ဓာတ်သင့်နေသော စကားလုံးများ

by Han Thit Nyeim on Thursday, August 11, 2011 at 10:48am

ထုံးစံအတိုင်း ဆုံဆည်းရာဆိုတဲ့ ဆိုင်လေးမှာ ကိုဟန်၊ ကိုသစ်နဲ့ ကိုငြိမ်တို့ စကားဝိုင်းဖွဲ့ဖြစ်ကြပြန်တယ်။ အဓိကပြောဖြစ်တာက `ဓာတ်အကြောင်း´... စာသံပေသံဆန်ဆန်ပြောရရင်တော့ `ဓာတ်ဋီကာ´ ပေါ့ဗျာ။

ကိုဟန်။ ဟေ့လူ... အခုကျုပ်တို့ ချုပ်ကြီးက ဓာတ်ရိုက်ဓာတ်ဆင် သိပ်ကောင်းဆိုပဲဗျ။

ကိုသစ်။ ဘာလဲဗျ။ ဓာတ်ရိုက်ဓာတ်ဆင် ဆိုတာ...။

ကိုငြိမ်။  ဟေ့လူ၊ `ဓာတ်´ ဆိုတာ ဘယ်ကလာသလဲသိလား... `ဓာတု´ ဆိုတဲ့စကားလုံးက လာတာဗျ။ ပထဝီ၊ တေဇော စတဲ့ အခြေခံသဘောတွေကိုလည်း ဓာတ်လို့ ခေါ်တာပဲဗျ။


ကိုဟန်။             မသိဘူးဗျာ... ကျွန်တော်သိတာ မြန်မာစာမှာ ဘာမှန်းမသိရင် ရှေ့ကနေ `ဓာတ်´ ဆိုတာကို ထည့်လိုက်တယ် ဆိုတာကိုပဲ။ ဥပမာဗျာ...  ဘာပုံမှန်းမသိဘူး။ စက်ထဲကနေ ထွက်လာတော့ `ဓာတ်ပုံ´ တဲ့။ `ဓာတ်ရှင်´ တဲ့။ `ဓာတ်စက်´ တဲ့။

ကိုသစ်။ အော်... ဘာပြားကြီးမှန်းမသိတော့ `ဓာတ်ပြား´ တဲ့။ ဘာအခဲမှန်းမသိတော့ `ဓာတ်ခဲ´ တဲ့။

ကိုငြိမ်။  ဟုတ်ပါ့... တချို့က ဘက်ထရီအိုးကို `ဓာတ်အိုး´ လို့ခေါ်တယ်ဗျ။

ကိုဟန်။ ဒါနဲ့နေစမ်းပါဦး၊ ဓာတ်ပုံထဲမှာမှ လှရင် `ဓာတ်ပုံစားတယ်´ လို့ ပြောကြတယ်။

ကိုသစ်။ ဓာတ်ပုံစားတယ်ဆိုလို့... ကျွန်တော် ကြားဖူးတဲ့ ဟာသရှိတယ်။ ကောင်လေးတစ်ယောက်က ကောင်မလေးကို `ဓာတ်ပုံလေး ပေးနိုင်မလား´ လို့တောင်းတယ်။ ကောင်မလေးက `အခုတော့ မပေးနိုင်သေးပါဘူး။ ဓာတ်ပုံလိုချင် မနက်စောစောလာခဲ့ပါ။ ကြွတ်ကြွတ်အိတ်ကလေးနဲ့ ထည့်ပေးထားပါမယ်ရှင့်´ လို့ပြောတယ်ဗျ...။

ကိုဟန်။ ဟား... ဟား... ဟား...။

ကိုသစ်။             ဟုတ်တယ်ဗျာ။ ဓာတ်ချုပ်တယ် ဆိုတာလည်းရှိတယ်၊ ဓာတ်သက်တယ် ဆိုတာလည်းရှိတယ်။ ဓာတ်လျှောတယ် ဆိုတာလည်း ရှိတယ်၊ ဓာတ်သွားတယ် ဆိုတာလည်း ရှိတယ်။ ဓာတ်နှုတ်တယ်ဆိုတာလည်း ရှိတယ်။

ကိုငြိမ်။  အဲဒီတော့ တချို့ ကောင်မလေးတွေ ဓာတ်ပုံစားတယ်လို့ ပြောတာက... ဟီး... ဟီး...။

ကိုဟန်။ ခင်ဗျားတို့က `ဓာတ်´ ဆိုလို့ ပြောရဦးမယ်။ `ဓာတ်ကြော´ ဆိုတဲ့အဓိပ္ပာယ်ကို သိလားဗျ။

ကိုသစ်။ ပြောစမ်းပါဦးဗျ။ ဘာလဲ...။

ကိုဟန်။ ဓာတ်ကြောဆိုတာ အတွင်းသဘောကို ပြောတာ။ `ဓာတ်ကြောသိတယ်´ တို့ ဘာတို့ သုံးတယ်ဗျာ။ မြန်မာစကားပုံ တစ်ခုရှိတယ်ဗျာ...`ဓာတ်မသိ ဟတ္ထိယုန်ထင်´ တဲ့၊ ကြားဖူးလား။

ကိုသစ်။ ဘာကိုဆိုလိုတာလည်းဗျ။

ကိုဟန်။ `ဟတ္ထိ´ ဆိုတာ ပါဠိက လာတာဗျ။ `ဆင်´လို့ အဓိပ္ပာယ် ရတယ်။ ဆိုလိုတာက အကြောင်းမသိရင် ဆင်လို အကောင်ကြီးကိုတောင် ယုန်လို့ ထင်တယ်လို့ ဆိုတာဗျာ

ကိုသစ်။  အော်...

ကိုဟန်။ ပြီးတော့ `ဓာတ်ခံ´ ဆိုတာလည်း ရှိသေးတယ်။ အခြေခံသဘောကို ပြောတာ။ `ဓာတ်ခံမကောင်းဘူး´ တို့ ဘာတို့သုံးတတ်တယ်။

ကိုငြိမ်။ `ဓာတ်တူနံတူ ဆေးဘက်ယူ´ တို့... `ဓာတ်တူရင် နတ်ကူသတဲ့´ အဲဒီ စကားတွေလည်း ဒီသဘောဖြစ်မယ်။

ကိုဟန်။  အင်း... ဆင်သလိုပါပဲ။ ခင်ဗျားပြောတာတွေက ဝေဒဗေဒ လောကရဲ့ အသုံးတွေပေါ့ဗျာ။ `ဓာတ်ရိုက်ဓာတ်ဆင်´ လုပ်တာတို့... `ဓာတ်ခန်း´ တို့... `ဓာတ်နန်း´တို့... နောက်တစ်ခါ `ဓာတ်လုံး´ တို့...။

ကိုငြိမ်။ `ဗုဒ္ဓဓာတ်တော်´ ဆိုပြီးလည်း သုံးကြသေးတယ်ဗျ။

ကိုသစ်။ အေးဗျာ... ခုမှ သတိထားမိတာ... ဘာရယ်မဟုတ်ဘူး။ ဓာတ်နဲ့စတာတွေက အများသားပဲ။ `ဓာတ်မီး´ တဲ့၊ `ဓာတ်အိုး´ တဲ့၊ `ဓာတ်ငွေ့´ တဲ့၊ `ဓာတ်ဆီ´ တဲ့။

ကိုငြိမ်။  ဟုတ်တယ်ဗျ။ `ဓာတ်ခွဲခန်း´ တဲ့၊ လူမမာအတွက် `ဓာတ်စာ´ တဲ့။

ကိုဟန်။ ခင်ဗျားတို့ `ဓာတ်ဆရာ´ ဆိုတာ သိလား။

ကိုသစ်။ `လောကဓာတ်ဆရာ´ ဆိုတာတော့ ကြားဖူးတယ်။

ကိုငြိမ်။  `လောကဓာတ်´ ဆိုတာ ခင်ဗျားသိလို့လား။

ကိုသစ်။ မသိဘူး။

ကိုငြိမ်။  လောကဓာတ်ဆိုတာ စကြဝဠာ၊ ကမ္ဘာလောက ကိုပြောတာပဲ။ အဲ... `လောကဓာတ်ကျောင်း´ ဆိုတာလည်း ရှေးတုန်းက သုံးတယ်။ အဓိပ္ပာယ်က စာသင်ကျောင်းနဲ့တူတူပဲ။ အဲဒီကျောင်းတွေက သင်ပေးလိုက်တဲ့ ပညာတွေကို အဲဒီခေတ်ကတော့ `လောကဓာတ်သိပ္ပံ (သို့မဟုတ်) လောကဓာတ်ပညာ´ လို့ ခေါ်တယ်။

