21.10.2011 နေ့ဖတ်ရန်သတင်းများ

by Myanmar Journal on Friday, October 21, 2011 at 6:58am

 

 

ကဒါဖီ သေဆုံးပြီ
ကဒါဖီပုံလို့ဆိုပြီး အင်တာနက်မှာ တင်ထားတဲ့ပုံ တပုံ
ဗိုလ်မှူးကြီး ကဒါဖီသေဆုံးသွားပြီလို့ လစ်ဗျားနိုင်ငံ အသွင်ကူးပြောင်းရေး ကောင်စီကပြောပါတယ်။
ကဒါဖီကိုဖမ်းဆီးထားမိပြီလို့လည်း အစောပိုင်းတုန်းက အဲဒီအဖွဲ့ပြောခဲ့ပြီး ကဒါဖီဒဏ်ရာရထားတယ် ဆိုတဲ့သတင်းလည်း ထွက်ခဲ့သလို သူသေဆုံး သွားပြီဆိုတဲ့ သတင်းလည်းထွက်လာခဲ့ပါတယ်။
အခုနောက်ဆုံးရတဲ့ သတင်းကတော့ ကဒါဖီကိုဖမ်းဆီးစဉ် ပစ်ခတ်မှုကြောင့် သေဆုံးခဲ့တာပါ။
လစ်ဗျား ကြားဖြတ် အစိုးရ အဖွဲ့ရဲ့ တိုက်ခိုက်ရေး စစ်သား တဦးက ဆာတ့်မြို့ ထဲက လှိုင်ခေါင်းပေါက်တခုမှာ ကဒါဖီ ပုန်းနေတာကို သူတွေ့ကြောင်း နဲ့ ကဒါဖီက သူ့ကိုမပစ်ဖို့ တောင်းပန်တဲ့ အကြောင်းတွေကို ဘီဘီစီ ကို ပြောပြပါတယ်။
ဗိုလ်မှူးကြီး ကဒါဖီရဲ့ ရွှေသေနတ်ကိုလည်း သူရခဲ့ကြောင်းပြောပြီး အဲဒီပစ္စတိုသေနတ်ကို လေထဲကို မြှောက်ပြကာဝှေ့ယမ်းပြနေပါတယ်
ကဒါဖီ ရဲ့ ပုံ ဆိုပြီး ခေါင်းမှာ သွေးစွန်းနေတဲ့ လူတဦးရဲ့ ပုံ လည်း အင်တာနက် မှာ ပျံ့နှံ့နေ ပါတယ်။ ဒီပုံ ဟာ ကဒါဖီ နဲ့ ဆင်တူပြီး ကဒါဖီ ရဲ့ ပုံ ဟုတ်မဟုတ် ဘီဘီစီ အနေ နဲ့ အတည် မပြု နိုင်သေးပါဘူး။
ကဒါဖီ ကို ဖမ်းဆီး ရပြီ ဆိုတဲ့ သတင်း ကြောင့် လစ်ဗျား အသွင် ကူးပြောင်းရေး တပ်ဖွဲ့ ဝင်တွေလည်း အခုလို အောင်ပွဲ ခံ ဟစ်ကြွေး နေကြ သလို လစ်ဗျား ပြည်သူ အများ အပြား လည်း အောင်ပွဲ ခံ နေကြ ပါတယ်။

မြန်မာ့ ဒီမိုကရေစီရေး ဂျပန် ဆက် ထောက်ခံမယ်
ဂျပန် နိုင်ငံ ခြားရေး ဝန်ကြီး ကိုရီရှီယို ဂင်ဘာရဲ့ ဖိတ်ကြားချက် အရ မြန်မာ နိုင်ငံ ခြားရေး ဝန်ကြီး ဦးဝဏ္ဏ မောင်လွင်က ဂျပန် နိုင်ငံကို ရောက်ရှိနေပါတယ်။
၁၆ နှစ် အတွင်း မြန်မာ နိုင်ငံခြားရေး ဝန်ကြီး တစ်ယောက်ရဲ့ ပထမဆုံး ဂျပန် နိုင်ငံ ခရီးစဉ် အဖြစ် ကြာသပတေး နေ့က သွားရောက် ခဲ့တာ ဖြစ်ပြီး သုံးရက် ကြာ နေထိုင်မှာ ဖြစ် ပါတယ်။
သူ့ ခရီးစဉ်ရဲ့ ပထမဆုံး နေ့မှာ ဦးဝဏ္ဏ မောင်လွင်က ဂျပန် ဝန်ကြီးများရုံး ဝန်ကြီး ဖူဂျီမူရာ နဲ့ တွေ့ဆုံ ခဲ့ပြီး ဖြစ်တယ်လို့ နိုင်ငံခြားရေး ဝန်ကြီး ဌာန လက်ထောက် ပြန်ကြားရေး အရာရှိ မာဆာရူ ဆာတိုက ဘီဘီစီကို ပြောပါတယ်။
သောကြာနေ့မှာတော့ မြန်မာ နိုင်ငံခြားရေး ဝန်ကြီးက ဂျပန် နိုင်ငံခြားရေး ဝန်ကြီးနဲ့ တွေ့ဆုံမှာ ဖြစ်တယ် လို့လည်း သူက ပြောပါတယ်။
နှစ်ဘက် ဆွေးနွေး မှုတွေမှာ ဂျပန် နိုင်ငံကနေ ODA လို့ ခေါ်တဲ့ ပင်လယ် ရပ်ခြား ဖွံ့ဖြိုးရေး ဆိုင်ရာ ထောက်ပံ့မှုတွေ ဘယ်လို ပေးနိုင်မလဲ ဆိုတာနဲ့ နှစ်နိုင်ငံ အပြန် အလှန် ဆက်ဆံရေး တွေ ခိုင်မာအောင် ပြုလုပ်ရေး ကိစ္စတို့ ပါဝင် နိုင်တယ်လို့ မစ္စတာ မာဆာရူ ဆာတိုက ပြော ပါတယ်။
ဂျပန် နိုင်ငံက မြန်မာ ကို ပေးတဲ့ ODA အထောက် အပံ့တွေကို ၂၀၀၃ ခုနှစ် ကတည်းက ရပ်ဆိုင်းထားခဲ့တာ ဖြစ်ပြီး လူသားချင်း စာနာမှု ဆိုင်ရာ အကူ အညီတွေကိုသာ ပေးနေခဲ့တာ ဖြစ်ပါတယ်။
မကြာသေးခင်က နိုင်ငံရေး အကျဉ်းသားတွေ ကို မြန်မာ အစိုးရက လွှတ်ပေးခဲ့တာ၊ ဒီမိုကရေစီရေးနဲ့ အမျိုးသား ပြန်လည် သင့်မြတ်ရေးတို့ အတွက် လက်ရှိ မြန်မာ အစိုးရက လုပ်ဆောင်နေတာ တွေဟာ အပြု သဘော ဆောင်တဲ့ ခြေလှမ်း အဖြစ် ဂျပန် နိုင်ငံက ယူဆပြီး မြန်မာ့ ဒီမိုကရေစီရေး ပြုပြင် ပြောင်းလဲမှု တွေကို ဆက်လက် ထောက်ခံ အားပေး သွားမယ်လို့ လည်း ဂျပန် နိုင်ငံခြားရေး ဝန်ကြီး ဌာန လက်ထောက် ပြန်ကြားရေး အရာရှိ မာဆာရူ ဆာတိုက ပြောပါတယ်။

ဘန်ကောက် ရေကြီး မှု ဆိုးဝါး နေဆဲ
ထိုင်းမှာ ဆယ်စုနှစ် အတွင်း အဆိုးဝါးဆုံး ရေကြီးမှု ဖြစ်နေပြီး ဘန်ကောက် က လူဦးရေ ထူထပ်ရာ နေရာ အကုန်လုံး ရေမဝင်အောင် ကာကွယ် ဖို့ က တော့ မဖြစ် နိုင် တော့ ဘူး လို့ ထိုင်း အစိုးရ က ပြော ပါတယ်။
