နှလုံးလှ သံတမန် (VISAS FOR 6000 LIVES) ဆရာကျော်ဝင်း ဘာသာပြန်
|
8:32 PM |
No မှတ်ချက် |
by ဘကြီး စိုး on Friday, September 23, 2011 at 10:29am
၁.
ကျွန်တော်တို့ တစ်တွေမှာ သူရဲကောင်းပုံပြင်များဖြင့် ကြီးပြင်းခဲ့ရသူများဟု ဆိုနိုင်လိမ့်မည် ထင်ပါသည်။ ကျွန်တော်တို့ ဖြတ်သန်းခဲ့ရသော ခေတ်ကြီးမှာ စစ်နှင့် တော်လှန်ရေးများဖြင့် ဆူဝေလျက် ရှိနေခဲ့သည်။ ဤအခင်းအကျင်းမှပင် ပုံပြင်မဟုတ်သော တကယ့်သူရဲကောင်းတွေလည်း မနည်းမနော ပေါ်ထွက်ခဲ့သည်။ သူတို့တစ်တွေမှာ တိုင်းပြည်အတွက်၊ လူမျိုးအတွက်၊ ယုံကြည်ချက်အတွက် အသက်စွန့်ခဲ့ကြသူတွေ ဖြစ်သည်။ အဆိုပါ ယုံကြည်ချက်များအတွက် သေရဲ၊ သတ်ရဲ၊ ရင်ဆိုင်ရဲခဲ့သူတွေလည်း ဖြစ်သည်။ ကျွန်တော်တို့က သူတို့၏ စွန့်လွှတ်နိုင်စွမ်းနှင့် သူရသတ္တိကို အားကျသည်။ ဤအားကျစိတ်နှင့်ပင် သူရဲကောင်းတွေကို ကြည်ညိုခဲ့သည်။
ယခု ကျွန်တော်တို့တစ်တွေ အသက်ငါးဆယ်ကျော်လာပြီ ဖြစ်သည့်တိုင်၊ ကမ္ဘာကြီးမှာ စစ်ပွဲများဖြင့် မကင်းတတ်သေး။ တော်လှန်ရေး ဆိုသော အသံကိုလည်း ဆက်လက်ကြားနေရဆဲ ဖြစ်သည်။
သို့နှင့်အမျှ သူ့ခေတ်နှင့်သူ၊ သူရဲကောင်းဆိုသူများလည်း ပေါ်ထွက်နေဆဲ ဖြစ်ပါသည်။ သို့နှင့်တိုင် ‘သူရဲကောင်း’ နှင့်ပတ်သတ်သော ကျွန်တော် တစ်ဦးချင်း၏ တိမ်းညွတ်မှုမှာ ငယ်ငယ်ကလို မဟုတ်တော့..။ အသက်ကြီးလာ၍ ကြောက်တတ်လာသည်ဟု ဆိုချင်ကဆို…၊ သိသိသာသာ ပြောင်းလာသည်။ ယုံကြည်ချက်တစ်ခုခုအတွက် အသက်စွန့်သွားကြသော လူငယ်တွေ သတင်းကိုကြားရတိုင်း သူတို့မိဘနေရာမှ ၀င်ကြည့်ပြီး၊ ၀မ်းနည်းကြေကွဲတတ်လာသည်။ မိမိအသက်ကိုရော၊ သူတပါး၏ အသက်ကိုပါ မြူတစ်မှုန်မျှ တန်ဖိုးထားရကောင်းမှန်း မသိသော အသေခံဖေါက်ခွဲရေးသမား လူငယ်လေးတွေအကြောင်း ကြားရသောအခါ အားမကျမိတော့ဘဲ ထိတ်လန့် လာမိသည်။
ကျွန်တော်က ကျွန်တော့် သားသမီးအရွယ် လူငယ်တွေကို အမုန်းတွေဖြင့် လောင်မြိုက် မနေစေချင်။ မေတ္တာဖြင့် ချစ်ခင်တတ်သူတွေသာ ဖြစ်စေချင်သည်။ နာကျည်းချက်တွေ၊ အာဃာတတွေဖြင့် ‘နေလမ်း’ ကိုသာ ရွေးစေချင်သည်။ ပါဝါအတွက် တိုက်ပွဲဝင်သူထက်၊ တရားမျှတမှုအတွက် လှုပ်ရှားသော သူရဲကောင်းတွေသာ ဖြစ်စေချင်သည်….။ ဤသည်မှာ သူရဲကောင်းဆိုသည်နှင့် ပတ်သတ်သော ကျွန်တော်၏ ပြောင်းလဲလာသော အတွေးအမြင်ကို ရိုးသားစွာ ဖွင့်ဟ၀န်ခံလိုက်ခြင်းပင် ဖြစ်ပါသည်။
၂.
