17.12.2011 နေ့ဖတ်ရန်သတင်းများ

by Myanmar Journal on Saturday, December 17, 2011 at 7:50am

 

 
ထိုင်းနိုင်ငံတွင်းမှာ သာ့ဆင် ကို ထောက်ခံသူ၊ ဆန့်ကျင်သူ တွေ ကြား စိတ်ဝမ်း ကွဲနေဆဲ 
ထိုင်း ဝန်ကြီးချုပ်ဟောင်း နိုင်ငံကူးလက်မှတ်ပြန်ရ

ပြည်ပမှာ ထွက်ပြေး ခိုလှုံနေတဲ့ ထိုင်း ဝန်ကြီးချုပ်ဟောင်း သာ့ဆင် ရှင်နာဝပ်ကို ထိုင်းနိုင်ငံကူးလက်မှတ် ထုတ်ပေးလိုက်တဲ့ အကြောင်း ထိုင်းနိုင်ငံခြားရေး ဝန်ကြီး ဌာနက တရားဝင် ထုတ်ဖေါ် ကြေညာလိုက် ပါတယ်။ သူ့ကို ဝန်ကြီးချုပ်ဟောင်း အဖိဆစ် ဝေ့တ်ချာ ချီဝါ့ လက်ထက်မှာ နိုင်ငံကူး လက်မှတ် ရုတ် သိမ်းပြီး ဖမ်းဝရမ်း ထုတ်ထားတာ ဖြစ်ပါတယ်။

အခုအခါ UAE အာရပ် စော်ဘွားများ ပြည်ထောင်စု နိုင်ငံကို ရောက်နေတဲ့ မစ္စတာ သာ့ဆင်ကို သူ့ရဲ့ ညီမ ဖြစ်သူ လက်ရှိ ဝန်ကြီးချုပ် ယင်လတ် ရှင်နာဝပ် အစိုးရက နိုင်ငံကူးလက်မှတ် ထုတ်ပေးလိုက်တာပါ။
မစ္စတာ သာ့ဆင်ကို သာမန် နိုင်ငံကူးလက်မှတ် ထုတ်ပေးတာဟာ စည်းမျဉ်း စည်းကမ်းနဲ့ အညီ ထုတ်ပေးတာ ဖြစ်တယ်လို့ ထိုင်းနိုင်ငံခြားရေး ဝန်ကြီးက အတည်ပြု ပြောကြားခဲ့ ပေမယ့် အတိုက်အခံ ပါတီ ဥက္ကဌ ဝန်ကြီးချုပ်ဟောင်း အဖိဆစ် ဝေ့တ်ချာချီဝါ့ ကတော့ ထောင်ဒဏ် အပြစ်ပေးခံရပြီး ပြည်ပမှာ ထွက်ပြေး တိမ်းရှောင်နေသူကို နိုင်ငံကူးလက်မှတ် ထုတ်ပေးတာဟာ ဥပဒေနဲ့ ကိုက်ညီမှု မရှိတဲ့အတွက် နိုင်ငံခြားရေး ဝန်ကြီးကို တရားစွဲဆိုဖို့ သူတို့ပါတီက ပြင်ဆင်နေတယ်လို့ ပြောပါတယ်။
ထိုင်းနိုင်ငံရေးမှာ သာ့ဆင် ရှင်နာဝပ်ကို မကြိုက်တဲ့သူနဲ့ ထောက်ခံသူတွေကြားမှာ စိတ်ဝမ်းကွဲနေတာကြောင့် အခုလို ပြစ်မှုနဲ့ ပြည်ပမှာ ရောက်နေတဲ့ သာ့ဆင် ရှင်နဝပ်ကို နိုင်ငံကူးလက်မှတ် ထုတ်ပေးလိုက်တဲ့ အတွက် အများပြည်သူတွေအကြား စိတ်ဝမ်းကွဲမှု တိုးအောင် လုပ်ပေးလိုက်သလို ဖြစ်ပြီး အစိုးရကို ဆန့်ကျင် ဆန္ဒပြမှုတွေ ဖြစ်လာနိုင်တယ် ဆိုတဲ့ ပြောဆိုသံတွေလည်း ထွက်ပေါ်လာနေပါတယ်။

ဓာတ်ပေါင်းဖိုတွေ အားလုံးကို အပူချိန်လျှော့ချ ပြီး ရပ်နားထား လိုက်နိုင်ပြီဖူကူရှီးမားဓာတ်အားပေးစက်ရုံ အခြေအနေ တည်ငြိမ်ပြီ
ဂျပန်နိုင်ငံမှာ ပြီးခဲတဲ့ ၉ လက ဖြစ်ပွားခဲ့တဲ့ မြေငလျင်နဲ့ ဆူနာမီဒဏ်ကြောင့် အဆိုးဝါး ဆုံးသော နျူကလီးယား အန္တရာယ် ကျရောက် ခဲ့ရာကနေ အခုတော့ အခြေအနေ တွေ တည်ငြိမ်သွားပြီ ဖြစ်တယ်လို့ ဂျပန် ဝန်ကြီးချုပ်က ပြောကြားပါတယ်။
ထိခိုက်ပျက်ဆီးမှုတွေ ရှိခဲ့တဲ့ ဖူကူရှီးမား နျူကလီးယား ဓာတ်အားပေး စက်ရုံကို ပြန်လည်ပြုပြင်ခဲ့ရာ နောက်ဆုံးမှာတော့ ပုံမှန် အနေအထားမျိုး ရောက်ရှိသွားပါပြီ။
ဝန်ကြီးချုပ် ယိုရှီဟီကို နိုဒါက သတင်းစာရှင်းလင်းပွဲမှာ ပြောကြားရာမှာ၊ ထိခိုက်ပျက်စီးမှု တွေ ရှိခဲ့တဲ့ ဓာတ်ပေါင်းဖိုတွေ အားလုံးကို အပူချိန်လျှော့ချပြီး ရပ်နားထားလိုက် နိုင်ပြီ ဖြစ်တယ်လို့ ဆိုပါတယ်။
အဆင့် ၂ လုပ်ဆောင်မှုတွေကတော့ ပြီးဆုံးသွားပြီဖြစ်ပေမယ့်၊ နျူကလီးယား ထိခိုက်မှုနဲ့ ပတ်သက်ပြီး ကိုင်တွယ် ဖြေရှင်းနေရတဲ့ လုပ်ငန်းတွေကတော့ မပြီးသေးကြောင်း လည်း သူက ပြောကြားသွားပါတယ်။
အခုလို လုပ်ငန်းတွေ မပြီးမြောက်သေးပေမယ့် ဓာတ်ရောင်ခြည်သင့်နေတဲ့ ပစ္စည်းတွေ နောက်ထပ် ယိုဖိတ်မှုကတော့ မရှိတော့ကြောင်း သူကပြောပါတယ်။
ဓါတ်ပေါင်းဖိုတွေကို ဖျက်သိမ်းပစ်ဖို့ အတွက်ကတော့ ဆယ်စုနှစ်နဲ့ချီပြီး အချိန်ယူရမှာ ဖြစ်ပါတယ်။

