"ကျောင်းသူကျောင်းသားတွေ ဖတ်ဖို့ "

Cloud Cuckoo Land created the doc: 

စာမေးပွဲနှင့် စာကျက်မှတ် လေ့လာရခြင်းများသည် ကျောင်းသူ၊ ကျောင်းသားတို့နှင့် အမြဲတမ်း ထိတွေ့နေရသည့် အရာများသာ ဖြစ်သည်။ စာမေးပွဲ ဖြေမည်ဆိုလျှင် နည်းလမ်းတကျ ဖြေဆိုမည်ဆိုပါက အမှတ် ကောင်းကောင်းနှင့် အောင်မြင်နိုင်သလို စာကျက်မှတ် လေ့လာပုံ နည်းလမ်းတကျ ရှိမည်ဆိုလျှင် အခက်အခဲ မရှိ ကျက်မှတ် လေ့လာနိုင်ပေမည်။ ထို့ကြောင့် ကျောင်းသူ၊ ကျောင်းသားများ ဖတ်ရှုမှတ်သားနိုင်ရန် ရည်ရွယ်ပြီး စာမေးပွဲဖြေမည်ဆိုလျှင်နှင့် ထူးချွန်သူ ကျောင်းသားတို့၏ စာကျက်မှတ် လေ့လာပုံ ၁၀ မျိုးကို ဗဟုသုတ ရစေရန် အလို့ဌာ ဘာသာပြန် ဖော်ပြပေးထားပါသည်။


စာမေးပွဲဖြေမည်ဆိုလျှင်

စာမေးပွဲဖြေမည်ဆိုလျှင် ကောင်းမွန်စွာဖြေနိုင်ရန်အတွက် မိမိဖြေဆိုရမည့် အကြောင်းအရာ သို့မဟုတ် ဘာသာရပ်အပေါ် နှံ့စပ်သေချာစွာ သိထားဖို့ လိုအပ်မည် ဖြစ်သည်။ သို့ရာတွင် စာမေးပွဲတွင် မိမိ သိရှိလေ့လာထားသည်များကို ဖြေဆိုနိုင်ရန်အတွက် ဖြေဆိုပုံ ဖြေဆိုနည်းမှာ နည်းလမ်းတကျ ဖြစ်မှသာလျှင် အကောင်းဆုံး ဖြေဆိုနိုင်ပေမည်။ DETER ဟု ခေါ်သည့် စာမေးပွဲ ဖြေဆိုပုံ ဖြေဆိုနည်းလမ်းကို မိတ်ဆက် တင်ပြသွားပါမည်။ DETER ဟူသည်မှာ လမ်းညွှန်ချက် (Direction)၊ လေ့လာသုံးသပ်ချက် (Examine)၊ အချိန် (Time)၊ အလွယ်ကူဆုံး (Easiest) နှင့် ပြန်လည် စစ်ဆေးခြင်း (Review) စသည်တို့မှ အစ စကားလုံးများဖြင့် ဖွဲ့စည်းထားခြင်း ဖြစ်သည်။

လမ်းညွှန်ချက် (Direction)
-မိမိဖြေဆိုမည့် စာမေးပွဲလမ်းညွှန်ချက်များကို သေချာစွာ ဖတ်ရှုပါ။
-စာမေးပွဲလမ်းညွှန်ချက်များတွင် မရှင်းလင်းသည်များ ရှိပါက ဆရာကို မေးမြန်းပါ။
-စာမေးပွဲလမ်းညွှန်ချက်များကို သေချာစွာ လိုက်နာမှသာလျှင် အမှတ်ကောင်းကောင်း ရနိုင်မည် ဖြစ်သည်။
-စာမေးပွဲလမ်းညွှန်ချက်များကို မလိုက်နာလျှင် သိရှိလေ့လာထားသည်များကို ကောင်းမွန်စွာ ဖြေဆိုနိုင်လိမ့်မည် မဟုတ်ပေ။

လေ့လာသုံးသပ်ချက် (Examine)
-မေးခွန်းလွှာ တစ်ခုလုံးကို ဖတ်ပြီး ဘာတွေ ဖြေဆိုရမည်ကို သေချာစွာ လေ့လာသုံးသပ်ပါ။
-မေးခွန်းလွှာ တစ်ခုလုံးကို သိထားမှသာလျှင် အပိုင်းလိုက် ခွဲခြမ်းစိတ်ဖြာနိုင်ပြီး ဖြေဆိုရန် လွယ်ကူသွားပေမည်။

