မြန်မာ့အရေးလှုပ်ရှားမှု ပြဿနာများ

Min Thant Syn created a doc.

မလုပ်တာနဲ့စာလျှင် လုပ်တာကပိုကောင်းတယ်ဆိုတဲ့ အယူအဆသည် လုံးဝမှားယွင်းသော အယူအဆဖြစ်သည်။ No news is good news နှင့် “ ထိုင်နေရင်အကောင်းသား၊ ထသွားမှ အကျိုးမှန်းသိ ” ဆိုတဲ့ သဘောတရားများကိုလည်း နားလည်ဖို့ လိုပါတယ်။ ဘာမှ မလုပ်ဘဲ နေရမှာလားဆိုတဲ့ ခတ်တုံးတုံး ... အမေးမျိုးလည်း မေးတတ်ကြပါတယ်။ ဟုတ်ပြီ၊ အလုပ်လုပ်သည်၊ လှုပ်ရှားကြသည်ဆိုတဲ့ အခါမှာ ကိုယ်လုပ်တဲ့ လှုပ်ရှားမှုဟာ လူထုအတွက် အကျိုးဖြစ်မလား၊ အဆိုး ဖြစ်မလားဆိုတာ ပထမဆုံး ထည့်သွင်းစဉ်းစားရမယ့် အချက်ပါ။
အကျိုးရှိသည်ဆိုဦးတော့ ရေတိုသာဖြစ်ပြီး ရေရှည်မှာ အဆိုးဖြစ်လာနိုင်သာလားဆိုတာလည်း​ ထည့်သွင်းတွက်ချက်ရပါ့မယ်။ တပွဲတိုးအတွေးအခေါ်လောက်နဲ့ နိုင်ငံရေးလှုပ်ရှားမှု မလုပ်သင့်ပါ။ ဒါကြောင့် ရေတို၊ ရေရှည် အကျိုးအမြတ်ရှိမည့် လှုပ်ရှားမှု့ မျိုးကိုသာ စနစ်တကျစီစဉ်ပြီး လုပ်သင့်ပါတယ်။
အကျိုးအမြတ်ဆိုတာကကော ဘယ်သူ့အတွက်လည်း မိမိအတွက်၊ မိမိနှင့် အပေါင်းအပါတို့အတွက် အဖွဲ့အစည်းနဲ့ ပါတီအတွက်ဆိုရင် မှားပါလိမ့်မည်။ နိုင်ငံရေးလှုပ်ရှားမှု့တိုင်းသည်​ နိုင်ငံတော်အတွက် (တနည်းအားဖြင့်) ပြည်သူလူထု အတွက်သာဖြစ်ရပါလိမ့်မည်။ တချို့ကဆိုကြပါသည်.. နိုင်ငံရေးလှုပ်ရှားမှုများ အဆက်မပြတ် လုပ်ပေးရမည်တဲ့။ ဒါလည်း မှားပါသည်။ လှုပ်ရှားမှု့ဆိုတာ အခြေအနေ၊ အချိန်အခါနှင့်ကိုက်ညီပြီး ပြည်သူအတွက် အကျိုးအမြတ်ရှိမှလုပ်ခြင်းသာ မှန်ကန်ပါသည်။ ဒီလိုဖြစ်ရန် ဆန္ဒစွဲ၊ အတ္တစွဲ၊ ပါတီစွဲတွေ ကင်းရှင်းဖို့အဓိက ဖြစ်ပါသည်။

