17.10.2011 နေ့ဖတ်ရန်သတင်းများ

by Myanmar Journal on Monday, October 17, 2011 at 8:00am

 

 

ဗြိတိသျှ ဘဏ္ဍာရေး ဝန်ကြီး ဂျော့ခ်ျ အော့စဘုန်းဂျီ ၂၀ဘဏ္ဍာရေး ဝန်ကြီးအစည်းအဝေး ပြီးဆုံး
ယူရိုဇုန် အတွင်း ကြုံတွေ့ နေရတဲ့ အကြွေး ပြဿနာ တွေကို ဖြေရှင်း နိုင်ဖို့ အတွက် ပြင်သစ် နိုင်ငံ က ပါရီ မြို့မှာ ပြုလုပ်ခဲ့တဲ့ ဂျီ ၂၀ နိုင်ငံ တွေက ဘဏ္ဍာရေး ဝန်ကြီး တွေ ရဲ့ အစည်းအဝေး ကြီး ပြီးဆုံး ခဲ့ပြီ ဖြစ်ပါတယ်။
သူတို့တွေက ဥရောပ ခေါင်းဆောင် တွေဟာ ဒီ ပြဿနာတွေ ကို ဖြေရှင်း နိုင်ရေး အတွက် နီးစပ် လာနေပြီ ဖြစ်တယ်လို့ ယုံကြည်ကြောင်း ပြောပါတယ်။
ဗြိတိသျှ ဘဏ္ဍာရေး ဝန်ကြီး ဂျော့ခ်ျအော့စဘုန်းက ဒီအစည်းအဝေးမှာ ဆွေးနွေးမှုတွေတော်တော်ကို အရှိန် ရခဲ့တယ်လို့ ဆိုပါတယ်။

အမေရိကန် ဘဏ္ဍာရေး ဝန်ကြီး တင်မိုသီ ဂိုက်တနာက ဒီ အခုရှိနေတဲ့ အစီအစဉ် သစ် တွေ နဲ့ပတ်သက် လို့ တော်တော် အားရ စရာ ကောင်းတာ တွေ ရှိတယ်လို့ သူ ကြားထား ကြောင်း ဆိုပေမယ့် အသေးစိတ် ကို မသိသေးလို့ စောင့်ကြည့် ဦးမှာ ဖြစ်ကြောင်း ဆိုပါတယ်။
ပြင်သစ် ဘဏ္ဍာရေး ဝန်ကြီး ဖရန်ဆွာ ဘာအိုရင်က တော့ ဒီအသေးစိတ် အစီအစဉ် တွေကို လာမဲ့ သတင်းပတ် ကုန်ပိုင်း ဘရပ်ဆယ်လ် မြို့မှာ ပြုလုပ်မဲ့ အီးယူ ခေါင်းဆောင် တွေရဲ့ အစည်းအဝေးမှာ တင်ပြ သွား မှာ ဖြစ်တယ်လို့ ဆိုပါတယ်။
ဒီ အစီ အမံ တွေထဲမှာ ဥရောပ ဘဏ်လုပ်ငန်း တွေ ကို အားဖြည့် ပေးဖို့၊ ဂရိ နိုင်ငံရဲ့ ကြွေးမြီ ပမာဏ ကို လျှော့ချ ပစ်ဖို့ နဲ့ ယူရို ငွေကြေး သုံးစွဲတဲ့ ဇုန်အတွင်း မှာ အကူရန်ပုံငွေ အင်အား တိုးမြှင့် ဖို့ တွေ ပါဝင်တယ်လို့ သိရပါတယ်။

စီးပွားရေး လောဘသားတွေကို ဆန့်ကျင်ဆန္ဒပြ
ချမ်းသာကြွယ်ဝမှုကို လူနည်းစုပဲ ရရှိနေ တယ်လို့ ဆန္ဒပြသူတွေက ပြောပါတယ်
အမေရိကန်ပြည်ထောင်စုမှာ Wall Street ဘဏ္ဍာရေးလုပ်ငန်းရှင်တွေကို ဆန့်ကျင်တဲ့ ဆန္ဒပြမှုတွေ ရတ်သတ္တပတ်နဲ့ချီ ဖြစ်ပွားခဲ့ ရာကနေ အခုတော့ စီးပွားရေးသမားတွေရဲ့ အလိုလောဘကြီးမှုကို ဆန့်ကျင်တဲ့ ဆန္ဒပြ ပွဲတွေ ကမ္ဘာတလွှားမှာ ဖြစ်ပွားနေပါတယ်။
ဆန္ဒပြကြဖို့အတွက် အင်တာနက် လူမှုကွန်ယက် ဝက်ဆိုက်တွေမှာ လှုံ့ဆော် ပန်ကြားခဲ့ပြီးနောက် လန်ဒန်၊ ဘာလင်နဲ့ အေသင်မြို့တွေ အပါအဝင် ဥရောပမြို့ကြီးတွေက လမ်းတွေပေါ်မှာ လူပေါင်း ထောင်နဲ့ချီ ဆန္ဒပြနေကြပါတယ်။
အခုနှစ်အတွင်း လူထုဆန္ဒပြပွဲတွေ ဆက်တိုက် ဆိုသလို ဖြစ်ပွားခဲ့တဲ့ ရောမမြို့နဲ့ မက်ဒရစ် မြို့တွေမှာတော့ အကြီးမားဆုံး ဆန္ဒပြပွဲတွေ ဖြစ်လိမ့်မယ်လို့ မျှော်လင့်ရပါတယ်။
အစောပိုင်းတုန်းကတော့ ဟောင်ကောင်၊ ထိုင်ပေးနဲ့ ဆစ်ဒနီမြို့တွေမှာ ရာနဲ့ချီတဲ့ လူတွေ စုဝေး ဆန္ဒပြခဲ့ကြပါတယ်။
ဆန္ဒပြသူတွေက ချမ်းသာကြွယ်ဝမှုတွေဟာ လူအနည်းစု လက်ထဲမှာသာ ရှိနေတယ်လို့ မကျေနပ်ကြောင်း ပြောကြပါတယ်။

