08.10.2011 နေ့ဖတ်ရန်သတင်းများ

by Myanmar Journal on Saturday, October 8, 2011 at 4:09am

 
ငြိမ်းချမ်းရေး နိုဘယ်ဆု အမျိုးသမီးသုံးဦးရရှိ

၂၀၁၁ ခုနှစ် အတွက် ငြိမ်းချမ်းရေး နိုဘယ် ဆုကို လိုက်ဘေးရီးယားနိုင်ငံက ထင်ရှားတဲ့ အမျိုးသမီး နှစ်ယောက် ဖြစ်တဲ့ သမ္မတ Ellen Johnson-Sirleaf ၊ ငြိမ်းချမ်းရေး လှုပ်ရှားသူ Leymah Gbowee နဲ့ ယီမင် နိုင်ငံက လူ့ အခွင့်အရေး လှုပ်ရှားသူ အမျိုးသမီး Tawakkul Karman တို့ ပူးတွဲ ဆွတ်ခူးသွားခဲ့ ပါတယ်။
ဆုရွေးချယ်ရေး အဖွဲ့ကတော့ အခုနှစ် အတွက် နိုဘယ်ငြိမ်းချမ်းရေး ဆုရှင် သုံးယောက်ဟာ အမျိုးသမီးတွေရဲ့ အခွင့်အရေးနဲ့ ဘဝလုံခြုံရေးတို့ ရရှိအောင် အကြမ်း မဖက်တဲ့နည်းနဲ့ ကြိုးပမ်း ဆောင်ရွက်မှုတွေ ပြုလုပ်ခဲ့သူတွေ ဖြစ်လို့ ဒီဆုနဲ့ ထိုက်တန် သူတွေလို့ ပြောပါ တယ်။

နိုဘယ်ဆု ဘယ်သူရတယ် ဆိုတာ ကြေညာရင်းနဲ့ သူတို့ သုံးယောက်ရဲ့ ဆောင်ရွက်မှုတွေ ကြောင့် အမျိုးသမီးတွေရဲ့ ဘဝတွေ ကို ပြောင်းလဲသွားအောင် ကြိုးပမ်း ဆောင်ရွက်ခဲ့သူတွေ ဖြစ်တယ်လို့ နော်ဝေနိုင်ငံ နိုဘယ် ကော်မီတီဥက္ကဌ Thorbjorn Jagland က ပြောပါတယ်။
ဆုရှင်တွေထဲက တစ်ယောက် ဖြစ်တဲ့ လိုက်ဘေးရီးယား သမ္မတ Ellen Johnson-Sirleaf ဆိုရင် အာဖရိကမှာ ပထမဆုံး ရွေးကောက် တင်မြှောက်ခံရသူ အမျိုးသမီး နိုင်ငံ့ ခေါင်းဆောင် တစ်ယောက်ဖြစ်တယ် - သူရွေးကောက် ခံခဲ့ရပြီး ကျမ်းသစ္စာ ကျိန်ဆိုပြီး ကတည်းက လိုက်ဘေးရီးယား ငြိမ်းချမ်းရေးအတွက် ပံ့ပိုး ဆောင်ရွက် ပေးခဲ့တဲ့ အပြင် အမျိုးသမီးတွေးရဲ့ ဘဝရပ်တည်ရေး ခိုင်မာအောင်နဲ့ လူမှုရေး တိုးတက်မှုရှိအောင် ကြိုးပမ်းဆောင်ရွက်ခဲ့တယ်လို့ နိုဘယ်ကော်မီတီ ဥက္ကဌက မှတ်ချက် ပေးပါတယ်။
Leyman Gbowee ကတော့ သားသမီး ခြောက်ယောက်ရဲ့ မိခင် ဖြစ်ပြီး ၂၀၀၃ ခုနှစ်က စတင်ခဲ့တဲ့ လိုက်ဘေးရီးယားရဲ့ ဒုတိယ ပြည်တွင်းစစ်ကို အဆုံးသတ် သွားစေတဲ့ ငြိမ်းချမ်းရေး ဆွေးနွေးမှုရဲ့ အဓိကကျတဲ့ ပုဂ္ဂိုလ်အဖြစ် ရှုမြင်ခံရသူ ဖြစ်ပါတယ်။ ဒါ့အပြင် စစ်ရာဇဝတ်မှုတွေနဲ့ အခု တရားရင်ဆိုင်နေရတဲ့ သမ္မတဟောင်း ချားလ်စ် တေလာရဲ့ အုပ်ချုပ်မှု အဆုံးသတ်သွားအောင် ကြိုးပမ်း ဆောင်ရွက်ခဲ့သူလည်း ဖြစ်ပါတယ်။
အခုတော့ သူဟာ အာဖရိက အမျိုးသမီးများ ငြိမ်းချမ်းရေးနဲ့ လုံခြုံရေး ဆိုင်ရာ ကွန်ယက်ကို ဦးဆောင် နေပါတယ်။
ယီမင် နိုင်ငံသူ Tawakkul Karman ကတော့ နိုင်ငံရေးသမားလည်းဖြစ်၊ သတင်းထောက် လည်း ဖြစ်ပြီး လူ့အခွင့်အရေး လှုပ်ရှားသူလည်း ဖြစ်ပါတယ်။ မကြာသေးခင် ကတော့ ဆန်နားမြို့တော်မှာ သမ္မတဆာလေးနဲ့ သူ့အစိုးရကို ဆန့်ကျင်တဲ့ ဆန္ဒပြဖို့ လူစူလူဝေး ဖြစ်အောင် ဦးဆောင်စည်းရုံးခဲ့သူပါ။
နိုဘယ်ဆုရှင် အမျိုးသမီး သုံးယောက်ကို အမေရိကန် ဒေါ်လာ တစ်သန်းခွဲ ဆုကြေးငွေ ခွဲဝေပေးပြီး နိုဘယ် ဆုတံဆိပ် အပ်နှင်းပွဲကိုတော့ လာမယ့် ဒီဇင်ဘာလကျရင် နော်ဝေနိုင်ငံ အော်စလို မြို့တော်မှာ အခမ်းအနားနဲ့ ကျင်းပမှာ ဖြစ်လို့ သူတို့ကို ဖိတ်ကြားထားပြီး ဖြစ်ပါ တယ်။

 
ဆာ့တ်တမြို့လုံးနီးပါးကို ကြားဖြတ်အစိုးရတပ်တွေ ထိန်းချုပ်ပြီ
အစောပိုင်းကတော့ ကဒါဖီသစ္စာခံတွေရဲ့ ခုခံမှုတွေကို အပြင်းအထန် ခံခဲ့ရပါတယ်
လစ်ဗျား အသွင်ကူးပြောင်းရေး အစိုးရတပ် ဖွဲ့တွေဟာ ကဒါဖီ နောက်လိုက် တပ်ဖွဲ့တွေ ထိန်းချုပ်ထားတဲ့ ဆာ့တ်မြို့ကို အလုံး အရင်းနဲ့ တိုက်ခိုက်ခဲ့ ပြီးနောက် အခုတော့ မြို့အားလုံးနီးပါးကို ထိန်းချုပ်ထားလိုက်ပြီ ဖြစ်ပါပြီ။
တိုက်ခိုက်ရေးသမား ထောင်ပေါင်းများစွာဟာ မြို့ကိုဝိုင်းရံကာ ရောကက်တွေ၊ မော်တာတွေ တင့်ကားကအမြှောက်တွေနဲ့ ပစ်ခတ် တိုက်ခိုက် ခဲ့ကြတာ ဖြစ်ပါတယ်။
ဆာ့တ်မြို့ကောင်းကင်ယံပေါ်ကို မီးခိုးလုံးတွေ တက်လာခဲ့ပြီး၊ အဆောက်အဦး များစွာဟာ လည်း မီးလောင်ခဲ့ပါတယ်။
အစောပိုင်းကတော့ တိုက်ခိုက်ရေးသမားတွေဟာ ကဒါဖီသစ္စာခံတွေရဲ့ ခုခံမှုတွေကို အပြင်း အထန် ခံခဲ့ရပါတယ်။
နှစ်ဘက် တိုက်ခိုက်ရေးသမား အများအပြား သေကျေထိခိုက်မှုတွေ ရှိခဲ့တယ်လို့ မြို့လယ်မှာ ရောက်ရှိနေတဲ့ ဘီဘီစီသတင်းထောက်က ပြောပါတယ်။
ဒါပေမယ့်လို့ အရပ်သားတွေ ဘယ်လောက်အထိ ထိခိုက် သေဆုံးခဲ့ရတယ် ဆိုတာကတော့ ဘယ်သူမှာ သိနိုင်မှာ မဟုတ်ဘူးလို့လည်း သူကပြောပါတယ်။

