23.10.2011 နေ့ဖတ်ရန်သတင်းများ
by Myanmar Journal on Sunday, October 23, 2011 at 6:53am
ွကဒါဖီအလောင်းကို ဘာလုပ်ကြမလဲ
အလောင်းကို လာရောက် ကြည့်ရှုသူတွေဟာ အနံ့ အသက်ဆိုးကို ခံနေရပါတယ်
လစ်ဗျားခေါင်းဆောင် ဗိုလ်မှူးကြီးကဒါဖီ သေဆုံးပြီး ၂ ရက်ကြာသည်အထိ သူ ဘယ်လို သေဆုံးခဲ့ပြီး၊ သူ့ရဲ့အလောင်းမှာ ဘာတွေ ဖြစ်ခဲ့တယ် ဆိုတာ ဘာမှ အသေအချာ မသိရ သေးပဲ ရှိနေပါတယ်။
သူ့ရဲ့အလောင်းကို မစ္စရာတာ မြို့က အသားတွေ ထားတဲ့ အအေးခန်းထဲမှာ ထည့်ထားပြီး၊ အလောင်းဟာ အခုတော့ စပြီး ပုပ်လာနေပြီ ဖြစ်ပါတယ်။
အနံ့အသက်ဆိုးတွေ ထွက်လာ နေပြီဖြစ်တာကြောင့် အလောင်းကို လာရောက် ကြည့်ရှုသူ တွေဟာ သူတို့ရဲ့ နှာခေါင်းတွေကို ပိတ်ကာထားကြပါတယ်။
အမျိုးမျိုးသော အဖွဲ့ခွဲတွေအကြား ကဒါဖီရဲ့အလောင်းကို ဘာလုပ်မလဲ ဆိုတာနဲ့ ပတ်သက် ပြီး၊ သဘောထား ကွဲလွဲမှုတွေ ရှိနေပုံပေါ်တယ်လို့ ဘီဘီစီ သတင်းထောက်က ပြောပါတယ်။
ကဒါဖီ ဘယ်လို သေဆုံးခဲ့ရတယ်ဆိုတာကို အတိအကျ သိရှိရဖို့အတွက် သူ့ရဲ့အလောင်းကို သေမှုသေခင်းဆိုင်ရာ စုံစမ်းစစ်ဆေးမှု လုပ်တော့မှာလည်း ဖြစ်ပါတယ်။
ဒါပေမယ့်လို့ တချို့ တပ်မှူးတွေကတော့ ခွဲစိတ် စစ်ဆေးတာမျိုးကို လုပ်မှာ မဟုတ်ဘူး လို့လည်း ပြောဆိုနေကြပါတယ်။
စစ်ကိုင်းတိုင်းအထက်ပိုင်း ကလေးမြို့၊ ကလေးဝမြို့ နဲ့ မကွေးတိုင်း ဂန့်ဂေါမြို့ တွေမှာ မိုးများလို့ ရေကြီးခဲ့ပြီး ပခုက္ကူ ဒေသ က ရွှေချောင်း ချောင်းရေ ကြီး မှု မှာတော့ သေဆုံးမှု ဦးရေ မြင့်တက် လာနေပါတယ်။
အောက်တိုဘာ ၂၀ ရက် မနက်က ရွှေချောင်း ချောင်းရေ အင်နဲ့အားနဲ့ ကျခဲ့လို့ ရေတိုက်စား သွားတဲ့ ပခုက္ကူမြို့ အနီးမှာ စနေနေ့ ညနေ အထိ တွေ့ရှိရတဲ့ လူသေ အလောင်း က စုစုပေါင်း ၈၀ ကျော် သွားပြီ ဖြစ်ပါတယ်။
ဘုန်းကြီးကျောင်းတွေမှာ ဖွင့်ထားတဲ့ ရေဘေးကူညီရေး စခန်းတွေမှာ ဒုက္ခသည် ဦးရေ ဟာ လည်း ၂၀၀၀ ကျော် ရှိ သွား ပြီလို့ ဒေသခံတွေ အပြော အရ သိရပါတယ်။
ပခုက္ကူမြို့ က နောက်ဆုံး အခြေအနေ ကို လူမှုရေး ကူညီနေသူ တဦးက ဘီဘီစီ ကို ပြောပြ ရာမှာတော့ သေဆုံးသူ စာရင်း ကောက်တဲ့သူ ဒေါက်တာသက်လွင် ရဲ့ စာရင်း အရ အလောင်း ၈၃ လောင်း တွေ့ ရပြီ လို့ ပြောပါတယ်။
လက်ရှိ အခြေအနေမှာ ပျောက်ဆုံးစာရင်းက ၁၀၀ ကျော် ရှိ နေတယ်လို့ ခန့်မှန်း နေကြ ပါတယ်။
ချောင်းရေ တိုက်စား သွားတဲ့ အမှတ် ၃ ရပ်ကွက် အရှေ့ဖျား နေရာတွေ က ကျူးကျော် နေအိမ်တွေ အများစုဖြစ်လို့ အိမ်ထောင်စု စာရင်း မရှိ ကြသူတွေ လည်း ရှိနေ တာကြောင့် အာဏာပိုင်တွေ အနေနဲ့ စာရင်း အတိအကျ ကောက်ဖို့ ခက်ခဲ နေတယ်လို့ လည်း သိရ ပါတယ်။
ခုချိန်မှာတော့ ရွှေချောင်း ချောင်းရေဟာ ကျသွားပြီဖြစ်လို့ မန္တလေး မုံရွာ စတဲ့မြို့တွေကို သွားလာ နိုင်ဖို့ ကျိုးသွားတဲ့ တံတားအထက်နား မှာ ချောင်းပြင် ကို ဖြတ်ပြီး ယာယီ ကားလမ်းဖေါက်ပေးထား တယ် လို့ လည်း သိရ ပါတယ်။
မကွေးတိုင်းဝန်ကြီးချုပ် ကိုယ်တိုင်လည်း ရေဘေးသင့် ဒေသ ကို ကွင်းဆင်း စစ်ဆေး တာတွေ လုပ်နေတယ် လို့ ဒေသခံ တွေက ပြောပါတယ်။
အောက်တိုဘာ ၁၉ ရက် က မိုးများခဲ့လို့ စစ်ကိုင်းတိုင်း အထက်ပိုင်း ကလေး နဲ့ ကလေးဝ မှာလည်း မြစ်သာမြစ် နဲ့ နေရဉ္စရာမြစ်ရေ ကြီးလို့ ကလေးမြို့ပေါ် ရပ်ကွက် ၃ ခု နဲ့ ရွာ ၈ ရွာလောက် ရေမြုပ် နေပါတယ်။
ကလေးမြို့ ပတ်ဝန်းကျင်မှာ ရေကြီးပြီး လမ်းတွေ ပျက်နေတာကြောင့် ကလေး ဒေသခံ တွေ အခက်အခဲ ဖြစ်နေတဲ့ အခြေအနေကို ဒေသခံ တယောက် က ဘီဘီစီ ကို ပြောပြ ရာမှာတော့ ညောင်ပင်သာ ဆိုရင် အရှေ့ဖျား၊ မင်္ဂလာဦးရပ်ကွက် ဆိုရင်လည်း အရှေ့ဖျား၊ နောက် မင်္ဂလာဦး ရပ်ကွက်က မြောက်ဖက်အဖျားက ကန်တလင်း အရှေ့ရွာ၊ နတ်မြောင်း၊ ဇိန်းကလင်း၊ ဖားအိုင်တဲ့ မဲဇလူ တို့ ရေကြီး နေကြကြောင်း နဲ့ ၊ တနေ့လုပ်မှ တနေ့စားရတဲ့ ဒေသခံတွေ ဟာ စားစရာလည်းမရှိ ကြ တာ၊ ရထားလမ်း ကလည်း မရှိ၊ ကားလမ်း ကလည်း မရှိ ဖြစ်နေ တဲ့ အခြေအနေ တွေ ကို ပြောပြ ပါတယ်။
