မြန်မာနိုင်ငံ ဂီတအစည်းအရုံးသို့အိတ်ဖွင့်ပေးစာ - ရဲမြင့်သူ (တေးဂီတဗီဒီယိုဒါရိုက်တာ၊ တေးရေး၊ ထုတ်လုပ်သူ)

by Ye Myint Thu on Thursday, August 4, 2011 at 4:45pm

ဂီတအစည်းအရုံးဥက္ကဌကြီးနှင့် အမှုဆောင်အဖွဲ့ဝင်များခင်ဗျား
အခုလိုဂီတအစည်းအရုံးကြီးက တာဝန်ရှိသူများမှ ကျွန်တော့်ကိုဖိတ်ကြားကာ သိလိုသည့်အချက်များကို မေးမြန်းခွင့်ပေးတဲ့အတွက် အလွန်ပဲဝမ်းမြောက်ဝမ်းသာဖြစ်ရပါတယ်။

ယနေ့ကျွန်တော် ဂီတအစည်းအရုံးကိုလာရောက်ခဲ့တာဟာ လူတစ်ဦးတစ်ယောက်အတွက် လူနည်းစုတစ်စု အတွက် ဂီတအလွှာတစ်လွှာအတွက်ဆိုတဲ့ တစ်ဦးကောင်းတစ်ယောက်ကောင်း အကျိုးစီးပွား တောင်းဆိုဖို့ လာတာမဟုတ်ဘူးဆိုတာကို ဦးစွာအသိပေးလိုပါတယ်။


ဂီတအစည်းအရုံးရဲ့ ဖြောင့်မတ်မှန်ကန်တဲ့ ဦးဆောင်မှုကို ဆန့် ကျင်လိုမှု၊ ဝေဖန်တိုက်ခိုက်လိုမှု တစ်စိုးတစ်စဉ်း မျှမရှိဘဲ ဂီတလုပ်ငန်းနဲ့ အသက်မွေးနေတဲ့ ဂီတလောကသားတစ်ယောက်အနေနဲ့ ဂီတလောကကြီး ကောင်း ကျိုးအတွက် အုတ်တစ်ချပ်၊ သဲတစ်ပွင့်အဖြစ် ပွင့်လင်းစွာ ပါဝင်ဆွေးနွေး အကြံပြုတင်ပြနိုင်ဖို့ ပဲဖြစ်ပါတယ်။

ဖြစ်ခဲ့ပြီးသားကိစ္စရပ်တွေကို ပြန်ပြောင်းထောက်ပြပြောဆိုပြီး တစ်ဦးကိုတစ်ဦး အပြစ်ပြောဆိုဖို့ စိတ်ဆန္ဒမရှိပါဘူး။ လူဆိုတာ မှားတတ်တဲ့သဘောရှိတဲ့အတွက်လည်း ပုဂ္ဂိုလ်ရေးအားနည်းချက်တွေကိုလဲ ထိုးနှက်ဝေဖန်လိုမှုလဲ မရှိပါဘူး။

ရန်ကိုရန်ချင်း တုံ့ နှင်းပြီး တစ်ဦးကိုတစ်ဦး အပြုတ်တိုက်ခိုက်ရေးဟာ မှားယွင်းပြီး အမုန်းတွေ၊ အာဃာတ တွေကိုပဲ ပေးစွမ်းနိုင်တယ် ဂီတလောကကောင်းကျိုးကို မပေးစွမ်းနိုင်ဘူးဆိုတာကို ဂီတသက်တမ်း တစ်လျှောက်မှာ ဖြစ်ပျက်ခဲ့တဲ့ ဥပမာတွေကို သိရှိတဲ့အတွက် ထိုကဲ့သို့ဆန္ဒလဲ လုံးဝမရှိပါ ကြောင်းကို ယုံကြည်စေလိုပါတယ်။

ကျွန်တော် ပထမဦးစွာပြောလိုတဲ့အချက်ကတော့ ဂီတအစည်းအရုံးဟာ ကျွန်တော်တို့ ဂီတလောကသားများရဲ့ခေါင်မိုးသဖွယ်ဖြစ်ပြီး ဂီတလောကသားတွေရဲ့အခွင့်အရေးတွေကို ကာကွယ်စောင့်ရှောက်ပေးဖို့ နိုင်ငံတော်အစိုးရက တရားဝင်ဖွဲ့ စည်းပေးထားတာပဲဖြစ်ပါတယ်။