 
ယူရိုဇုံ ကြွေးမြီ ပြဿနာ အမြန် ဖြေရှင်းဖို့ အိုဘားမား တိုက်တွန်း
ယူရို ငွေကြေးသုံး နိုင်ငံတွေရဲ့ ကြွေးမြှီ ပြဿနာဟာ ပြန်နာလန်ထူဖို့ နှေးကွေး နေတဲ့ အမေရိကန်ရဲ့ စီးပွားရေး အပေါ် ခြိမ်းခြောက်နေတယ်လို့ သမ္မတအိုဘားမားက ဆိုလိုက်ရင်း ယူရိုဇုံ ထဲက ခေါင်းဆောင်တွေ အနေနဲ့ ဒီပြဿနာကို အမြန် ဖြေရှင်းကြဖို့ တိုက်တွန်း လိုက်ပါတယ်။
ဥရောပ စီးပွားရေး အခြေအနေ မရေရာမှု ဖြစ်နေတာဟာ လက်ရှိ အမေရိကန် ရင်ဆိုင်နေရတဲ့ စီးပွားရေးကို ပိုအခက်အခဲ ဖြစ်စေတဲ့ အကြီးမားဆုံး ပြဿနာဘဲလို့ မစ္စတာ အိုဘားမားက ပြောပါတယ်။
မရေမရာမှုတွေ ဖြစ်နေတဲ့ ဂရိနိုင်ငံနဲ့ သူ့ရဲ့ကြွေးမြှီ ပြန်ဆပ်ဖို့ အခက်အခဲတွေ ၊ အိုင်ယာလန်နဲ့ ပေါ်တူဂီ အပါအဝင် ဥရောပ တောင်ပိုင်းက နိုင်ငံ အများအပြား ရင်ဆိုင်နေရတဲ့ ကြွေးမြီ အကြပ်အတည်း တွေ ဒါတွေ အားလုံးပေါင်းလိုက်ရင် ကမ္ဘာ ဘဏ္ဍာရေး စနစ် တခုလုံး အတွက် အလွန်အမင်း စိုးရိမ်စရာ ဖြစ်စေ တယ်လို့ သမ္မတ အိုဘားမားက ပြောပါတယ်။
သူဟာ ပြင်သစ်၊ ဂျာမန် ခေါင်းဆောင်တွေနဲ့ မကြာခဏ စကားပြောခဲ့ပြီး လက်ရှိ ဖြစ်နေတဲ့ အရေးပေါ် အခြေအနေကို အဲဒီနိုင်ငံတွေရော သူတို့ရဲ့ ဥရောပ လုပ်ဖော်ကိုင်ဖက် နိုင်ငံ ခေါင်းဆောင် တွေကပါ နားလည်မှု ရှိတယ်လို့ ယူဆကြောင်း သမ္မတ အိုဘားမားက ဆိုပါတယ်။
ဒီပြဿနာကို ဖြေရှင်းဖို့ လာမယ့်လ အတွင်း ခိုင်မာ ပြတ်သားတဲ့ အစီအစဉ်တွေ ထွက်ပေါ်လာလိမ့်မယ်လို့ အထူး မျှော်လင့်ကြောင်း သူက ပြောပါတယ်။
၁၉၃ဝ နောက်ပိုင်း အဆိုးရွားဆုံး အကြပ်အတည်းလို့ Mervyn King ပြောပြီ
ဥရောပမှာ ခြိမ်းခြောက်ခံ နေရတဲ့ ကြွေးမြှီ ပြဿနာကို ဖြေရှင်းပြီး စီးပွားရေး ပြန်လည် ဦးမော့ လာစေဖို့ ရည်ရွယ်တဲ့ အစီအစဉ်သစ်တွေကို ချမှတ် ကြေညာခဲ့ပါတယ်။
ငွေချေးငှား လည်ပတ်မှု ရပ်တန့်သွားမယ့် အန္တရယ်ကို တွန်းလှန် နိုင်ဖို့ ဘဏ်တွေကို တနှစ်လောက်ကြာအောင် အကန့်အသတ် မရှိ ငွေချေးယူ နိုင်မယ့် အစီအစဉ်ကို ဥရောပ ဗဟိုဘဏ်က ကမ်းလှမ်း ခဲ့ပါတယ်။
ဗြိတိန်မှာလည်း စီးပွားရေး ဖွံ့ဖြိုး တိုးတက်လာစေဖို့ နောက်ထပ် အမေရိကန် ဒေါ်လာ ဘီလီယံ တရာ့ခြောက်ဆယ် ထပ်မံ ပံ့ပိုးပြီး ငွေကြေးစံနစ် သွက်သွက်လက်လက် စီးဆင်းမှု ရှိလာအောင် လုပ်မယ်လို့ ဗဟိုဘဏ်က ပြောပါတယ်။
ဗြိတိန်မှာ ၁၉၃ဝ နောက်ပိုင်း အဆိုးရွားဆုံး ဘဏ္ဍာရေး အကြပ်အတည်းကြီးနဲ့ ရင်ဆိုင်နေရတယ်လို့ ဗဟိုဘဏ် ဥက္ကဌ Mervyn King က ပြောပါတယ်။

 
ဆီးရီးယားတပ် လက်ဘနွန် နယ်ထဲက လယ်သမားကို ဝင်ရောက် ပစ်သတ်
ဆီးရီးယား စစ်တပ် လက်ဘနွန် နယ်ထဲ ဝင်ပစ်သတ်
ဆီးရီးယား တပ်ဖွဲ့တွေဟာ လက်ဘနွန် ဖက်ကို ဝင်ပြီး နယ်စပ်မှာ နေထိုင်နေတဲ့ ဆီးရီးယား အမျိုးသား တယောက်ကို ပစ်ခတ် သတ်ဖြတ် ခဲ့တယ်လို့ လက်ဘနွန် အာဏာပိုင် တွေက ပြောပါတယ်။
ဘီခါ့ဒေသ အရှေ့ပိုင်းမှာ လက်ဘနွန် အမျိုးသမီး တယောက်နဲ့အိမ်ထောင်ကျပြီး နေထိုင်နေတဲ့ ဒီ အမျိုးသားကို ပစ်သတ်ခဲ့ပေမယ့် ဘာကြောင့် သတ်တာလဲ ဆိုတာကို ဆီးရီးယား အစိုးရဖက်က အကြောင်းပြချက် မပေးခဲ့ဘူးလို့ ဆိုပါတယ်။
အခု သီတင်းပတ် အစောပိုင်း တုန်းက ဆီးရီးယား တပ်တွေက တင့်ကားတွေနဲ့ ဒီဒေသထဲကို ထိုးဖောက် ဝင်ရောက် တိုက်ခိုက် ခဲ့ပြီးတဲ့နောက် ဒီအမျိုးသားကို ပစ်သတ်မှု ဖြစ်ပွားခဲ့တာပါ။
အဲဒီလို တိုက်ခိုက်ရာမှာ လယ်သမားတွေနဲ့ သူတို့အိမ်ရာတွေလည်း ဖျက်ဆီး ခံရတယ်လို့ ဆိုပါတယ်။
ဒီကိစ္စနဲ့ ပတ်သတ်လို့ နှစ်နိုင်ငံကြား ဆွေးနွေးမှုတွေ ပြုလုပ်နေတယ်လို့ လက်ဘနွန် ဝန်ကြီးချုပ် Najib Miqati က ပြောပါတယ်။

