံကောင်းတဲ့ အခြေအနေတစ်ရပ် ရှိဖို့လိုပါတယ်။ အဲဒါက နိုင်ငံရေးအကျဉ်းသားတွေ ပြန်လွှတ်ရမယ်။ နောက်ပြီးတော့မှ ရန်သူတွေရဲ့အပြုအမူတွေ ရပ်ဆိုင်းတဲ့အနေနဲ့ အပစ်အခတ် ရပ်စဲရေးလုပ်ရမယ်။ တွေ့ဆုံဆွေးနွေးပွဲဆိုတာ ပေါ်ရမယ်။ အဲဒါဆိုလိုရရှိရင် တစ်ယောက်နဲ့တစ်ယောက် ရန်ရှာစရာမလိုဘဲနဲ့ အားလုံးကနေပြီးတော့ သွားလို့ရတဲ့ အနေအထားမျိုးပေါ့။ အဲဒီလိုဟာမျိုးကို အာမခံချက် အားလုံးကိုပေးတယ်ဆိုရင် အတုံ့အပြန် အနေနဲ့ ပြန်လည်တောင်းဆိုလာနိုင်တာက… ဒါဆိုလို့ရှိရင်လည်းဗျာ လောလောဆယ်တော့ ပါတီ မှတ်ပုံတင်ထားလိုက်ပါ။ ကျနော်တို့အားလုံး ကျေနပ်လို့ရအောင် ရွေးကောက်ပွဲလေးတော့ ၀င်ထားလိုက်ပါ။ သို့သော်လည်း ကျနော်တို့ နိုင်ငံရေးကို အပြင်မှာ ဆွေးနွေးပါ့မယ်၊ ဘာဖြစ်လို့လဲဆိုတော့ တိုင်းရင်းသားတွေလည်း ပါသေးတာမဟုတ်ဘူး…ဆိုတဲ့ဟာမျိုး ဖြစ်တယ်ဆိုရင်တော့ သူ့ဘက်ကိုယ့်ဘက်ဆိုတဲ့ သူတို့ပြောပြောနေတဲ့ သူမနာကိုယ်မနာပေါ့ အားလုံးနိုင်တဲ့ အခြေအနေမှာပေါ့။ အဲဒီလိုမျိုးမဟုတ်ဘဲနဲ့ အဲဒီအခြေအနေတွေ ဘာမှအာမခံချက် မရှိသေးဘဲနဲ့ ငါလိုချင်တဲ့ဥစ္စာကို မင်းတို့အတင်းလုပ်ဆိုရင်တော့ ဒါက တဖက်သက်အနိုင်ကျင့်တာများ ဖြစ်မလားလို့ ကျနော်တို့က အဲဒီလိုမျိုးဖြစ်မိတာပါ။”
၂၀၁၀ ရွေးကောက်ပွဲဥပဒေဟာ တရားမျှတမှု မရှိတဲ့အတွက် ပါတီကို မှတ်ပုံတင်ဖို့ စဉ်းတောင် မစဉ်းစားဘူးဆိုပြီး ဒေါ်အောင်ဆန်းစုကြည်က ယတိပြတ် ပြောဆိုခဲ့ဖူးပါတယ်။ ဒါပေမဲ့လို့ နေပြည်တော်မှာကျင်းပနေတဲ့ လွှတ်တော် အစည်းအဝေးတွေကနေ နိုင်ငံရေးပါတီ မှတ်ပုံတင်ဥပဒေ ပြင်ဆင်ချက်ကို အတည်ပြုလိုက်ပြီးတဲ့နောက်မှာ NLD ပါတီက မှတ်ပုံတင်ရေး မတင်ရေး စဉ်းစားချက် ထွက်ပေါ်လာတာလည်း ဖြစ်ပါတယ်။ ဒီ ပါတီမှတ်ပုံတင်ရေး ဥပဒေပြင်ဆင်ချက် မူကြမ်းကလည်း သမ္မတက လက်မှတ်ရေးထိုးပြီးရင်တော့ ပါတီမှတ်ပုံတင် ဥပဒေအဖြစ် မကြာခင်မှာ ထွက်ပေါ်လာဖွယ်ရာလည်း ရှိနေပါတယ်။
တန်ဆောင်မုန်းလဆန်း တရက် အင်းသားများ ဆုံဆည်းရာနေ့
အေးလဲ့ | သောကြာနေ့၊ အောက်တိုဘာလ ၂၈ ရက် ၂၀၁၁ ခုနှစ် ၁၉ နာရီ ၄၂ မိနစ်