အချိန် (Time)
-မေးခွန်းလွှာ တစ်ခုလုံး ဖတ်ရှု လေ့လာ ပိုင်းခြားပြီးလျှင် မေးခွန်းတစ်ခုချင်းစီအတွက် အချိန်မည်မျှ သုံးစွဲမည်ကို ဆုံးဖြတ်ပါ။
-မေးခွန်းများအတွက် အမှတ်ပေးပုံစနစ် မတူညီပါက အမှတ်များများ ပေးထားသည့် မေးခွန်းများအတွက် အချိန်ကို ပိုမို သုံးစွဲရန် စီမံပါ။
-အက်ဆေး မေးခွန်းပါဝင်သည့် စာမေးပွဲများတွင် ထို အက်ဆေး မေးခွန်းကို အချိန် များစွာ သုံး၍ ဖြေဆိုမည်ဆိုလျှင် အခြား မေးခွန်းများအတွက် ဖြေဆိုရန် အချိန်လောက်ငှတော့မည် မဟုတ်သဖြင့် အချိန်ကိုက် ဖြေဆိုနိုင်ရန် အရေးကြီးပါသည်။

အလွယ်ကူဆုံး (Easiest)
-အလွယ်ကူဆုံးဟု ထင်သည့် မေးခွန်းများကို အရင်ဆုံး ဖြေဆိုပါ။
-ခက်ခဲသည့် မေးခွန်းများကို စာမေးပွဲ ဖြေဆိုကာခါစတွင် ဖြေမိပြီး ဆက်လက် ဖြေဆိုနိုင်ခြင်း မရှိတော့လျှင် မေးခွန်းလွှာရှိ အဖြေ သိပြီးသား မေးခွန်းများကိုပါ မဖြေဆိုနိုင်တော့ဘဲ ဖြစ်တတ်သည်။

ပြန်လည်စစ်ဆေးခြင်း (Review)
-အချိန်ကိုက် ဖြေဆိုနိုင်ခဲ့မည်ဆိုလျှင် အဖြေလွှာများကို ပြန်လည်စစ်ဆေးရန်အတွက် အချိန် လုံလောက်စွာ ကျန်ဦးမည် ဖြစ်သဖြင့် အဖြေလွှာများ မှန်မမှန်ကို ပြည့်စုံ တိကျနိုင်သလောက် ပြည့်စုံတိကျအောင် စစ်ဆေးရန် လိုအပ်သည်။
- ထို့ပြင် စားမေးပွဲ လမ်းညွှန်ချက်များကို နောက်တခေါက် ပြန်လည် ဖတ်ရှုပြီး ဖြေဆိုရန်လိုအပ်သည်များကို အားလုံး ဖြေဆိုခဲ့ခြင်း ရှိမရှိ သေချာစွာ စစ်ဆေးပါ။

အထက်ဖော်ပြပါ DETER ဖြေဆိုပုံ ဖြေဆိုနည်းနာများ ကို မမေ့ မလျော့ ကျင့်သုံးမည်ဆိုလျှင် စာမေးပွဲတွင် အမှတ်ကောင်းကောင်းနှင့် အောင်မြင်စေရန် ကူညီစွမ်းဆောင် ပေးနိုင်ပါလိမ့်မည်။

(အင်တာနက်စာမျက်နှာ http://www.how-to-study.com/a-strategy-for-taking-tests.htm ရှိ စာမေးပွဲဖြေဆိုပုံ ဖြေဆိုနည်းလမ်းကို ဆီလျော်အောင် ပြန်ဆိုပါသည်။)

ထူးချွန်သူ ကျောင်းသားတို့၏ စာကျက်မှတ်လေ့လာပုံ ၁၀ မျိုး

ထူးချွန်သူ ကျောင်းသား ကျောင်းသူတို့တွင် စာကျက်မှတ် လေ့လာပုံ အကျင့် စရိုက်ကောင်းများ ရှိကြသည်။ အောက်ပါ စာကျက်မှတ်လေ့လာပုံ ၁၀မျိုးကို ဖတ်ရှုလေ့လာ၍ သင့်ထံတွင် မရှိသေးလျှင် ရအောင် ကျင့်ကြံ ကြိုးစားပါ။

