29.10.2011 နေ့ဖတ်ရန်သတင်းများ

by Myanmar Journal on Saturday, October 29, 2011 at 6:49am

 

 

အမျိုးသမီး တွေလည်း ဗြိတိန် ထီးနန်း ဆက်ခံ နိုင်ခွင့် ရပြီ

သူတို့ ရဲ့ ပထမဆုံး ရင်သွေး က မိန်းကလေး ဖြစ်ရင် လည်း ထီးနန်း ဆက်ခံ ပိုင်ခွင့် ရှိ
ဗြိတိန် နိုင်ငံ မှာ ထီးနန်း ဆက်ခံ နိုင်ခွင့် ဥပဒေကို ပြောင်းလဲ တော့ မှာမို့ တော်ဝင် မိသားစုဝင် မိန်းကလေး တွေ အ‌နေနဲ့ ယောက်ျားလေး တွေလို ပဲ ထီးနန်း ဆက်ခံ ပိုင်ခွင့် အခွင့်အရေး ရသွား တော့မှာ ဖြစ် ပါတယ်။
ဗြိတိန် နိုင်ငံ က ဒုတိယမြောက် အဲလစ်ဇဘက် ဘုရင်မကြီးကို ထီးနန်း ဥသျှောင် အဖြစ် အသိ အမှတ်ပြု ထားတဲ့ ဓန သဟာယ ၁၆ နိုင်ငံ ရဲ့ သဘော တူညီချက် နဲ့ ထီးနန်း ဆက်ခံခွင့် ဆိုင်ရာ ဒီ ဥပဒေ အပြောင်း အလဲ ဖြစ်လာ တာပါ။

ဗြိတိန်မှာ လက်ရှိ ကျင့်သုံးနေတဲ့ ထီးနန်း ဆက်ခံခွင့်မှာ အမျိုးသား အမျိုးသမီး ခွဲခြားမှု အဆုံး သတ်ပြီး တော်ဝင် မိသားစုတွေထဲက မွေးဖွား လာတဲ့ ကလေးဟာ မိန်းကလေး ဖြစ်နေတယ် ဆိုရင်လည်း ထီးမွေ ဆက်ခံခွင့် ပေးဖို့ ဓန သဟာယ နိုင်ငံများ ရဲ့ နှစ်ပတ်လည် အစည်းအဝေး မှာ သဘော တူညီ ခဲ့ကြတာ ဖြစ်ပါတယ်။
ဒီပြောင်းလဲမှုကြောင့် ဗြိတိသျှ ထီးနန်း ဆက်ခံခွင့် ကို ကြီးစဉ် ငယ်လိုက် အစဉ် အတိုင်း ရရှိ သွားမှာ ဖြစ်တယ်လို့ ဝန်ကြီးချုပ် ဒေးဗစ် ကင်မရွန်းက ပြော ပါတယ်။
လွန်ခဲ့တဲ့ နှစ်ပေါင်း ၃၀၀ ကျော် ကတည်းက ကျင့်သုံးလာခဲ့တဲ့ အရင် ဥပဒေ အဟောင်း အရ ဆိုရင် ထီးမွေ ဆက်ခံခွင့် ရှိသူဟာ တော်ဝင် မိသားစု က မွေးလာတဲ့ သားဦး ယောက်ျား လေး သာ ဖြစ်ရ မှာပါ။
လက်ရှိ ဥသျှောင် အဲလစ်ဇဘက် ဘုရင်မကြီးရဲ့ ဖခင် ဆဌမမြောက် ဂျော့ ဘုရင်ကြီး လို သား တဦး မှ မထွန်းကားဘူး ဆိုရင် တော့ ထီးမွေ နန်းမွေကို သမီး အကြီးဆုံး က ဆက်ခံခွင့် ရှိပါတယ်။
အခု ဥပဒေ ကို ပြင်လိုက်ပြီ ဖြစ်တဲ့ အတွက် တကယ်လို့သာ လက်ရှိ ကိန်းဘရစ် မြို့စားကြီး ဖြစ်တဲ့ မင်းသား ဝီလျံ နဲ့ မြို့စား ကတော် ကက်သရင်း မင်းသမီး တို့က မွေး လာ မယ့် ပထမဆုံး ရင်သွေးဟာ မိန်းကလေး ဖြစ်နေမယ် ဆိုရင် သူဟာ ထီးနန်း ဆက်ခံခွင့်မှာ ထိပ်ဆုံး နေရာ က ရှိနေမှာ ဖြစ်ပြီး သူဟာ တနေ့ မှာ ဘုရင်မကြီး ဖြစ် လာမယ် လို့ ဝန်ကြီးချုပ် က ပြော ပါတယ်။
ဒါ့အပြင် အနာဂတ်မှာ ထီးနန်း စိုးစံသူ ဖြစ်လာမယ့် သူဟာ ရိုမင် ကက်သလစ် ဘာသာဝင် တွေကို ထိမ်းမြားခြင်း မပြုရဘူး ဆိုတဲ့ ကန့်သတ်ချက်ကိုလည်း ပယ်ဖျက် မှာ ဖြစ်တယ် လို့ မစ္စတာ ကင်မရွန်းက ပြော ပါတယ်။
အဲလစ်ဇဘက် ဘုရင်မကြီးကလည်း အခု ပြုပြင် ပြောင်းလဲမှု ကို အပြည့် အဝ ထောက်ခံတယ် လို့ ယူဆရ ပါတယ်။
ခေတ်သစ် ကာလမှာ မရှိသင့်တော့တဲ့၊ ခေတ် မမီတော့တဲ့ အဲဒီ စည်းမျဉ်း ဥပဒေ တွေကို ဘေးဖယ်ထားလိုက်တဲ့ ဗြိတိန် ထီးနန်း စိုးစံခွင့် ဆိုင်ရာ ပြောင်းလဲမှု ဟာ သမိုင်းဝင် အပြောင်း အလဲ တရပ် ဖြစ်တယ် လို့ ဝန်ကြီးချုပ် မစ္စတာ ကင်မရွန်းက ပြော ပါတယ်။
အခု ပြောင်းလဲမှု တွေကို ဥပဒေ တစ်ရပ် အဖြစ် ပေါ်ထွက်လာရေးမှာ ဗြိတိန် နိုင်ငံက ဦးဆောင်ပြီး ဓန သဟာယ နိုင်ငံ အားလုံး ပါဝင်မှုနဲ့ တရားဝင် အတည်ပြုရမှာ ဖြစ် ပါတယ်။
အခုလို ပြောင်းလဲဖို့ ကိစ္စကို နှစ်ပေါင်းများစွာ ဆွေးနွေး ညှိနှိုင်း ခဲ့ကြတာ ဖြစ်ပေမဲ့ မင်းသား ဝီလျံနဲ့ ကက်သရင်း မင်းသမီး တို့ ရဲ့ မင်္ဂလာပွဲ နဲ့ သူတို့ လူထု ရှေ့မှောက် ရောက်လာ တဲ့ အချိန်မှာ ဒီကိစ္စကို အရေး တကြီး လုပ်ဆောင်ဖို့ ဖြစ်လာခဲ့ပြီး နှစ်ပေါင်း ၃၀၀ ကျော်ကြာ ကျင့်သုံး လာခဲ့တဲ့ ဓလေ့ ထုံးတမ်း ဥပဒေ တွေကို ပြောင်းပြန် လှန် ဖို့ ဖြစ်လာ ခဲ့တာ လို့ ဘီဘီစီ သတင်းထောက် တဦး က ပြောပါတယ်။