ကလေးမြို့ က ရေဘေး ဒုက္ခသည် တွေကိုတော့ အောင်မင်္ဂလာ ဇာတ်ရုံ နဲ့ စာသင်ကျောင်း တွေမှာ ကယ်ဆယ်ရေး စခန်းဖွင့်ပြီး သက်ဆိုင်ရာက ကူညီ နေ ပါတယ်။
မကွေးတိုင်း ဂန့်ဂေါမြို့ မှာလည်း မြို့လယ် ကြိုးတံတား ပျက်စီး သွားသလို ချောင်းကူး တံတားတွေ အတော်များများ ပျက်စီးသွားလို့ သွားလာရေးတွေ ခက်ခဲ နေတယ် လို့ သိရ ပါတယ်။
ဒီလိုဖြစ်ရတဲ့ အခြေအနေတွေဟာ သစ်တောတွေ စည်းကမ်းမဲ့ ခုတ်လို့ မြေတိုက်စားတာတွေ၊ ဆည်တမံတွေရဲ့ ခံနိုင်အားတွေ နဲ့ သက်ဆိုင်တယ်လို့ သစ်တော သယံ ဇာတ ပတ်ဝန်းကျင် ဖွံ့ဖြိုး တိုးတက်ရေး နဲ့ ထိန်းသိမ်းရေး အသင်း ရဲ့ ဒုတိယ ဥက္ကဋ္ဌ ဦးအုန်းက သုံးသပ် ပါတယ်။
ချောင်းရေတွေ က မိုးများလို့ က တကြောင်း၊ ဆည်တွေက ရေဒဏ်ကို မခံနိုင်တော့ ဆည်ဘောင်တွေပါ ကျိုးကျတော့ ရွာတွေပါ အကုန်လုံးမျောပါသွားတယ်၊ ဒါက မြစ်ရိုး တလျှောက်မှာ ဆည်တွေလုပ်တာဟာ အန္တရာယ်များတယ်ဆိုတာကို သက်သေပြတာ ဖြစ်တယ် လို့ ဦးအုန်း က ပြော ပါတယ်။
အခုလထဲမှာ တိုက်ပွဲငယ်ပေါင်း အကြိမ် (၄၀) ထက် မနည်း ဖြစ်ပွားခဲ့တယ်လို့ ဆိုပါတယ်
တိုးတက်သော ကရင်ဗုဒ္ဓဘာသာတပ်မတော် DKBA၊ ကရင်အမျိုးသား အစည်းအရုံး KNU နဲ့ ABSDF ကျောင်းသား တပ်မတော် ပူးပေါင်း တပ်ဖွဲ့ တွေက အစိုးရ စစ်တပ် ခမရ (၂၀၅) တပ်ဖွဲ့ကို သောကြာ နေ့ည ၇ နာရီ ၁၅ မိနစ်မှာ ဆွဲမိုင်းနဲ့ တိုက်ခိုက်ရာ၊ အစိုးရဘက်က (၁၃) ဦး ကျဆုံးပြီး (၄) ဦး ဒဏ်ရာ ရရှိ သွားတယ် လို့ DKBA ပူးပေါင်းတပ်ဖွဲ့က ပြောဆိုလိုက် ပါတယ်။
ကရင်ပြည်နယ် မြဝတီမြို့နယ် သေ့ပေါ်ဘိုးရွာ နဲ့ တောင်နီကျေးရွာကြားမှာ လှုပ်ရှားနေတဲ့ အစိုးရ တပ်မ (၂၂) လက်အောက်ခံ ခမရ (၂၀၅) တပ်ရင်းကို ပူးပေါင်းတပ်ဖွဲ့က ဆွဲမိုင်းနဲ့ ခွဲပြီး ချုံခို တိုက်ခိုက်လိုက်တာပါ။
အဲဒီတိုက်ပွဲမှာ KNU တပ်ရင်း (၁၀၃) တပ်ဖွဲ့ က ဆရာဖိုးလေး ဦးဆောင်ပြီးတော့ DKBA (၉၀၉) တပ်ဖွဲ့နဲ့ အတူ ABSDF ကျောင်းသားတပ်တွေ ပူးပေါင်းပြီး တိုက်ခိုက် လိုက်တာ ဖြစ်တယ်လို့ ဒီကေဘီအေ ပူးပေါင်းတပ်ဖွဲ့မှ ပြောခွင့်ရသူ ရဲဘော် ဒဿက ပြောပါ တယ်။
ကျဆုံးတဲ့ သူတွေထဲမှာ ဗိုလ်မှူးလစာနှင့် ဗိုလ်ကြီးတဦးအပါဝင် အရာခံဗိုလ်တဦးနှင့် တပ်ကြပ်ကြီး (၂) ဦးလည်း ပါဝင်တယ်လို့ ဆိုပေမဲ့ သီးခြား အတည်ပြုချက်တော့ မရ သေးပါဘူး။
မြဝတီမြို့နယ် တောင်ဘက်ခြမ်းဒေသကို အစိုးရကနေ တပ်ရင်း (၁၂) ရင်း ကျော်သုံးပြီး ပြီးခဲ့တဲ့ သြဂုတ်လဆန်းကစလို့ အဆက်မပြတ် စစ်ဆင်နေတာ ဖြစ်တဲ့အတွက် အခုလ ထဲမှာ တိုက်ပွဲငယ်ပေါင်း အကြိမ် (၄၀) ထက်မနည်း ဖြစ်ပွားခဲ့တယ်လို့ ဆိုပါတယ်။
စစ်ဖြစ်ပွားရာ ကချင်ပြည်နယ်ဘက်ကို အစိုးရစစ်တပ်ရဲ့ရိက္ခာတွေ ပို့ဆောင်ပေးဖို့ အတွက် အထမ်းသမားတွေ လိုအပ်နေလို့ မြစ်ကြီးနားမြို့ပေါ်မှာ ပေါ်တာဆွဲဖို့ ပြင်ဆင်နေတယ်လို့ သိရပါတယ်။
အစိုးရစစ်တပ်နဲ့ ကချင်လွတ်လပ်ရေး တပ်မတော် KIA တို့ စစ်ဖြစ်ပွားရာ ရှေ့တန်း ဒေသတွေအတွက်၊ အစိုးရစစ်တပ်က ရိက္ခာ ပို့ဆောင်ဖို့နဲ့ လမ်းပြအဖြစ် အသုံးပြုဖို့ လူအင်အားတွေ လိုအပ်နေသေးတယ်လို့ မြစ်ကြီးနားမြို့နယ် အုပ်ချုပ်ရေးမှူးက မြို့ပေါ်ရပ်ကွက် အုပ်ချုပ်ရေးမှူးတွေကို အစည်းအဝေးခေါ်ပြီး ပြောကြားခဲ့တာ ဖြစ်ပါတယ်။
မြို့တော်ခန်းမမှာ ပြုလုပ်ခဲ့တဲ့ ဒီအစည်းအဝေးမှာ အစိုးရရဲ့ စစ်ဆင်ရေးအတွက် လမ်းပြတွေ၊ အထမ်းသမားတွေ လိုအပ်လာရင် ရပ်ကွက်တခုကို လူ အယောက် ၅၀ စီ တောင်းခံသွားမယ်ဆိုပြီး၊ အသိပေး ပြောကြားသွားတယ်လို့ ဒေသခံတယောက်က ပြောပြပါတယ်။