၁။ တထိုင်တည်း စာတွေ အများကြီး ကျက်မှတ်ဖို့ မကြိုးစားပါနှင့်။
စာတွေ အများကြီးကို တထိုင်တည်း ကျက်မှတ်မည်ဆိုလျှင် ပင်ပန်းနွမ်းလျပြီး စာကျက်မှတ်ေ လ့လာခြင်းမှာ ထိရောက်မည် မဟုတ်ပေ။ အချိန် အကြာကြီး မဟုတ်ဘဲ နည်းနည်းစီ ခွဲပြီး ဖတ်မှတ်လေ့လာနိုင်ရန် ကြိုးစားပါ။ ခေတ္တအနားယူခြင်းဖြင့် စိတ်နွမ်းနယ်ခဲ့ရသည်များ ပြန်လည် ပြည့်ဝ လာနိုင်သည်။

၂။ စာကျက်မှတ်လေ့လာချိန် သတ်သတ်မှတ်မှတ်ထားပါ။
စာကျက်မှတ်လေ့လာချိန်ဆိုသည်မှာ ကျောင်းသင်ခန်းစာများနှင့် သက်ဆိုင်သည်များ ပြုလုပ်နေချိန် ဖြစ်သည်။ ဖတ်ရှုရန် ပေးထားသည်များကို ဖတ်မှတ်ခြင်း၊ ရေးသားရန် ရှိသည်များ၊ ပရောဂျတ်များ သို့မဟုတ် စာမေးပွဲအတွက် ကျက်မှတ်လေ့လာခြင်း စသည်တို့ ဖြစ်သည်။ ရက်သတ္တတပတ်လုံးစာအတွက် စာကျက်မှတ်လေ့လာချိန် သတ်သတ်မှတ်မှတ်ထားရှိပါ။

၃။ နေ့စဉ် အချိန်မှန်မှန် စာကျက်မှတ်လေ့လာပါ။
နေ့စဉ် အချိန်မှန်မှန် စာကျက်မှတ်လေ့လာခြင်းဖြင့် အိပ်ခြင်း၊ စားခြင်းတို့ကဲ့သို့ မိမိဘ၀၏ ပုံမှန် အစိတ်အပိုင်းတစ်ခုသဖွယ် ဖြစ်လာစေနိုင်သည်။ စာကျက်မှတ် လေ့လာချိန် ရောက်ပြီဆိုလျှင် စာကျက်မှတ်လေ့လာဖို့အတွက် မိမိ၏ စိတ်က အလိုလို အသင့်ဖြစ်နေပေမည်။

၎။ စာကျက်မှတ်ချိန်များနှင့် ပတ်သက်ပြီး ရည်မှန်းချက် တိကျစွာ သတ်မှတ်ထားပါ။
ရည်မှန်းချက်ထားရှိခြင်းသည် အာရုံစိုက်ကာ ကြိုးစားချင် စိတ်ရှိအောင် ကူညီစွမ်းဆောင်နိုင်သည်။ စာကျက်ရဦးမည်ဟု တွေးကာ ထိုင်ပြီး စာကျက်မှတ်နေရုံသက်သက်ဆိုလျှင် အကျိုး များစွာ ဖြစ်ထွန်းလိမ့်မည် မဟုတ်ပါ။ ဘာကိုတော့ဖြင့် ပြီးအောင် ဖတ်လိုက်မည်၊ ဘာကိုတော့ဖြင့် သိသွားအောင် ယခု စာကျက်မှတ်ချိန်အတွင်း ကျက်မှတ်လိုက်မည်ဟု တိကျစွာ သတ်မှတ်ထားသင့်ပေသည်။

၅။ စာကျက်မှတ်ရန် သတ်မှတ်ထားချိန်တွင် စလုပ်ပါ။
သင်ခန်းစာများ ခက်ခဲသည်ဖြစ်စေ၊ သင်ခန်းစာများအား ပြုလုပ်လိုခြင်း မရှိလျှင် ဖြစ်စေ သတ်မှတ်ထားချိန်ထက် နောက်ကျကာ စာကျက်မှတ်ချင်စိတ်များ ဖြစ်ပေါ်နေတတ်သည်။ ထိုသို့ ဖြစ်ပြီဆိုလျှင် အချိန်မီ စာကျက်မှတ်ပြီးဆုံးနိုင်ရန်လည်း ခဲယဉ်းပေလိမ့်မည်။ ထို့ပြင် နောက်ကျမှ စာကျက်မှတ်ခဲ့ရသဖြင့် အချိန်မီ ကျက်မှတ်ပြီးစီးအောင် အလောသုံးဆယ် လုပ်မိသည့်အခါတွင် အမှားအယွင်းများ ပြုလုပ်မိတတ်သည်။