 
အလွှဲသုံးစားမှုနဲ့ အုပ်ချုပ်ရေးမှူးဟောင်း သုံးယောက် ဖမ်းဆီးခံရပြီ
နိုင်ဂျီးရီးယား ပြည်သူတွေ ရေကြီးလို့ ယာယီ တံတား ပေါ်က ဖြတ်ပြေးကြ
နိုင်ဂျီးရီးယား နိုင်ငံမှာ ပြည်နယ် အုပ်ချုပ်ရေးမှူးဟောင်း သုံးယောက်ကို အလွဲသုံးစား လုပ်မှုနဲ့ အဂတိ လိုက်စားမှု တိုက်ဖျက်ရေး ဆိုင်ရာ စုံစမ်း စစ်ဆေးရေး အရာရှိတွေက ဖမ်းဆီး လိုက်ပါတယ်။
သူတို့ဟာ အမေရိကန် ဒေါ်လာ သန်းခြောက်ရာကျော် လိမ်လည်မှုနဲ့ စွပ်စွဲခံနေရတာ ဖြစ်ပါတယ်။
Ogun ၊ Oyo နဲ့ Nasarawa ပြည်နယ် အုပ်ချုပ်ရေးမှူး အဖြစ် တာဝန် ယူခဲ့တုန်းက သူတို့ဟာ အစိုးရ စီမံကိန်းတွေမှာ အလွဲသုံးစား လုပ်ခဲ့ကြပြီး အစိုးရ ပိုင်ငွေတွေကို သူတို့ကိုယ်ပိုင် ငွေစာရင်းထဲ ပြောင်းထဲ့ ခဲ့ကြတာ ဖြစ်တယ်လို့ နိုင်ဂျီးရီးယား စီးပွားရေးနဲ့ ဘဏ္ဍာရေး ရာဇဝတ်မှု ဆိုင်ရာ ကော်မရှင်က ဘီဘီစီ ကို ပြောပြခဲ့ပါတယ်။
သူတို့ကို လာမယ့် ရက်တွေ အတွင်း ရုံးတင် တရားစွဲမယ်လို့ ဆိုပါတယ်။

 
မုံးကိုး တိုက်ပွဲကြောင့် စစ်ပြေး ဒုက္ခသည်တွေ ထွက်ပြေး
ပြေးလာတဲ့ ဒုက္ခသည်တွေ ဖြစ်သလို စားသောက် နေရ
ကေအိုင်အေနဲ့ အစိုးရ စစ်တပ်တွေကြား အဆက်မပြတ် တိုက်ပွဲတွေ ဖြစ်ပွားနေရာမှာ ကြာသပတေးနေ့ နေ့လည်တုန်းကတော့ တရုတ်မြန်မာ နယ်စပ် မူဆယ်ခရိုင် မုံးကိုး မြို့နယ်ခွဲ ဆင်ဂျိုင်ရွာ အနားမှာ အရှေ့မြောက်ပိုင်းတိုင်း စစ်ဌာနချုပ် လက်အောက်ခံ အစိုးရ တပ်တွေနဲ့ ကေအိုင်အေ တပ်မဟာ ၄ လက်အောက်ခံ တပ်တွေ တိုက်ပွဲ ဖြစ်ပွားခဲ့တယ်လို့ သတင်းရရှိ ပါတယ်။
အစိုးရ တပ်တွေဖက်က ၁၂ဝ မမ အပါအဝင် အမြောက် လက်နက်ကြီးတွေ သုံးပြီး အပြင်းအထန် ပစ်ခတ် တိုက်ခိုက်ခဲ့တာကြောင့် မုံးကိုးဖက်ကို စစ်ပြေး ဒုက္ခသည်တွေ ရာနဲ့ချီ ထွက်ပြေး တိမ်းရှောင် လာတယ်လို့ ဒေသခံတွေက ဆိုပါတယ်။
ကေအိုင်အေဖက်က အပြောအရ ဒီတိုက်ပွဲတွေ အတွင်း အစိုးရ စစ်တပ်ဖက်က ၄ယောက်သေ တယောက် ဒဏ်ရာရသွားပြီး ကေအိုင်အေ ဖက်ကတော့ အထိအခိုက် မရှိဘူးလို့ ပြောပါတယ်။
ဒီအသေအပျောက် စာရင်းတွေနဲ့ ပတ်သက်လို့ သီးခြား အတည်ပြုလို့ မရသေးပါဘူး။

 
မှတ်ပုံတင်တာ နဲ့ ရွေးကောက်ပွဲ ဝင်တာ ခွဲသင့် လို့ဆို
ရွေးကောက်ပွဲ ဥပဒေပြင် တာကို အန်အယ်ဒီ ပါတီဝင် တွေ လက်ခံနိုင်တယ်လို့ ဦးဝင်းတင် ကပြော
ရွေးကောက်ပွဲ ဆိုင်ရာ ဥပဒေကို ပြင်ဆင်ချက် တချို့ လုပ်ဖို့ အတွက် ရွေးကောက်ပွဲ ကော်မရှင်က အမျိုးသား လွှတ်တော်မှာ တင်သွင်း ခဲ့တာနဲ့ ပတ်သက်ပြီး အန်အယ်ဒီပါတီ ဗဟို ကော်မီတီဝင် ဦးဝင်းတင်က ကြိုဆို ခဲ့ပေမယ့် ဖွဲ့စည်းပုံ ဥပဒေကို တော့ လက်မခံနိုင်ဘူး လို့ ထပ်ပြီး ပြောခဲ့ပါတယ်။
ပြစ်ဒဏ် ကျခံနေရသူတွေ ရွေးကောက်ပွဲဝင် နိုင်ဖို့ ပိတ်ပင်ထားတာ ကို ပြင်ဖို့နဲ့ အခြေခံဥပဒေကို ကာကွယ်စောင့်ရှောက် ရမယ်ဆိုတဲ့ အသုံးအနှုန်းအစား လေးစား လိုက်နာရမယ် ဆိုတဲ့ စကားရပ်နဲ့ အစားထိုးဖို့ လွှတ်တော်ကို တင်သွင်း ခဲ့တာ ဖြစ်ပါတယ်။
ဦးဝင်းတင်က ဒီပြောင်းလဲ မှုတွေနဲ့ ပတ်သက်ပြီး အန်အယ်ဒီပါတီ ထဲမှာ အတော် ဆွေးနွေး စရာတွေ ဖြစ်လာနိုင်ပေမယ့် နောက်ဆုံးမှာ သဘောတူ လက်ခံကြ နိုင် တယ်လို့ သုံးသပ်ပါတယ်။
ဒေါ်အောင်ဆန်း စုကြည်နဲ့ အစိုးရတို့ကြား တွေ့ဆုံ ဆွေးနွေးမှု တွေစပြီးတဲ့နောက်ပိုင်း အခုလို ရွေးကောက်ပွဲ ဥပဒေကို ပြင်ဆင် ဖို့ ဆောင်ရွက်လာတာ ဖြစ်ပါတယ်။
ဒါပေမယ့် ပါတီ ကို တရားဝင် မှတ်ပုံတင်တာနဲ့ ရွေးကောက်ပွဲ ဝင်တာကို သီးခြားခွဲပြီး စဉ်စားသင့်တယ်လို့ ဦးဝင်းတင်က သူ့ရဲ့ကိုယ်ပိုင် အယူအဆကို ပြောခဲ့ပါတယ်။