ဘန်ကောက် မြို့ မြောက်ပိုင်း မှာ ရေတွေက ကုဗ မီတာ ဘီလီယံပေါင်း များစွာ ရှိနေတဲ့ အတွက် အခြေအနေ က တခွင် တပြင်လုံးမှာ ဆိုးဝါး နေ တယ် လို့ ထိုင်း ဝန်ကြီးချုပ် ယင်းလတ် ရှင်နာဝပ် က ပြောပါတယ်။
ဒါ့အပြင် သူ က ပင်လယ် ထဲ ကို ရေတွေ ဆင်းသွားဖို့ အတွက် ဘန်ကောက် မြို့တွင်း တူးမြောင်း တွေကို အသုံးပြု ရတော့ မှာ ဖြစ်တယ်၊ တူးမြောင်းတိုင်း က ရေတံခါး တွေ ဖွင့်ပြီး ပင်လယ်ထဲကို အမြန်ဆုံး စီးဆင်း နိုင်အောင် သက်ဆိုင်သူ တွေ အားလုံးနဲ့ ဆွေးနွေး နေပြီ ဖြစ်တယ် လို့ လည်း ပြော ပါတယ်။
ထိုင်းနိုင်ငံ အနှံ့အပြား ရေကြီး မှုကြောင့် လူပေါင်း ၃၀၀ ခန့် သေဆုံး ခဲ့ရပြီး ဖြစ် ပါတယ်။
စီးပွားရေး အရ ထိခိုက်မှု
ထိုင်းမှာ ရေကြီးလို့ စိုက်ခင်းတွေ လယ်ကွင်းတွေ ရေဖုံးနေ သလို မော်တော်ကား စက်ရုံတွေ ထဲလည်း ရေဝင် နေ ပါတယ်။
ဒီအတွက် ဆန်စပါး တင်ပို့မှု နဲ့ မော်တော်ကား လုပ်ငန်းတွေမှာ ထိခိုက် နစ်နာ နေ ပါတယ်။
ဒီ ရေကြီးမှု ကြောင့် ဒေါ်လာ သန်း ၃၀၀၀ ကျော် ဆုံးရှုံးဖို့ ရှိတယ်လို့ ထိုင်း ဗဟိုဘဏ် က ဆို ပါတယ်။
တကယ်တော့ ထိုင်းစီးပွားရေး သာ မက ကမ္ဘာ့ ကုန်သွယ်မှု ကိုပါ ပြန့်နှံ့ ထိခိုက် နေ ပါပြီ။
ထိုင်း စက်မှုလုပ်ငန်းတွေကို ထိခိုက်တာကြောင့် ပြီးခဲ့တဲ့ မတ်လတုန်းက ငလျင် နဲ့ ဆူနာမီ ဒဏ်ခံခဲ့ရပြီးနောက် စီးပွားရေး ပြန်လည် နာလန်ထဖို့ ကြိုးစားနေတဲ့ ဂျပန် ရဲ့ စီးပွားရေး ကိုလည်း ထိခိုက် လာတာ တွေ့ရ ပါတယ်။
ဆိုနီ ကုမ္ပဏီဆိုရင် ထိုင်းနိုင်ငံ မှာ ရှိတဲ့ သူ့ ရဲ့ ကုမ္ပဏီ ရေလွှမ်းခံ ရတဲ့ အတွက် ဒစ်ဂျစ်တယ် ကင်မရာ အသစ်တွေ ထုတ်လုပ်ရေးကိစ္စ နှောင့်နှေး သွားရတယ်လို့ ဆိုပါ တယ်။
ဘန်ကောက် မြောက်ပိုင်းက စက်ရုံ လေးရာကျော် ဟာ လည်း အလုပ်တွေ မနိုင်မနင်း ဖြစ်နေ ကြ ရတယ် လို့ ဆိုပါတယ်။
နောက်တခါ ထိုင်းနိုင်ငံဟာ ကမ္ဘာမှာ ကွန်ပြူတာ Hard Drive အများအပြား ထုတ်လုပ် နေတဲ့ နိုင်ငံ လည်း ဖြစ်ပါတယ်။
အခုအခါမှာ စက်ရုံတွေ ပိတ်လိုက် ရတော့ ထုတ်လုပ်မှု ဟာ လေးပုံ တပုံလောက် လျော့ကျ သွားတယ် လို့ သိရပါတယ်။
ထိုင်းနိုင်ငံ ဟာ ကမ္ဘာမှာ ဆန်တင်ပို့မှု အများဆုံး နိုင်ငံလည်းဖြစ်ပါတယ်။
အခုအခါမှာတော့ ရေလွှမ်းမိုးမှုကြောင့် ဆန်တန်ချိန် သုံးသန်းခွဲလောက် ပျက်စီး သွား ပါတယ်။
ဒါ့ကြောင့် ကမ္ဘာတလွှားမှာ ဆန် ဈေး မြင့်တက် လာနိုင် တယ်လို့ တွက်ချက် နေကြ ပါတယ်။
လူပေါင်း ငါးသိန်းလောက်ဟာလည်း ဒီ ရေလွှမ်းမိုးမှုကြောင့် အလုပ်အကိုင် ရပ်နား ထားကြ ရပါတယ်။
တကယ်လို့ ဘန်ကောက်ကိုသာ အခုထက် ပိုဆိုးတဲ့ ရေလွှမ်းမိုးမှု ခံရမယ် ဆိုရင်တော့ အမြောက် အများ ထပ်မံ ဆုံးရှုံး ရလိမ့်ဦးမယ်လို့ မှန်းဆ နေကြပါတယ်။

ငွေကြေးစနစ် အကြံပေးဖို့ IMF ရောက်လာပြီ
IMF က မြန်မာ ငွေကြေး လဲနှုန်း တညီထဲဖြစ်ရေး ကူညီ နေ
မြန်မာ့ ငွေကြေး နဲ့ နိုင်ငံခြားငွေ လဲလှယ် နှုန်း တပြေးညီ ဖြစ်ရေး ပြောင်းလဲ မှု အတွက် အကြံပေး ဖို့ IMF ကိုယ်စားလှယ် အဖွဲ့ မြန်မာပြည် ကို ရောက်ရှိ နေ ပါတယ်။
IMF ဟာ နိုင်ငံတကာ အတွေ့အကြုံ အရ သူတို့ ရဲ့ အကြံဉာဏ်တွေ ကို မြန်မာနိုင်ငံ ရဲ့ ငွေကြေး စနစ် ပြုပြင် ပြောင်းလဲရေး အတွက် ပေးမှာ လို့ မျှော်လင့်ရ ပေမယ့် ဒီ အကြံဉာဏ် တွေ က ကိုယ့် နိုင်ငံ နဲ့ လိုက်ဖက်မှု ရှိမရှိ ကိုယ် ကိုယ် တိုင် က ဆုံးဖြတ် လုပ်ကိုင် ဖို့ လိုတယ် လို့ ကမ္ဘောဇ ဘဏ် ဒု ဥက္ကဌ ၂ ဦးသန်းလွင် က ဘီဘီစီ ကို ပြော ပါတယ်။
အချိန်ကာလ အနည်းငယ် အတွင်း မြန်မာငွေ နဲ့ နိုင်ငံခြားငွေ လဲလှယ်နှုန်း သတ်မှတ် လိုက်တာ မျိုး ဖြစ်နိုင်ချေ မရှိ ပါဘူး လို့ လည်း သူ က တွက်ဆ ပါတယ်။
မြန်မာငွေ နဲ့ နိုင်ငံခြားငွေ လဲလှယ်နှုန်း သေချာ စွာ သတ်မှတ် နိုင်ရေး အတွက် ဘက်ပေါင်းစုံ က သေချာစွာ စဉ်းစား သတ်မှတ် ကြဖို့ ပညာရှင် တွေက ထောက်ပြ နေကြ ပါတယ်။