ထရစ်ပိုလီ မှာ လုံခြုံရေးတိုးမြှင့်
 လစ်ဗျား နိုင်ငံက ထရစ်ပိုလီ မြို့တော် မှာတော့ အရင် ခေါင်းဆောင်ဟောင်း ဗိုလ်မှူးကြီး ကဒါဖီကို ထောက်ခံသူတွေနဲ့ တိုက်ပွဲ ငယ်တွေ ဖြစ်ခဲ့ အပြီး တရက် အ ကြာ မှာတော့ အစိုးရသစ် ဘက်က လုံခြုံ ရေး အစီအမံ တွေကို တိုးမြှင့် ချထား လိုက် ပါတယ်။
အမျိုးသား အသွင်ပြောင်း ကောင်စီဘက်က သောကြာနေ့က တိုက်ပွဲ တွေ ဖြစ်ခဲ့တဲ့ အဘူ ဆာလင်းမ် ရပ်ကွက် ထဲမှာ တအိမ် တက်ဆင်း ရှာဖွေ တာတွေ လုပ်နေသလို လမ်းတွေ ကို ပိတ်ဆို့ တာတွေ ကိုလဲ ပိုပြီး လုပ်ထားပါတယ်။
အခု တိုက်ပွဲ တွေဟာ ဖြင့် ပြီးခဲ့တဲ့ ဩဂုတ် လက ကဒါဖီ ဆန့်ကျင်ရေး တပ်ဖွဲ့တွေ ထရစ်ပိုလီ မြို့ကို ထိန်းချုပ် နိုင်ခဲ့ အပြီးမှာ ပထမ ဆုံး အကြိမ် ဖြစ်လာ တာပဲ ဖြစ်ပါတယ်။

ကိုမင်းကိုနိုင် မွေးနေ့အကြို ဂုဏ်ပြုပွဲ
လာမယ့် အင်္ဂါနေ့မှာ ကျရောက်မယ့် ၈၈ ကျောင်းသား ခေါင်ဆောင် ကိုမင်းကိုနိုင်ရဲ့ (၄၉) နှစ်မြောက် မွေးနေ့အကြို ဂုဏ်ပြုပွဲ ကို တောင်ဒဂုံမြို့နယ် အမျိုးသား ဒီမိုကရေစီအဖွဲ့ချုပ် NLD လူငယ် သွေးအကူအညီပေရေး အဖွဲ့က ကျင်းပခဲ့ ပါတယ်။
သူ့ရဲ့ ရိုးသားမှုနဲ့ ကိုယ်ကျိုးစွန့် အနစ်နာခံတဲ့ အပေါ် ဂုဏ်ပြုတာ ဖြစ်ပါတယ်
ကျောင်းသားခေါင်းဆောင် ဖြစ်တဲ့ ကိုမင်းကိုနိုင်ဟာ ရိုးသားပြီး၊ ကိုယ်ကျိုးစွန့် အနစ်နာခံ ဆောင်ရွက်မှုတွေအပေါ်လေးစား ဂုဏ်ပြုတဲ့အနေနဲ့ အခုလို မွေးနေ့ အကြိုပွဲ ကျင်းပရတာ ဖြစ်ကြောင်း NLD လူငယ် သွေးအကူညီပေးရေး အဖွဲ့မှ ကိုညီညီက ဘီဘီစီကို ပြောပါတယ်။
ဂုဏ်ပြုပွဲကို တောင်ဒဂုံ ၂၆ ရပ်ကွက်က ဘုန်းကြီးကျောင်းမှာ တနင်္ဂနွေနေ့က ပြုလုပ် ခဲ့တာ ဖြစ်ပြီး၊ ဒီဂုဏ်ပြုပွဲကို မျိုးဆက်သစ် လူငယ်တွေ အများဆုံး တက်ရောက်သလို အနုပညာရှင် တွေလည်း တက်ရောက်ဂုဏ်ပြု ခဲ့တယ်လို့ သူကပြောပါတယ်။
လွတ်ငြိမ်းချမ်းသာခွင့်နဲ့ လွတ်လာတဲ့အထဲမှာ နိုင်ငံရေးအကျဉ်းသား အနည်းငယ်သာ ပါတဲ့ အပေါ် ကြိုဆိုပေမယ့်လည်း ဒီလူတွေအားလုံးဟာ နိုင်ငံကောင်းဖို့ ဆောင်ရွက်မယ့် သူတွေ ဖြစ်တဲ့အတွက် အားလုံးကို လွှတ်ပေးစေလိုကြောင်းကိုလည်း သူက ပြောပါတယ်။
အစိုးရသစ်ကနေ အကျဉ်းသားတွေ နောက်ထပ်လွှတ်ပေးတဲ့အခါ နိုင်ငံရေး အကျဉ်းသားတွေ အားလုံး လွတ်မြောက်လိမ့်မယ်လို့ ယုံကြည်တဲ့ အကြောင်းနဲ့ ခုနောက်ပိုင်း အာဏာပိုင်တွေ ဘက်က တာဆီး ပိတ်ပင်ဟန့်တားတာတွေ မရှိဘူးလို့ ဆိုပါတယ်။
လာမယ့် အင်္ဂါနေ့ ကိုမင်းကိုနိုင်မွေးနေ့ကိုလည်း တခမ်းတနား ကျင်းပဖို့ ပြင်ဆင်ထားတယ် လို့ သိရပါတယ်။