ပဒိုမန်းငြိမ်းမောင်ဟာ မိုင် ၂၀၀ ပင်လယ်ခရီး ကို လှေနဲ့ ဖြတ်ကျော်ခဲ့ဖူးသူ ဖြစ်ပါတယ်မုန်တိုင်းကိုဆန်ပြီး ပင်လယ်ကိုဖြတ်သူ၊ ထောင်ဒဏ် ၁၇ နှစ်ကျခံရ
ကရင်အမျိုးသား အစည်းအရုံး KNU ခေါင်းဆောင်တဦးဖြစ်သူ ပဒို မန်းငြိမ်းမောင်ကို ရန်ကုန် မင်္ဂလာဒုံ တရားရုံးကနေ ထောင်ဒဏ် ၁၇ နှစ် ချမှတ် လိုက်တယ်လို့ ပြည်တွင်း သတင်းရပ်ကွက် တွေရဲ့ အဆိုအရ သိရပါတယ်။
KNU ဗဟိုကော်မတီဝင်ဖြစ်တဲ့ မန်းငြိမ်းမောင် ကို မတရားအသင်း အက်ဥပဒေအရ ထောင်ဒဏ် ချမှတ်လိုက်တာ ဖြစ်တယ်လို့ ဆိုပါတယ်။
ပဒို မန်းငြိမ်းမောင်ဟာ ဇူလိုင်လအတွင်းက ထိုင်းနိုင်ငံကနေ တရုတ်နိုင်ငံကို ခရီးသွားရာမှာ၊ တရုတ်နိုင်ငံ ကူမင်းလေဆိပ်မှာ ပျောက်ဆုံးနေခဲ့တာ ဖြစ်ပါတယ်။
ဟိုးအရင်ကလည်း ကိုကိုးကျွန်းမှာ အကျဉ်းကျခံခဲ့ရဖူးတဲ့ ပဒိုမန်းငြိမ်းမောင်ဟာ အဲဒီတုန်း က မိုင် ၂၀၀ ခရီး ပင်လယ်ပြင်ကို လှေနဲ့ ဖြတ်ကျော်ခဲ့သူ ဖြစ်ပါတယ်။
အဲဒီ စွန့်စားခဲ့တဲ့ အကြောင်းကို သူကိုယ်တိုင်ရေးသားပြီး ''မုန်တိုင်းကိုဆန်၍ ပင်လယ်ကို ဖြတ်သောအခါ'' နာမည်နဲ့ စာအုပ်ထုတ်ဝေ ခဲ့ဖူးပါတယ်။

၂၀၁၀ ရွေးကောက်ပွဲမဲဆွယ်မှုများပြည်ထောင်စုရွေးကောက်ပွဲကော်မရှင် သတင်းစာရှင်း
ပြည်ထောင်စု ရွေးကောက်ပွဲ ကော်မရှင် ဥက္ကဌ ဦးတင်အေးက သတင်းထောက် တွေကို နေပြည်တော်ကို ဖိတ်ကြားပြီး လာမယ့် ကြားဖြတ် ရွေးကောက်ပွဲမှာ အမတ်နေရာပေါင်း ၄၈ နေရာ လစ်လပ်တယ်လို့ အတည်ပြု ပြောကြားပါတယ်။
ရွေးကောက်ပွဲရက်ကိုတော့ အတိအကျ မပြောနိုင်ဘဲ ဥပဒေနဲ့ အညီ ၃လကြိုတင် ကြေညာမယ်လို့ပြောပါတယ်။ ပြည်ပကလာရောက် လေ့လာခွင့် ကိစ္စကိုမေးရာမှာတော့ အတိအကျမပြောဘဲ အခြေအနေကိုကြည့်ပြီးဆုံးဖြတ်မယ်လို့ဆိုပါတယ်။
အရင်ရွေးကောက်ပွဲ အတွေ့အကြုံတွေကို အခြေခံပြီး အကောင်းဆုံး ဖြစ်အောင်ကြိုးပမ်းမယ် လို့လည်း ဦးတင်အေးက ပြောပါတယ်။ ပြီးခဲ့တဲ့ ရွေးကောက်ပွဲမှာ မဲမသမာမှု ကြိုတင်မဲတွေကို လိုရင်လိုသလို အလွဲသုံးစား လုပ်မှုတွေနဲ့ အများက ဝေဖန် ပစ်တင်ခဲ့ကြပါတယ်။
အခုရွေးကောက်ပွဲမှာ ငွေသန်း၇၀၀ သုံးစွဲမယ်လို့လည်း ကော်မရှင် ဥက္ကဌကပြောပါတယ်။ အခုပထမဆုံးလုပ်တဲ့ သတင်းစာရှင်းပွဲမှာ ဘာမှထူးထူးခြားခြား မပါတဲ့အတွက် ညွှန်ကြားရေးမှူးအဆင့်လောက်က ရန်ကုန်မှာ လာရှင်းတာက ပို အလုပ်ဖြစ်မယ်လို့ သတင်းသမားတွေ ဝေဖန်နေကြပါတယ်။

ကချင်ဒေသ တိုက်ပွဲတွေကြောင့် အိုးအိမ် စွန့်ခွာလာ ကြသူတွေ အများအပြားရှိနေ၃နှစ်အတွင်း ငြိမ်းချမ်းရေးရဖို့ ကြိုးစားမယ်
မြန်မာနိုင်ငံမှာ လက်ရှိအစိုးရ သက်တမ်း အတွင်း ငြိမ်းချမ်းရေး ကိစ္စ အပြီးသတ် အကောင်အထည်ဖေါ် ဆောင်ရွက်သွားမယ် လို့ အစိုးရဗဟို ငြိမ်းချမ်းရေး ဖေါ်ဆောင် ရေး အဖွဲ့က ထုတ်ဖေါ် ပြောကြားလိုက် ပါတယ်။
သမ္မတကြီး ဦးသိန်းစိန်ကလည်း အဲဒီလို ဆန္ဒရှိနေသလို ၃နှစ် အတွင်း တနိုင်ငံလုံး ငြိမ်းချမ်းရေး ရမယ်လို့ သူတို့ကလည်း မျှော်လင့်နေကြောင်း ဗဟို ငြိမ်းချမ်းရေး ဖေါ်ဆောင်ရေးအဖွဲ့ ခေါင်းဆောင် ဦးအောင်သောင်းနဲ့ ဒုတိယခေါင်းဆောင် ဦးသိန်းဇော် တို့က သတင်းနဲ့ စာနယ်ဇင်း သမားတွေကို တွေ့ဆုံစဉ်မှာ ပြောခဲ့တယ်လို့ တွေ့ဆုံပွဲကို တက်ခဲ့တဲ့ မြန်မာနိုင်ငံ သတင်းနဲ့ စာနယ်ဇင်း အဖွဲ့က အတွင်းရေးမှူး ဦးကိုကို က ပြောပါတယ်။
သမ္မတ ဦးသိန်းစိန်က အပစ်အခတ် ရပ်စဲဖို့ အစိုးရတပ်တွေကို ညွှန်ကြားထားပေမယ့် ခုချိန်ထိ တိုက်ပွဲတွေ ဆက်ဖြစ်နေတာဟာ အဆက်အသွယ် ခက်ခဲမှုကြောင့် အောက်ခြေ တပ်တွေဆီ ညွှန်ကြားချက် မရောက်သေးတဲ့ အတွက် နှစ်ဘက် တပ်ငယ်တွေအကြား နားလည်မှု လွဲပြီး ဆက်တိုက်နေကြတာသာ ဖြစ်တယ်လို့လည်း ဗဟို ငြိမ်းချမ်းရေး ဖေါ်ဆောင်ရေး အဖွဲ့က ရှင်းပြသွားတယ်လို့ ဆိုပါတယ်။
ဦးအောင်သောင်း ဦးဆောင်တဲ့ ငြိမ်းချမ်းရေး ဖေါ်ဆောင်ရေး အဖွဲ့နဲ့ မီးရထား ဝန်ကြီး ဦးအောင်မင်း ဦးဆောင်တဲ့ ငြိမ်းချမ်းရေးအဖွဲ့ ဆိုပြီး ၂ဖွဲ့ ဖြစ်နေတဲ့ ကိစ္စအပေါ် သတင်း သမားတွေရဲ့ အမေးနဲ့ ပတ်သက်လို့ ဦးအောင်မင်းဟာ ကရင်ပြည်နယ်ဒေသမှာ အကြာကြီး တာဝန်ထမ်းဆောင်ခဲ့ဖူးပြီး ဒေသအကြောင်း နှံ့စပ် ကျွမ်းကျင်သူ ဖြစ်တာကြောင့် တာဝန် ခွဲဝေ ပေးခဲ့တာ ဖြစ်ကြောင်းနဲ့ ၂ဖွဲ့ အကြား ရင်းရင်းနှီးနှီး ညှိနှိုင်း ဆောင်ရွက်နေကြောင်း ဦးအောင်သောင်းက ပြန်လည် ဖြေကြားခဲ့တယ်လို့ သိရပါတယ်။
ပြည်တွင်း မီဒီယာတွေရဲ့ အနေအထားနဲ့ အထူးသဖြင့် သတင်းဂျာနယ်တွေရဲ့ အနေအထား သြဇာ လွှမ်းမိုးမှုကို သိနားလည်လာပြီး မီဒီယာကနေတဆင့် ပြောချင်တာကို ပြောနိုင်တဲ့ အတွက် အစိုးရ အဖွဲ့တွေအနေနဲ့ အခုလို သတင်းနဲ့ စာနယ်ဇင်းသမားတွေကို တွေ့ဆုံ ရှင်းလင်းမှုတွေ လုပ်လာတာလို့ ယူဆကြောင်း ဦးကိုကိုက ဘီဘီစီကို ပြောပါတယ်။
လောလောဆယ်မှာ ငြိမ်းချမ်းရေး ပြဿနာ၊ တိုင်းရင်းသားအရေး ပြဿနာတွေက အတိမ်းအစောင်း မခံတဲ့အတွက် သတင်းဖေါ်ပြခွင့် ရရေးမှာ အတိုင်းအတာ အကန့် အသတ်တွေ ရှိနေဆဲပဲလို့ ဦးကိုကိုက ပြောပါတယ်။

