ပန့်ခ် ယဉ်ကျေးမှု

Contents
[hide]

   * 1 ပန့်ခ်(punk)ယဉ်ကျေးမှု
         o 1.1 သမိုင်းကြောင်း (History)
         o 1.2 ဖက်ရှင် (Fashion)
         o 1.3 ဂီတ (Music)
         o 1.4 အတွေးအခေါ် (Ideology)
         o 1.5 ရုပ်ရှင် (Film)
         o 1.6 လူနေမှုစတိုင်လ် (Lifestyle)
         o 1.7 ကခုန်ခြင်း (Dance)
         o 1.8 စာပေအရေးအသား (Literature)
         o 1.9 အသိုက်အဝန်း (Community)
         o 1.10 ကိုးကား

[ပြင်ဆင်ရန်​] ပန့်ခ်(punk)ယဉ်ကျေးမှု

ပန့်ခ်(punk)ယဉ်ကျေးမှုဆိုတာ ဟာ ပန့်ခ်ရော့ခ်ဂီတအပေါ်မှာ အခြေခံတဲ့
ယဉ်ကျေးမှုပုံစံကွဲတစ်ခုဖြစ်ပါ

တယ်။ ပန့်ခ်လှုပ်ရှားမှုဟာ ၁၉၇ဝ ခုနှစ်
အလယ်ပိုင်းကနေ နှောင်းပိုင်းတဝိုက် ဗြိတိန်၊ အမေရိကားနဲ့ သြစတြေးလျ က
ပိုမိုကျယ်ပြန့်တဲ့ ရော့ခ်အင်ရိုးလ် ဂီတရပ်ဝန်းကနေ စတင်ပေါ်ထွက်လာခဲ့
ချိန်ကတည်းက ကမ္ဘာအဝှမ်း ပျံ့နှံ့သွား ခဲ့ပြီး၊ ကွဲပြားခြားနားတဲ့
ပုံစံအမျိုးမျိုး အဖြစ် တိုးတက်ဖြစ်ထွန်းလာခဲ့ပါတယ်။

ပန့်ခ်ယဉ်ကျေးမှုမှာ တမူ ထူးခြားတဲ့ ဂီတဟန်တွေ၊ အတွေးအခေါ် တွေ၊
ဖက်ရှင်စတိုင်လ်တွေ၊ အမြင် အာရုံပိုင်းဆိုင်ရာ အနုပညာပုံစံတွေ၊ အကဟန်တွေ၊
စာပေရေစီးကြောင်းတွေ နဲ့ ရုပ်ရှင်အနုပညာပုံစံတွေအထိ မျိုးစုံ အောင်
ပါဝင်ပေါင်းစပ်ဖွဲ့စည်းထားပါ တယ်။ နောက်ပြီး ပန့်ခ်ဆိုတဲ့ စကားလုံး ဟာ
လူနေမှုဘဝပုံစံနဲ့ အဖွဲ့အစည်းကို လည်း ရည်ညွှန်းတယ်လို့ ဆိုပါတယ်။
ပန့်ခ်မြင်ကွင်းတစ်ခုဟာုhardcore punk နဲ့ street punkတို့လို ပိုမို
သေးငယ်တဲ့ ယဉ်ကျေးမှုတွေနဲ့ ဖွဲ့စည်း ထားတာဖြစ်တယ်။ အဲဒီယဉ်ကျေးမှု
အုပ်စုငယ်တွေဟာ ပန့်ခ်ယဉ်ကျေးမှု အပေါ် မတူခြားနားတဲ့ အဓိပ္ပာယ်ဖွင့်ဆို
တင်ပြမှုတွေနဲ့ တစ်ခုချင်း ခွဲခြားထား ကြတာဖြစ်ပါတယ်။ garage rock နဲ့
psychobily အပါအဝင် တချို့ ယဉ်ကျေးမှု ပုံစံတွေကတော့ ပန့်ခ်ကနေ
တိုးတက်ဖြစ်ထွန်းလာခဲ့ကြပေမယ့် သူ တို့ရဲ့ အခွင့်အလမ်းတွေက တစ်ဆင့်
သီးသန့် ခွဲထွက်သွားခဲ့ကြပါတယ်။ ပန့်ခ် ယဉ်ကျေးမှုဟာ ပေါ်ပြူလာယဉ်ကျေးမှု
နဲ့ ဆူညံစိတ်လှုပ်ရှားစရာ ကောင်းတဲ့ ဆက်ဆံရေးရှိခဲ့ပြီး၊
စီးပွားရေးဆန်ခြင်းနဲ့ သင့်တော်ဆီလျော်မှုတို့ကို ငြင်းဆန်ရင်း
ရုန်းကန်လှုပ်ရှားခဲ့ပါတယ်။
[ပြင်ဆင်ရန်​] သမိုင်းကြောင်း (History)

ပန့်ခ်ယဉ်ကျေးမှုဟာ အမေ ရိကား၊ ဗြိတိန်နဲ့ သြစတြေးလျမှာ ၁၉၇ဝ ခုနှစ်
အလယ်ပိုင်းနဲ့ နှောင်းပိုင်း တဝိုက်လောက်က စတင်ပေါ်ထွက်လာ ခဲ့ပြီး
တိုးတက်ပြောင်းလဲလာမှုတွေလည်း အတော်များများ ရှိခဲ့ပါတယ်။ ပန့်ခ်
ယဉ်ကျေးမှုဟာ ထွေပြားတဲ့ သြဇာ လွှမ်းမိုးမှုနဲ့ ရှေ့ဆောင်လမ်းပြပုဂ္ဂိုလ်တွေ
ကနေ အရင်းတည်ပေါက်ဖွားလာခဲ့တာ ဖြစ်တယ်။ ဒဿနိကနဲ့ အနုပညာ
လှုပ်ရှားမှုအမျိုးမျိုးက ဒီ ယဉ်ကျေးမှု ကို သြဇာသက်ရောက်ခဲ့ပြီး၊ အတိအကျ
ပြောရမယ်ဆိုရင် ခေတ်ပေါ်အနုပညာ မျိုးကွဲတချို့က ပန့်ခ်ယဉ်ကျေးမှုကို
ကြိုတင်နိမိတ်ဖတ်ခဲ့ပါတယ်။ များပြား တဲ့ စာရေးဆရာတွေ၊ စာအုပ်တွေနဲ့
စာပေလှုပ်ရှားမှုတွေဟာလည်း ပန့်ခ် ရသဗေဒဖြစ်ပေါ်လာမှုအတွက် အရေး ပါခဲ့တယ်။
အလားတူပဲ ပန့်ခ်ရော့ခ်ဟာ ထွေပြားစုံလင်တဲ့ ရော့ခ်အင်ရိုးလ်ဂီတ
စတိုင်လ်တွေအပေါ် အခြေခံပြီး မွေးဖွား လာခဲ့တာဖြစ်သလို အဲဒီအချိန်က
ရှိနှင့် ပြီးတဲ့ လူငယ်ယဉ်ကျေးမှုတွေရဲ့ သြဇာ လွှမ်းမိုးခြင်းကိုလည်း
ခံခဲ့ရပါတယ်။