ကမ္ဘာတလွှား ဆန္ဒပြမှုတွေ ဆက်လက်ဖြစ်ပွား
အခုဆန္ဒပြပွဲတွေကနေ လူထုလှုပ်ရှားမှုကြီး တွေ ဖြစ်လာမလား ဆိုတာကတော့ မသေချာပါ
ဘဏ်လုပ်ငန်းရှင်တွေရဲ့ အလိုလောဘ ကြီးမှုနဲ့ လူထု အသုံးစရိတ် လျှော့ချမှုတွေကို ကန့်ကွက်တဲ့ ဆန္ဒပြပွဲတွေ ကမ္ဘာတလွှားက မြို့ကြီးတွေမှာ ဆက်လက် ဖြစ်ပွားနေ ပါတယ်။
စနေနေ့ကတော့ ကြီးမားတဲ့ လူထု ဆန္ဒပြပွဲတွေ ဖြစ်တဲ့ လက္ခဏာမျိုး နည်းနည်းပါးပါး ရှိခဲ့ ပါတယ်။ လန်ဒန်မြို့က ဘဏ်လုပ်ငန်းတွေ ရှိတဲ့ နေရာမှာတော့ ရာနဲ့ချီတဲ့ လူတွေဟာ ညလုံး ပေါက် စခန်းချပြီး ဆန္ဒပြခဲ့ကြပါတယ်။
သူတို့ရဲ့ ရည်ရွယ်ချက်ကတော့ နယူးယောက်မြို့ စီးပွားရေးဇုန်နယ်မြေက Occupy Wall Street ဆိုတဲ့ လှုပ်ရှားမှုအတိုင်း ဆောင်ရွက်ဖို့ ဖြစ်တယ်လို့ ဆန္ဒပြသူတွေရဲ့ ပြောခွင့်ရသူက ဆိုပါတယ်။
နယူးယောက်မှာတော့ ထောင်နဲ့ချီတဲ့ ဆန္ဒပြသူတွေဟာ ရက်သတ္တပတ်နဲ့ချီပြီး စခန်းချ ဆန္ဒပြနေကြတာ ဖြစ်ပါတယ်။ စပိန်နိုင်ငံက ဆန္ဒပြသူတွေကတော့ Occupy လှုပ်ရှားမှုနဲ့ အတူ၊ အစိုးရ ဆန့်ကျင်ရေးကိုပါ ထည့်သွင်း လှုပ်ရှားနေကြပါတယ်။
အခုဆန္ဒပြပွဲတွေကနေ ကြီးမားတဲ့ လူထု လှုပ်ရှားမှုကြီးတွေ ဖြစ်လာမလား ဆိုတာကတော့ ရှင်းရှင်းလင်းလင်း မရှိသေးပါ။

နှစ်ရှည် အကျဉ်းသမား တစ်ဦးရဲ့ ပြောပြချက်
ပြန်လွတ်လာသူ ခြောက်ထောင်ကျော်ထဲမှာ နိုင်ငံရေး အကျဉ်းသား နှစ်ရာကျော်သာပါ
သမ္မတ ဦးသိန်းစိန်ရဲ့ လွတ်ငြိမ်း ချမ်းသာ ခွင့် အမိန့်နဲ့ ပြန်လွတ်လာတဲ့ နိုင်ငံရေး အကျဉ်းသားတွေ ထဲမှာ ၁၉၈၉ ခုနှစ်က သံလျင် ရေနံချက် စက်ရုံနဲ့ ရန်ကုန် မြို့တော် ခန်းမ ဗုံးဖေါက်ခွဲတယ် ဆိုတဲ့ အမှုနဲ့ ထောင်ဒဏ် နှစ်ရှည် ကျခံနေရသူ သံလျင် NLD အဖွဲ့ဝင် ကိုညီညီဦးလည်း ပါဝင်ပါတယ်။
အဲဒီအမှုနဲ့ သူ့ကို သေဒဏ် ချမှတ်အပြီး နောက်ပိုင်း မှာ KNU ကရင်အမျိုးသား အစည်းအရုံးက ဗိုလ်မှူးကိုကိုနိုင်က ဒီဗုံးဖေါက်ခွဲမှုတွေကို သူလုပ်ခဲ့တာလို့ ဝန်ခံ ပြောဆို ခဲ့ကြောင်း၊ အဲဒီအခါ ဗိုလ်မှူး ကိုကိုနိုင်ကို မြို့တော်ခန်းမ ဗုံးဖောက်ခွဲမှု သက်သက်နဲ့သာ စွဲချက်တင်ခဲ့ပြီး သူ့ကိုတော့ သံလျင်ရေနံချက် စက်ရုံ ဗုံးခွဲတယ်ဆိုပြီး ထောင်ဒဏ် တသက် တကျွန်းပြောင်းလဲ ချမှတ်ခဲ့တာ ဖြစ်ကြောင်း ကိုညီညီဦးက ပြောပြပါတယ်။
သူ့မှာ အပြစ်မရှိပဲ အခုလို ထောင်ဒဏ် နှစ်ရှည် ကျခံခဲ့ရတာအပေါ် ဥပဒေကြောင်းအရ ပြန်လည် တုန့်ပြန်သင့် မသင့် ဆိုတာနဲ့ ပတ်သက်လို့တော့ ကိုညီညီဦးက သူဟာ NLD အဖွဲ့ဝင်တဦးအနေနဲ့ တောက်လျှောက် နေထိုင် ကျင့်ကြံလာခဲ့သလိုပဲ အခု ဒီကိစ္စမှာလည်း NLD ခေါင်းဆောင် ဒေါ်အောင်ဆန်းစုကြည် အပါအဝင် ပြည်သူလူထုရဲ့ သဘောဆန္ဒ အတိုင်း လုပ်ဆောင်သွားမယ်လို့ ပြောပါတယ်။
ဒေါ်အောင်ဆန်းစုကြည်ဟာ ပြည်သူ့အကျိုးကို ရှေ့ရှု လုပ်နေတယ်လို့ သူ့အနေနဲ့ ယုံကြည် ထားတာမို့ ဒေါ်အောင်ဆန်းစုကြည်နဲ့ အစိုးရ ထိပ်ပိုင်း ခေါင်းဆောင်တွေ တွေ့ဆုံ ဆွေးနွေး နေတာကို သူ့အနေနဲ့ ကြိုဆိုတယ်လို့လည်း ပြောပါတယ်။
ပြန်လွတ်လာအပြီး အပြင်က မိသားစုတွေ၊ ရောင်းရင်းမိတ်ဆွေနဲ့ တွေ့ရတာမို့ အတိုင်းမသိ ပျော်မိပေမယ့် ထောင်ထဲမှာ အနှစ် ၂၀ အတူနေခဲ့ပြီး ကိုယ့်မိသားစုလေးလို ဖြစ်နေတဲ့ နိုင်ငံရေး လုပ်ဖေါ် ကိုင်ဖက်တွေကို ခွဲခွာထားခဲ့ရတာကိုတော့ စိတ်မကောင်းဖြစ်မိတယ်လို့ ကိုညီညီဦးက ဘီဘီစီကို ပြောပါတယ်။
သူ ထောင်ထဲမှာ ရှိနေစဉ် မိဘ နှစ်ပါးစလုံး ကွယ်လွန်သွားတာမို့ ညီမ ဝမ်းကွဲ ဖြစ်သူ မဇာဇာ ကပဲ သူ့ကို ထောင်ဝင်စာ လာတွေ့ပြီး ကြည့်ရှု စောင့်ရှောက်ခဲ့ရတယ်လို့ လည်း ကိုညီညီဦးက ပြောပြပါတယ်။