ဒေါက်တာ မြတ်ဉာဏစိုး နှုတ်ထွက်လိုက်တဲ့ NDF ပါတီ အလံNDF ပါတီ အင်အားလျော့လာပြီလား
NDF အမျိုးသား ဒီမိုကရေစီ အင်အားစု ပါတီရဲ့ ရန်ကုန်တိုင်း အမျိုးသား လွှတ်တော် ကိုယ်စားလှယ် ဒေါက်တာ မြတ်ဉာဏစိုးက အန်အယ်ဒီ အမျိုးသားဒီမိုကရေစီ အဖွဲ့ချုပ်နဲ့ ပူးပေါင်းဖို့ အတွက် NDF ပါတီကနေ နှုတ်ထွက်လိုက်ပါတယ်။
ဒီအကြောင်းနဲ့ပတ်သက်ပြီးဒေါက်တာမြတ်ဉာဏစိုးကို ဆက်သွယ်မေးကြည့်တော့ အန်ဒီအက်ဖ် ပါတီနဲ့ ပြဿနာ တစုံတရာ မရှိဘဲ ခွဲထွက်ခဲ့တာပါ။
အန်အယ်ဒီ အနေနဲ့ ပြီးခဲ့တဲ့ ရွေးကောက်ပွဲမှာ ဝင်ရောက် ယှဉ်ပြိုင်မှု မရှိတာကြောင့် အန်ဒီအက်ဖ် ပါတီနဲ့ ပေါင်းပြီး ရွေးကောက်ပွဲ ဝင်ခဲ့တာပါလို့ ဒေါက်တာ မြတ်ဉာဏစိုးက ပြောပါတယ်။
အခုတော့ အန်အယ်ဒီက ရွေးကောက်ပွဲ ဝင်မှာ ဖြစ်လို့ လာရောက် ပူးပေါင်းတာပါလို့ ဆိုပါတယ်။
အခုလို လုပ်ရတာဟာ ဒီမိုကရေစီ အင်အားစုတွေ အနေနဲ့ ညီညွတ်စွာ ခေါင်းဆောင်မှု တခုတည်းအောက်မှာ ရှိဖို့ ရည်ရွယ် လုပ်ဆောင်ရတာပါလို့ ဒေါက်တာ မြတ်ဉာဏစိုးက ပြောကြား ခဲ့ပါတယ်။

 ပြင်သစ်က နာမယ်ကြီး ဘဏ်တွေဗြိတိန်ကို အရင် အဆင့်လျော့ သတ်မှတ်သင့်တယ်လို့ ပြောပြီ
နိုင်ငံတကာက အကြွေးယူနိုင်ခွင့် စံနှုန်းသတ်မှတ်ရေး ကုမ္ပဏီတွေရဲ့ ပြောဆိုချက် တွေဟာ စီးပွားရေးထက် နိုင်ငံရေး အတွက် ရည်ရွယ် ပြောကြားကြတာ ဖြစ်ကြောင်း ပြင်သစ် ဗဟိုဘဏ် ဥက္ကဌ Christian Noyer က တုန့်ပြန်ခဲ့ပါတယ်။
အကြွေးယူနိုင်ခွင့် စံနှုန်း သတ်မှတ်ရေး ကုမ္ပဏီတခုက ပြင်သစ်ကို အဆင့်လျော့ချ သတ်မှတ် ခံရလိမ့်မယ်လို့ ခြိမ်းခြောက် ပြောဆိုခဲ့တာဟာ လုံးဝ တရားမျှတမှု မရှိဘူးလို့ မစ္စတာ နိုရာက ပြောပါတယ်။
စီးပွားရေး အခြေခံ အချက်အလက်တွေကို ကြည့်မယ် ဆိုရင် ဗြိတိန်ဟာ ဘတ်ဂျတ် လိုငွေပြမှုနဲ့ ငွေဖောင်းပွမှုနှုန်း ပိုများပြီး ပြင်သစ်လိုဘဲ အကြွေးပမာဏ ဆတူ ရှိသလို စီးပွားတိုးတက်မှုနှုန်း ဟာလည်း နှေးကွေးတာကြောင့် ဗြိတိန်ကိုသာ အရင် အဆင့်လျော့ချ သတ်မှတ်သင့်တယ်လို့ သူက ဆိုပါတယ်။
ပြီးခဲ့တဲ့ သီတင်းပတ်တုန်းက ကျင်းပခဲ့တဲ့ ဥရောပ သမဂ္ဂ ညီလာခံရဲ့ သဘောတူညီချက်က ငွေကြေးဈေးကွက် တည်ငြိမ်အောင် လုပ်ဆောင်နိုင်မှု သိတ်မရှိဘူး ဆိုတဲ့ အပေါ် စိတ်လှုပ်ရှား တုန့်ပြန်ခဲ့တာကို ဒီပြောကြားချက်က ပြနေတယ်လို့ ဘရပ်စ်ဆဲလ်စ်မြို့က ဘီဘီစီ သတင်းထောက်က ပြောပါတယ်။
 အီးယူ စာချုပ်ပြင်ဖို့ ပယ်ချတဲ့ ဗြိတိန် ဝန်ကြီးချုပ်
တဆက်တည်း ဆိုသလို ယူရိုဇုန် နိုင်ငံတွေကြား ဘဏ္ဍာရေးဆိုင်ရာ အစီအမံတွေနဲ့ ပတ်သက်ပြီး ချုပ်ဆိုမယ့် ဥရောပ နိုင်ငံတွေရဲ့ သဘောတူညီချက် စာချုပ်သစ် ဆိုင်ရာ ဆွေးနွေးပွဲတွေကို ဗြိတိန်က အရာရှိတွေ ပါဝင် တက်ရောက်ခွင့် ရခဲ့ပါတယ်။
ပြီးခဲ့တဲ့ သီတင်းပတ်တုန်းက ကျင်းပခဲ့တဲ့ ဥရောပ သမဂ္ဂ ညီလာခံမှာ အီးယူ စာချုပ်ပါ အချက်အလက်တွေကို ပြောင်းဖို့ အစီအစဉ်ကို ဗြိတိန် ဝန်ကြီးချူပ် ဒေးဗစ် ကင်မရွန်က ဗီတိုသုံး ပယ်ချခဲ့ပေမယ့် ဒီကိစ္စနဲ့ ပတ်သက်တဲ့ ဆွေးနွေးပွဲတွေကို တက်ရောက်ဖို့ ဗြိတိန် ကိုယ်စားလှယ်တွေ ဖိတ်ကြားခံခဲ့ရတာ ဖြစ်ပါတယ်။
ပြောင်းလဲမယ့် စည်းမျဉ်းစည်းကမ်းတွေက ဗြိတိန် ဘဏ္ဍာရေး လုပ်ငန်းအတွက် လုံခြုံမှု မရှိတဲ့ အတွက်ကြောင့် အခုလို ဗီတိုသုံးပယ်ချရတာလို့ မစ္စတာ ကင်မရွန်က ပြောပါတယ်။