ဒီနေရာမှာ မြတ်ဗုဒ္ဓ၏ နု မှာ ငါးရာနိပါတ်တော်ထဲမှ ငါးသုံးကောင်ဇာတ်လမ်းကို တင်ပြချင်ပါတယ်။ တံငါသည်တဦးက ငါးသုံးကောင်ကို ဖမ်းမိပြီး လှေဝမ်းထဲမှာ ထည့်ထားလိုက်ပါတယ်။ ငါးသုံးကောင်ထဲမှ ပထမ ငါးတကောင်က လှေဝမ်းထဲမှ လွတ်မြောက်အောင် ဝီရိယကြီးစွာနဲ့ တဖြတ်ဖြတ် ခုန်ထွက်နေတယ်။ ဒီတော့ တံငါသည်က လှော်တက်နဲ့ ထုပြီးသတ်လိုက်တယ်။ ဒုတိယ ငါးကတော့ ကံကောင်းရင်လွတ်မှာပဲဆိုပြီး အိပ်လို့သာနေပါတယ်။ တတိယ ငါးကတော့ ပညာဥာဏ်နဲ့ သုံးသပ်ပြီး၊ လှေအစောင်းမှာ တအားကုန် ခုန်လိုက်တာ လွတ်မြောက်သွားပါတယ်။ ဒီဇာတ်တော်ရဲ့ နမူနာ အတိုင်းဆိုရင် တတိယငါးလို အခြေအနေ၊ အချိန်အခါနဲ့ အကျိုးအမြတ်ကို ကြည့်ပြီး လှုပ်ရှားဖို့ပါပဲ။ သူများ ပရီပိုဇယ်ကိုယူပြီး အချက်အလက်တွေတင်ပြဖို့ အမြဲမပြတ် လှုပ်ရှားမှု့တွေပြုပေးနေရတဲ့ အဖြစ်မျိုးကို ကြုံတွေ့နေရသူတွေကတော့ တံငါသည်ရဲ့ လှော်တက်စာ ဖြစ်ကုန်တာပါပဲ။ သို့သော် ထူးခြားချက်က လှော်တက်စာဖြစ်သွားတဲ့ အထဲမှာ ပြည်ပရောက်နေ သူများမပါကြပါဘူး။ နေမြဲ၊ စားမြဲပါ။ ပြည်တွင်းကလှုပ်ရှားသူများကသာ အစဉ်အမြဲ လှော်တက်စာမိနေကြရတာပါ။ အနာခံမှအသာစံရတယ်၊ စွန့်မှ စားရတယ်ဆိုတာ အခြေအနေကို ကြည့်ပြီး ဆုံးဖြတ်လုပ်ကိုင်ရတာမျိုးပါ။ အစဉ်အမြဲစွန့် နေစရာ၊ အနာခံနေစရာမျိုးမဟုတ်ပါဘူး။

ပြည်ပတွင်နိုင်ငံရေးလှုပ်ရှားမှု့​များကို ပုံသဏ္ဍန်မျိုးစုံနှင့် တွေ့ရပါတယ်။ ချီတက်လမ်းလျှောက်ခြင်း၊ သံရုံးများရှေ့တွင် ဆိုင်းပုဒ်များ ကိုင်ကာတောင်းဆို၊ ကန့်ကွက်၊ ဆန္ဒပြကြခြင်း၊ ခရီးဝေးလမ်းလျှောက်၊ စက်ဘီးစီး၊ ဆုတောင်းပွဲ၊ လတ်မှတ်ထိုး၊ အစာငတ်ခံ စသည်ဖြင့် စုံလင်လှပါသည်။ ဖိုရမ်၊ ဝပ်ရှော့၊ စီမီနာ၊ ဆွေးနွေးပွဲ၊ အစည်းအဝေး၊ လော်ဘီ၊ ဓါတ်ပုံပြ၊ ပန်းချီပြ၊ စာရွက်စာတမ်းဖြန့်ဝေ၊ ဖရောင်းတိုင်ထွန်း၊ တူညီဝတ်စုံဝတ် စသည်များနှင့် များပြားလှသည့် လှုပ်ရှားမှုများ ပြုလုပ်ကြပါသည်။ လှုပ်ရှားမှု အားလုံးကို ပြည်သူထံသို့ ရေဒီယိုမီဒီယာများ၊ ဝက်ဆိုဒ်များမှ အရောက်ပို့ပေးနေကြပါတယ်။ ပြည်ပမှာ ရောက်နေတဲ့ နိုင်ငံရေးလှုပ်ရှားသူ မြန်မာပြည်သားများအတွက် အားကောင်းချက်တွေ ရှိပါတယ်။ သက်ဆိုင်ရာနိုင်ငံ၏ ခွင့်ပြုချက်ဖြင့် အသင်းအပင်းဖွဲ့ခွင့် ရပါတယ်။ လွတ်လပ်တဲ့ ဆန္ဒပြခွင့်တွေပြောဆို စည်းရုံးခွင့်တွေ၊ နိုင်ငံရေးလှုပ်ရှားခွင့်တွေ ရကြပါတယ်။ ဒီလိုလှုပ်ရှားမှု့တွေအတွက် NGO များမှ ထောက်ပံ့ကြေးငွေတွေလည်း ရတတ်ကြပါတယ်။ ဒီအားသာချက်တွေ အပေါ်မှာ နှစ်ပေါင်းနှစ်ဆယ်လောက် လှုပ်ရှားမှုတွေ လုပ်ခဲ့ကြပြီးပါပြီ။ လူထုအတွက်ဘယ်လောက် အကျိုးအမြတ်တွေဖြစ်ထွန်းနေကြပြီ​လဲ။ လှုပ်ရှားခဲ့တဲ့ပွဲပေါင်း၊ အချိန်၊ ကုန်ကျငွေ ဒါတွေနဲ့ လူထုအတွက်ရမယ့် အကျိုး အမြတ်ကို နိုင်းယှဉ်တိုင်းတာကြည့်ဖို့  လိုအပ်ပါတယ်။
ဒီနေရာမှာ ပြည်ပရောက် အတိုက်အခံအင်အားစုတွေကို ဇောင်းပေးတင်ပြလိုပါသည်။ ဘုံရပ်တည်ချက် မရှိဘူး ဆိုတာလည်း ဗူးပေါ်သလိုပေါ် နေပါတယ်။ ဒီမိုကရေစီရရှိရေး၊ စစ်အစိုးရပြုတ်ကျရေးဆိုတာလောက်နဲ့  မလုံလောက်ပါ။ ဒါ ဘုံရပ်တည်ချက်မဟုတ်ပါ။ နိုင်ငံရေးလူလည်ကြီးများနဲ့ ဘုမသိဘမသိတွေကလည်း ဒီအချိန်သည် တူတာတွဲလုပ်၊ မတူတာ ခွဲလုပ်ကြပါ။ အချင်းချင်း မဝေဖန်ပါနဲ့။ ရန်သူအားရစရာတွေ မလုပ်ဖို့ လိုပါတယ်လို့ ပြောနေကြပြန်ပါတယ်။ ဒီမိုကရေစီ၏ အနှစ်သာရသည် ရန်သူပဲဖြစ်ဖြစ်၊ မိတ်ဆွေပဲဖြစ်ဖြစ် မှားရင်မှားတဲ့အတိုင်း ဝေဖန်တာ၊ ထောက်ပြတာမျိုးကို လက်ခံ ကျင့်သုံးတာပဲဖြစ်ပါတယ်။

ပြည်ပတွင်နိုင်ငံရေးလှုပ်ရှားမှု့​တိုင်းသည် ဒီမိုကရေစီရရှိရေးတို့၊ မြန်မာ့အရေး အဖြေရှာရေးတို့ စတဲ့ ခေါင်းစဉ်တွေရဲ့ အောက်ကနေပြီး လုပ်နေကြတာမို့ ဟုတ်သရောင်ရောင် ဖြစ်နေပါသည်။ အနှစ်သာရပိုင်းကို စစ်လို့လည်းမရ၊ ဆေးလို့ လည်း မရ သူတဗိုလ်၊ ငါတမင်း လုပ်ချင်တိုင်းလုပ်လို့ ရနေကြပါသည်။ ဒီနေရာမှာ ခွဲခွဲခြားခြားပြောဖို့တော့ လိုပါသည်။ ပြည်သူတွေအတွက် အကျိုးရှိစေမယ့် လှုပ်ရှားမှုမျိုးတွေကို ကိုယ်ကျိုးစွန့် အနှစ်နာခံပြီး