မြွေသူတော် မွေးကြမလား

by May Zaw Han on Monday, October 31, 2011 at 5:17pm

 

 

ရုံးပိတ်ရက်ရောက်ဖို့ အကြောင်းအမျိုးမျိုးနဲ့ …. စောင့်နေတဲ့ လူတွေကြားမှာ …. ကျွန်မလည်း ထိပ်ဆုံးက အပါဝင်ပေါ့ … ထိပ်ဆုံးကဆိုတာကတော့ … ဆန္ဓပြင်းပြတာကို ရည်ညွှန်းလိုက်တာပါ … ။ ရုံးပိတ်ရက်တိုင်း ဘာစိတ်ဖိစီးမှုမှ မရှိပဲ လွတ်လွတ်လပ်လပ် ကိုယ့်ဘ၀ကိုယ် အချိုးချခွင့်ရတာကြောင့်ပါပဲ … ။ ရုံးပိတ်ရက်တိုင်း တစ်နေကုန်တနေခမ်း ဘာမှ မစားမသောက်ပဲ အိပ်တတ်သလို ၊ တစ်ခါတစ်လေ … ရွာရိုးကိုးပေါက် လျှောက်သွားနေတတ်တာပါပဲ ….. ။
မနေ့က ရုံးပိတ်ရက်လည်းဖြစ် ရာသီဥတုကလည်း သာယာတာကြောင့် … တစ်နေကုန်အိပ်မယ့် စိတ်ကူးကိုပြောင်းပြီး ….. ဟိုးနားဒီနားသွားခဲ့ပါတယ် ….. ။
ကျွန်မရဲ့ ဟိုနားဒီနားက စားဖို့သောက်ဖို့ ဆိုင်တစ်ခုခု … ဒါမှ မဟုတ်လျှင် …၀ယ်ခြမ်းစရာနေရာတစ်ခုခုကို ဆိုလိုခြင်းပါ  … ။ မကျက်ခင်ကတည်းက မွှေးနေတဲ့  အမေ့ဟင်းတွေက ထမင်းစားချင်စိတ်ကို နှိုးဆော်နေတာကြောင့် … အိမ်ထဲမှာ ထိုင်ပြီး ကိုယ့်ဒုက္ခကိုယ်မရှာချင်တော့တဲ့ စိတ်နဲ့ …. ပိုက်ဆံအိတ်လေးယူပြီး အောက်ဆင်းခဲ့တယ် … ။ လှေခါးလေးက ကျဉ်းတာကြောင့် …လူနှစ်ယောက်ဆုံလျှင် တယောက်က ခဏစောင့်ပြီးမှ သွားလို့ အဆင်ပြေပါတယ် … ။ အမေသဘောကျတဲ့ အဲ့ဒီအခန်းက ကုလား ဗလီရှေ့တည့်တည့်မှာရှိပြီး … အထက်အောက် ဘေးက အိမ်နီးချင်းတွေက ကုလားတွေမို့ … အတက်ဆင်းတိုင်း ဆုံရတဲ့အခါ … ညီစို့စို့ ချွေးနံ့ ကို အသက်အောင်ပြီး ကျော်လွှားရပါတယ် … ။ (အဲ … လူမျိုးခွဲခြားတာတော့ မဟုတ်ပါ … အနံ့ မတူတာ ၊ သူများထက် အနံ့ ပြင်းတတ်တာကို ရည်ရွယ်ပါတယ် ) ။
တိုက်ကြို တိုက်ကြား နေရောင် ဖျဖျကျနေတာကြောင့် … လက်ဖ၀ါးကိုခေါင်းပေါ်တင်နေကာရင်း …. အရိပ်ရတဲ့နေရာလေးတွေကနေ … လမ်းမကြီးဘက်ထွက်ခဲ့ပါတော့တယ် … ။ တဂွီဂွီ မြည်သံနဲ့ အတူ ဗိုက်ဆာကြောင်း အချက်ပေးသံဝင်လာတာကြောင့် …. စားနေကြဆိုင်ဖြစ်တဲ့ …. 39လမ်း နဲ့ မဟာ ဗန္ဓုလလမ်းထောင့်က " ဖြိုး  " ဆိုတဲ့ ခေါက်ဆွဲဆိုင်မှာ ကြာဇံကြော် အေးအေးဆေးဆေးထိုင်စားဖြစ်တယ် …. ဗိုက်နည်းနည်းပြည့်သွားတော့ … ခြေနည်းနည်းရှည်ဦးမှဆိုတဲ့အတွေးနဲ့ …. BAK က စိန်ဂေဟာ ပတ်ဖြစ်တယ် …. အိပ်ယာထဲ လှဲရင်းစားလို့ရမယ် မုန့် နဲ့ အချိုရည်ဗူး တွေဝယ်ပြီး အိမ်ပြန်လာတော့ …. လမ်းမှာ မြွေရောင်းတဲ့ လူနဲ့ တိုးပါတော့တယ် …. ။

