စိတ်ကူးနဲ့ ပုံချတွက်ချက်ကြမယ်
ကိုဝ
ချို့တဲ့နွမ်းပါးတဲ့ ပြည်သူတွေကို ထောက်ပံ့တာဟာ
ပရဟိတလုပ်ငန်းမဟုတ်ပါဘူး။ တိုင်းပြည် စီးပွားရေးအတွက်
အရေးကြီးတဲ့ လုပ်ငန်းပါ။ ချို့တဲ့နွမ်းပါးတဲ့ပြည်သူတွေရဲ့လုပ်အား အကြံအဥာဏ်ကို နိုင်ငံဖွံ့ဖြိုးတိုးတက်ရေး
လုပ်ငန်းတွေမှာ ပါဝင်လာအောင် ပါဝင်နိုင်တဲ့ အခြေအနေမျိုးဖြစ်အောင် ဖန်တီးပေးလို့ပါ။
ချို့တဲ့နွမ်းပါးတဲ့ပြည်သူတွေကို ကူညီရာမှာ
ဘရာဇီးနိုင်ငံရဲ့ လူမှုဖူလုံရေးလုပ်ငန်း Balsa Familia က ထင်ရှားပါတယ်။ ဒီလုပ်ငန်းအစီအစဉ်ရဲ့ထူးခြားချက်ကတော့
ချို့တဲ့နွမ်းပါးတဲ့ပြည်သူတွေကို ငွေကြေး တိုက်ရိုက် ပေးတဲ့စနစ်ပါ။ အစိုးရက သတ်မှတ်ပေးတဲ့လုပ်ငန်းတွေ
ဆောင်ရွက်မှငွေပေးတဲ့အတွက် ဒီစနစ်ကို conditional cash transfer လို့ခေါ်ပါတယ်။ ၂၀၀၃ခုနစ်မှာ ဘရာဇီးသမ္မတ Luiz Inacio
Lula da Silvaကမူလရှိပြီးသား လူမှုဖူလုံရေးလုပ်ငန်းသုံးရပ်ကိုပေါင်းပြီး Balsa
Familia ကိုဖန်တီးခဲ့တာပါ။ ဒီအကူအညီထောက်ပံ့ရေးလုပ်ငန်း ကို လူမှုဖွံ့ဖြိုးတိုးတတ်ရေး
ဝန်ကြီးဌာန(Ministry of Social Development)ရဲ့ အုပ်ချုပ်မှုအောက်မှာ ထားပါတယ်။
Balsa Familiaရဲ့ရေတိုရည်မှန်းချက်ကတော့
ဆင်းရဲချို့တဲ့မှုဒဏ်လျော့ပါးဖို့ပါ။ ရေရှည်ရည်မှန်း ချက်ကတော့ ဆင်းရဲနွမ်းပါးတဲ့ ပြည်သူတွေအနေနဲ့အစိုးရက
စီမံကိန်းဆောင်ရွက်နေတဲ့ လုပ်ငန်းတွေမှာ ပါဝင် ပူးပေါင်းလာအောင်ဖန်တီးပြီးလူသားအရင်းအမြစ်
ဖွံ့ဖြိုးတိုးတတ်လာအောင်ဆောင်ရွက်တာပါ။ အစိုးရကျောင်း
တွေမှာ ကလေးတွေကို ထမင်းတစ်နှပ်ကျွေးပါတယ်။ သိပ်ပြီးဆင်းရဲချို့တဲ့နေတဲ့ နေရာတွေမှာဆို
နှစ်နှပ်ကျွေးပါ တယ်။ ဒီလိုကျွေးတဲ့အတွက် ဆင်းရဲနွမ်းပါးတဲ့ မိသားစုတွေ အနေနဲ့ မရှိမဲ့
ရှိမဲ့ ငွေလေးကို အစားအသောက် အတွက်သုံးစရာမလိုတော့ပါဘူး။ ချို့တဲ့နွမ်းပါးတဲ့မိသားစုတွေ
