ဒီမိုကရေစီ လေ့လာရေးစာစဉ် အခန်း(၄) အပိုင်း(၁)

လွတ်လပ်မှု၏ သဘောတရားများ (Concepts of Liberty)

အခြေခံလွတ်လပ်ခွင့်များ

(Fundamental Freedom)

          ဒီမိုကရေစီ အုပ်ချုပ်ရေးစနစ်ကို လိုလားတောင့်တရခြင်း အကြောင်းများအနက် အခြားသော အုပ်ချုပ်ရေးစနစ်များတွင် ရရှိခံစားခြင်း မပြုနိုင်သော လွတ်လပ်မှုအခွင့်အရေး ခံစားခွင့်ရှိခြင်းသည် တခုအပါအ၀င် ပင်ဖြစ်သည်။ ရေဘုယျအားဖြင့် လွတ်လပ်မှု အခွင့်အရေးဟု ဆိုရာတွင် လွတ်လပ်စွာရေးသား ထုတ်ဖော်ခွင့်၊ ဟောပြောစည်းရုံးခွင့်၊ စီတန်းလှည့်သည် ဆန္ဒပြခွင့်၊ နှစ်သက်ရာ နိုင်ငံရေး အတွေးအခေါ်တွင် သက်ဝင်ယုံကြည်ခွင့်၊ ဘာသာတရား ကိုးကွယ်ယုံကြည့်ခွင့်၊ အသင်းအဖွဲ့များ ထူထောင်ခွင့် စသည့်အခွင့် အရေးများကို အဓိက ဆိုလိုခြင်းဖြစ်သည်။ ထိုလွတ်လပ်မှု အခွင့်အရေးများ မရှိဘဲနှင့် ဒီမိုကရေစီအုပ်ချုပ်ရေးစနစ်ကို အကောင်ထည်ဖော်နိုင်မည်မဟုတ်ပါ။ ထိုအခွင့်အရေးများကို တကမ္ဘာလုံး အတိုင်းအတာဖြင့် လက်ခံကျင့်သုံးနိုင်ရန် ကုလသမဂ္ဂက အပြည်ပြည်ဆိုင်ရာလူ့အခွင့်အရေး ကြေညာစာတမ်းဖြင့်လည်း အခိုင်အမာ ပြဌာန်းပေးပြီးဖြစ်သည်။ ထိုအခွင့်အရေးများသည် ဒီမိုကရေစီ နိုင်ငံရေးစနစ်ရှိမှသာ ရှင်သန်နိုင်သော အခွင့်အရေး များဖြစ်သည်။