Protopunk လုိ့ခေါ်တဲ့ အစောဆုံးရှေ့ပြေးပန့်ခ် ဂီတပုံစံဟာ ၁၉၇ဝ
ခုနှစ်အစောပိုင်းကနေ အလယ် ပိုင်းတလျှောက်မှာ အမေရိကန်နိုင်ငံ
အရှေ့မြောက်ပိုင်းကနေ စတင်ပေါ်ထွက် လာခဲ့ပါတယ်။ ပန့်ခ်ဆိုပြီး တံဆိပ်ကပ်
ခံရတဲ့ ပထမဦးဆုံးဂီတမြင်ကွင်းဟာ ၁၉၇၄ နဲ့ ၁၉၇၆ ခုနှစ် ကြားကာလ မှာ
နယူးယောက်ခ်စီးတီးက စတင် ပေါက်ဖွားလာခဲ့တယ်။ အဲဒီအချိန်ပိုင်း လောက်မှာပဲ
ပန့်ခ်ဂီတဟာ လန်ဒန် မြို့မှာ စတင်ဖွံ့ဖြိုးတိုးတက်နေခဲ့ပြီဖြစ် ပါတယ်။
များမကြာမီမှာတော့ လော့စ် အင်ဂျလိစ်မြို့ဟာ အဓိကကျတဲ့ တတိယမြောက်
ပန့်ခ်ဂီတမြင်ကွင်း အတွက် အချက်အချာကျတဲ့နေရာ တစ်ခုဖြစ်လာတယ်။
အဲဒီမြို့ကြီး သုံးမြို့ ဟာ လျှင်မြန်စွာ ကြီးထွားလာတဲ့ ပန့်ခ်
လှုပ်ရှားမှုအတွက် အမာခံကျောရိုးဖြစ် လာခဲ့ပေမယ့် အဲဒီအချိန်မှာ ဘရစ္စဘိန်း
နဲ့ ဘော့စတွန်တို့လို မြို့ကြီးတွေမှာ လည်း ပန့်ခ်မြင်ကွင်းတွေ
ရှိနေခဲ့ပြီ ဖြစ်ပါတယ်။

၁၉၇၇ ခုနှစ်ကစလို့ ပန့်ခ် ယဉ်ကျေးမှုဟာ ပုံသဏ္ဍာန်အမျိုးမျိုး
ကွဲပြားတိုးတက်လာခဲ့ပြီး၊Z-Tone နဲ့ Anarcho-punk တို့လို အုပ်စုကွဲ တွေက
ကိုယ့်လမ်းကိုယ် ဆက်လျှောက် ခဲ့ကြတယ်။ ပန့်ခ်လှုပ်ရှားမှုရေစီးကြောင်း
အင်အားလျော့နည်းလာတာနဲ့အမျှ post-punk, New Wave နဲ့ No Wave
တို့လိုမျိုး စိတ်သစ်တွေဟာ မီဒီယာရဲ့ အာရုံစိုက်ခြင်းခံလာကြရ တယ်။ ၁၉၈ဝ
ခုနှစ် အစောပိုင်း လောက်မှာတော့ ပြန်လည်ဆန်းသစ် လာတဲ့ ပန့်ခ်လှုပ်ရှားမှုဟာ
hardcore punk ယဉ်ကျေးမှုအဖြစ်နဲ့ တစ်ကျော့ ပြန်လာခဲ့ပါတယ်။
[ပြင်ဆင်ရန်​] ဖက်ရှင် (Fashion)
ပန့်ခ်တို့ ဝတ်စား ဆင်ယင်ပုံ

ပန့်ခ်တွေဟာ လူမှုရေးအရ လက်ခံနိုင်ဖွယ်ဖြစ်တဲ့ အပြုအမူ သဘောထားတွေကို
ကျူးလွန်ရန်စနိုင် ဖို့အတွက် အဝတ်အထည်၊ အသုံး အဆောင်ပစ္စည်းတွေ၊
ဆံပင်စတိုင်လ် တွေ၊ အလှပြင်ပစ္စည်းတွေ၊ ဆေးမင် ကြောင်ရုပ်တွေ၊
လက်ဝတ်ရတနာနဲ့ ကိုယ်ခန္ဓာပိုင်းအထူးပြုလုပ်ချက်တွေကို ပြဇာတ်ဆန်ဆန်
လွန်ကဲစွာ အသုံးပြု တတ်ကြပါတယ်။ အစောပိုင်း ပန့်ခ် ဖက်ရှင်မှာ
ရှိရင်းစွဲအရာဝတ္ထုတွေကို ရသဗေဒအကျိုးသက်ရောက်မှုအတွက်
ပြောင်းလဲအသုံးပြုခဲ့ကြတယ်။ နမူနာ အားဖြင့် စုတ်ပြဲနေတဲ့ အဝတ်အစား တွေကို
တွယ်ချိတ်တွေနဲ့ ချိတ်၊ တိတ် တွေနဲ့ ကပ်ပြီး ထိန်းထားတာ၊ သမား
ရိုးကျအဝတ်အထည်တွေကို မာကာပင်န် တွေနဲ့ ဒါမှမဟုတ် ဆေးရောင်တွေ ရေး
ခြယ်တန်ဆာဆင်တာ၊ တွယ်ချိတ်နဲ့ မုတ်ဆိတ်ရိတ်ဓားတွေကို လက်ဝတ် ရတနာအဖြစ်
ဆင်ယင်တာတွေပဲ ဖြစ် ပါတယ်။ သားရေထည်တွေ၊ ရာဘာနဲ့
ဗီနိုင်းပလပ်စတစ်ဝတ်စုံတွေဟာလည်း ရေပန်းစားခဲ့တယ်။ အဲဒီအတွက် အ
ကြောင်းရင်းတစ်ခုကတော့ လူအ များ စုကြီးက အဲဒီလို ဝတ်စုံတွေကို လုပ်ရိုး
လုပ်စဉ်မဟုတ်တဲ့ စံလွဲလိင် မှုရေးရာ အလေ့အကျင့်တွေနဲ့ တွဲ ဖက်ပြီး
ရှုမြင်တတ်ကြလို့ပဲဖြစ်ပါ တယ်။ ပန့်ခ် အများစုဟာ 'drainpipe'
ဂျင်းဘောင်းဘီ အ ကျပ်တွေ၊ သွေးပျက်ထိတ်လန့်စရာ ရုပ်ပုံတွေ ပါရှိတဲ့
တီရှပ်တွေ၊ များသော အားဖြင့် ပန့်ခ်ဝိုင်းတွေရဲ့ နာမည်စာလုံး ဒီဇိုင်းတွေ
ရေးဆွဲထားပြီး ကော်လာ အောက်နားတွေ၊ အိတ်ဖုံးတွေကို တွယ် ချိတ်တွေ၊
သတ္တုနှိပ်ကြယ်သီးတွေ ဆင် ယင်လို့ အင်္ကျီတစ်ထည်လုံး များပြား လှတဲ့
သံချွန်တွေ၊ သံမှိုတွေ ရိုက်နှက် တန်ဆာဆင်ထားတဲ့ သားရေဂျက်ကက် တွေနဲ့
Dr.Martens ဘွတ်ဖိနပ်တွေ၊ စကိတ်ရှုးတွေ၊ Converse ဖိနပ်တွေ
ဝတ်ဆင်တတ်ကြပါတယ်။