အနေနဲ့ ကိုယ်ရဲ့ ကလေးငယ်တွေကို အစိုးရ ကျောင်းတွေကို ပို့ ပညာသင်ခိုင်းမယ်၊ ကာကွယ်ဆေးတွေကို သူ့အချိန်နဲ့သူထိုးပေးမယ်ဆိုရင်
အစိုးရက Balsa Familia ကတဆင့် ငွေကြေးထောက်ပံ့ပါတယ်။
Balsa Familia က တစ်လကိုတစ်ဦးချင်းဝင်ငွေ၁၄၀ရီးယဲ(reais)(ကျပ်ခုနစ်သောင်းခန့်)
ထက် နည်းတဲ့မိသားစုဆိုရင် ကျောင်းတတ်နေတဲ့ကလေးတစ်ဦးအတွက် တစ်လကို ၂၂ ရီးယဲ (ကျပ် တစ်သောင်း တစ်ထောင်) ခန့်လစဉ်ပေးပါတယ်။
ကလေးသုံးယောက်အထိ ခံစားခွင့်ပြုပါတယ်။ တကယ်လို့ တစ်လကို တစ်ဦးချင်းဝင်ငွေ၇၀ ရီးယဲ(ကျပ်သုံးသောင်းခန့်)ထက်နည်းတဲ့
မိသားစု ဆိုရင်တော့ စောစောကပြောတဲ့ ခံစားခွင့် အပြင် အခြေခံ ခံစားခွင့်အနေနဲ့ တစ်လကို
ပုံသေ ၆၈ ရီးယဲ(ကျပ်သုံးသောင်းလေးထောင်ခန့်) ပေးပါတယ်။
ငွေကြေးထုတ်ပေးတဲ့နေရာမှာ Caixa
Economia Federal ဆိုတဲ့အစိုးရ ဘဏ်ကနေထုတ်ပေး ပါတယ်။ ဘရာဇီးနိုင်ငံမှာဒုတိယအကြီးဆုံးဘဏ်ပါ။
ငွေထုတ်ပေးရာမှာ အိမ်ရှင်မတွေကို ဦးစားပေးထုတ်ယူခွင့်ပြုပါတယ်။ ငွေချေကတ်(debit
card) တွေကို စာတိုက်ကတဆင့်ပို့ပေးပါတယ်။ တစ်နိုင်ငံလုံးမှာရှိတဲ့ Caixa ဘဏ်ခွဲ ၁၄၀၀၀ ငွေထုတ်ယူလို့ရပါတယ်။
ဒီလိုရှင်းလင်းတဲ့စနစ်ကို ကျင့်သုံးတဲ့အတွက် အကျင့်ပျက်ချစားမှုဟာ အများကြီးလျော့ကျသွားပါတယ်။
ဒီအစီအစဉ်ရဲ့အကောင်းဆုံးနဲ့အထူးခြားဆုံးလုပ်ထုံးလုပ်နည်းကတော့ ဒီအစီအစဉ်အရ အကျိုး
ခံစားခွင့်ရနေတဲ့
လူပုဂ္ဂိုလ်တွေရဲ့ စာရင်းနှင့် လူတစ်ဦးချင်းအလိုက် တစ်လဘယ်လောက်ရ နေသလဲ ဆိုတာကို အင်တာနက်မှာ
အချိန်မရွေးဝင်ကြည့်လို့ရတာပါ။
Bolsa Familia အစီအစဉ်ကိုစမယ်လုပ်တော့ ဟာ
ဒီလိုသာဆင်းရဲချို့တဲ့လူတွေကို ငွေထုတ်ပေးလိုက် ရင် အရက်သောက်လိုက်ကြမှာပေါ့။ ရေသာခို
အချောင်သမားစိတ်ဓာတ်ကို မွေးမြူပေးသလိုဖြစ်မှာပေါ့ဆိုပြီး ကန့်ကွက်တဲ့ အင်အားစုတွေရှိပါတယ်။