မိတ်ဆွေ ကဗျာဆရာ ကိုအောင်ဇင်မင်း ခေါ်လာ၍ ကိုစိုင်းဆိုသော လူငယ်လေးတစ်ယောက်နှင့် သိကျွမ်းခွင့် ရခဲ့သည်။ ဂျပန်နိုင်ငံတွင် အချိန်ပိုင်းအလုပ်ကို လုပ်ကိုင်ရင်း ကျောင်းတက်ခဲ့သူဟု မိတ်ဆက်ပေး၍ စိတ်ဝင်စား သွားသည်။ သူ့အပေါင်းအသင်း၊ သူ့သူငယ်ချင်း မိတ်ဆွေများ၏ ကူညီမှုအပြင် သူရှာဖွေရသော ချွေးနည်းစာဖြင့် ပရဟိတ ကျောင်းလေးတစ်ကျောင်း ဖွင့်ထားသည်ဟု သိရသောအခါ သာမန်စိတ်ဝင်စားရုံမျှ မကတော့ပါ။ လေးစားမှုပါ ပါလာသည်။ အကြောင်းရှိ၍ ဖြစ်ပါသည်။
ကျွန်တော်တို့ ဗုဒ္ဓဘာသာဝင်များ အနေနှင့် (မည်သူမဆို) အလှူဒါနနှင့် သိပ်စိမ်းလိမ့်မည် မထင်ပါ။ သို့နှင့်တိုင် ‘ဘာသာရေးနှင့် ဆက်နွှယ်သော ဒါန’ (religious donation) သာများပြီး ‘လူမှုရေးဒါန’ (social donation) ဘက်တွင် အားနည်းနေသလား ထင်မိသည်။ ယခု ကိုစိုင်းလို လူငယ်လေး တစ်ယောက်က ဆင်းရဲချို့တဲ့သူ ကလေးများအတွက် ပရဟိတ ကျောင်းလေး တစ်ခု အရင်းအနှီးစိုက် ဆောင်ရွက်နေသည်ကို သိရသောအခါ သူ့ကို မလေးစားပဲ မနေနိုင်။ သူ့စေတနာကို သာဓုခေါ်မိသည်။
ကျွန်တော့် ပတ်ဝန်းကျင်တွင် ‘တာဝန်ယူမှု’ ၊ ‘ပရဟိတ’ စသောစကားတွေ ရွှန်းရွှန်းဝေအောင် ပြောတတ်သူ မနည်းမနော ရှိပါသည်။ ကိုစိုင်းကား စကားအရာတွင်သာ ရွှန်းရွှန်းဝေသူ မဟုတ်။ တကယ့်စေတနာ ရွှန်းရွှန်းဝေနှင့် ဆောင်ရွက်နေသူမှန်း နားလည်ရသောအခါ ပို၍ပင် လေးစား ခင်မင်မိသည်။ သည်လိုနှင့် သူတောင်းသော အကူအညီကို အလွယ်တကူ ခေါင်းညိမ့်မိလိုက်သည် ဆိုပါစို့…။ သူက သူနှစ်သက်သော စာအုပ်လေး တစ်အုပ်ကို ဘာသာပြန်ဖို့ လာအပ်ခြင်း ဖြစ်ပါသည်။
၃.