          လွတ်လပ်စွာ ရေးသားထုတ်ဝေခွင့်၊ ဟောပြောစည်းရုံးခွင့်တို့သည် နိုင်ငံရေးပါတီများ ဒီမိုကရေစီ စီးပွားရေး သီအိုရီအရ ရွေးကောက်ပွဲများတွင် ၀င်ရောက်ယှဉ်ပြ်ိုင်ရေးတွင် မရှိမဖြစ်လိုအပ်သော အခွင့်အရေးများ ဖြစ်သည်။ နိုင်ငံရေးပါတီများ ထိုအခွင့်အရေးမရှိဘဲ သော်လည်းကောင်း၊ အခွင့်အရေးရှိ သော်လည်း ပါတီများများအချင်းချင်းကြား ညီမျှမရှိလျှင်သော်လည်းကောင်း ထိုရွေးကောက်ပွဲများကို လွတ်လပ်မှုမရှိခြင်း၊ တရားမျှတမှုမရှိခြင်း စသည့်ဖြင့် သတ်မှတ်ကြပေလိမ့်မည်။ မြန်မာနိုင်ငံတွင် ၁၉၉၀ ခုနှစ်က နိုင်ငံတော်ငြိမ်ဝမ်ပိပြားမှု တည်ဆောက်ရေးအဖွဲ့ ကြီးကြပ်မှု အောက်တွင် ကျင်းပခဲ့ရသော အထွေထွေရွေးကောက်ပွဲသည် အဆိုပါအခွင့်အရေးမျာ မရှိသဖြင့် လွတ်လပ်၍ တရားမျှတမှုမရှိကြောင်း ဝေဖန်ခဲ့ကြသည်။ ထိုရွေးကောက်ပွဲတွင် ဒီမိုကရေစီကို လိုလားသော ပြည်သူများ၏ အကြပ်အတည်းကြားမှပင် ထုတ်ဖော်ပြသလိုက်သော ဆန္ဒမဲများသည် ဒီမိုကရေစီကိုလိုလားသော ပြည်သူများအတွက် ကောင်းသော ရလဒ် ဖြစ်သော်လည်း ထိုရလဒ်ကိုကြည့်၍ ရွေးကောက်ပွဲကို လွတ်လပ်၍ တရားမျှတမှုရှိသည် ဟူ၍ကား ပြောရန်မဖြစ်နိုင်ချေ။ လွတ်လပ်၍ တရားမျှတမှု ရှိ မရှိကို  ဆုံးဖြတ်ရာတွင် ရလဒ်ကို ကြည့်၍ ဆုံးဖြတ်ခြင်း မဟုတ်ဘဲ  ရွေးကောက်ပွဲ အကြိုကာလ  အခြေအနေများအရ လွတ်လပ်စွာ ရေးသားထုတ်ဖော်ခွင့်၊ ဟောပြောစည်းရုံးခါင့် မရှိခြင်းတို့အပေါ်တွင် မူတည်၍သာ ဆုံးဖြတ်ခြင်းဖြစ်သည်။ လွတ်လပ်စွာ ရေးသားဖော်ထုတ်ခွင့်၊ ဟောပြောစည်းရုံးခွင့်တို့သည် ရွေးကောက်ပွဲများ အတွက်သာ အရေးကြီးသည်မဟုတ်၊ ပြည်သူတို့ ရွေးကောက်ထားပြီးသော ပြည်သူ့ကိုယ်စားလှယ်များအပေါ် လုပ်ပိုင်ခွင့် ကန့်သတ်ပေးရာတွင် လည်းကောင်း၊ ပြည်သူ့ဆန္ဒကို လေးစားလိုက်နာစေရန် သော်လည်းကောင်း ပြုလုပ်ရန်အတွက်လည်း လိုအပ်သော အခွင့်အရေးများ ဖြစ်သည်။ ဤသည်မှာ စာနယ်ဇင်း လွတ်လပ်ခွင့် (Freedom of Press) လည်းဖြစ်သည်။

          ငြိမ်းချစ်စွာ စီတန်းလှည့်လည်း ဆန္ဒပြခွင့်သည်လည်း ဒီမိုကရေစီ နိုင်ငံရေးစနစ်အတွင်းက ပြည်သူများအတွက် အရေးကြီးသော အခွင့်အရေးတရပ်ဖြစ်သည်။ ပြည်သူများသည် မိမိတို့၏ လိုအင်ဆန္ဒကို ထုတ်ဖော်ပြသရန် အတွက်ဖြစ်စေ ၊အစိုးရအာဏာပိုင်များအပေါ်ကန့်ကွက် ဆန္ဒပြရန် အကြောင်းပေါ်လာလျှင် ဖြစ်စေ၊ ငြိမ်းချမ်းစွာ စီတန်းလှည့်လည် ဆန္ဒပြခွင့်ရှိသည်။ ဤအခွင့်အရေးသည်  အပြည်ပြည်ဆိုင်ရာ လူ့အခွင့်အရေး ကြေညာစာတမ်းက အသိအမှတ်ပြု အကာအကွယ်ပေးထားရုံမက နိုင်ငံ အတော်များများ၏ ဖွဲ့စည်းအုပ်ချုပ်ပုံ အခြေခံဥပဒေ အရလည်း အာမခံသော အခွင့်အရေးဖြစ်သည်။ ဒီမိုကရေစိနိုင်ငံရေးစနစ် ခိုင်မာမှုမရှိသော နိုင်ငံများတွင် ဤအခွင့်အရေး ကျင့်သုံးမှုအား လုံးဝလိုလိုပင် ဟန့်တားခံထားသည်ကို တွေ့ရသည်။