ကဒါဖီရဲ့သား နိုင်ငံတကာ ခုံရုံးမှာ အဖမ်းခံမဲ့ သတင်းတွေထွက်နေ
နီဂျဲနယ်စပ်မှာ ရောက်နေတယ်ဆိုတဲ့ ကဒါဖီရဲ့သား Saif
ICC နိုင်ငံတကာ ရာဇဝတ်ခုံရုံးက လစ်ဗျားခေါင်း ဆောင်ဟောင်း ကဒါဖီရဲ့သား Saif al-Islam Gaddafi နဲ့ကြားခံကတဆင့်အဆက်အသွယ်ရတယ်လို့ ICC ကပြောပါတယ်။သူဟာ ICC မှာအဖမ်းခံချင်တဲ့ ဆန္ဒရှိပုံရပါတယ်။ အမှုလိုက် အရာရှိချုပ်Ocampo က Saif အနေနဲ့ အဖမ်းခံခဲ့ရင် တရားရုံးတော်မှာ ကိုယ်တိုင် ခုခံကာကွယ်ခွင့် ရမယ်လို့ ထုတ်ပြန် ကြေညာသွားပါတယ်။
Saif ကိုICC အဖွဲ့ဝင်မဟုတ်တဲ့ တတိယ အာဖရိကနိုင်ငံတနိုင်ငံကို ခေါ်ထုတ်သွားဖို့ ကမ်းလှမ်းတဲ့သတင်းတွေလည်း ရရှိကြောင်း Ocampo ကပြောပါတယ်။
သူ့ကို လူသားတွေအပေါ် ရက်ရက်စက်စက် ကျူးလွန်တဲ့ ပစ်မှုတွေနဲ့ ရုံးတော်ကအလိုရှိနေပါတယ်။ ကြာသပတေးနေ့က Saif ကို နီဂျဲနဲ့ လစ်ဗျားနယ်စပ်နားမှာ တွေတယ်လို့ နီဂျဲ ဒေသ အာဏာပိုင်တွေက ပြောသွားပါတယ်။

နိုင်ငံရေး ပါတီအဖြစ် NLD မှတ်ပုံ တင်သင့် မတင်သင့် ဆွေးနွေးမည်
ပြီးခဲ့တဲ့ ကြာသပတေးနေ့တုန်းက လွှတ်တော်နှစ်ရပ်လုံး အတည် ပြုပြီးတဲ့နောက် ရွေးကောက်ပွဲ မဝင်တဲ့ NLD ပါတီနိုင်ငံရေး ပါတီအဖြစ် ဆက်မှတ်ပုံတင်ရေး မတင်ရေး မေးစရာ ဖြစ်နေပါတယ်။
NLD ပါတီရဲ့ ဒုတိယဥက္ကဌ ဦးတင်ဦးကတော့ ဒီကိစ္စကို လာမဲ့ အပတ်အတွင်း ပါတီဗဟို အလုပ်အမှုဆောင်ထဲမှာ အကြေအလည် ဆွေးနွေးကြမှာ ဖြစ်တယ်လို့ ဘီဘီစီကို ပြောပါတယ်။
အဓိကအားဖြင့် အခြေခံဥပဒေမှာ ပါတဲ့အချက်အချို့ကို လက်မခံနိုင်လို့ ပါတီအဖြစ် မှတ်ပုံမတင်ခဲ့သလို ရွေးကောက်ပွဲလည်း NLD ပါတီက မဝင်ခဲ့ပါဘူး။
အခုအခါ ဒေါ်အောင်ဆန်းစုကြည်နဲ့ သမ္မတဦးသိန်းစိန်တို့ ဆွေးနွေးပွဲတွေရဲ့ ရလဒ်ကအပြုသဘော ကျေနပ်စရာတွေပါဝင်လာတယ်လို့ ဦးတင်ဦးကပြောပါတယ်။
တဖက်က အခြေခံဥပဒေကို စောင့်ရှောက်ရမယ် ဆိုတဲ့အချက်အပါအဝင် အခြားအသေးစိပ် ပြင်ဆင်မှုတွေလည်း ထွက်လာနိုင်စရာရှိလို့ ဒီကိစ္စကို ဆက်လက်ဆွေးနွေးပြီး ချက်ခြင်းတော့ အဖြေပေါ်ဦးမှာ မဟုတ်ဘူးလို့ပြောပါတယ်။

အသျှင် ဂမ္ဘီရကို လွှတ်ပေးဖို့ သမ္မတဆီ စာပို့တောင်းဆို
သံဃာလှုပ်ရှားမှုကို အဓိက ဦးဆောင်ခဲ့တဲ့ ဆရာတော်တွေထဲက တပါးဖြစ်တဲ့ ဘဒ္ဒန္တ ဂမ္ဘီရဟာ ကလေး ထောင်ထဲမှာ စိတ်ရောကိုယ်ပါ ကျန်းမာရေး ဆိုးဆိုးဝါးဝါး ထိခိုက် ချို့ယွင်းလာတဲ့ အတွက် သူ့ကို ထောင်က လွှတ်ပေးဖို့ မိသားစုက သမ္မတဆီ စာရေး တောင်းဆိုလိုက်ပါတယ်။
ဆရာတော်ကို နှိပ်စက်ညှင်းပန်းခံခဲ့ရတဲ့ အပြင် လုံလောက်တဲ့ ဆေးဝါးကုသမှုလည်း မရရှိခဲ့တဲ့ အတွက် ထောင်က ပြန်လွှတ်ပေးဖို့ မိသားစုက တောင်းဆိုထားတာ လို့ဆိုပါတယ်။
ဆရာတော် ဦးဂမ္ဘီရ ကကျန်းမာရေး အတွက် ထောင်အပြင်ထွက် လမ်းလျှောက်ခွင့် တောင်းဆိုတဲ့ အခါ ထောင်အာဏာပိုင်တွေက ရိုက်နှက်ခဲ့တယ်လို့လည်း အစ်မဖြစ်သူ ဒေါ်ခင်သူဌေး ကပြောပါတယ်။
ဦးဂမ္ဘီရကို လက်ထိပ် နောက်ပြန်ခတ်ပြီး ၊ ခေါင်းစွပ်စွပ် ရိုက်နှက်ခဲ့ပါတယ်။ ခေါင်းနဲ့ နောက်ကျောကို ရိုက်နှက်ပြီး ဘုန်းကြီးမဟုတ်ဘဲ၊ ရိုးရိုးလူသာဖြစ်ကြောင်း အဓမ္မ ဝန်ခံခိုင်းခဲ့တယ်လို့ ဆိုပါတယ်။
ရိုက်နှက် ညှင်းဆဲ ပြီးနောက်မှာ ဒဏ်ရာကြောင့် နာကျင်တဲ့ အခါမှာ၊ ဆေးထိုးပေးခဲ့တယ်လို့ ဆိုပါတယ်။ ထိုးပေးတဲ့ ဆေးတွေဟာ ဘာဆေးဆိုတာ တိတိကျကျ မသိရပေမဲ့ စိတ်ငြိမ်ဆေး ဒါမှမဟုတ် မော်ဖိန်း ဖြစ်နိုင်တယ်လို့ ပြင်ပက ဆရာဝန်တွေကို တိုင်ပင်ကြည့်တဲ့ အခါ ထင်မြင်ချက်ပေး ကြောင်းလည်း ပြောပါတယ်။
ဒီအကြောင်းတွေကိုလည်း မကြာမီတုန်းက ထောင်က လွတ်လာတဲ့ နိုင်ငံရေး အကျဉ်းသားတွေက ပြန်ပြောပြလို့ သိရတာလို့ ဆိုပါတယ်။
ဒါ့အပြင် ဆေးထိုးပေးသူဟာလည်း ဆရာဝန်မဟုတ်ဘဲ၊ ထောင်ပိုင်ကလေး ဆိုသူသာ ဖြစ်တယ်လို့ ဆိုပါတယ်။ ကလေးထောင်မှာ ကာလရှည်ကြာ ဆရာဝန်မရှိခဲ့ဘဲ၊ မကြာခင်ကလေးကမှ ဆရာဝန်ရောက်လာတာဖြစ်တယ်လို့ ဆိုပါတယ်။
ကလေးထောင် ထောင်မှူးကြီးကို ဆက်သွယ် မေးမြန်းကြည့်တဲ့ အခါမှာတော့ ကလေးမြို့မှာ ပါရဂူ ဆရာဝန်ကြီးတွေ ၇ ယောက်ရှိပြီး လိုရင် လိုအပ်သလို ထောင်ထဲကို ခေါ်ယူပြီး ဆေးကုသမှု ပေးနေတယ်လို့ ဆိုပါတယ်။
ဦးဂမ္ဘီရရဲ့ အစ်မ ဖြစ်သူ ဒေါ်ခင်သူဌေးက သမ္မတဆီပေးပို့တဲ့စာကို မြန်မာနိုင်ငံ လူ့အခွင့်အရေးကော်မရှင်၊ နိုင်ငံတကာ ကြက်ခြေနီ အဖွဲ့နဲ့ တခြား ထင်ရှားတဲ့ အဖွဲ့ အစည်းတွေကိုလည်း မိတ္တူပေးပို့ထားတယ်လို့ ဆိုပါတယ်။

