ငှက်ကလေး၊ ခရုငယ်နဲ့ Ginkgo tree

Nine Nine Sanay @ နိုင်းနိုင်းစနေ's photo.

အင်္ဂလန်နိုင်ငံရဲ့မြို့တော်လန်ဒန်မြို့အနောက်ပိုင်းက စီးပွားရေးဖွံ့ဖြိုးမှုမြန်တဲ့ ဒေသတစ်ခုဖြစ်တယ်။ "အင်္ဂလန်ရဲ့ကယ်ရီဖိုးနီးယား"လို့ တင်စားခံရတဲ့နေရာဖြစ်တယ်။ အဲဒီဒေသမှာ စတုရန်းမိုင် ၃ဝဝ ကျယ်ဝန်းတဲ့ မြေလွတ်တစ်နေရာရှိတယ်။ အဲဒီနေရာက လူနေအိမ်လိုအပ်ချက်မြင့်မားတဲ့နေရာဖြစ် တာကြောင့် နေအိမ်တိုက်တာတိုးချဲ့ရေးကုမ္ပဏီအများက အဲဒီနေရာကို မျက်စိကျနေကြတယ်။
ဒါကြောင့် လန်ဒန်အစိုးရဆီမှာ နေအိမ်ဆောက်လုပ်ဖို့ လျှောက်လွှာတင်ကြတယ်။ မြို့နေ နေရာထိုင်ခင်းဖိအားကိုလျော့ချတဲ့အနေနဲ့ နယ်ခံအစိုးရက အဲဒီမြေကွက်လပ်မှာ အိမ်ခန်း၂သောင်းဆောက်လုပ်ခွင့်ပေးလိုက်တယ်။