 
ဖောက်ခွဲရေးပုဒ်မနဲ့ အကျဉ်းကျသူတွေ ပြန်လွတ်
အင်းစိန်ထောင်ကနေ ဦးဇင်း၂ ပါးနဲ့ လူငယ် ၄ ဦး ပြန်လွတ်လာတာ ဖြစ်ပါတယ်
ဖောက်ခွဲရေးဆိုင်ရာပုဒ်မနဲ့ ထောင်ဒဏ် ၅ နှစ် ချခံထားရတဲ့ မင်္ဂလာတောင်ညွန့် နန်းဦးကျောင်းတိုက်က ဦးဇင်းနှစ်ပါးနဲ့ လူငယ်လေးယောက် တို့ဟာ လွတ်ရက်စေ့လို့ ရန်ကုန်မြို့ အင်းစိန်ထောင်ကနေ သောကြာ နေ့မှာ လွတ်မြောက်လာပါတယ်။
နန်းဦးကျောင်းတိုက်မှာ ဖောက်ကွဲရေးပစ္စည်း တွေ့တယ်ဆိုပြီးတော့ ဦးခေမိန္ဒ၊ ဦးဝိလာသ၊ ကိုကျော်မျိုးမင်း၊ ကိုသက်နိုင်၊ ကိုစံတိုးနဲ့ ကျော်မျိုးဟိန်းတို့ကို ၂၀၀၇ ခုနှစ် အောက်တို ဘာလမှာ ဖမ်းဆီးခဲ့တာ ဖြစ်ပါတယ်။
နန်းဦးကျောင်းတိုက်က ကပ္ပိယ ကိုသက်နိုင်ကတော့ နန်းဦးကျောင်းမှာ ဖောက်ခွဲရေး ပစ္စည်းတွေ တွေ့တယ်ဆိုတာ မဟုတ်မှန်ကြောင်း၊ ပစ္စည်းတွေကို အညာက ချောင်းဦးမှာ တွေ့တာဖြစ်ပြီး သူတို့နဲ့ မပတ်သက်ကြောင်း ရှင်းပြပါတယ်။
ဒါပေမယ့်လည်း အာဏာပိုင်တွေက ပစ္စည်းတွေနဲ့ လက်ပူးလက်ကြပ်တွေတယ်ဆိုပြီးတော့ သူတို့ကို ဖမ်းဆီးတာ ဖြစ်ပြီး သူတို့အနေနဲ့ ဒီအမှုကို ကျူးလွန်ခဲ့တာ မဟုတ်ဘူးလို့ ကိုသက်နိုင်က ဆက်ပြောပါတယ်။
အင်းစိန်ထောင်တွင်းမှာ ကျန်းမာရေး စောင့်ရှောက်မှုက အတော်လေး ညံ့ပြီးတော့၊ နေမကောင်းလို့ တခုခုဖြစ်ရင် ထောင်အာဏာပိုင်တွေနဲ့ အတော် အတိုက်ခံလုပ်ပြီးမှ ဆရာဝန်နဲ့ ပြခွင့်ရတယ်လို့လည်း ပြောပါတယ်။
နန်းဦးကျောင်းတိုက်က ဦးဇင်းဦးခေမိန္ဒကလည်း အပြင်က ထောင်ဝင်စာ ပို့ပေးနေ တာကြောင့်၊ သူတို့အခုလို ကျန်းကျန်းမာမာနဲ့ ထွက်လာနိုင်တာဖြစ်တယ်လို့ မိန့်ပါတယ်။ အပြင်က ဒကာမကြီး ဒေါ်ရှု ပါဆယ်ပို့ပေးနေလို့သာ ထောင်ထဲမှာ အဆင်ပြေခဲ့ကြောင်း ကိုလည်း ဦးဇင်းက မိန့်ပါတယ်။
သူတို့အားလုံးဟာ ထောင်ဒဏ် ၅ နှစ် ချမှတ်ခံရပေမယ့် သမ္မတဦးသိန်းစိန်ရဲ့ ထောင်ဒဏ်တနှစ် လွတ်ငြိမ်းသက်သာခံစားခွင့်အရ ထောင်ထဲမှာ ၄ နှစ်ပဲ နေခဲ့ရတာ ဖြစ်ပါတယ်။
ပြန်လွတ်လာတဲ့ အထဲက ၅ ဦးကတော့ စစ်ကိုင်းတိုင်း ချောင်းဦးမြို့နယ်သားတွေဖြစ်ပြီး ကျန်တယောက်ကတော့ မအူပင်မြိုနယ်က ဖြစ်တယ်လို့ ပြောပါတယ်။
လက်ရှိထောင်ဆေးရုံမှာ အသည်းကင်ဆာရောဂါနဲ့ ဆေးကုသမှုခံနေရတဲ့ ဗကသ ကျောင်းသား ကိုဇော်လင်းထွန်း ဆေးကုသခွင့်ရဖို့ အရေးကိုလည်း ထောင်ထဲမှာရှိတဲ့ အကျဉ်းသားတွေ ဝိုင်းဝန်းတောင်းဆိုလို့သာ ထောင်အာဏာပိုင်က မလွှဲသာလို့ ဆေးရုံတက်ခွင့် ပေးရတာဖြစ်တယ်လို့ သိရပါတယ်။
ထောင်ထဲမှာကျန်တဲ့ အကျဉ်းသားတွေကလည်း နောက်ထပ် လွတ်ငြိမ်းချမ်းသာခွင့် ပေးလာမှာကို မျှော်လင့်နေကြကြောင်း ပြန်လွတ်လာသူတွေက ဘီဘီစီကို ပြောပါတယ်။

 
မွန်ပြည်သစ်ပါတီ တပ်သားများအစိုးရရဲ့ ငြိမ်းချမ်းရေး မူမမှန်ဟု မွန်ပြည်သစ်ကဆို
မြန်မာအစိုးရဟာ တဘက်က ငြိမ်းချမ်းရေး ကမ်းလှမ်းမှုတွေကို ပြည်နယ်အစိုးရတွေက တဆင့် ဆောင်ရွက်နေပြီး၊ တခြား တဘက်မှာ စစ်ရေးအရ တိုက်ခိုက်မှု တွေကို တိုးမြှင့် ဆောင်ရွက်နေတာဟာ မူမမှန်၊ စေတနာ မမှန်ဘူးလို့ မွန်ပြည်သစ် ပါတီ အတွင်းရေးမှူး နိုင်ဟံသာက ပြောပါတယ်။
မွန်ပြည်သစ်ပါတီ ဘက်က ကိုယ်စားလှယ်တချို့နဲ့ မွန်ပြည်နယ် ပြည်နယ် အစိုးရရဲ့ ကိုယ်စားလှယ် ဗိုလ်မှူးကြီး ဌေးမြင့်အောင်တို့ အောက်တိုဘာ လ ၆ ရက် ကြာသပ တေးနေ့က တွေ့ဆုံခဲ့ကြပါတယ်။
အစိုးရဘက်က ငြိမ်းချမ်းရေး အတွက် တွေ့ဆုံလိုကြောင်း ကမ်းလှမ်း ဆက်သွယ်လာတဲ့ အတွက် မွန်ပြည်သစ်ပါတီ ဘက်က သဘောထားကို ထုတ်ဖော် ပြောဆိုဖို့ ကိုယ် စားလှယ် စေလွှတ်ခဲ့တာသာ ဖြစ်ပြီး ပြည်နယ် အစိုးရနဲ့ ဆွေးနွေးမှုတွေ ပြုလုပ်မှာ မဟုတ်ဘူးလို့ မွန်ပြည်သစ် ပါတီ အတွင်းရေးမှူး နိုင်ဟံသာက ပြောပါတယ်။
ငြိမ်းချမ်းရေးကို အမှန်တကယ်လိုလားရင် တဘက်က ပြည်ထောင်စု အစိုးရကို ကိုယ်စားပြုနိုင်သူတွေနဲ့ သူတို့ဘက်က တိုင်းရင်းသား လက်နက်ကိုင် အဖွဲ့ချုပ် ဖြစ်တဲ့ UNFC ပြည်ထောင်စု အမျိုးသား ဖက်ဒရယ် ကောင်စီ တို့ ဆွေးနွေးဖို့ လိုတယ်လို့ နိုင်ဟံသာက ပြောပါတယ်။
ဦးသိန်းစိန် အစိုးရက တဘက်က ငြိမ်းချမ်းရေးကို ပြည်နယ် အစိုးရ တွေက တဆင့် ကမ်းလှမ်းပြီး တခြားတဘက်မှာ ထိုးစစ် တိုးမြှင့်နေတာ အပေါ် ဘယ်လိုမြင်ပါသလဲလို့ ဘီဘီစီက မေးမြန်းရာမှာတော့ ဒါဟာ စေတနာ မမှန်တဲ့ ဆောင်ရွက်ချက် အဖြစ်သံသယ ရှိကြောင်း နိုင်ဟံသာက ပြောပါတယ်။