ဆီးရီးယား အရေး ရုရှားက လုံခြုံရေး ကောင်စီမှာ အဆိုကြမ်းတင်ပြီဆီးရီးယားအရေး လုံခြုံရေး ကောင်စီမှာ ရုရှား အဆိုကြမ်းတင်
ဆီးရီးယား နိုင်ငံမှာ ဆန္ဒပြသူတွေကို အစိုးရက အကြမ်းဖက် နှိမ်နင်းနေမှုတွေ အဆုံးသတ် စေဖို့ ရည်ရွယ်တဲ့ ရုရှားရဲ့ အဆိုပြုလွှာ မူကြမ်းကို နယူးယောက်မြို့က ကုလသမဂ္ဂ အစည်းအဝေးမှာ ဖြန့်ဝေခဲ့တာကြောင့် အနောက်နိုင်ငံတွေ အားလုံး အံအားသင့်ခဲ့ ရပါတယ်။
အရင်တုန်းက ဒီကိစ္စနဲ့ ပတ်သက်လို့ အနောက်နိုင်ငံ အစိုးရတွေရဲ့ အဆိုပြုချက်ကို ကုလသမဂ္ဂ လုံခြုံရေး ကောင်စီမှာ လအတန်ကြာ တင်ပြ ကြိုးစားခဲ့ပေမယ့် တရုတ်နဲ့ ရုရှားတို့က ဗီတိုသုံး ပယ်ချခဲ့တာ ဖြစ်ပါတယ်။
အခုတော့ ရုရှားက ပြင်ဆင်ထားတဲ့ အခု အဆိုပြုလွှာ မူကြမ်းကို ဥရောပနဲ့ အမေရိကန် သံတမန်တွေက ကြိုဆိုလိုက်ပေမယ့် ဆီးရီးယား အစိုးရရဲ့ လူ့အခွင့်အရေး ချိုးဖောက်မှု တွေ ပေါ်လွင်အောင် လုံလောက်တဲ့ အပြစ်တင် ထောက်ပြထားတာ မတွေ့ရဘူးလို့ ဆိုပါတယ်။
ရုရှားဟာ နိုင်ငံတကာ အသိုင်းအဝိုင်းရဲ့ ဖိအားပေးတာကို ခံနေရပုံ ရတယ်လို့ ကုလသမဂ္ဂ ဆိုင်ရာ ပြင်သစ် သံအမတ်ကြီးက ပြောပါတယ်။

အမေရိကန်မှာ ဆင်းရဲသူ စံချိန်တင် ထိုးတက်အမေရိကန်မှာ ဆင်းရဲသူ အရေအတွက် စံချိန်တင် ထိုးတက်
အမေရိကန် ပြည်ထောင်စုမှာ စားဝတ်နေရေး အတွက် ရုန်းကန် ကြိုးစားနေရသူ အရေအတွက် တိုးလာနေတယ်လို့ အသစ်ထွက်လာတဲ့ ဆင်းရဲမွဲတေမှု ဆိုင်ရာ သုတေသန အစီရင်ခံစာမှာ ဖော်ပြထားပါတယ်။
အိမ်ယာမဲ့ ဖြစ်လာကြတာဟာ ကြီးထွားလာတဲ့ ပြဿနာ တခု ဖြစ်ပြီး မြို့လေးမြို့ကလွဲရင် ကျန်တဲ့ မြို့ကြီးတွေမှာ အရေးပေါ် စားနပ်ရိက္ခာ အကူအညီတောင်းခံမှုတွေ တိုးလာနေတယ်လို့
အမေရိကန် တလွှားက မြို့ပေါင်း ၂၉မြို့ကို ကိုယ်စားပြုတဲ့ မြို့တော်ဝန်များ ညီလာခံမှာ ပြောကြားခဲ့ကြပါတယ်။
အစိုးရ ရဲ့ စာရင်းအင်း ကိန်းဂဏန်းတွေ အရ ၂ဝ၁ဝ ခုနှစ် အတွင်း အမေရိကန်မှာ ဆင်းရဲသား အရေအတွက်ဟာ ၄၉သန်း အထိ စံချိန်ချိုး ထိုးတက်သွားခဲ့ပြီး ဒါဟာ အဲဒီအရင် တနှစ်ကထက် ၁ရာခိုင်နှုန်း ပိုများလာတာ ဖြစ်ပါတယ်။

မစ္စတာ ရောဘတ် ကူးပါးအီးယူအကြံပေး မြန်မာအခြေအနေကို သုံးသပ်မယ်
အီးယူ ဥရောပ သမဂ္ဂ နိုင်ငံခြားရေး မူဝါဒ ဆိုင်ရာ အကြီးအကဲ ကက်သရင်း အက်ရ်ှတန်ရဲ့ အကြံပေးပုဂ္ဂိုလ် မစ္စတာ ရောဘတ် ကူးပါးဟာ အခု ရက်သတ္တပတ် စောစောပိုင်းကတည်းက စတင်ပြီး မြန်မာ နိုင်ငံမှာရောက် ရှိနေပါတယ်။
သူဟာ မြန်မာသမ္မတ ဦးသိန်းစိန်အပြင် အစိုးရဝန်ကြီး အတော်များများနဲ့ တွေ့ဆုံခဲ့ပါတယ်။ နောက်ပြီး ခရီးစဉ် မပြီးဆုံးခင်မှာ ဒေါ်အောင်ဆန်း စုကြည်နဲ့လည်း တွေ့ဆုံ လိမ့်မယ်လို့ မျှော်လင့်ရ ကြောင်း မစ္စ အက်ရ်ှတန်ရဲ့ ပြောခွင့်ရသူ မာယာ ကော်စီယံ ချစ်က ပြောပါတယ်။
''ကျွန်မတို့ဟာ မြန်မာနိုင်ငံ အပေါ်ထားတဲ့ မူဝါဒတွေကို ပြန်ပြီး သုံးသပ် နေပါတယ်။ အရင်တုန်းက ဆိုရင် မြန်မာနဲ့ ပတ်သက်တဲ့ မူဝါဒတွေကို ဧပြီလလောက်မှာ ပြန်ပြီး သုံးသပ်တာတွေ လုပ်နေကျပါ။ ဒါပေမယ့် မကြာသေးခင် လတွေအတွင်း မြန်မာနိုင်ငံမှာ ဖြစ်ပေါ်လာတဲ့ အပြောင်း အလဲတွေ အပေါ် မူတည်ပြီး အခုလို ပြန်လည် သုံးသပ်ဖို့ ဆုံးဖြတ်ခဲ့ တာပါ'' လို့ မစ္စ ကော်စီယံ ချစ်က ဘီဘီစီကို ပြောပါတယ်။
ရှေ့နှစ်ဆန်းပိုင်း အီးယူနိုင်ငံခြားရေးဝန်ကြီးတွေ မြန်မာအပေါ် ထားတဲ့ မူဝါဒတွေကို သုံးသပ်တဲ့အခါ မစ္စတာ ရောဘတ် ကူးပါး ရဲ့ခရီးစဉ် တွေ့ရှိချက်တွေကို လည်း ထည့်သွင်း စဉ်းစားမှာ ဖြစ်တယ်လို့ ဆိုပါတယ်။
ဥရောပသမဂ္ဂက မြန်မာအပေါ် ပိတ်ဆို့အရေးယူထားတဲ့အတွက် အဲဒီ ပိတ်ဆို့မှု တွေကိုလည်း ပြန်ပြီး သုံးသပ်ကြဖို့ ရှိတယ်လို့ သူက ပြောပါတယ်။

