ရာဇဝင်ကိုဖြတ်သန်းခြင်း ၁၇

by ဘို Bo on Saturday, July 2, 2011 at 2:21pm

လွတ်လပ်တဲ့အာရှအသံမှ
ခရီးယာယီများနေပါ၍ ယခုမှ တင်ဆက်နိုင်သည်ကို ခွင့်လွှတ်ကြပါကုန်။

ဘာသာပြန်စာပေတွေက ဖန်တီးတဲ့ ကမ္ဘာ့အမြင်

မင်္ဂလာပါခင်ဗျာ။ ကျနော် အခု ထိုင်းနိုင်ငံကို ခဏရောက်နေတဲ့အခါ စာအုပ်ဆိုင်တွေကို လှည့်ကြည့်ဖြစ်ပါတယ်။ ဘာသတိပြုမိလဲဆိုတော့ ထိုင်းနိုင်ငံမှာ တရုတ်နွယ်ဖွားတွေများပြားကြီးစိုးတဲ့အတွက် တရုတ်ဘာသာနဲ့ စာအုပ်စာတမ်းတွေအပြင် တရုတ်နိုင်ငံနဲ့ တရုတ်ခေါင်းဆောင်တွေအကြောင်း စာအုပ်တွေ၊ နောက် တခြား ကမ္ဘာ့နိုင်ငံစုံက နိုင်ငံရေး စာပေနဲ့ ယဉ်ကျေးမှု သိပ္ပံနယ်က လူကျော်လူတော်တွေအကြောင်း စာအုပ်တွေ ဘာသာပြန်ထားတာ တော်တော်စုံစုံတွေ့ရပါတယ်။


တရုတ်ကွန်မြူနစ်ခေါင်းဆောင်ဟောင်းတွေဖြစ်တဲ့ မော်စီတုန်း ချူအင်လိုင်းတို့အကြောင်းတွေလဲပါပါတယ်။ ဘာသွားသတိပြုမိလဲဆိုတော့ ကျနော်တို့ မြန်မာနိုင်ငံမှာ ၁၉၈၈ အရေးအခင်းနောက်ပိုင်းမှာ ဂလိုဘယ်လိုက်ဇေးရှင်းဆိုတဲ့ အနောက်နိုင်ငံတွေ ဗဟိုပြု နိုင်ငံရေး စီးပွားရေး အာဏာစက်ဖြန့်မှုအကြောင်း အာရုံစိုက်ပြန်တဲ့ စာအုပ်တွေကလွဲရင် ကမ္ဘာ့နိုင်ငံရေး လူမှုရေးနဲ့ပတ်သက်ပီး ပြန်ဆိုရေးသားတဲ့စာပေတွေ အတွေ့ရနဲလာ လူဖတ်နဲလာလို့ပါ။

အကျိုးဆက်ကတော့ ယနေ့ ၄၀ တန်းအောက် မြန်မာလူငယ်တွေဟာ ကမ္ဘာ့ရေးရာတွေနဲ့ ပတ်သက်ရင် တဖက်ထဲ နားဝင်သလို အနောက်အုပ်စု လက်ရှိခေါင်းဆောင်တွေလောက်ကလွဲရင် ခေတ်ဟောင်းခေတ်သစ် နေရာစုံက ကမ္ဘာလောကတွေနဲ့ အဆက်ပြတ်နေသလို ဖြစ်နေပါတယ်။ ဒီတော့ အာစီယန်နိုင်ငံတွေဖြစ်ပေါ်လာပုံနဲ့ သူတို့ရဲ့ နိုင်ငံရေးအရ ထူးခြားမှု၊ တရုတ်ပြည်ခေတ်မီ အင်အားကြီးလာပုံနောက်ခံ၊ စစ်အေးခေတ်နဲ့ ကိုလိုနီအင်ပါယာများဘဝ အနောက်နိုင်ငံတွေအကြောင်း စတဲ့ သိနိုးရာရာ ကမ္ဘာ့အခင်းအကျင်းတွေကို မျက်ခြေပြတ်ကုန်ပါတယ်။ အကျိုးဆက်ကတော့ မြန်မာ့နိုင်ငံရေးနဲ့ ကမ္ဘာ့နိုင်ငံရေးအခင်းအကျင်းဆက်နွယ်နေပုံကို သတိမမူမိကြတော့တာပါ။