ဦးဆောင်လုပ်ကိုင်နေသူများ၊ ပါဝင်အင်အားဖြည့် ဆောင်ရွက်နေသူများကိုတော့ အမှန်တကယ်လေးစား ဂုဏ်ယူရမှာ ဖြစ်ပါတယ်။ နိုင်ငံရေးလှုပ်ရှားမှုကို မိမိနှင့် မိမိတို့ အပေါင်းအပါ တစုအတွက်၊ အုပ်စုတခုအတွက် အသုံးချပြီး အမြတ်ထုတ်နေသူများကိုတော့ ပြည်သူ့သစ္စာဖောက်များ၊ နိုင်ငံရေး ဖိုးတွမ်တိများအဖြစ် သတ်မှတ်ရှုံချရမှာ ဖြစ်ပါတယ်။ ထိုသူများကတော့ ကိုယ့်သမိုင်း ကိုယ်ရေးတယ်ဆိုတဲ့ စကားကိုပြုံးပြုံးလေး ရင်ဆိုင်နေကြတဲ့ လူ့ဂုဏ်သိက္ခာ ဆိုတာ လုံးဝနားမလည် ကြသူများပင် ဖြစ်ပါတယ်။

နောက် နှစ်ပေါင်းငါးဆယ်၊ တစ်ရာလောက်ရှိခဲ့ရင် ရှစ်ဆယ့်ရှစ်နောက်ပိုင်းမှ ယနေ့အထိ သမိုင်းကာလကို ဘယ်လို မှတ်တမ်းတင် ကြမလဲ။ မြန်မာ့ဒီမိုကရေစီရေးအတွက် မြန်မာ့သားကောင်းဇာနည်များ ပြည်ပကိုထွက်ပြီး ဘယ်လို လှုပ်ရှားနေကြသလဲ။ အမှန်အတိုင်း သာ မှတ်တမ်းတင်ကြလို့ရှိရင် ရှက်စရာကောင်းတဲ့ မြန်မာ့သမိုင်းများ ဖြစ်သွားလေ မလားလို့  စိုးရိမ်နေမိပါတယ်။
စစ်အစိုးရကိုတိုက်ဖို့ နယ်စပ်ကိုထွက်ကြ၊ အဲဒီမှတဆင့် တတိယနိုင်ငံများကိုရောက်ကြ၊ အချို့လည်း ပတ်စပို့တွေရပြီး နယ်စပ်မှာပြန်နေကြ နယ်စပ်ဆိုတာလည်း သူများနိုင်ငံထဲမှာနေကြရ၊ အားလုံးကတော့ ပြည်ပရောက်ဟုဆိုနိုင်ပါတယ်။ ကံကောင်းတာက အဖွဲ့တွေဖွဲ့ပြီး ပရီပိုဇယ် ခေါ် ထောက်ပံ့ကြေးငွေတွေကို နိုင်ငံခြား NGO တွေ၊ အဖွဲ့အစည်းတွေဆီက ရလိုက်ကြနဲ့ မြန်မာ့ပရီပိုဇယ် နိုင်ငံရေးကာလကြီးထဲကို ဖြတ်သန်းနေကြရပါပြီ။ ပရီပိုဇယ်နိုင်ငံရေး ဝဲဂယက်ထဲမှာ ရုန်းမထွက်နိုင်ကြတော့ဘဲ စုံးစုံးမြုပ်ရတော့မည့် အခြေကို ဆိုက်နေကြပြီလားလို့ မေးစရာဖြစ်နေပါပြီ။ အခု နောက်ဆုံး ကြားရတဲ့ လှုပ်ရှားမှုကတော့ န.အ.ဖ ကို ကုလသမဂ္ဂထဲက ဖယ်ထုတ်ရေးတဲ့ ပြီးတော့ သန်းရွှေတို့ကို နိုင်ငံတကာ စစ်ခုံရုံးကို တင်ရေးတဲ့။ 