အရေးယူမှု ရုပ်သိမ်းဖို့ ရွှေည၀ါဆရာတော် အသနားခံ
from VOA News: သတင်း by မသင်းသီရိ on Friday, December 16, 2011 at 6:32AM PST
နိုင်ငံတော် သံဃာ့မဟာနာယက အဖွဲ့က ရွှေည၀ါဆရာတော် ဦးပညာသီဟကို အရေးယူဆောင်ရွက်ဖို့ ညွှန်ကြားထားတာကို ဆရာတော်က သံဃာ့မဟာနာယက အဖွဲ့က ဆရာတော်ကြီးတွေထံ ဒီကနေ့ အသနားခံတဲ့စာ တင်ပြီး ပြန်လည် လျှောက်ထားလိုက်ပါတယ်။
ရွှေည၀ါဆရာတော်ကို တရာဟောခွင့် ပိတ်ပင်ထားတဲ့အပေါ် မလိုက်နာဘဲ တရားဟောခဲ့တဲ့အတွက် နိုင်ငံတော် သံဃာ့မဟာနာယအဖွဲ့က အရေးယူဆောင်ရွက်ဖို့  ညွှန်ကြားချက် ထုတ်ထားတာဖြစ်ပါတယ်။ ဒီအခြေအနေ တွေကိုတော့ ရွှေည၀ါဆရာတော်နဲ့ ဆက်သွယ် မေးမြန်းထားတဲ့ မသင်းသီရိက အပြည့်အစုံ တင်ပြထား ပါတယ်။
ရန်ကုန်တိုင်း၊ ကြည့်မြင်တိုင်က ရွှေည၀ါဆရာတော်ကို အရေးယူဆောင်ရွက်ဖို့ နိုင်ငံတော်သံဃာ့မဟာနာယက အဖွဲ့ကနေ တိုင်းသံဃာ့မဟာနာယကနဲ့ တိုင်း သာသနာရေးမှူးဆီ ပြီးခဲ့တဲ့ ဒီဇင်ဘာလ ၁၂ ရက်နေ့က ညွန်ကြားချက် ထုတ်ပြန်ထားတာပါ။
အဲဒီညွှန်ကြားချက်ထဲမှာ ကြည့်မြင်တိုင် သာဓုကျောင်းတိုက်ကနေ ရွှေည၀ါဆရာတော်ကို ဖယ်ရှားဖို့ အပါအ၀င် သံဃာအဖွဲ့အစည်းရဲ့ ဆိုဆုံးမမှုကို မလိုက်နာတဲ့အတွက် ဒုဗ္ဗစပုဂ္ဂိုလ်အဖြစ် သတ်မှတ်ဖို့အပြင် နိုင်ငံတော် သံဃာ့မဟာနာယက အဖွဲ့ရဲ့ ခွင့်ပြုချက်မရဘဲ ဘယ်သင်တန်းမှ ကျောင်းဝင်းအတွင်း မလုပ်ရဘူးဆိုတဲ့အချက်တွေ ပါဝင်ပါတယ်။
ဆရာတော်ကြီးတွေရဲ့ အခုလို ညွှန်ကြားချက်အပေါ် ရွှေည၀ါဆရာတော် ဦးပညာသီဟက ပြန်လည် အသနားခံလျှောက်တင်တဲ့ စာကို ကမ္ဘာအေး ဘုရားလမ်းမှာရှိတဲ့ သံဃာ့မဟာနာယက ရုံးမှာ ဒီကနေ့ ညနေပိုင်းက သွားတင်ခဲ့တယ်လို့ ရွှေည၀ါဆရာတော်က ဗွီအိုအေ မြန်မာပိုင်းကို မိန့်ပါတယ်။
“ဘုန်းကြီးတို့ ထေရ၀ါရ သာသနာတော်မှာ သက်ကြီး ၀ါကြီး ဆရာတော်ကြီးတွေရဲ့ အဆုံးအမကို ဘုန်းကြီးတို့က ခံယူလိုက်နာပြီးတော့ ဆောင်ရွက်သွားပါ့မယ်ဆိုတဲ့ အကြောင်း အခုလို စာထွက်လာခြင်း အတွက် ကျေကွဲဝမ်းနည်းစွာ ခံစားရပါတယ်။ အဲဒီတော့ ဆရာတော်ကြီးများအနေနဲ့ တပည့်သားသမီးတို့၏ မလိမ္မာတခါမိုက် တပည့်သားကဲ့သလို့ ဆိုဆုံးမမှု ပေးပါရန်နှင့်၊ ဒီတိုက်တာတွင်းမှာ ပြန်လည်နေထိုင်၍ သာသနာ အခွင့်အလမ်းများ ပြန်လည် ဖွင့်ပေးပါရန် ဦးခိုက်လျှောက်ထားပါသည် ဆိုတဲ့ အဓိပ္ပါယ်မျိုးပါပဲ။ အဲဒီလို သနားတောင်းခံတဲ့ လျှောက်တင်လွှာကို တင်ပြီးပါပြီ။”
ရွှေည၀ါဆရာတော်ဟာ ၂၀၁၁ ခုနှစ် ဇန်န၀ါရီလဆန်းပိုင်းကစလို့ ၁ နှစ်တာ တရားဟောခွင့် ပိတ်ပင်ခံ ထားရပေမဲ့ ပြီးခဲ့တဲ့နိုဝင်ဘာလထဲ မန္တလေးက  အမျိုးသားဒီမိုကရေစီ အဖွဲ့ချုပ်မှာ တရားဟောခဲ့တဲ့ အတွက် အခုလို အရေးယူးဆောင်ရွက်ဖို့ ညွှန်ကြားချက် ထွက်လာတာပါ။
“အရေးယူဆောင်ရွက်မယ့် notice တို့ အမိန့်တို့ ဆိုတဲ့ သဘောမျိုးက မသက်ရောက်သေးပါဘူး။ ထူးထူးခြားခြား ကတော့ ဘာမှမကြုံရပါဘူး။ ကောလာဟလသတင်းတွေက အမှားတွေ ဖြစ်နေတော့။ လူချွတ်လိုက်ပြီ၊ လုံခြုံရေးတွေကနေပြီးတော့ ကျောင်းတိုက်ကို ၀ိုင်းဝန်းထားတယ်၊ ထောင်ချလိုက်ပြီ ဘာညာ ဆိုတဲ့ အင်တာနက်ပေါ်တက်နေတဲ့ သတင်းမားတွေရော၊ ကောလာဟလ သတင်းမှားတွေရော အားလုံးကြောင့် ဘုန်းကြီးမှာ ပရိသတ်တွေနဲ့ အမြဲတမ်း ရှင်းပြရတာ ကိုယ်ရောစိတ်ပါ နွမ်းနယ်နေရပါပြီ။”
ကြည့်မြင်တိုင်မြို့က သာဓုပရိယတ္တိ စာသင်တိုက်ဝင်း အတွင်းမှာရှိတဲ့ ရွှေည၀ါကျောင်းမှာ နိုင်ငံရေး အကျဉ်းသားတွေနဲ့ ပတ်သက်တဲ့ ဆွေးနွေးပွဲနဲ့ အလှူဒါနလို အခမ်းအနားတွေအပြင် နောက်ဆုံး ပြီးခဲ့တဲ့ ဒီဇင်ဘာ ၁၀ ရက်နေ့ကပဲ ဒေါ်အောင်ဆန်းစုကြည် နိုဘဲလ်ဆုရ အနှစ် ၂၀ ပြည့် အခမ်းအနားတွေကို လက်ခံကျင်းပပေးခဲ့တာပါ။ ဒီလို နိုင်ငံရေးဆိုင်ရာ လှုပ်ရှားမှုတွေကြောင့် ရွှေည၀ါဆရာတော်ဟာ အာဏာပိုင်တွေရဲ့ ဖိအားတွေကြောင့် နိုင်ငံတော် သံဃာ့မဟာနာယက အဖွဲ့ဆီက အခုလို အရေးယူဖို့ ညွှန်ကြားချက် ထွက်လာတယ်လို့ ဆိုတဲ့ ဝေဖန်မှုရှိနေတဲ့အပေါ် ဆရာတော် ဦးပညာသီဟ က -
“ဘုန်းကြီးဆိုတာ ခိုးချောင်ခိုးဝှက် လုပ်စရာမလိုဘူးလေ။ ပြောင်ပြောင်းတင်းတင်းပဲ လုပ်ရတယ်။ ဘုန်းကြီးဆိုတာ အမှန်တရားဘက်က ရပ်တည်ရတဲ့ ပုဂ္ဂိုလ်မျိုးဖြစ်တော့ ဘုန်းကြီးလည်း ကိုယ်မှန်တယ် ထင်တယ်၊ ရာဇ၀တ်မှု ကျူးလွန်တာမဟုတ်ဘူး။ နိုင်ငံတော် ပုန်ကန်တာမဟုတ်ဘူး။ ဆူပူအုံကြွတာ မဟုတ်ဘူး၊ အကြမ်းဖက်တာ မဟုတ်ဘူး ဆိုတော့ ရိုးရိုးရှင်းရှင်း စိတ်သန့်သန့်နဲ့ပဲ ဘုန်းကြီး ဒါတွေကို လက်ခံပြီးတော့ ကျင်းပပေးခဲ့တာဖြစ်ပါတယ်။ တိုင်းပြည်ရဲ့ ပွင့်လင်းလာတဲ့ အခြေအနေကိုလည်း ကြည့်ပြီးတော့ လုပ်သင့်တယ်၊ လုပ်ခွင့်ရတယ်ထင်လို့လည်း လုပ်ခဲ့တာပါ။ အဲဒါတွေကြောင့်လို့တော့ ဘုန်းကြီး လုံးဝ မပြောလိုပါဘူး။ နည်းနည်းပါးပါးတော့ ဒီအားဟာ သက်ဆိုင်လိမ့်မယ်လို့ ဆိုလိုချင်ပါတယ်။”
ရွှေည၀ါဆရာတော် ဦးပညာသီဟ မိန့်ခဲ့တာပါ။ ရွှေည၀ါဆရာတော်ဟာ အမေရိကန် နိုင်ငံခြားရေးဝန်ကြီး ဟီလာရီကလင်တန် မြန်မာပြည်လာတုန်းက မစ္စစ်ကလင်တန်နဲ့ အတူ မြန်မာနိုင်ငံတွင်း လူမှုကူညီရေး လုပ်ငန်းတွေ ဆောင်ရွက်နေတဲ့အဖွဲ့တွေ တွေ့ကြတဲ့အထဲမှာ ပါဝင်ခဲ့တဲ့ ရဟန်းတစ်ပါးလည်း ဖြစ်ပါတယ်။
ရွှေည၀ါဆရာတော် ဦးပညာသီဟဟာ ၂၀၀၈ ခုနှစ် နာဂစ်မုန်တိုင်းအပြီး ဒုက္ခသည်တွေကို အကူအညီ ပေးခဲ့ပြီး ပရိယတ္တိ စာပေတွေကိုလည်း သင်ကြားပို့ချပေးနေတဲ့ ရဟန်တစ်ပါးလည်း ဖြစ်ပါတယ်။