ဒါကြောင့် ဒုတိယကမ္ဘာစစ်ကြီးမဖြစ်ခင်က နိုင်ငံရေးအတွေးအခေါ် နဲ့ ကမ္ဘာ့အမြင် အင်မတန်ခေတ်နောက်ကျတဲ့ မြန်မာစာဖတ်ပရိသတ်ကို မျက်စိဖွင့်ပေးခဲ့တဲ့ စာအုပ်အသင်းကြီးတခုနဲ့ သူ့ရဲ့သြဇာ ကျေးဇူးတွေကို သတိရလာပါတယ်။ အတော်များများမှတ်မိကြမယ့် နဂါးနီအသင်းပါပဲ။
တကယ်က မြန်မာစာပေမှာ ပြည်ပနိုင်ငံတွေရဲ့ သမိုင်းနဲ့ နိုင်ငံရေးစာပေတွေကို ပြန်ဆိုထုတ်ဝေတာ ၂၀ ရာစုဦးကထဲကပါ။ ၁၉၀၇ က ထုတ်တဲ့ တူရကီရာဇဝင်၊ ၁၉၂၀-၃၀ ကျော်မှာ မြင်းခြံက ဝတ်လုံတော်ရ ဦးနီပြန်ဆိုတဲ့ နိုင်ငံအုပ်ချုပ်ရေးကျမ်း၊ ပန်းတနော်ဦးသန့်ရဲ့ ကမ္ဘာ့မြို့တော်ကြီးများစတဲ့ စာအုပ်တွေနဲ့အတူ စာနယ်ဇင်းတွေမှာလဲ ၁၉ ရာစုမှာ အစောဆုံးပေါ်တဲ့ မော်လမြိုင် ရန်ကုန်က မြန်မာသတင်းစာတွေခေတ်ကထဲက ကမ္ဘာ့သတင်းတွေ ဖြစ်ရပ်သုတတွေ ထဲ့သွင်းတဲ့အလေ့ရှိပါတယ်။ ဦးရွှေကြူးရဲ့ မြန်မာ့အလင်းခေတ်ကနေ သူရိယ၊ ဒဂုန်၊ ကြီးပွားရေးစတဲ့ စာနယ်ဇင်းများမှာလဲ ကမ္ဘာ့ရေးရာတွေ သိပ္ပံအနုပညာကဏ္ဍတွေ ဝေဝေဆာဆာပါပါတယ်။ ဒါပေမဲ့ နိုင်ငံရေးဝါဒတွေ ဖြစ်ရပ်တွေကို အကျယ်တဝင့် အများအစားတင်သွင်းပီး စစ်ပီးခေတ်ထိ သြဇာညောင်းတာကတော့ နဂါးနီခေတ်မှာပါ။

၁၉၃၇ မှာ တည်ထောင်တဲ့ နဂါးနီအသင်းကြီးကနေ ကမ္ဘာ့ရေးရာ မြန်မာ့ရေးရာ စာပေ သမိုင်းတွေကို ဘာသာပြန်ဆို ပြုစုထုတ်ဝေပေးခဲ့တာ ၁၉၄၁ ကမ္ဘာစစ်မီး မြန်မာပြည်ကို ကူးလာတဲ့အထိပါပဲ။ တည်ထောင်သူက လွတ်လပ်ပီးစမှာ ဝန်ကြီးချုပ်အဖြစ် ၁၉၆၂ ထိ တာဝန်ယူခဲ့တဲ့ သခင်နုဖြစ်ပီး အဲဒိခေတ်မှာပဲ အင်မတန် လူကြိုက်များတဲ့ ဗမာ့ခေတ်သတင်းစာကို တည်ထောင်သွားတဲ့ ဦးအုန်းခင်လဲ ပါပါတယ်။ စစ်ပီးခေတ် နာမည်ကျော် ကွန်မြူနစ်ခေါင်းဆောင်တွေဖြစ်လာတဲ့ သခင်စိုး၊ သခင်သန်းထွန်း၊ သခင်ဗဟိန်းတို့လဲ နဂါးနီရဲ့ လက်ရွေးစင်စာရေးဆရာတွေဖြစ်လာပါတယ်။

