အာရာယို (သိပါတယ်).... တဲ့ (ကိုရီးယားနိုင်ငံ ကွန်ဖရင့်တစ်ခုမှပြန်လာသူ တစ်ယောက်ရဲ့အတွေးပုံရိပ်များ)

by Aung Myo Thu on Sunday, October 23, 2011 at 1:32pm

အာရာယို (သိပါတယ်)

မနေ့ က ခရီးလေးတစ်ခုမှ ပြန်ရောက်ပါတယ်။ သွားရတဲ့ ခရီးကတော့ ကွန်ဖရင့်တစ်ခုပါ။ Korean Society of Applied Entomology က ဦးဆောင်ပြုလုပ်ပြီး တက်ရောက်သူ အများစုကတော့ ကိုးရီးယားတစ်နိုင်ငံလုံးက တက္ကသိုလ်တွေက ပါမောက္ခတွေနဲ့ ကျောင်းသားကျောင်းသူတွေပါပဲ။ ကိုးရီးယားရဲ့အနောက်ဘက်ကမ်းခြေမှာ ရှိတဲ့ Daemyung Resort မှာ တစ်ညအိပ် နှစ်ရက် ကျင်းပတာပါ။

ဆိုးလ်မှ မနက် ၇ နာရီ စထွက်၊ လမ်းမှာ ကျနော်တို့ ဓါတ်ခွဲခန်းက စမ်းသပ်ကွက်တွေကို ၀င်ကြည့်ကြသေးတော့ ကွန်ဖရင့်လုပ်မည့် နေရာကို နေ့ လည် တစ်နာရီခွဲလောက်မှာ ရောက်ပါတယ်။ ဟိုတယ်မှာ အခန်းယူ၊ အထုပ်တွေ ပစ်ချပြီး ကွန်ဖရင့်အတွက် registration လုပ်ရပါတယ်။ ၂ နာရီမှာ ဖွင့်ပွဲအခမ်းအနားစပြီး စာတမ်း ၄ စောင် ဖတ်ပါတယ်။ နောက်တော့ မိနစ် ၂၀ လောက် နားပြီး ကြိုဆိုဂုဏ်ပြု ညစာစားပွဲလုပ်ပေးပါတယ်။ နောက်နေ့ မနက်မှာ ကဏ္ဍအလိုက် အခန်းအသီးသီး ခွဲပြီး စာတမ်းဖတ်ပွဲတွေ လုပ်ပါတယ်။ အဲဒီမှာ ကျနော် သတိထားမိတာက တက်ရောက်သူရဲ့ ၇၀ ရာနှုန်းဟာ ကျောင်းသားတွေပါ။
ဒီကွန်ဖရင့်ကို တက်ဖို့  ကျနော်အပါအ၀င်  ကျောင်းသားတစ်ယောက် အတွက် ကုန်ကျစရိတ်ဟာ မြန်မာနိုင်ငံမှာ တက္ကသိုလ်ကျောင်းသားတစ်ယောက်ကို semester တစ်ခုစာ ကျောင်းစာရိတ်ထောက်ပံ့နိုင်မည့် ပမာဏပါ။ ဒါကြောင့် သူတို့ ဟာ ပညာရေး ကဏ္ဍမှာ ဘယ်လောက် ရင်းနှီးမြှပ်နှံကြတယ် ဆိုတာ မှန်းကြည့်နိုင်ပါတယ်။