ဂီတအစည်းအရုံးကို ယခုတာဝန်ယူဦးဆောင်နေကြတဲ့ ပုဂ္ဂိုလ်များကိုယ်တိုင်ဂီတနှင့်အသက်မွေးနေကြသူ များပီပီ ဂီတလောကရဲ့ကောင်းကျိုးများကို ပေးစွမ်းနိုင်ခဲ့ပြီးဖြစ်ပြီး နောင်မှာလည်း ဂီတအစည်းအရုံးကို ဆက်လက် ဦးဆောင်သွားနိုင်လိမ့်မယ်လို့ ယုံကြည်မျှော်လင့်မိပါတယ်။

ကျွန်တော်တို့ နိုင်ငံမှာ နာဂစ်မုန်တိုင်းဖြစ်တော့ ဒုက္ခသည်များကို ကူညီထောက်ပံ့ရန်အတွက် ဂီတဖျော်ဖြေပွဲကြီး များကို ဂီတအစည်းအရုံးနဲ့ နိုင်ငံတော်အစိုးရ ပူးပေါင်းဆောင်ရွက်ပြီး ရန်ပုံငွေအမြောက်အမြား ရှာဖွေပေးနိုင်ခဲ့ တဲ့အတွက်လည်း ဂုဏ်ယူဝမ်းမြောက်မိပါတယ်။

ဂီတအစည်းအရုံး၏ ဦးဆောင်မှုကို ယနေ့ တိုင်ဂီတလောကသားအားလုံး လေးလေးစားစား လိုက်နာဆောင် ရွက်ခဲ့သော်ငြားလည်း

စတီဒီယိုခေတ်ဦးကနေပြီး ဖွံ့ဖြိုးလာတဲ့ ဂီတလောကဟာ အခုချိန်မှာ အဖက်ဖက်က ယိုယွင်းပျက်စီးနေတယ်ဆိုတာကိုတော့ ဂီတလောကသားအားလုံး တညီတညွှတ်ထဲ ထောက်ခံပါလိမ့်မယ်။

ဂီတကိုချစ်မြတ်နိုးပြီး အောင်မြင်ကျော်ကြားနေပါလျက်နှင့် ဂီတလောကကနေ ပတ်စာခွာဖျာလိပ်ပြီး ထွက်ခွာ သွားရတဲ့ အနုပညာသမားတွေ ထုနဲ့ ထေးရှိနေပြီဆိုတာကိုလည်း ၀မ်းနည်းစွာ ကြားသိ တွေ့မြင်နေရပါပြီ ။

တချိန်က တေးဂီတလောကကို အကျိုးပြုခဲ့ဖူးတဲ့ တေးသံသွင်းဆိုင်တွေ၊ ထုတ်လုပ်သူတွေ၊ တေးဂီတ စတူဒီယို လုပ်ငန်းလုပ်ကိုင်ခဲ့သူတွေဟာ ဂီတလုပ်ငန်းနဲ့ အသက်မွေးဝမ်းကြောင်းအဖြစ် မရပ်တည်နိုင်တော့ဘဲ ဂီတ လောကကို ကျောခိုင်းခဲ့ကြရပြီဖြစ်ပါတယ်။

သည်လိုအဖက်ဖက်က ဆုတ်ယုတ်လာတဲ့ ဂီတလောကမှာ ရပ်တည်ရေးအတွက် လည်သလိုလုပ်စားနေတဲ့ လူတန်းစားတွေ တဖြည်းဖြည်းများပြားလာပြီး အကျင့်စာရိတ္တပိုင်းဆိုင်ရာပါ ပျက်စီးယိုယွင်းလာကြပါတယ်။

ဝမ်းနည်းစရာအကောင်းဆုံးအဖြစ်အပျက်ကြီးကတော့ တချိန်က ညီအစ်ကိုမောင်နှမသဖွယ် ချစ်ခင်ပြီး ပျော်ရွှင်စရာ ကောင်းတဲ့ တေးရေးနဲ့ တေးဆိုအလွှာနှစ်လွှာဟာ ပြဿနာအသီးသီးကို မှားယွင်းတဲ့နည်းလမ်းတွေနဲ့ အဖြေရှာခဲ့ကြလို့ ဂီတလောကရဲ့အက်ကွဲကြောင်းကြီးအဖြစ် မီဒီယာများမှာ ပါလာပြီး အရှက်တကွဲ အကျိုးနည်း ဖြစ်ခဲ့ရတယ်။