 
လူ့အခွင့်အရေးကော်မရှင်ထံ တိုင်ကြားနိုင်ပြီ
တရားရုံးရောက်နေတဲ့ အမှုတွေကိုတော့ ကော်မရှင် က ဆောင်ရွက်မပေးပါ
ပြည်သူတွေအနေနဲ့ လူ့အခွင့်အရေးတွေ ချိုးဖောက်ခံရတယ်ဆိုရင် တိုင်းကြားနိုင် တယ်လို့ အခုနှစ် စက်တင်ဘာလ ၅ ရက်နေ့က စတင်ဖွဲ့စည်းခဲ့တဲ့ မြန်မာနိုင်ငံ အမျိုးသား လူ့အခွင့်အရေးကော်မရှင်ကနေ သောကြာနေ့ထုတ် အစိုးရ သတင်းစာတွေ ကနေ ထပ်ပြီး ဆော်သြလိုက်ပါတယ်။
အခုလောလောဆယ် တရားရုံးရောက်နေတဲ့ ဒါမှမဟုတ် တရားရုံးက ဆုံးဖြတ်ပြီး အမှုတွေ ကိုတော့ ဒီကော်မရှင်က ဆောင်ရွက်မပေး နိုင်ဘူးလို့ ဆိုပါတယ်။
အကြောင်းကတော့ တရားရုံးကိုသွားပြီး စောဒက တက်လို့မရကြောင်းနဲ့ တရားရုံးရဲ့ လုပ်ဆောင်ချက်တွေကို ကော်မရှင်အနေနဲ့ ဝင်ရောက် မစွက်ဖက်တဲ့ သဘောဖြစ်ကြောင်းကို မြန်မာနိုင်ငံ အမျိုးသား လူ့အခွင့်ရေးကော်မရှင် ဥက္ကဌ အငြိမ်းစား သံအမတ်ကြီး ဦးဝင်းမရက ဘီဘီစီကို ရှင်းပြပါတယ်။
တရားရေးနဲ့ ပတ်သက်တဲ့ ကိစ္စရပ်တွေကတော့ တရားရုံးကိုသွားရမှာ ဖြစ်ကြောင်းကိုလည်း ဦးဝင်းမရက ဆက်ပြောပါတယ်။
လယ်အသိမ်းခံရဲ့ ကိစ္စရပ်တွေမှာတော့ တိုင်းအဆင့်မှာ ကိုယ်တွယ် ဖြေရှင်းလို့ရကြောင်း ဒါပေမယ့် ကော်မရှင်ကို တိုင်းကြားလာမယ် ဆိုရင်တော့ ဒီကိစ္စကို အလေးပေး ဆောင်ရွက် ဖို့အတွက် ကော်မရှင်ကနေ တဆင့်ထပ်ပြီး တိုင်းအဆင့်ကို အကြောင်းကြား ပေးမှာ ဖြစ်ကြောင်း ပြောပါတယ်။
ကော်မရှင်ရဲ့ လုပ်ထုံးလုပ်နည်းတွေဆိုတာကတော့၊ လူ့အခွင့်အရေးချိုးဖောက်မှုတွေနဲ့ ပတ်သက်တဲ့ သူတို့ရဲ့ တွေ့ရှိချက်တွေကို သက်ဆိုင်ရာ အစိုးရဌာနတွေကို အကြံပြုတင်ပြမှာ ဖြစ်ကြောင်း ကော်မရှင် ဥက္ကဌက ပြောပါတယ်။
လောလောဆယ်မှာတော့ ကော်မရှင်ရဲ့ လုပ်ထုံးလုပ်နည်းတွေကို အစိုးရအဖွဲ့ကို တင်ပြထား ပြီး အတည်ပြုချက်ယူနေကြောင်း၊ လတ်တလောမှာတော့ တနေ့ကို တိုင်ကြားစာ ၈ စောင် ကနေ ၁၀ စောင်လောက် ရနေတယ်လို့ သိရပါတယ်။ တိုင်ကြားမှု အများဆုံးကတော့ လယ်ယာမြေ အဓမ္မ အသိမ်းခံရတဲ့ အမှုတွေ ဖြစ်တယ်လို့ ကော်မရှင်ဥက္ကဌက ပြောပါတယ်။
လူထုအနေနဲ့ ဘယ်လောက်ကိုးစားနိုင်မလဲ ဆိုတာကတော့ ကော်မရှင် အနေနဲ့ ဘယ်လောက် မှန်မှန်ကန်ကန် ဆောင်ရွက်ပေးနိုင်မလဲ ဆိုတာနဲ့ တိုင်းရမှာဖြစ်ပါတယ်။

 
မြန်မာ့အရေး ကီလိုမီတာ နှစ်ထောင် စက်ဘီးစီးသူ ဂျာမဏီ ဆိုက်ရောက်
2011-10-06
မြန်မာနိုင်ငံက နိုင်ငံရေး အကျဉ်းသားများ လွတ်မြောက်ရေး လှုံ့ဆော်ဖို့ ပြီးခဲ့တဲ့ စက်တင်ဘာလ (၁၂) ရက်နေ့က ဗြိတိန်နိုင်ငံ လန်ဒန်မြို့တော်ကနေ စတင်ခဲ့တဲ့ Burma Campaign UK အဖွဲ့ဝင် Jag Dojkovski ရဲ့ တကိုယ်တော် စက်ဘီးစီး ဥရောပ ခြောက်နိုင်ငံ ခရီးစဉ်မှာ ငါးနိုင်ငံမြောက်ဖြစ်တဲ့ ဂျာမဏီကို ရောက်ရှိနေပြီ ဖြစ်ပါတယ်။
မြန်မာနိုင်ငံက နိုင်ငံရေးအကျဉ်းသားများ လွတ်မြောက်ရေး လှုံ့ဆော်ရန် ၂၀၁၁ ခုနှစ် စက်တင်ဘာလ ၁၂ ရက်မှာ ဗြိတိန်နိုင်ငံ လန်ဒန်မြို့တော်မှ ချက်ပြည်သူ့သမ္မတ နိုင်ငံအထိ ကီလိုမီတာ နှစ်ထောင် စက်ဘီးစီးသူ Burma Campaign UK အဖွဲ့ဝင် Jag Dojkovski ဖြစ်ပါသည်။
ဒီခရီးစဉ်ကနေ မြန်မာပြည်က နိုင်ငံရေးအကျဉ်းသား နှစ်ထောင်နီးပါး အတွက် ထောက်ပန့်မယ့် ရံပုံငွေ ဗြိတိန်စတာလင် ပေါင်နှစ်ထောင် ရရှိဖို့ သတ်မှတ်ထားပေမယ့် လက်ရှိ ကောက်ခံရရှိငွေ စုစုပေါင်း စတာလင်ပေါင် နှစ်ထောင်ကျော်သွားပြီလို့ Burma Campaign UK အဖွဲ့ ညွန်ကြားရေးမှုး Mark Farmaner က အာအက်ဖ်အေကို ပြောပါတယ်။သူရဲ့ခရီးစဉ်တလျှောက် အထူးသဖြင့် ပြင်သစ်နဲ့ ဘယ်လ်ဂျီယန် နိုင်ငံတွေမှာဆိုရင် မြန်မာ့အရေး စိတ်ဝင်စားတဲ့ ဒေသခံပြည်သူတွေက သူ့အတွက် တည်းခိုဖို့နဲ့ စားသောက်စရာတွေကို လိုလေသေးမရှိ စီစဉ်ပေးထားတယ်လို့လည်း ဆိုပါတယ်။Jag Dojkovski အနေနဲ့ မြန်မာနိုင်ငံက နိုင်ငံရေး အကျဉ်းသား နှစ်ထောင်ကို ရည်ရွယ်ပြီး ကီလိုမီတာ နှစ်ထောင်ဝေးကွာတဲ့ ဗြိတိန်နိုင်ငံကနေ ချက်ပြည်သူ့သမ္မတနိုင်ငံ အထိ ပြိုင်ဘီးတစင်းနဲ့ သွားနေပါတယ်။ သူဖြတ်သန်းခဲ့တဲ့ နိုင်ငံတွေကတော့ ပြင်သစ်၊ ဘယ်လ်ဂျီယန်၊ နယ်သာလန်နဲ့ အခု ဂျာမဏီနိုင်ငံတွေ ဖြစ်ပါတယ်။ အောက်တိုဘာလ ၂၂ ရက်နေ့မှာ ချက်ပြည်သူ့သမ္မတ နိုင်ငံကို ဆိုက်ရောက်မှာ ဖြစ်တယ်လို့ သိရပါတယ်။