လွန်ခဲ့တဲ့ ဆယ်စုနှစ်များစွာက ကိုးရီးယားတွေလည်း ကျနော်တို့ လို လယ်တောထဲက သူတွေပါဘဲ။ ဒါပေမယ့် မျိုးဆက်တစ်ခုမှာတော့ လယ်တောထဲက ထွက်မြောက်လာခဲ့ပြီး အခုဆိုရင်… ကမ္ဘာ့ စက်မှုထိပ်သီး နိုင်ငံ ၂၀ မှာ စာရင်းဝင်နေပြီ ဖြစ်ပါတယ်။ ကျွန်းဆွယ်စစ်ပွဲဖြစ်နေစဉ်က ကျနော်တို့ နိုင်ငံက သူတို့ ကို ဆန်တင်ပို့ ပြီး ကူညီခဲ့ရပါသေးတယ်။ ဒါပေမယ့် ဒီနေ့ အချိန်တွေမှာတော့ သူတို့ ပေးတဲ့ ပညာသင်ဆုကို ကျနော်တို့ လက်ခံနေရပါပြီ။ တကယ်တမ်း ကောင်းစားလာပြန်တော့လည်း ဆန်တင်ပို့ ပေးခဲ့တာကို မေ့ထားနိုင်ကြပြီး ၁၉၈၃ အောက်တိုဘာလ ၉ ရက် ရန်ကုန် အာဇာနည်ကုန်း ဗုံးကွဲရာမှာ ပါသွားတဲ့ သူတို့ အကြီးအကဲတွေ ကိစ္စနဲ့ မြန်မာကို ကိုးရီးယားအတော်များများ အခုထိ ခံပြင်းနေကြဆဲပါ။

အဲဒီအချိန်ပိုင်းလောက်က ရန်ကုန်လေဆိပ်မှ တစ်ဆင့် အရှေ့ တောင်အာရှနိုင်ငံတွေကို ကူးရတဲ့ အဆင့်၊ စင်္ကာပူနိုင်ငံ ထူထောင်မယ်ဆိုတော့ ရန်ကုန်မြို့  ပုံစံကို လာယူကြရတဲ့ အခြေအနေ၊ ရန်ကုန်တက္ကသိုလ်ဟာ အာရှမှာ ဂုဏ်သိက္ခာရှိတဲ့ အနေအထားပါ။ အခုတော့ ကိုးရီးယားရဲ့အင်ချွန်းလေဆိပ်ဟာ ကမ္ဘာ့ နံပါတ်တစ၊် ဆိုးလ်ကို အာရှရဲ့ဝိညာဉ် (Asia's Soul) လို့ တောင် တင်စားနေကြပါပြီ။ ဆိုးလ်အမျိုးသားတက္ကသိုလ်ဟာ ကမ္ဘာ့ တက္ကသိုလ် ၈၀၀၀ စာရင်းမှာ အဆင့် ၄၅ ၊ အာရှအဆင့် (၇) ဖြစ်နေပါပြီ။ အဲဒီ တက္ကသိုလ် ၈၀၀၀ စာရင်းမှာ ကျနော်တို့ နိုင်ငံက ကျောင်းတစ်ကျောင်းမှ စာရင်းမ၀င်ပါဘူး၊ ဒါပေမယ့် ရေကြောင်းတက္ကသိုလ်နှင့် ရန်ကုန်နိုင်ငံခြားဘာသာတက္ကသိုလ်တို့ ကိုတော့ အလားအလာရှိတဲ့ တက္ကသိုလ်တွေ အဖြစ် ဖော်ပြထားပါတယ်။

တွေးစရာတစ်ခုက ကျနော်တို့ က အတက်နှေးတယ်ပဲ ပြောပြော သူတို့ က မြန်တယ်ပဲဆိုဆို…ကိုယ့်အကြောင်းကိုတော့ သိပြီးသားတွေမို့ သူတို့ ဘာကြောင့် ဒီလောက်နှစ်အပိုင်းအခြားအတွင်းမှာ ဒီလောက် တိုးတက်သွားသလဲဆိုတာပါပဲ။ ကျနော့်ဆရာတစ်ယောက်ကတော့ ကျနော့်ကို သူ့ အထင်ကို ပြောပြဖူးတယ်။ စစ်ပြီးချိန်လောက်က ကိုးရီးယား မိဘတွေဟာ သူတို့ စားတာကို ချွေတာပြီး လျှော့စားပြီးကို ကလေးတွေကို ကျောင်းထားကြတယ်တဲ့။ ဒါဟာ လက်ခံနိုင်လောက်ပါတယ်၊ ပညာရေးမှာ ရင်းနှီးတာဟာ ဖွံ့ ဖြိုးမှု အားလုံးရဲ့ရင်းမြစ်လို့ ဆိုနိုင်မယ် ထင်ပါတယ်။ တွင်းထွက်တွေဟာ တစ်နေ့ နေ့ မှာ ကုန်ဆုံးမှာပါ။

