ပန်းခင်းလမ်းလျှောက်ချင်ရင် နိုင်ငံရေး မလုပ်ပါနဲ့.....
|
4:38 PM |
No မှတ်ချက် |
အခုတလော တွေ့နေရတာက အတိုက်အခံ ဘက်တော်သားတွေရဲ့ စကား.... အထူးသဖြင့် ဖြစ်ပေါ်လာတဲ့ နိုင်ငံရေး ကိစ္စတွေနဲ့ ပါတ်သက်ပီး အတိုက်အခံတွေရဲ့ ဝံသာနုစိတ်ဓါတ် အပေါ် မေးခွန်းတွေ ထုတ်ကြတာကို မကျေနပ်တဲ့ အတိုက်အခံ ဘက်တော်သားတွေရဲ့ အသံတွေပါပဲ.......
အတိုက်အခံတွေကို တမင်ထောင်ခြောက်ဆင်လာတဲ့ ကိစ္စတွေ၊ အတိုက်အခံတွေ နာမည်ကောင်းရမှာ မရှုစိမ့်လို့ လုပ်လာတဲ့ ကိစ္စတွေ အစရှိသဖြင့် အပြစ်ဖို့နေတာကို တွေ့ရပါတယ်........
ကျွန်တော့်အနေနဲ့ မေးလိုတာကတော့ တစ်ခါလာလည်း သူများဆင်တဲ့ထောင်ခြောက်၊ တစ်ခါလာလည်း ဟိုလူ လုပ်လို့၊ ဒီလူလုပ်လို့ ဆိုရင်ဖြင့် ခဏခဏ ခံ နေရတယ်ဆိုတဲ့ အတိုက်အခံတွေဟာ အတော်ပဲ ညံ့ဖျင်းတယ်လို့ မြင်လာပါတယ်..... တစ်ခါသေဖူး ပျဉ်ဖိုးနားလည်ရမယ့်စား ဘာကြောင့် အခါခါသေချင်နေလဲ၊ ထောင်ခြောက်မှန်းသိနေရက်နဲ့ ဆင်းလာသလဲ မေးချင်လာပါတယ်.....
နိုင်ငံရေးလုပ်ပီဆိုတာနဲ့ မလွဲမသွေ တွေ့ရမှာက ထောင်ခြောက်တွေ၊ သတ်ကွင်းတွေ၊ ပြင်းထန်တဲ့ ရုန်းကန်မှုတွေ ပြုလုပ်ရမယ့် ရွှံ့ညွံ့လို အခင်းအကျင်းတွေကို မဖြစ်မနေကို ဖြတ်ကျော်ရပါလိမ့်မယ်...... လူ့အလို နတ်မလိုက်နိုင်ဆိုသလိုပဲ အမျိုးမျိုးသော မ တစ်ထောင်သားတွေကို အုပ်စိုးရာမှာ တစ်ယောက်ကကျေနပ်ပီး ကျန်တဲ့လူတွေက မကျေနပ်တာတွေကိုလည်း ဖြေရှင်းဖို့ အရည်အချင်းရှိရပါမယ်..... အခုလက်ရှိ အတိုက်အခံ ဘက်တော်သားတွေလို မကျေနပ်တဲ့သူကို မကျေနပ်ရကောင်းလား သွားပြောလို့ မရပါဘူး..... လူတိုင်းဟာ သူ့အခွင့်အရေးနဲ့ သူပါပဲ......
အခုလက်ရှိ အတိုက်အခံတွေ ကြုံတွေ့နေတဲ့ နိုင်ငံရေး ပြဿနာတွေ၊ အထူးသဖြင့် ဘာသာ၊ သာသနာပိုင်းဆိုင်ရာ ကိစ္စတွေဟာ အင်မတန် နူးညံ့သိမ်မွေ့လှပါတယ်...... အရာအားလုံးကို လူ့အခွင့်အရေးနဲ့ တိုင်းလို့မရနိုင်ပါဘူး...... ပြည်သူလူထုရဲ့ သဘောထားကိုလည်း ဆန်းစစ်ဖို့ လိုပါသေးတယ်.... ဖြစ်လာတဲ့ ပြဿနာတွေကို ဖြစ်ရကောင်းလား၊ ဘယ်သူ ဖန်တီးတယ် ဘယ်ဝါ ဖန်တီးတယ်လို့ အပြစ်ထိုင်တင်နေတာ အဖြေတစ်ခု မဟုတ်ပါ...... ပြဿနာကို ဖြေရှင်းဖို့သာ အဖြေဖြစ်ပါတယ်....... အဆိုပါ ပြဿနာတွေဟာ အတိုက်အခံတွေ နိုင်ငံရေး စင်မြင့်ပေါ် ရောက်လာလျင်လည်း တွေ့ဆုံလာရမယ့် ကိစ္စတွေပါပဲ.......