ဖမ်းဆီးခံထားရတဲ့ ဗိုလ်ကြီးဟောင်း နေမျိုးဇင်။ဗိုလ်ကြီးဟောင်း နေမျိုးဇင် ဆေးကုသခွင့် မရ
2011-10-20
နိုင်ငံရေးအကျဉ်းသား ဗိုလ်ကြီးဟောင်း ဦးနေမျိုးဇင်ကို ထောင်အာဏာပိုင်တွေက ဆေးကုသခွင့် ငြင်းပယ်ထားကြောင်း အင်းစိန်ထောင်မှာ ဒီကနေ့ ထောင်ဝင်စာ တွေ့ခွင့်ရခဲ့တဲ့ ဇနီးဖြစ်သူ မဇင်မျိုးမော်က ပြောပါတယ်။
ထောင်ဝင်စာ တွေ့ချိန်မှာ လမ်းလျှောက်လို့ မရတဲ့အတွက် ဦးနေမျိုးဇင်ကို လူနာတင်တဲ့ စဉ်နဲ့ တင်ခေါ်လာကြောင်း၊ လှဲနေချိန်မှာပင်လျှင် နာကျင်နေကြောင်း၊ ခွဲစိတ်ကုသခွင့်ရရင် သက်သာပျောက်ကင်းမယ်လို့ ယူဆပေမယ့် သူ့ကို အပြင်ထွက်ပြီး ဆေးကုသခွင့် ပိတ်ထားကြောင်း ဦးနေမျိုးဇင်က ပြောပြတယ်လို့ သိရပါတယ်။သွေးအကူအညီပေးရေး အပါအ၀င် လူမှုရေး လုပ်ငန်းတွေ လုပ်ဆောင်နေတဲ့ ဦးနေမျိုးဇင်ကို ၂၀၁၁ခုနှစ် မတ်လ အတွင်းက အာဏာပိုင်တွေက ဖမ်းဆီးခဲ့ပြီး သြဂုတ်လ ၂၈ ရက်နေ့က အီလက်ထရောနစ် ပုဒ်မနဲ့ ထောင်ဒဏ် (၁၀) နှစ် ချမှတ်လိုက်တာပါ။ ဦးနေမျိုးဇင်ကို အမှုစစ်ဆေးနေချိန် အင်းစိန်ထောင်တွင်းမှာ ချော်လဲပြီး ဒဏ်ရာရခဲ့တာ ဖြစ်ပါတယ်။ထောင်တွင်း ဆရာဝန်တွေရဲ့ စစ်ဆေးချက်အရ ဦးနေမျိုးဇင်ရဲ့ ဝေဒနာကို ထောင်ပြင်မှာ ဆေးကုသဖို့ လိုအပ်ကြောင်း ပြောထားတာကြောင့် တင်ပြတောင်းခံခဲ့ရာ တရားရုံးက စီရင်ချက်မချခင် တကြိမ် အရိုးကု အထူးကုဆေးရုံကို ပြသခွင့်ပြုခဲ့ပြီး၊ စီရင်ချက် ချပြီးချိန်မှာတော့ ခွင့်ပြုချက် ထပ်မပေးဘူးလို့ သိရပါတယ်။ဦးနေမျိုးဇင်ကို သင့်တော်တဲ့ ဆေးကုသခွင့် ပေးဖို့ ထိုင်းမြန်မာ နယ်စပ် အခြေစိုက် AAPP နိုင်ငံရေး အကျဉ်းသားများ ကူညီစောင့်ရှောက်ရေး အသင်းက မြန်မာ အာဏာပိုင်တွေကို ဒီကနေ့ တောင်းဆိုလိုက်ပါတယ်။

စစ်မှန်တဲ့ အပြောင်းအလဲအတွက် အခွင့်အခါကောင်းဟု ဗြိတိန် ပြောကြား
2011-10-20
မြန်မာနိုင်ငံ ဆိုင်ရာ ကုလသမဂ္ဂ လူ့အခွင့်အရေး အထူး ကိုယ်စားလှယ်ရဲ့ သုံးသပ်ချက် အပေါ် အပြည့်အ၀ သဘောတူ ထောက်ခံကြောင်း ဗြိတိန် နိုင်ငံခြားရေး ၀န်ကြီး ဌာနက မနေ့က ကြေညာချက် ထုတ်ပြန် ပါတယ်။
နိုင်ငံရေးအကျဉ်းသား အားလုံးကို တိကျတဲ့ အချိန်ကာလ သတ်မှတ်ပြီး လွှတ်ပေးဖို့၊ အမျိုးသား ဒီမိုကရေစီ အဖွဲ့ချုပ်ကို တရားဝင် နိုင်ငံရေးပါတီ အဖြစ် ရပ်တည်ခွင့် ပေးဖို့၊ အပြည်ပြည် ဆိုင်ရာ ကြက်ခြေနီ အဖွဲ့ ICRC ကို အကျဉ်းထောင်တွေ အတွင်း အပြည့်အ၀ ၀င်ရောက်ခွင့် ပေးဖို့၊ စတဲ့ အချက်တွေကို ကုလသမဂ္ဂ အထူးကိုယ်စားလှယ်က အကြံပြုခဲ့တာပါ။ဗြိတိန်နိုင်ငံ အနေနဲ့ မြန်မာအစိုးရနဲ့ ဒေါ်အောင်ဆန်းစုကြည်တို့ တွေ့ဆုံဆွေးနွေးနေတာကို ကြိုဆိုကြောင်း၊ နိုင်ငံရေး အကျဉ်းသား ၂၀၀ ကျော် လွှတ်ပေးခဲ့တဲ့ အတွက် အားတက်ကြောင်း၊ ဒါတွေဟာ ရေရှည် လုပ်ငန်းစဉ်ရဲ့ အစပျိုး ခြေလှမ်း ဖြစ်ကြောင်း ကြေညာချက်မှာ ဖော်ပြထားပါတယ်။ဒါပေမယ့်လည်း အရေးကြီးတဲ့ လူ့အခွင့်အရေး ပြဿနာတွေ ဖြေရှင်းဖို့ ကျန်ရှိနေသေးကြောင်း၊ အခုအချိန်ဟာ စစ်မှန်တဲ့ အပြောင်းအလဲ လုပ်ဆောင်ဖို့ အခွင့်အခါကောင်း ဖြစ်ကြောင်း ဗြိတိန် အစိုးရရဲ့ ကြေညာချက်မှာ ဖော်ပြထားပါတယ်။

နိုင်ငံရေးအကျဉ်းသား လွှတ်ပေးနိုင်ခြေ ရှိသေးကြောင်း အကြံပေးပုဂ္ဂိုလ် ပြောဆို
2011-10-20
ဦးသိန်းစိန်အစိုးရက နိုင်ငံရေး အကျဉ်းသားတွေကို နောက်တကြိမ် လွှတ်ပေးကောင်း လွှတ်ပေးလိမ့်မယ်လို့ အစိုးရ အကြံပေး အရာရှိ ဦးကိုကိုလှိုင်က မနေ့က ပြောပါတယ်။