တချို့ပန့်ခ်တွေဟာ သူတို့ရဲ့ ဆံပင်တွေကို ဆူးချွန်တွေလို ထောင် ထ နေ
အောင် ပုံစံသွင်းပြီး၊ ခေါင်း အလယ်တည့်တည့်မှာ ဆံပင်ချန်လို့
ဘေးနှစ်ဘက်အပြောင်ရိတ်ထားတဲ့ မိုဟော့ခ်ဆံပင်စတိုင်လ် ဒါမှမဟုတ်
တခြားထူးဆန်းတဲ့ ဆံပင်ပုံစံတွေ ညှပ်၊ သဘာဝမကျတဲ့ အရောင်တောက် တောက်ပပတွေ
ဆိုးထားတတ်ကြတယ်။ ပန့်ခ်တွေဟာ သူတို့စိတ်ကြိုက် ဂျက် ကက်တွေကို
ရင်ထိုးတံဆိပ်တွေ၊ သူတို့ နှစ်သက်တဲ့ ပန့်ခ်ဂီတအဖွဲ့တွေ၊ ယုံကြည်
သက်ဝင်တဲ့ အတွေးအမြင်တွေကို ဖော် ကျူးထားတဲ့ စတစ်ကာရုပ်ပုံတွေ ဆင်
ယင်ပြီး၊ ပြင်ပကမ္ဘာကြီးကို သူတို့ ဘယ် လိုလူတွေလဲဆိုတာ တစွန်းတစ်စ ထုတ်
ဖော်ပြသတတ်ကြပါတယ်။ တစ်ခါ တ လေလည်း သူတို့ဟာ သံမဏိ ကြက် ခြေခတ်တံဆိပ်လို
လူတွေ ထိတ်လန့် ရှောင်ရှားကြတဲ့ သင်္ကေတအမှတ်အသား တွေကို ဝံ့ကြွားစွာ
ဆင်မြန်းတတ်ကြ တယ်။ အစောပိုင်း ပန့်ခ်တချို့ဟာ နာဇီ
စကြာတံဆိပ်ဖော်ပြထားတဲ့ အဝတ်အ စားတွေကို ခြောက်လှန့်နိုင်စွမ်း အတွက်
အခါအားလျော်စွာ ဝတ်ဆင်တတ်ကြ ပေမယ့် ဒီနေ့ခေတ် ပန့်ခ်အများစု က တော့
ပွင့်လင်းတဲ့ လူမျိုးရေး ဝါဒဆန့် ကျင်သူတွေဖြစ်ကြတဲ့အတွက် ကန့် လန့်ဖြတ်
အစင်းကြောင်းဆွဲခြစ်ထားတဲ့ နာဇီစကြာဆန့်ကျင်ရေး အမှတ်တံ ဆိပ်ကိုပဲ
ပိုပြီး ဝတ်ဆင်လေ့ရှိပါတယ်။

ကြောင်ကြောင်ကျားကျား အဆင်အကွက်တွေနဲ့ အသားကပ် ဘောင်းဘီရှည်၊
တီရှပ်လက်ပြတ်၊ စာတမ်းတွေ၊ ရုပ်ပုံတွေရေးဆွဲပြီး၊ သံမှို၊ သံချွန်တွေ
ပြွတ်သိပ်နေအောင် စီတန်း ရိုက်နှိပ်ထားတဲ့ သားရေဂျက်ကက်နဲ့
ကြိုးပေါက်ဆယ့်ရှစ်ပေါက်ပါတဲ့ တိုက်ပွဲ ဝင် ဘွတ်ဖိနပ်ရှည်တွေ ဝတ်ဆင်ပြီး
လမ်းပေါ်မှာ လျှောက်သွားနေတတ်တဲ့ ပန့်ခ်တွေနဲ့ ဆန့်ကျင်ဘက်အဖြစ်
အဝတ်အစားဖက်ရှင်ဆန့်ကျင်ရေးကို ဦးတည်တဲ့ ပန့်ခ်တချို့လည်း ရှိပါတယ်။
သူတို့က ဂီတနဲ့သာ ပန့်ခ်ကို ဖွင့်ဆိုရ မှာဖြစ်တယ်။ ဖက်ရှင်နဲ့
မဟုတ်ဘူးလို့ စောဒကတက်ကြတယ်။ အဲဒီအမြင်ကို hardcore punk ဂီတမှာ
အများဆုံး တွေ့နိုင်ပါတယ်။

ပန့်ခ်ရသဗေဒ ခံစားပုံဟာ ပန့်ခ်တွေနှစ်သက်တဲ့ အနုပညာ အမျိုး အစားကို
ပြဋ္ဌာန်းပေးပါတယ်။ ပန့်ခ် အနုပညာလက်ရာတွေဟာ များသော အားဖြင့်
မြေအောက်အနုပညာ ဆန် ပြီး၊ အနည်းဆုံးဝါဒ၊ အထွဋ်အမြတ် ထားတဲ့ အရာများကို
စော်ကားဖျက် ဆီးခြင်းနဲ့ သရော်လှောင်ပြောင်တဲ့ အ ငွေ့အသက်ပါရှိတဲ့
အာရုံခံစားမှုတွေ ပါဝင်တတ်တယ်။ Hardcore ဟာ မူ
လလက်ဟောင်းပန့်ခ်ယဉ်ကျေးမှုနဲ့ တန်းတူ ရေခံမြေခံကောင်းကြောင်း
သက်သေပြနိုင်ခဲ့ပြီး၊ ဂီတအဖွဲ့သစ်များ စွာကို ထွက်ပေါ်စေလာစေခဲ့ပါတယ်။
အဲဒီ ယဉ်ကျေးမှုပုံစံကွဲတွေဟာ နဂိုရှိ ခဲ့ပြီးတဲ့ ယဉ်ကျေးမှုပုံစံတွေနဲ့အတူ
ပန့်ခ် အလံတော်အောက်မှာ ရပ်တည်ခဲ့ကြ တယ်။

၁၉၈ဝ ခုနှစ်တွေက အမေ ရိကန်မြေအောက်ပန့်ခ်လှုပ်ရှားမှုဟာ ပန့်ခ်ဂီတကနေ
ဆင့်ကဲတိုးတက်ဖြစ်ပေါ် လာတဲ့ တခြားဂီတမြင်ကွင်းတွေကိုရော၊ ဒီဂီတရဲ့
စိတ်ဓာတ်နဲ့ ကိုယ်တိုင်လုပ်ယူ DIY အလေ့အထတွေကို လုံးဝ ကွဲပြားခြားနားတဲ့
ဂီတပုံစံတွေမှာ ထည့် သွင်းထားတဲ့ တခြားဂီတမျိုးကွဲတွေကိုပါ
ဖြစ်ပေါ်လာစေခဲ့ပြီး၊ ပန့်ခ်ဂီတရဲ့ အမွေ အနှစ်ကို
အော်လ်တာနေးတစ်ဗ်ရော့ခ်နဲ့ Indie ဂီတရပ်ဝန်းတွေမှာ ချန်ထား
နိုင်ခဲ့ပါတယ်။ အော်လ်တာနေးတစ်ဗ် ရော့ခ်ရဲ့ စီးပွားရေးအရ အောင်မြင်မှုဟာ
ပင်မရေစီးမီဒီယာတွေက pop punk လို့ခေါ်တဲ့ နောက်ထပ်စတိုင်လ်တစ်မျိုး ကိုပါ
လမ်းဖွင့်ပေးခဲ့တယ်။ ၁၉၉ဝ ခုနှစ် အစောပိုင်းနဲ့ အလယ်ပိုင်းတဝိုက်မှာ
အမေရိကားက လှုပ်ရှားမှုသစ်တစ်ခု သိသာထင်ရှားစွာ ထွက်ပေါ်လာခဲ့ပြီး
ပန့်ခ်ပြန်လည်ရှင်သန်မှုလို့ သတ်မှတ် ခြင်းခံခဲ့ရပါတယ်။
[ပြင်ဆင်ရန်​] ဂီတ (Music)
Crass ဂီတအဖွဲ့(၁၉၈၁)