ကိုဟန်။ `လောကဓာတ်ကျမ်း´ ဆိုတာလည်းရှိသေးတယ်။

ကိုသစ်။ ဒါဆို စောစောက ဓာတ်ဆရာဆိုတာ အဲဒီပညာတွေ သင်တဲ့ဆရာကို ခေါ်တာလား။

ကိုငြိမ်။  မဟုတ်ဘူးဗျ။ ဓာတ်ဆရာဆိုတာ လူနာကို ဆေးမတိုက်ဘဲ ခင်ဗျားတို့ ခုနက ပြောတဲ့ ဓာတ်စာကျွေးပြီး ကုတဲ့လူကိုခေါ်တာဗျ။

ကိုဟန်။ `ဓာတ်ဆား´ ဆိုတာကလည်း ရှိသေးတယ်လေ။ ဝမ်းလျှောရင်သောက်ရတာ။

ကိုငြိမ်။  ရှေးတိုင်းရင်းဆေးဆရာတွေ သုံးတဲ့ `ဓာတ်ပြာ´ ဆိုတာလည်း ရှိသေးတယ်။ ဓာတ်သတ္ထု တစ်မျိုးမျိုးကို ပြာချပြီး ဆေးအတွက်သုံးတာ။

ကိုဟန်။ နောက်ပြီးတော့ `ဓာတ်ကြိုး´ ဆိုတာလည်းရှိသေးတယ်။ `ဓာတ်စီး´ နေတယ်ဆိုတာလည်းရှိတယ်။ `ဓာတ်တိုင်´ လည်းရှိသေးတယ်လေ။

ကိုငြိမ်။  ဟုတ်တယ်။ `ဓာတ်မီး´ တဲ့၊ `ဓာတ်မှန်´ တဲ့ဗျာ...။

ကိုသစ်။ အေးဗျ။ ကျွန်တော်တို့ မြန်မာတွေ ဘာမှန်းမသိရင် `ဓာတ်´ ထည့်သလိုဖြစ်နေပြီ။

ကိုငြိမ်။  ဒါအမှန်ပဲ။ ကျွန်တော်တို့ ငယ်ငယ်တုန်းကဆိုရင် `ဓာတ်ရထား´ ဆိုတာ ရှိတယ်။ `ဓာတ်ရှင်´ ဆိုတာရှိတယ်။ ပြီးတော့ `ဓာတ်လှေကား´ တဲ့။ `ဓာတ်ကြိုးမှာ ဓာတ်အားဘယ်လောက်ရှိသလဲ´ တဲ့။

ကိုဟန်။ ဟေ့ ကိုသစ်၊ ဒါဆို ခင်ဗျားရေးတဲ့ စာတွေ၊ ကဗျာတွေထဲ `ဓာတ်´ ပါအောင်ထည့်ဖို့ မမေ့နဲ့ဗျ။

ကိုသစ်။ ခင်ဗျားကလေ... လုပ်ပြန်ပြီ။ ခင်ဗျားသာ `ဟန်ဓာတ်ငြိမ်´ လို့ နာမည်ပြောင်းပေးလိုက်။

ကိုငြိမ်။  အေး... ဟုတ်တယ်။ နောက်ဆို ခင်ဗျား `ဟန်သစ်ငြိမ်၏ ဖန်တီးမှု´ အစား `ဟန်ဓာတ်ငြိမ်၏ ဓာတ်ရိုက်ဓာတ်ဆင်များ´ လို့ပြောင်းပေးပါလားဗျ။

ကိုသစ်။ ဟား... ဟား... ဟား...။

ကိုဟန်။ ဟီး... ဓာတ်ကျတဲ့အခါကျ ပြောင်းပစ်လိုက်မယ်ဗျာ...။

............................................................................

မေတ္တာဓာတ်အားဖြင့်
ဟန်သစ်ငြိမ်