လစ်ဗျားက မပျံသန်းရဇုန် သတ်မှတ်ချက်ကို ရုတ်သိမ်းပြီ
no-fly zone သတ်မှတ်ပြီးနောက် လစ်ဗျားကို အကာအကွယ် ပေးခဲ့တဲ့ နေတိုးလေယာဉ်တွေ
လစ်ဗျား နိုင်ငံ ဝေဟင်မှာ လေယာဉ် မပျံသန်းရဇုန် သတ်မှတ်ချက်နဲ့ နိုင်ငံတကာ တပ်ဖွဲ့ရဲ့ စစ်ဆင်ရေး ခွင့်ပြုမိန့် ပေးထားတာကို ကုလသမဂ္ဂ လုံခြုံရေး ကောင်စီက ရုတ်သိမ်းလိုက် ပါပြီ။
အောက်တိုဘာ ၃၁ ရက်နေ့ တနင်္လာနေ့ ညသန်းခေါင်ယံ မတိုင်ခင်မှာ စစ်ဆင်ရေးတွေကို အဆုံးသတ် ရမယ်လို့ ဆုံးဖြတ်ချက်မှာ ဖော်ပြထားပါတယ်။
နေတိုးတပ်ဖွဲ့ရဲ့ စစ်ဆင်ရေးတွေ ရုတ်သိမ်းမသွားသေးဘဲ ဆိုင်းငံ့ထားပေးဖို့ လစ်ဗျား အသွင်ကူးပြောင်းရေး ကောင်စီက တောင်းဆိုထားပေမယ့် ကုလသမဂ္ဂ လုံခြုံရေး ကောင်စီက ဒီဆုံးဖြတ်ချက်ကို တညီတညွတ်တည်း အတည်ပြုခဲ့တာ ဖြစ်ပြီး လစ်ဗျား အာဏာပိုင်တွေ အနေနဲ့ ကဒါဖီ တပ်ဖွဲ့တွေကို လက်စားချေ တိုက်ခိုက်မှုတွေ မလုပ်ဖို့ တိုက်တွန်းထားပါတယ်။
ပြီးခဲ့တဲ့ မတ်လတုန်းက နိုင်ငံ အရှေ့ပိုင်း ဘန်ဂါဇီမြို့က ဆန္ဒပြသူတွေဟာ ကဒါဖီ တပ်ဖွဲ့တွေရဲ့ ခြိမ်းခြောက်မှု ခံနေရတာကြောင့် လစ်ဗျားမှာ လေယာဉ် မပျံသန်းရဇုံ သတ်မှတ်ပြီး မြေပြင် စစ်ဆင်ရေး တွေကနေ အရပ်သားတွေကို ကာကွယ်ဖို့ ကုလသမဂ္ဂ အမိန့်ချမှတ် ခဲ့တာ ဖြစ်ပါတယ်။

Belo Monte ရေကာတာ ဆောက်လုပ်ရေး ရပ်ဖို့ ဆန္ဒပြနေBelo Monte ရေကာတာ ဆောက်တာရပ်ဖို့ တောင်းဆို
ဘရာဇီးနိုင်ငံ အမေဇုံ သစ်တောထဲမှာ ဒေါ်လာ ဘီလီယံနဲ့ချီပြီး အကုန်အကျခံ တည်ဆောက်မယ့် စီမံကိန်း နေရာမှာ ရာထောင်ချီတဲ့ သဘာဝ ပတ်ဝန်းကျင် ထိန်းသိမ်း စောင့်ရှောက်ရေး လှုပ်ရှားသူတွေနဲ့ ဒေသခံလူမျိုးစု တိုင်းရင်းသားတွေ ဆန္ဒပြခဲ့ကြပါတယ်။
ဒီ Belo Monte ရေကာတာ ဆောက်လုပ်မှုကို ရပ်ပေးဖို့ သူတို့က တောင်းဆို ခဲ့ကြပြီး ဒီစီမံကိန်းကြောင့် ထောင်သောင်းချီတဲ့ လူမျိုးစု တိုင်းရင်းသားတွေ အိုးအိမ်မဲ့ ဖြစ်နိုင်သလို သဘာဝ ပတ်ဝန်းကျင်ကိုလည်း ပျက်စီးစေလိမ့်မယ်လို့ ဆိုပါတယ်။
အစိုးရကတော့ ဒီစီမံကိန်းဟာ ဘရာဇီးနိုင်ငံရဲ့ စွမ်းအင် လိုအပ်ချက် အတွက် တကယ့်ကို အရေးပါတယ်လို့ ပြောပါတယ်။

ပြင်သစ် သမ္မတ Nicolas Sarkozyဂရိကို ယူရိုဇုန် ဝင်ခွင့်ပေးမိတာ အမှားလို့ ဆာကိုဇီပြော
၂ဝဝ၁ ခုနှစ်တုန်းက ဂရိစ် ကို ယူရိုဇုန်ထဲ ဝင်ခွင့်ပေးလိုက်တာ အမှားတခုဘဲလို့ ပြင်သစ် သမ္မတ Nicolas Sarkozy က ပြောပါတယ်။
ပြင်သစ် ရုပ်မြင်သံကြားမှာ ပြောကြားခဲ့ရာမှာ မစ္စတာ ဆာကိုဇီက ဂရိစ်ကို ယူရိုဇုံထဲ ဝင်ခွင့် မပေးခဲ့သင့်ဘူး ဘာလို့လဲ ဆိုတဲ့ ဂရိစ်ဟာ စီးပွားရေးပိုင်းမှာ အမှားအယွင်းတွေ ရှိတယ်လို့ မစ္စတာ ဆာကိုဇီက ဆိုပါတယ်။
ဒါပေမယ့် လက်ရှိ ဂရိခေါင်းဆောင်တွေက သူတို့နိုင်ငံရဲ့ ကြွေးမြီ ပြဿနာကို ဖြေရှင်းဖို့ ကူညီ ကြိုးစားကြလိမ့်မယ်လို့ သူယုံကြည်ကြောင်းနဲ့ ဗုဒ္ဓဟူးနေ့ ညတုန်းက ဘရပ်စ်ဆဲလ်စ် မြို့မှာ သဘောတူညီချက် ရအောင် ဆွေးနွေးနိုင်ခဲ့တာဟာ သမိုင်းမှတ်တိုင် တခုဘဲ အဲဒီအတွက် အားလုံးကို ကျေးဇူးတင်တယ်လို့ သူက ထပ်လောင်း ပြောကြား သွားခဲ့ပါတယ်။
ဂရိခ် နိုင်ငံခြားရေး ဝန်ကြီး Stavros Lambrinidis ကတော့ လက်ရှိ ယူရိုဇုန် ပြဿနာရဲ့ အရင်းခံက ဂရိစ် မဟုတ်ဘူး ၊ သူတို့နိုင်ငံ တခုတည်းကို ပြစ်တင် ပြောဆိုတာ မှားတယ်လို့ ဘီဘီစီကို ပြောပါတယ်။