          ယနေ့ကမ္ဘာကြီးတွင် လူတိုင်းအတွက် ရွေးချယ်ရန်အရောင်အသွေးစုံလှသော နိုင်ငံရေးအတွေးအခေါ် အယူအဆ များစွာရှိနေပါသည်။ လက်ဝဲလက်ယာ နိုင်ငံရေးရောင်စဉ်တန်း( Political Spectrum) တွင်ထည့်သွင်းသတ်မှတ်နိုင်သော ကွန်မြူနစ်ဝါဒ၊ ဆိုရှယ်လစ်ဝါဒ၊ ဆိုရှယ်ဒီမိုကရက်တစ်ဝါဒ၊ လစ်ဘရယ်ဝါဒ၊ ကွန်ဆာဗေးတစ်ဝါဒ၊ ဖက်ဆစ်ဝါဒ စသည့် နိုင်ငံရေးအတွေးအခေါ် အယူအဆများသည်လည်းကောင်း၊ က္ကတ္ထိယ၀ါဒ(Feminism)၊ သဘာဝပတ်ဝန်းကျင် ထိန်းသိမ်းရေးဝါဒ (Environmentalism)၊ စသည့် နိုင်ငံရေး အတွေးအခေါ်အယူအဆများသည်လည်းကောင်း၊ ဘာသာရေးကိုအကြောင်းပြုဖြစ်ပေါ်လာသည့် ဘာသာရေး အခြေခံဝါဒ(Fundermentalism) သည်လည်းကောင်း လူသားအားလုံး၏ ပတ်ဝန်းကျင်တွင် ဖြစ်ပေါ်တည်ရှိနေ သည်။ ထိုဝါဒများအပေါ်အခြေခံ၍ နိုင်ငံရေးပါတီများသည်လည်း မှိုလိုပေါက်လျက်ရှိနေသည်။ 

          ဒီမိုကရေစီနိုင်ငံရေးစနစ်တွင် ပါတီစုံရှင်သန်ရပ်တည်ခွင့်ကို လမ်းဖွင့်ပေးထားရန် လိုအပ်သည်။ မည်သူ တဦးတယောက်ကမျှ တားဆီးပိုင်ခွင့်မရှိပေ။ ထိုအခွင့်အရေးသည် ပြည်သူများ၏ လွတ်လပ်စွာနိုင်ငံရေး အတွေးအခေါ်တွင် သက်ဝင်ယုံကြည်ခွင့်ပင်ဖြစ်သည်။ မိမိနှစ်သက်ရာ နိုင်ငံရေးပါတီသို့ဝင်ရောက်ခြင်း၊ ထောက်ခံခြင်း သို့မဟုတ် နိုင်ငံရေးအတွေးအခေါ်များကို လေ့လာခြင်း၊နှိုင်းယှဉ်ခြင်းတို့ကို လွတ်လပ်စွာပြုပိုင်ခွင့် ရှိစေရမည်။ ဤသည်မှာ ပါတီစုံဒီမိုကရေစီနိုင်ငံရေးစနစ်၏ အနှစ်သာရပင်ဖြစ်သည်။

