Tuesday, June 25, 2013

မိုးသည်း ည လမ်းခွဲ (အပိုင်း-၁)

by လင်းသက်၏ စာအုပ်ကမ္ဘာ (Notes) on Sunday, June 23, 2013 at 3:35am




၁။
                    ည (၁၂း၀၀) ကျော်။ အိမ်ပြန်လမ်းက တိုးသက်ဆိတ်ငြိမ်စွာ လှပနေသည်။ ညည့်ယံမှာမိုးဖွဲလေးများ လွင့်ပျံနေ၏။ ကျွန်တော့ရှုးဖိနပ်သံက အမှောင်ထုတံခါးကို တဒေါက်ဒေါက် လှမ်းခေါက်နေသလိုလို။ အလင်းပွင့်ပြာပြာတွေက လမ်းဘေး တောက်လျှောက်စုန်းတောက်နေကြသည်။ မာရီယာနှင့်ကျွန်တော် ဒီလိုညမျိုးကို ကြိမ်ဖန်များစွာ ဖြတ်သန်းခဲ့ဖူးသည်။
ဒီလမ်းလေးပေါ်မှာ မိုးကာအင်္ကျီတစ်ထည်ကို နှစ်ယောက်ခြုံပြီး ဘ၀တစ်ခုလုံး နွေးထွေးလုံခြုံလှပြီဟု ယုံကြည်ခဲ့ဖူးသည်။ တစ်ဦး၏ သောကကို တစ်ဦးမျက်နှာပေါ် အရိပ်မကျစေရ။ တစ်ယောက်နှင့်တစ်ယောက် တွဲလက် မဖြုတ်စတမ်းမြဲမြံခဲ့ကြဖူးသည်။


                  အခု ဒီလို မိုးညများကို သူတစ်ယောက်တည်းဖြတ်သန်းခဲ့ရတာ (၇)ရက်၊ တစ်ပတ်မျှကြာညောင်းခဲ့ပြီဖြစ်သည်။ အရင်က တစ်ယောက်တည်းနေရတာတောင် များလှပြီထင်နေသော ကျွန်တော်။ အနားမှာ မာရီယာမရှိတော့မှ သွေးပျက်စပြုလာသည်။ ဖင်စီခံထိတိုဝင်လာသော စီးကရက် ကို နောက်ဆုံးအနေဖြင့် အားပါးတရရှိုက်သွင်းပြီး တောက်ထုတ်ပစ်လိုက်သည်။ အခုနေများ မာရီယာကို တွေ့ရလျှင်အားပါးတရပွေ့ဖက်နမ်းရှုံ့ပစ်မိမည်ထင်သည်။
သို့သော် စီးကရက်တိုလိုတောက်ထုတ်ပစ်နိုင်၊ မပစ်နိုင်ဆိုတာတော့ ဇဝေဇ၀ါ၊ မသေချာပါ။


            ကျွန်တော်သည် မာရီယာလောက် ပြတ်သားသည့် ရွေးချယ်မှုမျိုး မပြုလုပ်နိုင်ခဲ့တာလား၊ သို့မဟုတ် မာရီယာကပဲ ကျွန်တော့ပြေးလမ်းပေါ်က ဖိတ်စင်ချွတ်ချော်ခဲ့တာလား ဆိုတာလည်း မသဲကွဲလှပါ။ တစ်နေ့ ကျွန်တော့ဆီက မာရီယာ လှည့်ထွက်သွားမယ်ဆိုတာသိလျှက်နှင့် တစ်ကယ်တန်း ရင်ဆိုင် ကြုံတွေ့လာရသောအခါ၊ သူ့မှာ ပြင်ပြင်ဆင်ဆင်အနေအထားမရှိခဲ့။ (ကျွန်တော့ထံပါးမှ ဤမျှ လွယ်လင့်တကူ ကွယ်ပျောက်သွားလိမ့်မည်ဟု မယူဆခဲ့ခြင်းကြောင့်လည်း ပါပါလိမ့်မည်။) ထို့ကြောင့် ကျွန်တော် ဖရိုဖရဲ အသည်းကွဲလေသည်။

             မာရီယာနှင့် ကျွန်တော်၏ဆုံမှတ်မျဉ်းမှာ ဤလမ်းပေါ်မှာပင်ဖြစ်ပြီး၊ကျွန်တော်တို့နှစ်ယောက်၏ လမ်းခွဲ ညနေခင်းသည်လည်း ဤလမ်းပေါ်မှာပင်ကျကွဲခဲ့ခြင်းဖြစ်သည်။ ယခုအခါ မာရီယာ သတိရခြင်း များစွာဖြင့် ကျွန်တော့ကို ထားခဲ့ပါပြီ။ ကျွန်တော့ပုခုံးပေါ်မှီစက်ခဲ့ဖူးသော သူမ၏မေးစေ့ ချွန်ချွန်လေး၏ အထိအတွေ့ကို သတိရသည်။ သူမ၏ ရယ်သံမျှင်မျှင်လေးကို လွမ်းမိ၏။သူမ၏ ဆံနွယ်စပေါ် တွယ်ကပ်နေသော မိုးစက်ပွင့်မှုန်လေးတွေကို ငေးမော ထိခတ်ချင်မိသေး၏။


             ဇာတ်လမ်းတစ်ပုဒ်၏ အဆုံးသတ်တွင် "ပြီးပါပြီ" ဟုစာတမ်းရေးထိုးလေ့ရှိတတ်ပါသည်။ ထိုကဗ္ဗည်း စာတမ်းကို မာရီယာ ကိုယ်တိုင် ကျွန်တော့ဆီလာချိတ်ဆွဲပေးစေ့ချင်ပါ၏။ ဘာပဲဖြစ်ဖြစ် မာရီယာ၏ အငွေ့အသက်ကို တို့ထိမိရုံမျှဖြင့် ကျွန်တော်သေပျော်နိုင်ပါလိမ့်မည်။


             တောမရောက်၊ တောင်မရောက် အတွေးရိုင်းတွေကို မောင်းမထုတ်ပစ်ရက်ပါ။ ကျွန်တော့ဆီမာရီယာ ပြန်
လာလိမ့်မည်ဟု နောက်ဆုံးအချိန်အထိရင့်ရင့်ရဲရဲမျှော်လင့်ထားချင်ပါသေးသည်။ သို့ဆိုလျှင် ကျွန်တော်နှင့် မာရီယာ၏ တွေ့ဆုံခြင်းမှာရောမျှော်လင့်ခြင်းတွေ စွန်းထင်းခဲ့ဖူးပါသလား။ ထိုသို့ ဖြစ်လိမ့်မည်မထင်ပါ။မာရီယာနှင့် ကျွန်တော်၏ စတင် ဆုံစည်းခဲ့သော မိုးသည်းညချမ်းသည် အနည်းငယ်မျှပင် ရိုမန်တစ်မဆန်ခဲ့ချေ။ သို့သော် ထိုညကပင် ကျွန်တော်တို့၏ သံယောဇဉ် ချင်းကျောချင်းကပ်ဖို့ အစပျိုးခဲ့ရာလည်း ဖြစ်နေပါတော့သည်။

-----------------------------------------------------------------------------------------------------------------------

၂။

                     ည (၁၂း၀၀) ကျော်။ တစ်နေကုန် ပွဲကြမ်းနေသော အစာအိမ်ကို ပေါင်မုန့်တစ်လုံး၊ လက်ဖက်ရည်တစ်ခွက်ဖြင့် ချော့မြူပြီး ပြန်လာခဲ့ရသော ညဖြစ်သည်။ ဒီလမ်းကြားထဲက အဆောင်တစ်ခုမှာ ကျွန်တော်နားခိုခဲ့တာ တစ်လပဲ ရှိပါသေးသည်။ လွန်ခဲ့သော (၁၀)နှစ်လောက်က ကျွန်တော်ကျင်လည် ကျက်စားခဲ့သော အသိုင်းအ၀ိုင်းထဲမှ မိတ်ဆွေ တစ်ဦးနှင့် ပြန်တွေ့ခဲ့သည်။ ကိုကောင်းခန့်ဖြစ်သည်။ အခုသူကစင်တင်တေးဂီတနှင့် ဖျော်ဖြေရောင်းချသည့် စားသောက်ဆိုင်တစ်ဆိုင်ဖွင့်ထားသည်။ သူ့ဆိုင်မှ လစ်လပ်နေသော ကီးဘုတ်တီးသမားနေရာတွင် အစားထိုးတာဝန်ယူပေးရန်သူနှင့် ကျွန်တော်အကြမ်းဖျင်း သဘောတူညီမှု ရရှိခဲ့သည်။ လတ်တလောရင်ဆိုင်နေရာသော အခက်အခဲတစ်ချို့တော့ ပြေလည် သွားမည်ဖြစ်သည်။