အခုဆိုရင် ကိုးရီးယားဟာ အိုင်တီနည်းပညာကို တတ်ကျွမ်းမှုအနေနဲ့  ကမ္ဘာပေါ်မှာ တိုင်းပြည်လူဦးရေ ရဲ့ရာနှုန်းအမြင့်ဆုံး အဆင့်မှာ ရှိနေပြီး စာတတ်မြောက်မှုနှုန်းဟာ ၂၀၀၇ ယူနက်စကို ရဲ့စာရင်းအရ တစ်မျိုးသားလုံးရဲ့၉၉ ရာနှုန်း ဖြစ်ပါတယ်။ တိုင်းပြည်နှစ်ခုရဲ့ သမိုင်းကို ပြန်ကြည့်ပြန်တော့လည်း သက်ဦးဆံပိုင်၊ ကိုလိုနီ၊ ကွန်မြူနစ်၊ နိုင်ငံရေး ဂယက်၊ ပြည်တွင်းစစ် စတာတွေဟာ ကျနော်တို့ နဲ့ တောက်လျှောက် တူခဲ့ပါတယ်။ ဒါပေမယ့် မတူတာကတော့ ၁၉၈၀ လွန်နှစ်တွေမှာ အာဏာရှင်စနစ်ကနေ လုံးဝ ဒီမိုကရေစီစနစ်ကို ကူးပြောင်းလိုက်နိုင်တာပဲ ဖြစ်ပါတယ်။ အဲဒီနောက်ပိုင်း ကျနော်တို့ တိုင်းပြည်နဲ့ ကွဲလွဲသွားတာတွေကတော့ စက်မှုဖွံ့ ဖြိုးတိုးတက်မှု၊ ဒီမိုကရေစီ၊ လူ့ အခွင့်အရေး စတာတွေပဲ ဖြစ်ပါတယ်။