အဲဒီလိုလွှတ်ပေးဖို့တရားဝင် ဆုံးဖြတ်ချက် ချထားတာ မရှိပေမဲ့ နောက်ထပ် လွှတ်ငြိမ်းချမ်းသာခွင့်က မကြာခင်မှာ ဖြစ်နိုင်ခြေ ရှိတယ်လို့ မိမိ ထင်မြင်မိကြောင်း၊ ဆက်ပြီး အကျဉ်းချစရာ အကြောင်းမမြင်ကြောင်း သူက ပြောပါတယ်။လွတ်တဲ့လူတွေတောင် လွတ်နေပြီးမှ ဘာဖြစ်လို့ ထောင်ထဲမှာ ကျန်နေတဲ့သူတွေကို ဆက်ပြီး ချုပ်နှောင်ထားရမှာလဲ လို့လည်း ဦးကိုကိုလှိုင် က ပြောပါတယ်။ထိုင်းနိုင်ငံ အခြေစိုက် နိုင်ငံရေး အကျဉ်းသား ကူညီ စောင့်ရှောက်ရေး အသင်း AAPP က ဒီလ (၁၂) ရက်နေ့က လွှတ်တဲ့အထဲမှာ နိုင်ငံရေး အကျဉ်းသား (၂၀၀) ပါဝင်ပြီး အကျဉ်းထောင် အသီးသီးမှာ (၁၈၀၀) ကျန်ရှိနေကြောင်းနဲ့ တချို့ဆိုရင် သတ်မှတ်ထားတဲ့ ပြစ်ဒဏ် ကာလကို ကျော်လွန်နေပြီ ဖြစ်ကြောင်း ကြေငြာချက် ထုတ်ပြန်ပါတယ်။AAPP က ထုတ်ပြန်တဲ့ နိုင်ငံရေး အကျဉ်းသား အရေအတွက်ကို မြန်မာအစိုးရ အကြံပေး ဦးကိုကိုလှိုင်က ငြင်းပယ်လိုက်ပြီး AAPP ရဲ့စာရင်းဟာ ပြင်ပကနေ အချက်အလက်တွေ ကောက်ယူရတာ ဖြစ်တဲ့အတွက် မမှန်ကန်နိုင်ကြောင်း၊ နိုင်ငံရေးအရ အကျဉ်းကျ ခံနေရသူ အရေအတွက် ( ၆၀၀ ) လောက်သာ ရှိကြောင်း ပြောပါတယ်။မြန်မာနိုင်ငံမှာ စစ်အစိုးရ အဆက်ဆက်ကနေ အခုလက်ရှိ ဦးသိန်းစိန် အစိုးရအထိ နိုင်ငံရေး အကျဉ်းသား ရှိပါတယ်ဆိုတဲ့ အချက်ကို လက်မခံကြပါဘူး။

ဒုသမ္မတ ဦးတင်အောင်မြင့်ဦး တရုတ်နိုင်ငံရောက်
By ကျော်ကျော်သိန်း
မြန်မာ ဒု သမ္မတ ဦးတင်အောင်မြင့်ဦးဟာ ဒီကနေ့မှာ ၈ ရက်ကြာ တရုတ်နိုင်ငံခရီးစဉ်ကို စတင်လိုက်ပါပြီ။ ဒီခရီးစဉ်အတွင်း မြန်မာနဲ့တရုတ်ကြား ကိစ္စရပ်မျိုးစုံကို ဆွေးနွေးကြမှာဖြစ်ပေမဲ့ ထိပ်တန်းက ပါမှာကတော့ မြစ်ဆုံဆည်စီမံကိန်းကို မြန်မာအစိုးရက ရပ်ဆိုင်းခဲ့တဲ့ ကိစ္စဖြစ်မှာပါ။ ဒီကိစ္စဟာ မြန်မာနဲ့တရုတ်ကြား ကာလရှည်ကြာစွာ ရှိခဲ့တဲ့ ဆက်ဆံရေးမှာ အနှောင့်အယှက်ဖြစ်စရာ ကိစ္စတခုဖြစ်ပေမဲ့ မဟာဗျူဟာမြောက် ဆက်ဆံရေးကိုတော့ ထိခိုက်လောက်အောင်တော့ ဖြစ်မှာမဟုတ်ဘူးလို့ လေ့လာသူတွေက သုံးသပ်ထားပါတယ်။ အပြည့်အစုံကိုတော့ ဆက်သွယ်မေးမြန်းထားတဲ့ ကိုကျော်ကျော်သိန်းက တင်ပြပေးထားပါတယ်။
ဒုတိယသမ္မတ ဦးတင်အောင်မြင့်ဦးဟာ ဒီကနေ့မှာ မြန်မာနိုင်ငံနဲ့နယ်နမိတ်ချင်း ထိစပ်နေတဲ့ တရုတ်နိုင်ငံ၊ ယူနန်ပြည်နယ်၊ ကူမင်းမြို့တော်ကို ရောက်သွားတဲ့အကြောင်း တရုတ်-မြန်မာ ဆက်ဆံရေးကို စောင့်ကြည့်လေ့လာနေသူတွေက ပြောပါတယ်။ တရုတ်နိုင်ငံကလာတဲ့သတင်းတွေမှာတော့ မြန်မာ ဒုတိယသမ္မတဟာ တရုတ်နိုင်ငံ အနောက် တောင်ပိုင်း၊ ဂွမ်စီဇောင်း ကိုယ်ပိုင် အုပ်ချုပ်ရေးဒေသ၊ နန်နင်းမြို့မှာ အောက်တိုဘာလ ၂၁ ရက် နေ့ကနေ ၂၆ ရက်နေ့အထိ ကျင်းပမယ့် တရုတ်-အာဆီယံ ကုန်စည်ပြပွဲကိုတက်ရောက်ဖို့ နေပြည်တော်ကနေ ဒီကနေ့ ထွက်ခွာသွားပြီလို့ ရေးကြပါတယ်။
သူနဲ့အတူ အစိုးရတာဝန်ရှိသူတွေ၊ ပြည်ထောင်စုမြန်မာနိုင်ငံ ကုန်သည်များနဲ့ စက်မှုလက်မှု လုပ်ငန်းရှင်များအသင်း UMFCCI နဲ့ စက်မှုဇုံတွေက စီးပွားရေးလုပ်ငန်းရှင်တွေ လိုက်ပါသွားတယ်လို့ သတင်းတွေကဆိုပါတယ်။
ဒီခရီးစဉ်မှာ Asia World ကုမ္ပဏီပိုင်ရှင် စတီဗင်လော ခေါ် ဦးထွန်းမြင့်နိုင်လည်း လိုက်ပါသွားတယ်လို့ ဗွီအိုအေက စုံစမ်းသိရှိရပါတယ်။ Asia World ကုမ္ပဏီဟာ အခုအခါမှာ မြန်မာအစိုးရက ရပ်ဆိုင်းထားလိုက်ပြီ ဖြစ်တဲ့ မြစ်ဆုံဆည်စီမံကိန်းကို တည်ဆောက်ရေးမှာ တရုတ် CPI ကုမ္ပဏီနဲ့ ပူးတွဲလုပ်ဆောင်နေတာပါ။
ဆည်စီမံကိန်း ရပ်ဆိုင်းလိုက်တဲ့အပေါ် တရုတ်အစိုးရဘက်က မကျေမလည်ဖြစ်တာကို ပြေလည်အောင် ဖြေရှင်းဖို့ ဦးတင်အောင် မြင့်ဦးက ကြိုးစားလိမ့်မယ်လို့ တရုတ်-မြန်မာဆက်ဆံရေးကို စောင့်ကြည့်လေ့လာသူတွေက ခန့်မှန်းပါတယ်။ ဒီဆည် စီမံကိန်းဟာ ယူနန်ပြည်နယ်အစိုးရနဲ့ တိုက်ရိုက်သက်ဆိုင်နေတာကြောင့် ယူနန်ပြည်နယ်ဘက်က ပိုပြီး ဖိအားပေးလာဖွယ်ရှိတယ်လို့ သုံးသပ်သူက အမျိုးသားဒီမိုကရေစီအဖွဲ့ချုပ် လွတ်မြောက်နယ်မြေရဲ့ နိုင်ငံခြားဆက်ဆံရေးတာဝန်ခံ ဦးညိုအုန်းမြင့်ပါ။
