ဟင်းပေါင်းနဲ့ကျောင်း

Cloud Cuckoo Land shared ကိုသောင်း ပုလဲမြေ's photo.

Friday, 28 June 2013 Written by MSS
မောက္ခ

ထမင်းစားကျောင်းဆင်းချိန် ခေါင်းလောင်သံထိုးလိုက်သည်နှင့် တစ်ပြိုင်နက် လွယ်အိတ်အတွင်းမှ ပန်းကန်ပြား၊ ချိုင့်စသည်တို့ကိုထုတ်ယူပြီး မူကြိုမှ စတုတ္ထတန်းအထိ အတန်းလိုက်အလှည့်ကျ ဟင်းပေါင်းခွဲဝေပေးရာနေရာသို့ ကလေးများသွားရောက်တန်းစီနေသည်။

လက်ကိုင်ပဝါအနီကွက်ကြားဖြင့် ထုပ်ထားသည့်လေးထောင့်ကော်ထမင်းဗူးအတွင်း ဆန်သားခပ်ညံ့ ညံ့နှင့် ခေါက်ဆွဲသုပ်ဟင်းတစ်မျိုး၊ အခြားထမင်းဗူးများတွင်မှာလည်း ထူးခြားမှုမရှိ၊ အနည်းစုသာ ထမင်းဗူးထုပ်ပိုးနိုင်ကြသည်။ အများစုမှာ ထမင်းဗူးထုပ်ပိုးနိုင်သည်ကို မတွေ့ရ။

အဆိုပါထမင်းဗူးလေးများ မထုပ်ပိုးနိုင်သည့်သူများမှာ ရန်ကုန်မြို့လယ်နှင့် သိပ်မဝေးကွာသောနေရာ တွင်ရှိသည့် ဒေါပုံမြို့နယ်အတွင်းမှ အ.မ.က ကျောင်းလေးတွင် ပညာသင်ယူနေသည့် ကလေးငယ် များပင်ဖြစ်သည်။

“ထမင်းချိုင့် အိမ်ကထည့်ပေးတယ်။ ဟင်းကအသုပ်ပါတယ်။ ဦးဦးတွေက ဟင်းပေါင်းနဲ့ ကျွေးတယ်။ ကြိုက်တယ်” ဟု အ.မ.က (၉) ကျောင်း ပထမတန်းကျောင်းသူ မိငယ်လေးက ပြောပါတယ်။

သူမမှာ မောင်နှမခုနှစ်ဦးရှိပြီး သူ့အောက်အငယ်နှစ်ယောက်ရှိပါတယ်။ ဖခင်ဖြစ်သူက ဝက်ပေါ်သူတစ် ဦးဖြစ်ပြီး မိခင်ဖြစ်သူကဖွဲထမ်းရကြောင်း ကြည်လင်ရိုးသားတဲ့မျက်နှာလေးနဲ့ ပြောပြနေပါတယ်။

အဆိုပါ အ.မ.က ကျောင်းသည် ၎င်းမြို့နယ်အတွင်းရှိသော ကျောင်း ၁၇ ကျောင်းအနက်မှ တစ် ကျောင်းဖြစ်ပြီး ဆားစက်ရပ်ကွက်အတွင်းတည်ရှိရာ အဆင်းရဲဆုံးကျောင်းအဖြစ် သတ်မှတ်ထားကြ သည်။ ၎င်းကျောင်းတွင် တက်ရောက်နေသူကလေးများ၏ မိဘအများစုမှာ ကျပန်းလုပ်သားများ ဖြစ် ကြသည်။

“ကျပန်းအလုပ်သမား၊ စီးပွားရေးအဆင်မပြေတဲ့ မိသားစုချည်းပဲ။ ကျောင်းအင်္ကျီတောင်မှ အလှူရှင် တွေကနေ ကူညီထောက်ပံ့ရတာပေါ့၊ ဟင်းပေါင်းက အိမ်ထက်စာရင်ကောင်းကောင်း စားရတာပေါ့။ ကလေးတွေကိုပိုက်ဆံ ၁၀၀၊ ၂၀၀ ပေးတယ်။ ကလေးတွေက မုန့်ဝယ်စားတယ်” ဟု ကျောင်းအုပ် ဆရာမကြီးက အားနည်းနေသည့် ကလေးငယ်များ၏ လူမှုဘဝနှင့် ဆက်နွယ်နေသည့် ပညာရေး အခက်အခဲကိုပြောပြသည်။