 
လွတ်မြောက်ရေးမျှော်လင့်နေကြ
2011-10-07
နိုင်ငံရေး အကျဉ်းသားတွေ ပြန်လွှတ်ဖို့  သမ္မတ ဦးသိန်းစိန်က စီစဉ်နေတယ်ဆိုတဲ့ သတင်းတွေကြောင့် ထောင်တွင်း နိုင်ငံရေး အကျဉ်းသားတွေ အနေနဲ့ ပြန်လည် လွတ်မြောက်ရေး မျှော်လင့်နေကြတယ်လို့ သိရပါတယ်။
မြန်မာနိုင်ငံ၊ ရန်ကုန်မြို့အနီးရှိ နာမည်ဆိုးဖြင့် ကမႝာကျော်သော အင်းစိန်ထောင် ဖြစ်ပါသည်။ (Photo:RFA/Tyler Chapman)
ထောင်တွင်းဖတ်ရှုရတဲ့ ဂျာနယ်တွေ စာစောင့်တွေက တစ်ဆင့် နိုင်ငံရေး အကျဉ်းသားတွေ ပြန်လွှတ်တော့မယ် ဆိုတဲ့ သတင်းတွေကြောင့် အခုလို မျှော်လင့်ချက်တွေ ဖြစ်ပေါ်နေကြတာလို့ ဘားအံထောင်ကနေ ထောင်ဝင်စာတွေ့ပြီး ဒီကနေ့ ပြန်လည် ရောက်ရှိလာတဲ့ ကိုနေဖုန်းလတ်ရဲ့ မိခင် ဒေါ်အေးသန်းက ပြောပါတယ်။ထောင်တွင်းက ကိုနေဖုန်းလတ်နဲ့ အခြားနိုင်ငံရေး အကျဉ်းသားတွေရဲ့ ကျန်းမာရေး အခြေအနေကိုတော့ ဒေါ်အေးသန်းက အခုလို ပြောပြပါတယ်။“နေဖုန်းလတ်ကတော့ ညဘက်ဆိုရင် နှာခေါင်းပိတ် နှာရည်ကျနေတာ လနဲ့ချီနေပြီ။ ဆေးလည်း အမျိုးမျိုးဝယ်ပေးတာပဲ မပျောက်ဘူး။ တိုက်က တစ်နေ့လုံးမိုးအေးတော့ အဲဒီအေးတဲ့ အရှိန်ကြောင့်လား မသိဘူးပေါ့နော်။ ပုသိမ်က ပြည့်ဖြိုးအောင်က အသည်းရောင်လို့ ဆန်ပြုတ်ပဲ သောက်နေရတယ်”ဒါ့အပြင် ဘားအံထောင်မှာ အကျဉ်းကျနေတဲ့ တောင်ဒဂုံက ကိုဉာဏ်လင်း ဟာလည်း မျက်စေ့ကိုက်နေပြီး ရန်ကုန်မှာ ခွဲစိတ်ကုသမှု ခံယူဖို့ တင်ပြစောင့်ဆိုင်းနေတာ အတော်ကြာပြီ ဖြစ်ပေမယ့် အခုထိ မသိရသေးဘူးလို့ သိရပါတယ်။အခုလထဲမှာ နိုင်ငံရေး အကျဉ်းသားတွေ လွှတ်ပေးလိမ့်မယ် ဆိုတဲ့ သတင်းတွေ ထွက်ပေါ်နေတာကြောင့် မိသားစုဝင်တွေက မျှော်လင့်နေကြကြောင်းကိုလည်း ဘားအံထောင်မှာ ထောင်ဒဏ် နှစ် ၂၀ ကျနေတဲ့ ကိုနန္ဒစစ်အောင်ရဲ့ ဖခင်ဖြစ်သူ နိုင်ငံရေးအကျဉ်းသားဟောင်း ဦးဌေးက ပြောပါတယ်။သားဖြစ်သူ ကိုနန္ဒစစ်အောင်နဲ့ အမှုတစ်တွဲတည်းဖြစ်တဲ့ အင်းစိန်ဆေးရုံ အချုပ်ခန်းမှာ အသည်းကင်ဆာနဲ့ ဆေးကုသမှု ခံယူနေရတဲ့ ကိုဇော်လင်းထွန်းလို နိုင်ငံရေးအကျဉ်းသားတွေကို ပိုပြီး မြန်မြန် လွတ်စေချင်တယ်လို့ ဦးဌေးက ပြောဆိုပါတယ်။ပြည်ထောင်မှာ ဖမ်းဆီးခံထားရတဲ့ ကိုဝေဖြိုး နဲ့ ကိုဇာနည်ထွန်းတို့ကို ပုဒ်မတူနဲ့ ၂ ကြိမ်ခွဲပြီး တရားစွဲဆို ထားတာကို တစ်ခုတည်း ပေါင်းပေးဖို့  ဒီကနေ့ ရုံးထုတ် စစ်ဆေးစဉ်မှာ လျှောက်ထားခဲ့ကြောင်း သတင်းရရှိပါတယ်။ကိုဇာနည်ထွန်းနဲ့ ကိုဖြိုးဝေအောင်တို့  ၂ ဦးကို ပြည်တရားရုံး နဲ့ သဲကုန်းတရားရုံးတို့မှာ ပုဒ်မတူတွေနဲ့ ၂ ကြိမ်ခွဲပြီး တရားစွဲဆို ထားတဲ့ အမှုတွဲတွေကို တစ်ခုတည်း ပေါင်းပေးဖို့ လျှောက်ထားချက်ကို ပြည်တရားရုံးက လက်ခံခဲ့ကြောင်း ဒီအမှုကို လိုက်ပါဆောင်ရွက်ပေးနေတဲ့ ပြည်မြို့က HRDP ရှေ့နေ ဦးအေးမြင့်က ပြောပါတယ်။ကိုဇာနည်ထွန်းနဲ့ ကိုဖြိုးဝေအောင်တို့ ၂ ဦးကို ပြီးခဲ့တဲ့ သြဂုတ်လ ၈ ရက်နေ့က ပြည်မြို့မှာ နိုင်ငံရေး အကျဉ်းသား လွှတ်ပေးဖို့ တောင်းဆိုတဲ့ ပိုစတာ ကပ်တယ်ဆိုတဲ့ စွပ်စွဲချက်နဲ့ ဖမ်းဆီးထားတာ ဖြစ်ပါတယ်။ လောလောဆယ်မှာတော့ ပုံနှိပ်ဥပဒေ နဲ့ လိုင်စင်မဲ့ဆိုင်ကယ် မောင်းနှင်မှုတို့နဲ့ တရားစွဲဆို ထားပါတယ်။ကိုဇာနည်ထွန်းဟာ ပြည်မြို့က ဖြစ်ပြီး ကိုဝေဖြိုးကတော့ အုတ်ဖိုမြို့က ဖြစ်ပါတယ်။ သူတို့၂ ဦးကို ပြည်ထောင်မှာ ချုပ်နှောင်ထားပါတယ်။