          အာဏာရှင်နိုင်ငံရေးစနစ်တွင် ပြည်သူများ၏ မိမိနှစ်သက်ရာ နိုင်ငံရေးအတွေးအခေါ်တွင် သက်ဝင်ယုံ ကြည်ခွင့်ကို ပိတ်ပင်ထားပြီး နိုင်ငံရေးပါတီများပေါ်ပေါက်လာခြင်းကိုလည်း ဟန့်တားထားတတ်သည်။ ကွန်မြူနစ်ပါတီတခုတည်းကိုသာ နိုင်ငံတော်ပါတီအဖြစ် ဖွဲ့စည်းထားပြီး အခြားနိုင်ငံရေးပါတီများထူထောင် ခွင့်ကို ပိတ်ပင်ထားသည်။ မာ့ခ်စ်-လီနင်ဝါဒ ကွန်မြူနစ်နိုင်ငံရေးအတွေးအခေါ်တွင် ပစ္စည်းမဲ့လူတန်းစားများ၏ ပါတီ(ကွန်မြူနစ်ပါတီ) တခုတည်းကသာ အာဏာယူသော အာဏာရှင်စနစ်ကို စိုက်ထူရမည်ဟူသော အချက်ကို အခိုင်အမာဖော်ဆောင်ထားသည်။ ဂျာမန်ဒီမိုကရက်တစ်သမ္မတနိုင်ငံ (အရှေ့ဂျာမဏီ)၊ ရိုမေးနီးယား ၊စတာလင်ခေတ် ဆိုဗီယက်ပြည်ထောင်စုကဲ့သို့သော ကွန်မြူနစ်နိုင်ငံများတွင် ကွန်မြူနစ်နိုင်ငံရေး အတွေး အခေါ်များကို ပြည်သူတို့၏ အာရုံအတွင်း အတင်းအကြပ်သွတ်သွင်းပြီး ထိုအတွေးအခေါ်ကို ဆန့်ကျင်သည့် အရိပ်အယောင်မျှဖြင့် ဖမ်းဆီးခြင်း၊ နှိပ်စက်ညှင်းပန်းခြင်း၊သေဒဏ်စီရင်ခြင်းအထိ ပြုလုပ်တတ်ကြသည်။ ဦးနေ၀င်း နိုင်ငံတော်အာဏာသိမ်းမှု ဖြစ်ပြီးနောက် မြန်မာ့ဆိုရှယ်လစ်လမ်းစဉ်ပါတီကို တည်ထောင်ကာမြန်မာ နိုင်ငံတွင် ဦးနေ၀င်း ကျင့်သုံးခဲ့သော ပုံစံသည်လည်း ထိုအတိုင်းပင်ဖြစ်သည်။ ထိုကွန်မြူနစ်၊ ဆိုရှယ်လစ် နိုင်ငံများ ဒီမိုကရေစီစနစ်သို့ အသွင်ကူးပြောင်းသောအခါ ပထမဦးဆုံးဖျက်ဆီးပစ်ရသော အချက်မှာ လွတ်လပ်စွာ နိုင်ငံရေးအတွေးအခေါ်သက်ဝင်ယုံကြည်မှုကို ပြဌာန်းချက်များဖြစ်သည်။

          အီရန်နိုင်ငံတွင် ၁၉၇၉ ခုနှစ်တွင် သျှားဘုရင်ကိုဖယ်ရှားသော တော်လှန်ရေးကြီး ပြီးနောက် အာဏာရ လာသော ခိုမေနီ ( Ruhoila Khoneini, 1902-1989) သည် အစ္စလာမ်ဘာသာရေးအခြေခံဝါဒီ (Fundermentalist) တဦးဖြစ်သည်။ တဖြည်းဖြည်းနှင့် အစွန်းရောင်ဝါဒီအဖြစ် ရောက်ရှိလာသောအခါ အာဏာရှင်တဦးအဖြစ်သို့ ရောက်ရှိသွားလေသည်။ အီရန်ပြည်သူများ၏ လွတ်လပ်စွာနိုင်ငံရေး အတွေးအခေါ် သက်ဝင်ယုံကြည်ခွင့် အခွင့်အရေး ဆုံးရှုံးလျက်ရှိသည်။ ဤဖြစ်ရပ်မျိုးသည် ဘာသာတခုခုကို နိုင်ငံတော် ဘာသာအဖြစ် ပြဌာန်းလိုက်ခြင်း၏ နောက်ဆက်တွဲအကျိုးရလဒ်ဖြစ်သည်။ ဒီမိုကရေးစီနိုင်ငံတခုတွင် ဘာသာ တခုခုကို နိုင်ငံတော်ဘာသာအဖြစ် ပြဌာန်းရန် မဖြစ်ကောင်းပေ။ စိတ်အထွေထွေ လူအမျိုးမျိုး ပါဝင်တတ်သော နိုင်ငံတိုင်း နိုင်ငံတိုင်းသည် ဘာသာရေးအရ လွတ်လပ်စွာ ကိုးကွယ်ယုံကြည်ခွင့်ကို ခွင့်ပြုထားရမည်သာ ဖြစ်သည်။