ဝန်ခံရလျှင် ကိုစိုင်းအပေါ် ခင်မင်လေးစားစိတ်ဖြင့် လက်ခံ ခဲ့သည့်တိုင် သူပေးထားခဲ့သော စာအုပ်လေးကို စိတ်မ၀င်စားမိသေးပါ။ အလုပ်ကြွေးတွေ ပိနေသည့်အတွက် ကောက်ကိုင် မကြည့်ဖြစ်ခဲ့သည်လည်း ဖြစ်ပါသည်။ သည်လိုနှင့် လနှင့်ချီ ကြာသွားသည်။ ကိုစိုင်းကိုရော ကိုအောင်ဇင်မင်းကိုပါ အားနာမိသည်။
ဖြစ်ချင်တော့ သင်္ကြန်ရက်တွေ မတိုင်မှီမှာပင် ကျွန်တော့ခါးက အခြေအနေ ဆိုးလာသည်။ စာရေးစားပွဲမှာ မထိုင်နိုင်တော့..။ အိပ်ယာပေါ် လှဲရင်း အချိန်ကုန်ရတော့သည်။ သည်တွင် ကိုစိုင်းစာအုပ်လေးကို မရည်ရွယ်ဘဲ ကောက်လှန်မိရာမှ စွဲသွားတော့သည်။ သည်လိုနှင့် အိပ်ရာပေါ်မှာပင် မှောက်လိုက် လှန်လိုက်နှင့် ဘာသာပြန် ဖြစ်သွားတော့သည်။ ကိုစိုင်းစာအုပ်ထဲမှ သူရဲကောင်းဇာတ်ဆောင် စူငိဟာရမှာ ကျွန်တော့်စိတ်ထဲမှ ရှာဖွေနေမိသော သူရဲကောင်း အမျိုးအစားသစ် ဖြစ်နေသောကြောင့် ဤမျှ လက်သွက်သွားခြင်း ဖြစ်မည် ထင်သည်။
အမှန်စစ်စစ် စူငိဟာရမှာ ဒုတိယကမ္ဘာစစ်အတွင် ဂျပန်ဖက်ဆစ် အစိုးရကို သစ္စာခံရသော သံတမန်ဝန်ထမ်းတစ်ဦး ဖြစ်ပါသည်။ သူသည် ဖက်ဆစ်တော်လှန်ရေးသမား မဟုတ်။ ဖက်ဆစ်ယန္တယားကြီးထဲမှ ခွေးသွားစိတ် တစ်ခုဟူ၍ပင် ဆိုလိုက ဆိုနိုင်သည်။ သို့သော် သူသည် နှလုံးလှသူ ဖြစ်သည်။ လူ၊ လူချင်း စာနာစိတ် အပြည့်အ၀ရှိသူ ဖြစ်သည်။ ဤစိတ်ကြောင့် ပင် စူငိဟာရမှာ ကျွန်တော့်ဟာဒယကို လာညိသော သူရဲကောင်းအမျိုးအစားသစ် ဖြစ်လာရတော့သည်။ သူ့အကြောင်းကို ဘာသာပြန်ဖြစ်သည့် အတွက် ကျေနပ်မိသည်။ သည့်အတွက် ကိုစိုင်းကို ကျေးဇူးတင်သည်။
ကျော်ဝင်း
၁၄၊၀၄၊၂၀၀၇။
ခရက်ဒစ် ဆရာကျော်ဝင်းပါ။ ဒီမှာ ဒေါင်းယူပါခင်ဗျာ.. http://www.mediafire.com/?t04g9mjm1jnpx47
0 comments:
Post a Comment