ဦးတင်အောင်မြင့်ဦး တရုတ်ပြည်သွားမည်
By သင်းသီရိ
မကြာခင်ရက်ပိုင်းတွင်း တရုတ် နိုင်ငံကို မြန်မာဒုတိယသမ္မတ ဦးတင်အောင်မြင့်ဦးနဲ့ အဖွဲ့သွားပြီး မြစ်ဆုံဆည် စီမံကိန်း ပိတ်လိုက်တဲ့အတွက် ဖြစ်ပေါ်လာတဲ့ ကိစ္စတွေကို ဆွေးနွေးညှိနှိုင်းမှာ ဖြစ်ပါတယ်။ နန်ကျင်းမှာ ပြုလုပ်မယ့် တရုတ်-အာဆီယံ ကုန်စည်ပြပွဲကို သွားတက်ရောက်မှာ ဖြစ်ပေမဲ့ အဓိကဆွေးနွေးမယ့် ကိစ္စကတော့ မြစ်ဆုံဆည် စီမံကိန်း ရပ်ဆိုင်းလိုက်တာနဲ့ ပတ်သက်နေပါတယ်။ ဒီသတင်းအပြည့်စုံကို မသင်းသီရိက တင်ပြထားပါတယ်။
ဒုတိယ သမ္မတ ဦးတင်အောင်မြင့်ဦးနဲ့အတူ လျှပ်စစ်နဲ့ စွမ်းအင်ရေးရာဝန်ကြီး ဦးဇော်မင်း အပါအ၀င် မြန်မာကိုယ်စားလှယ်အဖွဲ့ဟာ လာမယ့် အောက်တိုဘာ ၁၇ နဲ့ ၁၈ ရက်တွေမှာ တရုတ်နိုင်ငံကို သွားမှာဖြစ်ပါတယ်။ တရုတ်နိုင်ငံ နန်ကျင်းမှာ ပြုလုပ်မယ့် တရုတ်-အာဆီယံ ကုန်စည်ပြပွဲကို တက်ရောက်ဖို့ သွားမှာဖြစ်ပေမဲ့ တရုတ်နဲ့အကျိုးတူ လုပ်ဆောင်ထားတဲ့ မြစ်ဆုံဆည် စီမံကိန်း ရပ်လိုက်တဲ့ကိစ္စကို အဓိကပြောဆိုဖို့ ဖြစ်ပါတယ်။
အမေရိကန်ဒေါ်လာ ၃ ဘီလျံကျော် တန်ဖိုးရှိတဲ့ မြစ်ဆုံစီမံကိန်းကို သမ္မတ ဦးသိန်းစိန်က သူ့အစိုးရ လက်ထက်မှာ ရပ်ဆိုင်းထားမယ်လို့ ကြေညာခဲ့ပြီးတဲ့နောက် ဒီကိစ္စကို သူတို့နဲ့ဆွေးနွေးဖို့ကိုလည်း တရုတ် နိုင်ငံခြားရေးဌာနက တောင်းဆိုထားပါတယ်။ ဒါ့ကြောင့် မကြာခင်မှာ မြန်မာ အစိုးရအဖွဲ့ဟာ တရုတ်နိုင်ငံကို သွားဖို့ ခရီးစဉ်ရှိလာတော့မှာ ဖြစ်တယ်လို့ အများက တွက်နေကြတာပါ။ သမ္မတ အကြံပေးအဖွဲ့က အဖွဲ့ဝင်တဦးဖြစ်တဲ့  ဦးနေဇင်လတ်ကတော့ အခု ဒုတိယသမ္မတနဲ့အဖွဲ့ မကြာခင် တရုတ်နိုင်ငံကိုသွားမယ့် ခရီးစဉ်နဲ့ပတ်သက်လို့ အတိအကျမသိပေမဲ့ မြစ်ဆုံစီမံကိန်း ရပ်လိုက်တဲ့ကိစ္စနဲ့ပတ်သက်ပြီး နှစ်နိုင်ငံ အစိုးရချင်း ဆက်ပြီး ညှိနှိုင်းစရာတွေ ရှိမှာတော့ဖြစ်တယ်လို့ ပြောပါတယ်။
“ဒါကတော့ ကွန်ထရက်တခု ပျက်ပြယ်တယ် ဆိုလို့ရှိရင် ညှိနှိုင်းရတဲ့ သဘာဝတွေ ရှိပါတယ်။ နောက်ဆက်တွဲမှာတော့ ကျနော် ထင်ပါတယ်။ သင့်လျော်တဲ့ အဆင့်တခုကနေပြီး တရုတ်ကုမ္ပဏီတွေနဲ့ အစိုးရပိုင်းတွေ နားလည်အောင် ပြောပြပြီးတော့မှ ညှိနှိုင်းပြီးတော့ ပြီးဆုံးသွားတဲ့အထိ ဆောင်ရွက်သွားမယ်လို့ ကျနော် ယူဆပါတယ်။”
နှစ်ပေါင်း အတော်ကြာကတည်းက မဟာဗျူဟာမြောက် ဆက်ဆံရေးတွေ နှစ်နိုင်ငံကြား ရှိထားတာဖြစ်ပြီး မြစ်ဆုံစီမံကိန်းကို ရပ်ဆိုင်းမယ် ဆိုတဲ့အတွက် နှစ်နိုင်ငံအကြား ဆက်ဆံရေး ထိခိုက်စရာ ဖြစ်လာနိုင်တယ် လို့လည်း ခန့်မှန်ပြောဆိုနေကြတာပါ။ ဦးနေဇင်လတ်ကတော့ တရုတ်နဲ့ မြန်မာဟာ နှစ်နိုင်ငံ ပူးပေါင်းပြီး အကျိုးတူ လုပ်ဆောင်နေတဲ့ လုပ်ငန်းတွေ အများကြီးထဲက တခုသာ ရပ်လိုက်တာမို့ တရုတ်နဲ့ မြန်မာ ဆက်ဆံရေး ထိခိုက်စရာ မမြင်ဘူးလို့ ဆိုပါတယ်။
“ဘာကြောင့်လဲလို့ ပြောလို့ရှိရင် တရုတ်နဲ့ မြန်မာနဲ့ ဆက်ဆံရေးမှာ အထူးသဖြင့် စီးပွားရေး ဆက်ဆံမှု ကိစ္စရပ်တွေက တော်တော်လေး ကြီးကြီးမားမား ရှိတယ်လေ။ အဲဒီအထဲက ဒါက တစ်ခုသာဖြစ်တယ်။ ဆိုတော့ ဖြစ်ခါစမှာတော့ နည်နည်းလေးတော့ ပူပူနွေးနွေးလေး ဖြစ်တဲ့အတွက်ကြောင့်မိုလို့ တဘက်ကတော့ ကျေနပ်စရာတော့ အားနည်းရင် နည်းမှာပေါ့လေ။ သို့သော်လည်း ပထ၀ီနိုင်ငံရေးအရ ပြောရင်ကော၊ နိုင်ငံတကာ နိုင်ငံရေးအရ ပြောမယ်ဆိုလို့ရှိရင်လည်း အဲဒါတွေက ပိုပြီးတော့ ဦးစားပေးစရာ ဖြစ်တဲ့အတွက်ကြောင့်မိုလို့ နိုင်ငံအဆင့်ထိလောက်တော့ ကျနော်တို့အတွင်းမှာ မူ မမြင်ရပါဘူးခင်ဗျာ။”
မြစ်ဆုံစီမံကိန်းကို အဓိကလုပ်နေတဲ့ တရုတ် စွမ်းအင်ရင်းနှီးမြှုပ်နှံမှု ကုမ္ပဏီ CPI ကတော့ ဒီလုပ်ငန်းရပ်လိုက်တာကနေ ဥပေဒကြောင်းအရ ရှင်းစရာတွေ ဖြစ်လာနိုင်တယ်လို့ ပြောပါတယ်။ တကယ်တော့ နိုင်ငံတိုင်းဟာ မိမိအကျိုးစီးပွားကိုသာ ရှေ့တန်းတင် စဉ်းစားကြတာ ဖြစ်တာမို့ အခုလည်း ပြည်သူလူထုအကျိုးအတွက် သမ္မတ ဦးသိန်းစိန်က စဉ်းစား ဆုံးဖြတ်လိုက်တာ ဖြစ်တယ်လို့ သဘာဝပတ်ဝင်းကျင် ထိန်းသိမ်းရေးအဖွဲ့ FREDA အဖွဲ့က ဦးအုန်းကပြောပါတယ်။
“ကျနော်တို့ကတော့ committed ဖြစ်တာထက်ကို ပေးတဲ့အတွက် တရားစွဲတာတို့ ဘာတို့ လုပ်နိုင်တာပေါ့။ ဒါက သူတို့အလုပ်ကိစ္စပေါ့။ ဒါကတော့ သူတို့ စာချုပ်စာတမ်းအရ မကိုက်ညီရင် တရားစွဲနိုင်တာပေါ့။ ဒါပေမဲ့ သူတို့ မပါဘဲနဲ့ ဆုံးဖြတ်တယ်ဆိုပြီးတော့ ပြောတာက ဒါကတော့ ကျနော်တို့ကို သက်သက် စော်ကားတာ။ ကျနော်တို့နိုင်ငံ တနိုင်ငံလုံးက မလုပ်ပါနဲ့။ အစိုးရကလည်း သဘောတူတယ်။ အဲဒါ ဆုံးဖြတ်တာက ဘာမှမမှားဘူး။ ဒီကိစ္စထဲမှာ သူတို့ ၀င်ရှုပ်စရာ ဘာမှမလိုဘူး။ သူတို့ တရားစွဲချင်ရင် စွဲပေါ။ လျော်ကြေးတောင်းချင်ရင် တောင်းပေါ့။ ဒါတွေက သူတို့ လုပ်သင့်တယ်။”
မြစ်ဆုံဆည် စီမံကိန်း ရပ်ဆိုင်းလိုက်တဲ့ကိစ္စအတွက် ဒုတိယသမ္မတ ဦးတင်အောင်မြင့်ဦးနဲ့အဖွဲ့ တရုတ်ပြည် မသွားခင် ရှေ့ရက်ပိုင်းတွေအတွင်းမှာလည်း သမ္မတ ဦးသိန်းစိန်ဟာ အိန္ဒိယနိုင်ငံကို သွားဖို့ရှိပြီး အိန္ဒိယ-မြန်မာ နှစ်နိုင်ငံရဲ့ စီးပွားရေးနဲ့ ကုန်သွယ်ရေးရာအပြင် စစ်ဘက်ဆက်ဆံရေး ကိစ္စတွေကိုပါ သူ့ခရီးစဉ်အတွင်း ဆွေးနွေးဖို့လည်းရှိပါတယ်။