ဒါပေမယ့် ဆောက်လုပ်ရေးကုမ္ပဏီတွေ လုပ်ငန်းစခါနီး ရှေ့ရက်အနည်းငယ်အလိုမှာ အပြောင်းအလဲတစ်ခုဖြစ်သွားခဲ့တယ်။ လန်ဒန်အစိုးရက နေအိမ်ဆောက်လုပ်ရေးစီမံကိန်းကို ပယ်ဖျက်ကြောင့် ရုတ်တရက်ကြေညာလိုက်တယ်။ ရုတ်တရက်ဖြစ်လာတဲ့အပြောင်းအလဲမို့ ဆောက်လုပ်ရေးကုမ္ပဏီတွေ ဒေါသဖြစ်ကုန်ကြတယ်။ ပယ်ဖျက်ရတဲ့အကျိုးအကြောင်းကိုပြောဖို့ သူတို့တောင်းဆိုကြတယ်။ အစိုးရရဲ့ဖြေရှင်းချက်က "အဲဒီနေရာမှာ ဆင်းသက်နားနေတဲ့ငှက်ကလေးတွေကို ငါတို့လေးစားသင့်တယ်"ဆိုတာပဲဖြစ်တယ်။
ဖြစ်ပုံက နယ်ခံအစိုးရဟာ အဆောက်အဦးမဆောက်လုပ်ခင် အဲဒီပတ်ဝန်းကျင်ကိုစစ်ဆေးနေစဉ်မှာ အဲဒီနေရာမှာဟယ်သာပင် (Heather tree)နဲ့ တခြားအပင်တွေ အများအပြားပေါက်ရောက်ပြီး မိုးစွေငှက်နဲ့ မြေလူးငှက်စတဲ့ငှက်မျိုးများစွာက အဲဒီနေရာမှာအသိုက်လုပ်ပြီး နေထိုင်ကြတာကိုတွေ့ခဲ့ကြတယ်။ ငှက်ကလေးတွေနေထိုင်တဲ့ပတ်ဝန်းကျင်ကို မဖျက်ဆီးချင်တာကြောင့် အစိုးရက နေအိမ်ဆောက်လုပ်ခွင့်စီမံကိန်းကို ဖျက်သိမ်းလိုက်တာဖြစ်ပါတယ်။
အင်္ဂလန်ငှက်ကလေးတွေလို အလေးစားခံရတဲ့ နယူးဇီလန်ခရုငယ်တွေရှိသေးတယ်။ Solid ကုမ္ပဏီက နယူးဇီလန်ရဲ့စွမ်းအင်ထုတ်လုပ်ရေး ကုမ္ပဏီတစ်ခုဖြစ်တယ်။ ကုမ္ပဏီဟာ နယူးဇီလန်တောင်ကျွန်း(South Island)မှာရှိတဲ့ Stocktonကျောက်မီးသွေးတွင်းမှာ ကျောက်မီးသွေးတွေတူးနေခဲ့တယ်။ တစ်နေ့မှာ ကျောက်မီးသွေးတူးနေရင်း ရှားပါးခရုတစ်မျိုးကို မတော်တဆတွေ့လိုက်မိတယ်။ တူးဖော်ရေးလုပ်သားတွေဟာ အလုပ်ကိုချက်ချင်းရပ်ပြီး အဲဒီကိစ္စကို ကုမ္ပဏီဆီတင်ပြခဲ့ကြတယ်။ ကုမ္ပဏီက သတင်းရရချင်း အရေးပေါ်အစည်းအဝေးကို ချက်ချင်းပြုလုပ်ခဲ့တယ်။ နောက်ဆုံးဆုံးဖြတ်ချက်က အဲဒီဒေသတစ်ဝိုက်မှာ အလုပ်ရပ်နားလိုက်ဖို့ဖြစ်တယ်။ ခရုငယ်တွေရဲ့နေထိုင်ရေးကို အနှောင့်အယှက်မပေးချင်တာကြောင့် Solid ကုမ္ပဏီဟာ ခရုငယ်ရှိတဲ့နေရာကိုကွေ့ရှောင်ပြီး နောက်တစ်နေရာမှာ ကျောက်မီးသွေးတူးဖော်ခဲ့ကြတယ်။ အဲဒီကိစ္စနဲ့ အလုပ်ချိန် ၁၉လကြန့်ကြာခဲ့သလို အရင်းအနှီးလည်း ပိုကုန်ကျခဲ့ရတယ်။
လူအများက ခရုငယ်တချို့နဲ့ Solid ကုမ္ပဏီဒီလောက်အဆုံးရှုံးခံတာ မတန်ဘူးလို့ဆိုကြတယ်။ Solid ကုမ္ပဏီရဲ့တုန့်ပြန်ချက်က ဆုံးရှုံးမှုဘယ်လောက်ကြီးကြီး အဲဒီနေရာမှာနေထိုင်တဲ့ခရုငယ်တွေကိုတော့ မဆုံးရှုံးချင်ဘူး။ သူတို့က အဲဒီနေရာမှာ နဂိုကတည်းက နေထိုင်နေလို့ဖြစ်တယ်လို့ ဆိုခဲ့တယ်။
သိပ်မကြာခင်ကပဲ ကိုးရီးယားမြို့တော် ဆိုးလ်မြို့မှာလည်း အစိုးရက ဝမ်၎ဘီလီယံငွေကြေးထောက်ပံ့ပြီး မြို့ထဲကအဆောက်အဦးကြီးနှစ်ခုကို ဖြိုဖျက်ခဲ့တယ်။ ဒီအဆောက်အဦးနှစ်ခုက လူနေမှုထူထပ်တဲ့မြို့ထဲမှာရှိပြီး အိမ်ထောင်စုထောင်ပေါင်းဆံ့တဲ့ အဆောက်အဦးဖြစ်တယ်။ ဒါပေမယ့် နေအိမ်ပြည်သူတွေရဲ့သဘောတူညီမှုကို ရရှိပြီးတဲ့နောက်မှာ အဲဒီအဆောက်အဦးကိုဖြိုဖျက်ခဲ့ကြတယ်။ အကြောင်းက အဲဒီအဆောက်အဦးအုတ်မြစ်ချထားတဲ့နေရာက Ginkgoသစ်ပင်တစ်ပင်ရဲ့အမြစ်ရှင်သန်မှုကို အဟန့်အတားဖြစ်စေလို့ဖြစ်တယ်။ အဲဒီသစ်ပင်ဟာ အဲဒီနေရာမှာ နှစ်ပေါင်း၈၄ဝကြာ ပေါက်ရောက်နေခဲ့လို့ဖြစ်တယ်။ သူတို့ရဲ့စကားအရပြောရရင် အဆောက်အဦးကိုဖြိုပြီး တခြားနေရာမှာ ထပ်ဆောက်လို့ရနိုင်တယ်။ ဒါပေမယ့် ဒီသစ်ပင်အိုက တစ်သက်မှာတစ်ခါပဲရှင်သန်နိုင်တယ်ဆိုတာပဲဖြစ်တယ်။
ကျွန်တော်တို့က တစ်ခါမှ ငှက်ကလေးတစ်သိုက်၊ ခရုငယ်တချို့နဲ့ သစ်ပင်အိုတစ်ပင်ရဲ့ရှင်သန်မှုကို ကျွန်တော်တို့ရဲ့ရှင်သန်မှုနဲ့ မနှိုင်းယှဉ်ခဲ့ဖူးကြဘူး။ မလေးစားခဲ့ဖူးဘူး။ ဘဝမှာ ကျွန်တော်တို့လူသားတွေဟာ ဆိုးသွမ်းတဲ့ကလေးတစ်ယောက်လို "တခြားလူ"ကို အပြစ်ရှာ၊ မျက်နှာပြောင်တိုက်၊ တခြားလူရဲ့အသက်ကိုထိခိုက်နဲ့ နောက်ဆုံးမှာ အဲဒီလို အသိမဲ့တဲ့ကျူးလွန်စော်ကားမှုတွေက ကျွန်တော်တို့ကိုယ်တိုင်ကိုလည်း ဒဏ်ရာတွေအထပ်ထပ်ဖြစ်စေခဲ့ပါတယ်။
မူရင်း-- ၂ဝဝ၇ခုနှစ် အမှတ်စဉ် ၁၇ Readers မဂ္ဂဇင်းမှ
မူရင်းရေးသားသူ -- Huang Xing Wang(黄兴旺)
နိုင်းနိုင်းစနေ (April.8.2014)