“ယူနန်အစိုးရအနေနဲ့ ဗဟိုအစိုးရရဲ့ မူအတိုင်းရှိပေမယ့် တချို့နေရာတွေမှာ သူ့အနေနဲ့ ကိုယ်ပိုင်ဆုံးဖြတ်ခွင့်ဆိုတာ တရုတ်အစိုးရရဲ့ ဘောင်ထဲမှာ သူ့လုပ်ပိုင်ခွင့်တချို့ရှိပါတယ်။ အဲဒီလုပ်ပိုင်ခွင့်ကနေပြီးတော့မှ လက်ရှိ ဦးသိန်းစိန်အစိုးရအပေါ်မှာ ဖိအားတစုံတရာ ပေးလာနိုင်တယ်။ သူတို့မကျေနပ်မချင်း ဒီကိစ္စက သူတို့ရဲ့နိုင်ငံရေးအရပါ တရုတ်အစိုးရအတွက် အင်မတန်ထိခိုက်တယ်လို့ ကျနော်ထင်ပါတယ်။ အဲဒီအတွက်ကိုလည်း သူတို့အနေနဲ့ ၈ ရက်ကြာ ဒုတိယသမ္မတရဲ့ ခရီးစဉ်မှာ ဒီကိစ္စကို အခြေအတင် ဆွေးနွေးနိုင်တယ်လို့ ကျနော်ထင်တယ်။ ဒါပေမဲ့ ဒီပြဿနာတွေဟာ လွယ်လွယ်ကူကူ ပြေလည်နိုင်တဲ့ ပြဿနာတွေ မဟုတ်တဲ့အတွက်ကြောင့် ဆက်ဆံရေးကတော့ အရင်တုန်းကလို ဆွေမျိုးပေါက်ဖော် - အင်မတန်ရင်းနှီးတဲ့ ဒီ နအဖ လက်ထက်က ဆက်ဆံရေးမျိုး မဟုတ်တော့ဘဲနဲ့ တနိုင်ငံနဲ့တနိုင်ငံ အင်မတန်သတိထားတဲ့ ဆက်ဆံရေးမျိုး ရှိမယ်လို့ ကျနော် ထင်ပါတယ်။ ”
ဦးတင်အောင်မြင့်ဦးရဲ့ အခုခရီးစဉ်မတိုင်ခင် ပြီးခဲ့တဲ့သီတင်းပတ်ထဲမှာ မြန်မာနိုင်ငံခြားရေးဝန်ကြီး ဦးဝဏ္ဏမောင်လွင် တရုတ်ပြည်ကို သွားပြီး တရုတ် ဒုတိယ သမ္မတနဲ့ရော နိုင်ငံခြားရေးဝန်ကြီးနဲ့ပါ တွေ့ဆုံဆွေးနွေးပြီး ဆည်စီမံကိန်းရပ်လိုက်လို့ ဖြစ်လာတဲ့ အငြင်းပွားမှုတွေကို ပြေလည်အောင် ဖြေရှင်းသွားကြမယ်လို့ ပြောခဲ့ကြပါသေးတယ်။
တရုတ်နိုင်ငံအနေနဲ့ ဒီလိုရင်းနှီးမြှုပ်နှံမှုမျိုးတွေဟာ မြန်မာတနိုင်ငံထဲနဲ့ လုပ်နေတာမဟုတ်ဘဲ တခြားနိုင်ငံတွေအများကြီးနဲ့လည်း လုပ်နေတာကြောင့် တရုတ်တို့အနေနဲ့က နိုင်ငံတကာ အခင်းအကျင်းကိုပါ ထည့်စဉ်းစားလိမ့်မယ်လို့ မြင်သူက ဗမာပြည် ကွန်မြူနစ်ပါတီ ပြောရေးဆိုခွင့်ရှိသူ ရဲဘော်ဖိုးသံချောင်းပါ။ ဒီကိစ္စဟာ ထင်တာထက် အများကြီး ကြီးနေနိုင်တာကြောင့် အပြင်းထန်ဆုံး ဖြစ်နိုင်ခြေနဲ့ အနိမ့်ဆုံးဖြစ်နိုင်ခြေတို့ကို သူက သုံးသပ်ပြပါတယ်။
“ဒီကိစ္စလောက်နဲ့ ဗမာပြည်ကို သူတို့ စွန့်လွှတ်တာ မလုပ်နိုင်ဘူးဗျ။ ဒီဘက်က သေနင်္ဂဗျူဟာအခင်းအကျင်းကို သူတို့ မစွန့်လွှတ်နိုင်ဘူး။ အခုအခါမှာက သူ့ဘက်က ကြည့်လို့ရှိရင် သူတို့ အရှေ့ဘက်မှာလည်း စပရက်တလေကျွန်း ပြဿနာနဲ့ အဲဒီနိုင်ငံနားက နိုင်ငံတွေနဲ့ပြဿနာဖြစ်နေတာ။ အခု အနောက်ဘက်မှာလည်း ဗမာပြည်နဲ့ဖြစ်တယ်ဆို သူတို့လည်း ပျော်စရာအခြေအနေမဟုတ်ဘူးဗျ။ အဲဒီတော့ အဲဒီလို အခြေအနေမှာ သခွပ်ပင်က မီးတကျည်ကျည် မဖြစ်အောင်လို့ တခုခုတော့ လုပ်လာလိမ့်မယ်လို့ ထင်တယ်။ ကျနော်ထင်တာက အလွယ်တကူပြောလို့ မရဘူး။ ဒါက ပြဿနာ ကြီးလည်းကြီးနိုင်တယ်၊ သေးလည်းသေးနိုင်တယ်။ ကြီးလည်းကြီးနိုင်တယ်ဆိုတာက ၂ နိုင်ငံ အရေးယူတာတွေ ဘာတွေ ဖြစ်နိုင်တယ်။ ဥပမာဆိုလို့ရှိရင် ဘယ်ကုန်တွေ ပိတ်တာတို့ ဘာတို့ အဲဒါမျိုးတွေပေါ့လေ၊ ကုန်သွယ်ရေးကို တရုတ်လုပ်နေကျအတိုင်း ကန့်သတ်လိုက်တာတို့  ဒါမျိုးတွေလုပ်ချင်လုပ်လာနိုင်တယ်။ ဒါမှ မဟုတ်လည်း ငွေလေး၊ ကြေးလေးလျော်လိုက်လို့ရှိရင် ပြီးတာပါပဲ ဆိုပြီးတော့ ကျောသပ်ချင်လည်း ကျောသပ်လွှတ်လိုက်မှာပဲ။ စောင့်ကြည့်ရအုံးမယ်လို့ ကျနော်ထင်ပါတယ်”
ဗမာပြည်ကွန်မြူနစ်ပါတီ ပြောရေးဆိုခွင့်ရှိသူ ရဲဘော် ဖိုးသံချောင်းပါ။
မြန်မာစစ်အစိုးရအဆက်ဆက်ဟာ နိုင်ငံတကာမျက်နှာစာမှာ တရုတ်အစိုးရရဲ့ အကာအကွယ်ကို ယူခဲ့ရတာ နှစ်ပေါင်း ကြာခဲ့ပါပြီ။ ဒါကြောင့်လည်း သမ္မတဦးသိန်းစိန်က မြစ်ဆုံဆည်စီမံကိန်း ရပ်ဆိုင်းလိုက်တာကို တရုတ်တို့ဘက်က အံ့အားသင့်သလို ဖြစ်စတုန်းကဆိုရင် လေသံခပ်မာမာနဲ့ ပြောခဲ့ဖူးတာတောင်တွေမှ ရှိပါတယ်။
ဒါကြောင့်လည်း အခု ဒုတိယသမ္မတ ဦးတင်အောင်မြင့်ဦးရဲ့ ခရီးစဉ်အတွင်း ဆည်စီမံကိန်းကိစ္စကို ဘယ်လိုဖြေရှင်းခဲ့မယ်ဆိုတာကို တရုတ်-မြန်မာ ဆက်ဆံရေးလေ့လာသူတွေအပါအ၀င် မြန်မာတနိုင်ငံလုံးက စောင့်ကြည့်နေကြမှာဖြစ်ကြောင်းပါခင်ဗျား။

မြန်မာနိုင်ငံ လူ့အခွင့်အရေး စိုးရိမ်ရဆဲ
By သားညွန့်ဦး