“ပထမသွားတဲ့ ရည်ရွယ်ချက်က တနင်္ဂနွေနေ့ dama ကျောင်းလုပ်ဖို့ပါ။ ကျောင်းကိုလေ့လာ ကြည့်တော့ ထမင်းစားချိန်မှာ သူများစားတာကို ကြည့်နေတဲ့သူနဲ့ ခုံပေါ်မှာလက်တင်ပြီး အိပ်နေ တဲ့သူနဲ့၊ တံခါးကိုမှီပြီး ဟိုကြည့် ဒီကြည့်နေတဲ့သူနဲ့ ကလေးအယောက် ၂၄၀ မှာအယောက် ၁၀၀ က ထမင်းဗူး မထုပ်နိုင်တာကိုတွေ့ပြီး ဆရာမကြီးနဲ့ညှိပြီး ကျွေးဖြစ်ခဲ့တယ်” ဟု အရဟံရှင်သာမဏေ ပြုစုစောင့်ရှောက်ရေးအဖွဲ့မှ ဥက္ကဋ္ဌ ဦးမင်းလွင်ကပြောပြသည်။

အစက အ.မ.က (၁) ကို ကျွေးခဲ့တာ ၂ နှစ်၊ အခု အ.မ.က (၉) မှာတော့ တစ်နှစ်နီးပါး ပဲရှိသေးပါတယ်။ ကလေးတွေကို လမ်းမတော်မြို့နယ်က သရက်တောကျောင်းတိုက်က ဦးဇင်းတွေ အလှူခံလာတာကို နှစ်ပိုင်းခွဲပြီး တစ်ပိုင်းကိုကျောင်းကို ယူကျွေးတယ်။ ကားငှားတဲ့အခါ ထမင်းပုံး တွေမို့ မတင်ချင်ကြဘူး ၎င်းကသယ်ယူရေးအခက်အခဲကို ပြောပါတယ်။

၂၀၁၁ ခုနှစ် မတ်လ ၃၀ ရက်နေ့တွင်ထုတ်ပြန်ကြေညာထားသည့် နိုင်ငံတော်သမ္မတကြီး ဦးသိန်းစိန်၏ ပညာရေးဆိုင်ရာ မူဝါဒလမ်းညွှန်ချက်တွင် ကုလသမဂ္ဂနှင့် နိုင်ငံတကာအဖွဲ့အစည်းများ လူမှုရေး အသင်းအဖွဲ့အစည်းများနှင့် ပူးပေါင်းဆောင်ရွက်ရေးအချက်နံပါတ် 'ဈ' အရ လူမှုအဖွဲ့အစည်းများက ကူညီပေးခြင်းဖြစ်ပြီး အရင်က ဂျာမန်အင်ဂျီအိုအဖွဲ့မှလည်း တစ်ပတ်လျှင် နှစ်ကြိမ် ကြက်ဥ၊ သားငါး များ ယင်းကျောင်းကို ထောက်ပံ့မှုများ ရှိခဲ့ကြောင်း သိရသည်။

၂၀၁၃ ခုနှစ် ဇွန်လ တတိယအပတ်တွင်လည်း နိုင်ငံပိုင်သတင်းစာ မျက်နှာဖုံးများတွင်လည်း လူသား အရင်းအမြစ် အခြေခံသည် ကျန်းမာရေးနှင့် ပညာရေးဖြစ်သည်ဟုနိုင်ငံတော်သမ္မတက ပြောကြားခဲ့ သည်။

ယခုနှစ်မှစတင်ပြီး နေပြည်တော် ရန်ကုန် မန္တလေးမြို့ကြီးများရှိ မူလတန်းကျောင်းများတွင် နေ့စဉ် ကျောင်းတွင်း အာဟာရနို့တိုက်ကျွေးရေး အစီအစဉ်ကို အကောင်အထည်ဖော်မည် ဖြစ်ကြောင်းနှင့် အခြေခံပညာမူလတန်းကျောင်း သင်ရိုးတွင်လူ့အခွင့်အရေးဆိုင်ရာ သင်ကြားမည့် အကြောင်း သတင်းများ ဖော်ပြထားသည်။

နေ့လယ်ပိုင်းကျောင်းပြန်တက်ချိန် ပထမတန်းကလေးများသည် ကဗျာကလေးကို သံပြိုင်ရွတ်ဆို နေခဲ့သည်။

“လယ်ကွင်းပြင်မှာ ရေဖွေးနေသည်

ပျိုမေများလယ်ထဲဆင်းကြမည်

ပျော်ပျော်ရွှင်ရွှင် သီချင်းဆိုကြ၏

ပျိုးပင်များသယ်လာကြသည်”

လူထုပုံရိပ်သတင်းဂျာနယ်

Vol(1), No(39), June-28, 2013