လက်ခုပ်ဈေးကွက်

Rozoner King created a doc.

[By Khin Maung Nyo ]

          “လက်ခုပ်” အကြောင်း အရင်ဆုံးကြားဖူးတာ တစ်ခုကတော့ ငယ်ငယ်က ညီအကို မောင်နှမတတွေ ရန်ဖြစ်ကြတဲ့အခါ နှစ်ယောက်စလုံးကိုခေါ်ပြီး အတီးခံရတဲ့ကိစ္စပါ။ ထုံးစံအတိုင်း သူ့ကြောင့်၊ ကိုယ့်ကြောင့်ဆိုပြီး တဖက်ကို တဖက် အပြစ်တင်ကြတဲ့အခါ နှစ်ဖက်စလုံးကြောင့် ဖြစ်တာဆိုပြီး အတီးခံရပါတယ်။
          ဒီအကြောင်းကိုပဲ ကြီးလာတော့ တမျိုးစဉ်းစားမိပါတယ်။ ဇင်ဗုဒ္ဓဘာသာမှာ ထင်ပါရဲ့။ လက်ခုပ်တစ်ဘက်ထဲ တီးရင်၊ ဘယ်လိုအသံထွက်သလဲ? ဆိုတဲ့ မေးခွန်းမျိုး မေးတယ်လို့ ဖတ်ဖူးပါတယ်။ ဒါပေမယ့် ကိုယ်ကတော့ အသံထွက်ချင်ရင် လက်နှစ်ဖက်တီးဖို့ လိုတယ်လို့ ကောင်းရာကောင်းကြောင်းတွေ ကောင်းရာကောင်းကျိုးတွေအတွက် မြင်ပြန်ပါတယ်။ ဥပမာ- အလုပ်တစ်ခုလုပ်ရင် ခေါင်းဆောင်တော်ရုံနဲ့ မပြီး၊ နောက်လိုက်တော်ဖို့လဲ လိုတယ်၊ နှစ်ဖက်သား ပူးပေါင်းဆောင်ရွက်မှုရှိမှသာ၊ ထူးခြားတဲ့ရလာဒ်မျိုး ရမယ်ဆိုတဲ့ အဓိပ္ပါယ်နဲ့ နားလည်ပြန်ပါတယ်။
          အများအားဖြင့်တော့ လက်ခုပ်တီးတယ်ဆိုတာ အားပေးတယ်၊ ထောက်ခံတယ်၊ သြဘာပေးတယ်ဆိုတဲ့ အဓိပ္ပါယ်မျိုးနဲ့ သုံးတတ်ကြပါတယ်။ တစ်ခါတစ်လေကျတော့လဲ “တော်ပါတော့” ဆိုတဲ့သဘောနဲ့ လက်ခုပ်တီးတာမျိုးက ရှိနေပြန်ရော။ သူများယောင်သလို လိုက်ယောင်တဲ့ လက်ခုပ်တွေကလဲ ရှိတယ်။ ဝတ္တရားကျေ လက်ခုပ်တီးတာလဲ ရှိတယ်။ စိတ်ထဲက ပြောချင်တာကတခြား၊ အပြင်မှာ တခြားဖြစ်နေတာတွေလဲ ရှိတယ်…… စသည်ဖြင့် လက်ခုပ်တွေကို ထပ်ပြီး ခွဲခြမ်းစိတ်ဖြာ ကြည့်မိပါတယ်။ လက်ခုပ်ရဲ့ အဓိပ္ပါယ်တွေကလဲ အမျိုးမျိုးကိုး။ ချောက်တွန်းတဲ့လက်ခုပ်၊ ဟားတိုက်တဲ့ လက်ခုပ်၊ မြှောက်ပေးတဲ့လက်ခုပ် စသည်ဖြင့် ထပ်ပြီး အသေးစိတ် စဉ်းစားကြည့်မိပါတယ်။