ဒီလိုအဖြစ်အပျက်တွေဟာ ဂီတအစည်းအရုံး၏ ဦးဆောင်မှုနှင့် မသက်ဆိုင်ဟုဆိုသော်ငြားလည်း
အလွှာ ငါးလွှာမှ တာဝန်ရှိသူတွေ ပူးပေါင်းဆောင်ရွက်မှုနည်းပါးခြင်းကြောင့်သာဖြစ်ပါတယ်။
ဒါကြောင့်ြ ပဿနာ အခက်အခဲများကို ဂီတအစည်းအရုံးအဆောက်အဦမှာ အလွှာလိုက် ၊အလွှာစုံ ၊ ပုံမှန်အစည်းအဝေးများကို ကျင်းပခွင့်ပြုခြင်းအားဖြင့်သာ ပုံမှန်ဖြေရှင်းသင့်သည်ဟု ယူဆမိပါသည်။

သို့ မှသာ တမိုးတည်းအောက်မှာ လုပ်ကိုင်စားသောက်နေရတဲ့ ဂီတအလွှာသီးသီးကိုစားပွဲဝိုင်းတစ်ခုတည်း
စေ့စပ်ဆွေးနွေးအဖြေရှာရင်း ဂီတလောကကောင်းကျိုးကို သယ်ပိုးနိုင်မည်ဖြစ်ကြောင်း အကြံပြုတင်ပြလို ပါတယ်။

ဂီတလောကသားတွေအတွက် အရေးကြီးတဲ့ ဆုံးဖြတ်ချက် ၊ ကြေငြာချက်တစ်ခုခု ချမှတ်မယ်ဆိုရင်လည်း သတင်းစာ၊ ဂျာနယ်များတွင် မဖေါ်ပြမှီ မှာ အလွှာအသီးသီးကို အောက်ခြေအထိ ဖိတ်ခေါ်ပြီး ပါဝင်ဆွေးနွေးခွင့် ညှိုနှိုင်းတိုင်ပင်ခွင့်ပေးမှသာလျင် ဆုံးဖြတ်ချက်ကောင်းတစ်စုံတစ်ရာ ရရှိမှာဖြစ်ပြီး ၊ ကြေငြာချက်အပေါ် အမြင် စောင်းမှု၊ ဂီတအလွှာအချင်းချင်း စိတ်ဝမ်းကွဲမှုများကို ကြိုတင်တားဆီးနိုင်မှာဖြစ်တယ်လို့  အ ကြံပြုလိုပါတယ်။

ဂီတလောကသားအားလုံး ပျက်စီးရာပျက်စီးကြောင်းဖြစ်တဲ့ ခိုးကူးခွေ အန္တရာယ်ကိုလည်း ရုပ်ရှင်အစည်းအရုံးမှ ဖြေရှင်းတဲ့ နည်းနာများကို အတုယူပြီး သက်ဆိုင်ရာဝန်ကြီးဌာနများနှင့် ပိုမိုပူးပေါင်းဆောင်ရွက်ပြီး ဖြေရှင်းပေး စေလိုပါတယ်။

ယနေ့နိုင်ငံတော်အစိုးရဟာ ကဏ္ဍအသီးသီး၊စီးပွားရေးလုပ်ငန်းအသီးသီးကို မြှင့်တင်လျှက်ရှိတဲ့အတွက် တေးဂီတစီးပွားရေးလုပ်ငန်းကိုလည်း တိုးတက်စေချင်တဲ့ စိတ်ကောင်းစေတနာရှိမှာအသေအချာပဲဖြစ်တဲ့အတွက်ဂီတအစည်းအရုံးမှလည်း နိုင်ငံတော်အစိုးရနဲ့ ယခင်ကထက်ပူးပေါင်းဆောင်ရွက်ပြီး လမ်းညွှန်မှုများကို ခံယူနိုင်လိမ့် မယ်လို့မျှော်လင့်ပါတယ်။

အခုဆိုရင် ဒီမိုကရေစီနိုင်ငံတော်အဖြစ် ကျွန်တော်တို့ မြန်မာနိုင်ငံကို အသွင်ကူးပြောင်းပြီးဖြစ်တာနဲ့ အညီ ဂီတအစည်း အရုံးအနေနဲ့လည်း ဒီမိုကရေစီ ကျင့်စဉ်များကို လေ့လာပြီး ပြုပြင်သင့်သည့် မူဝါဒများကို ပြုပြင်ရင်း ဂီတလောက အကျိုးကို ဆထက်တပိုး သယ်ပိုးနိုင်မယ်လို့ ခံယူပါတယ်။