                    လောကကြီးက တစ်ခါတစ်လေစိတ်ပျက်ဖွယ်အတိဖြစ်၏။ အံ့ဝင်ဂွင်ကျမဖြစ်သည့် ခပ်ပွပွဘ၀ကြီးကို ၀တ်ဆင်ထားရတာ ကြာတော့ ငြီးငွေ့မိသည်။ လွန်ခဲ့သည့် (၁၀)နှစ်အတွင်းက ကျွန်တော်၏အိပ်မက်မှာအောင်မြင်သော တေးရေးဆရာတစ်ဦးဖြစ်ပါသည်။ သို့သော် ကျွန်တော် မွေးထုတ်ခဲ့သောသီချင်းတစ်ချို့မှာ အဖေအရင်းပျောက်ခဲ့ရရှာသည်။


                   ဖလှယ်ရဂုဏ်သတ္တိဆိုသည့်သီအိုရီကို ကျွန်တော်နားမလည်လွန်းစွာ ဖြစ်ရပါသည်။ အနုပညာကို ငွေ
ကြေးဖြင့် ညီမျှခြင်းချ၍ရ၊ မရ။ တန်ဘိုးဖြတ်ဖို့ ထိုက်တန်မှုရှိ၊ မရှိဆိုတာကို ကျွန်တော်နားမလည်၊ ပါးမလည်ဖြစ်ခဲ့ရပါသည်။ ဂီတလောက ၀ဲဂယက်ထဲတွင် တီးဝိုင်းတစ်ချို့၌ ဂီတာလိုက်တီးလိုက်၊ကီးဘုတ်လိုက်တီးလိုက်၊ သီချင်းရေးလိုက်၊ တစ်ချို့ပွဲများတွင် ကိုယ်တိုင် သီချင်းဝင်ဆိုလိုက်ဖြင့်လွင့်မျောနေခဲ့ဖူးသည်။


                  ယခုကျွန်တော်အလုပ်ဝင်မည့် ဆိုင်ရှင်က ကျွန်တော်နှင့် ငတ်ဖေါ် ငတ်ဘက်၊ တေဖေါ် တေ ဘက်၊ သီချင်းရေးဖေါ် ရေးဘက်ဖြစ်သည့် အနုပညာရောင်းရင်းတစ်ဦးဖြစ်ပါသည်။ ကျွန်တော်နှင့် လက်တွဲပြီး (၄)နှစ်မျှ အကြာတွင် ကြွယ်ဝ ချမ်းသာသော အသိုင်းအ၀ိုင်းမှ ကောင်မလေးတစ်ဦးနှင့် လက်ထပ်လိုက်သည်။ ကျွန်တော် တစ်ယောက်တည်းယောင်ပေပေဖြင့် နွံနစ်ကျန်ခဲ့သည်။ နောက် တစ်နှစ်အကြာမှာအမေ့ကျန်းမာရေးကြောင့် ကျွန်တော်နယ်ပြန်ဆင်းခဲ့ရသည်။ နယ်မှာ (၅)နှစ်မျှနေပြီး၊ ရန်ကုန်ပြန်ရောက်လာတော့လွန်ခဲ့သည့် (၁၀)နှစ်တုန်းက ရောက်ခဲ့သည့်အတိုင်းပင် ဒုက္ခဆိုသည့် အကောင်က ခရီးဦးကြိုပြုနေပြန်ပါသည်။


                တံခါးစောင့်တစ်ဦး၏ပညာအရည်အချင်းသည်ပင် တက္ကသိုလ်ဘွဲ့ရ ဖြစ်နေချိန်တွင် ဆယ်တန်း ဆိုသည့် ဂိတ်ဝတွင်တဘုန်းဘုန်းလဲပြိုကျခဲ့ရသော ကျွန်တော့အတွက်အလုပ်အကိုင်ရှားပါးနေခြင်းမှာ မထူးဆန်း
လှပေ။ ကိုကောင်းခန့်နှင့်သာ ပြန်မတွေ့ရလျှင် မနက်ဖြန်ဆိုတာ ကျွန်တော်ရင်ဆိုင်ရခက်ခဲမည့် အန္တရာယ်ကောင်ဖြစ်နေပါဦးမည်။