ဝန်ကြီးချုပ်ဟောင်း သက်ဆင်ကို ထိုင်းနိုင်ငံကူးလက်မှတ် ပြန်ထုတ်ပေး
ဗွီအိုအေ (မြန်မာဌာန) on Friday, December 16
ပြည်ပမှာခိုလုံနေတဲ့ ထိုင်းဝန်ကြီးချုပ်ဟောင်း သက်ဆင်ရှင်န၀ပ်ကို နိုင်ငံကူးလက်မှတ် ပြန်ထုတ်ပေး လိုက်ပြီလို့ ထိုင်းအစိုးရက ဒီကနေ့ ထုတ်ပြောလိုက်ပါတယ်။ အာဏာ အလွှဲသုံးစာမှုနဲ့ ထောင်ချခံရတာကို ရှောင်လွှဲဖို့ ၂၀၀၈ ခုနှစ်ကတည်းက ပြည်ပမှာ ခိုလုံနေခဲ့တဲ့ သန်းကြွယ်သူဌေး သက်ဆင်ကို ဆန့်ကျင်သူတွေက ပြင်းပြင်းထန်ထန် အတိုက်အခံ လုပ်နေတဲ့ကြားထဲကပဲ အခုလို ထုတ်ပေးလိုက်တာပါ။ ထိုင်း နိုင်ငံခြားရေး ၀န်ကြီးဌာနက လက်ရှိ ထိုင်းဝန်ကြီးချုပ် ယင်းလပ်ရှင်န၀ပ်ရဲ့ အစ်ကို မစ္စတာ သက်ဆင်အနေနဲ့ ဒီနိုင်ငံကူးလက်မှတ်သစ်ကို အောက်တိုဘာလ ကတည်းက အာရပ်စော်ဘွားများ ပြည်ထောင်စုနိုင်ငံက အဘူဒါဘိုင်း ထိုင်းသံရုံးကနေ လက်ခံရရှိပြီး ဖြစ်တယ်လို့ အတည်ပြု ပြောကြားလိုက်ပါတယ်။
ထိုင်းနိုင်ငံခြားရေးဝန်ကြီးဌာန ပြောခွင့်ရှိသူ Thani Thongphakdi က အခုလို ရိုးရိုး နိုင်ငံကူးလက်မှတ် ထုတ်ပေးတာက သူ့ကို နိုင်ငံထဲပြန်လာဖို့ ဒါမှမဟုတ် သူ့မှာ အပြစ်ရှိမရှိနဲ့ မဆိုင်ဘူး၊ သူ့ရဲ့ ထိုင်းနိုင်ငံသား ဖြစ်မှုကို အသိအမှတ်ပြုတာပဲ ဖြစ်တယ်လို့ လျှော့ပေါ့ပြောဆိုခဲ့ပါတယ်။
ထိုင်းနိုင်ငံမှာ ၂၀၀၆ ခုနှစ်က အာဏာသိမ်းခံရပြီး လာဘ်စားမှုနဲ့ ထောင်ဒဏ် ၂ နှစ်ကျခံရမှာကို ဒူဘိုင်း နိုင်ငံမှာ တိမ်းရှောင်နေခဲ့တဲ့ ၀န်ကြီးချုပ်ဟောင်း သက်ဆင်ဟာ ပြီးခဲ့တဲ့ ထိုင်းအစိုးရဟောင်း လက်ထက်မှာ ၂၀၀၉ ခုနှစ်တုန်းက နိုင်ငံကူးလက်မှတ် ပြန်သိမ်းတာ ခံခဲ့ရတာပါ။ အဲဒီနောက်မှာတော့ သက်ဆင်ဟာ မွန်တေနီဂရိုး နိုင်ငံကူးလက်မှတ် သုံးခွင့် ရခဲ့ပါတယ်။ သူ့ကို ထောင်ဒဏ်ချတာဟာ နိုင်ငံရေးအရ ကြံစည် လုပ်ဆောင်တာ ဖြစ်တယ်လို့ ၀န်ကြီးချုပ်ဟောင်း သက်ဆင်က ခုခံကာကွယ် ခဲ့အပြီးမှာ ထိုင်းနိုင်ငံထဲမှာ အဓိက အကွဲအပြဲတွေ ဖြစ်စေတဲ့လူတစ်ဦးအဖြစ်နဲ့ ထင်ရှားလာပြီး ဒီနှစ်ဆန်းကတက်လာတဲ့ သူ့ညီမ ဦးဆောင်တဲ့ အစိုးရသစ်က သူ ပြန်လာနိုင်ဖို့ ဘုရင်ရဲ့ လွှတ်ငြိမ်းချမ်းသာခွင့်ပေးဖို့ တောင်းဆိုခဲ့တယ်လို့ ထွက်တဲ့သတင်းတွေအပေါ် သက်ဆင်ရဲ့ အတိုက်အခံတွေဘက်မှာ မကျေမနပ် တင်းမာမှုတွေ တိုးပွားလာနေခဲ့ပါတယ်။