ဘယ်နေ့ ဘယ်အချိန်မှာ ဆင့်ခေါ်မယ်ဆိုတာကိုတော့ မပြောသေးဘူးလို့လည်း သူက ဆိုပါတယ်။ ဒါပေမဲ့ ပြည်သူလူထုတွေကတော့ ပေါ်တာဆွဲခံရမှာ စိုးတဲ့အတွက် ည (၇) နာရီ ကျော်တာနဲ့ အိမ်ပြင် မထွက်ရဲကြတော့ဘူးလို့ ပြောပါတယ်။
အဲဒါကြောင့် အခုဆိုရင် မြစ်ကြီးနားမြို့ပေါ်မှာ ည ၇ နာရီ အချိန်လောက် ဆိုရင် တိတ်ဆိတ် နေပြီလို့ အဲဒီဒေသခံက ပြောပါတယ်။
မြစ်ကြီးနား မြို့စွန်ရပ်ကွက်တွေဖြစ်တဲ့ တပ်ကုန်း၊ မန်ထိန်၊ ကျွန်းပင်သာ စတဲ့ရပ်ကွက်တွေနဲ့ ဝိုင်းမော်ဘက်တွေမှာတော့ အရင်ကတည်းက ပေါ်တာ ဆွဲနေခဲ့သလို အခုချိန်ထိလဲ ဆွဲနေ တုန်း ဖြစ်တယ်လို့ သိရပါတယ်။
မြန်မာနိုင်ငံရဲ့ လွတ်လပ်ရေးဖခင် ဗိုလ်ချုပ် အောင်ဆBန်းရဲ့ပုံကို အစိုးရရုံးတွေမှာ ချိတ်ဆွဲခွင့် ရှိမရှိဆိုတာကို လွှတ်တော်အမတ် တစ်ဦးက အစိုးရကို မေးမြန်းရာမှာ သမ္မတရုံး ဝန်ကြီးက လက်ရှိ နိုင်ငံတော်အကြီးအကဲပုံသာ ချိတ်ဆွဲခွင့် ပြုတယ်လို့ ပြန်ဖြေပါတယ်။
ရှမ်းတိုင်းရင်းသားများ ဒီမိုကရက်တစ်ပါတီ SNDP က မိုင်းပန်မြို့နယ် ပြည်သူ့လွှတ်တော် ကိုယ်စားလှယ် ဦးထွန်းမြင့်ဦးက သောကြာ နေ့က ပြည်သူ့လွှတ်တော်အတွင်းမှာ အစိုးရကို မေးမြန်းခဲ့တာပါ။
သမ္မတရုံး ပြည်ထောင်စု ဝန်ကြီး ဦးစိုးမောင်ကတော့ လက်ရှိ နိုင်ငံတော်အကြီးအကဲပုံသာ ခွင့်ပြုထားပြီး အရင်ခေါင်းဆောင်တွေပုံကို ခွင့်ပြုမထားဘူးလို့ ပြန်ဖြေတာ ကြားခဲ့ရကြောင်း လွှတ်တော်တက်ခဲ့သူ တခြား ပြည်သူ့လွှတ်တော် အမတ်တစ်ဦးဖြစ်တဲ့ ဦးသိန်းညွန့်က ဘီဘီစီကို ပြန်ပြောပြပါတယ်။
မေးမြန်းသူ ဦးထွန်းမြင့်ဦးဟာ အရင်က အထွေထွေ အုပ်ချုပ်ရေးက အစိုးရ ဝန်ထမ်းတစ်ဦး ဖြစ်ပြီး ၁၉၉၇ ခုနှစ် လောက်ထိ သူတို့ရုံးမှာ ဗိုလ်ချုပ်ပုံကို ချိတ်ခဲ့တယ်လို့ ပြောကြောင်း သိရပါတယ်။
ယောနယ် ပုံတောင်ပုံညာကနေ စီးလာတဲ့ ယောချောင်းနဲ့ ကျောချောင်းကရေတွေ အဆမတန် များတာကြောင့် ပခုက္ကူခရိုင် ပေါက်မြို့နယ်နဲ့ ဆိပ်ဖြူမြို့နယ်က ရွာပေါင်း ၆၀ ကျော်ရေမြုပ်ပျက်စီးခဲ့သလို လူတွေ ၁၀ ဂဏန်းထိ သေဆုံးခဲ့ပါတယ်။
ပြီးခဲ့တဲ့ အောက်တိုဘာ ၁၇ ရက်ကစပြီး မြန်မာပြည် အနောက်ပိုင်းမှာ မိုးအဆက်မပြတ် ရွာသွန်းခဲ့တာကြောင့် ၁၉ ရက်နေ့ညမှာ ချောင်းရေတွေ အတော် မြင့်တက် လာတာကြောင့် ယောချောင်းနဲ့ ကျောချောင်းဘေးက ရွာတွေက စိုက်ခင်းတွေ လူနေအိမ်တွေ ရေနစ်မြုပ်ခဲ့ပါတယ်။
ယောချောင်းနဲ့ ကျောချောင်းဆုံတဲ့ ပေါက်မြို့နယ်ကနေ အောက်ပိုင်း ဆိတ်ဖြူမြို့နယ်ထိ ပျက်စီးဆုံးရှုံးခဲ့ရတယ်လို့ ပေါက်ဒေသခံတယောက်က ပြောပါတယ်။
''မင်းကိုင်းရွာက ရွာလုံးကျွတ် ရေလွှမ်းဒဏ်ခံရတယ်။ တရွာလုံး ဘုရားကုန်းပေါ်မှာ တက်နေရတယ်။ စဖန်တို့ ရွှေဘုံသာ တို့မှာလည်း စိုက်ခင်းတွေပျက်စီးတယ်။ စိုက်ခင်းကတော့ ရွာတိုင်းပျက်တာဗျ။ လမ်းဘေး ဝဲယာမှာလေ။ ညောင်ဝန်းပေါက် ရွာပေါ့။ ရွာတရွာလုံးရေမြုပ်တာ။ ရေပြာက တော်တော် များတယ်။ လူ ၆ ယောက် သေတယ် ။ ရေပြာတံတားက တိုင်ပဲကျန်တယ်။ အုန်းတောတံတားကလည်း တိုင်ပဲကျန်တယ်။''
''ဆိပ်ဖြူဖက်တွေကလည်း ရွာ ၃၀ လောက်နစ်တယ်။ ချောင်းနားရွာက အိမ်ခြေ ၆၆ အထိ ပျက်စီးတယ်၊ လူ ၂ ယောက်သေတယ်။ နောက် ချောင်းမ အထက်နားက ဘို့မယ်ဆိုတဲ့ရွာက ဘုန်းကြီးကျောင်းကြီး ကျွတ်ပြီးတော့မှ ကျောင်းပေါ်မှာ ဘုန်းကြီး ၈၅ နှစ်အရွယ် ဘုန်းတော်ကြီးရော ကျောင်းထိုင် ဘုန်းတော်ကြီးရော ရေမျောပြီးတော့ ပျံလွန်တော်မူတယ်။''
ပေါက်မြို့ဘေးမှာရှိတဲ့ ဆင်စာချောင်း တံတားမှာ ဒိုက်တွေပတ်ပြီး ရေတားသလို ဖြစ်သွားလို့ ပေါက်မြို့ပေါ်က ဈေးကြီးအပါအ၀င် ရပ်ကွက် ၅ ခု လောက်လည်း ရေ၀င်သွားခဲ့တယ်လို့ ဒေသခံက ပြောပါတယ်။
ပေါက်မြိုနားက ကျွန်းတော ချောင်းကူး၊ ဘို့မယ် ရေပြာ စတဲ့ ရွာတွေက ကြက်သွန်ခင်းတွေ ဗာဂျီးနီးယား စိုက်ခင်းတွေနဲ့ လယ်တွေ ၉၅ ရာနုန်းလောက် ပျက်စီး ကုန်တယ်လို့ သိရပါ တယ်။