မြန်မာနိုင်ငံတွင်းမှာ နိုင်ငံရေးပြုပြင်ပြောင်းလဲမှုတွေ ရှိလာတာကို အသိအမှတ်ပြုပေမယ့် လူ့အခွင့်အရေးနဲ့ပတ်သက်လို့ လုပ်ဆောင်စရာတွေ အတော် ကျန်နေသေးတယ်လို့ မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေးကိုယ်စားလှယ်က ပြောပါတယ်။ တိုင်းရင်းသားဒေသတွေမှာ စစ်တပ်က ကျူးလွန်ခဲ့တာတွေအပါအ၀င် နိုင်ငံတွင်း လူ့အခွင့်အရေးချိုးဖောက်မှုတွေကို စုံစမ်းဖော်ထုတ်ဖို့ မြန်မာနိုင်ငံအနေနဲ့ မလုပ်ဆောင်ဘူးဆိုရင် နိုင်ငံတကာအနေနဲ့ ဆောင်ရွက်ဖို့ တာဝန်ရှိနေတယ်လို့ လူ့အခွင့်အရေးကိုယ်စားလှယ်က ကုလသမဂ္ဂ၊ အထွေထွေညီလာခံကို တိုက်တွန်းသွားပါတယ်။ အသေးစိတ်ကိုတော့ ကိုသားညွန့်ဦးက တင်ပြထားပါတယ်။
မြန်မာနိုင်ငံတွင်းမှာ ပြုပြင်ပြောင်းလဲမှုတွေ ရှိနေပေမယ့် လူ့အခွင့်အရေးနဲ့ပတ်သက်လို့ စိုးရိမ်စရာတွေ ကျန်နေတုန်းပဲလို့ မြန်မာနိုင်ငံဆိုင်ရာ ကုလသမဂ္ဂ၊ လူ့အခွင့်အရေးကိုယ်စားလှယ် သောမတ် အိုဟေး ကင်တာနားက ကုလသမဂ္ဂ အထွေထွေညီလာခံကို တင်ပြသွားခဲ့တာပါ။ အထွေထွေညီလာခံရဲ့ တတိယကော်မတီ အစည်းအဝေးမှာ မြန်မာ့လူ့အခွင့်အရေးကိစ္စကို မနေ့က ဆွေးနွေးကြရာမှာ နိုင်ငံရေး အသွင်ကူးပြောင်းမှုတရပ်မှာ အတိတ်တုန်းကဖြစ်ခဲ့တဲ့ လူ့အခွင့်အရေး ချိုးဖောက်မှုတွေရော၊ အခုလက်ရှိဖြစ်တဲ့ လူ့အခွင့်အရေးချိုးဖောက်မှုတွေကိုပါ အာဏာပိုင်တွေအနေနဲ့ ဖြေရှင်းကိုင်တွယ်ဖို့ လိုအပ်မယ်ဆိုတဲ့အချက်ကို မစ္စတာကင်တာနားက အလေးပေး ထောက်ပြခဲ့ပါတယ်။ မြန်မာနိုင်ငံတွင်း လူ့အခွင့်အရေးချိုးဖောက်မှုတွေ ရှိနေတယ်ဆိုတဲ့ တိုင်ကြားမှုတွေ ဆက်လက်ခံရနေတုန်းပဲလို့လည်း မစ္စတာကင်တာနားက ပြောပါတယ်။
“လူ့အခွင့်အရေးချိုးဖောက်မှုတွေကို စုံစမ်းစစ်ဆေးပြီး အရေးယူမှုတွေကို သီးခြားလွတ်လပ်စွာ ရပ်တည်ပြီး ဘက်မလိုက်တဲ့၊ ယုံကြည်ကိုးစားလောက်တဲ့ အဖွဲ့အစည်းတရပ်ကနေ ပြုလုပ်ပေးသင့် ပါတယ်။ အခုလိုလုပ်ဆောင်ရာမှာ အဆင့်ဆင့်ပြုပြင်ပြောင်းလဲမှုတွေ၊  နစ်နာကြေးတွေ၊ ပြန်လည်ပျိုးထောင်ပေးနိုင်ဖို့ အစီအစဉ်တွေကို ဖော်ဆောင်ပေးဖို့ လိုပါတယ်။ စုံစမ်းစစ်ဆေးပြီး အပြစ်ရှိတဲ့သူတွေကို နိုင်ငံတကာလူ့အခွင့်အရေး ချိုးဖောက်မှု ဥပဒေတွေအရ ပြစ်ဒဏ်ချမှတ်ရမှာ ဖြစ်ပါတယ်။ ဒါမှလည်း အခုလို ဥပဒေချိုးဖောက်မှုတွေ ထပ်မဖြစ်ရအောင် ဟန့်တားနိုင်မှာဖြစ်ပါတယ်။ ဥပဒေချိုးဖောက်ခံရတဲ့သူတွေကိုလည်း ထိုက်သင့်သလို နစ်နာကြေးတွေ ပေးရမှာဖြစ်ပါတယ်။ အခုလိုမျိုး အရေးယူ ဆောင်ရွက်မှုတွေကို အစိုးရက တာဝန်ယူလုပ်ဆောင်ပေးနိုင်ခြင်းမရှိရင် နိုင်ငံတကာက ဆက်လက်တာဝန်ယူသွားရမှာ ဖြစ်ပါတယ်”
မြန်မာအစိုးရအနေနဲ့ အမျိုးသား လူ့အခွင့်အရေး ကော်မရှင်ဖွဲ့စည်းလိုက်တာကို ကြိုဆိုလိုက်ပေမယ့် ဒီကော်မတီကို ဖွဲ့စည်းမှု၊ လုပ်ထုံးလုပ်နည်း စတာတွေမှာ နိုင်ငံတကာစံနှုန်းနဲ့ ကိုက်ညီမညီဆိုတဲ့ နေရာမှာတော့ မစ္စတာကင်တာနားက သံသယရှိတာတွေ့ရပါတယ်။ ဒါကြောင့်လည်း ဒီ ကော်မရှင်အနေနဲ့ အထွေထွေညီလာခံက အတည်ပြုထားတဲ့ principal ပဲရစ် အခြေခံဥပဒေသ အတို်င်း အမျိုးသား လူ့အခွင့်အရေး ကော်မရှင်တရပ်အနေနဲ့ ရှိသင့်ရှိထိုက် လုပ်သင့်လုပ်ထိုက်ရမယ့် သတ်မှတ်ချက်တွေအတိုင်း ဖြစ်ဖို့ လိုအပ်မယ်လို့ မစ္စတာကင်တာနားက အကြံပြုပါတယ်။
တရားရေးပိုင်းဆိုင်ရာ ပြုပြင်ပြောင်းလဲမှုတွေ သိသိသာသာမတွေ့ရတဲ့အပေါ်မှာလည်း စိုးရိမ်စရာ ဖြစ်ရတယ်လို့ မစ္စတာကင်တာနားက မှတ်ချက်ပြုပါတယ်။ အထူးသဖြင့်တော့ တရားရေးပိုင်းဆိုင်ရာကို အုပ်ချုပ်ရေးပိုင်းက ၀င်ရောက်စွက်ဖက်တာ၊ တရားရေးလွတ်လပ်ခွင့် ကင်းမဲ့တဲ့အချက်တွေကို ပြင်ဖို့ လိုမယ်လို့ ထောက်ပါတယ်။