ဒါပေမဲ့ ထိုင်းအစိုးရဘက်ကတော့ ဘုရင်ရဲ့ခွင့်လွှတ်မှုကို မတောင်းခံထားဘူးလို့ တရားဝင် ငြင်းဆိုထား ပါတယ်။ ၀န်ကြီးချုပ်ဟောင်း သက်ဆင်ကို ထောက်ခံတဲ့ အင်္ကျီနီဝတ် ဆန္ဒပြသူတွေက ၂၀၁၀ ခုနှစ်မှာ အရင်အစိုးရဟောင်းကို အကြီးအကျယ် ဆန္ဒပြကန့်ကွက်ခဲ့ရာကနေ စစ်တပ်က နှိမ်နင်းခဲ့တာကြောင့် သွေးထွက်သံယိုမှုတွေနဲ့ အဆုံးသတ်ပြီးတော့မှ ဒီနှစ်ဆန်း ရွေးကောက်ပွဲတွေမှာ သူ့ညီမ နေရာရလာခဲ့တာပါ။
တချိန်တည်းမှာပဲ ထိုင်းနိုင်ငံ အမေရိကန် သံရုံးရှေ့မှာ ဆန္ဒပြသူ ၁၀၀ ခန့်က အမေရိကန်နဲ့ နိုင်ငံတကာ အနေနဲ့ ထိုင်းဘုရင်ကို အသရေဖျက်မှု ဥပဒေနဲ့ အပြစ်ပေးတာကို မကန့်ကွက်ကြဖို့ ဒီကနေ့ တောင်းဆို ဆန္ဒပြခဲ့ကြပါတယ်။

အမေရိကန်စစ်ရေယာဉ် စင်္ကာပူတွင်ထားမည်
 ဗွီအိုအေ (မြန်မာဌာန) on Friday, December 16,
အမေရိကန်ရေတပ်က ပင်လယ်ကမ်းရိုးတန်းသုံးသွား တိုက်ရေယာဉ် အတော်များများကို စင်ကာပူနိုင်ငံမှာ တပ်စွဲထားရှိတော့မယ်လို့ ပြောဆိုလိုက်ပါတယ်။ ဖိလစ်ပိုင် နိုင်ငံမှာလည်း အလားတူ တပ်စွဲဖို့ ဖြစ်ကောင်းဖြစ်နိုင်တဲ့အတွက် တောင်တရုတ်ပင်လယ် ပိုင်နက် အငြင်းပွားမှုနဲ့ ပတ်သက်ပြီး တရုတ်နိုင်ငံရဲ့ ရတက်မအေးဖြစ်ရမှု ပိုတိုးလာဖွယ်ရှိပါတယ်။
အမေရိကန် တိုက်ရေယာဉ်တွေရဲ့ အရွယ်အစားဟာ သေးငယ်ပေမဲ့လို့ ဒီလို အမေရိကန်ရေတပ် တပ်စွဲထားရှိဖို့ သဘောတူညီကြတယ်ဆိုတဲ့ သဘောဟာ အမေရိကန်ရဲ့ အာရှနိုင်ငံတွေအပေါ် ထိတွေ့ဆက်ဆံမှု တိုးလာတာကို သရုပ်ဖော်ပြသလိုက်တာ ဖြစ်တာမို့ တရုတ်နိုင်ငံအတွက် ကသိကအောက် ဖြစ်စေတယ်လို့ ဒေသတွင်း ကာကွယ်ရေး အကဲခတ်တွေက သုံးသပ်နေကြပါတယ်။
သြစတြေးလျနိုင်ငံမြောက်ပိုင်း ဒါဝင်မြို့က ဆိပ်ကမ်းမှာလည်း အမေရိကန် ကုန်းတက် မရင်းစစ်သည်အင်အား ၂,၅၀၀ တပ်စွဲထားရှိဖို့အတွက် အမေရိကန်ပြည်ထောင်စုနဲ့ သြစတြေးလျနိုင်ငံတို့က သဘောတူပြီးတဲ့ အကြောင်း ပြီးခဲ့တဲ့လက ကြေညာခဲ့ပြီးဖြစ်ပါတယ်။ အမေရိကန် ရေတပ်က အာရှနဲ့ ပစိဖိတ်ဒေသတွင်းမှာ ပင်လယ်ရေကြောင်း သွားလာရေးလမ်းဆုံအဖြစ် မဟာဗျူဟာကျကျ ပိုမိုအာရုံစိုက်သွားမှာ ဖြစ်တယ်လို့ အမေရိကန် ရေတပ်စစ်ဆင်ရေး အကြီးအကဲ ရေတပ်ဗိုလ်ချုပ်ကြီး ဂျိုနသန်ဂရင်းနာ့တ် (Jonathan Greenert) က ပြောဆိုလိုက်ပါတယ်။
အမေရိကန် ရေတပ် တိုက်ရေယာဉ်တွေဟာ ရေတိမ်မှာ ခုတ်မောင်းနိုင်သလို ရေငုပ်သင်္ဘောတွေလောက် အသံဆူညံခြင်းလည်း မရှိ၊ အရှိန်မြန်မြန် ခုတ်မောင်းနိုင်ပြီး ရေတိမ်ကမ်းရိုးတန်းက မိုင်းတွေကိုလည်း ထောက်လှမ်းနိုင်တယ်လို့ ဆိုပါတယ်။

ထိုင်းကုန်စည်ပြပွဲ ရန်ကုန်တွင် ကျင်းပ
၂၀၁၁ ထိုင်းကုန်စည်ပြပွဲကို ရန်ကုန်မြို့ရှိ တပ်မတော်ခန်း၌ ယမန်နေ့မှစ၍ ကျင်းပနေကြောင်း သိရသည်။ ဒီဇင်ဘာ ၁၈ ရက်နေ့အထိ ကျင်းပြမည့် ယင်းကုန်စည်ပြပွဲတွင် ထိုင်းကုမ္ပဏီ ၁၃၂ ခုက ပြခန်း ၁၅၃ ခန်းဖြင့် လျှပ်စစ်ပစ္စည်း၊ ဆေးဝါး၊ စားသောက်ကုန်၊ အလှကုန်၊ လယ်ယာသုံးစက်ကရိယာနှင့် ဆောက်လုပ်ရေးပစ္စည်းများ ပြပမည်ဖြစ်ကြောင်း အစိုးရသတင်းစာတွင် ဖော်ပြထားသည်။

ဝမ်ကျားပေါင် မြန်မာပြည် မလာဖြစ်တော့
နေပြည်တော်၌ ဒီဇင်ဘာ ၁၉-၂၀ တို့တွင်ကျင်းပမည့် မဲခေါင်နိုင်ငံများအစည်းအဝေးသို့ တရုတ်ဝန်ကြီးချုပ် ဝမ်ကျားပေါင် တက်မည့်အစီအစဉ်ကို အကြောင်းပြချက် မဖော်ပြဘဲ ဖျက်သိမ်းလိုက်ကြောင်း သတင်းရရှိသည်။ ဝမ်ကျားပေါင်ကိုယ်စား နိုင်ငံတော်ကောင်စီဝင်နှင့် တရုတ် သံအမတ်ကြီး Dai Bingguo က တက်ရောက်မည် ဖြစ်သည်။ မကြာသေးမီကပင် မြန်မာနိုင်ငံဆိုင်ရာ တရုတ်သံအမတ်ကြီးနှင့် ဒေါ်အောင်ဆန်းစုကြည်တို့ တွေ့ဆုံခဲ့သေးသည်။

IAEA မြန်မာပြည်သို့ လာရောက်လို
ကုလသမဂ္ဂ၏ နိုင်ငံတကာ အဏုမြူစွမ်းအင် အေဂျင်စီ (IAEA) က နျူလက်နက်ပိုင်ဆိုင်ရန် ကြိုးပမ်းနေသည်ဟု စွပ်စွဲခံနေရသည့် မြန်မာနိုင်ငံသို့ သွားရောက်လိုကြောင်း သိရသည်။ ပြီးခဲ့သည့် စက်တင်ဘာလအတွင်း ကျင်းပသော IAEA အစည်းအဝေးတွင် မြန်မာဘက်မှ သက်ဆိုင်ရာ အရာရှိများက IAEA အနေဖြင့် မြန်မာနိုင်ငံသို့ လာရောက်နိုင်ကြောင်း အရိပ်အယောင် ပြခဲ့ကြောင်း၊ အစည်းအဝေးပြင်ပ သီးခြားဆွေးနွေးမှုများအရလည်း တိုးတက်မှုရှိကြောင်း သံတမန်တဦးကို ကိုးကား၍ Reuters သတင်းတပုဒ်တွင် ဖော်ပြထားသည်။