                 တွေးရင်း လျှောက်လာခဲ့သည့်လမ်းက ပုံမှန်ထက်တော့ အလျှား ပိုတိုပါသည်။ မိုးက ပိုမိုသည်းထန်လာ၏။ ကျွန်တော့နားထဲတွင် အသံတွေကြားရသဖြင့် လှည့်ကြည့်မိသည်။ ကျွန်တော့ဆီ အရိပ်တစ်ချို့ လျှင်မြန်စွာရွေ့လျားလာသည်ကို တွေ့ရသည်။ သည်းသည်းကွဲကွဲတော့ မရှိလှ။ ခန္ဓာကိုယ်ကို အသင့်အနေအထားပြင်ဆင်ပြီးရပ်စောင့်နေလိုက်သည်။

"ဒီမှာရှင့်...ရှင် ကျွန်မကို ကူညီတဲ့အနေနဲ့အတူတွဲလျှောက်ပေးနိုင်မလား..."

               ကျွန်တော့အနား ရောက်လာသည့်အရိပ်ကလေးက အသံမျှင်မျှင်လေးဖြင့် ပြောလိုက်သည်။ သူမနောက်ကို ကျော်ကြည့်လိုက်တော့ ယိမ်းယိုင်နေသည့် ပုရိသ (၃)ဦး။ အခြေအနေမှန်ကို ရိပ်စားမိ လိုက်ပြီ။ သူမကို
ခေါင်းညိမ့်ပြပြီး ကျွန်တော်တို့နှစ်ဦး ယှဉ်တွဲလျှောက်လိုက်ကြသည်။ ငနဲ (၃)ကောင်က လည်း ထပ်ကြပ်မကွာ လိုက်ပါလာကြပြန်သည်။

" မိုးသည်...နင် ငါ့ကို ဒီလို ကျော်လို့ မရဘူးနှော်..."

               "ကျွတ်...ဇာတ်လမ်းတော့စပြီ"ဟု စိတ်ပျက်လက်ပျက် တွေးမိသည်။ ကျွန်တော် ဟီးရိုးမဟုတ်ပါ။ သတ်ပုတ်ခြင်းမှာ ကျွန်တော့ပါရမီ အထမမြောက်ခဲ့။ လမ်းမှာ ခွေးနှစ်ကောင် ကိုက်တာ၊ ကြက်နှစ်ကောင်ခွပ်တာကအစမျက်နှာလွှဲသွားလေ့ရှိသော ကျွန်တော့အတွက် ယခုအခင်းအကျင်းသည် မဟာစွန့်စားခန်းကြီးတစ်ခုပမာဖြစ်နေပါသည်။

" ဒါ ငါ့ချစ်သူ...နင် ငါ့ကို မနှောက်ယှက်စမ်းနဲ့ အောင်ထိုက်...နင်နဲ့ငါ့ကြားဘာအကန့်မှ မရှိတော့ဘူး...ကိုယ့်လမ်း
ကိုယ် ရွေ့ ကြရအောင်...."

               ဘုရားရေ... ဒီ မိုးသည်းဆိုတဲ့ကောင်မလေးကတော့ လုပ်ချလိုက်ပြီ။ အောင်ထိုက်ဆိုသည့် သားသားနားနားငမူးလေးက အားပါးတရရယ်ပြီး-

" ဘာ...နင့် ချစ်သူ...ဟုတ်လား....ဟားဟားဟား...ရယ်ရချက်ကွာ...ဒီလိုဆယ့်ကိုးရာစု ဘိုးတော်ကြီးက နင့် ချစ်
သူ တဲ့လား...အဟက်...ငါ့ကို လာမဖေါစမ်းနဲ့ မိုးသည်း...လမ်းပေါ်မှာ အခုမှ တွေ့တဲ့ ဘူမသိ၊ကိုးမသိဘိုးတော်ကြီးကို ကိုးကွယ်မယ့်အစား၊ ငါ့ကိုပဲ အားကိုးလိုက်စမ်းပါ..."

                  ကျွန်တော် နည်းနည်းတော့ ခါထွက်သွားသည်။ ဆယ်စုနှစ်တစ်စုစာမျှ ကွာဟသွားရုံဖြင့် ကျွန်တော်ဝတ်ထားသည့် Levi's 501 ဂျင်းနှင့် Country Shoe တို့ ခေတ်နောက်ပြန် လန်ကျကုန်ပြီလား။