လက်တွေ့ရလာဒ်ကတော့ ပြောင်းပြန်ဖြစ်နေပါတယ်။ မရှိဆင်းရဲသား တွေဟာ Balsa Familia အစီအစဉ်အရ
အစိုးရဆီက အာမခံချက်ရထားတဲ့အတွက် စွန့်စွန့်စားစား ကြိုးစားလုပ် ချင်လာကြပါတယ်။
Balsa Familia အစီအစဉ်ကြောင့် ဘရာဇီးလူ့အဖွဲ့အစည်းဟာ ပြောင်းလဲသွားပါတယ်။ ၂၀၀၃နဲ့ ၂၀၀၅
ခုနစ်အတွင်းမှာ ကိုဘဲ့ ဆင်းရဲမွဲတေမှုဟာ သိသိသာသာကျဆင်းသွားပါတယ်။ ၂၀၀၉ခုနစ် အကုန်မှာတော့
ဘရာဇီးနိုင်ငံရဲ့သမိုင်းမှာ ပထမဦးဆုံးအနေနဲ့ လူလတ်တန်းစားဟာ ဘရာဇီးလူ့အဖွဲ့အစည်းမှာ
အကြီးဆုံးအလွှာဖြစ်ပါတယ်။
ဘရာဇီးအစိုးရက Balsa Familia အတွက်တစ်နှစ်တိုင်းပြည်ထုတ်ကုန်စုစုပေါင်း(GDP)
ဝ.၅ ရာခိုင်နှုန်းပဲသုံးရပါတယ်။ အစိုးရစုစုပေါင်းအသုံးစရိတ်ရဲ့ ၂.၅% ရှိပါတယ်။ အသုံးစရိတ်နည်းနည်းနဲ့ထိရောက်
တဲ့လူမှုဖူလုံရေးစနစ်ပါ။ အစိုးရရဲ့စစ်တမ်းကောက်လေ့လာချက်အရ Balsa Familia အစီအစဉ်မှာ
ပါဝင်တဲ့ မရှိ နွမ်းပါးတဲ့မိသားစုတွေဟာအစားအသောက်အတွက်နံပါတ်တစ် ဦးစားပေးပြီးသုံးစွဲကြပါတယ်။
အစားအသောက်ပြီးရင်
ကျောင်းသုံးပစ္စည်း၊ အဝတ်အထည်နဲ့ ဖိနပ်တွေ အတွက်သုံးကြပါတယ်။ ဒါဟာသူတို့ရဲ့ ဦးစားပေးအရာ
တွေပါ။ ကျေးလက်ဒေသတွေမှာဆို ရတဲ့ငွေကြေးရဲ့ အားလုံးနီးပါး ၈၇% ကိုအစားအသောက်အတွက် သုံးစွဲကြ
တာပါ။ Balsa Familia အစီအစဉ်အရ အကျိုးခံစားခွင့်ရှိတဲ့ ဘရာဇီးမိသားစု ၁၂သန်းရှိပါတယ်။
ပြည်သူ့လွှတ်တော်နဲ့ အမျိုးသားလွှတ်တော်တို့မှာ
လွှတ်တော်ဥပဒေကြမ်းကော်မတီတွေ ဖွဲ့စည်းပြီးဖြစ် တဲ့အတွက်ပြည်သူတွေအနေနဲ့ ဒီကော်မတီတွေဆီကို
အကြံပြုတင်ပြလို့ရနေပါပြီ။ ပြည်သူတွေ၊ ပညာရှင်တွေ၊ နိုင်ငံရေးပါတီတွေရဲ့တစ်ယောက်တစ်မျိုး
ရသလောက်အကြံအဥာဏ်တွေ စုစည်းပြီး ပြည်သူ့ဖူလုံရေးစနစ် တည်ဆောက်ရမယ့်အချိန် ရောက်နေပါပြီ။
ပြည်သူ့ခေတ်၊ အတွဲ(၁)၊ အမှတ်(၃၆)မှ
0 comments:
Post a Comment