ဂီတဟာ ပန့်ခ်ယဉ်ကျေးမှု ရဲ့ အရေးအပါဆုံး အစိတ်အပိုင်းတစ်ခု ဖြစ်ပါတယ်။
ပန့်ခ်ဂီတကို ပန့်ခ်ရော့ခ် လို့ခေါ်ပြီး တစ်ခါတ လေမှာတော့ ပန့်ခ် လို့ပဲ
အတိုကောက် ခေါ်လေ့ရှိတယ်။ ပန့်ခ် ရော့ခ်အများစုဟာ ရော့ခ်ဂီတအမျိုးအ
စားတွေထဲက ခြား နား သိ သာ တဲ့ စတိုင်လ်တစ်မျိုး ဖြစ် ပေမယ့် တစ်ခါတရံ မှာ
တချို့ပန့်ခ်ဂီတ သမားတွေဟာ တ ခြားဂီတမျိုးကွဲတွေ ဆီက အစိတ်အပိုင်းတွေနဲ့
ရောနှော ပေါင်းစပ်ပြီးလည်း ဖန်တီးတတ်ကြပါ တယ်။
ပန့်ခ်ယဉ်ကျေးမှုအုပ်စုကွဲတွေ ဟာ ကွဲပြားခြားနားတဲ့ ပန့်ခ်ရော့ခ်ဂီတ
ဟန်တွေက တစ်ဆင့်၊ တစ်ခုနဲ့ တစ်ခု ခွဲခြားထားကြတာဖြစ်တယ်။ ဒါပေမယ့်
ပန့်ခ်ဂီတစတိုင်လ်တိုင်းမှာတော့ ဆက် စပ်နေတဲ့ ယဉ်ကျေးမှုပုံစံတွေ ရှိကြတာ
မဟုတ်ပါဘူး။ ပန့်ခ် ရော့ခ်အများစုမှာ ရိုး ရှင်းတဲ့ ဖွဲ့စည်းတည်
ဆောက်ပုံတွေ၊ သီ ချင်းတိုတိုတွေနဲ့ ပန့်ခ်တွေ တန်ဖိုး ထားတဲ့ ယုံကြည်
ချက်၊ လူနေမှုပုံစံတွေ ကို ထင်ဟပ်ဖော် ကျူးတဲ့တေး စာသားတွေ ပါရှိတတ်
ပါတယ်။ များသောအားဖြင့် ပန့်ခ် ရော့ခ်ကို တစ်ကိုယ်တော်ဂီတ သမား
တွေအနေနဲ့ထက် တီးဝိုင်းအဖွဲ့တွေနဲ့ သာ တီးခတ်သီဆိုလေ့ရှိပါတယ်။
[ပြင်ဆင်ရန်​] အတွေးအခေါ် (Ideology)

ပန့်ခ်အတွေးအခ်ါဒဿန အမြင်ဟာ တသီးပုဂ္ဂလလူသားရဲ့ လွတ် လပ်ပိုင်ခွင့်နဲ့
တားမြစ်ကန့်သတ်မှု လျော့နည်းတဲ့ လူနေမှုဘဝပုံစံတွေနဲ့ အဓိကသက်ဆိုင်ပါတယ်။
ပန့်ခ်ကျင့်ဝတ် စည်းမျဉ်းတွေဟာ ပိုမိုကြီးမားတဲ့ လွတ် လပ်မှုရအောင်
ကြိုးပမ်းအားထုတ်ရာမှာ ကိုယ်တိုင်ရွေးချယ်မှုရဲ့ အခန်းကဏ္ဍကို
ထောက်ခံအားပေးတာဖြစ်တယ်။ ယေဘုယျပန့်ခ်ကျင့်ဝတ်စည်းကမ်းတွေ မှာ
ထုံးတမ်းစဉ်လာ လုပ်ရိုးလုပ်စဉ် တွေကို လုံးဝဥဿုံဆန့်ကျင်ပယ်ချခြင်း၊
ကိုယ်တိုင်လုပ်ယူရတဲ့ DIY (Do It Yourself) စိတ်ဓာတ်၊ နိုင်ငံရေး
ပြောင်းလဲမှုအတွက် တိုက်ရိုက်အရေးယူ ဆောင်ရွက်ခြင်းနဲ့ ကိုယ်ကျိုးစီးပွား
ရရှိရေးအတွက် ပင်မရေစီးကြောင်းက အာရုံစိုက်လာအောင် ကိုယ့်ကိုယ်ကိုယ်
ရောင်းမစားခြင်းဆိုတဲ့ အချက်တွေ ပါဝင်တတ်တယ်။