ချောင်းခင်းတွေ မဆင်မခြင်စိုက်ပျိုးတာနဲ့ချောင်းတွေက ကောနေတဲ့အတွက် မိုးသည်း ထန်စွာ ရွာတဲ့အခါ ရေက ကြီးပြီး ရေလွှမ်းသွားတာ ဖြစ်နိုင်တယ်လို့ ဒေသခံက ပြောပါတယ်။
ယောချောင်းကိုဖြတ်သွားတဲ့ ရေပြာချောင်းတံတားနဲ့ အုန်းတောတံတားကျိုးသွားတာအပြင် ချောင်းအထက်ပိုင်းက လမ်းပိုင်းတွေမှာ တောင်ပြိုတာကြောင့် ချင်းပြည်နယ်နဲ့ ကျောက်ထု ဆော နဲ့ပေါက် စတဲ့အထက်ပိုင်းမြို့တွေနဲ့ ပခုက္ကူကို လအတော်ကြာထိ ဆက်သွယ်မှု ပြတ်တောက် နိုင်တယ်လို့ သိရပါတယ်။
မကွေးတိုင်းအုပ်ချုပ်ရေးအဖွဲ့ကလည်း ပခုက္ကူတဝိုက် ကွင်းဆင်း စစ်ဆေးနေတယ်လို့ သိရပါတယ်။
ဒုတိယ ပင်လုံညီလာခံ ခေါ်ယူရေး ဆက်လုပ်မယ်လို့ ဦးတင်ဦးပြော
2011-10-22
ဒုတိယအကြိမ် ပင်လုံညီလာခံ သို့မဟုတ် ၂၁ ရာစု ပင်လုံညီလာခံ ကျင်းပရေးနဲ့ ပတ်သက်ပြီး ဆက်လက် ဆောင်ရွက်မှာ ဖြစ်တယ်လို့ NLD ဒုတိယ ဥက္ကဋ္ဌ ဦးတင်ဦးက ပြောပါတယ်။
ပြီးခဲ့တဲ့၂ဝ၁ဝ ခုနှစ် အောက်တိုဘာလ ၂၄ ရက်နေ့က စစ်ကိုင်းတိုင်း ကလေးမြို့မှာ ကျင်းပတဲ့ ဇိုမီး အမျိုးသား ကွန်ဂရက် ၂၂ နှစ်မြောက် အခမ်းအနားမှာ ဒုတိယ ပင်လုံညီလာခံ ခေါ်ယူရေး ကြိုးပမ်းဖို့ တိုင်းရင်းသားနဲ့ နိုင်ငံရေးအင်အားစု ခေါင်းဆောင်တွေ အပါအဝင် ဒီမိုကရေစီရေး လှုပ်ရှားသူတွေ သဘောတူ လက်မှတ်ရေးထိုးခဲ့ကြပြီး ကလေးမြို့ ကြေညာစာတမ်းကို ထုတ်ပြန်ခဲ့တာပါ။
ဒီထုတ်ပြန်ချက်အရ ဒေါ်အောင်ဆန်းစုကြည် နေအိမ်အကျယ်ချုပ်က လွတ်မြောက်လာပြီးနောက် ဒုတိယအကြိမ် ပင်လုံညီလာခံ ကျင်းပနိုင်ရေးကို အင်နဲ့အားနဲ့ ဆောင်ရွက်ဖို့ ဆုံးဖြတ်ခဲ့ကြပေမယ့် လက်ရှိမှာ ညီလာခံကျင်းပရေး ပြောဆိုသံတွေ မှေးမှိန်နေပါတယ်။ ဒီကိစ္စနဲ့ ပတ်သက်ပြီး NLD ဒုတိယ ဥက္ကဋ္ဌ ဦးတင်ဦးက အခုလို ပြောပါတယ်။
“ပင်လုံညီလာခံ ကိစ္စနဲ့ပတ်သက်တာ အားလုံးကို ကျနော်တို့က ဖျက်လိုက်ပြီ မလုပ်တော့ဘူးလို့ ပြောတာမှ မရှိပဲကိုး။ အဲဒါကြောင့် ဒါနဲ့ပတ်သက်လို့ ဆက်ပြီး ဆောင်ရွက်ဖို့ ရှိနေသေးတယ်လို့ ကျနော် ပြောတာပါ”
ဒုတိယအကြိမ် ပင်လုံညီလာခံ ကျင်းပရေးနဲ့ ပတ်သက်ပြီး ကလေးမြို့ ကြေညာစာတမ်းကို လက်မှတ် ရေးထိုးသူတွေထဲမှာ အမျိုးသား ဒီမိုကရေစီအဖွဲ့ချုပ် ခေါင်းဆောင်တွေဖြစ်တဲ့ ဦးတင်ဦး၊ ဦးဝင်းတင်၊ မွန်အမျိုးသား ဒီမိုကရေစီအဖွဲ့ချုပ် ခေါင်းဆောင်တွေဖြစ်တဲ့ နိုင်ငွေသိန်း၊ နိုင်ထွန်းသိန်း၊ ကရင် အမျိုးသားကွန်ဂရက်က စောဟာရီ၊ ဝါရင့် နိုင်ငံရေးသမားကြီးတွေ ဖြစ်တဲ့ သခင်သိန်းမောင်၊ ပြည်ထောင်စု တိုင်းရင်းသားလူမျိုးများ ဒီမိုကရေစီအဖွဲ့ချုပ်က ဦးထောင်ခိုထန်း စတဲ့ ထင်ရှားတဲ့ ခေါင်းဆောင်တွေ ပါဝင်ကြပါတယ်။
ကင်ဆာရောဂါနဲ့ လွှတ်လာတဲ့ ကိုဇော်လင်းထွန်း
2011-10-22
မကြာသေးခင်က အင်းစိန်အကျဉ်း ထောင်ကနေ လွတ်မြောက်လာတဲ့ ကိုဇော်လင်းထွန်းဟာ ထောင်တွင်းမှာ အသည်းကင်ဆာရောဂါ ခံစားခဲ့ရပြီး မှန်ကန်တဲ့ ဆေးဝါးကုသခွင့် မရခဲ့တဲ့အတွက် ရောဂါ ပိုမိုဆိုးဝါးခဲ့တယ်လို့ သိရပါတယ်။
အသည်းကင်ဆာ ခံစားခဲ့ရတာကို ဆေးကုသခွင့် ချက်ခြင်းမပေးဘဲ ထောင်ဆရာဝန်တွေက တီဘီရောဂါကု ဆေးဝါးတွေကိုသာ ပေးခဲ့တဲ့အတွက် ရောဂါနဲ့ဆေး တခြားစီ ဖြစ်ခဲ့တယ်လို့ ပြောပါတယ်။
သူ့ကို လွှတ်ပေးလိုက်တာ ဝမ်းသာပေမယ့် ထောင်တွင်းမှာ ကျန်ခဲ့တဲ့ အသက်အရွယ် ကြီးရင့်သူတွေ အပါအဝင် နိုင်ငံရေးအကျဉ်းသား အားလုံးကို ပြန်လွှတ်ပေးမှသာ စစ်မှန်တဲ့ အမျိုးသား စည်းလုံးညီညွတ်ရေးကို ဖော်ဆောင်နိုင်မှာ ဖြစ်တယ်လို့ ပြောပါတယ်။
ဒါ့အပြင် ဘယ်ခေတ် ဘယ်အခါမဆို ကျောင်းသားသမဂ္ဂ ဆိုတာ ရှိသင့်တဲ့အတွက် ကျောင်းသားကျောင်းသူတွေ အားလုံးအနေနဲ့ ကျောင်းသားသမဂ္ဂ ပေါ်ပေါက်ရေးအတွက် ဆောင်ရွက်ကြဖို့လည်း ကိုဇော်လင်းထွန်းက တိုက်တွန်းလိုက်ပါတယ်။