ကျွန်မလို စပ်စုတဲ့ ယောကျာ်း နှစ်ယောက် သုံးယောက်ကလည်း … ၀င်ကြည့်နေတာကြောင့် …  သူတို့ ပခုံးပေါ်ကနေ ခြေဖျားထောက်ပြီး စပ်စုလိုက်တယ် … ။ ကျွန်မကလည်း ခြေဖျားထောက်ပြီး အကြည့် … စပ်စုစိန် ယောကျာ်းတစ်ယောက် ကိုင်ထားတဲ့ မြွေကလည်း သူ့လက်ပေါ်ကတဆင့် သူ့ ပခုံးပေါ်က ကျော်တက်လာချိန် … ဗန္ဓုလသွေးပါတဲ့ ကျွန်မ ဟန်ချက်ပျက်ပြီး နောက်ပြန်ယိုင်သွားတော့တယ် … ကဗျာကယာ ဘေးကလူကို လှမ်းဆွဲပြီး ပြုံးဖြီးဖြီးနဲ့ ဆောရီးပြောရပါတော့တယ် …. ။ ဆောရီးပြောသော်လည်း သူ့မျက်လုံးတွေက ကျွန်မကို စပ်စလူးလို့ ဖွင့်မပြောရုံ အဓိပ္ပါယ်ပါပါ … အသံတိတ် လှည့်ကြည့်တယ်လေ … ။ အမှတ်မထင်ဖြစ်သွားတဲ့ ကိစ္စတစ်ခုကို ကြည့်ပြီး လွယ်လွယ်ကောက်ချက်ချတတ်တဲ့ ထိုယောကျာ်းကို မကျေမချမ်းမျက်စောင်းထိုးလိုက်ပြီး (သူကတော့မမြင်) …. .. ကိုင်ချင်လို့ ကိုင်တယ်များ မှတ်သလား ၊ ဖင်ထိုင်လျှက် ချော်လဲမှာစိုးလို့ ကိုင်တာဟု တီးတိုး ရန်ထောင်လိုက်မိတယ် … သူကတော့ မကြားချင်ယောင်ဆောင်ပြီး မြွေရောင်းတဲ့ လူလက်ထဲက မြွေတစ်ကောင်ကို ယူကြည့်နေပါတယ် … ။
ကော်ဗူး ဖန်ပုလင်း အသီးသီးမှာ မြွေတကောင်စီထည့်ထားကာ …. စိတ်ဝင်တစား လာကြည့်သူများကို တကောင်ပြီး တစ်ကောင်ထုတ်ပြခဲ့တယ် ။ ယောကျာ်းတွေကတော့ ကိုင်ကြည့်တဲ့ လူရှိသလို လည်ပင်းပတ်ကြည့်တဲ့ လူလည်း ရှိတယ် …. ။ တစ်ချို့ကလည်း အသည်းယားတယ် မကိုင်ဘူး ဟု ဆိုကာ သူများလက်ထဲက မြွေကို စိတ်ဝင်တစားကြည့်နေတော့တယ် … ။ အကြိမ်မြောက်များစွာ ကျွန်မ ထိုမြွေရောင်းသူကိုနဲ့ သူ့ မြွေတွေကို တွေ့ဖူးပါတယ် … လူတွေ အုံခဲနေတာက တစ်ကြောင်း ၊ စိတ်မ၀င်စား တာက တကြောင်း အဝေးမှသာ အရေးမလုပ်ပဲ ကျော်သွားခဲ့တာချည်းပင် … ။ ဒီတခါတော့ …လူကလည်းရှင်ပြီး … မြွေလေးတွေ အရောင်စုံတာကြောင့် စပ်စုတဲ့စိတ် အရင်းခံနဲ့ ၀င်ကြည့်မိပါတယ် … မြွေသူတော်လို့ ခေါ်ပါတယ်တဲ့ … မြွေလေးတွေ က နွားနို့နဲ့ ရေပဲသောက်ပြီး အဆိပ်မရှိပါဘူး … အဆိပ်မရှိဆိုသလို သူတို့ရဲ့ ခေါင်းလေးတွေက ကိုယ်လုံးထက်တောင် သေးငယ်နေပါသေးတယ် … အကောင်လေးတွေ တော့ ရှည်ပေမယ့် … မျှင်မျှင် ပိန်သေးသေးလေးတွေပါပဲ … ။ မြွေဆိုလျှင် လူတွေ အသံကြားတာနဲ့ ကြောက်ကြတဲ့ သတ္တ၀ါ … အခုတော့ သူတို့ခမျာ မြွေချင်းအတူတူ မြွေသူတော်အမျိုးစားဖြစ်တာကြောင့် … လူတွေ ဆော့စရာဖြစ်နေတော့တယ် … ။ အကောင်အသေးဆုံးရဲ့ ကိုယ်လုံးပတ်မှာ 1.5cm လောက်သာ ရှိပြီး အရှည် တစ်ပေကျော်ပါတယ် … ။ ရောင်းဈေးမှာ အသေးဆုံးလျှင် တစ်ကောင် သုံးထောင် ခန့် ရှိပြီး အကြီးဆုံးအကောင် 3.5cm လောက်လျှင် ငါးထောင်ကျပ်ခန့် ဈေးပေါက်ပါတယ် …. ။ ဗူးလေးထဲမှာ ထားလျှင် ထားသလို ခွေနေတတ်ပြီး အပြင်ထုတ် ကိုယ်မှာပတ်ထားလျှင်လည်း နေပါသတဲ့ … ။ တချို့ အိမ်တွေမှာ ၀ါးပင် အသေးလေးတွေနဲ့ အိမ်တွင်းမွေးမြူထားသလို အလှမွေး မှန်ပုံးနဲ့လည်း မွေးနိုင်ပါတယ်တဲ့ … ။
ကျွန်မလည်း မြွေမချစ်တတ်ပါဘူး … ဒါပေမယ့် မြွေလေးတွေကို ကြည့်ရင်း ကြပ်ကြပ်တည်းတည်းနေရတာကို သနားသလိုလိုဖြစ်လာတယ် … ဒါပြင် သေးသေးလေးမို့ လူတွေ မကြောက်ကြတာ ကြည့်ရင်း အားမလိုအားမရဖြစ်လာပြီး …. တကောင်လောက် ၀ယ်မွေးမလား စိတ်ကူးမိသေးတယ် … ။ ဒဂုံစင်တာမှာ ဗုံးပေါက်ကတည်းက အခုနောက်ပိုင်းရှောပင်းစင်တာတွေဝင်လျှင် အိပ်ဖွင့်ပြီး စစ်တာ အမြင်ကတ်လွန်းလို့ … မြွေတကောင်လောက် အိပ်ထဲ ထည့်ထားမလားတွေးတယ် …. ။ (စစ်သာ စစ်တာ ဟန်ပြပါ .. အိတ်ထဲ လျှောက်လှန်လှောရှာပြီး သူတို့ရောင်းကုန်နဲ့ တူတာဆိုလျှင် စတစ်ကာတွေ လျှောက်ကပ်တော့တာပဲ … ကျွန်မနဲ့ ခဏခဏ ပြသနာတက်တယ် …. စတစ်ကာတွေက ခွာပြီးတောင် ကော်တွေ ကျန်နေတတ်တာကြောင့် … ကော်တွေစင်အောင် ပြန်လုပ်ရတာအလုပ်ရှုပ်လွန်းလို့ပါ ) ။ ၀ယ်လျှင်ကောင်းမလား ၊ မကောင်းဘူးလား အတွေးနဲ့ ဇဝေဇ၀ါဖြစ်နေတုန်း … မြွေရောင်းတဲ့ ဦးလေးကြီးက ကိုင်ကြည့်မလားဆိုတာနဲ့ … အိစိအိစိမြွေတစ်ကောင်လောက် အရဲစွန့်ပြီး ကိုင်ကြည့်လိုက်တယ် … ။ တခြားမြွေတွေနဲ့ မတူတာက သူတို့ကိုယ်ခန္ဓာက စိုစိစိဖြစ်မနေပဲ … ခြောက်နေလို့ပါ… ကျွန်မလက်ထဲ ကိုင်မိတဲ့အခါ … လူကိုပတ်မှာ စိုးလို့ကြောက်အား လန့်အား ညှစ်မိပါတယ် … မြွေရောင်းတဲ့ လူက လက်နဲ့ ညှစ်တာနဲ့ သူတို့ သေရရှာတယ်ပြောလို့  … စိတ်မကောင်းပဲ ခပ်ဖွဖွလေး ကိုင်ထားမိပါတော့တယ် … ။ မြွေဝယ်လျှင် တကောင်တည်းဆို ပျင်းမှာစိုးလို့ နှစ်ကောင်လောက် ၀ယ်မယ်တွေးတော့ … မြွေရောင်းသူက အထီးအမ၀ယ်ပါတဲ့လေ … အစုံလိုက်ဆို ပွားမှာပေါ့လို့ ပြန်ပြောတော့… ဟုတ်ပါတယ်တဲ့… တစ်ခါပွားလျှင် နှစ်ကောင်ကနေ ကိုးကောင်အထိရှိပါသတဲ့ … ။ ဒါနဲ့ပဲ … မဖြစ်ပါဘူးဆိုပြီး ကိုင်ထားတဲ့ မြွေ သူ့လက်ထဲ ပြန်ပေးပြီး … လှည့်ပြန်လာခဲ့ပါတော့တယ် … ။
အရင်က ကြောင်လေးတွေ ၊ ခွေးလေးတွေ ၊ ကြက်တူရွေး ၊ သာလိကာ ၊ ယုန် ၊ ငါး မွေးထားဖူးပေမယ့်… သူတို့ သေသွားလျှင် ကျွန်မပါ မအိပ်နိုင် မစားနိုင်ဖြစ်ရတယ် …. ။ ကြောင်တွေဆို သူများကိုလည်း မပေးရက် … အိမ်မှာကလည်း များလာလွန်းလို့ .. အဆူခံရနဲ့ … ကြောင် ဆယ့်နှစ်ကောင်ထိ အများဆုံးမွေးခဲ့ဖူးတယ် … ။ သတ္တ၀ါတစ်ကောင်ကောင်ကို မွေးပြီးပြီဆိုလျှင် သံယောဇဉ်ဖြစ်တတ်တဲ့ အကျင့်ရှိတာကြောင့် ….ကျွန်မ မွေးထားတာလေးတွေ သေပြီး …  ဘယ်သတ္တ၀ါမှ မမွေးဘူးလို့ တွေးနေခဲ့တာ … လွန်ခဲ့တဲ့ နှစ်နှစ်လောက်ကတည်း က ဘေးအိမ်ကကြောင်လေး … အိမ်ရောက်လာတော့ … အခု အိမ်မှာ သောင်တင်နေလေပြီပေါ့ … ။ အတူစား ၊ အတူအိပ်ပြီး ပွတ်သီး ပွတ်သပ်နေလေတော့ကြောင်လေးက ငယ်မွေးခြံပေါက်လို ကျွန်ကို သူ့သခင်မှတ်နေတယ် … ဟိုးတခါ သူ့အကြောင်းပို့ စ်တင်ဖူးပါတယ် ရေခဲချောင်းစားတဲ့ ကြောင်လေး မည်းမည်းဆိုတာပေါ့ … ။

ဆိုလိုချင်တာက … ဘယ်သတ္တ၀ါမဆို ကိုယ့်အပမ်းဖြေဖို့ သက်သက် သူတို့ လွတ်လပ်မှုကို မချုပ်တည်းသင့်တာပါပဲ … ။ အခုမြွေလေးတွေလည်း .. အဆိပ်မရှိ ၊ မကိုက်နိုင်တော့ … လူတွေရဲ့ အလှမွေးဖြစ်ကြရရှာတယ် … ။ သနားစရာ သူတို့ ဘ၀ ပုလင်းထဲ ခွေခေါက် နေရပုံကို စာနာမိလို့ … ၀ယ်ပြီး  အိမ်မှာ လွှတ်ထားဖို့ကလည်း … မြွေက သေးလွန်းတာကြောင့် အိပ်နေတုန်း ပါးစပ်ထဲ နားထဲ ၀င်သွားမှာက တကြောင်း ၊ ကြောင်နဲ့ မြွေ ဖိုက်တင်ပလေးနိုင်တာက တကြောင်းနဲ့ …. ကိုင်ကြည့်ပြီးမ၀ယ်ပဲ… အိမ် ပြန်ခဲ့ရပါတော့တယ် … ။ ။