          ဒါကြောင့် ကိုယ့်အလှည့်မှာတော့ လက်ခုပ်တီးပေးရမှာ ဝန်လေးတယ်။ လက်ခုပ်တီးခံရမှာလည်း ကြိုက်သလိုလို၊ ကြောက်သလိုလို။ သူများရဲ့ လုပ်ဆောင်မှုကို ချီးမကျူးချင်တာ၊ မသိအမှတ်မပြုချင်တာ မဟုတ်ပေမယ့် သူများလုပ်သလို ဘာမှန်းမသိ၊ ညာမှန်းမသိ လိုက်လုပ်တာမျိုး မဖြစ်ချင်ပါဘူး။ သူများ လက်ခုပ်မတီးပေမယ့် ကိုယ်တီးချင်တာ ရှိတယ်။ လက်နဲ့ မတီးဘဲ စိတ်ထဲက ကျေကျေနပ်နပ်နဲ့ တီးချင်တာတွေလည်း ရှိတယ်။
          ပြီးတော့ “လက်ခုပ်လေး တီးပေးကြပါဦး” ၊ “လက်ခုပ်သံ ကြားချင်တယ်” ဆိုတာမျိုးတွေ တွေ့လာရတယ်။ လက်ခုပ်သံဆိုတာ တောင်းယူရမယ့်ဟာလား? တောင်းယူလို့ရတဲ့ လက်ခုပ်သံနဲ့ ရင်ထဲအသည်းထဲ၊ နှလုံးသားထဲကလာတဲ့ လက်ခုပ်သံ တူသလား? အတုအယောင် လက်ခုပ်သံတွေကို ကြိုက်တတ်သလား? ပရိသတ်က သူတို့ကျေနပ်ရင်၊ ခံစားရရင်၊ သဘောကျရင်၊ လက်ခုပ်တီးကြမှာ မဟုတ်ဘူးလား။ အဲသလို လက်ခုပ်တီးတဲ့အထိ မစောင့်နိုင်ကြတော့ဘူးလား?။ ဒီလောက်တောင် လက်ခုပ်သံ မက်ကြသလား?

          နောက်တစ်မျိုးကတော့ ပရိသတ်ရဲ့ လက်ခုပ်ကို ဆွဲယူ၊ ချော့ယူကြတာမျိုးတွေလဲ ရှိနေပြန်တယ်။ ဘယ်လိုဆို၊ ဘယ်လိုပြော၊ ဘယ်လိုလုပ်ရင်၊ ပရိသတ်ကြိုက်မယ်ဆိုတာသိပြီး တမင်သက်သက် ပရိသတ်ကြိုက်လုံးလေးတွေ လုပ်ပြတတ်ကြတာပါ။ ပရိသတ်အကြိုက် မလုပ်ရဘူးလို့ မဆိုလိုပါဘူး။ ဒါပေမယ့် ကိုယ်က ခေါင်းဆောင်ပြီး ပရိသတ်ကို ဆွဲခေါ်ရမယ့် နေရာမှာ ကိုယ်ကဆွဲမခေါ်နိုင်၊ ပရိသတ်နောက်ကိုပဲ အမြဲတမ်း လိုက်နေရတာမျိုးကတော့ သိပ်ပြီးဟန်တယ် မထင်ပါဘူး။
          ကိုယ်ကဦးစီးဦးဆောင် လုပ်သင့်တဲ့နေရာမှာ ပရိသတ်ရဲ့ လက်ခုပ်သြဘာနောက်ကိုပဲ လိုက်နေရတယ် ဆိုတာမျိုးကလဲ သိပ်ပြီးမှန်လှ၊ ကောင်းလှတယ်လို့ မထင်ပါဘူး။ ပရိသတ်ရင်ထဲရှိတာကို ကိုယ်က ကိုယ်စားပြောပေး၊ ဆိုပေးတာတွေအတွက် ပရိသတ်က ကျေးဇူးတင်တတ်၊ အားပေးတတ်ကြ ပါတယ်။ ဒါပေမယ့် ပရိသတ်ကို ဆွပေးတာမျိုး၊ အေးချမ်းချင်လို့၊ တရားနာချင်ပါတယ်ဆိုပါမှ မအေးချမ်းရတဲ့ ဘဝမျိုးတွေကိုလဲ ကြုံရတတ်ပါတယ်။
          ဒါကြောင့် လက်ခုပ်ရောင်းတာတွေ၊ လက်ခုပ်ဝယ်တာတွေ၊ လက်ခုပ်ဈေးကွက်တွေအကြောင်း ပိုပြီးစဉ်းစားမိပါတယ်။ ပုထုဇဉ်ပီပီ လက်ခုပ်သံတွေကို ကြိုက်တတ်ကြပေမယ့် လက်ခုပ်ဆိုတာ အရောင်းအဝယ် လုပ်ရမယ့်ဟာလား၊ စေတနာအလျောက်၊ ဆန္ဒအလျောက် အသိအမှတ်ပြုတာမျိုးတွေက အကောင်းဆုံး မဖြစ်ဘူးလား- စသည်ဖြင့် အတွေးတွေ ဝင်လာမိကြောင်းပါ။

ခင်မောင်ညို (ဘောဂဗေဒ)