အစ္စရေးနဲ့ ပါလက်စတိုင်း အကျဉ်းသား လဲလှယ်မည်
အစ္စရေးနဲ့ ပါလက်စတိုင်းတို့ရဲ့ အကျဉ်းသား လဲလှယ်ရေး အစီအစဉ်အရ အစ္စရေးတို့ ဘက်ကနေ ဖမ်းဆီးထားတဲ့ ပါလက်စတိုင်း အကျဉ်းသား ၅၀၀ နီးပါး လွှဲပြောင်း ပေးရေး အတွက် စတင် ဆောင်ရွက်နေပြီဖြစ်ပြီး အပြန်အလှန်အားဖြင့် ပါလက်စတိုင်းတို့ ဘက်ကလည်း သူတို့ဖမ်းဆီးထားတဲ့ အစ္စရေး စစ်သား ဂီလာ့ဒ် ရှာလိကို ပြန်လွှတ်ပေးမှာ ဖြစ်ပါတယ်။
အကျဉ်းသားတွေ ပြန်လွတ်လာမယ် ဆိုတဲ့ အတွက် ပါလက်စတိုင်းတွေ ပျော်ရွှင်နေ
ပါလက်စတိုင်း စစ်သွေးကြွတွေက ဂီလာ့ဒ် ရှာလိကို ၂၀၀၆ ခုနှစ်တုန်းက ဂါဇာမှာ ဖမ်းဆီး ခဲ့တာ ဖြစ်ပါတယ်။
အခု အစ္စရေးတို့ ပြန်လွှတ်ပေးမယ့် ပါလက် စတိုင်း အကျဉ်းသား ၅၀၀ နီးပါးအနက် တဝက်ကျော်ဟာ ထောင်ဒဏ် တသက်တကျွန်း ကျခံနေရတဲ့ သူတွေဖြစ်ကြပါတယ်။
အဲဒီထဲက တချို့ဟာ ပြီးခဲ့တဲ့ ၁၀ နှစ်တာ ကာလအတွင်း အစ္စရေးတို့ကို အတော် ပြင်းပြင်းထန်ထန် တိုက်ခိုက်ခဲ့မှုတွေမှာ ပါဝင် ပတ်သက်နေသူတွေလည်း ဖြစ်ပါတယ်။
အဲဒီလို တိုက်ခိုက်မှုတွေ ကြောင့် သေဆုံး ဒဏ်ရာရရှိခဲ့သူတွေရဲ့ မိသားစုတွေကို ကိုယ်စားပြုတဲ့ အဖွဲ့အစည်းတခုကတော့ ဒီလို အကျဉ်းသားတွေ ပြန်လွှတ်ပေးရေးကို ရပ်တန့်ဖို့၊ ဒါမှမဟုတ် ဆိုင်းငံ့ထားဖို့ အဆင့်မြင့် တရားရုံးမှာ အယူခံလွှာတင်သွင်း ထားပါတယ်။
ဒါပေမယ်လို့ အယူခံကို ပယ်လိမ့်မယ်လို့ သုံးသပ်သူတွေက ယူဆကြပါတယ်။
သူတို့ပြန်လွတ်လာရင်တောင်မှာ အများစုဟာ ဂျော်ဒန်မြစ် အနောက်ဘက်ကမ်းက ကိုယ့်အိုးကိုယ့်အိမ်ကို ပြန်လာနိုင်ကြမှာ မဟုတ်ပါဘူး။ အကြောင်းကတော့ သူတို့ကို ဂါဇာကမ်းမြှောင်ဒေသ ဒါမှမဟုတ် နိုင်ငံရပ်ခြားကို ပို့ပစ်မှာ ဖြစ်ပါတယ်။
အစ္စရေးစစ်သား ဂီလာ့ဒ် ရှာလိနဲ့ ပါလက်စတိုင်းအကျဉ်းသားတွေ အလဲအလှယ်လုပ်ရေး၊ အစ္စရေး အစိုးရနဲ့ ပါလက်စတိုင်း အာဏာပိုင်တွေ အကြား စေ့စပ်ညှိနှိုင်းမှုတွေမှာ နောက်ဆုံးအချိန်အထိ ဘာပြဿနာမှာ မရှိဘူးဆိုရင်တော့ လာမယ့် အင်္ဂါနေ့မှာတော့ ပထမအသုတ် ပြန်လွတ်လာမယ်လို့ မျှော်လင့်ရပါတယ်။
အခုအချိန်မှာတော့ ပါလက်စတိုင်း အကျဉ်းသားတွေကို ထောင် ၂ ခုမှာ စုထားပြီး၊ သူတို့ရဲ့ နာမည်တွေကို ထုတ်ပြန်ပေးနေပါတယ်။