ဒီမိုကရေစီနှင့် လွတ်လပ်သော စီးပွားရေးစနစ်

(Democracy and Free Economic System)

          ဒီမိုကရေစီနိုင်ငံရေးစနစ်ကို လိုချင်ရခြင်းအကြောင်းအရင်းအျားတွင် လွတ်လပ်စွာ စီးပွားရှာနိုင်ခြင်း သည် အကြောင်းရင်း တရပ်အဖြစ် ပါဝင်လျက်ရှိသည်။ နိုင်ငံတော်က ထိန်းချုပ်သော စီးပွားရေး (Planned Economy) စနစ်များ အောင်မြင်မှုမရှိကြောင်း အခိုင်အမာ သိမြင်လာလေလေ ပုဂ္ဂလိက ပိုင်ဆိုင်မှုကို အခြေခံသည့် လွတ်လပ်သော စီးပွားရေးစနစ်များကို ပို၍တောင်းဆိုလာကြသည်။ လွတ်လပ်သော စီးပွားရေးစနစ်ဟု ဆိုရာတွင်လည်း မည့်သို့သော စီးပွားရေးစနစ်သာ နိုင်ငံတော်အတွင်း ကျင့်သုံးရမည်ဟူသော ကန့်သတ်သည့် မည်သည့်ပြဌာန်းချက်မျိုးမှ မဟုတ်နိုင်ငံတော်အတွင်း ကျင့်သုံးခွင့်ကိုသာ ဆိုလိုသည်။ တောင်းဆိုနေသော အခြေအနေကို လိုက်၍ သင့်တော်သော စီးပွားရေးစနစ်နှင့် ပေါ်လစီများကို လိုအပ်သလို ချမှတ်နိုင်ရေးကို လမ်းဖွင့်ပေးထားရေး ဖြစ်သည်။ လွတ်လပ်သော စီးပွားရေးစနစ်ကို လွတ်လပ်သော ဈေးကွက်စီးပွားရေး စနစ် (Free Market Economy) တခုတည်းကိုသာ သဘောပေါက် လက်ခံထားရန်လည်း မဟုတ်ပါ။ အဘယ့်ကြောင့်ဆိုသော် ဈေးကွက်စီးပွားရေး စနစ်သည် စီးပွားရေးစနစ်များထဲမှ တခုသာ ဖြစ်သည်။  ယနေ့ဒီမိုကရေစီ နိုင်ငံကြီးများတွင်ပင် လွတ်လပ်သော ဈေးကွက်စီးပွားရေး စနစ်တမျိုးတည်းကို ကျင့်သုံးနေခြင်းမဟုတ်ဘဲ အခြားစနစ်များနှင့် ရောနှော၍ သော်လည်းကောင်း၊ အခြားသော စီးပွားရေးစနစ်များသို့ ကူးပြောင်း၍ သော်လည်းကောင်း၊ ကျင့်သုံးနေကြသည်ကို တွေ့ရသည်။ ဆက်လက်၍လည်း ပြောင်းလဲနေဦးမည်လော ဖြစ်သည်။