၆။ အခက်ခဲဆုံး သင်ခန်းစာအား အရင်ဆုံး လုပ်ပါ။
အခက်ခဲဆုံး သင်ခန်းစာအား ပြုလုပ်ရန်အတွက် အားစိုက်ထုတ်မှု အများဆုံး လိုအပ်ပေမည်။ ထို့ကြောင့် စာကို စတင် ကျက်မှတ်လေ့လာချိန်သည် စိတ်စွမ်းအားအမြင့်မားဆုံး အချိန် ဖြစ်သဖြင့် ထိုအချိန်တွင် အခက်ခဲဆုံး သင်ခန်းစာများကို အရင်ဆုံး ပြုလုပ်သင့်ပါသည်။

၇။ သင်ခန်းစာများအား မပြုလုပ်မီ မှတ်သားထားသည်များကို ပြန်လည်ဖတ်ရှုပါ။
စာသင်စဉ်အတွင်း မှတ်သားထားသည်များကို ပြန်လည်ဖတ်ရှုခြင်းသည် ၎င်းနှင့် သက်ဆိုင်သည့် သင်ခန်းစာများအား မှန်ကန်စွာပြုလုပ်နိုင်ရန်အတွက် အထောက်အကူပြုသည်။ ထို့ပြင် ထိုမှတ်သားထားသည်များတွင် သင်ခန်းစာများ ဖြေဆိုနိုင်ရန် အချက်အလက်များပင် ပါဝင်ကောင်း ပါဝင်နေလိမ့်မည်။

၈။ စာကျက်မှတ်လေ့လာနေချိန်တွင်သူငယ်ချင်းများအား ဖုန်းခေါ်ဆိုခြင်း မပြုရန် ကြိုတင် ပြောဆိုပါ။
စာကျက်မှတ်လေ့လာနေစဉ် သူငယ်ချင်းများ ဖုန်းခေါ်ပြီဆိုလျှင် ပြဿနာ နှစ်ရပ်ဖြစ်ပွားလေ့ရှိသည်။ ပထမအချက်မှာ စာကျက်ပျက်ခြင်း ဖြစ်ပြီး နဂိုမူလက စာကျက်မှတ်နေသည့် ဈာဉ်ကို ပြန်ဝင်အောင် ကြိုးစားရသည်မှာ မလွယ်ကူပါ။ ဒုတိယအချက်မှာ သင်ကျက်မှတ်လေ့လာရန် လိုအပ်သည့်အရာများနှင့် ပတ်သက်၍ သူငယ်ချင်းက မလုပ်ဖြစ်အောင် ဆွယ်ချင် ဆွယ်ပါလိမ့်မည်။ အကြံပေးလိုသည်မှာ စာကျက်မှတ်လေ့လာနေချိန်အတွင်း ဖုန်းကို ပိတ်ထားဖို့ပဲ ဖြစ်သည်။

၉။ သင်ခန်းစာတစ်ခုကို တစ်ဦးတစ်ယောက်တည်း ပြုလုပ်ခြင်းငှာ မစွမ်းသာလျှင် သူငယ်ချင်းတစ်ဦးနှင့် အတူ စာကျက်မှတ်လေ့လာပါ။
“ခေါင်းနှစ်လုံးက ခေါင်းတစ်လုံးထဲထက် သာသည်” ဆိုသည့်အတွက် ရံဖန်ရံခါတွင် သူငယ်ချင်းတစ်ဦးနှင့် ထိုသို့ လေ့လာကျက်မှတ်ပါ။

၁၀။ ရက်သတ္တပတ်ကုန်ဆုံးပြီဆိုတာနှင့် သင်ခန်းစာများကို ပြန်လည် ဖတ်ရှုမှတ်သားပါ။
ရက်သတ္တပတ်ကုန် ရက်များသည် ပျော်ရွှင်ဖို့ ကောင်းသည့် အချိန်များ ဖြစ်သည်မှာ မှန်ပါသည်။ သို့သော် သင်ခန်းစာများကို ပြန်လည်နွှေးရန် ဖတ်ရှုမှတ်သားရန်လည်း လိုအပ်ပါသည်။ သို့မှသာ တနင်္လာနေ့တွင် ကျောင်းပြန်တက်ရသည့်အခါတွင် အရန်သင့် ဖြစ်နေပေမည်။

(အင်တာနက်စာမျက်နှာ http://www.how-to-study.com/study-habits.htm ရှိ ထူးချွန်သူ ကျောင်းသားတို့၏ စာကျက်မှတ်လေ့လာပုံ ၁၀ မျိုးကို ဆီလျော်အောင် ပြန်ဆိုပါသည်။)
ကိုသံလွင်