တော်တော်အရေးပါတဲ့ ကိစ္စတွေကို ဆောင်ရွက်လှုပ်ရှားနေကြပါတယ်။ ပရီပိုဇယ်ဆိုတာကလည်း တခုခုတော့ လုပ်နေဦးမှ၊ ရပ်နေလို့ မဖြစ်ဖူး၊ ဒီတော့ ပြည်သူ့အတွက် အကျိုး ရှိမရှိတွေ သိပ်စဉ်းစားနေလို့ မဖြစ်ဖူးပေါ့။ လှုပ်ရှားမှု့တွေ မရပ်မနား လုပ်နေကြရတော့မှာပေါ့။ ရှစ်ဆယ့်ရှစ်ရဲ့ နောက်ပိုင်း မြန်မာ့ဒီမိုကရေစီရေး လှုပ်ရှားမှုသမိုင်း (ပြည်ပ) ကို ကြည့်ရင် “ ပရီပိုဇယ် ” နိုင်ငံရေးသမိုင်းလို့ ဆိုရပါလ်ိမ့်မယ်။ “ သူ့ ဆန်စားရဲမှ ” ဆိုသလို သူ့ငွေကို ယူရင်တော့ အမြဲပဲ လှုပ်ရှားမှု့တွေ လုပ်နေရတော့မှာပါ။ ပြည်ပရောက် မြန်မာ့နိုင်ငံရေး လှုပ်ရှားမှုသည် ကံကောင်းသလား၊ ကံဆိုးသလားတော့ မပြောတတ်ပါ။ အဖွဲ့တွေကြိုက်သလောက် ဖွဲ့ရတယ်။ မူဝါဒစည်းမျဉ်းစည်းကမ်း၊ ရည်ရွယ်ချက်တွေ ချမှတ်ကြရေးကြ၊ စာရွက်ပေါ်မှာ စံနစ်ကျဖို့လိုတယ်။ အရေးကြီးတာက ဗိုလ်လိုကောင်းကောင်းတတ်ဖို့ အဓိကကျတယ်။ ပြီးရင် NGO တွေနဲ့ ရအောင်ချိတ်၊ ပရီပိုဇယ်ရဖို့ သေချာသလောက်ပါပဲ။ လက်နက်ကိုင် တိုက်ပွဲမှ လွဲလို့ပေါ့။ ပရီပိုဇယ်တွေနဲ့ ကမ္ဘာ့ပတ်ပြီး လှုပ်ရှားကြတယ်။ နိုင်ငံတကာမှာလည်း လှုပ်ရှားမှုတွေ လုပ်ကြတယ်။ ပြည်တွင်းမှာလည်း လုပ်ကြတယ်။ ယနေ့ အဖြေဘယ်လိုထွက်နေပြီလဲ၊ အနှစ်နှစ်ဆယ် လှုပ်ရှားမှုတွေကို ကြည့်ပြီးဘယ်လောက်အောင်မြင်မှု ရှိပြီလဲလို့ မေးရင် ပြည်ပရောက် ပရီပိုဇယ် နိုင်ငံရေးခေါင်းဆောင်ကြီးများက​ “ ကျွန်တော်ကတော့ အောင်မြင်တယ်လို့ ပြောနိုင်တယ်လို့” အမြဲပဲ ပြောလေ့ရှိတယ်။ သူတို့ဘယ်လိုပဲ ပြောပြော ပြည်သူတွေ သိပါတယ်။ သမိုင်းက စကားပြောပါ လိမ့်မယ်။ နောက်ဆုံးတော့ “ ပြည်သူတွေ သည် ကိုယ့်အောင်ပွဲကို ကိုယ်တိုင်မယူနိုင်လို့ တိုက်မယူရဲလို့ မလွတ်မြောက်တာပါ” ဆိုတဲ့ ကွန်မြူနစ်နဲ့ အာဏာရှင် ခေါင်းဆောင်ကြီးတွေရဲ့ သီအိုရီကြီးနဲ့ပဲ ကိုယ့်ကိုယ့်ကို ကာကွယ်ပြောဆိုနေကြ ရတော့မည် ဖြစ်ကြောင်းပါခင်ဗျား။

ဧရာအောင်