          လွတ်လပ်သော ဈေးကွက်စီးပွားရေး စနစ်စစ်စစ် အခြေခံသဘောတရားမှာ ၀ယ်လိုအား ဈေးကွက် အပေါ် မူတည်၍ ကုတ်ထုတ်လုပ်ခြင်း၊ ကူးသန်းရောင်ဝယ်ခြင်းဖြစ်ပြီး အစိုးရ၏ ထိန်းချုပ်မှု လုံးဝကင်းရှင်းပြီး လွတ်လပ်မှု ရှိရေးပင်ဖြစ်သည်။ ဤစီးပွားရေးစနစ်ကို လေဆာဖဲ (Laissez-faire) ဟုလည်း လူသိများသည်။ Laissez-faire ဝေါဟာရသည် ပြင်သစ်ဘာသာစကားဖြစ်ပြီး လူဝီ(၁၄) (Louis xiv) ဘုရင်လက်ထက်တွင် ပေါ်ပေါက်လာခြင်းဖြစ်သည်။

          ထိုစီးပွားရေးစနစ်သည် အစိုးရ၏ ထိန်းချုပ်မှု နည်းနိုင်သမျှ နည်းအောင် လျော့ချစေသော လွတ်လပ်သည့် ဈေးကွက်စီးပွားရေးစနစ် အခြေခံဖြစ်သည်။ ကိန်းစီးပွားရေးစနစ် (Keynesian Economic) ပေါ်ပေါက်ပြီးနောက် Laissez-faire စီးပွားရေး စနစ်စစ်စစ်မှာ  အတန်ငယ်မှေးမိန်သွားခဲ့ပြီး ၁၉၇၀ ခုနှစ်များတွင် ပြန်လည် ဆန်းသစ်လာသည်။ လက်ယာဝါဒသစ် (New Right) ယုံကြည့်မှုများက ထိုစီးပွားရေးစနစ်ကို ပြန်လည် ဖော်ထုတ်ကြသည်။

          Laissez-faire စီးပွားရေးစနစ်သည် အရင်းရှင်စီးပွားရေးစနစ်အောက်တွင် အရင်ရှင်ဘူဇွာ လူတန်းစား များက ကုန်ထုတ်အရင်းနှီးများ ပိုင်ဆိုင်ကြပြီး ပစ္စည်းမဲ့များက အရင်းရှင်များ၏ စက်ရုံအလုပ်ရုံများတွင် ၀င်ရောက် အလုပ်လုပ်ကိုင်ကြရသည်။ အရင်းရှင်းများက ၄င်းတို့အမြတ်အစွန်းအတွက် အလုပ်သမားများ၏ လုပ်ခကို လျော့ပါးခြင်း၊ နာရီပိုခိုင်းခြင်း၊ အလုပ်ခွင်အခြေအနေကောင်းမွန်အောင် စီမံပေးရန်ပျက်ကွက် ခြင်းတို့ကြောင့် မြင်တွေ့နေရသော ပဋိပက္ခများမှ လွတ်မြောက်စေရန် ရည်ရွယ်ချက်ဖြင့် ကားလ်မာ့စ် (Karl Marx, 1818-1883) ဦးဆောင်ပြီး ကုန်ထုတ်အရင်းမနှီးများကို ပြည်သူလူထုက ပိုင်ဆိုင်သော စီမံကိန်း စီးပွားရေးစနစ်ကို ဖော်ဆောင်လာကြသည်။ ထို့အပြင် စီမံကိန်း စီးပွားရေးစနစ်ကိုသာ နိုင်ငံတော်တွင် ကျင့်သုံးရမည်ဟု ပြဌာန်းချက် ပြုလုပ်လာသည်။