ပန့်ခ်နိုင်ငံရေးအမြင်တွေ ဟာ ထွေပြားစုံလင်တဲ့ နိုင်ငံရေးဒဿန
နယ်ပယ်တစ်ခုလုံးမှာ ဖြန့်ကျက်နေရာ ယူထားပေမယ့် များသောအားဖြင့် ပန့်ခ်
တွေဟာ သူတို့ကိုယ်သူတို့ တိုးတက်တဲ့ အမြင်ရှိတဲ့ လက်ဝဲသမားတွေဆိုပြီး
စာရင်းသွင်ထားခဲ့ ကြပါတယ်။ ပန့်ခ် တွေဟာ ဒေသတွင်း၊ နိုင်ငံတွင်းနဲ့ တစ်
ကမ္ဘာလုံးဆိုင်ရာ နိုင်ငံရေးဆန့်ကျင် ဆန္ဒပြပွဲတွေမှာ မ ကြာခဏ ပါဝင်
လေ့ရှိတယ်။ ယေဘု ယျအကျဆုံး ပန့်ခ်နိုင်ငံရေးအမြင် ရေ
စီးကြောင်းတချို့ကတော့ မင်းမဲ့ဝါဒ၊ ဗဟိုချုပ်ကိုင်မှုဆန့်ကျင်ရေး၊ စစ်ဆန့်
ကျင်ရေး၊ အရင်းရှင်စနစ် ဆန့်ကျင်ရေး၊ လူမျိုးခွဲခြားမှု ဆန့်ကျင်ရေး၊
လိင်ခွဲ ခြားမှုဆန့်ကျင်ရေး၊ အမျိုးသားရေး ဝါဒဆန့်ကျင်ရေး၊
ပတ်ဝန်းကျင်ထိန်း သိမ်းရေးဝါဒ၊ သားငါးနဲ့ နို့ထွက်ပစ္စည်း
ရှောင်ကြဉ်ရေးနဲ့ တိရိစ္ဆာန်အခွင့်အရေး တောင်းဆိုမှုတွေဖြစ်ကြပါတယ်။ ဒီ
ယဉ်ကျေးမှုမှာ ပါဝင်သူတချို့ဟာ လက် ယာယိမ်းဝါဒနဲ့ အထက်မှာ ဖော်ပြထား
တဲ့အတွေးအခေါ်တွေနဲ့ ဆန့်ကျင်ဘက် ဖြစ်တဲ့နိုင်ငံရေးအမြင်တွေကို စွဲကိုင်
ထားကြပေမယ့် အနည်းစုလောက်ပဲ ဖြစ် ပါတယ်။ ဒါ့အပြင် နာဇီအတွေးအခေါ် ကို
လက်ခံထွေးပိုက်ထားတဲ့ Blood and Honour တို့လို လူဖြူကြီးစိုးရေး
အစွန်းရောက်အဖွဲ့အစည်းတွေမှာ ပါဝင် တဲ့ ပန့်ခ်တချို့လည်း ရှိပါသေးတယ်။
အရေးပါတဲ့ ပန့်ခ်ဇင်းတချို့ကတော့ Maximum Rock N' Roll, Punk Planet နဲ့
Cometbus တို့ပဲ ဖြစ်ကြ ပါတယ်။ ပန့်ခ်အကြောင်းရေးသားထား တဲ့ ဝတ္ထုတွေ၊
ကိုယ်ရေးအတ္ထုပ္ပတ္တိတွေ နဲ့ ကောမစ်ရုပ်ပြစာအုပ်တွေ အတော်
များများရှိခဲ့ပြီး၊ အဲဒီထဲက Love and Rockets ဆိုတဲ့ ကောမစ်ရုပ်ပြစာအုပ်
မှာ လော့စ်အင်ဂျလိစ်ပန့်အသိုင်းအဝိုင်း အကြောင်း ဇာတ်ကွက်တွေ ပါဝင်ခဲ့
တယ်။

ပန့်ခ်ကဗျာဆရာတွေထဲက တချို့တဝက်ကို ဖော်ပြရမယ်ဆိုရင်ဲJim Carroll, Patti
Smith, John Cooper Clarke, Seething Wells နဲ့ Attila the Stockbroker
တို့ပဲ ဖြစ် ကြပါတယ်။ Medway Poets တင် ဆက်မှု အနုပညာအုပ်စုထဲမှာတော့
ပန့်ခ် ဂီတသမား Billy Childish ပါဝင် ခဲ့တယ်။ Jim Carroll ရဲ့ ကိုယ်တိုင်
ရေး အတ္ထုပ္ပတ္တိဆန်တဲ့ အရေးအသား တွေဟာ ပန့်ခ်စာပေပုံစံရဲ့ ပထမဆုံး
နမူနာတွေပဲဖြစ်တယ်။ နောက်ပြီး ပန့်ခ် ယဉ်ကျေးမှုဟာ Cyberpunk နဲ့
Streampunk တို့လို စာပေအမျိုးအစား ပုံစံသစ်တွေကိုလည်း သြဇာသက်ရောက်
လွှမ်းမိုးခဲ့ပါတယ်။
[ပြင်ဆင်ရန်​] ရုပ်ရှင် (Film)

ပန့်ခ်ရုပ်ရှုင်တွေ အတော် များများရှိခဲ့ပြီး၊ ပန့်ခ်ရော့ခ်ဂီတဗွီဒီယို
တွေနဲ့ ပန့်စကိတ်ဗွီဒီယိုတွေဟာ လူသိ အများဆုံးဖြစ်ပါတယ်။ မှတ်တမ်းတင်
ရိုက်ကူးနည်းဟာ ပန့်ခ်ရုပ်ရှင်ကားတွေ ရဲ့ အမှတ်အသားတစ်ခုပါပဲ။ နာမည်ကြီး
ဂီတဝိုင်းတော်တော်များများဟာ ရုပ်ရှင် ကားတွေမှာ ပါဝင်ခဲ့ကြတယ်။ ဥပမာ
Rock N' Roll Highschool ဇာတ်ကားမှာ Ramones အဖွဲ့၊ွှ့န Great Rock N'
Roll Swindle မှာ Sex Pistols အဖွဲ့သားတွေ ပါဝင် သရုပ်ဆောင်ခဲ့ကြပါတယ်။
လူသိများတဲ့ ပန့်ခ်တွေအ ကြောင်း ရိုက်ကူးထားတဲ့ အတ္ထုပ္ပတ္တိကားတွေလည်း
ရှိတယ်။ Sid and Nancy ဇာတ်ကားဟာ Sex Pistols အဖွဲ့သား Sid Vicious နဲ့
သူ့ ရည်းစား Nancy Spungen တို့ စုံ တွဲ အကြောင်းကို ရိုက်ကူး
ထားတာဖြစ်ပြီး၊ Sid အဖြစ် Chloe Webb တို့က သရုပ် ဆောင်ခဲ့ကြပါတယ်။

ပန့်ခ်တွေရဲ့ နဂိုမူရင်းရုပ်ရှင် တွေဟာ ဂီတသတင်းမှတ်တမ်းကား
တွေပဲဖြစ်ကြတယ်။ ဒီနေ့အချိန်ထိ ပန့်ခ် ဝိုင်းတစ်ခုချင်းစီအ ကြောင်း သ
တင်း မှတ် တမ်း ကား တွေ အ မြောက်အများ ရိုက်ကူး ခဲ့ပြီး၊ တစ်ခုကို ထုတ်ပြ
ရမယ်ဆိုရင် ပန့်ခ် ရုပ် ရှင်ဖန်တီးသူ Don Letts ရိုက်ကူးတဲ့ The Clash
မှတ်တမ်း ကား၊ Westway to the World ပဲဖြစ်တယ်။ လူသိများတဲ့ ပန့်ခ်ဂီတ
မှတ်တမ်းရုပ်ရှင်တစ်ခု ကတော့ Sex Pistols အဖွဲ့ ပေါ် ပေါက် လာပုံကို
အသေးစိတ်မှတ်တမ်းတင် ထားတဲ့ The Film and the Fury ပါပဲ။ အဲဒီ
ရုပ်ရှင်ကားထဲမှာ Sex Pistols အဖွဲ့သားတွေသာမက ဒီအဖွဲ့နဲ့
ဆက်နွယ်ပတ်သက်နေကြသူတွေဖြစ် တဲ့ Malcolm Mclaren, Vivienne Westwood,
Nancy Spungen တို့အပြင်၊ Billy Idol, Sting, Shane McGowan နဲ့
နောင်တစ်ချိန်မှာ Siouxie Sioux ဆိုပြီး လူသိများလာ မယ့်
ကောင်မလေးတစ်ယောက်ကိုပါ ထည့်သွင်းရိုက်ကူးခဲ့တယ်။ အဲဒီကား ထဲက
ပြကွက်တစ်ခုကတော့ ဒုတိယ မြောက်အဲလိစဘက်ဘုရင်မကြီး နန်း သက်စံ
နှစ်ဆယ့်ငါးနှစ်ပြည့် ငွေရတု သဘင်ကျင်းပနေတုန်း Sex Pistols အဖွဲ့က 'ွGod
Save the Queen' သီချင်းကို သိမ်းစ်မြစ်လယ်က ကုန် သင်္ဘောတစ်စင်းပေါ်မှာ
သီဆိုဖျော်ဖြေ ခဲ့ပုံနဲ့ အဲဒီနောက် ဖမ်းဆီးအရေးယူခြင်း
ခံခဲ့ရပုံပဲဖြစ်တယ်။