ကောက်ချက်ချချင်တာက ကျောင်းသားတွေကို ဗဟိုပြုတဲ့ ပညာရေးစနစ်ပါလား ဆိုတာ ဥာဏ်မှီသလောက် သုံးသပ်ကြည့်တာပါ။ အတိုချုံးပြီး ကျနော့်ဇာတ်လမ်းကို ဆက်ရမယ်ဆိုရင်… နေ့ လည် ၁၂ ခွဲလောက်မှာ စာတမ်းဖတ်ပွဲတွေ ပြီးတော့ ပြန်ထွက်ကြပါပြီ။ ဓါတ်ခွဲခန်းမှ သူငယ်ချင်းတွေက ကျနော့်ကို လမ်းမှာ ပြတိုက်ကလေးတစ်ခုကို ၀င်ပြပါတယ်။ ပြတိုက်ကလေးက ပိုးချည်ထုတ်လုပ်ခြင်းနှင့်ဆိုင်တဲ့ သမိုင်းဝင်ပစ္စည်းလေးတွေ၊ ပိုးကောင်မွေးမြူခြင်းနှင့် ပိုးချည်ထုတ်လုပ်ခြင်းလုပ်ငန်းအဆင့်ဆင့်ကို ပန်းချီကားချပ်တွေ၊ ပရိုဂျက်တာတွေနဲ့ ဝေေ၀ဆာဆာ ခမ်းခမ်းနားနား ပြထားတဲ့ နေရာလေးပါ။ အထူးသဖြင့် ကလေးတွေကို စိတ်ဝင်းစားအောင် ပြင်ဆင်ထားတယ်ဆိုတာ ၀င်ဝင်ချင်း ရိပ်မိလိုက်ပါတယ်။ တစ်ယောက်ကို ၀င်ကြေး ၀မ် ၃၀၀၀ ပေးရတဲ့အတွက် မပြောပလောက်တဲ့ ပမာဏလေးပါ။ ဒါပေမယ့် နေရာလေးက ထောင့်လိုက်တာ.. ဘာလို့ လူစည်ကားရာ မြို့ ကြီးတွေမှာ လုပ်မထားတာပါလိမ့်လို့ စဉ်းစားနေတုန်းမှာဘဲ စာတွေ လိုက်ဖတ်ကြည့်တော့ အခု ပြတိုက်ဆောက်ထားတဲ့ နေရာဟာ ပိုးချည် ပျံ့နှံ့ ရာလမ်းကြောင်း Silk Road ပေါ်မှာ ရှိနေတာပါလားလို့ … နောက်တော့ ဒီပြတိုက်ရှိရာ နောက်က တောင်ဟာ ပိုးစာပင်တွေ ပေါက်ရောက်ရာ တောင်ဆိုတာပါ သိလိုက်ပါတယ်။ အခုမှပဲ ဒီနေရာမှာ ဒီပြတိုက် လာဆောက်ထားတာ ပနာတင့်လှပါလားလို့ သူတို့ စိတ်ကူးကို ကျေနပ်သွားပါတော့တယ်။

ပိုးချည်ထုတ်လုပ်ခြင်းလုပ်ငန်း Sericulture အကြောင်းကို စိုက်ပျိုးရေးတက္ကသိုလ် ဒုတိယနှစ်မှာ သင်ခဲ့ပြီးသားမို့ သူ့ ရဲ့သမိုင်းကြောင်းရော ပိုးမွေးမြူပုံ၊ ပိုးချည်ထုတ်လုပ်ပုံ အဆင့်ဆင့်ကို သိပြီးသားပါ။ ဒါပေမယ့် ကျနော် တက္ကသိုလ် ဒုတိယနှစ်မှ သိခဲ့တာပါ။ ဒါ့အပြင် သေချာတာတစ်ခုက ကျန်တဲ့ ပညာရပ်နယ်ပယ်က သူတွေ သိလိမ့်မယ် မထင်မိပါဘူး။ အဲဒီနေ့ မှာတော့ မူလတန်းကျောင်းတစ်ခုက ကလေးတွေလည်း လေ့လာရေး ရောက်ရှိနေကြပါတယ်။ လျှောက်ကြည့်နေကြရင်းက တစ်နေရာမှာ ကလေးတစ်သိုက်နဲ့ သွားဆုံပါတယ်။ သူတို့ နဲ့ ဓါတ်ပုံတွေ ရိုက်ပါတယ်။ အဲဒီနေရာလေးက ပိုးရုပ်ဖုံးလေးတွေကို ရေနွေးထဲထည့်ထားပြီး ပိုးချည်အစလေးတွေကို တစ်ဘက်က ဗိုင်းငင်စက်နဲ့ ရစ်ယူနေတာပါ။ ကိုးရီးယားအမျိုးသမီးတစ်ယောက်ကလည်း တောက်လျှောက်ကို သရုပ်ပြနေပါတယ်။ ကလေးတွေနဲ့ ရင်းနှီးနေပြီဖြစ်တဲ့ ကျနော်က ကလေးတွေကို ဒီ ရုပ်ဖုံးလေးတွေဟာ ပိုးကောင်လေးတွေကနေ ဖြစ်လာတာပေါ့… သူတို့ က ဒီအရွက်တွေကို စားတယ်… ဒီရုပ်ဖုံးလေးရဲ့အတွင်းမှာဆို ပိုးကောင်လေးရှိနေတယ်…စသဖြင့် ကိုးရီးယားလို မတတ်တစ်တတ်နဲ့ ရှင်းပြမိပါတယ်။ ကျနော့်စကားအဆုံးမှာ ကလေးတစ်ယောက်က ပြန်ပြောပါတယ်… အာရာယိုတဲ့။ သိပါတယ်လို့ ပြန်ပြောတာပါ။