          စီမံကိန်း စီးပွားရေးစနစ် တခုတည်းဖြင့် စီးပွားရေးကို အောင်မြင်အောင် အလုပ်နိုင်ကြောင်း တွေ့မြင်ရပြီး ဖြစ်သည်။ Laissez-faire စီးပွားရေးစနစ်သည်လည်း အကြပ်အတည်း၊ အခက်အခဲများနှင့် ကြုံလာရသည်။ အထူးသဖြင့် ၁၉၃၀ခုနှစ် ပတ်ဝန်းကျင်ကာလက တကမ္ဘာလုံး စီးပွားရေးကဒ်ကြီး ကျရောက် ရင်ဆိုင်ခဲ့ရသောအခါ Laissez-faire စီးပွားရေးစနစ် ယိမ်းယိုင်လာပြီး စီးပွားရေး စနစ်သစ်များ ပေါ်ထွန်လာသည်။ Laissez-faire စီးပွားရေးစနစ်သည် ဈေးကွက်ကို အခြေခံ၍သာ ဖွံ့ဖြိုးတိုးတက်ရသဖြင့် အကြောင်းအားလျော်စွာ ဈေးကွက်တွင် ၀ယ်လိုအားကျဆင်းသောအခါ ကုန်ထုတ်လုပ်မှုပါ ကျဆင်းရမည်ဖြစ်ပြီး အကျိုးအဆက်အားဖြင့် အလုပ်လက်မဲ့များ များပြားလာမည်ဖြစ်သည်။ ဈေးကွက်၏ ၀ယ်လိုအားသည် သဘာဝအလျောက် ၀ယ်လိုအား မြင့်မားတက်လာမည် မဟုတ်ချေ။ အကန့်အသတ်များရှိသည်။ ထိုအကန့် အသက်များကို  ချောမောပြေပြစ်အောင် ဖန်တီးမပေးနိုင်ပါက Laissez-faire စီးပွားရေး စနစ်တွင် အကြပ်အတည်း အခက်အခဲများ ကြုံလာရမည်ဖြစ်ပြီး အလုပ်လက်မဲ့ များပြားလာမည်။ ၁၉၃၀ ခုနှစ် ပတ်ဝန်းကျင်က ရင်ဆိုင်ရသော ကမ္ဘာ့စီးပွားရေး အကြပ်အတည်း သည် Laissez-faire စီးပွားရေးစနစ်၏ အဆိုပါ အကြပ်အတည်း ပင်ဖြစ်သည်။ ဤသည်မှာ လွတ်လပ်သော ဈေးကွက်စီးပွားရေးစနစ် စစ်စစ်၏ ချို့ယွင်းချက်များကြောင့်ဖြစ်သည်။

          လွတ်လပ်သော ဈေးကွက်စီးပွားရေး စနစ်စစ်စစ်၏ အားနည်းချက်များကို အခိုင်အမာ ဝေဖန် ထောက်ပြသူမှာ ဗြိတိသျှ စီးပွားရေးပညာရှင် ဂျွန်မေနကိန်း (John Maynard Keynes, 1883-1946) ဖြစ်သည်။ သူသည် ထိုအားနည်းချက်ကို ထောက်ပြရင်းစီးပွားရေးစနစ်တရပ်ကို ဖော်ထုတ်ခဲ့ရာ ထိုစနစ် ကိန်း စီးပွားရေးစနစ် (Keynesianism) ဟု လူသိများသည်။ ကိန်းသည် ၄င်း၏ စီးပွားရေးစနစ်အကြောင်းကို ၁၉၃၆ ခုနှစ်တွင် ရေးသားထုတ်ဝေသည့် “အာသပြာ၊ အကျိုးအပြတ်နှင့် အလုပ်ရရှိရေး သီအိုရီ (General Theory of Employment, Interest and Money)” စာအုပ်တွင် ဖော်ပြထားသည်။ ကိန်းက အဓိက ထောက်ပြရာတွင် ဈေးကွက်၏ အန္တိမ ၀ယ်လိုအား (Aggregate Demand) တွင် အကန့်အသတ်ရှိခြင်း၊ ထို့ကြောင့် ကုန်ထုတ်လုပ်မှု လျော့ချခြင်း၊ ထို့ကြောင့် အလုပ်သမားများ အလုပ်ပြုတ်ခံရခြင်းစသည့် ဖြစ်စဉ်သံသရာကို ထောက်ပြသည်။