နယူးယောက်ကစတဲ့ Occupy လှုပ်ရှားမှု ကမ္ဘာ့နိုင်ငံတွေကို ပျံ့နှံ့
By ဗွီအိုအေ (မြန်မာဌာန)
Occupy Wall Street လို့ခေါ်တဲ့ အမေရိကန်ပြည်ထောင်စု နယူးယောက်မြို့ကနေ စတင်ခဲ့တဲ့ စီးပွားရေး မညီမျှမှုကို တောင်းဆိုတဲ့ ဆန္ဒပြမှုဟာ နိုင်ငံတကာအထိပါ ဂယက်ရိုက်ခတ်မှုတွေ ရှိလာနေပါပြီ။ အီတလီနိုင်ငံ ရောမမြို့မှာ မနေ့တုန်းက ရာနဲ့ချီတဲ့ဆန္ဒပြသူတွေ ရောမမြို့ရဲ့လမ်းမတွေပေါ်မှာ ပြည့်နေခဲ့ကြပြီး အဲဒီအထဲက တချို့ဟာ အဆောက်အဦးတွေမှာရှိတဲ့ ပြတင်းပေါက်တွေကို ရိုက်ခွဲတာတွေနဲ့ မီးရှို့တာတွေ လုပ်ခဲ့ကြပါတယ်။ ရောမမြို့မှာ ရဲအင်အားကလည်း ကြီးကြီးမားမား ချထားပါတယ်။
ဗြိတိန်နိုင်ငံ လန်ဒန်မြို့မှာလည်း ဆန္ဒပြသူတွေနဲ့ ရဲတွေအကြား ရုန်းရင်းဆန်ခတ် ဖြစ်ခဲ့ကြပါတယ်။ အဲဒီမှာလည်း ရာနဲ့ချီတဲ့ ဆန္ဒပြသူတွေဟာ စိန့်ပေါလ် ဘုရားရှိခိုးကျောင်းနားမှာ လာပြီးစုရုန်းခဲ့ကြပါတယ်။ ဆန္ဒပြပွဲတွေဟာ သြစတေးလျ၊ နယူးဇီလန်၊ စပိန်၊ ဂျာမနီနဲ့ ပြင်သစ်နိုင်ငံတွေမှာပါ ဖြစ်ပွားနေတာပါ။
ပြင်သစ်နိုင်ငံမှာ G-20 လို့ခေါ်တဲ့ ကမ္ဘာ့စီးပွားရေး အင်အားကြီးနိုင်ငံ၂၀ ရဲ့ အစည်းအဝေးကို ကျင်းပနေတာပါ။ အဲဒီမှာ အဓိကဆွေးနွေးနေတာကလည်း ဥရောပက စီးပွားရေး အကျပ်အတည်းကိစ္စပါပဲ။ အမေရိကန် ပြည်ထောင်စုမှာလည်း မြို့တော်ဝါရှင်တန်ဒီစီနဲ့ နယူးယောက်မြို့ အပါအ၀င် တခြားစီးပွားရေး အချက်အခြာကျတဲ့ မြို့ကြီးတွေမှာ ဆန္ဒပြပွဲတွေ ဆက်ပြီးဖြစ်ပွားနေတုန်းပါပဲ။
ဝါရှင်တန်ဒီစီမြို့တော်မှာ ဆန္ဒပြသူအင်အား ၅၀၀လောက်က မြို့တွင်းကို လှည့်ပြီးဆန္ဒပြခဲ့ကြပါတယ်။ ဆန္ဒပြသူတွေ မကျေမနပ်ဖြစ်နေတာက ဆင်းရဲသူနဲ့ ချမ်းသာသူတွေအကြား မညီမမျှ ဖြစ်လွန်းနေတဲ့ အချက်ကိုပါပဲ။ ဆန္ဒပြသူတွေက သူတို့ကိုယ်သူတို့ ၉၉ ရာခိုင်နှုန်းလို့ ခေါ်ကြပါတယ်။ ကျန်တဲ့ ၁ ရာခိုင်နှုန်းက ကမ္ဘာ့လူချမ်းသာတွေလို့ ပြောနေကြတာဖြစ်ပါတယ်။

မာတင် လူသာကင်း အထိမ်းအမှတ်ရုပ်တု ဖွင့်ပွဲ
By ဗွီအိုအေ (မြန်မာဌာန)
အမေရိကန်နိုင်ငံ ၀ါရှင်တန်ဒီစီ မြို့လယ်က အမျိုးသားရင်ပြင် National Mall မှာ ထင်ရှားတဲ့ တန်းတူ အခွင့်အရေးလှုပ်ရှားမှု ခေါင်းဆောင် ဒေါက်တာ မာတင်လူသာကင်း ဂျူနီယာ (Martin Luther King Jr) ကို အောက်မေ့ သတိရဂုဏ်ပြုတဲ့ အခမ်းအနားကို ဒီကနေ့ တနင်္ဂနွေနေ့မှာ ကျင်းပတဲ့အခါ အမေရိကန်ပြည်သူ ထောင်ပေါင်းများစွာ တက်ရောက်ကြမှာ ဖြစ်ပါတယ်။
အမေရိကန်နိုင်ငံက အာဖရိကန် အမေရိကန် ပြည်သူတွေအတွက် တန်းတူအခွင့်အရေးရဖို့ ကြိုးပမ်းမှုမှာ အသက်ပေးသွားခဲ့တဲ့ ဒေါက်တာ ကင်းကို ဂုဏ်ပြုတဲ့ ဒီအခမ်းအနားမှာ တန်းတူအခွင့်အရေးလှုပ်ရှားမှု ခေါင်းဆောင်တွေနဲ့ ဒေါက်တာ ကင်း ရဲ့ မိသားစုဝင်တွေကို ဖိတ်ကြားထားပြီး အမေရိကန်သမ္မတ ဘရက်အိုဘားမား (Barack Obama) တက်ရောက် မိန့်ခွန်းပြောကြားမှာ ဖြစ်ပါတယ်။
အခုလို ဒေါက်တာကင်း ရဲ့  တန်းတူအခွင့်အရေး လှုပ်ရှားမှုအမွေကို အမေရိကန်ပြည်သူတွေက အောက်မေ့ အလေးပြုနေကြစဉ်မှာ စနေနေ့ကတော့ အမေရိကန်ပြည်သူ ထောင်ပေါင်းများစွာဟာ အလုပ်အကိုင်နဲ့ စီးပွားရေးဆိုင်ရာ တရားမျှတမှုအတွက် ငြိမ်းချမ်းစွာ ဆန္ဒပြ ချီတက်ခဲ့ကြပါတယ်။
အမျိုးသားရင်ပြင်ရဲ့ အောက်မေ့ဖွယ် ပန်းခြံမှာ အမေရိကန်ဒေါ်လာ သန်း ၁၂၀ ကုန်ကျတဲ့ ဒေါက်တာကင်း ရဲ့ ရုပ်တုဖွင့်ပွဲ အထိမ်းအမှတ်ကို သြဂုတ်လ ၂၈ ရက်နေ့ ဒေါက်တာကင်း ရဲ့ “I have a Dream” ဆိုတဲ့ ကမ္ဘာကျော် တန်းတူအခွင့်အရေးလှုပ်ရှားမှု မိန့်ခွန်းနဲ့ လူထုချီတက်ပွဲ (၄၈) နှစ်မြောက် အထိမ်းအမှတ် တိုက်ဆိုင်ကျင်းပဖို့ စီစဉ်ခဲ့တာဖြစ်ပါတယ်။ ဒါပေမဲ့ အပူပိုင်းမုန်တိုင်း Irene တိုက်ခတ်မယ့်အန္တရာယ်ကြောင့် အခမ်းအနားစီစဉ်သူတွေက ဒီအထိမ်းအမှတ် အခမ်းအနားကို ပြန်ပြီး ရက်ပြောင်းရွှေ့ စီစဉ်ခဲ့ရတာဖြစ်ပါတယ်။
ဂရင်းနစ်ကျောက်နဲ့ ထုလုပ်ထားပြီး ၉ မီတာမြင့်မားတဲ့ နိုဘဲလ်ငြိမ်းချမ်းရေးဆုရှင် ဒေါက်တာကင်း ရဲ့ ရုပ်တုမှာ သူ့ရဲ့ ကျော်ကြားလှတဲ့ အဆိုအမိန့်တချို့ကို ထွင်းထု ဖော်ပြထားပါတယ်။