အစာငတ်ခံ ဆန္ဒပြတဲ့ အကျဉ်းသားများ ထောင်ဝင်စာ အပိတ်ခံရ
2011-10-28
အင်းစိန်ထောင်မှာ အစာငတ်ခံ ဆန္ဒပြနေတဲ့ နိုင်ငံရေး အကျဉ်းသားတွေကို မနေ့က စပြီး ရေဖြတ်လိုက်သလို ဒီကနေ့ ထောင်ဝင်စာ တွေလည်း ပိတ်လိုက်တယ်လို့ နိုင်ငံရေး အကျဉ်းသား မိသားစုဝင်တွေက ပြောပါတယ်။
အကျဉ်းထောင် လက်စွဲပါ အကျဉ်းသား ခံစားခွင့်များ ရရှိဖို့ အင်းစိန်ထောင် အဆောင် ၅၊ ၃ နဲ့ ၄ တွေက နိုင်ငံရေးအကျဉ်းသား ၁၅ ဦးဟာ အောက်တိုဘာလ ၂၆ ရက်နေ့ မွန်းလွဲပိုင်းက စပြီး အစာငတ်ခံ ဆန္ဒပြခဲ့ကြတာပါ။ဆန္ဒပြချိန် ၄၈ နာရီ မပြည့်ခင် အာဏာပိုင်တွေဘက်က ရေဖြတ်လိုက်ပြီး တဆက်တည်း ဒီကနေ့ ထောင်ဝင်စာ ပိတ်လိုက်တယ်လို့ နိုင်ငံရေး အကျဉ်းသား မိသားစု ကွန်ယက်က ကိုအောင်ဇော်ထွန်း က ပြောပါတယ်။“၂၇ ရက်နေ့ မနက်မှာပဲ ဆန္ဒပြသူတွေကို သောက်သုံးရေတွေ ဖြတ်တောက်လိုက်တယ်။ ပြီးတော့ ထောင်ဝင်စာတွေ့တဲ့ နိုင်ငံရေး အကျဉ်းသား မိသားစုတွေကိုလည်း ထောင်ဝင်စာ ပေးမတွေ့ပါဘူး၊ ဘာဖြစ်လို့ တွေ့ခွင့်မရတာလဲ မေးတော့လည်း ပြန်မရှင်းပြဘူး။ အထက်က ပိတ်ခိုင်းထားတာ လို့ပဲ ပြောတယ်။ အဲဒီတော့ ပါဆယ် သွင်းခွင့် ရမလား မေးတော့လည်း သွင်းခွင့်မရဘူးလို့ အထက်က ပြောတယ်လို့ ပြောတယ်။ ဘယ်တော့ တွေ့ခွင့်ရမလဲ မေးတော့လည်း တိတိကျကျ မပြောဘဲ နောက် လေး ငါးရက်လောက် လာမတွေ့ပါနဲ့လို့ပဲ ပြောလိုက်ပါတယ်။”ရရှိတဲ့ သတင်းတွေ အရ ပထမဆုံး စတင် အစာငတ်ခံ ဆန္ဒပြသူ ၁၅ ဦး ရှိရာက အခု အဆောင် ၃၊ အဆောင် ၄ နဲ့ အဆောင် ၂ က အကျဉ်းသား တချို့ပါ ပူးပေါင်း ပါဝင်တယ် ဆိုတဲ့ သတင်းတွေ ရပေမယ့် အတည်ပြုလို့ မရသေးပါဘူး။RFA က အင်းစိန်ထောင်ကို ဆက်သွယ်ခဲ့ပေမယ့် အဆက်အသွယ် လုပ်လို့မရပါဘူး။ တဆက်တည်းမှာပဲ အပြင်မှာရှိတဲ့ နိုင်ငံရေး အကျဉ်းသား မိသားစုများနဲ့ နိုင်ငံရေး အကျဉ်းသားဟောင်းတွေက အစာငတ်ခံ ဆန္ဒပြသူတွေကို ထောက်ခံကြောင်း သူတို့ရဲ့ တောင်းဆိုချက်တွေကို လိုက်လျောပေးဖို့ လိုကြောင်း စာတစ်စောင် ထုတ်ပြန်ပြီး လက်မှတ်ရေးထိုးတဲ့ လှုပ်ရှားမှုကို ဒီကနေ့ စတင်နေပြီလို့ သိရပါတယ်။

အရှင်ဂမ္ဘီရကို ဆေးကုသပေးဖို့ အမြန် ပြန်လွှတ်ပေးစေချင်
2011-10-28
စစ်ကိုင်းတိုင်း ကလေး အကျဉ်းထောင်မှာ ထောင်ဒဏ် (၆၈) နှစ် ကျခံနေရတဲ့ ရွှေဝါရောင် သံဃာ့လှုပ်ရှားမှု ခေါင်းဆောင် အရှင်ဂမ္ဘီရဟာ ထောင်တွင်း ကျန်းမာရေး စောင့်ရှောက်မှု ကောင်းမွန်စွာ မရတာကြောင့် သူ့ကို ဆေးကုသ ပေးနိုင်အောင် အမြန် ပြန်လွှတ်ပေးဖို့ မိသားစုဝင်တွေက အောက်တိုဘာ (၂၇) ရက် နေ့စွဲနဲ့ သမ္မတ ဦးသိန်းစိန်ထံ စာရေးသား တောင်းဆို လိုက်ကြပါတယ်။
အဲဒီစာကို သမ္မတ ဦးသိန်းစိန် အပါအဝင် ပြည်ထဲရေးဝန်ကြီး၊ မြန်မာနိုင်ငံ အမျိုးသား လူ့အခွင့်အရေး ကော်မရှင်နဲ့ တရားရေး လွှတ်တော်ချုပ်ရုံး၊ NLD ပါတီ စတာတွေကိုပါ အရှင်ဂမ္ဘီရရဲ့ အစ်မဖြစ်သူ မခင်သူဌေးက လက်မှတ်ရေးထိုးပြီး ပေးပို့ခဲ့ပါတယ်။ဒီကနေ့ ထောင်ဝင်စာ တွေ့ချိန်မှာ အရှင်ဂမ္ဘီရဟာ ပွင့်ပွင့်လင်းလင်း ဖြေကြားနိုင်ခြင်း မရှိဘဲ အာလေးရှာလေး ဖြစ်နေပြီး ကျန်းမာရေး အခြေအနေ ပုံမှန်မဟုတ်ကြောင်း ကလေး အကျဉ်းထောင်ကို သွားခဲ့တဲ့ မယ်တော် ဒေါ်ရေးက RFA ကို ပြောပါတယ်။စစ်ကိုင်းတိုင်း ခန္တီး အကျဉ်းထောင်မှာ အရှင်ဂမ္ဘီရ ရှိခဲ့စဉ်က အာဏာပိုင်တွေရဲ့ ရိုက်နှက်ခြင်း ခံရပြီး လက်ရှိ ကလေး အကျဉ်းထောင်မှာ ဝေဒနာ ခံစားနေရချိန် အရှင်ဂမ္ဘီရက ငြီးတွား အော်ဟစ်တာကို ထောင်အာဏာပိုင်တွေက ဆေးထိုးပြီး ဖြေရှင်းနေတာတွေ အတွက် သံသယဝင်မိသလို စိုးရိမ်မိကြောင်း မယ်တော်ဒေါ်ရေးက ပြောပါတယ်။