ပခုက္ကူရေဘေး ၂ ရာခန့် သေဆုံး
2011-10-22
ပြီးခဲ့တဲ့ ကြာသပတေးနေ့ မနက်က ပခုက္ကူမြို့ ရွှေချောင်းရေကြီးမှုကြောင့် ဒီကနေ့အထိ ရရှိတဲ့ စာရင်းတွေအရ သေဆုံးသူ ၂ ရာ ကျော်သွားပြီလို့ သိရပါတယ်။
ချောင်းနဲ့နီးတဲ့ ဘုန်းကြီးကျောင်း ၂ ကျောင်း အပါအဝင် အမှတ် (၃) ရပ်ကွက်က တိုးချဲ့ကွက်သစ်နဲ့ လူနေအိမ်ခြေ ရာချီပြီး ရေထဲ မျောပါသွားတဲ့အတွက် အိုးမဲ့အိမ်မဲ့ ဖြစ်ရသူ ၂၅ဝဝ ကျော် ရှိနေပါတယ်။
ရေဘေးဒုက္ခသည်တွေကို မိုးကုတ် ရိပ်သာကျောင်းမှာ လူ တထောင်ကျော်၊ တိလောက ရာမ ကျောင်းတိုက်မှာ ၈ ရာကျော်၊ မ,တထောင် ကျောင်းတိုက်မှာ ၃ ရာကျော်၊ ကျောက်မီးကျောင်းတိုက်မှာ ၃ ရာကျော် အသီးသီး ခိုလှုံခွင့် ပြုထားသလို တချို့ကလည်း ဆွေနီးမျိုးစပ်တွေရဲ့ နေအိမ်တွေမှာ ခေတ္တ တည်းခိုနေရပါတယ်။
မြစ်ဆုံစီမံကိန်း ရပ်ဆိုင်းမှုကြောင့် ဆက်ဆံရေးမထိခိုက်ဟု တရုတ်သံအမတ်ပြော
2011-10-22
မြစ်ဆုံရေကာတာ စီမံကိန်း ရပ်ဆိုင်းခဲ့တာနဲ့ ပတ်သက်လို့ တရုတ်ကုမ္ပဏီဘက်က ဥပဒေကြောင်းအရ ဖြေရှင်းရဖို့ ဖြစ်လာခဲ့ကြောင်းနဲ့ ဒီပြဿနာကို နှစ်နိုင်ငံ အပြန်အလှန် လေးစားမှုနဲ့ အကျိုးစီးပွားတွေကို ထောက်ပြီး ဖြေရှင်းသွားဖို့ နှစ်နိုင်ငံစလုံးမှာ ဆန္ဒရှိကြောင်း မြန်မာနိုင်ငံဆိုင်ရာ တရုတ်သံအမတ်ကြီးက ပြောကြားလိုက်ပါတယ်။
ပြည်သူအများက ကန့်ကွက် ဝေဖန်လာတဲ့အတွက် မြန်မာအစိုးရက မြစ်ဆုံရေကာတာ စီမံကိန်း ရပ်ဆိုင်းခဲ့အပြီး တရုတ်-မြန်မာ ဆက်ဆံရေးနဲ့ ပတ်သက်လို့ စိုးရိမ်ပူပန်မှုတွေ ဖြစ်လာတဲ့အပေါ် တရုတ်အစိုးရပိုင် ဆင်ဟွာ သတင်းဌာနက မေးမြန်းရာမှာ တရုတ်သံအမတ်ကြီး လီကျန်းဝှာ (Li Junhua) က အခုလို ဖြေကြားလိုက်တာဖြစ်ပါတယ်။
မြန်မာနိုင်ငံအနေနဲ့ မိမိနိုင်ငံ ဖွံ့ဖြိုးရေးအတွက် အတိတ်မှာပဲ ဖြစ်ဖြစ် အနာဂတ်ကာလမှာပဲ ဖြစ်ဖြစ် ကိုယ့်လမ်းကိုယ် ရွေးချယ်လုပ်ကိုင် ဆောင်ရွက်တာကို တရုတ်နိုင်ငံက အမြဲ နားလည်ထောက်ခံ အားပေးကြောင်းလည်း Mr. Li Junhua က ပြောပါတယ်။
မြန်မာနိုင်ငံရဲ့ အချုပ်အခြာ ပိုင်ဆိုင်မှုကို ထိန်းသိမ်းရာမှာပဲ ဖြစ်စေ၊ စီးပွားရေးဖွံ့ဖြိုးမှုအတွက် ဖြစ်စေ၊ မြန်မာပြည်သူတွေ ဘဝ တိုးတက်ရေးအတွက် ဆောင်ရွက်တာပဲဖြစ်စေ၊ အမျိုးသား ပြန်လည်သင့်မြတ်ရေးနဲ့ ဒီမိုကရေစီရေး ဆောင်ရွက်တာပဲ ဖြစ်စေ၊ တရုတ်နိုင်ငံအနေနဲ့ မြန်မာနိုင်ငံကို အမြဲ ထောက်ခံအားပေးသွားမှာ ဖြစ်ပါတယ်လို့လည်း တရုတ်သံအမတ်ကြီးက စာနဲ့ရေးသား ဖြေကြားခဲ့တယ်လို့ တရုတ်အစိုးရ သတင်းဌာနက ဖော်ပြထားပါတယ်။
ဆော်ဒီအိမ်ရှေ့မင်းသား ကွယ်လွန်
By ဗွီအိုအေ (မြန်မာဌာန)
ဆော်ဒီအာရေဗျနိုင်ငံရဲ့ အိမ်ရှေ့မင်းသား ဆူလ်တန် ဘင် အက်ဘ်ဒူလ်အဇစ် (Sultan bin Abdul-Aziz) ဟာ အသက် ၈၀ ကျော်အရွယ်မှာ ကွယ်လွန်သွားပါတယ်။ သူဘာရောဂါနဲ့ ကွယ်လွန်သွားတယ် ဆိုတာကို ထုတ်ဖော်ပြောခြင်း မရှိပါဘူး။ အိမ်ရှေ့မင်းသား ပြည်ပမှာ ကွယ်လွန်သွားတယ် ဆိုတာကို ဆော်ဒီ မီဒီယာတွေမှာ ဒီကနေ့ သတင်းထုတ်ပြန် ကြေညာခဲ့ပါတယ်။
သူဟာ အမေရိကန်ပြည်ထောင်စု နယူးယောက်မြို့မှာ ဆေးကုသမှုခံနေရင်း သေဆုံးသွားတာလို့ အနောက်တိုင်း သတင်းတွေက ပြောကြပါတယ်။ ဘုရင်စနစ်အုပ်ချုပ်တဲ့ ဆော်ဒီအာရေဗျမှာ အိမ်ရှေ့မင်းသား ဆူလ်တန်ဟာ လက်ရှိဘုရင် အက်ဘ်ဒူလာရဲ့ အဖေတူအမေကွဲဖြစ်ပြီး သြဇာအညောင်းဆုံး ပုဂ္ဂိုလ်တယောက်လည်း ဖြစ်ခဲ့ပါတယ်။
၂၀၁၀ ခုနှစ်တုန်းကဆိုရင် ဘုရင် အက်ဘ်ဒူလာ နယူးယောက်မြို့မှာလာပြီး ဆေးကုသမှုခံချိန်မှာ သူက နိုင်ငံကို ယာယီအုပ်ချုပ်ခဲ့တာဖြစ်ပါတယ်။ ၂၀၀၉ ခုနှစ်တုန်းကလည်း အိမ်ရှေ့မင်းသား ဆူလ်တန်ဟာ ထုတ်ဖော်မပြောတဲ့ ရောဂါအတွက် အမေရိကန်မှာ လာရောက် ဆေးကုသခံခဲ့ပါတယ်။ ဒီလို ဆေး သွားမကုခင်မှာတော့ သူ့မှာ ကင်ဆာရောဂါ ရှိနေပြီလို့ စမ်းသပ်တွေ့ရှိခဲ့ပါတယ်။