ရိုဟင်ဂျာဒုက္ခသည် ၃ သောင်းနီးပါး မြန်မာ လက်ခံမည်
By သိင်္ဂီထိုက်
ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး UNHCR ကနေ ဒုက္ခသည်အဖြစ် အသိအမှတ်ပြုထားပြီး လတ်တလော ဘင်္ဂလားဒေ့ရ်ှနိုင်ငံမှာ ခိုလုံနေကြတဲ့ ရိုဟင်ဂျာ ၃ သောင်းလောက်ကို မြန်မာအစိုးရက ပြန်လက်ခံဖို့ သဘောတူလိုက်ပါတယ်။ ဒုက္ခသည်တွေကတော့ သူတို့ရဲ့ အသက်အန္တရာယ်၊ တိုင်းရင်းသား တန်းတူ အခွင့်အရေးနဲ့ တရားဝင်နိုင်ငံသား အဖြစ် မြန်မာအစိုးရက ပေးအပ်မယ်ဆိုရင် ပြန်မယ်လို့ ပြောဆိုကြပါတယ်။ ဒါပေမဲ့ မြန်မာအစိုးရဘက်ကတော့ ဒီ ဒုက္ခသည်တွေကို ရိုဟင်ဂျာအဖြစ် လက်ခံမလား။ ဘယ်နေရာတွေမှာ အခြေချ နေထိုင်ခွင့်ပြုမလဲ ဆိုတာတွေနဲ့ပတ်သက်ပြီး အတိအကျ ပြောဆိုထားတာ မရှိသေးပါဘူး။ ဒီအခြေအနေတွေနဲ့ပတ်သက်လို့ မသိင်္ဂီထိုက်က တင်ပြထားပါတယ်။
မြန်မာအစိုးရက ဘင်္ဂလားဒေ့ရှ် နိုင်ငံမှာ ခိုလုံနေကြတဲ့ ရိုဟင်ဂျာဒုက္ခသည် ၂ သောင်း ၈ ထောင်ကို ပြန်ခေါ်ဖို့ သဘောတူတဲ့အကြောင်း အောက်တိုဘာလ ၁၅ ရက်နေ့ စနေနေ့က ဘင်္ဂလားဒေ့ရှ် နိုင်ငံခြားရေးဌာနက သတင်းထောက်တွေကို ပြောဆိုပါတယ်။ ဘင်္ဂလားဒေ့ရှ် နိုင်ငံ၊ ကောက်ဘဇာ ခရိုင်တွင်းက ဒုက္ခသည်စခန်း တစ်ခုမှာ နေထိုင်ကြပြီး ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံးက ဒုက္ခသည် အသိအမှတ် ပြုထားသူတွေကို ပြန်ခေါ်ဖို့ မြန်မာအစိုးရက သဘောတူလိုက်တာ ဖြစ်ပါတယ်။
စနေနေ့ကပြုလုပ်တဲ့ သတင်းစာရှင်းလင်းပွဲမှာ ဘင်္ဂလားဒေ့ရှ် နိုင်ငံခြားရေးဝန်ကြီးဌာနက ပြောဆိုသွားတာ ကိုတော့ ဘင်္ဂလားဒေ့ရှ် အခြေစိုက် ကုလားတန်သတင်း ဂျာနယ်ရဲ့ အယ်ဒီတာ ဦးတင်စိုးက အခုလို ပြောပါတယ်။
“ဘင်္ဂလားဒေ့ရှ် နိုင်ငံခြားရေးဝန်ကြီးရုံး အတွင်းရေးမှူးက သတင်းစာရှင်းလင်းပွဲ လုပ်တဲ့အခါကျတော့ မြန်မာနဲ့ ဘင်္ဂလားဒေ့ရှ် နှစ်နိုင်ငံ ဆွေးနွေးပွဲမှာ ရိုဟင်ဂျာတွေကို ဘင်္ဂလားဒေ့ရ်ှနိုင်ငံမှာ ရှိနေတဲ့ UNHCR ကမ္ဘာ့ကုလသမဂ္ဂ ဒုက္ခသည်များမဟာမင်းကြီးရုံးရဲ့ သဘောတူညီချက်နဲ့ အဲဒီမှာရှိနေတဲ့ လူပေါင်း ၂ သောင်း ၈ ထောင်ကို ပြန်ခေါ်သွားမယ်လို့ ပြောတာပဲ။ ဒီ ဘင်္ဂလားဒေ့ရ်ှနိုင်ငံမှာ ရှိနေတဲ့ လူပေါင်း ၄ သိန်းကျော်နဲ့ ၅ သိန်းအတွင်းမှာ ရှိနေတဲ့ လူတွေကို သူတို့ တဖြည်းဖြည်း ခေါ်သွားနိုင်အောင် ကြိုးစားပေးမယ်၊ ဒါပေမဲ့ လောလောဆယ် မပို့နိုင်တဲ့အခြေအနေမှာ ဒီ ရိုဟင်ဂျာတွေကို သူတို့ အတင်းအဓမ္မ ဘင်္ဂလားဒေ့ရှ် နိုင်ငံကနေ ပြန်ထွက်ခွာသွားဖို့အတွက် မလုပ်ပါဘူး ဆိုပြီးတော့ သတင်းစာဆရာတွေကို အားလုံး ရှင်းပြထားတာ ရှိပါတယ်။”
မြန်မာစစ်အစိုးရ လက်ထက်တုန်းကတော့ မြန်မာတိုင်းရင်းသားတွေထဲမှာ ရိုဟင်ဂျာမပါဘူး ဆိုပြီး နိုင်ငံပိုင် သတင်းစာတွေကနေ ကြေညာခဲ့တာပါ။ ဒါကြောင့် အခု အစိုးသစ်က ရိုဟင်ဂျာ ဒုက္ခသည်တွေကို ပြန်ခေါ်မယ် ဆိုပေမဲ့ ရိုဟင်ဂျာအဖြစ် အသိအမှတ် ပြုမလား၊ ဘယ်ဒေသတွေမှာ အခြေချနေထိုင်ခွင့် ပေးမယ် ဆိုတာကိုရော ရှင်းရှင်းလင်းလင်း ပြောဆိုထားတာ မရှိပါဘူး။
မြန်မာနိုင်ငံဘက်ကနေ ထွက်ပြေးလာပြီး ဘင်္ဂလားဒေ့ရ်ှနိုင်ငံမှာ ရှိနေသူတွေက လူဦးရေ ၃ သိန်းကျော် လောက် ရှိနေတယ်လို့လည်း ဘင်္ဂလားဒေ့ရှ် အာဏာပိုင်တွေက ပြောပါတယ်။ မြန်မာအစိုးရကတော့ ဒီလူတွေ အားလုံး နေရပ်ရင်း ပြန်လာဖို့အတွက် နောက်ပိုင်းမှာ ဆက်ပြီး လုပ်ဆောင်သွားမယ်လို့ ပြောပါတယ်။ ဒီမတိုင်ခင်အထိတော့ ဘင်္ဂလားဒေ့ရ်ှအစိုးရက ဒီလူတွေကို အတင်းအကျပ် ဌာနေပြန်ခိုင်းတာမျိုးတွေ မလုပ်ဘူးလို့ သဘောတူခဲ့ကြပါတယ်။
မြန်မာအစိုးရဘက်က ပြန်ခေါ်ဖို့သဘောတူထားတဲ့ ဒုက္ခသည် ၂ သောင်း ၈ ထောင်ကို နေရပ်ရင်း ပြန်လည် အခြေချလိုတဲ့ဆန္ဒနဲ့ ပတ်သက်ပြီး ဘင်္ဂလားဒေ့ရ်ှအစိုးရဘက်က ဒီဒုက္ခသည်တွေ သဘောထားကို မေးမြန်း ခဲ့ပါတယ်။
“ဒုက္ခသည်စခန်းတွေထဲမှာရှိတဲ့ ရိုဟင်ဂျာတွေက ကျနော်တို့ တခြား တိုင်းရင်းသားတွေနဲ့ တန်းတူအခွင့်အရေး ရမယ်။ ကျနော်တို့ရဲ့ နိုင်ငံသား အခွင့်အရေးတွေ ပေးမယ်ဆိုရင် ကျနော်တို့ အချိန်မရွေး သွားမယ် ဆိုတဲ့ စကားလုံးကတော့ သူတို့က ပါးလိုက်တာရှိတယ်။ ဘင်္ဂလားဒေ့ရှ် အစိုးရကို သူတို့ အဲဒီလို ပြောထားတာ ရှိတယ်။ အဲဒါတွေပြီးမှ အခုတခါ ဒီနေ့ပဲ သူတို့က ပြန်ပြီးတော့ ကျနော်တို့ကို ပြန်ပို့ပေးမယ်။ မြန်မာအစိုးရက လက်ခံတော့မယ် ဆိုတဲ့ စကား ထွက်လာတယ်။”
မြန်မာနိုင်ငံ ရခိုင်ပြည်နယ်မှာ အခြေချနေထိုင်ခဲ့ကြတဲ့ ဒီဒုက္ခသည်တွေဟာ ၁၉၇၀ ပြည့်လွန်နှစ်တွေနဲ့ ၁၉၉၁ ခုနှစ်တို့အတွင်းမှာ ဘင်္ဂလားဒေ့ရ်ှနိုင်ငံတွင်းကို သိန်းနဲ့ချီ ထွက်ပြေးခဲ့ကြတာ ဖြစ်ပါတယ်။ အများစုက ဘင်္ဂလားဒေ့ရ်ှနိုင်ငံ ကောက်ဘဇာ ခရိုင်နဲ့ စစ်တကောင်း တို့မှာ နေထိုင်နေကြတာဖြစ်ပါတယ်။