ဆိတ်ဖြူနယ် ရေဘေးဒုက္ခသည်တွေ အကူအညီ လိုအပ်ဆဲ
2011-10-28
မကွေးတိုင်း ဆိတ်ဖြူမြို့နယ်က ရေဘေး ဒုက္ခသည်တွေအတွက် ကယ်ဆယ်ရေး အကူအညီတွေ တစ်စတစ်စ ရောက်ရှိလာပေမယ့် ရေဘေးဒဏ် အဆိုးဝါးဆုံး ကြုံတွေ့ရတဲ့ ရွာတွေမှာ အကူအညီ လိုအပ်နေတုန်းပဲ ဖြစ်ပြီး အိမ်တွေ ရေမျောပါသွားလို့ ဒုက္ခသည် တချို့ဟာ ဘုန်းကြီးကျောင်းတွေနဲ့ နီးစပ်ရာ ရွာတွေမှာ နေထိုင် နေရတုန်းပဲလို့ သိရပါတယ်။
မိုးသည်းထန်ပြီး ယောချောင်းရေ တက်လာတဲ့အတွက် ချောင်း တလျှောက်က ရွာတွေ ရေဘေး ကြုံရပါတယ်။ ပထမပိုင်းမှာ ကယ်ဆယ်ရေး အကူအညီတွေ ရောက်မလာတဲ့အတွက် ဆိတ်ဖြူမြို့ပေါ်နဲ့ အနီးအနားက စေတနာရှင်တွေကပဲ ရေဘေး ကယ်ဆယ်ရေး လုပ်ရတယ်လို့ စေတနာရှင် တစ်ဦးက ပြောပါတယ်။“ပထမတစ်ရက် နွံနစ်တယ်။ ဒုတိယတစ်ရက် အထိ သူတို့ဘက်က လှုပ်ရှားမှု မရှိတဲ့ အတွက် တတိယနေ့မှာ ရွာကလူတွေနဲ့ စုစည်းပြီး သွားကြတာပါ။ ကျနော်တို့လိုပဲ စေတနာရှင် လူငယ်တွေ စုသွားကြပါတယ်။ တချို့ရွာတွေဆို ဆိုးဆိုးရွားရွားနဲ့ကို တွေ့ရပါတယ်။ တချို့ရွာဆို အိမ်ခြေ ၈၀ မှာ ၆ လုံးလောက်ပဲ အိမ်တိုင် ကျန်ခဲ့တာရှိတယ်။”ဆိတ်ဖြူမြို့နယ် အဆုံးမှာရှိတဲ့ အင်းရွာ အလယ်တန်းကျောင်းမှာ အဆောက်အအုံ လေးလုံးရှိပြီး နှစ်လုံးက ပြိုသွားတယ်လို့ အဲဒီရွာကို ရောက်ခဲ့တဲ့ မန္တလေးမြို့က ကယ်ဆယ်ရေး ဝန်ထမ်းတစ်ဦးက ပြောပါတယ်။ ကျန်တဲ့ အဆောက်အအုံ နှစ်လုံးကလည်း ပြိုလုနီးပါး ဖြစ်နေပြီလို့ ဆိုပါတယ်။နောက်ပိုင်း ရက်တွေမှာ ရေဘေး ကယ်ဆယ်ရေး ကွပ်ကဲရေးရုံးက ကယ်ဆယ်ရေး လုပ်ငန်းတွေ စတင်တဲ့အခါ ကြံခိုင်ဖွံ့ဖြိုးရေး အလံတွေ ထူပြီး သွားရောက် လှူဒါန်းတာ တွေ့ရတယ်လို့ ဒေသခံတွေက ပြောပါတယ်။ကိုယ်ထူကိုယ်ထ လှူဒါန်းတဲ့ လူတွေကိုလည်း သက်ဆိုင်ရာက ကန့်သတ်ချင်တဲ့ သဘောရှိပေမယ့် သွားရခက်တဲ့ ရွာတွေကို အရောက်သွား လှူဒါန်းရတယ်လို့ စောစောက စေတနာရှင်က ပြောပါတယ်။“နှောက်ယှက်တယ် ဆိုတာက ကျနော်တို့က လူသူ အရောက်အပေါက် နည်းတဲ့ ရွာတွေကို သွားချင်တယ်။ သူတို့က ဟိုရွားသွာ ဒီရွာသွားလုပ်တယ်။ ကျနော်တို့က အဲဒီရွာတွေ ရောက်ပြီးပြီ ပြောတော့လည်း သူတို့ ရောက်ပြီးပြီ ပြောတယ် တကယ်က ဘယ်သူမှ မရောက်သေးဘူး။ ကျနော်တို့ မနက် ၉ နာရီက သွားတယ်။ အဲဒီရွာတွေကို ညနေ ၅ နာရီမှ ရောက်တယ်။ ဘယ်သူမှ အကူအညီ လာမပေးသေးတာ တွေ့ရတယ်။”ရေကျသွားပြီး ရွာတွေမှာ ရွှံ့ညွန်တွေ ဒူးဆစ်လောက် တင်ကျန်ရစ်တဲ့အတွက် ရွာတွေဆီ ခက်ခက်ခဲခဲ သွားရတယ် လို့လည်း ပြောပါတယ်။

ဥရောပမှာ တရုတ်ရင်းနှီးမြှုပ်နှံဖို့ EU ဆွေးနွေး
By ဗွီအိုအေ (မြန်မာဌာန)
ဥရောပ ယူရိုငွေကြေးသုံး နိုင်ငံတွေက အရေးပေါ် ဘဏ္ဍာရေး အကူအညီပေးရေး အစီအစဉ်တွေရဲ့ အကြီးအကဲ ဒီကနေ့ပဲ တရုတ်နိုင်ငံကို ရောက်လာပါတယ်။ ခရီးစဉ်အတွင်း တရုတ်နိုင်ငံက အလုံးအရင်းနဲ့ စုဆောင်းထားတဲ့ နိုင်ငံခြား အရန်ငွေကြေးတွေကို ဥရောပရဲ့ အကူအညီပေးရေး အစီအစဉ်တွေမှာ ရင်းနှီးမြှုပ်နှံသွားဖို့ ဖြစ်နိုင်ချေရှိတဲ့ အလားအလာတွေကို ဆွေးနွေးကြမှာပါ။
ဥရောပက ဂရိ၊ အီတလီနဲ့ စပိန်နိုင်ငံတို့လို အကြွေးပြဿနာတွေ ရင်ဆိုင်နေရတဲ့ တိုင်းပြည်တွေအတွက် အကူအညီပေးဖို့နဲ့ ကမ္ဘာ့စီးပွားရေး နောက်တစ်ကြိမ်ကျဆင်းမှုတွေ မကြုံရလေအောင် ဟန့်တားဖို့ အစီအစဉ်အတွက် ဒေါ်လာ ၁.၄ ထီလီယံ အထိ တိုးမြှင့်သုံးစွဲဖို့ သဘောတူညီခဲ့ပြီး နောက်တစ်ရက်မှာပဲ ဥရောပသမဂ္ဂ (EU) က Klaus Regling တရုတ်နိုင်ငံကို သွားရောက်ခဲ့တာလည်း ဖြစ်ပါတယ်။ ခရီးစဉ်အတွင်းမှာတော့ EU ကိုယ်စားလှယ်ဟာ တရုတ်ဘဏ္ဍာရေးဝန်ကြီးဌာနနဲ့ ဗဟိုဘဏ်တွေက တာဝန်ရှိသူတွေနဲ့ တွေ့ဆုံဆွေးနွေးခဲ့တာပါ။
တရုတ်နိုင်ငံဟာ သူ့ရဲ့ ဒေါ်လာ ၃.၂ ထီလီယံ ပြည်ပ အရန်ငွေကြေးတွေကို ဆွဲဆောင်မှုရှိပြီး ခိုင်မာစိတ်ချရတဲ့နေရာတွေမှာ ရင်းနှီးမြှုပ်နှံဖို့ စိတ်ဝင်စားနေတယ်လို့လည်း EU ကိုယ်စားလှယ်က ပြောပါတယ်။ ဒါပေမဲ့လည်း လတ်တလောမှာတော့ သဘောတူညီချက် ရယူတာမျိုး လုပ်မှာတော့ မဟုတ်သေးဘူးလို့လည်း ဆိုခဲ့တာပါ။
တရုတ်ဘဏ္ဍာရေးဝန်ကြီး Zhu Guangyao ကလည်း အလားတူ သဘောထားကို ပြောဆိုခဲ့သလို တရုတ်မူဝါဒရေးရာ ချမှတ်သူတွေအနေနဲ့ ဥရောပက ဘဏ္ဍာရေး တည်ငြိမ်မှု အခြေအနေတွေကို အရင်စောင့်ကြည့်ပြီးမှ ရင်းနှီးမြှုပ်နှံမှုတွေ လုပ်သင့်မသင့် စဉ်းစားမယ်လို့ ပြောခဲ့တာဖြစ်ပါတယ်။