No Wave ရုပ်ရှင်လှုပ်ရှား မှုဟာလည်း ပန့်ခ်ရသဗေဒခံယူချက် တွေအပေါ်
အခြေခံခဲ့တယ်။ နာမည်ကြီး ပန့်ခ်ရုပ်ရှင်ဖန်တီးသူတွေကတော့ Derek Jarman
နဲ့ Don Letts တို့ပဲ ဖြစ်ကြပါတယ်။ ပန့်ခ်အကြောင်း ရိုက် ကူးထားတဲ့
ရုပ်ရှင်ကားတွေအများကြီး ထဲက 24 Hour Party People ကား မှာ
ပန့်ခ်ရော့ခ်ကနေ New Wave နဲ့ Madchester ဂီတမျိုးကွဲတွေအဖြစ်
ဆင့်ကဲပြောင်းလဲလာပုံကို တင်ဆက် ထားပြီး၊ွှ့မနအေ ဇာတ်ကားမှာတော့
နယူးယောက်ခ် hardcore ဂီတမြင် ကွင်းက စစ်သွေးကြွ Straight Edge
ပန့်ခ်တွေအကြောင်းကို ရိုက်ကူးတင်ပြ ထားပါတယ်။
[ပြင်ဆင်ရန်​] လူနေမှုစတိုင်လ် (Lifestyle)
1994-2004 အကြား အမေရိကနှင့် ဗြိတိန်တွင် ထုတ်ဝေသည့် ပန့်ခ်ဇင်းတချို့

အကြမ်းဖျဉ်းပြောရရင် ပန့်ခ် တွေဟာ အလုပ်သမားလူတန်းစားနဲ့
အောက်ခြေလူတန်းစားနောက်ခံက ဆင်း သက်လာကြသူတွေဖြစ်ပါတယ်။ တချို့
အခြေအနေမဲ့ ပန့်ခ်တွေဟာ ကျူးကျော် ဝင်ရောက်နေထိုင်ခြင်း၊ လိုက်လံတောင်း
ရမ်းခြင်းနဲ့ အမှိုက်ပုံက ရှာဖွေကောက် ယူခြင်းတွေနဲ့
အသက်ရှင်ရပ်တည်နိုင်ဖို့ ရုန်း ကန် ကြ ရ တယ်။ ပန့်ခ် အနုပညာလက်ရာ တွေကို
အယ်လ်ဘမ် မျက်နှာဖုံးတွေ၊ ဖျော်ဖြေ ပွဲ လက်ကမ်းကြော်ငြာ စာ ရွက် တွေ နဲ့
ပန့်ခ် မဂ္ဂဇင်းတွေ (Punk Zines လို့ခေါ်ပါတယ်) မှာ အဓိကတွေ့ရပါတယ်။
အများအားဖြင့် ရှင်းလင်း ပြတ်သားတဲ့ သတင်းပေးချက်တွေကို ခိုင်မာစွာ
ဖော်ပြလေ့ရှိတဲ့ ပန့်ခ် အနု ပညာဟာ တစ်ခါတရံမှာ လူမှုရေး တ
ရားမျှတမှုကင်းမဲ့ခြင်းနဲ့ စီးပွားရေး မ ညီမျှမှုတို့လို
နိုင်ငံရေးအကြောင်းအရာ တွေကိုလည်း တင်ပြ လေ့ရှိပါတယ်။ တုန် လှုပ်
ချောက်ခြားသွား အောင် ခြောက်လှန့် ဖို့နဲ့ ကြည့်ရှုသူကို စာ
နာစိတ်ဖြစ်ပေါ်လာ အောင် လှုံ့ဆော်ဖို့ အတွက် နာကျင်ခံစား နေရတဲ့
ပုံရိပ်တွေကို အသုံးပြုခြင်းကိုလည်း တွေ့ရပါတယ်။ အဲဒီ လိုပဲ ပန့်ခ်အနုပညာ
လက်ရာတွေမှာ တစ်ကိုယ်တော်ဆန် ခြင်း၊ မိုက်မဲမှုနဲ့ စိတ်ပါဝင်စားမှု ကင်း
မဲ့ခြင်းတွေကို ဖော်ကျူးတဲ့ ပုံရိပ်တွေ ပါဝင်တတ်ပြီး၊ ကြည့်ရှုသူကို
မထီမဲ့ မြင်စိတ်ဖြစ်ပေါ်လာအောင်လည်း နှိုး ဆွပေးတတ်ပါတယ်။ အစောပိုင်း
ပန့်ခ် လက်ရာအများစုဟာ မိတ္တူကူးဆိုင် တွေမှာ ကူးယူဖြန့်ချိတဲ့
ပန့်ခ်ဇင်းတွေ မှာပဲ ပါဝင်လေ့ရှိကြောင်း အဖြူအမည်း ပုံတွေ ဖြစ်ကြတယ်။
နောက်ပြီး ပန့်ခအနုပညာဟာ ပေါ့ပ်ပန်းချီဆရာ အင်ဒီ ဝါးဟိုးရဲ့ Factory
စတူဒီယိုက ဆက် ခံတဲ့ အစုလိုက်အပြုံလိုက် ထုတ်လုပ်မှု ရသဗေဒနည်းနာကိုလည်း
အသုံးပြုခဲ့ တယ်။ Crass အဖွဲ့က ဦးဆောင်တဲ့ Stencil Art
ပြန်လည်ရှင်သန်မှုမှာ လည်း ပန့်ခ်တွေဟာ တစ်တပ်တအား ပါဝင်ခဲ့ကြတယ်။
Situationists လို့ ခေါ်တဲ့ နိုင်ငံရေး ပြုပြင်ပြောင်းလဲမှုဝါဒီ တွေကလည်း
ပန့်ခ်အနုပညာ (အထူး သဖြင့် Sex Pistols အဖွဲ့) အပေါ် သြဇာလွှမ်းမိုးမှု
ရှိခဲ့ပါတယ်။ ပန့်ခ်အနုပ ညာလက်ရာ တွေမှာ Collage ဆိုတဲ့ ဖြတ်ညှပ်ကပ်
နည်းနာကိုလည်း မကြာ ခဏဆိုသလို အသုံးချတတ်ပါသေး တယ်။ အဲဒါကို Crass,
Jamine Reid နဲ့ Wiston Smith တို့ရဲ့ လက်ရာ တွေမှာ
အထင်အရှားတွေ့နိုင်ပါတယ်။ John Holmstrom ဟာ ပန့်ခ်ကာ
တွန်းဆရာတစ်ယောက်ဖြစ်ပြီး၊ The Ramones နဲ့ Punk Magazine အတွက် ပုံတွေ
ရေးဆွဲပေးခဲ့ တယ်။Stuck -ism အနုပ ညာလှုပ်ရှားမှု ဟာ လည်း ပန့်ခ်အနုပညာ
လှုပ်ရှားမှုဟာ လည်း ပန့်ခ် အနုပညာအ ပေါ် အခြေခံပြီး၊ ၂ဝဝ၄ ခုနှစ်
လီဗာပူးလ်မြို့ကWalker အနုပညာ ပြခန်းမှာ ကျင်းပခဲ့ တဲ့ သူတို့အုပ်စုရဲ့
ပထမဦးဆုံးပြပွဲကိုThe Stuckists Punk Victorian လို့ နာမည်ပေးခဲ့ တယ်။
အဲဒီအုပ်စုကို စတင်တည် ထောင်ခဲ့ကြသူတွေထဲက တစ်ယောက် ဖြစ်တCharles
Thomsonက ပန့်ခ် ကို သူ့ရဲ့ အနုပညာလမ်းကြောင်းမှာ အရေးအပါဆုံး
ထိုးဖောက်ဖြစ်ထွန်းလာ မှုတစ်ခုအဖြစ် သတ်မှတ်ခဲ့ပါတယ်။
[ပြင်ဆင်ရန်​] ကခုန်ခြင်း (Dance)