ကုလားမုန်းတီးရေး စိတ်ဓါတ်ဟာ ချက်ခြင်း ရေနဲ့မီးကိုး ဖြန်းသလို ငြိမ်းသွားမှာ မဟုတ်ပဲ ဆက်လက်ကျန်ရှိနေဦးမှာပါပဲ.....
လက်ရှိ အတိုက်အခံများထဲမှ ဒေါ်စုဟာ လွှတ်တော် အမတ် တစ်ယောက်ဖြစ်နေတဲ့အပြင်၊ တရားဥပဒေ စိုးမိုးရေး ကော်မတီရဲ့ ဥက္ကဌ တစ်ယောက်လည်း ဖြစ်ပါတယ်..... လွှတ်တော် အမတ်တစ်ယောက်ရဲ့ လုပ်ပိုင်ခွင့်၊ တရားဥပဒေ စိုးမိုးမှုကော်မတီရဲ့ လုပ်ပိုင်ခွင့်ဟာ အတော့်ကို ကြီးမား ကျယ်ပြန့်ပါတယ်....... အထူးသဖြင့် အနောက်နိုင်ငံများက ဆုတံဆိပ်များ အပ်နှင်းခြင်းခံထားရတဲ့ ဒေါ်စုလို လွှတ်တော်အမတ်တစ်ယောက်ရဲ့ အဆိုတွေဟာ အခြားသော လွှတ်တော် အမတ်တွေရဲ့ အဆိုတွေထက် များစွာ တာသွားတယ်ဆိုတာ မေ့ထားလို့ မရပါဘူး..........
အခုလက်ရှိ မြင်နေတာကတော့ အတိုက်အခံတွေဟာ၂၀၁၀ တုန်းက မဲပေးခွင့်ရခဲ့တဲ့ ဝှိုက်ကဒ်တွေကိစ္စ၊ လွှတ်တော်ထဲ ရောက်နေတဲ့ ဘင်္ဂါလီ အမတ်တွေကိစ္စ၊ လိပ်ခဲတည်းလည်းဖြစ်နေတဲ့ အနောက်ဘက်ကမ်းက ဘင်္ဂါလီ အရေးကိစ္စတွေနဲ့ ပါတ်သက်လို့ နှုတ်ဆိတ်နေခြင်းပါပဲ...... ဒီကိစ္စတွေဟာ အစိုးရနဲ့ သက်ဆိုင်တယ်၊ သက်ဆိုင်ရာတွေပဲ လုပ်ရမှာ အတိုက်အခံနဲ့ ဘာဆိုင်လဲ မေးကောင်း မေးလာနိုင်ပါတယ်...... အတိုက်အခံဆိုသည်မှာ အစိုးရ လုပ်ရပ်အားမရရင်ဖြစ်စေ၊ အစိုးရမှ လုပ်သင့်သည်ကို မလုပ်လျင်ဖြစ်စေ အပြုသဘော ထောက်ပြ ဝေဖန်သွားရမှာ ဖြစ်ပါတယ်...... ဒါမှလည်း အတိုက်အခံကောင်း ပီသပါလိမ့်မယ်......
ယခုလက်ရှိမှာ ဝှိုက်ကဒ်တွေဟာ တရားမဝင်တဲ့အတွက် ၂၀၁၅ မှာ မဲပေးပိုင်ခွင့် မရှိတာကို ပြတ်ပြတ်သားသား ငြင်းဆန်ကြဖို့၊ အစိုးရကို ဖိအားပေးကြဖို့ ဘယ်အတိုက်အခံထံကမှ အသံထွက်လာတာ မတွေ့ရပါဘူး...... လွှတ်တော်ထဲ ရောက်နေတဲ့ ဘင်္ဂါလီ ကြံ့ဖွံ့ အမတ်တွေနဲ့ ပါတ်သက်လို့ လက်ရှိ ကြံ့ဖွံ့ ဥက္ကဌလည်းဖြစ်၊ ပြည်သူ့ လွှတ်တော်ဥက္ကဌနဲ့ အင်မတန်မှ လူခြင်းရင်းနှီးတဲ့ အတိုက်အခံခေါင်းဆောင် ဒေါ်စုထံမှလည်း ကန့်ကွက်ခြင်းကို စိုးစဉ်းမျှ မတွေ့ရပြန်ပါဘူး...... လူ့အခွင့်အရေးဆိုတဲ့ စကားလုံးဟာ အတိုက်အခံတွေကို အမှန်တရားတွေ ပြောဆိုဖို့အတွက် ဆွံ့အနေစေပုံ ရပါတယ်.....