အင်ဒိုနီးရှားဝန်ကြီး မြန်မာပြည်ရောက်
By ဗွီအိုအေ (မြန်မာဌာန)
အရှေ့တောင်အာရှ နိုင်ငံများအသင်း (ASEAN) ရဲ့ အလှည့်ကျဥက္ကဋ္ဌ အင်ဒိုနီးရှားနိုင်ငံက ကိုယ်စားလှယ်အဖွဲ့ဟာ မြန်မာနိုင်ငံက အခြေအနေတွေကို အကဲခတ်ဖို့ ဒီကနေ့ပဲ ရန်ကုန်မြို့ကို ရောက်လာပါတယ်။ အင်ဒိုနီးရှား နိုင်ငံခြားရေးဝန်ကြီး မာတီနာတာလီဂါဝါ (Marty Natalegawa) ဦးဆောင်တဲ့ ကိုယ်စားလှယ်အဖွဲ့ရဲ့ ခရီးစဉ်အတွင်း မြန်မာအစိုးရက အာဆီယံ အသင်းရဲ့ ဥက္ကဋ္ဌအဖြစ် တာဝန်ယူဖို့ ကမ်းလှမ်းထားတဲ့ ကိစ္စနဲ့ပတ်သက်လို့ ဆွေးနွေးဖြစ်လိမ့်မယ်လို့လည်း မျှော်လင့်ထားကြတာပါ။
အင်ဒိုနီးရှား နိုင်ငံခြားရေးဝန်ကြီးဟာ မနက်ဖြန် အစိုးရရုံးစိုက်ရာ နေပြည်တော်မှာ မြန်မာအစိုးရ တာဝန်ရှိသူတွေနဲ့ တွေ့ဆုံသွားဖို့ရှိပြီး တနင်္ဂနွေနေ့ ခရီးစဉ် အဆုံးမသတ်မီမှာ မြန်မာ့ဒီမိုကရေစီရေး လှုပ်ရှားမှုမှာ ဦးဆောင်နေတဲ့ ဒေါ်အောင်ဆန်းစုကြည် နဲ့သာမက တခြားလူမှုအသိုင်းအ၀န်းက ပုဂ္ဂိုလ်တွေနဲ့လည်း တွေ့ဆုံဖို့ ရှိနေပါတယ်။
ပြုပြင်ပြောင်းလဲရေးတွေ လုပ်သွားမယ်လို့ ကတိပြုပြီး မြန်မာနိုင်ငံမှာ ဒီနှစ်မတ်လတုန်းက အရပ်သား အစိုးရအဖြစ် တက်လာပြီးတဲ့နောက် အာဆီယံ အသင်းရဲ့ ၂၀၁၄ ခုနှစ်အတွက် အလှည့်ကျဥက္ကဋ္ဌ တာဝန်ယူသွားဖို့ ဆန္ဒရှိတဲ့အကြောင်း ကမ်းလှမ်းထားတာပါ။ ဒါပေမဲ့လည်း အာဆီယံ အသင်းဝင်နိုင်ငံတွေက လွှတ်တော်အမတ်တွေ အပါအ၀င် မြန်မာ့အရေး လှုပ်ရှားသူတွေကတော့ မြန်မာနိုင်ငံမှာ တိုးတက်မှုတွေ သိသိသာသာ မတွေ့ရသေးတဲ့အတွက် တာဝန်မပေးသင့်သေးဘူးလို့ ကန့်ကွက်ထားကြတာလည်း ဖြစ်ပါတယ်။
၂၀၀၆ ခုနှစ်မှာတုန်းက မြန်မာနိုင်ငံ အာဆီယံ ဥက္ကဋ္ဌအဖြစ် အလှည့်ကျစဉ်မှာတုန်းကတော့ နိုင်ငံရေး၊ လူ့အခွင့်အရေး အခြေအနေတွေ တိုးတက်မှု မရှိဘူးဆိုပြီး ကန့်ကွက်မှုတွေ အပြင်းအထန် ရှိခဲ့တဲ့နောက် တာဝန်ယူဖို့ကို ငြင်းဆန်ခဲ့တာပါ။ အခုလည်းပဲ အခြေအနေတွေဟာ တိုးတက်မှု မရှိသေးတာကြောင့် တာဝန်ပေးမယ့် အစီအစဉ်ကို ဆိုင်းငံ့သင့်တယ်လို့ အင်ဒိုနီးရှား နိုင်ငံခြားရေးဝန်ကြီးနဲ့ အဖွဲ့ရဲ့ မြန်မာနိုင်ငံ ခရီးစဉ် အစနေ့မှာပဲ မြန်မာ့အရေး အာဆီယံ လွှတ်တော်အမတ်များအဖွဲ့ (AIPMC) က တိုက်တွန်းလိုက်ပါတယ်။

ကိုဖိုးဖြူနှင့် ဆန္ဒပြသူများ တရားစွဲခံရ
ရှေ့နေကိုဖိုးဖြူအပါအ၀င် ၇ ဦးကို ရန်ကုန်မြို့တွင် တရားမ၀င် စုဝေးမှုဖြင့် တရားစွဲဆိုလိုက်သည်ဟု ရဲတပ်ဖွဲ့က ပြောဆိုကြောင်း AP သတင်းတပုဒ်တွင် ယနေ့ ရေးသားထားသည်။ လူစုခွဲရန် ငြင်းဆန်ခဲ့မှုအတွက်လည်း အရေးယူမည်ဟု ဆိုသည်။ ကိုဖိုးဖြူ နှင့် လယ်သမားများသည် အသိမ်းခံထားရသည့် လယ်ယာမြေများ ပြန်လည် လုပ်ကိုင်ခွင့်ရရန် ယမန်နေ့က ဆန္ဒပြခဲ့ခြင်း ဖြစ်သည်။

မြန်မာအပါအဝင် ၅ နိုင်ငံ ရုပ်သေး အလုပ်ရုံဆွေးနွေးပွဲ ကျင်းပမည်
မြန်မာ၊ ထိုင်း၊ ကမ္ဘောဒီးယား၊ ဂျာမနီနှင့် ပြင်သစ် ၅ နိုင်ငံ စုပေါင်း၍ ရုပ်သေး အလုပ်ရုံဆွေးနွေးပွဲနှင့် ဖျော်ဖြေပွဲကို ထိုင်းနိုင်ငံ ချင်းမိုင်မြို့ရှိ Empty Space Chiangmai (ESC) တွင် ယနေ့ ည ၇ နာရီတွင် လည်းကောင်း၊ ၂၉ ရက်နေ့ ည ၇ နာရီတွင် ချင်းမိုင်မြို့ Art Museum ၌လည်းကောင်း ကျင်းပမည် ဖြစ်သည်။ မြန်မာရုပ်သေးအဖွဲ့ ကိုယ်စားပြု၍ ထွေးဦး (မြန်မာ) အဖွဲ့က တက်ရောက်မည်ဖြစ်ပြီး လာမည့် နိုဝင်ဘာလအတွင်း ကမ္ဘောဒီးယား နိုင်ငံနှင့် မြန်မာနိုင်ငံတို့၌ ၅ နိုင်ငံ ရုပ်သေးအလုပ်ရုံ ဆွေးနွေးပွဲနှင့် ဖျော်ဖြေပွဲများ ကျင်းပသွားရန်ရှိကြောင်း သိရသည်