ပန့်ခ်ယဉ်ကျေးမှုဟာ များ ပြားတဲ့ ကခုန်မှုစတိုင်လ်တွေကိုလည်း
ဖြစ်ပေါ်တိုးတက်လာစေခဲ့တယ်။ အဲဒီ ထဲက တချို့စတိုင်လ်တွေဟာ ရုန်းရင်း
ဆန်ခတ်နိုင်ပြီး၊ ကြမ်းကြမ်းတမ်းတမ်း ဖြစ်ကြတာမို့
ပန့်ခ်ဖျော်ဖြေပွဲတွေကို အဓိကရုဏ်းအသေးစားတွေလို ဖြစ်လာ စေခဲ့ပါတယ်။
ပန့်ခ်ရော့ခ်နဲ့ အဓိက သက်ဆိုင်တဲ့ ကခုန်မှုစတိုင်လ်တွေက တော့ Pogo dancing
(တစ်နေရာ တည်းမှာ ရပ်ပြီး စည်းလွတ်ဝါးလွတ် ခုန်ပေါက်နေတဲ့
စတိုင်လ်တစ်မျိုးပါ) နဲ့ moshing (hardcore ဂီတသမားတွေရဲ့Slam dancing
နဲ့ ခပ်ဆင်ဆင် တူပါတယ်)တို့ ဖြစ်ကြပါ တယ်။ စတိတ်စင်မြင့်ပေါ်က
ဒိုင်ဗင်ထိုးချတာ နဲ့ လူအုပ် ပေါ်မှာ လှိုင်းစီးတာတွေကိုThe Stooges
တို့လို ရှေ့ ပြေးပန့်ခ် ဝိုင်းတွေက စတင် ခဲ့ပြီး၊ အခုအချိန်ထိ ပန့်ခ်
မက်တယ်လ်နဲ့ ရော့ခ်ဖျော် ဖြေပွဲတွေမှာ တွေ့မြင်နေရ ဆဲဖြစ်ပါတယ်။Ska punk
တွေကshanking လို့ ခေါ်တဲ့ အကစတိုင်လ်ကို ခေတ်နဲ့ လျော်ညီအောင်
ပြုပြင်ပြီး ပွဲထုတ်ခဲ့ကြတယ်။Hard -core dancing ကတော့ အဲဒီစတိုင်လ်
တွေအားလုံးရဲ့ သြဇာသက်ရောက်မှုနဲ့ နောက်ထပ် ဖြစ်ပေါ်တိုးတက်လာတဲ့
ကခုန်မှုစတိုင်လ်တစ်မျိုးဖြစ်ပါတယ်။


[ပြင်ဆင်ရန်​] စာပေအရေးအသား (Literature)
ပန့်ခ်ဆံပင်ပုံ

ပန့်ခ်ယဉ်ကျေးမှုဟာ ကဗျာ နဲ့ စကားပြေအရေးအသားပုံစံသစ်တွေ ကိုလည်း
ဖြစ်ထွန်းလာစေခဲ့တယ်။ ပန့်ခ် တွေဟာ သူတို့ကိုယ်ပိုင်ဖြစ်တဲ့ မြေ
အောက်ပုံနှိပ်ထုတ်ဝေရေးလုပ်ငန်းအဖြစ် သတင်းတွေ၊ ကောလဟာလတွေ၊
ယဉ်ကျေးမှုပိုင်းဆိုင်ရာ ဝေဖန်ချက်တွေနဲ့ အင်တာဗျူးတွေပါဝင်တဲ့
ပန့်ခ်ဇင်းတွေ ကို ထုတ်ဝေတတ်ကြပါတယ်။ အများ အားဖြင့် ပန့်ခ်တွေဟာ
အလယ်တန်း ကျောင်းသားဘဝရဲ့ အစောပိုင်းနှစ်တွေ မှာ ပန့်ခ်ယဉ်ကျေးမှုထဲကို
ဝင်ရောက် လာခဲ့ကြတာဖြစ်တယ်။ အများစုဟာ အဲဒီနောက်နှစ်အတန်ကြာတဲ့အထိ ပန့်ခ်
တွေအဖြစ် ဆက်လက်ရပ်တည်သွား ကြပြီး၊ တချို့တလေကတော့ သူတို့ရဲ့
ယုံကြည်သက်ဝင်မှုကို တစ်ဘဝလုံးစာ ရပ်တည်မှုအဖြစ် ခံယူသတ်မှတ်ခဲ့ကြ တယ်။
ပန့်ခ်လူဦးရေးရဲ့ ရာခိုင်နှုန်း အများဆုံးဟာ မြီးကောင်ပေါက်အရွယ်
တွေဖြစ်ကြပေမယ့် စိတ်ဓာတ်ရေးရာ အရ ပန့်ခ်ဖြစ်တဲ့အရွယ်ရောက်ပြီးသူ တွေလည်း
အများကြီးရှိပါတယ်။

ပန့်ခ်တွေဟာ လိင်ခွဲခြားရေး ဝါဒကို ပွင့်ပွင့်လင်းလင်း ရှုံ့ချပြစ်တင်
ကြပေမယ့် ပန့်ခ်ယဉ်ကျေးမှုဟာRiot Grrrl လှုပ်ရှားမှုကို ဖယ်ကြည့်ရင်
ယောက်ျားသားတွေ ကြီးစိုးတဲ့ ယဉ်ကျေး မှုတစ်ရပ်ပဲဖြစ်ပါတယ်။ ဒီယဉ်ကျေးမှု
အစပြုကတည်းက ပန့်ခ် အမျိုးသမီး တွေဟာ အရေးကြီးတဲ့ အခန်းကဏ္ဍ ကနေ
ပါဝင်ခဲ့ပေမယ့် ပြောရေးဆိုခွင့် အနည်းငယ်ပဲ ရရှိခဲ့သလို အများစုဟာ
ရှေ့တန်းမရောက်ခဲ့ကြဘူး။ ဘယ်လိုပဲ ဖြစ်ဖြစ် တခြားအစားထိုးယဉ်ကျေးမှု
တွေနဲ့ နှိုင်းစာရင် ပန့်ခ်တွေဟာ အတွေး အခေါ်အယူအဆပိုင်းအရ ပိုပြီး လိင်မှု
ရေးရာ သာတူညီမျှမှုရှိတယ်လို့ ဆိုနိုင် ပါတယ်။ ပန့်ခ်ယဉ်ကျေးမှုဟာ မူဝါဒ
အတိုင်းဆိုရင် လူမျိုးရေးဝါဒဆန့်ကျင်တဲ့ အမြင်ရှိတယ်လို့ ဆိုပေမယ့်
လူဖြူတွေ သာ အများဆုံးကြီးစိုးထားတဲ့ ဒါမှမဟုတ် လူဖြူတွေ
အများဆုံးနေထိုင်တဲ့ နိုင်ငံ တွေမှာ ထွန်းကားတဲ့ ယဉ်ကျေးမှုတစ်ခု
ဖြစ်နေပါတယ်။ ဒါပေမယ့် လူမည်းတွေ၊ လက်တင်အမေရိကန်တွေ၊ အာရှတိုက်
သားတွေဟာလည်း ပန့်ခ်ယဉ်ကျေးမှု ကို တိုးတက်ဖြစ်ထွန်းလာဖို့ အရေးပါတဲ့
အကြောင်းရင်းတစ်ခုဖြစ်ခဲ့ပါတယ်။