တနိုင်ငံလုံး အပစ်ရပ်ဖို့ ဦးသိန်းစိန်ကို ဆန္ဒပြ
သဲသဲ | ကြာသပတေးနေ့၊ အောက်တိုဘာလ ၁၃ ရက် ၂၀၁၁ ခုနှစ် ၂၁ နာရီ ၁၇ မိနစ်


နယူးဒေလီ(မဇ္ဈိမ) ။       ။ နိုင်ငံရေးအကျဉ်းသား အားလုံလွှတ်ပြီး တနိုင်ငံလုံး အပစ်အခတ်ရပ်စဲရေး လုပ်ဆောင်ရန်  အိန္ဒိယရောက် မြန်မာ့ဒီမိုကရေစီလှုပ်ရှားသူများက အိန္ဒိယနိုင်ငံသို့ ချစ်ကြည်ရေး အလည်အပတ် ရောက်နေသော
မြန်မာသမ္မတဦးသိန်းစိန်ကို ကြာသပတေးနေ့တွင် ဆန္ဒပြ တောင်းဆိုလိုက်ကြသည်။

နှစ်ရာကျော်သော မြန်မာဒုက္ခသည်များက နယူးဒေလီမြို့လယ် ဂျန်တာမန်တားပန်းခြံတွင်  နံနက် ၁၁ နာရီခန့်မှ စတင်ပြီး တနာရီကျော်ကြာ ဆန္ဒပြရာတွင် ကျန်ရစ်နေသေးသော နိုင်ငံရေးအကျဉ်းသားများ လွှတ်ပေးရန်နှင့် တိုင်းရင်းသားဒေသများတွင် စစ်ပွဲများရပ်ဆိုင်းရန်တို့ တောင်းဆိုခဲ့ကြသည်။

ဦးသိန်းစိန်သည်ပြည်ထောင်စုအဆင့် ဝန်ကြီး ၁၃ ဦးနှင့် စစ်ဘက်အရာရှိများ အပါအဝင် အဖွဲ့ဝင် ၅၉ ဦးကို ဦးဆောင်ကာ နယူးဒေလီမြို့သို့ ကြာသပတေးနေ့ ညနေတွင် ဗုဒ္ဓဂါယာမှ ရောက်ရှိလာခဲ့သည်။ မတ်လအတွင်း
က သမ္မတဖြစ်လာပြီးနောက် အိန္ဒိယသို့ ပထမဆုံးအကြိမ် လည်ပတ်သည့်ခရီးစဉ် ပထမနေ့ဖြစ်သော ဗုဒ္ဓဟူးနေ့က ဘီဟာပြည်နယ်ရှိ ဗုဒ္ဓဘာသာဝင်များ အထွဋ်အမြတ်ထားသည့် ဂေါတမဗုဒ္ဓ ပွင့်တော်မူရာဒေသသို့ ဘုရားဖူး
ရောက်ရှိနေခဲ့သည်။

ဦးသိန်းစိန်သည် အိန္ဒိယ သမ္မတ ပရာတီဘာပတေးလ်၊ ဝန်ကြီးချုပ် မန်မိုဟန်ဆင်းတို့နှင့် တွေ့ဆုံမှာဖြစ်ပြီး
အောက်တိုဘာ ၁၅ ရက်နေ့တွင် မြန်မာနိုင်ငံသို့ ပြန်မည်ဖြစ်သည်။

အိန္ဒိယ- မြန်မာ ဆက်ဆံရေးတွင်  မြန်မာအစိုးရဘက်က အကြိမ်ကြိမ် ကတိမတည်မှုများကြောင့် နှစ်နိုင်ငံ ပူးပေါင်း
ဆောင်ရွက်မှု ခရီးမတွင်ဘဲဖြစ်ခဲ့ရသည်ကို သင်ခန်းစာယူကာ နောက်ထပ် အမှားမကြုံသင့်ဟု ဆန္ဒပြသူများက အိန္ဒိယဝန်ကြီးချုပ် မန်မိုဟန်ဆင်းထံ ပေးပို့သောစာတွင် ရေးသားထားသည်။

ကြာသာပတေးနေ့နံနက်တွင် ဗုဒ္ဒဂါယာရှိ ဘုန်ကြီးကျောင်း၂၇ ကျောင်းမှ သံဃာများကို ကထိန်သင်္ကန်းကပ်လှူခဲ့ပြီး ဦးသိန်းစိန်နှင့် ဇနီးဒေါ်ခင်ခင်ဝင်းတို့သည်  ဗာရာဏသီသို့ သွားရောက်ခဲ့ကြသည်။

“ကထိန်ခင်းပြီး စာရေးတံမဲဖောက်ပေးတယ်။ သံဃာတပါးကို ရူပီး ၅,၀၀၀ စီလှူတယ်။ စာရေးတံမဲလည်းဖောက်
တော့ မဲဗလာကျတဲ့ ကျောင်းတွေကို ဒေါ်လာ ၁ဝဝ စီ သမ္မတ ကတော်က လှူသွားတယ်” ဂါယာရှိ မြန်မာ ဘုန်းတော်ကြီး တပါးက မိန့်သည်။ 

အင်္ဂလိပ်ဘာသာဖြင့် ထုတ်ဝေသော အိန္ဒိယသတင်းစာအများစုတွင် ဦးသိန်းစိန်၏ ခရီးစဉ်ထက် ဗုဒ္ဓဟူးနေ့က
မြန်မာနိုင်ငံတွင် လွတ်ငြိမ်းချမ်းသာခွင့်ဖြင့် လွတ်မြောက်လာခဲ့သူ လူရွှင်တော်ဇာဂနာ၏ သတင်းကိုပိုမို ဖော်ပြခဲ့ကြ သည်။