" ကျွတ်...ကျွတ်...ကျွတ်...နင်က သနားစရာ အမှုန်အမွှားလေးပါလားအောင်ထိုက်ရယ်...ဒါ ငါ့ချစ်သူမှ ငါ့ချစ်သူ
အစစ်ပါ... လုံးဝ ဆေးမဖြန်းထားဘူး....ရေမထိုးထားဘူး.... အလေးချိန် နည်းနည်းလေးမှ မလျော့တဲ့ ငါ့ချစ်သူ... ဟုတ်ပြီလား... ငါတို့က တစ်နယ်တည်းသားတွေလေ...မောင်က ငါ့ကို စိတ်မချလို့ လိုက်လာတာ...ငါတို့ မကြာခင်လက်ထပ်ဖြစ်တော့မှာဟ... အဲ့ကျရင် နင့်ကို ဖိတ်စာလှမ်းပို့လိုက်ပါ့မယ်... နင်ဆက်ဆက်လာခဲ့ရမယ်နှော်...”

                  ပြောနေရင်း မိုးသည်းကကျွန်တော့ လက်မောင်းကို လှမ်းချိတ်ပြီး သူ့မေးစေ့ချွန်ချွန်လေးကို ကျွန်တော့ပုခုံးပေါ် မှေးတင်လိုက်သည်။

" မောင်... ကျွန်မကို မောင့် မိုးကာအင်္ကျီလေး တစ်ဝက်လောက် ပေးခြုံပါလား...."


" သြော်...အင်း..."

                   ကျွန်တော် အူကြောင်ကြောင်နှင့်  ၀တ်ထားသည့် မိုးကာအင်္ကျီကို ချွတ်ပြီး သူ့ပုခုံးပေါ် လွှမ်းခြုံပေးမိသည်။ မိုးသည်းက ကျွန်တော့ ခါးကို ဖက်ပြီး-


" မောင်...သွားကြရအောင်လေ...ကျွန်မ ချမ်းနေပြီ..."

                  ကျွန်တော့ သက်ဝင်လှုပ်ရှားမှု အားလုံးသည် မိုးသည်း၏ အသံမျှင်မျှင်လေးအောက်တွင် သြဇာတည်ရှိနေ၏။ ထိုညက မိုးသည်းသည်းတွင် မိုးသည်းဆိုသည့် ကောင်မလေးကို သူမတို့ သူငယ်ချင်းတစ်စု ငှားရမ်း နေထိုင်သော ကျွန်တော်တို့ လမ်းထဲရှိ တိုက်ခန်းသို့ ပို့ပေးခဲ့သည်။ နောက်မှ တကောက်ကောက်ကပ်ပါလာကြသောအောင်ထိုက်တို့ကြောင့် မိုးသည်း နေထိုင်သည့် တိုက်ရှေ့ရောက်သည့် တိုင်အောင် ချစ်သူစုံတွဲသဖွယ် သရုပ်ဆောင်ခဲ့ကြရပါသည်။

                 ထိုည၌ မိုးသည်းက ကျွန်တော့ကို ကော်ဖီတစ်ခွက်ဖြင့် ဧည့်ခံခဲ့သည်။ ကျွန်တော့ နာမည် "ညချမ်း"ဟု သိလိုက်ရသောအခါ မိုးသည်းက သဘောကျစွာ ရယ်မောပြီး " ဒါဆို ကျွန်မတို့ နှစ်ယောက် ပေါင်းရင် မိုးသည်းည ဖြစ်ပြီပေါ့ မောင်ရဲ့..." ဟု နောက်ပြောင်လေသည်။ ထိုညမှာ ကျွန်တော်သောက်ခဲ့ရသည့် ကော်ဖီတစ်ခွက်နှင့်အတူ၊ မိုးသည်းဆိုသည့် ကောင်မလေးကို အမှတ်တရဖြစ်နေဦးမှာ အသေအချာပင် ဖြစ်ပါတော့သည်။



-------------------------------------------------------------------------------------------------------------------------

ဇာတ်သိမ်းပိုင်း စောင့်မျှော် ဖတ်ရှုပေးပါရန်
လေးစားစွာဖြင့်-

(လင်းသက်)

0 comments:

Post a Comment

စာမရေးဖြစ်တော့တာကြောင့် ကျနော်ကြိုက်ပြီး ဖတ်စေချင်တဲ့ စာလေးတွေကို တင်ထားပါတယ်ဗျာ

Followers

Total Pageviews

အမှာပါးစရာများရှိနေရင်

Pop up my Cbox

Blog Archive

အက်ဒမင်

အခြားကဏ္ဍများကို လေ့လာရန်

ရှာဖွေလေ တွေ့ရှိလေ

စာပေမြတ်နိုးသူများ

free counters
Related Posts Plugin for WordPress, Blogger...