CCTV ရုပ်သံလိုင်း မြန်မာ၌ စတင်ထုတ်လွှင့်
တရုတ်နိုင်ငံ CCTV International ရုပ်သံလိုင်း မြန်မာနိုင်ငံ၌ စတင် ထုတ်လွှင့်ခြင်းအခမ်းအနားကို ရန်ကုန်မြို့ ဆီဒိုးနားဟိုတယ် ၌ ယမန်နေ့ နံနက်ပိုင်းက ကျင်းပသည်။ ယင်းရုပ်သံလိုင်းတွင် CCTV-4 , CCTV-News နှင့် CCTV-9 Documentary သတင်းနှင့်မှတ် တမ်းတင် အစီအစဉ်များကို ထည့်သွင်း ပြသသွားမည်ဖြစ်ကြောင်း ယနေ့ထုတ် မြန်မာ့အလင်း သတင်းစာ၌ ရေးထားသည်။ CCTV International ရုပ်သံလိုင်း ထုတ်လွှင့်မှုကို မြန်မာနိုင်ငံမှ MRTV - 4 , SKY NET နှင့် တရုတ်နိုင်ငံ CCTV ရုပ်သံ ဌာနတို့ ပူးပေါင်း စီစဉ်ခြင်း ဖြစ်ကြောင်း သိရသည်။

မန္တလေးတွင် ဘိုးဘွား ရန်ပုံငွေပွဲ ကျင်းပမည်
မန္တလေးမြို့ ချမ်းမြသုခ လူမှုရေးအသင်း၏ မှီခိုရာမဲ့ ဘိုးဘွားများ စောင့်ရှောက်ရေး ရန်ပုံငွေအတွက် မဇ္စျိမလှိုင်း တေးဂီတ၏ ဖျော် ဖြေပွဲကို ယနေ့ ညနေ ၆ နာရီတွင် ချမ်းအေးသာစံ မြို့နယ် ရှမ်းတိုင်းရင်းသားများ သာရေးနာရေးအသင်း ခန်းမတွင် ပြုလုပ်မည်ဖြစ် သည်။ ဂီတဖျော်ဖြေပွဲတွင် ခင်မောင်တိုး၊ ကိုနေဝင်း၊ သားထွေး၊ ဂျေမောင်မောင်၊ သျှီ၊ ဆုန်သင်းပါရ်၊ ရတနာ၊ ခင်ဘုဏ်း စသည့် အဆိုတော်များ ပါဝင်မည်ဟု သိရသည်။

ပြည်တော်ပြန် အစီအစဉ် ရေပန်းမစား
သမ္မတ ဦးသိန်းစိန်က ပြည်ပရောက်များ ပြန်လာနိုင်ကြောင်း ဖိတ်ခေါ်သော်လည်း ပြည်ပတွင် အခြေချနေထိုင်သူများ၊ ခိုလှုံခွင့် တောင်းခံသူများ အကြား ပြည်တော်ပြန်ရေးအစီအစဉ်မှာ ရေပန်းမစားလှဘဲ ပြန်သည့် အရေအတွက် နည်းပါးလျက် ရှိသည်။