          ထိုဖြစ်စဉ်တွင် ဈေးကွက်၏ အန္တိမ၀ယ်လုိအား အကန့်အသတ်ရှိခြင်းကို ဖြေရှင်းပေးနိုင်ပါက ပို၍ချော့မွေ့ဖွံ့ဖြိုးသော စီးပွားရေးဘ၀တခုကို ဖော်ထုတ်နိုင်မည်ဟု ထောက်ပြခဲ့သည်။ ဈေးကွက်ဝယ်လိုအား အကန့်အသတ်ရှိမှု ပြဿနာကို ဖြေရှင်းရန်မှာ Laissez-faire စီးပွားရေးစနစ်က သူ့အလိုလို ဖြေရှင်းရန် မစွမ်းအောင်နိုင်ပေ။ ထိုပြသနာကို အစိုးရကသာ ၀င်ရောက် ဖြေရှင်းပေးနိုင်သည်။

          ဈေးကွက်၏ အန္တိမ၀ယ်လိုအား ကျဆင်းမှုကို အစိုးရက တိုက်ရိုက်ဖြေရှင်းခြင်း မဟုတ်ဘဲ အလုပ်လက်မဲ့ပြဿနာ မြင့်တတ်လာခြင်းကို ကာကွယ်ရန် ကိန်းကတင်ပြသည်။ ဈေးကွက် ၀ယ်လိုအား ကျဆင်းလာချိန်တွင် အစိုးရအနေဖြင့် အခြားအလုပ်အကိုင်များ ဖော်ထုတ်ဖန်တီး ပေးခြင်းဖြင့် အလုပ်လက်မဲ့ ပြဿနာကို ဖြေရှင်းပေးနိုင်သည်။ လူထုအကျိုးပြု လုပ်ငန်းများဖြစ်သည့် စာသင်ကျောင်း ဆောက်လုပ်ခြင်း၊ ၄င်းတို ၀န်ထမ်းခန့်ထားခြင်း၊ လမ်းဖောက်လုပ်ခြင်း စသည့် နည်းလမ်းများဖြစ်သည်။ ဆောက်လုပ်ရေး လုပ်ငန်းသစ် ဖော်ထုတ်ခြင်းကြောင့် ဆောက်လုပ်ရေးပစ္စည်းဈေးကွက်တွင် ၀ယ်လိုအား တတ်လာမည်ဖြစ်ပြီး ဆောက်လုပ်ရေး လုပ်သားများလည်း အလုပ်ရရှိမည့် ဆင့်ပွားအကျိုးသက်ရောက်မှု (Multiplier Effect) ရှိမည်ဟု ကိန်းက ဖော်ပြသည်။ သို့ဖြင့် အစိုးရသည် စီးပွားရေးကဏ္ဍတွင် လိုအပ်ချက်အရ ပါဝင်ပတ်သက်ရပေလိမ့်မည်။ အခြားတဘက်တွင်လည်း အစိုးရသည် အကောက်ခွန် နှုန်းထားကို လျော့ချပေးရန် လိုအပ်သည်။ အခွန်ကောက်ခံမှု လျော့ချခြင်းသည် ဈေးကွက်၏ ၀ယ်လိုအား မြှင်တင်မှုကို အထောက်အကူပြုသည်။ ထို့ကြောင့်ကိန်းစီးပွားရေးစနစ်အရ အစိုးရများအနေဖြင့် တပြိုင်နက်တည်း လုပ်ရမည့် အလုပ်မှာ အလုပ်ဖန်တီးပေးမည့် ပြည်သူ့အကျိုးပြု လုပ်ငန်းများ ဖော်ထုတ်ရေးနှင့် အခွန်ကောက်ခံမှုနှုန်းထား လျော့ချရေးတို့ဖြစ်သည်။