ဆရာသခင်နှင့် ခရီးသွားခြင်း

Cloud Cuckoo Land created a doc.

ပုလွေသံ ဘယ်သို့သွား

တစ်ခါက . . . ဆရာသခင်နဲ့ တပည့်တစ်ယောက်ဟာ . . .
ကြီးမားတဲ့ ဝါးတောကြီးထဲ လမ်းလေးအတိုင်း ခရီးသွားနေကြတယ်. . .။
ဝါးတောကြီးထဲမှာ အေးမြနေပေမဲ့
... မနက်မိုးလင်းကတည်းက မွန်းတည့်အထိ လမ်းလျှောက်လာကြတာမို့
တော်တော်လေး ပင်းပန်းနေကြတယ်။
အဲဒီအချိန်မှာ ဟိုး ခပ်ဝေးဝေးက ပုလွေသံတစ်ခုဟာ ထွက်ပေါ်လာတယ်. . . ။
အလွန်လွမ်းမော . . . နာပျော်ဖွယ်ကောင်းတဲ့ ပုလွေသံကြောင့်
ဆရာတပည့်နှစ်ယောက်ဟာ အမောတွေ ပြေပြီး
ခရီးလမ်းကို ဆက်လျှောက်လာကြတယ် . . .။
တော်တော်ဝေးဝေးရောက်တော့ ပုလွေသံလေးဟာ  ပျောက်ကွယ်သွားတယ် . . . ။
ဒီတော့ တပည့်က နှမြောတသ. တဲ့အသံနဲ့
“ဆရာသခင် . . . ပုလွေသံ ဘယ်ကိုရောက်သွားတာလဲ”. . . မေးတော့
ဆရာသခင်က
”ဝါးပင်ဆီကို ပြန်ရောက်သွားတာပေါ့ ငါ့တပည့်” . . . လို့ တိုတိုပဲ ပြန်ဖြေတယ်။
ဒီတော့ တပည့်က
” ဆရာသခင်ပြောတာ ကျွန်တော် မရှင်းဘူး တစ်ချက်လောက် ရှင်းပြပါလား” လို့မေးတယ်တဲ့ . . . ။
ဒီတော့ ဆရာသခင်က လမ်းလျှောက်ရင်း ရှင်းပြတယ် . . . ။
“ဒီလို ငါ့တပည့် . . . ပုလွေသံဝါးပင်ဆီ ပြန်သွားတယ်ဆိုတာက ပုလွေကို . . . ဝါးနဲ့ လုပ်ထားတာ မဟုတ်လား ငါ့တပည့်
ဒါ့ကြောင့် ဝါးနဲ့ လုပ်ထားတဲ့ ပုလွေသံဟာ . . .
စတင် ထွက်ပေါ်ရာ အရပ်ဖြစ်တဲ့ ဝါးပင်ဆီကိုပဲ ပြန်သွားတာလို့ ဆိုလိုရင်းဖြစ်တယ် . . . ။
မင်းလုပ်သမျှကံ  ကံရဲ့ အကျိုးမှန်သမျှဟာ
မင်းဆီကိုပဲ ပြန်လာလိမ့်မယ် . . . ။
မင်း ကာယကံ ဝစီကံ မနောကံနဲ့ ပြုမိသမျှ အကြောင်းတရားမှန်သမျှဟာ . . .
မင်းလုပ်တဲ့အတိုင်း မင်းဆီကိုပဲ ပြန်လာလိမ့်မယ် . . . ။
သူတစ်ပါးကို ဆဲနေရင်လည်း . . . အဲဒါ မင်းဆီကို ပြန်လာမှာပဲ . . .
သူတစ်ပါးကို မင်းမေတ္တာပို့နေရင်လည်း . . . အဲဒီမေတ္တာ မင်းဆီပြန်လာမှာပဲ . . .
သူတစ်ပါးကို မကောင်းကြံရင် . . . မင်းမကောင်းကြံ ခံရမှာပဲ . . .
သူတစ်ပါးကို မတရားလုပ်ရင်လည်း . . . မင်းမတရား အလုပ်ပြန်ခံရမှာပဲ . . .
အဲဒါပဲပေါ့ . . . ငါ့တပည့်” . . . လို့ပြောရင်း
ဆရာတပည့်နှစ်ယောက် ခရီးဆက်လျှောက်သွားကြတော့တယ်။

ပုလွေသံ ဘယ်သို့သွား
ငြီးမနေနဲ့ . . .
ငြီးစရာတွေ ထပ်များလေလေ . . .
ဖြစ်တတ်တယ် . . . ။

ဆဲမနေနဲ့ . . .
ဆဲစရာတွေ . . . ထပ်များလေလေ . . .
ဖြစ်တတ်တယ် . . . ။

စိတ်ဆိုးမနေနဲ့ . . .
စိတ်ဆိုးစရာတွေ . . . ထပ်များလေလေ . . .
ဖြစ်တတ်တယ် . . . ။

ဒေါသထွက်မနေနဲ့ . . .
ဒေါသထွက်စရာတွေ . . . ထပ်များလေလေ . . .
ဖြစ်တတ်တယ် . . . ။

အူမနေနဲ့ . . .
အူ . . . စရာတွေ ထပ်များလေလေ . . .
ဖြစ်တတ်တယ် . . . ။

ဦးကောဝိဒ (ဝစီပိတ်ဆရာတော် ကျိုင်းတုံ)