ချင်းမိုင် (မဇ္ဈိမ) ။ ။ ရှမ်းပြည်နယ် အင်းလေးကန်အတွင်း မှီတင်းနေထိုင်ကြခဲ့သော အင်းသားများအတွက် စုဆုံဆည်းရာနေ့ အဖြစ် မြန်မာရိုးရာ ပြက္ခဒိန်၏ တန်ဆောင်မုန်းလဆန်း တရက်နေ့ကို သတ်မှတ်လိုက်ကြောင်း အင်းတိုင်းရင်းသားရေးရာ ဝန်ကြီး ဦးဝင်းမြင့်က ပြောသည်။
ညောင်ရွှေမြို့နယ်ရှိ အင်းလေးကန်တွင်းရှိ အလယ်ဗဟို “ဗိုလ်တဲ” တွင် ကြာသပတေးနေ့က ပထမဆုံးအကြိမ် အင်းသားများ ဆုံဆည်းပွဲ ကျင်းပရာ ထောင်ပေါင်းများစွာသော အင်းသားများ တက်ရောက်ခဲ့ ကြသည်။
အင်းသားတို့၏ ရိုးရာဓလေ့ ထိန်းသိမ်းရန်၊ ခရီးသွားလုပ်ငန်း ဖွံ့ဖြိုးတိုးတက်ရေး အထောက်အကူပြုရန်၊ အင်းလေးကန်
ကို ထိန်းသိမ်း စောင့်ရှောက်ရန်တို့ကို နှိုးဆော်သည့် အနေဖြင့် ဆုံဆည်းရာပွဲကို "ပိုမိုစည်းလုံး ညီညွတ်ရန် ဆိုတဲ့ ရည်ရွယ်ချက်နဲ့ ကျင်းပရခြင်း ဖြစ်တယ်" ဟု အင်းအမျိုးသား ဖွံ့ဖြိုးတိုးတက်ရေးပါတီမှ ဦးဝင်းမြင့်က ပြောသည်။
ပထမဆုံးအကြိမ် အင်းသားများ ဆုံဆည်းခြင်းကို ရှမ်းပြည်နယ် အင်းလေးကန်တွင်းရှိ ဗိုလ်တဲတွင် ကျင်းပ။ ဓာတ်ပုံ- မဇ္ဈိမ- မိုးသစ် (တောင်ကြီး)။
အဆိုပါပွဲ ဖြစ်မြောက်ရေး ရန်ပုံငွေအတွက် အင်းလေးဒေသရှိ ရှမ်းမောမြေ ကုမ္ပဏီ၊ ဟူပင် ဟိုတည် သောက်ရေသန့် ကုမ္ပဏီတို့ အပါအဝင် အင်းသားများမှ တသီးပုဂ္ဂလ လှူဒါန်းခဲ့ကြသည်။
မြန်မာနိုင်ငံတွင် အင်းတော်ကြီးအိုင် ပြီးလျှင် ဒုတိယ အကြီးဆုံးဖြစ်သော အင်းလေးကန်မှာ ကမ္ဘာလှည့် ခရီးသည်များ အား ဆွဲဆောင်နိုင်သည့် ဒေသဖြစ်သည်။ ညောင်ရွှေမြို့နှင့် အင်းလေးကန် ပတ်ဝန်းကျင်အတွင်း ဟိုတည်ပေါင်း ၄၀ တိတိ ရှိသည်။
အင်းလေးကန်တွင်း ကျွန်းမျော စိုက်ပျိုးမွေးမြူရေး လုပ်ငန်းဖြစ်သည့် ခရမ်းချဉ်သီး၊ ဆန်စပါး၊ ကြက်သွန်ဖြူတို့ကို စိုက်ပျိုးလေ့ရှိသည်။ ၂ဝ၁ဝ ခုနှစ်တွင် ကမ္ဘာလှည့် ခရီးသည်ပေါင်း ခုနှစ်သောင်းခွဲခန့် လာရောက် လည်ပတ် ခဲ့သည်။ ထိုဒေသကို အရှေ့တောင်အာရှ နိုင်ငံများ အသင်း အာဆီယံက ယဉ်ကျေးမှု အမွေအနှစ် ဒေသတခု အဖြစ်လည်း သတ်မှတ်ထားသည်။
၂ဝ၁၁ ခုနှစ် မိုးရာသီ၊ သြဂုတ် နောက်ဆုံးအပတ်မှစ၍ စက်တင်ဘာလအတွင်း ရေကြီးမှုသည် နှစ်ပေါင်း ၂၀ အတွင်း အဆိုးရွားဆုံး ရေကြီးမှုဖြစ်ရာ အင်းလေးဒေသ၏ ဆန်စပါး စိုက်ပျိုးမှု သုံးပုံ တပုံခန့် ပျက်စီးခဲ့သည်။ ထို့ပြင် နွေရာသီ ကာလ အတွင်း၌လည်း ရေခမ်းခြောက်မူကို ကြုံတွေ့ခဲ့ရသေးသည်။