“တရားရေးစနစ်ဟာ လွတ်လပ်မှုမရှိသလို ဘက်လိုက်မှုလည်းရှိနေတယ်လို့ ကျနော်ယုံကြည်ပါတယ်။ ဒါ့အပြင် တရားရေးစနစ်ကို ပီပြင်အောင် ဖော်ဆောင်နိုင်မယ့် အခြေခံစွမ်းအင်လည်း မရှိပါဘူး။ ရာဇ၀တ်မှုခင်းတွေကို တခါးပိတ်စစ်ဆေးနေဆဲရှိတယ်ဆိုတဲ့ သတင်းတွေကြောင့် ကျနော် စိုးရိမ်မိပါတယ်။ ဒါ့အပြင် နိုင်ငံရေးကြောင့် ဖမ်းဆီးခံရသူတွေကိုယ်စား ရှေ့နေလိုက်ပေးကြသူတွေကိုလည်း ကျိုးကြောင်းမဲ့ လိုင်စင်သိမ်းခြင်း ခံခဲ့ကြရပါတယ်။ ဒီဖြစ်ရပ်တွေနဲ့ပတ်သက်လို့ ပြန်လည်သုံးသပ်ပေးဖို့ မြန်မာအစိုးရကို ကျနော်တိုက်တွန်းလိုတာက တရားခံတွေ ရှေ့နေကိုယ်စားပြုခွင့် ရရှိစေဖို့နဲ့ ရှေ့နေတွေကိုလည်း သူတို့ရဲ့လုပ်ငန်းတွေမှာ လွတ်လပ်စွာ လုပ်ကိုင်ခွင့်ပြုဖို့  ဖြစ်ပါတယ်။ ဒါ့အပြင် ကျနော် အရင်က တင်ပြပြီးဖြစ်တဲ့ တရားစီရင်ရေးစနစ်မှာ သီးခြားလွတ်လပ်ခွင့်ရှိဖို့ ဘက်မလိုက်ဖို့ကိုလည်း ထပ်မံတိုက်တွန်းလိုပါတယ်။ အခုလို လုပ်ဆောင်နိုင်ဖို့ တရားစီရင်ရာမှာ တရားခံတွေရဲ့အခွင့်အရေးတွေကို လေးစားပါ။ နိုင်ငံရေးအကျဉ်းသားတွေရဲ့အမှုတွေကို စစ်ဆေးရာမှာ တခါးပိတ်မစစ်ဆေးဖို့တို့ ပါဝင်ပါတယ်”
ဒါပေမယ့်လည်း မကြာမီလပိုင်းအတွင်းမှာ မြန်မာအစိုးရရဲ့ လူ့အခွင့်အရေးနဲ့ပတ်သက်လို့ အလေးထား ဆောင်ရွက်လာမှုတွေကိုလည်း မစ္စတာကင်တာနားက အသိအမှတ်ပြုပါတယ်။
“မြန်မာအစိုးရက ပြုပြင်ပြောင်းလဲဖို့နဲ့ သမ္မတဦးသိန်းစိန် လျာထားတဲ့ ဦးစားပေးမှုတွေအတွက် ကျနော် အားတက်မိပါတယ်။ အဲဒီအထဲမှာ အခြေခံလူ့အခွင့်အရေးတွေကို ကာကွယ်ပေးဖို့၊ တရားဥပဒေ စိုးမိုးရေးကို လေးစားဖို့၊ သီးခြား ဘက်မလိုက်တဲ့ တရားစီရင်ရေးစနစ်ကို ဖော်ဆောင်ဖို့ စသဖြင့် ပါဝင်ပါတယ်။ မကြာသေးခင်က သမ္မတဦးသိန်းစိန်ကနေ လွတ်ငြိမ်းချမ်းသာခွင့်ပေးခဲ့ပြီး လွှတ်ပေးခဲ့တဲ့ အကျဉ်းသားတွေထဲမှာ ယုံကြည်ချက်ကြောင့် အကျဉ်းကျခံနေရသူတွေ ပါဝင်ပါတယ်။ ”
လာမယ့် ကြားဖြတ်ရွေးကောက်ပွဲဟာ အစိုးရသစ်အတွက် စမ်းသပ်ချက်တခုဖြစ်လိမ့်မယ်လို့ မစ္စတာ ကင်တာနားက ပြောပါတယ်။ အထူးသဖြင့် ဒီကြားဖြတ်ရွေးကောက်ပွဲ လွတ်လပ်မျှတဖို့ အစုအဖွဲ့ အားလုံး ပါဝင်ခွင့်ရဖို့လိုသလို ဒီရွေးကောက်ပွဲမတိုင်ခင်မှာ နိုင်ငံရေးအကျဉ်းသားတွေ လုံးဝမရှိဖို့လိုမယ်လို့ မစ္စတာကင်တာနားက ပြောပါတယ်။
“မြန်မာနိုင်ငံမှာ ယုံကြည်ချက်ကြောင့် အကျဉ်းချခံနေရသူတွေ အများအပြားရှိနေဆဲ ဖြစ်တယ်ဆိုတဲ့ အချက်က ကျနော့်အတွက်ရော၊ နိုင်ငံတကာအတွက်ပါ အဓိကစိုးရိမ်မကင်းဖြစ်မှုပါပဲ။ နိုင်ငံရေးအကျဉ်းသားအားလုံးကို ချက်ခြင်း ခြွင်းချက်မရှိ ပြန်လွှတ်ပေးဖို့ အရေးကြီးပါတယ်။ လာမယ့် ကြားဖြတ်ရွေးကောက်ပွဲ ကျင်းပချိန်မှာ နိုင်ငံရေးအကျဉ်းသားတွေအားလုံး ထောင်တွေထဲမှာ မရှိသင့်တော့ပါဘူး”
အခုလို ပြည်တွင်းမှာ နိုင်ငံရေးပြုပြင်ပြောင်းလဲမှုတွေ လုပ်နေတဲ့အချိန်မှာ နယ်စပ် တိုင်းရင်းသား ဒေသတွေမှာ လူ့အခွင့်အရေး ချိုးဖောက်မှုတွေ ရှိလာနေတာကြောင့် ဒီအချက်တွေကြည့်မယ်ဆိုရင် လူ့အခွင့်အရေးနဲ့ပတ်သက်လို့ မြန်မာအစိုးရမှာ လုပ်စရာတွေ အများကြီးကျန်သေးတယ်လို့ မစ္စတာကင်တာနားက ယူဆပါတယ်။ အစိုးရသစ်လက်ထက် တိုင်းရင်းသားဒေသ တိုက်ပွဲတွေကြောင့် ဆိုးဝါးတဲ့လူ့အခွင့်အရေးချိုးဖောက်မှုတွေရှိနေတယ်လို့ မစ္စတာကင်တာနားက ပြောပါတယ်။
“နယ်စပ်ဒေသတွေမှာ၊ တိုင်းရင်းသားတွေနဲ့ ပဋိပက္ခဖြစ်ပွားနေတဲ့ နေရာတွေမှာ လူ့အခွင့်အရေး ချိုးဖောက်မှုတွေ ဆက်လက်ဖြစ်ပွားနေပါတယ်။ အရပ်သားတွေကို တိုက်ခိုက်တာ၊ တရားဥပဒေမဲ့ သတ်ဖြတ်တာ၊ လိင်ပိုင်းဆိုင်ရာ အကြမ်းဖက်တာ၊ တရားဥပဒေမဲ့ ဖမ်းဆီးမှုတွေ၊ လူတွေ အိုးမဲ့အိမ်မဲ့ ထွက်ပြေးရတာတွေ၊ မြေယာတွေကို အတင်းအဓမ္မ သိမ်းပိုက်တာတွေ၊ ကလေးစစ်သားတွေ အတင်းအဓမ္မစုဆောင်းတာမျိုး၊ အတင်းအဓမ္မ လုပ်အားပေးခိုင်းစေတာ၊ ပေါ်တာဆွဲတာတွေ စသဖြင့် ပါဝင်ပါတယ်။ ဒါ့အပြင် မြေမြှုပ်မိုင်းတွေကို မြန်မာအစိုးရစစ်တပ်ကရော အစိုးရမဟုတ်တဲ့တပ်တွေကပါ သုံးနေကြတယ်ဆိုတဲ့သတင်းတွေ ကျနော်တို့ ဆက်ရရှိနေပြီး သေဆုံးဒဏ်ရာရသူတွေလည်း အများအပြားရှိတယ်လို့ သိရပါတယ်”
မစ္စတာကင်တာနားအနေနဲ့ လာမယ့် မတ်လ ကုလသမဂ္ဂလူ့အခွင့်အရေးကောင်စီမှာ မြန်မာနိုင်ငံ လူ့အခွင့်အရေးနဲ့ ပတ်သက်ပြီးတော့ အစီရင်ခံစာသစ် ပြန်လည်တင်သွင်းမှာဖြစ်ပါတယ်။ ဒါကြောင့် ဒီမတိုင်ခင် သူ့အနေနဲ့ မြန်မာပြည်ကို ထပ်ပြီး သွားရောက်စစ်ဆေးခွင့်ရဖို့ မျှော်လင့်တဲ့အကြောင်းလည်း ပြောပါတယ်။