နဂါးနီက တရုတ်၊ ဖိလစ်ပိုင်စတဲ့ အိမ်နီးချင်းနိုင်ငံတွေက လွတ်မြောက်ရေး နယ်ချဲ့ဆန့်ကျင်ရေးခေါင်းဆောင် ဆွန်ယက်ဆင်၊ ဟိုဆေးရီဇော်စသူတို့ရဲ့ စာပေတွေအပြင် ဖက်ဆစ်၊ ကွန်မြူနစ်၊ အိုင်ယာလန်အကြမ်းဖက်မျိုးချစ်ဝါဒစသဖြင့် အယူအဆမျိုးစုံကို မြန်မာပြည် တင်သွင်းလာတာပါ။ အပိတ်ခံရတဲ့စာအုပ်တွေရှိသလို နဂါးနီထုတ် ဂျပန်သူလျှိုစာအုပ်ကြောင့် ဘာသာပြန်သူ လက်ပံတန်းဦးဘတင် စစ်တွင်းဂျပန်ခေတ်မှာ ဖက်ဆစ်လက်ချက်နဲ့ သေတဲ့အထိဖြစ်ခဲ့ပါတယ်။

နဂါးနီထုတ်စာအုပ်တွေထဲမှာ ဖေဘီယန်ဦးဘခိုင်ရဲ့ မြန်မာပြည်နိုင်ငံရေးရာဇဝင်၊ တိုးတက်ရေးဦးထွန်းသန်းရဲ့ နိုင်ငံရေးရှင်းတမ်းတို့လို အနီးခေတ်သမိုင်းကို မျှတတဲ့နိုင်ငံရေးအကဲဖြတ်အမြင်နဲ့ ရေးတဲ့သမိုင်းတွေအပြင် သခင်နုရဲ့ ဂန္ဓာလရာဇ်၊ သိန်းဖေရဲ့ သပိတ်မှောက်ကျောင်းသားတို့လို နိုင်ငံရေးမှတ်တမ်းတင်စာပေတွေလဲ ပါပါတယ်။ သခင်ဗဟိန်းရဲ့ အရင်းရှင်လောက၊ သခင်နုရဲ့ လူပေါ်လူဇော်လုပ်နည်း၊ ဒေါက်တာလှရွှေရဲ့ ဇနီးမောင်နှံရာသက်ပန်၊ အိုင်းရစ်အရေးတော်ပုံ၊ ပဲရစ်အရေးတော်ပုံစတဲ့ အနှစ် ၄-၅၀ ကျော် ရှာဖွေဖတ်ရှုနေရတဲ့ ဘာသာပြန်စာအုပ်တွေကို ထုတ်ခဲ့တာပါ။

စစ်တွင်းနဲ့ စစ်ပီးခေတ်မှာ မြန်မာပြည်မှာ လက်ဝဲနိုင်ငံရေး ဘယ်လောက်အင်အားကြီးခဲ့တယ်၊ ခုထိ မြန်မာနိုင်ငံရေးမှာ တော်လှန်ရေးစိတ်ဓာတ်ခိုင်မာအမြစ်တွယ်တယ်ဆိုတာတွေဟာ တကယ်တော့ နဂါးနီရဲ့ သြဇာတွေပါ။

စစ်ပီးခေတ်မှာ တိုင်းပြည်တည်ထောင်ရေးအတွက် ဝန်ကြီးချုပ်ဦးနုမတည်ခဲ့တဲ့ ဘာသာပြန်စာပေအသင်းနဲ့ စာပေဗိမာန်လုပ်ငန်းတွေ၊ လက်ဝဲလက်ယာစာပေသမားတွေရဲ့ စာအုပ်လုပ်ငန်းတွေဟာ နဂါးနီရဲ့ စာပေနဲ့ နိုင်ငံရေးအမြင်ကို လူထုကြား သြဇာညောင်းအောင်လုပ်တဲ့လမ်းကို လျှောက်ခဲ့ကြတာပါ။

သူတို့တင်ပြတဲ့ နိုင်ငံရေးနဲ့ သမိုင်းအမြင်တွေက လူထုအကြား ဘယ်လောက်ပေါက်ရောက်တယ်ဆိုတာတော့ နောက်တပတ်ဆက်ပါ့မယ်။