ဗြိတိန်နိုင်ငံခြားရေး ဝန်ကြီးထံ တိုက်တွန်းစာပို့
Christian Solidarity Worldwide (CSW) က လာမည့်လအတွင်း မြန်မာပြည်သို့ သွားရောက်မည့် ဗြိတိသျှ နိုင်ငံခြားရေးဝန်ကြီး ဝီလျံ ဟိတ်ထံသို့ မြန်မာ့အရေးနှင့် ပတ်သက်၍ တိုက်တွန်းစာတစောင် ပေးပို့လိုက်သည်။ ယင်းစာတွင် မြန်မာပြည်ခရီးစဉ်အတွင်း မြန်မာအစိုးရအနေဖြင့် တိုင်းရင်းသားများကို တိုက်ခိုက်နေမှု ရပ်တန့်ရန်၊ တပြည်လုံးအတိုင်းအတာဖြင့် အပစ်အခတ်ရပ်စဲရန်၊ နိုင်ငံရေးအကျဉ်းသားအားလုံး လွှတ်ပေးရန်၊ တိုင်းရင်းသားခေါင်းဆောင်များနှင့် ဒေါ်အောင်ဆန်းစုကြည်ဦးဆောင်သော ဒီမိုကရေစီလှုပ်ရှားများအတွက် အဓိပ္ပာယ်ရှိသော တွေ့ဆုံဆွေးနွေးမှုများလုပ်ရန် ဝန်ကြီးအနေဖြင့် မြန်မာအစိုးရအား တိုက်တွန်းပေးရေးတို့ ပါဝင်သည်။

ဒေါက်တာ မြတ်ဉာဏစိုး NLD သို့ ပြောင်း
အမျိုးသားဒီမိုကရေစီ အင်အားစု (NDF) ပါတီ၏ အမျိုးသား လွှတ်တော် ကိုယ်စားလှယ် ဒေါက်တာ မြတ်ဉာဏစိုးသည် NDF မှ ဒီဇင်ဘာလ ၁၄ ရက်တွင်နုတ်ထွက်လိုက်ပြီး NLD ပါတီဝင် အဖြစ် ရပ်တည်သွားမည်ဟု သိရသည်။ နုတ်ထွက်ရခြင်းသည် ပါတီ တွင်း ပြဿနာကြောင့် မဟုတ်ဘဲ NLD ပါတီ ခေါင်းဆောင် ဒေါ်အောင်ဆန်းစုကြည်၏ လမ်းညွန်မှုဖြင့် ဆောင်ရွက်လိုသည့် အတွက်ဟု ဆိုသည်။ အမျိုးသားဒီမိုကရေစီပါတီသစ် (NNLD)မှ ပြည်သူ့ လွှတ်တော်ကိုယ်စားလှယ် ဦးကြည်မြင့်သည်လည်း NNLD ပါတီမှ မကြာသေးခင်က နုတ်ထွက်ခဲ့ပြီး NLD ပါတီသို့ ၀င်ရောက်ခဲ့သည်။

ကိုဇာဂနာနဲ့ အဖွဲ့ ထိုင်းနိုင်ငံ ရောက်နေ
2011-12-16
ဗိုလ်ချုပ်အောင်ဆန်းအကြောင်း ရိုက်ကူးရာမှာ အထောက်အကူ ပြုနိုင်ဖို့် သုံးရက်ကြာ လေ့လာရေးခရီးအဖြစ် ဟာသသရုပ်ဆောင် ကိုဇာဂနာနဲ့ အဖွဲ့ဟာ ထိုင်းနိုင်ငံကို ဒီကနေ့ ရောက်လာပါတယ်။

ဒီဇင်ဘာ ၁၇ ရက်က ၁၉ ရက်အထိ ဘန်ကောက်မြို့မှာ ရှိတဲ့ ရုပ်ရှင် စတူဒီယိုတွေနဲ့ ရုပ်သံသတင်းဌာနက အသုံးပြုနေတဲ့ စတူဒီယိုတွေကို လှည့်လည် လေ့လာမယ့်အကြောင်း၊ ရုပ်ရှင် ဒါရိုက်တာတွေနဲ့လည်း တွေ့ဖို့ရှိကြောင်း ကိုဇာဂနာက အာရ်အက်ဖ်အေကို ပြောပါတယ်။

“အဓိကတော့ ရုပ်ရှင်လုပ်ငန်းနဲ့ ပတ်သက်ပြီး ဒီမှာ သူတို့နဲ့ လာပြီး တွေ့ဆုံမေးမြန်းတဲ့ သဘောပါပဲ။ ပထမတုန်းကတော့ အန်တီခေါင်းဆောင်ပြီး လုပ်ထားတဲ့ Film Festival အတွက် ရည်စူးတာပေါ့။ အခုတခါ ဗိုလ်ချုပ်အောင်ဆန်းကိစ္စ အတွက်ပါ စတူဒီယိုတခုမှာ ပစ္စည်းတွေ ဘယ်လို ဆင်သလဲ၊ ဘယ်လိုတပ်သလဲ၊ ကင်မရာတွေ ဘယ်လို အလုပ်လုပ်သလဲ စသဖြင့် ဒါတွေကို ဆက်ပြီး လေ့လာဖို့ တခါတည်း လုပ်လိုက်တဲ့ သဘောပါပဲ”

ကိုဇာဂနာနဲ့ အဖွဲ့ဟာ ဒီဇင်ဘာ ၂ဝ မှာ ကမ္ဘောဒီးယားနိုင်ငံကို သွားရောက်ပြီး ရုပ်ရှင်ရိုက်ကွင်းနဲ့ ပတ်သက်တဲ့ နေရာတွေကို ထပ်မံ လေ့လာပါမယ်။ လေ့လာရေးအဖွဲ့ထဲမှာ ကိုဇာဂနာနဲ့အတူ လူရွှင်တော် အရိုင်းနဲ့ I.T. ပညာရှင် ကိုမောင်မောင်တို့ ပါဝင်ကြောင်း သိရပါတယ်။

ဂျပန် ODA ဒီမိုကရေစီအရေး အထောက်အကူ ဖြစ်စေချင်
2011-12-16
မြန်မာနိုင်ငံကို ဂျပန်အစိုးရပေးမယ့် ဖွံ့ဖြိုးရေးအကူအညီ ODA ဟာ ဒီမိုကရေစီ ပြုပြင်ပြောင်းလဲရေးကို အထောက်အကူပြုမယ့် အကူအညီမျိုး ဖြစ်ဖို့ လိုအပ်ကြောင်း မြန်မာကိုယ်စားလှယ်အဖွဲ့က ဒီကနေ့ ပြောကြားခဲ့တယ်လို့ သိရပါတယ်။
မြန်မာနိုင်ငံကို ဖွံ့ဖြိုးရေး အကူအညီ ပြန်လည်ပေးအပ်ဖို့ ဂျပန်အစိုးရက ပြင်ဆင်နေပြီ ဖြစ်တဲ့အတွက် ဂျပန် နိုင်ငံခြားရေးဌာနမှာ ODA နဲ့ပတ်သက်ပြီး ကူညီဆောင်ရွက်ပေးနေတဲ့ NGO တွေနဲ့ မြန်မာ့ ဒီမိုကရေစီအင်အားစု ကိုယ်စားလှယ်တွေ တွေ့ဆုံဆွေးနွေးပွဲမှာ မြန်မာ ကိုယ်စားလှယ်အဖွဲ့က ပြောကြားခဲ့တာပါ။