၁၀ နှစ်ပြည့်အာဖဂန်စစ် ငြိမ်းဖွယ်မရှိသေး
By ဗွီအိုအေ (မြန်မာဌာန)
အမေရိကန်ဦးဆောင်တဲ့ ပူးပေါင်းတပ်တွေ အာဖဂန်နစ္စတန်ကို စစ်ဝင်တိုက်ခဲ့တာ ဒီနေ့ သောကြာနေ့မှာ ၁၀ နှစ်ပြည့်ခဲ့ပါပြီ။ ဒီစစ်ပွဲကြောင့် အာဖဂန်နစ္စတန်မှာ တာလီဘန်အုပ်ချုပ်မှု အဆုံးသတ်သွားပေမဲ့ အမေရိကန်တို့အတွက် အရှည်ကြာဆုံး စစ်ပွဲတခုဖြစ်နေသလို ထောင်နဲ့ချီတဲ့ အသက်တွေ ဆုံးရှုံးခဲ့ယုံမက စစ်စရိတ် ကုန်ကျမှုကလည်း ဒေါ်လာ ဘီလျံနဲ့ချီ ရှိနေပါတယ်။
အမေရိကန်ပြည်ထောင်စုမှာ ၂၀၁၁ ခုနှစ် စက်တင်ဘာ ၁၁ ရက် အကြမ်းဖက် တိုက်ခိုက်မှု ခံရအပြီး ၁ လတောင်မပြည့်ခင် အယ်လ်ခိုင်းဒါးခေါင်းဆောင် အိုစမာ ဘင်လာဒင် (Osama bin Laden) ကို လိုက်ရှာနေချိန်မှာ တာလီဘန်အစိုးရကို ဖြုတ်ချနိုင်ဖို့ စစ်ပွဲကို စတင်ခဲ့တာဖြစ်ပါတယ်။ ၁၀ နှစ်ကြာလာချိန်မှာ သူ့အစိုးရနဲ့ နိုင်ငံတကာ မဟာမိတ်တွေဟာ အာဖဂန်ပြည်သူတွေ အတွက် လုံခြုံမှုကို မပေးနိုင်သေးဘူးလို့ အာဖဂန်သမ္မတ ဟာမစ်ခါဇိုင်း (Hamid Karzai) က ပြောခဲ့ပါတယ်။
စစ်ပွဲအစပိုင်းမှာ တာလီဘန်တွေ ပုန်းအောင်းနေရာတွေ ရှင်းပစ်ဖို့ နေတိုးတပ်ဖွဲ့၊ အမေရိကန်နဲ့ အိမ်နီးချင်း ပါကစ်စတန်နိုင်ငံတွေက အာရုံစိုက်ခဲ့သင့်တယ်လို့ BBC နဲ့ အင်တာဗျူးမှာ မစ္စတာခါဇိုင်းက ပြောခဲ့ပါတယ်။ တာလီဘန်တွေကို ပါကစ်စတန်နိုင်ငံထဲက ထောက်ပံ့မှုတွေ ပေးနေတာလို့လည်း အာဖဂန်ခေါင်းဆောင်က ထပ်မံစွပ်စွဲခဲ့ပါတယ်။ ဒီစွပ်စွဲချက်ကို ပါကစ်စတန်အစိုးရက အမြဲငြင်းဆန်နေတာ ဖြစ်ပါတယ်။
သာမန် အာဖဂန်ပြည်သူတွေ စိတ်ချယုံကြည်ပြီး တာဘီဘန်တွေကို တန်ပြန် တိုက်ခိုက်နိုင်မယ့် တရားဝင်အစိုးရ ပေါ်ပေါက်ရေးဟာ အခက်အခဲဆုံး လုပ်စရာတစ်ခု အနေနဲ့ အာဖဂန်မှာ ကျန်နေသေးတယ်လို့ အငြိမ်းစား အမေရိကန်စစ်ဗိုလ်ချုပ်ကြီး စတန်လေ မက်ခရစ်တယ်လ် (Stanley McChrystal) က နှစ်ပတ်လည် အကြိုမိန့်ခွန်းထဲမှာ ပြောကြားသွားပါတယ်။ ဗိုလ်ချုပ်ကြီး မက်ခရစ်စတယ်လ် ဟာ အာဖဂန်က ပူးပေါင်းတပ်တွေအတွက် ၂၀၀၉ နဲ့ ၂၀၁၀ ခုနှစ်တွေမှာ တပ်မှူးကြီးတာဝန်ကို ထမ်းဆောင်ခဲ့သူဖြစ်ပါတယ်။