လူ့အခွင့်အရေးကို စဉ်းစားမယ်ဆိုရင် အတိုက်အခံတွေကို တိုက်တွန်းလိုတာကတော့ ကိုယ့်နိုင်ငံရဲ့ ပြည်သူတွေ လူ့အခွင့်အရေး အပြည့်အဝ ရပီလား၊ ဘယ်လိုတွေ လူ့အခွင့်အရေး ချိုးဖောက်ခံနေရသလဲ၊ ဘယ်လိုဘာသာတရားတွေက နိုင်ငံသားတွေရဲ့ လူ့အခွင့်အရေးကို ထိမ်းချုပ်နေလဲ ဆိုတာတွေကိုပါ ထည့်သွင်းစဉ်းစားဖို့ လိုပါလိမ့်မယ်...... ကမ္ဘာပေါ်မှာ မည်သည့်နိုင်ငံမှ သူ့နိုင်ငံသားရဲ့ အခွင့်အရေးကို ကျော်လွန်ပီး အခြားသူများရဲ့ လူ့အခွင့်အရေးကို ဦးစားပေး ရှေ့တန်းတင်တာမျိုး မရှိတာကိုလည်း မေ့လျော့ထားလို့ မရပါဘူး.......
လူ့အခွင့်အရေးကို ရှေ့တန်းတင်လွန်းချိန်မှာ ဝံသာနု၊ အမျိုးသား အကျိုးစီးပွားတို့ဟာ ထိပ်တိုက် တိုးကြမှာ မလွဲပါဘူး..... သို့ဖြစ်တဲ့အတွက် အတိုက်အခံတွေအနေနဲ့ မကြာခဏဆိုသလို အဆိုပါ ထိပ်တိုက်တိုးမှုက ဖြစ်လာတဲ့ ပြဿနာတွေကို ဝေဖန်သုံးသပ်ရမှာပါပဲ...... နိုင်ငံရေး သဘောတရားအရ အတိုက်အခံရဲ့ အသံကို လူတွေနားထောင်ကြတဲ့အတွက် အမြဲ တစေ ရှောင်ပြေးနေတာ၊ အပြစ်တင်နေတာတွေ လုပ်နေလို့ မရပါဘူး...... အဖြေမှားခြင်း၊ ဦးစားပေးမှု မှားခြင်းကြောင့် ဖြစ်ပေါ်လာတဲ့ ရလာဘ်တွေကိုလည်း ရင်ဆိုင်ရမှာပါပဲ......
ဒါကြောင့် နိုင်ငံရေးလုပ်တယ်ဆိုတာ ပန်းခင်းလမ်းကို လျှောက်လှမ်းခြင်းမျိုး မဟုတ်ပဲ ထောင်ခြောက်တွေ၊ သတ်ကွင်းတွေ၊ ပြင်းထန်တဲ့ ရုန်းကန်မှုတွေ ပြုလုပ်ရမယ့် ရွှံ့ညွံ့လို အခင်းအကျင်းတွေကို မဖြစ်မနေကို ဖြတ်ကျော်ရပါလိမ့်မယ် ဆိုတာကို အတိုက်အခံတွေသာမက အတိုက်အခံ ဘက်တော်သားတွေပါ နားလည်ထားဖို့ လိုပါတယ်..... ထစ်ခနဲရှိ ဘယ်သူ၊ ဘယ်ဝါဖန်တီးတာကြောင့် အပြစ်ဖို့နေရင် မကြာခဏ ခံနေရတဲ့ ကိုယ်ကိုယ်တိုင်က အသုံးမကျတာ ပိုမို ပေါ်လွင်လာပါလိမ့်မယ်...... နိုင်သည်ဖြစ်စေ၊ မနိုင်သည်ဖြစ်စေ နိုင်ငံရေးတွင် အတိုက်အခံဖြစ်လာရင် နိုင်ငံ့ဝန်ကို ထမ်းရပါမယ်..... အခက်အခဲ အတားအဆီးတွေကို မကြိုက်ရင်၊ ရင်မဆိုင်ခြင်ရင်တော့ နိုင်ငံရေးကို ဝေးဝေးပဲ နေသင့်တယ်လို့ပဲ ပြောချင်ပါတယ်......
Photo Copied from Internet
0 comments:
Post a Comment