ဆော်ဒီအာရေဗျရဲ့ ကာကွယ်ရေးနဲ့ လေကြောင်းဆိုင်ရာ ဝန်ကြီးတာဝန်ကို ၁၉၆၃ ခုနှစ်ကတည်းက ယူခဲ့ပါတယ်။ အိမ်ရှေ့မင်းသားဟာ နိုင်ငံရဲ့တပ်မတော်ကို ခေတ်မှီတပ်မတော်ဖြစ်အောင် တည်ထောင်ခဲ့သူ ဖြစ်တယ်လို့ အမေရိကန်မှာရှိတဲ့ ဆော်ဒီ သံရုံးကဆိုပါတယ်။
အိမ်ရှေ့မင်းသားရဲ့ အသုဘအခမ်းအနားကို ရီးယက် (Riyadh) မြို့မှာ အင်္ဂါနေ့ကျရင် ပြုလုပ်မယ်လို့ ဆော်ဒီသတင်းတွေမှာ ထုတ်ပြန်ထားပါတယ်။ အိမ်ရှေ့မင်းသား ဆူလ်တန် ကွယ်လွန်သွားတဲ့အတွက် အိမ်ရှေ့မင်းသားအသစ် ဘယ်သူဖြစ်မယ်ဆိုတာကို သက်ဆိုင်ရာက ကြေညာခြင်း မရှိသေးပေမဲ့ လက်ရှိပြည်ထဲရေးဝန်ကြီး မင်းသား နေရက်ဖ် (Nayef) ဖြစ်လာနိုင်ခြေ များပါတယ်။
ကွယ်လွန်သူ အိမ်ရှေ့မင်းသားဟာ ခိုင်မာတဲ့ ခေါင်းဆောင်တစ်ယောက်ဖြစ်ပြီး အမေရိကန်ပြည်ထောင်စုရဲ့ နှစ်ရှည်လများကတည်းက မိတ်ဆွေကောင်း ဖြစ်တယ်လို့ အမေရိကန် နိုင်ငံခြားရေးဝန်ကြီး ဟီလာရီ ကလင်တန် (Hillary Clinton) ကပြောပါတယ်။
လစ်ဗျားလွတ်မြောက်ရေးနေ့ မကြာခင် ကြေညာမည်
By ဗွီအိုအေ (မြန်မာဌာန)
လစ်ဗျားနိုင်ငံကို အပြည့်အဝ လွတ်လပ်တဲ့နိုင်ငံအဖြစ် မနက်ဖြန် တနင်္ဂနွေနေ့မှာ ကြေညာဖို့ လစ်ဗျား ယာယီအစိုးရခေါင်းဆောင်တွေက စီစဉ်နေကြပါတယ်။ ဒီလိုကြေညာပြီးသွားရင် အစိုးရသစ် တည်ထောင်တဲ့ လုပ်ငန်းတွေကို ပြတ်ပြတ်သားသား လုပ်နိုင်တော့မှာဖြစ်ပါတယ်။
ကြေညာချက်ကို အစိုးရဆန့်ကျင်ရေး လှုပ်ရှားမှုတွေအတွက် အချက်အခြာဖြစ်ခဲ့တဲ့ ဘန်ဂါဇီ (Benghazi) မြို့ကနေ ထုတ်ပြန်မယ်လို့ အသွင်ကူးပြောင်းရေးကောင်စီ NTC တာဝန်ရှိသူတွေက ဒီကနေ့ စနေနေ့မှာ ပြောပါတယ်။ နိုင်ငံရဲ့ အခြေခံဥပဒေကြမ်း ရေးဆွဲရေး အမျိုးသားကောင်စီ ကိုယ်စားလှယ်တွေကို ရွေးချယ်မယ့် ရွေးကောက်ပွဲကို ၈ လအတွင်း ကျင်းပသင့်တယ်လို့ ယာယီဝန်ကြီးချုပ် မာမွတ်ဂျစ်ဘရီလ် (Mahmoud Jibril) ကဒီကနေ့ ပြောကြားခဲ့ပါတယ်။
တချိန်တည်းမှာပဲ ခေါင်းဆောင်ဟောင်း မိုမာဂဒါဖီ (Moammar Gadhafi) ကို ဘယ်မှာမြှပ်နှံမလဲဆိုတာကို NTC က ရွေးချယ်နေပါတယ်။ လောလောဆယ် သူ့ရဲ့အလောင်းကို မစ်ရာတာ (Misrata) မြို့က အသားအရောင်းဆိုင် ဟောင်းတစ်ခုရဲ့ အအေးခန်းထဲမှာ ပြသထားပါတယ်။
ဂဒါဖီရဲ့အလောင်းကို ဗွီဒီယိုထဲမှာမြင်ရတဲ့အတိုင်းဆိုရင် သူ့ဘယ်ဘက်နားထင်မှာ သေနတ်ရာတစ်ခုနဲ့ ရင်ဘတ်အလယ်မှာ သေနတ်ဒဏ်ရာတစ်ခုကို တွေ့ရပါတယ်။
၂၀၁၁ အကုန် အီရတ်ရှိ အမေရိကန်တပ်အားလုံး ရုပ်သိမ်းမည်
By ဗွီအိုအေ (မြန်မာဌာန)
အီရတ်နိုင်ငံမှာရှိနေတဲ့ အမေရိကန်တပ်ဖွဲ့တွေ အားလုံးကို ဒီနှစ်ကုန်မှာ ပြန်ရုပ်သိမ်းမယ်လို့ သမ္မတ ဘရက်အိုဘားမားက ကြေညာလိုက်ပါတယ်။ အီရတ်ဝန်ကြီးချုပ် နိုရီအယ်လ်မလိကီ (Nouri Al-Maliki) နဲ့ မနေ့တုန်းကပဲ ဗွီဒီယိုကနေတဆင့် ပြောဆိုဆွေးနွေးခဲ့ပြီးနောက်ပိုင်း သမ္မတအိုဘားမားက ကြေညာချက် ထုတ်ပြန်ခဲ့တာပါ။
အီရတ်မှာရှိတဲ့ ကျနော်တို့ရဲ့ တပ်ဖွဲ့တွေ အားလပ်ရက်တွေ အတွက် အိမ်ကိုသေချာပေါက် ပြန်လာရပါ လိမ့်မယ်လို့ အိမ်ဖြူတော်မှာကျင်းပတဲ့ သတင်းစာရှင်းလင်းပွဲမှာ သမ္မတ အိုဘားမားက ပြောခဲ့ပါတယ်။ အခုလိုဆုံးဖြတ်ချက်ကို အီရတ်ဝန်ကြီးချုပ် မစ္စတာ မာလိကီရော၊ သူရော သဘောတူခဲ့ကြတာလို့လည်း ပြောပါတယ်။
အီရတ်နဲ့အမေရိကန် နှစ်နိုင်ငံအကြား ဆက်ဆံရေးမှာ အပြန်အလှန် အကျိုးတူဆက်ဆံရေးနဲ့ အပြန်အလှန် လေးစားမှုတွေကို အခြေခံပြီး အခန်းကဏ္ဍသစ်တစ်ခုအနေနဲ့ ဖြစ်ပေါ်လာလိမ့်မယ်လို့လည်း သမ္မတ အိုဘားမားက ပြောပါတယ်။ အီရတ်နိုင်ငံတွင်း လုံခြုံရေးနဲ့ ငြိမ်းချမ်းရေးအတွက် အမေရိကန်ဟာ အီရတ်ရဲ့လုပ်ဖော်ကိုင်ဖက်အဖြစ် ဆက်ပြီးရှိသွားမယ်လို့လည်း ဆိုပါတယ်။