စက်တင်ဘာ ၁၁ ရက်က ရန်ကုန်လေဆိပ်သို့ ရောက်ရှိလာသည့် လူရွှင်တော် စိန်သီးကို တွေ့ရစဉ် (ဓာတ်ပုံ - Getty Image)
ဤသို့ နည်းပါးနေခြင်းသည် ဦးသိန်းစိန်၏ မိန့်ခွန်းမှာ နှုတ်ပြောသက်သက်မျှသာဖြစ်နေခြင်း၊ အစိုးရအနေဖြင့် တိကျသည့် အမိန့်ဒီဂရီထုတ်ပြန်ကာ ရှင်းလင်းပွင့်လင်းပြီး စနစ်တကျလက်ခံသည့်လုပ်ငန်းစဉ်တရပ် မရှိခြင်းတို့ကြောင့်ဖြစ်သည်ဟု ပြည်ပရောက် မြန်မာများ က ပြောဆိုကြသည်။
ပြီးခဲ့သည့် သြဂုတ်လအတွင်းက စီးပွားရေး၊ လူမှုရေး နယ်ပယ်အသီးသီးမှ တာဝန်ရှိသူများနှင့် တွေ့ဆုံရာတွင် သမ္မတ ဦးသိန်းစိန် က အကြောင်း အမျိုးမျိုးကြောင့် ပြည်ပသို့ရောက်ရှိနေသည့် မြန်မာနိုင်ငံသားများ အပြစ်တစုံတရာ ကျူးလွန်မှုမရှိလျှင် အချိန်မရွေး ပြန်လာနိုင်ရန် စဉ်းစားပေးမည်ဖြစ်ကြောင်း ပြောဆိုခဲ့ခြင်းဖြစ်သည်။
ပြည်ပတွင် အခြေချနေထိုင်သူ မြန်မာပြည်သား အများစုမှာ ပြည်တွင်းနိုင်ငံရေး အခြေအနေတိုးတက်လာမှုနှင့် သမ္မတ ဦးသိန်းစိန် ၏ ပြည်တော်ပြန်ခွင့်ပြုသည့် မိန့်ခွန်းကြောင့် မွေးရပ်မြေသို့ ပြန်လာလိုစိတ်များ ဖြစ်ပေါ်သော်လည်း အပြီးအပိုင် ပြန်ရန် သို့မဟုတ် စီးပွားရေးလုပ်ငန်းများ ပြန်လည်လုပ်ကိုင်ရန်အတွက်မူ တွန့်ဆုတ်နေကြသည်။
မြန်မာနိုင်ငံသို့  ပြန်သူများတွင် ၁၉၉၀ ပြည့်နှစ်ရွေးကောက်ပွဲ အနိုင်ရ  ပြည်သူ့လွှတ်တော် ကိုယ်စားလှယ် ဦးပီတာလင်းပင်၊ ဟာသ သရုပ်ဆောင် ကိုဂေါ်ဇီလာနှင့် လူရွင်တော်များဖြစ်သည့် ဇီးသီးနှင့် စိန်သီးနှင့် မင်းသမီး ချောစုမျိုး တို့ကိုသာ ပြည်တွင်းမီဒီယာများတွင် မြင်တွေ့ရသည်။
ဧရာဝတီ၏ လေ့လာချက်များအရ ပြည်ပ၌ ရောက်ရှိနေသည့် မြန်မာနိုင်ငံသားများတွင် တခြားတိုင်းပြည်၌ နိုင်ငံသား ခံယူထားကြ သူများနှင့် ခိုလှုံခွင့်လျှောက်ထားပြီး ခရီးသွားလက်မှတ်(Travel Document) ကိုင်ဆောင်ထားသူများဟု နှစ်မျိုးနှစ်စား တွေ့ရသည်။
ယခုပြည်တော်ပြန်သူ အများစုမှာ ပြည်ပနိုင်ငံသားအဖြစ် ခံယူထားသူများ ဖြစ်ပြီး မြန်မာနိုင်ငံသို့ ခေတ္တအလည်အပတ် သဘောမျိုးသာ သွားရောက်ကြသည်ကိုသာ တွေ့ရသည်။
ပြည်ပ၌ နှစ်ပေါင်း ၄၀ ကျော် နေထိုင်ခဲ့သည့် ဥရောပ – မြန်မာ(Euro- Burma Office)ရုံး ဦးဆောင်ညွန်ကြားရေးမှူးနှင့် ဒီမို ကရက်တစ် မြန်မာ့အသံ(DVB) သတင်းဌာန၏ အမှုဆောင် ညွန်ကြားရေးမှူးအဖြစ် ယာယီတာဝန်ယူထားသော မြန်မာနိုင်ငံ၏ ပထမဆုံးသမ္မတ စပ်ရွှေသိုက်၏ သား ဦးဟန်ညောင် ဝေသည် ပြီးခဲ့သည့်ရက်ပိုင်း က မြန်မာနိုင်ငံသို့ အလည်အပတ်သဘော သက်သက်သာ သွားရောက်ခဲ့သကဲ့သို့ သင့်ဘ၀မဂ္ဂဇင်း အယ်ဒီတာဟောင်း ဒေါက်တာ တင်မောင်သန်း အပါအ၀င် စီးပွားရေးပညာရှင် ဒေါက်တာဇော်ဦး တို့သည်လည်း မြန်မာနိုင်ငံ သို့ ခေတ္တ သွားရောက်ခဲ့သေးသည်။
သို့ရာတွင် ထိုင်းနိုင်ငံ ဘန်ကောက်မြို့ မြန်မာသံရုံးနှင့် နီးစပ်သူများ အဆိုအရ အခြားသော နိုင်ငံများ၌ နိုင်ငံရေးခိုလှုံခွင့်တောင်းခံ ထားသည့် နိုင်ငံသား မဖြစ်သေးသူများ မြန်မာနိုင်ငံသို့ ပြန်လိုလျှင် မိမိလက်ရှိ ကိုင်ဆောင်သည့် ခရီးသွားခွင့်လက်မှတ် (Travel Document) အား သံရုံးသို့အပ်နှံရကြောင်း၊ သံရုံးမှ အသိအမှတ်ပြုသည့် စာ(Letter of Identity)ကို ပြန်လည် ထုတ်ပေးကြောင်း၊ အဆိုပါ စာရွက်ကို ကိုင်ဆောင်ပြီးမှသာ မြန်မာနိုင်ငံသို့ ပြန်ရကြောင်း သိရသည်။
ထို့အပြင် နိုင်ငံတော်အား အကြည်အညိုပျက်စေသည့် အပြုအမူ အပြောအဆိုများ ရှောင်ကျဉ်ရန်၊ နိုင်ငံတော်၏ တည်ငြိမ်အေးချမ်း မှု နှင့် တရားဥပဒေ စိုးမိုးမှုကို ထိခိုက်မည့် လုပ်ဆောင်မှုပြောဆိုမှု၊ ရေးသားဖြန့်ဝေမှုများ မပြုလုပ်ရန်၊ တရားမ၀င်အဖွဲ့ အစည်း အများနှင့် ဆက်သွယ်ခြင်း မပြုရန်၊ အဖျက်အမှောင့်လုပ်ရပ်များကို ရှောင်ကျဉ်ရန်၊ နိုင်ငံတော်၏ ကျေးဇူး သစ္စာကို စောင့်သိ၍ ဥပဒေ ဘောင်အတွင်း အေးချမ်းစွာနေထိုင်ရန် စသည့် ဂတိခံဝန်ချက်များကို လက်မှတ်ရေးထိုးရကြောင်း ဧရာဝတီက စုံစမ်း သိရှိရသည်။
ဤမျှသာမကသေး နိုင်ငံရေးနှင့် မပတ်သက်ဘဲ စီးပွားရေး၊ လူမှုရေးကိစ္စ အပါအ၀င် အကြောင်းအမျိုးမျိုးကြောင့် ပြည်ပတွင် အခြေ ချနေထိုင်သည့် မြန်မာနိုင်ငံသား တချို့မှာလည်း သမ္မတ ဦးသိန်းစိန်၏ မိန့်ခွန်းပါ စကားအရ ပြည်တော်ပြန်သည့် အခါတွင် ပိတ်ဆို့ ကန့်သတ်မှုများ ခံနေရကြောင်း ဧရာဝတီမှ စုံစမ်းသိရသည်။
သြစတြေးလျနိုင်ငံ၌ ၁၉၉၅ ခုနှစ်ကစတင်၍ အမြဲတမ်း နေထိုင်ခွင့်ရရှိခဲ့ပြီး ၂၀၀၆ ခုနှစ်တွင် နိုင်ငံသား ခံယူထားသည် ဦးဘအေးနှင့် ဇနီး ဒေါ်သန်းသန်းညွန့် တို့သည်လည်း ကင်ဘာရာ အခြေစိုက် မြန်မာသံရုံး၏ ဗီဇာခွင့်ပြုချက်ရယူပြီး မလေးရှားလေကြောင်းဖြင့် မြန်မာနိုင်ငံသို့ ပြီးခဲ့သည့် အောက်တိုဘာ ၄ ရက်နေ့က ပြန်လာရာ၊ ရန်ကုန် လေဆိပ်၌ လူဝင်မှုကြီးကြပ်ရေးဌာနက ၀င်ခွင့်မပြုဘဲ ပြန်လည်နှင်ထုတ်ခဲ့ကြောင်း သားဖြစ်သူ ဦးတင်ဦးက ဧရာဝတီသို့ ပြောသည်။

အောက်တိုဘာ ၄ ရက်နေ့က ရန်ကုန် လေဆိပ်မှ လှည့်ပြန်ခဲ့ရသည့် ဦးဘအေး (ဦးထုပ်နှင့် မတ်တတ်ရပ်နေသူ) နှင့် ဇနီး ဒေါ်သန်း သန်းညွန့် (ဘီးတပ် ကုလားထိုင်ဖြင့် ထိုင်နေသူ) (ဓာတ်ပုံ - ကိုတင်ဦး)
“သမ္မတကြီးက ပြန်လာခိုင်းပြီ အသက်ကြီးတော့ မြန်မာပြည်ပဲ ခေါင်းချမယ်ဆိုပြီး အဖေနဲ့ အမေက အားရ၀မ်းသာပြန်လာတာ၊ အခုလိုနှင်ထုတ်ခံရတော့ ကျနော့်မိဘတွေ အရမ်းဝမ်းနည်းနေကြတယ်”ဟု ၎င်းကဆိုသည်။
အဆိုပါ ဖြစ်ရပ်နှင့် ပတ်သက်ပြီး ရန်ကုန်လေဆိပ်ရှိ လူဝင်မှုကြီးကြပ်ရေး ဌာနကို မေးမြန်းစုံစမ်းသော်လည်း အကြောင်းပြချက် တစုံ တရာပေးခြင်းမရှိကြောင်း၊ မိမိတို့မှာ မြန်မာလူမျိုးများဖြစ်သည့် အတွက် မြန်မာနိုင်ငံသို့ ပြန်ရန် ဆက်လက်ကြိုးစားမည်ဖြစ်ကြောင်း ဦးတင်ဦးက ဆက်လက်ရှင်းပြသည်။
ယခုနှင်ထုတ်ခံရသည့် အသက် ၇၄ နှစ်ရှိပြီဖြစ်သော ဦးဘအေးသည် တပ်မတော်ရေမှ ပင်စင်စားတဦးဖြစ်ပြီး ၁၉၆၀ ခုနှစ်ခန့်က မြန်မာနိုင်ငံ ကိုယ်စားပြု အနောက်တိုင်းလက်ဝှေ့ အားကစားသမား တဦးလည်းဖြစ်သည်။ ဇနီးဖြစ်သူ ဒေါ်သန်းသန်းညွန့်မှာ လက် တွန်း လှည်းဖြင့် သွားလာနေရသည့် လူမမာ တဦး ဖြစ်သည်။
မြန်မာနိုင်ငံတွင် နေထိုင်စဉ်၂၀၀၁ ခုနှစ်က သုဝဏ္ဏအားကစားကွင်း၌  မြန်မာနှင့် သြစတြေးလျ လက်ဝှေ့သမားများ ထိုးသတ်ရန် စီစဉ်ခဲ့သူဖြစ်ပြီး အကျိုးဆောင်ဂျာနယ်နှင့် ဂမ္ဘီရ ပါဝါဂျာနယ် တို့ကို ထုတ်ဝေခဲ့သည့် လုပ်ငန်းရှင်လည်း ဖြစ်သည်။