ပြတိုက်ကထွက်ပြီး အပြန်ခရီးတစ်လျှောက်လုံးမှာတော့  အတွေးများစွာနဲ့ ပေါ့။ ငါတောင် တက္ကသိုလ် ဒုတိယနှစ်မှာ သိလာရတဲ့ အတတ်ပညာ တစ်ခုကို သည်ကလေးတွေက ၇ နှစ်သားလောက်မှာ သိနေကြပြီ။ နောက်ပြီး ကျနော်တို့ အဲဒီသင်ခန်းစာကို semester တစ်ဝက်လောက် သင်ခဲ့ရတာပါ။ ဒီကလေးတွေကတော့ ဒီပြတိုက်ကို တစ်နေ့ လာလည်လိုက်တာနဲ့ တင် ဒီဘာသာရပ်ကို တီးမိခေါက်မိ ဖြစ်သွားကြပြီ။ ပြတိုက်ကလည်း ကလေးတွေကအစ နားလည်အောင် စိတ်ဝင်စားအောင် သရုပ်ဖော်ပုံတွေ၊ ကစားစရာ အရုပ်ကလေးတွေနဲ့ ဝေေ၀ဆာဆာ စီစဉ်ထားတာဆိုတော့ သူတို့ လေးတွေ တကယ်သိသွားကြတယ်ဆိုတာ ကျနော် လက်ခံလိုက်ပါတယ်။ အာရာယို ဟာ ကျနော်က ဆရာကျတယ် ထင်လို့ ပြန်ပြောတာ မဟုတ်ဘဲ တကယ်သိလို့  သူသိပြီးသားလို့ ပြောတယ်ဆိုတာ ကျနော့်စိတ်ထဲ သေချာပါတယ်။

ကျနော့် အတွေးထဲမှာတော့ ကျနော်တို့ နိုင်ငံရဲ့ပညာရေးစနစ်ကို အပြန်ပြန် သုံးသပ်နေမိပါတယ်။ ကျနော်တို့ လည်း ဒီစနစ်ထဲကပဲ ကြီးပြင်းလာကြရတယ် ဆိုပေမယ့် သင်ထောက်ကူ ပစ္စည်း မပြည့်စုံခြင်း က အစ ပညာရေးဝန်ထမ်းများရဲ့အရည်အသွေး မပြည့်ဝမှုများရဲ့သားကောင်တန်ဆာခံများဟာ ကျနော်တို့ ရဲ့တူတွေတူမတွေသားတွေသမီးတွေ ဖြစ်တော့မှာပါ။ အဲဒီတော့ ကျနော့်စိတ်ထဲမှာတော့ “နေသေးသပ၊ ခြုံထဲက ဂျိုသွေးလို့  တမြမြ” ဆိုသလိုပဲ အမိမြေကို ပြန်ရောက်ရင်တော့ ငါကစပြီး တတ်နိုင်သလောက် စပြီးပြင်မယ်၊ ကလေးတွေကို ငါတို့ ထက် တော်တဲ့ ထက်မြက်တဲ့ ကလေးတွေ ဖြစ်လာအောင် ကြိုးစားချင်စမ်းပါဘိ ဟု သာ………….။


မျိုးသန်းထွန်း (ရေဆင်း)


(15. 10. 2011)

Original Post : http://myanmar-yis.net/forum/topics/4971275:Topic:17550