အီရတ်နိုင်ငံရဲ့ အချုပ်အခြာအာဏာပိုင်ဆိုင်မှုကို တခြားနိုင်ငံတွေကလည်း လေးစားလိမ့်မယ်လို့ အမေရိကန် ပြည်ထောင်စုက မျှော်လင့်တဲ့အကြောင်းလည်း သမ္မတအိုဘားမားက ပြောပါတယ်။
သမ္မတအိုဘားမားရဲ့ ကြေညာချက်ထွက်လာပြီး မကြာခင်မှာပဲ အီရတ်ဝန်ကြီးချုပ် မာလိကီ ကလည်း ကြေညာချက်တစ်စောင် ထုတ်ပြန်ပါတယ်။ ဒီနှစ်အကုန်မှာ အမေရိကန်တပ်ဖွဲ့တွေ အီရတ်ကနေ အပြည့်အ၀ ရုပ်သိမ်းပြီးနောက်ပိုင်း နှစ်နိုင်ငံဆက်ဆံရေးအသစ် စတင်ဖို့ သူနဲ့သမ္မတအိုဘားမားတို့ အမြင်သဘောထား တူညီခဲ့ကြတယ်လို့ ကြေညာချက်မှာ ဖော်ပြထားပါတယ်။
၂၀၀၃ ခုနှစ်ကစခဲ့တဲ့ အီရတ်စစ်ပွဲမှာ အမေရိကန်စစ်သား ၄,၄၀၀ ကျော် ကျဆုံးခဲ့ရပါတယ်။
ယီမင် အာဏာလွှဲပြောင်းရေးလုပ်ဖို့ လုံခြုံရေးကောင်စီတိုက်တွန်း
By ဗွီအိုအေ (မြန်မာဌာန)
ယီမင်နိုင်ငံမှာ အစိုးရဆန့်ကျင်သူတွေကို အစိုးရဘက်က နှိမ်နင်းနေတာနဲ့ပတ်သက်လို့ ကုလသမဂ္ဂ လုံခြုံရေးကောင်စီက ပြစ်တင်ရှုတ်ချလိုက်ပါတယ်။ ယီမင်သမ္မတ အလီ အဗ္ဗဒူလာဆာလေး ကိုလည်း အာဏာကဆင်းပေးဖို့ လုံခြုံရေးကောင်စီက တိုက်တွန်းလိုက်ပါတယ်။ ကုလသမဂ္ဂ လုံခြုံရေးကောင်စီအဖွဲ့ဝင် ၁၅ နိုင်ငံလုံးက ဒီဆုံးဖြတ်ချက်ကို မနေ့ကပဲ တခဲနက် အတည်ပြုခဲ့ကြတာပါ။
ဒီနှစ်ဆန်းပိုင်းကစပြီး ယီမင်နိုင်ငံတ၀ှမ်းမှာ အစိုးရဆန့်ကျင်ရေး ဆန္ဒပြမှုတွေ ကျယ်ကျယ်ပြန့်ပြန့် ဖြစ်လာခဲ့ပြီးနောက်ပိုင်း ပထမဆုံးအကြိမ်အဖြစ် လုံခြုံရေးကောင်စီကနေ ဆုံးဖြတ်ချက်ချခဲ့တာပါ။ ယီမင်အစိုးရဟာ ဆန္ဒပြသူတွေကို အင်အားသုံးပြီး အကြမ်းဖက် နှိမ်နင်းနေတာတွေဟာ လူ့အခွင့်အရေး ချိုးဖောက်မှုတွေပဲလို့လည်း ဆိုပါတယ်။
ယီမင်နိုင်ငံသူ နိုဘဲလ်ငြိမ်းချမ်းရေးဆုရှင်လည်းဖြစ်၊ အတိုက်အခံလှုပ်ရှားသူလည်း ဖြစ်တဲ့ Tawakkul Karman နဲ့ ကုလသမဂ္ဂ အတွင်းရေးမှူးချုပ် မစ္စတာဘန်ကီမွန်းတို့ တွေ့ဆုံပြီး ၂ ရက်အကြာမှာ အခုလို ယီမင်နဲ့ပတ်သက်တဲ့ လုံခြုံရေးကောင်စီ ဆုံးဖြတ်ချက် ကျလာခဲ့တာပါ။ ကုလသမဂ္ဂရဲ့ ဆုံးဖြတ်ချက်ကို ကြိုဆိုတယ်လို့ နိုဘဲလ်ဆုရှင် မစ္စ် Karman က မနေ့က ပြောလိုက်ပါတယ်။ ဒါပေမဲ့ ဒီဆုံးဖြတ်ချက်က မထိရောက်ဘူးလို့လည်း သူက ပြောပါတယ်။ ဘာကြောင့်လဲဆိုတော့ ယီမင် ပြည်သူတွေမြင်ချင်နေတာက သမ္မတ ဆာလေးကို The Hague မြို့မှာရှိတဲ့ နိုင်ငံတကာခုံရုံးမှာ အရေးယူခံရတာပဲလို့ မစ္စ် Karman က ပြောပါတယ်။
ဦးတင်အောင်မြင့်ဦး တရုတ်နိုင်ငံသို့ ရောက်ရှိ
ဒုသမ္မတ သီဟသူရ ဦးတင်အောင်မြင့်ဦးသည် နန်နင်းမြို့၌ အောက်တိုဘာ၂၁ ရက်နေ့ကစတင်ပြီး ၆ ရက်ကြာ ကျင်းပမည့် ၈ ကြိမ် မြောက် တရုတ်-အာဆီယံ ကုန်စည်ပြပွဲတက်ရောက်ရန် ယမန်နေ့က တရုတ်နိုင်ငံသို့ ရောက်ရှိနေသည်။ ၎င်းသည် တရုတ် ၀န်ကြီး ချုပ် ၀မ်ကျားပေါင်နှင့်တွေ့ဆုံကြောင်း၊ မကြာသေးခင်ကရပ်နားထားသည့် မြစ်ဆုံဆည်ကိစ္စအပါအ၀င်၂ နိုင်ငံ ပူးပေါင်းလုပ်ဆောင် နေသော လုပ်ငန်းစီမံကိန်းများနှင့် စီးပွားရေးကိစ္စများ၊ မဟာဗျူဟာမြောက် ဆက်ဆံရေး ကိစ္စများကို ဆွေးနွေးကြကြောင်း China daily သတင်းတွင် ဖော်ပြထားသည်။
ဒေါ်အောင်ဆန်းစုကြည်နှင့် နိုင်ငံရေးအကျဉ်းသားများ တွေ့ဆုံ
မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်နှင့် မကြာသေးမီက လွတ်မြောက်လာသည့် နိုင်ငံရေး အကျဉ်းသားများ ယနေ့နံနက် ၁၁ နာရီခန့်က ရန်ကုန်မြို့ ရွှေဂုံတိုင်ရှိ အမျိုးသားဒီမိုကရေစီ အဖွဲ့ချုပ်(NLD) ရုံးချုပ်တွင် တွေ့ဆုံကြောင်း သတင်းရ သည်။
တိုင်းရင်းသားဝန်ကြီး ခံစားခွင့် ဥပဒေကြမ်း ရေးဆွဲမည်