ဆေးလိပ်၊ အရက်နဲ့ မူးယစ် ဆေးဝါးရှောင်ကြဉ်တStraight Edge
လှုပ်ရှားမှုကလွဲရင် မူးယစ်ဆေးဝါးနဲ့ တခြားစိတ်ကို ပြောင်းလဲစေတတ်တဲ့
အရာဝတ္ထုတွေအလွဲသုံးခြင်းဟာ ပန့်ခ် ယဉ်ကျေးမှုရဲ့ တစ်စိတ်တစ်ပိုင်းလို ဖြစ်
နေတယ်။ အကြမ်းဖက်မှုတွေဟာလည်း တချို့အုပ်စုကွဲတွေ အထူးသဖြင့် Anarcho punk
လို့ခေါ်တဲ့ မင်းမဲ့ ဝါဒီပန့်ခ်တွေရဲ့ စစ်ဆန့်ကျင်ရေး လှုပ်ရှား မှုမှာ
ပါဝင်သူတွေက ဆန့်ကျင်နေကြ ပေမယ့် ပန့်ခ်ယဉ်ကျေးမှုထဲမှာ ဆက်
လက်တည်ရှိနေကြဆဲဖြစ်ပါတယ်။
[ပြင်ဆင်ရန်​] အသိုက်အဝန်း (Community)

ပန့်ခ်တွေဟာ ဒေသတွင်း အစုအဖွဲ့တွေအဖြစ်နဲ့ အနည်းဆုံး လူဦး ရေ ဒါဇင်ဝက်ကနေ
ထောင်ချီတဲ့ အရေအတွက်ထိ ရှိကြပါတယ်။ ပုံစံကျ ပန့်ခ်မြင်ကွင်းတစ်ခုမှာ
ဂီတအဖွဲ့တွေ၊ ပရိသတ်တွေ၊ ဂီတပွဲခန်းမတွေ၊ မှီခိုမှု ကင်းရှင်းတဲ့Indie
ဓာတ်ပြား လေဘယ်လ်တွေ၊ ပန့်ခ်ဇင်းထုတ်ဝေသူ တွေ၊ အမြင်ပိုင်းဆိုင်ရာ
အနုပညာရှင် တွေနဲ့ အဝတ်အစားဖန်တီးပြုလုပ်သူ တွေ ပါဝင်ကြတယ်။ ဒေသတွင်း
ပန့်ခ် မြင်ကွင်းတစ်ခုဟာ ယေဘုယျအားဖြင့် အခိုင်အမာယုံကြည်သူ
ပန့်ခ်အုပ်စုငယ် တစ်ခုကို ပိုပြီး လေးနက်မှုနည်းပါးတဲ့
အစွန်အဖျားပတ်သက်သူတွေက ဝန်းရံ ထားကြတာဖြစ်တယ်။ ကျူးကျော်ဝင်
ရောက်နေထိုင်ခြင်းဟာ တချို့ ပန့်ခ် အသိုက်အမြုံတွေအတွက် ခိုလှုံစရာနဲ့
တခြားလိုအပ်တဲ့ ထောက်ပံ့မှုတွေရရှိဖို့ အခန်းကဏ္ဍတစ်ခုအဖြစ် အရေးပါခဲ့ တယ်။
ပန့်ခ်ကျူးကျော်ရပ်ကွက်တွေနဲ့ အခြား ပန့်ခ်ဂေဟာတွေဟာ နယ်လှည့်
ဖျော်ဖြေရေးထွက်လာတဲ့ ဂီတအဖွဲ့တွေ တထောက်နားဖို့နေရာတွေဖြစ်လာခဲ့ တယ်။
ပန့်ခ်တွေ အုပ်စုလိုက် အတူ နေထိုင်ကြတဲ့ Dial House လို့
ပန့်ခ်စုပေါင်းစခန်းတွေလည်း ရှိတယ်။ အင် တာနက်ဆက်သွယ်မှုစနစ်ဟာ ပန့်ခ်
ယဉ်ကျေးမှုမှာ ကြီးမားတဲ့ အခန်းကဏ္ဍ က ပါဝင်လာခဲ့ပြီး၊On-Line လူ့
အဖွဲ့အစည်းတွေနဲ့ မှတ်တမ်းဖိုင်တွေ မျှဝေသုံးစွဲမှု ပရိုဂရမ်တွေကို
ပေါ်ထွန်း လာခဲ့စေပါတယ်။

ပန့်ခ်ယဉ်ကျေးမှုဟာ တစ်ခု နဲ့ တစ်ခု မတူခြားနားတဲ့ ပြုမူလုပ်
ဆောင်ချက်တွေ၊ ဂီတအမျိုးအစားတွေ နဲ့ ဝတ်ပုံစားပုံစတိုင်လ်တွေကတဆင့်
ခွဲခြားထားကြတဲ့ အုပ်စုကွဲ အမျိုးစုံ ပေါင်းစပ်ဖွဲ့စည်းထားတာ ဖြစ်ပါတယ်။
အဲဒီထဲက တချို့အုပ်စုကွဲတွေဟာ တစ်ခု နဲ့တစ်ခု အတိုက်အခံသဘောဆောင်ပြီး၊
တချို့အုပ်စုတွေဟာ ပန့်ခ်ယဉ်ကျေးမှု ရဲ့ အစိတ်အပိုင်းတစ်ခုဟုတ်တယ်၊
မဟုတ်ဘူးဆိုတာကိုလည်း ကြီးမားတဲ့ သဘောထားကွဲလွဲမှုတွေ ရှိနေခဲ့ပါတယ်။
ယေဘုယျအားဖြင့် ပန့်ခ်တစ်ဦး တစ် ယောက်ကို အခုဖော်ပြထားတဲ့ အုပ်စုခွဲ
တွေထဲက တစ်ခုခု ဒါမှမဟုတ် ဘာ တစ်ခုနဲ့မှ တိတိကျကျမဟုတ်ဘဲ အမှတ်
သညာပြုနိုင်ပါတယ်။ [1]--Mayor mt 10:24, 23 အောက်​တို​ဘာ​ 2009 (UTC)