မြန်မာ လက်နက် မှောင်ခို ၁၇ ဦး တရုတ်ရဲ ဖမ်းမိ
တိဘက်ဒေသသို့ မြန်မာနိုင်ငံဘက်မှ လက်နက် ခိုးသွင်းသူ ၁၇ ဦးကို တရုတ် ရဲများက ဖမ်းဆီးလိုက်ကြောင်း ယမန်နေ့က ဆင်ဟွာ သတင်း၌ ရေးသားထားသည်။ လက်နက်မှောင်ခိုသမားများသည် မြန်မာနိုင်ငံရှိ ပဋိပက္ခ ဖြစ်ပွားရာ ဒေသမှ ဖြစ်သည်ဟုလည်း ပါရှိ သည်။ ၎င်းတို့ထံမှ ပစ္စတို ၈ လက် ၊ ရိုင်ဖယ် ၁ လက် နှင့် ကျည်ဆန် ၂၆၇ တောင့် သိမ်းဆည်းရမိသည်ဟု သတင်းတွင် ဖော်ပြ ထား သည်။


အာဆီယံဥက္ကဋ္ဌရာထူး အလောသုံးဆယ် မဆုံးဖြတ်ရန် AIPMC တိုက်တွန်း
မြန်မာအစိုးရက စစ်မှန်သည့် ပြုပြင်ပြောင်းလဲမှုများ ပြုလုပ်သည့်အချိန်မှ အာဆီယံအဖွဲ့ ဥက္ကဋ္ဌတာဝန် ပေးအပ်ရေးကိစ္စကို ဆုံးဖြတ်ရန် မြန်မာ့အရေးဆိုင်ရာ အာဆီယံ လွှတ်တော်အမတ်များအဖွဲ့ (AIPMC) က လက်ရှိ အာဆီယံဥက္ကဋ္ဌ အင်ဒိုနီးရှားနိုင်ငံကို အင်္ဂါနေ့တွင် တောင်းဆိုလိုက်သည်။
Indonesian Foreign Minister Marty Natalegawa talks to journalist in Jakarta,Indonesia, Monday, March 15, 2010. The U.S. should consider lifting a ban against working with a commando unit accused of human rights abuses a decade ago, saying Indonesia's military has undergone significant reform, a government minister said Monday. (AP Photo/Achmad Ibrahim)
အင်ဒိုနီးရှားနိုင်ငံခြားရေးဝန်ကြီး Mr. Marty Natalegawa (ဓာတ်ပုံ - AP)
လာမည့်လ အင်ဒိုနီးရှားတွင် ကျင်းပမည့် အာဆီယံညီလာခံတွင် တက်ရောက်လာသူများက မြန်မာနိုင်ငံအား ၂၀၁၄ ခုနှစ်အတွက် အာဆီယံ အလှည့်ကျဥက္ကဋ္ဌတာဝန် ပေးအပ်ရေးကို ထောက်ခံဆွေးနွေးဖွယ်ရှိသည်ဟု အကဲခတ် အများအပြားက သုံးသပ်နေကြသည်။
အစိုးရက နိုင်ငံရေးအဖွဲ့အစည်းများ၊ တိုင်းရင်းသား လက်နက်ကိုင် အဖွဲ့များနှင့် အဓိပ္ပာယ်ရှိသော ဆွေးနွေးပွဲများ ပြုလုပ်ခြင်းကဲ့သို့သော ပြုပြင်ပြောင်းလဲမှုများ ပြုလုပ်သည့်အချိန်မှ  အာဆီယံ ခေါင်းဆောင်များက မြန်မာ့အရေးကို ဆုံးဖြတ်သင့်သည်ဟု AIPMC အဖွဲ့ ညွှန်ကြားရေးမှူး Ms. Agung Putri က ဗုဒ္ဓဟူးနေ့တွင် ပြောလိုက်သည်။
ယခုလကုန်ပိုင်း အင်ဒိုနီးရှားနိုင်ငံခြားရေးဝန်ကြီး Mr. Marty Natalegawa ၏ မြန်မာပြည်ခရီးစဉ်အတွင်း တိုင်းရင်းသားခေါင်းဆောင်တို့နှင့်လည်း တွေ့ဆုံ ညှိနှိုင်းသင့်သည်ဟု Ms. Agung Putri က ဧရာဝတီကို ပြောသည်။
မြန်မာနိုင်ငံအတွင်း မကြာသေးခင်က ပေါ်ပေါက်လာသော ဖြစ်ထွန်းတိုးတက်မှုများကိုလည်း Ms. Agung Putri က အသိအမှတ်ပြုလိုက်သည်။
“ဒါပေမယ့် မြန်မာနိုင်ငံကို ၂၀၁၄ ခုနှစ်အတွက် အာဆီယံ အလှည့်ကျဥက္ကဋ္ဌတာဝန် ပေးအပ်ဖို့ လုံလောက်တဲ့ ဖြစ်ထွန်းမှုတွေတော့ မဟုတ်သေးဘူး”  ဟု Ms. Agung Putri က ပြောသည်။
မြန်မာအစိုးရက အစိုးရအဖွဲ့ ဖွဲ့စည်းပြီး တလအကြာတွင် အလှည့်ကျဥက္ကဋ္ဌတာဝန်ယူရေးကို စတင် ပြောဆိုခြင်းဖြစ်သည်။ ထိုတာဝန်ယူရေးကို မေလ အာဆီယံညီလာခံတွင် တရားဝင် တောင်းဆိုခဲ့သည်။
“မြန်မာပြည်က ၂၀၁၄ အတွက် အလှည့်ကျဥက္ကဋ္ဌဖြစ်ရေး ဆိုတာကို ကျမတို့ မကန့်ကွက်ပါဘူး၊ မကန့်ကွက်ဘူး ဆိုပေမယ့် လာမယ့်လ ညီလာခံမှာ ဆုံးဖြတ်ချက်ချဖို့က စောလွန်းပါသေးတယ်” ဟု Ms. Agung Putri က ပြောသည်။
“နိုင်ငံရေးအကျဉ်းသားတွေကို လွှတ်ပေးတာ တခုတည်းနဲ့တော့ ဒီမိုကရေစီရေး အပြောင်းအလဲ လုပ်နေတယ်လို့ မပြောနိုင်ဘူး၊ တိုင်းရင်းသားအဖွဲ့တွေ၊ အတိုက်အခံအဖွဲ့တွေနဲ့ တွေ့ဆုံဆွေးနွေးဖို့ လိုပါသေးတယ်။ အဲဒါကို အရင်လုပ်ရမှာပါ။ အဲဒါကို ပထမဦးစားပေးရမှာပါ။  Mr.Natalegawa က သူ့ရဲ့ လုပ်ပိုင်ခွင့်ကိုသုံးပြီး မြန်မာပြည်ဒီမိုကရေစီအရေး အပြောင်းအလဲကို ကူညီပေးမယ်လို့ ကျမတို့ အများကြီး မျှော်လင့်ပါတယ်။