တိုင်းရင်းသား ၀န်ကြီးများအား အခြေခံဥပဒေ၌ ပြဌာန်းထားသည့်အတိုင်း တိုင်းဒေသကြီး၊ ပြည်နယ်ဝန်ကြီးများ၏ ခံစားခွင့် အဆောင်အယောင်များနှင့် တပြေးညီရရှိစေရန် အဆိုကို အမျိုးသားလွှတ်တော်တွင် ယမန်နေ့က အတည်ပြုလိုက်သည်။ တိုင်း ရင်းသားဝန်ကြီးများ ခံစားခွင့်ဆိုင်ရာ ဥပဒေကို ပြင်ဆင်သည့် ဥပဒေကြမ်းအား ရခိုင်တိုင်းရင်းသားများ တိုးတက်ရေးပါတီမှ ဒေါက် တာ အေးမောင်က ရေးဆွဲ၍ ပြည်ထောင်စု လွှတ်တော်သို့ တင်ပြရန် ဆုံးဖြတ်ကြောင်း ယနေ့ထုတ် အစိုးရ မြန်မာ့အလင်း သတင်း စာ ၌ ဖော်ပြသည်။
ပခုက္ကူ ရွှေချောင်း အတွင်း လူသေ ၅၃ လောင်းတွေ့
မိုးများ၍ ရေကြီးမှုကြောင့် ပခုက္ကူမြို့ ရွှေချောင်းအတွင်းမျောပါလာသော လူသေ အလောင်း ၅၃ လောင်း တွေ့ရှိရကြောင်း၊ ပျောက်ဆုံးနေသူများကို ဆက်လက်ရှာဖွေနေဆဲဖြစ်ကြောင်း ပခုက္ကူ ရဲစခန်းက ပြော သည်။ အာဏာပိုင်များက ပခုက္ကူမြို့ပေါ်ရှိ တိလောက ကျောင်းတိုက်တွင် ကယ်ဆယ်ရေးစခန်း ဖွင့်လှစ် ထားသော်လည်း ကယ် ဆယ်ရေး ပစ္စည်းများလုံလောက်မှုမရှိသေးကြောင်း သိရသည်။
ပြည်တွင်းစစ်ကို အမြန်ဆုံးရပ်ပါ
မန်မာပြည်မြောက်ပိုင်း ကချင်ဒေသတွင် ဖြစ်ပွားနေသည့် တိုက်ပွဲများ ပိုမို အရှိန်မြင့်လာသောကြောင့် ဒေသခံပြည်သူ ၃ သောင်းခန့် တို့မှာ စစ်ပြေးဒုက္ခသည်များအဖြစ် အခက်အခဲနှင့် ရင်ဆိုင်နေကြရသည်။
ထိုတိုက်ပွဲများနှင့် ပတ်သက်၍ နိုင်ငံတကာကလည်း ဝေဖန်ပြောဆိုမှုများ ရှိလာနေသည်။ နယူးယောက်အခြေစိုက် လူ့အခွင့်အရေး စောင့်ကြည့်အဖွဲ့ (HRW) က မကြာသေးခင်ကပင် ကချင်ဒေသရှိ ပြည်သူများအား နိုင်ထက်ကလူမပြုရန် မြန်မာအစိုးရကို တောင်းဆိုလိုက်သည်။
တိုင်းရင်းသားဒေသများတွင် စစ်ပွဲများ ဖြစ်ပွားနေခြင်းက မြန်မာအစိုးရအတွက် အမျိုးသားပြန်လည် ရင်ကြားစေ့ရေးနှင့် အာဆီယံဥက္ကဋ္ဌ ရာထူးနေရာ လွှဲပြောင်းရယူရေးတွင် ကြီးမားသည့် ခလုတ်ကန်သင်းတခု ဖြစ်နေစေသည်။
စစ်ဆိုသည်မှာ မည်သည့် တစုံတယောက်အတွက်မျှ အကျိုးမရှိသည့်အပြင် တိုက်ပွဲတွင် ပါဝင်သူ နှစ်ဦးနှစ်ဘက် သေကြေပျက်စီးကြရ ရုံမျှမက မြေဇာပင်အဖြစ် ဒေသခံ ပြည်သူလူထုပါ ဒုက္ခနှင့် ရင်ဆိုင်ကြရသည် မဟုတ်ပါလား။
ထို့အပြင် စစ်အသုံးစရိတ် ဖြည့်တင်း ကြရသောကြောင့် ပညာရေး၊ ကျန်းမာရေး၊ လူမှုဖူလုံရေး စသည့် နိုင်ငံဖွံ့ဖြိုးတိုးတက်ရေး ကဏ္ဍများတွင် သုံးရမည့် ငွေများ လျော့ပါးကာ နောက်ဆုံး၌ တိုင်းပြည်လိုငွေ ပြပြီး အကျပ်အတည်းနှင့် ရင်ဆိုင်ကြရတော့သည်။
ထို ပြဿနာမှာ ကမ္ဘာနှင့်အဝန်း စစ်ဖြစ်ပွားရာ နိုင်ငံတိုင်း ရင်ဆိုင်ရသည့် ပြဿနာ တရပ်ဖြစ်သည်။
ကမ္ဘာ့ထိပ်သီး အမေရိကန်နိုင်ငံကို ကြည့်မည်ဆိုလျင်ပင် စစ်အသုံးစရိတ်များတွင် ပိုမိုဖြည့်တင်းနေရ သောကြောင့် အစိုးရ အသုံးစရိတ် လိုငွေပြကာ စီးပွားကျဆင်းမှုကို ရင်ဆိုင်နေရပေသည်။
စစ်ပွဲများတွင် စီးပွားဖြစ်သွားသူဟူ၍ လက်နက် ကုန်သည်များနှင့် လက်နက်ကုမ္ပဏီများသာ ရှိမည်။
မြန်မာနိုင်ငံ၏ ပြည်တွင်းစစ်သည်လည်း လွတ်လပ်ရေးရပြီးချိန် အမျိုးသား စိတ်ဝမ်းကွဲပြားရာမှ နိုင်ငံရေးနည်းဖြင့် အဖြေမရှာဘဲ လက်နက်ကိုင် နည်းဖြင့်သာ အဖြေရှာခဲ့ရင်း အကြမ်းဖက်မှု၊ လက်စားချေမှု သံသရာ ဝဲဂယက်တွင် တဝဲလည်လည်နှင့် ယနေ့တိုင် အဆုံးမသတ်နိုင်သေးပေ။
နှစ် ၆၀ ကျော် ကြာမြင့်ခဲ့သည့် မြန်မာပြည်တွင်းစစ်အတွင်း နှစ်ဘက် သွေးမြေကျခဲ့ရသူများ၊ မြေဇာပင် ဖြစ်ခဲ့ရသည့် ပြည်သူလူထု၏ အသက်များမှာ စာရင်းမရှိသောကြောင့်သာ အတိအကျ မပြောနိုင်သော်လည်း သိန်းနှင့်ချီ၍ ရှိနေ နိုင်ပါသည်။
နှစ်ပေါင်းများစွာ စစ်အင်အား ဖြည့်တင်းရန် လုံးပမ်းနေရသည့်အတွက် မြန်မာပြည်၏ စီးပွားရေး၊ လူမှုရေး အပါအဝင် ကဏ္ဍအသီးသီး ချွတ်ခြုံကျ ခဲ့ရပြီးဖြစ်သည်ကို မျက်မြင်ခံစားနေကြရပြီ ဖြစ်သည်။
နှစ်ဘက်သေကြေ ပျက်စီးခဲ့ရ သူများကို ကြည့်မည်ဆိုလျှင်လည်း တိုင်းပြည်၏ ရတနာ၊ တန်ဖိုးထားစရာ လူငယ်များ အဓိက ပါဝင်နေသည်ကို တွေ့ရပေလိမ့်မည်။
0 comments:
Post a Comment