စကားနောက် တရားပါ (၄)

ယုံကြည်စိတ်ချမှု

                                                                       Confidence

Confidence comes not from always being right but from not fearing to be wrong.

                                                                                                   Peter T.Mcintyre      

                           

ယုံကြည်စိတ်ချမှုဆိုတာ အမြဲတမ်းမှန်အောင် လုပ်နိုင်တဲ့ဆီက လာတာမဟုတ်ဘူး။ မှားသွားမှာကိုမကြောက်

တတ်တဲ့ဆီက လာတာ။

          လူတစ်ယောက်က အလုပ်တစ်ခုကို လုပ်ကိုင်ဆောင်ရွက်တဲ့အခါမှာ ထိရောက်မှန်ကန်အောင်မြင်မှုရှိ

တယ်။ ဘောလုံးတစ်လုံးကို အမိအရဆွဲယူသွားပြီး၊ ပိုင်ပိုင်နိုင်နိုင် ကန်သွင်းလိုက်လို့ ဂိုးသမားမဖမ်းနိုင်ဘဲ ဂိုးဝင်သွားတယ် ဆိုပါစို့။ ဒီပုဂိုလ်က လုပ်လိုက်ရင် အမြဲတမ်းသေချာတယ်၊ ဘယ်တော့မှမလွဲဘူး။ ဒီဘောလုံး သမားမျိုးကတော့ရှားတယ်။ သူ့ဆီရောက်သွားရင် အတင်းမရမကထိုးဖောက်ပြီး ဂိုးရအောင် သွင်းနိုင်တယ်။ အင်မတန် သေချာတဲ့ ခြေထောက်လို့ ပြောဆိုချီးမွမ်းတတ်ကြသည်။

          တစ်ဆက်တည်းမှာဘဲ ယုံကြည်စိတ်ချမှုဆိုတာ အမြဲတမ်းမှန်အောင် လုပ်နိုင်တဲ့လူတွေ စိတ်ဓာတ်နဲ့

လုပ်ရပ်ထဲမှာသာ ဖြစ်တည်ရှင်သန်နေတတ်တဲ့ အရာဘဲ ကောက်ချက်ချမိတတ်တယ်။ ကိုယ့်ကိုယ်ကို ပြန်

ကြည့်လိုက်တော့  ကိုယ်က သုံးခါလုပ်ရင် နှစ်ခါလောက်လွဲတတ်၊ မှားတတ်တဲ့လူမျိုးဖြစ်နေတဲ့အခါ ကိုယ့်ကိုယ်ကို ယုံကြည်စိတ်ချမှုမရှိ ဖြစ်လာတယ်။  ဒီတော့ ထူးချွန်ပြောင်မြောက်အောင် လုပ်ရမယ့်ကိစ္စ မျိုးဟာ ငါနဲ့မသင့် တော်ဘူးလေလို့  ကိုယ့်ကိုယ်ကို လျောတွက်ပြီး တော်ရုံလျော်ရုံ အဆင့်မှာဘဲ ရပ်ကျန် နေခဲ့ချင်တယ်။

                စင်စစ် ခုနလူတွေဟာ အမှားတွေ လွဲချော်မှုတွေကကြားက ရဲရဲဝံ့ဝံ့လုပ်ကိုင် ကြိုးစားလာခဲ့ကြလို့ အောင်မြင်ဖြစ်ထွန်းလာခဲ့ကြတာပါ။ ပထမတော့ သူတို့လည်း လုပ်တိုင်းမမှန်ခဲ့ကြသလို၊ ကန်သွင်းတိုင်း ဂိုးဝင်ခဲ့တာမဟုတ်ပါဘူး။ ဒါပေမယ့် မှားပါစေ၊ မှားစမ်း။ လွဲပါစေ၊ လွဲစမ်း၊ လုပ်တာက မှန်အောင်လုပ်တာ၊ ကန်တာက ဂိုးပေါက်ထဲ ၀င်အောင်ကန်တာ။ လက်တွေခြေတွေ လုပ်ဆောင်ချက်တွေကလွဲသွားပေမယ့် မျက်စိထဲမှာ အမှန်ကို ထင်းထင်းကြီးမြင်နေတယ်။ ပိုက်နဲ့ထွေးကနဲဖြစ်သွားတဲ့ ဘောလုံးကို ကွက်ကွက် ကွင်းကွင်း တွေ့နေတယ်။

          ငါမြင်ထားတဲ့အမှန်နဲ့ မှန်းထားတဲ့ဂိုးဆီ မရောက်ရောက်အောင်သွားမယ်။ သွားတဲ့အခါ အမှားတွေ၊