အင်းလေးကန်ထဲသို့ စီးဝင်နေသည့် စိမ့်စမ်းရေ နည်းပါးလာခြင်း၊ ဓာတ်မြေသြဇာ အသုံးပြုမှုကြောင့် အင်းလေးကန် အရည်အသွေး ကျဆင်းလာခြင်း၊ ပိုးသတ်ဆေးရည် အသုံးပြုမှုတို့ကလည်း အင်းသားတို့ ကျန်းမာရေး အတွက် စိုးရိမ်ဖွယ် ဖြစ်ကြောင်း ဦးဝင်းမြင့်က ပြောသည်။
အင်းသားတို့၏ ရိုးရာဓလေ့တခု အဖြစ် ခြေထောက်ဖြင့် လှေလှော်သည်ကို ညွှန်းဆိုလေ့ ရှိကြသည်။ ညောင်ရွှေမြို့
နယ် တွင် လူဦးရေ နှစ်သိန်းခန့် ရှိသည့်အနက် အင်းသား တသိန်းခွဲကျော် ရှိပြီး၊ ရှမ်း၊ ပအို့၊ တောင်ရိုး၊ ဓနု၊ ဗမာ၊
ကယန်း တိုင်းရင်းသား လူမျိုးများလည်း နေထိုင်ကြသည်။
ညောင်ရွှေမြို့နယ်ရှိ ရွာပေါင်း ၄၄၄ ရွာ၊ အင်းလေးကန်နှင့် ရေပြင် ဆက်စပ်လျက်ရှိ ဒေသများတွင် ရွာပေါင်း ၁၈၀ ခန့် ရှိကြောင်းလည်း သိရသည်။
အစ္စရေးလ်နဲ့ ပါလက်စတိုင်းတို့ ဒုတိယနေ့ ဆက်လက်တိုက်ခိုက်
By ဗွီအိုအေ (မြန်မာဌာန)
ဂါဇာကမ်းမြှောင်က ပါလက်စတိုင်း စစ်သွေးကြွတွေက အစ္စရေးလ်တောင်ပိုင်းကို ဒုံးကျည်တွေနဲ့ ဒုတိယနေ့မြောက်အဖြစ် ဒီကနေ့ ဆက်ပြီး ပစ်ခတ်တိုက်ခိုက်ခဲ့ပါတယ်။ အစ္စရေးလ်က အီဂျစ်နဲ့နယ်စပ် ဂါဇာကမ်းမြှောင်တောင်ပိုင်းမှာ စစ်သွေးကြွအုပ်စုတစ်စုကို လေကြောင်းက တုံ့ပြန်တိုက်ခိုက်ခဲ့တာကြောင့် စစ်သွေးကြွတစ်ဦး သေဆုံးသွားခဲ့ပါတယ်။
အစ္စရေးလ်ဘက်ကို ဒုံးကျည်နဲ့ပစ်ခတ်ဖို့ ပြင်ဆင်နေတဲ့ စစ်သွေးကြွအုပ်စုကို ပစ်ခတ်နိုင်ခဲ့တာလို့ အစ္စရေးလ်က ဆိုပါတယ်။
ဒီကနေ့မနက်အစောပိုင်း စစ်သွေးကြွတွေက အစ္စရေးလ်ဘက်ကို ဒုံးကျည် ၁၀ စင်းလောက် ပစ်ခတ်ခဲ့ပြီးတော့ ဂါဇာကမ်းမြှောင်ကနေ ၂၄ မိုင်အတွင်း အစ္စရေးလ်ဘက်က ကျောင်းတွေကို ပိတ်ထားခဲ့ရပါတယ်။
မနေ့က စနေနေ့ကတော့ အစ္စရေးလ်စစ်လေယာဉ်တွေရဲ့ အဆက်မပြတ် တိုက်ခိုက်မှုကြောင့် ဂါဇာက အစ္စလာမ်မစ်ဂျီဟပ် စစ်သွေးကြွ ၉ ဦး သေဆုံးသွားခဲ့ရပါတယ်။ စနေနေ့မှာ စစ်သွေးကြွတွေက ဒုံးကျည် အလုံး ၂၀ လောက်နဲ့ အစ္စရေးလ်ဘက်ကို ပစ်ခတ်ခဲ့လို့ အစ္စရေးလ်အရပ်သားတစ်ဦး သေဆုံးပြီး အနည်းဆုံး ၂ ဦး ဒဏ်ရာရရှိခဲ့ပါတယ်။