လိုရင်းကိုပြောရမယ်ဆိုရင်တော့ . . .
ပြိုလဲခဲ့တာကြာပြီဖြစ်တဲ့ သစ်ပင်ကြီးကို ၀ိုင်းထူမကြရမယ့်အချိန်ကို ရောက် ပါပြီ။ ဒါကိုလည်း တစ်ယောက်အားနဲ့ ထူနိုင်မယ်လို့ မယူဆပါဘူး။ ဂီတအလွှာအသီးသီးကလူတွေ စုပေါင်းပြီး စည်းစည်းလုံးလုံး ညီညီညွတ်ညွတ်နဲ့ ထူမမှပဲ ပြိုလဲနေတဲ့သစ်ပင်ကြီး ပြန်လည်ရှင်သန်ပြီး ဂီတလောကဟာသာယာစိုပြေတဲ့ နေရာတစ်နေရာဖြစ်လာမှာပါ။ဂီတအစည်းအရုံးဟာလည်း ငှက်တစ်သောင်း နားရာ သစ်ကောင်းတစ်ပင်ဖြစ်လာမှာဖြစ်ပါတယ်။

ဥက္ကဌကြီးနှင့်တကွ တာဝန်ရှိလူကြီးမင်းများခင်ဗျာ. . တစ်ဦးအပေါ်တစ်ဦး အာဃာတတွေ အညှိုးတွေနဲ့ ရှေ့ဆက်ပြီး ပန်းတိုင် ကို ချီတက်လို့ ရနိုင်ပါဘူးခင်ဗျာ . . .

စည်းလုံးချင်းသည် အင်အားဆိုသလို ဂီတအလွှာအသီးသီး
တစ်ဦးရဲ့အခွင့်အရေးကို တစ်ဦးက ကာကွယ်စောင့်ရှောက်ပေးတတ်တဲ့ ကျင့်ဝတ်အခြေခံ လူ့အဖွဲ့အစည်း အဖြစ် ဂီတလောကကြီး တိုးတက်မြင့်မားမှုကိုသာ ကျွန်တော့်အနေနဲ့ လိုလားပါတယ်။ နောက်နောင်မှာ ထွက်ပေါ်လာမယ့်ဂီတမျိုးဆက်သစ်တွေကိုလည်း ကောင်းမွန်သော တရားမျှတသော နည်းလမ်းများနှင့်အညီ အနုပညာပစ္စည်း/အသိဥာဏ်ပစ္စည်း မူပိုင်ခွင့်များကို ကာကွယ်စောင့်ရှောက်ခွင့်ကို ပေးအပ်ရမှာပဲဖြစ်ပါတယ်။

ဒါကြောင့်မို့လို့

နိုင်ငံတော်အစိုးရက ချမှတ်ထားတဲ့ စည်းမျဉ်းစည်းကမ်းဥပဒေနဲ့အညီ ဂီတလောကသားတွေရဲ့အနုပညာမူပိုင် ခွင့်အသီးသီးကို ဂီတအစည်းအရုံးကြီးမှ ကာကွယ်စောင့်ရှောက်ပေးပြီး ယခင်ကထက်ပိုမိုတဲ့ ပွင့်လင်းမြင်သာမှု ဂီတလောကအောက်ခြေနှင့် ပိုမိုပူးပေါင်းဆောင်ရွက်မှုတွေကို ဦးစားပေးဆောင်ရွက်သွားလိမ့်မယ်လို့လည်း ယုံကြည်မျော်လင့်မိ ကြောင်းပြောကြားရင်း နိဂုံးချုပ်အပ်ပါတယ်။


လေးစားစွာဖြင့်
 ရဲမြင့်သူ
(တေးဂီတဗီဒီယိုဒါရိုက်တာ၊ တေးရေး၊ ထုတ်လုပ်သူ)

မြန်မာနိုင်ငံ ဂီတအစည်းအရုံးသို့အိတ်ဖွင့်ပေးစာ သည် ဂီတစည်းအရုံးမှာ တာဝန်ရှိသူများထံတွင် တရားဝင်ဖတ်ပြပီး ဂီတလောက ကောင်းကျိုးအတွက် အပြုသဘောရေးသားထားသော စာဖြစ်သဖြင့် ဂီတလောကအလွှာအချင်းချင်း စိတ်ဝမ်းကွဲမည့် comment များရေးသားချင်းမျိုး မပြုလုပ်ကြရန်နှင့် နိုင်ငံရေးနှင့်ဆက်နွယ်သော ကိစ္စရပ်မဟုတ်သည့်အတွက် နိုင်ငံခြားသတင်းမီဒီယာ များ၊ ပြည်တွင်းသတင်းမီဒီယာများမှ ကူးယူဖော်ပြခြင်း မပြုလုပ်ကြရန် အနူးအညွတ်တောင်းပန် အပ်ပါသည် ။