အလွဲတွေ၊ အရှုံးတွေ တွေ့မယ်။ တွေ့တွေ့ မကြောက်ဘူး။ တစ်နေ့ကျရင် အမြဲတမ်းမှန်ရမယ်။ မလွဲတမ်း ကန်ပြမယ်ဆိုပြီး ယုံကြည်စိတ်ချထားတယ်။ ဒီယုံကြည်စိတ်နဲ့ အကြိမ်ကြိမ်အခါခါ အမှားခံ၊ အလွဲခံပြီး မဆုတ် မနစ်ကြိုးပမ်းလာခဲ့တဲ့အတွက် နောက်ဆုံးတော့ အမြဲတမ်းမှန်တဲ့ အဆင့်ကို ရောက်လာခဲ့တယ်။ ကိုယ့်ကိုယ် ကို ယုံကြည်မှုရှိတယ်ဆိုတာ ဒါပဲပေါ့။

          စောစောက တော်ရုံလျော်ရုံအဆင့်မှာ ရပ်ကျန်ခဲ့တဲ့လူမျိုးကတော့ ယုံကြည်စိတ်ချမှုဆိုတဲ့ တွန်းအား

ကင်းမဲ့နေတဲ့အတွက် မှားသွားမလား၊ လွဲသွားမလားတွက်ရင်းနဲ့ ဘာတစ်ခုမျှ ဖြစ်ဖြစ်မြောက်မြောက် မလုပ် နိုင်တော့ဘူး။ လုပ်ပြန်ရင်လည်း ချီတုန်ချတုန်ဖြစ်နေတာ၊ စဉ်းစားတွေဝေနေတာကြောင့် တဖြည်းဖြည်းနဲ့ အဖြစ်မရှိတဲ့လူအဖြစ် ရောက်သွားတတ်တယ်။

          အမေရိကန်စာရေးဆရာ ခရစ္စယန်နုဝယ်လ်ဘိုဗီး ဆိုတဲ့ပုဂိုလ်က ပြောဖူးတယ်။ ကျုပ်တို့ အများ အားဖြင့်အရေးနိမ့်ရတဲ့အကြောင်းအရင်းက ကိုယ့်ကိုယ်ကိုမယုံကြည်လိုပဲ။ အစွမ်းအစကိုယုံမှ အစွမ်းအစ ရှိတာ။ လူက ဘယ်လိုဘဲ သန်မာနေပါစေ၊ ကိုယ့်ကိုယ်ကိုရော ကိုယ့်အစွမ်းအစကိုပါ မယုံကြည်ရင် အပျော့ညံ့ဆုံးလူ ဖြစ်သွား တတ်တယ်တဲ့။

          လောကမှာ ရှေ့မတိုး၊ နောက်မဆုတ်ဖြစ်နေတဲ့ကိစ္စတွေ အများကြီးရှိတယ်။ မပြီးနိုင်မပြတ်နိုင်၊ လက်စ

တန်းလန်းနဲ့ အချိန်ဆွဲထားရတဲ့ကိစ္စတွေ နောက်မှလုပ်မယ်ဆိုပြီး အချိန်ရွှေ့ထားရတာတွေ၊ ဆက်လုပ်လို့ တော့မဖြစ်ဘူးထင်တယ်ဆိုပြီး၊ ချောင်ထိုးထားရတာတွေ၊ လူုကြားကောင်းရုံဟန်ပြလောက် လုပ်ပြနေတာ တွေ လူ့အဖွဲ့အစည်းထဲမှာလည်း ရှိနိုင်တယ်။ ရုံးတစ်ရုံး၊ လုပ်ငန်းဖွဲ့တစ်ခု၊ မိသားစုတစ်စု၊ လူတစ်ယောက်မှာ လည်း ရှိနိုင်တယ်။

         ဘာကြောင့်ဒီလို ဖြစ်နေရတာလဲလို့ ပြန်ပြီးစစ်ဆေးကြည့်လိုက်တော့ ရှင်းရှင်းလေးရယ်။ လုပ်လိုက်ရင် မှားသွားမလား၊ ရှုံးနိမ့်သွားမလားဆိုတဲ့ စိုးရိမ်ကြောင်းကြစိတ်ကြောင့်ဘဲ။ စိုးရိမ်ကြောင်းကြစိတ်က ဟန့်တား ထားလို့ ဒီလိုသောင်မတင်ရေမကျ ဖြစ်နေတာ။ဒီလိုနေတော့ ဘာဖြစ်သလဲ။ ကြာရင် အပျော့ညံ့ဆုံး၊ အင်အား အချိနဲ့ဆုံး အဖွဲ့အစည်း ဖြစ်သွားရုံ ရှိတာပေါ့။

              စကားအလျဉ်းသင့်လို့ စိတ်ပညာရှင်ဆိုတဲ့ မဂဇင်းထဲက ရှုံးနိမ့်ခြင်းအကြောင်းရေးထားတာလေးကို