မြန်မာရဲ့ ဥက္ကဋ္ဌနေရာအရေး ဒေသတွင်းနိုင်ငံတွေနဲ့ ဆွေးနွေးမည်
2011-10-30
မြန်မာအစိုးရဟာ ၂ဝ၁၄ ခုနှစ် အာစီယံ အလှည့်ကျဥက္ကဋ္ဌ ဖြစ်ရေးအတွက် ကြိုးပမ်းအားထုတ်မှုတွေ ရှိနေပြီး မြန်မာနိုင်ငံမှာလည်း ပြောင်းလဲမှုတချို့ မြင်တွေ့ခဲ့ရကြောင်း အင်ဒိုနီးရှား နိုင်ငံခြားရေးဝန်ကြီး က သတင်းစာရှင်းလင်းပွဲမှာ ပြောလိုက်ပါတယ်။
မနေ့ည ၉ နာရီခွဲလောက်က ရန်ကုန်မြို့ ဆီဒိုးနား ဟိုတယ်မှာ အင်ဒိုနီးရှား နိုင်ငံခြားရေးဝန်ကြီး မစ္စတာ မာတီ နာတာလီဂါဝါက သတင်းစာရှင်းလင်းပွဲတရပ် ကျင်းပခဲ့ပါတယ်။ နာရီဝက်လောက် ကြာတဲ့ အဲဒီ သတင်းစာရှင်းလင်းပွဲမှာ မြန်မာနဲ့ နိုင်ငံတကာ သတင်းထောက်တွေရဲ့ မေးမြန်းချက်တွေကို ပြန်လည်ဖြေကြားစဉ်မှာ- မြန်မာပြည်မှာ ပြောင်းလဲမှုတချို့ တွေ့မြင်ခဲ့ရကြောင်း ပြောဆိုခဲ့တယ်လို့ သတင်းစာရှင်းလင်းပွဲ တက်ရောက်ခဲ့တဲ့ စာရေးဆရာ ကိုကို (စက်မှုတက္ကသိုလ်) က ပြောပါတယ်။
သတင်းစာ ရှင်းလင်းပွဲကို တက်ရောက်ခဲ့သူ နိုင်ငံခြား သတင်းဌာန သတင်းထောက်တယောက်ကလည်း အာစီယံ အလှည့်ကျဥက္ကဋ္ဌ ဖြစ်ရေးကိစ္စကို ကျန်တဲ့ အဖွဲ့ဝင်နိုင်ငံ အားလုံးနဲ့ ဆွေးနွေး တိုင်ပင်ပြီးမှ ဆုံးဖြတ်မှာဖြစ်ကြောင်း အင်ဒိုနီးရှား နိုင်ငံခြားရေးဝန်ကြီးက ပြောသွားတယ်လို့ ဆိုပါတယ်။
နေပြည်တော်မှာတော့ ၂ဝ၁၄ အာစီယံ အလှည့်ကျဥက္ကဋ္ဌ ဖြစ်လာရင် ထိပ်သီး အစည်းအဝေးတွေနဲ့ ဒေသဆိုင်ရာ အထင်ကရ အစည်းအဝေးတွေ လက်ခံ ကျင်းပနိုင်မယ့် အဆောက်အဦးတွေ ဆောက်လုပ်နေကြောင်း၊ အင်ဒိုနီးရှား နိုင်ငံခြားရေးဝန်ကြီးကလည်း အဲဒီ ဆောက်လုပ်ရေး စီမံကိန်းတွေကို နေပြည်တော်မှာ လေ့လာခဲ့ကြောင်း ဦးကိုကိုက ပြောပါတယ်။
အာစီယံ အလှည့်ကျဥက္ကဋ္ဌ အရေး အားလုံးလက်ခံနိုင်တဲ့အဖြေ ရမယ်လို့ယုံကြည်
2011-10-30
၂ဝ၁၄ ခုနှစ်မှာ မြန်မာနိုင်ငံ အာစီယံ အလှည့်ကျ ဥက္ကဋ္ဌအဖြစ် တာဝန်ယူရေးနဲ့ ပတ်သက်ပြီး အာစီယံ ခေါင်းဆောင်တွေအနေနဲ့ မြန်မာနိုင်ငံသားတွေ အပါအဝင် အာစီယံပြည်သူတွေ အားလုံးအတွက် အကောင်းဆုံးဖြစ်မယ့် ဆုံးဖြတ်ချက်ကို ချမှတ်နိုင် လိမ့်မယ်လို့ ယုံကြည်ကြောင်း အင်ဒိုနီးရှား နိုင်ငံခြားရေးဝန်ကြီးနဲ့ ဒေါ်အောင်ဆန်းစုကြည်တို့က မနေ့က ပြောဆိုလိုက်ပါတယ်။
မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်နဲ့ အင်ဒိုနီးရှား နိုင်ငံခြားရေးဝန်ကြီး မာတီ နာတာလီဂါဝါတို့ဟာ မနေ့က ည ၇ နာရီ ကနေ ၈ နာရီအထိ ဒေါ်အောင်ဆန်းစုကြည်ရဲ့ နေအိမ်မှာ တွေ့ဆုံ ဆွေးနွေးခဲ့ကြတာပါ။
ဆွေးနွေးပွဲအပြီး အင်ဒိုနီးရှား နိုင်ငံခြားရေးဝန်ကြီးက သတင်းထောက် တွေကို ပြောဆိုခဲ့တာနဲ့ ပတ်သက်ပြီး အမျိုးသား ဒီမိုကရေစီအဖွဲ့ချုပ် ဗဟို အလုပ်အမှုဆောင် အဖွဲ့ဝင် ဦးဟန်သာမြင့်က - ၂ဝ၁၄ ခုနှစ်မှာ မြန်မာနိုင်ငံက အာစီယံ အလှည့်ကျဥက္ကဋ္ဌအဖြစ် တာဝန်ယူရေးကိစ္စ ပြောဆိုဖြစ်တယ်လို့ အင်ဒိုနီးရှား နိုင်ငံခြားရေးဝန်ကြီးက သတင်းထောက်တေ ကို ပြောဆိုခဲ့ကြောင်း၊ တခြား ဘာမှ မပြောဆိုကြောင်း၊ ဒေါ်အောင်ဆန်းစုကြည် အနေနဲ့လည်း ဒီကိစ္စနဲ့ ပတ်သက်ပြီး အာစီယံ ခေါင်းဆောင်တွေက မြန်မာနဲ့ အာစီယံ ပြည်သူတွေ လက်ခံနိုင်မယ့် ဆုံးဖြတ်ချက်မျိုး ချမှတ်နိုင်လိမ့်မယ်လို့ ယုံကြည်ကြောင်း ပြောဆိုခဲ့တယ်လို့ နာတာလီဂါဝါက ဆိုကြောင်း ဦးဟန်သာမြင့်က အာအက်ဖ်အေကို ပြောပါတယ်။
လာမယ့် နိုဝင်ဘာလ ၁၄ ရက်ကနေ ၁၉ ရက်နေ့အထိ အင်ဒိုနီးရှားနိုင်ငံ ဘာလီကျွန်းမှာ အာစီယံ ထိပ်သီး အစည်းအဝေး ကျင်းပဖို့ ရှိပါတယ်။ ၂ဝ၁၄ ခုနှစ်အတွက် အလှည့်ကျဥက္ကဋ္ဌ တာဝန် ယူလိုကြောင်း မြန်မာနိုင်ငံက တင်ပြထားတာကို အဲဒီ အစည်းအဝေးမှာ ဆုံးဖြတ်လိမ့်မယ်လို့ ပြောဆိုနေကြပါတယ်။
အင်ဒိုနီးရှား နိုင်ငံခြားရေးဝန်ကြီးဟာ မြန်မာနိုင်ငံကို ၃ ရက်ကြာ ရောက်ရှိခဲ့ပြီး မြန်မာအစိုးရအပြင် နိုင်ငံရေး အဖွဲ့အစည်းတွေ၊ လူမှုရေး အဖွဲ့အစည်းတွေနဲ့ တွေ့ဆုံဆွေးနွေးပြီး မြန်မာနိုင်ငံရဲ့ ဖြစ်ပေါ် ပြောင်းလဲမှုတွေကို လေ့လာခဲ့တယ်လို့ ဆိုပါတယ်။
ဒေါ်အောင်ဆန်းစုကြည်နဲ့ တွေ့ဆုံဆွေးနွေးအပြီးမှာ အင်ဒိုနီးရှား နိုင်ငံခြားရေးဝန်ကြီးဟာ မနေ့က ည ၉ နာရီခွဲကလည်း ရန်ကုန်မြို့က ဆီဒိုးနား ဟိုတယ်မှာ သတင်းစာ ရှင်းလင်းပွဲ ကျင်းပခဲ့ပါတယ်။
0 comments:
Post a Comment