ဖော်ပြချင်ပါတယ်။

          လူများစုအဖို့တော့ ရှုံးနိမ့်ခြင်းဆိုတဲ့စကားလုံးဟာ သူတို့အတွက် နောက်ဆုံးပိတ် ပွဲသိမ်းသဘော ဆောင်တယ်။ ဒါပေမယ့် အောင်မြင်တဲ့ ခေါင်းဆောင်တစ်ယောက်အတွက်တော့ ရှုံးနိမ့်တယ်ဆိုတာ အစဘဲ ရှိသေးတယ်။ထပ်ပြီးအားထုတ်ကြိုးပမ်းဖို့ တွန်းကန်ပေးတဲ့ခြေနင်းခံ တစ်ခုပဲ။ ခေါင်းဆောင်တွေဟာ ရှုံးနိမ့် ခြင်းဆိုတာကို ထည့်တောင်မစဉ်းစားကြဘူး။ တကယ်တမ်းကျတော့ ခေါင်းဆောင်ခေါင်ရွက်လုပ်တဲ့လူက ဒီစကားလုံးကို မသုံးဘဲ၊ သူနဲ့အကြောင်းတူ အသံကွဲဖြစ်တဲ့ အမှားအယွင်းလို့၊ အစ မှားတာလို့ ၊ နောက်ပြန် ဆုတ်တာလို့၊ စကားလုံးမျိုးတွေသာ သုံးနှုန်းတတ်ကြတယ်။

          ခေါင်းဆောင်တစ်ယောက်က ပြောဖူးတယ်။ ကျုပ်မှာ ခေါင်းဆောင်မှုအတတ်ပညာရှိတယ်ဆိုရင် အဲဒါ

ဟာ ကျုပ်အနေနဲ့ အမှားတွေလုပ်နိုင်သလောက်များအောင် ခပ်သွက်သွက်လုပ်ပြီး၊ ဒီအမှားတွေထဲကနေ သင်ခန်းစာယူတာပဲ ဖြစ်ရမယ်တဲ့။

          နောက်တစ်ယောက်ကတော့ အမေရိကန်သမ္မတကြီး ဟယ်ရီထရူးမင်းရဲ့ ကျော်ကြားတဲ့ အဆိုအမိန့် ကိုပြန်အစဖော်တယ်။ သမ္မတကြီးက ကျုပ်က ဆုံးဖြတ်ချက်အမှားတစ်ခုကို လုပ်မိပြီဆိုရင် အသာကလေး အပြင်ထွက်ပြီး နောက်ထပ်ဆုံးဖြတ်ချက် အမှားတစ်ခု ထပ်လုပ်တယ်လို့ ဆိုသတဲ့။

          ကော့ပါးစ်  ဆောက်လုပ်ရေးပစ္စည်းနဲ့ ဆောင်ရွက်မှုလုပ်ငန်းကုမဏီကြီးရဲ့ ဥက္ကဠရာထူးကနေ အနား ယူသွားတဲ့ ဖလက်ထျာဘိုင်ရွန်ကို သူဆုံးဖြတ်ချက်ချပြီး လုပ်ကိုင်ခဲ့ရတဲ့အထဲမှာ ဘယ်ဟာဖြင့် အခက်ခဲဆုံး ပါလို့မေးတော့၊ သူက “ခက်ခဲတဲ့အဆုံးအဖြတ်ဆိုတာ ဘယ်ဟာရယ်လို့ ကျွန်တော်မသိပါဘူး။ ကျွန်တော် လုပ်ခဲ့သမျှ အတတ်နိုင်ဆုံးအကောင်းဆုံး ကြိုးစားလုပ်တာပါပဲ။ စိုးရိမ်စိတ်ဆိုတာ အတွေးလမ်းကြောင်းမှာ အဟနု့်အတား တွေနဲ့ ပိတ်ဆို့ထားတတ်တယ်ဗျ” လို့ ပြန်ဖြေတယ်။

          ဘဲ့နဲ့လဲ၊ မှားမှာစိုးရိမ်တုန်းဘဲ့လား၊ ရှုံးနိမ့်မှာ ကြောက်ကြတုန်းလား။ လူတိုင်းမှာ အစွမ်းအစရှိတယ်။

ကိုယ့်အစွမ်းအစကို ကိုယ်ယုံကြည်ဖို့ဘဲ လိုတယ်။ ကိုယ့်ကိုယ်ကို ယုံကြည်စိတ်အပြည့်နဲ့ ကိုယ်အတတ်နိုင် ဆုံး၊အကောင်းဆုံးသာကြိုးစားပြီး လုပ်လိုက်စမ်းပါ။ မှန်ရစေ့မယ်။ မှန်သမှ သွေးထွက်အောင် မှန်တယ်ဆို သလို၊ ပစ်မှတ်ဗဟိုတည့်တည့်ကို မှန်မှာ။ ပြီးတော့ရင်ထဲမှာ လိုဏ်သံဟပ်ပြီး၊ နားဝမှာ ပဲ့တင်ထပ်လာမယ့် အသံကြီးတစ်သံကြားရဦးမယ်။ အဲဒါက “ဂိုး” လို့ အင်နဲ့အားနဲ့တစ်ခဲနက် ဩဘာသံ။

         မြင့်စိုးလှိုင်

ရနှံ့သစ် မဂဇင်းမှ